Landbouweekblad 22-Nov-19

DIE WES-KAAP SE WEN-JAAR Mnr. Johan van der Schyff, ’n eier-en-skaapboer van Plettenbergbaai, is as die Jongboer van die Jaar vir 2019 aangewys. Hy boer sedert 2001 in die Plettenbergbaai-omgewing met lêhenne, en buiten 220 000 lêhenne het die boerdery ook ’n vloot vragmotors wat eiers in die Oos-, Suid- en Wes-Kaap versprei. Mnr. Sewis van der Horst, ’n vrugteboer van die Villiersdorp-distrik, is as die New Harvest boer van die jaar bekroon. Volgens die beoordelaarspaneel vervang hy die ou en onderpresterende boorde in ’n ewewigtige verdeling tussen appels en pere, terwyl hy in die jongste kultivars en tegnologie belê om produktiwiteit en doeltreffendheid te verbeter. Hier is Van der Schyff (tweede van links) saam met prof. Carlu van der Westhuyzen, voorsitter van die beoordelaarspaneel, mnr. Christo van der Rheede,…

$8,3 miljoen Mooala, ’n maatskappy van Dallas in Amerika, wat plantgebaseerde alternatiewe tot melk en verromers maak, het $8,3 miljoen (R123,1 miljoen) van die beleggingsfirma Sweat Equities verkry om produkontwikkeling te versnel en sy afsetgebied te vergroot. Die maatskappy is gestig deur mnr. Jeff Richards, wat weens sy laktose-intoleransie suiwelvrye drankies begin prakseer het. Mooala se Bananamilk, gemaak van piesangs, water, sonneblomsaadbotter, kaneel en seesout, is in 2 500 winkels te koop. – Dallas Morning News R12,9 miljard Landbou-organisasies het gunstig gereageer op die aankondiging van die ontwikkelingsagentskap Transformation Initiative dat hy R12,9 miljard oor die volgende vyf jaar gaan bewillig om opkomende en bestaansboere te help. Oudminister Roelf Meyer het gesê 450 000 mense gaan na raming voordeel hieruit trek. Dr. Theo de Jager, voorsitter van die landbouorganisasie Saai…

KRAAL TOE. Me. Rudette Nel wat met Bosvelderskape naby Thabazimbi in Limpopo boer, moet haar skape saans op kraal hou om hulle teen roofdiere te beskerm. Sy en haar man, Jannie, boer ook met wild en het ’n saaiery. Die Bosvelder is ’n nuwe saamgestelde vetstertskaap wat uit die Bapedi, Wit Dorper en Van Rooyskaap ontwikkel is. Dit is nog nie as ’n volwaardige ras geregistreer nie. Hou komende uitgawes van Landbouweekblad dop vir ’n artikel oor haar en ander wat met dié skape boer.…

DIE regering wil treinvervoer drasties opgradeer en beide vrag en passassiers van paaie af na spoorvervoer vat oor die komende 30 jaar. Die vernaamste voorstel is om die bestaande nou spoor met standaard spoorlyn te vervang. Dié planne word uiteengesit in ’n konsepwitskrif wat nog nie vir openbare kommentaar vrygestel is nie, wat ook sê die stap sal vrag- en passassierspoordienste oopstel vir mededinging. Die regering wil ook hê stede moet hul eie passassiertrein-netwerke bedryf. Voorts pas Transnet druk toe om beheer oor te neem van die 2 200 km spoornetwerk wat deur die Passassierspooragentskap van Suid-Afrika (Prasa) bedryf word, omdat sy versuim om die infrastruktuur behoorlik te onderhou en so ’n risiko vir Transnet se spoordienste en die ekonomie as geheel inhou. Transnet se vragvervoer-afdeling (TFR) sê toenemende voorvalle…

’Landelike munisipaliteite kan nie eens water en krag bestuur nie. Hoe sal hulle dit regkry om beleggingsplanne te bestuur?’ DR. JOHN PURCHASE, uitvoerende hoof van Agbiz, oor die regering se plan om landbou-ontwikkeling op distriksgrondvlak te bedryf. Bl. 19 ’Daar is baie boere wat nog net sowat 20% van hulle vee oor het.’ MNR. NICOL MULLER, voorsitter van Agri Molopo, oor die droogte in Noordwes. Bl. 16 ’Die situasie behoort makliker opgelos te word as wat die uitbreking in die kommunale gebiede was.’ DR. PIETER VERVOORT, voorsitter van die nasionale dieregesondheidsforum, oor die jongste bek-en-klouseeruitbreking by ’n kommersiële boerdery. Bl. 14 ’Ons gee nog ’n bietjie voer, maar dis baie ligter op die sak as wat dit sou wees as dit nie gereën het nie.’ MNR. RD ERASMUS, ’n boer…

OM HOOPVOL TE BLY Swartwattelbome wat vrek, is ’n goeie aanduiding van hoe droog dele van die Oos-Kaap werklik is. En dít boonop in die suur, hoëreënvaldistrikte van Cathcart en Stutterheim. Byna nêrens in die provinsie word boere die uitmergelende droogte gespaar nie — van Alexandria aan die kus, waar melkboere nou al moeg gevoer is, tot in die berge bo die misgordel waar getroue fonteine wat reeds geslagte lank water voorsien, nou vir die eerste keer opdroog. Geen wonder daar is hier en daar ’n bietjie mismoedigheid in die Ou Kolonie te bespeur nie. Maar steeds het boere die tyd ingeruim om onlangs die Humansdorpse Koöperasie, handeldrywend as Die Kooperasie, se twee dae van goeie nuus en optimisme op Jefferysbaai en Oos-Londen by te woon (ongelukkig het die politici…