Indholdsfortegnelse for 19-Aug-16 i Landbouweekblad

Mnr. Obed Bapela, Adjunkminister van Koöperatiewe Regering en Tradisionele Sake, was oneerlik toe hy onlangs die verdwyning van R617 miljoen se myninkomste uit die bankrekeninge van ’n ernstig verarmde Noordwes-gemeenskap beskryf het as ’n “beleidsgaping”. Geld wat oor jare deur Lonmin aan die Bapo Ba Mogale-gemeenskap betaal is, het verdwyn uit die “D-rekening”, wat deur verskeie premiers ná apartheid bestuur is. Dié verlies was ten beste weens ’n gebrek aan goeie bestuur wat gegrond was op ’n verskeidenheid bestaande norme, standaarde, beleid en wette. Ten slegste was dit ’n skreiende voorbeeld van die doelbewuste stroop van bates deur ’n politieke elite terwyl mnr. Supra Mahumapelo, premier van Noordwes, klaarblyklik niks gedoen het om dit stop te sit nie. Indien die Wet op die Tussentydse Beskerming van Informele Grondregte (Wet 31…

DIE Suid-Afrikaanse Pluimveevereniging (SAPV) het hom tot die hof gewend oor ’n ooreenkoms tussen Suid-Afrika en Amerika waarin sekere toegewings oor salmonella aan laasgenoemde gemaak word. Die SAPV vra die Hooggeregshof in Pretoria om die Departement van Landbou, Bosbou en Visserye se ooreenkoms met Amerika oor salmonella by ingevoerde Amerikaanse hoendervleis óf te hersien en tersyde te stel óf dit onwettig en van nul en gener waarde te verklaar. Die ooreenkoms, in Engels bekend as die Salmonella Side Letter, is in Januarie vanjaar onderteken om te verseker Suid-Afrika bly deel van die Amerikaanse wet op groei en geleenthede in Afrika (Agoa). Die respondente in die saak is mnr. Senzeni Zokwana (Minister van Landbou, Bosbou en Visserye), dr. Bothle Modisane (hoofdirekteur van diereproduksie en -gesondheid by dié departement), dr. Rob Davies…

DIE Tesourie sal in die toekoms veel meer uit trustbelastings kan verdien as die Parlement die Wysigingswet op Belastingwette vir 2016, wat pas by die Parlement ingedien is, aanvaar. Boedelbelasting maak jaarliks maar R1 miljard van Suid-Afrika se algehele jaarlikse inkomste van R1,1 biljoen uit. Die wysigingswet beoog om belastingbetalers se vermoë om welvaart belastingvry oor te dra, te beperk met reëls wat bepaal wanneer rentevrye lenings of lenings onder die markkoers wat aan trusts gemaak word, as donasie-aftrekkings geëis kan word. Indien die wysigings goedgekeur word, sal dit aanstaande Maart in werking tree. Onder die voorstelle is: ■ ’n Trust mag nie belastingaftrekkings eis vir die terugbetaling van rentevrye lenings nie. ■ By lenings aan trusts met rentekoerse laer as markwaarde, kan die trust slegs die rentebetalings onder die…

SUID-AFRIKA se landbou-uitvoer het sedert 2006 vervierdubbel. Die grootste toename in uitvoer was vir vrugte en groente, gevolg deur voorbereide voedselprodukte. Ontledings toon dat Afrika en Asië die grootste bevolkingsgroei het. Hierteenoor blyk dit dat hulpbronne vir verdere horisontale uitbreiding beperk is en dat Afrika die grootste potensiaal daarvoor toon. Jy is dus op die regte vasteland. Suid-Afrika voer 65% van sy totale vleisuitvoer (dit sluit varke, pluimvee, skape en ander vleis in) na Afrika uit en 35% na die res van die wêreld (sien GRAFIEK 1 ). Suid-Afrika het laas jaar sowat 41% van sy totale rooivleisuitvoer na Afrika uitgevoer en 59% daarvan na Asië. Van die totale hoeveelheid rooivleis wat na Asië uitgevoer word, word 1% na Suid-Sentraal-Asië (bv. Indië) toe uitgevoer, 6% na Oos-Asië (bv. China), 30%…

KORTOM ■ Insetfinansiering is meer aktueel as voorheen as gevolg van die veranderende mark en natuurverskynsels, en kan binnekort heeltemal anders daar uitsien. ■ Die inligting dat 19 000 plase op die mark is, skep ’n verkeerde indruk en is deurtrek met statistiese flaters. ■ ’n Fyner ontleding van die data is nodig om ’n volledige prent te skets. Dit is algemeen bekend dat oesversekeraars hul risikoblootstelling in die laaste seisoen streng bestuur en beperk het. Baie produsente kon eenvoudig nie omvattende oesversekering bekom nie. Aangesien finansiers oesversekering as ’n vorm van sekuriteit vir insetfinansiering beskou, plaas dit beslis druk op die ander vorme van sekuriteit wat produsente aan finansiers kan bied. Die algemeenste vorm van sekuriteit is landbougrond. Ons moes onlangs in die nuus verneem dat meer as 19…

WAT IS DIE BESTE BESLUIT WAT JY AL GENEEM HET? Om by die landbou betrokke te raak. Dit is my passie. WAT IS DIE BESTE RAAD WAT JY NOG GEKRY HET? Om jou beste te lewer waar jy ook al is, ongeag die omstandighede. WAT IS JOU LANDBOU-AGTERGROND? Ek het die grade M.Sc. en MBA aan die Universiteit van die Vrystaat verwerf, en nege jaar in die departement vee- en weidingkunde klasgegee. Ek het in 2004 as weidingkundige by Suidwes Landbou begin werk. WAT IS DIE SNAAKSSTE DING WAT IN DIE SOEDAN MET JOU GEBEUR HET? Dit reën byna nooit in die gebied waar die projek is nie. Die geboue was tydelik en nie eintlik ontwerp om waterdig te wees nie. Ek het een middag gou na die landerye gery…

Naas lemoene (63%) en sagtesitrus (21%) is suurlemoene en lemmetjies (17,7%) volgens ’n verslag van die Nasionale Bemarkingsraad die derde mees gekweekte sitrussoort ter wêreld. Oor die afgelope vyf groeitye was Mexiko die grootste verskaffer van suurlemoene (meer as 25%), gevolg deur Argentinië en die Europese Unie (EU). Pomelo’s is die sitrussoort met die kleinste markaandeel, naamlik 7%. Wat wêrelduitvoer betref, het die gemiddelde aandeel van lemoene in die 2015-’16-seisoen 46% beloop, gevolg deur sagtesitrus (26%), suurlemoene en lemmetjies (19%) en pomelo’s (9%). In dié tydperk was Egipte met 35% die grootste uitvoerder van sitrus, gevolg deur Suid-Afrika (28%), Amerika (13%) en die EU (7%). TABEL 2 toon die verskil in produksie (kartonhouers) en markaandeel van lemoene, sagtesitrus, suurlemoene en pomelo’s vir die 2015-oestyd en verwagte syfers vir die 2016-oestyd…

Sover ek kon vasstel, was Dithau se oorspronklike eienaars die Vivier-egpaar. In die 1800’s het ’n wegloper-matroos kom los werkies soek by die boere in dié kontrei en op Dithau geholpe geraak. Hy het bouwerk gedoen, en ná die taak afgehandel is, het hy gevra of hy die Vrymesselaarsteken en datum op die huis kon aanbring. Die Anglo-Boereoorlog se verskroeide aarde-beleid het boere en hul gesinne op hul knieë gehad. Dithau het dit ook nie vrygespring nie. Die vyand het aan die noordekant van die huis fakkels met vuurtonge op die dak gegooi. ’n Offisier het egter die Vrymesselaars-teken gesien en beveel dat die vuur geblus word. So het Dithau die vuuroond vrygespring. As jy vandag met ’n leer dak toe klim, is die balke steeds swart as bewys van…

As ons die lewe met ’n toutrekkompetisie moet vergelyk, sal die weerskante van die tou twee spanne wees wat elkeen hul eie metodiek ontwikkel. Aan die een kant sal ons probleemskeppers kry, terwyl daar aan die ander kant oplossingsoekers is. Kom ons noem hulle sommer die Brekers en Heelmakers. Dié twee groepe trek teen mekaar en die geskiedenis van dié stryd is so oud soos die mensdom self. Ja, daar is nog groepe, soos agterryers, voortrekkers en dwarstrekkers, maar vandag bepaal ons ons net by die probleemskeppers en die oplossingsoekers. Ek het al meermale gewonder hoe ’n mens se geaardheid nou eintlik ontstaan. Word jy daarmee gebore of is dit lewensomstandighede wat jou maak soos jy is? Kan jy byvoorbeeld ’n gevangene van ’n genetiese erflating wees? Soos ’n luiperd…

Dekgewasse se waarde kry toenemend aanhang onder boere in somerreëngebiede. Sommige boere in die binneland gebruik dit wel reeds jare lank as deel van bewaringsboerderypraktyke. Mnr. Simon Hodgson, ’n boer van Zimbabwe wat hom later as dekgewasspesialis gevestig het, se doelwit is om soveel boere as moontlik in te lig oor die waarde en benutting van dekgewasse. “Verskeie keuses en toepassings rakende dekgewasse is beskikbaar. Elke plaas is anders en daarom is daar nie ’n eenvoudige antwoord oor watter dekgewasse, gewasrotasie en bewerkingsmetodes die beste is nie.” Op Swartlandse koringplase en in Wes-Kaapse wingerde benut boere dekgewasse met groot sukses. Dié lesse vind toenemend inslag by binnelandse boere wat hul grond se biomassa en voghouvermoë wil verbeter en verdamping en erosie wil hokslaan. Dekgewasse word met groot sukses gebruik in…

KENIA TEE is ’n belangrike kontantgewas in Kenia. Kenia is naas China en Indië die grootste teeprodusent ter wêreld en is die enigste land in Afrika wat ’n betekenisvolle hoeveelheid tee vir die wêreldmark kan lewer. Kenia verbou ongeveer 8,1% van die wêreld se tee, met ’n jaarlikse produksie wat wissel van 350 000 ton tot 455 000 ton. Keniaanse tee is die voorste verdiener van buitelandse geld vir die land. Die uitvoer van tee verteenwoordig 26% van sy totale uitvoerverdienste en sowat 4% van die bruto binnelandse produk (BBP). Kenia verbruik slegs sowat 5% van sy tee-oes. Aangesien die res uitgevoer word, verteenwoordig Keniaanse teeproduksie sowat 20% van die wêreld se tee-uitvoer. Sowat 60% van die tee wat in die wêreld geoes word, word plaaslik verbruik. Die twee grootste…

DIE afgelope droogte het veeboere landwyd ’n les geleer: Dat turksvye as veevoer ’n belangrike rol te speel het. Prof. H.O. de Waal van die Universiteit van die Vrystaat sê turksvye as staande voerbron vir vee word egter as ’n minderwaardige gewas beskou. Volgens hom hou die benutting van turksvyprodukte vir menslike gebruik min uitbreiding in, teenoor die moontlikheid as veevoer. “Doringlose turksvye (Opuntia ficusindica) is goed in droër streke aangepas en dus ’n belangrike voedselbron vir mens en dier,” sê hy. Turksvyblaaie kan vars, gedroog of as kuilvoer deur vee benut word, maar die hoë waterinhoud bemoeilik hantering, vervoer en verwerking. Vars blaai kan nie lank in hope opgeberg word nie omdat dit vrot en as siektebron dien wat boorde besmet. Twee plae moet veral bestuur word, naamlik skarlakenluise…

’N GELEIDELIKE verbetering in die vraag na stoet- en rasegte Brahmane het sedert Februarie op veilings in ál die provinsies in Suid-Afrika voorgekom, volgens mnr. Sytze Smit, rasdirekteur van die Brahman-beestelersgenootskap. Vanaf Augustus tot November verlede jaar het die gemiddelde prys van bulle beduidend gestyg net voor die droogte sy tol begin eis het. Die gemiddelde prys vir bulle in dié vier maande in die voorsomer op agt veilings was R34 200 stuk. In Februarie en Maart vanjaar, met die begin van die tweede helfte van die somer, is ’n goeie vraag na vroulike diere ondervind. Verskeie produksieveilings het uitstekende pryse opgelewer. Die duurste rooi bul vir die jaar, PRI 09909 van Veldbeef van mnr. Rob le Seuer, is op ’n SHM-veiling vir R270 000 aan dr. Louis Greeff verkoop.…

5 664 471 t Die totale mielie-oes, wat tot en met 4 Augustus gelewer is, is 5 664 471 ton. Landbouweekblad het in ‘Syfers’ van 8 Augustus verkeerdelik berig daar is al 7 miljoen ton mielies in Suid-Afrika geoes. Dié syfer was inderwaarheid die algehele geskatte oes vir mielieboere vanjaar, met die oes wat tot op hede nog nie volledig ingesamel is nie. — Suid-Afrikaanse Graan-inligtingsdiens Twee uit vyf Kleinsboere besit sowat twee uit elke vyf beeste in Suid-Afrika en 5,58 miljoen beeste in totaal. Die informele beessektor is hoofsaaklik in die voormalige tuislande geleë en het sedert 1981 met sowat 23% gestyg. Kommersiële boere het verlede jaar altesaam sowat 8,12 miljoen beeste besit. Dié syfer het sedert 1981 met 3% gedaal. — Suid-Afrikaanse Instituut vir Rasseverhoudinge 32,2% Trekkerverkope vir…

‘Vleis wat met salmonella besmet is, kan die land vrylik binnekom en waarskynlik geëet word voordat die resultate van die monitering bekend is.’ MNR. KEVIN LOVELL, uitvoerende hoof van die Suid-Afrikaanse Pluimveeprodusentevereniging, oor ingevoerde Amerikaanse hoender. Bl. 14 ‘Dit is tog nie in ons belang om byvoorbeeld spitsgat-swartwitpense te teel met pragtige horings, maar geen lyf nie.’ MNR. JACQUES MALAN, wildboer, oor vrese van bewaringslui oor selektiewe wildteling. Bl. 17. ‘Vooruitgang in die komende dekade sal hoofsaaklik deur verhoogde produktiwiteit geskep moet word.’ BURO VIR VOEDSEL- EN LANDBOUBELEID. Bl. 18 ‘Ons wag nou maar, maar kan nie onbeperk wag nie.’ MNR. ANDRIES THERON, ondervoorsitter van Graan SA, oor vertragings om die koringtarief te implementeer. Bl. 19 ‘As ons ’n duik in veediefstal in Suid-Afrika wil maak, sal boere moet begin…

VEEDIEFSTAL kom al hoe meer in die noorde van die land voor, maar ál hoe minder veediefstalsake word by die polisie aangemeld. En die nasionale veediefstalforum vermoed ook dat veediewe wat uit die tronk vrygelaat is, ook weer begin toeslaan. Mnr. Willie Clack, voorsitter van die nasionale veediefstalforum, is bekommerd dat die nie-aanmeld van veediefstal rampspoedige gevolge vir die bekamping daarvan kan hê omdat die polisie hul toewysing van hulpbronne om dit te bekamp grond op die aantal sake wat aangemeld word. “Vanaf 2010 tot verlede jaar het die veediefstalforum waargeneem dat die nie-aanmeld van sake van 36% tot 68% toegeneem het. Boere meld net nie meer veediefstalsake aan nie, want hulle vertrou nie die polisie nie,” sê Clack. “As ons ’n duik in veediefstal in Suid-Afrika wil maak, sal…

PLOEG TERUG IN SA Swak staatsteun aan die landbou is betreurenswaardig, want dit gee aanleiding daartoe dat Suid-Afrika ’n netto invoerder van voedsel word, het mnr. Moeletsi Mbeki, ’n onafhanklike politieke ontleder, op Vrystaat Landbou se kongres gesê. “Ons het gesien wat het gebeur met die pluimveebedryf, wat nou bykans heeltemal van invoer afhanklik is. In teenstelling daarmee geniet die motorbedryf aansporingsmaatreëls van die Regering – ’n bedryf wat nie eens deur Suid-Afrikaners besit word nie,” sê Mbeki. “Die landboubedryf word deur Suid-Afrikaners besit en bedryf, maar ons subsidieer buitelanders. Dit maak nie sin nie.” Mbeki daag boere uit om druk op die Regering uit te oefen om hulle toe te laat om ekonomiese groei deur verhoogde produksie en herbelegging in die landbou te bewerkstellig. Een van die bedrywe wat…

1 SAOG | Ramp verklaar Die Suider-Afrikaanse Ontwikkelingsgemeenskap (SAOG) het die hele Suider-Afrika tot droogte-rampgebied verklaar en pleit by die internasionale gemeenskap om $2,4 miljard (sowat R33,5 miljard) se hulp vir inwoners in 10 lande oor die volgende 12 maande. Lt.genl. Ian Khama, president van Botswana en voorsitter van die SAOG, het tydens dié aankondiging ook ’n droogtenoodtoestand in sy eie land afgekondig. Sowat 40 miljoen mense, 14% van die streek se inwoners, sal voedsel-onsekerheid ondervind in die eerste drie maande van volgende jaar. Nagenoeg 18 miljoen mense sal nood-voedselhulp nodig hê. Noodtoestande is ook in Lesotho, Malawi, Namibië, Swaziland en Zimbabwe afgekondig. Die Verenigde Nasies se Voedsel- en Landbou-organisasie (VLO) beoog om saad, kunsmis, werktuie en ander produksiemiddele en dienste te voorsien vir die volgende planttyd, en het minstens…

DIE invoertarief op suiker is op 3 Augustus verlaag van R2 395/ton tot R1 443/ton, maar kundiges twyfel of dit ’n wesenlike invloed op suikerprodusente sal hê. Volgens mnr. Donald MacKay, direkteur van XA Internasionale Handelskonsultante, volg die verlaging op ’n skerp styging in die internasionale suikerprys die afgelope paar maande. Hy sê die tarief word volgens ’n formule bepaal wat ’n plaaslike dollar-gebaseerde prys met die internasionale suikerprys vergelyk en dan word ’n tarief vasgestel. Omdat die internasionale prys taamlik skerp gestyg het, moes invoerders suiker teen ’n hoër prys aankoop en ’n tarief betaal wat bepaal was toe die internasionale prys baie laer was. “Die rand het ook beduidend versterk teenoor die dollar, wat die tarief in werklikheid nog hoër maak. Dit is juis waarom die Kommissie vir…

Suid-Afrika bly een van die min lande in die wêreld (met ’n redelike kommersiële landbousektor), wat van die minste ondersteuning van hul regering kry. Die Organisasie vir Ekonomiese Samewerking en Ontwikkeling (OESO) doen gereeld ’n omvattende studie waarin ondersteuning deur regerings aan die landbousektor met ’n eenvormige metodiek gemeet word en dus vergelykings moontlik maak. Die ontledings word gebruik in onderhandelings binne die Wêreldhandelsorganisasie (WHO), waar hulle poog om ontwrigtende subsidies/ondersteuning aan die landbou te beperk. Hoewel oor die laaste dekade of twee wegbeweeg is van subsidies aan boere, wat regstreeks aan produksie en uitvoersubsidies gekoppel is, is regeringsondersteuning in baie ontwikkelde lande ’n belangrike deel van boere se inkomste. Te midde van die Suid-Afrikaanse “oop grens”-benadering en min binnelandse ondersteuning aan die kommersiële landbou, moet die land meeding met…

’n Vennootskap met ’n visioenêre nuwe plan vir ’n ekodorpie wat heeltemal op homself vir energie, water, kos en afvalbestuur aangewese sal wees, hoop om ten minste die eerste 25 van hierdie hoëtegnologiehuise teen begin volgende jaar by die Nederlandse dorp Almere gebou te hê. ReGen Villages en sy argitektuur-vennoot EFFEKT het hul planne vroeër vanjaar op die Venesiese Biënnale bekend gestel. Onlangs is in die Britse koerant The Guardian berig dat daar al 1 200 name op hul waglys is, en dat hulle sedertdien met navrae oorval word. ’n ReGen-dorp sal van die modernste tegnologieë gebruik om ’n sirkel huise in ’n geslote stelsel te bou, wat sy eie son- en biogaskrag produseer, asook groente, vis en hoenders. Afloopwater sal versamel en afval sal in bemesting omskep word. Huise…

Joseph Millerd Orpen (1828-1923). Die stamvader, wat in Dublin, Ierland, gebore is, het as 17-jarige saam met drie broers ná ’n bootvaart van 146 dae in Port Elizabeth voet aan wal gesit. Hy is met ’n ossewa na Colesberg, waar twee van sy ouer broers geboer het. In Desember 1850 het hy sy opleiding as landmeter voltooi. In 1854 is hy verkies tot die Vrystaatse volksraad. Enkele jare later het hy die landdros vir Winburg en Harrismith geword. In 1862 is Joseph op ’n sending na koning Mosjesj gestuur. Dit het uiteindelik tot die anneksasie van die destydse Basoetoland deur die Britse regering gelei. In die 1860’s het Joseph verskeie plase, waaronder Snowdon (3 900 morg) en Avoca (4 920 morg) by New Engeland opgemeet en gekarteer. Op 16 Mei…

BEMESTING VOED GROND MET NUWE REEKSE Die Suid-Afrikaanse kunsmismaatskappy Advanced Agri® het twee nuwe reekse kalsiumgebaseerde grondbehandelingsprodukte bekend gestel: EcoCal™ vir gewasboere en Graze vir veeboere. EcoCal™ bestaan uit verkorrelde kalsiumprodukte wat geskik is om die pH-wanbalanse in die ondergrond te bestuur. CalsuTM is ’n ultrafyn, verkorrelde, kalsitiese kalksteenproduk (kalsiumkarbonaat), ideaal vir grond met hoë vlakke van magnesium. DolcaTM is ’n ultrafyn, verkorrelde, dolomitiese kalksteenproduk (magnesiumkarbonaat) vir gebiede met ’n magnesiumtekort, en SulcaTM is ’n mikrofyn, verkorrelde kalsiumsulfaatproduk, wat help om grondgehalte en -stabiliteit te verbeter. Die Graze-produkte is gerig op die verbetering van grondgehalte en -stabiliteit om optimale stikstofopname te verseker. GrazeCalTM bevat kalsitiese kalksteen, GrazeDolTM bevat dolomitiese kalksteen, GrazeSulTM bevat kalsiumsulfaat en GrazeBlendTM bevat ’n mengsel van die drie. Soos met Advanced Agri® se ander produkte maak landboukundiges…

Dit is laat namiddag en die kortste dag van die jaar toe daar by Frans Boekkooi (49) se ateljee op Nieu-Bethesda stilgehou word. Aan die bopunt van Pienaarstraat gooi die winterson sy laaste strale oor Kompasberg. Toegewikkel in ’n baadjie en ’n wolmus om die ergste koue te verdryf, is Frans besig om in ’n ou smidswinkel wat uit 1875 dateer, die laaste afrondingswerk aan ’n beeld te doen. Frans en sy vrou, Heidi, en hul drie kinders, Leighton, Nina-Rose en Walter, het sowat 10 jaar gelede besluit om die stad vir Nieu-Bethesda, wat nie eers ’n OTM of ’n vulstasie het nie, te verruil. “Voor ons hierheen getrek het, was ek drie maande lank hier met ’n opdragwerk besig. Die Karoo het met my kop gesmokkel. Die ruimte. Die…

Die groentesaailingbedryf moes die afgelope 12 maande hoë kostestygings absorbeer weens die verswakking van die rand. Die Saailingkwekersvereniging van Suid-Afrika sê hul grootste kostefaktore is saad, groeimedium, plaagdoders en arbeid. Saad word meestal ingevoer en saadmaatskappye het hul pryse met 8% tot 12% verhoog, terwyl die rand met gemiddeld 28% verswak het. Kwekers het hul saailingpryse egter met net sowat 10% verhoog om weerstand van klante te voorkom en omdat die droogte ’n nadelige invloed op groenteboere gehad het. Die vereniging sê die saailingbedryf word toenemend ’n taai omgewing. Groenteboere word minder en groter, en dieselfde gebeur met kwekerye, wat saailingpryse afwaarts druk omdat kwekers hul markaandeel wil behou of vergroot. In KwaZulu-Natal daal die aantal hektaar grond onder groenteproduksie en daarmee saam die vraag na groentesaailinge. Die vereniging sê…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in Landboukalender. Die besonderhede moet gestuur word aan: Landbouweekblad, e-pos: lbw@landbou.com. KONGRESSE 24 AUGUSTUS: Israeliese Agriseminaar. Umhlanga. Vooraf bespreking noodsaaklik. Charmaine Hirshowitz. E-pos: Charmaine. Hirshowitz@israeltrade.gov.il. 30-31 AUGUSTUS: Agri Limpopo-kongres: Gala-aand, Jongboer-wenner, algemene jaarvergadering, damesprogram. Weesgerus-vakansieoord. E-pos: admin@agrilimpopo.co.za. 7 SEPTEMBER: TLUSA, algemene jaarkongres.Tema:Kommersiële landbou–diesleuteltotstabiliteit. WNNR-konferensiesentrum,Pretoria. LynneKaiser,tel.0128048031. E-pos:media@tlu.co.za. KURSUSSE 16–19 AUGUSTUS: Inleidende kursus in vleisbeesbestuur. LNR, Irene. Annetjie Loubser, tel. 012 672 9153. E-pos: aloubser@arc.agric.za. 24 AUGUSTUS: Speenkalf - wag vir regte prys. Oos-Londen. Peter Milton, sel 083 630 8868. 26 AUGUSTUS: Lees en vertolk bulkatologus. Oos-Londen. Peter Milton, sel 083 630 8868 5–9 SEPTEMBER: Inleidende kursus in kleinveebestuur. LNR, Irene. Annetjie Loubser, tel. 012 672 9153. E-pos: aloubser@arc. agric.za. 8-9 SEPTEMBER: Fynproewersampioenverbouing, klein skaal.…

’n Melkboer in die Suid-Kaap of Vrystaat wat beduidende hoeveelhede voer moet inkoop, kan nie te gemaklik wees met globalisering nie. Nie net het voerpryse dié boere in die afgelope produksiejaar gelooi nie; die swakker rand het ander produksiemiddele ook duurder gemaak. Die plaashekprys het boonop in die afgelope jaar met R1,18/liter geval, terwyl die verbruikersprys in baie gevalle gestyg het. Geen wonder baie boere voel hulle boer bloot op die genade van melkkopers en die kleinhandel nie – maatskappye wat deur hul waardekettings diep in die globale ekonomie ingeweef is. Vir supermarkkettings is dit heel maklik om melkpoeier of langlewemelk uit Europa in te voer, waar goedkoop produkte in oorvloed is. Dit volg nadat die Europese Unie (EU) onlangs melkproduksiekwotas opgehef het en Rusland nie meer die EU se…

VLEISBEESSKOOL | Verhoog winste só Voorste beesboere gaan op die Landbouweekblad en Lewendehawe Registrerende Owerheid (LRF) se Vleisbeesskool van 12 tot 14 Oktober op Aldam in die Vrystaat praktiese voorbeelde gee oor hoe om winsgewender met vleisbeeste te boer. Mnr. Mecki Schneider, voorsitter van Namibië se Lewendehawe Produsente-organisasie (LWO) en beesboer van Grootfontein, gaan verduidelik hoe hy aandag aan verlaagde winsgewendheid gee om te oorleef en winsgewend te boer. Schneider is bekend vir sy bydraes tot die internasionale genetiese evaluasie van vleisbeeste en is ’n kenner van die vleisbees-waardeketting. Benewens sy eie groot boerdery-opset het hy ook alliansies met ander boere in Namibië en Angola, sê dr. Michael Bradfield, organiseerder van die Vleisbeesskool. Sy kennis van die waardeketting bemagtig hom om waarde tot die stoetveebedryf én kommersiële sektor toe te…

PLAASBEWONERS loop in Suid-Afrika buite verhouding tot ander groepe deur onder aanvalle en moorde en derhalwe moet die hele landelike gemeenskap veiligheid op plase as voorrangmisdaad hanteer. Dr. Johan Burger van die afdeling regeerkunde, misdaad en regspleging by die Instituut vir Sekerheidstudies het op die kongres van Vrystaat Landbou (VL) in Bloemfontein gesê ’n unieke benadering is wel nodig in die geval van plaasmoorde, aangesien sowat 125 boere van alle rassegroepe, uitgedruk per 100 000 van die bevolking, in die tydperk 2014-’15 vermoor is, teenoor die 57 per 100 000 van die polisielede en 33 per 100 000 van alle Suid-Afrikaners. Hy sê die land het die afgelope dekade ’n kommerwekkende toename van sowat 247% in gewelddadige optrede en openbare geweld ondervind, wat aansienlike druk op die vermoë van die…

KAN jag en ekotoerisme saam met ’n stoetwildbedryf om dieselfde vuur sit? Dít is die vraag nadat op 10 Junie in die Staatskoerant afgekondig is dat 12 wildsoorte nou onder die Departement van Landbou, Bosbou en Visserye se vaandel oor dieselfde kam as Pedi-skape en koekoekhoenders geskeer word. Daar heers kommer in die wildbedryf dat dié onverwagse aankondiging Suid-Afrika se reeds kwesbare jagbedryf nog verder kan laat veld verloor teen Namibië en ander jagbestemmings in Afrika. In dieselfde tyd wat Namibië se jagbedryf van 4 000 besoekers tot 18 000 besoekers per jaar gegroei het (2006-’14), het Suid-Afrika s’n van 9 000 tot 4 000 gekrimp. Die Suid-Afrikaanse wildbedryf plaas maklik die blaam daarvoor op die Departement van Binnelandse Sake se omstrede visumregulasies, wat toerisme laas jaar ’n gevoelige knou…

Mnr. Tshilidza (Chilli) Matshidzula (28) (foto), ’n melkboer van die plaas Little Barnet by Alexandria, het verlede week die eerste swart boer geword om as Oos-Kaapse finalis in die Jongboer van die Jaarkompetisie aangewys te word. Matshidzula, ’n boorling van Thohoyandou in Venda en ’n gegradueerde van die Tshwane-universiteit van Tegnologie, bestuur ’n groot melkery wat vroeër vanjaar met die Mangold-trofee van die Bathurst-bewaringskomitee bekroon is. Hy is ’n lid van die Alexandria-melkstudiegroep en die plaaslike landbouvereniging. Die melkery wat hy bestuur, behoort aan die Barnet Business Trust (BBT), ’n bemagtigingstrust met twee onderafdelings, naamlik Oakleaf Business Trust (OBT) waarvan mnr. Walter Biggs, ’n bekende melkboer, en sy vrou, Jane, die begunstigdes is, en die maatskappy Matshibele. Oakleaf besit die melkbeeste, trekkers, werktuie en ander roerende bates. Matshibele besit die…

Die wêreld se eerste aanlyn-geestesgesondheidprogram vir boere is pas bekend gestel. Dit is daarop gerig om boere doeltreffende tegnieke te leer om depressie te hanteer en te voorkom, berig www.theleadsouthaustralia.au.com. Die webwerf, wat oor vernuwende produkte uit Suid-Australië berig, sê wêreldwyd kom selfdood meer onder boere voor as in ander bevolkingsgroepe. In ’n opname in 2014 is begin dat amper die helfte van alle Australiese boere aan ’n ligte of erger geestesiekte ly, vergeleke met 26% onder die res van die bevolking. Die nuwe program is deur navorsers aan Universiteit van Suid-Australië ontwikkel saam met die Universiteit van Adelaide, die nasionale sentrum vir boeregesondheid, en die Vrymesselaars se stigting-sentrum vir mansgesondheid. Dr. Kate Fennell, die hoofnavorser, sê dit is die eerste aanlyn-hulp in sy soort ter wêreld wat spesifiek op…

PLAASINLIGTING LIGGING: Williston, Noord-Kaap PLAASNAAM: SkerpioensdriftenRooidam PLAASGROOTTE: 12000ha EIENAARSKAP: Trustsenhuurgrond VERTAKKINGS: Dorpers,Merino-hamels VELDTIPE: Bossieveldmetsowat10%gras GEMIDDELDE REËNVAL:160mmperjaar KORTOM ■ ’n Boer wat al meermale as kampioenkarkasprodusent aangewys is, laat hom deur syfers lei, soos die groei-indeks en ooiproduktiwiteitsindeks. ■ Stygende grondpryse dwing hom om meer inkomste uit dieselfde grond te kry, en al hoe hy dít regkry, is met meer lammers. ■ Met presisiebestuur wil hy onder meer sy lamtyd verkort en ook lammers se vaars identifiseer. Skape se voorkoms is nie meer die deurslaggewende faktor op die plaas Skerpioensdrift naby Williston nie. Wanneer ’n vervangingsooi geselekteer word, speel haar groei-indeks en ooiproduktiwiteitsindeks (OPI) die belangrikste rol. Danksy dié beginsels het mnr. Coetzee Reitz se lampersentasie met minstens 20 die hoogte ingeskiet. Beter nog, hy teken ’n speenpersentasie van 108 aan,…

Mnr. Deon Joubert, voorsitter van Agri Sondagsrivier, sê om die gevaar te temper van ’n vloedgolf suurlemoene wat die mark binne die volgende vyf jaar kan tref, moet meer verbruikers gevind word. Een manier is om die gesondheidsvoordele van die vrug (medisinaal en in vrugtedrankies) met ’n doelgerigte reklameveldtog onder verbruikers se aandag te bring. Die internasionale mark vir sap moet ook beter benut word. Die inisiatief Lemon Fresh van die Sitruskwekersvereniging is in sy beginstadium en beoog om die SuidAfrikaanse produk te bevorder. Mnr. Hannes de Waal, besturende direkteur van die Sondagriviersitrusmaatskappy, sê met Lemon Fresh wil die vereniging eerstens bepaal of markte vir plaaslike suurlemoene kan uitbrei en tweedens vasstel in watter lande SuidAfrika ’n impak gaan hê. Deon wys daarop dat lemmetjies as ’n alternatief verbou kan…

Die wildbedryf bevind hom nou vierkant in ’n kopersmark. Vir baie wildtelers is dit ’n aanpassing van die verkopersmark wat tot sowat twee jaar tot drie jaar gelede geheers het. Die verkoper was in ’n posisie om te besluit aan wie hy sy bok wou verkoop en teen watter prys, maar deesdae besluit die kopers waar en wat hulle wil koop. Die aanbod is voldoende en die koper kan keuses uitoefen. Boonop is mense in die wildbedryf nou opgevoed, en almal het meer kennis en ondervinding. Vyf jaar gelede het ek self nog op ’n veiling gekom en sommer ’n swartwitpens gekoop net omdat hy vir my mooi gelyk het. Deesdae is ek meer oordeelkundig. Ek kyk wie se veiling dit is en wie die name agter die telersgroep is.…

Vrygesel-bobotie ■ 2 uie, gekap ■ Olie ■ 1 kg beesmaalvleis ■ 1 groot patat, in blokkies gesny ■ 15 ml kerriepoeier of garam masala ■ 15 ml borrie ■ 5 ml bruinsuiker ■ 45 ml blatjang ■ 125 ml gedroogte appelkose ■ Sout en peper ■ 1 sny volgraanbrood ■ 1 eier, liggies geklits ■ 60 g botter ■ 4 eiers ■ 125 ml amandelsplinters of -vlokkies (opsioneel) Verhit ’n groot braaipan en braai die uie in ’n skeut olie tot deursigtig. Voeg die maalvleis by en hou aan roer tot die maalvleis gaar en krummelrig is. Voeg die patat, kerriepoeier, borrie, suiker, blatjang en appelkose by. Meng goed. Geur en haal dan van die warm plaat af. Week die brood in ’n bietjie water en druk daarna die…

Inhoud Vandeesweek val die klem op somergewasse – van verskillende soorte beweiding tot grondgesondheid en -soorte. Herstel grondgesondheid 82 Verstaan jou grondsoorte en boer vooruit 85 Bestuur weiding só ná droogte 88 Oënskynlik onsigbare plae, soos aalwurms, kan groot skade aan somergewasse aanrig. Dié nematodes laat duidelike skade aan knolle en wortelstelsels van gewasse. Aalwurmbesmetting besorg Suid-Afrikaansemielieboerehoofbrekens. Voorkomende middels kos geld, maar sonder dié bestrydingsmaatreëls is die koste van gewasskade potensieel veel groter. Dit is egter moontlik om met die gebruik van spesifieke aalwurmmiddels tydens planttyd ook die meeste grondinsekplae, vektore van streepsiekte en vroeë mieliestronkboorder te bestry. Mnr. Hendrik Riekert en prof. Driekie Fourie, twee nematoloë, vertel hoe verskeie aalwurmsoorte op mielies se wortelstelsels voed. Letselaalwurms (Pratylenchus-soorte) is algemeen by mielies en toon gewoonlik nie bogrondse simptome nie, maar…

NADAT die verwagte katoenoes vandeesmaand (met die sewende skatting) 9% laer is as verlede maand se skatting, is die totale verwagte plaaslike oes nou 53% kleiner as in die vorige seisoen. Volgens Katoen SA se markverslag word daar nou 42 798 bale vesel van die SuidAfrikaanse pluksel in die produksiejaar 2015’ 16 verwag, met ’n verdere 600 bale wat na verwagting in Swaziland gelewer en deur die Swazilandpluismeule gepluis sal word. Bykans driekwart van SuidAfrika se katoen is hierdie seisoen in die NoordKaap geoes. Internasionaal word kleiner oeste ook deur die vyf grootste katoenproduserende lande (76% van wêreldproduksie) verwag. Die Internasionale Katoenadvieskomitee (ICAC) sê wêreldproduksie het in die 2015’ 16seisoen met 18%tot 21,3 miljoen ton afgeneem. Op 31 Julie het die wêreldvoorraad op sowat 19,7 miljoen ton gestaan, wat ’n…

DIEvolgendeontledingvan grondverkopeinSuid-Afrika handeloordiegrondtransaksiesvirstukkegrondgroteras 20hainGauteng,Mpumalanga endieNoord-KaapvanafJunie 2015totMei2016. InGautengwasdaar469 transaksies.Indiéprosesis 81163hateenR5,057miljard verhandel.Daarvanwas71 (15%)transaksiesvankleur. Transaksiesvankleurisdié tussenmensewatniewitisnie, regeringsaankopeengrondwat virmunisipalegebiedebekom is.Dithet7692ha(9,5%)van R495miljoenbehels. Altesame273(58%)van dietransaksieswasvirgrond kleineras50ha,met85(18%) virgrondvan51hatot150ha. Daarwas419transaksiesin Mpumalanga.Indiéprosesis 136082hateenR2,472miljardverhandel. Daarvanwas 94(22%)ooreenkomstevan kleurvir26421ha(20,8%) teenR510miljoen–20,6%van dietotalewaarde Altesame116(28%)vandie transaksieswasvirgrondvan 51hatot150haen118(28%) wasvirgrondgroteras300ha. IndieNoord-Kaapis275 transaksiesin22distrikte gesluit.Altesame531569hais teenR1,783miljardverhandel. Uitdieverkopewas33transaksiesvankleur( 12%),wat58 772ha(11,1%)verteenwoordig teenR323miljoen,18,1%van dietotalewaarde. Statistieke vir ál die provinsies is op Landbou.com beskikbaar, asook meer besonderhede, soos wie die transaksies aangegaan het. Klik op Plaasverkope.…

AUGUSTUS BREDASDORP 20-21, Megapark-binnenshuise plesier, Ryperdskou. Mariska Marais, sel 072 535 8158. E-pos: megaeques traincentre@gmail.com. PRETORIA 24-28, Jakarandaskou. Pretoria. Beeste: Pinzgauer, PinZ2yl, Dexter, Simmentaler, Brahman, Afrikaner, Limousin, Braunvieh; perde: Arabier, Walliese Ponie, Miniatuurperd, Nooitgedachter, Fries, Appaloosa; pluimvee, sierduif; konyn, haas; Boerboel. Hester Ingamells, sel 082 691 3019, tel. 012 327 0371. SEPTEMBER MIDDELBURG 2-4, Hartland-landbouskou. Pienaardam, Middelburg. Karkaskompetisie, bulveiling, beesskou, perdespring en meer. Catrien, sel 079 882 5207. E-pos: accom3 @pienaardamresort.co.za. PARYS 17-26, Alfa-week (beeste) Brahman. Afridome-skouterrein, Parys. Caroll-Ann Mienie, sel 079 477 4416. Web: www.afridome.co.za. TULBAGH 28 September-1 Oktober, Fries- en Saalperd-streekskou; Walliese Ponie Africa Golden Cup. Elsa Rix, sel 023 230 0189. E-pos: tulbagh skou@telkomsa.net. UNIONDALE 30 September-1 Oktober, Uniondale (OP-Saalperd), Boerperd-klubskou, provinsiale budjieskou. P. Stemmet (voorsitter), tel. 044 752 1047. OKTOBER CRADOCK 27-29, Cradock-skou. SA Saalperd-streekskou, Walliese…