Indholdsfortegnelse for 11/26/2020 i Landbouweekblad

ArcelorMittal Suid-Afrika (AMSA), die genoteerde staalprodusent, hoop om in Desember sy voorraadtekorte beduidend te verminder, wanneer die bedryf stiller en vraag laer is. Me. Tami Didiza, AMSA se groepbestuurder vir kommunikasie, sê die maatskappy se tweede hoogoond in Vanderbijlpark sal in Desember aangeskakel word, en van Januarie sal al drie sy hoogoonde ten volle werksaam wees. Sy bevestig dat AMSA tydelike voorraadtekorte ervaar weens amper drie maande van inperkingsverwante produksie-ontwrigtings en “ander tydelike produksievertragings wat deur eksterne faktore veroorsaak is”. Sy sê die maatskappy het alle bedrywighede by al sy hoogoonde stopgesit, soos vereis deur Covid-19-inperkingsregulasies, “vir die eerste keer in die geskiedenis van die land se geïntegreerde staalbedryf”. Dit het gelei tot ’n skielike ontwrigting van die staalwaardeketting. In Augustus het sy Newcastle-staalwerke onklaar geraak en moes vir vier…

ARTIKELS & RUBRIEKE ■ Biokapasiteit: Nie die weduwee se kruik nie . . . ■ Stoetteler van die Jaar: Kombineer wetenskap met praktiese beginsels ■ Zeiss Jordaan: Boer vooruit met meerlinge en presisievoeding ■ Malinois se byt kan jou help beskerm ■ Landbouvakke maak deur oop ■ Meul wil kultuur van brood en bak uitbou ■ Wenke vir kleinvee-naweekboere GESIN ■ Onderstebo koeke en terte PLAASVEILIGHEID Honde is deurslaggewend vir doeltreffende beveiliging. In ’n noodsituasie kan dit die verskil tussen lewe en dood beteken. ’n Teler en opleier van Malinois- en Hollandse herdershonde sê as hulle reg geteel is, is hulle terselfdertyd vreesloos én deel van die huisgesin.…

DIE Wes-Kaapse regering het op versoek van Agri Wes-Kaap hulpbronne vir brandbestryding vanaf 1 November beskikbaar gemaak. Die provinsie het reeds teen druktyd onder talle brande deurgeloop, al begin die brandseisoen gewoonlik eers op 1 Desember. Mnr. Anton Bredell, Wes-Kaapse minister van plaaslike regering, omgewingsake en ontwikkelingsbeplanning, doen ’n beroep op die publiek om enige brande wat hulle sien, so gou moontlik by owerhede aan te meld. “Vroeë waarskuwings is kernbelangrik om veldbrande vinnig onder bedwang te bring. As ’n brand binne die eerste uur onder bedwang gebring kan word, is die kanse vir ’n reuse-insident aansienlik kleiner,” sê hy. Bredell se departement het deur die provinsiale rampbestuursentrum met diensverskaffers onderhandel om hulpbronne vanaf 1 November beskikbaar te maak om die veiligheid van onder meer die graanoes te verseker. Agri…

DIE herinstelling van normale handelsure vir drankverkope sal die wynbedryf op sy herstelpad help. Mnr. Rico Basson, besturende direkteur van Vinpro, het pres. Cyril Ramaphosa se aankondiging verwelkom dat alkohol vanaf 12 November weer volgens normale lisensieure verkoop en versprei mag word. Suid-Afrika stel ook sy grense vir internasionale toeriste oop, wat wyntoerisme ’n hupstoot kan gee. Ingevolge vlak 1 van die inperkingsregulasies kon drankhandelaars, waaronder wynplase, drank slegs van Maandae tot Vrydae van 09:00 tot 17:00 verkoop. Dit het gegeld vir drank wat elders as op die perseel gebruik gaan word. WINSTE DAARMEE HEEN Volgens adv. Mias Schreuder verdien wynplase 10-30% van hul bruto wins deur wyn oor naweke en op openbare vakansiedae aan mense te verkoop wat dit weg van die plaas af wil geniet. Sy kliënte, wat…

Met vyf modelle van 104 kW tot 167 kW voorsien die reeks Puma-trekkers in die behoeftes van elke boer. Hierdie trekkers kan die veeleisendste toepassings in die saaiboerdery, boubedryf en veeboerdery deurstaan. Met die Case IH Multicontroller-armleuning-en-stuurstok plaas Puma Multicontroller-modelle alle belangrike funksies aan die bestuurder se regterkant. Kragratwisseling en vorentoe- en truskakeling, asook die werking van die hidrouliese koppelinge en die driepunt word via die Multicontroller-knoppies beheer. Elders op die armleuning is funksies soos enjinspoed en elektries-hidrouliese beheer binne maklike bereik. Dit is vinnig en maklik toeganklik via die armleuning en Multicontroller wat sinvol uitgelê is vir maklike werking. ’n Onoortreflike siglyn, ergonomiese bedieningspanele en bestuurdervriendelike kenmerke beklemtoon die nuwe Puma-trekkerkajuit. Hierdie topklaskajuit is ontwerp met die gemak van die bestuurder en produktiwiteit in gedagte, en beskik oor ’n…

Vanjaar se verwagte koringoes van 2,134 miljoen ton is die grootste sedert 2002 toe 2,427 miljoen ton koring geoes is. 2002 was ’n uitstekende jaar. In die Wes-Kaap was dit die laaste goeie jaar voor die groot droogte van 2003 en 2004, toe daar onderskeidelik 530 000 ton en 520 000 ton in die provinsie geoes is. Die oes van 2002 is op ’n oppervlakte van 959 400 ha behaal, terwyl daar vanjaar in die hele Suid-Afrika net 509 800 ha koring aangeplant is. Volgens die oesskatting van 28 Oktober is die verwagte gemiddelde opbrengs 4,19 t/ha. In 2002 was dit 2,53 t/ha. Die verwagte produksie in die Wes-Kaap is vanjaar 1,092 miljoen ton (51% van totale produksie), in die Vrystaat 432 400 ton (20%) en in die Noord-Kaap 277…

■ Al is hy die liefste vir beeste, is dit varke wat die hart van mnr. David Osborne se reuselandbou-onderneming vorm. ’n Verstommende 27 000 sôe om presies te wees. ■ Die besluit van stoere Oos-Kaapse landbou-afstammelinge om grond rondom Ida te verkoop, het nie maklik gekom nie. Maar nou, as plaasbestuurders, boer hulle selfs lekkerder as voorheen. ■ In ’n omgewing geteister deur eiesoortige probleme is daar nou groter werksekerheid en veiligheid, en spoel die gunstige impak na buurdorpe.…

Pannar se diverse pakket sonneblombasters sluit konvensionele en Pannar® -basters met die Clearfield® Plus-eienskap in, asook enkelkruis- of drierigtingkruisbasters met medium- of medium-laat groeiseisoenlengtes. Die pakket bied stabiliteit, opbrengspotensiaal en handhaaf ’n puik rekord in die LNR se nasionale proewe. Die afgelope seisoen het dit ses van die toptien-sonneblombasters gelewer. Die basters met die Clear-field® Plus-eienskap ding goed mee met konvensionele staatmakers. Basters met die Clear-field® Plus-eienskap bied ’n alternatiewe keuse in onkruidbestryding en gewaswisselbou. ’n Basterpakket vir elke produksiestreek is beskikbaar. In die ligte sandgrond van die Noordwes-Vrystaat en Noordwes maak die hoëpotensiaalbasters PAN 7080 en PAN 7160CLP die kern van aanplantings uit. Dit word aangevul met PAN 7100, PAN 7170 as konvensionele basters, en PAN 7102CLP, PAN 7156CLP en PAN 7180CLP met Clearfield® Plus-onkruiddoderweerstand. Vir die westelike produksiegebiede…

30,8% Suid-Afrika se amptelike werkloosheidskoers het in die derde kwartaal gestyg tot 30,8% – die hoogste vlak sedert die op-name begin het, volgens Statistieke SA. Volgens die uitgebreide definisie van werkloosheid, wat dié insluit wat nie meer werk soek nie, het die koers gestyg van 42% tot 43,1%. Al het die aantal mense met werk met amper ’n halfmiljoen gestyg tot 14,7 miljoen, was daar 2,2 miljoen meer werkloses as die vorige kwartaal. Ekonome vrees meer as 1 miljoen poste is verlore. – Business Day 33,1% Ses weke voor Kersfees was die speenkalfprys 33,1% hoër as ’n jaar vantevore, en 7,2% hoër as die driejaargemiddelde, teen R41,58. Mnr. Paul Makube, FNBlandbou-ekonoom, sê die huidige hoë vlakke sal bly namate Kersfees naderkom. “Die kombinasie van relatief hoë speenkalfpryse en hoë graanpryse…

‘Om te keer dat hulle slagoffers word, belê boere heelwat geld om veiligheidstoerusting te koop – geld wat normaalweg in die boerdery en die plaas se produktiewe bates teruggeploeg sou word.’ DR. JACK ARMOUR, bedryfsbestuurder van Vrystaat Landbou , oor die ekonomiese knou wat plaasaanvalle die provinsie se landboubedrywe toedien. Bl. 14 ‘Ek het geweet Covid-19 sal as die sondebok voorgehou word.’ ME. ANNETTE STEYN, DA-LP, oor die departement van landbou, grondhervorming en landelike ontwikkeling, wat ’n onderbesteding van R1,8 miljard voor die deur van Covid-19-verwante inperkings lê. Bl. 21 ‘Ons sien nie hierdie groot masjiene en al hierdie media wanneer ’n swart boer vermoor word nie.’ MNR. MOTSEPE MOTLALA, president van die National African Farmers Union, oor selektiewe reaksie op plaasmoorde en -aanvalle in die Vrystaat. Bl. 15 ‘Hierdie…

DÍT IS WIE ONS IS! “Wie dink jy is jy?” was die woorde wat genl. Bheki Cele, Suid-Afrika se minister van polisie, die ander dag ’n boer toegesnou het. Ek ken nie die boer nie en weet nie presies wat die omstandighede was waarin die situasie afgespeel het nie, maar uit die aard van my werk verteenwoordig ek boere. Daarom het ek my dié smalende opmerking aangetrek. Ek het dae en nagte daaroor nagedink en in my gedagtes oor en oor die vraag probeer beantwoord. Die nag ná die Senekal-dag kon ek nie slaap nie. Ek het weer oor die minister se woorde nagedink en sy vraag pro-beer beantwoord. Dit wat hierna volg, is my beste poging, generaal. My naam is Jannie, generaal. Ons het mekaar so paar keer ontmoet…

ALTESA AM 8 000 boere, mits bevestig word hulle is nie staatsamptenare nie, is nou ook kandidate vir die departement van landbou, grondhervorming en landelike ontwikkeling se Covid-19-hulppakket van R1,2 miljard. Dit is maar sowat ’n vyfde van nagenoeg 40 000 klein- en kommunale boere wie se aansoeke om hulp volgens die departement vroeër “deur die krake geval het”. Dan was daar ook “aktetasboere” wat probeer het om hul hande op die geld te lê. Me. Thoko Didiza, minister van landbou, grondhervorming en landelike ontwikkeling, het ’n hersiening van die aansoeke vir hulp toegelaat, toe altesaam 72% boere wat in die eerste ronde om hulp by die departement aansoek gedoen het, nie daarvoor in aanmerking gekom het nie. Teen September is altesaam 54 797 aansoeke ontvang en 15 662 boere…

Mnr. Terries Ndove, adjunkdirekteur-generaal van die departement, het gesê 8 000 aansoeke is bevestig as ware boere wat om hulp aansoek gedoen het, maar daar word net seker gemaak dat hulle nie staatsamptenare is wat boer nie. “Die departement het reeds sowat 8 000 fisieke verifikasies gedoen van die nagenoeg 40 000 aansoekers as werklike boere met werklike behoeftes. Amptenare het ook op die data-basis van die departement van binnelandse sake gekyk of hulle Suid-Afrikaners is met geldige identiteitsnommers.” Hy het aan die parlement se portefeuljekomitee vir landbou, grondhervorming en landelike ontwikkeling gesê die departement hoop die hersieningsproses sal teen einde November voltooi te wees. Mnr. Rirhandzu Shilote, amptenaar van die departement wat met die aansoeke help, het gesê hulle onderneem om teen 1 Desember al die koopbewyse aan boere…

MET sommige plaaslike kunsmispryse wat reeds 16% hoër is as ’n jaar gelede, waarsku Graan SA dat internasionale prys nou ook opwaarts neig. Graan SA sê in ’n verslag oor die prys van chemiese stowwe en kunsmis dat Suid-Afrikaanse boere wat hul kunsmis teen die middel van die jaar gekoop het, beter af is as diegene wat van Oktober af begin koop het, aangesien internasionale pryse nou weer styg. Luidens die verslag was daar vir ’n tyd lank ’n dalende neiging internasionaal. Me. Ikageng Maluleke, ekonoom by Agri SA, sê aanvanklik was dit vanweë ’n laer internasionale vraag, terwyl daar hoë voorraadvlakke van sommige soorte chemikalieë en kunsmis was. “Daarna is die dalende neiging aangevuur deur Covid-19 en die inperkings wat daarop gevolg het in veral groot produserende lande, soos…

“ONS wil dit duidelik stel dat ons mense wil beskerm wat op die plase werk en woon. Of dit die plaaswerkers of die boere is, wit of swart, hulle moet almal beskerm word en moet beskermd voel.” Só het pres. Cyril Ramaphosa tydens sy laaste vraag-en-antwoordsessie vir die jaar in die nasionale vergadering gesê. Hy het sy kommer uitgespreek oor die rassekonflik wat opgevlam het by onder meer hofverskynings op Senekal ná die moord op mnr. Brendin Horner. Hy het gesê álle plaasbewoners moet voel dat Suid-Afrika hul land is en dat daar nie elders is om te gaan nie. “Hulle bly hier en waar hul beskerming tekort skiet, moet ons maniere vind om hul beskerming te versterk, soos deur die polisie en ander belanghebbendes.” Ramaphosa het dit onomwonde gestel…

1 ZIMBABWE| China het groot landbouplanne Die maatskappy China and Zimbabwe Agricultural Company het ’n saailingprojek ter waarde van $2,5 miljoen (R390 miljoen) in Mazowe in Sentraal-Masjonaland van stapel gestuur. Vol-gens mnr. Nie Haiyang, uitvoerende hoof van China Industrial International Group, waarvan die landboumaatskappy ’n filiaal is, gaan die projek begin met sitrusproduksie en ’n mikpunt van 1 miljoen saailinge per jaar. Daar word beoog om in die komende vyf jaar 5 miljoen saailinge te versprei. ’n Minimum van 3 000 ha is vir die projek geoormerk. Isolasiekweekhuise van 12 000 m2 is reeds gebou, en daar word beoog om aansoek te doen om ’n lisensie om landboukundiges op te lei. Die oogmerk is om later ook appels, druiwe, piesangs, perskes en pere deur plaaslike kontrakboere te laat verbou…

SUID -AFRIKAANSE draakvrugprodusente verwag hul beste oes nóg van dié soet en ongewone vruggie, en boonop skep die plaaslike oestyd vir dié vrugte groot uitvoergeleenthede. DragonBerry, die draakvrugkultivar wat die AL3-boerdery geregistreer het vir die kleiner, soeter draakvrug-kultivar, sou in die eerste week van November in Waterpoort, Limpopo, geoes word. Mnr. CT van der Merwe, uitvoerende hoof van AL3, sê die 2 ha wat hulle van dié soeter kultivar geplant het, ontwikkel goed en hulle verwag hul “grootste en beste gehalte oes tot nog toe”. “Die handelsnaam Dragon-Berry het ons self geregistreer om dit te onderskei van die nor-male, groter draakvrug, maar die kultivar is wêreldwyd onder baie ander name bekend, soos Sugar Dragon, Sweet India, Voodoo Child en ander. Daar is nêrens ter wêreld, sover ons kan agterkom, kommersiële…

Vanjaar gaan bekend staan as die jaar met die diepste ekonomiese insinking sedert die 1930’s. Sommige ekonome vergelyk dit met ’n ekonomiese depressie, soortgelyk aan daardie jare. Met die aanvang van die staat se algehele inperking en sotlike reëls oor die bevolking se lewens en ekonomiese aktiwiteite, was dit gou duidelik dat miljoene mense hul werk gaan verloor en dat ander se inkomste skerp gaan daal (behalwe natuurlik die staatsamptenare) en dat die ekonomie ’n diep insinking gaan ervaar. Die groot vraag was hoe die mark vir landbou- en voedselprodukte geraak gaan word, veral in sekere bedrywe soos wegneemetes wat ’n groot mark vir aartappelskyfies en hoenderstukke is. Die ander kwessie waarvan die antwoord stadiger duidelik word, is hoe verbruikspatrone verander het en of dit permanent gaan wees. Die verrassing…

Proewe is die afgelope twee jaar gedoen met kekerertjies (Cicer arietinum) in die Wes-Kaap. ’n Opbrengs van sowat 1,5 t/ha is in 2019 daarmee behaal. Tans lyk dit of die oes tydens vanjaar se proewe op Langgewens, naby Moorreesburg, bykans dieselfde sal wees, sê dr. Johann Strauss, senior navorser in volhoubare produksiestelsels by die Wes-Kaapse departement van landbou op Elsenburg. Strauss meen heelwat voorbereiding is nodig voordat die gewas werklik op groter skaal kommersieel aangeplant sal kan word. Suid-Afrika voer tans grootliks kekerertjies uit Australië in vir plaaslike gebruik, maar die potensiaal vir ’n groter mark bestaan wel plaaslik. Dit word baie gebruik in veral Oosterse geregte, en kekerertjiemeel word ook gebruik. Dit is ’n uitstekende bron van proteïen. Min hektare kekerertjies word tans in die land verbou, en grootliks…

Die grootte van die landboubedrywe waarby mnr. David Osborne betrokke is, is verstommend. Number Two Piggeries boer tans met 27 000 sôe. Teen volgende jaar sal dit 35 000 wees. In die Just Milk-melkstalle word 14 000 koeie gemelk. Dit beteken 75 miljoen liter ’n jaar. Meer as 10 000 beeste is deel van die beesboerderye. Dit alles gee aan meer as 1 000 mense werk. Toe Osborne as 18-jarige Brit van Northwick in Suid-Afrika aankom, het hy niks gehad nie. “My ouers was fabriekwerkers in Engeland. Ons was arm mense. Ek het nie geweet wat ek wou doen nie, maar ek was lus vir ’n bietjie avontuur en toe kom ek Suid-Afrika toe.” Hy het op ’n plaas in KwaZulu-Natal begin werk. In 1976 het hy saam met mnr.…

Die wêreldwye vraag na kannabis gaan binne vyf jaar met meer as 370% groei, aldus Euromonitor, ’n internasionale navorsingsmaatskappy. Dié groei word aangedryf deur meer mense wat dagga begin rook of in produkte omskep. Met die pas waarteen nuwe regulasies tans deurgevoer word, sal die wettige mark vir kannabis teen 2025 sowat 40% van die wêreldwye mark verteenwoordig. Tans maak die wettige bedryf net sowat $30 miljard uit van die $170 miljard wat internasionaal deur dagga gegeneer word. Volgens Euromonitor sal dagga vir medisinale doeleindes teen 2025 slegs 9% van verkope uitmaak. Tans is dit sowat 23%. Rome, aftreksels en versnaperinge met dagga daarin sal aansienlik veld wen.…

MNR. CHARL SENEKAL JR. WATTER TEGNOLOGIE IS ONMISBAAR IN JOU BEDRYF? Sonkrag-energiestelsels. By sewe van ons nege skuilings voorsien son-energie in ons energiebehoeftes vir onder meer lugversorging, waaiers, waterpompe en ligte vir nagfotografie. Ons gebruik ook son-energie vir geëlektrifiseerde omheinings en beskerming van infrastruktuur. My broer André is ’n kenner op dié gebied en het ons stelsels ontwerp. WAT IS DIE BESTE RAAD WAT JY AL GEKRY HET? Sukses bestaan uit 1% inspirasie en 99% perspirasie. WAT IS DIE GROOTSTE FOUT WAT JY AL GEMAAK HET? Om hopeloos te laat met die ekotoerisme-uitbreidings te begin. WIE WAS JOU MENTOR? Zimanga se bestaan is danksy ’n spanpoging wat moontlik gemaak is deur die diverse vertakkings van Senekal-boerdery, wat ’n unieke geleentheid gebied het om iets buitengewoons in werking te stel. Daar…

Hier is die volledige lys van die dorpe en stede waar jy AFGRI Retail-winkels kan aantref: ■ Afrikaskop ■ Amersfoort ■ Balfour ■ Belfast ■ Bergville ■ Bethal ■ Bethlehem ■ Bronkhorstspruit ■ Carolina ■ Cullinan ■ Delmas ■ Dundee ■ Eeram ■ Ermelo ■ Grootvlei ■ Harrismith ■ Heidelberg ■ Kinross ■ Klerksdorp ■ Ladysmith ■ Lydenburg ■ Marquard ■ Middelburg ■ Nelspruit ■ Newcastle ■ Nigel ■ Ogies ■ Senekal ■ Standerton ■ Val ■ Volksrust ■ Vryheid ■ Winterton ■ Witbank…

BESLUIT SÓ OF JY KANS SIEN VIR ’N HOND OF KAT Ek is onseker of ek ’n troeteldier moet aanskaf. Wat moet ek alles in ag neem wanneer ek dié besluit neem? Troeteldiere kan jare lank deel van ’n gesin wees. Kleinrashonde kan ’n ouderdom van sowat 15-16 jaar bereik, medium- en grootrashonde 10-13 jaar, en baie groot honde, soos die mastiff, 7-8 jaar. Katte bereik ’n ouderdom van gemiddeld 12-14 jaar, maar verskeie katte het al tot 30 jaar oud geword. Vra jouself die volgende voordat jy besluit: ■ Hoekom wil ek ’n troeteldier aanskaf? ■ Oorweeg ek ’n hond of ’n kat, opreg of kruisras? ■ Het ek reeds ander troeteldiere? ■ Hoeveel tyd bring ek by die huis deur? ■ Hoeveel geld wil ek bestee met die…

Gemarineerde hoenderkebabs Marinade ■ 30 ml olie ■ 5 knoffelhuisies, fyngekap ■ 15 ml gerasperde, vars gemmer ■ 180 ml tamatiesous ■ 60 ml bruinsuiker ■ 100 ml sojasous ■ 60 ml suurlemoensap ■ 1 kg hoenderborsies sonder vel of been, in blokkies gesny ■ 2 rooi-uie, geskil en in kwarte gesny ■ Sout en varsgemaalde swartpeper na smaak Verhit die olie en braai die knoffel en gemmer oor lae hitte in ’n pan tot geurig. Voeg die tamatiesous, bruinsuiker, sojasous en suurlemoensap by en verhit tot kookpunt. Laat afkoel tot kamertemperatuur. Skep die hoenderblokkies in ’n nie-metaalbak en giet die afgekoelde marinade oor. Meng goed deur, bedek met kleefplastiek en verkoel oornag of vir minstens 8 uur. Sit die uiekwarte in ’n mengbak. Giet kookwater oor en laat staan…

JY HET AL MEER AS 15 JAAR SE RUBRIEKE VIR DIE BURGER OP JOU KERFSTOK. DIT IS ’N MYLPAAL. WAT HET JOU AANGEVUUR OM WEEK NÁ WEEK DIE PENNEVRUG TE LEWER? Ek kán nie dag ná dag vir ’n baas werk nie. Ek is nie onderdanig genoeg daarvoor gebore nie. Dit is hoekom ek nie kon regkom in die onderwys nie. Ek wíl my eie ding doen, op my tyd en manier. En ek hou van stories. Om stories neer te skryf, is iets wat ek graag doen. Dit is stukke beter as om vroegoggend op te slinger en die slaaplepeltjies uit my ooghoeke te krap om na ’n skoolhoof se orders te gaan luister. WAAROM DINK JY IS JOU RUBRIEKE SO GEWILD ONDER LESERS? Seker maar omdat ek wegskram…

Dana Snyman het ’n ruk terug in Die Burger geskryf oor ’n roepman, Koos Swart, van die spoorwegdorp Touwsrivier. Dit het my gedagtes ver teruggeneem na my kinderdae op die plaas. Dit was toentertyd op min of meer al die plase gebruik dat iemand die werkers sou roep om met die dagtaak te begin. Gewoonlik was dit die plaasbestuurder se taak en laasgenoemde het nie juis voorskrifte gehad oor hoe die roepery moes plaasvind nie. Op die plaas van my eie grootwordjare was oom Andries Carstens die man wat met ’n kort perdesweep of sambok die oggendstilte versteur het. Op die buurplaas Vlakrug was oom Lang Ben Liebenberg die roepman wie se sweep niks en niemand wou agterlaat nie. Dit was asof elke sweepklap ’n stukkie dreiging ingehou het: “Staan…

GAUTENG PRETORIA HARTBEESTFONTEIN (240), 21 ha, aan P.C. Phume, van G.P. en J.L. van den Berg, R595 000. HONINGNESTKRANS (269), 22 ha, aan G.A. Groenewald, van C.P.A. Potgieter, R1 784 000. HONINGNESTKRANS (269), 22 ha, aan N. Chauke, S. Gafane, M.D. Kgoahla, T.G. Mabaso, N. Marasha, N.S. Motaung en Pilusa & Mabotja Farming & Projects (Edms.) Bpk., van G.A. Groenewald, R2 765 000. KAALLAAGTE (122), 321 ha, aan Zimbulk BK, van Wildlife Assignments (Edms.) Bpk., R1 380 000. VALLEYFARM(379),24ha, aan Fearless Snake (Edms.) Bpk., van La Rochellefamilietrust, R7 752 614. KWAZULU-NATAL BALLITO CROYDON(5974),470ha; FRANCISCO (6224), 140 ha en LANSDALE (14756), 73 ha, aan Silver Hawk Trading (Edms.) Bpk., van G.D. Robertson, R6 500 000. LOT D (3518), 20 ha, aan L.K. Mchunu, van Munien Subramoney BK, R300 000. LADYSMITH BRINLEY…

Die volgende ontleding van grondverkope in Suid-Afrika is van transaksies vir grond van meer as 10 ha in Gauteng, KwaZulu-Natal en Limpopo van Oktober 2019 tot September vanjaar. In Gauteng is slegs 23 transaksies vanaf April tot Junie geregistreer. Altesame 314 transaksies, 34,8% minder as die vorige jaar, is geregistreer. Dit het 32 704 ha teen R2,904 miljard behels. Die meeste transaksies (67%) is vir grond van minder as 50 ha. Die berekening van prysneigings by KwaZulu-Natal is nie betroubaar nie vanweë die groot agterstand en ontbrekende inligting wat tydens die inperkingstyd ontstaan het. Slegs nege transaksies is die vier maande voor September geregistreer. Altesaam 205 transaksies in 12 distrikte in dié provinsie het grond van 43 581 ha teen R1,523 miljard behels. Transaksies vir grond van minder as 50…

Al was 2020 weens die Covid-19-pandemie in baie opsigte ’n moeilike jaar vir landbou, was dit ’n besonderse jaar vir die Chianina-beesras en die vorige jaar se goeie prysneigings is gehandhaaf. Twee lede, mnre. Herman van Ree van Polokwane en Francois Steyn van Witbank, wat ophou boer het, het hul kuddes uitverkoop. Veral vroulike diere het uitstekende pryse behaal. Op Van Ree se veiling is ’n koei en haar kalf vir R275 000 aan O-LA-LA Chianinas van mnr. Christiaan de Jager van Badplaas verkoop. Stoetkoeie het gemiddeld R170 000 behaal. Embrioverse van drie maande oud is vir gemiddeld R82 500 verkoop. Op Steyn se veiling is gemiddeld R85 000 vir dragtige verse en R75 000 vir dragtige koeie betaal. ’n Chianina het die hoogste prys van R110 000 op Ermelo…

Op ’n vreemde manier is dit seker goeie nuus — die ontkenning van mnr. Bheki Cele, minister van polisie, dat hy ooit die gewraakte woorde geuiter het dat boere nie moet kla as hulle seerkry wanneer hulle mense vee se skut nie. Hy het hierdie opmerking na bewering op daardie onverkwiklike vergadering op Normandien in KwaZulu-Natal gemaak toe hy die gemeenskap se probleme eerstehands wou aanhoor in die nadraai van die moord op die Rafferty-egpaar op hul plaas. Dié affêre het egter sleg afgeloop, met Cele wat uiteindelik baie van die skuld vir die gemeenskap se frustrasies en ontevredenheid op die boere gepak het. Dit lyk egter nou of Cele dalk die diep ongemaklikheid verstaan wat sy woorde by boere ontlok het. Seker dié dat hy Landbouweekblad by die persombudsman…

PLAASWERKERS: PARLEMENT GEE GOEDKEURING VIR ONDERSOEK Die nasionale vergadering (NV) het ’n gewysigde konsepresolusie goedgekeur dat ’n volledige ondersoek gedoen word na die werks- en woonomstandighede van plaaswerkers in Suid-Afrika. Die EFF het die oorspronklike konsepresolusie ingedien waarin hy gevra het dat ’n ad hockomitee die ondersoek doen. Die ANC en die DA het wysigings voorgestel. Die wysigings van die ANC, wat aanvaar is, is onder meer dat die portefeuljekomitee vir arbeid en indiensneming, en die een vir landbou, grondhervorming en landelike ontwikkeling saamwerk en volledige oorsigwerk doen rakende die leef- en werksomstandighede van plaaswerkers, -bewoners en boere. Die komitees moet ook die vordering monitor rakende die staat se verbintenis tot verbeterde leef- en werksomstandighede in boerderygemeenskappe, waaronder die werk wat die verskillende belanghebbendes in die landbousektor doen. Openbare sittings…

IN die kwartaal van 1 Julie tot 30 September is 7 339 gevalle van veediefstal reg oor die land aangemeld. In dié tyd is 26 322 skape, 14 585 beeste en 13 844 bokke gebuit. Mnr. Bheki Cele, minister van polisie, het dié statistieke op 13 November bekend gemaak. Hy het gesê ná die inperkings weens Covid-19 verslap het, was toestande weer gunstig vir misdaad om te floreer ná wat hy as ’n “misdaadvakansie” beskryf het onder vlakke 5, 4 en 3. “Ons het geweet dié rooskleurige prentjie sou nie vir ewig duur sodra die land weer sy deure oopmaak vir besigheid nie,” het hy gesê. Veediefstal was in dié kwartaal in alle provinsies laer as die ooreenstemmende tyd verlede jaar, behalwe in die Noord-Kaap. “As ons wil ontslae raak…

Sakemanne en -vroue kan hul aandele of belang in ’n beslote korporasie (BK) laat vererf indien die familie voortgaan met die besigheid, of dit aan mede-aandeelhouers of medelede verkoop. Soms koop die maatskappy of BK die aandele terug. Dié terugkoop van aandele kan gebeur by dood of ongeskiktheid of met aftrede of uittrede. DOOD EN ONGESKIKTHEID Gestel die maatskappy het drie aandeelhouers, A, B en C (gelyke aandele). Na aanleiding van die koop-en-verkoop-ooreenkoms word die transaksie by dood of ongeskiktheid met die opbrengs van ’n lewensversekeringspolis gefinansier. Eerstens kan A (aansoeker, eienaar en betaler) ’n polis uitneem op B en C se lewens, B op die lewens van A en C, en C op die lewens van A en B. Tweedens kan A en B (saam aansoekers, eienaars en betalers)…

Fosfor, ’n element wat noodsaaklik is vir plantvoeding en uiteindelike voedselproduksie, gaan toenemend uit grond reg oor die wêreld verlore. Dis ten spyte daarvan dat chemiese bemesting in groot maat gebruik word. Gronderosie moet vir tot 50% van dié verliese pa staan, sê ’n internasionale navorsingspan onder leiding van prof. Christine Alewell van die Universiteit van Basel in Switserland. “Ons het geweet dat erosie ’n rol speel, maar het nog nooit die omvang daarvan op só ’n vlak gekwantifiseer nie.” Sy sê verliese is voorheen grootliks toegeskryf aan ’n gebrek aan herwinning, voedselen voerafval, en algemene wanbestuur van relevante bronne. In ’n studie in die vaktydskrif Nature Communications is Afrika, Oos-Europa en Suid-Amerika uitgelig as streke wat die meeste daardeur geraak word. Die meeste Afrikalande behalwe Djiboeti is by die…

Hy glo in die regte bemesting op die regte tyd vir die regte kultivar op die regte grond. Dit is eenvoudige riglyne, maar hulle hou tog ’n magdom veranderlikes in wat die kop laat duisel. “Bemesting alleen lewer reeds die tipe bydrae wat ’n boer uiteindelik daardie ekstra 2 t/ha kan gee,” sê mnr. Danie Bester wat op die plaas Rietbult van 1 200 ha buite Balfour in Mpumalanga met mielies, sojabone en beeste boer. Hy meen elke boer moet deur die insameling van inligting uiteindelik sy eie bemestingshandleiding skryf. “Dit is daardie teelepel-voer-benadering, waar klein hoeveelhede voedingstowwe wat regdeur die groeityd in die ideale hoeveelhede en in die regte verhoudings gegee word, die groot verskil gaan maak.” Van die klein tegniese verstellings weet Bester alte goed, want hy meet…

■ Die daggabedryf in Suid-Afrika het vlamgevat, maar dit is duur en moeilik om die bedryf te betree. Deur gebruik te maak van kundiges wat goeie riglyne gee, kan heelwat van die sowat 86 risiko’s verbonde aan daggaproduksie gesystap word. ■ Daggaboerderye is hoofsaaklik klein en intensief. Die medisinale daggabedryf is nog klein vergeleke met die (onwettige) mark vir ontspanningsgebruik. ■ Suid-Afrika se klimaat, goedkoop produksiemiddele en die swak rand beteken plaaslike boere kan dagga mededingend kweek.…

Een van die belangrikste stappe in die genetiese verbetering van ’n kudde is die seleksie van die bulle wat in die kudde gebruik gaan word. Die bul het ’n groot impak op die kudde omdat 50% van die kalwers se genetiese kenmerke deur hom beïnvloed word. Daar is ook ’n groot verskil tussen genetiese verandering en genetiese verbetering. Wanneer daar minimum standaarde vir produksie en reproduksie-eienskappe gestel word, kan die ras geneties verbeter word, maar nie noodwendig geneties verander word nie. Ter illustrasie kan die veranderings in die Afrikaner-ras gebruik word. Oor ’n tydperk van 30 jaar het die ras se speengewig met 20,4 kg toegeneem, die koeigewig met 8,3 kg gedaal en die tussenkalfperiode het met 19,7 dae korter geword. Het hierdie verskille die Afrikaner-ras verbeter of verander? Hierdie…

Toe twee voorbrandmakers die Overbergse graanboer die dag voor Kersfees in 2016 in die steek laat toe ’n reuseveldbrand bestry moes word, was dit die laaste strooi. Mnr. Jan-Hendrik Human van Adowa by Protem naby Bredasdorp is ’n boer wat omgee vir sy gemeenskap. Hy is nou betrokke by brandbestryding in die Overberg. Om voorbrande te maak om skade in veral winderige toestande te beperk, is ’n integrale deel van brandbestryding. ’n Voorbrandmaker (drop torch) is die algemeenste manier waarmee voorbrande veilig gemaak word. “Voorbrandmakers is te koop, en gewoonlik moet petrol en diesel presies in die regte verhouding gemeng word om dit suksesvol aan te steek. Die probleem is egter dat wanneer daardie verhouding nie reg is nie, of die verkeerde brandstof in die haas van die oomblik bygemeng…

Sonneblomme skakel maklik in by die somergraanproduksiepraktyke en mielieprodusente het min bykomende toerusting nodig om sonneblomme te produseer. Sonneblomme het ’n korter groeiseisoen as mielies en kan dus aansienlik vroeër as mielies geoes word. Dit kan lei tot ’n gunstige kapitaalvloei vir produsente en ’n groot besparing op rente. Sonneblomme het ook minder bemesting as mielies nodig – die algemene beginsel is gewoonlik 50% minder as mieliebemesting. Daarby is die saadkoste per hektaar minder as dié van mielies. Sonneblomme is dus ’n “goedkoper” gewas om te vestig as ander somergraangewasse. Sonneblomme is ’n: ■ Wyd aanpasbare gewas wat onder droogtetoestande beter vaar as ander gewasse. Dit is veral geskik vir verbouing in die marginale dele van die somergraanproduksiegebiede van Suid-Afrika. Danksy die plant se penwortelstelsel kan dit diep in die…

Hoekom is daar ’n groenteboerdery by ’n lughawe? Toe die lughawe destyds gebou is, was die ooreenkoms dat die gemeenskap betrek moet word en dat werkgeleenthede geskep moet word. Die landbou is ’n baie goeie werkskepper. Ons plaas het sewe permanente werkers en neem in seisoentyd veertig tydelike werkers in diens. Die plaas het begin om slaai te produseer wat aan ’n onderneming in Boksburg gelewer is, maar ons het in 2019 oorgeskakel en aan Freshmark begin lewer. Benewens babagroente en groenboontjies, hoekom is rissies ’n belangrike vertakking? Ons klimaat laat rissieboerdery toe, daarom plant ons ses verskillende rissiesoorte op 1 hektaar. Ons het goeie, warm somers – ons hitte-eenhede is baie hoog. Die siektedruk is ook laag omdat ons in ’n geïsoleerde omgewing geleë is. Waarom so baie verskillende…

Toe ek en Matie daardie Julie-oggend baie vroeg my geel Datsun 1400-bakkie se neus in die pad stoot, het die ryp nog spierwit gelê. Dit was snerpend koud, en toe ons op Mount Pleasant afklim, het fyn kapok van ’n paar dae tevore nog op die Nardousberg gelê. Die windjie het deur murg en been gesny. Ek was amper lus en sit die .243 weer terug in sy sak en ry huis toe, maar julle wat jagtersbloed in die are het, sal weet g’n jagter sal dit ooit doen nie. Matie het toe nog maar min in sy lewe gejag, en by hom sou daar geen sprake van terugdraai wees nie. Om in daardie berge rooiribbok te voet te jag, is een van die heel lekkerste jagervarings, maar jy moet…

Hoe het Langtafel ontstaan? Ek het grootgeword op ’n plaas in die Boesmanland. My ma was ’n ongelooflike gasvrou en my pa kan jou tot laatnag wakker hou met stories. Langtafel is ’n kombinasie van die twee. Ek het ’n hartsbegeerte om die resepte en stories van ons voorouers te laat voortleef, dus was ’n aanlyn platform ideaal. Op papier kry ons wonderlike Afrikaanse kostydskrifte, maar aanlyn is daar min. Langtafel neem jou op ’n nostalgiese reis – al het die lewe se pad jou weg van die platteland gestuur. Langtafel bring jou weer huis toe. My man en my pa is albei boere. Ek dink ons land se boere kry heeltemal te min er-kenning, en Langtafel plaas die kollig op die mense wat die kos op ons tafel sit.…

VOORSITTER ‘SUSSEXRAS MOET OOK VOLGENDE EEU IN SA SLAAG’ DIE eeufeesviering van die Sussexbeestelersgenootskap wat deur Covid-19 in 2020 onderbreek is, het vir die genootskap en die ras in Suid-Afrika ’n bepaalde nuwe tydperk ingelui. Mnr. Arno Cronjé, nuut verkose voorsitter, sê daar is twee deurslaggewende aspekte wat in die raad se volgende termyn aandag sal moet geniet: bemarking en die skep van ’n nuwe grondslag om die ras se wenresep in die volgende honderd jaar in Suid-Afrika te laat slaag. “Ons het onder meer geleer dat aangeleenthede op nuwe maniere aangepak moet word,” sê hy. Die nuwe raad sal die bemarking van die Sussex moet herbedink sodat die ras sy regmatige plek in die mark kan herwin. Volgens Cronjé sal die genootskap benewens ’n nuwe bemarkingsplan moet herbesin oor…

FEESTE 21-28 NOVEMBER: SA Heuningfees, Rustenburg. Alles oor heuning, soos gesondheid, persoonlike versorging, skoonheid, genesing, gebak, kos en drank. Daar gaan 80 kompetisies wees, asook sport, ’n biertent en vertonings. Stedelike Byegilde, WhatsApp 076 756 0801. 2 FEBRUARIE: Wynoesherdenkingsgeleentheid (virtueel) aangebied deur Agri Expo. Razelle Galant, razelle@agriexpo.co.za KONFERENSIES 24-25 NOVEMBER: Hommeltuig- en onbemande vliegkunskonferensie. Emperors Palace, Johannesburg. 011 436 9214, e-pos: info@bussynet.co.za, web: www.bussynet.co.za 2-3 MAART: Africa Energy Indaba 2021, Kaapstadse Internasionale Konvensiesentrum. Web: www. africaenergyindaba.com, e-pos: info@energyindaba.co.za 11 MAART: Vloot-en-brandstofbestuurkonferensie aangebied deur Maphosa Management Consultant. Chris, tel. 010 214 0666, chris@ maphosam.co.za, www.maphosa management.co.za 13-16 OKTOBER: Conexpo Africa 2021, Johannesburg. Werktuie en voertuie, asook produksiemiddele vir die landbou-, bosbou-, mynbou- en boubedryf in Afrika suid van die Sahara.Web: www.bcafrica.com, e-pos: info@mm-sa.com, 011 476 8093. SKOUE 10-13 FEBRUARIE: Heidelbergskou. Vic…