Indholdsfortegnelse for 11-Nov-16 i Landbouweekblad

— JOHANN ELS, senior eko› noom by Old Mutual. – Bl. 22 ‘Niemand – geen klein› of groot boere – weet van die boorgate wat gesink is nie.’ — ANNETTE STEYN, DA›skadu› ministervanlandbou. – Bl. 14 ‘Telefone lui eenvoudig net sonder dat dit beantwoord word. Ons is al raadop.’ — Anonieme koöperasie›amp› tenaar oor probleme met be› stellingsbyOBP. –Bl.16. ‘Dit is histories waar dat wit, kommersiële boere die meeste waterregte besit. Daar is niks daarmee ver› keerd nie, want hulle is die mense wat ons kos lewer.’ — MIKE MLENGANA, DG van Landbou. –Bl.18 ‘Jul geld is veilig. Ons be› leidsrigtings is gerig op ondersteuning van die pri› vate sektor.’ — JAPHEN MWAKALOMBE, Zambiese minister, aan poten› siële Suid›Afrikaanse landbou› beleggers. –Bl.21 ‘Dit sal die naasgrootste oes in die bedryf…

MNR. MICHRIS JANSE VAN RENSBURG boer wes van Bultfontein met mielies, skape en Brangus-stoetbeeste. Hy boer ook gereeld in die tydskrif met sy vernuftige ontwerpe om plaaswerk te vergemaklik — van ’n skeurploegroller vir ’n fyner saadbed tot sy opspraakwekkende gifplan teen springhaasrotte. Nou het hy ’n ou koringplanter in ’n sojaplanter omskep. Lees die artikel op bl. 52. VERTEL ONS VAN JOU GESIN. Ek en my vrou, Karlien, het drie kinders: Daniela (byna 16), Annemé (13) en Jedri (10). Daniela blink uit in swem, Annemé speel tennis (en sit dikwels die seuns ore aan met krieket) en Jedri is reeds ’n gesoute planmaker. Die tandeborsels wat ek steeds in my planterontwerp gebruik, was sy plan toe hy maar ses was. WAAR HOU JULLE VAKANSIE? Ons probeer elke jaar op…

GRAANBOERE van die Swart-land vaar vanjaar baie goed. Mnr. Wynand Heunis, landbouraadgewer by Overberg Agri op Moorreesburg, sê hulle hoor gereeld van boere wat 4 ton en selfs 5 ton koring per hektaar stroop. Die heersende weer vergemaklik die oesproses en sowat ’n derde van die oes is reeds in. “Die verwagte uitgerekte oestyd is weens vanjaar se droogte tydens planttyd en die vyf weke verskil tussen verskillende graanlande se ontkieming.” Koringopbrengste is in die algemeen beter as die langtermyngemiddelde van 2,9 t/ha vir die streek. “Ek sou sê ’n veilige syfer is 3 t/ha tot 4,5 t/ha, na gelang van die streek. Dr. Johann Strauss van die Wes-Kaapse departement van landbou se proewe op Langgewens lewer 4 t/ha tot 5 t/ha. Die meeste van die lewerings is van die…

BAYER, wat tot einde Maart die verspreider van entstowwe vir Onderstepoort Biologiese Produkte (OBP) was, sê hy het alle verpligtinge kragtens die ooreenkoms met OBP nagekom. Die maatskappy het op navrae gereageer nadat dr. Emily Mogajane, ’n direkteur van OBP, onlangs op Afasa se kongres gesê het hulle het agtergekom entstowwe word nie in afgeleë landelike gebiede afgelewer nie. “As verspreider van die produkte het ons aan al die streng vereistes van OBP voldoen. Lede van die publiek, wat boere in afgeleë landelike gebiede insluit, het almal toegang tot die produkte by ons kleinhandelverskaffers gehad,” sê me. Tasniem Patel, woordvoerder vir Bayer. Dr. Steven Cornelius, uitvoerende hoof van OBP, het aan die Parlement se portefeuljekomitee vir landbou, bosbou en visserye erken dat OBP die eerste drie maande probleme met verspreiding…

ONSEKERHEID voer steeds die botoon in weervooruitsigverslae vir Suid-Afrika se somerreëngebied. Die nuutste aanduidings voorspel natter toestande as aanvanklik verwag in die vroeë en midsomer (November tot Februarie), sê die SA Weerdiens in sy nuwe seisoensvooruitskouing. Dit lyk ook of die warmer as gemiddelde temperature wat aanvanklik vir hierdie tyd verwag is, minder striemend kan wees. Die Weerdiens voeg egter by dat die onsekerheidsfaktor steeds redelik hoog is. Daar is nie sterk tekens dat ’n amptelike La Niña – wat die kans op natter toestande sal verhoog – wel aan die ontwikkel is nie. “Die publiek word gewaarsku dat die land in die greep van ernstige droogtetoestande is. Dit is belangrik om ontwikkelings dop te hou wat die heersende vooruitsigte vir die somerseisoen kan verander.” Die ENSO-indeks, wat op die…

‘Ons dink die Tesourie doen die regte dinge om die ekonomie op die regte pad te hou.’ DIE ekonomie het “dramaties omgeswaai” en vertoon nou aansienlik beter as in die begin van die jaar. Spoke oor negatiewe groei, stagflasie en selfs vrese vir ’n resessie het vir eers gewyk, sê mnr. Johann Els, senior ekonoom by Old Mutual. Hy was ’n spreker by die onlangse Agridag op die Hamlet-kuns-en-kultuurfees op Prince Alfred Hamlet, naby Ceres. “Dit lyk of inflasie volgende jaar heelwat kan val en vooruitsigte vir rentekoerse begin beter lyk. Die ekonomie groei steeds swak, maar ons gaan nie ’n resessie binne nie.” Els is ook nie oortuig dat graderingsagentskappe Suid-Afrika in Desember gaan afgradeer nie. “Daar is ’n risiko, maar dis nie groot nie, of – soos die…

EEN van die grootste taaipitperske-oeste tot nog toe word vanjaar verwag, maar dit sal afhang of daar genoeg water is om die hele oes groot te maak tot Februarie. Mnr. Wiehahn Victor, hoofuitvoerende bestuurder van die Inmaakprodusentevereniging (IPV), sê die jongste skatting toon ’n reuse-oes van 172 200 ton. “Dit sal die naasgrootste oes in die bedryf se geskiedenis wees,” het hy op ’n inligtingsdag op Worcester gesê. Verlede jaar is 164 459 ton taaipitperskes geoes. “Die boorde het goed geblom en die jong bome het puik geset. Die blomdatum stem ooreen met die langtermyngemiddelde en die oes behoort op sy normale tyd (vol-gens die langtermyngemiddelde) gereed te wees.” Volgens Victor het kultivars, soos Cascade, Supreme en Golden Pride, ’n “reuse-oes” aan die bome. “Die grootste probleem is die uitdunkoste…

Soms wil jy iemand ná jou dood bevoordeel, maar weens die samestelling of aard van jou bates kan jy nie direkte bemakings doen aan elkeen afsondelik nie. Hoe dan gemaak? Jy kan in jou testament bepaal dat ’n gekose begunstigde sekere bates kan erf, maar dat jy dan ’n voorwaarde daaraan koppel. Byvoorbeeld, my seun Jan erf my plaas, op voorwaarde dat hy sy huis op die dorp aan my dogter, San, oordra. In so ’n geval sal Jan eers die reg verkry om die plaas te erf as hy sy huis op die dorp aan San afgestaan het. Doen hy dit nie, kan hy nie die plaas erf nie. Jy sal byvoorbeeld dan ook moet bepaal wat moet gebeur as Jan nie sy huis aan sy suster wil oordra…

Oor die algemeen is daar min begrip vir die indirekte of ‘onbedoelde’ maniere waarop onderdosering kan insluip. Die meeste klagtes oor swak onkruidbeheer is te wyte aan die toediening van onkruiddoders op maniere en in toestande wat nie optimaal is vir goeie onkruiddoderwerking nie. In Suid-Afrika is daar groot onkunde oor veral die belangrikheid van onkruid se optimale groeityd vir suksesvolle bestryding. Tog weet ons maar te goed dat onkruid op hul gevoeligste vir onkruiddoders is wanneer plante in die saailingstadium is, en dat gevoeligheid afneem soos plante ouer en groter word. Meerjarige gewasproduksie (boorde en wingerde) en geenbewerkingstelsels vir eenjarige gewasse het in gemeen dat onkruid op enige tydstip groot variasie in groeistadium kan vertoon. In sulke gewasstelsels is dit haas onmoontlik om bestaande onkruidplante vir bestryding uit te…

LIGGING Pretoria, Gauteng 1 Senior en grootkampioenbul, Mathomo Leroy PZ12/394. Eienaar: Bertie van Zyl Edms. Bpk. (navrae: mnr. Paul Bester, kuddebestuurder, sel 083 627 6899), Mothomo-stoetery, Mooketsi. Hanteerder: Mnr. Zero Moyo. 2 Senior en grootkampioenkoei, Mathomo Megan PZ11/178. Eienaar: Toerien-familie (sel 082 373 9100), Bakari-stoetery, Pretoria. Hanteerder: Mnr. Zero Moyo. 3 Reserwe senior kampioenbul, Mathomo Tommie PZ/08/0835. Eienaar: Bertie van Zyl Edms. Bpk. (navrae: mnr. Paul Bester, kuddebestuurder), Mothomostoetery, Mooketsi. Hanteerder: Mnr. Zero Moyo. 4 Reserwe senior kampioenkoei, Mathomo Katelyn PZ11/340. Eienaar: Toerienfamilie, Bakari-stoetery, Pretoria. Hanteerder: Mnr. Zero Moyo. 5 Junior en reserwegrootkampioen-bul, Mathomo Zeus PZ13/229. Eienaar: Bertie van Zyl Edms. Bpk. (navrae: mnr. Paul Bester, kuddebestuurder), Mothomo-stoetery, Mooketsi. Hanteerder: Mnr. Zero Moyo. 6 Junior kampioen vroulike dier, Mathomo Riley PZ13/179. Eienaar: Bertie van Zyl Edms. Bpk. (navrae: mnr. Paul…

Toe Tiaan Barkhuizen een middag met sy waghond moes raas toe dié twee susters wat verby sy plaaswerf gedraf het, wou bestorm, sou hy nie kon raai dat een van die drawwers sy meisie gaan word nie. Maar ná die eerste ontmoeting het hy begin uitkyk vir dié mooi blondekop, en nie lank nie of hy het die skoot hoog deur gehad. Wilma Jordaan het op Garies grootgeword en het onlangs die bestuur van die Garies-toerismestal by haar ma oorgeneem. Hier berei sy egte Namakwalandse skaapskenkelpastei en smullekker gebak vir toeriste. Maar dis vir Tiaan wat sy die graagste bederf met lekker eetgoed. “Jy kan mos sien in watter goeie kondisie ek is!” lag die man tevrede. Suurlemoenmeringuetert KORS 1 pakkie (200 g) Marie- of Tennisbeskuitjies, fyn gemaak 100 ml…

Bewaringsbewustes op Greyton het in 2011 ’n bouvallige en oorgroeide klipkraal en dipgat vir vee uit die laat 1800’s op die rivieroewer suidoos van die dorp gevind – die laaste landboukundige oorblyfsel uit die dae toe bestaansboerdery op Greyton aan die orde van die dag was. ’n Eertydse lugfoto van die dorpie het lede van Greyton se bewaringsvereniging gelei na die geboutjie buite die dorp. “Ons het dadelik al die bejaardes van die omgewing gepols om inligting oor die bouval te kry en só die feite bymekaargemaak,” vertel prof. Johan Kemp, reeds vir 13 jaar afgetree op die prentjiemooi Greyton in die Overberg. Hy was tot 2003 verbonde aan Tukkies se departement argitektuur. ONSTAAN VAN ’N LANDBOUDORPIE ’n Welgestelde Brit, Herbert Vigne, het die plaas Weltevreden in 1854 gekoop en…

Met FarmTrack kan ’n boer enige tyd sien wanneer die trekkers beweeg, teen watter spoed en dit dan met die kalibreringspoed vergelyk, sê Johan Pienaar, produksiebestuurder van ’n sharonvrugplaas buite Swellendam in die Wes-Kaap. “Jy kan ook sien hoe lank die bestuurder stilhou en hoe lank dit duur om brandstof in te neem. As ’n plaasbestuurshulpmiddel is dié toestel van onskatbare waarde.” Johan gebruik al die afgelope vyf jaar FarmTrack. Dit is ’n eenvoudige, dog doeltreffende GPS-moniteringstelsel op sy plaasvoertuie. Hy is veral tevrede met Farm-Track se tegnologiese vordering – veral omdat Suid-Afrika die enigste land in die Suidelike Halfrond is waar sharonvrugte verbou word. Pienaar gebruik FarmTrack op vier sharonvrugpersele – twee by die Buffeljagsrivier en twee by Bonnievale. Een van die grootste voordele van die gebruik van hierdie…

Wat die verbruiker wil hê en hoe die rooivleisprodusent daarby kan aanpas, was twee van die grootste vrae wat tydens die Aldam-vleisbeesskool deur ’n paneel kundiges bespreek is. Ongeveer 200 mense het die geleentheid bygewoon. Die vleisbeesskool word wêreldwyd hoog aangeslaan, sê dr. Michael Bradfield, organiseerder en hoof van Breedplan in Suider-Afrika. “Ons het in die jongste op-name onder deelnemers ook gesien sowat 60% van die boere het ook kleinveevertakkings. Gevolglik wil ons volgende jaar meer tyd aan skaap- en bokboerdery afstaan. Die klem gaan op presisieboerdery val en ons sal weer praktiese sessies en kundige sprekers kombineer om soveel as moontlik kennis aan die gehoor te bring.” VLEISGRADERING Sprekers het hul eie ervaring van en navorsing en menings oor die gradering en klassifisering van vleis bespreek. Die buitelandse sprekers…

Mnr. Nicol Jansen (regs), ondervoorsitter van Agri Noord-Kaap, het namens Agri SA die eerbewys as Landbouweekbladse Bedryfsrolspeler van 2016 ontvang. By hom is sy vrou, Lizel (links), en Chris Burgess, hoofredakteur van landboupublikasies by Media24. Personeel van GWK wat Ikoon-pryse ontvang het, was, van links, mnre. Coenie Bezuidenhout (besparing in sy werkwinkel), André Coetzee (aartappel-afdeling, Onderneming van die Jaar), Neil de Klerk (besturende direkteur se eerbewys), me. Marietjie Vermeulen (prys vir winsgroei), Andri Bezuidenhout (Sakepersoon van die Jaar), Kobie Greyvensteyn (finansieringsafdeling, Onderneming van die Jaar), mnre. Rocky le Roux (Korporatiewe Burgerskap) en Andreas Snyman van Triotrade (GWK se Filiaal van die Jaar). Ikoonontvangers is, van links, mnr. Tiaan Mülke van Douglas (Waxymielieprodusent van die Jaar), sy vrou, Anette, mnr. Craig Ferreira (produsent wat die meeste skape deur die jaar gelewer…

Die koeihotel vir melkbeeste op Sandringham. Al drie groot melkbeesrasse en 13 vleisbeesrasse was op die skou. Pluimveeboere, kleinveeboere en minder bekende veeboere, soos alpakkaboere, het ook met hul produkte kom spog. Verskaffers van produksiemiddele het ook verteenwoordigers gestuur. Die personeel van Afgri is, van links, mnre. Pieter Louw, tegniese raadgewer, Johan Laubser, herkouerspesialis, Henk de Weerdt, tegniese verkoopsbestuurder (Oos- en Wes-Kaap), en dr. Heinri Spannenberg, tegniese direkteur. BKB het, soos verlede jaar, skeerdemonstrasies aangebied. Die stadskinders kon ook sien hoe wol verwerk word en hulle kon aan dié natuurlike vesel va Die brandweer van die Kaapse Wynland-distriksmunisipaliteit het gesorg vir opwinding met sy demonstrasie en het terselfdertyd “per ongeluk” van die kinders in die skare natgespuit. Die skou se klem was op die jeug. Personeel van die wetstoepassingsafdeling van…

Die amptelike wyndruifoes vir vanjaar is 4,8% kleiner as verlede jaar s’n. In die Swartlandstreek was die oes amper 27% kleiner en in die Paarl 14%. Robertson en Worcester se oes het met sowat 5% toegeneem. Mnr. Christo Conradie, bestuurder van VinPro se wynkelderafdeling, skryf in ’n onlangse nuusbrief dat die eindvoorraad op 31 Desember vanjaar 494 miljoen liter gaan wees – 7% laer as verlede jaar. “Wat gunstig is, is dat daar ’n beter balans tussen die aanbod en die vraag is.” Conradie skryf die projeksie vir die uitkap en aanplanting van wingerd dui daarop dat die totale wingerdstand in die volgende vyf jaar met 12 000 ha kan afneem. “As alle markkragte in ag geneem word, is dit seker ’n normale of verwagte neiging, maar stuur ook ’n…

GAUTENG CARLETONVILLE OUDEDORP (376) 35 ha, aan A.S. Lingenfelder, van P.S. Bronkhorst, R2 460 000. VYFHOEK (428) 115 ha, aan E.C. Grobler, van J. de Beer, R1 955 020. VYFHOEK (428) 64 ha, aan E.C. Grobler, van Deo-Narno (Edms.) Bpk., R1 087 842. NIGEL MIDDELBURG OF MATJESGOEDKUIL (266) 51 ha, aan Ralethongoane-trust (Edms.) Bpk., van Sikhova Importers BK, R11 500 000. WITKOP (330) 277 ha, aan M&C Boerdery-trust, van J.F. Brits, R7 600 000. PRETORIA BOEKENHOUTSKLOOFDRIFT (286) 21 ha, aan R.G. Schulz, van Lowenburg Landgoed BK, R2 850 000. FAIRFIELD (238) 42 ha, aan Brizorex BK, van Frabojama Prop Holdings (Edms.) Bpk., R1 520 000. KLEIN ZONDER HOUT (519) 22 ha, aan Piri Konstruksie (Edms.) Bpk., van Jura Pluimveeplaas (Edms.) Bpk., R400 000. KROKODILSPRUIT (290) 39 ha, aan Solar Sales…

Afrikanerbeestelers is nou al besig om hulle gereed te kry vir die genootskap se volgende prestigeveiling in 2018. Dit volg op die sukses van die ekspo en nasionale Afrikaner-beesveiling op die Jakaranda-skou in Pretoria wat ’n omset van bykans R1,3 miljoen opgelewer het. Verskeie van die telers het sedertdien selfs buitelandse navrae gekry, te danke aan die Afrikaner se hitte-weerstandigheid. Mnr. Ben Foulds van die Pronk-stoetery van dr. Pieter de Kock van Thabazimbi, sê sedert die ekspo in Pretoria het hy baie navrae gekry uit die buiteland, van die LNR se Afrikanerkudde en ook van kommersiële telers wat vroulike diere aangeskaf het. Mnr. Nico van der Walt van die Esfané-stoetery, Brandfort, sê hy het onder meer navrae gekry vir die verskaffing van semen aan Afrika-lande. Hy gaan sy veilinginskrywings nou…

20 000 Johannesburgse huishoudings wat meer as 20 000 liter water per maand gebruik, staar nou drastiese boetes in die gesig. Die plaaslike owerheid is tot dié stap gedwing nadat huishoudings nie op beroepe tot waterbesparing gereageer het nie. In Waterval in Midrand is die gemiddelde gebruik 159 000 liter per huishouding. Die Vaalrivier is op sy laagste vlak in die geskiedenis. $420 milj Die verlies in die melkbedryf weens ’n dodelike mutasiegeen in een bul (Pawnee Farm Arlinda Chief) is ’n beraamde $420 miljoen. Dié bul (in 1962 gebore) het 16 000 dogters en 500 000 kleindogters gehad wat omtrent almal goed gemelk het. Die bul het ’n enkele geen gehad wat ongebore kalwers in die baarmoeder laat vrek het. Dit het tot sowat 500 000 aborsies gelei. –…

ANDERKANT DIE REËNBOOG WAAR LÊ DIE KNOOP? “Niemand weet regtig wat in sekere bedrywe aangaan nie,” merk die uitvoerende hoof van ’n toonaangewende landboubesigheid onlangs op ’n geselligheid op. As dié kaliber sakeman sukkel om uit te vind hoe dinge inmekaar steek, watter kans staan boere? Vat maar die gebrom oor die mieliemark – ’n betreklik klein mark wat deur een groot koper geswaai kan word of deur ’n wisselvallige rand vir ’n ses geslaan kan word. Terwyl mielieboere met onstuimigheid sukkel, is veeboere se probleem eerder te min daarvan, met gevolglike trae groei. En veeboere sit nog verder van die eindverbruiker as mielieboere. Tussen hulle en die winkelrak is die veeagent, die voerkraal, die slagplaas, die groothandelaar, verspreiders en die kleinhandel, wie se pryse hulle lelik die harnas injaag.…

‘TE MIN MANLIKE VEEARTSE’ Manlike veeartse is die “mees bedreigde spesie” in die dieregesondheidsbedryf, sê die Suid-Afrikaanse Veterinêre Raad. DINKY HARMSE skryf: Ek sal ook graag ’n kursus in veeartsenytegnologie of -verpleegkunde wil voltooi, maar het my matriek in 1987 verwerf en nooit die geleentheid gehad om dit te doen nie. Ek sal graag wil weet of ek nog kan en waar ek om ’n studiebeurs in daardie rigting kan aansoek doen. THEO skryf: Gee my ’n beurs, dan word ek een. HANNELIE skryf: Ek wonder waar lê die probleem? Beslis nie by te min belangstelling nie. Doen gerus navorsing oor die keuringsproses en kyk na die getal blankes wat gekeur word. Met vanjaar se Januarie-inname is minder as 20 blanke seuns gekeur. ANS WATKINS skryf: Vroeër jare was die…

MLND (dodelike mielie-afsterwingsiekte), ’n siekte wat ’n mielie-oes heeltemal kan uitwis, is besig om stadig sy weg te baan uit Oos-Afrika na Suid-Afrika. Dit kom reeds in Tanzanië voor. Die siekte, wat ’n bedreiging vir voedselsekerheid in Afrika inhou, is ’n kombinasie van twee virusse – die chlorotiese streepvirus wat by mielies voorkom, en enige virus in die Potyviridae- groep, soos die mosaïekvirus wat by suikerriet voorkom. Dubbele besmetting met dié twee virusse lei tot MLND. Die siekte is die eerste keer in September 2011 in Afrika (in Kenia) opgemerk. Die omvang daarvan was van so ’n aard dat dit waarskynlik al geruime tyd daar voorgekom het. Daarna het dit ook vinnig na Tanzanië, Uganda en Suid-Soedan versprei. Die siekte is voorheen ook al in onder meer Amerika, Mexiko, Argentinië…

WEENS die vorige seisoen se droogte en kommer oor reënvalvoorspellings, het produsente aangedui dat hulle minder kan plant as verwag, volgens ’n verklaring van Absa-Agribesigheid. Aanplantings kan herstel van die vorige seisoen se 1,95 miljoen ha, maar die voorgenome 2,46 miljoen ha is steeds nie genoeg om in die Suider-Afrikaanse Doeane-unie (en Suid-Afrika) se mieliebehoefte te voorsien nie. Die aanplant van wit mielies sal genoeg herstel om in die plaaslike aanvraag vir menslike gebruik te voorsien, maar sal nie genoeg wees om ook voer te maak nie. Suid-Afrika sal steeds 1,2 miljoen ton geel mielies moet invoer, en ook 520 000 ton van die wit mielies wat geproduseer word, moet gebruik om in die behoefte aan dierevoer te voorsien, sê die bank. Kopers sal steeds ’n premie moet betaal, hoewel…

DIE Senekal-boerdery is ná verskeie besoeke aan Zambië gereed om in dié land betrokke te raak, het mnr. Dreyer Senekal, seun van die megaboer mnr. Charl Senekal, op ’n seminaar van Agri All Africa gesê. “Zambië het alles: Wonder-like, wonderlike mense, watersekerheid, padinfrastruktuur, elektrisiteitsuitbreiding, toegang tot top-regeringsamptenare deur bloot die telefoon op te tel, 99 jaar huurpag of titelaktes vir grond, en ’n stabiele regering wat vir ’n stabiele land sorg,” Die seminaar oor landboubeleggingsgeleenthede in Zambië is in Centurion gehou. Senekal het gesê die probleme wat hul boerdery in Suid-Afrika ervaar, is grondhervorming, veiligheidskwessies en gebrekkige regeringsteun aan boere rakende water en veiligheid. Daar is natuurlik ook probleme om in die buiteland te boer, soos sekerheid oor grond en water, elektrisiteit, taal en padinfrastruktuur. Die voordele is egter dat…

MNR. Boyce Lloyd, wat nou betrokke was by die AB Imbev/ SAB Miller-samesmelting, sal van vandeesmaand af die leisels hou as hoof- uitvoerende beampte by KWV. ’n Transaksie waartydens Vasari die KWV se bedryfsbates vir R1,15 miljard gekoop het, is suksesvol voltooi ná reusesteun uit aandeelhouersgeledere en met die SA Mededingingskommissie se goedkeuring. Luidens Vasari se aankondiging is Lloyd ’n senior uitvoerende direkteur van SABMiller, met meer as twee dekades se ondervinding in Afrika en Latyns-Amerika. Sy mees onlangse pos was as direkteur van integrasie vir die AB Imbev/SABMiller-samesmelting. Vasari se mnr. Pedro Lotra sal die KWV se voorsitterstoel beklee. Mnr. Ken Allan, voorheen van die drankmaatskappy Diageo, is aangestel as uitvoerende hoof vir Suid-Afrikaanse markte. Vasari het meer as drie dekades se ervaring van handelsmerk-verbruikersgoedere. Die groep is teenwoordig…

‘Enige ongemagtigde watergebruik is onwettig.’ ALLE boere wie se waterregte ouer is as die Nasionale Waterwet (Wet 36 van 1998) gaan in die nabye toekoms dié regte moet formaliseer in oorleg met konsultante van die Departement van Water en Sanitasie. Dit staan bekend as die proses van verifikasie en validasie (ondersoek en bevestiging). Dit is deel van ’n beweging in die departement om daardie waterregte wat onder die vorige wet gevestig was, te bevestig. Dit raak nie watergebruikslisensies wat kragtens die huidige wet uitgereik is nie. Boere is bang dat dié proses misbruik kan word, maar kenners benadruk dit is ’n interaktiewe proses en dat hul regte nie summier opgeskort sal word nie. Dele van die Vaal- en Oranjerivier is al afgehandel, en tenders word gefinaliseer vir die Limpopo-, Vaal-…

Kunsmis is steeds ’n saaiboer se grootste enkele produksie-uitgawe, maar ook die een wat die grootste opbrengs op belegging in jou oes lewer, sê mnr. Johann Mostert, agronoom en bemestingkundige van Profert op Malmesbury. Die vraag op almal se gemoed is of dit moontlik is om bogemiddelde opbrengste en inkomste met laer besteding aan bemesting te handhaaf. BEREKEN SPAARRESERWES Wanneer jy ernstig na die besnoeiing van bemestingsproduksiekoste moet kyk, is dit belangrik om uit opgeboude voedingstofreserwes in die grond voordeel te trek, sê hy. Grondontledings van individuele lande is in hierdie geval die beste riglyn. As die ontledings wys dat die vlak van fosfor (P) en kalium (K) hoog is, is daar weinig kans dat die normale seisoenale toediening van dié voedingstowwe ’n ekonomiese reaksie gaan oplewer, sê hy. Hy…

Uitstekende boere is in die kollig in die veertiende Bees- en Skaapboer van die Jaar-kompetisie. Volgens mnr. Hendrik van Pletzen van Voermol spreek dit van die kaliber boere wat steeds vertroue in Suid-Afrika het. Van die drie beesboerfinaliste is twee stoettelers. Al drie boere verkoop speenkalwers aan voerkrale of regstreeks aan abattoirs. “Dit was opvallend dat ál drie finaliste ’n baie duidelike toekomsvisie het. Hulle is gemotiveerde, kritiese boere wat diep grawe om self geleenthede te ontwikkel,” sê mnr. Dawie Maree, bestuurder van nasionale inligting en bemarking by FNB. Dit was opmerklik dat die boere se bestuursvernuf hulle in staat gestel het om hul boerdery aan te hou uitbrei, ondanks die droogte. Dít is die verskil tussen ’n goeie en ’n uitstekende boer. Mnr. Julian Southey van Middelburg, Oos-Kaap, een…

Knaagdiere kan groot skade aanrig. Watter plan kan ’n mens maak? Uile is uiters nuttig in die bestuur van knaagdierprobleme en kan hul eie plekkie op die plaas volstaan, maar dan net as die knaagdierdoderkeuse korrek is en die produkte reg gebruik word. Uilsitplekke langs landerye of in die veld is ’n goeie metode om die nagtelike jagters te lok. Sulke sitplekke moet uit twee dele bestaan: Een stel sitplekke van 1,4 m hoog vir die vleiuile en 2,4 m hoog vir gevlekte ooruile en nonnetjiesuile. Sulke sitplekke kan van 50 mm-houtplaatjies gemaak word. Uile verkies paaltjies sonder ’n dwarslat bo-op. Nonnetjiesuile en vlei-uile sal die kleiner knaagdiere, soos nag- en veldmuise, aanvat, maar dit verg ’n gevlekte ooruil om die groteres, soos dak- en vleirotte, te vang. Een paar…

Tradisionele Kersfeeskoek Hierdie resep lewer twee hoë, ryk vrugtekoeke, propvol kersies, neute en Kersfeesgeure. Hou die koek goed toegedraai en klam elke week of twee aan met ’n bietjie brandewyn, tot net voor Kersfees. Die koek vries ook goed. 1 kg vrugtekoekmengsel (rosyne, kersies, korente, sultanas en versuikerde sitrusskil) 2 pakke (250 g elk) ontpitte dadels, fyn gesnipper 250 ml brandewyn 430 g sagte botter of margarien 410 ml suiker 9 ekstragroot eiers 4 x 250 ml koekmeel 125 ml bruismeel 5 ml koeksoda 5 ml kaneel 5 ml fyn gemmer 2 ml neutmuskaat 2 ml gemengde speserye 5 ml kakao 60 ml gouestroop 250 g rooi glanskersies, gesnipper Brandewyn, om oor te sprinkel Verhit die vrugtekoekmengsel, dadels en brandewyn in ’n kastrol tot kookpunt. Prut vir 1-2 minute, verwyder…

“ I eder woelt hier om verandering en betreurd zich dag na dag.” Ek onthou hierdie reëltjie uit ’n ou kerklied so goed asof ek dit nog gister gesing het. Dis juis die laaste deel van die sin wat soos ’n flikkerende gevaarlig by my bly. As ons die woorde reg vertolk, beteken dit dat verandering nie altyd vreugde bring nie, maar selfs betreurenswaardig kan wees. Dat verandering dikwels ’n verkoopstegniek is wat ’n kolossale ekonomie ontsluit, is algemene kennis. Dink maar aan die modegiere wat miljoene mense soos kuddediere saamsleep. As ’n modeskepper êrens besluit ’n denimbroek lyk mooi as dit stukkend geskeur word, is daar nie ’n tekort aan volgelinge nie. Dit kan selfs ekonomies wees as ’n weggooi-broek weer nuwe waarde kry! Verandering moenie sonder meer ontmoedig…

Dana Incorporated het ’n splinternuwe webwerf met die nuutste tegnologie aangekondig. Die webwerf is toegespits op die verskaffing van ’n magdom inligting aan die grootste deel van sy wêreldmark, insluitende Europa, die Midde-Ooste, Afrika en Rusland. Die webwerf, www.Spicer Parts.com, bied inligting vir die hele reeks Spicer- onderdele aan kliënte – van handelaars en verspreiders tot eindgebruikers en motorgeesdriftiges. Met die duidelike uitleg wat maklik is om te navigeer en die intuïtiewe ontwerp wat gebruikers intrek, help die splinternuwe SpicerParts.com alle kliënte en potensiële kliënte om waardevolle inligting oor egte Spicer-onderdele te verkry. Die soekfunksie is doeltreffender en gebruikers kan vinnig die spesifieke onderdeel waarna hulle soek, vind deur middel van gebruiks- en kategorie-soektogte. Wanneer die gebruiker op ’n onderdeelblad is, kan toepaslike lektuur afgelaai, verwante produkte opgespoor en ’n…

Voerbeet is ’n spesia› lisgewas wat goeie bestuur en beplan› ning verg, maar wat die potensiaal het om met gemak tot 20 ton voer per hektaar te lewer. Beta vulgaris is ’n knolgewas met ’n groot produksiepotensiaal wat eers in die jongste dekade ’n regmatige plek in voerstelsels ge› kry het. Dit is ’n goeie bron van energie en kan deel wees van ’n gemengde voerrantsoen of as regstreekse beweiding. ’n Struikelblok in die pad van ’n meer algemene gebruik van voerbeet as deel van ’n voerpro› duksiestelsel het by misverstan› de rondom toksisiteit ontstaan. In die verlede het dit die gewild› heid en benutting daarvan groot› liks benadeel. Baie navorsing is in die afgelope paar jaar in die Suidelike Halfrond gedoen om dié gesogte gewas suksesvol te verbou en…

Van links is mnre. Leon Rix van die plaas Geduld naby Philippi saam met Wynand Wessels van Agri Expo en Hein Vollgraaff van BKB. Van links is mnre. Piet en Gerhard du Toit, Anton Botes van die maatskappy Coreline, Johan Meyer van die plaas Groot Sleutelfontein naby Prins Albert, Nico en Hentie Lerm van die wildplaas Lasarus naby Albertinia. Van links is mnre. Thinus Smith, Lex Visser, mnr. Emile en me. Angelika van der Merwe, saam met mnr. Gawie du Bois, almal van die landbougenootskap Stellenbosch. Van links is mnr. Nelius Nel, ’n meesterstudent in dieregenetika aan die Universiteit Stellenbosch (US), Bridget Cockcroft, ’n meesterstudent in enkelmaagvoeding aan die US, en me. Retha Engels, mnr. Ruan Aucamp en me. Angelique Henn, almal veekundestudente in hul finale jaar aan die US.…

Mnr. Jozua du Plessis van Delmas is 2016 se Graanprodusent van die Jaar. Van links is mnre. Jaco Minnaar, voorsitter van Graan SA, Antonie Delport, besturende direkteur van Syngenta SA, Ruan en Chandré du Plessis (Jozua se seuns), Jozua sr., sy vrou, Sonja, en Jozua jr. en sy vrou, Carolien. Mnr. Sizwe Ngwenya van Louwsburg, Graan SA en Syngenta se Kleinboer van die Jaar (boer op minstens 10 ha, maar verbou minder as 250 ton graan). Mnr. Frans Mokoena, Nuwe Era Kommersiële Boer van die Jaar, ontvang ’n sleutel van ’n nuwe John Deere-trekker wat hy as prys gekry het. Van links is mnre. Caleb Varner, bestuurder van kleinhandelfinansiering in Afrika suid van die Sahara by John Deere Financial, Mokoena en sy eggenoot, me. Agnes Motse, en Ferdie Marx, bestuurder…

Lede van Azef het hul kommer uitgespreek oor die gapings in hul kennis oor die biodiversiteit en ekologie van die Karoo en hoe dit besluitneming kan beïnvloed. Van links is mnr. Noelle Oettle van die Environmental Monitoring Group en dr. Jo McAulliffe van die Desert Botanical Garden in Arizona, Amerika. Dr. Helga van der Merwe (links) van die omgewingsbewaringsnetwerk Saeon se afdeling vir dorre gebiede en me. Halcyone Muller van Bewaring SA. Van links is me. Michelle Duncan van die Universiteit Stellenbosch, mnre. Leonard Ndou van die omgewingsbewaringsnetwerk Saeon se afdeling vir dorre gebiede, Clement Cupido van die Landbounavorsingsraad en me. Samantha de la Fontaine van die Noord-Kaapse departement van omgewing en natuurbewaring. Wetenskaplike referate op die forum het sterk gekonsentreer op die resultate van langtermynwaarneming wat op verskillende plekke…

Vanjaar se rooibos-oes was “ ’n bietjie groter” as verlede jaar s’n, maar steeds aansienlik kleiner as die vraag na tee, sê mnr. Martin Bergh, besturende direkteur van Rooibos Bpk. op Clanwilliam. “Dit is te vroeg om noukeurige antwoorde te kry oor die volgende oes, maar dit lyk of dit ’n bietjie groter as vanjaar s’n sal wees. Ons verwag dat volgende jaar se oes ook kleiner as die vraag sal wees, maar dat die aanbod en die vraag stadig nader aan mekaar beweeg.” Rooibos Bpk. het vanjaar R45/ kg tee betaal aan boere wat aan hom lewer. Bergh sê hulle het nog nie ’n prys vir volgende jaar vasgestel nie. In die lig van die hoë prys verwag hy dat boere vanjaar meer tee sal aanplant. Hoewel rooibosboere vanjaar…

Die volgende ontleding van grondverkope in Suid-Afrika is van transaksies vir grond wat groter is as 20 ha in Gauteng, die Noord-Kaap en Mpumalanga vanaf Augustus 2015 tot Julie 2016. Altesame 263 transaksies is in 22 distrikte in die Noord-Kaap gesluit wat 536 188 ha teen R 1,912 miljard behels het. By 11 van die distrikte is dalende prysneigings waargeneem, wat die invloed van die droogte weerspieël. Uit die verkope was 29 transaksies van kleur (11%). Dié soort transaksies sluit in aankope tussen individue, regeringsaankope van landbougrond (9) asook grond verkry vir munisipale gebiede, en private aankope (21). Die meeste transaksies (177, of 67% van die totaal) was vir grond groter as 300 ha. In Gauteng was daar 450 transaksies wat 80 440 ha teen R5,809 miljard behels het. Daarvan…

ALGEMEEN 14 DESEMBER: Anton Goosen, opelug-vertoning. Stanford Valleygasteplaas. 028 34 1 0340. E-pos: marketing@stanfordinfo.co.za. KURSUSSE 16 NOVEMBER: Winsgewende Boerbokboerdery. Potchefstroom. Johan Steyn, sel 072 594 4626. Web: www.boerbokke.co.za. 17-18 NOVEMBER: Kommersiële fynproewer-sampioenverbouing. Johannesburg. (Alternatiewelik via rekenaargesteunde onderrig.) Dr. Adriaan Smit, sel 082 749 8553. 21-23 NOVEMBER: Kunsmatige inseminasie: Beeste. Krugersdorp. Di Rothman, sel 082 772 1208. Andy, sel 082 770 0480. Web: www.rltsafrica.com. 21-23 NOVEMBER: Kunsmatige inseminasie: Skape. Krugersdorp. Di Rothman, sel 082 772 1208. Andy, sel 082 770 0480. Web: www.rltsafrica.com. 24 NOVEMBER: Dragtigheidswaarneming: Beeste. Krugersdorp. Di Rothman, sel 082 772 1208. Web: www.rltsafrica.com. 25 NOVEMBER: Kalfgrootmaak. Krugersdorp. Di Rothman, sel 082 772 1208. Web: www.rltsafrica.com. 29 NOVEMBER-1 DESEMBER: Kunsmatige inseminasie: Beeste. Windhoek. Di Rothman, sel 082 772 1208. Web: www.rltsafrica.com. 28–29 NOVEMBER: Veeversorging. Krugersdorp. Di Rothman, sel 082…

NOVEMBER WILLOWMORE 8-10, SA Sybokhaarkwekersvereniging se nasionale Angorabokskou. Willowmore-skouterrein. Petri Maré, tel. 079 236 7823, 049 836 0140. DESEMBER PARYS 1-3. Xmas-fees. Saalperdskou. Afridome, Parys. Tersia Malan, sel 082 462 8547; Amanda Dedwith, sel 082 651 4468. Hackney-ponies en groot Kersmark ook te sien. 2017 MAART SWELLENDAM 2-4, Swellendamskou. Miriam Bas-son, sel 082 788 6544. APRIL LICHTENBURG 26-29, Eeufeesskou. Beeste: Simmentaler (nasionaal), Brahman en Limousin (streek) en ander rasse. Kleinvee: verskeie rasse. Derick, sel 079 602 5376. E-pos: derick@xourel.co.za. Skougenootskappe kan Landbouweekblad by Posbus 1802, Kaapstad 8000 (faks 021 406 2924) of by lbw@landbou. com  van hul skoudatums voorsien. Kansellasies of datumveranderings moet ook skriftelik gedoen word. Kampioenskapskoue verskyn tussen hakies.…

’n Volhoubare voedselstelsel wat voedingswaarde ’n voorrang› saak maak, vermorsing tot die minimum beperk en werk skep, is noodsaaklik in Suid›Afrika, ’n land waarin die helfte van huishou› dings nie voedselsekerheid het nie, het mnr. Scott Drimie, direkteur by die Suid›Afrikaanse Voedsellaboratorium, in die sakeblad Business Day geskryf. Verstedeliking, die neiging om kos te koop pleks van om dit self te produseer, ’n afname in landboubeleggings, die uitputting van die land se visvoorraad en die toenemende veranderlikheid in reënval dra alles by tot betekenisvolle veranderinge in die Suid›Afrikaanse dieet. Boonop bestee huishoudings met ’n lae inkomste tot twee der› des van hul inkomste aan kos, wat lei tot ’n bevolking wat goedkoper, hoë›energie geriefskos met min voedingswaarde verkies. Kos, water en energie is interafhanklik van mekaar, maar Suid›Afri› ka benader…

OM DIE MA VAN ’N PLAASSEUN TE WEES . . . Jy weet ’n groot deel van die dag glad nie waar jou seun homself bevind nie, maar op ’n manier pla dit jou nie veel nie, want honger en dors ly hy nie. Een of ander plaaswerker by wie hy aanklank vind, sorg liefdevol vir hom. Deel sy “skaftien”, sy water . . . Boetman smul saam aan pap en hoenderpote, maar trek party dae sy neus op vir Mamma se kookvernuf! Hy kan op die ouderdom van sewe enigiets met wiele bestuur. Jy leer om jou senuwees te beheer en vertrou volkome op die beskerming van Bo. Jou tuin word altyd bewerk. Speelgoedtrekkers en -werktuie maak oral hul verskyning. In jou nuut aangeplante bedding troon ’n draadspilpunt (eintlik…

ME. ANNETTE STEYN, die DA se skaduminister van landbou, kan steeds geen spoor – of gat – vind van die boorgate wat die staat glo in die droogte geboor het om waternood te verlig nie. Die droogtetaakspan van die Regering het vroeër gesê meer as 7 487 boorgate regoor die land is in ’n werkende toestand. Die Departement van Landbou, Bosbou en Visserye kan steeds nie verskeie vrae van Steyn in hierdie verband beantwoord nie, soos waar die boor-gate gesink is, hoeveel dit gekos het en of daar water gevind is. Dít het aan die lig gekom toe die departement verslag gedoen het aan die Parlement se portefeuljekomitee vir landbou. Mnr. Mike Mlengana, direkteur-generaal van die departement, het gesê die departement het sedert 2008 reeds 1 276 boorgate gesink en…

1 ZAMBIË | Nuwe besem by ZNFU Die Zambiese landbou-unie (ZNFU) het mnr. Jervis Zimba op sy kongres verlede week tot voorsitter verkies. Die ZNFU staar ’n onseker toekoms in die gesig nadat dr. Evelyn Nguleka, vorige voorsitter, en mnr. Ndambo Ndambo, uitvoerede hoof, uit hul poste moes bedank ná hulle in hegtenis geneem is en klagtes van bedrog en geldwassery in September teen hulle aanhangig gemaak is. Nguleka het ook bedank as die voorsitter van die Wêreldorganisasie vir Boere (WFO). “Die nuwe raad sal sy aandag daarop vestig om onafgehandelde sake te hanteer, verhoudings weer op dreef te kry en om die ZNFU se posisie, naam en invloed op tuis-, streeks- en internasionale vlak te herstel,” het Zimba in sy openingstoespraak gesê. – Africanfarming.com 2 NAMIBIË | Uitvoer van…

 DIE veranderinge aan die Water› wet moet “revolusionêre” water› transformasie bring, maar nie ten koste van kosproduserende, kommersiële boere nie. ‘In Suid-Afrika moet almal van ons oor water besorg wees.’ Dit was die oorwegende denk› rigting op ’n vergadering van die Parlement se portefeuljekomitee vir water en sanitasie, waar die impak van wetwysigings rakende oewerregte bespreek is. Die plan is om die afloopklou› sule rakende oewerregte heelte› mal van die wetgewing te verwy› der om die onbedoelde gevolge van die huidige waterbeleid om te keer. Die Regering het met sy grondhervormingsprogram agtergekom dat ’n skuiwergat in die ou wetgewing dit moontlik maak om die grond en die water› regte te skei, wat beteken dat dit apart verhandel kan word. Mnr. Marius Keet, ’n hoof› direkteur by die Departement van Water…

Om die weer se patrone en nukke te voorspel, is nie ’n maklike taak nie – vra maar vir prof. Peet Pienaar, een van SA se bekendste weerkykers. Landbou.com het met hom gesels oor die vooruitsigte in die winter- en somerreëngebied*. WINTERREËNGEBIED Ligte reën op 10 Januarie, 10 April en 26 April. Ligte buie op 11 Februarie en reën op 15 Augustus en 3 Desember. Reëntyd in die Wes-Kaap begin op 25 Mei. Sterk suidoostewind oor die Wes-Kaap op 10 Januarie. Sterk suidooster op 4 Februarie. Winderige weer op 12 en 28 Maart. Wind, onstuimige see en reën op 13 September. Bewolkte weer en hoë deinings op 12 Maart en 11 April. Bewolk op 4 November. Bewolk, winderig en reënerig op 12 Oktober. Hoë deinings en onstuimige see op 10…

TERMYNKONTRAKTE vir Zambiese wit mielies, koring en sojabone kan binnekort beskikbaar wees. Beleidskonsekwentheid in die land se graanmark is egter nog ’n groot kwessie. Verteenwoordigers van die JSE, die Zambiese kommoditeitsbeurs, ZAMACE, en ander belanghebbendes het onlangs vergader vir laaste voorbereidings rondom die beoogde graankontrakte. Mnr. Chris Sturgess (foto), direkteur van die JSE se mark vir afgeleide instrumente, sê een van die groot bekommernisse is dat die Zambiese regering op kort kennisgewing grense kan oopof toemaak. DUIDELIKER BELEID Volgens hom behoort die regering meer gestruktureerde beleidsrigtings vir die verskuiwing van graan op streekvlak in te stel. “Vir markte om doeltreffender te werk, is voorspelbare beleidsrigtings nodig. Die likiditeit van die kontrakte sal die sleutelsuksesfaktor wees. Dit sal ongetwyfeld makliker wees as ons deelnemers in die streek kan insluit om op…

Tydens sy mediumtermynbegroting het mnr. Pravin Gordhan, Minister van Finansies, weer gewys op al die bekende aspekte wat nodig is om die ekonomie op die regte groeipad te plaas. Die ekonomie moet groei; werk moet geskep word; die staatsbegroting moet beter gebalanseer wees om staatskuld in bedwang te hou; staatsbesteding aan salarisse moet ingeperk word; die private sektor en die staat moet saamwerk om ’n groeiplan te implementeer. Hy het ook weer verwys na die noodsaaklikheid van die implementering van die Nasionale Ontwikkelingsplan. In die voorstelle wat Gordhan tydens sy rede gemaak het, is weer heelwat beloftes gemaak. Die vraag is: Gaan dié beloftes deurgevoer word in aksieplanne om die gewenste resultate te kry en Suid-Afrika op ’n ekonomiese groeipad te plaas? Gordhan het in uiters moeilike politieke en ekonomiese…

Selfs met normale reënval gaan Suid-Afrika se besproeiingboere en ander waterverbruikers in die volgende paar jaar aan waterskaarste uitgelewer wees. Me. Felicity Michell, adjunkbestuurder van die Kwazulu-Natalse departement van landbou en landelike ontwikkeling se afdeling vir hulpbronbestuur, sê die droogte is nog nie verby nie en waterbeperkings gaan nog lank geld. Uit party damme word geen onttrekking vir besproeiing meer toegelaat nie en uit ander is die besproeiingbeperking 50%. “Ons watervoorraad is op ’n kritieke vlak. Daar is boonop gewoonlik ’n tydsverloop vanaf betekenisvolle neerslae, wat genoeg is vir afloopwater, tot wanneer grondwater en waterdraers uiteindelik aangevul word. Dit gaan ook met ’n hoë erosierisiko gepaard,” het Felicity op die jaarlikse bewaringslandboukonferensie van KwaZulu-Natal se geenbewerkingsklub op Bergville gesê. Sy het ’n beroep op besproeiingsboere gedoen om in die tye…

MNR. HEINRICH BRUWER. Reeds op skool kon jy Heinrich altyd tussen ’n trop beeste op hul plaas, Lovedale, naby Vryburg in Noordwes aantref. “Hy het ’n ongelooflike passie vir beeste en sy kennis en aanvoeling vir dié diere kom duidelik na vore in ál sy kuddes op die plaas,” sê mnr. Martin Seyfferdt, een van die beoordelaars en bekende kudderaadgewer. Heinrich se trots is sy Brahmanstoetery. Hy het onlangs ’n embriospoel- en inplantingsgerief gebou. “Deur embrio’s van die beste teeldiere te spoel en in surrogaatkoeie in te plant, versnel ek die pas waarteen genetiese vordering in my kudde kan plaasvind. Boonop voeg dit heelwat waarde toe tot ’n surrogaatkoei wat voorheen hoogstens ’n gemiddelde speenkalf sou lewer, want ek kan geneties swakker koeie gebruik om die embrio’s te dra en…

KRISTALLE JOU EIE WEERVOORSPELLER Die Kikkerland Storm Glass is ’n barometer wat op atmosferiese wisselings reageer om die weer te voorspel. Die eerste van hierdie soort weervoorspellers is deur Robert FitzRoy, kaptein van die HMS Beagle, ontwikkel. FitzRoy was nie net ’n offisier in die Britse vloot nie, maar ook ’n wetenskaplike. Die Kikkerland Storm Glass is op sy ontwerp geskoei. Die Kikkerland Storm Glass bestaan uit ’n verseëlde glashouer, gevul met vloeistof en kristalle. Die kristalle koek saam of breek op en vertoon verskillend na gelang van veranderinge in die lugdruk of temperatuur, waarvolgens weervoorspellings gemaak word. Prys: R269 (BTW ingesluit). NAVRAE: The Gadget Shop, e-pos: web@thegadgetshop.co.za; webwerf: www.thegadgetshop.co.za; tel. 010 110 0806. LEER SPEEL-SPEEL O, BOEREPLAAS, GEBOORTEGROND! Dié eg Suid-Afrikaanse bordspeletjie, Boereplaas, is vernuwe om met moderne boerderyneigings…

In die splinternuwe negende uitgawe van ons kostydskrif, Boerekos, is daar heerlike resepte vir tradisionele en kortpad-Kersfeesgebak. Panettone Panettone is ’n tradisionele Italiaanse soeterige, botterverrykte gisbrood wat tradisioneel met rosyne, sultanas en sitrusskil gebak word en ook meestal ’n bietjie rum inkry. Dit word gedurende die Kerstyd in Italië geëet. Ek het die klassieke metode effens vereenvoudig en eerder Kersfeesspeserye as sitrusskil bygevoeg. Laastens het ek die vrugte eerder in brandewyn as rum laat prut. Die resultaat: ’n Afri-Italiaanse affêre – lekker genoeg om elke dag tee eet. 80 ml brandewyn 180 ml plomp, pitlose rosyne 750 ml koekmeel, plus ekstra meel vir knie 2 pakkies (20 g) kitsgis 100 ml strooisuiker 5 ml fyn kaneel 5 ml gemengde speserye 3 ml neutmuskaat 5 ekstragroot eiers 100 ml warm melk…

Bell se L-reeks veeldoelige laaigrawe (TLB’s) word aangedryf deur die bewese, betroubare John Deere Power-Tech™-enjin. Met die vyfgang outomatiese ratkas vir gladde ratwisseling kan die 315SL ’n topsnelheid van 40 km/h haal. Belangrike kenmerke sluit in: Beperktegly-ewenaar op die vooras en volsluitende ewenaar op die agteras vir die beste trekkrag en vierwielaandrywingsverrigting in sy klas. Standaard-asverkoeling. Standaard- sleutellose aanskakeling en ’n masjiensekuriteitstelsel. ’n Verbeterde laaigraaf-beheerhandvatsel met ’n ergonomiese ontwerp wat vingerpuntbeheer in die handvatsel inwerk. ’n Veelfunksie-hefboom op die stuurkolom om ligte, ruitveërs en flikkerligte te beheer, sodat die bestuurder op sy omgewing kan konsentreer terwyl hy in die laaigraafposisie werk. ’n Eksklusiewe digitale monitor bied die beste aanboorddiagnostika, -kalibrering en -masjieninligting in sy klas vir maklike instandhouding en om die opstelling van gebruikersvriendelike masjienkenmerke moontlik te maak om produktiwiteit…

Soos in ’n hekkieswedloop moet Suid-Afrika oor tien hekkies spring om brucellose doeltreffender te bekamp. Dr. Willem Schultheiss, sake-eenheidsbestuurder vir herkouers by die dieregesondheidsmaatskappy Ceva, het op ’n beesboeredag in die Kroon Boma naby Kroonstad gesê brucellose is ’n soönose; dus ’n siekte wat van dier na mens oorgedra kan word. By die mens staan dit as maltakoors, brucellakoors of wisselkoors bekend. Dit veroorsaak onder meer breinvliesontsteking en kan die hart en skelet aantas. Die mens doen besmetting op met regstreekse kontak met ’n besmette dier (grootliks beeste, skape en bokke), vaginale uit- en afskeidings en die inname van ongepasteuriseerde melk. Soos die siekte se naam aandui, veroorsaak brucellose aborsie in die middel tot laat stadium van dragtigheid by vee. As die siekte in ’n beeskudde uitbreek, kan ’n boer…

SENTRAAL Landbouskrywers SA se wenners in die sentrale streek is, van links, dr. Mias van der Westhuizen en mnr. Nick Serfontein (onder› skeidelik Vrystaatse Landboukundige en Boer van die Jaar), mnr. Eric Ntlhaba (Nuwe Toetreder tot die Kommersiële Landbou), en mnre. Vickie Bruwer en Hannes Hattingh (onderskeidelik Noord› Kaapse Boer en Landboukundige van die Jaar). Van der Westhuizen is ’n weidingkundige wat die afgelope 28 jaar baanbrekerswerk gedoen het met die tegniek om veldtoestand te bepaal. Serfontein het sy familie›onderneming in 1983 begin met die kern van die Sernick›groep se bedrywighede op die plaas Liebenbergstroom by Edenville. Ntlaba maak tot 2 000 speenvarke op ’n slag op die plaas Tygerkloof, Lindley, groot. Die Bruwers verbou hoofsaaklik mielies, koring, lusern en katoen, asook grondbone, saadsonneblomme en aartappels by Douglas en Hattingh…

Dr. Nickey Iyambo (links), visepresident van Namibië en in daardie stadium die waarnemende staatspresident, het die landbouvooruitskouingskonferensie van die Namibiese Landbou-unie (NLU) in Windhoek geopen. ’n Paar honderd mense het die verrigtinge oor drie dae bygewoon en sprekers van Namibië en Suid-Afrika het opgetree. Mnr. Ryno van der Merwe, voorsitter van die NLU, het ’n aandenking in die vorm van ’n houtbord met ’n skets van ’n windpomp daarop aan Iyambo oorhandig. Mnr. Mecki Schneider is vir uitmuntende diens vereer deurdat hy die laaste 18 jaar in besture van die landbou-unie gedien het. Die afgelope vier jaar was hy voorsitter van die Lewendehaweprodusenteorganisasie. Mnr. Piet Gouws (middel) van Outjo is die nuwe voorsitter van Namibië se Lewendehaweprodusente-organisasie. Afgevaardigdes van die Outjo-distrikslandbou-unie was, van links, is mnre. Dries Venter, Albie van…

Ofskoon daar breedweg aanvaar word dat ramme se produksiekoste 2% van die produksiekoste van ’n skaapkudde verteenwoordig, kan dié syfer misleidend wees. Daar behoort eerder gekyk te word wat die ramkoste per lam wat gebore word, beloop, sê dr. Louis du Pisani, nasionale bestuurder van die NWKV se adviesen -ontwikkelingsafdeling. “As aanvaar word dat drie ramme nodig is om 100 ooie te dek om 100 lammers te kry en die ramme elkeen R10 000 gekos het, sal die koste per lam R100 per jaar oor ’n tydperk van drie jaar (wanneer die ramme weer vervang moet word) beloop. Indien twee lamtye egter toegepas word, sal dié koste tot R50 per lam verminder. Waar tegnologie, soos kunsmatige inseminasie en laparoskopie, gebruik word, kan die ramkoste per lam nóg verder verlaag word.…