Indholdsfortegnelse for 26-Aug-16 i Landbouweekblad

STOKOU STAATMAKER Mnr.EnielViljoenop’n McCormick-Deering 15-30-trekker,’n1928-modelwathyoorsowat600 uuruittweeouesopgebou het.Dieoorspronklike wielewasvolbyeneste,en Viljoenhet’nhalwedag gesukkelomdienestete verwyder.Diestaalwiele hetkammewatbinne-in diegrondloop,enmaak volgenshom“jouarms klaar”.DiéMcCormickis eenvan120veteraantrekkerswatbydieWes-KaapseVeteraantrekker-enenjinklubseekspoby Malmesburyuitgestalwas. Daarwasooksowat80 veteraanenjinstesien. KEER BRUCELLOSE Boere is die sleutel tot die bestryding van brucellose. Dr. Faffa Malan skryf in die Julie-verslag van Herkouerveterinêre Vereniging van Suid-Afrika dat ’n geval onlangs aangemeld is waar ’n kudde, ná ’n brucellose-vrye status van 30 jaar, positief vir die siekte getoets het. Die enigste kliniese teken is wanneer ’n koei aborteer. Die siekte kan na mense oorgedra word. Malan sê dit is uiters belangrik dat boere ’n goeie biosekuriteitsplan het, en dat ’n veearts die nodige raad moet gee oor die voorkoming van die siekte, die aankope en toets van diere en die instandhouding van plaasheinings. Sien ook die berig op bl. 17. WINGERDGRIEP-KUUR Australiese navorsers verbonde aan…

‘Slegs 17% van alle jong verse word teen brucellose ingeënt.’ MNR. GERHARD SCHUTTE, hoofbestuurder van die Rooivleisprodusente-organisasie (RPO). Bl. 17 ‘Kleiner boerderye en invoerders was ten gunste van 8%. Groter produsente, soos RCL, wou 20% hê en Astral Foods 25%.’ MNR. BILLY MAKHAFOLA van die Departement van Landbou, Bosbou en Visserye, oor pekelwater in bevrore hoender. Bl. 15 ‘Boere trek noustrop en kan in die versoeking gelei word met onwettige transaksies.’ MNR. PELHAM JONES, hoof van die SA Renostereienaarsvereniging, oor die inhegtenisneming van ’n Mokopane-wildboer. Bl. 15 ‘As bedrywe nie selfregulering toepas nie, sal die owerheid met wetgewing tussenbeide tree.’ MNR. LARDUS VAN ZYL, voorsitter van die RPO. Bl. 17 ‘Limpopo gaan na verwagting teen 2090 nie meer ’n geskikte klimaat vir die verbouing van makadamianeute hê nie.’ MNR. HAROLD…

DIE nasionale minimum loon behoort laer as enige ander sektorale vasstelling of kollektiewe bedingingsooreenkoms te wees, meen Agri SA. Die georganiseerde landbou het gereageer op die aankondiging van ’n paneel wat adj.pres. Cyril Ramaphosa raad moet gee oor wat die nasionale minimum loon moet wees. Volgens me. Elize van der Westhuizen, bestuurder vir arbeidsverhoudinge by Agri SA, wil die organisasie hê werkgewers wat, soos die landbou, deur ’n sektorale vasstelling gereguleer word, of wat deel van ’n bedingingsraad is, moet van ’n nasionale minimum loon uitgesluit word. Die huidige sektorale vasstelling vir die landbou is R128,26 per dag. Sy sê met die vasstelling van ’n nasionale minimum loon behoort infaserings en uitsluitings te geld. Verder stel Agri SA voor: ■ Met die instel van ’n minimum loon behoort ondernemings ’n…

DIE besluit van ’n Boerbokboer om ’n ooi aan ’n 12-jarige seun te skenk, het lesers op Landbou.com aan die hart gegryp. ’n Berig oor hoe mnr. Douw van der Merwe van die stoetery Hokaai naby Pretoria die opveil van een van sy ooie tydens ’n veiling deur Wholesome-afslaers laat staak het om die dier aan Jandré van Rooyen te gee, is binne vier dae meer as 48 000 keer gelees. Talle mense het die skenker geloof. Die reaksie het die skenker ’n knop in die keel laat kry. “Daar is baie mense wat méér doen as wat ek gedoen het,” het hy aan Landbouweekblad gesê. Van der Merwe ken die Van Rooyens en weet Jandré, ’n gr. 6-leerling aan die Laerskool Wonderboom in Pretoria, het ’n passie vir bokboerdery.…

LARDUS VAN ZYL | Reguleer self, voor staat dit doen Suid-Afrika moet ’n vrywillige naspeurbaarheidstelsel vir rooivleis ontwikkel, al is hy ’n netto invoerder. Die bedryf sal ook ’n bykomende klassifikasiestelsel moet oorweeg om rooivleis van ’n hoë gehalte te waarborg, was mnr. Lardus van Zyl, uittredende voorsitter van die nasionale Rooivleisprodusente-organisasie (RPO), se boodskap op die organisasie se nasionale kongres. Hy het ook gemaan dat die rooivleisbedryf homself moet reguleer. “As bedrywe nie selfregulering toepas nie, sal die owerheid met wetgewing tussenbeide tree,” sê hy. Voorbeelde daarvan was die regulasies oor pekelwater in hoendervleis en die perke op die sout-inhoud van verwerkte produkte. Van Zyl het gesê die bedryf moet ’n kollektiewe uitvoerstrategie en gesamentlike visie ontwikkel, en ook bemagtiging bevorder. “Dit is noodsaaklik dat die ontwikkelende bedryf wat…

MIELIEPODUKSIESTREKE kan krimp en ooswaarts beweeg, terwyl makadamiaproduksie in Limpopo heeltemal kan ophou en suidwaarts skuif. Mnr. Harold Weepener, navorser verbonde aan die Landbounavorsingsraad se Instituut vir Grond, Klimaat en Water, het op die landbousakekamer Agbiz se graansimposium gesê navorsing dui daarop dat reënval in Suid-Afrika oor die volgende paar dekades nie beduidend hoër gaan word nie. Gemiddelde temperature sal egter na verwagting met 0,5 °C tot 2 °C styg, wat die land se verskillende klimaatsones sal verander. “Die tropiese klimaatsone sal na verwagting suidweswaarts na die Oos-Kaap en KwaZulu-Natal begin beweeg, wat die produksie van veral makadamianeute in Limpopo gaan beïnvloed. Limpopo gaan na verwagting teen 2090 nie meer ’n geskikte klimaat vir die verbouing van dié neute hê nie. Die Oos-Kaapse en KwaZulu-Natalse binneland gaan egter al hoe…

1 NAMIBIË | Slagplaas op wiele Die Namibiese vleisverwerking-enbemarkingsmaatskappy Meatco het onlangs sy eerste “slagplaas op wiele” bekend gestel om kommunale boere in die noorde van die land te bedien. Dié mobiele slagplaas is die eerste in sy soort in Afrika, en het die kapasiteit om jaarliks ongeveer 4 800 beeste te slag. Meatco het met dié mobiele eenheid vorendag gekom nadat die noordelike slagplase in Oshakati en Katima Mulilo reuseverliese gely het. Tog wou die maatskappy kommunale boere in dié streek volhoubaar bedien. “Dit is aangepas vir die unieke behoeftes van produsente in die kommunale gebiede en bring slagdienste tot op die boer se voorstoep,” sê mnr. Ronald Kubas, raadslid van Meatco. – Die Republikein. 2 ZIMBABWE | Plan vir hoër graanproduksie Die Zimbabwiese regering identifiseer kandidate vir ’n…

DIE gebrek aan ’n duidelike opvolgplan en opvolgers wat nie behoorlik voorberei is nie, is van die vernaamste oorsake waarom familie-ondernemings en -boerderye nie suksesvol van een geslag na ’n volgende oorgedra word nie. Mnr. André Diederichs, stigterslid van die Suid-Afrikaanse Vereniging van Familie-ondernemings (Fabasa), het op ’n inligtingsdag van die Inmaakvrugteprodusentevereniging en Droëvrugte Tegniese Dienste op Robertson gesê 82% van geregistreerde besighede en meer as 95% van boerderye in Suid-Afrika is familie-ondernemings. Tog slaag net 30% van familie-ondernemings daarin om voort te bestaan wanneer dit van die eerste na die tweede geslag oorgedra word. Van die tweede tot die derde geslag is die suksessyfer net 14%. KRY ’N PLAN Diederichs sê families moet tydig optree en ’n duidelike plan saamstel om die onderneming oor geslagte heen behoue te laat…

Die nasionale veediefstal-voorkomingsforum doen ’n beroep op alle belanghebbendes in die rooivleisbedryf om saam te werk om veediefstal te voorkom deur hulle aan die bestaande wette te onderwerp. Veediefstal rig ekonomies gesproke baie skade aan en is boonop ’n misdaad waaroor boere baie emosioneel raak. Aspekte wat nie altyd in ag geneem word wanneer vee gesteel word nie, is hoe dit werkers se werksekerheid beïnvloed, asook vee-eienaars se afhanklikheid van vee vir kos en ekonomiese oorlewing raak. Navorsing het bewys dat veediefstal sedert 2003 drasties gedaal het ná die aanvaarding van die Wet op die Identifikasie van Diere (Wet 6 van 2002). In die jongste misdaadverslag is gemeld dat veediefstal met 6,5% gestyg het, maar geen navorsing is gedoen om te bepaal wat tot dié styging gelei het nie. Die…

Vandeesweek is mee. Hanlie Geldenhuys en Vicky Coetzee aan die woord. Vicky is ’n plantpatoloog wat sedert 2012 by Pannar werk. “Ek het my M.Sc. (Agric.) in plantpatologie (cum laude) aan die Universiteit van Pretoria voltooi en het in 2012 as junior plantpatoloog by Pannar aangesluit. In 2013 is ek tot plantpatoloog bevorder en was by die navorsing en ontwikkeling van die Panacea®-projek betrokke.” As plantpatoloog spits sy haarself tans daarop toe om meer oor plantsiektes by gewasse in Pannar en Pioneer se produkreekse te leer en hoe om dié siektes te klop. “Toe ek hier begin werk het, het ek gedink dit gaan ’n groot uitdaging wees om in hierdie ‘manswêreld’ my invloed te laat geld. Maar ál my kollegas, asook die produsente, het my vanuit die staanspoor verwelkom.…

Die Stud Game Breeders-groep was ’n pionier in die gesamentlike bemarking van wild toe dit sowat 11 jaar gelede op die been gebring is. Die enigste ander groep wat daardie jare kollektief bemark het, was die Gravelotte-swartwitpens-studiegroep se lede, vertel Jacques, een van die stigterslede van Stud Game Breeders. Dit het begin toe mnr. Miguel Ferreira van Exotic Game Breeders vir Jacques genader het met die voorstel om saam ’n veiling van hul beste wild aan te bied. Elkeen van hulle sou nog ’n teler nooi om deel te neem. So het Lumarie, Exotic Game, Dinaka en Tembani Game Breeders die eerste Stud Game Breeders-veiling op Rooiberg naby Thabazimbi aangebied. Intussen het Miguel die groep verlaat. Mnre. Edwin Claassen van Shelanti Game, Norman Adami van Nyumbu Game en Cyril Ramaphosa…

REGSAKE BUTCH VAN BLERK DIESELFDE KAMP AAN TWEE HUURDERS VERHUUR ’n Verhuurder verhuur tans dieselfde kamp aan my en nog ’n ander persoon. My kontrak is eerste gesluit, in April 2015, en die ander persoon se kontrak is in Junie 2015 gesluit. Die ander persoon het verlede jaar op 5 ha aanplantings gedoen, en nou onlangs weer. Wat staan my te doen? Moet ek ’n uitsettingsbevel teen die ander persoon kry, of skadevergoeding by die verhuurder eis vir kontrakbreuk vir die geld wat ek sou gemaak het vir die duur van die kontrak? Die regsreël wat in hierdie geval van toepassing is, kom van die Romeinse Reg. Dit is eeue oud en lui: Hy wat vroeër in tyd is, se reg is die sterkste. Gevolglik, waar twee mededingende belange op…

ek hoor van die plaas tussen Virginia en Theunissen wat heet Gooi die hoed. Alles as gevolg van ’n honger leeu wat die boer wou skiet. Met die gehardloop het sy vrou geskree: “Gooi hom met jou hoed!” Vandaar: Gooi die hoed. Landmeters, wat dikwels plaasname opgeskryf het, was nie almal gekant teen lekker tye en ’n sopie aan die einde van hul dagtaak nie. Op Marquard is daar drie plase genaamd Karba, Trommel en Vrolikheid. Die landmeters het glo destyds hul drinkgoedjies in ’n karba (’n fles met ’n groot buik en nou nek, gewoonlik met mandjiewerk daarom, volgens die woordeboek) vervoer. Die karba het begin lek en hulle het die orige drank sommer in ’n trommel gegooi. Die eerste plaas is toe Karba genoem, die volgende Trommel en…

DWARS 5. Soort skerp groente (5) 7. Aflossing (7) 8. Serie (5) 9. Voel (3) 10. Respek (3) 11. Gruis (5) 12. Boekeliefhebbery (13) 15. Houer aan die kant (5) 16. Kloostersuster (3) 18. Kolebak (3) 20. Veer (5) 22. Treurigheid (7) 23. Grondstof vir weefsel (5) AF 1. Jong soldaat (5) 2. Moeilikheid (5) 3. Erika (5) 4. Dorp in Vrystaat (13) 5. Landbounavorsingsraad, afk. (3) 6. Draadwerk (7) 11. Gasvry (3) 13. Uitwendige parasiet (7) 14. Skryfvloeistof (3) 17. Kunsvesel (5) 18. Argentynse dans (5) 19. Beskutting (5) 21. Dol (3) OPLOSSING AF: 1. Kadet; 2. Moles; 3. Heide; 4. Jagersfontein; 5. LNR; 6. Fiemies; 11. Gul; 13. Bosluis; 14. Ink. 17. Nylon; 18. Tango; 19. Skerm; 21. Mal. DWARS: 5. Lofui; 7. Delging; 8. Reeks; 9. Tas;…

Hoewel goeie reën altyd welkom is, kan die boer inderwaarheid sy mielie-oes met betreklik min reën deurhelp tot by oestyd, veral as die grond goed opgepas is, sê mnr. Frank Winder, besturende direkteur van die kunsmismaatskappy Advanced Agri. Die balans en beskikbaarheid van voedingstowwe in die grond is ’n onontbeerlike deel van gewassukses. Goeie grondfisika is belangrik vir wortelindringing van gewasse. Dit is ’n kritieke oorlewingshulpmiddel in ongunstige toestande. Dit is veral in suur grond moeilik om die bygevoegde voedingstowwe heeltemal reg te kry. Die korrekte byvoeging van kunsmis is uiters belangrik om die grondbalans te handhaaf. Die teenwoordigheid van voordelige biodiversiteit in die grond is ’n aanduiding van grondgesondheid. Dit lei dan regstreeks tot gesonde gewasse. Herhaalde grondbewerking kan egter die agteruitgang van mikro-omgewings veroorsaak wat vir hierdie organismes…

SOWAT 85%van Suid-Afrika se uitvoer-avokado’s is reeds geoes. Teen 13,5 miljoen kartonhouers van 4 kg lyk die volume effens beter as die aanvanklike oesskatting van sowat 12,8 miljoen kartonhouers. Mnr. Derek Donkin van die Suid-Afrikaanse Avokadokwekersvereniging sê die totale hoeveelheid avo’s wat vanjaar uitgevoer gaan word, sal die oes van verlede jaar oorskry – ten spyte van erge haelstorms wat verwoesting in boorde in Limpopo en Mpumalanga gesaai het. Dit is omdat avokadobome elke tweede jaar ’n beter oes dra. Verlede jaar was ’n “af”-jaar, sê Donkin. Volgens hom was die gehalte van vanjaar se vrugte goed en dit kan deels toegeskryf word aan die droë weer, maar ook aan kwekers se toewyding ten opsigte van besonderhede in die produksie van puik vrugte op ’n mark wat al hoe mededingender…

Die onderstaande oordragte van plaaseiendomme is deur aktekantore geregistreer (plaasnommer tussen hakies). GAUTENG CARLETONVILLE WILGESPRUIT (190) 12 ha, aan Oakleaf Inv. Holdings 138 (Edms.) Bpk., van Fellowshiptrust, R2 310 000. PRETORIA BLUE HILLS (397) 10 ha, aan Prophet Shepherd Bushiri Ministries, van H.J. Jung, R6 500 000. HONINGNESTKRANS (269) 21 ha, aan H. Alberts en W. Alberts, van E. Forster en T.T. Forster, R1 080 000. KROMDRAAI (115) 41 ha, aan Tanafield (Edms.) Bpk., van Laagland BK, R2 000 000. DORSTFONTEIN (553) 501 ha, aan Dorstfonteinboerdery (Edms.) Bpk., van J.P.J. du Toit, R12 500 000. WITPOORT (551) 616 ha, aan Dorstfontein-boerdery (Edms.) Bpk., van P.D. du Toitboerdery, R12 500 000. KWAZULU-NATAL PIETERMARITZBURG RIET VALLEI (851) 80 ha, aan die munisipaliteit Ethekwini, van V.R. Moodley, R3 220 000. ULUNDI BAREND (781)…

AUGUSTUS PRETORIA 24-28, Jakarandaskou. Pretoria. Beeste: Pinzgauer, PinZ2yl, Dexter, Simmentaler, Brahman, Afrikaner, Limousin, Braunvieh; perde: Arabier, Walliese Ponie, Miniatuurperd, Nooitgedachter, Fries, Appaloosa; pluimvee, sierduif; konyn, haas; Boerboel. Hester Ingamells, sel 082 691 3019, tel. 012 327 0371. SEPTEMBER MIDDELBURG 2-4, Hartland-landbouskou. Pienaardam, Middelburg. Karkaskompetisie, bulveiling, beesskou, perdespring en meer. Catrien, sel 079 882 5207. E-pos: accom3 @pienaardamresort.co.za. TULBAGH 28 September-1 Oktober, Fries- en Saalperd-streekskou; Walliese Ponie Africa Golden Cup. Elsa Rix, sel 023 230 0189. E-pos: tulbagh skou@telkomsa.net. UNIONDALE 30 September-1 Oktober, Uniondale (OP-Saalperd), Boerperd-klubskou, provinsiale budjieskou. P. Stemmet (voorsitter), tel. 044 752 1047. OKTOBER PARYS 3-9, Brahman-skou en -veiling. Afridome-skouterrein, Parys. Caroll-Ann Mienie, sel 079 477 4416. Web: www.afridome.co.za. 10-16, Nasionaal: Friesperd. Afridome-skouterrein, Parys. Caroll-Ann Mienie, sel 079 477 4416. Web: www.afridome.co.za. 20-23, Appaloosa. Afridomeskouterrein, Parys. Caroll-Ann Mienie, sel…

8% Die maksimum pekelwaterinhoud moet 8% wees, het navorsers van die Regering voorgestel in die aanloop tot die 15%-perk wat op 22 Oktober in werking tree. Die SA Pluimveeprodusentevereniging het gevra vir ’n 25%-perk, maar volgens die Departement van Landbou, Bosbou en Visserye was kleinboere tevrede met 8%. Sien bl. 15. – DAFF 43 979 162 kg Suid-Afrikaanse produsente het 43 979 162 kg wol in die 2015-’16-produksiejaar gelewer. Volgens Cape Wools se jaarverslag kom die meeste wol uit die distriksmunisipaliteit Pixley ka Seme in die Noord-Kaap, met 4 549 355 kg, gevolg deur die distriksmunisipaliteit Chris Hani in die Oos-Kaap, met 4 180 240 kg. – Cape Wools 1,74m. ton Suid-Afrika het dié seisoen al altesaam 1,74 miljoen ton koring ingevoer. Na verwagting sal ongeveer 2 miljoen ton ingevoer…

KOPSKUIF Dit was sy skoonpa, Edwin Claassen, se idee. Dié oubaas van die Shelanti-wildreservaat in Limpopo het presies geweet wie sy skoonseun, Jacques Beukes, moes nader toe hy ’n belegger gesoek het om sy tafeldruifonderneming in die Hexriviervallei uit te brei. Tebogo Mogashoa is ’n hoogs suksesvolle 40-jarige ingenieur wat in Soweto en die townships van die Oos-Rand grootgeword het. Vandag bemark hy sy duur wild saam met oom Edwin deur die Legacy Wildlife-groep. Tebogo gaan kuier toe vir Jacques op die familieplaas. Daar is wyn gedrink en gesels en toe Tebogo die Sondagaand terugvlieg huis toe, het hy geweet hy gaan ’n Bolandse uitvoertafeldruiweplaas voeg by sy beleggingsportefeulje, wat vlootbestuur, eiendom, internetkommunikasie, finansies en mynbou insluit. Die sakemotivering is doodeenvoudig. Jacques en sy broer behou hul tradisionele familieplaas en…

MNR. GREG MILES van die plaas Bare Acres in die distrik Stutterheim spog met die eerste geregistreerde homosigotiese Pintabian-hings in Afrika. Kopers van tot in Doebai, staan tou vir teelmateriaal. Lees die artikel op bl. 40. VERTEL ONS VAN JOU GESIN. Ek is al 18 jaar getroud met Maria. Ons het twee kinders, Robert (17) en Stephanie (16). WAAR KOM JOU LIEFDE VIR PERDE VANDAAN? Dit moet in die gene wees. My oupagrootjie het in die Anglo-Boereoorlog geveg en was ’n kranige ruiter. Tydens my weermagopleiding was ek in die berede afdeling. HOE OUD WAS JY TOE JY DIE EERSTE KEER PERD GERY HET? Dit was nog voor ek skool toe is. ’n Werker op die plaas moes ’n perd inbreek en toe gooi die perd hom af. Ek het…

’N VERBRUIKERSFOKUS en beter samewerking binne die waardeketting is onontbeerlik as die rooivleisbedryf sy groei en winsgewendheid beduidend wil verbeter, het kenners op die nasionale kongres van die Rooivleisprodusenteorganisasie (RPO) gewaarsku. Mnr. Alex Cilliers, hoofbestuurder van GWK-vleis, sê skaapvleis se aandeel van die gemiddelde verbruikersbesteding op vleis het in die afgelope drie jaar van 16% tot 13% gekrimp. Hy het gesê dié aandeel sal nog verder krimp tensy die bedryf sy waardeketting vernuwe. “Hierdie afname is nie te wyte aan die droogte of selfs aan verbruikersvoorkeur nie. Die huidige handelsomgewing waarbinne produsente hulle diere verhandel, het in die verlede goed gewerk. Die uitbreiding van slagplase en vleishandelaars het egter meegebring dat die konvensionele verhandeling van lewende hawe die hele voorsieningsketting nadelig geraak het.” Dr. Michael Bradfield, hoof van die Lewendehawe…

DIT IS steeds uiters moeilik om tot die voedselverwerkingsbedryf toe te tree, ondanks verskeie opspraakwekkende ondersoeke deur die mededingingsowerhede na onmededingend sakepraktyke in die bedryf. Trouens, luidens ’n verslag deur die sentrum vir mededinging, regulasie en ekonomiese ontwikkeling (CCRED) aan die Universiteit van Johannesburg, bly die bedryf, soos die ekonomie as geheel, hoogs gekonsentreerd en was daar nog min vordering met die toetrede van swart ondernemings. Sommige van die ongunstige tendense wat die navorsing uitgewys het: ■ Sterk sosiale netwerke bestaan tussen binnepersone (insiders) in die bedryf. ■ Teenmededingende optrede beskerm binnepersone en sluit nuwe toetreders uit. ■ Daar is weinig toetrede en deelname deur swart ondernemings wat die skaalgrootte het om voortbestaan te verseker. ■ Nuwe toetreders se sukses hang grootliks af van die besluite van leidende ondernemings, wat…

Amerika verwag ’n rekord-mielie-oes van bykans 370 miljoen ton, wat meebring dat dié land se mielievoorraad tot die hoogste vlak in 30 jaar kan styg. Die dollarprys van voergraan het daarom reeds skerp gedaal. Daarby het die rand sedert begin Januarie met bykans 22% teenoor die dollar versterk. In albei gevalle was dit anders as wat die markte verwag het en heelwat markdeelnemers ly swaar verliese. Vir Suid-Afrikaanse saaiboere kom die skerp dalings in pryse op ’n ongeleë tyd – net voor die nuwe produksiejaar begin. Saaiboere moet juis nou beding vir produksiekrediet vir die nuwe planttyd, terwyl die mielieprys met bykans 20% gedaal het in ’n raps meer as ses weke. Koringboere is ook in die pylvak met hul koring op die lande. Die plaaslike koringprys het ook met…

Naaldekokers is mooi én kan bewaringskundiges, waterbestuurders en boere help om die toestand van waterbronne, soos riviere, strome en damme, te monitor. “Om naaldekokers te gebruik vir varswater-assessering is eenvoudig, want hulle is redelik maklik om te identifiseer,” sê prof. Michael Samways, insekbewaringskundige in die departement bewaringsekologie en entomologie aan die Universiteit Stellenbosch. “Al wat jy nodig het, is ’n goeie gids, ’n nabyfokus-verkyker en ’n sonnige dag.” Naaldekokers word wêreldwyd aangetref, behalwe in die Poolgebied. Party is hoogs gevoelig vir menslike impak, terwyl ander opportuniste is wat in kunsmatige habitatte oorleef, soos voëlbaddens. “Dié uiteenlopende vatbaarheid maak hulle nuttig as aanduiders van varswaterkwaliteit en -bewaring,” sê Samways. “Wanneer ’n waterstelsel weens besoedeling of opdamming agteruitgaan, is daar altyd ’n verandering in die spesies wat in die gebied aangetref word,…

’n Leek verwar dikwels die Pintabian met die Appaloosa wat met die Amerikaanse Indiane vereenselwig word, sê mnr. Greg Miles van die plaas Bare Acres in die distrik Stutterheim. Daar is egter geen verwantskap nie. Greg sê die Pintabian het ’n goeie temperament, want hy is afkomstig van die oorspronklike mak Tobiano’s wat deur die Indiane aangehou is. Tobiano verwys na enige ras en het betrekking op die kleur van die kruising waar simmetriese patrone en kolle op die lyf voorkom. Die goed gedefinieerde kolle kom lukraak voor, maar kruis die rug iewers tussen die ore en stert van die perd. Die perd se kop is van kleur met wit merke. Gewoonlik is al vier bene wit, maar in sommige gevalle kan dit ook net een been wees. Elke Tobianokleurpatroon…

Die Van Greunen-boerdery het sy oorsprong in 1947, toe die huidige geslag se oupa geld moes leen om grond te koop vir ’n klein bestaansboerdery. Die boerdery is sedertdien uitgebrei en gediversifiseer tot waar dit 4 500 koeie twee maal per dag melk, 2 000 ton aartappelmoere en 3 000 ton aartappels op 120 ha verbou en bloubessies vir buitelandse en plaaslike markte op 100 ha kweek. Die aartappels en bloubessies word in die boerdery se pakhuise gesorteer en verpak en daar opgeberg en verkoel voordat dit na markte gestuur word. Mnr. Nelius van Greunen, besturende direkteur van die boerdery, sê benewens die toewyding van hul plaasbestuurders en werkers, is hulle ook gelukkig om ’n lang en vrugbare verbintenis met die navorsingsplaas Outeniqua van die Wes-Kaapse departement van landbou te…

Die plaas Vrede tussen Philipstown en Hanover in die Karoo het sowat 40 veekampe met watervoorsiening uit damme en tenks na suipings. Die eienaar, mnr. Diederik Vermeulen, sê hy het bykans weekliks probleme met toevoerpype wat weens slik en onsuiwerhede verstop. Sy buurman, mnr. Pierre van den Berg van die plaas Tafelkop, het hom sowat drie jaar gelede ’n eenvoudige patent gewys waarmee hy toevoerpype met lugdruk skoonblaas. Al wat jy nodig het, is ’n ou gasbottel wat van ’n trekkerbinneband se klep voorsien is en met ’n kompressor (lugperspomp) vol lug gepomp word. Diederikhulle pomp gewoonlik die bottel totdat die kompressor nie verder lug inlaat nie. (Hy het dit al oorweeg om ’n drukmeter op die gasbottel aan te bring om die lugdruk in die houer te bepaal.) PLAASINLIGTING…

Hoender-sampioenen-spinasiepastei Met dié maklike pastei kan jy ’n groot tafel vol mense kos gee. Maaskaasdeeg ■ 625 ml koekmeel ■ 5 ml sout ■ 250 g koue botter ■ 1 houer (230 g) gladde maaskaas ■ ’n Paar druppels yswater Vulsel ■ 1 blokkie hoenderaftreksel ■ 45 ml elk botter en koekmeel ■ 500 ml warm hoenderaftreksel ■ 125 ml room ■ 15 ml olie ■ 1 groot ui, fyn gekap ■ 2 knoffelhuisies, fyn gedruk ■ 3 repe bladspek, fyn gesnipper ■ 250 g bruin sampioene, gesnipper ■ 750 g gaar hoender, gevlok ■ 600 g babaspinasie, fyn gekerf ■ Sout en vars gemaalde swartpeper na smaak ■ 1 eier, geklits ■ 30 ml melk Maak die deeg in ’n voedselverwerker: Verwerk die meel en sout saam. Voeg die…

Voorkom produksieverliese deur die strategiese toevoeging van die regte kombinasie van spoorminerale en vitamiene voor kritieke stadiums in die produksiesiklus. Inspuitbare spoorminerale en vitamiene is ’n direkte manier van toediening waar tekorte is. Dit is omdat die interaksies tydens opname die maagdermkanaal omseil, of as die vlakke van dié elemente in die voer te laag is. Spoorminerale en vitamienes word benodig in kombinasie omdat die werking van baie van die funksionele ensieme wat gevorm word, oorvleuel of opgebou word deur meer as een element. As die spoorminerale in hul elementêre vorm met ’n inspuiting toegedien is, is een beperking die vry minerale wat nog reaktief in die ongebonde vorm is. Dit bly so tot dit in die lewer omskakel in die funksionele vorm, wat dan ensieme met ’n spesifieke funksie…

Die wydste reeks presisieplanters in Suid-Afrika word deur Monotec aangebied. By die planterkarretjies alleen is daar ’n keuse van vier. Van ’n ligte 2 ry-planter tot ’n swaar 24 ry-masjien – amper alle konfigurasies is beskikbaar. Rywydtes vanaf 21 cm tot 2,3 m is met die ontwerp versoenbaar. As ’n driepunt-planter te klein is, kan die boer tussen drie ander sleepmodelle kies: ’n Vaste raam, die Ultra-Max, wat vir vervoer vorentoe vou, of die Quad-Max, wat dwars huis toe gesleep word. Een ding bly met elke keuse dieselfde: Monosem se beproefde puik vakuum saadmeter. Oneweredige saad is vir geen Monosem-planter ’n probleem nie. Plant fyn sade, soos komkommer, soetrissies en tamaties, uiters presies met ’n Monosem. Wat ook al jou behoefte, ’n Monosem-planter sal daarvoor gebou kan word. NAVRAE: Tel.…

DIE opbloei van tegnologiese oplossings vir boerdery en die landbou bied geleenthede om jong mense na die bedryf te lok, het dr. Ilse Trautmann, hoof van navorsing in die Wes-Kaapse departement van landbou, op die tweejaarlikse internasionale bioberokingsimposium buite Stellenbosch gesê. “Ek glo die nuwe en opwindende tegnologie wat vir die landbou ontwikkel word, kan jong mense in die landbou laat belang stel. Maar, onthou, tegnologie maak dinge moontlik, maar mense laat dinge gebeur. “Ons moet aanhou om in jong mense te belê en hul vaardighede te ontwikkel sodat daar ’n volhoubare vloei van jong mense na die bedryf is.” Trautmann beskou mense as een van die agt bene waarop volhoubare landbou rus. Dit sluit ook die bewaring van die produktiwiteit van landbougrond en die bevordering en verbetering van vennootskappe…

BESTENDIGE MARK WINK VIR UIE DIE plaaslike uiemark is tans uiters gunstig met boere wat pryse van R70 tot R75 per 10 kg op die markte kry. Pryse van tot R90/10 kg word vir topmediumgroot uie op kusmarkte behaal. Mnr. Willem de Klerk van RSA Markagente sê die verwagting vroeër vanjaar vir Augustus was dat hoër verkope pryse sou benadeel. Dit het egter nie gebeur nie. Met laer as verwagte verkope het pryse vandeesmaand gestyg. “Ons reken die hoër pryse kan toegeskryf word aan laer oeste wat vanjaar gelewer is, met die WesKaap wat vroeër klaar geoes het en die noordelike dele van die land wat, na aanvanklike opnames, ook ’n laer opbrengs as verwag gelewer het. “Boere oes uie vroeër, wat tot kleiner uie en gevolglik laer voorraad op…

Die Landbounavorsingsraad se Instituut vir Landbou-ingenieurswese (LNR-ILI) ontwikkel tans ’n spuit vir onkruiddoders vir kleinboere met die oog op bewaringsbewerking. Dr. Tingmin Yu, die verantwoordelike navorser, sê rekenaarbeheerde slimsproeiers wat kommersiële boere in bewaringsbewerking gebruik om onkruiddoder te sproei op die plekke waar die onkruid bespeur word, kos meer as R100 000 per eenheid. “Kleinboere wat bewaringspraktyke wil toepas, het soortgelyke probleme met onkruidbestryding maar kan nie duur sproeiers bekostig nie. Vir hulle is die onkruidbestryding arbeidsintensief. Daar is gewoonlik min hulp beskikbaar en die werk word meestal deur vroue gedoen. Verder is die koste van die onkruiddoders hoog (tot 16%van produksiekoste).” Volgens hom ontwikkel die ILI tans ’n sproeierstelsel wat boerderye op klein skaal kan gebruik en wat 90% goedkoper sal wees, maar steeds ’n besparing van tot 80%…

KLAAR GEBOER, LIMPOPO, SKRYF: Manie, ek is ’n 72-jarige wewenaar, boer, pensioentrekker, 1,76 m, 90 kg, met groen oë en grys hare. NGK. Ek hou van die natuur, musiek – sokkie tot ligte klassieke musiek – diere, ’n geloofslewe en alles wat mooi en eerbaar is. Verlang ’n humoristiese vrou wat ’n toegewyde kerk-lidmaat is, nie rook nie, selfonderhoudend is en lief is vir die plaaslewe. BLACKIE, VS: 67-jarige man, pensioentrekker, nooit getroud, 1,85 m, 70 kg, met blou oë en swart hare. Behoort tot die VEK. Hou van jukskei, diere, tuinmaak en braaivleis. Verlang vroue wat nie drink nie. Foto’s, asb. OPAAL, W.KP: Sy is 75, weduwee, 1,4 m, 68 kg, met groen oë en grysbruin hare. Hou van handwerk, stap, kralewerk, musiek, die natuur en braaivleis. Verlang gesellige,…

LIGGING Mazabuka, Zambië D ie Brahmanbedryf het in die afgelope dekades die woelinge van Afrikapolitiek oorleef en daar wag ’n groot toekoms op die ras in Zambië, Zimbabwe, Angola, Mosambiek en Tanzanië. Dit is die gevolgtrekking van mnre. Wessel Hattingh en Jan van Zyl, onderskeidelik voorsitter en raadslid van Brahman SA, ná ’n besoek aan Zambië en Zimbabwe. Jan sê die Brahmanras is groter as die politieke onstuimigheid van Afrika en sy inwoners. Dié geharde beesras het onder meer in die afgelope vyf dekades in SuiderAfrika oorleef en gedy ondanks politieke onstuimigheid. “Ons het op die besoek aan Zambië die mooiste troppe suiwer Brahmane raakgeloop waaroor ’n beesboer kan droom,” sê hy. Die land het ’n klein stoeterykomponent, maar ’n uitgebreide kommersiële Brahmanbedryf. Van die groot boere hetkuddesvantot3000koeie. Die Brahman…

Verskeie sleutel nasionale doelstellings, soos ekonomiese groei, werk- en voedselsekerheid en landelike ontwikkeling, word in ’n reeks nasionale beleide uiteengesit. Dié doelstellings kan teen mekaar werk as hulle nie sorgvuldig in ooreenstemming gebring word met ’n samehangende visie nie. Eenvoudig gestel, Suid-Afrikaanse politiek is geskoei op ’n onsamehangende beleid. Die huidige morsige en chaotiese uitkoms kom van ’n reeks komplekse, ineengevlegde faktore, wat ’n krisis vir grondhervorming, landelike ontwikkeling en landboubeleid daarstel. Deel van dié probleem is ’n vloeibare beleidshiërargie, wat impliseer dat sommige beleide weens spesifieke politieke agendas op sekere tye meer aandag en hulpbronne van bo ontvang. Só sal ’n landboubeleid wat op die skep van ’n miljoen nuwe werksgeleenthede toegespits is ’n beleid troef wat volhoubaarheid voor werkskepping stel. Só ook word doelstellings vir grondhervorming naas dié…

ARTIKELS & RUBRIEKE ■ Koringmeul aanwins in gemengde boerdery ■ Brei waardeketting uit vir volhoubare wildbedryf ■ Fauresmith: Heldemoed en sweet ■ Boereplan: Taai batterylaaier in wind en weer GESIN ■ Boerekos: Maak dit met mieliemeel SPESIAAL ■ Megaweek WILD Eenvandieheelgrootstenameindiewildbedryf,dieboerensakeman mnr.WiaanvanderLindevanKimberley,meendieideaalisdatboereby diehelewaardekettingbetrokkemoetraak.DiebuffelbulTroy(met’n horinglengtevan46duimplus)isvandietopteeldierewatsyboerdery, Wintershoek,algeteelhet.…

BOER SIT VEILING STOP, SKENK BOERBOK AAN SEUN Jandré van Rooyen (12) se pogings om ’n Boerbok op ’n veiling by Pretoria te koop, is telkens deur boere-bieërs (waarskynlik met dikker beursies) in die wiele gery — totdat die verkoper, mnr. Douw van der Merwe (Hokaai-stoetery), die veiling stopgesit en die bok aan die seun geskenk het. Dié berig het reusebelangstelling op Landbou.com en sosiale media ontlok. LUKAS SWART skryf: Wat ’n man! Hy konsentreer op die veiling, maar tog sien hy die begeerte in die jong man se hart om ’n goeie teeldier te bekom. Onbaatsugtig skenk hy die dier. Hy sal geseën word wanneer hy dit nie eens verwag nie. KOBUS GROBLER skryf: Ons boere moet na mekaar kyk en veral die jong boere se passie beskerm. Dankie…

“PIET is nie ’n renosterstroper of smokkelaar nie,” sê mnr. Piet Warren, bekende megaboer en kennis van mnr. Pieter van Zyl, gesiene boer van Mokopane. Van Zyl is onlangs saam met twee ander mans, mnre. Marco Swanepoel en Stephan Mylie, in hegtenis geneem vir en aangekla van die onwettige besit en handel in renosterhoring. Die drie is glo deur ’n agent van die Valke in ’n lokval gelei en het probeer om vyf renosterhorings aan hom te verkoop kort voor hulle gearresteer is. Brig. Hangwani Mulaudzi, die Valke se woordvoerder, sê by verdere ondersoek is daar later op nog 105 horings by ’n huis in Equestria in Pretoria afgekom. Die eenheid is tans besig om Van Zyl se permitte vir die besit van hierdie horings na te gaan en om…

DIE gesondheidstatus van die land se nasionale veekudde is die gesamentlike verantwoordelikheid van die veebedryf en al sy produsente met die samewerking van die betrokke staatsinstellings. Dr. Mike Modisane (foto onder), veeartsenykundige hoof van die Departement van Landbou, Bosbou en Vissery en voorsitter van Wêreldorganisasie vir Dieregesondheid (OIE), het ’n beroep op produsente en selfs kleinboere gedoen om hul verantwoordelikheid in die voorkoming van die verspreiding van siektes na te kom. Hy het op die nasionale kongres van die Rooivleisprodusenteorganisasie (RPO) op Parys sy kommer uitgespreek oor die gevaar wat brucellose vir die land se veeproduksie inhou. Volgens hom is daar steeds gebreke in die inwerkingstelling van die Regering se bestrydingsprogram daarvan. “Dit is van uiterste belang dat alle belanghebbendes met die Regering saamwerk om dieresiektes te bekamp,” sê hy.…

APPELBOERE in Grabouw sal dalk alternatiewe gewasse moet oorweeg indien voorspellings oor temperatuurstygings in die Wes-Kaap reg is. Volgens dr. Stephanie Midgley, projekbestuurder van die Wes-Kaapse regering se Smart-Agri-plan, toon klimaatsmodelle dat die provinsie teen 2050 sowat 1,5 °C tot 3 °C warmer sal word, hoewel hulle hoop dit kan tot 2 °C beperk word. Meer warm dae per jaar word ook verwag. Sy sê ’n skuif in reënvalpatrone is ook opvallend. Die winterreënval verminder en skuif na September tot Desember. Minder reënerige dae word verwag en neerslae sal hewiger wees. Volgens klimaatsmodelle sal die westelike deel van die provinsie meer geneig wees tot droër toestande. Die hoeveelheid koue-eenhede gaan ook in veral Mei daal. ‘Ons sukkel reeds met probleme, soos sonbrand en kleur, maar ons kan verwag dat dit…

DIE voedselverwerking-bedryf word oorheers deur ’n klein aantal groot, vertikaal-geintegreerde ondernemings. Nuwe toetreders het groot beleggings nodig omdat dit lank duur om produksie aan die gang te kry. Bedinging met supermarkte is ’n groot uitdaging, veral vir kitsbevrore hoenderstukke, wat die grootste deel van die mark is en wat as ’n redelike standaard-kommoditeit beskou word. Boonop het invoer produsente se bedingingsmag met groot kleinhandelaars verswak. Dierevoer is, wat produksiemiddele betref, die belangrikste koste en navorsers sê die bedryf se kostemededingendheid op lang termyn is afhanklik van die verkryging van goedkoop mielies en soja. MEULENAARS Dié bedryf het stygende vlakke van vertikale integrasie en hoë kapitaalkoste vir toegang. Nuwe en potensiële toetreders vermoed bedryfsorganisasies gebruik hul beheer oor geakkrediteerde opleidingsprogramme as ’n meganisme om nuwe toetreders te dwarsboom. “Die binnepersoon-netwerke wat…

DIE vrugtebedryf het tans ’n plan op die tafel om die evaluasie van kultivars en onderstamme te verbeter deur ’n onafhanklike ouditproses te volg. Dit sal boere in ’n mate beskerm teen ongetoetste, onaangepaste kultivars. Heelwat nuwe kultivars word jaarliks in die bedryf bekend gestel, van die Landbounavorsingsraad (LNR) se kultivarprogram én van verskeie vrugte-bemarkingsmaatskappye wat kultivars invoer en aan die bedryf beskikbaar stel. Boere moet kultivars kies op grond van hul unieke eienskappe, maar ook die aanpasbaarheid daarvan in ’n nuwe omgewing in ag neem. “Dit duur lank voor bome in volle drag kom. Daarom kan die verkeerde gebruik van ’n kultivar jou duur te staan kom,” het mnr. Dappie Smit, hoofbestuurder van Droëvrugte Tegniese Dienste (DTD), tydens die Inmaakvrugteprodusentevereniging (IPV) en DTD se tegniese inligtingsdag vir vrugteboere op…

Die sterk rand bied ’n geleentheid om die koste van diesel te verlaag. Produsente wat landbouprodukte uitvoer, is aan ’t bespiegel of hul uitvoerverdienste nou of later na Suid-Afrika toe terug moet bring. Die rand kan verswak indien Amerika se federale reserwebank dié land se rentekoerse in September verhoog. Die Brexit-besluit begin reeds om handelsvloei tussen Suid-Afrika en Brittanje ongunstig te beïnvloed en dit kan al teen einde vanjaar ’n impak hê. In teenstelling daarmee jaag internasionale beleggers tans beter opbrengste op hul beleggings na. Hulle vind dat beter opbrengste in ontwikkelende markte geleë is. Hierdie kapitaalinvloei versterk die rand. Suid-Afrika se betalingsbalans het onlangs beter begin vertoon en die landbou lewer ’n belangrike bydrae tot Suid-Afirka se uitvoerinkomste. Beleggers beskou Suid-Afrika se beleggingsklimaat ook in ’n gunstiger lig. Die…

Ek waarsku al lank in hierdie rubriek teen die misbruik van trusts om belastingspeletjies te speel. Die wysigingswetsontwerp op belastingwette (2016) wat pas die lig gesien het, gaan dinge nou vasvat en ek kan maar net sê “jammer” vir diegene wat nie wou luister nie. Nou gaan julle voel. Dié van ons wat wakker sit, kon die rookseine al in 2013 sien toe mnr. Pravin Gordhan, Minister van Finansies (in sy eerste ronde), in sy begrotingsrede begin geluide maak het teen die misbruik van die deurvloeibeginsel om verpligtinge ten opsigte van inkomste- en kapitaalwinsbelasting te verminder. Dié beginsel laat toe vir inkomsteverdeling (party se hantering hiervan kom op belastingbedrog neer) en dus kleiner totale belastingaanspreeklikheid. Trusts is ook ’n doeltreffende middel om op boedelbelasting te bespaar deur groeibates in ’n…

Suid-Afrikaanse verbruikers bly lief vir hul rooivleis, het ’n opname verlede jaar gewys. Hulle weet hoe om dit gaar te maak en sê dit is gewoonlik smaakvol en sag. Wanneer hulle rooivleis koop, is veiligheid, voorkoms en prys gewoonlik die belangrikste oorwegings, sê prof. Hettie Schönfeldt, buitengewone professor in die departement vee- en wildkunde aan die Universiteit van Pretoria. Die studie is deur die organisasie Rooivleisnavorsing en -ontwikkeling Suid-Afrika gefinansier en Schönfeldt het gedurende ’n werksessie in Kempton Park oor van die bevindinge gepraat. Die werksessie is deur die Devon-slagplaas, met die samewerking van die Rooivleisabattoirvereniging, aangebied. Dit het gewys laer inkomstegroepe verminder weens prys hul skaap- en lamsvleisverbruik, maar koop wel steeds beesvleis. Daar is ook groeipotensiaal vir varkvleis. Verpakkingsgrootte is wel vir hulle ’n belangrike oorweging, en iets…

Hoewel hulle redelik min openbare aandag trek, vorm skape en bokke ’n belangrike deel van boerderybedrywighede wêreldwyd. Suid-Afrika is geen uitsondering nie. In 2014-’15 het 23 miljoen van dié diere deur ’n verskeidenheid produkte, byvoorbeeld vleis, wol, bokhaar en pelse, ’n bruto inkomste van byna R10 miljard aan boere gelewer. Skaapgetalle bly stadigaan afneem. Dit het van 22,2 miljoen in 2005 tot 21,2 miljoen in 2014 gedaal – ’n afname van net minder as 5%. Merino’s bly die vernaamste skaapras in die land en beloop net meer as die helfte van die algehele skaapkudde. Merino’s is ook belangrik in ander lande. Merinogetalle het met byna 6% afgeneem tot net meer as 11 miljoen in 2014. Hoewel Merino’s in die amptelike statistieke as “wolskape” geklassifiseer word, is hulle ook gewild vir…

Die wildbedryf is g’n op ’n afdraande pad nie, verklaar mnr. Jacques Malan van die Lumarie-wildboerdery naby Bela-Bela in Limpopo as ’n mens hom oor die verlangsaming van pryse vra. “Die bedryf is in sy kinderskoene en is, soos alle ander landboubedrywe, besig om die ergste droogte in honderd jaar te oorleef. “Ons voel nou vir die eerste keer hoe voel mielieboere as die mielieprys verlangsaam. Maar nes mielieboere weet ons dit is nie die einde van die wêreld nie; dit is bloot die impak van natuur en ekonomiese siklusse.” Jacques het in 1975 saam met sy pa, mnr. Jimie Malan, met wild begin boer. Aan die begin het hy net deeltyds geboer, want hy was verantwoordelik vir die familiebesigheid in Pretoria, naamlik Malanseuns-kwekery. Kort nadat Jimie in 2001 oorlede…

R250 -R280 VOEDING KLEINVEE-KORRELS Voerkorrels vir ramme, ooie en lammers en vir ooie in ’n intensiewe lamstelsel is deur Voermol bekend gestel. Voermol Ram-, Lam- en Ooikorrels (reg. V26842) is vir algemene gebruik by skape en bokke. Dit kan net so gevoer word, is volledig gebalanseerd en bevat smaaklike melasse wat goeie inname verseker. Die voerkorrels kan as aanvullende voeding vir diere op die veld gegee word en is die ideale byvoeding vir skape en bokke wat saans gekraal word. Dit bevat anioonsoute en kan vir ramme gevoer word. Dit bevat voldoende hoeveelhede proteïene, minerale en spoorminerale vir algemene gebruik. By swak weiding kan dit as onderhoudsvoer teen 2%-2,5% van diere se liggaamsgewig gegee word. Voermol Lamhokkorrels (reg. V26843) is volledig gebalanseerde voerkorrels vir laat dragtige en lakterende skaap- en…

Barend Grobler van Uitkyk op Dewetsdorp het sedert 2011 ’n deeltydse boerdery op 650 ha veegrond in ’n winsgewende braaihoenderbesigheid omskep. Hy het ook aanspraak gemaak op verlede jaar se Vrystaatse Jongboer van die Jaar-titel. LIGGING Dewetsdorp, Vrystaat Hoekom boer jy? Ek wou my hele lewe al boer, want ek hou van die leefstyl. Ongelukkig was ons (erf-)grond te klein, en moes ons alternatiewe oorweeg. ’n Intensiewe hoenderbesigheid was die antwoord. Hoeveel braaihoenders lewer jy? Ons lewer 250 000 braaikuikens per 33 dag-siklus. Teen Oktober gaan ons ekstra hokke voltooi en dan sal dit 360 000 per siklus wees. Die dag oue kuikens weeg net 40 g. Wanneer ons hulle weglaai, trek die skaal op 1,8 kg. Hoe bemark jy die vleis? Ons is net ’n fabriek wat hoenders lewer.…

PRAAT, DAT EK JOU KAN KEN DS. KOBUS VAN DER WESTHUYZEN Praat, man, dat ek jou kan ken!” Met dié woorde wou iemand te kenne gee dat woorde nie net betekenis het nie, maar ook ’n manier van selfopenbaring is. Dit wys wie jy werklik is. Min dinge is so skeppend soos woorde, maar min dinge is ook meer misleidend en bedrieglik. Die apostel Jakobus waarsku teen struikeling wat deur die tong veroorsaak word. Hy vergelyk dit onder meer met ’n klein vuurtjie wat ’n groot bos aan die brand steek. In skerp snydende woorde sê hy dié vuurtjie word in die hel aangesteek. Dieselfde “vuurtjie” kan egter ook die lof van God verkondig. Jakobus waarsku dan dat lof en vloek nie uit dieselfde mond behoort te kom nie (Jak.…

DiestorievanJohnDeere is ’n verhaal van vernuwing wat nooit ophou nie, sê mnr. Antois van der Westhuizen, hoof van John Deere Financial Sub-Sahara Afrika. “Sedert John Deere in Suid-Afrika betrokke geraak het, het ons vernuwend gebly om aan boere die beste moontlike voordeel vir hul boerderye te bied,” sê hy. John Deere Financial is in 2005 in Suid-Afrika gestig met die uitsluitlike doel om die koste van eienaarskap van John Deeretoerusting te vergemaklik “Ons wil boere help om die duursame, betroubare toerusting van John Deere tot hul beskikking te hê deur bekostigbaar te wees. John Deere Financial het in 2012 uitgebrei na die res van Afrika suid van die Sahara om aan boere ook die voordeel van ons finansieringspakkette te kan gee. “John Deere is verbind tot almal wat aan die…

Die lewe is jou kosbaarste besitting, en ’n mens besef eers hoe kosbaar dit is wanneer jy of iemand na aan jou in gevaar staan om dit te verloor. Die feit dat soveel mense op plase, kleinhoewes en in woonbuurte deesdae hul lewens verloor of ernstig beseer word tydens roofaanvalle, skrei ten hemele. Die geweld en wreedheid van hierdie aanvalle is skokkend en mens vra die vraag: Hoe kan ek myself, my vrou en my kinders beskerm as die aanval kom? Meestal word hierdie aanvalle deur meer as een aanvaller uitgevoer, wat dit nóg moeiliker maak om jouself te verdedig. Skiet is nie altyd ’n opsie nie, en selfs al is daar duidelike getuienis dat jy uit noodweer jou aanvaller geskiet het, word jy daarna tydens die ondersoek, wat boonop…

DIEvolgendeontledingvan grondverkopeinSuid-Afrika handeloordiegrondtransaksiesvirstukkegrondgroteras 20haindieOos-Kaapvanaf Junie2015totMei2016. Indiétydis367transaksiesin38distrikteaangegaan. Altesame244889 haisverhandelteenR1,869 miljard.Daarvanwas65 transaksies(18%)vankleur. Transaksiesvankleurisdié tussenmensewatniewit isnie,regeringsaankopeen grondwatvirmunisipale gebiedebekomis.Indiéproses is25797ha(10,5%)van R344miljoen(18,4%vandie totalewaarde)verkoop.Elf vandietransaksieswasvir landboudoeleindes,tweevir dorpsontwikkelingen51was privatetransaksie. Uitdietotaalwas79(22%) transaksiesvirgrondkleiner as50hametdiemeestetransaksies( 186)virgrondgroter as300ha. Bydiehelftevandiedistrikteworddalendeprysneigings waargeneem.Ditishoofsaaklikindieoostelikedeelvandie provinsie. Statistieke vir ál die provinsies is op Landbou.com beskikbaar, asook meer besonderhede, soos wie die transaksies aangegaan het. Klik op Plaasverkope.…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in Landboukalender. Die besonderhede moet gestuur word aan: Landbouweekblad, e-pos: lbw@landbou.com. BOEREDAE 14 OKTOBER: Witzenberg-agridag. Tema: Brandpunte op die landbou-front. Sprekers sluit Lennox Plaatjies, Raymond Koopman en Chris Burgess in. Neels Boshoff, Old Mutual, tel. 023 316 8483. E-pos: cboshoff@oldmutual.com. KONGRESSE 30-31 AUGUSTUS: Agri Limpopo-kongres: Gala-aand, Jongboer-wenner, algemene jaarvergadering, damesprogram. Weesgerus-vakansieoord. E-pos: admin@agrilimpopo.co.za. 7 SEPTEMBER: TLUSA, algemene jaarkongres.Tema:Kommersiëlelandbou– diesleuteltotstabiliteit. WNNR-konferensiesentrum, Pretoria.LynneKaiser,tel.012804 8031. E-pos:media@tlu.co.za. KURSUSSE 30 AUGUSTUS: Koei / kalf. Bloemfontein. Peter Milton, sel 083 630 8868. 1 SEPTEMBER: Beesvoerkraal. Bloemfontein. Peter Milton, sel 083 630 8868 5 SEPTEMBER: Ooi /lam. Bloemfontein. Peter Milton, sel 083 630 8868 5–9 SEPTEMBER: Inleidende kursus in kleinveebestuur. LNR, Irene. Annetjie Loubser, tel. 012 672 9153. E-pos: aloubser@arc.…

vanoggend teen dagbreek sit en kyk ek na die Brahmane voor my kantoorvenster en dank die Skepper vir die voorreg om so nou betrokke te wees by Sy natuur en grootheid. Toe ek as ’n seun in 1972 met die hulp en leiding van my vader, Gideon, met my eerste vyf stoet-Brahmane begin boer het, sou ek nie kon droom wat die ras uiteindelik vir my sou beteken nie. Ek deel graag ’n paar lewenslesse met u. Passie: Ontwikkel ’n entoesiasme en liefde vir jou beroepskeuse en lewe dit elke dag voluit. Daag jouself uit om V môre méér by te dra en méér te gee as wat jy self verwag. Dit is maklik om vir die Brahmanras met sy eie persoonlikheid, intelligensie en reproduksievermoë lief te raak en lief…