Indholdsfortegnelse for 23 Sep 2021 i Landbouweekblad

DIE omvang van die skade weens brande in die Noord-Kaap, Vrystaat en Noordwes is só groot dat as die afgebrande dele tot rampgebiede verklaar word, die staat nie oor die vermoë sal beskik om boere by te staan nie, het me. Andrea Camp-her, risiko-en-rampbestuurder by Agri SA, gesê. “Weens burokratiese rompslomp sal ramphulp nie betyds gelewer word nie omdat staatshulpbronne onder druk is weens die covid-19-pandemie.” Die grootskaalse verwoesting wat veldbrande in veral Julie, Augustus en September in die drie provinsies gesaai het, is volgens haar ’n groot bron van kommer vir die landbousektor.Net in die eerste naweek van September is na raming meer as 52 Vrystaatse plase in brande verwoes. ’n Boer van Dewetsdorp het 400 dragtige ooie en 90% van die weiding op sy plaas van 1 000…

GROOT toenames in eiendomspryse in die Suid-Kaap is die rede waarom boere in die Hessequa- munisipale gebied vanjaar aansienlik meer vir eiendomsbelasting sal moet opdok. Volgens me. Didi Bud-ricks, woordvoerder van die Hessequa-munisipaliteit, het die markwaarde en verkooppryse van eiendom in die munisipale gebied oor die afgelope sewe jaar beduidend verhoog en is dit die rede vir die toename in waardasies vir die waardasierol, wat van 2021 tot 2026 sal geld. Volgens Budricks skryf die Wet op Munisipale Eiendomsbelasting (Wet 6 van 2004) voor hoe eiendomme se markwaarde bepaal word. Die vorige waardasierol, wat tot 30 Junie gegeld het, is opgestel volgens marktoestande wat in 2013 geheers het. Die huidige waardasierol, wat van 1 Julie af in werking getree het, is opgestel volgens marktoestande wat in 2020 geheers het. ’n…

NÁ ’n rampspoedige eerste helfte van 2020 is die Suid-Afrikaanse ekonomie weer aan die groei, maar dit gaan hinkepink en daar lê ’n paar probleme voor, het me. Nicky Weimar, Nedbank se hoofekonoom, op Agri Limpopo se onlangse kongres gesê. Die herstel tot dusver is danksy die verslapping van inperkingsregulasies, internasionaal en plaaslik. Uitvoer het gunstig gereageer op die herstel van die globale ekonomie en stygende kommoditeitspryse. Dit was danksy doeltreffende covid-19-bekamping in Oosterse lande en die vinnige toediening van entstowwe in die meeste ontwikkelde lande. Verbruikersbesteding het ook herstel, ondersteun deur ’n verbetering in besteebare inkomste en laer rentekoerse. Gegewe die probleme wat Suid-Afrika ervaar, soos uitgewys deur die onlangse onrus in KwaZulu-Natal, is daar vol-gens Weimar rede om skepties te wees oor die vooruitsigte. “Die beste manier om…

MELKBOERE hoef nie oornag veranderinge in werking te stel om winsgewend en volhoubaar, en ook met die minste moontlike uitwerking op natuurlike hulpbronne, te boer nie. “Veranderinge hoef nie alles gelyk teen massiewe koste plaas te vind om ’n wensituasie na te streef nie. Die proses moet as ’n reis gesien word. Die grootste oorbruggingsfaktor is om jou siening van hoe nog altyd geboer is, aan te pas.” Só het me. Sue Viljoen van die Wêreldnatuurlewefonds (WWF-SA) gesê tydens ’n webinaar deur Nedbank oor finansieel volhoubare en winsgewende melkboerdery. HUIWERING Baie misverstande bestaan rondom die begrip “volhoubaarheid”. “Dit lei daartoe dat daar dikwels heelwat huiwering bestaan om die grens oor te steek na nuwe praktyke en weg te beweeg van hoe dinge altyd gedoen word – om alleen daardie nuwe…

Reeds in 1998 het dr. John Ledger, eertydse voorsitter van die Wêreldnatuurlewefonds, gewaarsku dat jag met honde moontlik die grootste bedreiging vir biodiversiteit in Afrika inhou. Hoewel die stroop van renosters die meeste publisiteit kry, is daar duisende stuks gewone wild wat daagliks onwettig in Suid-Afrika gejag word. Die Wet op Veediefstal (Wet 57 van 1959) stel dit duidelik dat enigiemand wat grond betree om wild te steel, of om wild van daardie grond af te verkoop, of om selfs wild moedswillig van die grond af te lok, met diefstal besig is en tot 15 jaar gevangenisstraf in ’n streekhof opgelê kan word. Op die kennisgewingborde wat die landbounetwerkorganisasie Saai vir sy lede gemaak het, stel die wildplaasbord dit duidelik dat die grond na behore omhein is ingevolge onderafdeling 2(2)…

Soms vergeet ’n mens hoe dominant mielies in Suid-Afrika is. Na raming het die gewas verlede seisoen 50% van die nasionale akkerbougebied beslaan, heelwat minder as die 64% in 2000. Ten spyte daarvan is Suid-Afrika met 16 miljoen ton, maar die wêreld se negende grootste mielieprodusent. Dit is egter ’n druppel aan die emmer, omdat die toptien lande gesamentlik net meer as 1 miljard ton mielies produseer, waarvan Amerika alleen 380 miljoen ton bydra. Dit gee Amerika ’n toptien markaandeel van 38% en Suid-Afrika ’n skamele 1,6%. Wat gebeur tans aan die tegnologiefront in Amerika? Die Purdue-universiteit en Croplife doen reeds van 1997 af ’n opname onder insetverskaffers oor die tegnologie wat hulle verskaf en wat hul kliënte gebruik. Dié opname word byna elke jaar gedoen. Sowat 170 verskaffers is…

ROOSTERKOEKBOERIE-ROLLE MET SOMERSALSA Hierdie anderste boereworsrolle proe sommer soos somervakansie. Ek het roosterkoekdeeg in langwerpige rolletjies gevorm en met knoffel-mayonnaise gesmeer voor die gebraaide boerewors en somerse salsa-slaai ingeskep is. ’n Heerlike braaiplan waarmee jy baie mense kan kosgee sonder dat dit jou ’n fortuin gaan kos. Roosterkoekdeeg ■ 1 kg witbroodmeel ■ 1 pakkie (10 g) kitsgis ■ 7 ml sout ■ 15 ml suiker ■ Sowat 600 ml warm water ■ 100 ml olyfolie Somersalsa ■ Halwe middelslag-pynappel, skoongemaak en in klein blokkies gesny ■ 1 elk groen en rooi soetrissie, in klein blokkies gesny ■ 80 ml vars koljanderblare ■ Sout en varsgemaalde swartpeper na smaak ■ Skeut vars suurlemoensap ■ 1 kg boerewors ■ 100 ml sjerrie ■ 60 ml olyfolie ■ 80 ml mayonnaise ■…

LOK ALISERING kry baie aandag. Sommige mense skiet dit af as te duur en dat dit die verkryging van ingevoerde produkte of van uitvoermarkte bemoeilik. Vir sulke mense is inmenging in enige mark ’n gruwel, skryf mnr. Ayabonga Cawe, ontwikkelingsekonoom. Die ontwrigting van globale voorsieningskettings en die stygende kostebasis van vervaardiging in China toon egter die “konsentrasierisiko’s” wanneer produksie en waardetoevoeging in een pool van die wêreld gebeur. Soos die lokaliseringsbeleid aanvoer, stimuleer vervaardiging groei in verwante bedrywe soos verpakking, logistiek en vervoer. Lokalisering gaan dus nie oor die verplasing van die mark en globale waarde nie, maar oor die verandering van gespreksvoorwaardes, sodat Suid-Afrika nie meer ’n koloniale ekonomie is wat hoofsaaklik grondstowwe uitvoer nie. Ekonomiese geskiedenis herinner ons daaraan dat ontwikkeling nou verwant is aan sulke skuiwe na…

56% Die trekkerverkope van 724 eenhede in Augustus is byna 56% meer as wat verlede Augustus verkoop is. Die Suid-Afrikaanse Landboumasjinerie-assosiasie sê vir die jaar tot dusver is verkope nou byna 30% meer as verlede jaar. Daar is 14 stropers in Augustus verkoop, een eenheid meer as die 13 eenhede wat verlede Augustus verkoop is. Vir die jaar tot dusver is stroperverkope byna 25% meer as verlede jaar. – Salma 120 Die Suid-Afrikaanse Pluimveevereniging het gehelp om 120 inspekteurs van die Suid-Afrikaanse Inkomstediens op te lei om hoenderbesendings te kan identifiseer waar invoertariewe deur wan- of onderverklaring ontduik word. In 2018 het Brasilië uitvoer van 5 000 ton meganies ontbeende hoendervleis na Suid-Afrika aangeteken, terwyl laasgenoemde 22 keer so veel aangeteken het. Dié snit kom die land tariefvry binne. –…

MNR. KIRCH MÜLLER,uitvoerende bestuurder van die Zonnebloem-boerdery by Middelburg, is as Mpumalanga se Jongboer van die Jaar aangewys is. Die boerdery verbou mielies, sojabone en droëbone, en het ’n beeskudde van sowat 1 000 grootvee-eenhede. Lees die artikel op bl. 46. VERTEL VAN JOU GESIN. Ek is getroud met Joanene. Ons het drie kinders – Jurgens (10), Jana (3) en Karla (10 maande). HOE ONTSPAN JY? Ek hou van jag en visvang. WATTER RUGBYSPAN ONDERSTEUN JY? Die Haaie.…

DIE wysigingswetsontwerp op gelyke indiensneming is eers op ys nadat daar nie in die nasionale vergadering ’n kworum was om daaroor te stem nie. Verskeie organisasies, insluitend landbou-organisasies, het in skriftelike kommentaar hul kommer uitgespreek oor die mag wat die minister van indiensneming en arbeid gegee word om “kwotas” te stel vir enige ekonomiese sektor. Agri Wes-Kaap het veral kommer uitgespreek oor die uitwerking wat die stel van kwotas vir die landbousektor in die provinsie inhou, aangesien die demografie anders as in die res van die land se provinsies is. Agri SA het as oplossing voorgestel dat sektorale teikens eerder in vennootskap met die ekonomiese sektore gestel moet word en dat die minister bewus moet wees van die werklikhede in die landbousektor en oorweeg wat bereikbaar is en hoe lank…

RCL FOODS se goeie prestasie in sy jongste boekjaar tot einde Junie is veral te danke aan die vertoning van suiker (inkomstegroei van 10,2%), kruideniersware (10,8%) en gebakte goedere (12,6%). “Die rekordprestasie van ons suikerbedrywighede is veral aangevuur deur groter plaaslike verkope, wat vir ons winsgewender is as om onverwerkte suiker uit te voer. Dit is ook danksy ’n bestuurspan wat koste streng en doeltreffend beheer het,” sê mnr. Rob Field, finansiële hoof. Die maatskappy, met handelsname soos Selati-suiker, Yum-grondboonbotter en Bobtail-hondekos, se inkomste het met 14% tot R31,7 miljard verstewig. Sy wesensverdienste van R958,1 miljoen is ’n stewige 736% hoër as in die vorige boekjaar. Volgens Field is dit nog te vroeg om die voordele van die regering se suikermeesterplan in die resultate te sien, maar die doelwit van…

DR. PETER OBEREM, uitvoerende hoof van Afrivet, sê die verwagte nat toestande die komende somer skep die ideale toestande vir parasiete om hul lewensiklusse te voltooi en vinniger te vermenigvuldig. Onderstepoort Biologiese Produkte (OBP) het vroeër bevestig dat hy weens logistieke probleme en onklaar laboratoriumtoerusting agter geraak het met die vervaardiging van sekere diere-entstof. “Ek hoop my kommer oor slenkdalkoors is onnodig, maar boere moet versigtig wees. Hoewel daar ’n klein uitbreking twee jaar gelede was, was daar ’n baie groter een tien jaar gelede. ’n Mens kan daarom nie OBP kwalik neem as hy nie heeltyd entstof teen slenkdalkoors aanhou nie. “Boere moet vooruit beplan vir inenting. As muskiete wat die winter oorleef het, vroeg dié seisoen begin broei, gaan daar derduisende insekte wees wat met elke nuwe geslag…

TALLE struikelblokke hou die Afrika-vryhandelsone (AfCFTA) gyselaar, onder meer ondeurdagte optrede op eie bodem, sê mnr. Donald MacKay, ’n internasionale handelsraadgewer en direkteur van XA International. Die vryhandelsgebied is in 2018 gestig met die doel om handel reg oor die vasteland aan te moedig en só broodnodige ekonomiese groei aan te wakker. Een van die plaaslike struikelblokke is volgens MacKay dat Suid-Afrika op 1 Januarie 2021 sy invoertariefposisie ingevolge die AfCFTA met al die lande in die res van Afrika bekend gemaak het en dit vir Egipte en São Tomé toepas. “Mnr. Ebrahim Patel, minister van handel, nywerheid en mededinging, het nou al sy bedingingsmag in die vryhandelsone prysgegee, want die onderhandelinge oor die ooreenkoms is nog nie afgehandel nie. Egipte kan nou na Suid-Afrika uitvoer teen die verlaagde tarief,…

VERSPREIDER NOU MULTI-NASIONAAL Die biotegnologieverspreider Madumbi Sustainable Agriculture het onlangs met ’n Switserse maatskappy saamgesmelt. Dié Trots Suid-Afrikaanse maatskappy versprei al die afgelope 16 jaar biologiese produkte, en word bestempel as een van die bedryfsleiers. Hy het die afgelope 11 jaar saam met die Switserse maatskappy Andermatt gewerk, en die vennootskap het nou op ’n samesmelting uitgeloop. Volgens me Michelle Lesur, uitvoerende hoof van Madumbi, strek die sinergie tussen Andermatt en Madumbi verder as bloot ’n sakebesluit. “Omdat produsente wêreldwyd aan al hoe meer druk van die kleinhandelsektor en die verbruiker blootgestel is om van die gebruik van chemikalieë afstand te doen, maar steeds topgehalte produkte te produseer, gaan die doeltreffende biologiese alternatiewe vir die probleme ten opsigte van siektes en plae in die toekoms ál belangriker word. Ons is…

Geopolitieke ontleders wys toenemend daarop dat die magsbalans in die wêreld besig is om na China te verskuif. Party is selfs van mening dat China binne die volgende vyf jaar die dominante wêreldmoondheid gaan wees. Saam hiermee is China nou die wêreld se grootste invoerder van landbouprodukte. Hy het die Europese Unie (EU) verbygesteek, veral wat basiese landboukommoditeite betref. China konsentreer daarop om self soveel as moontlik arbeidsintensiewe produkte wat op klein oppervlaktes verbou kan word, te produseer, en die res word ingevoer. Die binnelandse vraag in China verander namate bevolkingsgroei verstadig, verstedeliking toeneem en lewenstandaarde styg, maar voedselveiligheid raak ál belangriker. Die Chinese dieet skuif toenemend na vleis en suiwel (wat voergraanmarkte beïnvloed) en verwerkte voedselprodukte. Die afgelope twintig jaar het die verbruik per capita van hoendervleis byvoorbeeld met…

Die beginsel van ’n wêreldwye waardeketting is nuttig om te verduidelik hoe produksie georganiseer word; hoe verhandelinge primêre sektore en verwerkers en kleinhandelaars bymekaar bring; hoe produksiemiddele met vervaardigers verbind word; en hoe dit uiteindelik ekonomiese waarde vir ál die aaneengeskakeldes teweeg bring. Die landbouwaardeketting verteenwoordig die volle omvang van bedrywighede wat die verskillende belanghebbendes uitvoer om landbouprodukte tot by die finale verbruikers te bring. Dit sluit in bedrywighede en insette wat nodig is om die primêre produkte te produseer, asook dit wat nodig is om die produkte in eetbare voedsel en drabare klerasie te verwerk. Die tradisionele opvatting van die internasionale handel van landbouprodukte is dat dit die somtotaal is van die produkte wat elke land vir eie gebruik produseer óf direk na ’n finale verbruiker uitvoer. Hervormings aan…

Terwyl jaghonde in sekere dele van Suid-Afrika bloot ingespan word as ’n manier om vleis te bekom, dikwels onwettig op private grond, beskou baie mense jag met honde as deel van hul kultuurerfenis. In KwaZulu-Natal en die Oos-Kaap was ’n span jaghonde nog altyd so deel van die Zoeloe- of Xhosajagter se wapenrusting as wat ’n Mauser-of Lee-Enfield-geweer deel van ’n biltongjagter s’n is. “Ons respekteer hierdie jagkultuur wat al eeue lank op kommunale grond onder die toesig van plaaslike tradisionele leiers geskied,” sê me. Sandy La Marque, uitvoerende hoof van Kwanalu. Boere het ook begrip daarvoor dat prooi tydens só ’n tradisionele jagtog soms die grense na private grond oorsteek en dat honde wat warm op die spoor is, hulle dan min aan heinings steur. Die probleem is dat…

Markkrag is die vermoë van ’n besigheid of groep besighede om pryse vas te stel op ’n hoër vlak as wat tydens normale mededinging sou geld. In ’n onlangse verslag waarsku die Internasionale Monetêre Fonds (IMF) dat dominante maatskappye se markkrag toeneem en dat dit die herstel van die wêreldekonomie aan bande kan lê. Die IMF se navorsing dui daarop dat stygende markkragte mediumtermyngroei kan beperk en beleggings terughou. Sedert 1980 het pryse onder genoteerde maatskappye in die ontwikkelde lande met meer as 30% gestyg. Daar is tekens dat die dominante maatskappye so goed ingegrawe is dat hulle dominant gaan bly. Hoewel samesmeltings tussen en oornames deur dominante maatskappye tot kostebesparings kan lei, beperk dit vernuwing en versterk dit die dominante maatskappye se vermoë om hoër pryse te hef. IMF-studies…

■ Sout en varsgemaalde swartpeper na smaak Roosterkoeke: Meng die meel, gis, sout en suiker in ’n groot bak. Meng die water en olie saam. Voeg die watermengsel geleidelik by die droë bestanddele terwyl jy meng, net genoeg om ’n sagte deeg te vorm. Knie die deeg baie goed, vir ten minste 10-15 minute tot dit glad en elasties is. Bedek die bak met ’n teedoek en laat staan op ’n warm plek om te rys tot die deeg in volume verdubbel het. Knie die deeg af en verdeel in 10-12 ewe groot porsies. Rol elke stuk deeg tussen jou hande in ’n langwerpige vorm (soos ’n lang broodrolletjie). Pak die gevormde stukke deeg op ’n gesmeerde bakplaat, bedek losweg en laat weer rys terwyl jy vuur maak. Braai die…

Die opskrif van vandag se gesprek wil ons lei na ’n uiters belangrike vraag, naamlik: Kan ’n mens die waarheid verkeerd aanwend? Kan daar ’n situasie ontstaan waar dit verstandig kan wees as jy swyg oor die waarheid? Kom ons begin by die maklike deel van die antwoord deur te sê dat die waarheid altyd ’n dienende en helende doel moet nastreef. Is dit byvoorbeeld moontlik dat ’n leuen in diens kan staan van die waarheid? Hoor ek iemand sê: Nee, nee, beslis nie! Wel, ek gaan jou dalk skok, maar persoonlik sal ek wel ’n leuen aanwend as ek ’n onskuldige persoon se lewe kan red en dit die laaste uitweg is. Eintlik beskou ek dit nie as ’n leuen nie. Dit is ’n misleiding waarmee ek dan die…

COVID-19 BELEMMER VERGELYKINGS Grondtransaksies groter as 10 ha vir die 12 maande vanaf verlede Augustus tot Julie vanjaar in Limpopo, Gauteng en KwaZulu-Natal word in die tabel aangetoon. Vergelykende statistieke vir al die provinsies is bemoeilik vanweë die sluiting van die aktekantore tydens die covid-19-inperkingstyd. Altesame 506 ooreenkomste is in 12 distrikte in Limpopo gesluit. In dié proses is 169 383 ha teen R3,024 miljard verhandel. By 33% van die distrikte in die provinsie is ’n verbetering in grondpryse opmerklik. Pryse het veral by Burgers-fort (15,8%), Dendron (14%) en Thabazimbi (8,1%) gestyg. In Gauteng was daar 397 transaksies en altesame 56 129 ha is teen R1,876 miljard verhandel. By Nigel het pryse met 10% gestyg. In KwaZulu-Natal was daar 285 transaksies in 13 distrikte. Altesaam 77 294 ha is teen…

‘Hierdie wet word eenvoudig nie nagekom nie.’ MNR. ERIC STOCH, voorsitter van die Noordwes-sambreelbrandbeskermingsvereniging (NWUFPA), oor staats- en semistaatsinstellings wat nie brandwetgewing nakom nie, terwyl boere beboet word. Bl. 16 ‘Hul kontantvloei is deur die beperkings verlam.’ MNR. ANGUS WILLIAMSON van die Rooivleisprodusente-organisasie oor boere se verligting oor die kleiner bek-en-klouseersiektebestuursgebied. Bl. 14 ‘Dit is ’n stomp stuk gereedskap wat die minister van indiensneming en arbeid onverskillig gebruik om die arbeidsmag te vervorm om die rasbehepte regerende party tevrede te hou.’ DR. MICHAEL CARDO van die DA oor die wysigingswetsontwerp op gelyke indiensneming. Bl. 18 ‘Ons het nege jaar om omgewingsvriendeliker landbouchemikalieë te ontwikkel.’ DR. SCHALK SCHOEMAN, navorser van die Suid-Afrikaanse Makadamiakwekersvereniging, oor die EU se groen plan. Bl. 29 ‘Die korruptes in die ANC het gesien hoe die vangnet…

Daar is oorgenoeg slegte nuus. Op die radio, in koerante, op webwerwe en WhatsApp. Elke dag is daar iets nuuts om oor neerslagtig te raak. (Dit help ook natuurlik nie wanneer Pollie ’n afdag het en die Bokke die knie teen die Wallabies moet buig nie!). In werklikheid is ons omring deur optimisme. Dis absoluut oral. Elke besigheid wat nog sake doen, van die kleinste spazawinkeltjie tot die grootste uitvoerplaas, is ’n voorbeeld van Suid-Afrikaners wat elke dag ons land ’n beter plek maak. Hulle skep welvaart, betaal belasting en neem mense in diens. Meestal onder bykans onmoontlike omstandighede, gereeld ondanks onoorkombare terugslae. Hulle bly staande, soos ’n wafferse Bruce Willis wat ongeërg uit ’n brandende gebou stap, ondanks elke denkbare poging om hom van kant te maak. Só gebeur…

’n Boer van die Laeveld wat lemoenwyn volgens sy eie besonderse resep maak, kan nie voorbly om in die vraag na sy produk te voorsien nie, al mag hy hierdie drank nie as “wyn” bemark nie. “Almal drink dit as wyn, en die produk verkoop homself,” sê mnr. K.K. Röttcher van die plaas Heidelberg by Witrivier. Hy maak al sedert 1958 wyn van lemoensap. Hy het al 48 000 gelling (181 700 liter) van hierdie drank in een jaar gemaak, maar sy gemiddelde produksie is sowat 30 000 gelling (113 562 liter). Hoewel hy sy produk nie adverteer nie, kon hy nog nooit werklik voorbly om in die vraag daarna te voorsien nie. Röttcher produseer nie self die lemoensap wat hy gebruik nie, maar het ’n kontrak met ’n bekende…

BEL ANGHEBBENDES in Kwa-Zulu-Natal en die Suid-Afrikaanse rooivleiswaardekettings het hul verligting uitgespreek oor die regering se besluit om die provinsie se tydelike siektebestuursgebied aansienlik te verklein. Dié beperkings is einde Mei ingestel om die uitbreking van bek-enklouseer daar te bekamp. Luidens die afkondiging in die Staatskoerant op 7 September deur me. Thoko Didiza, minister van landbou, grondhervorming en landelike ontwikkeling, sluit die verkleinde bestuursgebied nou gedeeltes van die plaaslike munisipaliteite van Pongola, Groot Vyf Hlabisa en uMhlathuze, die hele Hluhluwe-Imfolozipark, en die hele plaaslike munisipaliteite van Nongoma, Mtubatuba en Mfolozi in. Die munisipale gebiede van Umhlabuyalingana, Jozini, eDumbe, Abaqulusi, Nkandla, Mthonjaneni en uMlalazi is nou vrygestel van die bestuursgebied se bek-en-klouseerverwante beperkings op die beweging van diere. Mnr. Gerhard Schutte, uitvoerende hoof van die Rooivleisprodusente-organisasie (RPO), het die verkleining van…

DIE gewelddadige protes en plundery in Julie in Gauteng en KwaZulu-Natal was nie ’n eenmalige gebeurtenis nie. Dit was ’n massiewe aanslag op demokrasie waarvan die gevolge nog lank gevoel gaan word, het die oudredakteur en politieke ontleder mnr. Justice Malala gesê. Hy was ’n sleutelspreker op die vereniging van veevoervervaardigers (Afma) se jaarkongres wat vanjaar aanlyn gehou is. Dié gevolge gaan nie net polities gevoel word nie, maar ook ekonomies, met beleggers wat baie bekommerd toegekyk het hoe meer as R50 miljard se skade aangerig is terwyl die polisie aanvanklik nêrens te siene was nie. “Daar is 50 000 gewone mense, mense soos informele handelaars of eienaars van klein ondernemings, wat deur daardie week se gebeure geraak is. Meer as 150 000 werkgeleenthede is in gevaar en mense is…

DIE landbou-ekonomie het volgens Statistieke SA in die tweede kwartaal van vanjaar met 6,2% gegroei. Dit verteenwoordig ’n bydrae van 0,2% tot die bruto binnelandse produk (BBP), sê mnr. Paul Makube, senior ekonoom van FNB Agribesigheid. Die ekonomie in geheel het met 1,2% gegroei, vergeleke met 1% in die eerste kwartaal. Makube sê die landbousektor het veerkragtig gebly en ’n groot bydrae gelewer danksy groot somergraan- en oliesaadopbrengste, goeie kommoditeitspryse, vertroue in landboubesighede en uitvoer. Nog ’n goeie landboujaar lê voor as onlangse weervoorspellings van nog ’n La Niñajaar in die somer werklikheid word. “Dit, tesame met relatief sterk kommoditeitspryse ten spyte van druk op insetkoste, behoort Suid-Afrika van nog ’n goeie landboujaar te verseker, asook goeie nuus oor inflasie.” Mnr. Kulani Siweya, landbou-ekonoom van Agri SA, sê ’n toename…

DIE PALS-projek vir grondhervorming wat in die Witzenbergdistrik ontstaan het, brei sy suksesresep na die res van Suid-Afrika uit. Me. Lien Visagie, voorsitter van Witzenberg-PALS, het in haar voorsittersverslag op die organisasie se jaarvergadering gesê hulle is dankbaar oor die goeie vordering wat hulle met uitbreiding van die projek in die Wes-Kaap, Vrystaat, Mpumalanga en Noordwes gemaak het. “Ons moet egter vinniger beweeg en harder werk. Ons moet seker maak dat die beproefde PALS-metode van volhoubare landboubesighede op soliede sake- en regsfondamente vestig.” PALS se streeksentrums en die organisasie se benadering om van die grondvlak af op te werk, het op ’n praktiese vlak getoon wat bereik kan word as swart en wit boere, gemeenskappe en ander belanghebbendes saamwerk om inklusiewe groei, werkskepping en maatskaplike samehorigheid te bereik. PALS is…

1 NIGERIË| Grond vir landbou toegeken Die staat Nasarawa het meer as 270 000 ha vir suiwer kommersiële landbou geoormerk om deur die Afrika-vryhandelsgebied (AfCFTA) buitelandse geld te kan verdien. Dr. Abdulkarim Kana, prokureur-generaal en justisiekommissaris van Nasarawa, sê die Dangote-groep het reeds 70 000 ha geneem, Flour Mills of Nigeria 20 000 ha, Olam Farm 9 000 ha en Azman 14 000 ha. Hy is optimisties dat die waardeketting van landboubedrywighede op die geoormerkte 270 000 ha minstens 100 000 werkgeleenthede vir jong mense sal skep. — This Day 1 BOTSWANA Voëlgriep bring beperkings Die departement van landbou het die beweging van lewende pluimvee en pluimveeprodukte (vars vleis, eiers en vere) in en vanuit die Bokaa-gebied in die Kgatleng-distrik verbied weens ’n vermoedelike uitbreking van voëlgriep. Lewende…

DRAAKVRUGBEDRYF VERENIG Draakvrugprodusente van ses provinsies in Suid-Afrika en een van Zambië het die Suider-Afrikaanse draakvrugkwekersvereniging gestig. Volgens mnr. CT van der Mer-we, een van die direksielede en uitvoerende hoof van die AL3-boer-dery, is navorsing oor kultivars en produksie ’n voorrangsaak vir die vereniging. “Die draakvrugbedryf is vol geleenthede. Dit is ’n gesonde, aantreklike en smaaklike vrug en die mark daarvoor plaaslik en internasionaal is tans nog grotendeels onontgin. Die grootste probleem is die smaakloosheid van sommige van die vrugte. Die identifikasie en standaardisering van kultivars is dus van die oogmerke van die vereniging.” Navorsing gaan ook gewy word aan die produksiegebiede waar draakvrugte suksesvol verbou kan word, asook die beste produksiepraktyke. “Dit is ons mikpunt om die beste vrugte teen lae koste te produseer om ’n puik produk teen…

Die eerste opsie om ’n plaas aan ’n kind oor te dra, is om dit aan hom of haar te verkoop. Dit is ’n baie seker opsie vir die kind, want sodra die plaas oorgedra is, is hy of sy die nuwe eienaar. Die koop kan gefinansier word by wyse van ’n leningsrekening van die ouer aan die kind. Die volgende belastingimplikasies is van toepassing: ■ Hereregte en BTW. Hereregte is betaalbaar tensy die plaas as ’n lopende saak oorgedra kan word ná ’n skriftelike ooreenkoms tussen die koper en die verkoper, op voorwaarde dat albei vir BTW geregistreer is. In so ’n geval sal BTW teen ’n nulkoers van toepassing wees. ■ Kapitaalwinsbelasting. Die transaksie is ’n beskikking vir die doeleindes van kapitaalwinsbelasting (KWB). Die belasting op die wins…

TOEGANG tot infrastruktuur en markte bly van die grootste probleme vir beesboere in die voormalige Transkei. Nou ontsluit ’n voerkraal by KwaHolela in Centane naby Butterworth nuwe ekonomiese geleenthede vir hulle. Die Transkei-voerkraal is in Augustus geopen en is die eerste projek in sy soort in die gebied. Dit is van stapel gestuur deur die Beefmaster-groep, met die samewerking van die tradisionele leierskap van Centane en die sakevrou me. Gloria Serobe. Nedbank het finansiële bystand verleen. Die projek word gesamentlik besit deur die KwaDrabo-trust (wat Serobe tot stand gebring het) en Lingelihle a Coup, ’n inisiatief van die tradisionele leierskap van Centane. “Veeboere van Centane, Mnquma en die hele Amathole-distrik sal voordeel trek sodat hulle volhoubaar in beeste kan handel dryf,” sê Serobe. By die opening van die voerkraal het…

Wie is jou mentor in die landbou? Die hoofaandeelhouer van Zonnebloem-boerdery, mnr. Gideon Anderson. Ek het alles wat ek van die landbou in die praktyk weet, by hom geleer. Waar het jy gestudeer? Ek het landboubestuur aan Unisa gestudeer. Watter tegnologie is vir jou onmisbaar? My selfoon. Dit is my direkte en onmiddellike skakel met die weerburo, die graanmarkte, insetverskaffers en wie weet wat nog alles. Dit is ook baie belangrik om met almal in die omgewing in verbinding te wees vir plaasveiligheid. Raad vir ander jong boere? Beplan, beplan, beplan – alles van jou dagtake tot die week, maand en jaar vooruit. As jy enige plek met enigiets kon boer, wat en waar sal dit wees? Saaiboerdery, op enige plek met goeie grond en goeie reënval. Wat was jou…

■ “Ek was verbaas met die teruggroeivermoë. Elke keer as ek dink ’n kamp is opgevreet, kom die Barkant-knolraap weer terug. Ek het uit sekere kampe drie weidings gekry.” Boer, Humansdorp ■ “Met die koue winter het ek een week vir drie dae elke oggend ryp gekry. Ek kon nie glo dat die Barcolivoerraapplante groen gebly en nie gevrek het nie.” Boer, Tsitsikamma ■ “Ek was verstom om die grootte van die voerradysknolle te sien en hoe die koeie dit gevreet het, asof dit ’n stuk koek was.” Boer, Cradock-omgewing…

Prys op aanvraag STUIT WEGHOLBRANDE Om ver genoeg voor potensieel verwoestende wegholveldbrande te kom en voldoende hulpbronne, veral water en toedieningstelsels, te hê om dit te stuit, is ’n groot probleem vir grondeienaars reg oor Suid-Afrika. Brandbestrydingspanne werk boonop dikwels in groot gevaar. Hierdie risiko’s kan aansienlik verminder word met die produk Fireblock Agri van Advanced Polymers. Dit is ’n nie-giftige brandvertrager wat in ’n maklik vervoerbare en mengbare poeiervorm beskikbaar is. Dit word verkoop in ’n 100 g-sakkie wat in 20 liter water gemeng word en ’n 2,5 kg-sak om in 600 liter water te meng. Anders as ander brandvertragers wat gewoonlik werk deur suurstof uit brande te verwyder, werk Fireblock Agri deur vlamme binne te dring en hul hitte te verwyder. Terwyl hulle ’n wegholbrand bestry, kan een…

Die naam Anthony Evans is wyd bekend in die landbou – hy was immers een van die merkwaardigste boere in Suid-Afrika en die Rhys Evans-groep een van die voorste boerderye in die land. Terwyl Anthony sy kleim in die landbou afgepen het, het sy ewe indrukwekkende vrou, Jane, naam gemaak in onderwyskringe, veral in die veld van vroeë kinderontwikkeling. Die egpaar was ’n gedugte span – Anthony ’n Rhodes-genoot wat onder meer aan Oxford studeer het, en Jane ’n oudjoernalis wat verantwoordelik was vir die vroueblad in die koerant The Rand Daily Mail. Saam het die twee gesorg vir baie maatskaplike en ander vooruitgang in die Viljoenskroon-omgewing, waar rassisme in die 1970’s hoogty gevier het. Jane se memoir het onlangs die lig gesien by Jonathan Ball-uitgewers (ná sy sowat tien…

GAUTENG NIGEL FINAALSPAN (114), 40 ha, aan metropolitaanse munisipaliteit Ekurhuleni,vanFourFalcon Crest BK, R40 000 000. PRETORIA BOVENEIND GROENFONTEIN (126), 21 ha, aan Sleep-Time Solutions BK, van G. Grimbeek en U. Grimbeek, R2 700 000. DOORNKRAAL (420), 44 ha, aan Loninix (Edms.) Bpk., van Pacesetter Consulting & Advisory (Edms.) Bpk., R1 250 000. HARTBEESTFONTEIN (240), 204 ha, aan K2021536699 SA, (Edms.) Bpk., van Morubisi Technologies (Edms.) Bpk., R4 700000. KWAZULU-NATAL PIETERMARITZBURG MIDDLEDRIFT(1098),21ha, aanJ.R.Ireland,vanW.S.Fairley, R1000000. UTRECHT AANGELEGEN(293),76ha, DAGERAAD(49),661ha, KROMELLEBOOG(17094), 521ha,LANGVERWACHT (383),639ha,enSCHURVEKLIP(387),428ha,aan JVB-boerdery(Edms.)Bpk., vanJ.V.Burgers,R24748052. LIMPOPO ALLDAYS BEAUFORT (681), 640 ha, en SERINGKRAAL (680), 658 ha, aan Zanna-trust, van Tony Zanna-familietrust, R5 800 000. BOSWORTH (406), 119 ha, en GRONINGEN (405), 638 ha, aan Lucern-trust, van Farmpro BK, R25 000 000. MIDDELFONTEIN (673), 870 ha, aan Grootbomen Eiendomme (Edms.) Bpk., van Middelfontein Panorama (Edms.)…

VEILING VAN DIE WEEK BOTHAVILLE / ANGUS / R95 000 ’n Rekordprys vir ’n dragtige Angus-vers is op die produksieveiling van Angus Alliance op die plaas Vanwyksrust, Bothaville, betaal. Die vers (foto) is deur die JM Steyn-boerdery van Bothaville vir R95 000 aan me. Izelle van Rooyen (Borderland Cattle Co) van Marquard verkoop. Die duurste bul van mnr. Loutjie en me. Wilru Campher (Loumotta Angus), Ventersdorp, is teen R200 000 aan mnr. Anton Pelser (Astro-boerdery) van Hendrina verkoop. Bulle het gemiddeld R77 096 behaal, stoetkoeie met kalwers gemiddeld R36 000, dragtige stoetkoeie gemiddeld R28 000 en dragtige stoetverse gemiddeld R51 285. André Kock & Seun het die veiling aangebied. DEWETSDORP / BONSMARA / R200 000 Die Bonsmara-stoetery Hanzyl het ná 25 jaar sy eerste eie produksieveiling op die plaas Struisfontein,…

AFRISIM STERK VRAAG NA VROULIKE DIERE Daar is ’n sterk vraag na vroulike diere van die Afrisim-ras danksy hul goeie moedereienskappe. Nie-dragtige verse (twee jaar oud) van kommersiële telers word teen gemiddeld sowat R15 000 verhandel. Kommersiële bulle behaal tot R40 000. Dr. Hentie Jansen van Rensburg van die Afrisim-stoetery Demeter op die plaas Klipkop, Leeudoringstad, sê hy het nie enige van sy vervangingsverse vanjaar bemark nie aangesien hy in ’n kuddeboufase is omdat hy sy beesboerdery uitbrei. Jansen van Rensburg is tans die Afrikaner-beestelergenootskap se enigste geregistreerde Afrisim-stoetteler. Hy kon egter weens praktiese en gesondheidsprobleme nie aan die genootskap se nasionale veiling op 27 Augustus vanjaar deelneem nie. Sy Afrisim-bul JVR 18-64 was die genootskap se kandidaat wat aan die 2021-prestasietoetsklas van SA Stamboek en Vleissentraal deelgeneem het. Hy…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in die Landboukalender. Stuur die besonderhede aan lbw@landbou.com KONFERENSIES 13-16 OKTOBER: Conexpo Africa 2021, Johannesburg. Werktuie, voertuie en produksiemiddele vir die landbou-, bosbou-, mynbouen boubedryf in Afrika suid van die Sahara. Web: www.bcafrica. com, e-pos: info@mm-sa.com, 011 476 8093. 28-29 OKTOBER: Vierde Nywerheidsrevolusie Agritech-konferensie, Protea-hotel, Stellenbosch, asook aanlyn. Mathema-konferensies en opleiding. Tel. 011 862 4001, e-pos: info@mathematraining.co.za KONGRESSE 28-29 OKTOBER: SA Vrouelandbou-unie, St. Georges-hotel, Pretoria. Die SA VLU is op 28 Oktober 90 jaar oud en die verjaardagvieringe val saam met die driejaarlikse kongres. Die tema vir die jaar en vir die kongres is “Eer die verlede, vier die hede en omhels die toekoms”. E-pos: president@savlu.co.za VERGADERINGS 6 OKTOBER: Namibiese Landbouunie, streekvergadering, Keetmanshoop.…