Indholdsfortegnelse for 06 May 2021 i Landbouweekblad

EER AAN APPELSPEURDERS Tru-Cape se vrugtemeesters, mnre. Buks Nel en Henk Griessel, wat ook destyds die Witte Wijnappels in Nederland nagespoor het, is die derde ontvangers van Hortgro se gesogte 1662-bedryfs-toekenning. Die toekenning gedenk die oes van die eerste appels in Suid-Afrika op 17 April 1662, twee Witte Wijnappels wat in die Kaapse Kompanjiestuine gepluk is en wat beskou word as die geboorte van die plaaslike vrugtebedryf. Sedert 2019 gedenk Hortgro dié dag met ’n spesiale toekenning aan iemand wat ’n groot bydrae tot die bedryf gelewer het. Nel en Griessel het die oorspronklike Witte Wijnappel-plantmateriaal in Nederland opgespoor. Dit is in 2019 op drie plekke in die Wes-Kaap geplant danksy ’n gesamentlike poging deur Tru-Cape en Hortgro. Nel het onder meer die appelkultivars Bigbucks, Fuji Royal en Shortie ontdek.…

IN Suid-Afrika moes die pluimveebedryf met die uitbreking van hoogs aansteeklike voëlgriep in 2017 die meeste van die koste self dra. Die regering se beursie is nie so dik soos dié van Eerstewêreldlande nie, wat daartoe lei dat daar minder geld beskikbaar is vir vergoeding van boerderyverliese. In Amerika is daar met die uitbreking van hoogs aansteeklike voëlgriep in 2015 na berig word 7,5 miljoen kalkoene en 42,1 miljoen hoenders van kant gemaak, teen ’n staatsonkoste van $879 miljoen (meer as R13,4 miljard). Hiervan is rofweg $610 miljoen (meer as R9,3 miljard) toegeken vir vankantmaking, skoonmaak en ontsmetting en $200 miljoen (meer as R3 miljard) vir vergoeding teen 100% van die billike markwaarde van die voëls. Die oorblywende geld is aan reiskoste, oortydbetaling, voorraad en ander beplanningskoste bestee. Mnr. Izaak…

VUURWAPENS ÍS ’N ANTWOORD Die idee dat meisies en vroue selfverdediging kan leer sonder die gebruik van vuurwapens, soos wat deur sommige mense en organisasies verkondig word, is potensieel noodlottig. Ons moet die harde waarheid in die gesig staar: Die krag van vroue is ondergeskik aan die brute krag van mans. Sonder ’n langafstandvoordeel word die sukses van selfverdediging aansienlik verminder. Pepersproei en skokstokke, wat net nuttig is op ’n kort afstand, is slegs bruikbaar as die aanvaller reeds op jou is. En in die geval van ’n verrassingsaanval stuur ’n koeël beslis ’n groter uitskakelingsboodskap uit. Ja, Suid-Afrika is reeds in ’n gewelddadige misdaadepidemie, maar om daaroor te praat asof dit ’n konsep is waaroor gedebatteer moet word, gaan nie die verandering teweegbring wat ons nodig het nie. Dit…

■ In die veilingsverslag oor die produksieveiling van die Maksi Merino-Landskaapstoetery (L BW , 15 April 2021, bl. 72) is in die opskriffie verkeerdelik berig dit was ’n veiling van Merino’s op Schweizer-Reneke. Dit was inderdaad ’n veiling van Merino-Landskape op die plaas Verdeeld, Koppies. ■ In die artikel “Reuse-opbrengste in graanproewe” (LBW, 8 April 2021, bl. 46) is verkeerdelik verwys na die Wes-Kaapse departement van landbou, grondhervorming en landelike ontwikkeling pleks van die Wes-Kaapse departement van landbou. Landbouweekblad korrigeer graag onjuisthede in artikels en nuusberigte. Stuur inligting oor regstellings so gou moontlik ná die publikasiedatum aan Jan Bosman, Landbouweekblad, Posbus 1802, Kaapstad 8000; e-pos: jan.bosman@landbou. com; tel. 021 406 3183.…

IN die week waarin die borgtogaansoek begin het van die beskuldigdes in die Pampoenkraal-saak in eMkhondo (Piet Retief), het pleidooie uit landbougeledere opgeklink dat die polisie teen wetteloosheid moet optree en dat alle partye, politici inkluis, hulle van opruiende en verdelende uitsprake moet weerhou. Terwyl betogers en die polisie buite die hof in eMkhondo slaags geraak en plase in die omgewing onder sabotasie deurgeloop het, het boere in die buurprovinsie Limpopo hul kommer uitgespreek dat die polisie se onbeholpenheid met vee- en wilddiefstalsake dáár tot konflik kan lei. Mnr. Pieter Welgemoed, voorsitter van die Thabazimbidistrikslandbou-unie, het op ’n vergadering van die veediefstalforum van Limpopo gesê boere weet wie die veediewe in hul gemeenskap is en sien hoe daardie mense vleis verskaf waarvoor hulle nie betaal het nie. Boere meen die…

WEERMODELLE dui tans nie op baie reën in Mei oor die winterreënstreek nie, maar gunstiger toestande, met gereelde koue fronte, word in Junie verwag. “Gewoonlik het die Wes-Kaap oor die algemeen gunstige reënvaltoestande in die winter ervaar nadat ’n La Niña-stelsel voorgekom het,” sê mnr. Johan van den Berg, onafhanklike landbouweerkundige. Tydens die afgelope tien matige tot sterk La Niña-verskynsels het die distrikte Hopefield en Bredasdorp in die Wes-Kaap bogemiddelde reënval van Mei tot September aangeteken. Slegs in 2000 en 2011 was daar in dié tydperk effens ondergemiddelde reënval in dié distrikte. Van den Berg sê die distrik Hopefield het gedurende drie van die tien seisoene bogemiddelde reën in Mei gehad, terwyl Bredasdorp gedurende agt van die jare in Julie bogemiddelde reën aangeteken het. Wat die winterreëngebied betref, lyk toestande…

DIE voëlgriepstam wat vir die uitbreking van die hoogs aansteeklike voëlgriep (HPAI) op ’n lêhoenderplaas in Gauteng verantwoordelik is, is as die H5N1-stam geïdentifiseer. “Dit is nie dieselfde stam wat ons in Junie 2017 aangeteken het nie, maar enige uitbreking van HPAI word as ernstig en hoogs aansteeklik beskou. Die hoenderbedryf bly op ’n hoë gereedheidsgrondslag,” sê die Suid-Afrikaanse pluimveevereniging (SAPV) in ’n verklaring. Intussen het die bedryf nog ’n uitbreking van die H5-tipe op ’n braaihoenderbroeiplaas in Noordwes aangekondig, wat beteken HPAI is met druktyd in twee provinsies in Suid-Afrika aangemeld. Die eerste uitbreking in Gauteng is reeds middel April aangemeld en geïdentifiseer as H5. Verdere toetse moes by Onderstepoort se veeartsenykunde-navorsingsinstituut uitgevoer word om die N-tipe te bepaal. Volgens die SAPV word nog toetse nou gedoen om die…

DIE jongste oesskatting vir katoen dui op ’n oes wat 38% kleiner as verlede jaar s’n gaan wees. Kenners glo egter daar is lig in die tonnel wat die bedryf in die nuwe seisoen weer ’n hupstoot sal gee. Die derde skatting vir die 2020-’21-seisoen dui op ’n plaaslike oes van 80 000 bale vesel teenoor die 134 000 bale wat die vorige seisoen geoes is. Hoër pryse vir graan en oliesade het onder meer daartoe gelei dat slegs 16 700 ha katoen aangeplant is teenoor nagenoeg 27 600 ha die vorige seisoen. Mnr. Hennie Bruwer, uitvoerende hoof van Katoen SA, meen dit kan in die nuwe seisoen net beter gaan. “Een groot ligpunt is dat pryse nou bykans 40% hoër as ’n jaar gelede is, en dat wêreldverbruik nou…

Die pryse van graan en oliesaad is betreklik hoog en in sommige streke word goeie opbrengste behaal. Dit geld die huidige oes in die somerreëngebied en die vorige oes in die winterreëngebied. Ná jare van stagnasie het die inkomste per hektaar gestyg en saaiboere begin vergoed vir hul risiko’s en stygende insetkoste. Bruto marges het vanjaar heelwat verbeter met goeie opbrengste nadat talle saaiboere ’n paar moeilike jare beleef het met swak opbrengste en lae marges, wat boere gedwing het om hul reserwes te gebruik. Die dilemma is dat die nuwe koringproduksieseisoen binne ’n paar weke begin en oor ’n paar maande die nuwe somerproduksieseisoen. Dit gaan heelwat meer produksiefinansiering verg omdat insetkoste skerp gestyg het. Omdat die Land Bank disfunksioneel is, is daar minder produksiekrediet beskikbaar. Handelsbanke se aptyt…

Die jongste uitbreking van voëlgriep sal na verwagting nie ’n tekort aan eiers en hoendervleis in die mark meebring nie. Mnr. Colin Steenhuisen, die tussentydse hoofbestuurder van die eierorganisasie van die Suid-Afrikaanse Pluimveevereniging (SAPV), sê die skade wat ’n kommersiële lêhoenderplaas naby Ekurhuleni aan die Oos-Rand gely het toe sowat 240 000 henne van R20 miljoen weens voëlgriep van kant gemaak moes word, behoort nie ’n tekort in die mark te veroorsaak nie. “Dit is nog te vroeg om dit te bevestig, maar dié getal hoenders is minder as 1% van die huidige nasionale hoenderbevolking van sowat 27 miljoen,” sê hy. Luidens ’n verklaring van die departement van landbou, grondhervorming en landelike ontwikkeling het monsters van die eerste geval wat vir laboratoriumtoetse gestuur is, positief vir die H5-stam van voëlgriep…

Die gunstige reaksie van jong ooie op verhoogde voeding sal voorkom dat boere ’n “lammerdroogte” ervaar, selfs as die omgewingstoestande nie ideaal is nie, sê mnr. Giepie Calldo, bestuurder van wolontwikkeling by BKB. “Die ooie se wolinkomste betaal daarvoor, maar dit verg ’n kopskuif.” Volgens hom het die sogenoemde geharde skaaprasse nie ’n reproduksiefabriek nie en is hulle dus minder ekonomies ten opsigte van produksie en reproduksie oor die hele leeftyd van die ooi. In sy grootwordjare as plaaskind in die Moordenaarskaroo by Laingsburg moes hy soms te voet help met die skape se trek na die winterveld, sowat 80 km deur die Tankwa se bolope tot by die Ceres-grens. “Meesal het dit gevoel of die behoefte om te oorleef, ons planne beïnvloed het. Vandag beleef ons dieselfde droogtes. Tegnologie…

KORTOM ■ ’n Slim boereplan verseker slegs die wild kan die voerkorrels in die selfvoerder bykom. ■ Die selfvoerder is hoog genoeg van die grond af om die voerkorrels buite bereik van tarentale en meerkatte te hou. ■ Die hoogte van die bene is verstelbaar sodat dit vir groot- of kleinwild aangepas kan word. Soos menige bedryf wat grootliks van die stand van die ekonomie (en dus plaaslike jagters se bestedingsvermoë), asook van buitelandse besoekers vir ’n groot deel van hul inkomste afhanklik is, soek wildboere allerhande planne om hul produksiekoste so laag moontlik te hou totdat toestande weer na normaal terugkeer. In die algemeen word wild van die veld af geoes, hetsy met lewende verkope of deur trofee- en biltongjagters. Die voeding van die diere is nie altyd ’n…

Hawermoutneutbeskuit Met al die sade en neute is dit die perfekte ontbytbeskuit. ■ 1 kg (8 k) bruismeel ■ 375 ml ligbruinsuiker ■ 15 ml bakpoeier ■ 5 ml sout ■ 200 g pekanneute, fyngekap ■ 500 ml hawermout, fyngemaal ■ 125 ml elk lynsaad, sonneblomsaad en pampoensaad ■ 60 ml papawersaad ■ 750 ml karringmelk ■ 350 g botter of margarien ■ 125 ml olie ■ 3 ekstragroot eiers, geklits Voorverhit die oond tot 180 °C. Bespuit ’n groot oondvaste bak met kleefwerende kossproei. Voer met bakpapier uit en smeer weer. Meng die meel, suiker, bakpoeier, sout, pekanneute, fyn hawermout en sade in ’n groot mengbak. Verhit die karringmelk en botter (of margarien) stadig oor lae hitte tot die botter gesmelt is. Verwyder van die hitte en klits die…

BENODIGDHEDE ■ ’n Leë glasbottel ■ Maskeerband of isoleerband ■ Skêr ■ Spuitverf in ’n kleur van jou keuse ■ Foelie (30 cm x 30 cm) ■ Koerantpapier ■ Asetoon en ’n lappie (opsioneel) MAAK SKOON ■ Verwyder alle plakkers, etikette en pryse van die bottel. ■ As daar gom agterbly, kan jy dit met ’n lappie en ’n bietjie asetoon skoonmaak. ONTWERP EN PLAK ■ Plak die maskeerband in egalige, reguit lyne om die bottel. Besluit self van watter patroon jy hou. ■ Moenie die band te veel rek nie. BEDEK DIE NEK ■ Vou die foelie om die bottel se nek en kop om te keer dat daar spuitverf op beland. ■ Heg die foelie stewig vas met maskeer- of isoleerband. SPUIT, WAG … EN SIEDAAR! ■ Pak…

Die Bybel vertel vir ons in Mark. 8:36: “Wat help dit ’n mens tog om die hele wêreld as wins te verkry en sy lewe te verloor?” Boere raak dikwels só betrokke by hul boerderye dat ons ons gesinne afskeep, en daarin lê ’n groot gevaar. Ons kinders, maak nie saak hoe oud of hoe jonk hulle is nie, moet ’n onlosmaaklike deel van ons besluitneming en gebeure op die plaas wees. Betrek hulle van jongs af sodat hulle die konsepte verstaan. Wanneer Pa ’n bietjie stil raak, of selfs soms kortaf is (wat nie aanvaarbaar is nie), kan hulle verstaan dat hy op daardie oomblik onder druk is. Hy moet byvoorbeeld begin saai voordat die reën. Dis die daaglikse verhoudinge wat noodsaaklik is. Voordat ek ’n Christen geword het,…

Vanaf Februarie is die nasionale oesskattingskomitee (NOK) se voorspellings vir oliesaad en somergraan met 1% tot 18,7 miljoen ton verhoog vergeleke met 17,6 miljoen ton in die 2019-’20-produksieseisoen. Hierdie opwaartse aanpassings het betrekking op mielies, sojabone en sorghum, terwyl die produksie van sonneblomsaad, droëbone en grondbone hersien is. Die 2020-’21-oes vir mielies, sojabone en sonneblomsaad word voorspel op onderskeidelik 15,9 miljoen ton (4% meer op ’n jaargrondslag en die naasgrootste aangetekende oes), 1,7 miljoen ton (39% meer op ’n jaargrondslag en ’n rekordoes) en 696 290 ton (12% minder op ’n jaargrondslag). Die mielieproduksieskatting is effens laer as die landbousakekamer van Suid-Afrika (Agbiz) se geskatte 16,7 miljoen ton en die buro vir voedsel- en landboubeleid (BFAP) se geskatte 17 miljoen ton, asook die internasionale graanraad se skatting van 17 miljoen…

9 600 ton Altesame 9 600 ton hoenderstukke aan die been is in Februarie vanjaar ingevoer. Dit is 65,2% meer as in Januarie, maar Januarie se 5 812 ton was 45,8% minder as in Desember 2020. Die invoerhoogtepunt van dié snit was in September verlede jaar, toe 18 262 ton ingevoer is. Die altesame 36 532 ton hoender wat in totaal in Februarie vanjaar ingevoer is, was 22,2% meer as in Januarie, maar 20,3% minder as in Februarie 2020. – @SmallTalkDaily Research 3 JAAR Dit sal na verwagting drie jaar duur om die sanitasie-infrastruktuur wat aanleiding gegee het tot erge besoedeling van die Vaalrivier, reg te stel. Só het me. Lindiwe Sisulu, minister van menslike nedersettings, water en sanitasie, onderneem tydens ’n voorlegging oor die regering se plan om ingevolge…

‘Dit is tyd dat die minister haarself en haar departement verantwoordelik hou vir hul mislukkings.’ ME. ANNETTE STEYN, DA-LP, oor bedrog met koopbewyse wat vir Covid-19-hulp aan boere bedoel was, en toe deur bedrieërs onderskep is. Bl. 20 ‘Ons gaan as bedryf die prys van die produk afdruk as ons te lank wag en binne ’n kort tydperk alles probeer bemark.’ MNR. RECHTUS STEYN, bemarkingspesialis van GWK, oor die tydsberekening van pekanneutbemarking. Bl. 24 ‘Meer uitvoer is ’n belangrike deel van ons strategie vir ekonomiese groei en herstel, maar om dié doelwit te bereik, moet ons ’n hawe van wêreldgehalte in Kaapstad hê.’ MNR. DAVID MAYNIER, Wes-Kaapse minister van finansies en ekonomiese geleenthede, oor pres. Cyril Ramaphosa se skrywe oor beoogde verbeterings by Durbanhawe. Bl. 17 ‘Ons is bekommerd dat…

MNR. LOUIS DE KOCK is een van drie jong baanbrekers wat onlangs ’n digitale platform van stapel gestuur het waarmee vars produkte reg oor Afrika verhandel word. Hy vertel op bl. 34 meer. VERTEL VAN JOU GESIN. My pa, Louis sr., is ’n groenteboer by Barkly-Wes en my ma, Cora, is ’n cliviakweker. My tweelingsuster, Madelein Pickard, en swaer, Manie, boer ook daar met vee. My ander suster, Christine de Kock, is tans besig met haar doktorsgraad in Brittanje. Ons is ’n hegte gesin wat graag saam vakansie gehou — mits my pa kan wegkom van die plaas af! WAAR IS JOU GUNSTELINGPLEK IN DIE WÊRELD? Ons familieplaas. München in Duitsland het ook ’n spesiale plek in my hart. Ek het 18 maande lank daar gebly en die kultuur en…

SIMMENTALER: LEEUPOORT PELINDABA PN 18-500 TELER EN EIENAAR: PJ NIENABER-BOERDERY (MNR. GERT NIENABER) Leeupoort Simmentalers is op 13 Maart 1981 geregistreer en is op die plaas Rhenosterfontein by Rustenburg geleë. Mnr. Gert Nienaber het hom in 2007 by die boerdery aangesluit. Die veldtipe bestaan hoofsaaklik uit gemengde bosveld met suuren soetgrasse. Omdat Leeupoort na veldaangepaste beeste streef, word baie klem op weidingsbestuur geplaas. Wit- en bloubuffel-, rhodes- en smutsvingergras is mettertyd gevestig om diere ekonomies vanaf die veld te produseer. Die bul Pelindaba is struktureel korrek met besondere balans en goeie lengte van lyf. Hy is ’n genetiese kombinasie van Leeupoort se beste lyne. Sy moeder is die bekende Leeupoort Labe wat verskeie stoetvaars geteel het, onder meer Leeupoort Zagreb, terwyl sy op verskeie skoue as die grootkampioen vroulike dier…

TEGNOLOGIE wat tot onlangs nog net vir die beesbedryf beskore was, is onlangs gebruik om die eerste Dormer-embrio’s ter wêreld wat met geslagsbepaalde semen bevrug is, te spoel. Semen van die ram NB180268 van die Nova Barletta Dormers van Clocolan in die Vrystaat is gebruik om vyf Dormer-ooie van mnre. Hendrik en J.D. Steyn van J.D. Steyn Dormers en Christo van der Merwe van Danarito Dormers, almal van Verkeerdevlei, te insemineer. Die Dormer-skaapras se oorsprong is in Suid-Afrika. “Net soos met die deurbraak van dr. Johan Steyn in die 1980’s toe hy laparoskopie na Suid-Afrika gebring het, het geslagsbepaalde semen die potensiaal om die kleinveebedryf te verander,” sê die maatskappy Ramsem. Drs. Johan, Fanie en Thomas Steyn, Bloemfonteinse reproduksiespesialiste van Ramsem, het met behulp van ST Genetics die eerste geslagsbepaalde…

1 ZIMBABWE| Koringboere moet woeker Die Zimbabwiese regering het ’n mikpunt van 340 000 ton koring vir die komende winter gestel. Dit sal die grootste koringoes nóg in dié land wees as dit behaal word. Die land benodig jaarliks 360 000 ton, en die grootste oes in die geskiedenis was in 1990, toe 325 000 ton geoes is. Die land se regering het onlangs ’n koring-indaba aangebied, waar dr. Anxious Masuka, die minister van grond, landbou, visserye, water en landelike hervestiging, gesê het die land het sy naasbeste reënseisoen in 51 jaar gehad. Hy verwag dat 85 000 ha met koring beplant kan word. Hiervan sal 60 000 ha deur ’n staatsgesteunde projek gefinansier word, 15 000 ha deur private kontrakteurs en 10 000 ha deur die presidensiële wintergraanskema.…

Die eindpuntheffingstelsel wat sedert 2018 vir die sojaboonbedryf in werking gestel is en sedert 1 Maart 2019 in Suid-Afrika betaal word, gaan binnekort begin vrugte afwerp. Die finale beskikbaarstellingsproses van nuwe biotegnologie (Intacta Roundup Ready2 Pro® ) in Suid-Afrika is in die finale fase en produsente sal eersdaags daartoe toegang kry. Die statutêre heffing wat dit moontlik gemaak het, is in Junie 2018 met die oog op teling en tegnologie deur die destydse minister van landbou, bosbou en visserye ingestel. Die sonneblom-en-sojaboonforum het dit versoek omdat opbrengsverhogings en die gemiddelde opbrengs in Suid-Afrika nie met mededingers tred gehou het nie. Volgens die buro vir voedsel- en landboubeleid (BFAP) ding plaaslike boere mee met internasionale sojaboonprodusente soos Amerika, Brasilië en Argentinië, waar die opbrengs per hektaar die afgelope 20 jaar met…

Hommeltuie is vir die eerste keer ingespan om flappe aan Eskom-kragdrade te installeer. Dit vorm deel van jare lange pogings met die samewerking van die trust vir bedreigde natuurlewe (EWT) om te keer dat voëls onnodig teen kragdrade vasvlieg en sodoende beseer word of vrek. Die konsep is sedert 2016 deur die EWTspan ontwikkel danksy die gebruik van 3D-ontwerp en -drukwerk. Daarmee kan flappe tot by kragdrade gevlieg en deur ’n hommeltuig geïnstalleer word. Die EWT is ’n gelisensieerde hommeltuigoperateur. Luidens ’n verklaring deur die EWT laat die stelsel die installering van flappe toe aan kragdrade wat andersins nie maklik bereikbaar is nie. Werknemers hoef dus ook nie aan potensieel gevaarlike situasies blootgestel te word nie. Die konsep is reeds deur die Suid-Afrikaanse Burgerlugvaartowerheid vir kommersiële gebruik goedgekeur. Dit is…

Mnr. Giepie Calldo het op sy plaas, Kopje Alleen, by Trompsburg sy bestuursbeginsels oor die versorging van jong wolskaapooie in ’n reproduksieproef van 2003 tot 2011 beproef. “Die proef het bewys dat die voeding en versorging van die speenooi die belangrikste vertrekpunt op die plaas is. Alles begin by die jong ooi,” sê hy. Omdat die ooie as jong diere goed versorg is, is ’n dragtigheidskoers van 122% met die eerste paring bereik, en ná die tweede paring was die skanderingskoers 148%. Hy het ook die wolproduksie in ag geneem omdat wol teen ’n hoë speensyfer van 135% tot ’n inkomste van 20% kan bydra. Die treksterkte en kartels van die wol vertel ook ’n storie. “Daarom is besluit om die skape ’n tyd lank nie te skeer nie. Die…

WATTER TEGNOLOGIE IS ONMISBAAR IN JOU BEDRYF? Al my werktoerusting, veral my CNC Plasma-snyer. WAT IS DIE BESTE RAAD WAT JY AL GEKRY HET? Behou jou wil om altyd te verbeter. WAT IS DIE GROOTSTE FOUT WAT JY IN JOU LOOPBAAN GEMAAK HET? Om té gou moed te verloor. WIE WAS JOU MENTOR? Ek is selfgedrewe en probeer help met oplossings vir my klante se probleme. WAT IS JOU GROOTSTE STRUIKELBLOK WAT JOU WERKTUIE BETREF? Om die gehalte en prys van my produkte mededingend te hou.…

Die koringbedryf is nogal mededingend, met ’n paar groot meulenaars wat oorheers. Hoe belangrik is kleiner meule vir die bedryf? Die voordeel vir klein meulenaars is dat hulle aan nismarkte kan lewer, met produkte wat meer biologies verwerk word. Van die klein meule sê hulle wil die boere beter pryse betaal, maar ek weet nie hoe hulle dit doen nie, want alles is markverwant, of jy nou koring koop of meel verkoop. As jy dus meer betaal vir die koring, gaan jou meel waarskynlik te duur vir die mark wees. Ons het ons eie silo’s waar ons sowat 2 500 ton kan opberg, daarom bespaar ons darem op opbergingskoste en graadaftrekkings. Wat maak julle meel besonders? Ons gebruik net ’n paar brekers en klipmeule wat meer tradisioneel is, maar die…

Stuur vir ons ’n foto van jou en jou opgekikkerde glasbottel. Jy kan ’n heerlike boek, Saadjie en Spikkel deur Alex Latimer en David Litchfield, ter waarde van R175 wen – geskenk deur NB-Uitgewers. Saadjie en Spikkel is beste vriende. Namate hul vriendskap groei, word hulle self ook groter. Saadjie kry wortels en Spikkel kry vlerke, wat sy baie graag wil uittoets. Die lewe skei hulle van mekaar, maar ware vriende vind altyd hul pad terug na mekaar toe. Stuur jou foto, saam met jou naam, ouderdom en adres aan Lucille Botha (lbotha@landbou.com) teen 11 Junie om in aanmerking te kom om dié oulike boek te wen.…

MARKNEIGINGS PRYSE DAAL IN TALLE DISTRIKTE Daar was ’n toename in die distrikte wat dalende prysneigings in die Vrystaat in die tydperk van April 2020 tot Maart vanjaar getoon het (46%) vergeleke met die vorige 12 maande (39%). Tog het pryse in etlike distrikte met meer as 10% gestyg. Dit is Bethlehem (15,9%), Fouriesburg (18,3%), Thaba Nchu (10%) en Wepener (23%). By Bloemfontein (-14,7%), Ladybrand (-13%), Theunissen (-12,2%) en Vredefort (-13,7%) het grondpryse met meer as 10% gedaal. In die meegaande tabel is ’n opsomming van grondtransaksies vir plase groter as 10 ha in die Vrystaat. In die betrokke tydperk is 616 ooreenkomste (vergeleke met 613 transaksies die vorige jaar) in 41 distrikte gesluit. In die proses is 261 317 ha verhandel teen R3,169 miljard. Ten opsigte van transaksies per…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in die Landboukalender. Stuur die besonderhede aan lbw@landbou.com FEESTE, EKSPO’S 7 MEI: Internasionale Sauvignon blanc-dag, aangebied deur Sauvignon Blanc SA. 22 MEI: Hexvallei-erfenisplaasmark aangebied deur die Hexriviervallei se erfenis-en-natuurbewaringsvereniging, Karoo 1 Hotel Village. E-pos: heritage@hexrivervalley.co.za 13-14 AUGUSTUS: Wes-Kaapse Landbou-veterane 2021 (plek sal bevestig word). Johannes Uys, 082 552 5491 of 021 981 8537; Hennie Richter, 073 391 8495 of 022 451 2692; e-pos: sekr.wk@telkomsa.net KONFERENSIES 22-24 JUNIE: Africa Agri Tech, Sun-arena, Menlyn. Onderwerpe wat bespreek gaan word, sluit in die behoefte om tegnologie te aanvaar, watter tegnologie om toe te pas, vroue in die landbou en werksessies vir boerdery-opleiding. Web: www.africaagritech.co.za 13-16 OKTOBER: Conexpo Africa 2021, Johannesburg. Werktuie, voertuie en produksiemiddele vir die…

ANDERKANT DIE REËNBOOG SAAMSTAAN Dit bly ’n groot seën dat dit taamlik goed gaan met die landbou. ’n Bietjie reën, goeie oeste en skaflike landboupryse het vanjaar die meeste van ons se grootste verwagtinge oortref. Ongelukkig sit die landbou met ’n paar donker kolle. Op sommige plekke verdiep die droogte. Ek het vroeër vanjaar deur Bedford in die Oos-Kaap gery en was geskok deur die verskroeide landskap. ’n Paar honderd kilometer vroeër was daar nog wuiwende groen grasvelde. Verder is daar die onuithoudbare frustrasie met die gesukkel om probleme op te los wat die landbou se volgehoue winsgewendheid bedreig. Die lys is lank. Alles van die Land Bank tot paaie, spoorlyne en ander infrastruktuur is van die dinge wat kwel. Ja, daar is bemoedigende geluide oor miljarde rande wat nou…

MNR. COBUS CROUCAMP van Kimberley het danksy sy jare lange betrokkenheid in die landbou ’n verskeidenheid werktuie ontwerp wat boerdery makliker maak, waaronder ’n selfvoerder vir wild wat voerkorrels van die tarentale en meerkatte weghou. Lees die artikel op bl. 58. VERTEL VAN JOU GESIN. Ek en my vrou, Cornelia, het drie kinders — Rachel (13), Melissa (6) en Cobus (2). Ons is ’n hegte gesin en ek en Cornelia is ook daagliks saam by die besigheid betrokke. HET JY NÁ SKOOL GESTUDEER? Ek het aan die Hoër Landbouskool Jacobsdal gematrikuleer en direk ná skool begin werk. HET JY ’N STOKPERDJIE? Ek geniet visvang en jag. WAAR HOU JULLE GRAAG VAKANSIE? Ons gaan ontspan graag by die see, meestal op Jeffreysbaai. WATTER RUGBY- EN ANDER SPORTSPANNE ONDERSTEUN JY? Die Cheetahs…

DIE onlangse belofte van pres. Cyril Ramaphosa om Suid-Afrikaanse hawens doeltreffender en mededingender te maak en sy besoek aan die Durbanhawe is bemoedigend, maar dit blyk of die Kaapstadhawe nie dieselfde aandag kry nie. Só sê mnr. David Maynier, Wes-Kaapse minister van finansies en ekonomiese geleenthede, na aanleiding van Ramaphosa se breedvoerige bespreking van kwessies by die Durbanhawe in sy weeklikse nuusbrief. Ramaphosa het dié hawe, wat eens as die beste hawe in Afrika beskou is, in April besoek om self te sien watter werk daar nodig is. Hy sê die Suid-Afrikaanse ekonomie kan ly as hawens nie doeltreffend funksioneer nie. Ramaphosa noem dat die Durbanhawe se bestuur “ambisieuse” uitbreidingsplanne het, wat R100 miljard in nuwe beleggings oor die volgende dekade of langer sal vereis. Nuwe verhoudinge met die privaat…

DIE staat se program vir swart nyweraars het in vyf jaar reeds R1,6 miljard in die landbouverwerkingsektor belê. Altesame 69 nyweraars is ondersteun. Dié inligting is vervat in die eerste jaarverslag wat die departement van handel, nywerheid en mededinging bekend gestel het rakende die program vir swart nyweraars wat in 2016 met die samewerking van die nywerheidsontwikkelingskorporasie (IDC) en die nasionale bemagtigingsfonds (NEF) begin is. Die program konsentreer spesifiek op geldelike ondersteuning aan swart nyweraars en hulp om toegang tot uitvoermarkte te kry. Die herlewing van die waardeketting vir die landbou en landbouverwerking is deurslaggewend vir landelike ekonomieë en in die regering se negepuntplan om oplossings te vind vir die land se ekonomiese probleme. Volgens die staat speel die landbousektor nie net ’n belangrike rol om voedselsekerheid te handhaaf nie,…

ZEDER se direksie oorweeg tans aanbiedings deur derde partye wat aangedui het hulle stel belang in van dié landboubeleggingsmaatskappy se bates. Nadat Zeder vroeër van sy beleggings in Pioneer Foods en Quantum Foods ontslae geraak het, hou hy nou be-leggings in onder meer Zaad, Capespan, The Logistics Group en Kaap Agri. Al dié beleggings het vanjaar goed presteer, ten spyte van die invloed van Covid-19. Sedert mnr. Johann le Roux die leisels as uitvoerende hoof oorgeneem het by mnr. Norman Celliers, wat in September bedank het, is daar sprake van ’n nuwe strategie vir Zeder. “Die strategie het nie so baie verander nie. Dis steeds om waarde te skep vir aandeelhouers, maar daar is meer klem op die ontsluiting van waarde,” het Le Roux gesê kort ná Zeder sy jaarresultate…

Wanneer iemand sterf, moet sy boedel beredder word ooreenkomstig die bepalings van sy testament. Dit sluit ook die betaling van boedelkoste en belasting in. ’n Oes op ’n land het ’n groot invloed op die koste in die boedel as in die boer se eie naam geboer word en as die plaas in die oorledene se naam geregistreer is. Daardie oes vorm deel van die waarde van die eiendom net soos ander vaste aanhegtings, soos geboue. Die waarde van die oes het dus ’n impak op die waardasie van die grond in die boedel. Die eiendom moet dus so gou moontlik ná afsterwe waardeer word omdat die waarde van die bates in die boedel, soos op die datum van afsterwe, bepaal moet word. Die waarde van die plaas speel ’n…

Die geskatte produksie vir sigorei vir die 2021-’22-seisoen is sowat 10 000 ton nat wortel – sowat 800 ton meer as die vorige seisoen, sê mnr. Craig Elliot, landboubestuurder by Sigorei SA op Alexandrië. “Die gekontrakteerde prys van verlede jaar van R2 050/t nat wortel bly onveranderd.” Oos-Kaap steier onder droogtetoestande met ’n ongunstige impak op die sigoreibedryf. In nor-male jare is die produksie sowat 14 000 ton nat wortel. Die plaaslike gebruik van sigorei beloop sowat 20 000 ton per jaar. Die tekort word aangevul uit Indië. Omdat Suid-Afrika minder produseer as wat gebruik word, word geen Suid-Afrikaanse sigorei uitgevoer nie. Die vernaamste vraag na sigorei is van die koffiebedryf. “Ons soek tans na nuwe produsente. Daar is slegs 20 produsente wat sigorei verbou.” Tot 14 jaar gelede was…

Beleggers is toenemend besig om op plantgebaseerde seekos te konsentreer in die soeke na plaasvervangers vir proteïen wat van plaasdiere afkomstig is, asook alternatiewe vir vis- en skulpvis. Só sê mnr. Sameer Singh, ’n navorsingsontleder by Old Mutual. Volgens hom bestaan sowat 15% van die wêreld se totale diereproteïenmark tans uit natuurlike seekos. Singh meen plantgebaseerde seekos bied toenemend groot moontlikhede vir groei. “Amerika se seekosmark is reeds $15 miljard (sowat R213 miljard) werd. As alternatiewe, plantgebaseerde seekos bygereken word, kan hierdie mark tot $150 miljard (R2,123 biljoen) in Amerika alleen groei.” Heelparty maatskappye het al dié mark betree. Só het Nestlé reeds ’n plantgebaseerde, kunsmatige tunaproduk op die mark. Tyson, ’n groot internasionale vleisverwerker, het al belê in plantgebaseerde garnale deur gebruik te maak van alge, sojabone en ertjieproteïen.…

KORTOM ■ Vraag en aanbod moet die mielieprys bepaal. Tog is daar twyfel oor die geloofwaardigheid van die JSEtermynmark. ■ ’n Ontleding van verlede jaar se data toon dat die mark wel grootliks die fundamentele inligting gevolg het. Volgens ontleders van die Amerikaanse departement van landbou se komitee wat vraag en aanbod in die internasionale mieliemark dophou, het Suid-Afrika van die beste inligting ter wêreld en gebruik ons tegnologie om die inligting in te samel – iets wat nie baie lande doen nie. Daar is nogtans baie vrae rakende die voorraad- en verbruiksyfers, veral voor die vroeë lewerings aan die einde van die bemarkingseisoen inkom. Die neiging bestaan om na ’n bemarkingseisoen in geheel te kyk, maar omdat ons met landbouprodukte werk, weet almal daar is ook siklusse binne die…

VOERTUIE VOORKOM DIEFSTAL VAN WIELE MET SLEUTELSTUK Grip-Tech, die vervaardiger van die Auto-Grip-reeks van meganiese teendiefstaltoerusting, het ’n nuwe wapen by sy arsenaal gevoeg in die stryd teen diewe wat voertuie se wiele steel. Die nuwe LNX-sluitmoere en LBX-slotgrendels vir motors en ligte handelsvoertuie word van die taaiste metaal vervaardig. Dit het ’n sleutelstuk bestaande uit vyf boute wat op die wiel self gemonteer word, en ’n passende stuk gereedskap waarsonder die vyf boute van die sleutelstuk nie losgedraai kan word nie. Meer as 600 eiesoortige kombinasies word deur ’n rekenaar-ontwikkelde algoritme geskep, wat die verwydering van die sleutelstuk sonder die gepaste toerusting feitlik onmoontlik maak. Die sluitstelsel word deur vervaardigers soos Isuzu, Ford, Hyundai, Mitsubishi en Nissan onderskryf. Dit word in Suid-Afrika vervaardig en is volgens die maatskappy aan…

Wat is ’n mikro-avontuur? Ons bied kort, bekostigbare avonture wat nie te ver van Kaapstad af is nie en maklik in iemand se bedrywige lewe kan inpas. Jy het net twee dae nodig vir ’n wegbreek vol verrassings. Waar het julle dié idee gekry? Ons het eendag die woord mikro-avontuur in ’n tydskrif raakgelees en dadelik daarvan gehou. Gedurende die Covid-19-inperking het ons begin wonder wat ons vir ’n ekstra inkomste kan doen. Mikro-avonture het na ’n briljante idee geklink. Porterville (waar Lizelle woon) word maklik onderskat, terwyl dié dorp so baie aan besoekers bied. Dieselfde geld die pragtige Breedekloof (waar Wilanie bly). Ons het besef mense wil graag in die buitelug kom en tyd in die natuur deurbring in die grendeltyd, maar omdat internasionale reise nie juis ’n opsie…

ClemenGold Family Fun Activity Book. Uitgewer: ClemenGold. Prys: Gratis. Die koronaviruspandemie het ons almal oornag in ’n “nuwe normaal” gedompel – ons bak brood, bestee meer tyd tuis en skenk aandag aan gesonde eet- en leefgewoontes. ClemenGold, die bekende sitrushandelsmerk, het besef dit is nie aldag ’n maklike taak om die kleintjies besig te hou terwyl ouers tuis werk nie. Hulle het dus ’n oulike (en gratis!) e-boekie saamgestel om gesinne te help om die tyd op ’n prettige, maar opbouende manier om te kry. Die boekie het verskeie afdelings. Maak van sop tot ysies en malvalekkerkoekies met ’n sitrusgeur met die hulp van die resepte in die eerste afdeling. Die inkleur- en ander bedrywighede hou klein vingertjies besig. Daar is idees om kos, soos lemoenskyfies en rooibostee, in te…