Landbouweekblad 13 May 2021

KLEIN BEGIN Skaars ’n baksteen hoog en klein AJ de Kock hou sy lyf vleisbokkeurder. Die 10 maande oue AJ het onlangs die wêreldskou van Boerbokke en Kalahari Reds in Bloemfontein saam met sy ouers, mnr. Hendrik en me. Marizelle de Kock van Aliwal-Noord, bygewoon. Altesaam 327 Boerbokramme en 486 Boerbokooie van sowat 33 vertoners en 268 Kalahari Reds van 10 vertoners is tydens die kampioenskapsweek beoordeel. Mnr. Lukas Burger, veteraanteler van Griekwastad, is aangewys as die teler van kampioene in die Boerbokafdeling met onder meer die grootkampioenram en -ooi. In die kategorie vir Kalahari Reds was mnr. Josef Kleynhans van Ellisras die kampioenteler. BORGTOG VIR VYF Borgtog van R10 000 elk is op 30 April in die landdroshof op eMkhondo (Piet Retief) toegestaan aan mnre. Daniël Cornelius Malan, Cornelius…

30% Geenbewerking stel 30% minder kweekhuisgasse vry as tradisionele bewerkingsmetodes, toon ’n Britse studie van die Universiteit van Nottingham. Plase wat die langste dié praktyk volg — sowat 15 jaar — toon die grootste verminderings in kweekhuisgasvrystellings. Die navorsers sê geenbewerking kan aanvanklik tot laer opbrengste lei as saad moeilik in harder grond met minder suurstof ontkiem, maar erdwurms en wortelstelsels kan later die natuurlike grondstruktuur herstel. – The Conversation 70 Suid-Afrika het 70ste uit 104 lande gekom in ’n nuwe indeks oor goeie regering, die Chandler Good Government Index. Die indeks rangskik lande volgens regerings se vermoëns en uitkomste. Suid-Afrika was 104de in die afdeling vir persoonlike veiligheid, 103de vir inkomstegelykheid, en 100ste vir gesondheid. Wat Afrikalande suid van die Sahara betref, was Mauritius eerste, Rwanda tweede, Botswana derde,…

BEESPORTRET. Dié foto van Brahmane op die plaas Matuanashoek naby Elandslaagte in die Ladysmith-omgewing, KwaZulu-Natal, is deel van die fotoreeks Young Farmers. Dit het aan mnr. Coenraad Torlage die titel as studentfotograaf van die jaar besorg in die Wêreldfotografie-vereniging se Sony-wêreldfotografiepryse. Torlage, ’n derdejaarstudent aan die Stellenbosch- Akademie vir Ontwerp en Fotografie, het die foto ná ’n reënerige dag met ’n hommeltuig geneem. Hy sê die donker kleur van die modder het die beeste se kleure nóg mooier laat uitstaan en het hom aan koivisse in ’n Japanse waterpoel laat dink. Hy het self op ’n plaas in KwaZulu-Natal grootgeword. Sy foto-wenreeks is deur jong boere geïnspireer, wat hy beskryf as jong mense wat hul lewe in diens van ander stel ondanks die onvoorspelbare omstandighede in Suid-Afrika, en wat werk…

DIE Durbanhawe het sy stewige greep op sy vraghouerbedrywighede verslap en gaan sy sake oopstel vir private operateurs om sy blootstelling aan ’n rekening van R100 miljard vir verbeteringe te beperk. Dit is ’n teken dat pres. Cyril Ramaphosa se strategiese ingryping in die ekonomie vastrapplek begin kry. Voorheen geslote, staatsbeheerde entiteite is meer oop vir die private sektor. Dit kan die kapasiteit en gebruik van Suid-Afrika se infrastruktuur verhoog. Die nuwe planne vir die Durbanhawe, die besigste in Suid-Afrika, behels die ontwikkeling van spoorkorridors na drie oorlaaipunte in die westelike binneland langs die sleutelroete en treinspoor na Johannesburg, asook geriewe noord en suid van die hawe. Die hoeveelheid houers wat uit die hawe gaan beweeg, sal byna vier keer meer word, naamlik 11,3 miljoen houers. Sonder spoorlyne is opeenhopings…

‘Ons moet al hoe meer in die dorpe ook brande blus omdat daar nie ’n brandweerwa is nie. Ons doen dit met ons eie toerusting wat teen ons eie koste aangeskaf is. Ons word nie deur die staat gesubsidieer nie, ons blus die staat se vure.’ MNR. JOHAN TERBLANCHE, brandbeskermingsbeampte van die Goudveldse brandbestrydingsvereniging, oor hoe boere met brandbestryding moet help. Bl. 14 ‘Normaalweg sit ons met baie lae pryse as daar groot oeste is, maar die wêreldprys help ons vanjaar. Dit kan ’n goeie hersteljaar vir die graanbedryf wees.’ MNR. JANNIE DE VILLIERS, uitvoerende hoof van Graan SA, oor die verwagte goeie sojaboonoes. Bl. 17 ‘Daar kan nie net ’n hek gesluit word tot die staking verby is nie.’ DR. THEO DE JAGER, voorsitter van die landbou-netwerkorganisasie Saai, oor…

ANDERKANT DIE REËNBOOG OUERS Hierdie pad lê vir ons almal voor, naamlik die werklikheid dat ons ouers die een of ander tyd die finale fase van hul lewe gaan betree. Wanneer bejaarde ouers hulself boonop op afgeleë plase bevind, raak die bestuur van geliefdes se winterjare net daardie rapsie ingewikkelder. Menige boerefamilie kan hiervan getuig. Dit bly nietemin ’n groot voorreg om jou ouers by te staan ná ’n lewe van onvoorwaardelike ondersteuning en liefde, veral tydens die Covid-19-pandemie wanneer baie families reg oor die wêreld mekaar nie kan besoek nie. Dit dwing ’n mens tot introspeksie en mettertyd ’n diep waardering vir die voorreg van ’n opvoeding deur liefdevolle ouers in ’n land waar aansienlik meer as die helfte van kinders nie ’n verhouding met veral hul pa’s het…