Indholdsfortegnelse for 7-Oct-16 i Landbouweekblad

SAPPIGE PRYS Die vleisbedryf het verlede week gegons ná ’n Suid-Afrikaanse rekordgemiddelde prys van R240 000 stuk op die veiling van mnr. Brian Angus se bekekende stoetery, Woodview, vir 39 Wagyu-beeste betaal is. Twee rooi Wagyu-bulle, nrs. BA15-365 (bo) en BA15-361 (onder), het elk ’n allemintige R520 000 behaal. Die koper was mnr. Frans Stapelberg van Marble Hall, wat ook twee rooi Wagyu-verse teen R410 000 stuk gekoop het. Vyf oop Wagyuverse is aan mnr. Lourens du Plessis van Thabazimbi verkoop teen R200 000 stuk. Die veiling-omset was R10,1 miljoen. Mnr. Mike Killassy was die afslaer en BKB Louwid het die veiling aangebied. WÉÉR GESKORS Twee dae nadat dr. Johan van Rooyen, staatsveearts en dosent by die landbou-ontwikkelingsinstituut Grootfontein, se 60 dae-skorsing verval het, is hy weer geskors. Hy is…

STAAT DRAAI DIE WATERKRANE TOE Nuwe wysigings aan die reëls wat deur die Nasionale Waterwet ingestel word, stel streng nuwe perke op hoeveel water aan riviere en boorgate onttrek en opgegaar mag word. MAARTEN KRUGER skryf: Beperkings word op gebruikers ingestel. Die staat word egter nie vasgevat vir vermorste water wat in die see in loop en nie gebruik word nie. SCHALK OBERHOLZER skryf: Ons aardetjie word al hoe kleiner vir al die mense wat daarop bly. Om bewustheid en besorgdheid oor ekostelsels wat mense moet onderhou, af te maak as regeringsonvermoë en ’n sosialistiese bestel, wys op jou eie onvermoë om die wêreld ter wille te wees. Wette en regulasies word juis gebruik om die onbewustes in toom te hou. Erken jou afhanklikheid van jou grond, jou water en…

 VURE is oor en weer doodgeslaan nadat die groep Boere in Nood (BIN) deur ’n litigasiebom weens onderlinge struweling in stigtersgeledere getref is. Die waarde van die skenkings het omtrent R4 miljoen beloop. Vrese oor moontlike wanbesteding van skenkergeld is onder meer uitgespreek in hofstukke waarin ’n dringende interdik in die Vrystaatse hooggeregshof gevra is. Regter Johann Daffue het in reaksie op die aansoek ’n hofbevel bekragtig waarin die bank FNB beveel word om drie bankrekeninge van mnr. NC Schoombee van Bethlehem, stigter en een van BIN se drie direkteure, te vries. Hy het voorts beveel dat BIN se ouditeure toegelaat moet word om die rekeninge te oudit. FNB moet ook BIN se geld – soos deur die ouditeure vasgestel en indien enige – na die organisasie se eie rekening…

 GAUTENG wou nie ’n verkeerde boodskap aan beleggers stuur nie. Dít is hoekom dié provinsie nie tot ’n droogterampgebied verklaar is nie. ‘Later het die leierskorps gedink dat ons in elk geval die verklaring moet doen, maar toe was dit ietwat laat.’ Só het me. Thandeka Mbassa, hoof van die Gautengse departement van landbou en landelike ontwikkeling, gereageer op ’n vraag van me. Annette Steyn, DA-parlementslid, oor hoekom Gauteng die enigste provinsie is wat nie ’n droogteramp verklaar het nie. Die Regering hou die afgelope tyd ’n tekort aan wetenskaplike bewyse voor as rede waarom ’n nasionale droogteramp nog nie afgekondig is nie. Mnr. Senzeni Zokwana, Minister van Landbou, Bosbou en Visserye, het vroeër vanjaar dié verduideliking gestaaf deur te sê nie alle provinsies in die land ervaar rampdroogtes nie.…

VERBRUIKERS verwag dat kommoditeits- en voedselpryse sal daal sodra produksie, gegrond op die huidige gunstige weervoorspellings, herstel. Voedselprysinflasie sal afneem van die verwagte 12,3% in die vierde kwartaal van vanjaar tot ’n enkelsyfer in volgende jaar. ’n Aanpassing in kospryse word egter verwag omdat veral die huidige produkpryse van vee nie die volhoubare produksie van voedsel ondersteun nie. Die intensiewe veebedryf het erg gely onder die hoër voerkoste. Die verbruiker sal volgende jaar ’n onafwendbare aanpassing in kospryse moet aanvaar. Plaaslike kospryse is egter steeds van die laagste ter wêreld. WISSELKOERSE Die verwagting is dat die rand teen R15,20 sal verhandel teen die einde van vanjaar vergeleke met vorige beramings wat R16 teenoor die dollar aangedui het. Die betalingsbalans het verbeter en dit ondersteun ’n sterker rand. Suid-Afrika ervaar egter…

KLERE wat van fyn Merinowol vervaardig word, kan die simptome van ekseem, ook bekend as atopiese dermatitis, help verlig, het Australiese navorsers bevind. Die simptome van ekseem sluit in kolle waar die vel jeukerig, rooi en skurf word. In erge gevalle kan die vel selfs stukkend raak en sere veroorsaak as ’n mens daaraan krap. Ekseem kom redelik algemeen by kinders voor, maar volwassenes word ook aangetas. Navorsing wat deur die Australian Wool Innovation (AWI) gefinansier is, het getoon dat die dra van kledingstukke van fyn Merinowol oor dele van die vel wat aangetas is, voorkom dat die vel uitdroog en só help om die simptome te laat opklaar. Volgens dr. Paul Swan, bestuurder van navorsing by die AWI, kom ekseem onder kinders al hoe meer voor en dit neem…

’n Kajuitlose trekker wat bestuurderloos en gekoppel aan enige van ’n wye reeks toerusting op sy eie land toe gestuur kan word, is pas deur die maatskappy Case IH bekend gestel. Die voertuig-prototipe, wat op die jaarlikse Amerikaanse Farm Progress-skou in die deelstaat Iowa ten toon gestel is, bestuur homself outomaties met die hulp van afstandbeheerde telematika. Dit kan vir enigiets van bewerking tot plant-, spuit- en oeswerk langs vooraf geprogrammeerde weë ingespan word. Die aanboord-stelsel maak outomaties vir toerustingwydtes voorsiening en werk die beste roetes uit na gelang van die terrein, versperrings en ander werktuie wat op dieselfde land gebruik word. Die operateur kan van ’n afstand af toesig hou en roetes na behoefte via sy rekenaar of draagbare tablet aanpas. Die konseptrekker gebruik radar, lidar (liggolwe) en aanboord-videokameras…

Ek wil uitvind of ’n mens kan siek word as ’n bees wat brucellose het, onwetend tuis geslag word en daar van dié vleis geëet en biltong gemaak word. Hoe weet ’n mens of die karkasse afkomstig van slagplase veilig is? Die vleis is veilig om te eet omdat dit nie met die Brucella-bakterieë besmet word nie. Die bakterieë isoleer hulself in die uier, voortplantingsorgane en limfknope van ’n besmette dier. Die mense wat by ’n slagplaas slag, is opgelei in die proses en het die nodige toerusting, wat nie altyd op plase beskikbaar is nie. Beskermende klere is ook verpligtend. Die oppervlakke van slagplase is glad en daar word voortdurend skoongemaak. Ná daar geslag is, word die slagplaas ook ontsmet. Wanneer bakterieë in byvoorbeeld die uier en voortplantingsorgane geïsoleer…

MERINOSTOETAFDELING 1 Grootkampioenram. Eienaars: Mnre. Jannie, Ras en Niel van Pletzen (sel 082 301 9061), Sterkfontein, Jamestown. Agter, van links, is mnre. Michiel Bekker (Solo Gracia-gastehuis, Bloemfontein, borg), Jannie van Pletzen, Jan van der Walt (BKB) en Hannes Esterhuizen (Afrivet). Voor is mnre. Ras en Niel van Pletzen. 2 Grootkampioen-ooi. Eienaars: Mnre. Jannie en Herman de Villiers (sel 082 417 9543), Rietfontein, Jamestown. Van links na regs is mnre. Herman en Jannie de Villiers, Evan Hartley (CMW) en Maduna Tsotetsi (hanteerder). 3 Kampioen-ramlam. Eienaars: Mnre. Jannie en Herman de Villiers, Rietfontein, Jamestown. Van links na regs is mnre. Jan van der Walt (BKB), Jannie en Herman de Villiers, Maduna Tsotetsi (hanteerder) en Mike van den Berg (BKB).…

Erik de Milander van Oude Muur in die Sederberg is ’n kosmens: ’n Man met ’n sak vol “truuks” om die beste te haal uit plaaslike kos, soos die waterblomme, makataan, rooibos en skape waarmee hy boer. Erik is ietwat van ’n legende in dié geweste. Nie net ’n uitstekende kok nie, maar ook ’n gasvrye storieman en grapjas, én die wêreldrekordhouer vir die meeste skaapkoppe wat op een dag op een perseel voorberei en geëet is. Hier, buite Clanwilliam, waar die De Milanders boer, is dit rooiboswêreld. En omdat Erik en sy vrou, Melinda, graag kosmaak met wat op die plaas en in die omgewing beskikbaar is, maak rooibos gereeld ’n verskyning in hul boerekos-wenresepte. “Rooibostee is soos ’n impakspeler wat laat in die wedstryd op die veld kom,…

Landboutegnologie sal in die toekoms selfs nog vinniger moet verander om by te hou met die groeiende bevolking se voedselverbruik. Te midde van groot verande› rings in landboutegnologie is dit egter ook nodig om die pot in› tussen aan die kook te hou met bestaande produkte en dienste wat stabiliteit in die bedryf on› dersteun. Daarom is bekende staatmakers ook op die lys en dit sluit veelekke, veehanteringstoe› rusting en sleepwaens in. GEWASPRODUKSIE Agricol vertel meer oor sy nuwe sonneblomkultivars en watter sukses al daarmee behaal is. Die landbouchemiese voor› uitgang wat BASF aan boere bied, kry ook aandag. Lees hoe dié maatskappy se nuwe voor› opkomsonkruiddoder voordele bring in die stryd teen onkruid. Zinchem vertel meer oor sy sinkprodukte vir bemesting en in veevoer. Villa Crop Protection verduidelik die…

Zinchem is een van die grootste vervaardigers van sinkoksied, sinkstof, sinkallooie en sinksulfate in Afrika. Zinchem dryf ook handel met sinkmetaal. In Julie het Zinchem Zinc Sulphate Mono Pellets en Multi Mikro Pellets beskikbaar gestel. Die Zinc Sulphate Mono Pellets is beskikbaar in weergawes met onderskeidelik 28% en 34% sink. Zinchem vervaardig sy produkte in ’n aanleg in Benoni net buite Johannesburg. Zinchem is in 1946 deur die Anglo American Corporation gestig om sinkstof te vervaardig. Dit is gebruik vir goudsementasie wat weer in sianiedoplossings in plaaslike goudmyne gebruik word. Die maatskappy het later ook toegetree tot die vervaardiging van sinkoksied, wat aan die ban-de-, rubbervervaardigings-, verfen farmaseutiese bedryf sowel as landboumarkte voorsien word. Drie grade van sinksulfaat is by die reeks produkte gevoeg om te voorsien in die behoeftes…

Die enkelgasheer-bloubosluis is die algemeenste bosluis waarteen Suid-Afrikaanse boere diere moet dip. Die opbou van bloubosluisweerstand teen van die bekende dipmiddels is in sekere dele van die land só erg dat die doeltreffende bestryding van bosluise ál moeiliker word. Die goeie nuus is dat Merial se reeks Ivomec-produkte steeds doeltreffend in bestrydingsprogramme teen bloubosluise gebruik kan word. Boonop maak dié middels (Ivomec inspuitbaar, Ivomec Super en Ivomec Gold) ook ’n aantal ander uitwendige en inwendige parasiete dood. Al hoe meer beesboere gebruik veral die Ivomec Gold-inspuiting vir beeste met sy lang nawerking. Dit bestry bloubosluise vir tot 75 dae. Alle weidings is in ’n mindere of meerdere mate met parasiete besmet. Navorsing het bewys dat beeste wat met inwendige parasiete besmet is, lusteloos is en minder vreet. Dit het produksieverliese…

Akkerbougewasse in Suid-Afrika word in die afgelope paar dekades baie wyer verbou – veral in gebiede wat nie tradisioneel daarvoor geskik is nie. Stygende produksiekoste en wisselvallige weerpatrone dwing boere om meer te diversifiseer en beskikbare grond beter te benut. Die kombinasie van vee saam met mielies bied aan die boer die geleentheid om te diversifiseer en só sy plaas se potensiaal tot die maksimum te benut. Al hoe meer saaiboere verklein hul aanplantings deur marginale grond te onttrek. Die hoëpotensiaalgrond word nou intensiewer verbou, terwyl die marginale lande omgeskakel word in een- of meerjarige weiding om ’n groter veekomponent te hanteer. Die laat reëntyd vanjaar hou vir die boer voor- en nadele in. In talle gevalle was dit te laat vir natuurlike somerweiding. Dit het ook ’n groot impak…

Profile Alsace is ’n Franse maatskappy wat in Afrika deur Beaverson SA verteenwoordig word. Die maatskappy verskaf traliewerkstelsels aan die landboubedryf. Sy oogmerk is om ’n produk te verskaf wat duursaam, omgewingsvriendeliker en herhaaldelik bruikbaar is, asook om op lang termyn kapitaalbesparend te wees. Die maatskappy het 40 jaar ervaring in die ontwikkeling van traliewerkstelsels. Dit maak hom die markleier in Europa, maar hy vergroot ook sy markaandeel in Amerika en 19 ander lande. Die pale en traliewerk is ontwerp vir alle soorte latwerk en tafeldruifstelsels. Produkte word ontwerp om in al die kliënt se behoeftes te voorsien. Pale en traliewerk moet verkieslik gebruik word in grond en toestande wat geskik is vir die kweek van landbouprodukte. Onvanpaste plekke sluit in moerasagtige grond, plekke wat reg onder kraglyne lê of…

Vtec Trailers het op 17 September ’n “Showcase & Celebration”-aand gehou. Die doelwit was om saam met verskeie partye wat direk of indirek saam met Vtec Trailers ’n pad stap, die sonlig op die sneeu te waardeer, te erken en te vier. Die maatskappy het vyf jaar gelede sy tiende bestaansjaar met ’n formele geselligheid gevier. Maar vanjaar is besluit ’n lekker informele geleentheid, in die Barnyard-styl, is meer gepas. Gaste is getrakteer op puik musiek deur ItTakes4, ’n lekker groot dansvloer, ’n spitbraai, ’n fotohoekie en inspirasie deur die spreker, dr. Christo van der Rheede, adjunk- uitvoerende direkteur van Agri SA. Die aand was ’n groot dankiesê. Verskaffers, ou kliënte, nuwe kliënte, agente, mediavennote en vele meer is saamgeneem op ’n terugblik op vyf jaar. Dit het die hoogte-…

DIE produksie van piesangs in Suid-Afrika en in Mosambiek word ook nie vanjaar deur die droogte ontsien nie. Mnr. Johan du Toit, markagent van Subtropico by die Tshwanevarsproduktemark, sê die droogte se nagevolge veroorsaak steeds rimpelings in die mark. “Die droogte maak ons vanjaar baie seer. Ons sien dit nie net plaaslik nie, maar ook in Mosambiek, waar boere al hoe minder water beskikbaar het.” Mosambiekse piesangs maak sowat die helfte uit van alle pie-sangs wat tans op die Suid-Afrikaanse varsproduktemarkte verhandel word. Dié land se uitvoer na Suid-Afrika het oor die afgelope vier jaar meer as verdubbel. “Die Mosambiekse piesanguitvoer het ’n groot impak op die plaaslike piesangaanbod, maar oral in Suider-Afrika hang vrugte wat onder waterstres verkeer. Die algemene mening is dat as daar nie genoeg reën oor…

Die onderstaande oordragte van plaaseiendomme is deur aktekantore geregistreer (plaasnommer tussen hakies). GAUTENG CARLETONVILLE FOCH (149) 34 ha, aan Dave Lourens-trust, van C.A.C. Munnik en P.F. Munnik, R1 000 000. DERDEPOORT SPITSKOP (244) 1 710 ha, aan die Republiek van Suid-Afrika, van P.D. Simpson, R13 000 000. KWAZULU-NATAL PIETERMARITZBURG KAR KLOOF (1866) 62 ha, aan Jaclyn Consultancy, van Tower City Trading 135, R5 186 000. UITKOMST & DOORNRUG (852) 47 ha, aan die munisipaliteit Ethekwini, van E.R. Bartlett, R2 500 000. LIMPOPO DENDRON GOEDVERTROUWEN (1015) 38 ha, aan Eracode (Edms.) Bpk., van Nel Alpha, R3 500 000. SCHANHAUZEN (737) 587 ha, aan Jannie van Waverentrust, van D Lund Farms (Edms.) Bpk., R2 300 000. ZANDRIVIER (742) 100 ha, aan D Lund Farms (Edms.) Bpk., van Jannie van Waverentrust, R2 300…

NÁ die El Niño-weerverskynsel kyk baie boere met nuwe oë na die Damara. Hulle besef dit is ’n ras wat in goeie en slegte tye in enige klimaatstoestande kan gedy, sê mnr. Stan Burger, voorsitter van die Damara-telersgenootskap. Burger sê hoewel daar tans net 21 Damaratelers in Suid-Afrika is wat met nagenoeg 7 000 rasegte Damaras boer, gaan dit voor die wind. Daar is ’n groot oplewing in belangstelling in veral die noordelike en noordwestelike provinsies van Suid-Afrika. Groot hoeveelhede teelmateriaal is ook die afgelope paar maande na Botswana uitgevoer. Ná die streekskou op Clanwilliam in April vanjaar, waartydens 200 Damaras met mekaar in die ring meegeding het, is talle navrae vir die keurder- en beoordelingskursusse ontvang. Dit sal volgende jaar van 17 tot 21 Mei op Rustenburg tydens die…

Om aan die organiseringskant te staan van ‘n geleentheid wat beskryf word deur deelnemers as “ ’n Wêreldklas aanbieding”, stel sy uitdagings en ons is besonderse dank verskuldig aan elkeen wat bydra dat hierdie platform vir Landbou die nodige erkenning geniet en ook ons hand vat om die Beeld van Landbou uit te bou. Daar is min geleenthede in Suid-Afrika waar die verbruiker die totale waardeketting van verskillende landboubedrywe kan ervaar, en boonop die top diere van verskillende rasse teen mekaar kan sien kompeteer. Dit is dan ook die doel van Agri-Expo Livestock, om die Landbouer en die publiek nader aan mekaar te bring en veral om die jeug blootstelling te gee aan die verskillende beroepsgeleenthede binne die landbousektor. Die feit dat verskillende Bedryfsorganisasies ook hierdie ekspo as platform gebruik…

N$143,12 miljoen Die Namibiese vleisprodusent Meatco kan tot N$143,12 miljoen verloor ná die sluiting van sy Okapuka-voerkraal, waar groeihormone in ’n urienmonster ontdek is. Dit sal tot ’n daling van N$7,15/kg in die prys van beesvleis lei en die bedryf vernietig, sê die maatskappybestuur. Kragtens Namibiese voedselveiligheidsreëls moet die voerkraal minstens agt maande sluit. Meatco hoop om dié reëling te laat verslap. – Die Republikein 50 000 Die Suid-Afrikaanse katoenbedryf lewer jaarliks 50 000 bale katoen. Die vraag is 1,5 miljoen bale. Mnr. Chris de Wet, hoof van strategiese projekte by Katoen SA, sê hulle pak ’n grootskaalse projek aan om die katoenbedryf en die res van die waardeketting te laat groei. Hy wil produksie met 388% laat toeneem, 7 224 werkgeleenthede skep en 600 klein ondernemings in die tekstielbedryf…

Die landbou in Afrika vuur ekonomiese transformasie aan, en die sektor het merkwaardig verbeter vergeleke met hoe onseker die stand van sake 15 jaar gelede was. Só lui navorsing van die Bill en Melinda Gates-stigting se Alliansie vir ’n Groen Revolusie in Afrika. Vordering is egter ongelyk. Regerings wat in hul landbousektore belê het, soos Ethiopië, Rwanda en Burkina Faso, geniet nou die voordele – sterker ekonomiese groei, dalende armoedevlakke, beter voedingstatus en ’n vinniger skuif van die werksmag uit boerdery. Die landbou het veral goed gevaar waar regerings vinnig die Afrika-unie se omvattende ontwikkelingsplan van 2003 aangeneem het. ’n Sleutelkomponent daarvan was om 10% van hul begrotings aan die landbou toe te ken. In lande wat hierdie doelstellings vroeg aangeneem het, soos Ghana en Rwanda – selfs al het…

BROKKIES Die botterfabrieke wil in die winter en in die somer room hê met ’n bottervetgehalte van onderskeidelik 38-40% en 45-48%. Hoenders lê meestal ná die winter of ná ’n strawwe droogte eiers met groen dooiers. Dié toestand kom gewoonlik voor wanneer die hoenders te veel groenvoer, veral kool of sappige, jong lusern, eet. Boere begin dit al hoe moeiliker vind om ’n bestaan uit Merinoskape te maak. Die natuur is ongetwyfeld besig om dit wat hy nie kan dra nie, af te gooi. Dié toestand kan verhelp word deur verbeterde veldbestuur. Die modernste en duurste gereedskap is nie altyd noodsaaklik vir welslae of vir die beste resultate nie. In die platwalkompetisie wat onlangs in die distrik Ficksburg gehou is om grondbewaring te bevorder, is die eerste prys verower met…

Een van die grootste tafeldruifpakhuise in die Suidelike Halfrond (wat 6 000 m2 beslaan, binne vyf jaar 900 000 kissies kan pak en 600 werkgeleenthede kan skep), 140 ha onder tafeldruif-wingerd en die visie om die omset met 300% te verbeter. Dít is wat mnr. Jacques Beukes, Agri Wes-Kaap en Santam Landbou se Jongboer van die Jaar, kan regkry. Dit is egter deels moontlik gemaak deur ’n jong belegger met die finansiersingskrag van instellings soos die Nywerheidsontwikkelingskorporasie (IDC) agter hom. Mnr. Tebogo Magoshoa (foto), voorsitter van die Tallis-groep, kom praat op 14 Oktober by Landbouweekblad se gesprek by die Sandringham-landgoed naby Stellenbosch oor die geleenthede wat transformasie in die landbou kan bied met die regte benadering. Saam met hom praat nog vyf ander dinamiese sprekers. Die ekonoom mnr. Peter Draper,…

1 ZAMBIË | Boere verloor subsidies oor IMF-lening Die Zambiese regering gaan staatsubsidies aan die landbou en energie verminder as deel van ’n lening wat tot $1,2 miljard (R16,2 miljard) werd kan wees. ’n Woordvoerder van mnr. Edgar Lungu, president van Zambië, sê dié subsidies gaan drasties verminder of heeltemal verdwyn. Volgens die Internasionale Monetêre Fonds kan brandstof- en energiesubsidies vanjaar $660 miljoen (R9 miljard) van Zambië se uitgawes uitmaak. Die regering het in April aangekondig hy gaan onderhandel om ’n hulppakket van die IMF, maar dié samesprekings is onderbreek deur ’n algemene verkiesing. Die Zambiese geldeenheid het in die afgelope jaar met amper 25% teen die dollar verswak – amper die swakste in Afrika – en die inflasiekoers staan op meer as 20%. – Agribusiness Zambia 2 NAMIBIË |…

BOERE wat deel is van die Regering se Fetsa Tlala-voedselsekerheidprojek beoog om meer hektare as verlede jaar te beplant, sê me. Elder Mtshiza, die Departement van Landbou, Bosbou en Visserye se nasionale koördineerder van steunprogramme. Sy het die Parlement se portefeuljekomitee vir landbou, bosbou en visserye toegespreek oor boere se gereedheid om somergewasse te plant te midde van die voortslepende droogte. Mtshiza sê die departement het 154 130 ha se aanplantings goedgekeur. Geld word aan boere toegestaan op grond van sakeplanne. Die begroting vir die Fetsa Tlala-projek is vanjaar R880 miljoen. Volgens provinsiale verteenwoordigers gaan boere weens die droogte 19 962 ha minder as die goedgekeurde 154 130 ha beplant. Dit bring die nuwe teiken op 134 168 ha te staan. Dié teiken is gegrond op die aantal boere wat…

 DIE wynbedryf moet ’n sentrale wynmaak- en proegerief op die been bring sodat jong wynmakers kleiner volumes wyn kan maak wat straks nuwe markte vir die wynbedryf kan ontsluit. ‘Waarheen neem jy hulle? Jy het nie ’n landgoed of proelokaal nie en jy sit ook nie noodwendig in die middel van die wynstreek nie.’ “Dit is die jong wynmakers wat aandag trek en die kollig op Suid-Afrika laat val. Hulle maak wyne van wonderlike gehalte, maar hulle sukkel met koste,” het me. Trizanne Barnard op die tydskrif Wineland se seminaar oor vernuwing in die wynbedryf gesê. Sy het in 2009 haar eie wynmaatskappy, Trizanne Signature Wines, gestig. Dit is tans een van die grootste onafhanklike verskaffers van Sauvignon blanc aan Brittanje. Engelse verbruikers beskou ook haar wyn as een van…

Die aankondiging van die Reser› webank se monetêre beleids› komitee op 22 September dat die rentekoers onveranderd bly, asook die bewoording van dié verklaring, dui daar› op dat die land naby die boon› ste draaipunt van die huidige styging in die rentekoerssiklus is. Dit is goeie nuus vir die landbou se geldsake, want die Departement van Landbou, Bosbou en Visserye het ook bekend gemaak dat landbouskuld teen einde Junie op R144,07 miljard te staan gekom het, ’n styging van 12,7% teenoor Junie verlede jaar. Die waarde van landboubates het daarteen› oor in dieselfde tydperk met net 9,6% gestyg. Dit beteken dat die landbou se skuldlasver› houding verder verswak het tot 34%, ’n voort› setting van die afgelope paar jaar se styging in die skuldlasverhouding (skuld as persentasie van bates). Daarmee…

Kwantumfisika en energie kan dalk nie net die landbou red nie, maar ook ’n nuwe tydperk van superwinste en rekordoeste inlei, meen mnr. Paul van der Walt, 2Cure se navorser wat reeds die afgelope 16 jaar energie bestudeer. Hy meen oeste kan in die volgende dekade meer as verdubbel, terwyl produksiekoste skerp kan daal. Hoe langer grond aan energie blootgestel word, hoe beter produseer die grond en hoe dieper word die grond vrugbaar. Sodoende word meer water bewaar. Die energie-werk, of Agrionics soos dit bekend is, hou voordele in vir elke landbouvertakking, asook vir watersuiwering, die boubedryf en verskeie nywerhede. Agrionics is die projeksie van laefrekwensie-energievelde om organiese lewensvorme, asook water en grond te stimuleer of teen te werk vir die gewenste uitwerking. Die teikengebied vir behandeling word met behulp…

In 1984 is ’n veelseggende verslag, gegrond op dekades se navorsing oor die interaksie tussen genotipe en die omgewing, deur die twee Australiërs J.E. Frish en J.E. Vercoe gepubliseer. Die resultate is in die TABEL te sien. Dit het duidelik getoon dat Bos indicus-beeste (tipies Brahmane) in warm, droë omgewings beter as die Britse Bos taurus-beeste (Hereford x Korthoring) presteer het. In ’n omgewing met goeie kos en laer temperature het die Hereford x Korthoring-beeste egter beter as die Brahmane presteer. Hierdie verandering in prestasie, wat afhang van die omgewing waarin die dier moet presteer, staan as ’n genotipe x omgewing-interaksie (G x O-interaksie) bekend. Die Brahman (soos ook die Sanga, inheemse rasse suid van die Sahara), het die genetiese samestelling om goed in strawwe, warm omgewings te vaar, terwyl…

SKAAPVANG HERDERSTAF ’N WENNER OP NAMPO Toe BKB tydens die Nampo-Oesdag op Bothaville dié skaapvangstok met ’n rubberhandvatsel van Antrovet bekend gestel het, is die hele voorraad van 200 uitverkoop. Dit is ideaal vir boere wat graag tussen hul veetroppe beweeg en net ’n enkele skaap wil uitkeer of van nader ondersoek. Die haak pas maklik om die skaap se agterbene en het ’n rubberlaag om nie die dier te beseer nie. Dit is geskik vir groot skape én lammers. Dit is beskikbaar in twee lengtes, naamlik 1,25 m en 0,95 m. Prys: R230 (BTW ingesluit). HAARKNIPPER KRY BEESTE EN PERDE SKOUGEREED Die elektriese Delta3-haarknipper vir beeste en perde wat deur Heininger in Switserland vervaardig word, is die antwoord vir die manne en vroue wat aan skoue deelneem en hul…

Aarbei-tralietert Tertkors 680 ml koekmeel Knippie sout 15 ml strooisuiker 230 g koue botter, in blokkies gesny 80-160 ml yswater Vulsel 600 g aarbeie, skoongemaak en grof gesnipper 375 ml strooisuiker 60 ml mielieblom Paar druppels vars suurlemoensap Kors: Pols die meel, sout, strooisuiker en botter in ’n voedselverwerker tot krummelrig. Voeg die yswater bietjie vir bietjie by en pols vinnig ná elke byvoeging – net tot klam frummels vorm. Keer uit en druk die deeg bymekaar. Bedek en verkoel vir minstens 1 uur. Smeer ’n losboomtertpan van 20 cm, of spuit met kleefwerende kossproei. Haal die deeg uit die yskas, laat staan ’n rukkie en verdeel dit in twee dele, waarvan die een stuk ’n bietjie groter as die ander is. Rol die grootste stuk deeg uit op ’n…

Onkruid steel jou wins. Maar wat doen jy wanneer jy weerstandigheid teen sekere onkruiddoders oplet en jy ’n nuwe onkruiddoderstrategie vir jou mielies nodig het? Daarvoor het BASF ’n nuwe onkruiddoder op die mark. Intelex® met Kixor® is ’n revolusionêre vooropkomsonkruiddoder vir mielies. Dit is BASF se nuutste toevoeging tot die maatskappy se vernuwende plaasbestuuroplossings. Die aanpasbaarheid van Intelex® en sy doeltreffende werking is in die 2015-’16-seisoen naby Ermelo, Mpumalanga, in plaaslike toestande op die proef gestel. Intelex® is hoogs aanpasbaar vir enige produksiepraktyk, waaronder geneties gemodifiseerde en konvensionele kultivars, onafhanklik van bewerkingspraktyke. Met grondvog steeds onder druk ná ’n paar baie droë seisoene is dit in die ontkiemingsfase belangrik dat die mielie hom kan vestig sonder mededinging van onkruide. Dié oplossing van BASF bied langer vooropkomsbestryding. Die boer kan…

Seile vir Myle verkoop 160 mikron- geweefde polipropileenseile wat gelamineer is om tot 200 UV-sonbestand te wees. Dit hou besonder goed in die Suid-Afrikaanse son en werk uitstekend vir wildbomas. Elke seil is versterk met koord in al die some. Op elke hoek is ook ’n plastiekversterking. Elke meter is 12 mm-staalogies aan al die sye van die seil aangebring, wat dit vergemaklik om te span. Elke seil is kompak verpak en maklik om te hanteer. Die seil sal nie maklik skeur nie en die kleure, kakie of olyfgroen, vertoon mooi in die bosveld. Die polipropileenseile word volgens die maatskappy se vereistes vervaardig. Voorheen het die maatskappy 120 mikronseile bemark, maar deur ondervinding geleer dat ’n dikker seil beter waarde sal lewer. Daarom is die nuwe seile 160 mikron en…

Saam met die verswakkende rand staar plaaslike boere ook stygende produksiekoste in die gesig. Plaaslike banke moet aandag gee aan dié kwessie om die voortbestaan van een van Suid-Afrika se grootste bedrywe te beskerm. Mnr. Frank Winder, direkteur van Advanced Agri, sê bekostigbaarheid raak toenemend moeiliker vir Suid-Afrikaanse boere, veral wat betref besteebare inkomste om die nodige produkte te koop wat hulle nodig het om hul bedrywighede voort te sit. “Hoewel die meeste banke boere bystaan met finansiële ad-vies en lenings, raak dit uiters belangrik dat voorkeurrentekoerse aangebied word aangesien meer as die helfte van kommersiële boere skuld het om af te betaal,” sê Frank. Reuters het in Maart berig die staatsbeheerde Land Bank bied konsessielenings aan om droogtegeteisterde boere te help. Die rentekoers is laer as die prima koers…

Northmec streef voortdurend daarna om bekostigbare toerusting van ’n hoë gehalte by sy bestaande reeks toerusting te voeg. Dit is dus met groot vreugde dat twee bykomende modelle as toevoegings tot die huidige reeks Jacto Uniport-selfloopspuite aangekondig word. Naas die huidige selfaangedrewe Uniport 3030-spuit met ’n tenk van 3 000 liter en ’n spuitbalk van 32 m stel Jacto twee nuwe modelle bekend: Uniport 4530 en Uniport 2530. “Die bekendstelling voorsien in ons kliënte se behoeftes en beteken Jacto se reeks selfaangedrewe spuite is nou nog vollediger. Die twee nuwe modelle is ontwikkel met maksimum doeltreffendheid, ook wat ekonomie en tegnologie betref. Dit is faktore wat belangrik is vir optimale doeltreffendheid,” sê mnr. Marcus Portari, Uniport-produkbestuurder by Jacto. JACTO UNIPORT 4530 Die Jacto Uniport 4530 het ’n tenk wat 4…

DIE pryse vir koejawels op die Kaapse markte was vanjaar besonder hoog nadat die droogte tot ’n laer voorraad in verskeie streke gelei het. Mnr. Ishmael Cloete, bemarkingsagent van Subtropico/Spes Bona, sê koejawels verhandel tans op die Kaapstadse varsproduktemark teen sowat R50 per kartonhouer van 8 kg (jumbo-grootte). Kleiner koejawels kry egter ook baie goeie pryse, met kleiner koejawels wat teen sowat R40 per kartonhouer verhandel. “Die koopprys van koejawels vir versapping wissel tans van R3 000 tot R4 000 per ton,” sê Cloete. Hy sê die droogte oor groot dele van die koejawelproduksiestreek het gelei tot kleiner koejawels, maar dat die vraag na die vrug so sterk was dat pryse regdeur die seisoen hoog gebly het. “Met die Kaapse koejawelseisoen wat tradisioneel in April begin en in September eindig,…

Die volgende ontleding van grondverkope in Suid-Afrika is van transaksies vir grond wat groter is as 20 ha in die Vrystaat vanaf Julie 2015 tot Junie 2016. In dié tyd is 696 ooreenkomste in 43 distrikte gesluit wat 299 210 ha teen R3,250 miljard behels het. Daarvan was 74 transaksies van kleur – 11 % van die totaal. Transaksies van kleur sluit in die tussen individue, regerings-aankope van landbougrond, asook grond verkry vir munisipale gebiede. Dit het 23 609 ha (11%) behels wat teen R352 miljoen, 10,8% van die to-tale waarde, verkoop is. Net 58 transaksies (8%) was vir grond kleiner as 50 ha, terwyl 49% van die transaksies vir grond groter as 300 ha was. Altesame 20 distrikte se pryse het in 12 maande ’n dalende neiging getoon. Statistieke…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in Landboukalender. Die besonderhede moet gestuur word aan lbw@landbou.com. ALGEMEEN 13-15 OKTOBER: Agri-Expo Livestock 2016. Sandringham, Stellenbosch. Tel. 021 975 4440. E-pos: admin@agriexpo.co.za. Web: www.livestock.org.za. 14-15 OKTOBER: Algemenejaarvergadering, SA Pekanprodusentevereniging. Magogong-skouterrein, Vaalharts.Sprekers sluitin Allen Brandt (Green Valley Pecans,Arizona)endieekonoomdr.Roelof Botha. Dries Duvenhage, sel 0829482933.E-pos:sappa@hortgro.co.za. 4-5 NOVEMBER: Agri-Workslandbou-ekspo, Stellenbosch. Van der Stel-sportterrein. Tel. 021 854 4700. Web: www.agriworks.co.za. E-pos: info@cadek.co.za. 4-5 NOVEMBER: Gamtoosekspo, ten bate van Laerskool Gamtoosvallei. Patensie, Oos-Kaap. Tel. 083 556 3206. E-pos: info@gamtoos.co.za. Web: www.gamtoos.co.za. 4-5 NOVEMBER: GWK-oewerfees, jeugkamp , SAWMGA-kompetisie. Karla Britz, sel 082 215 0497. E-pos: oewerfees@gmail.com. BOEREDAE 7 OKTOBER: Bosrumoer-boeremiddag. Doornrivier, Zeerust, Noordwes. Praatjies oor boedelkoste-wetgewing(FNB),Opti-wildsvoer en elektriese heinings (Nemtek). Mariese, sel 083 276 5081. E-pos: bosrumoer@gmail.com. Web: www.bosrumoer.wix.com.…

FOKUS OP DIE JEUG HIERDIE EKSPO SKEP'N PLATFORM WAAR DIE JEUG VAN SUID-AFRIKA KAN DEELNEEM AAN 'N VERSKEIDENHEID AKTIWITEITE. KOLLIG OP JONG AFSLAERS Beleef op Saterdag, 15 Oktober, 'n opwindende demonstrasie van vaardighede wanneer ontluikende afslaers teen mekaar meeding in die Toyota SA Nasionale Jong Afslaerskompetisie, aangebied deur Veeplaas/Stockfarm. Deelnemers ding mee in drie kategoriee, naamlik juniors (vir leerders, 19 jaar en jonger), jong afslaers (vir mense, 25 joar en jonger) en die aspirant-afslaers (afslaers wat opleiding ontvang het, maar wat nog nie as afslaers aangestel is nie). Hierdie kompetisie vind plaas in die Santam Arena. “ Opvoeding rakende die landboubedryf is belangrik vir ons land se jeug. Hulle is die generasie wat na ons die verantwoordelikheid goon dra am no die industrie am to Bien en om dit verder…

‘Boere in Nood gaan van krag tot krag. Hulp word steeds op ’n wettige en finansieel verantwoord› bare manier voorsien.’ ME. CARINA SWARTZ, van Boere in Nood, in ’n hofgeding oor geld. Bl. 18 ‘Ons dink hulle wag tot die balju aan die deur kom klop voordat hulle hulp soek.’ MNR. RUBEN MANDEAN van die Land Bank oor die min aansoeke om droogtehulplenings. Bl. 17 ‘As jy dit vergelyk met die lae pryse wat druiwe in Suid-Afrika verdien, is dit bykans misdadig.’ MNR. BRUCE JACK, groepwynmaker vir die maatskappy Accolade, oor die hoë pryse wat Kaliforniese en Wes-Australiese wyn haal. Bl. 20 ‘Daar is nêrens iets wat tekort skiet nie. Ons moet net goeie weer kry.’ MNR. PIETMAN UYS, Heidelbergse boer, oor sy koringoes. Bl. 17 ‘Die mynbedryf rig baie…

ANDERKANT DIE REËNBOOG NIE AL WEER NIE! Dit was verbasend om te sien hoe ’n goeie kondisie veral skape te midde van die fel somerdroogte kon handhaaf. Die rede, het baie boere gemeen, was die afwesigheid van talle van die lastige inwendige parasiete wat diere so teister in natter jare. ’n Mens sou egter dink die meeste boere sal eerder maar die parasiete, bakterieë en virusse trotseer as om weer ’n somer soos die vorige te moet deurmaak. Ongelukkig lyk dit ál meer of boere dalk beter daaraan toe gaan wees om hul parasiet- en virusbekamping aan die weer oor te laat. Ná al die drama met Onderstepoort Biologiese Produkte (OBP) se voorsiening van entstowwe, veral teen bloutong, het almal duim vasgehou dat dié eens trotse instelling sy beloftes…

MNR. DISSIE KRUGER van Orania is een van die drie finaliste in Graan Suid-Afrika se Graanprodusent van die Jaar-wedstryd. Hy het sy boerdery langs die Oranjerivier net uit graan opgebou – sonder dat hy grond geërf het en sonder ’n sent spaargeld. Lees die artikel op bl. 38. VERTEL ONS VAN JOU GESIN. Ek en my vrou, Esmien, het twee kinders: Derius, wat saam met ons boer, en Susan, ’n risiko-ontleder by ’n bank in Johannesburg. WAAR HET JY GESTUDEER? Aan die Potchefstroomse Universiteit vir CHO in Potchefstroom waar ek as ’n metaalwerkonderwyser opgelei is. HET JY ’N STOKPERDJIE? Ek stap graag in die veld om die Karoo se plantegroei te leer ken en het ’n passie vir geskiedenis. WAAR HOU JULLE VAKANSIE? Ons het ’n huis op Stilbaai, maar…

 SEDERT die Land Bank in Maart R400 miljoen se konsessielenings vir boere in droogtenood aangekondig het, het hy maar ’n skamele 105 leningsaansoeke gekry – ten bedrae van R259 miljoen. ‘Met lenings teen prima minus 3% kan boere gehelp word om hul skuld weens die droogte te konsolideer, maar min het nog met ons kom praat.’ Intussen hou die Land Bank, die Tesourie en die Departement van Landbou, Bosbou en Visserye tans samesprekings om te sien of die Regering waarborge of subsidies op rentekoerse van lenings vir droogtegeteisterde boere kan toestaan. ’n Aanbeveling daaroor is reeds na die Tesourie gestuur. Mnr. Tshokolo Nchocho, uitvoerende hoof van Land Bank, het verlede week aan die Parlement se portefeuljekomitee vir landbou, bosbou en visserye gesê 53 aansoeke van net meer as R65 miljoen…

WINTERSAAIGEBIED | Boere is optimisties Boere in die suidelike deel van die Wes-Kaap het nog nie begin platsny nie, maar sê daar staan uitstekende koring-, gars- en kanolaoeste. Mnr. Pietman Uys van die plaas Sandfontein, Heidelberg, sê hy beleef ’n uitsonderlike jaar. “Daar is nêrens iets wat tekort skiet nie. Ons moet net goeie weer kry om die oes in die silo te kry.” Ook mnr. Boeta Wessels van die plaas Karsrivier by Bredasdorp sê by hulle staan ’n bogemiddelde oes, maar dat verdere reën nog ’n verskil kan maak aan die laat graan en syhalms. Hoewel dele van die Swartland vanjaar goeie oeste verwag, reën dit net nie genoeg rondom Piketberg nie. Mnr. Abri Richter van die plaas Panorama sê die grond raak nooit nat genoeg nie. Reën word…

TROFEEJAG | Hou op verskonings maak “Hou op om jammer te sê en vertel die mense eerder wat die wildbedryf al bereik het, soos al die werkgeleenthede wat geskep word, en miljarde rande wat wildboere vir die land verdien.” Dit was die boodskap van prof. Melville Saayman, direkteur vir toerismenavorsing aan die Noordwes-Universiteit. Hy het gepraat na aanleiding van ’n gesprek op die simposium om ’n ander woord vir trofeejag te vind weens dié term se ongunstige konnotasie. Saayman het gesê die mynbedryf rig baie skade aan die omgewing aan. Hy vra egter nie om verskoning daarvoor nie, maar lig die publiek in oor die werkgeleenthede en valuta wat die myne verdien. “Die wildbedryf moet eerder kreatiewer dink om homself te bemark, soos om nuwe bemarkingsgeleenthede vir wildsvleis en -produkte…

SYNGENTA | Oorname kry die groen lig Die Mededingingskommissie het die voorgestelde oorname van Syngenta in Suid-Afrika deur die Chinese Nasionale Agrochemiese Korporasie, ChemChina, voorwaardelik goedgekeur. Die kommissie het bevind die voorgestelde transaksie behoort nie ’n groot invloed op mededinging te hê nie aangesien ander maatskappye ook landbouchemiese middels en produkte vir saadbehandeling verskaf. In ’n verklaring sê die kommissie hy is egter bekommerd dat die samesmelting kan veroorsaak dat al die produkte ingevoer kan word ten koste van Syngenta se vervaardigingsaanleg in Brits in Noordwes, wat tot werksverliese kan lei. Die transaksie word goedgekeur op voorwaarde dat die aanleg vir ’n bepaalde tyd nie uit Noordwes verskuif mag word nie. In Suid-Afrika word ChemChina as Adama South Africa bedryf. Die maatskappy is betrokke by die toets en registrasie van…

RUSLAND | Glasnost vir Dorpers ’n Multimiljoenrand-uitvoerprojek van Dorperskape na Rusland is ’n sterk moontlikheid nadat ’n afvaardiging van die Suid-Afrikaanse Dorperskaap-telersgenootskap dié land besoek het, sê mnr. Dries Wiese, voorsitter van die genootskap. ’n Vaste leweringsooreenkoms met die Russiese maatskappy Eurodon word binnekort op ’n buitengewone vergadering van die genootskap bespreek. Die genootskap het in die afgelope jaar verskeie uitvoerinisiatiewe, onder meer met Chinese telers, probeer beding. Die uitvoer van lewende hawe, semen en embrio’s word tans nog aan bande gelê deur ontbrekende buitelandse uitvoerprotokolle. Die magnaat mnr. Vadim Vaneev van Eurodon het Suid-Afrika in Mei vanjaar besoek. Die maatskappy is die grootste verskaffer van kalkoen- en eendvleis in die distrik Oktjaberski in Rostof. Eurodon wil jaarliks sowat 45 000 ton lamsvleis aan die Russiese mark lewer en beoog…

PRODUSENTE kan oor ’n boord of wingerd se leeftyd van 25 jaar etlike miljoene rande per hektaar bespaar deur gesertifiseerde plantmateriaal te gebruik wat vir virusse getoets is. Dr. Stephanie Midgley, ’n onafhanklike landbounavorser, het ’n studie gelei oor die finansiële implikasies van die algemeenste virusse by appels, pere, pruime, inmaakperskes, tafeldruiwe en rosyntjiedruiwe. Sy het haar bevindinge op ’n onlangse inligtingsdag van die Suid-Afrikaanse Plantverbeteringsorganisasie (Sapo) bekend gemaak. Sy sê die Suid-Afrikaanse vrugte- en wingerdbedryf moet boere aanmoedig om net skoon en gesertifiseerde plantmateriaal te gebruik. Sy het die navorsing vir Sapo gedoen. “Indien die virusprobleem nie vasgevat word nie, sal die bedrywe in die toekoms onder meer swakker en kleiner vrugte sien, wat oeste én die leeftyd van die bome en wingerdstokke sal benadeel,” sê Midgley. “Boonop sal…

Op grond van ’n leser se vraag kyk ek dié week na huweliksaanwas en die voorsiening om die aanwas-eis met ’n lewenspolis op te los. Huwelike buite gemeenskap van goedere met die aanwasbedeling is ’n goeie idee. Dit gebeur so baie dat die man byvoorbeeld aan sy rykdom en die opbou van sy eie boedel werk, maar dat die vrou se bydrae misgekyk word. Die aanwas maak seker dat sy minstens ’n aandeel in die sukses van die boedelbouproses tydens die huwelik het. Dit werk so: By die huweliksluiting word die waarde van die onderskeie partye se bates bereken en aangeteken. Tydens die bestaan van die huwelik bou elkeen aan sy of haar boedel. By die beëindiging van die huwelik weens dood of egskeiding word die verskil tussen die twee…

Buiten die amperse volmaan, is dit om 04:30 nog stikdonker in die Camdeboo-berge naby Graaff-Reinet. Mnr. Gertjie Langa het egter reeds sy beker koffie weggeslaan en is reg vir die dag. Rondom sy voete maal sowat 30 honde wat fyn tjankies van pure opgewondheid gee oor die jag wat voorlê. Gertjie, ’n gesoute jakkalsjagter, deel nie heeltemal hul geesdrif nie. “Ek is al gewoond aan vroeg opstaan, maar die kondisisies is net nie reg nie. Hier’s te veel wind en die veld is baie droog. Die reuke gaan nie kleef nie. Maar elke oggend stap ek maar uit; ’n mens probeer die beste van ’n slegte saak maak,” sê hy toe ons in die pad val, op soek na jakkalse en rooikatte wat onder kleinvee in die omgewing maai. “My…

Hoekom is Stellenbosch so geskik vir aarbeiproduksie? Dis die goeie klimaat. Hier is ’n lekker Mediterreense klimaat – dis nie te warm nie, maar daar is ook ’n groot verskil tussen die dag- en nagtemperature. Hoe plant julle aarbeie? Die meeste aanplantings is op oop landerye wat met plastiektonnels bedek word. Ons maak elke jaar van voor af beddings, wat ook met plastiek bedek word. ’n Kwekery maak vir ons die plantjies. Met die vroeë kultivars kan jy, as jy goed te werk gaan, binne 55 dae ná planttyd begin oes. Ons het verlede jaar ook ’n Spaanse hidroponiese stelsel aangeskaf, waarmee ons so 10% van die aarbeie verbou. Dis die tweede stelsel in sy soort in Suid-Afrika. Wat is die voordele van die hidroponiese stelsel? Die plantdigthede. Jy kan…

Ons maak vol op Willow-more, groet vir oulaas Jim Makwena van die Willow Limo, en vat die grondpad Baviaanskloof toe. Garingbome hou soos kordate soldaatjies langs die pad wag. Op ’n telefoondraad sit ’n stuk of 50 swaeltjies in perfekte balans, styf teen mekaar – tot een vlieg en die ander omtrent moet spook om hul balans op die swaaiende draad te hou. Ek lees in ons boek Baviaanskloof – A world apart, wat deur Liesl Hattingh saamgestel is, dat dit die padingenieur Thomas Bain se 24ste en laaste pas was. Hy het in 1885 aan die westelike kant van die R332 begin bou. Vandag strek die pas oor 203 km, waarvan die grootste gedeelte per gewone sedan begaanbaar is. Dit is net die laaste 60 km deur die Baviaanskloof-wêrelderfenisgebied…

Terwyl ek hier sit en skrywe, woed daar ’n knellende droogte in groot dele van ons land. Hierdie neerdrukkende toestand duur al vir ’n lang tyd – vir sommige darem net té lank om met moedhou te volhard. Verwagting en hoop word telkens met teleurstelling en wanhoop vervang. “Ek sien daar’s groot reën aan die kom vir julle,” sê ek aan ’n boerevriend wat sukkel om alles aan die gang te hou. Hy antwoord my sinies: “Jy moes dit seker maar op die televisie gesien het. Dáár reën dit nogal dikwels, maar hier by ons is dit harde werklikhede wat praat.” Dit was nie nodig dat hy die werklikhede uitspel nie. Ieder en elk kan dit sien – leë damme, diere wat te maer is om behoorlik te loop en…

Limpopo en Gauteng: Willem Labuschagne – sel 083 501 0109. Noordwes: Willem Nel – sel 081 018 3296. Noord-Vrystaat : Johann Badenhorst – sel 060 587 5626. Oos-Vrystaat: Pieter Taljaardt – sel 078 019 6950. Suid-Vrystaat, Noord-Kaap en Namibië: Dawie du Plessis – sel 071 852 1707. Wes-Vrystaat en Noordwes: Henk Crafford – sel 078 459 4833. Mpumalanga-Noord: Daneel Fourie – sel 083 461 6671. Mpumalanga-Suid: Anina Snyman – sel 082 772 5769. Kleinboerontwikkeling: Lawrence Watch – sel 083 977 0536.…

Verskeie nuwe toevoegings tot New Holland Suid-Afrika se trekkerreekse is die afgelope jaar by die bestaande portefeulje ingelyf. Hier is vier nuwelinge in die New Holland-stal. Dié nuwe produkte en ’n volle reeks landboutoerusting en trekkers is beskikbaar deur New Holland se landwye handelaarsnetwerk. NEW HOLLAND T8.435 SMARTTRAX Hierdie trekker is ’n nuwe toevoeging tot die gewilde T8-reeks. Soos die naam aandui, is die T8.435 Smarttrax toegerus met rusperbande agter en konvensionele bande voor. Dit is die keuse vir die fynproewer omdat dit die hantering en gerief van ’n tradisionele trekker in kombinasie met die traksie en flotasie van rusperbande bied. Kort draaisirkels sonder oormatige grondversteuring is net die begin van die lang lys voordele wat hierdie kombinasie inhou. Die T8.435 (279 kW) het breë, 30 duim-rusperbande agter. Dit is…

Die Skaapwagter se formules is met nuwe, kragtiger, aromatiese middels verbeter. Die Skaapwagter is ’n elektroniese beskermingstoestel wat al ses jaar op die mark is. Dit stel onder meer ’n spesiale spuitstof vry wat die sintuie van roofdiere irriteer en hulle weghou van boere se veetroppe. Die Skaapwagter 2 (S) is die kleiner weergawe en kan maklik aan ’n heiningpaal vasgeklamp word. Dit stel die roofdierwerende spuitstof vry en maak ’n harde, skril geluid. Twee daarvan word vir ’n kamp van tot 300 ha aanbeveel. Die apparate kan weerskante van ’n kamp opgestel word met inagneming van die heersende nag-windrigting. Die Skaapwagter 3 het drie funksies wat inwerk op roofdiere se sensitiewe sintuie: • Dit stel die roofdierwerende spuitstof in die lug vry, wat roofdiere tot 5 km windaf kan…

Honde wat saam met die wildboer en jagter werk, kan nou met die satelliettegnologie in Garmin se halsbande ’n groter aanwins op die plaas wees. ’n Gelukkige leser wat ’n foto en pittige beskrywing van sy hond op Landbou.com se Jou Foto-platform plaas, kan ’n T5-slimhals-band ter waarde van R14 499 in die Alpha-reeks wen. Dit word saam met ’n Alpha 100-handtoe-stel aan die wenner geskenk. Dié GPS-halsbande is ’n puik hulpmiddel vir die opleiding en bestuur van honde wat op ’n plaas werk, deel is van plaasbeveiliging- of spoorsnyspanne, of as jaghonde diens doen. Al Garmin se halsbande is duursaam, verstelbaar en in verskillende groottes vir groot en klein honderasse beskikbaar. Dit is waterdig en van helder glimmateriaal gemaak. Die senders is liggewig, dog robuus en die batterye is…

Volgens kenners in die bedryf hou die onvoorspelbare wisselkoers goedkoper kunsmis gyselaar ten koste van boere. Kunsmis kon tot 30% goedkoper gewees het as ’n jaar gelede as dit nie was vir die swak prestasie van die rand oor die afgelope 12 maande nie. Só meen mnr. Corné Louw, senior ekonoom by Graan SA. “Verlede September het boere nog geen voordeel getrek uit die internasionale kunsmismark nie, toe die produksie baie vinniger as die vraag toegeneem het. Oor die afgelope 12 maande het internasionale kunsmispryse met tot 30% verlaag. “Die rand het intussen effens veld gewen, wat ’n verlaging van tot 15% in kunsmispryse op ’n jaargrondslag teweeggebring het. Graan SA voorspel dat die prys vir die volgende ses maande verder gaan daal – of minstens sywaarts sal beweeg. Die…

OKTOBER PARYS Al vier Parys-skoue word op die Afridome-skouterrein gehou. Navrae aan Caroll-Ann Mienie, sel 079 477 4416. Web: www.afridome.co.za. 3-9, Brahmanskou en -veiling. 10-16, Nasionaal: Friesperd. 17-26, Alfa-week (beeste), Brahman. 20-23, Appaloosa. ROBERTSON 4-8, Hackney-ponie (SA kampioenskap), Saalperd (Wes-Kaapse kampioenskap), Hackney-perde, SA ryperde. Perde: Schalk Burger, sel 082 380 2525. Pluimvee: Hetty Knapp, sel 082 695 9535. Veteraantrekkers en -motors: Dieter Wagner, sel 082 564 5682. Verdere navrae: Chresna Schoonwinkel, tel. 023 626 2512. E-pos: robertsonskou@myisp.co.za. KOMGA 6-8, Komga-skou. Beeste: Pat Bailey, sel 082 327 2486. Perde: Helen Compton, sel 082 778 6294. Skape: Robbie Blaine, sel 082 424 5166. Vroue en jeugskou: Charli Fourie, sel 082 733 2106. VILLIERSDORP 14-15, Amerikaanse Saalperd, Walliese Ponie, SA Ryperd. Willem Roux, sel 079 706 0981. Stalletjies, J. le Roux, 082 722…

WORLD-CLASS BREED CHAMPIONSHIPS The Western Cape’s biggest red meat and dairy cattle interbreed championships take place in the world-class Biomin Show Arena, where sixteen cattle breeds not only compete against each other for the championship titles in their different categories, but also the sought-after titles of FNB Dairy Queen and BKB Supreme Beef King or Queen. MORE THAN 20 BREEDER’S SOCIETIES SUPPORT AGRI-EXPO LIVESTOCK With more than two hundred cattle of outstanding quality competing against each other in the Biomin Show Arena, this expo reflects the unique image of the South-African livestock industry. A wide variety of livestock and other animal breeds, portraying the quality of the dairy and meat products, are on display. THURSDAY 13 OCTOBER 2016 FRIDAY 14 OCTOBER 2016 SATURDAY 15 OCTOBER 2016…

HEINRICH BRUWER JUDGING CATEGORY: ANGUS Heinrich Bruwer started breeding stud cattle while he was still in school. He farms in the Vryburg region and runs Brahman, Santa Gertrudis and Simbra studs. His animals are high in demand and award winning bulls are sold to buyers in South Africa and other African countries. As one of South Africa’s youngest qualified interbreed beef cattle judges, Heinrich believes that there is no better way of marketing animals than in the show ring. JM STEYN JUDGING CATEGORY: ANGUS JM Steyn and his father Johan are the owners of the famous Vansia Angus Stud. As part of the Angus Alliance, JM is renowned for his passion for the Angus-breed, with an unquenchable enthusiasm for its future in South Africa. JM have earned wide acclaim for…