Indholdsfortegnelse for 19-Apr-19 i Landbouweekblad

Beleggersvertroue in mnr. Werner Baumann, uitvoerende hoof van Bayer, is aan die kwyn in die nadraai van dié maatskappy se verkryging van die landboutegnologiemaatskappy Monsanto verlede Junie teen $63 miljard (R889 miljard). Sedertdien het die maatskappy twee hofgedinge in Amerika verloor oor bewerings dat Monsanto se glifosaatproduk RoundUp kanker veroorsaak. Die gevolmagtigde adviseur Glass Lewis & Co bevraagteken Baumann se leierskap, en dring aan op ’n mosie van wantroue in hom en ander bestuurslede op Bayer se jaarvergadering op 26 April. Glass Lewis het die direksie onder meer gekritiseer oor die goedkeuring van ’n verhoging van 28% in Baumann se kontantbonus, tot €1,7 miljoen (R26,7 miljoen) vir 2018. In een aanduiding van aandeelhoueropstand het mnr. Christian Strenger, ’n korporatiewe bestuurskenner, ’n mosie voorgelê wat voorstel dat direksielede nie kwytgeskeld word…

ARTIKELS & RUBRIEKE ■ Groot vordering gemaak met poenageen ■ Dok Faffa: Onblusbare geesdrif oor dieregesondheid ■ Gewasse: Nuwe tegnologie baan weg vir die landbou ■ 19 Elitebulle spook sake uit ■ Bokwerk maklik met dié raamwerk SPESIAAL ■ Suiwel, Drakensberger-bylae GESIN ■ Boerekos 14 is hier! GROOTVEE Die poenskopeienskap by Drakensbergers is nog skaars, maar mnr. Van Zyl Naudé van Richmond sien dit as sy taak om ’n bees met dié kenmerk aan Karooboere te lewer. Met sy jongste kalftyd het hy ’n gesonde kalfpersentasie van 78 behaal. Ingesluit by hierdie uitgawe is ’n bylae oor dié bees en die rol wat dit in herlewingslandbou speel.…

MEER AS R1 MILJOEN SE KALWERS GESTEEL Meer as 200 speenkalwers is die afgelope drie weke in die Vrystaat en Noordwes gesteel, sê mnr. Willie Clack, voorsitter van die nasionale veediefstalvoorkomingsforum. ’n Vyf maande oue speenkalf kan 180 kg weeg. Teen ’n speenkalfprys van sowat R34/kg lewende gewig beteken die verlies van 200 speenkalwers skade van sowat R1,2 miljoen, sê hy. ANNEKE BEZUIDENHOUT skryf: Jig, maar dis erg. En dit raak elke jaar erger. SONET KRUGER skryf: Soos die speenkalfprys nou val ná die bek-en-klouseeruitbreking en die manipulasie van die mielieprys, kan ’n man miskien net bly wees as sy kalwers gesteel word. Dan hoef hy hulle ten minste nie verniet te voer tot op speenouderdom en dan “steel” die voerkrale dit by hom nie . . . GERDUS COMBRINCK…

DIE Vrystaatse departement van landbou en landelike ontwikkeling was teen druktyd besig om ’n verklaring voor te berei om wanvoorstellings oor die bekamping van brucellose in die provinsie die nek in te slaan. Dit volg ná ’n verslag van die Openbare Beskermer (OB) waaroor Landbouweekblad in sy uitgawe van 12 April be-rig het. In dié verslag het adv. Busisiwe Mkhwebane, die OB, die departement van wanadministrasie in sy hantering van die uitbreking van brucellose op die melkplaas Goedemoed by Ventersburg beskuldig. Dr. Petra Kitshoff, die staatsveearts, is ook ingevolge die verslag daarvan beskuldig dat sy nie die nodige bekampingsmaatreëls ingestel het nie. Kitshoff het in Bloemfontein haar reaksie weerhou totdat die departement se verklaring uitgereik word. In die verklaring sal die departement sy geloofwaardigheid om siektes in die provinsie te…

ONSEKERHEID heers oor wanneer Suid-Afrika ’n wettige mark vir die verkoop van dagga gaan hê. Op ’n onlangse dagga-ekspo in Kaapstad het dit duidelik geblyk dat die C annabis-familie groot finansiële geleenthede vir Afrika bied. Die internasionale daggabedryf is uiters winsgewend. Die eerste vier lisensies om Cannabis vir die farmaseutiese mark te verbou, is op 1 April deur die reguleringsowerheid vir Suid-Afrikaanse gesondheidsprodukte uitgereik. Die gebrek aan ’n plaaslike mark vir die wettige verkoop van die produkte dwing die lisensiehouers om ooreenkomste met buitelandse maatskappye aan te gaan. Geen waardetoevoeging kan op eie bodem plaasvind nie. Die Suid-Afrikaanse daggabedryf kan binne vier jaar nagenoeg R27 miljard per jaar vir die ekonomie werd wees. RIGLYNE? Die staat het einde verlede jaar gesê dat hy riglyne vir die regulering van die verbouing…

ONSEKERHEID oor die regering se planne met grondhervorming kan veral vir middelgroot boere nadelig wees. Daarom is dit noodsaaklik dat wit Suid-Afrikaners gesamentlik verantwoordelikheid neem om die narratief oor die verlede te verander. Dit sal onder meer verg dat erken sal moet word dat swart Suid-Arikaners in die verlede van grond ontneem is, sê dr. Piet Croucamp, politieke ontleder. “Dalk kan ons dan die gesprek verskuif van die gedagte dat wit kommersiële boere alleen die prys vir alle ongeregtigheid van 300 jaar se kolonialisme moet betaal,” het Croucamp op Glacier van Sanlam se beleggingsberaad op Golden Gate gesê. Wetgewing, soos 1913 se Wet op Naturellegrond en die Groepsgebiedewet, het grond van swart Suid-Afrikaners weggeneem. “Die erkenning van hierdie historiese feit beteken egter nie die grond moet teruggee word nie. Dit…

Onlangs vra ek ’n afgetrede uitvoerende hoof van ’n genoteerde maatskappy of dit lekker is om nie meer al die druk en verantwoordelikhede te hê nie. Sy antwoord het my onkant betrap. “In Desember het 20 000 werknemers nog na my geluister. Vandag luister nie eens my hond na my nie. Ek is lank gemeet aan hoe goed ek die maatskappy bestuur. Nou gee niemand om nie.” Is jy reg om af te tree? Is jy voorbereid op die dag dat jou kind die boerdery oorneem en jy nie meer besluit wat geplant word nie? In die sakewêreld is dit verpligtend om af te tree, en die druk neem toe om plek te maak vir jong mense wat nie werk kan kry nie. Teen die spoed wat dinge verander, is…

Die dag toe die Johannesburgse geoktrooieerde rekenmeester mnr. John Devonport ’n plaas op die oewer van die Vaaldam koop, het hy niks van boerdery geweet nie. Hy wou eintlik die plaas hê sodat hy op die dam kon roei. Eintlik was Devonport gelukkig dat hy die plaas kon koop, want hy het effe laat by die veiling opgedaag. Die bieëry het al begin, maar die afslaer het hom kans gegee om ’n vraag te vra: “Droog hierdie deel van die dam ooit op?” Toe die antwoord nee was, het hy saam begin bie en die plaas gekoop. “Ek wóú die plaas hê, want ek roei graag. Die Vaaldam sou die regte plek wees en ek kon die lieflike natuur daar geniet,” vertel Devonport van dié gebeurtenis wat hom en sy…

Wanneer is genoeg genoeg? Dié vraag geld seker alle aspekte van die lewe. Wanneer het jy genoeg geld, genoeg voorsiening gemaak vir jou aftrede, genoeg beeste? Wanneer kry jy genoeg geld vir jou produk? Die lys kan lank aangaan. Die ander vraag waarmee ek baie worstel, is hoe weet ’n mens wanneer jy ’n spesifieke eienskap tot sy maksimum gedruk het, en waar is die keerpunt vir ’n spesifieke eienskap? Dit geld veral as ons met die natuur werk, want ons weet dat Moeder Natuur altyd die laaste sê het. Wanneer word van optimaal oorgegaan tot maksimaal? Maksimaal is nie noodwendig winsgewender as optimaal nie. Inteendeel, maksimaal is gewoonlik minder winsgewend as optimaal, veral omdat dit kunsmatig bereik word. Stoetboere het hierdie dilemma wanneer hulle met teelmateriaal werk wat uit…

Topvleisbeesprodusente slaag daarin om hul teeldoelwitte te behaal, onder meer deur die optimale benutting van die beskikbare hulpbronne en inligtingstelsels. Dit is die geval met die Rouvus-Drakensbergerstoetery van mnre. Gawie en Frik Roux in die distrik Ventersburg. Hul prestasies getuig daarvan dat die stoetery op ’n hoë vlak bestuur word. Dit sluit in die Oos-Vrystaatse streekwenner in die Elitevleisbeestelerkompetisie van SA Stamboek (2018), asook verskeie goue eerbewyse deur die jare, die Drakensberger-telersgenootskap se kudde met die beste speenteelwaardes (2017 en 2018), en verskeie kere ’n finalis in Vleissentraal en SA Stamboek se Elite-bulgroeitoetsklas. Die Rouvus-pa-en-seun boer met ’n Drakensberger-stoetery en ’n kommersiële bees-en SA Vleismerino-kudde, en verbou mielies en sonneblom. Die Rouxs se stoetery op die plaas Kalkfontein is 43 jaar gelede geregistreer. Een van hul belangrikste hulpmiddels is ’n…

Stone van Kansas in Amerika vervaardig veeartsenykundige toerusting en hulpmiddels vir die veebedryf. Dié produkte is by Bloem-veeprodukte beskikbaar. Model 3700 van Stone se Pro Rotary Tattoo Outfit bied tatoeëermerkers vir vier syfers, wat ook vir twee leë spasies in die kombinasie voorsiening maak. Dit bied ’n vinnige aanskuif na die volgende syfer in die kombinasie. Die basisplate van die syfers is van geelkoper met vernikkelde naalde wat duidelike tatoeëermerke verseker.’n Houer met 85 g swart ink word ingesluit. PRYS: R4 747…

Knoffelhoender Net ’n hand vol bestanddele, maar ’n pan vól geurige lekkerte. ■ 8-10 hoenderstukke ■ Gegeurde meel ■ 80 ml olyfolie ■ 10 heel knoffelhuisies, afgeskil ■ 160 ml witwyn ■ 250 ml hoenderaftreksel ■ 45 ml gekapte, vars pietersielie of tiemie Druk die hoenderstukke droog en bestuif met gegeurde meel. Skud enige oortollige meel af en braai die hoenderstukke in ’n diep swaarboompan in die olie tot goudbruin. Skep uit op ’n bord. Sit die knoffel in ’n pan en braai tot goudbruin. Voeg die wyn by en laat vir 1 minuut afkook. Voeg die aftreksel by, maak die pot toe en laat prut tot die knoffelhuisies sag is. Druk die saggekookte knoffel met ’n aartappeldrukker fyn. Sit die bruingebraaide hoenderstukke ook in die pot. Bedek en kook…

Hoewel gewasproduksie wêreldwyd toeneem, het kunsmispryse redelik gestabiliseer teen relatief lae pryse oor die laaste paar jaar, sê mnr. Mark Hanksworth, binnelandse bemarkingsbestuurder van die kunsmismaatskappy Sasol. Weens die droogte in groot dele van die land het die vraag na kunsmis sedert verlede jaar afgeneem weens die laer mielieen ander graanaanplantings. Die meeste kunsmis word uit die Midde-Ooste, Europa, Rusland, China en Noord-Amerika ingevoer. Dit het met sowat 26% vanaf 1,1 miljoen ton in 2016 tot 1,4 miljoen ton in 2017 gestyg, terwyl uitvoer na Afrika met sowat 10% gestyg het – van 0,75 miljoen ton tot 0,82 miljoen ton. Verlede jaar het invoer egter gedaal tot 1,3 miljoen ton en uitvoer tot 0,73 miljoen ton, wys syfers van Fertasa. Sedert 2016 is die totale gemiddelde vraag na kunsmis in…

R100 miljoen Die belastingbetaler het tot dusver sowat R100 miljoen opgedok vir bouspanne en toerusting wat sedert 2014 na Clanwilliam verskuif is om die wal van dié dam te verhoog, sê mnr. Anton Bredell, die Wes-Kaapse minister van plaaslike regering, omgewingsake en ontwikkelingsbeplanning. Dié projek, wat die besproeiing van ’n bykomende 5 000 ha moontlik sal maak, sou in Mei 2018 voltooi gewees het, maar is onderbreek deur die voormalige minister, me. Nomvula Mokonyane. — Wes-Kaapse regering R143 miljoen Die Suid-Afrikaanse Inkomstediens (SAID) eis R143 miljoen van die plaaslike tak van die internasionale tabakreus British American Tobacco (BAT-SA) vir beweerde belastingbedrog en die ontduiking van aksynsbelasting. Volgens ’n brief van die SAID het BAT-SA onregmatig rabatte van die SAID ontvang, maar BAT-SA beweer die SAID skuld hom nog R30 miljoen…

‘Ons het ’n probleem met brucellose in die Vrystaat, maar dit is geensins so omvangryk vergeleke met die voorkoms daarvan in die noordelike provinsies nie.’ DR. PETRA KITSHOFF, staatsveearts, na aanleiding van ’n verslag van die Openbare Beskermer wat krities was oor die provinsie se hantering van ’n uitbreking by Ventersburg. Bl. 36 ‘Boere wat winterkoring wil aanplant, veral in die Vrystaat, kan wag om later te plant, aangesien nog reën in Mei verwag word.’ MNR. JOHAN VAN DEN BERG, klimatoloog by Santam Landbou, oor die reën- en rypvooruitsigte in die Vrystaat en wat dit vir graanboere beteken. Bl. 15 ‘In ’n goeie jaar, met ’n hoë aanbod, sal daar druk op die prys wees.’ MNR. MARTIN BERGH, voorsitter van die Suid-Afrikaanse Rooibosteeraad, oor lae produsentepryse weens die groot aanbod…

DIE Suid-Afrikaanse Weerdiens gaan vanaf 15 Mei ’n nuwe waarskuwingstelsel gebruik om in leketaal die moontlike gevolge uit te spel wanneer erge stormweer verwag word. ’n Waarskuwing sal dus byvoorbeeld nie meer lui dat 50 mm in 24 uur gaan val nie, maar eerder dat paaie onder water en gemeenskappe afgesny kan wees. Die doel is om die publiek eerder te waarsku oor “wat die weer gaan doen”, dus die uitwerking daarvan, as “wat die weer gaan wees”, dus hoeveel reën kan val, het mnr. Ezekiel Sebego, weervoorspeller en bestuurder van ramprisikovermindering by die diens, op ’n werksessie vir mediaverteenwoordigers in Kempton Park gesê. Die diens het die nuwe stelsel die afgelope vier jaar saam met die nasionale rampbestuursentrum ontwikkel. Dit is gegrond op die uitwerkinggebaseerde stelsel wat die Britse…

’N GROEP van verskillende bedrywe het met die ondertekening van ’n memorandum van verstandhouding einde Maart op Elsenburg hul bereidwilligheid bevestig om ontwikkelende swart kleinboere in die Wes-Kaap te help. Die elf bedryfsgroepe, wat aan die Wes-Kaapse departement van landbou se kommoditeitsbenadering tot grondhervorming deelgeneem het, het hulself daartoe verbind om swart kleinboere en die begunstigdes van grondhervorming by te staan ten opsigte van mentorskap, opleiding en toegang tot markte vir hul goedere. Die groep, bestaande uit die Sagtevrugte-ontwikkelingskamer, Aartappels SA, Graan SA, die SA Pluimveevereniging, die Rooivleisprodusente-organisasie, die Nasionale Wolkwekersvereniging, die SA Tafeldruifbedryf, Vinpro, die SA Varkvleisprodusente-organisasie, die SA Sitruskwekersvereniging en die saadbedryf, het reeds in die verlede finansiering en ondersteuning vir grondhervormingsprojekte bygedra. PRIVATE SEKTOR Me. Beverley Schäfer, Wes-Kaapse minister van ekonomiese geleenthede, sê die ontwikkeling van die…

SUBTROPICO, houermaatskappy van Vleissentraal, se aanbod om die Noord-Kaapse landboumaatskappy KLK se aandele teen R19 per aandeel te koop, is nou onvoorwaardelik in alle opsigte. Die Mededingingskommissie het Subtropico se voorgestelde oorname van KLK voorwaardelik goedgekeur. “Derhalwe is alle opskortende voorwaardes waaraan die gewysigde aanbod onderworpe was, vervul. Die aanbod is nou onvoorwaardelik in alle opsigte,” lui die kennisgewing op Subtropico se webwerf. Die Mededingingskommissie se goedkeuring van ’n oornameaanbod is een van die regulatoriese vereistes waaraan maatskappye moet voldoen voordat hulle aandeelhouers kan uitkoop. Indien goedkeuring reeds verleen is, is daar nie meer ’n oponthoud wat keer dat aandeelhouers wat die aanbod aanvaar, hul geld kry nie. “By ontvangs van ’n aanbodaanvaardingsvorm vind betaling binne ses besigheidsdae plaas,” sê mnr. Burger Botha, hooffinansiële beampte en hoof van beleggersverhoudings van…

SUID -AFRIK A wil wêreldwyd so bekend vir sy wild wees soos wat Frankryk vir sy sjampanje is. Die wildbedryf hoop hy kan ná die verkiesing in Mei op die regering staatmaak om dié doelwit te help verwesenlik. Só het mnr. Tebogo Mogashoa, voorsitter van Wildbedryf SA (WRSA), op die WRSA se jaarkongres in Pretoria gesê. Mogashoa het gesê die wildbedryf is daartoe verbind om Suid-Afrika se natuurleweekonomie te help groei, soos wat die bedryf hom voorgeneem het op die konferensie vir ’n biodiversiteit- ekonomiese strategie verlede September op Thohoyandou in Limpopo. Op dié konferensie het pres. Cyril Ramaphosa die inisiatiewe van die Biodiversiteit Phakisa onderteken vir toepassing. Die WRSA het homself verlede jaar tydens ’n ministeriële biodiversiteits-indaba daartoe verbind om die maatskaplik-ekonomiese geleenthede in vennootskap met staatsdepartemente te ontsluit.…

DIE departement van landbou, bosbou en visserye het onlangs ’n stappie nader beweeg aan ’n nuwe beleid oor omvattende steun vir boere-ontwikkeling wat daarop gemik is om die beskikbare ondersteuningsdienste van die staat en die private sektor te kombineer. Die konsepbeleid is verlede jaar vir kommentaar gepubliseer. Belanghebbendes het onlangs die geleentheid gehad om die onderskeie aspekte van die plan op ’n werksessie in Benoni te debatteer. Die doel van die beleid is onder meer die volgende: ■ Om kategorieë van boere te bepaal. ■ Om toegang tot ondersteuningsdienste te verseker. ■ Om ’n register van boere op te stel. ■ Om die benutting van skaars natuurlike hulpbronne te verbeter. ■ Om mededinging en duplikasie met die verskaffing van dienste te voorkom. ■ Om gemengde finansieringsmeganismes te skep. Mnr. Theo…

MNR. PIET ENGELBRECHT van Piet Citrus by Marble Hall is Limpopo Landbou se nuwe voorsitter ná die bedanking van mnr. Leon Borcherds tydens ’n raadsvergadering van dié organisasie. Dit volg op ’n gespanne tydperk in Limpopo Landbou nadat Borcherds ook ’n posisie by die nuwe landbou-organisasie Saai aanvaar het. “Dit is ’n slegte ding om deur te gaan, en plaas jare lange vriendskappe en verhoudings onder druk,” het Engelbrecht aan Landbouweekblad gesê. “Dit gaan nie oor lidmaatskap van ’n ander organisasie nie. Dit gaan oor die feit dat ons as dagbestuur besluite moet neem en onderwerpe moet bespreek wat ’n mens nie noodwendig kan doen as ’n bestuurslid van ’n ander organisasie ook jou voorsitter is nie.” Engelbrecht sê Borcherds het by verlede Donderdag se vergadering sy bedanking ingedien nadat…

Lê die redding van Suid-Afrika se uitgeputte en afgetakelde grond daarin om honderde of selfs duisende stuks vee op die weiveld te jaag? Ja, mits jy dit reg bestuur deur ’n strategie van ultrahoëdrukbeweiding, meen dr. Peter Ardington, veearts en beesboer van KwaZulu-Natal. Hy het op Landbouweekblad en die Riemland-studiegroep se herlewingslandboukonferensie op Reitz na verskeie voorbeelde wêreldwyd verwys waar honderdduisende migrerende diere die grasvlaktes van Afrika en Amerika feitlik stomp teen die grond afgevreet het. Tog het die veld in die jaar daarna genoeg herstel om tydens die volgende migrasietyd weer voldoende voeding vir die menigtes te verskaf. Hy het as voorbeeld die Serengetipark in Tanzanië met ’n gemiddelde jaarlikse reënval van 500 mm genoem. Tog spruit die gras ná die jaarlikse migrasie weer lowergroen van kant tot wal…

Die graan- en oliesaadbedryf maak ’n baie belangrike deel van die voedselprysindeks uit. Meer as 70% van die indeks is van graan en oliesaad afhanklik. Dit is geen geheim dat die Suid-Afrikaanse ekonomie tans nie bevredigend groei nie, en al hoe meer druk word op die verbruiker se besteebare inkomste geplaas. Dieselfde geld graanprodusente weens groot voorrade en baie lae pariteitspryse, en dit plaas produsente se winsgewendheid onder druk. Saam met die voortslepende droogte is finansiële risiko’s hoog en kontantvloeiscenario’s nie baie gunstig nie. Die vraag wat dikwels ontstaan, is of die verbruiker die laer pryse in stapelvoedsel benut en of die voordeel aan die verbruiker deurgegee word. Om dit te beantwoord, word na twee aspekte gekyk. Eerstens: Het die verwerking van die kommoditeite verhoog en het die produksie van…

■ Mnr. John Devonport het sukses begin behaal met sy Limousinstoetery toe hy geleer het om die regte beginsels toe te pas, soos om die regte teelbulle te selekteer. ■ Teling gaan oor syfers en statistieke, dus help sy agtergrond as geoktrooieerde rekenmeester. Hy mik deurgaans vir die verbetering van die kudde se vrugbaarheid en genetiese eienskappe. ■ Hy hou sy insetkoste laag deur sy eie mielies te gebruik en ander bestanddele in groot maat te koop en te vermeng, en benut ook die water uit die Vaaldam.…

Dis nie net die buitelandse markte wat aantreklik is vir die pruimbedryf nie. Die plaaslike mark bied ook geleenthede. “Ons is gewoond daaraan om die afskeepvrugte te kry wat nie die uitvoermark haal nie. Daar is beslis plek vir herlewing in die Suid-Afrikaanse pruimmark, en die vraag en koopkrag is daar,” meen mnr. Jannie Marais. Mnr. Hans Muylaert-Gelein sê die helfte van die nektariens wat in die land geproduseer word, word plaaslik geëet. Dieselfde geld egter vir net 10% van die pruime. “Daar is baie ruimte vir verbetering. Ons moet ophou om pruime as cheap and cheerful te bemark en eerder op gehalte konsentreer.” Hulle reken die tydperk van middel Februarie tot middel April is ideaal vir pruime op die plaaslike mark, veral vir groter vrugte, wat Suid-Afrikaners verkies. Woolworths…

Garmin International se MARQ-reeks is gerig op die behoeftes van buitelugmense, hetsy jag, vlieg, stap, bergfietsry of die gebruik van satelliettegnologie. Die polshorlosies sluit in Expedition, Driver en Aviator, elkeen toegerus met funksies om in spesifieke behoeftes te voorsien. Aviator is byvoorbeeld gerig op vlieëniers, en is toegerus met onder meer die besonderhede van plaaslike lughawens, veiligheidsprosedures, weerdata en kaarte. Die horlosies word uit titaan vervaardig, wat liggewig en sterk is, en saffierkristal, wat beskerming teen krapmerke bied. PRYS: Op aanvraag. NAVRAE: E-pos: info@garmin.co.za; web: www.garmin.com; 011 251 9999.…

DOHNE-MERINO 1 Kampioen-Dohne-Merinolam. Eienaar: Mnr. Dick du Plessis (082 465 8456), Norway, Rouxville. Du Plessis het ook die beste groep van vyf Dohne-Merino-ooilammers vertoon. DORMER 2 Kampioen-Dormerlam. Eienaar: Mnr. Lottie Lotriet (084 549 3411), Klipfontein, Rouxville. Lotriet het ook die beste groep van vyf Dormer-ooilammers vertoon. LIGGING Rouxville, Vrystaat…

Waar ek woon, is die pragtigekosmosblomme wat Paastyd die paaie omsoom, vir ons ’n teken om te onthou wat Jesus vir ons gedoen het. Dit gaan daaroor “om te sterf ten einde te leef”. Die teksvers wat ek daarmee verbind, is Joh. 12:24-25. Jesus sê: “Dít verseker Ek julle: As ’n koringkorrel nie in die grond val en sterwe nie, bly hy net een; maar as hy sterwe, bring hy ’n groot oes in. Wie sy lewe bo My liefhet, verloor dit; en wie sy lewe in hierdie wêreld nie bo My liefhet nie, sal dit vir die ewige lewe behou.” Dit is deur die dood dat ons leef. As jy ’n sak mielies in die skuur sit, kan dit jare lank daar bly, mits dit goed berook word, maar…

Die Proteïennavorsingstigting (PNS) verwag dat die getal hektare wat met sojabone beplant word, op ’n jaargrondslag gaan groei vanweë verhoogde produksie in die westelike produksiegebied en die winsgewendheid van sojaboonverbouing gemeet aan alternatiewe gewasse. Opbrengste behoort ook te verhoog danksy die deurlopende bekendstelling van nuwe tegnologie en beter verbouings- en bestuursmetodes. Die weer speel egter ’n groot rol en beïnvloed verbouing en die produksie-uitbreiding. Die PNS sê ook hy het vertroue in die Oesskattingskomitee, aangesien dié oor jare bewys het hy is korrek met die oppervlakte- en oesskattings. Die komitee het ’n professionele, objektiewe metodologie om die oesgrootte te bepaal. Enige veranderinge wat die inligting beïnvloed, kan nietemin voorkom namate die seisoen vorder. Met die komitee se nuutste produksieskatting vir sojabone is die verwagtinge onveranderd op 1,276 miljoen ton gelaat.…

FEBRUARIE 2018 – JANUARIE 2019 GAUTENG CARLETONVILLE SLAGTERSBOSCH (407) 55 ha, aan N.A. Green, van C.M. Steyn, R1 300 000. PRETORIA INDERMINNE (113) 21 ha, aan Vuka Services Centre, van Day Break Prop 104 (Edms.) Bpk., R600 000. JAKHALSFONTEIN (528) 21 ha, aan Vhunga Phasi Trading Ent., van F.E. Bezuidenhout, R1 000 000. KLIPDRIFT (90) 22 ha, aan E. Tromp, van D. Daymond, R1 380 000. KWAZULU-NATAL PIETERMARITZBURG CRAIGIEBURNESTATE(18026) 30 ha, aan N.S. en S.T. Khumalo, van P.W. Curle, R2 175 000. PETRUS STROOM (954) 23 ha, aan P.C. Liquorish, van S.M. Henderson, R4 325 000. SITEKA (14400) 25 ha, aan S.J. Holt, van B.K. Holt, R4 000 000. VAALKOP & DADELFONTEIN (885) 66 ha, aan Azibuye Emasisweni Maqamu-trust, van Samaria Safaris (Edms.) Bpk., R25 000 000. WATERFORD (18536) 246…

Goeie pryse is op die Ile de France-genootskap se derde produksieveiling op 6 April op die Bloemfonteinse skouterrein behaal. Dit was ook die eerste Ile de France-veiling wat vanjaar aangebied is. Altesame 40 stoeten kudderamme, 50 stoetooie en 80 kudde-ooie is opgeveil. Die hoogste prys vir ’n ram was R20 000, terwyl die hoogste prys vir ’n ooi R6 000 was. Die ram is deur die Ile de France-stoetery RCH naby Ermelo geteel en die verkoper is me. Regina Harmse. Die koper is mnr. GJ du Plessis van die Wilgerstroom-boerdery naby Potchefstroom. Die ooi wat die hoogste prys behaal het, is deur die Ile de France-stoetery Geruné naby Prieska geteel en die verkoper is mnr. Gerrit Erasmus. Harmse het die ooi gekoop. Volgens mnr. Willie Oosthuizen, voorsitter van die genootskap,…

Devlan Limousins se stoetkudde bestaan uit sowat 600 diere wat aangepas is by die Vrystaat se koue winters en suurveldweidings. Mnr. John Devonport en sy vrou, Tracey, het in 1988 ’n plaas aan die Vaaldam gekoop, en spoedig begin om uitsonderlike beeste te teel. Hulle maak taai diere groot wat siektes en groot skommelings in klimaatsomstandighede kan weerstaan. Devonport was Breedplan se SA Stoetteler van die Jaar in 2006, en in 2015 was die kudde die Landbounavorsingsraad se Nasionale Kudde van die Jaar. Dié stoetery bied ook funksionele doeltreffendheid, aanpasbaarheid en produktiewe diere. Devlan verbeter voortdurend sy genetiese materiaal, ook ten opsigte van internasionale genetiese evaluerings. Die vrugbaarheid van die Devlan-kudde is uitstekend. Uit 200 koeie is die gemiddelde interkalfperiode 372 dae. Devlan se stoetvee is goed aangepas op die…

Hoewel Gouwslimstoetery se Limousins al vanaf 2001 geregistreer word, het mnr. Pieter Gouws die kudde al etlike jare tevore opgebou tot ’n skaflike groep diere vanuit goeie teelmateriaal. “Wanneer dit hier reën, lyk dit soos die paradys vir beeste. As dit droog is, moet ons egter aanvullende voer gee. ’n Goeie lek lewer ook ’n bydrae tot gesonde beeste wat uitstekend pres-teer, selfs al lyk die wêreld hier soms skraal van te min reën,” vertel Gouws. Hy is ’n boer in murg en been, en lief vir die grond en sy vee. Benewens die Limousin-stoetery het hy ook ’n kommersiële beeskudde, skape en Naelperde. Gouws het sy kudde oor jare opgebou en verbeter, maar wou ’n stoetkudde registreer sodat hy sy eie teelbulle kon teel. Hoewel hy die diere dikwels…

Mnr. Albert Kruidenier, ’n gebore Standertonner, is ’n heeltydse boer danksy die familieboerdery van sy Nederlandse pa en oupa. Die Kruidenier-familie is sedert 1939 in Suid-Afrika en het eers met melkbeeste geboer. “Ons het die melkbedryf in 2000 verlaat. Die plaas is goed geleë, maar nie groot genoeg om ’n groter, ekonomies vatbare melkkudde aan te hou nie,” sê Kruidenier. Hy en sy gesin het intussen met mielies, sojabone, Merino­Landskape en Limousins begin boer. Sy vrou, Suretha, dogter Anneret en haar man, mnr. Naas Rautenbach, bedryf saam die boerdery op die plaas Goedgevonden. “Ek het aanvanklik Ngunibeeste met Limousins gekruis. Die resultaat was so goed dat ons besluit het om die Limousin se bouvorm en karkaseienskappe verder te ontgin. Toe ons die Nguni’s eindelik verkoop, het ons besluit om die…

Veeboerdery en stoetteling loop dik in die are van mnr. Pierre van Niekerk. Sy Jacre Limousin-stoetery word gereken as ’n bestendige verskaffer van betroubare teelmateriaal. Hy volg in die voetspore van sy pa, mnr. Willem van Niekerk, ’n stoetteler en beoordelaar van veral Korthoringbeeste. Pierre se seun, Jacques, het intussen by die boerdery aangesluit, waar hulle ook met Merinoskape en Angorabokke boer. Die Jacre Limousin-stoetery is 60 km suid van Cradock tussen Bedford en Kookhuis in die Oos-Kaap geleë. Dié moeilike omgewing waarin die Limousin so goed presteer, is ’n bewys van dié ras se waarde bykans enige plek in die land waar jy hom goed kan voer, sê Van Niekerk. Sy kennismaking met Limousins was op ’n veiling op Harri-smith in die Vrystaat. Van Niekerk het dadelik gedink dié…

Dit is ’n bitter ironie dat dit veel goedkoper vir die Zimbabwiese regering sou gewees het om uit die staanspoor markwaarde vir kommersiële boere se plase te betaal. Om die plase gewelddadig af te vat, was toe bloot die duur opsie. Dit is byna 20 jaar later en dié land se ekonomie is steeds aan flarde. Met sy beste mense elders in die wêreld is die kans op herstel net soveel taaier. Nou is daar sprake dat Zimbabwiese boere minstens vir die verbeterings op hul onteiende plase betaal sal word. Dit is welkome nuus en sal baie van ’n armsalige aftrede red, maar ongelukkig is die werklike skade reeds aangerig. Eerstens is daar die enorme en heel moontlik permanente verlies aan beleggersvertroue, en tweedens is die monetêre waarde van daardie…

Die bekroonde Limousinteler MNR. JOHN DEVONPORT boer langs die Vaaldam met sy stoetery en verbou sy eie mielies vir graan en kuilvoer, asook hawer vir winterweiding. Lees op bl. 38 meer oor sy boerdery. VERTEL ONS VAN JOU GESIN. Ek en my vrou, Tracey, het twee kinders, Keagan (’n student) en Kelcey (graad 10). HET JY NÁ SKOOL GESTUDEER? Ek het aan die Universiteit van die Witwatersrand gestudeer en die grade en kwalifikasies B.Com., B.Acc., CA (SA) en ACMA (koste-en-bestuursrekenmeester) verwerf. HET JY ’N STOKPERDJIE? Ek bestee baie tyd saam met my gesin en speel muurbal, swem, draf, ry fiets en doen kanovaart. WAAR HOU JY VAKANSIE? Ek is baie lief vir die natuur. Ons besoek gereeld Knysna, die Drakensberge en wildreservate, en gaan ook graag Kaapstad en Ballito toe.…

DIE verwoestende stompkopkewer wat pas in Somerset-Wes opgemerk is, hou ’n bedreiging vir die plaaslike avokadobedryf in, aangesien avokadobome waarskynlik nie ’n natuurlike weerstand het teen die kewer en sy simbiotiese swam wat bome laat vrek nie. Mnr. Jan Hendrik Venter, bestuurder van vroeë waarskuwingstelsels vir plantgesondheid by die departement van landbou, bosbou en visserye, sê hoewel daar nog nie skade by kommersiële avokadoboerderye aangemeld is nie, wil dit voorkom of avokadobome die enigste vrugteboomsoort in die land is wat ’n reproduktiewe gasheer is. ’n Reproduktiewe gasheer is ’n boomsoort wat nie ’n natuurlike weerstand het teen die kewer en die swam wat hy vrystel nie. Die kewer boor in die stam van die boom en stel ’n giftige swam vry wat die boom kan laat vrek. Die kewer lê…

KOUE fronte begin reeds Suid-Afrika se weer beïnvloed, maar tans word lae temperature wat erge ryp en skade aan somergraanoeste kan veroorsaak, eers van die tweede week van Mei af verwag. Mnr. Johan van den Berg, klimatoloog by Santam Landbou, sê die skerp daling in minimum én maksimum temperature gaan egter die groeitempo van somergewasse baie verlaag. “Vanaf ongeveer middel April gaan minimum temperature sowat 10 ˚C of laer wees. Maksimum temperature van laer as 25 °C word dan vir die grootste deel van die somergraangebied verwag.” ’n Kans op nog reën bestaan in die laaste deel van April en die middelste deel van Mei. Dié bewolkte en koeler toestande en minder sonstraling kan groeiprosesse vertraag. “Boere wat winterkoring wil aanplant, veral in die Vrystaat, kan wag om later te…

NADAT dit verlede Augustus amptelik bekend geword het dat die kunsmismaatskappy Kynoch die beleërde Profert Kunsmis wil oorneem, is die transaksie nou afgehandel. Die ooreenkoms gee Kynoch toegang tot bykomende produksievermoë, maak dit vir hom moontlik om ’n wyer reeks produkte te verkoop en bied toe-gang tot nuwe markte. “Die Kynoch-span is opgewonde oor die toekoms. Ons sien uit daarna om ’n uitstekende diens te lewer en deur innovasie ’n verskil in die landbou te maak,” het mnr. Bruce Shuker, handelsbestuurder, in ’n verklaring gesê. “Die aankoop van Profert stel Kynoch in staat om sy handelsmerk verder uit te brei, terwyl die maatskappy op sy erfenis voortbou.” REDDINGSBOEI Kynoch is deel van die Export Trading Group, een van die snelgroeiendste landboukonglomerate wêreldwyd. Kynoch het in die afgelope 100 jaar as…

1 ZIMBABWE| Idai lei tot tamatietekorte Nadat daar dié produksiejaar minder tamatie-aanplantings as gewoonlik in Manicaland gemaak is, is meer as 70% van die aanplantings verwoes deur vloede wat deur die sikloon Idai meegebring is. Boonop is van die oorblywende tamaties nou deur swamsiektes, soos roes, aangetas. Boere is in ’n stryd gewikkel om te red wat te redde is, sê mnr. Douglas Nzarayebani, ’n tuinbou-en-tabakspesialis van die maatskappy Agritex. Nzarayebani sê tamatieproduksie daal reeds die afgelope jaar. Dié neiging sal waarskynlik voortduur weens ’n gebrek aan verwerkingsvermoë in die provinsie. Intussen sal makadamiaprodusente in die distrik Chipinge waarskynlik weens droogte ook nie hul produksieteiken bereik nie. Dié boere loop nou die risiko om hul kontrak met ’n Chinese koper te verloor. — The Herald 2 GHANA |…

Die laaste week of wat van Maart 2019 was ’n taamlik belangrike tydperk ten opsigte van Suid-Afrika se ekonomiese vooruitsigte en rentekoersbeleid. Eerstens is die Reserwebank se finale syfers vir die ekonomie in sy kwartaalblad gepubliseer, wat maar treurige leesstof is. Dan was daar ook groot afwagting op die monetêre beleidskomitee (MBK) se besluit oor rentekoerse, wat toe onveranderd gelaat is. Kort daarna moes die internasionale kredietgraderingsagentskap Moody’s bekend maak of hy Suid-Afrika se kredietgradering gaan verlaag tot negatief of rommelstatus, wat toe nie gedoen is nie. Moody’s het besluit om te wag tot ná die verkiesing voordat hy sy verslag oor die vooruitsigte vir en gradering van die Suid-Afrikaanse ekonomie gaan bekend maak of hersien. ’n Afgradering na rommelstatus hou groot risiko’s vir die ekonomie in. Dit kan beteken…

WATTER TEGNOLOGIE IS ONMISBAAR IN JOU BEESBOERDERY? Breedplan- en Herdmaster-bestuursprogramme. WAT IS DIE BESTE RAAD WAT JY AL GEKRY HET? Werk met ’n gebalanseerde teelprogram en moenie na uiterstes streef nie. WAT IS DIE GROOTSTE FOUT WAT JY IN JOU BOERDERY GEMAAK HET? Ek het nie verstaan hoe belangrik vrugbaarheid by my beeste is nie. Jou hoofdoel moet die getal koeie wees wat gedek word én ’n lewende kalf speen. WIE WAS JOU MENTOR? Mnr. Chris Marais van die Landboukollege Potchefstroom. WAT IS JOU GROOTSTE KWESSIES? Die onsekerheid oor dinge waaroor ek nie beheer het nie, byvoorbeeld droogtes, grondonteiening en siektes soos bek-en-klouseer.…

Suid-Afrika het ’n goeie reputasie as pruimprodusent in die Suidelike Halfrond. Hoewel Chili se produkusie waarskynlik dubbel so groot is, het hy nie die kultivaraanbod waarmee Suid-Afrika kan spog nie (verreweg die meeste Chileense pruime is Angelino). Die Chilene het egter toegang tot ’n groter verskeidenheid markte. Australië is die ander groot produserende land. Hy konsentreer hoofsaaklik op die Asiese markte, asook sy sterk plaaslike mark. Sowat 80% van Suid-Afrika se pruime word na Engeland, die Europese Unie en die Midde-Ooste uitgevoer. ’n Kleiner hoeveelheid word ook in Kanada en Asië verkoop. Die Europeërs verkies Suid-Afrikaanse laat pruime omdat die gehalte en smaak dan beter is as dié van mededingers. “Ongelukkig het ons as ’n land opgehou om nuwe markte oop te stel. Die regering is so begaan oor transformasie…

AGTPOTIGES BESKERM TEEN INSEKPLAE Baie mense het ’n ongekende vrees vir spinnekoppe, maar dié agtpotiges is oral en altyd besig om die insekbevolking in toom te hou, wat tot groot voordeel van boerdery is. Dis te verstane as iemand effens versigtig vir spinnekoppe is omdat die meeste van hulle giftig is, maar die vrees wat ’n persoon in angssweet laat uitslaan vir ’n klein spinnekoppie teen die muur, word aragnofobie genoem en dit kan party mense se lewe amper oorheers. Spinnekoppe is volop in die veld, op plase en in voorstedelike tuine, terwyl sommige spesies selfs die gemak van die binnenshuise omgewing verkies. Die groot vraag is wat ’n mens te doen staan as jy een teëkom. Wat die ekologie betref, is spinnekoppe baie belangrike skakels in die voedselketting. Hulle…

Sommige gifstowwe word as “ekologies vriendelik” bemark, met aansprake dat dit nie sekondêre vergiftiging onder knaagdiervretende roofdiere soos uile of katte veroorsaak nie. Daar bestaan egter nie iets soos uilvriendelike gif nie. ’n Enkele vergiftigde rot sal waarskynlik nie ’n uil laat vrek nie, maar die meeste gifstowwe is sintetiese middels wat nie deur uile se metaboliese prosesse afgebreek kan word nie. Dit bio-akkumuleer dus in die boonste trofiese vlakke. Gifstowwe veroorsaak ook neurologiese skade by knaagdiere. Hulle raak dus makliker teikens vir roofdiere, wat lei tot ’n toename in die gifstowwe wat in uile akkumuleer en tot hul dood kan lei.…

Die papajabedryf in Suid-Afrika het die afgelope ses weke ’n historiese laagtepunt bereik wat produksie betref. Mnr. Willem Schmidt, besturende direkteur van Neofresh by Malelane, wat een van Suid-Afrika se grootste produsente is, sê die lae produksie is waarskynlik die gevolg van ekstreme hittetoestande in die lente. Dit geld die produksiegebiede in die Laeveld, Tzaneen en selfs in Mosambiek. “As die plante stres in die stadium van blomvorming ondervind, word te veel manlike blomme gevorm en dit het waarskynlik tot die insinking gelei. Manlike bome produseer geen vrugte nie.” Hy sê ten minste was die pryse hoog. ’n Laagtepunt in die aanbod ’n ruk lank word gewoonlik gevolg deur ’n tydperk met hoër volumes, wat ook nie goed vir die bedryf is nie. “Die ooraanbod wat ons binnekort verwag, sal…

Die volgende ontleding van grondverkope in Suid-Afrika is van transaksies vir grond van meer as 10 ha in Noordwes, Mpumalanga en die Noord-Kaap van Februarie verlede jaar tot Januarie vanjaar. Altesame 539 transaksies het in 13 distrikte in Noordwes plaasgevind. By Mahikeng het pryse met 21,8% gestyg. Beter pryse is in nege distrikte (64,3%) aangeteken. Altesame 161 154 ha is teen R2,754 miljard verhandel. Daarvan was 120 (22%) ooreenkomste van kleur, wat R636 miljoen (23,5% van die totale waarde) behels het. Altesame 37% van die transaksies was vir grond van minder as 50 ha. In Mpumalanga was daar ’n gunstige neiging in twee distrikte. Altesame 423 transaksies het 109 367 ha teen R3,610 miljard behels. Daarvan was 116 (27%) ooreenkomste van kleur, wat 35 261 ha (32,2%) teen R1 052…

BOEREDAE 6 MEI: Winetech en Vinpro se streeksinligtingsdag vir Worcester en Breedekloof, Aan de Doorns-wynkelder, Worcester. Soria Muir, 023 347 1566, e-pos: muirs@vinpro.co.za, web: www.vinpro.co.za 29 MEI: Plaasbesoek aan Andrew Jordaan, Voermol se Skaapboer van die Jaar, Cradock. Leon de Klerk, e-pos: leondeklerk@ vodamail.co.za, 082 901 1073; Raymond Rudman, e-pos: raymond.r@tiscali.co.za, 082 571 2944. FEESTE, EKSPO’S 25 APRIL-1 MEI: Landbouweekblad se Eeufees-voorbladuitstalling by die Suidoosterfees, Kunstekaap-teatersentrum, Kaapstad. E-pos: jacolette.kloppers@ landbou.com 26-28 APRIL: Suid-Afrikaanse Kaasfees, Sandringham, Stellenbosch. Aangebied deur Agri-Expo. 021 975 4440, e-pos: cheese@agriexpo.co.za, web: www.cheesefestival.co.za 5 MEI: Wittenberg-boeremark, Piet Retief, Mpumalanga. E-pos: wittenberg@skyafrica.co.za, web: www.wittenbergschule. co.za/home 22-23 MEI: Ensminger-varksimposium, Aha Kopanong-hotel en -konferensiesentrum, Benoni, Gauteng. Web: www.ensminger symposium.co.za, e-pos: info@ensmingersymposium.co.za 4-7 JUNIE: Hortgro se tegniese simposium. Thea van Zyl, e-pos: thea@hortgro.co.za, web: www.hortgro.co.za, 021 870 2900. KONFERENSIES 20-22 MEI:…

Mnre. Kobus en Riaan Watson van die Watson-landgoed het die Knoetzekamma-stoetery op die plaas Knoetzekamma net buite George begin. Riaan is in 2006 oorlede, maar sy liefde vir die Limousin én die nalatenskap het bly voortbestaan. Die Watsons het in die laat 1990’s met Limousins kennis gemaak. Hul eerste Limousins is op ’n bulveiling op Queens-town gekoop, en só is Knoetzekamma Limousins in 1996 begin. Die eerste troppie vroulike diere is by mnr. John Phillip van Tarkastad se Carrickmoorstoetery gekoop, en van daar is die grondslag gelê waarby ander topteelmateriaal oor die jare gevoeg is. Die Watsons het hul stoetkudde mettertyd uitgebou – ook met Franse bloedlyne. Hulle het embrio’s van die beste beskikbare koeie gespoel en sterk klem op goeie melkeienskappe gelê, sonder om die ras se uitstekende vleiseienskappe…