Indholdsfortegnelse for 24-May-19 i Landbouweekblad

OUD EN NUUT Mnr. Tienie Bekker van Reddersburg in die Vrystaat het onlangs dié uitgawe van Die Landbouw Weekblad, gedateer 24 Desember 1919, aan Landbouweekblad geskenk. Toe het skape teen gemiddeld 12 sjielings en ’n sikspens elk verhandel, maar stoetramme was “duur” teen 5 pond elk. Vleis is beskryf as só duur “dat ’n mens dit byna nie kan betaal nie”. Die “objektiewe” raad wat die skrywer bied oor hoe om hoenders slaggereed te kry vir feesdae is dat slaghoenders net drie weke lank vet gemaak moet word. Om te bepaal of die dier gereed is vir slag, moet hulle “so nou en dan gevang word en bevoel word of hulle swaarder word”. Lees meer by bit.ly/2JBkZb2 ’N RAPSIE MEER Die finale koringoes vir die 2018-produksie-seisoen is vasgestel op 1,868…

DIE onlangse reusestyging in die petrolprys en groeiende onrus in die olieproduserende Venezuela kon kwalik vrese besweer dat brandstofpryse sal aanhou styg in die res van die jaar. Tog meen ekonome die olieprys sal waarskynlik vanjaar nie veel hoër as $80 per vat styg nie en dat die brandstofprys einde vanjaar sal begin daal. Daar word beraam dat Brent-ruolie teen einde vanjaar rondom $65 sal draai. Die onlangse styging van 54 sent per liter is omdat die wisselkoers R14,14 per dollar in April was teenoor R14,38 die vorige maand, volgens die berekeninge van die Sentrale Energiefonds. Dit het gelei tot ’n laer bydrae tot die brandstofprys. Die hoër olieprys weerspieël beperkte produksie van die organisasie van petroleum-uitvoerlande (Opec), Amerikaanse sanksies teen Iran en Venezuela en onrus in Libië. Mnr. Mike…

ARTIKELS & RUBRIEKE ■ Oppervlakteskatting: Hierom is boere se deelname belangrik ■ Droogte: Boere vrees die winter ■ Gesogte nuwe swart bok behaal hoë pryse ■ Nuwe Argentynse sojabone nou in SA beskikbaar ■ Tegnologie: Raak ál beteringelig SPESIAAL ■ Veebedryf GESIN ■ Wat eet ons vanaand? KLEINVEE Die Noord-Kaapse boer mnr. Albie Horn praat oor sy intensiewe benadering tot bok- en skaapboerdery, en hoe hy en sy voorsate ’n swart inheemse bok, die Blackberry, geteel het. Dié ras is nog nie geregistreer nie, maar ongekende belangstelling heers met pryse van ooie wat R50 000 en ramme wat tot R100 000 behaal.…

In die berig “Familieboerderye in nuwe bank se visier” (LBW, 19 April 2019, bl. 18) staan Grobank sal ál Hinterland se infrastruktuur benut. Ter illustrasie is ’n foto van ’n tak van Hinterland op Wesselsbron gebruik. Grobank sal egter slegs gevestig wees in Hinterlandtakke in die historiese Afgri-bedieningsgebied. Landbouweekblad korrigeer graag onjuisthede in artikels en nuusberigte. Stuur inligting oor regstellings so gou moontlik ná die publikasiedatum aan Jan Bosman, Landbouweekblad, Posbus 1802, Kaapstad 8000; e-pos: jan.bosman@landbou. com; faks 021 406 2940; tel. 021 406 3181.…

DA AR is lig aan die einde van die ekonomiese tonnel vir Suid-Afrika ná die verkiesing. Maar dit beteken steeds nie dat boere groot risiko’s moet loop nie. Daarvoor is daar nog te veel wisselvalligheid in die landbou-omgewing, sê ekonome met wie Landbouweekblad ná stemdag gepraat het. Beleggers het moed geskep daaruit dat die verkiesing vreedsaam verloop het en dat pres. Cyril Ramaphosa genoeg steun gekry het om die faksiegevegte in die ANC te oorleef — maar markte en die sakesektor wil nou sien tot watter mate beleids- en politieke onsekerheid verminder word, sê prof. Johan Willemse, onafhanklike landbou-ekonoom en rubriekskrywer van Landbouweekblad. “Ons is nog nie uit die moeras nie. Dit gaan steeds tyd kos om die skade van die ‘nege vermorste jare’ onder Jacob Zuma te oorkom.” Beleggers…

1 NAMIBIË| Noodtoestand afgekondig oor droogte Namibiese boere het pres. Hage Geingob se afkondiging van ’n noodtoestand weens die rampdroogte in dié land verwelkom. Sekere streke gaan al vir ses jaar onder droogtetoestande gebuk. Mnr. Ryno van der Merwe, voorsitter van die Namibiese Landbou-unie (NLU), het aan Landbouweekblad gesê die NLU vertrou bystand sal so gou moontlik aan boere verleen word. Die NLU het reeds ’n vergadering met mnr. John Mutorwa, minister van landbou, aangevra sodat die droogtehulp bespreek kan word. Die omvang daarvan moet nog bepaal word. Sommige distrikte in die suide en weste van Namibië beleef reeds sedert 2013 ’n droogte. Van die boere kon tot dusver oorleef deur voer vir hul vee met spaargeld te koop, maar baie se situasie het nou kritiek geword. — Charl…

Produsente moet kyk na opsies waardeur groter pryssekerheid verkry kan word, prysrisiko’s verlaag kan word, internasionale mededingendheid verhoog kan word, die plaaslike mark vir landbouprodukte meer robuus gemaak kan word en onderlinge boerderybelange meer uitgebrei kan word. Braaihoenderprodusente het in April vanjaar hul aansoek om verhoogde tariewe by die kommissie vir internasionale handelsadministrasie (Itac) ingedien. Dié tariewe is daarop gerig om die Suid-Afrikaanse braaihoenderbedryf teen goedkoop invoer te beskerm. Die regering sonder die pluimveebedryf uit as ’n bedryf wat groot belofte vir werkskepping en ekonomiese groei kan inhou. Dit sal gebeur indien produsente teen goedkoop invoer beskerm word. Intussen stagneer produksie en word die groei in die plaaslike vraag na braaihoenderprodukte deur invoer aangevul en graanproduksie onregstreeks daardeur vervang. Sodra nuwe, verhoogde tariewe ingestel word, verlaag die prys van braaihoenderprodukte…

DAAR word verwag dat vanjaar se peeroes sowat 51 000 kartonhouers van 12,5 kg groter sal wees as in 2018, sê mnr. Jacques du Preez, bestuurder van handel en markte by Hortgro. “Ons het reeds 11,2 miljoen kartonhouers pere van die geskatte 17,02 miljoen kartonhouers uitgevoer. Die oes is verby, maar ons be-mark en voer nog uit tot om en by November.” Du Preez sê die kultivar Pack-ham’s Triumph is die grootste deel van die oes, gevolg deur Forelle en Williams Bon Chretien. Die grootte van die vrugte is vanjaar gemiddeld, die kleurontwikkeling was baie goed en die gehalte ook. Die bedryf werk nog aan toe-gang tot markte in China. “Die Chinese inspekteurs was in Maart hier om die Suid-Afrikaanse boorde, pakhuise en voedselveiligheidstelsel te inspekteer. Daar word nou op…

Toe die eerste Landbouweekblad ’n eeu gelede van die rolpers in Bloemfontein verskyn het, het die blad een doel voor oë gehad: Om Afrikaanse bestaansboere, verarm ná die Anglo-Boereoorlog, te kommersialiseer. Van meet af aan is probeer om die boer se taal te praat – om met hom oor sy probleme te gesels, hom te vertel van nuwe ontwikkelinge en hom op die hoogte te hou van gebeure in ander dele van die wêreld. Sal die leser nie – “al is hij ook hoe dom of slim” – die landboutoestande van sy distrik aan ander lesers vertel nie? vra Die Landbouw-weekblad in sy eerste jaargang. Dit sal interessant en nuttig wees vir “die boer, aardrijkskundige, skeikundige, besproeiingsdeskundige, skoolkind en natuurliefhebber”. En só begin boere ook hul distrikte en dorpe aan…

Verskillende, goeie bestuursmiddele bepaal saam die grootte van die boer se oes, maar daarvan is bemesting een van die belangrikste bestuursmiddele op ’n mielieplaas. TABEL 1 toon die persentasie uitwerking wat verskillende bestuursmiddele op mielieverbouing het, asook die bydrae in tonnemaat op ’n oes van 6 ton/ha en die geldelike bydrae wat dit lewer (gegrond op ’n mielieprys van R2 200/ton). Klimaat en grond het saam wel ’n bydrae van sowat 46% tot die boer se verdienste, maar daaroor het hy nie beheer nie. Daarna volg aspekte waaroor hy wel beheer het, naamlik bemesting (19%), basterkeuse (15%), gewasrotasie (8%), plantbevolking (6%), bewerkingstipe (4%) en groeireguleerders (2%). Voeding word gebruik vir groei, kopontwikkeling, bestuiwing, kopvulling en opberg van reserwes in die stam. Die grond verskaf 13 van die 16 noodsaaklike voedingstowwe,…

Saai- en veeboere kom tans te staan voor groot struikelblokke. Herlewingslandbou, met ’n intense fokus op grondbiologie, is hier om te bly. Vee, en spesifiek beeste, is ’n onlosmaaklike deel om herlewingslandbou die norm te maak in die volgende klompie jare. Die gesegde van “jy hoef nie te verander nie, maar jy sal moet meeding met hulle wat dit wel doen,” is beslis waar. Raak betrokke by die opwindendste seisoen in die landbou. Die laaste hoofstuk oor herlewingslandbou is nog nie geskryf nie. Ons gaan nog baie leer namate die suksesstories, foute, planne en hopelik ook navorsing bekend word. Die inisiatiewe wat baanbrekers neem, is tans uiters belangrik. Onkunde het veroorsaak dat ons die grond verniel het en om dieselfde rede het onkunde ook tot die teling van diere gelei…

Wanneer dit by trofeejag kom, is die interessante vraag hoe só ’n ondervinding vergelyk met die jag van ander gevaarlike wild, soos leeus of buffels. Mnr. Jokl le Roux, wildkenner en aanbieder van Wild en Wragtig, meen dit is ’n persoonlike ding. “Sommige jagters meen buffels is potensieel gevaarliker en ander reken weer olifante is die gevaarlikste. Ek is banger vir die olifant, maar dit hang af van die jagdruk en terrein,” sê hy. Buffeljag is gewoonlik nie ’n probleem nie – tensy een gekwes word. Olifantjag behels baie loopwerk – tot 50 km per dag in Afrika se hitte – en as jy ’n breinskoot wil skiet, moet jy 20 m tot 30 m van hom kom en kennis hê van die brein se ligging in die reuse-skedel. Boonop…

6% Trekkerverkope het in April met 6% gedaal, met 432 eenhede wat verkoop is. Stroperverkope was 21% laer, met 23 eenhede wat verkoop is. Dié daling is aansienlik meer as die 3% wat die landbousakekamer Agbiz in die vooruitsig gestel het. Swak stroperverkope is waarskynlik weens laer verwagte opbrengste ná ’n droë planttyd. Agbiz verwag dat Mei se syfers moontlik nóg laer sal wees. — Agbiz/Wandile Sihlobo 4,5% Die multinasionale brouer AB InBev sê in sy jongste resultate vir die eerste kwartaal van 2019 dat hy oor die afgelope jaar koolstofvrystellings oor sy waardeketting met 4,5% verminder het. Dié maatskappy wil teen 2025 sy koolstofspoor met 25% verminder. Van die laaste kwartaal in 2018 tot die eerste van 2019 het sy inkomste met 5,9% gestyg. Sy verdienste voor belasting het…

‘Die ANC-koukus onder die leierskap van president Cyril Ramaphosa gaan wesenlik van die ANC van mnr. Jacob Zuma verskil.’ DR. ROELOF BOTHA, ekonomiese raadgewer van die Optimum-groep, oor bespiegeling dat ’n gesamentlike tweederdemeerderheid van die ANC en EFF onteiening sonder vergoeding kan bespoedig. Bl. 14 ‘Boere sal nooit net katoen kan plant nie, maar dit is ’n fantastiese manier om die vraag en die aanbod van mielies in balans te bring.’ MNR. JOZEPH DU PLESSIS, saaiboer van Schweizer-Reneke en raadslid van Graan SA, oor die voordele wat katoen vir die breër landboumark inhou. Bl. 21 ‘Daar is selfs ’n paar vroeë aanduidings dat die huidige sterk El Niño-verskynsel in intensiteit kan toeneem, soos in 1997-’98 en 2015-’16.’ DR. MANDY FREUND, klimaatkundige verbonde aan die Universiteit van Nieu-Suid-Wallis in Australië, oor…

BOKRYER NOU TELER VAN KAMPIOENPERDE Perde wat deur een van Suid-Afrika se bekendste Arabierperdtelers, mev. Marie Murray van die plaas Roedebloem in die distrik Graaff-Reinet, geteel is, het vanjaar die Suid-Afrikaanse kampioenskappe vir Arabierperde op die Kaapse Skou oorheers. Teen dié perdekenner se muur hang ’n foto van ’n dogtertjie van sowat vier jaar oud wat ewe windmakerig op die rug sit van ’n opgesaalde Boerboek, kompleet met toom en al. Ja, dit is sy. Die foto is meer as 50 jaar gelede geneem. Op die einste Boerbok se rug het Murray elke dag drie myl gery om die pos te gaan haal. Ná die Boerbok was dit ponies, en daarna perde van verskillende rasse. Vir een en almal was Murray ewe lief, totdat sy en haar man in 1952…

DIE Chinese doeane het aangekondig dat die verbod op Suid-Afrikaanse diereveselprodukte ingevolge die internasionale organisasie vir dieregesondheid (OIE) se prosedures opgehef sou word, ná die suksesvolle stryd teen beken-klouseer in die land. Volgens mnr. Deon Saayman, bestuurder van Cape Wools, is dit nie ’n algehele opheffing van die verbod op produkte van diere met gesplete kloue nie, en is daar sekere vereistes waaraan die produkte moet voldoen. “Die aankondiging is ’n beduidende tree vorentoe in die onderhandelings met China, maar daar is baie spesifieke temperatuurtoestande wat nagekom moet word vóór die uitvoer van vetwol en bokhaar kan voortgaan.” Dit beteken die produkte moet ’n proses ondergaan om die bek-en-klouseervirus te neutraliseer. Daarvolgens sal die wol of bokhaar óf verwerk, óf teen ’n sekere temperatuur opgeberg moet word. Volgens Saayman is…

ONGUNSTIGE weerstoestande wag op saaiboere in die Vrystaat wat dit oorweeg om koring te plant nadat die reën te laat gekom het vir goeie somergraanaanplantings. Talle boere in die Sentraal- en Wes-Vrystaat oorweeg dit om koring te plant ná die goeie reën wat tydens die Paasnaweek uitgesak het. Landbouweekblad het verlede week berig oor saadvoorraad wat in dele van die Vrystaat uitverkoop is vanweë die ongewoon groot vraag. Mnr. Johan van den Berg, klimatoloog by Santam, waarsku egter dat die kultivars wat beskikbaar is, nie besonder geskik is vir die toestande wat tans in die Vrystaat heers nie. Boonop dui weermodelle op ’n skraal kans op reën in September en begin Oktober, wanneer koring baie water nodig het. Hy sê die droëlandproduksie van wintergraan het in die afgelope twee dekades…

DIE stewige groei in die katoenbedryf kan voordele vir die mieliebedryf inhou, sê mnr. Jozeph du Plessis, raadslid van Graan SA en self ’n katoenboer. “In hierdie stadium plant boere oral mielies, selfs op marginale grond wat nie altyd daarvoor geskik is nie. Indien hierdie dele nou eerder met katoen beplant word, kan dit vir die boer meer winsgewendheid beteken. “Dit kan ook tot minder surplusse in die mieliemark lei en sodoende die prys ondersteun. “As ons oor die volgende vyf jaar die katoenaanplantings tot 200 000 ha kan vergroot, kan ons uiteindelik sowat 400 000 ha aan gewone mielieproduksie onttrek. “Boere sal nooit nét katoen kan plant nie, maar dit is ’n uitstekende manier om die vraag en aanbod van mielies in balans te bring,” sê Du Plessis. VOLUMES…

MAHINDRA , die Indiese vervaardiger van bakkies en sportnutsvoertuie, is ondanks die huidige tam verkope van voertuie en werktuie optimisties dat hy sukses op die Suid-Afrikaanse mark kan behaal. Die maatskappy het onlangs sy produkreeks vir die Suid-Afrikaanse mark bekend gestel. Dit sal aanvanklik bestaan uit die 7500-reeks met twee trekkermodelle, asook die 6000-reeks wat uit drie trekkermodelle bestaan. Die Mahindra 6060 is die kleinste trekker in die reeks met ’n kraglewering van 40 kW, met die Mahindra 7590 wat ’n kraglewering van 70 kW het. “Wat die Suid-Afrikaanse trekkermark betref, word daar jaarliks sowat 6 000 eenhede verkoop, waarvan twee derdes se kraglewering minder as 70 kW is. Met ons kleiner trekkers kan ons dus van ons meer gevestigde mededingers aandurf met ’n reeks bekostigbare, betroubare trekkers,” het mnr.…

Die jongste syfers van die nasionale departement van landbou, bosbou en visserye toon dat die skuldvlakke in die Suid-Afrikaanse landboubedryf tot rekordhoogtes gestyg het. Dit het einde 2018 sowat R170 miljard beloop, wat gelykstaande is aan nagenoeg 35% van die bates in die landbou. Die winsgewendheid van verskeie bedrywe, veral basiese kommoditeite, is nie na wens nie. Daarom is daar ’n versugting by talle boere en oorweeg hulle dit om in ’n ander land te gaan boer. Vir heelparty is Australië ’n opsie. Die beoordeling van winsgewendheid tussen boerderye in verskillende lande moet baie versigtig gedoen word, veral waar die staatsondersteuning aan die landboubedryf (soos in Australië) van die laagste ter wêreld is. Daar is ook verskille in berekeningsmetodieke wat in ag geneem moet word, soos hoe grond gewaardeer word.…

DIE aanplant van grondbone is heelwat minder as die voorneme van 50 000 hektaar wat in die begin van die planttyd in die vooruitsig gestel is. Volgens die oesskatting einde April is die nasionale oppervlakte met grondbone beplant 20 050 ha. Die verwagte grondboonoes het met 12,96%, of 2 605 ton, gestyg vanaf 20 100 ton tot 22 705 ton, terwyl die verwagte opbrengs 1,13 t/ha is. Die minder hektare is die gevolg van die droër weer vanaf Oktober tot Desember en die laat reën. Dit is die tweede agtereenvolgende jaar dat die nasionale grondboonoes erg geknou is. Suid-Afrika word ’n netto invoerder van grondbone. Vroeër het mnr. Alfonso Visser, uitvoerende hoof van die Golden Peanut & Tree Nut Company, gesê die kleiner oes skep egter die geleentheid vir instellings,…

Beleggers moet waak teen piramideskemas en ag slaan op die ondergemelde riglyne. FSCA-REGISTRASIE Hoewel registrasie by die gedragsowerheid vir die finansiëledienstesektor (FSCA) alléén nie voldoende beskerming bied nie, moet iemand wat nie geregistreer is nie, vermy word. Op die webwerf www.fsca.co.za/ Fais/ Search_F S P.htm kan nagegaan word of die persoon se naam, identiteit en registrasienommer geregistreer én eg is. Die finansiële beplanningsinstituut (FPI) is die professionele liggaam vir finansiële beplanners en vereis gevorderde opleiding en hoë etiese waardes. Lidmaatskap van ’n professionele liggaam bied dus meer beskerming. KAN DIT WAAR WEES? Wanneer iemand inligting oor ’n wonderlike geleentheid aan ander gee, moet gevra word hoekom die persoon dit gee. Mens hoor gereeld van beleggings wat markarbitrasie gebruik om groot winste te verkry. Dit is wanneer iets goedkoop op een…

’n Israeli het ’n doeltreffen e, stadig-vrystellende leweringstelsel ontwerp wat deurentyd insekferomone kan vrystel en ’n merkwaardige suksessyfer het om insekplae te bestry. Mango-boere in Indië het van ’n totale verlies van hul mango-oes weens vrugtevliegskade gegaan tot 100% beskerming danksy die gebruik van BioFeed, ’n eenvoudige stelsel wat feromone en gif 12 maande lank stadig vrystel. Vrugteboere in die Jordaanvallei in Israel het jare lank paringsontwrigting deur steriele manlike insekte gebruik, met ’n suksessyfer van tot 70%. Die afgelope vyf jaar het hulle die BioFeed-stelsel gebruik, en in al vyf jaar 100% beskerming verkry. Volgens mnr. Nimrod Israely, eienaar en baasbrein van BioFeed, is die geheim die volgehoue lewering van die doseerder. “Feromone is van die kragtigste hulpmiddels vir die bestryding van insekte. Om bestryding toe te pas is…

Dié artikel is saamgestel uit uittreksels van die eeufeesgedenkuitgawe, Landbouweekblad 100, wat nou op die rak is.…

Die boer moet deeglike aandag aan ’n aantal riglyne gee wanneer hy ’n boerdery met droëbone oorweeg. Die saadmaatskappy Pannar het op sy jaarlike ekstravaganzas nuttige wenke gegee en slaggate uitgewys wat die boer kan laat struikel. Mnr. Hendrik Linde (foto), landboukundige van Pannar, het gesê dit is veral belangrik om die mark eers deeglik te ondersoek – soos waar die bone verkoop kan word. Sommige markte verskaf vaste kontrakte, ander volg meer informele ooreenkomste met die boer. Kyk ook na die mark se behoefte aan bepaalde soorte bone en pitgroottes, kleur, opbergingsvermoë en vereistes vir gehalte, byvoorbeeld of dit skoongemaakte en verpakte bone verkies en of die bone in grootmaatsakke gelewer kan word. Dit is belangrik om te weet watter hoeveelhede van spesifieke bone deur die plaaslike mark benodig…

Erektiele disfunksie is ’n ereksieprobleem wat gekenmerk word deur die onvermoë om ’n ereksie voldoende vir seksuele gemeenskap te verkry en te behou. Dit het gewoonlik ’n fisieke oorsaak, soos diabetes, prostaatkanker, kardiovaskulêre siektes of die newe-effekte van medikasie. Die Vacurect-vakuumereksieapparaat bied ’n oplossing vir dié probleem. Prostaatkanker is die algemeenste kanker onder mans en ’n radikale prostatektomie is gewoonlik die eerste behandelingsopsie. Daarna kan daar skade aan die senuwees en ’n verswakte bloedvloei na die penis wees. Dit kan sowat 6 tot 18 maande vir die beskadigde senuwees neem om te herstel, wat tot ereksieprobleme en penisinkrimping kan lei. Sowat 35% tot 75% van mans met diabetes ondervind ereksieprobleme 10 tot 15 jaar vóór gesonde mans weens verswakte bloedvloei na die penis. Medikasie is nie altyd geskik vir diabete…

Brandew ynsous: Verhit 750 ml suiker en 750 ml water stadig saam tot die suiker opgelos is. Verhoog die hitte tot kookpunt en kook vinnig tot 500 ml oorbly. Voeg 30 ml botter, 3 stukke pypkaneel, ’n knippie sout en ’n reep of twee nartjieskil by en verwyder van die hitte. Laat oornag trek. Giet deur ’n sif en verhit oor matige hitte. Los 60 ml mielieblom of vlapoeier in ’n bietjie koue water op en voeg dit by die sous. Verhit tot kookpunt en laat prut tot die sous helder is. Verwyder weer van die hitte en roer 250 ml brandewyn en 30 ml vanieljegeursel by. Lewer 1 liter brandewynsous.…

The last elephants saamgestel deur Don Pinnock en Colin Bell. Uitgewer: Struik Nature. Prys: R490. Hierdie boek, met sy treffende voorbladfoto van ’n grootoog-olifantkalfie wat deur twee slurpe omraam word, is een van die mooistes wat ek in ’n lang tyd gesien het. Ongelukkig is die onderwerp nie een wat jou met ’n warm en sagte gevoel laat nie. Die Afrika-wye olifantsensus in 2016 het geen goeie nuus gebring nie, want daaruit is dit duidelik die vasteland se olifantbevolking is onder druk. Een van die kommerwekkende statistieke is dat daar gemiddeld elke 15 minute ’n olifant van kant gemaak word. Die ivoorhandel en onwettige handel met natuurlewe is maar twee van die kwessies wat hiertoe bydra. Die boek is vol foto’s wat jou asem wegslaan, van die olifante se tekstuurryke…

Vandag wil ek gesels oor God se kalmeerpil. Glo my, dit werk uitstekend. Dit word aanbeveel, sterk aanbeveel, deur mense wat weet. Eintlik is dit nie ’n pil soos ons ’n pil ken nie. Dis ’n soort stelselmatige resep wat liggaam en gees só verander dat dit ’n leefstyl word. Die naam van hierdie kalmeerpil is VREDE. Om die kragtige werking daarvan te verstaan, moet die werking van die teenoorgestelde, naamlik ONVREDE, eers verstaan word. Met laasgenoemde is ons goed bekend, want ons leef in ’n wêreld waar dit soos daaglikse voedsel is. Die nadeel daarvan is dat dit nie voed nie. Dit breek af, en is ’n dienaar van selfsug en eiebelang. Dit versteur die harmonie wat bedoel is om geluk aan mense te verskaf. Onvrede bestaan nie net…

DIE Nederburg-wynveiling, wat in 1975 begin het, sal voortaan as die Cape Fine & Rare Wine Auction bekend staan. Die verandering is luidens ’n verklaring in pas met die strategie van Distell se nuwe maatskappy Libertas Vinyards and Estates wat spesialiseer in fynproewerwyn. meer na wyn wat ’n storie vertel, en ’n sterk verbintenis met ’n spesifieke plek of wynplaas het. “Hulle is op soek na skaarsheid, gehalte en ’n herkoms.” Die veiling gaan verskuif van Nederburg na die Rupert-museum naby Franschhoek, daar is ’n nuwe keuringsproses en die veiling gaan ’n nuwe formaat Me. Kay Nash, hoofbeampte van Libertas Vineyards and Estates, sê die gesamentlike doel is om die toegang tot fynproewerwyn wat in Suid-Afika geproduseer word, te verbreed. Daarmee wil Libertas die begeerlikheid en versamelaarswaarde van hierdie wyne…

GAUTENG NIGEL GROOTVALY(124),22ha, aan Kyodox (Edms.) Bpk., van Steynol (Edms.) Bpk., R2 100 000. WITFONTEIN (16), 34 ha, aan JR 209 Inv, van Elizabethfamilietrust, R25 500 000. PRETORIA BRAKFONTEIN (390), 59 ha, aan Zotec Developments (Edms.) Bpk., van Erasmus Realisasie-trust, R85 578 529. DE WAGENDRIFT (417), 21 ha, aan W.S.C. Tomes, van J.J. Tomes, R1 000 000. DONKERHOEK (365), 88 ha, aan Donkerhoek Quarry, van Brikor Bpk., R10 000 000. HAAKDOORNBOOM (267), 150 ha, aan Safdev SSDC (Edms.) Bpk., van Power Development Projects (Edms.) Bpk., R34 500 000. INDERMINNE (113), 21 ha, aan Vuka Services Centre, van Malebye Business Enterprises, R600 000. JAKKALSDANS (243), 21 ha, aan die regering van die Republiek van Suid-Afrika, van D. en G.J. van Heerden, R1 365 000. KLIPDRIFT (90), 21 ha, aan E. Tromp,…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in die Landboukalender. Stuur die besonderhede aan lbw@landbou.com BOEREDAE 29 MEI: Plaasbesoek aan Andrew Jordaan, Voermol se Skaapboer van die Jaar, Cradock. Leon de Klerk, e-pos: leondeklerk@ vodamail.co.za, 082 901 1073; Raymond Rudman, e-pos: raymond.r@tiscali.co.za, 082 571 2944. 5 JUNIE: Die Koejawel-produsentevereniging se inligtingsdag, Le Bac-landgoed, Paarl. Wiehahn Victor, 021 872 1501, e-pos: victor@guavas.co.za 23 JUNIE: NWKV-reproduksieinligtingsdag, Bredasdorp. Tania Lusse, 028 212 3160; Jannie Fourie, 083 564 1105. FEESTE, EKSPO’S 31 MEI-1 JUNIE: Veldskoenfees en inligtingsdag oor volhoubare benutting van skaars hulpbronne, Ellisras. Jan Eckard, 082 304 5945, e-pos: madie1511@gmail.com 14-15 JUNIE: Napier-wyn-enpatatfees. E-pos: info@napier winepatatfees.co.za , web: www.napierwinepatatfees.co.za 28-30 JUNIE: Spar Kirkwoodwildsfees, River Valley, Port Elizabeth. Jennifer Honsbein, e-pos: jenni@wildsfees.co.za, web: www.wildsfees.co.za,…

Verjaardae kom en gaan. Veral wanneer ’n mens, soos ek, die ouderdom bereik waar die eerste gelukwense gewoonlik van jou versekeringsmaatskappy is. Met elke verjaardag is daar minder blydskap en meer verligting dat jy nog ’n jaar oorleef het! Net so vir ’n tydskrif. Dit is met groot dankbaarheid dat ons vandeesweek ons 100ste verjaardag vier. Vir ’n eeu is ons geseënd met die ondersteuning van lojale adverteerders en besonderse lesers. Dit is iets wat ons nooit as vanselfsprekend sal aanvaar nie. Dit feit dat ons in Nampo-week verjaar, is natuurlik ’n heerlike historiese toeval. Dit was ’n ander wêreld toe ons eerste eksemplaar in 1919 van die drukpers in Bloemfontein af kom. ’n Halfmiljoen Suid-Afrikaners is toe reeds in die griepepidemie dood. Die Afrikaner-broederbond en Nelson Mandela was reeds…

Sekere prosesse sal ná die verkiesing gevolg moet word om die parlement tot stand te bring sodat onder meer ’n president verkies kan word. Ingevolge wetgewing moet die nasionale vergadering (NV) en die nasionale raad van provinsies (NRP) binne 14 dae nadat die Verkiesingskommissie die uitslae van die algemene verkiesing verklaar het, tot stand gebring word. Die eerste sitting van die NV is vir Woensdag 22 Mei geskeduleer, wat deur die eerste sitting van die NRP op Donderdag 23 Mei gevolg sal word. Op die sitting van die NV sal die president verkies word. RENE KRUGER skryf: Bedrog, agterbaksheid, skelmstreke en korrupsie. Dís wat kiesers kan verwag. JOYCE MILLAR skryf: Net mooi niks gaan verander nie. CHARMAINE BESSENGER GROVE skryf: Korrupsie sal voortgaan en niks sal daaraan gedoen word nie.…

DIE grootskaalse veediefstal waarvan ’n jong prokureur van Pretoria, sy makker van Bela-Bela en ’n groep mans van die distrik Ermelo verdink word, gaan al vir langer as ’n maand aan. Hulle is vroeër vandeesmaand op heter daad op ’n plaas in die distrik Breyten betrap. “Dit het begin met ’n klomp beeste wat vroeër op die plaas van mnr. W. Stein gesteel is,” vertel mnr. Bester Maree van ACSU Sekuriteit op Ermelo. Stein het sy beeste egter dadelik opgespoor waar hulle in ’n kraal sowat 45 km van sy grond af gehou is, en teruggeneem na sy plaas. Op 15 Maart het die diewe weer toegeslaan en 24 koeie by mnr. Sarel van der Merwe gesteel. Op 11 April keer hulle terug om nog 87 verse te steel. Intussen…

NÁ meer as 2 miljoen ton mielies in die 2018-’19-bemarkingsjaar uitgevoer is, begin Suid-Afrika die nuwe bemarkingsjaar op 1 Mei met ’n aansienlik kleiner oordragvoorraad as verlede jaar se rekord van byna 4 miljoen ton. Volgens die SA graaninligtingsdiens (Sagis) se syfers vir die afgelope bemarkingsjaar is daar net meer as 1,5 miljoen ton geel- en 500 000 ton witmielies uitgevoer. Die meeste witmielies is na Botswana (184 000 ton) en Italië (90 000 ton) uitgevoer, en die meeste geelmielies na Viëtnam (690 000 ton) en Suid-Korea (215 000 ton). Volgens Sagis is daar in die bemarkingsjaar 171 000 ton geelmielies na Suid-Afrika ingevoer. Dié neiging sal waarskynlik in die nuwe jaar voortduur. Handelaars het reeds aangedui hulle wou in Mei sowat 70 000 ton geelmielies invoer. Mnr. Luan van…

AS daar een mens is wat verlig is dat die verkiesing verby is, is dit mnr. Nicol Jansen, voorsitter van Agri Noord-Kaap. Hy hoop die nuwe besems gaan skoon vee en momentum gee aan hul pogings om droogtehulp vir sowat 1 800 boere te kry. Landbouweekblad het verlede week berig oor die stryd om die Pixley ka Seme-distriksmunisipaliteit tot rampgebied verklaar te kry, sodat sy aansoek saam met dié van die Namakwa- en die ZW Mgcawu-distriksmunisipaliteit ingedien kan word. ’n Gefrustreerde Jansen het ’n paar dae voor stemdag op 8 Mei gesê dit lyk of regeringsamptenare die afgelope maande só “vasgevang was in verkiesingskoors” dat hulle nie by die laaste voetwerk om alle droogtegeteisterde distriksmunisipaliteite tot rampgebiede te verklaar, kon uitkom nie. “Die grootste deel van die ekstensiewe veegebiede is…

ONDANKS verskeie hofbeslissings ten gunste van Lesotho se wol- en bokhaarboere het die regering steeds nie permitte uitgereik vir die uitvoer van hul produkte na Suid-Afrika nie. Waarnemende regter Moroke Mokhesi het op 4 April die regulasies wat in 2018 ingestel is om die verkoop van wol en bokhaar in Suid-Afrika te verbied, in die hooggeregshof van Lesotho tersyde gestel. Die regering het intussen appèl aangeteken, maar dit verloor. Die Lesotho Times berig Mokhesi het aangedui dat die regulasies wat in Mei 2018 ingestel is, ’n oortreding van die Landboubemarkingswet van 1967 is wat boere toelaat om hul veselprodukte te verkoop waar hulle wil en aan die makelaars van hul keuse. Die saak teen die nuwe regulasies is reeds in September 2018 deur die nasionale wol- en bokhaarvereniging van Lesotho…

AGRI SA se hofstryd om ’n stokkie voor Rhino Oil and Gas se soektog na skaliegas in vier provinsies te steek, word nou in die hooggeregshof voortgesit. Die organisasie het ’n hofgeding in die Noord-Gautengse hooggeregshof teen die toekenning van omgewingsmagtiging en eksplorasieregte vir skaliegas aan Rhino Oil and Gas begin. Luidens ’n verklaring sê Agri SA hy het bevestiging gekry dat die hofstukke verlede week op al die respondente beteken is. Daar word gevrees dat eksplorasie tot grootskaalse skaliegasbedrywighede (onder meer hidrobreking) kan lei. As dit gebeur, kan dit ’n wesenlike bedreiging vir die land se skaars waterbronne inhou, voer die landbou-organisasie aan. “Sonder die nodige bevredigende inligting oor die beskikbaarheid en behandeling van water om hidrobreking en ’n skaliegasbedryf in Suid-Afrika te onderhou, kan Agri SA nie die…

INTERNASIONAAL: Die Chicagoprys het met 0,5%, of $0,69/t (R9,92/t), tot $139,58/t (R2 006/t) teenoor die vorige week gedaal. Op ’n jaargrondslag is dit 10,3%, of $16,04/t(R230,55/t), laer. Verwagte pryse: Junie – $134,88/t (R1 939/t), Julie – $137,87/t (R1 982/t), September – $141,49/t (R2 034/t), Desember – $145,90/t (R2 097/t). PLAASLIK: Die Safexprys van witmielies het met 5,8%, of R150/t, teenoor die vorige week gedaal. Die prys van geelmielies het met 5,3%, of R135/t, teenoor die vorige week gedaal. Op ’n jaargrondslag is witmielies 20%, of R410/t, duurder, terwyl geelmielies 12,8%, of R275/t, duurder is. Verwagte witmieliepryse: Jun. – R2 569/t, Jul. – R2 514/t, Sept. – R2 580/t, Des. – R2 663/t. Verwagte geelmieliepryse: Jun. – R2 424/t, Jul. – R2 466/t, Sept. – R2 527/t, Des. – R2 594/t.…

Minder gunstige landbouproduksietoestande dwing gewasboere om hul kapitaalbesteding ten opsigte van landbouwerktuie in te kort. Mnr. Greg Cadman, voorsitter van die Suid-Afrikaanse Landboumasjinerieassosiasie (Salma), sê die kleinhandelverkoopsyfer van landboutoerusting sal na verwagting in die res van die kalenderjaar 5% tot 10% minder wees as die 6 700 eenhede wat verlede jaar verkoop is. Trekkerverkope van 600 eenhede in Maart is aansienlik minder as die 726 eenhede (17%) wat verlede Maart jaar verkoop is. In die eerste drie maande van vanjaar was die verkope ook aansienlik (byna 19%) minder as verlede jaar. Stroperverkope van 23 eenhede is twee eenhede minder as die 25 eenhede wat in Maart verlede jaar verkoop is. In die jaar tot dusver is verkope aansienlik (22%) minder as verlede jaar. In die opeenvolgende twaalf maande is stroperverkope…

Fotosintese is die primêre proses in die plant waartydens stralingsenergie van die son in benutbare, chemiese vorms van energie (soos suiker, stysel, proteïen en olie) omgeskakel word, sê mnr. Grant Pringle, landboukundige van Pannar in KwaZulu-Natal. Chlorofil absorbeer stralingsenergie en gebruik dit om koolsuurgas uit die lug met water te bind om eenvoudige suiker te vorm. Koolstof, waterstof en suurstof is 90-95% van plante se droë gewig. Die ander 5% bestaan uit stikstof (N), fosfor (P), kalium (K) en ander makro- en mikro-elemente. Die saadmaatskappy Pannar het grondgesondheid op die jaarlikse ekstravaganza op die Delmasproefplaas verduidelik. Grondvrugbaarheid en grondtipe – met ander woorde die grond se potensiaal – bepaal wat die grond se voedingstofbehoefte is om aan die gewas se opbrengsverwagtinge te kan voldoen. Op sy beurt hang die grond…

Verskeie jong mense het op die afgelope Clocolanse plaaskultuurfees die hardebaarde in die stof laat byt met verskeie eerste pryse vir hul projekte. ’n Herlewing van tradisies, ou werktuie en plaasdiere is die wenresep van dié gewilde jaarlikse fees. Die Oos-Vrystaatse Trekker-en-enjinklub (Ovtek) het ook tydens dié geleentheid sy dertigste bestaansjaar gevier, terwyl deelnemers met 125 ou trekkers, 169 enjins, vyf vragmotors, 24 motors en een stroper op die nasionale skou van die Suid-Afrikaanse Federasie van Veteraantrekker-en-enjinklubs (Savtek) gepronk het. Die 80ste bestaansjaar van International Harvester se Farmall-trekkerreeks is ook tydens die fees herdenk. Mnr. Christo Pieterse, Savtek-voorsitter, sê die kennisoordrag van die ouer garde na die nuwe geslag word onder meer aangehelp deur ’n geborgde enjinrestoureerkompetisie wat tweejaarliks aangebied word. “Dit moedig die oupas aan om as mentors op…

Me. Rina Belcher, een van die eienaars van die Belnori-boetiekkaasmakery in Bapsfontein, Gauteng, het ’n hele paar jaar lank in die aftreefondsbedryf gewerk. “Ek het besef min Suid-Afrikaners maak voldoende voorsiening vir wanneer hulle nie meer formeel in diens is nie. Ek en my man het toe besluit ons sal ‘iets’ moet kry wat ’n maandelikse inkomste buite die formele aftreefondsstelsel sal lewer.” Die Belchers het die risiko geloop om die geld wat hulle gehad het, in ’n boerdery te belê. “Ons het gelees oor ’n paartjie in die Kaap wat ’n kleinskaalse melkbokboerdery bedryf, kaas gemaak en hul produkte op die plaaslike boeremark verkoop het. Binne tien dae het iemand in die omgewing vir ons ’n tweedagkursus oor melkbokteelt en die maak van fetakaas aangebied. “Hy het vir ons…

Oondgebakte hoenderkerrie met herfsgroente Groente soos wortels, botterskorsies en patats pas vir my by hierdie tyd van die jaar – miskien omdat die kleure daarvan soos herfs lyk. In hierdie resep bak die groente saam met die hoender in ’n geurige kerriesous gaar en vorm ’n perfekte allesin-een-ete. ■ 6 hoenderporsies ■ Sout en varsgemaalde swartpeper ■ 2 uie, in kwarte gesny ■ 3 knoffelhuisies, in skyfies gesny ■ Halwe middelslag-botterskorsie, geskil, pitte verwyder en in blokkies gesny ■ 3-4 groot wortels, geskraap en in ringe gesny ■ 5 ml komyn ■ 2 ml kaneel of 1 kaneelstok ■ 15 ml kerriepoeier ■ 15 ml appelkooskonfyt ■ 45 ml witasyn ■ 250 ml hoenderaftreksel ■ Gekapte vars pietersielie, om oor te sprinkel Voorverhit die oond tot 180 °C. Geur die…

Een middag, naby aan die einde van matriek, ry ’n paar van ons na ’n klasmaat se plaas naby Prieska. Ons kuier lekker en praat matriekeksamen en eet droë gestampte springbokbiltong en appelkooskonfyt. Terwyl die ander nog klets en eet, wys oom Piet sy gewere vir my. Almal bitterlik begeerlik, maar kop en skouers bo almal staan ’n Cogswell & Harrison in kaliber .404 Jeffery. Onlangs stuur die Suid-Afrikaanse vuurwapeneienaarsvereniging (Saga), waarvan ek lid is, vir my ’n lys van al die vuurwapens wat die polisie beoog om te vernietig. Sowaar, een van die eerstes wat my oog vang, is ’n Cogswell & Harrison, weliswaar nie .404 nie, maar wel ’n kaliber .375 H&H. Ek kon huil. Die amptelike aankondiging van die kommissaris van polisie lui as volg: “By virtue…

’N LANGTERMYNVENNOOTSKAP met ’n private belegger gaan verseker dat die restitusiegrond van die Giba-gemeenskapseiendomsvereniging van Hazyview, Mpumalanga, ’n beter toekoms vir die gemeenskap verseker en dat dit produktief bly. Die vereniging het twee huurooreenkomste met ’n private beleggingsonderneming, W van R Schmidt (Edms.) Bpk., vir die bewerking van 127 ha gesluit. Die belegger sal 24 ha vir tien jaar gebruik om gemmer te kweek. Die oorblywende 103 ha sal 22 jaar lank vir die aanplant van makadamias gehuur word. Die gemmer sal hoofsaaklik vir die plaaslike mark geproduseer word en die makadamias vir die uitvoermark. Die Giba-vereniging sal nie net ’n inkomste verdien uit die huurooreenkomste nie, maar die gemeenskap sal ook belangrike vaardighede aanleer aangesien hulle betrokke sal wees by die administrasie van die onderneming. Luidens die huurooreenkoms sal…

REEKS 6, EPISODE 3 STEPHAN NEL en sy seun, Stephan (jr.), boer met skape in die afgeleë bergagtige landskap naby Barkly-Oos in die Oos-Kaap. Hy bedryf ook die bekende Bergplaas-Merinostoetery, wat 81 jaar gelede deur sy oupa Frikkie Nel begin is. Stephan het ’n groot liefde vir Merino’s en spog met verskeie eerbewyse. Hy het al ’n kampioen-Merinoram én -ooi geteel, en bied elke jaar ’n suksesvolle produksieverkoping aan met van die hoogste verkoopsgemiddeldes in die Merinobedryf. ■ Volg Landbouweekliks en Landbouweekblad op Facebook en @landbouweekliks en @landbou op Twitter. ■ Volg ook VIA TV op Facebook. ■ Besoek Landbou.com vir nog inligting.…

Die volgende ontleding van grondverkope in Suid-Afrika is van transaksies vir grond van meer as 10 ha in Noordwes, Mpumalanga en die Noord-Kaap van Maart verlede jaar tot Februarie vanjaar. In Mpumalanga was daar ’n gunstige neiging in drie distrikte, maar by Nelspruit het pryse met 23,4% gedaal. Altesame 406 transaksies het 101 859 ha teen R3,399 miljard behels. Daarvan was 114 (28%) ooreenkomste van kleur, wat 31 157 ha (30,6%) teen R943 miljoen behels het. Die meeste transaksies (35%) was vir grond van minder as 50 ha. Altesame 530 transaksies het in 13 distrikte in Noordwes plaasgevind. Beter pryse is in nege distrikte (64,3%) aangeteken. Altesame 161 945 ha is teen R2,773 miljard verhandel. Daarvan was 116 (22%) ooreenkomste van kleur, wat R676 miljoen (22,6% van die totale waarde)…

Die vraag na geregistreerde Brahman-aanteelvee het die afgelope ses maande ’n beduidende gunstige neiging getoon. Sedert verlede November het die vraag na rasegte Brahmanbulle toegeneem wat toegeskryf kan word aan die droogte. Dit bevestig Brahman-kruisraskoeie het beter as ander soorte presteer. Dit het daartoe aanleiding gegee dat kommersiële beesboere weer na rasegte, geregistreerde Brahmanbulle as teelbulle kyk. Die gemiddelde prys vir Brahmanbulle op nege produksieveilings was R55 368. Kroonvee van Vryburg het verlede November ’n besonder hoë gemiddelde prys van R64 600 vir rooi bulle en R52 500 vir wit bulle behaal. Op dié nege veilings is rasegte, geregistreerde koeie met kalwers teen gemiddeld R37 850 verkoop. Dragtige en nie-dragtige verse het die afgelope ses maande gemiddeld R26 915 behaal. Op die Richugo-veiling by Piet Retief is koeie met kalwers…