Indholdsfortegnelse for 12/17/2020 i Landbouweekblad

KREDITEURE is ontevrede oor ’n oënskynlike gesloer van die nasionale tesourie en die Land Bank in hul onderhandelinge vir ’n reddingspakket vir dié sukkelende bank, wat finansiers in die duister laat terwyl die betaaldatums vir nóg skuldafbetalings nader kom. Batebestuurders en ander krediteure wag nog vir ’n antwoord op hul vrae oor finansiële ooreenkomste en die meganismes vir ’n nuwe effekteprogram wat 60% deur die regering onderskryf sal word. Dit is volgens Suid-Afrika se grootste gespesialiseerde batebestuurder vir vaste inkomste. Die bank het in April ’n afbetaling misgeloop wat veroorsaak het dat hy hom aan kruiswanbetaling skuldig gemaak het binne sy effekteprogram van R50 miljard. “Die effektehouers en die banke stem heeltemal saam oor wat nodig is – ons het behoorlike uitleenvoorwaardes nodig, want daar is nie ’n 100%-waarborg nie,”…

ARTIKELS & RUBRIEKE ArtikelsDiebestevan 2020 se oes Boereplanne sonder einde! Só lyk grondpryse ná die droogte en Covid-19 Bouvorm sleutel tot rooivleiswins Karooboer móét áltyd reg wees met nuwe planne In die spore van George Stow SPESIAAL ■ Uitblinkers GESIN ■ Kerskos DIE BESTE VAN 2020 Die Kersuitgawe is ’n lekkerleestydskrif met die hoogtepunte van vanjaar se artikels, rubrieke, boereplanne en nuus. Buiten die oorsigartikels, wat ideale vakansieleesstof is, kan jy ook jou Kersspyskaart beplan met Arina du Plessis se onverbeterlike resepte.…

Binne die volgende dekade sal Suid-Afrika nie meer selfonderhoudend kan wees ten opsigte van water, voedsel en energie nie. Dit hou ernstige implikasies in vir voedselsekerheid, het prof. Anthony Turton van die Universiteit van die Vrystaat op ’n simposium oor die toekoms van landbouwaterbestuur in Suid-Afrika gewaarsku. Van die kwessies wat hy belig het, is die gehalte van water, wat volgens hom sonder twyfel die afgelope jare verswak het. Eutrofikasie, die verryking van water deur onder meer rioolafval, wat lei tot besoedeling deur blougroen alge, neem oral toe. Die toenemende onderbrekings in waterverskaffing, die gehalte wat drasties agteruitgaan en die alomteenwoordige probleem van rioolafval in rivierstelsels skep allerlei ekonomiese probleme, volgens Turton. JOHAN DIKSHOORN skryf: Die waterstelsel is klaar opgedinges. Oor ’n dekade is die waterbronne heeltemal onbruikbaar. Dankie, skelm…

DIE goeie reën wat tot dusver die seisoen oor die meeste van die land geval het, het nie die westelike dele van die land en suide van Namibië bereik nie, en dié gebiede gaan steeds onder baie droë toestande gebuk. Die sterk La Niña-stelsel se uitwerking behoort later in die seisoen na hierdie gebiede ook deur te werk, sê mnr. Johan van den Berg, onafhanklike landbouweerkundige. “Die Atlantiese hoogdrukstelsel wat uit die weste voorkom, is nog sterk en verhinder dat reën oor die westelike dele van Suider-Afrika voorkom.” Volgens weermodelle kan hierdie stelsel in die tweede deel van Desember verswak, wat die kans op reën oor die westelike gebiede van die somerreënstreek kan verbeter. Hoewel die kans op swaar neerslae oor dié periode oor hierdie gebiede teen druktyd nog nie…

TE midde van ’n voortslepende geskil en openbare moddergooiery tussen United Exports en die boerdery Ross Berries oor kontrakvoorwaardes en die onderskepping van twee van Ross Berries se bessiebesendings in Rotterdam, Nederland, het ’n aantal ander boere vir United Exports in die bres getree. Dié boere sê hulle is heeltemal tevrede met hul kontrakte. United Exports het ’n brief aan mense in die bedryf gestuur waarin mnr. Roger Horak, die onderneming se eienaar, 13 aspekte van die geskil tussen die twee partye uiteensit. Dit volg op ’n verklaring van Ross Berries waarin mnr. Chris Rossouw, eienaar, bewyse voorhou vir Ross Berries se onskuld op aantygings dat hy United Exports se intellektuele eiendomsreg geskend het. Hierop sê mnr. Marc Doms, eienaar van die Saratoga-boerdery en die Wes-Kaapse pakhuis wat United Exports…

“NÁ die hofsaak het ek in my berg opgeklim. Ek het by ’n stroompie gaan sit en ek het net gehuil. Miskien sal ek later gelukkig voel. Maar op die oomblik is ek net baie dankbaar en verlig dat dit alles verby is.” ’n Beproewing van langer as vyf jaar het op 18 November 2020 vir me. Alison Oates, ’n beesboer van Harrismith, geëindig toe een van die vier aanvallers wat haar op Sondag 4 Oktober 2015 wreed aangerand en verkrag het, lewenslank tronk toe gestuur is en ’n verdere 15 jaar opgelê is vir roof met verswarende omstandighede. Mnr. Themba (Steen) Makhubo is danksy DNS-bewyse met die verkragting op Oates verbind. ’n Tweede aanvaller kon slegs deur Makhubo geïdentifiseer word, maar hy het verkies om dit nie te doen…

Die regering het begin met ’n nuwe benadering om die hele waardeketting van ’n bedryf te ondersoek en te beoordeel met die oog op beleidsformulering. Dié benadering het al gelei tot die pluimveemeesterplan en meer onlangs een vir die suikerbedryf wat in wording is. Die belangrikheid van die benadering is dat daar nie net op een skakel in die waardeketting gekonsentreer word nie, maar op al die belanghebbendes, vanaf die insetkant regdeur die produksie- en verwerkingsproses tot op die winkelrak, om breër knelpunte te bepaal wat mededingendheid knel. Die Australiese regering ag die mededingendheid van sy landbousektor só belangrik dat hy ’n beleidsdokument gepubliseer het. Dit sit stappe uiteen om sy landbou se internasionale mededingendheid te verhoog. Suid-Afrika se meesterplanne is dus ’n stap in die regte rigting. Die probleem…

Die Suid-Afrikaanse heuningbedryf word steeds geteister deur goedkoop, ingevoerde heuning van twyfelagtige gehalte. Plaaslike produsente dui aan dat hulle nie met dié kunsmatige heuning kan meeding nie, veral in die lig van die jare lange droogte in groot dele van die land. Volgens mnr. Wandile Sihlobo van die landbousakekamer Agbiz is die ingevoerde heuning op die winkelrakke (’n mengsel van heuning uit talle lande – van China tot Argentinië) kommerwekkend. “Die omvang van die probleem in Suid-Afrika is nie duidelik nie, maar die invoer van heuning het van 476 ton in 2001 tot 4 206 ton in 2019 toegeneem,” sê hy. “Sowat 76% hiervan kom van China. Die vraag is egter oor die gehalte van dié ingevoerde produk.” Ingevolge die Wet op Landbouprodukstandaarde (Wet 119 van 1990) word twee grade…

Besighede en individue wat by bio-innovasie in Suid-Afrika betrokke is, word aangemoedig om hul werksaamhede op die nuwe Bioeconomy SA- webgebaseerde platform te registreer. Inligting uit verskillende bronne word daarop geïntegreer. “Enigiemand wat in landboubiotegnologiestelsels, -produkte of -projekte belang stel, kan baat vind by registrasie. Dit sluit in aspekte rondom weefselkultuur, spesialiteitsgewasse soos sampioene, nuwe en gereguleerde gewasse soos kannabis en GMO’s,” het dr. Hennie Groenewald, uitvoerende bestuurder van Biosafety South Africa, by navraag gesê. Biosafety South Africa, ’n nasionale platform vir tegnologie-innovasie, bestuur tans die inhoud namens die departement van wetenskap en innovasie (DWI). Dit is ’n uitvloeisel van die nasionale bioekonomie-strategie (waarvan die landbousektor een van vier afdelings is) wat in 2014 van stapel gestuur is om bio-innovasie tot voordeel van ekonomiese groei en maatskaplike ontwikkeling in Suid-Afrika…

Wagyu Suid-Afrika het die tweede Wagyuwêreldkongres met die samewerking van die Nasionale Konvensieburo virtueel aangebied. Landbouweekblad, wat vanjaar reeds talle landboukonferensies aanlyn aangebied het weens die Covid-19-pandemie, het ’n groot rol gespeel in die aanbieding van die Wagyu-kongres saam met Brand Republic, wat in die uitsending van sulke byeenkomste op televisie spesialiseer, en wat saam vir die landbou-televisiereeks Landbouweekliks verantwoordelik is. Dr. Michael Bradfield, uitvoerende hoof van Wagyu Suid-Afrika, en Chris Burgess, redakteur van Landbouweekblad, was die programaanbieders. Internasionale sprekers het hul lesings aanlyn vanuit hul huise gelewer. Nagenoeg 200 produsente en ander belangstellendes kon vanaf hul plase en huise aan die verrigtinge en besprekings deelneem. In die eerste van twee artikels val die klem op die genetiese, genomiese en tegniese aspekte van veeteelt. Volgende week is die soeklig op…

WATTER TEGNOLOGIE IS VIR JOU ONONTBEERLIK? Kameras in die kraamkamers, kunsmatige inseminasie (wat self gedoen word), en die internet om kommunikasie met veeartse en kliënte te vergemaklik. WAT IS DIE BESTE RAAD WAT JY AL GEKRY HET? Ek gebruik rooibostee vir my honde — ’n briljante ou hondeteler het dit lank gelede aanbeveel. Ek kies ook geen kortpaaie met voeding en gesondheid nie. WAT WAS JOU GROOTSTE BOERDERYFOUT? Om te lank dieselfde korrels te voer. WATTER ENKELE ASPEK HET DIE GROOTSTE IMPAK OP JOU BOERDERY GEHAD? In 2007 en 2008 is nie ’n enkele klein hondjie gebore nie. Toe verander ek hul kos en bring byvoeding in hul dieet in, en binne ses maande was die vrugbaarheid terug op 100%. Toegang tot uitstekende teelmateriaal is ook uiters belangrik. HET JY…

AANGEPLANTE WEIDING Ons smutsvingergraslande was in ’n stadium erg besmet met bankrotbos. Ons het die bankrotbos doodgespuit en die veld toe later afgebrand. Die lande het nou min smutsvingergras oor en is besmet met fyn kweek- en dekgras. Ek wil die lande se weidingspotensiaal weer terugkry, maar ek moet eers die fyn kweek uitwerk. Watter ander eenjarige gewasse of peulgewasse kan ek plant sodat ek die fyn kweek kan uitspuit, maar wat my beeste later kan bewei? Ek wil volgende jaar weer gras vestig wanneer die kweek onder beheer is. Dit is ’n goeie plan (soos voorgestel) om ’n eenjarige weiding te plant voordat die smutsvingergras hervestig word. Die beste sal wees om te wag totdat die kweek- en dekgras begin groei en ’n mooi groen voorkoms het (wat binnekort…

Waar het jy grootgeword en hoe het kosmaak só ’n groot deel van jou lewe geword? Ek is amper in ’n hut gebore – diep in die berge in Mpumalanga. My pa was ’n boer en ek het so tussen die koedoes, skape, aartappels en sojabone grootgeword. Landbouweekblad was elke week een van my hoogtepunte – my pa sou Woensdae dorp toe gaan en terugkom met die nuwe uitgawe en dit op die koffietafel neersit vir ons almal om te geniet. Ek het die resepte elke week verslind. My liefde vir kosmaak is aan my oumas en ouers te danke. Ons was van kleins af saam met hulle in die kombuis. Ouma Ansie het elke maand blikke anysbeskuit en koekies en skuimpies gebak en ons klein handjies was saam met…

PÉT-WAT?! Die Bosman-familie van Wellington is altyd besig met nuwe en interessante wynprojekte – van oranje wyn (witwyn waar dopkontak toegelaat is) tot interessante kultivars, soos Nero D’Avola. Corlea Fourie, die wynmaker, het onlangs ’n paar bottels Bosman Pét-Nat 2020, met ’n pragtige speldekussing-etiket, vir vriende in die wynbedryf oopgemaak. Buiten ’n paar wyn-nerds wat daarmee in hul versamelings spog, is Pét-Nat nie sommer iets wat jy elke dag in Suid-Afrika raakloop nie. Pét-Nat is kort vir “Pétillant Natural” en verwys na een van die oudste maniere om vonkelwyn te produseer (ook bekend as die Methode Ancestrale). Dit raak deesdae ál gewilder, veral onder mense wat by die natuurlike wynbeweging aanklank vind. Anders as Cap Classique, wat ’n tweede keer in die bottel moet gis, ondergaan Pét-Nat net een gistingsproses.…

Wonderwerktyd is ’n pragtige woord vir Kerstyd. Jy kan nie in Kersfees glo as jy nie in wonderwerke glo nie, want van die begin tot die einde is die Kersverhaal een, groot wonderwerk. In Matt. 1:23 staan geskryf: “ ‘Die maagd sal swanger word en ’n Seun in die wêreld bring, en hulle sal Hom Immanuel noem.’ Die naam beteken God by ons.” Dieselfde teks staan in Jes. 7:14. Ons hoor van ’n maagd, wat ’n jong meisie is wat nog nooit by ’n man was nie, wat swanger geword en ’n pragtige seuntjie gebaar het. Vra enige ginekoloog en hy of sy sal vir jou sê dit is fisiek onmoontlik, maar tog het dit gebeur. Wat van die wyse manne wat van oral gekom het; van so ver as…

MARKNEIGINGS REGISTRASIES TERUG NA NORMAAL Dit lyk asof die registrasie van grondverhandelingstransaksies in die Wes-Kaap terug is na normaal. In die vier maande voor September is net vier transaksies in die Wes-Kaap geregistreer. In die 12 maande tot einde Oktober is altesame 249 ooreenkomste (46,4% minder as die vergelykende vorige 12 maande) in 26 distrikte gesluit. In die proses is 131 642 ha verhandel teen R2,595 miljard. In die hele land was die aantal geregistreerde transaksies tot die 12 maande tot September 48,8% laer vergeleke met die ooreenstemmende tyd verlede jaar. Dit is opmerklik dat die verhandeling van grond kleiner as 50 ha en groter as 600 ha ’n toename toon. Verhandeling van verskillende plaaskategorieë is soos volg: kleiner as 50 ha, 35%; 50-150 ha, 16%; 150-300 ha, 14%; 300-450…

LADYBRAND TELER VERKOOP BORANKOEI VIR R500 000 Twee Borankoeie is teen onderskeidelik R500 000 en R400 000 op die jaarlikse Vastrap Boran-veiling op Ladybrand verkoop. Die prys van R500 000 is ’n rekordprys vir ’n vroulike dier met ’n kalf. ’n Boranbul is op dieselfde veiling teen R250 000 verkoop. Mnr. Keith Peinke, eienaar van die Boran-stoetery Peinke Ranch in Oos-Londen, het die koei PRB13-19 Shakira met haar verskalf, PRB19-46 Shakira, teen R500 000 aan mnre. Simeon en Jarren Hurwitz van die Hurwitz-boerdery, Davel, verkoop. Hy het ook die koei PRB17-48 Celine en haar bulkalf, PRB20-29, teen R400 000 aan me. Yolandie Botha en mnr. Danie Veldthuysen van die Iminathi-stoetery, Pretoria, verkoop. Peinke het die hoogste prys vir ’n bul op die veiling behaal toe hy PRB15-34 Stenson aan pres.…

0% Die Suid-Afrikaanse hawereguleerder het die algehele gemiddelde hawetariefverhoging op 0% gestel, teenoor die 19,74%-verhoging wat deur die Transnethawe-owerheid (TNPA) aangevra is. Tariewe op vraghouers vir uitvoer en invoer sal met onderskeidelik 10% en 3% daal, en tariewe op mariene dienste en verwante tariewe sal met 5% styg. Alle ander tariewe bly onveranderd. Die reguleerder sê die besluit is in ooreenstemming met die ekonomiese herstelstrategie ná Covid-19. – Moneyweb 122% Standard Bank, Afrika se grootste bank wat bates betref, se kredietverliese as ’n persentasie van totale krediet toegestaan het in die eerste helfte van die jaar met 122% gestyg vergeleke met die ooreenstemmende tydperk in 2019. Die bank se kredietverliese is gewoonlik van 0,7% tot 1% van die totale krediet toegestaan, maar het vanaf die eerste helfte van 2019 gestyg…

‘Daar is ’n persepsie onder misdadigers dat jy jou nie hoef te bekommer daaroor dat jy vir jou oortredings gestraf sal word nie en ek wou dit beveg.’ ME. ALISON OATES, boer van Harrismith, oor haar vyf jaar lange volharding vir die vervolging van die man wat haar op haar plaas aangerand en verkrag het. Bl. 22 ‘Ek het nog nooit so iets beleef nie. Dit is asof hierdie wurms aangepas het om ons plaagbekampingsprogram te ontduik.’ MNR. HENDRIK JACOBS, ’n mielieboer van KwaZulu-Natal, oor die snywurmplaag wat sy plaas getref en hom gedwing het om 350 ha uit ’n aanplanting van nagenoeg 400 ha oor te plant. Die wurms is ook nie meer net tot mielies beperk nie. Bl. 14 ‘Terwyl ons kyk na die verspreiding van water om…

OUDSTE LESER VAN LBW? Van my eerste herinneringe is van boeke en tydskrifte. Ek en my twee broers, Friedel en Pieter, het elke week uitgesien na die tydskrif Playhour, asook ander tydskrifte, soos Huisgenoot, Sarie en Reader’s Digest, wat weekliks of maandeliks na ons huis toe gekom het. Ons huis was vol boeke en daar was daagliks ’n nuwe koerant. My ma, Mavis Prinsloo (voorheen Hansen, gebore Möller), het met ywer gelees en het ons kinders aangemoedig om dieselfde te doen. Dit was ’n manier om jou kennis te verbreed en te leer van dinge van die natuur, van diere en plante waarvan jy nooit andersins sou weet nie; van vreemde lande en mense wat anders lyk en eet as ons. My ma, nou 99 jaar oud, woon die afgelope…

VAKANSIEVERDERF: IS U OOK ’N SONDAAR? Is u ook ’n sondaar? Elkeen van die foto’s hier langsaan vertel dieselfde ou storie – hoe sommige mense se suurverdiende vakansiegenot bederf word deur ander se onnadenkende of doelbewuste selfsugtigheid. 1. Badkamerkliek. Hulle dink hulle is verskriklik oulik. Omdat die hele kliek by dieselfde plek loseer, het hulle ’n soort ketting onder mekaar gereël wat die badkamer vir die ganse oggend “in die familie” hou. Die een wat die vroegste wakker word, gaan eerste na die badkamer, en sodra sy klaar is, draai sy die kraan oop vir die tweede op die lys en gaan maak haar wakker. Solank hulle van die res van die loseerders vergeet, dink hulle selfs hulle is bedagsaam teenoor hul medemense! 2. Babbelbek. Sy’s mooi, sy’s opgewek —…

L ANDBOU - ONDERNEMINGS gaan die somerseisoen vol moed binne. Ná ’n noemenswaardige herstel tot ’n vlak van 51 indekspunte in die derde kwartaal van 2020 het die landbousakekamer Agbiz en die nywerheidsontwikkelingskorporasie (IDC) se sakevertroue-indeks in die vierde kwartaal nóg verder met 10 indekspunte tot 61 gestyg. Dit is die hoogste vlak sedert die derde kwartaal van 2014. Só ’n skerp styging dui daarop dat landbou-ondernemings optimisties is oor sake-omstandighede in Suid-Afrika, sê mnr. Wandile Sihlobo, hoofekonoom van Agbiz en samesteller van die indeks. Dit is nie net Agbiz se vertrouensindeks wat dié opswaai weerspieël nie. “Daar is ook ander data wat betreklik goeie prestasie in die meeste van Suid-Afrika se landbouverwante sektore aandui. Die statistieke toon ook dat die landbou minimaal geraak is deur die hoë onsekerheidsvlakke wat…

KUNSMISVERKOPE en ’n goeie prestasie deur sy graanafdeling het vir ligpunte in TWK Agri se jongste boekjaar gesorg, in wat andersins een van sy moeilikste boekjare nóg was. Mnr. André Myburgh, uitvoerende hoof, sê Covid-19 het die TWK-groep se moeilike handelstoestande vererger. Die maatskappy is ’n gediversifiseerde landbou-onderneming, maar sy houtafdeling lewer die grootste bydrae tot sy resultate, en dié het gesukkel. Die groep se inkomste het luidens ’n verklaring met 1% gedaal en sy bedryfswins met 32%. Vanweë die skerp daling in vraag in die internasionale houtpulpbedryf het die houtafdeling se inkomste met 16,8% gedaal en sy bedryfswins met 55%. MEER KUNSMIS Daarteenoor het die inkomste van die kleinhandel- en meganisasie-afdeling met 15,7% gestyg en die bedryfswins met 7,3%, veral danksy hoër kunsmispryse en ’n styging van 5 015…

Suid-Afrika is in die 59ste plek uit 63 lande wat wêreldwye mededingendheid in 2020 betref, volgens die IMD World Competitiveness Center. Singapoer is eerste wat betref mededingendheid en Venezuela is in die laaste plek. Dit is nie ’n mooi storie nie. Ekonomiese vryheid is die sleutel tot welvaart en groei. Luidens ’n verslag van die Amerikaanse The Heritage Foundation, “2020 Index of Economic Freedom”, is Singapoer (eerste uit 186 lande) se punt vir ekonomiese vryheid 89,4 teenoor Suid-Afrika (105de uit 186 lande) se punt van 58,8 en Venezuela (179de uit 186 lande) se punt van 25,2. As ’n belanghebbende in die Suid-Afrikaanse landboubedryf moet jy daarteen waak dat die land se moeilike omstandighede jou visie vir ’n vryer landboumark vertroebel. Wanneer vertroue in die plaaslike landboubedryf se demokratiese instellings in…

WAT IS DIE BESTE BOERDERYBESLUIT WAT JY AL GENEEM HET? Om in 2012 ons eie pakhuis op te rig en nie meer van ander pakhuise afhanklik te wees nie. EN WAT IS DIE BESTE RAAD WAT JY GEKRY HET? Dr. Piet Stassen, ’n tuinboukundige in die Kaap, het gesê snoei liewer iets verkeerd as om dit glad nie te snoei nie. WIE WAS JOU MENTOR IN DIE LANDBOU? Daar is meer as een. Beslis Stassen, asook mnr. Johann du Preez van Bavaria (’n vrugtelandgoed by Hoedspruit). Hulle het ’n groot impak gehad op die manier waarop ek vandag nog dinge doen. WATTER ASPEK VAN DIE BOERDERY STEL DIE GROOTSTE EISE AAN JOU? Personeelbestuur. Ons het byna 60 heeltydse werkers. In oestyd is hier byna 400 mense wat in die boorde,…

PLAASVEILIGHEID SONKRAG GEE ALARMSTELSEL WOEMA My Kleine Winkel is ’n aanlyn winkel wat verskeie nuttige veiligheidstoebehore vir die plaas en gebruik in en om die huis verkoop. As ’n mens dus nie wil dorp toe ry vir enigiets van veiligheidsligte met hul eie sonpanele of sekuriteitskameras nie, kan jy mkwinkel.co.za besoek. Een van die talle aanbiedinge wat tans beskikbaar is, is die sonkragbewegingsverklikker 5 (SMD5) met ’n afstandbeheerder. Hierdie toestel is ’n verbeterde weergawe van My Kleine Winkel se Solar Motion Detector No. 1, oftewel sonkragbewegingsverklikker Nr.1. Danksy ’n flitsende lig en alarm is die SMD5-toestel ideaal vir elke huis of skuur binne sig van sekerheidswagte of vanuit jou huis. Hierdie alarmtoestel dien as vroeë waarskuwing én afskrikmiddel vir betreders wanneer beweging in sy dekkingsgebied gewaar word. Die bewegingsverklikker se…

Volgens me. Anemari Pretorius, wat die geskiedenis van die Boerboelras in 2005 opgeteken het, is die sogenoemde Bullenbijter wat volgens oorlewering saam met Jan van Riebeeck Kaap toe gekom het, nie noodwendig die enigste herkoms van die ras nie. Volgens haar kan aanvaar word dat die Boerboel uit hoofsaaklik twee bronne van oorspronklike teelmateriaal geteel is, “naamlik die Bullenbijter met sy wortels in Europa (en vóór dit in Albanië en Assirië), en die Afrika-hond van die swart bewoners van Afrika. ”Verskeie swart stamme wat suidwaarts deur Afrika getrek en verskillende tipes honde saamgebring het, is waarskynlik die bron van die kenmerkende Afrika-honde, wat grootliks afstammelinge is van honde wat eeue lank in Ethiopië geteel is.” Volgens mnr. Kobus Rust van die voormalige SA Boerboeltelersvereniging het ses Boerboelliefhebbers in die begin…

WAT IS DIE GROOTSTE STRUIKELBLOK VAN COVID-19? Nasya: Ek dink die grootste struikelblok van Covid-19 is om selfmotivering aan te leer. Ons moes besef dat ons nie meer so “vrylik” soos in die verlede kan lewe nie. Ons het geleer om meer om te gee vir die mense om ons en nie net op onsself te konsentreer nie. Le Roux: Die grootste struikelblok van die Covid-19 virus was wêreldwyd beslis die verlies aan beheer vanweë die onbekendheid van die virus, asook die verreikende gevolge van die virus omdat niemand voorbereid was op die omvang daarvan nie. Daar was eenvoudig nie ’n plan gereed om die reuse-invloed van die virus op alle vlakke van die samelewing teen te werk nie. Dus is baie foute gemaak, met ernstige gevolge vir die ekonomie…

WIT BRAHMAN 1 Senior en grootkampioenbul, opperste kampioen-Brahman en opperste kampioenbees op die skou, Brandwater Mr HOT 16-569. Eienaar: Mnr. Linde du Plessis (regs, 083 700 8592), Brandwaterstoetery, Fouriesburg. Hanteerder: Mnr. Sam Motaung. Du Plessis het ook die reserwe intermediêre kampioenbul, HOT 18-853, en die reserwe junior kampioenbul, HOT 17-725, vertoon. 2 Intermediêre en grootkampioen vroulike dier en reserwe opperste kampioen-Brahman, SER 19-32. Eienaar: Serfontein-familie (me. Carla de Kock, 082 447 1650), Serfbred-stoetery, Potchefstroom. Hanteerder: Mnr. Shimi Mninizo. Hulle het ook die superkoei, SER 15-100, junior kampioen vroulike dier, SER 18-8, intermediêre kampioen vroulike dier (wit), SER 19-32, en reserwe kampioen vroulike dier, SER 18-7, vertoon. 3 Reserwe senior en reserwegrootkampioenbul, ARC 17-122. Eienaar: Mnr. Josey Machiel, Arc-en-Ciel-stoetery, Secunda. Hanteerder: Mnr. Carlos Cilo. Regs staan mnr. Cor Loggenberg (kuddebestuurder, 076…

Kry ’n werk wat jy geniet, en jy sal nooit ’n dag in jou lewe hoef te werk nie! Dít is een van my gunsteling-sêgoed deur een van my gunstelingpersoonlikhede, naamlik die geniale Amerikaanse humoris Mark Twain, die skrywer van onder meer die veelbeminde Adventures of Huckleberry Finn. Een van die grootste vreugdes om by Landbouweekblad te werk, is om plase te besoek waar boere Twain se aanbeveling uitleef. Hierdie boere se dagtaak is met wonder en genot gevul. Hul oplossings vir plaasprobleme is gewoonlik bedrieglik eenvoudig en kom sonder veel moeite, juis omdat hulle die rustigheid het van mense wat besig is met dit waarvoor hulle lief is. Dit is die besluite wat onder druk geneem word wat onnodige foute laat insluip. Dié soort hoopvolheid tref ’n mens ook…

MNR. CLINTON FREY van Winterton in KwaZulu-Natal het die hoogste opbrengs van 5,12 t/ha met sojabone op droëland in Graan SA se nasionale Grow for Gold-opbrengskompetisie én DuPont Pioneer se Weeg-en-Wen-kompetisie behaal. Lees meer op bl. 36. VERTEL VAN JOU GESIN. Ek is ongetroud en boer alleen sedert my pa, Lothar, se dood. My ma, Diane, woon aan die Suidkus van KwaZulu-Natal. Ek is die oudste van vier kinders. Ek het twee broers, Nicholas en Geoffrey, en ’n suster, Roxane. HET JY NÁ SKOOL GESTUDEER? Nee, ek het dadelik saam met my pa begin boer en ook my eie koring- en mieliemeule op die dorp bedryf. HET JY ’N STOKPERDJIE? Ek geniet dit om met my boot dam toe te gaan wanneer ek tyd kry vir ’n bietjie watersport. WAAR…

DIE Kaap Agri-groep se inkomste het met 1,5% tot R8,6 miljard gestyg, ten spyte van deflasie en die invloed wat Covid-19 op sy geldsake gehad het. “Dit is eintlik baie bemoedigende syfers in ’n baie moeilike jaar. Ons kon die besigheid stabiliseer en mense se lewensbestaan red,” het mnr. Sean Walsh, uitvoerende hoof van Kaap Agri, op ’n virtuele bekendstelling van die groep se finansiële resultate gesê. Die groep se inkomste het gegroei ten spyte daarvan dat transaksies met 2,9% afgeneem het. Walsh het gesê aankopers se mandjies was groter. Volgens hom was daar twee besliste helftes aan die afgelope boekjaar. Die eerste ses maande was stadig, met verbruikers wat traag was om in die kleinhandelomgewing geld uit te gee. Dit is ook gekenmerk deur ongunstige weerstoestande, onderdrukte ekonomiese groei…

IMMERSTYGENDE elektrisiteitskoste bedreig die volhoubaarheid van bekostigbare voedselproduksie. Só het dr. Jack Armour, bedryfsbestuurder van Vrystaat Landbou, gewaarsku toe hy die Nasionale Energiereguleerder van Suid-Afrika (Nersa) toegespreek het oor Eskom se voorgestelde elektrisiteitstariefverhogings. Volgens Armour is dit onaanvaarbaar dat verbruikers in die algemeen die prys moet betaal vir die slegte bestuursbesluite van staatsondernemings en betalingsmisdadigheid deur munisipaliteite. “Eskom se aansoek om pryse te verhoog is ’n poging om die verlies van vorige jare te dek. Eskom het die beraamde vraag na energie oorskat, daarom het hy te veel geproduseer en moet dus die finansiële gevolge dra,” het Armour gesê. “Pleks daarvan om die verbruiker te laat doodbloei, moet Eskom en Nersa plaaslike regerings dwing om alle uitstaande elektrisiteitsrekeninge te betaal.” TALLE BEDRYWE Armour het gesê elektrisiteit is ’n belangrike insetkostekomponent…

1 ZIMBABWE| Staat beloof hulp met korridorsiekte Nadat nagenoeg 300 000 beeste sedert 2015 weens korridorsiekte uitgewis is, het die regering hom eindelik daartoe verbind om dipstowwe beskikbaar te stel aan boere wat dit meestal nie kan bekostig nie. ’n Kombinasie van minder gereelde dipsessies en die impak van langdurige droogte het mettertyd tot die vrektes gelei. Mnr. Mthuli Ncube, minister van finansies, het in sy 2021-begroting aangedui die dipsessies sal vermeerder van die huidige 32 per jaar tot 48 per jaar. Daarvoor sal $577 miljoen beskikbaar gestel word. Bosluismiddels sal ook aan behoeftige huishoudings verskaf word, en minstens 50 diptenks per provinsie sal verbeter word. — New Zimbabwe 2 NIGERIË | Bedryf vra uitvoerverbod Die sukkelende Nigeriese pluimveebedryf het die federale regering gevra om die uitvoer van…

Die grendeltyd was nie goed vir my gewig of cholesterol nie. Ter versagting wil ek net noem dit is deels omdat ek nou ’n bobaas-kaneelrolletjie kan bak. (As jy nog nooit ’n kaneelrolletjie geproe het nie, mis jy iets lekkers!) Nadat ek gewig aangesit het, het ek onlangs weer ernstig begin oefen en my vrou laat my ’n dieet van hoenderslaai volg. Die enigste probleem met dié proses is dat ek nou heeltyd honger is. Danksy my maag wat heeltyd rommel, het ek egter besef dat wanneer jy regtig jou lewenstyl wil verander, moet die verskil wat jy aanbring, jou seermaak. Dit moet as ’t ware jou maag laat rommel. As jy op ’n dieet is en nie honger voel nie, is jy moontlik besig om jouself iewers te bluf.…

Die vooruitsigte vir wortelboere lyk onseker tot sleg indien die somerreënstreek sy normale weer-patroon die volgende drie maande volg. Volgens mnr. Gert Janse van Rensburg van die Langplaas-boerdery, Brits, is dit vanjaar die tweede nat somer wat die noordelike streek van die land ervaar. “Ons het reeds 200 mm reën gekry vir die seisoen. Hoewel dit slegs die helfte is van 2019 se 400 mm, is dit steeds ’n baie nat jaar. Die ska-de is reeds in sommige dele van die landerye sigbaar en wortels vrot. “As daar nóg reën val, sal ons waarskynlik meer skade sien. Die geluk met die koeler weer is dat ons goeie ontkieming en stand kry. As die toestande gunstig is in die res van die seisoen, sal ons goeie oeste sien.” Die goeie oes…

Tesame met die groeiende vraag na boomneute by verbruikers is daar ook ’n ál groter bewuswording oor moontlike besmetting met bakterieë, virusse of organismes wat na mense oorgedra kan word. Die Amerikaanse voedsel- en medisyne-administrasie (FDA) het dit daarom onlangs verpligtend gemaak dat alle amandels wat na Amerika ingevoer word, gepasteuriseer moet word. Sulke maatreëls sal na verwagting ook op ander neute en in ander uitvoerbestemmings van krag word. Daarom het The Green Farms Nut Co (GFNC), een van Suid-Afrika se grootste verwerkers en uitvoerders van makadamianeute, in tegnologie van die Switserse maatskappy Napasol belê om dié neute te pasteuriseer. Mnr. Allen Duncan, uitvoerende hoof van GFNC, glo dié belegging sal op lang termyn dividende vir produsente oplewer deur marktoegang te verseker wanneer lande strenger regulasies op makadamianeute instel. Mnr.…

WATTER TEGNOLOGIE IS ONMISBAAR IN JOU BOERDERY? My presisieplanterstelsel, die RTKrekenaarstelsel in my John Deere-trekkers en die tegnologie wat dit moontlik maak om spilpunte met my slimfoon te beheer. Dit sal egter nie moontlik wees om op groot skaal te boer sonder my werknemers se harde werk en toewyding nie. WAT IS DIE BESTE RAAD WAT JY AL GEKRY HET? Jy het altyd twee opsies, naamlik opsie A en opsie B. Opsie B is om seker te maak opsie A werk. WAT IS DIE GROOTSTE FOUT WAT JY IN JOU BOERDERY GEMAAK HET? Om te dink dit gaan maklik wees. WIE WAS JOU MENTOR? My oorlede pa, Lothar. Hy het my geleer om nooit tou op te gooi nie en dat harde werk altyd beloon sal word. WAT IS JOU…

Om geneties meerderwaardige honde te teel, verg passie en heeltydse aandag. Dit is egter die moeite werd vir me. Beverli Katz, want deesdae staan selfs koningshuise tou vir haar diere. Alles het in 1999 begin toe ’n vriendin haar gevra het om ’n week lank na haar drie maande oue Boerboelhondjie om te sien. “Die koeël was deur die kerk . . . ” Vandag is Beverli van die plaas Klein Sandfontein by Caledon in die Overberg die wêreld se naasgrootste teler van geregistreerde Boerboelhonde wat van die beste teelmateriaal na gerespekteerde kliënte in alle uithoeke van die aarde uitvoer. Sy het tans 52 Boerboelhonde, waaronder 10 reuns en 13 tewe waarmee sy teel. Die res is nog te jonk om in haar teelprogram gebruik te word, en party is…

Boere wat sekere soorte gewasse kweek, wéét van wan. Wan is natuurlik om die “kaf van die koring” te skei, soos die spreekwoord sê. Dit geld ’n groot verskeidenheid gewasse, waaronder om uiesaad uit die uieplantkaf te wan nadat dit gedroog is. Mnr. Alewyn Nel (42) van Viskuil by Laingsburg is een van die groter uiesaadprodusente in die Karoo. Hy het al by tye tot 25 ha onder uie gehad, maar tans omtrent 15 ha. Vir hom is dit ’n normale praktyk om uiesaad uit die gedroogte uiekaf te wan om dit in ’n gesuiwerde vorm te kry vir die saadmaatskappye aan wie hy uiesaad lewer. Wanmasjiene is op die mark beskikbaar, maar kos vandag waarskynlik R100 000 tot R200 000. “My pa het destyds besluit om sy eie wanmasjien…

Hanghoenders oor die kole met pynappelsalsa Om die hoenders hangende te braai, sal jy matige kole nodig hê wat vir 4-5 uur kan aanhou brand. (As jy wil, kan jy die hoenders ook in ’n ketelbraai gaarmaak of as ’n plathoender op die kole sit, wat sowat 45 minute sal duur). Die hangende hoenders is egter ’n hele avontuur vir almal betrokke! Jy sal ook ’n raamwerk soos op die foto nodig hê om die hoenders aan te hang. Ek maak twee vure – een wat jy lekker warm kan maak en om rondom te kuier, en een vir die hoender – jy kan die braaivuur dan uit die warm vuur voer. Wat baie belangrik is, is dat jy die hoenders só met die tou bind dat jy hulle elke…

Jy is in 1990 as keldermeester by Graham Beck Wyne aangestel. Dit is ook die jaar waarin die eerste kelder op die plaas gebou is en in 1991 is die eerste wyn gemaak. Het jul visie baie verander die afgelope drie dekades? Ons het inderwaarheid ’n sirkel volbring. Mnr. Graham Beck se visie was destyds om die beste voorbeeld van Cap Classique uit Suid-Afrika na die internasionale markte te neem. Ses jaar gelede het ons die sirkel voltooi toe ons besluit het ons wil ’n spesialisprodusent wees wat ons slegs op Cap Classique toespits. Dit was nie ’n moeilike besluit nie, want die handelsmerk was nog altyd sinoniem met Cap Classique. Jy sê jy is altyd op soek na die ‘perfekte borrel’. Bestaan só iets? ’n Mens sou dink as…

DIE Morgenzon Landbou-akademie in Mpumalanga is in die bevoorregte posisie om homself te vereenselwig met mense met groot harte en wat die skool baie goedgesind is, sê mnr. Johan Broekman, hoof van landbou by die skool. Die skool het ’n droom gehad om ’n groente-eenheid op die been te bring. “Plusnet het ons gehelp met ’n borgskap vir die oprigting van ’n tonnel wat uit skadunet bestaan. Daar is tans al gewasse soos kopkool, spinasie, tamaties, blaarslaai en selfs aarbeie in dié groentetuin. “Die tonnel is opgerig om eerstens groente op ’n bekostigbare manier aan ons koshuis te voorsien, maar omdat dit so groot is, is ons ook van plan om produkte aan ons gemeenskap te verkoop en daarna nog verder uit te brei,” sê Broekman. Morgenzon sonder mnre. Louis…

Die Bloodline-Boranstoetery van mnr. Zippo Lamprecht van Dewetsdorp is deur die Landbounavorsingsraad (LNR) as sy vleisbees-verbeteringskudde van die jaar bekroon. Die toekennings is weens die Covid-19-pandemie virtueel aangebied. Lamprecht boer op plase in die distrikte Dewetsdorp en Smithfield. Hy het reeds as tiener sy tande as beesboer geslyp en sy eerste beeste gekoop toe hy 14 jaar oud was. Hy selekteer grootliks vir gehardheid en vrugbaarheid; vandaar sy slagspreuk: Net die gehardste en vrugbaarste. Lamprect boer net met beeste en sy stoet- en kommersiële diere ontvang gelyke behandeling. Hy behartig sy beesboerdery sonder heeltydse werkers. Sy strewe as vleisboer is die hoogste opbrengs in harmonie met die natuur teen die laagste koste in ekstensiewe omstandighede op natuurlike veld. Die veld is hoofsaaklik gemengde rooigras en bossieveld en die gemiddelde reënval…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in die Landboukalender. Stuur die besonderhede aan lbw@landbou.com FEESTE 2 FEBRUARIE: Wynoesherdenkingsgeleentheid (virtueel) aangebied deur Agri-Expo. Razelle Galant, razelle@agriexpo.co.za 25 FEBRUARIE: Beoordeling van die Suid-Afrikaanse suiwelkampioenskapskou, aangebied deur Agri-Expo. Razelle Galant, razelle@agriexpo.co.za 26 MAART: Aankondiging van SA suiwelkampioene, aangebied deur Agri-Expo. 7 MEI: Internasionale Sauvignon blanc-dag, aangebied deur Agri-Expo. KONFERENSIES 2-3 MAART: Africa Energy Indaba 2021, Kaapstadse Internasionale Konvensiesentrum. Web: www. africaenergyindaba.com, e-pos: info@energyindaba.co.za 11 MAART: Vloot-en-brandstofbestuurkonferensie aangebied deur Maphosa Management Consultant. Chris, tel. 010 214 0666, chris@ maphosam.co.za, www.maphosa management.co.za 13-16 OKTOBER: Conexpo Africa 2021, Johannesburg. Werktuie en voertuie, asook produksiemiddele vir die landbou-, bosbou-, mynbouen boubedryf in Afrika suid van die Sahara. Web: www.bcafrica.com, e-pos: info@mm-sa.com, tel. 011 476 8093. SKOUE…