Indholdsfortegnelse for 4-Nov-16 i Landbouweekblad

‘Ons nasionale kudde is nou ongeveer 13,5 miljoen. Om al die verse jaarliks in te ent, is daar op enige gegewe tyd sowat ’n miljoen dosisse nodig.’ DR. PIETER PRINSLOO, ondervoorsitter van die Rooivleisprodusente-organisasie, oor die 287 000 dosisse S19-ent-stofteen BrucellawatOnderstepoort Biologiese Produkte beskikbaarhet. —Bl.14 ‘Talle van die kommentare was eenbladsy-petisies teen die belasting wat deur een of twee maatskappye gereël is.’ MNR. CECIL MORDEN, ’n direkteur van die Tesourie, oor die 190 voorleggings wat oor die voorgenome suikerbelasting gemaakis. —Bl.26 ‘Ek erf ’n leë dop. Ek weet hoe baie boere steun nodig het en daar is nie ’n begroting daarvoor nie.’ MNR. SENZENI ZOKWANA, Minister van Landbou, oor die staat se landbou-herkapitaliseringsprogram. —Bl.16 ‘Niemand — nie die werkers óf die kelders — vind baat daarby nie.’ MNR. EDO HEYNS…

LANDBOU-DG MLENGANA GEE OBP DWARSKLAP Mnr. Mike Mlengana, direkteurgeneraal van die Departement van Landbou, Bosbou en Visserye, gaan self kyk of Onderstepoort Biologiese Produkte (OBP) werklik die entstowwe het wat nodig is om veesiektes in Suid-Afrika te voorkom. BRAKANJAN skryf: Wow! Wat ’n drama! Maar waarom is OBP die alleenverskaffer? Ek hoop die stof gaan nou finaal lê oor hierdie saak wat al jare sloer. DR. GERHARD VERDOORN skryf: OBP was eens op ’n tyd die kern van dieregesondheidstudies en -middels in Afrika. Ek hoop die nuwe DG kan die Landbounavorsingsraad (LNR) sover kry om OBP weer tot daardie gesiene status op te hef. Boere moet egter besef dat daar entstowwe is wat in dié stadium slegs deur OBP vervaardig kan word. Daar is dus is ’n probleem. Ander dieregesondheidsmaatskappye…

‘Ons was baie geduldig deur die hele transformasieproses, maar nou praat ons met ons regsadviseurs.’ VEEARTSE en bedryfskenners twyfel of Onderstepoort Biologiese Produkte (OBP) se voorraad entstowwe genoeg sal wees om in die landwye vraag te voorsien. Klagtes oor bestellings en swak kommunikasie duur voort. Die Departement van Landbou, Bosbou en Visserye het op aandrang van mnr. Mike Mlengana, direkteur-generaal, OBP se voorraadgegewens wat aan die Parlement voorgelê is, nagegaan en gevind die inligting is reg. Dr. Pieter Prinsloo, ondervoorsitter van die Rooivleisprodusente-organisasie (RPO), het egter op die African Farmers’ Association of South Africa (Afasa) se kongres in Pretoria gesê die bedryf se voorbereidings vir ’n hofsaak teen OBP gaan voort, en die hele waardeketting is daarby betrokke. Hy het gesê OBP se S19-ent-stof teen Brucella abortis kan nie naastenby…

Landbouskrywers SA se Noord-, Sentraal- en Suid-streek het pas hul finaliste in die kompetisie vir die nasionale Boer van die Jaar-, Nuwe Toetreder tot die Kommersiële Landbou en Landboukundige van die Jaar bekend gemaak. Die kandidate vir Boer van die Jaar is (bo, van links) mnre. André Ernst (Limpopo) van die Allesbeste-boerdery, Tzaneen; Jerry Basson (Noordwes), mielie-en-sonneblomboer van Delareyville; Josias le Roux (Wes-Kaap) van die Langhoogte-boerdery, Botrivier; (onder, van links) mnre. Nick Serfontein (Vrystaat) van die Sernickgroep, Edenville; Norman Belcher (Gauteng) van die Belnoriboetiek-kaasmakery (saam met sy vrou, Rina) en Vickie Bruwer (Noord-Kaap) van die Genade-boerdery, Douglas en Hopetown. Besoek landbou.com vir die ander finaliste.…

‘Vir my is transformasie die belyning van die belange van die aandeelhouers met dié van die bestuur en hul werknemers.’ TRANSFORMASIE is ’n gulde uitbreidingsgeleentheid vir kommersiële boere, sê mnr. Tebogo Magoshoa, voorsitter van die Tallis-groep, entrepreneur, en groot landboubelegger wat onlangs in die Jongboer van die Jaar, mnr. Jacques Beukes, se tafeldruif-besigheid belê het. Hy moedig kommersiële boere aan om vennootskappe met voorheen benadeelde boere te vorm “ten einde hulpbronne te ontsluit, hierdie land te ontwikkel, en werk te skep waar dit die nodigste is”. “In Suid-Afrika assosieer ons transformasie met die weggee van eiendom aan swart boere, of ’n manier om die ongeregtighede van die verlede terug te betaal.” “Maar ek sien dit anders. Vir my is transformasie die belyning van die belange van die aandeelhouers met dié…

DIE gesondheidsvoordele van die voorgestelde suikerbelasting oortref die ekonomiese impak daarvan, en die instelling daarvan lyk nou onafwendbaar. Landbouweekblad het eksklusief vasgestel die Regering se maatskaplik-ekonomiese studie oor die impak van die belasting het tot die slotsom gekom dit sal nie so ’n ernstige uitwerking op die suikerbedryf hê as wat die bedryf aanvoer nie. Mnr. Trix Trikam, uitvoerende direkteur van die SA Suikervereniging (SASV), hou egter vol die voorgestelde suikerbelasting op die koeldrankbedryf hou rampspoedige gevolge, soos werksverliese, in. Hy sê die bedryf het dus gevra vir ’n “behoorlike” maatskaplik-ekonomiese ondersoek. Hy meen só ’n studie sal wys die Tesourie is die enigste party wat sal baat vind by die belasting. “Ons werk reeds saam met die Verbruikersraad om na herformulerings te kyk. Een van die studies wat ons…

WOL ding met ’n reeks ander vesels in die mark mee – nie net op grond van sy eienskappe nie (veral in die luukse marksegment), maar ook wat betref prys (die goedkoper marksegment). Gevolglik beïnvloed die relatiewe prys van wol teenoor dié van mededingende vesels die vraag na die vesels. Die laer olieprys sedert 2014 het die pryse van kunsvesels aanmerklik laat daal. Olie word in die vervaardiging van kunsvesels gebruik. Gevolglik het kunsvesels ’n prysvoordeel bo wol, sê die Australiese buro vir landbou- en hulpbronekonomie (Abares). Die prys van 21 mikron wol het van Julie verlede jaar tot Mei vanjaar met 20% teenoor poliëster gestyg, wat beteken dat wol tans 9,8 keer duurder as dié vesel is. Wanneer só ’n groot prysgaping ontstaan, is tekstielvervaardigers geneig om hul wolaankope…

Dit wil lyk of die idee dat jy net ’n toekoms in die landbou het as jy streef na ’n groot boerdery en skaalekonomie, besig is om te verander. Daar woed al ’n geruime tyd ’n debat oor die werklike aantal boere in Suid-Afrika. Daar is verskeie aanduidings dat daar meer kommersiële boere is as wat vroeër aanvaar is. Navorsing deur die Universiteit van Pretoria (UP) se departement landbou-ekonomie wat onlangs bekend gemaak is, het bevind daar is sowat 70 000 kommersiële boere, asook sowat 280 000 kleinboere en sowat 700 000 bestaansboere (volgens die 2011-bevolkingsensus). Die vraag is: Is daar nog plek vir die kleiner boere, veral teen die agtergrond van die laaste paar dekades se verskuiwing na skaalekonomie? Dit het geverg dat boerdery-eenhede groter word, veral wat die…

In ’n proses soortgelyk aan die een waardeur ’n ovum verkry word van ’n vrou wat in vitro-bevrugting (IVB) ondergaan, is die oösiete (eierselle) van ’n buffelkoei versamel met ’n tegniek genaamd ovum-opvangs. Dit is gedoen terwyl die buffelkoei ten volle onder narkose was. ’n Naald is transvaginaal gelei, en eiers is uit die eierstokke van die koei geaspireer. Die proses is met behulp van ultraklank gevisualiseer. “Die narkose het baie goed afgeloop en die buffelkoei het uiters min stres ervaar,” sê dr. Morné de la Rey (links). Die eierselle is ryp gemaak en in vitro met ontdooide buffelsemen bevrug en toe in ’n laboratorium-broeikas laat groei in ’n proses genaamd in vitro-produksie (IVP). Ná ’n groeiproses van 7 dae is die embrio in ’n surrogaat-buffelkoei oorgeplaas, wat die fetus…

Sowat 40% van mnr. Julian Murray van die plaas Bloemhof in die distrik Graaff-Reinet se veld is bergagtig. Hy is egter 12 jaar gelede deur probleme met roofdiere gedwing om van kleinveeboerdery deels na die beesbedryf oor te slaan. Hy het steeds 2 000 Merino- en Dohne-Merino-ooie op sy laerliggende grond, maar geharde, aangepaste en vrugbare Nguni’s was sy oplossing op die ruwe, bergagtige terrein waar die drakrag sowat een grootvee-eenheid (GVE) per 18 ha is. Die afgelope ses jaar knor dit egter weens prysdiskriminasie teen die Nguni om dié grond winsgewend te benut. “Roofdiere het ons gedwing om beesboere te word in ’n gebied wat nie eintlik daarvoor geskik is nie. Daarom het ons grootvee nodig wat goed aangepas is in die Voor-Sneeuberg, waar die weiveld suur is en…

Terwyl mnr. Neville Schefermann die grondvoorbereiding vir die komende planttyd beplan, kom daar ’n paar boodskappe op sy iPhone deur. Hy reageer op enkeles met ’n frons van konsentrasie. “Ek kan nie myself indink hoe my boerdery sou gelyk het sonder al die netwerke om my nie. Dit is my lewenslyn op die plaas.” Neville, wat naby Vryheid in die noorde van die provinsie boer, is lid van twee studiegroepe (vleisbees en bosbou) in sy omgewing, was tot in Maart vanjaar die sekretaris en is steeds ’n lid van die Kambula-boerevereniging en is ook aktief betrokke by die gemeenskapsveiligheidsforum. Hy dien ook in die Gencom-komitee van Bosbou Suid-Afrika en is die voorsitter van dié komitee in Noord-Natal. “Al hierdie verenigings kommunikeer deur WhatsApp-groepe. Ek het al soveel goeie besluite geneem…

Die Tier-uitlaatgasgradering van enjins in landboumasjinerie is al jare lank van toepassing, maar wat beteken dit nou eintlik? Dié spesifikasies en wat dit verteenwoordig, kan eersdaags belangrik word omdat Suid-Afrika ’n betreklik lae standaard handhaaf, maar daar sprake van ’n verandering is. In 1998 het die Amerikaanse omgewingsbeskermingsagentskap en sy Europese eweknie ’n projek bekend gestel om die besoedelingsvlakke van voertuie wat nie op die snelweë ry nie, drasties te verlaag, spesifiek die vlakke van die volgende vier komponente: Koolstofmonoksied as ’n hoogs reaktiewe en giftige gas. Koolwaterstowwe as onverbrande brandstof, wat nadelig is vir mense. Stikstofoksiedverbindings, wat in verbinding met water ’n suur vorm en skadelik is vir mense. Asdeeltjies, wat longe beskadig en kankerwekkend is. Die vrystellingsbeleid is deur vyf stappe ingefaseer, naamlik Tier 1, Tier 2, Tier…

VERHIT WATER O, DIE DONKIE IS ’N WONDERLIKE DING Toestelle wat water met hout warm maak – as donkies in die volksmond bekend – word nie meer sommer op plase aangetref nie. Weens die hoë koste van elektrisiteit en die kragonderbrekings wat soms voorkom, is dit egter ’n opsie wat mense gerus kan oorweeg. Mnr. Golz Maschinenbau in Okahandja, Namibië, bou nuwerwetse donkies wat minder brandhout verg en ’n lang leeftyd het. Die vuurmaakplek en 240 liter-watertenk, waarin die water met hout of steenkool verhit word, is van 5 mm-staalplaat gemaak om die aanslae van die hoë hitte te weerstaan. Die skoorsteen is van 2 mm-staalpyp. Mnr. Klaus Dieter, die eienaar, sê sy donkie verhit water in die somer binne 10-15 minute. In die winter neem dit net effens langer…

Spek-en-aspersietert Die kombinasie van knoffel, rokerige spek en vars groen aspersies in ’n romerige eiervla is perfek. Deeg 375 ml koekmeel 2 ml sout 100 g koue botter, in blokkies gesny Sowat 60 ml yswater Vulsel 150 g vars aspersies 30 ml botter 1 groot ui, fyn gekap 4 knoffelhuisies, fyn gekap 200 g spekvleis, fyn gesny 250 ml room 180 ml melk 2 eiers 2 eiergele Sout en vars gemaalde swartpeper na smaak Deeg: Meng die meel en sout en vryf die botter met jou vingerpunte daarby in (of gebruik ’n voedselverwerker) tot krummelrig. Voeg die water bietjie vir bietjie by tot ’n deeg vorm. Draai toe in kleefplastiek en verkoel vir 30 minute. Kook die aspersies vinnig in ’n pot soutwater vir sowat 3 minute. Dreineer en druk…

Ek het geleer as jy heeljaar vir jou skape sorg, hou hulle jou bankbalans gesond. Hoe het jou besigheid ontstaan? Ek het ses jaar gelede 20 ooie by my man gekry en besef ek het ’n passie vir skaapboerdery. Met deeglike beplanning het ek die bank genader en geld geleen om nog ooie te koop. Ek het my eerste 40 ooie op ’n veiling gekoop en my eerste ram by die buurman geleen. So het ek my boerdery van die grond af opgebou. Vandag boer ek met 600 Dohne-Merino’s. Het jy ’n boerdery-agtergrond? Ek het op ’n plaas grootgeword en is toe met ’n boer getroud. Ek en my man, Chris, het twee dogters, Michelle en Tania. Chris boer met Merino-ooie en vleisbeeste. Ek het hom altyd in lamtyd gehelp…

Vandag wil ek Piet Goedemoed se storie aan julle vertel. Dit laat my dink aan ’n boemerang. Dit keer telkens na my toe terug, asof dit wil sê: “Neem tog maar weer van my kennis, al is dit net ter wille van al die Piete in jul midde.” Piet het al ’n klompie jare gelede na sy ewige tuiste verhuis. Ek is dankbaar en bevoorreg om een van die mense te wees wat hom geken het. Piet was ’n werker in die munisipaliteit se tuine-afdeling. Hy het elke dag getrou sy taak met ’n graaf of skoffel in die hand verrig. Ek onthou die keer toe hy weens ’n ernstige siekte ’n ruk lank nie kon gaan werk nie. Sy groot bekommernis was dat hy sy werk kan verloor. Ek…

Mnr. Johannes Möller (links), voorsitter van Agri SA, en mnr. Jackie McKay, adjunk-direkteur-generaal van immigrasiedienste by die Departement van Binnelandse Sake, onderteken ’n memorandum van verstandhouding oor die dokumentasie van plaaswerkers. Mnr. Salam Abram, voormalige ANCparlementslid, is op Agri SA se kongres vereer vir sy diens aan die landbou. ‘n Hele paar skenkings is op die kongres aan die Agri Securitas-trustfonds oorhandig. Mnr. Japie Grobler, voorsitter van die trust, het die tjeks ontvang. Diegene wat geld oorhandig het, is mnr. Chris Schutte (foto links), direkteur van die sonkragmaatskappy Sonfin (R158 485). Op die middelste foto is, van links, mnre. Tinus Prinsloo van Afgri, Nick Efstathiou van OFM, Grobler, Johan Bezuidenhout van NWK en Danie Minnaar van Senwes (R465 000). Me. Lizé Lambrechts (foto regs), uitvoerende hoof van Santam Landbou, het…

Suid-Afrikaanseavokadoboerebrei uitdanksyverbruikerssegroeiende behoefteaandiévrug. Mnr.DerekDonkin,uitvoerende hoofvandieSAAvokadokwekersvereniging,sêdieaanbodgroei, maardatboerereënnodighetom ’ngoeieoesteverseker.Vanjaarse avokadoseisoenisjuiskorterendie vrugtekleinerweens’nkombinasie vandroogte,hitteenhael. Donkinsêpleksdatdieplaaslike avokado-seisoensoosgebruiklik totinNovemberduur,hetditteen middelOktoberreedseindesekant toegestaan. Avokado’ssalvroeëringevoer moetwordtotvolgendejaarse plaaslikeavokadoseisoenteeneinde FebruarieofbeginMaartbegin,sê Donkin.Hyverwagdatverskaffers vanafvandeesmaand(November)al gaanbegininvoer.Omdatditsoduur isomdievrugteinSpanjeenIsrael tekoopenvandaarteverskeep,sal dieavokado’sopdieSuid-Afrikaanse rakkehierdiesomerduurderwees, waarskuhy. Goeienuusisdattalleboerereeds aangeduihetdathulavokadobome sterkinblomstaanvirdievolgende seisoen.Almalisditegtereensdat dieverloopvandieseisoenbepaal salworddeurhoeveelreënhullekry. “Daaris’nkansdatonsvolgende jaarweerkleinervrugtemet merkieskankry,maarsoosmet vanjaarseavokado’s,saldaardie merkplekkeniediegehaltevandie vrugteaandiebinnekantbeïnvloed nie.”…

GAUTENG DERDEPOORT BUFFELSDOORN(152)150ha, aanBuffelsdoorn-trust,vanL. vanAarde,R894000. BUFFELSDOORN(152)577ha, aanBuffelsdoorn-trust,vanL. vanAarde,R4419000. BUFFELSDOORN(152)577ha, aanBuffelsdoorn-trust,vanL. vanAarde,R4627947. BUFFELSDOORN(152)95ha, aanVanAarde-familietrust,van L.vanAarde,R908025. PRETORIA DETWEEDESPRUIT(418) 121ha,aanM.N.enN.deBeer, vanL.vanEyk,R1975000. ELANDSHOEK(337)24ha,aan T.A.Marshall,vanE.A.Grobler enJ.M.Grobler,R2100000. JR(525)75ha,aanFaanRoetsfamilietrust,vanA.E.Roets, R450000. LEEUWFONTEIN(299)21ha, aanVuvuBricks(Edms.)Bpk., vanC.M.GreyenD.Grey, R3450000. TWEEFONTEIN(413)119ha,aan A.KloppersenH.P.Kloppers, vanM.E.Pelser,R1887000. TWEEFONTEIN(541)499ha, aanHlaniki-trust,vanTweefontein-trust,R7000000. KWAZULU-NATAL HELPMEKAAR MATATANA(13024)695haen ONGEGUND(5116)202ha,aan MabhelaselengeCommunitytrust,vanF.S.Dube,R4651549. NEWCASTLE MOORFIELDEAST(9194) 186ha,aanJamigen(Edms.) Bpk.,vanBlueCrane-trust, R4500000. PIETERMARITZBURG FREESTONE(17211)27ha,aan S.A.Geddie,vanBlade-trust, R4000000. OTTO’SBLUFF(13013)32ha, aanI.G.enL.M.Bromage,van Viking-trust,R3648000. STACPOOLE(6055)119ha,aan InzamaContractors,vanE.M. Bowles,R700000. PORT SHEPSTONE LANGTON(16697)236ha,aan AngusMacNicol-trust,vanH.R. Talbot,R9000000. UTRECHT GOLDENVALLEY(751)715ha, aanZagila-gemeenskaplike eiendomsvereniging,van Starplex508(Edms.)Bpk., R14300000. SPITSKOP(164)637ha,aan GLMeyer-boerdery,vanBalele MountainFarms(Edms.)Bpk., R2000000. LIMPOPO LEPHALALE ALOMFRAAI(484)265ha, aanBreedingVentures(Edms.) Bpk.,vanSwartsveld-beesboerdery,R3754000. MODIMOLLE BUFFELSFONTEIN(369) 138ha,aanKabura-trust,van A.M.S.vanBredaenP.J.R.van Breda,R1250000. ROOYWAL(281)106ha,aan J.M.deKok,vanR.J.Venter, R3000000. VARKENSKUIL(605)723ha, aanRebellieBoerdery-trust, vanImberbe-familietrust, R11200000. BOEKENHOUTSPOORT(364) 358ha,aanTshivhumbe-familietrust,vanC.P.enM.M.M.van Niekerk,R5846000. DENYLZYNOOG(30)780ha, aanE.vanNiekerk,vanCosico Prop,R6800000. GROOTVALLEY(529)159ha, aanE.M.enP.J.Swart,van Bushbell159BK,R4500000. KLIPFONTEIN(322)780ha, aanAfritItSolutions(Edms.) Bpk.,vanRobediGameBreeders(Edms.)Bpk.,R10089430. MCCABEZYNHOEK(19) 293ha,aanPerspectoConsulting,vanB.J.deLange, R2600000. RHENOSTERPOORT(455) 69ha,aanB.Neuper,vanM.en R.Edwards,R3200000. SOEKMEKAAR BROEDERSTROOMDRIFT (534)23ha,aanK2013224011 SA(Edms.)Bpk.,vanLetaba Brickyard,R570000. VAALPUNT(627)43ha,aan SpencerDrake-trust,vanL.C. Nel,R375000. THABAZIMBI GROOTHOEK(278)189ha,aan CillionTrading57BK,vanA.N. Venter,R3230000. KOEDOESDOORNS(414)30ha, aanNorthamPlatinum,van PontesEstates,R4000000. USUTU DEGRACHT(272)629ha,aan LimpopoBrick&PaveBK,van UneekBoerdery,R2964000. MPUMALANGA AMSTERDAM LELIEFONTEIN(136)252ha, aanEngelbrecht-trust,vanDanieSaaiman-trust,R1800000. BETHAL REMHOOGTE(428)188ha, aanT.J.Nkosi,vanS.P.Jele, R1500000. ROLFONTEIN(536)303ha,…

Die uitvoer van Persieskape na die Verenigde Arabiese Emirate is steeds die lewenslyn vir die Persie-skaaptelersgenootskap. Volgens me. Riana Spamer, sekretaris van die genootskap, is die uitvoer effe stadiger as verlede jaar, maar steeds hoër as in 2014 toe die eerste Persieskape na die VAE uitgevoer is. Volgens mnr. Kobus Lötter, voorsitter van die genootskap, was daar ‘n paar probleme om die uitvoer volgens die genootskap se rasstandaarde te bewerkstellig. “Die kopers van die VAE soek bont Persies, terwyl ons slegs swart- en rooikop-Persies en swart en rooi Skilderpersies as ware Persies beskou. Die genootskap het toe ingestem om toe te laat dat bont skape as Persieskape uitgevoer word, mits hulle aan die ander rasstandaarde, soos die korrekte bouvorm, voldoen,” sê Lötter. Daar was weer geen Persieveilings die afgelope jaar…

15,4% Die prysstyging van landboumasjinerie op ’n jaargrondslag was verlede maand 15,4%, teenoor 16,6% in September. Vroeg in 2013 was dié prysstygings net 3%. Die verswakking in die rand later in 2013 en 2014 het dit verby 20% opgestoot. Prysstygings op ’n jaargrondslag het skerp toegeneem einde verlede jaar, maar het nou in ’n mate gestabiliseer. – Agfacts 1,7 miljoen Die Zimbabwiese regering skat die land sal na verwagting 1,7 miljoen ton mielies in die huidige bemarkingsjaar moet invoer. Omdat Zambië hom onlangs weer verbind het tot sy moratorium op die uitvoer van mielies, gaan baie van die vraag na mielies in Suider-Afrika na Suid-Afrika skuif. Suid-Afrika het tot dusver 352 169 ton mielies uitgevoer, 66% wit en 34% geel. – Agbiz 1916 Suid-Afrika se eerste landbouversekeringsmaatskappy is 100 jaar…

ANDERKANT DIE REËNBOOG SELFDOEN ’n Besoek aan ’n besproeiingsgebied is ongelooflik opbeurend. Ná ure se ry deur ’n vaal, neerslagtige landskap sien ’n mens die eerste lande net duskant Kimberley. Groen en sag onder die spilpunte. Lusern, winterkoring en vroeë mielies. Groen oases omring deur die droogte se dorre verwoesting. Jy besef dan net weer water kan enigiets vermag. Daarsonder is daar net mooi niks. Suid-Afrika se besproeiingsboere doen die seën van water gestand. Produktiwiteit neem met rasse skrede toe. GWK se afdeling vir presisieboerdery is aan die voorpunt van tegnologie, met die gevolg dat die produktiwiteit van dié gebiede die land se hele landboubedryf stabiliseer, veral in ’n droogte. Want daar kan steeds mielies, sojabone en lusern vir veral die veesektor verbou word. Tog spring nie eens besproeiingsboere droogtes…

SA SE JONGSTE STOETTELER? Pieter van Zyl, ’n leerling in standerd 6 (graad 8) aan Hoërskool Dundee, hou waarskynlik al byna drie jaar lank die “rekord” as Suid-Afrika se jongste stoetveeteler. Hy was ’n skamele 11 jaar oud en in standerd 4 toe die Sussex-stoetery Peezet in sy naam geregistreer is. Toegegee, dit is te danke aan sy pa, mnr. Jan van Zyl, wat op die plaas Sutherland A by Dundee boer, dat Pieter waarskynlik die “rekord” agter sy naam kan skryf. Mnr. Van Zyl het vir Pieter en sy twee susters van geboorte af elke jaar van die gespeende verse as teeldiere gemerk. Soos dié beeste aangeteel het, is die ossies verkoop en die geld vir die drie jong Van Zyls gebank. Met die stygende inflasie wat die rentekoers…

DIE demper van die droogte is nie sterk genoeg om Suid-Afrika se somersaaiboere in sak en as te laat sit nie. Hulle beoog om hierdie produksiejaar sowat 480 250 hektaar meer te beplant, waaronder ’n massiewe 43% meer wit mielies as die afgelope produksiejaar. Die Oesskattingskomitee se gebruiklike jaarlikse opname oor boere se voornemens om te plant, skets ’n meestal optimistiese prentjie. In totaal hoop boere om in die komende weke 3,75 miljoen ha onder somergesaaides te sit. Dit is sowat 15% meer as verlede jaar se 3,27 miljoen ha somergesaaides. Die beoogde hektare wit mielies is 1,455 miljoen, teenoor die afgelope produksiejaar se 1,015 miljoen ha. Dit is 43,3% meer. Die beoogde geelmielieaanplantings is 1,008 miljoen ha, sowat 8% meer as die afgelope produksiejaar se 932 000 ha. In…

2017 moet tot die Jaar van die Kommersialisering van Swart Boere verklaar word, sê die African Farmers’ Association of South Africa en die organisasie vir opkomende rooivleisboere in ’n versoekskrif wat verlede week aan die Regering oorhandig is. Hulle sê die Regering is al vir jare “voortdurend aan die beplan en kom byna nooit sover om die planne met betekenisvolle invloed uit te voer nie”. Onder hul versoeke is: Boere moet in staat gestel word om grond te besit of lang termyn-verblyfsekerheid te hê, want “die grondhervormings proses het baie swart boere as onwettige plakkers op grond gelaat, met geen bewys van verblyfsekerheid nie en seker lik geen eienaarskap van die grond nie”. Die Regering se hulpprogram me moet hulle in staat stel om mededingend gehalteprodukte vir hoofstroommarkte te kan…

HANDEL | Midde-Ooste wink vir SA pluimvee Planne om Suid-Afrikaanse hoendervleis na Saoedi-Arabië uit te voer, vorder goed, volgens mnr. Kevin Lovell, uitvoerende hoof van die Suid-Afrikaanse Pluimveevereniging (SAPV). Hy sê Suid-Afrika se belangrikste mededingende voordeel in dié mark sal wees dat hy bereid is om in hul vraag na klein, heel hoenders van waarskynlik 1,2 kg te voorsien. “Hulle wil ook graag alternatiewe verskaffers hê as teenvoeter vir Brasilië, wat hul mark oorheers.” Lovell sê op ’n gelewerde vlak kan Suid-Afrikaanse produsente na aan die produksiekoste van hul Brasiliaanse mededingers kom. Hy het vroeër in die tydskrif Pluimvee Bulletin gesê Suid-Afrika se uitvoerdossier is nou in Saoedi-Arabië. Die bedryf wag op die reaksie van dié land se regering. Nog stappe kan nodig wees voor marktoegang verleen word. Lovell sê…

 WYNBOERE in dele van die Wes-Kaap maak hulle reg om aanstaande jaar ’n paar duisend ton minder druiwe te pars nadat verwoestende swartryp – ’n uiters seldsame verskynsel in die wynproduksiestreke – in Oktober toegeslaan en gevoelige, jong trossies vernietig het. ‘Die invloed gaan aansienlik groter wees as die droogte van verlede jaar.’ Mnr. Francois Viljoen, bestuurder van wingerdboukundige dienste by VinPro, sê die swartryp op die oggend van 12 Oktober was “wydverspreid en omvangryk”. Benewens die Breedekloof is Aan de Doorns, Brandvlei, Nuy, De Wet en die Witzenbergvallei ook geraak. Volgens mnr. Hendrik My-burgh, wingerboukundige van die Goudini-wynkelder, lyk dit of ’n veldbrand deur die Breedekloof getrek het. “Die wingerde is swart gebrand. Dit is asof daar nie lewe is nie. Op sekere plase is 30% tot 40% van…

Dit is moontlik om olywe in dele van die Karoo, Noord-Kaap, Namibië en selfs die Kalahari te verbou. SUID-AFRIKA se olyfbedryf lewer olievrugte en tafelvrugte. Die olievrugte word gepars en die huidige aanvraag na olyfolie blyk 7 miljoen liter per jaar te beloop. Tafelvrugte is vir die eetmark en word nie gepars nie. Die omset van olyfolie in Suid-Afrika beloop reeds R1 miljard per jaar. Die vraag na olyfolie in Suid-Afrika beloop 7 000 ton waarvan slegs 40% in Suid-Afrika verbou en gepars word. Om 7 000 ton olie te lewer, is 35 000 ton olyfvrugte nodig. Die vraag na tafelvrugte beloop 3 000 ton per jaar en gevolglik het Suid-Afrika ’n jaarlikse oes van 3 000 ton tafelvrugte nodig om in die vraag te voorsien. Suid-Afrika se totale jaarlikse…

WOLPRYSE sal na verwagting dié seisoen met sowat 4% styg vanweë die laer wêreldaanbod van wol en matige ekonomiese groei in Amerika en China, die belangrikste verbruikersmarkte. Dit sal verbruikers se inkomste verhoog, wat weer die vraag na wolklere kan verbeter. Só sê die Australiese buro vir landbou- en hulpbronekonomie (Abares) in sy jongste kommoditeitsverslag. Amerika is die wêreld se grootste invoerder van wolklere. Hy voer hoofsaaklik van Europa en China in. Die matige groei in Amerika se ekonomie sal na verwagting verbruikersvertroue laat verbeter en tot ’n styging in klere-aankope lei. China is die wêreld se grootste vervaardiger en uitvoerder van wolklere. Daarbenewens is die land ook ’n groot verbruiker van wolklere. Abares verwag dat dié land se binnelandse verbruik van wolklere steeds sal groei, maar teen ’n stadiger…

Die SAID hou glad nie van trusts nie, en seker met reg. Belastingbetalers het jare lank daarin geslaag om nie net boedelbelasting nie, maar ook inkomstebelasting te vermy of te verminder deur trusts te gebruik. Die voorkeurwapen waarmee dit bewerkstellig is, was om ’n rentevrye lening aan die trust te gebruik. Die boedeleienaar verkoop ’n bate aan die trust, wat nie die koopprys betaal nie. Die koopprys bly dan uitstaande as ’n lening en geen rente word op die bedrag gehef nie. Op dieselfde manier word kontant bloot as ’n rentevrye lening aan die trust oorgedra. Die bedrag van die lening bly konstant in die hande van die boedeleienaar, terwyl alle toekomstige groei op die bate in die trust plaasvind. Die eindresultaat is dat die lener se boedel vries op…

Karan Beef-voerkrale het verlede jaar skokgolwe deur die beesbedryf gestuur toe dit bekend geraak het dat sy agente voortaan net Nguni-beeste gaan koop wat vooraf besigtig kan word om hul potensiaal te evalueer. Dit was om te sien of die dier gekruis is en waarmee, om seker te maak dit was nie met nóg ’n ekstensiewe dier nie. Mnr. Jannie Botha, bestuurder van Karan Beef-voerkrale, het destyds aan Landbouweekblad gesê hulle evalueer al geruime tyd die sakesin van die aankoop van inheemse rasse, soos die Nguni- en Afrikaner. Die voerkraal het ook sedert 2010 R2/kg by Ngunispeenkalwers afgetrek omdat die diere nie so goed soos ander rasse in voerkraaltoestande gevaar het nie. Die rasse het volgens hom nie die vermoë om hoë-energierantsoen kostedoeltreffend in vleis om te skakel nie. “Dis…

WAT IS DIE BESTE GELEENTHEID VIR JONG BOERE IN SUID-AFRIKA? Die grootste geleentheid is ’n netwerk van vertrouelinge. Ek sal graag vyf of ses ander jong boere om my wil vergader en ’n groep stig waarin ons ons boerderye se boeke vir mekaar in vertroue oopgooi. Só sal ons ons doeltreffendheid kan meet, inligting kan uitruil en mekaar kan help om beter finansiële besluite te neem. Ons sal ook produksiemiddele as ’n groep kan aanskaf en ’n “kopersgroep” stig, wat ons kan gebruik om beter pryse by verskaffers te beding. BEKOMMER DIE ONSTABIELE POLITIEKE SITUASIE IN SA JOU? Nee, nie regtig nie. Die situasie is uiteraard nie goed vir ons ekonomie nie en dit is ’n skande dat daar nie meer gedoen word om opleidingstandaarde op te hef nie, maar…

Sy speurtog op die internetsoekenjin Google het mnr. Braam van Tubbergh op die spoor gesit van die bosse silwerwattel (Acacia dealbata), die lastige Australiese indringer wat voortdurend in hul derduisende oral op sy plaas, Intimi, opkom. Sy navorsing het gewys die wattel het ’n hoë proteïeninhoud – sowat 9% – en bevat ook vitamiene A en E, maar ongelukkig ook heelwat tannien, wat dit onsmaaklik maak en die verteerbaarheid beperk. Ná ’n wye leestog oor hoe onder meer Australiese veeboere silwerwattel as voerbestanddeel benut, het hy ’n resep saamgestel wat hy steeds verfyn, maar waarmee hy sy 200 stuks beeste en skape nou al ses maande lank voer, met geen vrektes nie. Danksy die wattelmengsel, wat hy daagliks vir ál sy diere voer en hom minder as R4 000 per…

YSTERINSPUITING VIR VARKIES Maak dit enige verskil as die ysterinspuiting vir klein varkies op dag vier gegee word en nie op dag drie, soos aanbeveel word, nie? Dit maak geen of weinig verskil of varkies op die vierde dag pleks van die derde dag ná geboorte ’n ysterinspuiting ontvang. Inteendeel, ek verkies die vierde dag. Varkies word met voldoende ysterreserwes gebore om hulle maklik ses dae tot sewe dae lank sonder tekorte te hou. Omdat yster nie deur die bloed-melkskans vervoer word nie, is daar baie lae vlakke van yster in die sog se melk. Hier volg ’n paar feite: Yster is ’n belangrike komponent in die vorming en handhawing van rooibloedselle, wat weer ’n rol speel in die prestasie van klein varkies voor en ná hulle gespeen is. Hemoglobien…

Waar verkoop julle die aspersies? Ons bemark eksklusief aan Woolworths en ’n bietjie word per lugvrag uitgevoer na Engeland. Hoe plant ’n mens aspersies? Jy kan plantjies maak of die kroon plant. As jy krone plant, is die plantjie al ’n jaar sterker. Ons plant dit sowat 20 cm uit mekaar in ’n land. Watter klimaat is geskik vir aspersieproduksie? Die plante soek genoeg koue-eenhede in die winter. Die somer moet warm wees, maar ook nie te warm nie, anders kan jy gehalte-probleme kry, soos koppe wat te vinnig oopmaak. Ons verbou alles op droëland. Daar moet dus genoeg reën val, maar aan die ander kant hou die plante ook nie van nat voete nie. Wanneer kan jy die eerste keer oes? Jy oes vir die eerste keer drie jaar…

Faktore wat keer dat die Oos-Afrikaanse landboubedryf waarlik as ’n internasionale middelpunt in die landbou floreer, gaan by die Agribesigheidskongres Oos-Afrika in Uganda bespreek word. Mnr. Robert Mwanje, ondervoorsitter van die graanraad van Uganda, sê dié organisasie is “verheug om ’n vennoot te wees in die vierde jaarlikse Agribesigheidskongres Oos-Afrika. Die sukses van vorige kongresse in die Oos-Afrikaanse streek het die graanraad van Uganda aangemoedig om die volgende geleentheid in Uganda aan te bied. “Die kongres het progressiewe optrede vir die kommersialisering van die bedryf as doelwit deur kennis en beste praktyke uit te ruil en dinamiese gesprekke te voer. Die nuutste landboutegnologie sal ook te sien wees, met die klem op die regte toerusting vir die Oos-Afrikaanse kommersiële landbousektor,” sê Mwanje. Ander bedryfsorganisasies wat amptelike vennote is, sluit in…

Wingerdboere in die Swartland moet in rat kom vir nóg ’n droë jaar en wingerdpraktyke daarvolgens aanpas. Mnr. Hanno van Schalkwyk, wingerdboukundige by VinPro vir die Swartland-streek, sê hoewel sake vanjaar effens beter lyk as in die vorige oesjaar, het dit nog nie naastenby genoeg gereën in die Swartland nie. “Dit het Junie en Julie lekker sterk gereën en in Augustus en September kort-kort nog so ’n bietjie. Dit sal egter gaaf wees as daar nog ’n klompie reën val hier na einde Desember se kant toe.” Hy meen water- en vogbestuur gaan vanjaar, nes verlede jaar, ’n vername kwessie vir Swartlandse wynboere wees. “In die droë toestande moet jy goed kyk na jou lowerbestuur, sodat jou blaredak nie te veel water nodig het nie. Jy moet ook goeie oesbeheer…

Die ou gesegde “om te meet, is om te weet” is die ruggraat van die landbou. Reeds in toeka se dae het oupa vertel die jare waarin die bloekombome hul bas afgooi, sou nat jare wees. Hy kon egter nie voorspel wanneer die beloofde reën sou kom nie. In die lig van die afgelope droë winter is Kapenaars katvoet vir moontlike somerreën, want die bloekoms het inderdaad bas gegooi. Dié soort onsekerheid is ’n risiko wat plaagbestryding moeilik kan maak en die verskil tussen uitvoergehalte of plaaslike klas 1 kan beteken. Hierdie soort onsekerheid maak juis goeie beplanning en voorkomende bestuur van uiterse belang. Vandag se boere is risikobestuurders, gelykstaande aan aandelemakelaars. Boere gebruik weerstasies, spoorvangers, insekvalletjies en verskeie ander vorms van boordmonitering om genoeg data vir besluitneming te versamel.…

Prestasie, integriteit en vernuwende produkte wat uitmuntende resultate oplewer, is deel van Arysta LifeScience se waardepakket. Die jongste Suid-Afrikaanse onkruiddoder, Vision® 570 WG, vergestalt die klem op uitnemendheid in die produkontwikkeling van Arysta. Die middel is kortom bekend as Vision® . Dit is doeltreffend met die bekamping van ’n verskeidenheid breëblaaronkruide en grasse by mielies. Die produk is sedert 2011 in verskillende toestande in meer as 80 proewe getoets. Vision® is in Julie verlede jaar finaal geregistreer. ONDERSTEUNING Sedert sy bekendstelling het Vision® bo verwagting goed gepresteer tydens sy eerste produksietyd (2015-’16) op sowat 30 000 ha aanplantings. Dié sterk ondersteuning deur boere van ’n nuwe produk volg op die bekendstelling van Vision® 570 WG op ’n konferensie op 4 en 5 Augustus verlede jaar. “Ons pluk die vrugte van…

Hoewel daar ’n toename van 23% in die volume vrugte is wat dié seisoen deur Patensie Sitrus Bpk. (PSB) verpak is, was die vruggrootte van die meeste kultivars weens die droogte en hittegolwe in Januarie en Februarie kleiner. Die gehalte van die vrugte was nietemin baie goed, sê mnr. Fredri Kok, hoofbestuurder van die maatskappy. Die Gamtoosvallei lewer sowat 8% van die land se sitrusoes. PSB se 22 boere, wat sowat ’n derde van die vrugte in dié vallei lewer, het die seisoen 2,6 miljoen kartonhouers verpak, wat hoofsaaklik in die buiteland bemark is. Kok sê boere was gelukkig dat min boorde in die vallei weens swartvlek onttrek moes word. Kraakskil was egter op Valencias en nawels waarneembaar. Die meeste van PSB se vrugte is in Europa, die Midde- en…

Ná ’n afname in die vraag na kunsmis in 2015-‘16, sal die vraag na kunsmis wêreldwyd na verwagting in 2016-’17 herstel. Mnr. Patrick Heffer, senior direkteur van die landboukomitee by die Internasionale Kunsmisvereniging, het op dié organisasie se kongres gesê ’n verlangsaming in die ekonomie van verskeie ontwikkelende lande, lae internasionale pryse vir die meeste landbouprodukte en droogte in Suid- en Suidoos-Asië, Latyns-Amerika en Afrika, het daartoe gelei dat die vraag na kunsmis met sowat 1 % tot 181 miljoen ton gekrimp het. “Die verwagting in die komende seisoen is rooskleuriger met ’n effense verbetering in marktoestande, beter vooruitsigte vir weer en ’n beter politieke en ekonomiese situasie in sekere groot markte,” het Heffer gesê. Die vraag na kunsmis in 2016-’17 sal na verwagting weer groei met 2,9%, met ’n…

Die volgende ontleding van grondverkope in Suid-Afrika is van transaksies vir grond wat groter is as 20 ha in die Vrystaat vanaf Augustus 2015 tot Julie 2016. In dié tyd is 693 ooreenkomste in 44 distrikte gesluit wat 308 011 ha teen R3,849 miljard behels het. Die grondpryse van 23 distrikte, versprei oor die provinsie, het gedaal. Altesame 67 transaksies, 10% van die totaal, was van kleur. Dié soort transaksies sluit in verhandelings tussen individue, regeringaankope van landbougrond (5) asook grond verkry vir munisipale gebiede (8), waarvan een van R576 miljoen. Net 50 van ál die transaksies was vir grond kleiner as 50 ha. Die meeste transaksie (49%) was vir grond van 300 ha en groter. Statistieke vir ál die provinsies is op Landbou.com  beskikbaar,…

ALGEMEEN 4-5 NOVEMBER: GWK-oewerfees, jeugkamp , SAWMGA-kompetisie. Karla Britz, sel 082 215 0497. E-pos: oewerfees@gmail.com. 14 DESEMBER: Anton Goosen, opelug-vertoning. Stanford Valleygasteplaas. 028 34 1 0340. E-pos: marketing@stanfordinfo.co.za. BOEREDAE 4-5 NOVEMBER: Agri-Workslandbou-ekspo, Stellenbosch. Van der Stel-sportterrein. Tel. 021 854 4700. Web: www.agriworks.co.za. E-pos: info@cadek.co.za. 4-5 NOVEMBER: Gamtoosekspo, ten bate van Laerskool Gamtoosvallei. Patensie, Oos-Kaap. Tel. 083 556 3206. E-pos: info@gamtoos.co.za. Web: www.gamtoos.co.za. KURSUSSE 8 – 11 NOVEMBER: Inleidende kursus in varkproduksie. LNR, Irene. Annetjie Loubser, tel. 012 672 9153. E-pos: aloubser@arc.agric.za. 16 NOVEMBER: Winsgewende Boerbokboerdery. Potchefstroom. Johan Steyn, sel 072 594 4626. Web: www.boerbokke.co.za. 17-18 NOVEMBER: Kommersiële fynproewersampioenverbouing. Johannesburg. (Alternatiewelik via rekenaargesteunde onderrig.) Dr. Adriaan Smit, sel 082 749 8553. 21-23 NOVEMBER: Kunsmatige inseminasie: Beeste. Krugersdorp. Di Rothman, sel 082 772 1208. Andy, sel 082 770 0480. Web: www.rltsafrica.com. 21-23…

NOVEMBER PHILIPPOLIS 3-5, Skaaphonde: Abe de Beer, sel 072 670 0328. Dorpers: Attie Pienaar, sel 083 292 0979. Boerbokke: Johan Strauss, sel 083 626 4408. Merino's: Willem Lubbe, sel 083 675 7390. Skeerkompetisie: D.G. Snyman, sel 082 413 8539. Saalperdstreekskou: Van Zyl Schoeman, sel 083 644 0000. Sekretaresse: Annette Loock, tel. 051 773 0484. Skouvoorsitter: G.B. Pienaar, sel 083 548 7483. WILLOWMORE 8-10, SA Sybokhaarkwekersvereniging se nasionale Angorabokskou. Willowmore-skouterrein. Petri Maré, tel. 079 236 7823, 049 836 0140. DESEMBER PARYS 1-3. Xmas-fees. Saalperdskou. Afridome, Parys. Tersia Malan, sel 082 462 8547; Amanda Dedwith, sel 082 651 4468. Hackney-ponies en groot Kersmark ook te sien. 2017 MAART SWELLENDAM 2-4, Swellendamskou. Miriam Basson, sel 082 788 6544. APRIL LICHTENBURG 26-29, Eeufeesskou. Beeste: Simmentaler (nasionaal), Brahman en Limousin (streek) en ander rasse. Kleinvee:…

Eskom toon ál minder aptyt vir die ambisieuse Renewable Energy Independent Power Producer Procurement Programme, of REIPPPP, waardeur talle hernubare kragsentrales in ’n vennootskap tussen die staat en die private sektor gebou word. Die koste vir dié ontwikkelings was veronderstel om aan die verbruiker oorgedra te word deur middel van die Eskom-tariewe. Die Tesourie het die finansieringskoste gewaarborg. Dié nagenoeg R200 miljard is op die Tesourie se boeke as ’n voorwaardelike aanspreeklikheid, wat die Tesourie voorheen gesê het feitlik risikovry was. Nou wil Eskom egter hê die Tesourie moet daardie aanspreeklikheid aktiveer én die betaling van die peperduur eerste reeks hernubare projekte by Eskom oorneem. Eskom het voorheen skokgolwe deur die ontluikende hernubare energiebedryf gestuur deur te sê hy wil nie voortgaan met enige verdere hernubare programme buiten dié wat…

“HY het net geval en geval, en daar was geen sekerheid oor waar hy sou stop nie. ’n Klomp spekulante kon naderhand nie meer hul posisies dra nie.” Só beskryf een verhandelaar Safex se mieliemark oor die afgelope maande. Net soos wat dit ’n produksietyd was wat hare op die tande geverg het, was die afgelope jaar se mark-rit ook nie een vir die wankelmoedige nie. Eers het die witmielieprys op die Johannesburgse beurs binne basies twee maande – vanaf middel November verlede jaar tot middel Januarie vanjaar – meedoënloos die hoogte ingeskiet: Van net bo R3 000 per ton tot amper R5 300 per ton. Van daar het die afwaartse spiraal begin. In die volgende nege maande het ’n ton wit mielies ’n volle derde van hul waarde verloor,…

WERKERS op wynplase se omstandighede kan beduidend verbeter as groot internasionale wynkopers hand bysit om opleidingsprogramme vir werkers te finansier – of bereid is om meer vir Suid-Afrikaanse wyn te betaal. So sê die bekende wynpersoonlikheid mnr. Michael Fridjhon ná die joernalis Tom Heinemann se “eensydige” dokumentêr oor werktoestande in die plaaslike wynbedryf, wat op 19 Oktober in Swede en die aand daarna in Denemarke uitgesaai is. In die program Bitter grapes – Slavery in the vineyards word veral Robertson-wynkelder en Leeuwenkuil uitgesonder as ondernemings waar arbeidswette glo oortree word. Dit het vrese laat ontstaan dat plaaslike wyn van oorsese winkelrakke gehaal kan word. Die Sweedse wynmonopolis Systembolaget het egter in ’n verklaring gesê geen wyn sal verwyder word tensy die bewerings waar is nie. ’n Oudit deur Systembolaget én…

DIE landbou het die grootste potensiaal om die aarde te genees, mense korrek te voed én werk te skep. Mnr. Angus McIntosh, die biodinamiese boer van Spier buite Stellenbosch, was een van die sprekers op Landbouweekblad se konferensie oor oplossings vir die landbou. Hy het sy boerderyplan van hoëdigtheidsbeweiding, nisproduksie en ’n verskeidenheid inkomstebronne van een stuk grond (stacking) uiteengesit. Sy Limousinkudde was die eerste amptelik geregistreerde veldbeeste in Suid-Afrika. “My beeste is so gesond, dit was vanjaar nog nie een keer nodig om ’n bees in te spuit nie.” Die kudde word twee keer per dag geskuif, kry ’n mineraallek wat hulle self kan kies en “medikeer hulself”. Hy boer ook suksesvol op klein skaal met Nguni’s, hoenders, eiers en koolstofkrediete en lewer vleis aan toprestaurante. McIntosh sê boerdery…

DIE Amerikaanse hoenderbedryf wil aanvullend wees tot Suid-Afrika s’n en wil “nie die mark steel nie”, sê die grootbaas van die Amerikaanse raad vir die uitvoer van hoender en eiers (USAPEEC). Mnr. Jim Sumner, voorsitter van die USAPEEC, het tydens ’n groep Suid-Afrikaanse joernaliste se besoek aan Amerika gesê “daar is vir almal geleenthede in die bedryf”. Amerika het in Januarie vanjaar die eerste keer in meer as 15 jaar weer toegang tot die Suid-Afrikaanse mark gekry vir hoenderstukke aan die been, danksy ’n ooreenkoms vroeër dat 65 000 ton Amerikaanse stukke aan die been Suid-Afrika jaarliks sonder teenstortingstariewe mag binnekom. Die oopstel van die mark was ’n voorwaarde vir Suid-Afrika se insluiting by die hernuwing van die Amerikaanse wet op groei en geleenthede in Afrika (Agoa), wat talle voordele…

’N SKAAPBOER in die noordweste van Engeland het sy hele skaapkudde van 800 ’n helder oranje gekleur in die hoop dat dit veediewe sal afskrik. Mnr. Pip Simpson sê veediefstal is ’n groot probleem in sy omgewing. Diewe het die afgelope vier jaar 300 skape by hom gesteel. Hy hoop dat die helder kleur diewe van sy skape sal weghou omdat hulle baie opsigtelik is. Hy het die kleurstof, wat geen skadelike middels bevat nie, in sy dipbak aangemaak en die skape daardeur gejaag. Die kleur sal sowat ’n jaar lank sigbaar wees. Brittanje se boere-unie sê die verswakking van die ekonomie het tot ’n groot styging in veediefstal op die platteland gelei. Daar was tot dusver vanjaar ’n vyfmalige toename in veediefstal vergeleke met verlede jaar. HIERDIE BLAD IS…

Mnre. Gert Joubert en Francois Verster is albei in die distrik Dewetsdorp naby Lesotho gebore en getoë. In 1991 het hulle die groot besluit geneem om vanaf dié veewêreld weswaarts te hervestig – op 120 ha onontwikkelde grond op die Vanderkloof-besproeiingskema buite Luckhoff. Die bestaande eienaars, ook veeboere, het nie in besproeiing uit die betreklik nuwe Oranje-Riet-kanaal belang gestel nie. Hul eerste twee spilpunte het Gert en Francois tweedehands op veilings aangeskaf omdat hulle nie geld vir nuwes gehad het nie. Vandag strek hul besproeiingboerdery oor 4 000 ha met meer as 150 spilpunte. Sowat 60 000 ton graan, ook van medeboere, beweeg jaarliks deur Joubert en Verster Agri se silo’s. Die onderneming lewer verskeie landboudienste aan medeboere en hulle het onlangs na permanente gewasse uitgebrei deur hul eerste plase…

MISSTROOIER Albertinia Ingenieurswerke van Albertinia het ’n mis-en-kalkstrooier met ’n houvermoë van 13,7 m3 vertoon. Dit kan 18 ton kalk, dolomiet, sand en mismengsels strooi. Dit word met ’n laaigraaf volgemaak. Die mis of kalk word agter gestrooi deur kettingstelsels wat dit op twee tolle plaas en dit dan tot 13 m wyd versprei. Die strooitempo is verstelbaar. Die voertuig het ekstra dik bande om dit stabiel te maak teen hellings en om grondverdigting te beperk. ’n Trekker van minstens 130 kW is nodig om die strooier te sleep. Dit kos R535 800. NAVRAE: Mnr. Odendaal Koen, sel 082 306 0635. KLIPHARK Die Degelman-kliphark, wat deur Africa Biomass Company en Môreson Grondwerke van Worcester vertoon is, het ’n werkbreedte van 4 m en skuif of “hark” alle los klippe op…

In Elise en Awie Coetzee se plaaskombuis brand die houtstoof gesellig. Awie het in die huis grootgeword waar hy en Elise vandag woon. Die stoof waarop Elise haar lekker lamskerriepot maak, is dieselfde een waarop daar gekook is toe Awie ’n kind was. “Ek het nog altyd lekker geëet op hierdie plaas. Vleis, rys en aartappels, met die klem op vleis,” vertel hy. “Elise maak heerlike kos, maar ek’s bly sy’s nie ’n beter kok nie, want anders was ek dalk nie so mooi maer nie,” sê hy skertsend. Elize laat lyk dit soos kinderspeletjies en slaan vinnig-vinnig ’n smullekker lamskerriepot, stoweperskes en ’n baksel goudbruin stroperige koeksisters vir middagete aanmekaar. Stoweperskes 500 g droëperskes Kookwater 2 kaneelstokke 15 ml vlapoeier 60 ml suiker Bietjie koue water Sit die droëperskes…

Hoe verder die oermens se brein ontwikkel het, hoe kleiner het die werktuig geraak om gemakliker in die hand te pas. Nadat mnr. Lambert Vorster as ingenieur op olieboere die wêreld 30 jaar lank deurkruis het, het hy die plaas Wyngaardt buite Malmesbury gekoop en geglo wingerd en graan is sy voorland. Al stappend deur sy nuwe plaas het hy egter afgekom op klipwerktuie wat daarop dui dat ou beskawings in die omgewing bestaan het. Die vondste het hom só betower dat hy eers die graad B.A. in argeologie en Ou en Nabye Oosterse Studie voltooi het (hy en sy dogter het saam hul grade ontvang) en in September sy doktorsgraad in Egiptiologie ontvang het. “In my nuwe nering, naamlik argeologie, loop die grappie gereeld dat ons maar arm grootgeraak…

AS Suid-Afrika se kredietgradering rommelstatus bereik en ’n situasie ontstaan waar net die Internasionale Monetêre Fonds (IMF) geld aan die land leen, kan die rand verswak tot R60 teenoor die Amerikaanse dollar. Mnr. Chris Hart, ’n ekonomiese markstrateeg, het op AMT se landbou-vooruitskouingskonferensie in Pretoria gesê dit is moontlik dat ’n wisselkoers in sulke toestande twee keer kan halveer. “Talle mense sê die moontlikheid van rommelstatus is reeds in die ekonomie verreken, maar hulle dink nie verder nie. Soos wat die gradering die-per in rommelstatus inbeweeg, ontstaan die situasie dat net die IMF bereid sal wees om geld te leen teen streng voorwaardes, soos om maatskaplike toelaes af te skaf. Wat gaan dan van die rand word?” Hart sê Brexit kan een van die gunstigste ontwikkelinge in twee dekades binne…

DIE Dohne-Merinoras moet getrou bly aan homself en sover moontlik by natuurlike boerderytoestande aangepas bly. Só het mnr. Koos Vosloo, voorsitter van die Dohne-Merino-telersgenootskap, op die vyftigjarige viering van die genootskap gesê. “Die skaapras het spesifieke eienskappe en ons moet daarop klem lê en daarop bou. Die teelbeleid is doelgerig en eenvormig en gemik op aanpasbaarheid.” Vosloo het die prestasies van die Dohne-Merino in die buiteland, onder meer in Australië, uitgewys. Ander lande waar die ras ’n stewige vastrapplek met behulp van telersgenootskappe het, is Uruguay, Argentinië, Chili, Peru en die Falkland-eilande. “Ons het die afgelope 50 jaar ’n hoë standaard gehandhaaf, en dit is ’n groot taak om dit so te hou.” ’n Volgende prestasie wat uitgelig is, is dat Dohne-Merinoramme vanjaar gereeld op interrasveilings, waaronder op die onlangse…