Indholdsfortegnelse for 5-Aug-16 i Landbouweekblad

Die wynbedryf bewys dat dit veel meer finansiële sin maak om die roete na die mark te beheer as primêre produksie, skryf die wynkenner Michael Fridjhon. Grondbesit was nog nooit maklik nie omdat dit onder meer kapitaal, lenings, gespesialiseerde boerderykennis en gewillige verkopers vereis. Weinig Joodse immigrante wat teen die einde van die 19de eeu in Suid-Afrika aangekom het, het die soort vaardighede en kapitaal gehad om boere te word. ’n Hele paar het egter ondernemings in die drank- en kleinhandelbedryf begin. Dit sluit die Solly Kramers, Benny Goldbergs, Norman Goodfellows, Rebel, Aroma, Drop Inn en Liquorama in. Mettertyd het hulle heelwat beter gevaar as die meeste boere. Dit is duidelik dat grondbesit nie die enigste manier is om beheer van die kos- en drankbedryf te verkry nie. Inteendeel, die…

ARTIKELS & RUBRIEKE ■ Nuwe benadering nodig vir roofdiere ■ Mielieboere pak wildboerdery berekend aan ■ Slim sakesin gee deurslag vir nuwe varkboer ■ Plan: Vuurvegters gee gemoedsrus GESIN ■ Theuns Stofberg: ‘Nie net nog ’n rugbyboek nie’ SPESIAAL ■ Swartland, Suiwel SITRUS Nawelsspeelnoutweedevioolteensagtesitrus,watwêreldmarkteop holhet. DitkangrootlikstoegeskryfwordaandiekultivarNadorcott. Kopersisbereidommeervirdiégeriefskostebetaalenproduksieneem vinnigtoe. BenewensgevestigdeuitvoermarkteinEuropa,wordmarkte inAmerika,KanadaendieVerre-Oosteontwikkel.…

WILDBOERDERY kan eersdaags deur die Departement van Landbou, Bosbou en Visserye oorgeneem word nadat Minister Senzeni Zokwana op 10 Julie onverwags ’n lys van 12 wildsoorte as landras in die Staatskoerant afgekondig het. Gevolglik kan wildtelersgenootskappe, soortgelyk aan die telersgenootskappe van bees- en skaaprasse, nou op die been gebring word vir swartwildebees, blouduiker, blouwildebees, bontebok, gemsbok, rooibok, oorbietjie, rooihartbees, bastergemsbok, swartwitpens, springbok en tsessebe. Dit kom nadat ene mnr. Peter Knite — iemand wat glad nie in die wildbedryf bekend is nie — ingevolge die Wet op Diereverbetering (Wet 62 van 1998) daarom aansoek gedoen het. Hy het ook by die registrateur van dié wet aansoek gedoen om ’n registrasieliggaam soortgelyk aan SA Stamboek te registreer. Volgens dr. Peter Oberem, adjunkvoorsitter van die wildbedryfsliggaam die WRSA, heet dié liggaam die…

LANDBOUSAKELUI is meer optimisties oor vooruitsigte vir omset en netto bedryfsinkomste, maar in die algemeen steeds pessimisties oor saketoestande in die land. Die landbousakekamer Agbiz se sakevertroue-indeks vir die tweede kwartaal van vanjaar het met altesame 4 indekspunte tot 47 verbeter. ’n Punt laer as 50 beteken daar is steeds ’n inkrimping in sakebedrywighede, het mnr. Wandile Sihlobo, hoof van ekonomiese en landbousake-inligting by Agbiz, gesê. Dit is die vyfde agtereenvolgende kwartaal dat die indeks laer as 50 punte is. Sihlobo sê die beter opvattings oor omset en bedryfsinkomste kan aan die hoër pryse van landbouprodukte toegeskryf word, asook voordele wat die swakker rand vir uitvoerders kan inhou. Vertroue oor algemene landboutoestande het met 6 indekspunte tot 23 verbeter. Sihlobo sê in die vorige kwartaal was daar kommer dat ryp…

SUID-AFRIKA se algehele groei in landbouproduksie verbloem kommerwekkende produksiedalings in ’n paar sleutelbedrywe. Volgens prof. Ferdi Meyer, die direkteur van die Buro vir Voedsel-en Landboubeleid (BFAP), het produksie in van die land se hoof-landboubedrywe die afgelope vier jaar nie genoegsaam gegroei nie. Die algehele gemiddelde produksiegroei was die afgelope vier jaar 7,6%. “Daar is ruimte vir verdere groei en alle rolspelers moet aandag daaraan skenk om die fynere besonderhede wat moontlik dié groei kan kortwiek, uit te stryk. Hulle kan, byvoorbeeld, die Regering aanmoedig om maatreëls te verbeter om die potensiaal wat sommige bedrywe inhou, verder te kan ontgin,” het hy gesê. Boonop het die meeste groei volgens Meyer in kleiner bedrywe plaasgevind. Kanola, sagtevrugte en sojabone het van 2011 tot verlede jaar met tussen 5,5% en 6% gegroei, maar…

Die SA Reserwebank se monetêre beleidskomitee het ná sy vergadering op 21 Julie aangekondig dat rentekoerse onveranderd gehou gaan word. Die besluit is geneem ten spyte daarvan dat die Reserwebank verwag inflasie gaan volgende jaar naby aan 6,6% draai (teenoor die huidige inflasiekoers van 6,3%) en dat voedselinflasie ’n boonste draaipunt van sowat 12% kan bereik. Dit is heelwat bokant die teikenband van 3-6%, wat die mandaat van die Reserwebank is, en wat gebruik word om rentekoerse te rig. Die rede vir die stap is dat die Reserwebank nou erken dat hy ’n ekonomiese groeikoers van 0 vir vanjaar verwag. Vroeër vanjaar was die Reserwebank nog optimisties dat die land se ekonomie positief sal groei. Daar is ekonome wat meen Suid-Afrika is in ’n ekonomiese resessie met ’n negatiewe groeikoers…

Hommeltuie kan plaagdoders akkurater toedien en só koste bespaar en vergiftigingsrisiko’s vir mense en diere naby landerye en boorde verlaag. Mnr. Aleszu Bajak skryf op undark.org, ’n Amerikaanse aanlynwetenskaptydskrif, dat navorsers aan die Massachusettsinstituut van Tegnologie (MIT) ’n stelsel ontwikkel het wat gemeganiseerde hommeltuie en sagteware optimiseer sodat insekdoders meer presies toegedien word Mnr. Noel Elman, voorheen ’n navorser by MIT en stigter van GearJump Technologies, en ’n groep studente van MIT se stelsel integreer satellietbeelde van Google Earth met ’n pasgemaakte rekenaarprogram. Deur omgewingstoestande, soos wind en temperatuur, in ag te neem, kan hul program bereken wat die doeltreffendste plek is vir die hommeltuig om klein “ladings” plaagdoders af te gooi. Die sagteware bereken die doeltreffendste geoutomatiseerde vlugplan om die plaagdoders toe te dien. Elman sê pleks van om…

Vir onkruiddoders om behoorlik te werk en onkruid in so ’n kort tyd as moontlik morsdood te maak, moet dit eers deur plante opgeneem word. Onkruiddoders wat toegedien word ná gewasse opgekom het, soos glifosaat, glufosinaat en parakwat, word veral deur blare opgeneem. Dié wat toegedien word voor gewasse opkom, soos atrasien en terbutielasien, word egter hoofsaaklik deur plantwortels opgeneem. Mesotrioon-onkruiddoder word deur blare én wortels opgeneem. Die wateroplosbaarheid van na-opkomsonkruiddoders wat direk op plantblare toegedien word, is oor die algemeen hoog. Die wateroplosbaarheid van glifosaat in suiwer molekulêre vorm by ’n temperatuur van 25 °C is 15 700 mg/l by pH 7, en 11 600 mg/l by pH 2,5. Die isopropielamiensout van glifosaat se wateroplosbaarheid is 900 000 mg/l by pH 7 (25 °C) en 786 000 mg/l by…

MNR. GREG MILES IS JY ’N YWERIGE DEELNEMER AAN SOSIALE MEDIA? Ja, ek het ’n kursus aan die Universiteit van Kaapstad voltooi en doen ook werk vir maatskappye om hul produkte op die internet te bemark. Sosiale media is ’n uitstekende bemarkingshulpmiddel. WAT IS DIE JONGSTE TEGNOLOGIE WAT JY AANGESKAF HET? ’n Hommeltuig. Dit is ’n wonderlike hulpmiddel op die plaas. Ek gebruik dit onder meer om te kyk hoe vol die damme op die plaas is. In plaas van 45 minute met die voertuig kan ek dit binne 8 minute bepaal. Ek span dit ook vir veediefstal in. Net nadat ek dit gekry het, kon ek ’n beeld vaslê waar my buurman se plaasaanvallers in hegtenis geneem word.…

KNALDEMPER Prys wissel SAG OP JAGGEWEER SE KROON Met die Gryphon-knaldemper, wat ontwerp is deur mnr. Bernie Sharp, ’n afgetrede lugmagvlieënier, sal die kroon van die jaggeweer se loop nie beskadig word nie. Die verskil tussen die meeste knaldempers wat op die Sweedse Hartika-beginsel geskoei is en hierdie een, lê in die wyse waarop die gas van die agterste kamer deur die knaldemper herlei word en die feit dat dit net een smoorplaat het. As ’n mens in ag neem dat ’n patroon met ’n kruitlading van 50 grein naastenby 16 liter gas teen 4 400 Bar teen ’n verbrandingstemperatuur van 3 000 ˚C vrystel, besef jy watter skade dit aan die loop se kroon kan aanrig as die gas vanaf die smoorplate terugspring soos met gewone knaldempers. Voorlopige toetse…

Rytuigbouers van Europa en Noord-Amerika moes met ’n paar bruikbare houtsoorte tevrede wees. Boonop was geeneen daarvan besonder hard, duursaam of taai nie. Suid-Afrikaanse woude het egter ’n rykdom van hout met elke denkbare eienskap. Prof. G.L.F. Hartwig, wat hoogleraar in houttegnologie aan die Universiteit Stellenbosch was, het ’n deeglike studie gemaak van die hout wat vir waens gebruik is. Hy noem meer as twintig Kaapse houte wat gereeld gebruik is. Baie is alternatiewe, maar ’n kieskeurige wamaker sou maklik tien verskillende houte vir sy waonderdele kies. WAMAKERY TREK AGTER HOUT AAN Die omvang van die waboubedryf was groter as wat mense besef. Voor 1900 was daar al meer as 10 000 waens op plaaslike paaie en daar was toe al dosyne fabrieke wat tot ’n wa per dag kon…

Prynnsberg lê in die hartjie van die Oos-Vrystaat, naby Clocolan, waar die winters baie koud is en die vlaktes vroegoggend spierwit onder die ryp lê. Hierdie bees-en-wildplaas met sy egte sandsteenkasteel gryp jou verbeelding aan. Jy wil ontsnap uit sy greep, maar kom nie los nie. Hy kom met baie fabels, vertellings en verhale met stertjies. Of alles die waarheid is, sal net mnr. Charles en mev. Elizabeth Newberry, wat hulle in 1880 op Prynnsberg gevestig het, self weet. Charles, ’n diamantmagnaat uit Kimberley, het die plaas by mnr. William Prynn gekoop en die indrukwekkende kasteel gebou. Die koppie waarop die plaas staan, was ook bekend as Prynnsberg en die Newberry’s het die naam net so oorgeneem. Net die beste is uit Engeland laat kom om die kasteel te meubileer.…

Elke boer in Suid-Afrika het seker al daaroor gedink: Kan ’n boorgat regtig tot ’n mens se redding kom in ’n verlammende droogtestryd? As ’n mens jou sommetjies rakende die koste van die boorwerk, pomp, motor en toevoergereedskap maak, kan jy voel dit is die laaste uitgawe wat jy kan bekostig. Jy kan egter ook besluit dit is ’n noodsaaklike belegging. Hoe ook al, dit bly jou besluit. Die onderstaande faktore kan jou besluit beïnvloed. LIGGING Is jou plaas bo ’n moontlike en gesonde waterbron geleë of het jou bure boorgate? Indien wel, wat is die volume water wat die boorgat lewer en hoe lank is die boorgat(e) al in gebruik? Is die waterdruk konstant of het dit drasties verminder? Dit is die beste om aanvanklik ’n betroubare geoloog te…

KUNSMISVERBRUIK in Suid-Afrika het die afgelope somer met sowat 10% gedaal. Mnr. Adam Mostert, hoof- uitvoerende beampte van die kunsmisbedryfsliggaam Fertasa, sê dié syfer is afgelei van geskatte waardes wat verlede jaar en vanjaar ingesamel is. Boonop beteken die afgelope week se wydverspreide reën oor die land ook nie dat kunsmisaankope in die komende jaar vanselfsprekend sal styg nie. “Daar is wel meer optimisme onder die land se boere. Fertasa verwag dat meer aanplantings vanjaar gedoen sal word. Ek voorsien egter nie hoë aankope van kunsmis vanjaar nie omdat daar nog kunsmis van die vorige produksiejaar oorgestaan het – hetsy in boere se skure of in die grond,” sê Mostert. Die Verenigde Nasies se Voedsel- en Landbou-organisasie (VLO) sê in sy jongste verslag dat kunsmisverbruik wêreldwyd met 1,8% per jaar…

3% Dít is hoeveel van die aarde se oppervlak vir gewasverbouing beskikbaar is. Daarop moet teen 2050 vir ’n geraamde 9 miljard mense kos verbou word, asook dierevoer en grondstowwe vir hernubare energieproduksie, sê dr. Helmut Schramm, besturende direkteur van Bayer CropScience in Duitsland. Hy het gepraat op die wêreldkongres vir landboujoernaliste in Bonn, Duitsland. – Nico van Burick 10% Die aantal landbou-, jag-, bosbou-, en vissery-ondernemings wat vanaf Januarie tot Junie vanjaar gelikwideer is. Nege van dié likwidasies was vrywillig. Altesame 929 maatskappye is in die eerste ses maande van vanjaar gelikwideer — ’n daling van 6,5%. Die meeste likwidasies was in finansies en sakedienste (368), gevolg deur handel, spyseniering en verblyf (213). – StatsSA 7 261 925 Soveel ton mielies is die afgelope somer geoes, volgens die sewende…

‘Ons stel eenvoudig nie genoeg staatsveeartse aan nie.’ MNR. ANTON VAN RENSBURG, uitvoerende hoof van Assign Trading. — Bl. 16 ‘Die regulasies waarborg dus nie dat Suid-Afrika CEM-vry is nie, en op die ou end is dit eintlik die goeie ouens, wat hulle perde wil laat registreer, wat met die sweep geslaan word.’ ME. EZELLE MARAIS, president van die Kaapse Boerperdtelersgenootskap. — Bl. 18 ‘Die kanolabedryf is ’n ware suksesstorie vir Suid-Afrika en iets waarop die bedryf baie trots kan wees’ PROF. FERDI MEYER, direkteur van die Buro vir Voedsel en Landbou-beleid (BFAP). — Bl. 23 ‘Ek dink ons was effens konserwatief en selfs bang toe ons die skatting gemaak het.’ MNR. BRUNO EGGERS, landboukundige raadgewer by UCL Suikermeule. — Bl. 22 ‘Dit wat ons gewen het as gevolg van…

WENBRIEF Mediaberigte in sommige koerante blyk baie eensydig en ten gunste van die Departement van Wetenskap en Tegnologie te wees. Daar is nog ’n kant van die storie wat baie rampspoediger is vir die gemeenskappe in die gebied. Toe die SKA beplan is, het die Minister van Wetenskap en Tegnologie werk aan die plaaslike gemeenskappe belowe en ook dat die Carnarvonlughawe se aanloopbaan geteer sal word. Natuurlik het die gemeenskap van die idee gehou. Daar is nooit genoem dat plase onteien gaan word nie. Wat egter nou gaan gebeur, gaan verreikende gevolge hê. Die plaaslike gemeenskap is afhanklik van die boere, en omgekeerd. Gaan besoek gerus die webwerf http://savethekaroo.com/ska-ruins-karoo en kyk hoe die hele projek ’n nadelige uitwerking op die gebied kan hê. Die departement het ook ’n wet goedgekeur…

DIEFSTAL STEEK STOKKIE VOOR MIELIEPROEWE Daar was niks oor om te stroop teen die tyd toe die Argent-navorsingsgroep se 35 hektaar proefmielies by Delmas gestroop moes word nie. M. KRUGER skryf: En natuurlik betaal die versekering ook nie uit nie. Die probleem in dié hoogs gevorderde land met die beste grondwet ter wêreld is dat misdadigers geen vrees vir die polisie en tronke het nie. Dit is nie ’n probleem waarmee net die boere sit nie. Besighede sit daarmee. Huiseienaars sit daarmee. Wit, swart en bruin sit daarmee. Miskien het dit tyd geword dat ál die partye bymekaarkom en deur ’n massa-optog druk op die Regering plaas om die wette te wysig om minder beskerming aan politici en hul kriminele vriende te gee. Die verskoning word ook gebruik dat tronke…

HOEWEL daar nou, ná strooptyd, genoeg wit mielies in Suid-Afrika beskikbaar is, kan tekorte later in die jaar ernstig raak, waarsku Global Risk Management (GRM), ’n Amerikaanse konsultantediens vir die graanbedryf. Die GRM glo Suid-Afrika sal hoogs afhanklik wees van wit mielies wat van September af in Noord-Amerika geoes word, maar waarsku dat goedkeuring vir sekere geneties gemodifiseerde (GM) mielies invoer kan verhoed. Sekere stapelgeenkombinasies in die VSA is nie in Suid-Afrika goedgekeur nie. “Om die goedkeuringsproses aan te help, het ’n span van die Amerikaanse graanraad Suid-Afrikaanse regeringsamptenare in Mei ontmoet, maar daar is nog geen verandering in die wetlike posisie nie.” Sowat 72% van die Amerikaanse witmielie-oes vir hierdie seisoen sal GM kultivars wees. ‘. . . dit is onseker waar die 1,1 miljoen ton wit mielies vandaan…

ONTEIENINGSWET | Parlement moet verduidelik Pres. Jacob Zuma het me. Baleka Mbete, speaker van die Nasionale Vergadering (NV), en me. Thandi Modise, voorsitter van die Nasionale Raad vir Provinsies (NRP), klarigheid gevra oor prosedures wat die Parlement vir die goedkeuring van die Onteieningswetsontwerp gevolg het. Dit kom nadat verskeie organisasies en individue petisies aan die President gestuur het om weens grondwetlike aspekte nie die wetgewing te bekragtig nie. Die Kabinet het dit onlangs by monde van mnr. Jeff Radebe, Minister in die Presidensie, dit duidelik gemaak dat die Parlement se goedkeuring van die onteieningswetsontwerp regsekerheid aan die staat bied om voort te gaan met die inwerkingstelling van die land se program van radikale maatskaplik ekonomiese transformasie om die grondkwessie op te los. Die Presidensie sê petisies wat pres. Zuma ontvang…

DIE droogte het Suid-Afrika se beesbedryf 3 miljoen koeie gekos, volgens mnr. Koos van der Ryst, voorsitter van nasionale Rooivleisprodusente-organisasie (RPO). “Ons het 20% tot 25% van Suid-Afrika se nasionale kudde doodgemaak om die droogte te oorleef,” het hy op die onlangse kongres van Limpopo se RPO op Modimolle gesê. Van der Ryst sê boere sal nou weer die nasionale kudde moet opbou en kan beter pryse verwag vir diere wat hulle bemark. Nuwe regulasies wat die invoer van vee uit die buiteland bemoeilik, sal ook in plaaslike produsente se guns tel. Hy maan egter dat dié regulasies niks met markbeskerming te doen het nie, en boere moet dit ook nie so sien nie. “Dit gaan oor dieregesondheid. Ons moet onsself beskerm teen diere uit lande, soos Zimbabwe, waar bek-en-klouseer…

1 KENIA | Organies ‘net so winsgewend’ ’n Langtermynstudie in Kenia se Thika- en Chuka-distrik het bevind dat organiese mielieboerdery soortgelyke opbrengste aan konvensionele mielieboerdery kan lewer. Die studie is in 2007 deur die Switserse Research Institute of Organic Agriculture van stapel gestuur. Volgens dr. Noah Adamtey, die projekkoördineerder, is die koste vir produksiemiddele heelwat laer by organiese boerdery, wat saam met hoër markpryse vir organiese mielies ’n vergelykbare inkomste vir organiese boere as konvensionele kommersiële boere bring. Parallelle studies van die instituut in Indië en Bolivia in onderskeidelik katoen- en koffieboerdery het soortgelyke resultate gelewer. – Standard Media 2 ZAMBIË | Wêreldboere op besoek In ’n groep van 20 boere uit nege lande wat onlangs ’n feitesending na Zambië onderneem het, was 6 Nieu-Seelandse boere. Die sending is onder…

DIE kanolabedryf was die afgelope vier jaar die land se toppresteerder wat produksie betref. “Die kanolabedryf is ’n ware suksesstorie vir Suid-Afrika en iets waarop die bedryf trots kan wees,” sê prof. Ferdi Meyer, direkteur van die Buro vir Voedselen Landbou-beleid (BFAP). Volgens die BFAP het die produksie in die bedryf sedert 2011 op ’n jaargrondslag met gemiddeld 6% gestyg. Meyer sê kanola is besig om aansienlik veld in die wintergraanproduksiegebiede te wen danksy die bydrae van meer volhoubare wisselboustelsels, waar die gewas met onder meer koring, gars en kuilvoergewasse geroteer word. “Dié wisselboustelsels is doeltreffend vir die opbrengste van die ander gewasse en is die hoof-aansporing vir kanolaproduksie in veral die Suid-Kaap,” sê Meyer. HOËR INKOMSTE Meyer sê volgens data uit die Overberg-produksiestreek het die kanolaboere tussen 2010 en…

DIE makadamiabedryf se winsgewendheid lei daartoe dat boere hul aanplantings van sitrus, suikerriet en selfs sekere houtsoorte met makadamianeute vervang. Beleggers en produsente moet egter verseker dat verbouing op die beste grond en in die mees gunstige klimaatstreke uitgebrei word. Beleggers wat met wysheid in die beste hulpbronne belê en skaalekonomie in ag neem, sal in die toekoms die marksiklusse en produksie-uitdagings van die makadamiabedryf oorleef. UITDAGINGS Die makadamiabedryf is ’n jong bedryf met unieke probleme. Insekdoders. Produksienavorsing om geskikte insekdoders te identifiseer en riglyne vir minimum vlakke van residu te handhaaf, is nie voldoende nie. Ter wille van voedselveiligheid moet produkte gebruik word wat geskik is vir gebruik by makadamianeute. Die bedryf se grootte beperk die beskikbaarheid van finansiering vir navorsing, vermoëns en die ontwikkeling van geskikte middels om…

As iemand sterf, moet dié persoon se boedel by die Meester van die Hooggeregshof aangemeld word. Dit is gewoonlik die eksekuteur wat in die testament benoem is se werk om die boedel aan te meld en aansoek te doen om as eksekuteur aangestel te word. Die Meester reik dan ’n eksekuteursbrief uit. Die familie moet die testament lees om te sien wie die eksekuteur is en hy/sy moet gekontak word. As daar nie ’n testament is nie en dus ook nie ’n eksekuteur nie, moet die naaste familielid die boedel by die Meester aanmeld. Die Meester sal dan self ’n eksekuteur aanwys. ’n Boedel moet binne 14 dae by die Meester aangemeld word deur die aangewese eksekuteur of die naaste familielede. As ’n mens nie weet wat om te doen…

MNR. JOHAN MÜLLER WATTER TEGNOLOGIE IS ONONTBEERLIK? Beslis my selfoon en rekenaar. Ek gebruik Pastel as boekhouprogram en vir BTWdoeleindes, Excel vir my balansstaat en Google Earth vir ’n hele paar funksies: Ek meet afstande as ek water wil aanlê of heiningmateriaal aankoop, kan hoogte bo seespieël bepaal om te sien of water van punt A na punt B sal vloei en bepaal die helling van elke kamp en gee dit deur aan die vlieënier wat moet spuit. WAT IS DIE BESTE RAAD WAT JY AL ONTVANG HET? Moenie oorkapitaliseer nie. Koop net werktuie en toerusting waarsonder jy nie kan klaarkom nie. Hoe meer geld jy in ’n radius van 50 m om jou huis bestee, hoe groter is die lap op jou broek! WAT IS JOU GROOTSTE LANDBOUFOUT? Om…

MNR. HENDRIK O’NEILL WAT IS DIE GROOTSTE FOUT WAT JULLE NOG GEMAAK HET? Om die waarde van ultrahoëdrukbeweiding te onderskat. WAT IS DIE BESTE RAAD WAT JY NOG ONTVANG HET? Om eenvoudig te boer en nie in ’n siklus van fabrieksboerdery, met groot insette, groot skuld, groot omset en bitter min werksbevrediging, vasgevang te word nie. WATTER TEGNOLOGIE BESKOU JY AS ONONTBEERLIK OP DIE PLAAS? ’n Maklik verskuifbare elektriese heining. WIE IS JOU MENTOR EN WAAROM? Daar is baie: Mnre. Boetie O’Neill (my broer), Allan Savory, Chris Henggeler, Percy Sharp, Johann Zietsman en baie ander mense wat wêreldwyd op ’n meer natuurlike manier probeer boer. WATTER RAAD HET JY VIR JONG BOERE? Maak jou werkers jou vertrouelinge. Leer hul taal en wys hulle hoe die boerdery se finansies werk. Vertrou…

Roto Tank van Pretoria het ’n allemintige tenk met ’n inhoudsmaat van 40 000 liter. Dit word hoofsaaklik gebruik vir die opberging van chemikalieë en vloeibare kunsmis en is volgens mnre. André Marais (links, sel 079 758 0589) en Wesley Bemelman (regs, sel 071 689 4216) die grootste tenk in die Suidelike Halfrond. Die gewig daarvan wissel van 750 kg tot 1,2 ton. Dit kos R62 700. Dié bosvreter van Scanwood Solutions van Pretoria bestry bosindringing. Van die plantsoorte wat nie teen die bosvreter bestand is nie, is rosyntjiebos, gwharriebos en sandgeelhout. Die kragbron is ’n Yamaha-motor van 4 kW. Prys: R31 350. Navrae: Mnr. James Pitout, sel 082 376 2582. E-pos: www.scanwood.co.za. Prestige-besproeiing van Bloemfontein vervaardig nou die Sonskyn-spilpuntstelsel met sonpaneelaandrywing. Die stelsel benut 24 V DC met noodbatterye…

Dit was voor daar krag op die plaas was. Net lampe, kerse, koolstoof en ’n donkie (’n 44 gallon-drom wat met vuur verhit word om warm water te verskaf). Die enigste “luuksheid” was die paraffien-yskas, wat maar baie gelol het. Buite, onder die groot bloekomboom, was die safe. Dit was iets wat soos ’n voëltjiehok gelyk het, met dubbel-ogiesdraad met antrasietstukke tussen-in. Bo-op was die watersak wat ’n mens gereeld moes tiep sodat die water oor die kante loop. So het die safe koel gebly wanneer die wind daaroor waai en daarin kon ouma haar pekelvleis, botter, karringmelk en brawn koel hou. Op slagdag was ’n tollie, vark en ’n skaap of twee geslag. Dié diere is die vorige dag afgeslag en dan in die skuur gehang om af te…

Geen boer kan die hele dag by sy rekenaar wees nie, maar die meeste boere het gewoonlik hul fone die hele dag by hulle. Daarom het Willburg ’n toepassing vir selfone en tablette ontwikkel. “Dit stel boere in staat om altyd toegang tot die materiaal op hul veldkameras te hê en met ’n kennisgewing deur die toepassing ingelig te word wanneer die kameras verdagte bewegings optel,” sê Willburg se eienaars. Die Willburg-toepassing kan op enige slimfoon (Android en IOS) of tablet afgelaai word. Dit is tot 89% goedkoper as MMS-metodes. Dit werk op enige netwerk, soos Vodacom of MTN, en benodig slegs 2G- of EDGE- opvangsterkte. Sterker antennas kan opgerig word op plase met baie swak opvangs. Die toepassing sowel as die toegang tot die webwerf waar die foto’s gehou…

Deur Anina Roux & Samantha McKendrick © xword@xword.co.za Geborg deur: Voltooi die rooster sodat elke ry dwars, elke kolom af en elke 3 x 3 kassie die nommers 1 tot 9 bevat. Dis al wat jy moet doen. Geen wiskunde is nodig nie. Die rooster is vol syfers, maar niks hoef bymekaargetel te word nie. Jy los die raaisel met logika en beredenering op. Lees meer by http://en.wikipedia.org/wik/Sudoku Oplossing Nr. 30 Skakel gerus vir Wilhelm Grutter +27 (83) 457 9372 | E-pos: wg@silobags.com | Web: www.silobags.com Jan Dreyer: Sel. +27 (83) 279 3211…

DIE prys van tamaties het in die afgelope week verstewig nadat dit twee weke gelede verlangsaam het. Die prys het verlangsaam omdat daar ’n taamlike groot aanbod was, sê mnr. Deon van Zyl van die RSAgroep. Hy sê daar is egter nou minder tamaties op die mark en boere kry beter pryse vir hul produk. Hy sê die wisselvalligheid is normaal. “Teen die einde van die maand is daar ’n groter vraag omdat talle mense salarisse kry en hul maandelikse kruideniersware gaan koop. Dit ondersteun die prys.” Boonop is tamaties vatbaar vir wisselende temperature. As dit warm is, word die tamaties vinniger ryp en dan is daar skielik baie tamaties op die mark. Koue het weer die teenoorgestelde uitwerking. In September – met die wisseling van die seisoen – word…

DIEvolgendeontledingvan grondverkopeinSuid-Afrikahandeloordiegrondtransaksiesvirstukke grondgroteras20hain dieWes-KaapvanafJunie 2015totMei2016. Altesame499ooreenkomsteisin29distriktegesluiten254315haisteen R3,894miljardverhandel. Daarvanwas30transaksiesmetmensevan kleur.Transaksiesvankleur isdiétussenindividuewat niewitisnie,regeringsaankopeengrondwatvir munisipalegebiedebekom is.Indiéprosesis10741 ha(of4,2%)teenR523 miljoen(13,4%vandie waarde)verhandel.Drie transaksieswasvirdie koopvanlandbougrond,11 virdorpsontwikkelingen 16kanasprivateverkope geklassifiseerword. Altesame166(33%) vandietransaksieswasvir grondkleineras50ha,126 (25%)virgrondvan50ha tot150haen152(30%)vir grondgroteras300ha. Intienvandiedistrikte hetdieprysegedaal.Daarvanwasslegstweeindie Karoo.Oorwegendwys diesyfersop‘nstygende neigingindieprovinsie. Statistieke vir ál die provinsies is op Landbou.com beskikbaar, asook meer besonderhede, soos wie die transaksies aangegaan het. Klik op Plaasverkope.…

DERBY / BORAN / R100 000 Die hoogste pryse op die produksieveiling van die Boran-stoetery Fonteine op Derby was R100 000 wat vir die bul FN 12 457 (op die foto) en R100 000 wat vir die vers FN 13 392 betaal is. Ál die diere wat op die elfde produksieveiling van Fonteine Borans aangebied is, is verkoop. Die kopers was mnre. Rohan Meinjies (bul) van Rant en Dal en Deon Stegman (vers) van Cradock. Tien bulle het gemiddeld R31 700 stuk behaal, terwyl twaalf koeie teen gemiddeld R22 833 stuk verkoop is en 29 verse teen gemiddeld R20 931 stuk. Kopers van oor die hele land en Namibië het die veiling bygewoon. Die veiling is deur SHM Afslaers aangebied en die afslaer was mnr. Johan van der Nest. ERMELO…

Die Brauvieh-beestelersgenootskap ondervind ’n lewendige belangstelling in die aanbod op die komende nasionale veiling wat op 5 Oktober by GWK se veilingskompleks in Kimberley aangebied word. Mnr. Gawie Naudé van Barkly-Oos, een van die land se voorste telers van dié ras, sê sowat 50 stoetdiere is tot dusver vir die veiling ingeskryf. Volgens hom is die grootste konsentrasie van Braunvieh in die Vrystaat en Noordwes. Aangesien dele rondom Kimberley en Boshof goeie reënval gehad het, sal die vraag na bulle ook na verwagting toeneem. Hy sê die vraag na bulle sal ook met die aanbreek van die somer en goeie neerslae toeneem, teenoor die effens trae neiging van die afgelope droogte. Die gemiddelde prys vir bulle op die nasionale veilings is tans sowat R33 000 stuk. Volgens Naudé begin die…

KONGRESSE 24 AUGUSTUS: Israeli Agriseminaar. Umhlanga. Voorafbespreking noodsaaklik. Charmaine Hirshowitz. E-pos: Charmaine. Hirshowitz@israeltrade.gov.il. 7 SEPTEMBER: TLUSA, algemene jaarkongres.Tema:Kommersiële landbou–diesleuteltotstabiliteit. WNNR-konferensiesentrum,Pretoria. LynneKaiser,tel.0128048031. E-pos:media@tlu.co.za. KURSUSSE 4 AUGUSTUS: Microsoft: Die gebruik vir bestuur. Benoni. Peter Milton, sel 083 630 8868. 10 AUGUSTUS: Ooi/lam. Kroonstad. Peter Milton, sel 083 630 8868. 11 AUGUSTUS: Skaapvoerkraal. Kroonstad. Peter Milton, sel 083 630 8868. 12 AUGUSTUS: Stoetteling. Kroonstad. Peter Milton, sel 083 630 8868. 15 AUGUSTUS: Hittewaarneming, kunsmatige inseminasie, dragtigheidsondersoek. Kroonstad. Peter Milton, sel 083 630 8868. 16–19 AUGUSTUS: Inleidende kursus in vleisbeesbestuur. LNR, Irene. Annetjie Loubser, tel. 012 672 9153. E-pos: aloubser@arc.agric.za. 5-8 SEPTEMBER: Dorperkursus. TheVale,Beaufort-Wes. Bespreekteen15Augustus.Riaan leRoux,sel0603838866,083 5037839.E-pos:kranskop@hantamco.za. 5–9 SEPTEMBER: Inleidende kursus in kleinveebestuur. LNR, Irene. Annetjie Loubser, tel. 012 672 9153. E-pos: aloubser@arc.agric.za. 8-9 SEPTEMBER: Fynproewersampioenverbouing, klein skaal. Kaapstad. (Alternatiewelik via rekenaargesteunde onderrig.) Dr.…

AUGUSTUS PRETORIA 5–9, (Streek, Gauteng: SA Boerperd). Petro Grové, sel 082 551 3221. BREDASDORP 20-21, Megapark-binnenshuise plesier, Ryperdskou. Mariska Marais, sel 072 535 8158. E-pos: megaequestraincentre@gmail.com. PRETORIA 24-28, Jakarandaskou. Pretoria. Beeste: Pinzgauer, PinZ2yl, Dexter, Simmentaler, Brahman, Afrikaner, Limousin, Braunvieh; perde: Arabier, Walliese Ponie, Miniatuurperd, Nooitgedachter, Fries, Appaloosa; pluimvee, sierduif; konyn, haas; Boerboel. Hester Ingamells, sel 082 691 3019, tel. 012 327 0371. SEPTEMBER MIDDELBURG 2-4, Hartland-landbouskou. Pienaardam, Middelburg. Karkaskompetisie, bulveiling, beesskou, perdespring en meer. Catrien, sel 079 882 5207. E-pos: accom3@pienaardamresort.co.za. PARYS 17-26, Alfa-week (beeste) Brahman. Afridome-skouterrein, Parys. Caroll-Ann Mienie, sel 079 477 4416. Web: www.afridome.co.za. TULBAGH 28 September-1 Oktober, Fries- en Saalperd-streekskou; Walliese Ponie Africa Golden Cup. Elsa Rix, sel 023 230 0189. E-pos: tulbaghskou@telkomsa.net. UNIONDALE 30 September-1 Oktober, Uniondale (OP-Saalperd), Boerperd-klubskou, provinsiale budjieskou. P. Stemmet (voorsitter), tel.…

Wat is die Leeus se geheim? In ’n naweek waarin elke ander Suid-Afrikaanse span pak slae gekry het, het die Leeus die magtige Crusaders, sewemalige wenner van die Superrugby-kompetisie, metodies op Ellispark uitmekaar gehaal. Ná die wedstryd merk die Crusaders-kaptein, Kieran Read, grootoog op: “Daar was staal in die Leeus se spel.” En dít van ’n span wat net ’n paar jaar gelede nog ’n nasionale verleentheid was. Dit is duidelik dat wat ook al die hardekwas voormalige All Black-afrigter John Mitchell by die Leeus begin het, nou deur Johan Ackermann en sy assistent, Swys de Bruin, vervolmaak is. Wanneer jy hier lees, sal ons al weet of die Leeus se sprokiesverhaal met ’n plek in die eindstryd gaan eindig. Maar wat ook al gebeur, hulle het duidelik ’n resep…

MNR. GREG MILES van Bare Acres in die distrik Stutterheim het ’n lugsilinder teen ’n appel en ’n ei aangeskaf en dit in ’n donkie op sy plaas omskep. ’n Jaar later was die besparing op sy Eskom-rekening R11 000. Lees die artikel op bl. 60. VERTEL ONS VAN JOU GESIN. Ek is met Maria (gebore Bastos) getroud. Sy is van Portugese herkoms. Ons het mekaar op ’n perde-uitstappie ontmoet en is reeds 19 jaar getroud. Ons het twee kinders, Robert (18) en Stephanie (17). WAAR HET JY GESTUDEER? Ek het aan die Landboukollege Glen en die Bloemfonteinse Technikon gestudeer. Ek het ook verskeie rekenaarkursusse gevolg. JY BOER OP ’N FAMILIEPLAAS. Ja, my seun is die sesde geslag. My voorouers was deel van die 1820-Setlaars. WATTER STOKPERDJIES BEOEFEN JY? Perdry…

AL hoe minder stoetperde word in Suid-Afrika geregistreer weens regulasies wat vereis dat alle teelhingste vir aansteeklike perde-baarmoederinfeksie (CEM) getoets moet word. Die Departement van Landbou, Bosbou en Visserye se direktoraat dieregesondheid het in 2011 regulasies ingestel wat bepaal dat stoethingste elke jaar getoets moet word voor hul vullens geregistreer mag word. Dit volg nadat dié siekte by ’n Lipizzaner gediagnoseer is (lees die kassie “Só is CEM in SA opgespoor”). Sedert Mei hoef dié toetse slegs elke twee jaar gedoen te word. Stoettelers meen egter die regulasies diskrimineer teen hulle, want dit sê niks oor perde wat kommersieel geteel word nie. Intussen het die aantal geregistreerde Arabierperde in Suid-Afrika met 75% gedaal sedert die regulasies ingestel is, en die aantal geregistreerde Kaapse Boerperde met 80%. “Daar is veel meer…

DANKBAARHEID en verligting heers oor die midwinterreën wat uiteindelik wyd geval het op 26 en 27 Julie. Me. Heleen van As van die plaas Klipfontein tussen Swellendam en Malgas sê hulle het 89 mm gekry, terwyl mnr. Pietie Uys van die plaas Kliprivier, Swellendam, 58 mm gemeet het. Mnr. Adriaan Steyn van die Wankie-boerdery, Heidelberg, het 30 mm en 60 mm gemeet. Tussen Caledon en Riviersonderend het dit ook goed gereën. Mnr. Abrie de Wet van die GAF-boerdery by Caledon het Woensdagoggend 61 mm gemeet, en mnr. Janneman Fourie van die plaas Mierkraal het 60 mm gekry. By mnr. Kosie van Zyl van Napier, waar dit 55 mm tot 68 mm gereën het, is dit “lekker nat”. In Namakwaland, wat vanjaar ’n vreemde en taai reënjaar ondervind, sê me. Anlie…

Luidens die Melkprodusente-organisasie (MPO) se jongste verslag oor markneigings was dit 5,8% minder as in Junie verlede jaar. In die eerste ses maande van vanjaar was die produksie 4,9% minder as in die ooreenstemmende tydperk verlede jaar, maar dit was elke maand steeds meer as in die ooreenstemmende maand in 2014. Dr. Koos Coetzee, ekonoom van die MPO, verwag egter nou dat die produksie in Julie selfs laer as twee jaar gelede kan wees. Hy sê die dalende neiging weens veral die droogte, lae produsentepryse en hoë voerpryse word nou versterk deur Oos-Kaapse melkboere wat ook onder droogte deurloop. Hoewel produsentepryse in die afgelope paar maande gestyg het, sê Coetzee dit is waarskynlik nog nie genoeg om die dalende neiging om te keer nie. “Weens die moeilike omstandighede het boere…

HOENDER-INVOER | Rooivleisboere moet wakker wees Grootskaalse hoender-invoer ding regstreeks mee met die rooivleisbedryf en dié mededinging gaan bly groei. Só het prof. Johan Willemse, landbou-ekonoom van die Universiteit van die Vrystaat, gesê op ’n werksessie wat die Devon-slagplaas saam met die Rooivleis-abattoirvereniging gehou het. Van die hoender wat ingevoer word, is stukke aan die been uit Amerika, waarvan ’n sekere hoeveelheid ter wille van Suid-Afrika se insluiting in die Amerikaanse wet op groei en geleenthede in Afrika (Agoa) sonder teenstortingstariewe ingevoer mag word. Willemse meen nie dít gaan verander nie. “Agoa is ’n politieke spel.” Hy het lede van die rooivleisbedryf aangeraai om oor hul strategie te besin en nie sake “soos altyd die laaste vyf jaar” te bly doen nie. “Jy gaan moet verander, anders gaan jy nie…

DIE Australiese wolmark, wat reeds ’n aanvang geneem het, het op ’n hoë noot begin toe pryse vir Merinowol tot hul hoogste vlakke in 12 maande gestyg het – ondanks die groot aanbieding van 41 000 bale. Ontleders verwag dat die mark dié stewige vertoning sal voortsit en selfs verder kan styg, wat goeie nuus vir plaaslike wolboere is. Mnr. Lionel Plunkett, senior markontleder van Australian Wool Innovation, sê dit was die beste begin vir ’n seisoen in 11 jaar. Volgens hom is die pryse aangevuur deur veral Chinese en Indiese kopers. Die grootste stygings was vir Merinowol van 20, 21 en 22 mikron. “Dit gaan oor die beskikbaarheid van wol en verwerkers is bekommerd dat ’n tekort kan ontstaan.” Mnr. Simon Hogan, verkoopsbestuurder by die wolmakelaar Elders, stem saam…

In die tagtigs het Johan die wêreld van langafstandatletiek aan die brand gehardloop. In 1980 was hy die Suid-Afrikaanse Universiteite se kampioen in die 3 000 m-hindernis en 5 000 m. In 1982 en 1983 was hy die Vrystaatse rekordhouer in die 5 000 m. In 1980 het hy die Natalse ope-rekord in die 3 000 m-hindernis verbeter. As student en in die weermag het hy talle marathons en landlope gewen. Dis ook op die atletiekbaan waar hy sy vrou, Louise, ontmoet het. “Sy en haar Transvaalse spanmaats het in 1980 die goue medalje op die Suid-Afrikaanse kampioenskap in die 4 x 400 m-aflos vir dogters onder 18 in ’n Suid-Afrikaanse rekordtyd verower.” Tans hou hy die wêreldrekord in skaaptel, naamlik 7,74 skape per sekonde gedurende 1997 se Colesberg-Skaapfees. Daar…

Botterskorsie-enamandelquiche By JAN is Vrydagmiddagete gewoonlik iets geurigs en seisoenaals wat in ’n japtrap berei kan word. Hierdie quiche het nie net ’n wonderlike tekstuur nie, maar ook ’n heerlike neuterige smaak wat die botterskorsie perfek komplementeer. Kors ■ 75 g gesoute botter, teen kamertemperatuur ■ 100 g koekmeelblom ■ 50 g amandelmeel ■ 1 eiergeel ■ Fyn seesout Vulsel ■ 500 g botterskorsie, geskil, ontpit en in blokkies gesny ■ Olyfolie vir besprinkeling ■ Fyn seesout en varsgemaalde swartpeper ■ 3 eiers ■ 20 ml ongesoute botter, gesmelt ■ 100 g amandelmeel ■ 100 g Comté-kaas of sterk cheddar, gerasper ■ ’n Knippie fyn neutmuskaat ■ ’n Knippie fyn wonderpeper ■ ’n Knippie fyn komyn ■ 50 g gevlokte amandels Voorverhit die oond tot 180 °C. Vir die kors,…

JouboekespeelafopdieNoord-Kaapse platteland, waar jy grootgeword het. Waarom dié landskappe? Miskien is dit die bekendheid daarvan, miskien die feit dat my eerste gewaarwordings van die natuur en die veld daar gebeur het. Byvoorbeeld, die eerste keer dat ek bewus was van die reuk van gekneusde botterblomme, hoe dit voel om op jou rug te lê in die oop veld, tussen die blomme, en na die groot Augustushemel van die Karoo te lê en kyk, die veraf klank van skape wat blêr of ’n hommelby se gezoem digterby wat vlytig en naarstig van een blom na ’n ander dans. Ek glo nie ’n mens is bewus daarvan nie, maar dit is die soort dinge wat laag op laag in jou onderbewuste ingemessel word. En dan is ek ook dol oor boere. Ek…

Sê liewer duidelik “nee” as om halfhartig “ja” te sê. Ek wil graag hierdie raad aan alle mense gee wat nog in die proses is om ’n gerespekteerde lewenswyse te kweek. Soms kan jy nie anders as om nee te sê nie. As jy dit hoflik doen en boonop verduidelik waarom ’n ja-woord nie moontlik is nie, sal regdenkende mense jou nie kwalik neem nie. Wat wel sleg ontvang word, is wanneer iemand ja sê op so ’n manier dat halfhartigheid en onwilligheid so duidelik is dat dit met ’n stomp stok aangevoel kan word. As jou ja-woord nie met ’n aanvoelbare goeie gesindheid gepaardgaan nie, moet jy dit liewer nie sê nie. Wát jy doen is belangrik, maar hóé jy dit doen is belangriker. ’n Mooi gesindheid is soos…

Suid-Afrikaanse boere benut nuwe tegnologie vinniger as hul Europese eweknieë. ’n Hele pakket van nuwe tegnologie moet na boere gebring word, sê John Deere en Monsanto. Boere in Suid-Afrika omarm gewoonlik nuwe land-bou-tegnologie baie vinnig. As ’n boer met die regte tegnologie toegerus is en dit doeltreffend benut, kan hy maklik enige data in winste omskakel. MYFARMWEBTM As deel van Laeveld Agrochem se Decision FarmingTM-dienste het hy met Agri Technovation saamgespan om ’n unieke inligtingsplatform vir boere te ontwikkel. Die stelsel werk deur middel van die internet. Die meeste boere het deesdae geografiese inligting oor hul plase in die vorm van kaarte of ontledings wat van ’n sekere gebied (koördinaat) af gedoen is. Dié inligting sluit in grondvoedingskaarte, stroperkaarte (opbrengskaarte), blaarontledings, grondfisiese kaarte, plaagkaarte en NDVI-beelde (Normalized Difference Vegetation Index).…

Monotec het ’n nuwe planter bekend gestel wat nouer rywydtes bied. Dié neiging word ál meer in die Suid-Afrikaanse landboubedryf gesien. Dit vereis nuwer, groter planters met hoër akkuraatheid en minder staantyd. Vir rywydtes van 52,5 cm en smaller, stel Monotec Suid-Afrika sy nuwe Quad-Max-modelreeks voor. Die Quad-Max-model se raam en die massiewe kunsmisen saadhouers van die planter is nuut ontwerp. Die bekende Monosem-karretjies en Fertisystem-kunsmisuitdraaiers is steeds daar. Rywydtes van 45 cm tot 91,4 cm is moontlik. KONFIGURASIES Planterkonfigurasies tot 36 rye word bereik sonder ’n swaar raam wat vorentoe of boontoe moet opvou vir vervoer. Wye konfigurasies bestaan uit twee of drie modules van ses, agt, tien of twaalf rye wat permanent aanmekaar gehaak bly en dwars van die land af gesleep word. Geen waaiers, hidrouliese motors of…

Op die plaaslike blaarslaaimark is pryse vir dié groente besig om te daal namate die winter die vraag na blaarslaai laat afneem. Mnr. Pieter du Plessis, markagent by RSA Markagente op die Tswane-varsproduktemark, sê blaarslaaipryse het van Januarie tot April vanjaar taamlik goed vertoon. Pryse het van R12 tot R18 per kop gewissel. “Sedert die begin van die winter het die vraag egter begin daal. Pryse het begin daal met meer blaarslaai op die mark. Tans wissel die prys van blaarslaai van R4 tot R6 per kop,” sê Du Plessis. Intussen toon die Wes-Kaapse departement van landbou se maandelikse groentemarkverslag vir Junie dat blaarslaaivolumes in dié provinsie met 7% (of 269 ton) van Mei tot Junie gedaal het. Terselfdertyd wys die verslag dat die gemiddelde markprys per ton met 6%…