Indholdsfortegnelse for 25 Mar 2021 i Landbouweekblad

VEEDIEWE in die Oos-Kaap verdien R15 000 tot R30 000 per maand deur vee in die provinsie vir ’n nasionale sindikaat te steel. Dié vergoeding is belastingvry en van hul base verdien tot R200 000 per maand. Volgens ’n anonieme veedief doen hy dié gevaarlike werk omdat daar nie ander werkgeleenthede vir jeugdiges in Suid-Afrika is nie. Hy kan deur veediefstal sy gesin onderhou en sy kinders na top-Oos-Kaapse skole stuur. Hy is al meermale in hegtenis geneem, maar word telkens vrygelaat weens ’n gebrek aan bewyse. Die gesteelde vee word deur slaghuise en abattoirs by sy werkgewers, wat meestal anoniem is, bestel. Daar is ook boere wat teelmateriaal deur hulle bekom. Gesteelde skape, wat tot R2 500 werd kan wees, word vir slegs R200 op die swart mark verkoop,…

ARTIKELS & RUBRIEKE ■ Wees waaksaam oor onteiening ■ Appaloosa: ’n Perd van ’n ander kleur ■ Kanolawenner: Kennis, goeie bestuur gee deurslag ■ Kyk hierna as jy ’n veeplaas koop ■ Boereplan: Skaapvoerkraal word toetssentrum vir doeltreffendheid SPESIAAL ■ Wie’s wie GESIN ■ Proe die geure van Paasfees ■ Koningoestersampioene bied potensiaal PERDE Op die plaas Morgenson by Schweizer-Reneke teel mnr. Marco Smit van die stoetery Two Moons Appaloosaperde wat die pryse op skoue inryg. Hierdie perderas, oorspronklik van Amerika, is veelsydig. Daar is ’n perd vir almal – van ’n ponie vir jou kind tot Western-tipe perde, halterperde, dresseerperde, springperde en skouperde.…

MNRE. BOETIE BEUKES en sy broerskind, MNR. JOHANN BEUKES van die plaas Kralegin by Caledon, het die Proteïennavorsingstigting (PNS) se prys vir die hoogste kanola-opbrengs op minder as 150 hektaar gewen. Hulle het in 2020 gemiddeld 3,07 t/ha geoes. Lees die artikel op bl. 52. VERTEL VAN JOU GESIN Boetie: Ek is getroud met Elfrieda. Ons het drie kinders en vier kleinkinders. Johann: Ek en my vrou, Elané, verwag ons eersteling in September. WATTER OPLEIDING HET JY GEKRY VOOR JY KOM BOER HET? Boetie: Ek het aan die Hoër Landbouskool Boland by die Paarl gematrikuleer en ná my diensplig kom boer. Van toe af leer ek elke dag. Johann: Ek het aan die Hoërskool Overberg op Caledon gematrikuleer. Ná ’n brugjaar het ek die graad BAgric in gewasproduksie en veekunde…

TERW Y L die Suid-Afrikaanse ekonomie verlede jaar met 7% ingekrimp het, was die landbou die een sektor wat sy kop hoog gehou en met 13,1% vir die jaar gegroei het. Volgens Statistieke SA se jongste syfers vir die bruto binnelandse produk (BBP) het die landbou se sterk groei van 5,9% in die vierde kwartaal bygedra tot die dubbelsyfergroei vir die jaar. Die enigste ander bedryf wat in 2020 gegroei het, was die staatsdiens met 0,7%. Die grootste inkrimping was in die boubedryf met 20,3%. Mnr. Paul Makube, senior landbou-ekonoom by FNB-landbou, sê die landbou se goeie groeisyfer vir die vierde kwartaal is deur die diereproduksiesektor ondersteun, wat verantwoordelik was vir meer as 50% van die land se bruto landbou-produksiewaarde. Die sektor het oor die algemeen in al die kategorieë…

Mnr. Leon du Plessis wys hoe hoog groei die mielies op Harmony Farm naby Stutterheim. Du Plessis sê die hoogste mielies wat hy in dié landery gemeet het, is 4,1 m lank. Dis op 8 November aangeplant en die foto is 108 dae later geneem. In dié tydperk het 388 mm reën geval, en die verspreiding van die reënval was ook baie gunstig, met ’n buitjie wat elke paar dae geval het. Hy sê daar gaan kuilvoer van hierdie besonder lang mielies gemaak word. Dit is ’n oopbestuifde mielie wat hy van inheemse saad uit die voormalige Transkei gekweek het. Sy stokperdjie is om eiesoortige mielies, ook dié met gekleurde pitte, te kweek, en hierdie mielies is onder meer gebaster met verskeie ander soorte wat ook gekleurde pitte produseer.…

DIE Namibiese wildbedryf wag vir finale bloedtoetsuitslae van die Friedrich Loeffler-instituut in Duitsland in hul veldtog om hondsdolheid by koedoes te bekamp. Volgens die Namibiese Landbou-unie is die Lewendehaweprodusente-organisasie (LPO) in 2010 opdrag gegee om ’n oplossing te vind vir die voortslepende hondsdolheidepidemie wat onder die koedoebevolking in Namibië voorkom. Hierdie epidemie is uniek aan Namibië en veroorsaak ernstige ekonomiese verliese vir die landbouen toerismesektore wat hierdie diere vir trofeejag, biltong en toerisme gebruik. Die koedoe-hondsdolheidprojek het in 2016 onder leiding van dr. Rainer Hassel, ’n raadgewer oor dieregesondheid en kundige oor hondsdolheid by koedoes, begin. Die resultate van die eerste twee fases van die projek het gewys ’n orale entstof kan werk. Die derde fase het 2020 begin, steeds met Hassel as spanleier, deesdae lektor by die Universiteit van…

1 MOSAMBIEK| Lietsjies bring hoop Kleinboere in die Mosambiekse provinsie Manica se vooruitsigte is drasties verbeter danksy ’n lietsjieboerderyvennootskap met Westfalia Fruit, wat in 2014 begin het. Meer as 200 kleinboere kon danksy dié vennootskap marktoegang in Europa kry, asook GlobalGAP-status. Manica se lietsjies word twee weke voor Madagaskar se lietsjies geoes, wat die uitvoerseisoen in die streek as geheel verleng. Die Manica-lietsjiekwekersgenootskap is in 2016 gestig, en sedert die stigting sluit al hoe meer boere daarby aan en brei hul aanplantings uit, volgens mnr. Esnath Pachawo, projekkoördineerder van Westfalia in Mosambiek. Die projek het ook geld by die Wêreldbank gekry om gevorderde besproeiingstelsels te installeer. — Westfalia Fruit 2 KENIA | Nóg goedere uit Uganda verbied Mielies is gevoeg by Ugandese produkte wat nie meer na Kenia…

WETENSKAPLIKES het ’n molekulêre ontleding van ’n deel van die virus onderneem wat bek-en-klouseer veroorsaak. Daarmee wil hulle bepaal waarom die virus só aansteeklik is. Bek-en-klouseer is ’n hoogs aansteeklike besmetting van diere met ’n gesplete klou wat ’n impak op produksie en kuddevrugbaarheid het. Internasionale ekonomiese verliese weens die siekte word op tot $22,5 miljard (R345 miljard) per jaar bereken, met die wêreld se armste boere wat die grootste skade ly. ’n Span wetenskaplikes van die Leeds en Illorin Universiteit in Nigerië het die betekenis ontleed van die ongewone manier waarop die virus se genoom kodes vorm vir die vervaardiging van ’n proteïen genaamd 3B. Dié proteïen is betrokke by die vermeerdering van die virus. Wetenskaplikes is al geruime tyd bewus van die feit dat die virus se genetiese…

Winsgewende handelsgeleenthede is beskikbaar vir diegene in die Suid-Afrikaanse rooivleisbedryf wat uitvoer na internasionale markte oorweeg. Hulle moet egter aspekte soos volhoubaarheid, markinligting en verbruikersvoorkeure in ag neem. Só het die landbou-ekonoom dr. Frikkie Maré van die Universiteit van die Vrystaat (UV) onlangs in ’n aanbieding aan die LRF-Veeskool gesê. Kennis rondom vars en bevrore produkte is belangrik. Hoewel Suid-Afrika ’n netto invoerder van beesvleis is, is daar steeds geleenthede om uitvoer van veral hoëgehaltesnitte te verhoog. “Met die ooraanbod van (sekere snitte) beesvleis sal dit ook sin maak om uitvoer te verskerp,” sê hy in ’n opsomming van sy aanbieding op die UV-webwerf. Maré reken boere moet duidelik weet hoekom hulle wil uitvoer. Die uitvoermark kan premiepryse aanbied, gemeet aan minder aantreklike pryse op die plaaslike mark. “Dit is…

Die Spaanse stad Sevilla gaan die vrugte van die sowat 48 000 lemoenbome langs sy strate inspan om krag op te wek. ’n Gidsprojek is deur die munisipale watermaatskappy Emasesa van stapel gestuur, het die Britse koerant The Guardian onlangs berig. Sowat 35 ton van die vrugte wat elke seisoen van die bome val, gaan gebruik word om metaan op te wek in ’n bestaande biobrandstofaanleg. Dit verskaf krag aan een van die stad se watersuiweringsaanlegte. Uiteindelik word beoog om die groter elektrisiteitsvoorsieningstelsel van die stad met die krag te voorsien wat sodoende opgewek word. Na raming kan sowat 73 000 huise van krag voorsien word indien al die lemoene in die stad vir biobrandstof gebruik word. Die lemoene wat die bome dra, is taamlik bitter en word nie juis…

WAT IS JOU BETROKKENHEID BY PALS EN HOEKOM HET JY DAARBY BETROKKE GERAAK? Ek is PALS se strategiese en regsadviseur. Ek het destyds betrokke geraak as gevolg van die behoefte om grondhervorming op ’n meer gunstige wyse aan te pak wat ekonomiese groei en maatskaplike harmonie sal bevorder. Ek het navorsing daaroor gedoen en toe die PALS-raamwerk ontwerp en dit saam met die boere getoets, waarna die inisiatief in ooreenstemming met die nasionale ontwikkelingsplan en die Grondwet begin is. HOEKOM IS DIT BELANGRIK DAT BOERE SELF GRONDHERVORMING TAKEL? Politici en staatsamptenare verstaan nie besigheid en boerdery nie en is nie veronderstel om besighede te bedryf nie. Hulle moet die omgewing skep waarin besighede bedryf word sodat die ekonomie kan groei en werk skep. Hulle moenie inmeng in die bedryf van…

PLAASINLIGTING LIGGING: Kroonstad, Vrystaat NAAM: Groenpan EIENAARSKAP: Privaat VERTAKKINGS: Charolaisbeeste en mielie-, haweren tefverbouing VELDTIPE: Gemengde suur- en soetveld GEMIDDELDE REËNVAL: 500 mm per jaar Die klem van die Sonder Twyfel-Charolaiskudde, wat die afgelope bykans 12 jaar die tuiste van vanjaar se Elitekoei van dié ras was, is veral op uitstekende koeilyne en ’n belegging in topteelmateriaal. “Dit is die kern van ’n kudde. Goeie koeie teel goeie bulle,” meen mnr. Willie Venter, die eienaar. Die Elitekoei SW 090039 is in Oktober 2009 deur mnr. Freddie Wasserfall van die Otjiwa-boerdery, Dewetsdorp, geteel. Dit is as ’n jong vers deur Venter gekoop toe hy hom by die Charolais-beestelersgenootskap aangesluit het. Die aankoop van vroulike én manlike topteelmateriaal het Venter se stoetery oor die jare gebaat en SW 090039 was deel van…

Mnr. Boetie Beukes is ’n verteenwoordiger vir die landbouchemiese verspreidingsmaatskappy Viking en die saadmaatskappy Agricol. Hy beskou die geleentheid wat hy 30 jaar gelede gekry het om ’n Vikingverteenwoordiger te word, as ’n bestiering, veral omdat hy daardeur baie leer. “Ek kry elke jaar opleiding en baie blootstelling. Dit help my om op die voorpunt te bly om die beste advies vir my medeboere te gee. Die voordeel is dat ek hier kan woon en boer én hier ’n diens lewer. Dis ’n groot voorreg om só baie verskillende plase te besoek.” Viking versprei die produkte van agt verskaffers, wat drie multinasionale maatskappye – BASF, Bayer en Corteva – insluit.…

Op die mees basiese vlak maak blokkettingtegnologie dit moontlik om ’n gedesentraliseerde, onbetwyfelbare, chronologiese databasis te skep waaraan niemand kan peuter nie, selfs as nie een van die partye wat toegang daartoe het, mekaar vertrou nie. Teoreties het blokkettingtegnologie verskeie toepassings in die landbou, soos digitale graankontrakte, die bevestiging van die egtheid van stoetvee deur ’n eiesoortige en onveranderbare “brandmerk”, en die naspeurbaarheid van produkte deur dit te koppel aan ’n unieke identiteitsnommer. Tot dusver het hierdie toepassings egter nog nie gematerialiseer nie vanweë die beperkings van huidige blokkettingtegnologie. BITCOIN SWAK BETAALMIDDEL Hoewel sommige mense oortuig is daarvan dat bitcoin die geldeenheid van die toekoms is, is dit eenvoudig nie moontlik nie. Soos in die vorige rubriek genoem, ontvang myners bitcoin as vergoeding om al die transaksies in ’n nuwe…

WAT HET JOU LAAT BESLUIT OM OM DIE POS AS SKOOLHOOF AANSOEK TE DOEN? Ek het die geleentheid gehad om in 2019 waar te neem as skoolhoof by die Hoër Landbouskool Boland. In daardie jaar het ek besef hoewel die skoolhoof se stoel die warmste een is om in te sit by ’n skool, bring dit nuwe geleenthede, ervarings en blootstelling oor jou pad, waarvan ek gehou het. Ek beskou myself as baie bevoorreg om die geleentheid gegun te word om die nuwe fase in my loopbaan en lewe by Augsburg aan te pak. HOE LANK WAS JY BY BOLAND? Ek het in 2005 by die skool begin as biologie-onderwyser en het met verloop van tyd die pos as departementshoof en interne adjunkhoof by die skool beklee. Ek het onder…

KETELBRAAI MAAK KOS GAAR OP ERDEKOEPEL-STOFIE Hierdie stofie voer braai en kosmaak tot op ’n volgende vlak, maar eintlik laat die naam “stoof” nie reg aan dié produk geskied nie. Dit is byna soos om ’n Kewer en ’n Porche albei bloot as ’n motor te beskryf. Die keramiek- of erdekoepelstofie staan bekend as ’n mushikamado (die Japannese beskrywing vir ’n hout- of houtskoolstoof). Dit is nie net vir die alledaagse naweekbraai geskik nie, maar vir die gaarmaak van enigiets van vleis, vis en hoender tot groente, pizza en rys. Dié ronde stofie is van vuurvaste keramiek gemaak en in ’n staalraamwerk gemonteer. Soos met ’n gewone ketelbraai, maak ’n mens binne-in vuur met houtskool of brikette en braai, kook of stoom die kos op ’n rooster. Dit het ’n…

Johannes Griesel en sy familie produseer sowat 50 ton wortels per dag op hul plaas, Wilson’s Fort, by Bainsvlei buite Bloemfontein. Sy wortels is onder die Eat JJ’s-handelsmerk bekend in die Vrystaat. Jy plant nou al 25 jaar lank wortels. Waarom is dit só suksesvol? Dit verg toewyding, harde werk en baie gebede en vertroue! Uiteindelik is dit jou liefde vir die grond en boerdery, wat al van kleins af kom, wat jou help om bo uit te kom. Die Here het vir jou ’n talent gegee, en danksy sy seën is jy suksesvol. Hoe werk die produksiesiklus? Ons plant elke maand van die jaar wortels. Dit duur sowat vier maande (120 dae in die somer en ses maande in die winter) voor ons kan oes. Aangesien ons elke maand…

Die stofwolk verskyn op die horison. Die wildvangspan is in aantog. ‘As ’n bike ge-start het, moet jy hom aan die gang hou, anders loop hy nooit weer daardie dag nie.’ ’n Vragmotor vervoer die vangnette en toerusting. Die motorfietse is agterop ’n sleepwa. ’n Skeeloog Ford F100 en ’n ou 2.2 Isuzu-diesel is deel van die groep. Skaars gestaan, of die enjinkappe is oop. Hier en daar borrel rook uit. Die eens wit Ford is groen deur die driedorings gekrap. Sy voorwiele lê wydsbeen na buite. Skeeloog, neus in die grond bekyk hy die wêreld. Die enjinkap is met toue vas. Dik toue. Die Isuzu lyk moeg vir die wêreld. Sy bestuurder is Pick-en-choose. Picka, noem sy mense hom. Ou Picka het net een oog. Die bakkie net een…

In die meegaande tabel is ’n opsomming van transaksies vir grond groter as 10 ha in die Wes-Kaap vir die 12 maande tot Januarie vanjaar. Pryse by Albertinia (17,1%), Beaufort-Wes (17,3%), Caledon (16,4%), Kaapstad (11,3%), Knysna (16,8%) en Montagu (14,5%) het stewig gestyg. Die ekonomie en impak van die droogte in die provinsie blyk duidelik met 46% van die distrikte (vergeleke met 37% die vorige 12 maande) met ’n dalende prysneigings. By Robertson en Worcester het pryse met meer as 10% gedaal. Altesame 272 ooreenkomste (39,8% minder as die vergelykende vorige 12 maande) is in 26 distrikte gesluit. In die proses is 159 289 ha verhandel teen R2,829 miljard. Ten opsigte van plaasgrootte lyk die transaksies soos volg (met die vorige jaar se syfer tussen hakies): 50 ha, 35% (37%);…

5% Drankies met geen alkohol of ’n lae alkoholinhoud maak nou 5% van die drankgroep Distell se totale omset uit. Volgens mnr. Richard Rushton, uitvoerende hoof van Distell, verteenwoordig dit ’n “permanente neiging in verbruikersgedrag”. Hy het op ’n voorlegging aan beleggers gesê die verkope van die groep se Savanna-sider, die toppresteerder in dié segment, het hul aanvanklike verwagtinge oorskry. Dit blyk ook dat die gewildheid van nie-alkoholiese drankies toeneem. – Financial Mail 1,13 miljard ton Die verwagte internasionale mielieproduksie vanjaar is 1,13 miljard ton, sê dr. Justin Choe, graanontleder van die Amerikaanse departement van landbou. Twintig jaar gelede was wêreld-mielieproduksie nog minder as 600 miljoen ton. Amerika se oesskatting vanjaar is 360 miljoen ton. Vir Suid-Afrika is dit tans 16,5 miljoen ton vir die bemarkingsjaar wat in Mei begin.…

MNR. FRANCOIS WILKEN, president van Vrystaat Landbou (VL), oor die swak toestand van paaie in die provinsie. Bl. 14 ‘Ek wil dit benadruk: In absolute syfers is die styging maar R3/uur.’ MNR. THULAS NXESI, minister van indiensneming en arbeid, oor die minimum loon van plaaswerkers wat van 1 Maart gelyk is aan die nasionale minimum loon. Bl. 15 ‘Daar is drie stigmas per blom, wat beteken 450 000 (gedroogde) stigmas is nodig vir 1 kg saffraan.’ MNR. BENNIE ENGELBRECHT, stigter en ’n direkteur van Saffricon, wat saffraanknolle verskaf het aan die eerste sowat 100 Suid-Afrikaanse boere wat dié spesery nou geplant het. Bl. 19 ‘Totdat groot funksies en troues hervat word, gaan die blombedryf nie normaliseer nie.’ MNR. ANDRÉ DE WIT, besturende direkteur van die nasionale blommemark Multiflora. Bl. 24…

DINK NUUT OOR OPLEIDING VAN ONTLUIKENDE BOERE Dis winter. Koud. Ek stap by Senwes op Bultfontein in. Terwyl ek vir iets wag, hou ’n Land Cruiser-bakkie buite stil. ’n Man klim uit. Haastig. Swart. Rammel ’n klomp onderdele se name af aan die verkoopsman. Ek het geen benul waarvan hy praat nie. Ek lei af dit het iets met stropers te doen. Dit het ’n groot indruk op my gemaak. Van toe af hou ek dop – of dit nou yskoud of snikheet warm is – wie bestuur oorwegend in ons deel van die Sentraal-Wes-Vrystaat hierdie massiewe monsters van werktuie (trekkers, stropers, vragmotors of wat ook al) wat duidelik miljoene rande kos. En wie staan langs die drukgange. Ja, oorwegend nie-wit. Dan word daar ook met plant- en strooptyd binne…

RYK SKAAPWAGTERS VAN DIE VSA Die Amerikaanse skaapwagter is ’n buitelandse swerwer. Omdat hy geen Engels praat nie, is sy kontak met ander Amerikaners karig, dus is sy hond sy beste vriend en troue gesel. Sy aardse besittings kan dikwels in ’n enkele bliktrommel pas — maar, moenie die skaapwagters van Amerika onderskat nie. Hul weerga om spaarsaam met geld te werk, is klein dood; sommige van hulle spaar genoeg om by die R30 000 te belê by die maatskappy waarvoor hulle werk. En die rente loop op vir wanneer hulle eendag genoodsaak word om die herderslewe vaarwel te sê. Amerika se skaapwagters kom op kontrak met die departement van arbeid uit die Bask-provinsies in die noorde van Spanje, en uit Mexiko en Peru. Hulle het nog altyd ’n kontrak…

DIE finansiële druk wat boere ondervind, kan nie voorgehou word as ’n rede vir die gebruik van onveilige of onpadwaardige voertuie om plaaswerkers te vervoer nie. Só het me. Thoko Didiza, minister van landbou, grondhervorming en landelike ontwikkeling, in die nasionale raad vir provinsies gesê. “Jy kan nie ’n onveilige, onpadwaardige voertuig gebruik om mense mee te vervoer nie. Die vragmotors mag ook nie met werkers oorlaai word nie.” Sy het gereageer op ’n vraag van mnr. Mbulelo Bara, DA-LP, wat wou weet hoe die departement boere sal ondersteun om alternatiewe vervoermiddels vir plaaswerkers te kan bekostig, aangesien hulle reeds onredelike finansiële druk ervaar weens die mislukking van die staat om hul en hul werkers se veiligheid en lewensbestaan te verseker. Didiza het gesê die landbou moet, soos enige ander…

SWART boere wat produktief op staatsgrond boer, sal nie van daardie plase verwyder word nie, het adj.pres. David Mabuza in die nasionale raad vir provinsies (NRP) beloof toe hy vrae van parlementslede beantwoord het. Die DA het by monde van me. Cathlene Labuschagne, DA-LP, gevra oor die kwessie rakende die Wes-Kaapse boer, mnr. Ivan Cloete, wat ’n uitsettingsbevel van die Wes-Kaapse departement van landbou gekry het vir die staatsplaas Colenso by Darling. Hoewel Cloete produktief op die plaas boer, het die departement die plaas aan ’n groep MK-veterane toegestaan. Nog ’n boer, mnr. John Mabasa, wie se familie al vir generasies sedert 1886 op hul plaas buite Ermelo boer, moet ook veg om op sy plaas te bly. “In sekere gevalle waar grond wat aan die staat behoort, beset is…

BEESTE is uiters belangrik vir die mens se voortbestaan. In die dokumentêre program Kiss the Ground wat op Netflix gesien en deur die akteur Woody Harrelson aangebied word, word in besonderhede verduidelik hoe herlewingslandbou die potensiaal het om die aarde se klimaat te balanseer, verlore ekostelsels te herstel en die wêreld te voed. Wanneer beeste in harmonie met die natuur bestuur word, is dit een van die doeltreffendste hulpmiddels op aarde om nuwe lewe in grond te blaas, wat die hoeksteen van die koolstofsirkel is. ’n Mielieplant produseer twee tot drie stronke. Mense kan slegs die pitte verteer, en nie eens ál die pitte nie. Die veselagtige buitenste skulpe van mieliepitte beweeg in onverteerde vorm deur die menslike gastro-intestinale stelsel weens ’n gebrek aan die nodige verteringsensiem. Die res van…

Plaaslike markdeelnemers speel ’n belangrike rol om stabiliteit te verleen aan die plaaslike landboukommoditeitsmark en dié rol is onlangs opnuut by verskeie geleenthede beklemtoon. Mnr. Kobus Truter van Absa het by ’n werksessie van die Graanhanteringsorganisasie van Suid-Afrika gesê die opbergingsektor is vanuit ’n finansieringsoogpunt ’n sektor met relatief lae risiko’s. Die Covid-19-pandemie het egter in 2020 die risiko’s in die graansektor aansienlik verhoog. Multinasionale ondernemings het groot verskansingsverliese gely. Die toename in risiko het gelei tot hoër risiko wat met die sektor verbind word. Dít kan weer lei tot hoër rentekoerse en verhoog die kompleksiteit waarmee transaksies vir finansieringsdoeleindes gestruktureer word. Truter het sy dankbaarheid uitgespreek teenoor diegene wat ’n uitstekende en goed gestruktureerde landboukommoditeitsmark in Suid-Afrika bestuur. Internasionale markdeelnemers en finansiers verstaan nie die Suid-Afrikaanse mark nie en…

In ’n jaar dat die meeste produsente van vars produkte goeie pryse danksy ’n groot vraag verdien het, het Suid-Afrikaanse knoffelprodusente van die een teleurstelling na die volgende geboer. As die syfer van nuwe aanplantings ’n aanduiding van volume op die markte is, voorspel die volgende 12 maande ook niks goeds nie. Volgens mnr. Corrie Bezuidenhoudt, ’n knoffelboer van Polokwane en die voorsitter van die Suid-Afrikaanse Knoffelkwekersvereniging, het die invoer van knoffel na Suid-Afrika weens die Covid-19-pandemie verlede jaar met nagenoeg 100% toegeneem. “Die invoer sou nie veel skade aanrig nie, aangesien plaaslike produsente se produkte teen Maart 2020, toe die pandemie uitgebreek het, reeds bemark was. Die bestellings wat egter geplaas is, is vanweë logistieke probleme vertraag. Dit het die prys tot bo R100/kg laat styg en dit het…

Amandelboomboere in Europa hoef nie net op heuningbye staat te maak om hul bome te bestuif nie. Hommelbye lewer ook ’n waardevolle bydrae om te verseker dat dié uiters belangrike proses optimaal geskied. Hommelbye is net so hardwerkend en kan baie meer bloeisels op ’n slag besoek. Hulle werk ook langer ure en word nie deur winderige of bewolkte weer afgesit nie, sê mnr. Miguel Claros, tegniese verkoopsverteenwoordiger van Biobest Spain, ’n maatskappy wat korwe vir hommelbye vervaardig. Amandelbloeisels hou gewoonlik net sowat twee weke aan die boom tydens vroeglente wanneer temperature in Europa nog taamlik laag is, en dit nog nie noodwendig ideaal vir heuningbye is om aktief aan die werk te wees nie. Claros sê luidens ’n mediaverklaring deur Biobest dat hommelbye by temperature laer as 10 °C…

KORTOM ■ Verwag nóg ekonomiese en politieke onvoorspelbaarheid in die res van die jaar, maar ook geleenthede, het ontleders en ekonome op ’n landboumark-vooruitskouing gesê. ■ Faksiegevegte in die regerende ANC lê die staatsdiens lam. ■ Pasop vir die soort belasting wat welvaart stilletjies vernietig. V anjaar gaan nie gelykmatig verloop nie, maar eerder met rukke en stote. Só het mnr. Theo Venter, onafhanklike politieke ontleder van Potchefstroom, gesê op die landbou-ekonoom en konsultant prof. Johan Willemse se aanlyn werksessie oor Suid-Afrika se ekonomiese en politieke risiko’s in 2021. Willemse self voorsien ’n onvoorspelbare jaar weens ongelyke ekonomiese herstel en die Covid-19-pandemie se uitwerking, wat ’n derde vlaag kan insluit. Suid-Afrika se ekonomiese groei word volgens die Internasionale Monetêre Fonds vanjaar op 2,8% beraam, wat heelwat minder optimisties is as…

PLAASINLIGTING LIGGING: Carolina, Mpumalanga NAAM: Nooitgedacht EIENAARSKAP: Maatskappy VERTAKKINGS: Drakensberger- en Akaushi Wagyustoetery, kommersiële veevertakking, kontantgewasse GRONDTIPE: Sandleem in die misgordel op die platorand VELDTIPE: Natuurlike grasveld, 10% aangeplante weiding, 10% lande RANTSOEN: Fosfaatsomerlek, winterlek, voermengsels met afronding GEMIDDELDE REËNVAL: 950 mm per jaar Goeie teelmateriaal en uitstekende bestuur van die Drakensbergerstoetery Infracor se kudde is die sleutelfaktore in die lewering van kampioendiere. Vanjaar is die derde keer in vier jaar dat mnr. Derick en me. Liesl Orsmond die Elite-Drakensbergerkoei (vanjaar JA 080100) oplewer. Beesboerdery is die voortdurende opweeg van uitgawes teenoor inkomste om die hoogste wins te behaal. Vir Derick, ’n siviele ingenieur, is die somme wat ’n beesboerdery laat klop, tweede natuur. “Op grond van die berekeninge weeg ek alle aspekte teen mekaar op, veral waar die rantsoen…

PLAASINLIGTING LIGGING: Caledon, Wes-Kaap NAAM: Kralegin ONDERNEMINGSVORM: Bet El-trust VERTAKKINGS: Kanola, koring, gars, soetlupiene, hawer, droëlandlusern en Dormerskape GRONDTIPE: Skaliegrond en grond met ’n hoë klipfraksie GEMIDDELDE REËNVAL: 250 mm per jaar KORTOM ■ Die Suid-Kaapse wenners van die Proteïennavorsingstigting se opbrengskompetisie vir minder as 150 ha kanola, meen kanola kan winsgewend wees as al die risiko’s verbonde aan die gewas bestuur word. ■ Tydsberekening in vele stadiums van die groeiseisoen is baie belangrik om welslae te behaal. ■ Hoewel hul grond in ’n gebied met relatief lae reënval geleë is, bevorder bewaringsboerdery, en veral ’n dik deklaag, vogbewaring tot voordeel van hul graanoeste. I n die somer kan die Overberg maar vaal lyk, so asof daar nie veel aangaan nie, totdat jy op sekere plase se stoppellande gaan stap…

Mnr. Kobus Viviers van die distrik Smithfield se watertrôe van rubbervervoerbande vir klein- en grootvee (“Vervoerbande kry tweede asem op veeplase”, L BW , 16 April 2020) is baie duursaam en kan nie roes nie. Hy het die afgelope jaar ’n meerdoelige drie-in-een krip ontwerp. Op die aandrang van sy boerevriende het hy ook die voetstukke van sy baalringe en skaapselfvoerders met ’n slee-ontwerp aangepas. Viviers bemark sy produkte deesdae onder die naam Consteel, wat verwys na die vervoerbande en staalrame waarvan hy die toerusting vervaardig. Die rolle vervoerbande kom van die myne by Rustenburg en Kathu. Die rolle word as afval verkoop wanneer dit in onbruik raak. MEERDOELIGE SKAAPKRIP Viviers se nuwe drie-in-een skaapkrip maak dit moontlik om gewone voer, kruipvoer of water in dieselfde krip aan kleinvee te…

Nes verskeie ander plaaslike en klein ondernemings is dié padstal, wat in 2011 deur die tydskrif Weg as Suid-Afrika se toppadstal bekroon is, hard deur die Covid-19-pandemie getref. Die Daggaboer moes sy deure vir ’n paar maande sluit en al is die inperking mettertyd grootliks opgehef, het minder besoekers by die padstal se deur ingestap. Volgens die eienaar, Isobel Neethling, het hulle besluit om van hul verkope aanlyn te skuif, al het die padstal nie in daardie stadium so ’n diens gebied nie. Die span het hulle tot sosiale media gewend om die padstal se handgemaakte pantoffels wyer in Suid-Afrika te bemark. “Ons is gedwing om buite die boks te dink, en dit is waar Thulanie Judas en sy vrou, Lillian, so ’n belangrike rol gespeel het. Hulle het met…

Dit wil my voorkom of sommige mense op ’n baie beperkte manier oor die gebed dink. Dit is teen hierdie agtergrond dat daar soms gesê word: “Ons bid nie genoeg nie. Ons moet baie meer bid en die sogenoemde ‘ander dinge’ van die lewe tot minder tyd beperk.” In die praktyk sal dit daarop neerkom dat ons die tyd verdeel in (1) tyd vir bid en (2) tyd vir “ander dinge”. Daar kan geen dinge wees wat nie volledig gevul is met God se teenwoordigheid nie. Dit voel nie vir my reg nie. Persoonlik verkies ek dat daar ’n onskeibare integrasie moet wees tussen bid en werk; tussen “God se dinge” en die sogenoemde “ander dinge”. Daar kan geen dinge wees wat nie volledig gevul is met God se teenwoordigheid…

BEESTE MIN SLAGVEE PLA NAMIBIË Namibië se tekort aan slagvee kan net op die lang termyn opgelos word, sê mnr. André Mouton, hoof van bemarking en verkope van Meatco, in ’n verslag oor sy verwagtinge vir die toekoms wat aan die Namibiese Landbou-unie gelewer is. Hy sê hy is nie optimisties oor die beskikbaarheid van slagbeeste nie. Boonop verwag hy dat baie min beeste vanjaar vir uitvoer aan Meatco gelewer gaan word. Die plaaslike mark geniet nou voorrang. Boere het sewe jaar en langer droogte gehad en kon net daarin slaag om hul koeie aan die lewe te hou. Daarom is die meeste vroulike diere nou jong verse waarmee hulle weer hul kuddes moet opbou, asook ou koeie. Mouton sê wanneer daar nie genoeg slagbeeste vir die plaaslike mark is…

Die nasionale Dierebeskermingsvereniging (NDBV) se sesde agtereenvolgende nederlaag in die howe is allesbehalwe goeie nuus. Die appèlhof in Bloemfontein het die NDBV se aansoek om appèl van die hand gewys nadat die NDBV se aansoek om ’n interdik te behou wat die uitvoermaatskappy Al Mawashi sou dwing om die uitvoer van diere stop te sit, vroeër deur die hooggeregshof in Makhanda opgehef is. Die NDBV se onverbiddelike benadering jeens die uitvoer van lewende hawe raak ál duideliker. Hy sal met niks minder as ’n algehele verbod op uitvoer tevrede wees nie. Dit is ’n betreurenswaardige houding omdat almal wat by die uitvoer van lewende hawe betrokke is, dierewelstand inderdaad as ’n voorrangsaak beskou. Almal is dit eens: As diere swak behandel word, sit die uitvoer stop. Die NDBV is ook…

GRADEPLEGTIGHEID: ‘EK IS VERKEERD VERSTAAN’ ’n Gasspreker op die virtuele gradeplegtigheid van die Landboukollege Potchefstroom, wat vir studente gesê het hulle is die mense wat “wit heerskappy gaan omkeer”, sê sy dink mense het haar verkeerd verstaan. ’n Video van wat dr. Kenalemang Kgoroedira, ’n kenner van “inheemse landbou”, gesê het, is op sosiale media versprei. Hiervolgens het sy gesê: “Inheemse kennis, kennis van die omgewing, help boere om volgens spesifieke klimaatsomstandighede te boer. As dit baie reën, sal hulle byvoorbeeld boontjies en sorghum plant wat baie water nodig het, en as dit minder reën, boontjies en sorghum wat kan oorleef in droogte. Dit is hoe julle as gegradueerdes wat nou die landbousektor gaan betree, inheemse kennis kan gebruik om aan te pas by die ekostelsel van die omgewing. En…

HOEWEL die suidelike dele van Suid-Afrika en dele van die winterreënstreek reeds vroeër vandeesmaand koue fronte met reën en koeler toestande beleef het, kan die heersende La Niña-stelsel die winterreënseisoen later laat aanbreek. ’n Ontleding van die vorige tien soortgelyke La Niña-seisoene dui aan dat goeie winterreën in die meeste van dié seisoene eers van einde Mei of begin Junie begin val het. Hoewel vorige La Niña-stelsels soms reënval oor die winterreënstreek nadelig beïnvloed het, is só ’n stelsel nie noodwendig slegte nuus vir die streek nie, sê mnr. Johan van den Berg, ’n onafhanklike landbouweerkundige. “In die meeste soortgelyke jare het gemiddelde tot bogemiddelde reënval van Julie tot September voorgekom.” ’n Vergelyking van dié tien seisoene vir die distrik Bredasdorp in die Rûensgebied in die Overberg wys dat daar…

Na aanleiding van berigte op Landbou.com (“Cele: Boere moenie kla as hulle seerkry”, 22 September 2020) en in Landbouweekblad (“Cele-besoek gooi vet op die vuur”, 8 Oktober 2020, bl. 14) het die persombudsman bevind dat Landbouweekblad gedeeltes van die Suid-Afrikaanse perskode oortree het. In die berigte is verslag gedoen oor beweerde uitlatings van mnr. Bheki Cele op ’n vergadering van boere en gemeenskapslede om spanning in die distrik Normandien in KwaZulu-Natal te bespreek ná die moord op mnr. Glen en me. Vida Rafferty, ’n boere-egpaar van die omgewing. Die persombudsman het bevind hoewel die beweerde uitlatings bevestig is deur drie boere wat die vergadering bygewoon het, het dit nie genoegsame gronde gebied om dit te publiseer nie. Aangesien LBW nie self ’n verslaggewer op die toneel gehad het nie en…

DANKSY beter produksiemetodes verhoog uie-opbrengste voortdurend en moet nuwe markte vir die uie gevind word. “Ons gaan ’n manier moet kry om die koek groter te maak, anders gaan ons almal ál kleiner happies van dieselfde koek moet vat,” het mnr. Charl van der Merwe, voorsitter van Korkom, die aartappel-en-uieprodusentevereniging van die Koue Bokkeveld en Ceres, op ’n vergadering van die noordelike uiekomitee gesê. Data wat die verhouding tussen produsentepryse vir uie op die markvloer in verhouding tot aangeplante hektare oor die afgelope vyf jaar naspeur, wys dat aanplantings in die Wes-Kaapse produksiegebied ’n prysplafon bereik het toe daar in 2017 aansienlik meer as die gemiddelde 2 425 ha aangeplant is. Van der Merwe het gesê boere in dié gebied is deur die natuur gedwing om hul aanplantings te beperk…

SUID -AFRIK A ANSE statistieke oor gewasproduksie is van hoogstaande gehalte, word maandeliks stiptelik bekend gemaak en oesskattings is gegrond op lugopnames – gevorderde tegnologie wat in die meeste lande nie gebruik word nie, sê dr. Justin Choe, graanontleder van die Amerikaanse departement van landbou. Choe, wat op Graan SA se virtuele kongres ’n oorsig oor die internasionale mieliemarkte gegee het, het in antwoord op ’n vraag oor die betroubaarheid van Suid-Afrika se produksiestatistieke gesê die finale oesskattings in Suid-Afrika word verder getoets deur werklike graanlewerings aan silo’s ook in ag te neem, wat die finale skattings baie betroubaar maak. Dit strook met die departement se benadering om altyd dubbel seker van data te maak. “As ’n land ’n invoersyfer bekend maak, sal dit byvoorbeeld altyd getoets word teen die…

AFRIK A se eerste kannabis-akademie open einde vandeesmaand sy deure in Johannesburg. Mnr. Trenton Birch van Cheeba Africa het op die virtuele Craft Cannabis-beraad gesê die Cheeba Cannabis Academy word onderskryf deur die Universiteit van Limpopo enEdupark. Volgens mnr. Sibusiso Xaba, medestigter en uitvoerende hoof van die Africa Cannabis Advisory Group, is daar te veel klem op kannabisboerdery. “Daar is ’n behoefte aan ’n ekostelsel rondom die primêre produksie sodat die bedryf kan ontwikkel. Opvoeding oor kannabis en aktiwiteite soos verwerking, ekstraksie, formulasie en die skep van handelsmerke is baie belangrik. Beleggers moet ook beter ingelig word oor geleenthede in die res van die waardeketting.” Die akademie sal kursusse aanbied vir nuwe toetreders, mense wat hul vaardighede wil uitbrei en mense wat wil weet hoe kannabis tot hul persoonlike welstand…

AMERIK A ANSE navorsing het vier groot geleenthede vir die diereproteïenbedryf geïdentifiseer. Plaaslike veeboere kan ag daarop slaan, aangesien dit in die toekoms ’n groot rol in diereproteïen gaan speel, meen ’n woordvoerder van die Rooivleisprodusente-organisasie. Eerstens is ’n belangrike geleentheid die verbruiker se begeerte na vars diereproteïen van ’n hoë gehalte, maak nie saak watter snit dit is nie, want verbruikers beskou vars, puik proteïen as gesond vir hul liggame. Dan kyk verbruikers wat finansiële onsekerheid ervaar, na maniere om vleis langer vir hul families te laat hou sodat hulle geld kan bespaar en minder gereeld inkopies gaan doen. Verbruikers is steeds bekommerd oor nywerheidsplase, maar hulle wil nie afstand doen van gerieflike en bekostigbare diereproteïen nie. “Gerieflik” verwys na maklike toegang en maklik om voor te berei met…

KORTOM ■ In die 1990’s is alle landboubemarkingsrade ontbind en landboubemarking is oorgelaat aan markkragte, met minimum staatsondersteuning. ■ Met die vestiging van die nasionale landboubemarkingsraad is nie uitdruklik bepaal dat die raad toesig behoort te hou oor die gedrag van markdeelnemers om te verseker dat die mark doeltreffend en deursigtig werk nie. ■ ’n Voorstel is dat die landbou ’n tipe ombudsman kry wat toesig kan hou oor die optrede van markdeelnemers en dispute kan aanhoor. In die jongste tyd is daar weer baie woelinge in die graanmark, veral wat betref die invloed wat die reëls van die JSE se landboumarkafdeling op die graanmark in sy geheel het. Dit raak onder meer die vervoerdifferensiaal en silosertifikate. Terselfdertyd is daar ’n voortdurende gemor oor speenkalfpryse en die optrede van kopers…

Groot hoop word geplaas op die meesterplan vir die suikerriet-waardeketting wat onlangs onderteken is, sê die Suid-Afrikaanse Suikervereniging. Die doel is om stabiliteit, groei en volhoubaarheid aan die suikerbedryf te gee nadat dit die jongste jare ernstige probleme ondervind het. Hierdie probleme is onder meer deur die invoer van suiker, onbevredigende tariewe, suikerbelasting en dalende inkomste veroorsaak. Die meesterplan strek oor die volgende aantal jare tot 2030 en staan onder die departement van handel, nywerheid en mededinging, en van landbou, grondhervorming en landelike ontwikkeling. Die eerste fase is om aandag aan probleme op kort termyn te gee, die bedryf te stabiliseer en twee tot drie jaar se herstrukturering teweeg te bring. Met ’n jaarlikse omset van R16 miljard word die Suid-Afrikaanse suikerbedryf as een van die mededingendste suikerbedrywe ter wêreld…

Nuwe maniere word gesoek om klimaatslim Afrikagewasse te kweek, produseer en verwerk. Navorsers aan die Universiteit van Pretoria (UP) is deel van ’n grootskaalse projek wat na nuwe maniere soek om klimaatslim Afrikagewasse te kweek, produseer en verwerk. In die InnoFoodAfrica-projek word klem gelê op gewasse soos sorghum, manna (millet), tef, gewone of fababoontjies, oranjevlesige patats, koeiboontjies en bambara-grondbone. Volgens dr. Raija Lanttho van die VVT- tegniese navorsingsentrum van Finland, wat die projek bestuur, het hierdie gewasse heelwat voedingswaarde. Hulle word egter nie voldoende benut nie vanweë die tegnologiese kwessies om voedselprodukte te berei en toeganklik te maak vir stedelike verbruikers. InnoFoodAfrica is ’n drie jaar lange projek wat op Suid-Afrika, Ethiopië, Kenia en Uganda toegespits is. Dit word met R115,6 miljoen gefinansier deur die Europese Unie se Horizons 2020-program.…

Die groot kwessie vir die Suid-Afrikaanse veebedryf is om ’n stelsel vir die volle identifikasie en naspeurbaarheid van vee te begin. Die veebedryf werk tans aan die vestiging van LITS Afrika (Livestock Identification and Tracebility System). Mnr. Jaco Maass, hoofbestuurder van Shift DX, ’n onafhanklike digitale filiaal van BKB, het gesê só ’n stelsel sal die veebedryf se potensiaal verder ontsluit en ontwikkeling en bestuur ’n hupstoot gee. BKB werk al die afgelope tien jaar lank om opkomende boere se potensiaal te ontsluit. In dié tyd het hy sowat 35 000 wolboere gehelp om hul boerderytegnieke en boerderye uit te brei, waardeur hulle R200 miljoen per jaar verdien. Hierdie boere besit gesamentlik 10% van BKB. Datagedrewe kunsmatige intelligensie-modelle gaan in die toekoms gebruik word om finansieringsmodelle te ontwikkel wat deur…

KORTOM ■ Die beweerde ongunstige uitwerking van rooivleis op die gesondheid van die mens en herkouers se skadelike omgewingsimpak word oorbeklemtoon, terwyl die hoër biobeskikbaarheid van voedingstowwe uit sulke voedsel geïgnoreer word. ■ Vleis en melk bied voordele vir mense se gesondheid wat nie uit plantaardige bronne verkry kan word nie. ■ Diere is vir net 4% van die wêreld se kweekhuisgasse verantwoordelik. Die siening dat herkouers sleg vir die omgewing is en tot klimaatsverandering bydra, volg op die Voedselen-Landbou-organisasie van die Verenigde Nasies se verslag Livestock’s Long Shadow, waarin berig word dat diereproduksie verantwoordelik is vir 18% van die totale kweekhuisgasse, hoewel dit later afgeskaal is tot 14,5% van die totale antropogene (mensgemaakte) kweekhuisgasvrystellings. Dit is ’n feit dat herkouers (beeste, bokke en skape) groot hoeveelhede kweekhuisgasse produseer, hoofsaaklik…

WATTER TEGNOLOGIE IS ONONTBEERLIK IN JUL BOERDERY? Die akkuraatheid van die RTK-skerm op die platsnyer, veral hoe dit op die lyn bly as ons windrigtings en windsterkte ingetik het. Die skerm kan die data ook na die stroper toe stuur. Verder is ons stroper, wat 10,66 m wyd is en die materiaal fyn kap en perfek versprei om ’n egalige deklaag te gee, onontbeerlik. Die tegnologie wat opbrengskaarte bied, die roller, die planter wat só akkuraat is ten opsigte van saaidigtheid, ons kunsmisstrooier met seksiebeheer ... Ál die tegnologie het ons lewe verander. Al kos die tegnologie geld, bied dit ook groot besparings omdat daar nie vermorsing is of onnodige chemiese middels, kunsmis of saad toegedien word nie. WAT IS DIE SLIMSTE DING WAT JULLE GEDOEN HET? Boetie: Om te…

Die rol van boor (B) by plante word nie so goed soos dié van ander mikrovoedingstowwe verstaan nie, maar bekende funksies sluit die volgende in: ■ Boor speel ’n belangrike rol by bevrugting, vrugontwikkeling en saadvorming. Die vraag na boor is veral hoog gedurende die voortplantingstadium van ’n plant se lewensiklus. ’n Tekort kan saad- en graanproduksie aansienlik verlaag, selfs al is simptome daarvan nie in blare sigbaar nie. ■ Boor speel ’n belangrike rol in suikertranslokasie en koolhidraatmetabolisme. ■ Die primêre funksie van boor is by selwandsintese, en die behoud van die struktuur en integriteit daarvan. Baie ander simptome wat aan ’n boortekort toegedig word, skyn ’n indirekte gevolg van ’n ontwrigte selwandmembraanstelsel te wees. In hierdie rol is daar ’n noue interaksie met kalsium. Albei is nou betrokke…

Skaapvleiskerrie Hierdie kerrie herinner aan tipiese Indiese masala, is propvol geur en absoluut heerlik. Skraap die brandrissies se pitte uit of gebruik slegs een as jy nie van ’n baie warm kerrie hou nie. ■ 500 g stoweskaapvleis (met been), in stukkies gesaag ■ 60 ml karringmelk of natuurlike jogurt ■ 5 ml fyngekapte, vars knoffel ■ 5 ml fyngerasperde, vars gemmer ■ 3 ml sout ■ 3 ml borrie ■ 1 ml rooipeper ■ 30 ml olie ■ 1 kaneelstokkie ■ 2 kardemompeule ■ 2 uie, baie fyn gekap (of gerasper) ■ 2 groen brandrissies, fyngekap ■ 30 ml garam masala ■ 250 ml kookwater, plus ekstra soos nodig ■ 1 blik (410 g) tamatiepuree ■ 30 ml fyngekapte, vars koljander Sit die skaapvleisstukkies in ’n nie-metaalbak en voeg…

Dalk is dit omdat stories en dinge van vervloë dae vir my ’n sekere “iets” het wat ek soms in ons eeu nie terugvind nie. Kyk na ’n Jaguar E-type se enjin of na die ratwerk van ’n sakhorlosie van lank gelede. Dit is asof die ontwerper daarvan nie net funksionaliteit in gedagte gehad het nie, maar ook estetika. Ek glo darem nie alles in die verlede is beter as dié van die hede nie, maar tog . . . Te meer nog vuurwapens van ’n vroeër era. Nie dat ’n mens nie vandag pragtige wapens kry nie, maar dit is meesal die duurder tipe. My bril word dalk deur nostalgie gekleur, maar dit voel asof selfs die algemeenste wapen uit die vroeë jare van die vorige eeu, ja, selfs…

GAUTENG NIGEL BOSMANSKOP (293), 214 ha, aan Brookfield Beef (Edms.) Bpk., van I & W van der Merwe-boerdery (Edms.) Bpk., R4 280 000. GOEDGEDACHT (443), 29 ha, aan Duikerveld (Edms.) Bpk., van M.H. Williams, R810 000.IR (194), 21 ha, aan Oobridge (Edms.) Bpk., van E.E. du Plessis, R1 200 000. VOGELFONTEIN(376),40ha, aan Herman & Wilhelm BK, van H.J., en P.W.S. Janse van Rensburg, R2 200 000. KWAZULU-NATAL PIETERMARITZBURG BEAULIEUESTATE(1412), 28 ha, aan R&B Timbers (Edms.) Bpk., van Natal Creosoting (Edms.) Bpk., R7 868 000. BRASFORT PARK (1295), 126 ha, aan LNW Farms (Edms.) Bpk., van William Mapstonetrust, R9 775 000. ELDERSLIE (14886), 20 ha, aan P.A. Keichel, van D.S. Douglas, R3 900 000. LOT AE (6616), 20 ha, aan Raubex Property Inv. (Edms.) Bpk., van Shisalanga Construction (Edms.) Bpk., R21…

BOEREDAE 27-28 MAART: Werksessie met Gabe Brown (’n Amerikaanse kenner van herlewingslandbou), aangebied deur die instituut vir volhoubare boerdery in Suid-Afrika, Lowerland-plaas, Prieska. E-pos: info@permaculture instituteforsouthernafrica.org FEESTE, EKSPO’S 26 MAART: Aankondiging van die Suid-Afrikaanse suiwelkampioene, aangebied deur Agri-Expo. Razelle Galant, e-pos: razelle@ agriexpo.co.za 2-5 APRIL: Sandstone-stoomtreinekspo. Tel. 051 933 2235 of www. sandstone-estates.com 7 MEI: Internasionale Sauvignon blanc-dag, aangebied deur Agri-Expo. WEBINARE 8 APRIL: Praktiese bestuur van kos vir akwakultuur. Gratis webinaar oor koskeuses, asook die koop, vervoer, opberging en hantering daarvan, voerprogramme, voedingstegnieke en opsporing van voerdoeltreffendheid. Aangebied deur Karen Veverica en Harrison Karisa. Registreer by bit.ly/3vsdbxM KONFERENSIES 22-24 JUNIE: Africa Agri Tech, Sun-arena, Menlyn. Onderwerpe wat bespreek gaan word, sluit in die behoefte om tegnologie te aanvaar, watter tegnologie om toe te pas, vroue in die landbou en werksessies…