Indholdsfortegnelse for 28 Jan 2021 i Landbouweekblad

OES IN DIE KOELTE Op 11 Januarie, presies om middernag, het vanjaar se parstyd op die Graham Beck-wynlandgoed buite Robertson begin. Mnr. Pieter (Bubbles) Ferreira, keldermeester, sê alles dui daarop dat dié praktyk gehalte sal bevorder. Dit lyk volgens hom soos ’n bewegende swerm vuurvliegies wanneer die plaaswerkers, almal toegerus met kopliggies, op die wingerd toesak om druiwe met die hand te pluk. Dit is snags heerlik koel in die wingerd, wat goed is vir gehalte, maar ook deur die wingerdwerkers verwelkom word. “Dit help om die aroma en geur te konsentreer om beter Cap Classique te maak,” sê mnr. Pierre de Klerk, die wynmaker. “Ons gebruik ook minder energie omdat die sap nie vinnig verkoel moet word nie. Boonop hoef die parsmasjien nie 15-18 uur per dag te loop…

DIE onlangse aankondiging dat Astra-Zeneca die derde belowende koronavirus-entstof ontwikkel het, is wyd verwelkom. Dit gebruik ’n skadelose virus wat geneties gemodifiseer (GM) is om koronavirusmateriaal in te sluit, wat, wanneer dit in menslike selle ingespuit word, koronavirus-proteïene vervaardig wat die immuunstelsel prikkel om enige toekomstige koronavirus-infeksies te bestry. Dit volg op twee ander entstowwe wat ook op GM-tegnieke gebaseer is. “Hierdie is fantastiese resultate,” het mnr. Boris Johnson, die Britse eerste minister, gesê, terwyl politici dwarsoor Europa dié deurbrake geloof het en hul burgers gerusgestel het oor die robuuste, navorsingsgebaseerde regulatoriese goedkeuringstelsels wat gevestig is om te verseker die entstowwe kan vinnig en veilig gebruik word. Dit is die regte ding om te doen. Sulke robuuste raamwerke vir GMO’s is egter reeds sedert die 1990’s gevestig. Dié entstowwe gebruik…

ARTIKELS & RUBRIEKE ■ Tot siens, tjeks ■ Covid-19 stuit nie bulverkope ■ Presieskaapboerdery: Die groter prentjie ■ Somerdekgewasse skiet wortel in winterreënstreek ■ Gulde geleentheid vir geel kiwi’s ■ Wind, min water kry nie organiese saadkwekers onder ■ Boereplan: Selfs ou bande kan help vastrap GESIN ■ Boerekos: Somersoet nektariens KLEINVEE Om die besonderhede van presisieskaapboerdery te verstaan, moet die groter prentjie in ag geneem word. In die eerste aflewering van ’n reeks van vier artikels kyk dr. Louis du Pisani na ’n paar beginsels wat maksimum wins sal verseker. Winsgewende skaapboerdery begin by die seleksie van die regte diere.…

MNR. JP MEINTJES van Viljoenskroon, wenner van DuPont Pioneer se Weeg-en-Wen-opbrengskompetisie vir watertafelgronde en naaswenner van Graan Suid-Afrika se Grow for Goldkompetisie. Lees die artikel op bl. 42. VERTEL ONS VAN JOU GESIN. Ek en my vrou, Esri, het vier seuns: Schalk (8), SJ (6) en die tweeling, Hendrik en JP (2). My ma, Cecile, woon op Viljoenskroon. HET JY NÁ SKOOL GESTUDEER? Nee, ek het vir ’n jaar by ’n saaiboer in Amerika gewerk om praktiese ervaring op te doen en twee jaar lank by ’n graanhandelaar in Johannesburg gewerk om graanverhandeling onder die knie te kry. HET JY ’N STOKPERDJIE? Om tyd saam my gesin deur te bring as ons nie werk op die plaas nie. WAAR HOU JY VAKANSIE? Ons hou vakansie in Umhlanga, waar ons tyddeel…

DIE w ynprodusenteligg aam Vinpro was teen druktyd besig om regsadvies in te win oor die verbod op plaaslike wynverkope, spesifiek oor die gebrek aan konsultasie deur die regering en met die klem op die bedryf se situasie. “Sodra ons die regsmening ontvang en alle opsies oorweeg het, sal die Vinpro-direksie die volgende stappe bepaal om in die beste belang van ál sy lede op te tree,” sê mnr. Rico Basson, uitvoerende hoof van Vinpro. Dit kom ná pres. Cyril Ramaphosa op 11 Januarie die drankverbod ingevolge Covid-19-inperkingsregulasies met minstens nog ’n maand verleng het. “Hierdie vierde verbod gaan die spreekwoordelike spyker in die doodskis vir talle wynverwante besighede beteken,” sê Basson. Vooruitskattings wat verlede jaar gedoen is, het getoon 60-80 wynkelders kan sluit en sowat 22 000 mense in…

DIE haglike toestand van Vrystaatse provinsiale en grondpaaie het ná die afgelope goeie reënbuie selfs verder agteruitgegaan. Daar is oral paaie wat nou totaal onbegaanbaar is, sê dr. Jack Armour, bedryfshoof van Vrystaat Landbou. Dié organisasie het ’n brief aan die Vrystaatse provinsiale regering geskryf waarin hy dringend vra dat die provinsie as rampgebied verklaar word sodat noodsaaklike herstelwerk aan paaie en ander infrastruktuur gedoen word. Kommerwekkende berigte van paaie wat totaal onbegaanbaar is, is van verskeie distrikte ontvang ná die provinsie swaar reën en selfs vloede plek-plek beleef het. “Ons het terugvoer gekry dat daar van November af tot 10 vragmotors op paaie in die Wesselsbron-distrik omgeval het. Brûe het byna weggespoel en paaie is onbegaanbaar met diep vore langs die pad. As dit reën en jy beweeg net…

D IT is onontbeerlik dat die onderhoud en sekuriteit van die Namibiese veterinêre kordonheining wat bek-en-klouseer tot die heel noordelike gebiede van die land moet beperk, uitgekontrakteer moet word. Só sê mnr. Thinus Pretorius, voorsitter van die Namibiese Lewendehaweprodusente-organisasie (LPO). Volgens hom is die jongste uitbrekings van beken-klouseer in die noorde nie vreemd nie, maar wel kommerwekkend omdat dit die eerste keer is dat die siekte in die noordweste van Namibië voorkom. Hy beskou die jongste uitbrekings as geïsoleerde gevalle, en beklemtoon dat die siekte in 1963 laas suid van die veterinêre kordonheining voorgekom het. Die kordonheining strek van die weste na die ooste om die streek van die suide af te sper. Dit bestaan uit twee heinings sowat 20-30 meter uit mekaar om ’n kordon te vorm. In sommige…

’N SUID-AFRIKAANSE teler van Chianina-beeste het Botswana se teenkanting om ’n veiling in hierdie buurland te hou, gefnuik deur sy hele aanbod van bulle in private transaksies aan beestelers te verkoop. Die skielike verbod wat Botswana se departement van landbou-ontwikkeling en voedselsekerheid einde 2020 op die opveil van ingevoerde diere geplaas het, het mnr. Christiaan de Jager, ’n Suid-Afrikaanse teler van Chianina-beeste, net tydelik gestuit deurdat hy toe nie sy beoogde veiling op 5 Desember kon hou nie. De Jager, wat by Badplaas en in Mosambiek en Italië met die ras boer, het toe reeds ’n wettige invoerpermit gehad om die bulle in Botswana te verkoop en die beeste was reeds in daardie land. Hy het gesê daar was toe reeds soveel belangstelling in die beeste dat hy al elf…

DieBigMac-indeks gee die waarde van ’n Big Mac-hamburger in Amerikaansedollar vir 56 lande wêreldwyd. Indien jy die verkoopsprys van ’n Big Mac-hamburger in Suid-Afrika met dié van ander lande in dollar vergelyk, is die verkoopsprys daarvan in Suid-Afrika die vierde goedkoopste Big Mac-hamburger ter wêreld. Die Big Mac-indeks is dus ’n verwysingspunt waarvolgens ’n aanduiding van die lewenskoste in verskillende lande gemeet kan word. Waar is die Big Mac-burger goedkoper as in Suid-Afrika? In Libanon kos ’n Big Mac $1,77 teenoor $2,16 in Suid-Afrika. Die ander twee lande waar jy goedkoper vir ’n Big Mac-burger as in Suid-Afrika gaan betaal, is Rusland en Turkye. In Rusland kos ’n Big Mac $1,81 en in Turkye $2,01. In die Oekraïne kos ’n Big Mac $2,20. Waar is die Big Mac die duurste?…

INTERNASIONAAL: Die Chicagoprys het met 4,8%, of $9,16/t (R140,12/t), tot $201,90/t (R3 088/t) gestyg. Op ’n jaargrondslag is dit 33,1%, of $50,19/t (R767,74/t), hoër. Verwagte pryse: Maart – $208,89/t (R3 195/t), Mei – $210,07/t (R3 213/t), Julie – $208,89/t (R3 195/t), September – $190,15/t (R2 909/t). PLAASLIK: Die Safexprys van witmielies het met 2,5%, of R90/t, tot R3 570/t teenoor die vorige week gedaal. Die prys van geelmielies het met 1,9%, of R71/t, tot R3 585/t gedaal. Op ’n jaargrondslag is witmielies 21%, of R620/t, duurder, terwyl geelmielies 26,9%, of R759/t, duurder is. Verwagte witmieliepryse: Maart – R3 563/t, Mei – R3 199/t, Julie – R3 150/t, September – R3 171/t. Verwagte geelmieliepryse: Maart – R3 570/t, Mei – R3 287/t, Julie – R3 270/t, September – R3 325/t. INTERNASIONAAL:…

Een jaar by ’n Amerikaanse mielieboer en twee jaar by ’n Suid-Afrikaanse graanhandelaar was ’n goeie leerskool. Dit het die grondslag vir mnr. JP (Jacobus Phillipus) Meintjes van Viljoenskroon gelê toe hy ná matriek nie op universiteit uit boeke gaan leer het nie, maar eerder praktiese opleiding verkies het. Dit was ’n wyse besluit, want hy kon van meet af aan duidelike spore in die familieboerdery trap en hom voorberei op die moeilike tye toe sy pa en broer kort ná mekaar gesterf en hom alleen in beheer van die groot onderneming gelaat het. Dié waardevolle praktiese opleiding tesame met ’n kop vir boerdery en harde werk het spoedig vrugte afgewerp. Die nuutste beloning was toe Meintjes in DuPont Pioneer se Weeg-en-Wen-opbrengskompetisie as die wenner in die afdeling vir watertafelgrond…

Die jaarlikse LRF-veeskool by Aldam is in 2020 virtueel aangebied weens die ontwrigting wat deur die Covid-19-pandemie gesaai word. Die dodelike virus het plaaslike en buitelandse sprekers, asook boere en ander belangstellendes gekeer om na die gebruiklike bestemming naby Ventersburg te reis. Daarom het die Lewendehawe-registrerende Federasie (LRF) en Breedplan met die samewerking van Landbouweekblad ’n virtuele Veeskool gehou, met sprekers, boere en borge wat almal vanaf hul tuistes deelgeneem en kennis uitgeruil en ingewin het. Die tema was: Terug na die basiese beginsels. Verskeie van die lesings het oor seleksie gehandel.…

Bykans 200 produsente en ander belangstellendes het aanlyn deelgeneem aan die tweede Wêreld-Wagyu-kongres, wat virtueel deur Wagyu Suid-Afrika met die samewerking van die Nasionale Konvensieburo aangebied is. Die beperkinge wat die Covid-19-pandemie op byeenkomste en reise geplaas het, het ’n stokkie gesteek voor planne om die geleentheid in Suid-Afrika aan te bied. Landbouweekblad, wat in 2020 talle landboukonferensies aanlyn aangebied het, was saam met die produksiehuis Brand Republic, wat die Via-TV-reeks Landbouweekliks vervaardig, vir die aanlyn kongres verantwoordelik. Die programaanbieders was dr. Michael Bradfield, uitvoerende hoof van Wagyu Suid-Afrika, en Chris Burgess, redakteur van Landbouweekblad. Internasionale sprekers het hul lesings vanuit hul tuistes aanlyn gelewer. In die eerste artikel is die klem op die genetiese, genomiese en tegniese aspekte van veeteelt geplaas. (Sien “Beter vleisgradering én diere met gevorderde tegnologie”,…

INSEKBEKAMPING BLOULIGRAAD TEEN LASTIGHEDE Die Skoert Muskiet is ’n insekbekampingstoestel van die verspreiders van die gewilde Skoert Vlieg-toestel. Die Skoert Muskiet-toestel van vyf volt het nie net ’n moderne ontwerp nie, maar is ook veeldoelig met ’n blou- en geelligfunksie. Wanneer die blouligfunksie geaktiveer is, lok die toestel muskiete, motte en ander naginsekte en skok hulle dood. Die swart filter om die skoktoestel voorkom dat die eenheid reuse-motte en -insekte vang. Die blou liggie is ’n ideale naglampie in ’n kind se kamer danksy die sagte blou lig, en die kind kan rustig slaap sonder om deur muskiete gepla te word. Die toestel kan ook met die oorskakeling na die geelligfunksie as ’n liggie gebruik word. Danksy die handvatsel is dit nuttig tydens kragonderbrekings of by ’n kampeerterrein. Die toestel…

1. SOET PLESIER My Sweet Life deur Faaiza Omar. Uitgewer: Human & Rousseau. Prys: R450. Hierdie boek is enige soettand se droom. Faaiza Omar het haarself die fynere kunsies van koeke, kaaskoeke, nageregte, roomys en alles wat dekadent is, geleer. Aangesien sy nie ’n opgeleide sjef is nie, gee sy baie nuttige en praktiese wenke vir enige tuiskok wat sy of haar hand aan ’n paar moeiliker soet resepte wil waag. Dink aan makrolletjies, heuningkoek of brioche – dis nie eenvoudig om aanmekaar te slaan nie, maar jy kan verseker wees van jou gaste se goedkeuring. Faaiza is gek oor reis en waar sy ook al kom, doen sy moeite om die stad se geure en smake te ontdek. Benewens die Franse lekkernye is daar ook Indiese geure, nageregte wat…

’N Baie gelukkige en voorspoedige res van die jaar vanaf ons almal hier op Shalom-plase. Ons vertrou op die Here vir ’n baie spesiale jaar. Dit voel byna of ek nie weet wat van 2020 geword het nie; ek dink niemand weet nie. Dit is byna of ons die jaar nie beleef het nie, maar ons weet die Here beoog groot dinge vir die res van 2021. Ek wil julle aanmoedig om nie terug te kyk nie, maar om te streef na die doelwit van ons roeping, wat Jesus Christus is. As boere weet ons geen mens wat sy hand aan die ploeg slaan en terugkyk, is geskik om in die koninkryk van die hemel te kom nie (Luk. 9:62). Ons moet van die verlede vergeet. Onthou wat 2 Kor.…

In 13 van die distrikte in die Oos-Kaap is dalende prysneigings vir grondtransaksies groter as 10 ha in die 12 maande tot verlede November waargeneem, 36% teenoor 52% die vorige jaar. Die stabilisering van grondpryse in sekere dele van die provinsie is opmerklik. Distrikte waar pryse goed gestyg het, sluit in Steytlerville (21,7%), Bathurst (12,5%), Elliot (11,9%) en Molteno (8,5%). In die betrokke tyd is 287 ooreenkomste (vergeleke met 317 die vorige jaar) in 36 distrikte gesluit. Dit is 9,5% minder as in die ooreenstemmende tyd ’n jaar gelede. Altesame 148 017 ha is teen R2,029 miljard verhandel. Transaksies ten opsigte van plaasgrootte is soos volg (die vorige jaar se persentasie is tussen hakies): Tot 50 ha, 22% (27%); 50-150 ha, 14% (11%); 150-300 ha, 13% (16%); 300-450 ha, 9%…

3,5 miljoen Die Oranjerivier-tafeldruifproduksiegebied se tweede oesskatting is 3,5 miljoen kartonhouers (4,5 kg) minder as die eerste, weens vloedskade oor Nuwejaar. Die skatting is verlaag van 19,5 miljoen kartonhouers tot 16 miljoen kartonhouers. Die tafeldruifoes het sowat twee weke later as gewoonlik in die Oranjerivierstreek begin, wat beteken sowat 30% van die oes het nog aan die stokke gehang toe die reën val. Die totale tafeldruif-oesskatting is nou 67,1 miljoen kartonhouers. — Lucille Botha 20-30% Danksy die goeie reën oor die Vrystaat was plantproduksie op plekke van 20% tot 30% beter as in normale jare, sê dr. Mias van der Westhuizen, weidingkundige verbonde aan die Vrystaatse departement van landbou. Boere op die 339 plase wat in Oktober deur brande verswelg is, sal reeds weer hul weiveld kan begin gebruik, met…

‘GM-saad is duurder, en met droogtes die afgelope tyd het die oorweging verskuif van maksimum opbrengs na maksimum wins.’ MNR. CORNÉ LOUW, senior ekonoom by Graan SA, oor hoekom sommige boere konvensionele mieliebasters bo geneties gemodifiseerde (GM) saad verkies. Bl. 18 ‘Wanneer ’n behoefte (vir verdere finansiering) ontstaan, sal dit op ’n individuele grondslag beoordeel word.’ DIE LAND BANK oor die finansieringsituasie van kliënte ná die bank ’n verhouding met tussenganger-landboumaatskappye beëindig het. Bl. 14 ‘Dit is net ’n kwessie van tyd voor die internasionale mark vir ons oopgaan.' DR. MICHAEL BRADFIELD, uitvoerende hoof van Wagyu SA, oor uitvoermoontlikhede vir dié vleis wat vanweë ’n swak ekonomie laer as verwagte plaaslike pryse behaal. Bl. 21 ‘Die siekte (kon) vanuit Angola of die afgesperde gebiede kom weens die verval van die…

WATERVLAKKE in die Vaal- en Oranjerivier het in Januarie heelwat gestyg en die department van water en sanitasie in die Noord-Kaap het teen 12 Januarie vloedwaarskuwings uitgereik ná dele van die Noord-Kaap in dié tydperk van 50 mm tot 100 mm reën gehad het. Volgens mnr. Sputnik Ratau, die department se woordvoerder, het vloede plek-plek voorgekom. Die Gariepdam het teen Saterdag 16 Januarie begin oorloop en sy vlak het teen druktyd naby aan 105% gedraai. Op dieselfde tyd verlede jaar was die dam maar 65% vol. Die dam het ’n kapasiteit van 5 340 000 megaliter water en beslaan ’n oppervlak van 374 km2 . Foto’s is wyd op sosiale media versprei van sluise wat oopgedraai is en water wat bruis na die volgende dam, die Vanderkloofdam, wat met druktyd…

OM die betroubaarheid van die lewendehawebedryf se naspeurbaarheid en biosekerheid bo enige twyfel te verseker, sal veilingskrale slegs R1 600 per jaar vir oudits moet betaal. Lewendehawe-agente en -agentskappe het tot einde Junie tyd om die nodige infrastruktuur- en bedryfsaanpassings, asook die nodige aantekeningstelsels, gereed te kry om aan die vereistes van die biosekerheidsreëls vir lewendehawe-agente te voldoen. Hierdie reëls is reeds verlede November deur die landbouprodukte-agenteraad (Apac) bekend gemaak. Dit is deur die Rooivleisprodusente-organisasie verwelkom. Mnr. Francois Knowles, registrateur van Apac, sê die doel van die reëls is om ’n geouditeerde naspeurbaarheidstelsel te vestig en terselfdertyd die verspreiding van dieresiektes te beperk. In ’n verklaring wat begin Januarie uitgereik is, sê hy Apac gaan die bedryf aanvanklik tegemoet kom om te verseker die nodige stelsels en infrastruktuur kom tot…

DIE verskil tussen hoe melkboere, verwerkers en die kleinhandel se pryse vir onverwerkte melk en melkprodukte in die jongste jare gestyg het, is só radikaal dat dit nie weggeredeneer kan word nie. Só sê dr. Chris van Dijk, hoofbeampte van die Melkprodusenteorganisasie (MPO), en mnr. Bertus van Heerden, hoofekonoom van die MPO, in die jongste MPO-aanwyser wat op 4 Januarie 2021 uitgereik is. Die MPO sê dit is noodsaaklik om een databron vir sulke berekeninge te gebruik. Statistieke Suid-Afrika is volgens hulle die amptelike en gesaghebbende bron vir datastelle vir ekonomiese aanwysers en gebruik ’n baie spesifieke metodologie en herhalende proses. “Die uiteenlopende neigings in die prys van onverwerkte melk (plaashekprys) en suiwelprodukte (sowel sekondêr as tersiêr) sedert 2018 is so duidelik soos daglig en behoort nie verdoesel te word…

1 KENIA| VN gee geld vir nuwe sprinkaanplaag Die Verenigde Nasies het 164 miljoen Keniaanse sjieling (R22,7 miljoen) uit sy sentrale noodreaksiefonds begroot vir die bestryding van ’n verdere woestynsprinkaanplaag in Kenia. Die geld sal gebruik word vir bekampingsmaatreëls, onder meer deur monitering uit die lug en op die grond, sowel as giftoediening. Swerms is tot dusver in die distrikte Mandera, Garissa, Marsabit, Tana River en Wajir aangemeld. Die VN se Voedsel en Landbou-organisasie (VLO) waarsku dat die lewensbestaan en voedselsekerheid van 3,6 miljoen mense in Oos-Afrika en Jemen in gedrang kan wees sonder verdere bestryding. — AllAfrica/Daily Nation 2 ZIMBABWE | Nuwe varsproduktehandelaar wyk uit na voorstede ’n Nuwe vrugte-en-groente-onderneming in Bulawayo sê tradisionele handelaars die stryd aan deur winkels in dié stad se voorstede te vestig.…

Een van die wêreld se grootste sportgoedere-handelsname het ontstaan danksy die dryfkrag van ’n middelafstandatleet en sy afrigter. Mnre. Phil Knight en Bill Bowerman het Nike, wat oorspronklik Blue Ribbon Sports genoem is, in 1964 gestig. Aan die begin is drafskoene uit die kattebak van Bowerman se motor aan atlete verkoop. Vandag lewer die onderneming ’n wins van $37,4 miljard, met 76 700 werknemers wêreldwyd. Na raming is die internasionale mark vir skoene $365 miljard werd, met ’n verwagte groei van 5,5% per jaar. Danksy ’n volhoubare klem op vernuwing, gekoppel aan ’n sterk handelsnaam, is Nike een van die mees voorstaande maatskappye op sy gebied. Nike se maatstaf vir opbrengs op kapitaal is die afgelope vyf jaar amper drie keer meer as die bedryf se gemiddelde maatstaf. Nike se…

Waatlemoenboere moes tot nou met ondergemiddelde pryse tevrede wees. Volgens mnr. Steve Michael, verkoopsman van die City Deep-waatlemoenpaneel op die Johannesburgmark, kan die prys tot einde Maart styg, maar daar is steeds baie onsekerheid. “Vanweë baie lae volumes einde September het die seisoen verlede Oktober met baie hoë pryse begin. Boere het tot R120 vir topgehalte groot en ekstragroot waatlemoene verdien. Dieselfde koue wat vir die tekort van vroeë produkte verantwoordelik was, het ’n bottelnek waatlemoene einde Oktober veroorsaak. Die volume was baie hoog en die prys het tot R40 vir ’n waatlemoen gedaal. “Sedert Oktober is dit waar die prys gebly het. In die grootste deel van die seisoen moes ons boere se lewerings skeduleer om te verseker dat daar genoeg plek is. Ek re-ken die grootste oorsaak vir…

Dieregesondheid beteken in effek gesondheid vir die mens. Dié stelling verwys nie net na die veiligheid en voedingswaarde van dierlike proteïene nie, maar in die groter konteks ook na die gevaar van soönotiese siektes wat kan ontstaan en van dier na mens oorgedra word. Hierdie inligting is oorgedra tydens ’n webinaar, “The Protein of The Future and The Future of Protein”, wat deur die Aarhus-universiteit in Denemarke aangebied is, en deur ’n afdeling van die Europese Unie, EIT Food, gefinansier is. Mnr. Jens Tuider, internasionale direkteur en adviseur vir die uitvoerende hoof van Proveg International, het inligting uit die Proveg International Food and Pandemics-verslag vir 2020 beklemtoon. Daarvolgens verteenwoordig lewende hawe wat deel van kommersiële boerderybedrywighede is, 60% van die globale soogdier- en voëlbevolking. Die res is saamgestel uit mense…

Daar is verskeie ander doelwitte as wins wat familie-ondernemings kan najaag, sê Heyns. Hierdie doelwitte – harmonie, sosiale status, familie-identiteit, ’n bydrae tot die gemeenskap en werkskepping vir familielede – kan ook ’n invloed hê op die mate waartoe ’n onderneming vernuwe. • Harmonie. ’n Familiebesigheid moet taak-geöriënteerde konflik bestuur sodat dit nie tot verhoudingskonflik lei nie. Harmonie as familiedoelwit moet egter nie familielede laat wegskram van risiko, moeilike gesprekke en vooruitgang nie. • Sosiale status. Dit is veral in die wynbedryf relevant, want dit kan die wynbereiding, pryse, beleggingsbesluite en selfs wins beïnvloed. Families se waardes oor sosiale status kan lei tot vernuwende praktyke soos om in meganisasie, botteleringstegnologie of navorsingsidees te belê wat uiteindelik hul status in die wyngemeenskap kan verhoog. • Familie-identiteit. ’n Sterk skakel tussen die onderneming en die…

MNR. JP MEINTJES WATTER TEGNOLOGIE IS ONMISBAAR? Presisietegnologie. Dit het die landbouwêreld handomkeer verander. WAT IS DIE BESTE RAAD WAT JY AL GEKRY HET? Werk hard, en jou tydsberekening moet reg wees. WAT IS DIE GROOTSTE BOERDERYFOUT WAT JY GEMAAK HET? Ek maak baie foute, maar leer altyd om nie weer dieselfde foute te maak nie. WIE WAS JOU MENTOR? My pa was my mentor. Alles wat ek van boerdery weet, het ek by hom geleer. WAT STEL DIE MEESTE EISE AAN JOU IN DIE BOERDERY? Onvoorspelbare klimaatstoestande.…

Een van die doeltreffende maniere om produksiedoeltreffendheid te verhoog en die koolstofspoor te verminder, is om die getal diere te verminder en die produksie per diere-eenheid te verhoog. Hoër produktiwiteit verminder die vrystelling van kweekhuisgasse per eenheid produk geproduseer. In enige teelprogram behoort die teeldoelwit dus te wees om produksiedoeltreffendheid en inkomste te verhoog. Seleksie vir sekere eienskappe kan produksie verhoog, maar nie noodwendig die produktiwiteit of doeltreffendheid van produksie nie. Die koei-kalfproduksiesiklus by vleisbeeste is verantwoordelik vir die meeste van die energieverbruik en verteenwoordig ongeveer 72% van die energieverbruik vanaf bevrugting tot slag. By die volwasse koei verteenwoordig die onderhoudsvereistes 70% van haar voerkoste en is die gemiddelde voerkoste per koei 42% van die totale jaarlikse voerproduksiekoste. Hierdie waardes toon aan waarom hoër koeidoeltreffendheid so belangrik is. Die historiese…

A lles gaan oor opbrengs, maar optimale opbrengste kan net bereik word as voldoende voorrade van alle voedingstowwe aanwesig is. Onsekerheid rondom die gebruik van swael (S) word vererger deur die feit dat S-tekorte in gewasse en weidings dikwels nie opgelet word nie omdat die simptome met dié van ’n stikstof-(N) tekort verwar kan word, veral by jong plante. Grondtoetsdienste sluit ook dikwels nie roetinegewys toetse vir swael in nie. In die verlede het swael min aandag as plantvoedingstof gekry weens die oorvloedige gebruik van “laegraadse” S-bevattende misstowwe en atmosferiese insette, wat gesorg het dat daar voldoende S-voorrade in die grond was. Die volgende faktore kan daartoe bydra dat S-tekorte meer dikwels sal voorkom: ■ Die toenemende gebruik van “hoë-analise”- misstowwe (misstowwe wat meer as 30% totale beskikbare voedingstowwe bevat…

Pasta met skaapnek-ragout Ragout is ’n ryk en geurige tamatievleissous wat heerlik oor pasta of krummelpap smaak. Hierdie weergawe word nie volgens die tradisionele metode gemaak nie, maar smaak vorentoe. ■ 1 heel skaapnek ■ Fyn koljander, sout en swartpeper na smaak ■ Olyfolie ■ 1 groot ui, fyngekap ■ 3 knoffelhuisies, fyngekap ■ 30 ml tamatiepasta ■ 2 blikke (410 g elk) gekapte tamaties ■ 500 ml goeie vleisaftreksel ■ 125 ml rooiwyn ■ 125 ml water ■ 5 ml tiemieblaartjies, fyngekap ■ 2 vars lourierblare ■ Suiker na smaak ■ 30 ml fyngekapte vars pietersielie ■ 400 g gaar lintnoedels, om voor te sit Voorverhit die oond tot 160 °C. Geur die skaapnek met koljander, sout en peper na smaak. Sit die vleis op ’n groot stuk foelie…

Gerber & Co se storie is teen dié tyd wyd bekend. Stefan Gerber en sy vrou, Francisce (Pikkels), het ’n paar jaar gelede op Stefan se oupa se plaas in die Namakwaland begin boer. Oupa Eli se filosofie was: “Waar daar wol is, is daar ’n weg.” Dít het die Gerbers, wat albei van aard entrepreneurs is, aangespoor om ’n klerereeks te begin met die Merinowol wat in hul omgewing geproduseer word. Kort voor lank het die padstal by Bitterfontein gevolg (daar is deesdae ook een op Simondium naby Franschhoek in die Wes-Kaap). Langs die padstal is ’n lokaal waar hul Small Seeds-gemeenskapsprojek bedryf word. Hier word vroue opgelei om met die hand te weef sodat hulle met die wol van Gerber & Co klere kan maak. Die Gerbers koop…

GAUTENG CARLETONVILLE KLIPDRIFT (395), 1 298 ha, aan Wild Melody Inv. 116 BK, van Enlo-boerdery (Edms.) Bpk. en Allen du Buys-trust, R9 400 000. LEEUWPAN (58), 21 ha, aan In Touch General Servives (Edms.) Bpk., van C.C. Dreyer en I.A.W. Dreyer, R360 000. SLUIS (46), 21 ha, aan G.K.E. en M.D. Mabalane, van Y.P.A. Lebos, R430 000. ZWARTKRANS (172), 21 ha, aan D. Gintner, van F. Commandeur, R2 400 000. KWAZULU-NATAL LADYSMITH POORTJE (964), 26 ha, aan Furntam (Edms.) Bpk., van 2HB Farming (Edms.) Bpk., R1 500 000. RIET KUIL (1181), 317 ha, aan SharpSharpFreshFoods (Edms.) Bpk., van Crest Exports BK, R1 700 000. VERTREK (1091), 127 ha, aan Kings Valley Property-trust, van G.M. Clouston, R8 500 000. NEWCASTLE SCHAAP VLAKTE (2988), 183 ha, aan Kromellenboogtrust, van Deleine-boerdery BK, R9…

NEIGINGS DUBBELDOELSKAAP SWAKARABOERE BETER GERAT VIR 2021 Danksy die wydverspreide reën kan Namibiese Swakaraboere uitsien na ’n beter 2021-seisoen ná die jare lange droogte. Me. Julene Meyer, voorsitter van die Swakararaad, het aan Landbouweekblad gesê weiding het goed herstel en vleispryse is hoog. Dit tel in Swakara se guns omdat dit ’n dubbeldoelskaap is wat gesogte pels én lekker vleis produseer – iets waarvoor daar altyd ’n goeie mark is. Begin 2020, toe pelse swak verkoop en die Covid-19-pandemie versprei het, het die meeste Swakaraboere verkies om hul lammers vir die vleismark groot te maak ter wille van ’n bestendige inkomste. Meyer het gesê ondanks die beter toestande moet produsente seker maak hulle behou ’n teelkudde van top-teelmateriaal, met die hoop dat die pelsmark sal herstel. Nie net het die…

Met die tragiese nuus van die afsterwe van prof. Mohammad Karaan, ’n onbetwisbare reus in die landbou ondanks sy betreklike jeugdigheid, het die gevolge van die Covid-19-pandemie nou ook ons huis getref. Met sy onberispelike kontakte in politieke binnekringe kon Mohammad nie net politici se uitspattige impulse in toom hou nie, maar hy het ook boere deurgaans op die hoogte gehou van die ware toedrag van sake wanneer emosies gedreig het om handuit te ruk. Sy kalm insig was van onskatbare waarde. Wat Mohammad uniek gemaak het, was hoe hy, amper sonder uitsondering, groot byval gevind het by boere — van boereverenigings tot die verskeie rade waarin hy gedien het. Daarvoor het sy intelligensie, praktiese boerdery-ervaring en humorsin gesorg. Hy was ’n belangrike brugbouer in die landbou in ’n kritieke…

PROF. MOHAMMAD KARAAN: GROOT VERLIES VIR DIE LANDBOU Die landbou-akademikus prof. Mohammad Karaan (52), voormalige dekaan van die fakulteit landbouwetenskappe aan die Universiteit Stellenbosch, is verlede week aan Covid-19 oorlede. Dr. Ivan Meyer, Wes-Kaapse minister van landbou, beskryf sy heengaan as ’n reuse-verlies vir die landbou en die akademiese gemeenskap Laurett Smit: Groot verlies vir Suid-Afrika. Meegevoel aan sy familie. Arné de Kock: Ja, dit is ’n groot verlies vir die landbou. Smattie Welsh: So hartseer! Amanteco Almonds: Ons sal sy kennis, insig en vriendskap baie mis. Sterkte aan sy familie in hierdie tyd. Wessel-Jan Van Deventer: Sjoe, sterkte aan sy familie. Lizette Erasmus: Baie slegte nuus, ’n wonderlike geleerde man. Die landbou sal hom beslis mis. Sterkte aan die familie. Marlize Bruwer Mouton: Hy was só ’n slim man,…

VOORUITSIGTE lyk gunstig vir verdere swaar reën einde Januarie en begin Februarie oor bykans die hele somerreëngebied, van Upington in die weste tot verby Ermelo in die ooste, sê mnr. Johan van den Berg, ’n onafhanklike landbouweerkundige. Van den Berg sê die heersende La Niña-stelsel het nou sy hoogtepunt bereik en weermodelle dui aan dat dit klimaatspatrone in die volgende paar maande gaan oorheers. Gegrond op vorige La Niñaseisoene, veral 1973-’74, 1974-’75, 1975-’76, 1988-’89 en 2010-’11, is verdere swaar reën oor veral die sentrale dele van die land in Februarie moontlik. Tydens die afgelope ses taamlik sterk La Niña-seisoene het Reitz in die Oos-Vrystaat meer as 120 mm reën in Februarie gekry ná swaar reën in Januarie. In produksiegebiede verder oos, soos in Bethal, was daar in Februarie tydens La…

Die Suid-Afrikaanse sitrusbedryf is die grootste landbouuitvoerbedryf in Suid-Afrika. Te oordeel na die getal nuwe bome wat aangeplant is, is die verwagting dat daar in die volgende drie jaar verdere skerp toenames gaan wees in die uitvoervolumes en natuurlik die uitvoerverdienste, wat na raming in 2020 bykans R25 miljard was. Die grootste knelpunt op die oomblik is hawe-uitvoerkapasiteit en die vermoë van die infrastruktuur om vrag professioneel en vinnig te skuif. Dan was daar natuurlik onlangs ook stakings by hawens in die uitvoerseisoen, asook die grendeltyd in 2020 wat uitvoer vir ’n wyle tot stilstand gedwing het. Die gebrekkige vermoë van die staat om besigheidsvriendelik op te tree, is die bedryf se grootste bedreiging. Die bedryf bestee jaarliks sowat R150 miljoen aan gesamentlike navorsing met geld wat deur heffings ingesamel…

Graanboere in die sentrale en westelike somersaaigebied wat in die heersende toestande nog sonneblomme wou plant, kon dié geleentheid tot omstreeks 15 Januarie benut. Sonneblomme vir die 2020-’21-oes is tot dusver op 500 300 ha verbou met ’n oesskatting (in November) van 785 910 ton. Die oppervlakte onder sonneblomme is sowat 15 000 ha minder as in 2019 wat toe ’n oes van 678 000 ton opgelewer is. Die Vrystaat sal na verwagting die meeste van die land se sonneblomme (442 000 ton, of 56%) op 260 000 ha oplewer. Terwyl boere in groot dele van die somersaaigenied oor die milde reenval van die afgelope weke juig, is daar egter ook kommer oor die probleme wat met nat reënjare gepaard gaan. Dr. Dirk Strydom, bestuurder van graanekonomie en bemarking by…

Wagyu is bekend om sy smaaklike vleis wat deur baie tussenspierse vet (marmering) gekenmerk word. Hierdie bedryf groei wêreldwyd met rasse skrede, ook in Suid-Afrika, en baie mense is bereid om duur vir hierdie vleis te betaal. Mnr. Frans Stapelberg, uittredende voorsitter van Wagyu Suid-Afrika, het op die tweede Wêreld-Wagyukongres gesê telers van Wagyu-beeste is trots dat hulle waarskynlik die beste vleis ter wêreld produseer. Hulle moet egter daarop let dat ander rasse ook vordering met die bemarking van hul vleis toon. Daarom moet volgehou word met ’n rasverbeteringstelsel wat die benutting van genomika en naspeurbaarheid insluit, terwyl goeie kuddebestuur en die etiese hantering van die beeste ook deel van elke teler se mondering moet wees. Dr. Michael Bradfield, uitvoerende hoof van Wagyu Suid-Afrika, het gesê die genootskap is in…

Die Mabandla-gemeenskapstrust (MCT) bestuur die Umgano-projekgebied van 7 000 ha tussen Coleford en die Ntsikeninatuurreservaat by Umzimkhulu. Die hele gebied is staatsgrond, wat aan die Mabandla- tradisionele raad verhuur word. In 1998 het die MCT gehelp om geld in te samel om 850 ha bloekomplantasies en 450 ha denneplantasies te vestig. Die dryfvere agter die projek sluit in twee lede van MCT, inkosi Sidoi en sy opvolger, inkosi Baleni, en die eienaars van Rural Forest Management, mnre. Peter Nixon and Themba Radebe. Laasgenoemde organisasie voorsien kundigheid en opleiding. Die bosbou-onderneming word deur die Umgano-ontwikkelingsmaatskappy bestuur. Dit word ten volle deur die MCT en Umsonti Community Forestry besit. Laasgenoemde is ’n organisasie sonder winsmotief wat op gemeenskapsontwikkeling konsentreer, en hy verskaf bestuursondersteuning. In 2016 is ’n saagmeule deur ’n afsonderlike maatskappy,…

W anneer eenjaargewasse soos uiesaad onder drupbesproeiing jaarliks hervestig moet word, is dit lonend om plastieklynbesproeiingspype so netjies moontlik op te rol vir hergebruik. Mnr. Alewyn Nel van Viskuil, Laingsburg, besproei ’n groot deel van sowat 20 ha uie deur spilpunte, en het ook heelwat uie onder drupbesproeiing. (Sien ook “Van uiesaad tot huisvesting verskans Karoorisiko’s”, LBW, 24-31 Desember 2020). Plastiekdrupbesproeiingslyne en druppers is duur om te vervang en moet sover moontlik hergebruik word. Die gemiddelde gebruiksduur van so ’n lyn is sowat drie jaar, mits dit versigtig opgerol word. “Dikwels is daar knakke en ander skade as die pyp opgerol word. Ek het ’n paar jaar gelede begin dink aan ’n manier om die gebruiksduur van my besproeiingspype te verleng.” Eskom het mettertyd heelwat kabels oor sy plaas gespan,…

Wanneer het die boerderygogga jou gebyt? Ons familie is al van my grootouers se tyd af boere. Ek is van jongs af aan die boerdery blootgestel en moes altyd my pa op die plaas help. Toe al het ek lief geraak daarvoor. Hoekom is seldery een van jou boerderygewasse? Ons grond is baie geskik vir selderyverbouing. Ons is naby die kus geleë en die seldery floreer vir die grootste deel van die jaar. Ons kan nege tot tien maande van die jaar met seldery boer. As alles goed gaan, is seldery boonop ’n baie winsgewende gewas. Hoe werk die produksiesiklus? Ons plant elke maand 10 000 tot 15 000 seldery-saailinge op sowat 0,25 ha. Ons maak nie ons eie saailinge nie, maar koop dit by ’n kwekery. Dit duur sowat…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in die Landboukalender. Stuur die besonderhede aan lbw@landbou.com BOEREDAE 4 MAART: Kuilvoerdag, Klipheuwel-plaas, Durbanville. Lesings, uitstallings en demonstrasies. E-pos: wc@mpo.co.za, of 076 774 1284. 27-28 MAART: Werksessie met Gabe Brown (Amerikaanse kenner van herlewingslandbou), aangebied deur die instituut vir volhoubare boerdery in Suid-Afrika, Lowerland-plaas, Prieska. Belinda, e-pos: info@permaculture instituteforsouthernafrica.org FEESTE, EKSPO’S 2 FEBRUARIE: Wynoesherdenkingsgeleentheid (virtueel) aangebied deur Agri-Expo. Razelle Galant, razelle@agriexpo.co.za 25 FEBRUARIE: Beoordeling van die Suid-Afrikaanse suiwelkampioenskapskou, aangebied deur Agri-Expo. 26 MAART: Aankondiging van SA suiwelkampioene, aangebied deur Agri-Expo. 7 MEI: Internasionale Sauvignon blanc-dag, aangebied deur Agri­Expo. Razelle Galant, razelle@ agriexpo.co.za KONFERENSIES 2-3 MAART: Africa Energy Indaba 2021, Kaapstadse Internasionale Konvensiesentrum. Web: www. africaenergyindaba.com, e-pos: info@energyindaba.co.za 11 MAART: Vloot-en-brandstofbestuurkonferensie aangebied deur Maphosa…