Indholdsfortegnelse for 28 April 2022 i Landbouweekblad

NES ’N DONKIE Vrees kan maak dat ’n donkie ’n leeu aanval. Met die omstandighede wat heeltyd aan die verander is, en boere wat aanhoudend die wind van voor kry oor grond, lone, markte en uitvoer, kan dinge nogal rof raak. Voeg daarby die vrees oor plaasveiligheid, die koste wat aangegaan moet word om jou eie mense te beveilig en jou produk te verseker, en die koste van brandstof, krag en toe-rusting, dan kom jy agter dat boerdery deesdae ’n volwaardige besigheid is. Dan moet jy ook onthou van droogtes, vloede, siektes en plae wat die boer soos ’n dief in die nag bekruip. En natuurlik verwag mense ’n perd se produk vir ’n donkie se prys wanneer dinge van ’n plaas af kom. Wanneer jy lief raak vir ’n…

MEER as die helfte van die KwaZulu-Natalse Suidkus se jaarlikse reënval het van 8 tot 12 April geval. Mnr. Johan van den Berg, ’n onafhanklike landbouweerkundige, sê in dié periode het Durban sowat 404 mm gemeet, Margate sowat 570 mm en Port Edward 495 mm. Die gemiddelde jaarlikse reënval vir April op Port Edward wissel van 70 mm tot 80 mm, en die jaarlikse gemiddelde reënval daar is sowat 900 mm. Van den Berg sê oor die jare het verskeie oorstromings al in KwaZulu-Natal voorgekom tydens sterk La Niña-seisoene. Een só ’n voorbeeld is die ernstige oorstromings op 14 en 15 April 1989 in Durban en meer suidwaarts na Margate, toe van 150 mm tot 200 mm binne ’n kort tyd geval het. Op 5 Mei 1988 is 285 mm…

Mnr. Izaak Breitenbach, hoofbestuurder van die braaihoenderorganisasie van die Suid-Afrikaanse Pluimveevereniging (SAPV), het in reaksie op Amie se oproep vir die verwydering van BTW op hoendervleis gesê die organisasie steun ’n soortgelyke oproep deur die teenstortingsbeweging FairPlay, spesifiek vir dié hoendersnitte wat verbruikers in laerinkomstegroepe koop. Oor die versoek om alle invoertariewe op te hef, het hy gesê hoendervleispryse het nie weens invoertariewe gestyg nie, maar weens duurder voergrondstowwe. “Laasgenoemde is ’n korttermynprobleem, terwyl die plaaslike braaihoenderbedryf bewys het dat hy op lang termyn goedkoop hoendervleis kan produseer, goedkoper as Europese produsente.” Breitenbach het gesê prysstygings in 2021 moet beskou word teen die agtergrond dat pryse in 2020 gedaal het weens covid-19-verwante inperkings wat onder meer verkope van wegneembraaihoender betref. SAPV-syfers sedert Desember 2015 toon dat hoendervleispryse tot nou met…

TER wille van Suid-Afrikaanse boere moet die oorlog in Oekraïne so gou moontlik eindig omdat veral graanboere swaar onder stygende produksiekoste gebuk gaan, het mnr. Theo Vorster, uitvoerende hoof van Galileo Capital, op die Wolmaransstad-studiegroep se jaarlikse Groendag gesê. Al maak die Russiese ekonomie net ’n klein deel van die internasionale bruto binnelandse produk uit, het die oorlog ’n groot impak op die graan- en kunsmismark. “Dit is waar die probleem vorentoe gaan kom. Jy hoef nie die grootste belanghebbende te wees nie om ’n groot internasionale impak te hê nie; net ’n beduidende belanghebbende. “Daarom het die Russiese inval in Oekraïne ’n groot uitwerking op veral die beskikbaarheid en pryse van kunsmis, wat ’n groot probleem vir graanboere is. “Die vraag is of dit tydelik of permanent gaan wees.…

Wêreldwyd het voedselpryse in Maart met meer as 13% binne net ’n maand gestyg. Dit is tans op die hoogste vlak nóg. Volgens die Voedsel-en-landbou-organisasie (VLO) het voedselpryse die afgelope jaar met sowat 32% gestyg. Die pryse word in Amerikaanse dollar gemonitor. Sake het veral drasties versleg vir lande wat netto invoerders van landbou- en voedselprodukte is, wat meestal in die groep laerinkomstelande val wie se geldeenheid teen die dollar verswak het. Daar word al hoe meer berig oor toenemende honger in baie ontwikkelende lande (waarvan baie Suid-Afrika se noordelike bure is). Daar is na raming reeds sowat een uit drie mense wat ondervoed en honger is. Die verslegtende toestand skep weer ’n teelaarde vir hernude maatskaplike onrus in baie lande. In Suid-Afrika dui die jongste voedselinflasiesyfer ’n 6,7%-styging op…

“Ek staan elke oggend op met ’n droom, en dit is om ’n verskil te maak in my omgewing en beroep en in my gesin se toekoms. Ek is optimisties oor die landbou in Suid-Afrika, al bly dit vir elke boer ’n enorme kwessie. Só bou ek stukkie vir stukkie aan my droom om ’n grondslag vir my seuns as toekomstige jong landbouprodusente te lê.” Mnr. Jess Walker vertel die landbou het ’n groot verandering ondergaan en verskeie landsburgers se persepsie het verander met die verkiesing van mnr. Cyril Ramaphosa tot president. “Ek merk ook op dat me. Thoko Didiza, minister van landbou, grondhervorming en landelike ontwikkeling, ons sektor vir die eerste keer in ’n lang tyd as een van die belangrikste faktore in voedselsekerheid erken. Grondhervorming staar ons wel…

■ Navorsing toon ’n skeurploegbewerking voor plant in jare van gemiddelde of ondergemiddelde reënval help om gewaswortels se toegang tot grondvog te verbeter. ■ Hoewel die proewe toon dat ’n mieliesaaidigtheid van 30 000/ha die optimale standaard vir dié streek is, kan elke boer dit verfyn om by sy plaas se produksietoestande te pas. ■ Sojabone verduur nie net versuipte watertafelsandgrond beter as mielies nie, maar dit gee ook mielieopbrengste wat in wisselbou met sojabone verbou word, ’n hupstoot.…

Die eienaars van die megaboerdery ZZ2 aan wie die PinZ²yl-Elite-koei, PZ 10-0007, behoort, meen sy kon selfs beter presteer het. ZZ2 het die grootste Pinzgauer-stoetery ter wêreld. Dit het sy beslag gevind toe wyle mnr. Bertie van Zyl sy eerste Pinzgauers in 1964 ingevoer het. In die laat 1990’s is begin met kruisteling in die soeke na ’n meer geskikte, aangepaste beesras vir die strawwe omgewing by Mooketsi. Ná toetse met 14 beesrasse het die kruisteling tussen die Pinzgauer en Nguni die meeste aanklank gevind. Uit hierdie proefneming is die PinZ²ylras in 2000 gebore. Dit is in 2009 deur die registrateur van veeverbetering as ’n saamgestelde ras onder ontwikkeling erken. PinZ²yl verwys na die Pinzgauer as ’n insetras, ZZ2, die Van Zyl-van en die samevoeging van die beste van twee…

Die benutting van tegnologie vir die teel van optimaal vrugbare vleisbeeste wat uitstekend groei, is die suksesverhaal van die Clarks wat van geslag tot geslag oorgedra word. Mnr. Ed Clark met sy HBH-Tuli-stoetery is die vierde geslag Clark wat met deeglike bestuur en nougesette seleksie in ’n klipharde omgewing vooruitgaan. Sy diere se hoë speenpersentasie van meer as 90 getuig van die kennis wat deur sy pa, Russell, aan hom oorgedra is. Russell boer op die plaas Den-wood waar die Hereford-stoetery bedryf word, en Ed op Hartebeesthoek met die Tuli’s en kommersiële beeste. SA Stamboek behartig die registrasie- en prestasiedata wat die Clarks in staat stel om teelwaardes te bereken. “Aangesien elke ras sy eie teelwaardes en data het, is dit maklik om sinvolle seleksie te doen. Die belangrikste is…

SEEKOSKERRIE MET TAMATIE EN KLAPPERROOM ■ 4 visfilette, in groterige blokkies gesny ■ 1 eiervrug, in klein blokkies gesny en liggies met sout besprinkel ■ Olie, vir braai ■ Sout en peper na smaak ■ 1 ui, dungesny ■ 7 ml fyngekapte knoffel ■ 7 ml fyngerasperde, vars gemmer ■ 5 ml panch puran (sien Wenk) ■ 1 blik (410 g) gekapte tamaties ■ 30 ml geroosterde kerriemengsel ■ 5 ml geroosterde komyn ■ 5 ml gemaalde koljander ■ 125-180 ml klapperroom ■ 3 ml saffraandraadjies ■ ’n Hand vol gekapte vars koljanderblare ■ ’n Hand vol gekapte stingeluie Druk die visblokkies met kombuispapier droog en hou eenkant. Spoel die eiervrugblokkies met water af en druk dit ook goed droog met kombuispapier. Verhit die olie in ’n groot pan en…

GAUTENG PRETORIA BLESBOKFONTEIN (558), 78 ha, aan P.W.A. Nienaber, van J.J. Duvenage en Y. Duvenage, R1 500 000. DIEPSLOOT (388), 30 ha, aan Zevenfontein Prop (Edms.) Bpk., van Meadow-trust, R17 000 000. KAMEELFONTEIN (297), 23 ha, aan MM2 Projects (Edms.) Bpk., van Eternal Flame Inv (Edms.) Bpk., R1 995 000. KLIPDRIFT (121), 22 ha, aan Kamba Game Lodge (Edms.) Bpk., van G.J. Hugo en R. Hugo, R1 150 000. KLIPFONTEIN (429), 89 ha, aan Maximprops (Edms.) Bpk., van RZT Zelpy (Edms.) Bpk., R2 200 000. KLOPPERSBOS (128), 21 ha, aan C. en M. Annandale, van M. Bosch, R2 500 000. KLOPPERSBOS (128), 21 ha, aan C. Bosman, van M.X. van Jaarsveld, R2 115 000. KNOPJESLAAGTE (385), 22 ha, aan Helrey (Edms.) Bpk., van Otjikoto-familietrust, R2 500 000. RANDJESFONTEIN (405), 27…

TRANSNET het vroeg vandeesmaand ’n beroep om aanbiedinge uit die private sektor gedoen om 16 tydgleuwe op twee vraghouerspoorlyne (Gauteng na Durban en Gauteng na Oos-Londen) te bedryf. Dié tydgleuwe sal vir ’n gidsperiode van 24 maande, van 2022 tot 2024, geldig wees en het kommer laat ontstaan by voornemende deelnemers dat honderde miljoene rande se beleggings deur derde partye tevergeefs sal wees, omdat dit onwaarskynlik is dat belangstellendes sal belê in toerusting wat 30 jaar sal hou, net om ’n kontrak van twee jaar te bekom. Me. Mesela Nhlapo, uitvoerende hoof van die Afrika-treinnywerheidsvereniging (Aria), sê daar sal dus baie min treine beskikbaar wees vir die gidsprojek, en dit sal in effek beperk wees tot ongebruikte treine waarvoor daar voorheen aansoek gedoen is in ander projekte. Aria maak ook…

$1,5 miljard Oekraïne het teen vroeg vandeesmaand reeds $1,5 miljard (sowat R21,86 miljard) se verliese aan graanuitvoer gely weens die Russiese inval in die land. Pakhuise in dié land is vol graan wat nie uitgevoer kan word nie omdat Rusland toe-gang tot die Swartsee, die land se hoof-uitvoerroete, blokkeer, en vragmotors staan stil omdat die meeste vragmotorbestuurders mans in die ouderdom van 18 tot 60 is, wat nie die land mag verlaat nie. — New York Times 400-500 Die Duitse afslagsupermark Lidl het luidens berigte sy eie skeepsvragmaatskappy gestig om die internasionale logistiekkrisis die hoof te bied. Na berig word, het die maatskappy kapasiteit vir ’n weeklikse volume van 400 tot 500 twintigvoet-ekwivalente eenhede. Die maatskappy het ’n aansoek by die Europese handelsmerkkantoor ingedien om ’n maatskappy Tailwind Shipping Line…

MNR. JESS WALKER van Vanderbijlpark was in 2021 die naaswenner in TLU SA se Jongboer van die Jaar-kompetisie. Hy boer met mielies en Limousin-beeste. Lees die artikel op bl. 32. VERTEL VAN JOU GESIN. Ek en my vrou, Chrissie, het twee kinders: Ruhann (5) en Luca (2). HET JY NÁ SKOOL GESTUDEER? Ja. BEd aan die Noordwes-Universiteit. HET JY ’N STOKPERDJIE? Ek is gaande oor jag en die veld, al is dit net om meerkatte saam my seuns en duiwe om die sonneblomlande saam met my vriende en gesin te skiet. WAAR HOU JY VAKANSIE EN HOEKOM JUIS DAAR? Ons familie hou jaarliks vakansie in Mauritius of Zanzibar. Ons geniet die water, gasvryheid en wit strande. Dit is ons tyd as familie om net weer naby aan mekaar te wees.…

DIE invloed van die neerslae in KwaZulu-Natal kan verreikende gevolge vir die land se sojaboonbedryf inhou. Belanghebbendes met wie Landbouweekblad gepraat het, is bekommerd dat hoë reënval die gehalte van sojaboonsaad kan benadeel. Mnr. Tyson Zunckel, sojaboonsaadboer van Berg-ville in KwaZulu-Natal, sê hy is bekommerd dat die groeikragtigheid van sojaboonsaad ingeboet kan word indien die lande te laat gestroop word. “Ons het teen 13 April reeds ’n 30 jaar oue rekord oortref wat reënval aanbetref, en daar word nóg reën voorspel. “Intussen het ons al begin om ons sojabone te stroop, maar met die reën kon ons uiteraard nog nie alles afgestroop kry nie.” Die boerdery het ’n stroper met rusperbande, maar om die stroper in sulke modderige omstandighede te gebruik, kan sy lande se grondstruktuur beskadig. Zunckel sê hoewel…

DIT was nie net KwaZulu-Natal wat vandeesmaand rekordneerslae gekry het nie. Etlike ander plekke in die somerreëngebied het reeds teen 11 April dubbel of meer van die gemiddelde neerslae vir die maand gekry. Mnr. Johan van den Berg, onafhanklike landbouweerkundige, wys daarop dat die 150 mm reën wat van 1-11 April in Bloemfontein geval het, meer as drie keer die gemiddelde van 46 mm vir April is. “Dit is die derde meeste reën in April in Bloemfontein in die afgelope meer as 100 jaar. In April 1968 is 201 mm aangeteken en in April 1943 190,6 mm.” In April 1950, April 1931 en April 1988 is onderskeidelik 135,5 mm, 121 mm en 113,8 mm reën in die stad aangeteken. In ál bogenoemde seisoene was ’n La Niña-verskynsel teenwoordig, soos wat…

DIE landboubeleggingsmaatskappy Zeder het ná bykans ’n jaar sy omsigtigheidsaankondiging teruggetrek oor die moontlikheid dat van sy bates van die hand gesit kan word. Zeder het op 14 April 2021 sy aandeelhouers ingelig die maatskappy is deur verskeie derde partye genader wat in sy bates belang stel. Zeder het sedertdien sy belang van meer as 98% in The Logistics Group verkoop en ook einde Februarie aangekondig hy gaan sy aandele in Kaap Agri aan aandeelhouers ontbondel. ’n Spesiale dividend van 92,5c sal in Mei aan Zeder se aandeelhouers uitbetaal word. Zeder het toe op 12 April sy omsigtigheids aankondiging or moontlike verdere transaksies vir eers teruggetrek. Mnr. Johann le Roux, uitvoerende hoof van Zeder, sê hoewel die raad nog in gesprek met derde partye is, is daar sekere finansieringsterme en…

B U ITEN die landwye bekamping van bek-en-klouseer wil die nuutgestigte groepering vir primêre rooivleisprodusente die oorsprong daarvan binne Limpopo, waar die siekte in sekere gebiede endemies is, ondersoek. “Ons het besluit om ’n ondersoek te doen oor die onwettige verskuiwing van diere,” sê mnr. Dewald Olivier, uitvoerende hoof van die Suid-Afrikaanse voerkraalvereniging. “Ons wil weet wat die bewegings is, waarheen die diere verskuif is en waarom hulle verskuif is. “Ons gaan ’n span aanstel om dit vir ons as bedryf te ondersoek sodat ons meer duidelikheid het oor wat presies op grondvlak aan die gang is. Dan kan ons die regte besluite neem as ons weet wat die werklike omvang van die onwettige verskuiwings is.” Die groepering, waarvan die voerkraalvereniging deel is, verteenwoordig die hele rooivleiswaardeketting. Dit het ten…

’N TAMATIE is weer aangewys as die vernuwendste produk op die wêreld se grootste vrugte-en-groente-ekspo in Berlyn. Die Fruit Logistica Innovasie-toekenning is vanjaar aan Granada La Palma in Spanje se Amela-tamatie toegeken. Besoekers aan Fruit Logistica het twee dae gehad om te stem vir die produk op die ekspo wat hulle meen die vernuwendste is. Amela het sowat twee derdes van die stemme ingeoes. Die tamatie se intense aroma, hoë Brix-waarde en talle voedingstowwe en aminosure het kiesers beïndruk, want die tamatie is byna so soet soos ’n vrug. Luidens ’n mediaverklaring het die idee vir Amela in 1996 in Japan ontstaan. Besproeiing word tot die minimum beperk om die suiker- en suurvlakke in die tamatie te balanseer vir ’n ongelooflike eetervaring. Die tamaties word tans in die suide van…

ME. BARBARA CREECY, minister van omgewingsake, bosbou en visserye, het by die Gautengse hooggeregshof toestemming gevra om teen sekere dele van regter Colleen Collis se uitspraak oor lugbesoedeling in die Hoëveldse voorkeurgebied te appelleer. Collis het op 18 Maart in haar uitspraak gesê dat die hoë vlakke van lugbesoedeling op Mpumalanga se Hoëveld ’n skending van die mense wat daar woon en werk se grondwetlike reg op ’n skoon, veilige omgewing is. Sy het die staat opdrag gegee om regulasies te ontwikkel vir die toepassing van die Hoëveld-prioriteitsgebied se lugbestuursplan wat ontwikkel is om die omgewing se lug te suiwer tot voorgeskrewe gesondheidstandaarde. Sy het Creecy oor die vingers getik omdat sy haar wet-like plig om die regulasies te skryf en die Hoëveldplan in werking te stel “onnodig vertraag” het.…

Watter rol speel tegnologie in jou boerdery? Tegnologie help ons om slimmer en doeltreffender te boer – presisietoerusting vir saai om saad en chemikalieë doeltreffend aan te wend en rekenaartegnologie by beesboerdery om rekordhouding te vergemaklik. Wat is die beste raad wat jy al gekry het? My skoonpa sê altyd: “Pasop vir die klein jakkalsies, hulle vreet jou wins op,” en “niks in die lewe is verniet nie; werk daarvoor, dan sal jy die vrugte pluk.” Wat is die grootste fout wat jy gemaak het? Gelukkig het ek ’n mentor, my skoonpa, wat help om my pad gelyk te maak. Ons praat baie oor besluite en ek het tot dusver gelukkig nog geen groot foute gemaak nie. Wie was jou mentor? My oupa, Jess, pa, Rudi, en oom Jerry was…

WARM VOETE VIR DIE WINTER Wees voorbereid op die winterkoue met ’n paar skaapvelpantoffels gemaak van egte Suid-Afrikaanse Merino-skaapvel. Karoo Baba se handgemaakte pantoffels, met Merino-skaapvel aan die binnekant en ’n suède-buitekant, is in ’n verskeidenheid kleure en ontwerpe beskikbaar. Daar is ook ’n opsie van sagte sole vir binnenshuise dra, asook harde sole wat meer gepas sal wees buite op die plaas. Elke pantoffel word uit een stuk Merino-skaapvel gemaak en vou dus knus om jou voet vir gemak. Die Karoo Baba-reeks, wat weelderig, natuurlik en hipoallergenies is, sluit ook skaapvelle in wat oor iets gedrapeer kan word, of as mat op die vloer gebruik word. Daar is ook opsies vir pasgemaakte velle waar twee of meer velle aan mekaar vasgewerk kan word. Hierdie velle is nuttig in kinderkamers.…

Saffraan is ’n spesery afkomstig van die Crocus sativus-blom. Dié duurste spesery ter wêreld word deesdae wyd in Suid-Afrika geplant. Bennie Engelbrecht van Saffricon tussen Williston en Calvinia vertel meer. Hoe het die saffraanboerdery in Suid-Afrika ontstaan? Toe ek so 50 was, het ek my lewenslange droom verwesenlik om te gaan boer. Ek het besluit ek wil met iets unieks boer en het vier jaar lank navorsing en klein proewe gedoen om te bepaal of saffraan kan werk. Ek boer sedert 2018 daarmee en het sowat 2,5 ha geplant. Ons verskaf ook saad en raad aan ander boere. Daar is sowat 5-6 ha reg oor Suid-Afrika. Dit klink min, maar saffraan kan op ’n klein stukkie grond ’n baie goeie inkomste lewer. Saffraan word gewoonlik met Mediterreense klimaatstreke vereenselwig. Hoekom…

My pa het my vroeg in Januarie voor die Môreson-seunskoshuis op Clanwilliam afgelaai. ’n Rukkie later was ek besig om my klere uit te pak in ’n kamer wat deur tannie Van Rhyn, die koshuismoeder, aan my toegewys is. Die koshuislewe en die ontgroening was ’n aanpassing, maar ek het gou van die koshuislewe gehou. Ek was 16 jaar oud en in graad 10. Die tyd het vinnig gevlieg en kort voor lank was die jaar op sy einde. Dit is wanneer die seuns- en meisiekoshuise se gesamentlike jaareindfunksie gehou word. Die tradisie is dat jy ’n meisie van die meisiekoshuis per brief “skiet” om jou metgesel te wees. As sy nee sê, antwoord sy in ’n blou koevert. Die “bloupas”. As dit ja is, kry jy ’n witpas. Ek…

In die meegaande TABEL is ’n opsomming van grondtransaksies groter as 10 ha in die Vrystaat vir die 12 maande tot Maart vanjaar. Altesame 71% distrikte toon ’n gunstige prysneiging. In dié tyd is 618 ooreenkomste in 42 distrikte gesluit. Dit het 275 462 ha teen R3,011 miljard behels. Pryse by Thaba Nchu het met 11,8% gestyg. By Fauresmith het pryse met 18,7% gedaal, by Odendaalsrus met 18,3% en by Wesselsbron met 12,8%. Ten opsigte van die registrasie van transaksies vir plase van verskillende groottes, lyk dit soos volg (verlede jaar se syfer is tussen hakies): kleiner as 50 ha, 10% (10%), 50-150 ha, 17% (15%); 150-300 ha, 23% (25%); 300-450 ha, 20% (19%); 450-600 ha, 9% (10%); groter as 600 ha, 21% (21%). Statistieke vir ál die provinsies is…

BORAN REKORDPRYS VAN R33 000 VIR SEMEN ’n Rekordprys van R33 000 vir ’n strooitjie Boran-semen is op die Sale of the Bonts by die Fire & Wine-arena naby Pretoria betaal. Die koper is die Thaba Nyoni-stoetery van Badplaas en die verkoper was die Hurwitz-boerdery van Davel. Die hoogste prys op die veiling was R650 000 vir die koei GE 17-47 en haar bulkalf GE 21-49. (Foto langsaan.) Koeie met kalwers het gemiddeld R248 750 behaal. Dragtige verse het gemiddeld R170 625 behaal. Die hoogste prys vir ’n dragtige vers was R300 000 vir ’n vers van Hotspot Cattle, Ventersdorp. Die koper is die Thaba Nyonistoetery. Nie-dragtige verse is teen gemiddeld R91 250 verkoop. Semenstrooitjies het gemiddeld R18 500 behaal en embrio’s gemiddeld R8 705. Die totale aanbod op die…

‘Die meeste van die nat Aprilmaande wanneer ’n La Niñaverskynsel teenwoordig was, is gevolg deur ’n Mei met bogemiddelde reënval.’ MNR. JOHAN VAN DEN BERG, ’n onafhanklike landbouweerkundige, oor die buitensporig baie reën wat in die aanloop tot druktyd geval het. Bl. 17 ‘Ons het baie in die plase belê, dus is dit jammer dat die probleme in die verskaffingsketting die besighede se winsgewendheid geknou het.’ MNR. JOHANN LE ROUX, uitvoerende hoof van Zeder, oor verliese in die groep se varsprodukte-besighede. Bl. 19 Moenie anderpad kyk nie, gee aandag aan die probleme wat opduik. MNR. DAWIE MAREE, hoof van inligting en bemarking by FNB Landbou, oor hoe om finansiële probleme en kommunikasie met jou bank te benader. Bl. 21 ‘Die belangrike kwessies rondom die mark word net eenvoudig nie geprioritiseer…

Dit lyk of daar groot en fundamentele veranderinge aan die kom is in die landbou. ’n Druk van die herstelknoppie, of ’n algehele reset, soos die Engelse daarna verwys. Hierdie ingrypende veranderinge was reeds besig om spoed op te tel nog voor die Russe Oekraïne binnegeval het. Die inval het nie net een van die wêreld se landboureuse ontwrig nie, maar die beduidende bydrae wat Rusland se olie, gas en kunsmis gelewer het om die ratte van die wêreld se landbou aan die draai te hou, is ook daarmee heen. Vandag is daar die onrusbarende styging in kunsmispryse, glifosaattekorte wat ’n toemenende oorspoeleffek op die prys van ander plaagdoders het, en brandstofpryse wat buite beheer is. Laasgenoemde word vererger deur die feit dat Suid-Afrika feitlik ál sy raffineringskapasiteit verloor het.…

AFGRI Retail is die trotse borg van reeks 15 van Land-b o u w e e k b l a d se gewilde TV-program, Landbouweekl i k s , wat op VIA (DStv-kanaal 147) uitgesaai word. Een gelukkige kyker wen weekliks ’n geskenkbewys ter waarde van R2 000 wat by enige AFGRI Retail-winkel reg oor Suid-Afrika gebruik kan word. Hier is die mees onlangse wenners: ■ Francois le Roux, Bracken-fell (episode 10, 22 Maart 2022). ■ Gina Erasmus, Rustenburg (episode 11, 29 Maart). ■ Zanne Jackson, Bultfontein (episode 12, 5 April).…

DIE storms in KwaZulu-Natal het ’n reeds moeilike seisoen vir beesboere verder gekompliseer. Mnr. Angus Williamson, voorsitter van die KwaZulu-Natalse Rooivleisprodusenteorganisasie, sê veral melkboere is ernstig geknou. “Ons is nou in daardie stadium van die jaar wanneer melkboere hul kuilvoer sny en dekgewasse vir winterweiding plant. Uiteraard beteken só ’n groot hoeveelheid reën dat hierdie boere nie in hul lande kan kom nie, wat vertragings meebring. Dit gaan chaos veroorsaak vir boere wat kuilvoer moet sny en winterweidings plant.” Na gelang van wat in komende weke gebeur, kan die nat toestande boere se werksaamhede met tot ’n maand vertraag. Een melkboer met wie hy gepraat het, het reeds twee keer stukke van sy grond vir winterweiding beplant. Die eerste keer het die sade weens die nat toestande nie ontkiem nie,…

DIE vereniging van vleisinvoerders en -uitvoerders (Amie) gaan die regering vra om dringend invoertariewe op alle hoendervleisprodukte op te hef en ’n drie jaar lange moratorium op enige nuwe tariewe in te stel. Mnr. Paul Matthew, uitvoerende hoof van Amie, sê hulle gaan ook vra dat BTW nie op hoendervleis gehef word nie sodat arm verbruikers hoendervleis kan bekostig. Matthew het op ’n mediakonferensie gesê hoendervleis is die bekostigbaarste bron van vleisproteïen vir verbruikers, maar groot prysstygings word verwag weens inflasie, internasionale tekorte aan voedsel en kommoditeite, die stand van die ekonomie te midde van die covid-19-pandemie, die uitwerking van die oorlog in Oekraïne op voedselsekerheid, die styging in brandstof-, vervoer- en elektrisiteitskoste, stygende handelstariewe, ontwrigtings in die aanbodketting, dalende lone en stygende werkloosheid. Hy het verwys na die regering…

VIR mnr. Jaco Burger (34), ’n skaapboer van Wepener, was die aanwysing as Vrystaat Landbou se Jongboer van die Jaar vir 2022 ’n soete einde aan ’n somerseisoen wat vir hom en sy vrou, Marlize, rampspoedig begin het. Sowat 90% van hul weiveld het in September 2021 in ’n reuse-veldbrand afgebrand. Sy Dohne-Merino-stoetery, J.L Trinity, was byna in gevaar en dakhoogte-vlamme het tot sowat 17 meter van hul huis gevorder. “Dit het alles nog nie mooi ingesink nie. As iemand aan die begin van die seisoen, toe dit so sleg gegaan het, vir my sou sê dat ek oor ’n paar maande die Vrystaatse Jongboer van die Jaar sou wees, sou ek hom glad nie geglo het nie,” het hy ná sy aanwysing gesê. Hy boer reeds die afgelope 13…

1 KENIA| Tekorte aan mielies noodsaak tariefvrye invoer Kenia sal dalk 4 miljoen sakke mielies tariefvry moet invoer om te vergoed vir die minder as verwagte invoer uit Uganda. Luidens ’n verslag van die departement van landbou kan die min voorraad uit Uganda en vertraagde reën dié invoer noodsaak. “Boere in Uganda hou hul mielievoorraad terug in afwagting op hoër pryse, en ons kry kleiner hoeveelhede.” Daar is ook berigte dat Ugandese mielies nou eerder na Suid-Soedan gaan omdat hulle daar beter pryse kry. – The Nation 2 NIGERIË | Navorsers pleit om staatsteun Landbouleiers doen ’n beroep op die regering om voldoende finansiering aan landbounavorsing toe te wys en personeel te laat oplei sodat hulle ’n groter impak op die ekonomie kan maak. Dié beroep is gedoen…

VOEDSEL van ’n dierlike oorsprong kan deel wees van ’n gesonde, volhoubare en etiese leefstyl, ondanks groeiende beweringe dat die teenoorgestelde waar is, sê prof. Pablo Gregorini, ’n dierewetenskaplike aan die Universiteit van Lincoln in Nebraska, Amerika. Hy het onlangs ’n artikel geskryf dat ’n drastiese beperking van vee in die voedselstelsel nie ’n goeie plan is nie. Luidens die artikel is dierevoedsel evolusionêr gepas en gesond vir mense. Navorsing word uitgelig wat wys dat veeboerdery ’n integrale deel van die oorkoepelende landboustelsel is, tot biodiversiteit en beter oesgewasproduksie bydra, terwyl dit voedselsekerheid en ’n verlossing van armoede vir sommige mense bewerkstellig. In die stedelike Weste word dierevoedsel egter universieel as ongesond, onvolhoubaar en oneties beskou – ’n standpunt wat volgens Gregorini die ingewikkeldheid van die voedselstelsel ignoreer. Die vraag…

Op Bast Plaats, suidwes van Vryburg, word niks aan die toeval oorgelaat nie. Mnr. Basil Butler boer al meer as vier dekades hier en is die derde geslag Butler op die plaas. Hy was onder meer voorsitter van die Senepol-klub en 15 jaar lank voorsitter van die Senepol-telersgenootskap. Twee van sy diere het in Augustus 2021 rekordpryse op die nasionale Senepol-veiling behaal. Die Calcrete-stoetery se SP-bul AB 180170 is vir R140 000 aan die St. Helenaboerdery van Excelsior verkoop, terwyl die IA-boerdery van Kimberley R70 000 vir ’n koei (AB 130103) met bulkalf opgedok het. Butler het in 2001 saam met ’n ander teler beeste uit Zimbabwe ingevoer. “Hoewel ek altyd Rooi Poenskop-beeste geteel het, het ek gesoek na ’n rooi ras wat meer hittebestand is. Ek is beïndruk met…

DIE JA EN NEE VAN VRUGGEBRUIK Ek het onlangs ’n eiendom by my ma gekoop. Sy het lewenslange vruggebruik van die eiendom. Ons ervaar egter tans ’n moeilike situasie met ’n man wat die afgelope ses jaar saam met haar woon. Hulle is nie getroud nie. Ek betaal as eienaar die munisipale rekening en dit plaas groot finansiële druk op my. Die gevolg is dat die rekening tans R3 500 agterstallig is. Die vruggebruiker ontvang huurgeld van R2 000 per maand, maar sê ek is as die eienaar alleen verantwoordelik vir alles, van die munisipale rekening tot die instandhouding en die skoonmaak van die erf. Ek meen dit is onregverdig. ’n Familielid van die man het ook ingetrek. Hoewel ek die polisie genader het, kon hulle hom nie van die…

Boedelbelasting is ’n belasting wat gehef word op die bates en geagte bates in iemand se boedel by sy of haar afsterwe nadat daar voorsiening gemaak is vir sekere aftrekkings en kortings. Die vraag ontstaan nou of volle boedelbelasting weer betaalbaar is op die bates in die boedel van ’n oorledene indien hy of sy die betrokke bates geerf het en kort ná die persoon by wie hy of sy die bates geërf het, te sterwe kom. ’n Spesiale korting word wel toegelaat met betrekking tot bates wat deel vorm van die boedel van ’n oorledene wat ook deel gevorm het van die boedel van iemand by wie dit geërf is minder as tien jaar voor die persoon te sterwe gekom het. SÓ WERK KORTING Die doel van hierdie korting…

In sy boek African Rifles and Cartridges maak John “Pondoro” Taylor ’n stelling waarmee min geweerliefhebbers sal stry. Hy skryf: “.375 MAGNUM HOLLAND & HOLLAND. Undoubtedly one of the deadliest weapons in existence. It heads the list from the point of view of its caliber, and in the opinion of many hunters ought to easily head it from the point of view of its power also.” Hy vertel dan dat hy vyf gewere in hierdie kaliber besit het en met een van hulle 100 olifante, 411 buffels en ’n verskeidenheid renosters, leeus en ander wild geskiet het en tevrede was met die resultate. Hy het die kaliber as ’n groot-medium beskryf en wetende dat hy eintlik ’n voorliefde vir die werklike groot kalibers gehad het, is sy lofsang vir die…

Onlangs was dit my voorreg – of moet ek liewer sê my lot – om te kon luister na ’n onderhoud wat iemand met ’n bekende persoon in die kunstewêreld gevoer het. In die onderhoud het dit geblyk dat die man met wie die onderhoud gevoer is, in gedurige angs grootgeword het. Volgens hom is hy gedurig daaraan herinner dat die duiwel op sy hakke is en rondloop soos ’n brullende leeu om iemand te verslind. Die kerk het ook nie juis veiligheid en vrede gebied nie. Soos in ’n herhalende refrein moes hy hoor dat hy in sonde ontvang en gebore is en dat sonde hom soos ’n bloedhond agtervolg. Selfs in sy ouerhuis was Calvyn, die groot “meesterdominee”, nie juis ’n vriendelike oom om lief te hê nie.…

’N BEKENDE in Suid-Afrikaanse kunsmiskringe, dr. Johan van Biljon (65), is ná ’n lang stryd met kanker in Centurion oorlede. Hy was volgens die kunsmisvereniging van Suider-Afrika (Fertasa) 37 jaar lank een van die voorste wetenskaplikes op sy gebied in die kunsmisbedryf in Afrika. Sy loopbaan het as voorligtingsbeampte en raadgewer vir verskeie maatskappye begin. Hy was ook ’n dosent en waarnemende hoof van die departement grondkunde aan die Universiteit van die Vrystaat in Bloemfontein. Van Biljon het verskeie eerbewyse vir sy waardevolle werk ontvang, waaronder Fertasa se navorsingsmedalje in 1995 en 2011. Hy het tien jaar lank in die SA Vereniging vir Gewasproduksie se bestuur gedien en was in 2003 en 2009 die voorsitter. Volgens Fertasa het Van Biljon bekend gestaan as iemand wat die praktiese sy van gewasproduksie…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in die Landboukalender. Stuur die besonderhede aan lbw@landbou.com KONFERENSIES 25-29 JULIE: 57ste kongres van die Weidingsvereniging van Suider-Afrika, Aldam-vakansieoord, Ventersburg. E-pos: info@grassland. org.za BOEREDAE 4 MEI: Skaapboeredag met Neill Powell en Pieter Möller, Prieska. Aangebied deur Oranjerivier Voere. 082 808 4129. 19 AUGUSTUS: 40ste jongooikuddedag, aangebied deur Agri Malmesbury se skaapstudiegroep. John Dürr, 082 652 1715. KONGRESSE 2 JUNIE: Mpumalanga Landbou, Badplaas Forever Resort. Petro Geyer, 066 035 1231. VERGADERINGS 10 JUNIE: Agri-Expo-ledeskouevergadering, www.agriexpo.co.za 16 NOVEMBER: Sauvignon Blanc SA, tegniese seminaar. Web: www. sauvignonblanc.com GHOLFDAE 13 MEI: Op die plaas-gholfdag, Morgenzon-gholfklub. Aangebied deur die Morgenzon-landbou-akademie. Gawie, 073 855 2321. FEESTE, EKSPO’S 23-24 APRIL: SA Kaasfees Opwip-piekniek, Groote Postwynlandgoed, Darling. 30 APRIL - 2…