Indholdsfortegnelse for 14 April 2022 i Landbouweekblad

Verwagtings wat nie realiseer nie, lei tot mismoedigheid. Dít was die digter-koning Salomo se akkurate opsomming ’n paar duisend jaar gelede in Spreuke. Vir Derek Mathews, voorsitter van Graan SA en graanboer van Sannieshof, en sy familie was die verwagting baie eenvoudig: geregtigheid ná ’n gruwelike onreg. Op ’n soel somersaand twee jaar gelede toe vyf gewapende mans hulle op die familieplaas oorval het, is hulle van iets baie meer waardevols as net ’n paar aardse besittings be-roof. Om jou vrede te verloor, is ’n veel groter verlies. Die familie was gesellig aan die kuier, gelukkig en dankbaar om ’n verjaardag en ooievaarstee te kon vier. ’n Kosbare familiebyeenkoms. Die tipe ding wat die lewe sin gee. Maar pleks van herinneringe bou wat hulle deur moeilike tye moes dra, is…

SUID -AFRIKA is aangewys as een van die topvyf lande in die Concours Mondial du Sauvignon-kompetisie, een van die wêreld se grootste kompetisies vir dié wynkultivar. Suid-Afrikaanse wyne het meegeding met 1 120 wyne uit 23 lande, en vier goue en 13 silwer medaljes verower. Die kompetisie is vanjaar vir die eerste keer in Portugal aangebied. Daar was 50 beoordelaars. Diemersdal se The Journal Sauvignon Blanc 2021 het ’n goue medalje verower, asook die trofee vir die beste Suid-Afrikaanse wyn in die kompetisie. Dié wynlandgoed het ook twee silwer medaljes gewen. Ander gouemedaljewenners was Delaire Graff Coastal Cuvée Sauvignon Blanc 2017, Elgin Vintners Sandstone 2021, en Vrede en Lust Blanc Fumé 2019. Die volgende wyne het silwer medaljes verower: Neethlingshof Estate Sauvignon Blanc 2021, Alvi’s Drift Signature Sauvignon Blanc 2021,…

Die monetêre beleidskomitee (MBK) het op 24 Maart aangekondig dat die Reserwebank se reporentekoers met 0,25% verhoog word. Dit beteken dat rentekoerse deur die hele spektrum van finansiering verhoog en die prima uitleenkoers nou 7,75% is. Die MBK het ook aangedui dat hy die rentekoers deur die loop van die jaar verder gaan verhoog tot meer nor-male vlakke wat voor die covid-19-pandemie gegeld het, en daarmee saam ook die vrees van stygende inflasie. Die boodskap is duidelik dat Suid-Afrikaners nog rentekoersverhogings vanjaar en vroeg volgende jaar kan verwag gegewe die “normale verwagte” verloop van die ekonomie. Die groot risiko is die verdere onstabiliteit en ontwrigtings wat kan voortvloei uit Rusland se inval in Oekraïne. Dit kan die wêreld se finansiële en kommoditeitsmarkte verder omkrap. Die verwagting van verdere rentekoersstygings verminder…

SUKSES MET DEKGEWASSE EN VEE Wanneer ’n mens aan ’n beesplaas in Argentinië dink, stel jy jouself voor dat dit ’n groot, uitgestrekte plaas van duisende hektaar grasveld is waarop reusebeestroppe wei en dosyne Argentynse cowboys op perde hulle oppas. Maar mnr. Pablo Etcheberry en sy familie boer op net 300 ha huurgrond buite Pellegrine in die Buenos Aires-provinsie. Die werkers is Pablo, › › sy suster Macarena, en enkele ander familielede. Daar is nie perde nie, net een vierwielaangedewe motorfiets. Op dié stukkie grond boer hulle met 600 koeie, 1 000 vrylopende hoenders, ’n paar skape en varke, asook bye. Na gelang van die prys sal hulle ook in die meeste jare ’n paar hektaar met kontantgewasse, soos sojabone, beplant. Die grond word egter hoofsaaklik met dekgewasse beplant. Dit…

Almal stem saam dat Suid-Afrika se produsente goed vergelyk met die bestes ter wêreld. Soveel te meer gegewe die feit dat hulle 100% op hul eie bene moet staan. Skertsend kan ’n mens seker vra of dit nie hul goeie produksievermoë is wat lei tot ietwat te veel uie vir die Suid-Afrikaanse mark nie. Voor Maart het die kosteknyptang reeds soos ’n swaard oor boere se kop gehang, maar die drastiese styging in produksiekoste maak gesprekke oor prysvorming en winsgewendheid broodnodig. ’n Vraag wat dikwels geopper word, is of Suid-Afrikaanse kettingwinkels nie die beste vereis, maar dan die prys grond op wat produkte van swakker gehalte op die varsproduktemarkte behaal nie. Gegrond op beskikbare syfers koop kettingwinkels gesamentlik nie meer as 20% van die totale uieproduksie in Suid-Afrika nie. Die…

BOERBOK-OOIKAMPIOENSKAPPE Beoordelaars: Mnre. Braam Maritz, Stephanus Malan en Koenie Kotzé 1 Grootkampioen- en reserwegrootkampioenooi. Eienaar: Mnr. Lukas Burger (082 856 1458, links) van die Lukas Burgerstoetery, Griekwastad. Van links is Burger (eienaar), mnr. Greg Meier van Swiftvee en me. Riekie de Witt van die Lukas Burgerstoetery. 2 Senior kampioenooi en senior reserwekampioenooi. Eienaar: Mnr. Lukas Burger van die Lukas Burger-stoetery, Griekwastad. Van links is me. Hermien en mnr. Corné Burke van van die Lukas Burgerstoetery, mnr. Willem Frederiks (hanteerder), Burger, me. Riekie de Witt van die Lukas Burgerstoetery en mnr. Donovan Marits (hanteerder). 3 Junior kampioenooi. Eienaar: Mnr. Lukas Burger van die Lukas Burger-stoetery, Griekwastad. Van links is me. Riekie de Witt van die Lukas Burgerstoetery, Burger en mnr. Ivor Paulus (hanteerder). 4 Junior reserwe kampioenooi. Eienaars: Mnre. Hennie en…

Met die klem in teling op funksioneel doeltreffende, mediumraam- Hugenoot-vleisbeeste met goeie teelwaardes vir die stoetmark en ekonomiese en winsgewende beeste vir die kommersiële mark, kan ’n beesboer nie anders as om sukses te behaal nie. Mnr. Henk van Rensburg, eienaar van die Koperkop Hugenoot-stoetery by Dendron waaruit vanjaar se Elite-koei vir dié ras kom, sê hierdie beeste aard goed in die soet Bosveld waar die boerdery geleë is, hoewel Hugenote in omtrent ál die provinsies en streke in Suid-Afrika voorkom. Hy wys ook op die Hugenoot se goeie voeromsettingsverhouding, wat die ras winsgewend maak. Swaar speenkalwers maak dié diere ook baie geskik vir kruisteling. In die Koperkop-kudde word baie streng vir verskeie eienskappe geselekteer, met vrugbaarheid, melk, maklike geboorte en kalfgroei heel boaan die lys. “As bonus is die…

Namate dagliglengte met die verloop van die seisoen tot 22 Desember langer word, begin sojaboonplante van vegetatiewe groei tot reproduktiewe groei (blom) oorgaan. In die praktyk, en ongeag die planttyd van sojabone, blom verskillende aanplantings redelik na aan mekaar. Die voordeel van sojabone wat vroeg aangeplant word, is groter plante danksy beter vegetatiewe groei. Die gevolg hiervan is veral meer plantlitte en dus oksels waar blomme vorm om peule voort te bring, soos in die GRAFIEK aangedui word. DAGLENGTE-REAKSIE Sojabone en mielies reageer min of meer dieselfde op hitte-eenhede. Hoe meer hitte-eenhede in die groeityd beskikbaar is, hoe later kan daar geplant word. In koeler gebiede moet daar vroeër geplant word om die beste resultate te kry. Die ander faktor wat in aanmerking geneem moet word, is dat ’n sekere…

Gewasvoedingspeel ’n belangrike rol by optimale aartappelproduksie. Om die doeltreffendheid te verseker, is dit noodsaaklik dat die gebruik van die kunsmis moet saamval met spesifieke fisiologiese prosesse in die gewas. Tessenderlo Kerley se reeks produkte maak dit maklik om in te pas by die produsent se bestaande voedingsprogram. Dié maatskappy se hele reeks kunsmisprodukte kombineer ’n makro-voedingselement met swael (S). Swael is ’n noodsaaklike plantvoedingselement en word deurentyd benodig vir optimale plantgroei. Tessenderlo Kerley se vlagskipproduk, SoluPotasse® (reg. nr. K10739, Wet 36 van 1947), is wêreldwyd bekend as ’n wateroplosbare kaliumsulfaat van topgehalte wat spesifiek ontwikkel is vir aanwending deur enige besproeiingstelsel. Granu Potasse® (reg.nr. K10737) is sy korrelproduk en ideaal vir direkte aanwending of vir vermenging met ander kunsmis. K-leaf® (reg.nr. K10736) is spesiaal geformuleer vir blaarbespuiting. Dit bevat…

Waarom is die eierbedryf ’n goeie bedryf in Suid-Afrika? Ons sit kos op die tafel vir baie mense, veral minderbevoorregtes. Eiers is een van die goedkoopste proteïenbronne in Suid-Afrika en daarom een van die land se grootste voedselbronne, naas byvoorbeeld mielies. Eiers het baie voedingswaarde. Met twee eiers per dag kan jy ver kom. Met watter rasse boer jy? Ons verkies die Hy-line Silver en die Amberlink, maar daar is deesdae nie eintlik meer ’n verskil tussen die drie goeie rasse nie (die ander een is die Lohmann-Brown). Dit gaan eerder oor hoe jy voer en probleme, soos temperatuur, bestuur. Waarom is goeie voeding belangrik vir ’n eierboer? Met produksiekoste wat bly styg, moet jy alles uit die hoender haal wat jy kan. Dit is om ’n eier per dag…

‘Oupa, wat is integriteit?” Boetman, wat nog nat agter die ore is, is ’n weetgierige outjie en wil by Oupa ’n antwoord hê. Hy verduidelik darem eers die “hoekom” van sy vraag soos volg: “Meneer gebruik dikwels die woord op saalbyeenkomste. Hy sê ons kinders moet mense van integriteit wees, want as ons dit nie is nie, sal ons nooit ’n goeie skool wees nie.” Oupa moes nou mooi sy woorde agter mekaar kry, want hy weet maar alte goed dat ’n mens nie ’n moeilike woord met ’n moeilike woord moet probeer verduidelik nie. “Kom ons maak ’n plan,” sê Oupa. “Kom ons kyk wat sê die Woordeboek van die Afrikaanse Taal (WAT).” Boetman gaan haal die WAT en sê sommer self wat daar geskrywe staan. Dit word gou…

DIE proses om ’n nuwe wateragentskap te vestig wat private be-leggings sal lok om infrastruktuur te vestig en só verlammende watertekorte te vermy, is van stapel gestuur. Die departement van water en sanitasie wil teen einde April ’n wetsontwerp aan die kabinet voorlê wat die skep van dié agentskap uiteensit, sê mnr. Sean Phillips, direkteur-generaal van die departement. Die agentskap sal geskep word deur die samevoeging van die departement se waterhandelentiteit en die Trans-Caledon-tonnelowerheid (TCTA). Luidens die nasionale waterplan wat in 2019 gepubliseer is, moet R900 miljard teen 2030 bestee word aan infrastruktuur vir die voorsiening en opgaar van water. Phillips sê die nuwe instelling sal nie van die fiskus afhanklik wees nie en verskeie benaderings volg om finansiering te bekom, onder meer deur die inkomstestrome van spesifieke projekte, lenings…

868 000 In die laaste kwartaal van 2021 het die landbou 868 000 mense in diens gehad, wat 7,1% meer is as ’n jaar tevore. In die vorige kwartaal het die sektor 829 000 mense in diens gehad. Die totale aantal werkloses in Suid-Afrika het in dié tyd met 278 000 toegeneem tot 7,9 miljoen, teenoor 7,6 miljoen die vorige kwartaal. Die werkloosheidskoers in Suid-Afrika was in die vierde kwartaal 35,3%, teenoor 34,9% die vorige kwartaal. – Statistieke SA R30 000 Om ’n vasgevalde vragmotor op van die Vrystaat se berugte grondpaaie te laat uitsleep, kan tot R30 000 kos, sê mnr. Jan Cloete, eienaar van Salvador Ondernemings, ’n vervoerkontrakteur. Hy is nie meer bereid om op van die provinsie se “onherstelbare” S-roetes, soos die S121, S574 en S647 in…

VYF mans wat die voorsitter van Graan SA, mnr. Derek Mathews (60), en sy familie met wapens aangehou, aangerand en besteel het, is weer op vrye voet. Só het Mathews toevallig gehoor toe hy einde Maart navraag gedoen het oor die vordering met die verhoor nadat daar geen kommunikasie van die staatsaanklaer se kant af was nie. Mnr. Henry Mamothame, woordvoerder van die nasionale vervolgingsgesag (NVG) in Noordwes, het egter aan Landbouweekblad gesê daar was goeie kommunikasie met die staatsgetuies (Mathews en sy familie), asook dat die saak al einde verlede jaar afgehandel is. Mathews ontken dit ten sterkste. “Die week (einde Maart) was die eerste keer dat ek daarvan gehoor het,” sê ’n geskokte Mathews. Drie mans is vrygespreek en twee is tot twee jaar tronkstraf gevonnis wat vir…

SUID -AFRIKA kan luidens die tweede produksieskatting vir somergewasse die vrees oor swak opbrengste vanweë oormatige reën aan die begin van die seisoen in ’n groot mate afskud, nadat die verwagte oes van die vernaamste somergewasse opwaarts aangepas is. In sy jongste skatting raam die Nasionale Oesskattingskomitee (NOK) die grootte van die verwagte kommersiële mielie-oes nou op 14,7 miljoen ton, wat 1% meer as die vorige skatting, maar steeds 10% kleiner as verlede jaar se oes is. Die hersiene skatting van die oppervlakte onder mielies is 2,6 miljoen ha, en die opbrengs word op 5,6 t/ha geskat. Sowat 7,6 miljoen ton is witmielies en 7,1 miljoen ton is geelmielies. Die drie belangrikste mielieproduserende gebiede, die Vrystaat, Mpumalanga en Noordwes, gaan na verwagting 82% van die 2022-oes lewer. MEER SOJABONE Die…

In antwoord op navrae van Landbouweekblad het me. Fufe Makatong, Noord-Kaapse LUR vir paaie en openbare werke, gesê een van die bane op die R31 het weggespoel en die rybaan het vernou. “Daar is lewensgevaarlike slaggate van 1 meter diep. Die pad kan nie herstel word nie voor die water verdamp het. Ons gaan binnekort ’n deeglike opname doen.” Sy het alternatiewe roetes, soos die R325 en die R385, aanbeveel en sê haar departement gaan die grondpaaie nou gereeld skraap en onderhou. “Ons het van die slaggate met gruis op die R31 gevul, maar die ingenieurs sê dit is steeds te gevaarlik om daar te ry. Ons gaan die pad herstel en herseël in die volgende weke, en het ook ’n begroting wat ons volgende jaar vir herstelwerk kan gebruik.…

VANJAAR se wyndruifoes is kleiner as verlede jaar s’n weens onder meer swamsiektes en verrotting, maar daar skort niks met die gehalte nie. Hoewel die wyndruifoestyd later as gewoonlik begin het en die oes kleiner as verlede jaar s’n is, het al tien wynproduserende gebiede reeds ’n aansienlike hoeveelheid druiwe gelewer, sê mnr. Conrad Schutte, bestuurder van Vin-pro se wingerdboukundige konsultasiediens. Vinpro het onlangs die vierde oesskatting met die samewerking van die Suid-Afrikaanse wynbedryfsinligting en -stelsels (Sawis) bekend gemaak. Schutte sê die gehalte van vanjaar se druiwe lyk in hierdie stadium goed en dat besondere wyne van vanjaar se oes verwag kan word. Mnr. Christo Spies, uitvoerende hoof van swart ekonomiese bemagtiging en wynsagteware (WineMS), sê 65% van die oes is in die kelders – ’n week later as gewoonlik.…

WILDBEDRYF SA het met skok verneem dat die Wes-Kaapse hooggeregshof ’n dringende tussentydse interdik toegestaan het wat die aankondiging van vanjaar se jagkwotas vir beskermde spesies opskort. ’n Finale hofuitspraak word vandeesmaand verwag ná die Humane Society International, ’n diereregtegroep, dié interdik teen die departement van bosbou, visserye en die omgewing bekom het. Me. Barbara Creecy, minister van dié departement, moet nou haar rekord van besluitneming openbaar waarvolgens die kwota saamgestel is. Daarvolgens mag 10 kwesbare luiperds, 150 bedreigde olifante en 10 kritiek bedreigde swartrenosters vanjaar gejag word. Wildbedryf SA sê in ’n verklaring na aanleiding van die hofuitspraak hy volstaan by die wetenskaplike beginsel dat spesies nie net volgens spesies nie, maar ook volgens bevolkingsgrootte bestuur moet word. Die streng regulering van trofeejag in Suid-Afrika op internasionale, nasionale en…

Daar is goeie vooruitsigte vir die Suid-Afrikaanse produksie van olywe, veral in die Wes-Kaap waar die algemene produksietoestande sedert die droogte van 2018 betreklik wyd herstel het. Adv. Willie Duminy, eienaar van Porterville-olywe op die plaas Wêreldsgeluk, sê die binnelandse produksie is sowat 2 000 ton olyfolie, of 2 miljoen liter, wat sowat 30% tot 35% van die plaaslike vraag is. “Die sowat 65% olyfolie wat ingevoer word, is van wisselende gehalte. Dit plaas die binnelandse prys ten opsigte van die volume-mark onder druk.” In teenstelling met die fynproewersmark is die plaaslike olyfolie van puik gehalte. Volgens Duminy het die prys van saadolie (kanola en sonneblomme) die afgelope tyd meer gestyg as dié van olyfolie. “Produsente het die afgelope drie jaar die prysstyging van olyfolie weens weens die kosteknyptang geabsorbeer…

Dit het goed gereën oor groot dele van die grasveldgebiede van Suid-Afrika, met die gevolg dat die veld baie lank uitgegroei het en hierdie winter baie veselrig gaan wees. Vee gaan sukkel om die nodige voedingstowwe aan dié gras te onttrek. Veselvertering is nie ’n maklike begrip om onder die knie te kry nie. Dit is ingewikkeld, maar noodsaaklik om te verstaan as ’n mens diere beter gevoed wil hou op die oorvloed voer van swak gehalte. Om veselverteerbaarheid te verstaan, is dit belangrik om te verstaan wat vesel is. Daar kan uit twee perspektiewe daarna gekyk word. Die een is agronomies en die ander behels voedingswaarde. Vanuit ’n agronomiese perspektief is vesel ’n strukturele selkomponent wat eerstens ondersteuning aan die plant bied en tweedens meer droëmateriaal (DM) daarstel vir…

nr. Theo du Plooy van Polokwane het altyd geweet die boubedryf is maar siklies van aard. Daarom het hy vroeg in sy loopbaan al beoog om ’n ander onderneming op die been te bring. Wildboerdery het vir hom sin gemaak, en dit het goed gewerk – tot die prys van skaars wild en kleurvariante sedert 2016 skerp begin daal het. “Ek het gedink ek moet dalk na iets anders kyk vir die boerdery, maar nie beeste nie. Dit moes iets wees waarvoor ek die infrastruktuur kon benut wat ek vir my wild gebou het.” Du Plooy het toevallig saam met mnr. Ruan Smit, ’n ou vriend en Boerbokteler van Polokwane, na nóg ’n Boerbokteler, mnr. Xander Deysel, ook van dié stad, se Boerbokke gaan kyk. (Deysel is in Oktober 2021…

SAALPERDE 1 Grootkampioen-parkperd, Heaven’s Birthday Surprise. Eienaar: Mnr. Mike McNaughton (083 327 7467), Willow Tree-stoetery, Paarl. Vertoner: Mnr. Junior Hugo. 2 Grootkampioen-driegang (kinderryperd), Nobles Admiral. Eienaar: Mnr. Francois Dercksen (082 555 1701), De Bosch-stalle, Stellenbosch. Vertoner: Me. Anje Dercksen. 3 Grootkampioen-siertuig, Global Appplause. Eienaar: Me. Tina de Jager (082 771 1511), Tears & Roses-stalle, Paarl. Vertoner: Mnr. Junior Hugo. 4 Grootkampioen-vyfgang (plesierperd), Sing Me a Song. Eienaar: Juhanta-stalle (072 443 6663), Paarl. Vertoner: Me. Tharine Schabort. 5 Grootkampioen-enkeltuig, Commander & Chief. Eienaar: Mnr. Braam Groenewald (082 444 4978), Tears & Roses-stalle, Paarl. Vertoner: Mnr. J.P. Hugo. 6 Grootkampioen-driegang, Houtbay. Eienaar en vertoner: Me. Carol Badenhorst (079 632 3585), Tears & Rosesstalle, Paarl. 7 Grootkampioen-vyfgang (kinderryperd), Prince Charming. Eienaar: Mnr. Francois Dercksen. Vertoner: Francois Dercksen jr. 8 Grootkampioen-vyfgang, Supreme Cortet. Eienaar:…

Die Kojo Drakensberger-stoetery volg nou sy prestasie as die kudde met die beste tussenkalfperiode (TKP) vir kuddes met meer as 200 koeie op met die ras se beste Elite-koei. Dié prestasies is behaal danksy ’n lae TKP as gevolg van hoë vrugbaarheid. Mnr. Koos van Niekerk is deel van ’n familieboerdery, Kojo-boerdery (Edms.) Bpk., by Amersfoort in Mpumalanga, saam met sy pa, Jan, en broer, Johan. Hul pa is oorhoofs in beheer van die boerdery. Koos bestuur die vee-afdeling en Johan die saaiery. Hulle boer met Drakensbergers en Merino’s, wat stoet- en kommersiële diere insluit, en saai ook mielies, sojabone, tef en hawer. Koos het eers met Simbra- en Brafordkruisings geboer wat hy met Drakensberger-bulle gedek het. In 2017 het hy sy eerste Drakensbergers gekoop en die Kojo Drakensberger-stoetery in…

Haar tuin was nog al die jare haar toevlug, vertel Hilda Marais van die plaas Skelmkloof buite Bedford in die Oos-Kaap. Haar man, Francois, is die vyfde geslag Marais’s op Skelmkloof – so gedoop vanweë die plaas se ligging in ’n versteekte kloof. Hul seun en kleinseun is die sesde en sewende geslag op die plaas. Hilda en Francois ken albei die omgewing se blom- en dierelewe baie goed en staan bekend as baasvertellers van verhale uit hul kontrei. “Toe my seun as kleuter vier weke lank in die intensiewesorg-eenheid moes deurbring weens ernstige brandwonde, het dokters die amputasie van sy regterarm oorweeg. Hy is regshandig. Ons het vreeslik baie gebid. In die maande daarna, terwyl ons hom toegewyd verpleeg en met rehabilitasie gehelp het, was my roos- en blomtuin…

GAUTENG CARLETONVILLE WILGEBOOM (458), 33 ha, aan A.J. en G. Schoenfeld, van Markus de Witt-trust, R3 500 000. NIGEL HOUTPOORT (392), 73 ha, aan Celtic Moor (Edms.) Bpk., van Treetrust Agri Co (Edms.) Bpk., R2 500 000. PRETORIA DOORNKLOOF (481), 408 ha, aan RSI6 Prop-trust, van T.M.L. Jones, R5 160 000. DOORNKRAAL (420), 21 ha, aan Montchris Prop Holdings (Edms.) Bpk., van VDM Control Solutions (Edms.) Bpk., R2 000 000. ELANDSHOEK (337), 29 ha, aan A.M.S. en G.S. van Dyk, van J.F. van Niekerk, R1 100 000. INDERMINNE (113), 21 ha, aan A.M. en T.M. Kubyane, van JE-ER-boerdery BK, R1 550 000. JAKHALSFONTEIN (528), 37 ha, aan Shipene Inv (Edms.) Bpk., van B.J. van Jaarsveld, R890 000. JAKHALSFONTEIN (528), 206 ha, aan Monsee Inv (Edms.) Bpk., van S.J.N. Janse van…

As daar nog twyfel was oor hoe gesog die land se top-Boerbokke is, is dit nek omgedraai toe ’n stoetooi (nr. 762-18-25) van dié ras vir ’n rekordprys van R200 000 op die Black Tie Blue Blood-veiling verkoop is. Die ooi kom uit mnr. Lukas Burger van Griekwastad se stoetery en is geteel deur me. Riekie de Witt. Die nuwe eienaar is mnr. Salmon van Huyssteen van Pretoria. Die duurste ram op die veiling, ook een van Burger, is teen R200 000 verkoop. Die veiling het die vorm aangeneem van ’n formele dinee. Tydens die veiling is video’s van die bokke op skerms in die lokaal vertoon, nadat voornemende kopers hulle die middag kon deurkyk. Mnr. Paul van Biljon van die Boerbok-stoetery Rikpau naby Bloemfontein was een van die tevrede…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in die Landboukalender. Stuur die besonderhede aan lbw@landbou.com KONFERENSIES 25-29 JULIE: 57ste kongres van die Weidingsvereniging van Suider-Afrika, Aldam-vakansieoord, Ventersburg. E-pos: info@grassland. org.za BOEREDAE 4 MEI: Skaapboeredag met Neill Powell en Pieter Möller, Prieska. Aangebied deur Oranjerivier Voere. 082 808 4129. 19 AUGUSTUS: 40ste jongooikuddedag, aangebied deur Agri Malmesbury se skaapstudiegroep. John Dürr, 082 652 1715. KONGRESSE 2 JUNIE: Mpumalanga Landbou, Badplaas Forever Resort. Petro Geyer, 066 035 1231. VERGADERINGS 10 JUNIE: Agri-Expo-ledeskouevergadering, www.agriexpo.co.za 16 NOVEMBER: Sauvignon Blanc SA, tegniese seminaar. Web: www. sauvignonblanc.com GHOLFDAE 13 MEI: Op die plaas-gholfdag, Morgenzon-gholfklub. Aangebied deur die Morgenzon-landbou-akademie. Gawie, 073 855 2321. FEESTE, EKSPO’S 23-24 APRIL: SA Kaasfees Opwip-piekniek, Groote Postwynlandgoed, Darling. 30 APRIL - 2…

‘Ons moet maar in die stof plant as dit nie voor daardie tyd reën nie.’ MNR. KOOS BLANCKENBERG van Klipheuwel oor wat hom te doen staan as dit teen Paasnaweek nie reën nie. Bl. 16 ‘Talle vragmotors het al vasgeval, waarna boere verplig was om hul eie tyd en toerusting te gebruik om die bestuurders uit te help.’ MNR. DIRK KRAPOHL, hoofbestuurder van Agri Noord-Kaap, oor die toestand van alternatiewe roetes ná ’n belangrike seksie van die R31 tussen Daniëlskuil en Koopmansfontein gesluit is. Bl. 19 ‘Dit kan wel beteken dat ’n mens meer onderhoudswerk aan riviere, kanale en damwalle sal moet doen.’ PROF. MIKE MULLER, waterkenner, oor hoe klimaatsverandering Suid-Afrika se watervoorsiening kan beïnvloed. Bl. 24 ‘(Dit sal) ekonomies waarskynlik onmoontlik vir Eskom wees om die nodige tegnologie aan…

ARTIKELS & RUBRIEKE ■ Boere moet help met data om by klimaatsverandering aan te pas ■ Bierbedryf veg moedig voort ■ ‘Goeie makadamia- en avokadoproduksie begin by gesonde grond’ ■ Herstel ná die droogte: Kry ’n weiveldbestuurstelsel ■ Wyn: Gryp die goue era van aanlyn verkope aan ■ Doeltreffendheid by vleisbeeste: Is dit nog belangrik? ■ Boereplan: Meter toon watervlak akkuraat SPESIAAL ■ Landbouskole ■ Wiele ■ Suiwel GESIN ■ Op die spoor van die Kaap se luiperds…

DIE departement van water en sanitasie het vir die eerste keer sedert 2014 weer ’n groendruppelverslag oor die stand van Suid-Afrika se afvalwaterstelsels uitgereik. Hiervolgens het slegs 23 uit 995 afvalwaterstelsels meer as 90% in die oudit behaal, wat in 2021 gedoen is. Mnr. Senzo Mchunu, minister van water en sanitasie, het met die bekendstelling van die verslag op 1 April gesê 30 munisipaliteite het 88% tot 98% in die oudit behaal. Die oudit het bevind die meeste landelike munisipaliteite sukkel om meer as 50% te behaal. Slegs 5% van stelsels in die Vrystaat en Limpopo kon dié drempel bereik, teenoor 75% van die stelsels in Gauteng. Altesaam 334 uit 850 munisipale afvalwaterstelsels, oftewel 39%, se toestand word as kritiek beskryf, vergeleke met 29% in 2013, die vorige keer toe…

HAWENS | Chaos kos boere Ná belowende tekens in Desember van vordering met die agterstande by die Kaapstadhawe, het sake teen druktyd weer versleg. Hortgro sê veral pruimboere betaal tans die prys daarvoor. “Daar is voortslepende probleme ten opsigte van wêreldwye verskeping en logistiek. Ander lande wat ook vrugte uitvoer, ervaar dieselfde probleme. Bottelnekke en tekorte aan vraghouers is by feitlik alle hawens ’n werklikheid wat deur die oorlog in Oekraïne vererger word. “Die eindelose probleme by Suid-Afrika se hawens, spesifiek Kaapstadhawe, is egter die grootste enkele bedreiging vir ons bedryf,” sê mnr. Jacques du Preez, hoofbestuurder van handel en markte by Hortgro. Lees meer by bit.ly/35xuRQo. — Michelle van der Spuy PLAE | Nagmuise slaan toe Aan die vooraand van die wintergraanplantseisoen het Graan SA reeds klagtes van Wes-Kaapse…

1 KENIA| Boere beweeg weg van tabak Keniaanse boere is die eerste wat baat vind by ’n program van die Verenigde Nasies (VN) om tabak met gesonder gewasse te vervang. Dit is deel van die VN se pogings om ’n einde aan tabakverslawing te bring. Tot dusver het boere 135 ton bone aan die wêreld-voedselprogram van die VN verkoop, en volgens die VN meer daarmee verdien as vir tabak. Die alternatiewe gewasse is volgens die Wêreldgesondheidsorganisasie omgewingsvriendeliker en minder afhanklik van kinderarbeid, wat die maatskaplike vooruitsigte van tabakboere se kinders verbeter. – AllAfrica 2 ETHIOPIË & SOMALIË | Hulp teen hongersnood Nagenoeg 10 miljoen Ethiopiërs en Somaliërs word deur hongersnood in die gesig gestaar weens ernstige droogte. Die Switserse regering het CHF 10,8 miljoen (R170 miljoen) geskenk aan…

Die werklikheid is dat wetgewing oor SEB hier is om te bly. Die voorskrifte word jaar ná jaar strenger. Skaalekonomie dwing die landbou om handel te dryf met kleinhandelaars of die staat, wat SEB-gradering as ’n voorvereiste beskou om sake te kan doen. Ons kom al hoe meer in aanraking met mense wat al jare lank met die groot kettingwinkels sake doen en nou sterk “aangemoedig” (dalk eerder vrywillig verplig) word om ’n hoë SEB-gradering te bekom. Ondernemings wat ’n om-set van minder as R10 miljoen per jaar toon, is kwytgeskelde mikro-ondernemings. Dié wat ’n omset van R10 miljoen tot R50 miljoen het, is klein ondernemings wat in aanmerking kom, en dié met ’n omset van meer as R50 miljoen is groot ondernemings. Elkeen van hierdie kategorieë het sy eie…

’n Nuwe sojaboonkultivar met beter verdraagsaamheid teen droogte gaan binne drie jaar in Suid-Afrika beskikbaar wees, het mnr. Francisco Lafuente van Southern Hemisphere Seeds op ’n sojaboon-inligtingsdag van Grainvest op Potchefstroom gesê. Dit is danksy tegnologie in sonneblomme wat geïsoleer en by ’n deel van sojabone ingeplant is waar die plant se beskerming beheer word. Dit sal die droogteverdraagsaamheid aansienlik verhoog. Hy het gesê wanneer ’n plant die effek van droogte aanvoel, word die plant se groei beëindig om die plant in staat te stel om te oorleef. Dit gebeur twee weke voordat ’n mens enige sigbare tekens van stres kan waarneem. Die geen wat geïsoleer is, laat die sojaboonplant aanhou groei “asof niks gebeur het nie”. In sulke toestande kan die nuwe sojaboon ’n oes lewer wat sowat 30%…

DEUR aartappels te plant in papier wat van piesangblare gemaak word, kan boere aartappel-sistaalwurms help bestry. Hierdie mikroskopies klein wurms teer op die wortels van jong aartappelplante, en in die proses kan oeste ernstig geknou word. Dit is moeilik om van die wurms ontslae te raak omdat hul eiers binne vroulike nematodes oorbly en vir jare in die grond kan agterbly. Groot hoeveelhede word in siste gelê, wat aan wortels heg. Luidens ’n artikel op die webwerf Science.org vergeel en verwelk besmette aartappelplante se blare. Hulle lewer kleiner aartappels, dikwels met merke op, wat beteken dat dit nie noodwendig as hoëgehalteprodukte verkoop kan word nie. In gematigde lande kan die aalwurm in bedwang gehou word deur aartappels afwisselend met ander gewasse te plant, die grond met plaagdoder te behandel, of…

NUWE ONKRUIDDODER VIR KORINGBOERE ’n Nuwe onkruiddoder wat onkruid by koring bekamp, Aubaine® 518 SC (reg.nr. L11069, Wet 36 van 1947), is deur Corteva Agriscience bekend gestel. Dit bied beskerming as voorplant-, vooropkoms- en vroeë opkomsmiddel, veral in die winterreënstreke. Die onkruiddoder bevat die aktiewe bestanddele chlortoluron en isoksaben wat in plaaslike proewe ’n suksesvolle kombinasie teen raaigras en sekere breëblaaronkruid was. Mnr. Henry Hoek, afdelingshoof van bemarking, sê weerstand teen raaigras (Lolium spp.) wat tussen graan opkom, is ’n groot frustrasie vir saaiboere. Weerstand word ook mettertyd teen onkruiddoders opgebou. Die goeie nuus is dat dit nie met Aubaine® gebeur nie, wat raaigras bestry en ook ’n doeltreffende middel in die boer se arsenaal is om weerstand te bestuur. “Koringboere kan nou die risiko beperk wat onkruid, soos klawer…

enewens die feit dat S clerotinia lank in die grond kan oorleef deur sy oorlewingstrukture, sclerotia, maak die groot verskeidenheid gasheerplante waarop dit kan oorleef, dit baie moeilik om die siekte te bekamp. Só sê dr. Miekie Human, navorsings-en-beleidsbeampte by Graan SA. Sy het in ’n aanbieding op Graan SA se kongres gesê daar is in hierdie stadium waarskynlik meer as 500 gasheerverwante plante vir Sclerotinia. Buiten landbougewasse, soos sojabone en sonneblomme, sluit dit ook ’n groot verskeidenheid onkruid in. Die siekte is wyd verspreid onder plante. Volgens Human is die opsies vir bekamping – chemies én biologies – relatief beperk. “Die toediening van chemiese middels is baie belangrik en moet eerder voorkomend toegedien word as wanneer die siekte eers opgemerk word. Dit skep ’n probleem deurdat daar hoë koste…

PAASSPESERYBROOD MET SOETRISSIESMEERKAAS EN GROENVYE Die subtiele speserygeure van paasbolletjies in ’n ryk, botterige brood is ’n perfekte laat Paasontbyt of ligte ete. ■ 1 blik (385 g) kondensmelk ■ 250 ml kookwater ■ 125 g botter, in blokkies gesny ■ 2 ekstragroot eiers, geklits ■ 250 ml koue water ■ 2 pakkies (10 g elk) kitsgis ■ 1,25 kg koekmeel ■ 10 ml sout ■ 10 ml fyn kaneel ■ 5 ml gemengde speserye ■ 3 ml neutmuskaat ■ 5 ml anyssaad Meng die kondensmelk, kook-water en botter tot die botter gesmelt is. Klits die eiers en voeg die koue water by. Voeg dit nou by die kondensmelkmengsel en sprinkel die gis oor. Roer liggies deur. Sprinkel 500 ml van die meel oor en meng deeglik. Bedek losweg en…

In die meegaande TABEL is ’n opsomming van grondtransaksies groter as 10 hain die Oos-Kaap vir die 12 maande tot Februarie vanjaar. In dié tydperk is 315 ooreenkomste in 33 distrikte gesluit. Dit het 156 417 ha teen R1,502 miljard behels. In 14 (42%) van die distrikte is gunstige prysneigings waargeneem. Pryse stabiliseer in groot dele van die provinsie ná die ernstige droogte. Pryse het met meer as 10% gedaal by Cradock (-14,4%), Graaff-Reinet (-15,3%), Humansdorp (-14,7%), Joubertina (-13,3%), Molteno (-15,7%), Queenstown (-20,3%), Steynsburg (-20,7%), Tarkastad (-10,9%) en Kriega (-13,2%). By Barkly-Oos het pryse met 11,5% gestyg, by Oos-Londen met 10,5% en by Uniondale met 10,9%. Ten opsigte van die registrasie van transaksies vir plase van verskillende groottes, lyk dit soos volg (verlede jaar se syfer is tussen hakies): kleiner…

KLEINVEE REKORDPRYS VIR BOERBOK-OOI OP GLANSVEILING ’n Rekordprys van R200 000 is betaal op BKB se Black Tie Blue Blood-veiling naby Riebeek-Kasteel. Kopers van so ver as die Midde-Ooste het die veiling bygewoon en dit is terselfdertyd aanlyn op BKB se web-platform gehou. Mnr. Danie Strauss, streekbestuurder vir die sentrale streek by BKB en afslaer op die veiling, het aan Landbouweekblad gesê die Black Tie Blue Bloodgeleentheid gee kopers op een plek toegang tot die land se top-bloedlyne. Hy het gesê die diere wat aangebied word, word vooraf gekeur. “Die toptien-wenners op die internasionale Boerbokskou kan hul diere op hierdie veiling aanbied.” Ander telers wat na die veiling genooi word, het op die jaarlikse nasionale Boerbok-veiling die hoogste gemiddelde pryse vir twee ramme en twee ooie behaal. Elke dier wat…