Landbouweekblad 11/19/2020

NUWE BAADJIE Dié sultana-rosyntjiedruiwe by Kanoneiland in die Noord-Kaap vorm deel van die wingerde van die nuut hernoemde rosyntjie-uitvoerder Desert Raisins. Die onderneming het voorheen Fruits du Sud geheet. Die nuwe handelsmerk en korporatiewe identiteit val saam met onlangse veranderinge in die maatskappy se aandeelhouding en struktuur. Die maatskappy is ’n filiaal van BaKHouse Brands, wat deel vorm van die landbousakegroep BKB. Desert Raisins se verwerkingsaanleg het ’n verwerkingskapasiteit van 15 000 ton per jaar. Die maatskappy voer uit na onder meer Asië, die Europese Unie, Nieu-Seeland, Noord- en Suid-Amerika, Brittanje, Rusland, China, die Midde-Ooste en talle Afrikalande. Sy druiweproduksie is hoofsaaklik naby Kanoneiland aan die oewer van die Oranjerivier. BOERBOKPLANNE Die Wes-Kaapse Boerbokklub vra erkenning vir dié provinsie se geskiedkundige status as ’n bek-en-klouseervrye sone plaaslik én in die…

30% Minder as 30% van Afrikalande het funksionele biosekerheidsraamwerke, en relatief min biotegnologiese produkte is vir boere beskikbaar. Dit het geblyk op ’n bespreking van die Afrika-unie oor landboubiotegnologie vir ekonomiese groei in Afrika. Biotegnologiekenners het ’n beroep gedoen dat regerings, streekorganisasies en ontwikkelingsagentskappe eenvormigheid bring wat betref biotegnologie en bioveiligheidsregulasies om die ontwikkeling van biotegnologie in Afrika te verbeter. – Nepad 90% Australië het ’n koringoes wat 90% groter is as verlede jaar, en sy derde grootste in 30 jaar, teen 29 miljoen ton vir die hele vasteland. Dié welkome oes val saam met droë toestande in die Oekraïne, Rusland en Kazakstan, wat koringpryse in Oktober tot ’n sesjaar-hoogtepunt van $6,30 per skepel (R99 vir 27 kg, of R3 666/t) laat styg het. Australië het, soos Suid-Afrika, die afgelope…

OORVLOEDIGE HULP. Van die skenkings wat teen die tweede week van November afgelaai is by die perseel van mnr. Henry Steyn, sakeman van Boshof, vir boere wat skade gely het in die verwoestende brande van Oktober. Dit sluit onder meer in voer, lek en hooibale, asook boumateriaal, waterpype, drinkwater en tonne “bokse vir boere”. Skenkings het steeds ingestroom van onder meer Bothaville, Brits en tot so ver as Mbombela. Van die skenkings gaan nou na ander hulpbehoewende gemeenskappe geneem word. Boere en werkers het Saterdagmiddag 7 November vrywillig opsy gesit om met die aflaaiwerk te help. “Ons beker loop oor en die liefde en meegevoel van soveel mense maak ons sterk,” sê mnr. Johan Steenkamp, takvoorsitter van AfriForum op Boshof. Op dié dag is ’n groot besending kragvoer deur Shoprite…

Besnoeiings aan openbare dienste in 2021 sal die oë laat traan en kan uiters belangrike programme soos opvoeding benadeel, waarsku mnr. Michael Sachs, adjunkvoorsitter van die finansiële en fiskale kommissie. Dié voormalige hoof van die begrotingskantoor van die tesourie het op ’n parlementêre komiteesitting beklemtoon sonder beleid wat uitstippel hoe dié besnoeiings neerslag sal vind in departemente se bestedingsplanne, sal Suid-Afrikaners wat die swaarste op openbare dienste steun, die ergste geraak word deur begrotingsbesnoeiings. “Hierdie tipe besnoeiings waar die nominale vlak van besteding daal, is ongehoord. Dit het nog nooit vantevore in Suid-Afrika gebeur nie.” Die departement van binnelandse sake se begroting sal volgende jaar na verwagting met 13,5% besnoei word, verdediging met 9,3%, wetgewende en uitvoerende dienste, wat die parlement insluit, met 3,8%, maatskaplike ontwikkeling met 1%, polisiëring met…

‘Hulle glo die mense agter die handelsmerke weet waardeur verbruikers nou gaan, maar hulle verhoog steeds pryse.’ ME. SARINA DE BEER, besturende direkteur van Ask Africa, oor verbruikers se ontnugtering met kleinhandelaars se hantering van kospryse. Bl. 15 ‘Wie gaan die geld kry wat die staat beskikbaar gaan maak?’ ME. TAMMY BREEDT, VF Plus-LP, oor beloftes dat die staat alle brandslagoffers in die Vrystaat gaan bystaan. Bl. 14 ‘Ons het reggemaak vir sowat 10 vragmotors se voorraad, maar ek het 23 vragmotors getel wat net van ons kantoor af vertrek het.’ MNR. HENK MAREE, hulpkoördineerder van AfriForum, oor skenkings vir boere wat skade gely het weens brande in die Vrystaat. Bl. 24 ‘Gegewe die ekonomie is hierdie pryse nie so volhoubaar nie.’ PROF. JOHAN WILLEMSE, landbou-ekonoom, oor vooruitsigte vir die…

Tussen al die ekonomiese chaos wat Covid-19 gesaai het, was dit toe die landbou wat die wa vir Suid-Afrika deur die drif moes trek. Die land is geseën met ’n goeie mielie-oes (al het gehalte ’n bietjie gelol), en graan- en vleispryse het genadiglik gehou. Buiten die wynbedryf kon die landbou darem meestal uitvoer, al het dit vanjaar weer behoorlik by die hawens geknor. Dít in ag genome sou ’n mens verwag het dat die landbou meer aandag sou kry in die regering se ekonomiese herstelplan, en dat mnr. Tito Mboweni, minister van finansies, die herfinansiering van die Land Bank ’n groter voorrangsaak in sy mediumtermynbegrotingsraamwerk sou maak. Veral omdat pres. Cyril Ramaphosa en Mboweni tog albei by die landbou betrokke is. Mboweni hoef net deur sy plaashuis se venster…