Indholdsfortegnelse for 21 Oct 2021 i Landbouweekblad

CLAUDE CLOETE REG OOR MAKSIMUM WINS Die artikel “Is dit ’n sake-onderneming of ’n talentkompetisie? (L BW , 19 Augustus 2021, bl. 48) deur Claude Cloete het betrekking. Ek wil hom geluk wens met ’n goed deurdagte beskrywing van die begrip “maksimum wins”, wat tog die hoofrede vir die bestaan (en voortbestaan) van enige boerdery is. Hy maak op ’n behendige wyse gebruik van ’n grafiek wat die biologiese en ekonomiese wet van “dalende-meer-opbrengs” (of “afnemende opbrengs”) uitstekend beskryf. In sy artikel onderstreep hy drie modusse, naamlik oorlewingsmodus, prestasiemodus en produksiemodus, wat baie mooi verduidelik waar die punt van maksimum wins is om by te boer. Dan maak Cloete ook ’n uiters belangrike punt as hy verklaar dat koste ’n belangrike bepaler van wins is, en dat dit aansienlik makliker…

Liefde vir die grond is seker dié eienskap wat alle vrywillige boere op aarde gemeen het. Dit vind neerslag in grondbewaring. Grondbewaring is soos die spreekwoordelike brood op die water, sê die bodembewaarder mnr. Charles Rubidge van die Karoo. Hy meen hy het die resep wat sal voorkom dat die Oranjeskema toeslik. Deur slikbelade, donga-agtige, steriele vleie te omskep in sowat 180 ha droëlandlusern en ’n dam te bou wat na berekening in 5 000 jaar nie sal toeslik nie (waarskynlik die grootste private dam op ’n plaas in Suid-Afrika) en daaruit net soveel hektaar te besproei, kan Rubidge en sy seun, Fred, 5 000 kleinvee-eenhede op ’n plaas van 8 000 morg (6 854 ha) aanhou. Hul plaas, Zoetvlei, so ’n rapsie meer as 30 km van Richmond, was…

Die Land Bank ondervind sedert April 2020 likiditeitsprobleme en aanvaar nie nuwe kliënte nie. Landboufinansiering is voorheen deur ’n aantal landboumaatskappye as deel van ’n diensvlakooreenkoms met die Land Bank gelewer. Hierdie samewerking word beëindig en die bestaande kliënte word in briewe deur die Land Bank ingelig dat hy voortaan self as verhoudingsbestuurder sal optree. In die briewe erken die bank sy likiditeitskrisis. “Gegewe die deurlopende likiditeitskwessies is die bank nie by magte om die beskikbaarheid van geld soos en wanneer u dit nodig het, te waarborg nie. Die bank beoordeel tans die heruitgee van voorskotte aan bestaande kliënte vir hul produksiebehoeftes,” lui die brief. Die Land Bank het teen druktyd nie op Landbouweekblad se navrae gereageer nie. Mnr. Christo van der Rheede, uitvoerende direkteur van Agri SA, sê in…

IN die lig van ’n rekordsojaboonoes, hoë opbrengste, goeie pryse en belowende planttoestande wil baie graanboere hul sojaproduksie in die komende seisoen uitbrei. Dit het tot ’n tekort aan sojaboonsaad begin lei. Mnr. Jannie Botma, ’n boer van Bothaville en ondervoorsitter van die forum vir sonneblomsaad en sojabone, skat die tekort in dele van die Vrystaat en Noordwes op 10% tot 15%. Hy het op ’n vergadering van die forum gesê dit was nog altyd moeilik vir die saadmaatskappye om te bepaal hoeveel voorraad hulle moet dra, maar hy glo hulle sal in die toekoms meer voorbereid wees op ’n groter vraag. Mnr. Corné Louw, senior ekonoom by Graan SA, beaam die tekorte. “Al die saad is omtrent uitverkoop, selfs nadat ekstra ingevoer is. Selfs die saad wat maatskappye vir…

DIE polisie in Morgenzon, Mpumalanga, ondersoek ’n klag van bedrog nadat ’n adverteerder in Landbouweekb l a d klaarblyklik spoorloos verdwyn het nadat hy meer as R100 000 van ’n voornemende koper ontvang het vir ’n staalskuur wat hy geadverteer het. Mnr. Julian Muller, ’n boer van Morgenzon, het op 30 September die advertensie in Landbouweekblad onder die naam van Bezuidenhout Game Safari gesien, wat onder meer twee staalskure en rolle veldspandraad met sparre en pale geadverteer het. Daar was ’n kantoornommer en drie mense se selfoonnommers by wie navraag gedoen kon word. Hy het op Vrydag 1 Oktober met ene Johan Bezuidenhout gepraat en gereël om die een skuur vir R103 500 te koop. Muller het die geld oorbetaal ná Bezuidenhout ’n faktuur en ander dokumentasie aangestuur het. ‘BAIE…

DIT maak vir hom nie sin dat me. Barbara Creecy, minister van omgewingsake, bosbou en visserye, appelleer teen die onlangse hooggeregshofbeslissing in die guns van die federasie van Suider-Afrikaanse vlieghengelaars (Fosaf) nie, sê mnr. Ilan Lax, voorsitter van Fosaf. Regter AJ Vorster het Fosaf onlangs in die Gautengse hooggeregshof gelyk gegee dat Creecy se departement nie die regte stappe gedoen het soos die wet vereis om sekere spesies tot indringers te verklaar nie. Vorster het bevind die departement het nie genoeg inligting beskikbaar gestel nie en dat dit Suid-Afrikaners van hul reg op betekenisvolle deelname in die wetgewende proses ontneem het. Lax glo Creecy se appèl berus op presies dieselfde argumente wat haar voorganger, me. Edna Molewa, aangevoer het in haar appèl teen mnr. Johan Kruger en ander se suksesvolle…

BETER landboutoest ande het tot beter prestasie in ’n groot deel van Zeder Investments se portefeulje gelei. Danksy verwagte voortgesette goeie toestande lyk die vooruitsigte vir dié maatskappy, wat in landboubesigheid belê, ook goed, het mnr. Johann le Roux, uitvoerende hoof, met die bekendmaking van die groep se resultate vir die ses maande tot einde Augustus gesê. Die goeie toestande beteken dat daar op kort termyn ’n gunstige vraag na landbouproduksiemiddele en kommoditeite sal wees. Boere kan wel onder groter druk wees weens hoër pryse vir kunsmis, brandstof en ander produksiemiddele. Zeder se portefeuljemaatskappye word nog geraak deur voortslepende covid-19-verwante voorsieningskettingprobleme, soos hoër verskepingskoste en ’n tekort aan skeepshouers. Die bestuur pak dié probleme voorkomend aan en dit sal hopelik teen die komende tafeldruifseisoen grootliks uitgestryk wees. Nadat Zeder sy…

Boere gebruik trusts om verskeie redes, wat wissel van beskerming teen insolvensie en egskeiding, die vaspen van die groei van die boer se boedel, om erflatings te bemaak aan ’n trust en moontlik om eksekuteursgeld, boedelbelasting en kapitaalwinsbelasting te bespaar as die boer sterf. Dit gebeur gereeld dat die trust alle bates besit, wat tot groot voordeel is as ’n boer tot sterwe kom en dit wel ’n diskresionêre trust is. Die vraag wat baie boere steeds het, is hoe hierdie trust se bates verdeel word tussen die trustbegunstigdes wat die erfgename is. Dié vraag gaan aan die hand van ’n praktiese voorbeeld bespreek word. Mnr. X is getroud met Mev. X. Hulle het twee meerderjarige seuns, A en B. Die diskresionêre familietrust, Trust X, besit alle roerende boerderybates, soos…

Mnr. Attie Scholtz, ’n bekroonde besproeiingsboer naby Douglas, sê die organiese prosesse wat gevolg moet word om organies gesertifiseer te word, sal nie deug in ’n konvensionele boerdery wat grootmaatprodukte kommersieel moet bemark nie. Die opbrengs verskil te veel. “Organiese boerdery bedien ’n nismark, wat ek nie doen nie. Hoewel talle kommersiële boere deesdae meer biologiese prosesse volg, kan ek nie bekostig om produksie ter wille van organiese beginsels in te boet nie. Toe kunsmis so duur geraak het, het ek hoendermis en gips op my landerye gegooi. Ek kon aan die beter mielieen koringoeste sien dat my grond en pH-balans gesonder is. Selfs die erdwurms het teruggekeer. Jy moet die grondorganismes aanhelp en die grond gesond hou deur dieremis en ander misstowwe te gebruik. “Dit is egter baie moeilik…

Wat die organiese materiaal-inhoud van grond betref, is dit belangrik om te onderskei tussen organiese materiaal en organiese koolstof. Analitiese laboratoriums meet die organiese koolstof- (C-) inhoud van grond. Hierdie meting word gegee as óf die % organiese koolstof in die grond óf, ná omsetting, die % organiese materiaal in die grond. Die benaderde omsetting van C na organiese materiaal is soos volg: Organiese materiaal = organiese C x 2 (Tot onlangs was die omsettingsfaktor 1,72, maar nuwe navorsing toon ’n syfer van 2 is akkurater.) Baie belangrik is dat humus en organiese materiaal nie dieselfde ding is nie. Humus verwys nét na die goed ontbinde komponent van organiese materiaal, wat gewoonlik 60-80% van die totale organiese materiaal aanwesig, uitmaak.…

Trogspieëls, gekombineerde sonpaneeltrogspieëls en stelselbatterye word in hierdie voorlaaste aflewering van Landbouweekblad se reeks artikels oor sonkrag bespreek. Die artikels word geskryf deur mnr. Faan van Niekerk, ’n mynbou-ingenieur wat eers geboer het, daarna in die sitrusen-mango-vrugteverpakkingsbedryf betrokke was, later verskeie landbou- en bosbouprojekte in Mosambiek behartig het en hom tans toespits op die ontwikkeling van alternatiewe energieoplossings vir die boerderybedryf, asook sonkragstelsels. Hy word bygestaan deur dr. Gerhard Human, ’n professionele, elektriese ingenieur wat tans as raadgewende ingenieur in hernubare energie werk. Voorheen was Human by Eskom-distribusie betrokke, het beheerstelsels by M-Tech ontwerp en was by die Noordwes-Universiteit met die ontwerp van hernubare energiestelsels gemoeid.…

ORGANIESE KUNSMIS UIT BOTSWANA ’n Maatskappy wat organiese kunsmis in Gaborone, Botswana, vervaardig, wil met sy produkte die grond verbeter én beter vir die omgewing sorg. Organic Fertilizer Manufacturers Botswana (OFMB) meen die verhoging van organiese materiaalinhoud lei tot voordele soos verminderde bewerking, hoër produksie, beter verskansing teen droogtes en minder reënwater wat wegvloei. OFMB verskaf organies verrykte bemesting, gebou rondom organiese korrels vir beter benutting van die chemiese komponent, en biobemesting, ’n stof wat lewende mikro-organismes bevat. Dié kunsmis sorg onder meer vir ’n gebalanseerde vrystelling van plantvoedingstowwe en bevorder wortelontwikkeling en die grond se biologiese aktiwiteite, en onderdruk sekere plantsiektes en parasiete. Die produk word ook na Namibië, Angola, die Demokratiese Republiek van die Kongo, Zambië en Zimbabwe uitgevoer. In Suid-Afrika, Lesotho en Eswatini is TCM (The Cement…

VANJAAR se Groei vir Goudkompetisie wat deur Graan SA aangebied is, het weer rekordopbrengste opgelewer. Dr. Pieter Taljaard, hoofbestuurder van Graan SA, sê dit is ’n groot voorreg om die geleentheid aan te bied en uitstekende prestasies deur graanprodusente te vier. “Ons is in die bevoorregte posisie dat ons ’n bydrae tot voedselsekerheid nie net in Suid-Afrika nie, maar ook in sy buurlande kan lewer. Die sleutel by Graan SA is om seker te maak dat ons lede winsgewend sal kan voortboer. “Ons weet dat ons staatsondersteuning ook nodig het om dit te verseker, terwyl die probleme groot bly. Ek wil boere aanmoedig om voort te gaan om met hul medeboere en insetverskaffers te skakel. “Ek hoop dat ons in die toekoms die kompetisie nog meer sal uitbrei.” Vanjaar het…

A land restitution claim awarded to the Mninwa Community Property Association (CPA) in the small farming town of Bethal in Mpumalanga opened a window of opportunity for Sipho Mthimunye, who quickly grabbed the opportunity to farm. After completing his studies with the Southern African Institute of Welding in Johannesburg in 2004, Sipho had worked for companies like Sasol, Group Five and Steinmüller. Raised in Bethal, he was employed as a quality control officer when he started part-time, small-scale farming on this communal land in 2011. “My dad ran a small herd of cattle in the township that I looked after. After I started working in 2005, I began to buy my own cattle and I ran them on the same land,” says Sipho. When the Mninwa CPA took over the…

All the farmers on Sernick’s programme follow a standard plan for animal health and nutrition. The greatest challenge is tick-borne diseases. Patrick says they seldom lose animals to diseases such as botulism, anthrax, lumpy skin and Rift Valley fever because they apply the principle that prevention is better than cure. “We have a strict vaccination protocol that everyone has to follow,” he explains. Brucellosis (contagious abortion), which is fairly common in the Free State, is a big problem. “We teach our farmers to vaccinate their heifer calves between four and eight months with S19 or RB51 to protect against brucellosis. Then we vaccinate again with RB51 60 days before they are ready to mate,” Patrick says. Supplementary feed in summer and winter compensates for year-round nutrient deficiencies in the grass.…

DIE kombinasie van ’n swak ekonomie weens inperkings, die skade wat Julie se onluste meegebring het en ’n tweede vlaag voëlgriep, het ’n reuse-tol geëis in die pluimveebedryf. Maar mnr. Izaak Breitenbach, hoofbestuurder van die Suid-Afrikaanse Pluimveebedryf se braaihoenderorganisasie, waarsku dat hierdie probleme ’n bedreiging vir meer as net dié belangrike bedryf inhou. “Voedselsekerheid self is in gevaar . . . tensy ons almal in die voedselwaardeketting, regering én regulatoriese organisasies saamwerk. “Tweedens het ons gesien dat behoorlike sekuriteit vir produksiegeriewe, verspreidingsentrums en winkels noodsaaklik is – sonder doeltreffende polisiebeskerming is ons voedselvoorsieningsketting binne ’n dag tot stilstand gebring, met ’n onmiddellike impak op voedselsekerheid en die ekonomie.” Hy waarsku voorts dat voëlgriep net met samewerking tussen die regering en die bedryf doeltreffend bekamp sal kan word. Hoewel die vankantmaak…

R445,6 m Kaap Agri het op 5 Oktober sy aandeel van 70,5% in The Fuel Company (TFC) vir R445,6 miljoen verkoop. TFC is die houermaatskappy vir Kaap Agri se 21 vulstasies en geriefswinkels. Mnr. Chris Logan, ’n aandeelhouer, het vroeër vanjaar op Kaap Agri se virtuele jaarvergadering daarop gewys dat Kaap Agri sedert 2016 sowat R820 miljoen in TFC belê het, en tog het dit verlede jaar slegs 10% voorbelaste wins getoon. — Michelle van der Spuy 87% In die week tot 1 Oktober was die prys van tamaties teen R9 797 per ton ’n allemintige 87% hoër as ’n maand vantevore, en 46,7% hoër as ’n week vantevore. Die prysstyging het gepaardgegaan met ’n daling in volume van 24,1% teenoor die vorige maand. Die tamatieprys het die vorige week…

MNR. DIRK HANEKOM, KorenhofMerino’s naby Klipdale in die Over-berg, bied die oudste stoetskaap-produksieveiling in Suid-Afrika aan. Hy was een van die eerste skaapboere in die land wat op groot skaal lamhokkies begin gebruik het. Lees die artikel op bl. 42. VERTEL VAN JOU GESIN. Ek en my vrou, Nelmi, het ’n dogter, Nicole (24), wat ’n fisioterapeut is. HET JY STOKPERDJIES? Ek hou van gholf, rotshengel, jag en motorfietstoere. WAAR HOU JULLE VAKANSIE? Ons span graag op L’Agulhas uit. WAT LEES JY GRAAG? Landbouweekblad, Weg en Deon Meyer se boeke.…

MAATSKAPPYE wat op sojavoedsel vir menslike gebruik konsentreer, soek in baie gevalle GM-vrye bone, wat gelei het tot ’n groter vraag na dié bone. Mnr. Jannie Botma, ondervoorsitter van die forum vir sonneblomsaad en sojabone, het op ’n onlangse vergadering van die forum gesê boere wat GM-vrye sojabone verbou, ondervind struikelblokke. “Daar is ’n maatskappy met buitelandse verbintenisse wat wil hê boere moet dit op groot skaal onder kontrak produseer. “Daar is egter nie ’n groot verskeidenheid saadkultivars beskikbaar nie, opbrengste is laer en dit duur langer om die bone te oes.” Mnr. Corné Louw, senior ekonoom by Graan SA, sê op ’n onlangse simposium oor sojabone vir menslike gebruik was dit duidelik dat GM-vry die neiging is en dit dui op ’n groter vraag in die toekoms. Hy sê…

TALLE agente is in die afgelope boekjaar beboet of geskors weens wanpraktyke en swak bestuur van boere se inkomste, luidens die landbouprodukte-agenteraad (Apac) se 2020-’21-jaarverslag. Mnr. Francois Knowles, Apac-registrateur, spreek in die verslag sy kommer uit oor klagtes van botsende belange van agentskappe met soortgelyke besighede as die varsproduktemarkte, ongeregistreerde agente in die uitvoer- en lewendehawebedryf, kommissie-aftrekkings wat hoër is as wat met boere ooreengekom is, en agente wat produkte op krediet verkoop sonder die toestemming van hul prinsipaal. Apac het in Februarie vanjaar ses agente van Fine Bros-markagentskap in die Wes-Kaap, Bloemfonteinmarkagentskap in Bloemfontein en Gouws en Co-markagentskap in Gqeberha (Port Elizabeth-varsproduktemark) elk met R50 000 vir die laasgenoemde oortreding beboet. TRUSTGELD ’n Agent van Farmer’s Trustmarkagentskap in Tshwane is met R100 000 beboet nadat hy geld onregmatig van…

1 GHANA & IVOORKUS Surplus versuur kakao-oes Die kakao-oes het pas begin in die wêreld se twee grootste uitvoerlande, Ghana en die Ivoorkus. Daar is vrae of hernude vraag die surplus sal kan uitwis wat weens covid-19 ontstaan het. Ivoorkus se plaashekprys is met 18% verlaag tot die ekwivalent van $1,46/kg (R21,88). In Ghana is dit $1,71/kg (R25,62). Vrese bestaan dat die prysverskil sal lei tot smokkelary uit die Ivoorkus na Ghana. Die wêreldwye surplus staan op 230 000 ton vir die afgelope seisoen. — Bloomberg 2 ZAMBIË Uitvoerplanne ná groot mielie-oes Die Zambiese regering sê hy wil 1,17 miljoen ton witmielies uitvoer. Mnr. Mtolo Phiri, minister van landbou, sê die mielie-oes het met 7% gestyg tot 3,62 miljoen ton, die hoogste ooit, danksy goeie reën en beter…

Jaap Rommelaar van Zoomagri het onlangs tydens die Agbiz Grain-simposium gesê 3 miljard ton graan en oliesade word jaarliks wêreldwyd hanteer. Verskaffers van kunsmatige-intelligensietegnologie (AI) het die afgelope twee jaar toenemend begin soek na oplossings vir die probleme van die hantering- en opbergingsektor. Een voorbeeld is die Toolbox-projek van die Europese Unie (EU) waaraan navorsers van die Universiteit van Wageningen deelgeneem het. Dit wil die bedreiging van mikotoksiene deur middel van besluitnemingsondersteuningstelsels in die waardeketting verminder. Die EU-navorsing is gedoen met die samewerking van China – waar die behoefte groot is. Die TABEL toon die behoefte om groter beheer oor mikotoksienbesmetting in Europa en China te kry. Die studie deur Biomin dui aan dat die vlakke van mikotoksienbesmetting in Suid-Afrika dikwels laer as in Europa is. Mikotoksienbesmetting in China en…

WAGYU SE VERBRUIK STYG VIERVOUDIG Die verbruik van Wagyu-vleis het die afgelope jaar viervoudig in Suid-Afrika toegeneem. ’n Jaar gelede is 30-40 osse per week geslag. Tans is dit 120-150 per week. Mnr. Johan de Vos, voorsitter van die Wagyu-vereniging van Suid-Afrika, het op die jaarvergadering gesê gegrond op internasionale neigings behoort hierdie neiging vir minstens twee dekades voort te duur. Die beeste word in nege abattoirs geslag en foto’s word met spesiale kameras van almal geneem om die marmeringtelling en ander eienskappe te meet. De Vos het op die vergadering van die internasionale Wagyuraad verneem daar is ’n tekort aan Wagyu-vleis wêreldwyd. Japan voer Wagyu-vleis vanaf Australië en Amerika in, maar kan nie genoeg vleis bekom nie. Die meeste restaurante en internasionale markte was verlede jaar vanweë die covid-19-pandemie…

GROOT volumes water is al in die wingerdbedryf bespaar sonder om gehalte of produksie in te boet. Op onlangse Winetech Vinprostreeksinligtingsdae in die Paarl, op Stellenbosch, Worcester, Robertson en die Olifantsrivier-omgewing is maniere bespreek hoe om die wynbedryf teen die impak van klimaatsverandering te beskerm en volhoubaarheid te verseker. Dr. Etienne Neethling van Vintage Master en Grappe-Esa-Inra in Frankryk het gesê al hoe meer wyndruifprodusente wêreldwyd merk die effek van klimaatsverandering op hul plase op, en pas wingerdpraktyke daarvolgens aan. Hy het meegewerk aan ’n onlangse internasionale studie oor die wynbedryf se benadering tot klimaatsverandering. Hiervolgens het 84% van die 3 625 wyndruifprodusente in 18 lande wat aan dié studie deelgeneem het, reeds tekens van klimaatsverandering waargeneem. Dit sluit in ’n toename in gemiddelde winter- en somertemperature, en die voorkoms…

Hoewel die bedryf oor die breë spektrum “bloei”, hoofsaaklik weens die ooraanbod van wyn vanweë stadige verkope en spesifiek die vyf en ’n half maande wat dit toe was, is daar individuele ondernemings wat steeds goed vaar, meen mnr. Phillip Retief, besturende direkteur van Van Loveren buite Robertson. “Dit is daardie ondernemings wat ’n sterker aanslag op die buitelandse mark het en gehelp is deur die wisselkoersverswakking in 2020, en ander wat baie van hul kelderdeurverkope na aanlyn verkope kon kanaliseer, asook dié wat sterk handelsmerke op winkelrakke kon behou. “Frankryk, Spanje en Italië het wesenlike rypskade in April ondervind, en na raming sal hul huidige oes drasties kleiner wees. Dit kan vir Suid-Afrika verligting bring, en hopelik kan dit beteken dat van ons surplus aan hierdie lande of hul…

Heelwat wanopvattings en wanvoorstellings bestaan oor biostimulante, maar baie navorsing die afgelope jaar hieroor het die koring van die kaf begin skei. Volgens die Europese Unie word biostimulante gedefinieer as produkte met die doel om plantgroei te stimuleer onafhanklik van die produk se eie voedingstofsamestelling. Die doel van hierdie produkte is om die plant te help om voedingstowwe doeltreffender te benut, stres beter te weerstaan, gehalte en opbrengs te verbeter, en plantvoedingstowwe in die grond beter te benut. Binne hierdie groepering is daar drie hoofkategorieë, naamlik seewierekstrakte, proteïenhidrolisate en mikroorganismes. Seewierekstrakte is verreweg die grootste kategorie en daar is verskeie produkte geregistreer. Proteïen-hidrolisate word minder algemeen gebruik, maar proewe word tans gedoen om gewasse met proteïenekstrakte uit sojabone te behandel. Wat mikro-organismes betref, is daar ’n oorvleueling met biokunsmis, waaroor…

Landbouweekblad het oor die jare al merkwaardige boereplanne geplaas — party daarvan boer nou nog onder die mees geleesde stories op Landbou.com. Hou die maandelikse spesiale insetsel oor boereplanne op Landbouweekblad se TV-reeks, Landbouweekliks, op Via (DStv-kanaal 147) dop. Kyk op Dinsdagaand 19 Oktober om 19:30 na ’n insetsel oor die Bultfontein-boereplanmeester Michris Janse van Rensburg. Heruitsendings is Woensdae om 01:30 en 07:30, Donderdae om 13:30 en 18:30, Vrydae om 00:30 en 06:30, Saterdae om 07:00 en Sondae om 17:00.…

Die plantkundige mnr. IB Pole-Evanshet FOTO 1 in 1928 geneem. Aasvoëlberg is op die agtergrond. Die tweede foto is in 2017 geneem. Die donga, wat lyk asof dit onlangs gevorm is toe die foto in 1928 geneem is, het oor die jare gedeeltelik verdwyn. FOTO 2 toon die walle is nie meer so steil nie en die vloer van die donga is met struike en bome bedek. Dit beteken dat die vorming van die donga ’n eenmalige, ongewone gebeurtenis was. Hoekom sê ek só? Dit was moontlik ’n kombinasie van faktore wat ’n “perfekte storm” geskep het. Daar was ernstige droogtes gedurende die eerste kwart van die twintigste eeu wat kon veroorsaak dat plante, en hul wortels wat die grond gebind het, gevrek het. Verder het veegetalle drasties toegeneem in…

YSKASKAASKOEK MET AMARULA EN WITSJOKOLADE ■ 5 mini-karamelrolkoekies, elk in 5 skyfies gesny ■ 1 blik (380 g) kondensmelk ■ 45 ml suurlemoensap ■ 1 bakkie (250 g) gladde maaskaas ■ 150 g witsjokolade, gekap ■ 125 ml room ■ 5 ml vanieljegeursel ■ 12 ml gelatien ■ 30 ml koue water ■ 125 ml Amarula-likeur ■ Geklopte room en skyfies piesang, om af te rond Voer ’n veerklamp-losboomkoekpan met kleefplastiek uit en bespuit goed met kleefwerende kossproei. Pak die skyfies karamelrolkoek styf teen mekaar op die boom van die pan. Pak enige orige snytjies rolkoek teen die kante van die pan. Druk dit liggies teen die kleefplastiek vas sodat dit nie afval nie. Klits die kondensmelk, suurlemoensap en maaskaas in ’n mengbak saam tot glad. Smelt die sjokolade en…

’n Stoetram, CC 19-577, het die hoogste prys van R100 000 op die nasionale Meatmaster-veiling in Bloemfontein behaal, terwyl die gemiddelde prys vir vroulike diere ’n stewige verbetering teenoor die vorige veiling in 2020 getoon het. Mnr. Pieter de Wet van Intellifarm, Gauteng, het die ram gekoop. Die ram van die Collett-groep van mnre. Clynton Collett en sy skoonseun, Mario du Preez, van La Rochelle, Venterstad, is die tweelingbroer van Zondo, die stoetery se hoofstoetram, en die nageslag van Fat Magic en Judge, bekende Meatmasters in die bedryf. Fat Magic is vroeër op ’n produksieveiling vir R120 000 verkoop. Die hoogste prys vir ’n kudderam van mnr. Johan Nel van Driekop-Meatmasters, Loeriesfontein, was R87 000. Die koper is mnr. Jean du Plessis van Hopetown. Die veiling se omset was R2…

BOEREDAE 14-16 OKTOBER: TLU SA Kragdag, aangebied met die samewerking van Sakeliga. Diamantvalleilandgoed, 20 km oos van Pretoria.E-pos: sentraal@tlu.co.za, web: www.kragdag.co.za KONFERENSIES 13-16 OKTOBER: Conexpo Africa 2021, Johannesburg. Werktuie, voertuie en produksiemiddele vir die landbou-, bosbou-, mynbouen boubedryf in Afrika suid van die Sahara. Web: www.bcafrica. com, e-pos: info@mm-sa.com, 011 476 8093. 18-19 OKTOBER: AFMA-simposium, virtueel. Tema: Omarming van die ‘Nuwe Normaal’. Registreer: www.afmasymposium.co.za 28-29 OKTOBER: Vierde Nywerheidsrevolusie Agritech-konferensie, Protea-hotel, Stellenbosch, asook aanlyn. Mathema-konferensies en opleiding. Tel. 011 862 4001, e-pos: info@mathematraining.co.za SKOUE 14-16 OKTOBER: Villiersdorpskou. Edu Roux, 082 922 1123; Johannie Barnard, 083 312 1476; e-pos: skoongesig@breede.co.za 14-16 OKTOBER: Prins Albertskou. Madri Rossouw, 083 383 2591; Laetitia Mulder, 083 310 2984; e-pos: palandbougenootskap@gmail.com 17 OKTOBER: Sunshine walk/run met die samewerking van Bloemskou, OFM en Bloemfontein Courant. Bloemfontein-skouterrein. Begin op…

WHAT IS THE BEST ADVICE YOU HAVE EVER BEEN GIVEN? My father’s advice: “Nothing comes easy in this world. Wake up now and do things yourself.” IS THERE ANYTHING YOU WOULD HAVE DONE DIFFERENTLY IF YOU COULD? I wouldn’t change much, because I believe I have learned a lot from the mistakes I made. WHAT HAS BEEN YOUR BIGGEST SUCCESS TO DATE? Having been able to achieve everything that I have achieved to date has changed my life in many ways. WHO HAS MADE THE BIGGEST CONTRIBUTION TO YOUR SUCCESS? My dad and my two sisters have played a significant role in my success. When days were dark, they were there for me financially and emotionally. I really appreciate everything they have done for me. WHAT KIND OF RELATIONSHIP DO…

Patrick always advises his farmers to buy bulls from reputable breeders who provide a fertility certificate and preferably some of the bull’s history. “The first questions I ask when a farmer wants to buy a bull are about numbers and the type of cattle. I want to know whether his animals are older cows or heifers, and whether they are short or long animals,” explains Patrick. This information helps when selecting a bull that is fit for purpose. “It really matters,” he emphasises. A large bull may cause birth complications for heifers if the calf is too big. “For heifers, one should look at smaller-framed bulls,” he explains. “This is why it’s important to examine the records when you buy a bull. One can study these to check the birth…

POULTRY Moloko Swanepoel, Beska, Lephalale, Limpopo We run a battery/cage layer operation hatching and raising our own birds. We buy fertilised eggs from a supplier in Witbank. We want to start a free-range operation and have been developing parent stock of Australorps and Rhode Island Reds as these two breeds come highly recommended for free-range egg production. We’ve just hatched 120 eggs that were collected from parent stock on the farm Fertilised eggs must be handled carefully, as a disturbance of the air cell may reduce the chances of a successful hatch. We also clean and sterilise the incubator to make sure newly hatched chicks don’t get infections. Eggs are placed in the incubator with the big side facing upwards and the incubator is set at 38.5°C. The incubator is…

‘Alle boere by Glencoe loop deur onder vee wat hul weiding en gewasse verniel.’ ME. SANDY LA MARQUE, uitvoerende hoof van Kwanalu, oor omstandighede waaronder ’n jeugdige by Glencoe doodgeskiet is. Bl. 20 ‘Dit is ’n skande dat ons ons tot die howe moet wend om die regering te dwing om sy grondwetlike pligte na te kom.’ MNR. ILAN LAX, voorsitter van die Suider-Afrikaanse vlieghengelaars (Fosaf), oor die regering appèl aanteken teen ’n hofuitspraak wat erge prosedurele gebreke uitwys in die manier waarop forel tot indringerspesie verklaar is. Bl. 19 ‘Die vraag is beslis groter as die aanbod en die saadmaatskappye is spyt hulle het nie vir groter voorrade voorberei nie.’ MNR. CORNÉ LOUW, senior ekonoom by Graan SA, oor sojasaadtekorte wat in dele van die somersaaigebiede ervaar word. Bl.…

Daar’s ’n paar dinge wat ’n boer laat ys. Hael- en rypskade, ’n trop skape wat wreed deur honde verskeur is, of die soveelste hopie wol tussen die lang gras waar ’n rooikat of jakkals homself gehelp het. En dan is daar die onheilspellende, blougrys wolk van ’n groot veldbrand. Veral wanneer die wind waai hier laat in die winter, nog net ’n ent te ver voor die eerste reën, of nog erger, te midde van ’n groot droogte, soos dit amper in 1992 by ons op die plaas in die Noordoos-Kaap gebeur het. Dan lê die vrees vir die groot, lelike moeilikheid maar vlak. Deur die jare was ’n groot brand altyd die vinnigste manier om ons distrik se boere bymekaar te kry. ’n Dosyn of wat bakkies wat…

Rekordlae volumes op die markte is straks iets van die verlede, maar verbruik kan in die somer toeneem en steeds betreklik goeie pryse ondersteun. Op Dinsdag 28 September het die nasionale gemiddelde prys vir 10 kg aartappels oor alle grade die R100-kerf oorgesteek. Op talle markte het die topgehalte aartappels vir R120 vir ’n 10 kg-sakkie verkoop. Dit volg nadat die nasionale volume op Maandagaand 27 September op slegs 268 000 sakkies gestaan het. Volgens mnr. David Nel, ’n direkteur en hoof van aartappelverkope by Grow Markagente, kan hy nie onthou dat dit al ooit so laag was nie. “Gewoonlik is die voorraad op ’n gemiddelde dag op die Johannesburgse varsproduktemark meer as 250 000 sakkies. Ons gaan nie vir die volgende paar maande sommer weer die prys sien wat…

SY hart breek elke keer as ’n boer vir hom sê dit is vanjaar die eerste keer dat hy nie finansiering kon kry nie, sê dr. Theo de Jager, voorsitter van die landbounetwerkorganisasie Saai. Hy voeg dadelik by die finansieringskrisis wat swart boere beleef, is selfs groter. “Dié mense is heeltemal uitgelewer. As die staat nie vir hulle finansiering gee nie – en die staat het nie geld nie – is hulle uitgelewer aan mislukking.” Mnr. Christo van der Rhee-de, uitvoerende direkteur van Agri SA, vra of ’n nuwe geslag swart boere enige kans het om te oorleef as Suid-Afrika reeds kommersiële boere weens ’n finansieringsvakuum verloor. “Die Land Bank wil voortaan net aan ontwikkelingsboere lenings toestaan. Daar gaan ’n klomp boere wees wat toenemend afhanklik word van staatstoelaes en…

BOERE en gemeenskapslede gaan voortaan opgelei moet wees en deur samewerking en koördinering rampe soos die onlangse verwoestende veldbrande in die Noord-Kaap moet voorkom. Só het mnr. Jahn Hohne, uitvoerende hoof van die Ekapa-diamantmaatskappy, gesê op ’n onlangse Landbouweekblad-webinaar oor wat vee- en wildboere te doen staan ná die grootskaalse skade wat hulle gely het. Paneellede het kenners van onder meer weiding, klimaatstoestande en versekering ingesluit. Hohne het uit die aard van sy onderneming se ervaring met brandbestryding, sekuriteit en die besit van wildplase sy indrukke oorgedra. “Tydens ’n krisis moet daar voldoende beplanning en koördinasie wees. Dit was duidelik dat almal baie hard teen die vlamme baklei het. Sonder ’n beheersentrum wat grondspanne, helikopters en vliegtuie takties gebruik, kan brande nie doeltreffend bestry word nie. Landbouweekblad be-rig in ’n…

DAAR bestaan hierdie somer ’n bogemiddelde kans vir oorstromings en gepaardgaande skade oor dele van die somerreënstreek, veral in gebiede stroomaf van groot opgaardamme. Mnr. Johan van den Berg, ’n onafhanklike weerkundige, sê met die gunstige vooruitsigte op reën, kan damme binne ’n kort tyd weer oorloop. Grootskaalse oorstromings langs die Benede-Oranjerivier is in Februarie vanjaar net-net vrygespring omdat die Vaaldam taamlik leeg was en baie water kon opvang. Dit het die Vaalrivier se watervloei be-perk, terwyl die Oranjerivier baie sterk gevloei het via die oorvol Gariep- en Vanderkloofdam. Die bufferkapasiteit van al die groter dam-me is binne 20% van hul totale kapasiteit. Totdat die eerste goeie somerreën geval het, sal die kans op veldbrande hoog bly weens sterk winde. Dit gaan verder verhoog wanneer donderweer begin voorkom in die…

AL staan Suid-Afrika se sitrusseisoen einde se kant toe, moet groot hoeveelhede vrugte steeds hul weg na Oosterse markte en Rusland vind. “Die kwessie vanjaar is die beskikbaarheid van verskepingskapasiteit. Dit raak bykans onmoontlik om ’n houer na die Verre en Midde-Ooste uit te kry, en die vrugte wat jy nou pak, gaan eers oor twee weke verskeep word,” sê mnr. Hannes de Waal, ondervoorsitter van die Suider-Afrikaanse Sitruskwekersvereniging. Daar word tans hard gewerk om verskepingsgeleenthede te kry vir vrugte wat reeds verpak is, en ’n klein hoeveelheid moes teen druktyd nog verpak word. Die afsnytydgleuf na Europa is vanjaar verleng na week 37, waar dit gewoonlik al teen week 36 sluit, weens die moeilike seisoen en omdat die seisoen twee weke later as gewoonlik is. Die seisoen vir lande…

SPESIALE eenhede, strategieë en maatreëls bestaan om veediefstal te bekamp, maar die diefstal van landbouprodukte, veral groente en vrugte, is ’n ewe groot probleem, sonder soortgelyke maatreëls daarteen. Die Limpopo- landelike veiligheidsforum (LLVF) het nou met ’n projek begin om saam met die polisie ’n strategie teen plaasprodukdiefstal op te stel, sê mnr. Drickus Botha, uitvoerende hoof van TLU SA Noord. Daar word beoog om dit later landwyd uit te brei. Lede van TLU SA Noord en Agri Limpopo dien in die forum en worstel al geruime tyd met die groot hoeveelhede produkte wat op plase gesteel word. “Dit is nie net gereedvir-eet-produkte nie, maar ook groente en vrugte wat nog nie volwasse is nie en wat snags in bakkievragte weggery word. Hierdie produkte beland dikwels op die informele mark,…

DIE stand van Suid-Afrika se gemeenskapseiendomsverenigings – die liggame waardeur begunstigdes van grondhervorming hul grond bestuur – is só chaoties dat een van die ANC se eie LP’s onlangs gevra het of sulke verenigings enigsins geskik is vir die taak. Me. Manketsi Thlape, ANCLP, het op ’n vergadering van die portefeuljekomitee vir landbou, grondhervorming en landelike ontwikkeling uitgewys dat sommige van dié verenigings nie eens grond het nie. Oor die jare was daar nooit voldoende ondersteuning, soos beamptes om die verenigings by te staan en te monitor nie. Die komitee het gehoor dat 67%, of 1 016 van die land se 1 650 gemeenskapseiendomsverenigings nie voldoen aan vereistes van die Wet op Gemeenskapseiendomsverenigings (Wet 28 van 1996) nie. Slegs 20% voldoen aan die vereistes, en 13% sal blykbaar nooit daaraan…

Danksy vroeë lentereën in die somersaaigebiede en genoeg grondvog is die vooruitsigte vir die nuwe seisoen taamlik gunstig. Weerkenners verwag ’n redelik normale tot nat somersaaiseisoen vanweë die La Niña-fase. Graan- en oliesaadpryse is op hoër vlakke as ’n jaar of twee gelede, maar terselfdertyd is die produksiekoste per hektaar in baie gebiede vir die seisoen 18-22% hoër as verlede jaar. Dit beteken dat saaiboere se opbrengs per hektaar bonormaal moet wees om met die stygende koste te probeer byhou. Prysvooruitsigte is hoofsaaklik afhanklik van die verloop van die internasionale graanmark en die rand-dollarwisselkoers. INTERNASIONAAL Die afgelope jaar het ’n paar faktore die internasionale graan- en oliesaadmark ontwrig. Dit het tot gevolg gehad dat internasionale voorraadvlakke gedaal en pryse opgestoot het. GRAFIEK 1 toon die wêreldvoorraad van sogenoemde growwe graan,…

Pluimveeprodusente se marges is onder druk vanweë ’n groot styging in voerpryse sonder soortgelyke stygings in pryse vir hoendervleis en eiers. Mnr. Mike Schüssler, ekonoom van economists.co.za, is egter optimisties dat voerpryse op effens langer termyn kan daal. Hy skryf in Poultry Bulletin dat pryse vir voergrane in dollarwaarde die hoogste in agt jaar is. In randwaarde was mielie- en sojaboonpryse in Mei die hoogste nóg. Laasgenoemde het sedertdien met ’n paar persent gedaal. “Die styging in graanpryse is in die algemeen toe te skryf aan laer produksie in Amerika en die Europese Unie. Dit is veroorsaak deur veranderende weerpatrone, met ’n koue begin vir die lente in Noord-Europa en toe, na gelang van die land, te veel reën of ’n droë tydperk. “Boonop is Amerikaanse voervoorraadvlakke die laagste in…

Hy kyk saam met BFAP na bykomende scenario’s omdat die wynbedryf meer onsekerheid ervaar as ander bedrywe, sê mnr. Rico Basson, bestuurshoof van Vinpro. “Dit is erg om te dink dat 10% van verlede jaar se uitvoer verlore gegaan het. “Die wynbedryf het nou al 18 maande van stilstaan en weer begin gehad. Eers kon ons nie oes nie, toe kon ons nie uitvoer nie, en toe is ons deur talle beperkings lamgelê. Terwyl ons aansien in die buiteland amper verlore gegaan het, het ons egter heelwat welwillendheid van die buiteland af ontvang, al het ons sommige geleenthede verloor. “In die binneland het ons 20% van ons verkope verloor. Nou sit ons met hierdie ongelooflike klomp voorraad. Ons kan net soveel wyn opberg en die nuwe oes is op pad.…

’n Boer wat sy produkte as organies wil sertifiseer en bemark, moet by ’n sertifiseringsorganisasie aansluit wat hom oor die vereistes en stappe sal inlig. Die proses behels onder meer gedetailleerde rekordhouding oor die verbouingsmetodes, produksiemiddels, die produksiegeskiedenis op die plaas (wat op watter dele van die plaas geplant is en wanneer), verwerking, vervoer en uitvoer. Ouditeurs sal jaarliks besoek aflê om ’n oudit vir die boerdery te doen om sy organiese sertifikaat te behou. Die hoeksteen van organiese verbouing is grondgesondheid. Daarom mag net natuurlike en omgewingsvriendelike metodes en materiaal gebruik word om die grond vrugbaar te maak. Mikro-organismes, soos swamme, bakterieë en erdwurms, word sodoende behou wat voedingstowwe aan plante beskikbaar stel.…

Watter tegnologie vind jy onontbeerlik op die plaas? Rekenaars, die GPSstelsel en die RFID-stelsel. Wat is die beste raad wat jy nóg ontvang en toegepas het? Toe ek op plaas gekom het, het ek my pa gevra vir goeie raad, en hy het gesê daar is twee dinge waarvoor ek moet oppas: Skuld en om lui te wees. Wat was jou grootste boerderyfout? Ek moes vroeër begin het met laparoskopiese bevrugting, asook om die lamhokstelsel op groot skaal te gebruik. Wat het die grootste impak op jou boerdery gemaak? Elektroniese RFID-skale, wat absolute presisiemeting moontlik maak. Het jy ’n mentor? Ja, my pa, Koos Hanekom, wat in 2016 oorlede is. Waar het jy gestudeer? Ek het ’n landboudiploma aan die Landboukollege Grootfontein behaal.…

Grondgesondheid lê alle boere na aan die hart. Enige bespreking daaroor eindig onvermydelik by die groot rol wat organiese materiaal daarin speel. Dit is geen verrassing nie, aangesien navorsing herhaaldelik bewys het dat organiese materiaal die kern van grondgesondheid is. “Uitgeputte” grond, waar produktiwiteit drasties gedaal het, is hoofsaaklik die gevolg van die uitputting van organiese materiaal in die grond. In ’n vorige artikel (“Organiese materiaal hou jou grond gesond”, L BW , 2 September 2021, bit.ly/3ag2xA F) is aandag gegee aan die samestelling van organiese materiaal en die rol daarvan in grondgesondheid en opbrengs. In hierdie artikel kyk ons na tipiese vlakke van organiese materiaal in die grond en hoe landboubestuurspraktyke dié vlakke beïnvloed. ORGANIESE MATERIAAL-VLAKKE IN LANDBOUGROND Die konsentrasie organiese materiaal in landbougrond wissel gewoonlik van 1-10%. Die…

Die meeste mense is lief vir ’n verskeidenheid tuinvoëls, nie net omdat hulle mooi is nie, maar ook omdat hulle oulik is en soms mooi sing. Dink maar aan die bokmakieries, glasogies, janfrederikke, kwikkies, lysters en suikerbekkies. Dit geld egter soms nie spesies soos die fiskaallaksman, hadida, koningrooibekkie, mikstertbyvanger, vleiloerie, waterfiskaal, witkruiswindswael en baie van die koekoeke nie. Veral tydens broeiseisoen is van hierdie voëls lasposte wat tot groot ontsteltenis by baie voëlkykers lei. Dink maar aan die windmakerige en hoogs irriterende koningrooibekkie wat tydens die broeiseisoen al wat ’n ander voël is van die voerbakke wil verdryf. Hierdie veelwywer moet egter ’n hele aantal wyfies gelukkig hou en dit verklaar tot ’n mate die aggressiewe gedrag. Boonop is hulle broeiparasiete wat hul eiers veral in die neste van rooibeksysies…

Die voorreg om te lewe, is een ding, maar dit is verseker nie genoeg nie. Om reg en goed te lewe, is iets anders. Die belangrike vraag waaroor dit dus eintlik gaan, is: Wat is reg en goed? Waaraan toets ek my lewe as ek wil vasstel of dit is soos dit behoort te wees? Wat is die meetinstrument vir “reg en goed” en wie bepaal dit? As ek dit self bepaal, kan dit iets anders wees as wanneer dit vir my bepaal word deur ’n aangewese persoon. Die apostel Paulus – om maar een voorbeeld te noem – het ook in ’n stadium gedink sy lewe is “reg en goed”. Dit was gedurende die tyd toe hy met ywer en toewyding die Christene vervolg het. Toe die eerste Christenmartelaar,…

MARKNEIGINGS PRYSE BY OUDTSHOORN STYG STEWIG In die meegaande tabel is ’n opsomming van grondtransaksies groter as 10 ha in die Wes-Kaap vir die 12 maande tot Augustus vanjaar. In totaal is 430 ooreenkomste gesluit. Die sluit van kantore as gevolg van covid-19-inperkings het benewens die swak ekonomie in groot dele van die provinsie, in ’n groot mate bygedra dat minder transaksies in 27 distrikte geregistreer is. In die proses is 223 586 ha teen R4,173 miljard verhandel. ’n Dalende prysneiging is by 44% van die distrikte waargeneem. Pryse het met meer as 10% gestyg by Bredasdorp (15,4%), Oudtshoorn (21,6%) en die Paarl (10,6%). Dit het met meer as 10% gedaal by Laingsburg (-14,7%), Mosselbaai (-10,5%), Piketberg (-11,2%), Stellenbosch (-10,3%) en Tulbagh (-14,2%). Ten opsigte van plaasgrootte, lyk die registrasies…

It may be true to say ‘time flies when you’re having fun’ but it is truer still that time flies when you are where you are meant to be. It’s hard to believe that a year has already passed since the first issue of African Farming was published. As we celebrate our first anniversary, let’s look back at the highlights. Of course, these highlights are provided by the magnificent farmers we’ve come across on our journey. When I think of the farmers I have met, I feel so proud of what these people have achieved, operating in difficult circumstances. There is no doubt that South Africa is making progress with regard to the number of black farmers who have entered the commercial farming space and are doing well, contributing to…

WHAT IS THE BEST ADVICE YOU HAVE EVER BEEN GIVEN? Love what you do and do what you love. I’m a product of commercial farmers of South Africa and every farmer I have worked with has told me to do everything with love and passion if I don’t want to fail. IS THERE ANYTHING YOU WOULD HAVE DONE DIFFERENTLY IF YOU COULD? We should have targeted more women earlier on in the project. Women are doing very well, and for the past years the best performers and award winners, internally and externally, have been women. WHAT HAS BEEN YOUR BIGGEST SUCCESS TO DATE? To be in the position I am in now and to be working with the best farmers in the country, like Nick Serfontein. Being able to make…

WHAT IS THE BEST ADVICE YOU HAVE EVER BEEN GIVEN? Farming is not easy, but don’t give up. WHAT WOULD YOU HAVE DONE DIFFERENTLY IF YOU COULD? I should have bought a bigger incubator. WHAT HAS BEEN YOUR BIGGEST SUCCESS TO DATE? Building my farm to what I have today is my biggest success so far. But I do celebrate my small successes as well and try not to put myself under too much pressure. WHO HAS MADE THE BIGGEST CONTRIBUTION TO YOUR SUCCESS SO FAR? My late father, Arnoldus, and my mother, Mumsie. DESCRIBE YOUR RELATIONSHIP WITH YOUR NEIGHBOURS. DO THEY PLAY A ROLE IN YOUR BUSINESS? I have good relationships with my neighbours, and we always give one another advice and support. DID YOU FIND IT CHALLENGING TO…

In human medicine, some diseases have been eradicated and others adequately controlled with the help of vaccines. Examples include smallpox, polio and mumps. Current vaccine research gives us further hope that more diseases will be managed even better in the future. It is also worth noting that a majority of emerging and re-emerging diseases often point to a link between animals and humans. In the animal-health space, we know of rinderpest (also known as cattle plague), specifically in ruminants, which was successfully eradicated from the face of the Earth by vaccines. The last known rinderpest outbreak was in 2001 in Kenya. In 2011 the World Organisation for Animal Health (OIE) declared the disease officially eradicated, meaning it does not occur in animals anywhere in the world. This is a disease…