Landbouweekblad 4/9/2020

EN NOU VIR ’N TON! Dié reusepampoen van mnr. Piet Lotz het nie net die Suid-Afrikaanse rekord nie, maar ook die Suidelike Halfrond-rekord vir die grootste pampoen in die stof laat byt met sy allemintige gewig van 860 kg. Lotz het die pampoen ingeskryf vir die jaarlikse reuse-pampoenfees op Heidelberg in die Wes-Kaap, wat vanjaar op 27 en 28 Maart sou plaasvind, maar weens die Covid-19-pandemie uitgestel is. Inwegings het egter op 26 Maart voortgegaan. Lotz, ’n dekriet-en-beesboer van die plaas Blombos naby Riversdal in die Suid-Kaap, mik vir 2021 se kompetisie na ’n ton, maar hy gaan daardie pampoen eers in Oktober plant. “Al wat sleg is met die inperking, is dat ek nie kan rondbeweeg en nie meer ’n pampoen het om na te kyk nie,” sê hy.…

4,8% Algehele vragvolumes in Suid-Afrika was in Februarie 4,8% laer as ’n jaar tevore. Dit is kleiner as die 5,1%-daling in Januarie vanjaar. Dié effense herstel is waarskynlik vanweë vooruit-aankope weens vrese oor Covid-19. Vragvolumes wat deur pyplyne vervoer is, het in Februarie met 2,5% gestyg teenoor ’n jaar tevore. Volumes wat per pad vervoer is, het met 8,8% gedaal teenoor die ooreenstemmende tydperk. Opgebergde voorraadvolumes toon ’n styging van 0,8% vanjaar teenoor ’n daling van 8% in 2019. – Ctrack 30 Volgens die verbruikerskommissie en die mededingingskommissie is ondersoeke na 30 maatskappye begin vir buitensporige kleinhandelpryse, onder meer vir handreinigers, gesigmaskers, ontsmettingsmiddels en toiletpapier. Mnr. Ebrahim Patel, minister van handel en nywerheid, het reguleerders vroeër gevra om die pryse van 22 produkte te monitor. Ondernemings wat die regulasies oortree,…

NOODVERKOPE. Boere wat hul beeste wou opveil, het tougestaan buite die veilingsperseel van André Kock en Seun buite Bela-Bela op 25 Maart, twee dae voor die nasionale inperkingstydperk van 21 dae weens Covid-19 in werking getree het. “Dit is asof mense dink daar gaan nooit weer ’n veiling wees nie,” het mnr. Paul van Vuuren, ’n direkteur van die afslaer, aan Landbouweekblad gesê. ’n Register is by die hek gehou en net 100 mense is op ’n keer op die veilingsperseel toegelaat. Dié perk geld sedert die verbod op lewendehaweveilings weens bek-en-klouseer in Februarie opgehef is. “Normaalweg is dit nie ’n probleem nie, maar sedert die veilingsverbod in Februarie opgehef is, het ons 700 tot 1 000 beeste op elke veiling,” het Van Vuuren gesê. Lees meer oor die effek…

INDIEN die regering 24 jaar gelede werk gemaak het van sy wetgewende magte om klein ondernemings te steun, sou die inperking weens die Covid-19-pandemie nie so ’n verwoestende uitwerking op sulke ondernemings gehad het nie. Mnr. Bernard Swanepoel, uitvoerende direkteur van die kleinsake-instituut, wys op twee kort sinne in artikel 18 van die Nasionale Wet op Kleinsake (Wet 102 van 1996) wat ministers die mag gee om riglyne in die Staatskoerant af te kondig om die “effek en toepassing van wetgewing op kleinsake” te hersien en te assesseer. Teoreties sou ons die veerkragtigheid gehad het om klein ondernemings te help indien hulle die tipe nadelige gevolge gely het soos wat ons nou weens Covid-19 beleef omdat die politici nasionale, provinsiale en munisipale wette kon gebruik, asook verskeie beleid en regulasies…

‘Raak betrokke. Dit skep vermoë en gee toegang tot ingeligte en doeltreffende optrede.’ DR. JOHAN BURGER, konsultant by die Instituut vir Sekerheidstudies, oor hoe om veilig te bly te midde van die inperking se hoër misdaadrisiko. Bl. 14/15 ‘Ons het vir rampbestuur gesê hulle moet die water bestuur asof ons in ’n droogte is.’ MNR. HENNING GROBLER, weervoorspeller van die Suid-Afrikaanse Weerdiens, oor waterbestuur die afgelope somer in die Wes-Kaap. Bl. 16 ‘Ek vermoed daar is ook eerder ’n mate van opportunisme op die mark as ’n werklike besorgdheid oor tekorte.’ MNR. ANTHONY CLARK, markontleder, oor ’n skielike styging in die mielieprys. Bl. 17 ‘Sommige gesigmaskers word van katoen gemaak, maar die regering wou nie bes gee nie.’ MNR. JOSEPH KEMPEN, direkteur van Loskop Katoen, oor perke op die bedrywighede…

nooit in ons bestaan van 100 jaar is ’n uitgawe van die tydskrif saamgestel sonder dat dit iewers op ’n koöperasie- of winkelrak verskyn het nie. Nie die Groot Depressie, ’n wêreldoorlog of die politieke onstuimigheid van die 1980’s kon ons keer om ’n tydskrif vir boere uit te gee nie. Maar ná ’n eeu van getroue weeklikse diens het ’n virus van die ander kant van die wêreld alles verander. Dit was juis vanweë die indrukwekkende, interafhanklike internasionale wêreldorde, wat oor dekades soveel welvaart oor die aardbol heen geskep het met sy skeeps-, vragmotor- en vlugroetes, dat die verwoestende virus versprei het. Vandag is duisende mense al dood en dié getal styg daagliks. Van die wêreld se rykste lande spook om uitbrekings in bedwang te kry. Eensklaps is die…