Indholdsfortegnelse for 14-Jun-19 i Landbouweekblad

IETS OM TE VIER Midde-in een van die strafste droogtes nóg in die Noord-Kaap is ’n vierling onlangs van ’n vierjarige Dorperooi op die plaas Langklip in die distrik Garies gebore. Mnr. Henk Coetzee, die ooi se eienaar, sê dit is baie skaars dat ’n skaap ’n vierling kry, en dit boonop in die droogte. Hy is dankbaar dat sy genoeg melk het. Die ooi en lammers is na ’n kleiner kraal geskuif en word fyn dopgehou om te sien of al die lammers goed drink. “Almal vorder goed.” Coetzee, ’n vierdegeslagboer op 3 700 ha, sê daar is niks van die veld oor nie. “Alles staan op kraal. Die veld is pikswart. Ek gee die skape tans lusern en mielies.” Hy boer ook met Damaras en saai hawer, korog…

DIE Wet op Koolstofbelasting (Wet 15 van 2019) het op 1 Junie amptelik in werking getree, en is ’n deurslaggewende deel van Suid-Afrika se planne om kweekhuisgasvrystelling hok te slaan. Die toepassing hiervan is nie eenvoudig nie, skryf mnr. Theo Boshoff, Agbiz se hoof van regsintelligensie. Sien ook bit.ly/2JQ4uJ7. Die koolstofbelasting sal primêr gehef word op direkte vrystellings wat hul oorsprong in nywerheidsprosesse het, sowel as indirekte vrystellings, mits daardie vrystellings die drempel oorskry. Ten einde te bepaal of ’n agribesigheid vir koolstofbelasting in aanmerking kom, moet die syfers vir direkte en indirekte vyrstellings in skedules 1 en 2 van die wet bestudeer word, en gebruik word in die formule wat in seksie 6 van die wet vervat word. Indien koolstofbelasting op ’n agribesigheid van toepassing is, is die koers…

ARTIKELS & RUBRIEKE ■ Sandveld-water kom van elders ■ Kwekery: Topbestuursplan dra vrug ■ Melkboerdery kan ‘groen’ én winsgewend wees ■ Benut reënwater beter én verbeter jou grond ■ Oesskattings: Hiérom is boere se deelname belangrik SPESIAAL ■ Veebedryf GESIN ■ Boerekos: Die geur van sitrus WATER Aartappelboere word dikwels voor stok gekry oor hul watergebruik, maar nuwe navorsing toon in die Sandveld is dit nie aartappelboere se skuld dat die watergehalte verswak nie. Die oorsaak moet elders gesoek word. Boere kan egter meer doen om hul water doeltreffender te gebruik.…

GEEL AFRIKANER KRY ERKENNING Toe die Afrikaner-beestelersgenootskap in 1912 gestig is, is bepaal dat die kleur van die geregistreerde Afrikaner rooi sal wees. Nie lank daarna nie het baie telers, onder wie vooraanstaande Afrikanerbeesmanne, egter gevra: Maar wat dan van die geel kuddes? Sedertien was daar kort-kort stemme wat wou hê dat die geel Afrikanerbees op die een of ander manier by die SA Stamboekvereniging ingelyf moet word. Baie het geglo dat die geel bees net soos die rooie onmiskenbaar Afrikaner is. Onlangs het die Afrikanerbeestelersgenootskap besluit om die geel bees met die doel op registrasie as ’n afsonderlike afdeling in die grondwet van die genootskap in te lyf. ’n Komitee vir geel-Afrikanertelers is ook reeds gekies, met mnr. J.A. du Plessis van Winterhoek, Hoopstad, as die eerste voorsitter.…

DIE ellende waarin Lesotho se wol- en bokhaarboere verkeer, het verdiep met die uitbreking van miltsiekte. Dit het Suid-Afrika ’n verbod laat plaas op die invoer van lewende diere en diereprodukte, wat wol en bokhaar insluit. Teen druktyd was daar ook nog geen uitkoms in sig vir die boere se stryd teen hul regering om, soos die afgelope 40 jaar, toegelaat te word om hul wol regstreeks op die ope mark te verkoop nie. Die veeartsenyowerheid van Lesotho het drie voorvalle van die uitbreking van die siekte aan die internasionale organisasie vir dieregesondheid (OIE) aangemeld. Die eerste uitbreking was op 12 Mei in Maseru en 24 beeste het gevrek. Die Suid-Afrikaanse departement van landbou sê hy is in kontak met die veeartsenyowerheid van Lesotho om veilige handel tydens die siekte…

AS verbruikers hul rande moet rek om kos op die tafel te sit, begin voedselmaatskappye se winste ook daal. Voeg daarby faktore soos die nadraai van die listeriose-krisis, duurder mielies en goedkoop invoer, en die druk op maatskappye soos Tiger Brands, Pioneer Food Group, Astral en Quantum Foods neem al hoe meer toe. Tiger Brands, Suid-Afrika se grootste voedselprodusent, se prestasie word steeds geknou deur die listeriose-uitbreking wat sy verkope van weense worsies en polonie verlede jaar tot stilstand gebring het. Dit het daartoe gelei dat Tiger Brands nou deur ’n groepsgeding in die gesig gestaar word. Die maatskappy se wesensverdienste per aandeel het in die ses maande tot einde Maart met 12% tot R7,62 getuimel. Sy afdeling vir waardetoegevoegde vleisprodukte het ’n bedryfsverlies van R296 miljoen in dié tydperk…

“ DIE grondvraagstuk is op die tafel van hierdie parlement. Dit het nie gesterf met die vyfde parlement nie. Dit is nou hier, op hierdie tafel, en ons gaan die grondvraagstuk oplos.” Pres. Cyril Ramaphosa het dit met dié woorde naby die einde van sy toespraak ná sy verkiesing tot president duidelik gemaak dat ’n proses om die Grondwet te wysig, sal voortgaan. Die ad hoc-komitee wat die wysiging aan artikel 25 van die Grondwet ten opsigte van onteiening sonder vergoeding moes saamstel, het voor die verkiesing in ’n verslag aangedui dat die sesde parlement met die werk sal moet voortgaan. Die komitee kon nie sy werk voltooi voor die parlement op 20 Maart verdaag het met die oog op die algemene verkiesing op 8 Mei nie. Mnr. Louis Meintjes,…

1 NAMIBIË| Amerika gee droogtehulp Me. Lisa Johnson, Amerikaanse ambassadeur in Namibië, het aangekondig haar regering sal N$1,44 miljoen se onmiddellike droogtehulp aan dié land beskikbaar stel. Hierdie geld van USAid se ramphulpkantoor sal vir humanitêre bystand gebruik word. Droogtegeteisterde gemeenskappe sal via die Namibiese Rooikruis gehelp word met water, sanitasie en higiëne. Dit volg op die noodtoestand wat mnr. Hage Geingob, president van Namibië, verlede maand afgekondig het en sy beroep op internasionale hulp. Die land beleef tans die ergste droogte in 38 jaar. – The Namibian 2 UGANDA | - Suid-Afrikaners soek markaandeel ’n Onlangse handelsafvaardiging onder leiding van die departement van handel en nywerheid na Uganda het belowende resultate opgelewer vir die 25 deelnemende lede. Me. Lerato Mamabolo, bedryfsbestuurder van Agizo Solutions, ’n geo-informatikamaatskappy, sê…

INTERNASIONAAL: Die Chicagoprys het met 6,6%, of $10,11/t (R147,90/t), tot $162,89/t (R2 383/t) teenoor die vorige week gestyg. Op ’n jaargrondslag is dit 3,5%, of $5,47/t (R80,02/t), hoër. Verwagte pryse: Junie – $168,26/t (R2 462/t), Julie – $171,72/t (R2 512/t), September – $174,80/t (R2 557/t), Desember – $177,79/t (R2 601/t). PLAASLIK: Die Safexprys van witmielies het met 9,7%, of R260/t, teenoor die vorige week gestyg. Die prys van geelmielies het met 9,4%, of R247/t, teenoor die vorige week gestyg. Op ’n jaargrondslag is witmielies 38,3%, of R814/t, duurder, terwyl geelmielies 30,2%, of R670/t, duurder is. Verwagte witmieliepryse: Jun. – R2 970/t, Jul. – R3 026/t, Sept. – R3 098/t, Des. – R3 120/t. Verwagte geelmieliepryse: Jun. – R2 922/t, Jul. – R2 991/t, Sept. – R3 048/t, Des. – R3…

SA Stamboek versnel die tempo om die insluiting van genomiese inligting deel te maak van die genetiese merietevoorspelling van plaasdiere. Melkbeestelers is nou, benewens drie vleisbeesrasse, die nuutste groep wat die voordeel van dié tegnologie prakties kan gebruik. Dit behels onder meer die gebruik van bykomende voordele, naamlik enkelgeen-merkers vir eienskappe van ekonomiese waarde. Die ooreenkoms tussen Stamboek en die Kanadese melknetwerk om ’n genomiese diens vir melkbeeste in Suid-Afrika te verskaf, word eersdaags beëindig wanneer Stamboek sy eie plaaslike genomiese teelwaardes vir melkbeeste bekend stel. Die navorsing is reeds afgehandel en die toetslopies is aan die gang. Stamboek se navorsingskapasiteit kry ook ’n hupstoot met die kontraktuele aanstelling van mnr. Jason Reding as ’n geregistreerde veekundige gesetel by die Universiteit van Pretoria se proefplaas onder die bestuur van dr.…

Die Nasionale Wolkwekersvereniging (NWKV) publiseer elke twee maande ’n lys van bestuursaksies om skaapboere met raad oor belangrike bestuurspraktyke by te staan. Hier volg die aanbevelings vir Junie en Julie. SUIPLAMMERS (MAART EN APRIL SE LAMMERS) ■ Doseer alle lammers ouer as 12 weke teen lintwurm en rondewurms. Verskaf ook vita-mien A en minerale (inspuitbaar of oraal). ■ Doseer lammers jonger as drie maande teen melklintwurm. ■ Ent alle lammers (veral ooilammers) ouer as 12 weke in teen siektes soos bloutong, slenkdalkoors, bloednier en pasteurella. ■ Ent vervangingsooilammers in teen ensoötiese aborsie. ■ Gebruik waar moontlik ’n kombinasie van entstowwe. ■ Moenie lammers jonger as drie maande inent nie. Hulle sal waarskynlik van die biesmelk se teenliggame in hulle hê, wat sal veroorsaak dat hulle nie eie immuniteit sal opbou…

■ Met drupbesproeiing het Arborlane Estates se waterverbruik per hektaar in die afgelope tien jaar met 40% verminder. ■ Die grootste kwessie vir sukses met drupbesproeiing by sagtevrugte is om die regte stelsel vir elke unieke grondtipe te kies en om dit akkuraat te bestuur. ■ Wanneer die grondvog reg bestuur word, is drupbesproeiing net so doeltreffend om bome teen hitte- en droogtestres te beskerm soos mikrobesproeiing. ■ Met die koms van nette is verbruik van 4 500 m3 water per hektaar nie te vergesog by sagtevrugte nie.…

Ek boer in die distrik Colesberg. Die veld is vanaf Februarie groen en my ooie is vroeg dragtig en in ’n mooi kondisie. Daar is 500 ooie in die trop. Altesaam 50 ooie is al vir blindheid behandel, met nog 30 wat simptome toon. Wat kan die oorsaak wees en wat is die regte behandeling? Ek het nie ’n vinnige of maklike oplossing nie, maar sal graag die probleem sistematies wil benader. Heelwat inligting ontbreek, soos of jou veearts al ’n ondersoek ter plaatse kom doen het. Is ’n kiem of organisme uit die seer oë geïsoleer, en watter behandeling is reeds toegepas? Die feit dat die toestand aansteeklik is, dui vir my daarop dat die oogprobleem moontlik besmetlik van aard is. Ek sou ’n paar aangetaste skape deeglik wou…

Studente aan die Universiteit van die Vrystaat (UV) wat ingeskryf is vir die graad in verbruikerswetenskap, volg ’n nuut ontwikkelde, dinamiese leerplan wat toegepaste navorsingsinligting, bestuur en ondernemerskap insluit. Dr. Antonie Geyer, direkteur van landbou-ontwikkeling, sê verbruikerstudie aan die UV volg ’n nuwe benadering tot praktykgerigte onderrig. ’n B- en ’n BScgraad word aangebied. Die B-graad in verbruikerswetenskap behels modules soos verbruikersgedrag, voedselvoorbereiding, voedselveiligheid, klerevervaardiging en gehaltebeheer, binnenshuise ontwerp en tekstielwetenskap. Die BScgraad lê klem op voedselvoorbereiding, voedselveiligheid en voedselstelsels, gekombineer met verbruikersgedrag. Nagraadse kwalifikasies behels die grade BScHons, MSc en PhD. Navorsing word in verskeie rigtings gedoen, soos voedselsekerheid deur die vermindering van voedselvermorsing, alternatiewe voedselbronne en hersirkuleringsgedrag. Die drie hoofrigtings vir die B- en die BSc-graad is: VOEDSELSEKERHEID Die klem is op die beskikbaarheid van voedsel en voedingswaarde.…

Jupidex (Edms.) Bpk., wat deel vorm van die Plennegy-groep, is ’n markleier in Suider-Afrika wat betref die verspreiding en versiening van hoëgehaltetoerusting vir grondvoorbereiding, saai, kunsmisstrooi, hooi, voer en spuit. Die maatskappy is in 1999 gestig en het oorspronklik handel gedryf as Kverneland Suid-Afrika. Die hoofkantoor is steeds in Pietermaritzburg, in die hartjie van die KwaZulu-Natalse Middelland. Die wêreldbekende handelsmerke, soos Kverneland, McHale, Alpler, Dondi, Celikel, AgriSpread en Andreoli, beklemtoon Jupidex se strewe om van die beste landbouprodukte in Suider-Afrika te versprei.…

met ’n knippie sout of voeg nog ’n bietjie heuning by om die soetsuur smaak van die sous reg te kry. Dreineer die boontjies en gooi dit in ’n slaaibak. Giet die sous oor die warm boontjies en meng liggies. Laat afkoel tot louwarm en meng die bros spek en kappertjiesaad deur die slaai. Sit louwarm voor. Lewer 8 porsies. Patat-enrooilensiesop Rooilensies maak fantastiese kerrie, bobotie en sop, want dit het ’n romerige tekstuur en is ’n baie goeie geurdraer. Ek het hierdie vullende sop vir die fotosessie gemaak met ’n paar halfverlepte patats uit my groenterak. Só ’n sop is ’n uitstekende manier om groente soos patats en wortels wat nie meer so vars is nie, nuwe lewe te gee. Dit is ’n uiters ekonomiese resep en jou huismense…

Kan slegte dinge ook goeie gevolge hê? (2) Het die duiwel ook navolgenswaardige eienskappe? Is daar iets wat ons by hom kan leer? In ’n vorige rubriek het ons ’n ietsie daaroor probeer sê. Wyle ds. Koot Oosthuizen, wat diep spore in die sendingveld getrap het, het tydens ’n sinodevergadering die afgevaardigdes laat skater van die lag. Toe daar debat gevoer is oor die vraag of die Kerk geld behoort te ontvang as dit van ’n twyfelagtige bron af kom, was die oorheersende mening sterk daarteen gekant. “Volstrek nie!” het hulle gesê, en daarop gewys dat ’n Christenmens beslis nie iets van die duiwel behoort te ontvang nie. Die toe dat oom Koot na vore tree om sý siening van die saak te gee. “Broeder voorsitter, ek sal elke sent…

Beefmasters wat volgens die kernseleksiebeginsels van dié ras geteel is, beloof om winsgewend te wees. Met behulp van genomiese seleksie kan telers boonop gouer hul teeldoelwitte bereik. Die Beefmastertelersgenootskap moedig sy lede aan om die somme te maak om selfs meer presisie by teling in te sluit. Hier is riglyne wat reeds op die algemene winsgewendheid van die ras dui: ■ Beefmasterkoeie lewer kalwers van net onder 48% van hul eie gewig met speentyd. ’n Koei van 500 kg sal dus normaalweg ’n kalf van 240 kg speen. Teen ’n prys van R34/kg beteken dit R8 160 per kalf, volgens berekeninge deur die genootskap. As ’n kalf net 210 kg by speenouderdom weeg, beteken dit R7 140 – wat ’n verskil van R1 020 per kalf is. En dit teen…

Rockvalley se kruisteelprogram het ten doel gehad om ’n mediumraamdier te vind wat genoeg melk het om goeie kalwers te speen, en gehard en vrugbaar sou wees om jaarliks ’n kalf op suurveld te speen. Mnr. Victor Lourens, medeeienaar, en sy jongste broer, Chris, is verantwoordelik vir die boerdery se beesafdeling. “Ons is vier broers wat saam boer. Ons ander broers is Thys jr. en Willem.” Rockvalley se beesboerdery is in die laat 1970’s deur hul pa, Thys, begin. “Ons het in 2000 met groot sukses begin om Beefmasterbulle by Shorthorn- en Brahmankruisbeeste te gebruik. “Ons het vandag ook ’n Shorthornstoetery met 120 vroulike diere omdat ons steeds ons eie Shorthornbulle met Brahmankoeie kruis, waarna ons weer Beefmasterbulle by die kruisverse gebruik. In 2006 is my Beefmasters gekeur om ’n…

Rhenostervallei Beef-masters is in 2007 deur dr. Hendrik Meyer geregistreer. Hy het in 1982 as veearts gekwalifiseer en bedryf steeds ’n private praktyk. Die eerste stoetbeeste is in 2007 aangekoop by Boschveld Beefmasters. Daarna is nog teelmateriaal aangeskaf by hoofsaaklik Bos Blanco, WO, 4X4, Hardus Steenkamp en Sarwipi Beefmasters. Meyer se doelstelling is om diere te teel wat fenotipies en genotipies korrek is. Gevolglik gebruik hy genomiese toetsing, ouerskapbepaling en streng seleksie op teelwaardes. Groei en melk is ook belangrik. Die grootte van die koeie is medium- tot grootraam. Wigvormige bouvorm, genoeg diepte, korrekte uiers en koeie wat genoeg been dra, is vir dié teler belangrik. Die grootste struikelblokke van beesboerdery in Limpopo is wisselvallige reënval, bosluisoordraagbare siektes, giftige plante en diefstal. Die kudde het een teelseisoen en kalwers word…

R1 500/kg Die hoogste bod op die wenskaapkarkas op die Royalskou is vir R1 500/kg aan die Oyster-box-hotel in Durban toegeslaan. Die wenskaap is ’n Wit Dorper-Ile de France-kruising van mnr. Gert Lotter van Aberdeen wat ’n punt van 97,5 behaal het. ’n Beefmaster-beeskarkas wat deur die Weston-landboukollege vir die 2019-Landbouweekblad-karkas-kompetisie ingeskryf is, is teen R200/kg opgeveil, ook aan die Oysterbox. Dié landboukollege het R54 220 uit die veiling verdien. Sy teelprogram is nou drie jaar oud. — Johan van der Merwe 235 Die Pinotage-jeugontwikkelingsakademie (Pyda) het die afgelope ses jaar al 235 jong mense in die Wes-Kaap opgelei deur bedryfspesifieke tegniese vaardighede met praktiese werkervaring te kombineer. Altesaam 24 studente het onlangs hul opleiding in die vrugtebedryf voltooi. ’n Nuwe groep van 25 begin binnekort met die toerisme-sektorprogram. Me.…

‘Ons het dié seisoen skaars vyf dae gehad en die planters het dag en nag geloop.’ MNR. RICK KIMBERLEY, ’n graanboer van Maxwell in Iowa, oor die benarde posisie waarin boere in die Amerikaanse Midde-Weste hulle tans bevind weens die nat seisoen. Bl. 14 ‘Banke moet versigtig wees om persoonlike kommunikasie met hul kliënte af te skeep en te dink hulle sal nie kliënte verloor nie.’ MNR. NICOL JANSEN, voorsitter van Agri Noord-Kaap, oor Standard Bank se besluit om 91 takke, baie van hulle op die platteland, te sluit. Bl. 19 ‘Ek hoop ons het nou ’n minister met meer gesag, ervaring en beweegruimte.’ MNR. THEO VORSTER, uitvoerende hoof van Galileo Capital, oor die aanstelling van dr. Thoko Didiza as die nuwe minister van landbou, grondhervorming en landelike ontwikkeling. Bl.…

DIE Amerikaanse wet op groei en geleenthede in Afrika (Agoa), wat handelsvoordele vir uitvoer na Amerika aan Afrikalande bied, kan in 2025 verder verleng word. Ná die hernuwing van die wet in 2015 het die supermoondheid laat blyk dat hy die wet se handelsvoordele vir Afrikalande eerder wil vervang met vryehandelsooreenkomste, maar min voorbereiding het sedertdien nog in dié verband gebeur. Mnr. Jim Higgiston, senior amptenaar van die Amerikaanse buitelandse landboudiens in die Pretoriase ambassade, het op die Ensminger-varksimposium in Benoni gesê om sulke ooreenkomste te onderhandel, verg baie hulpbronne. Dit is die eerste keer dat die simposium, georganiseer deur die Iowa-staatsuniversiteit in Amerika, in Afrika gehou is. Dit is met steun van die Varktelersgenootskap van Suid-Afrika, die vereniging van veevoervervaardigers (Afma) en die Suid-Afrikaanse Varkprodusente-organisasie (Savpo) aangebied. Higgiston het…

DIE vierde mielie-oeskatting van die produksiejaar stel die verwagte kommersiële mielie-oes 2,3% hoër as die vorige skatting op 10,9 miljoen ton. Dit is 244 900 ton meer as wat die Nasionale Oesskattingskomitee (NOK) ’n maand gelede verwag het. Die skatting van die oppervlakte onder mielies is 2,3 miljoen ha en die verwagte opbrengs is 4,74 t/ha. Dié geskatte oes is steeds 13% kleiner as dié van verlede jaar. Mnr. Antony Clark, markontleder, sê die skatting is veral goeie nuus vir die pluimveebedryf, meulenaars en veevoervervaardigers. Hy waarsku egter dat vroeë ryp nog skade kan aanrig. “As ’n mens dink hoe ons die jaar begin het, is die skatting nogtans in alle opsigte baie goeie nuus.” Hy sê die skatting vir veral witmielies is goeie nuus. Die oes is 201 500…

MOENIE die kans misloop om na ’n groep kundige en praktiese sprekers te kom luister op Bewaringslandbou Wes-Kaap (BLWK) se Jack Human-bewaringsweek in die Wes-Kaap nie. Die lesingdag is op Dinsdag 6 Augustus op Nooitgedacht buite Stellenbosch, terwyl die praktiese dag op Woensdag 7 Augustus by die Langgewens-navorsingsplaas by Moorreesburg gehou word. Onder die sprekers is mnr. Chris Gazey, ’n navorsingswetenskaplike by die Wes-Australiese departement van landbou, wat oor die bestuur van grondversuring en strategiese bewerking gaan praat; prof. Beatrice Conradie, landbou-ekonoom aan die Universiteit van Kaapstad, wat haar produktiwiteitsnavorsing op Langgewens gaan bespreek; en mnr. Egon Zunckel, bewaringsboer van KwaZulu-Natal, wat gaan gesels oor die pad wat hy met bewaringslandbou loop. WYNBOERDERY Op versoek van Swartlandse boere sal mnr. Johan Reyneke, biodinamiese boer van Reyneke Wines by Stellenbosch, verduidelik…

Die vraag na blomkool neem steeds onder gesondheidsbewuste verbruikers toe, sê die kwekery-maatskappy Hishtil van Riebeek-Wes. Daar word verwag dat dié neiging in die volgende paar jaar gaan voortduur. Een van die aandrywers is dat dit ’n glutenvrye produk is wat in die plek van rys en meel in byvoorbeeld pizza-deeg gebruik kan word. Dit staan ook as die aristokraat van groente bekend. Terwyl dit in die verlede as ’n luukse groente beskou is, is dit deesdae een van die gewildste groentes in Suid-Afrikaanse huishoudings. Dieselfde gebeur in ander lande, sê Hishtil in ’n verklaring. Die groei in blomkool se gewildheid is nie net danksy ’n groeiende klas welvarende verbruikers nie, maar ook omdat al hoe meer mense oormatige stysel in hul diëte met alternatiewe, soos blomkool, vervang. Al hoe…

Die toepassing van herlewingslandboupraktyke kan nie net oeste en grondgehalte verbeter nie, dit kan ook die lewensgehalte van ’n boer en sy afhanklikes verbeter. Dit was die boodskap van dr. Ademir Calegari, ’n herlewingslandboukundige wat al in 47 verskillende lande gewerk het. Volgens hom is volhoubare landbou afhanklik van die kombinasie van die gebruik van dekgewasse, ’n geenbewerkingstelsel en wisselbou, asook die lewensgehalte van die boer en sy afhanklikes. Calegari het op die herlewingslandboukonferensie op Reitz met groot geesdrif vertel van die opbrengsverskille wat hy al by boere in verskeie lande waargeneem het. Sy werk in verband met geenbewerking, dekgewasse en wisselbou het reeds in 1977 begin. Calegari het ’n graad in akkerbou en ’n meestersgraad in grondwetenskappe aan onderskeidelik die Universiteit van Brasilië en die Universiteit van Aberdeen in…

Die watergebruiksnorm vir appelproduksie in Suid-Afrika, volgens Hortgro se nuutste studies, is 9 000 m3 tot 10 000 m3 water per hektaar. Mnr. WP van der Merwe van Arborlane Estates in die Koue-Bokkeveld het slegs 6 000 m3 water nodig om 100 ton/ha Rosy Glow-appels te oes. Dit is 60 liter water per kilogram appels, oftewel 10 liter water per appel van sowat 165 g. Volgens Brittanje se instituut vir meganiese ingenieurswese (IME) en die Universiteit Twente in Nederland, wat data op Europese appelplase ingesamel het, word 700-820 liter water benodig om ’n kilogram appels te produseer, oftewel 140 liter per appel. Van der Merwe gebruik dus water meer as tien maal meer doeltreffend as die gemiddelde Europese appelboer. Waar in Suid-Afrika soms 9 000 m3 water gebruik word om…

As daar een ding is waaraan dr. Koos Coetzee, afgetrede hoof-ekonoom van die Melkprodusente-organisasie (MPO), ’n broertjie dood het, is dit die holruggeryde geloof dat afgeroomde suiwel gesonder as die volroomproduk is. Hy is lief vir sy melk, en sê prontuit laevetmelk proe “soos bordkryt”. “Die misvatting dat melkvet ongesond is, het seker maar die een of ander tyd saam met die dieetriglyne van Amerika af hier aangekom. Sowat drie tot vyf jaar gelede het die skip begin draai. “Dit het saamgeval met die begin van die banting-beweging. Die Hartstigting mag nou nie eens meer sy etiket op margarien sit nie. “Internasionaal weet almal in die suiwelbedryf as verbruikers van volroom- na afgeroomde melk oorskakel, los hulle maklik suiwel, want dit is nie so smaaklik nie. En omdat volroommelk lekker…

HOENDERHOK Bessemer het vanjaar sy mobiele hoenderhok uitgestal wat die produksie van plaaseiers vergemaklik. Dié hok laat hoenders toe om bedags buite die hok vir wurms en dies meer te skrop. Dit kan maklik na beter “weivelde” verskuif word met uitswaaibare wiele en ’n meegaande stuurstang. Die hok is ook toegerus met voerders en ’n waterstelsel met drinktepels. Dit kan met verskeie opsionele ekstras, soos selfvoerders, toegerus word. Die hokke is in modelle met ’n houvermoë van 25, 50, 75 of 100 henne beskikbaar. STOOTSPUIT Hierdie stoot- of trekspuit is deur Eden Equip van Potchefstroom uitgestal, en word deur me. Henriëtte Kruger gedemonstreer. Die spuit het ’n werkwydte van 3 m (die ses spuite dek elk 500 mm) en die hoogte van die balk is verstelbaar van 0,3 mm tot…

John Deere se uitgebreide en opgeknapte uitstalruimte was vanjaar ’n groot trekpleister op Graan SA se Nampo-oesdag. Met ’n oppervlakte van 3 000 m² was dit die grootste uitstalling. Dit het ook ’n nuwe onthaalruimte vir gaste ingesluit en ’n nuwe gebou wat John Deere se winkel huisves. “Boere, ons klante, is in die hart van die landboubedryf. Ons glo in die krag van ’n reis wat ons saam aanpak om die landbou se potensiaal in Afrika te ontsluit. ’n Groen revolusie moet in Afrika plaasvind. As ons elkeen bemagtig wat deel hiervan is, sal Afrika die wêreld se voedselmandjie kan word,” het mnr. Jacques Taylor, besturende direkteur van John Deere in Afrika suid van die Sahara (John Deere SSA), gesê. John Deere SSA is reeds langer as 60 jaar…

GasCon het ’n lang geskiedenis van die ontwerp en bou van vervoerhouers vir die uitvoermark. Gevolglik het die maatskappy, wat ISO9001:2015- en ISO3834-(sweis) sertifisering het, aansienlike interne ontwerpkundigheid opgebou, waaronder eindigeelementontleding. GasCon het hierdie ervaring gebruik om dié houers en bakke te herontwerp vir Suid-Afrika se uiters wisselende toestande. Dit sluit ’n hoë-uitset-awegaar met ’n minimum uitlaaikoers van 10 ton per minuut in. GasCon se fabrieksgeriewe van 12 500 m² en hyskrane, met die nuutste sny-, buig-, rol-, sweis- en verftoerusting, is ideaal om die eenhede met presisie en volgens die hoogste standaard te vervaardig. Die landbouprodukreeks sluit in 18 ton- en 30 ton-graanbakke en opbergingsbakke met ’n dravermoë van tot 70 ton op laeimpakflotasiebande. GasCon se produkreeks is uiters buigsaam om in klante se gespesialiseerde behoeftes te voorsien. Opsionele…

■ Halwe pak (250 g) bruinlensies, goed afgespoel ■ Water ■ 2 lourierblare ■ 3 knoffelhuisies ■ Sout en varsgemaalde swartpeper na smaak ■ 1 groot rooi-ui, in dun skywe gesny ■ Halwe komkommer, pitte verwyder en in klein blokkies gesny ■ 3 middelslag-wortels, geskraap en in klein blokkies gesny ■ 2 groot hande vol babaspinasieblare, fyngekap ■ 60 ml vars, fyngekapte pietersielie ■ 4 bratwurst, in skyfies gesny ■ Olyfolie, vir braai Slaaisous ■ 30 ml dijonmosterd ■ 80 ml rooiwynasyn ■ 80 ml olyfolie ■ 5 ml heuning ■ Sout en varsgemaalde swartpeper na smaak Kook die lensies in ’n kastrol water met die lourierblare en knoffelhuisies tot net sag. Dreineer goed en gooi dit in ’n slaaibak. Geur die lensies met sout en peper. Voeg die ui,…

Hoe het Andrea Topiary Creations ontstaan? Ek het nog altyd ’n passie gehad vir tuinmaak en blomme. Ek het in die Oos-Kaap grootgeword en my ma het haar lewe in die tuin deurgebring. Ons huis was altyd vol van die mooiste blommerangskikkings wat sy met blomme uit haar tuin gemaak het. Toe ek trou, was ek dieselfde. Ek was op my gelukkigste in die tuin, omring deur blomme en outydse rose. Ons het in 1985 na die Wes-Kaap getrek, en my geesdrif vir tuinmaak het aangehou. In 1995 het ek ’n kursus in Kaapstad bygewoon waar ek geleer het om vormsnoeibome te maak. Dit het my só geïnspireer dat ek dit by die huis begin maak het. My vriende was dol oor my skeppings, en dit was die begin van…

GAUTENG CARLETONVILLE ELANDSVLEI (249), 34 ha, aan Nick Coetzee Melkery (Edms.) Bpk., van T.J. du Preez, R1 000 000. WITFONTEIN (262), 76 ha, aan I.J.P. en J. Pretorius, van F.J. en L. Wilken, R1 850 000. NIGEL IR (194), 21 ha, aan Tillado Inv. (Edms.) Bpk., van L.H. en T.J. Shongwe, R1 450 000. RIETFONTEIN (364), 40 ha, aan Madikor 23 (Edms.) Bpk., van Breezewood Trading 51, R900 000. PRETORIA STRYDFONTEIN (306), 24 ha, aan Mandla Chawane Ministries-trust, van Rondawelrus Landgoed, R1 400 000. KWAZULU-NATAL LADYSMITH BEGINSEL (3607), 61 ha, aan C.E. Immelman, van Beginsel-familietrust, R1 400 000. PIETERMARITZBURG LOT W STERKSPRUIT (7634), 23 ha, aan Ethekwini-munisipaliteit, van M. Ngubane, R800 000. MARITZ DAAL (16126), 59 ha, aan Trewirgie Timber (Edms.) Bpk., van T.C.H. O’Flaherty, R1 400 000. OTTO’S BLUFF…

Telers van inheemse veldbokke was tevrede met die afgelope streekveiling wat in Bloemfontein as sentrale punt gehou is. “Dit was suksesvol ten spyte van ’n stram ekonomie. Die meeste van die bokke is teen gemiddelde pryse van R3 000 tot R4 000 vir ooie met lammers en R2 500 tot R3 000 vir dragtige ooie met lammers verkoop,” sê mnr. Schalk van der Walt, een van die veteraantelers van inheemse bokke van die plaas Gelykfontein, suid van die Gariepdam. Volgens hom jaag die lede van die Inheemse Veldbok-genootskap nie buitensporig hoë pryse na nie. Dit beteken alle belangstellendes in die bedryf kan deelneem. “Daar is ’n groot mark waaraan ons nie voldoende kan lewer nie.” Die duurste ooi op die veiling was een met lammers wat aan Van der Walt…

Tom Lasater, die “vader” van die Beefmasterras, het geglo telers moet toegespits wees op algemene en kosmetiese eienskappe, asook genetiese eienskappe wat vleis- en melkproduksie sal verbeter. Hiervolgens het hy die Beefmasterras ontwikkel op grond van ses eienskappe, naamlik vrugbaarheid, temperament, gewig, bouvorm, gehardheid en melkproduksie. Lasater het geglo dit vorm die basis van alle ekonomiese vereistes wat nodig is om winsgewend en suksesvol met beeste te teel.…

WERK TOE! Pres. Cyril Ramaphosa beloof om sy kabinet se doeltreffendheid te monitor deur aan elke minister KPA- (sleutelprestasie-areas) doelwitte te stel. Met Suid-Afrika wat tans met byna negatiewe ekonomiese groei en rekordhoë werkloosheidvlakke sukkel, behoort daar net twee doelwitte op elke minister se KPA te wees — stimuleer die ekonomie en skep werk. Neem enige besluit wat daardie twee doelwitte teenwerk, en jy word summier in die pad gesteek. In dié opsig is die landbou gelukkig om Thoko Didiza as minister te kry. In haar vorige ampstermyn van 1999 tot 2006 het sy ’n opbouende en sinvolle verhouding met die landbou gehandhaaf. Trouens, daar is destyds gefluister dat sy vervang moes word omdat sy miskien té na aan die boere was. Oor haar twee adjunkte kan ’n mens ongelukkig…

THOKO DIDIZA WEER AANGESTEL AS LANDBOUMINISTER Pres. Cyril Ramaphosa het nie net die oudminister van landbou en grondsake me. Thoko Didiza weer in dié pos aangestel nie, maar hy het ook die departemente van landbou, landelike ontwikkeling en grondhervorming saamgesmelt. Didiza het nie net voorheen dié portefeulje behartig nie, maar was in Februarie vanjaar die voorsitter van die Parlement se ad hoc-komitee wat die grondwetlike wysiging moes saamstel waarvolgens ’n verandering aan artikel 25 van die Grondwet ten opsigte van onteiening sonder vergoeding voorgestel word. Sy was vanaf 1999 tot 2006 die minister van landbou en grondsake. Didiza sal deur twee adjunkministers ondersteun word vanweë die skaal van die nuwe portefeulje. Mnr. Mcebisi Skwatsha, wat in die vorige kabinet gedien het, is die adjunkminister vir landelike ontwikkeling en grondhervorming. Mnr.…

DIE Lekwa-munisipaliteit (Standerton), waar Astral Foods groot bedrywighede het, is “geheel en al wanfunksioneel” en die huidige wateronderbrekings daar kan die maatskappy miljoene rande kos. Dr. Theuns Eloff, voorsitter van Astral se direksie, het aan Landbouweekblad gesê dié plaaslike owerheid is só wanfunksioneel “daar slaap rondlopers in hul kantore”. Bykans duisend mense kan volgens Eloff hul werk verloor as Astral noodgedwonge sy bedrywighede daar staak. Dié geïntegreerde hoenderprodusent het in ’n verklaring aangedui hoe Lekwa se deurlopende ondervoorsiening van water hom benadeel. Dit gebeur ondanks ’n hofbevel wat die maatskappy gekry het waarvolgens die munisipaliteit die minimum nodige waterverskaffing moet verseker, en die feit dat Lekwa naby die Vaalrivier geleë is. Luidens die verklaring is die totale berekende uitwerking op wins “tans minstens R85 miljoen”. Astral moes hom sowat agtien…

KALFPRYSE is gewoonlik laag in speentyd, soos nou, maar vanjaar is pryse selfs laer as gewoonlik. Dít is ’n terugslag vir veeboere van wie party nou al tot ses jaar lank onder droogte gebuk gaan. Boonop lyk vooruitsigte vir drastiese prysstygings maar skraal. Die landboumaatskappy GWK se statistieke bevestig dat pryse al maande lank hardnekkig onder verlede jaar se vlakke in die ooreenstemmende tyd voorthink. Die prys van swaar speenkalwers (201-250 kg) het al in November 2018 in Kimberley begin val en teen Maart op R28,50/kg gestaan. In die ooreenstemmende tyd in 2017-’18 was die gemiddelde prys daar bokant R33,50/kg. Teen middel Mei was die gemiddelde veilingsprys R23,52/kg. GWK sê in een van sy jongste veiling-nuusbriewe dat die aanbod van slagdiere beter is en voorraad gelykmatig in die mark vloei.…

KENNERS het die heraanstelling van me. Thoko Didiza as minister van landbou sowel as die samesmelting van die portefeulje vir landbou en grondsake verwelkom en terselftertyd gepleit vir groter samewerking tussen verskillende staatsdepartemente. Mnr. Theo Vorster, uitvoerende hoof van Galileo Capital, het gesê as die staat se rol en strategieë meer gekoördineerd kan wees, sal dit goed wees vir die land. “As ons dit kan regkry om die staat se samewerking voluit te kry, die klem daarop kan plaas om makliker by doelwitte uit te kom en die politiek tussen departemente kan afskaal, dan het ons al baie ver gevorder.” Hy sê oor die samevoeging van landbou met grondhervorming en landelike ontwikkeling kan mense sekerlik genoeg argumente aanvoer oor waarom hulle geskei of saamgevoeg behoort te wees. Die feit bly…

TWEE nuwe herlewingslandbou-studiegroepe – vir vrugteen groenteboere – het onlangs hul eerste werksessies in die Koue-Bokkeveld gehou. Na afloop van die sessies het ’n groep sitrusboere in die Olifantsriviervallei besluit om elk een hektaar dekgewasse te saai om praktyke vir grondgesondheidsverbetering te beproef. Mnr. Anton de Jager, ’n bestuurder van die tuinboumaatskappy De Keurlandgoed, het na afloop van die sessies gesê die inligting wat daar bespreek is, was vir die groep deurslaggewend in die besluit om dié tegnieke te begin toepas. Onder die sprekers was mnre. Stoney Steenkamp van Stoney-landboudienste, Freddie Bredenhann van Shortlandslandboudienste, Charus du Plessis van Atlantic Fertilisers, Dene Zondagh van Nulandis, ’n chemikaliemaatskappy, en me. Sheila Storey van Nemlab, ’n diagnostiese laboratorium. Lees meer by bit.ly/2Z3TuLs.…

Die Reserwebank se monetêre beleidskomitee het einde Mei met ’n meerderheid van stem-me besluit om die repokoers onveranderd te laat, wat beteken dat banke se prima uitleenkoers ook onveranderd bly. Die Reserwebank se vooruitskattingsmodel voorsien dat inflasie meestal sywaarts, maar tog laer sal neig. Voorlopige aanduidings dui daarop dat die ekonomie in die eerste kwartaal van 2019 ’n negatiewe groeikoers behaal het. Die Reserwebank het sy eie vooruitskatting vir die jaar se ekonomiese groeikoers verlaag tot 1% (vanaf 1,3%). Daar is egter ekonome wat meen dat dit nog te hoog is, veral aangesien daar nie maatreëls ingestel is om ekonomiese groei te stimuleer nie en die meeste staatsamptenare nog fluks steel en slap lê. Negatiewe ekonomiese groei en hoë rentekoerse is nie net sleg vir die landbousektor nie, maar plaas…

Suid-Afrika se pekanneutprodusente trek tans voordeel uit die handelsoorlog tussen Amerika en China wat veroorsaak dat China feitlik geen neute van Amerika invoer nie. Dit bevoordeel plaaslike produsente. Suid-Afrikaanse pekanneute behaal tans gemiddeld R70/kg. Mnr. Alfons Visser, hoofbeampte van Golden Peanut & Tree Nut in Suid-Afrika en aandeelhouer in SA Pekans, sê China het die afgelope twaalf maande slegs 5% van die gebruiklike hoeveelheid neute teenoor verlede jaar vanaf Amerika ingevoer. Gevolglik is China se oordragvoorraad baie laag. Dit lei tot ’n groot vraag na Suid-Afrikaanse pekanneute. In dollarwaarde is die prys 10-20% hoër as ’n jaar gelede. Die swakker wisselkoers doen ook sy deel. Daar is tans nie ander voorraad in die Suidelike Halfrond afgesien van Suid-Afrika s’n nie. Dus moet Suid-Afrika sorg dat sy voorraad uitgevoer word voordat…

Vandeesweek kyk ons na belasting en die huweliksaanwas. Die aanwasbedeling is ’n huweliksvorm wat tot stand gekom het met die inwerkingtreding van die Huweliksgoederewet (Wet 88 van 1984). Dit het ook gelei tot die beëindiging van die huweliksmag van mans. Almal is nou gelyk in die huwelik – gelyk in die huwelik, maar helaas (nog lank) nie gelyk in ’n finansiële sin nie. Dit is waar die aanwasbedeling ’n belangrike rol speel. Om kortliks ’n voorbeeld te noem. Die man boer vooruit en skep groot rykdom in sy boedel. Die vrou se boedel groei nie, want sy werk op die agtergrond, behartig die administrasie (vir hom) en maak die kinders groot (terwyl die man saam met sy vriende gholf speel en met sy rykdom spog). Die wet beskerm die vrou,…

Die Amerikaners het moontlik ’n doeltreffende, goedkoop manier gekry om poeieragtige meeldou doeltreffend te bestry deur UV-ligte te gebruik. ’n Gaping in die biologiese prosesse van die swam wat poeieragtige meeldou (PM) veroorsaak, het navorsers in staat gestel om die swam tot 95% doeltreffend met gewone UV-ligte te bestry. Volgens dr. David Gadoury, die leier van die navorsingspan wat hierdie ontdekking en ontwikkeling oor die afgelope vier jaar gedoen het, het PM ’n selfverdedigingsmeganisme waarin die skade wat deur UV-strale aangerig word, onmiddellik herstel word. “Hierdie meganisme word snags afgeskakel en laat dus die swam kwesbaar vir UV-bestraling deur die nag. Die kwessie was om die sterkte van die lig en die tyd van blootstelling by verskillende gewasse vas te stel sodat die bestryding doeltreffend kan plaasvind sonder om die…

Wat as jy slegs 50% van jou huidige hoeveelheid besproeiingswater nodig gehad het om steeds 90 ton of selfs 100 ton appels en pere per hektaar te oes? Dít is waarna mnr. WP van der Merwe van Arborlane Boerdery in die Koue-Bokkeveld in sy appel- en peerboorde mik deur drupbesproeiing te gebruik. Hy skiet byna-byna in die kol en het vanjaar 100 ton/ha Rosy Glow-appels in ’n tienjarige boord geoes en het slegs 6 000 m3 water per hektaar daarvoor nodig gehad. Rosy Glow is van die laatste appels wat in Suid-Afrika geoes word en het dus ’n baie lang groeityd. Om dus met so min water steeds ’n uitstekende oes te behaal, wil gedoen wees. Van der Merwe moes egter duur skoolgeld betaal om hierdie prestasie te behaal. “Hierdie…

Soos wat die vierde nyerheidsrevolusie sy stempel op die landbou afdruk, is dit duidelik dat die betrokkenheid van die mens al hoe belangriker raak. Robotte maak dalk sommige werk makliker, maar die taak van bestuur raak ál ingewikkelder en ’n verfynde kuns. Vir mnr. WP van der Merwe, uitvoerende hoof van Arborlane Estates in die Koue-Bokkeveld, een van die leiers in die oorskakeling van mikro- na drupbesproeiing by sagtevrugte, is die doel van tegnologie nie om die bestuur se verantwoordelikhede oor te neem en boerdery sorgeloos te maak nie. Dit is eerder om betroubare, bruikbare inligting so akkuraat en vinnig moontlik beskikbaar te maak sodat beter bestuursbesluite geneem kan word. “Hoe produktiewer ons die hulpbronne aanwend, hoe winsgewender en volhoubaarder gaan ons boer.” Hierdie hulpbronne is chemies, biologies, en fisies,…

In Europa is die kwessie van vleisprodukte wat met plantprodukte vervang word, warm op die politieke agenda. Mev. Kiti Soininen, hoof van die internasionale markontledingsfirma Mintel, waarsku in haar jongste blog oor die snelgroeiende bedryf wat egte vleisprodukte soos maalvleis vervang met “maalvleis” wat uit plantprodukte saamgestel is, maar dieselfde as die ware Jakob lyk, of dieselfde met burgervleiskoekies doen. Sy sê die landboukomitee van die Europese Unie (EU) het in April ’n besluit hieroor geneem. Dit kan uiteindelik beteken dat die vervaardigers van dié produkte nie meer die woorde steak, wors, burger en hamburger sal mag gebruik nie. Die EU se volle parlement sal die komitee se besluit egter nog moet goedkeur, asook ledelande en die EU-kommissie. ’n Soortgelyke reël is wel al van middel 2017 af vir die…

Die gesprek oor die belangrikheid van onkruidsaadbestuur as strategie vir suksesvolle onkruidbekamping het in ’n vorige rubriek (“Saadbeheer sleutel tot onkruidbekamping”, L BW , 10 Mei 2019) begin. Daarin is die eienskappe en belangrikheid van onkruidsaad beklemtoon. Die uitgangspunt van die rubriek was dat onkruidbekamping weens die aard van onkruidsaad nie seisoensgebonde is nie, maar ’n langtermynproses wat die langlewendheid van onkruidsaad in ag moet neem. Onkruidsaadproduksie kan basies op twee maniere ingekort word. Eerstens word plante lank voor die blomstadium doodgemaak, en tweedens word saad vernietig nadat dit gevorm het en voordat dit gestort word. Eersgenoemde is die doelwit van enige onkruidbestuurprogram, en al word die doodmaak van plante merendeels voorop gestel, is voorkoming van saadproduksie die ekstra, toevallige voordeel. Die tweede opsie, die vernietiging van saad, is iets…

Villa Crop Protection en die Universiteit van die Vrystaat verstrek in hierdie afdeling inligting oor die formele landbougerigte kursusse wat hulle aanbied. Akademiese kwalifikasies is egter nie die enigste manier waarop kennis en vaardighede in die landbou uitgebrei kan word nie. Boeredae en konferensies, soos Landbouweekblad se herlewingslandboukonferensies wat vanjaar in die Vrystaat, Noordwes en die Wes-Kaap aangebied is, dien dikwels as ’n klaskamer waar boere en hul werknemers ’n voorsmakie kan kry van nuwe idees, tegnieke en tegnologie. Indien jy dié leergeleentheid oor herlewingslandbou misgeloop het, kan jy steeds inteken op Landbouweekblad se elektroniese nuusbrief oor graan en bewaringslandbou. Jy kan e-pos stuur aan webred@landbou.com of gaan na www.landbou.com en klik op die nuusbrief se Teken in-skakel. Só kan jy inteken op enige van die nuusbriewe oor spesifieke bedrywe.…

Sowat 46% van die besoekers aan Nampo is op graanproduksie toegespits en 35% bedryf ’n gemengde boerdery. Meganisasie vir doeltreffende plaaswerk en tegnologie vir presisieboerdery is dus baie gewild. Suid-Afrika se eie vervaardigers bied plaaslike vernuf en vindingryke, bekostigbare oplossings. Alles van praktiese en basiese meganiese werktuie tot hoogs gesofistikeerde tegnologie wat boerdery op groot skaal presies laat verloop, is uitgestal. Verskeie uitstallers het nie net hul toerusting en werktuie na die skou gebring nie, maar ook kundiges om te wys hoe dit werk en om die voordele daarvan te verduidelik. Mnr. Toit Wessels, assistentbestuurder van bemarking en Nampo by Graan SA, sê sowat 81 300 mense het Nampo vanjaar besoek. Meer as 775 uitstallers se produkte en dienste is vertoon. Wessels sê hulle het goeie terugvoer van die uitstallers…

Boere wat die Mpumalanga-skou bywoon, kan uitsien na uitstallings van trekkers, werktuie, tegnologie en gebruiksartikels. Interaktiewe uitstallings wat op die grootste en belangrikste bedrywe in Mpumalanga toegespits is, maak ook deel uit van die program. Die lewendehawe-afdeling is vanjaar baie groter as in die verlede. Benewens die feit dat die skou klem lê op opvoedkundige waarde vir groot en klein, gaan ’n groter verskeidenheid diere te sien wees. GROOTVEE Die skou spog reeds met 16 beesrasse. Vanjaar sal die Senepol-ras die eerste keer te sien wees. Melkdemonstrasies gaan aangebied word as deel van die opvoedkundige waarde. KLEINVEE Die kleinvee-afdeling is vanjaar baie groter. Voornemende bokboere kan kom kers opsteek by kundiges wat betref die Boerbok, Kalahari Red, Xhosa Lob Ear, Nguni/Mbuzi en Kaapse Skilderbok. Daar is skaapskeerdemonstrasies, en besoekers sal…

Witboneslaai met bros spekvleis en kappertjiesaad Hierdie slaai is vir my lekker genoeg om op sy eie as ’n maaltyd te geniet. Die romerige tekstuur van die boontjies, saam met die gerookte geur van die spek en afgewissel met die intense sout hap-pies kappertjiesaad tussen-in, is ’n smullekker kombinasie. Die louwarm suurlemoenslaaisous rond dit perfek af. Ek sit die slaai louwarm voor. Dit smaak vorentoe saam met geroosterde hoender of vis. ■ 1 pak (500 g) witbone ■ 1 pak (250 g) spekvleis, gekap ■ 15 ml kappertjiesaad ■ Olyfolie, vir braai ■ Sout en varsgemaalde swartpeper Suurlemoen-en-mosterdslaaisous ■ ½ klein ui, baie fyngekap ■ 180 ml olyfolie ■ 60 ml vars, uitgedrukte suurlemoensap ■ 10 ml dijonmosterd ■ 5 ml heuning ■ Sout na smaak Verhit die witbone in…

Die volgende ontleding van grondverkope in Suid-Afrika is van transaksies vir grond van meer as 10 ha in KwaZulu-Natal, Gauteng en Limpopo van April 2018 tot Maart vanjaar. Grondpryse by Carletonville het heelwat gestyg (13,5%). In 61,5% van die distrikte in KwaZulu-Natal het pryse gedaal. By Kokstad het pryse met 24% gedaal. Agt distrikte (66,7%) in Limpopo toon ’n daling in grondpryse. In dié provinsie was daar 468 ooreenkomste in 12 distrikte. Dit het 154 577 ha teen R2,904 miljard behels. Daarvan was 20,3% transaksies van kleur. Dié soort transaksies sluit in verhandelings tussen individue, regeringsaankope van landbougrond en grond wat vir stedelike ontwikkeling verkry is. Dit het 30% van al die verhandelde hektare in Limpopo behels. In Gauteng was daar 439 transaksies, wat 56 652 ha teen R4,136 miljard…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in die Landboukalender. Stuur die besonderhede aan lbw@landbou.com BOEREDAE 23 JUNIE: NWKV-reproduksieinligtingsdag, Bredasdorp. Tania Lusse, 028 212 3160, Jannie Fourie, 083 564 1105. 3 JULIE: Val-boeredag. Toerusting en demonstrasies. Aangebied deur die Watervalboerevereniging. Buite Stander-ton. Hardus, 083 230 2721; Frederik, 072 160 4824; e-pos: www.valboeredag.co.za 28 AUGUSTUS: Die Noord-Vrystaatse SAVM-klub se boeredag en veiling met samewerking van die Boerevereniging van die Rooi Skool, Kroon-Boma, Kroonstad. Neline Pienaar, 082 440 4492, e-pos: Bennieneline@eleo.co.za 30 AUGUSTUS: Werksessie saam met prof. Johan Willemse, Bloemfontein. Tema: Vooruitsigte vir die graan- en vleismark. 083 381 8011, e-pos: marlene@jomar.co.za 10 SEPTEMBER: Bewaringslandbou-boeredag, Holmdene naby Standerton. Plaaslike en internasionale kenners, geenbewerkingspraktyke in Argentinië, werktuie en tegnieke. Hendrik Jordaan, WhatsApp: +54…