Indholdsfortegnelse for 23 June 2022 i Landbouweekblad

BRANDSTOFPRYSE gaan eers in 2024 na normaal terugkeer, meen me. Nicky Weimar, ekonoom van Nedbank. Tot dan gaan die hele wêreld stoei met hoë brandstofpryse, maar dít is nie verbruikers se grootste kwelling nie. Weimar het op Mpumalanga Landbou se kongres gesê die wêreld kan planne beraam om die energietekort weens die boikot van Russiese gas en olie ná dié land se inval in Oekraïne te omseil. Om voedseltekorte aan te vul, gaan egter nie so maklik wees nie. Volgens die Verenigde Nasies is die wêreld se kos reeds 29% duurder as voor die oorlog, en dit kan selfs meer word as ruolie so duur bly. Dit is omdat voedselproduksie nie so vinnig vermeerder kan word soos bykomende energieproduksie nie. “Dit verg kundigheid om kos te produseer en daar is…

DIE bewering dat die produktiwiteit van bewerkbare landbougrond aan die daal is, is op pseudowetenskap gegrond, en die “natuurlike” oplossings wat daarvoor voorgehou word, is meestal kwaksalwery. Dít was die boodskap van dr. Douglas Edmeades, ’n Nieu-Seelandse grondwetenskaplike en landboukonsultant, wat virtueel deelgeneem het aan die onlangse Large Herds-konferensie by die Champagne-sportoord in KwaZulu-Natal. Edmeades was betrokke by litigasie teen ’n groot biologiese kunsmisonderneming in sy tuisland. Edmeades en dr. Jacqueline Rowarth, ook van Nieu-Seeland, het boere gemaan om nie toe te laat dat pseudowetenskap die werklikhede van verskeie sogenoemde produksiekwessies verdraai en hulle oorreed om onbewese of teenproduktiewe oplossings daarvoor na te jaag nie. Volgens Edmeades is van die oplossings wat vir dalende grondproduktiwiteit voorgehou word, “kwaksalwer”- vloeibare kunsmisstowwe wat gewoonlik van natuurlike bestanddele soos seewier, visse, diere of…

DIE opspraakwekkende verhoor van mnr. Philippus Prinsloo Pretorius, ’n graanhandelaar, in die Bloemfonteinse hooggeregshof oor beweerde bedrog waarby R30 miljoen se graantransaksies betrokke is, lê die moeilike besluit bloot waarvoor boere telkens voor te staan kom: Verkoop jy jou produk aan ’n groot, “veilige” maatskappy of koöperasie teen ’n kleiner winsmarge, of waag jy ’n kans met ’n kleiner onderneming wat vir jou meer geld in die sak beloof? Pretorius staan in sy persoonlike hoedanigheid en as ’n lid of direkteur van Eco Grain CC en Eden Feedlot (Edms.) Bpk. op 12 aanklagte van onder meer bedrog, korrupsie en diefstal tereg. Dit spruit uit voorvalle waar hy produsente van die Vrystaat en die landboumaatskappy GWK Bpk., na bewering vanaf Augustus 2019 tot Augustus 2020 uit meer as R30 miljoen se…

Die huidige wêreldsituasie kan as die grootste ramp sedert die Tweede Wêreldoorlog beskou word, het me. Kristalina Georgieva, besturende direkteur van die Internasionale Monetêre Fonds (IMF), einde Mei met die afsluiting van die Davos-beraad van die Wêreld-Ekonomiese Forum (WEF) verklaar. Die IMF verwys in ’n artikel in sy Junie-tydskrif na die grootste langtermyn- perfekte storm wat in die wêreldekonomie ontwikkel. ’n Mens moet bedag wees op die veranderinge wat in die wêreld aan die gang is en wat die landbou en sake-omgewing gaan verander. ’n Mens moet kennis neem van die nuwe neiging en ontwikkelings met die oog daarop om die veranderinge te probeer verstaan, maar veral watter impak dit op ons besighede gaan hê en om vroegtydig te herposisioneer, gegewe die verwagte ontwikkelings. Suid-Afrika, en veral die landbousektor, is…

Die prys van katoen is tans op ’n historiese hoogtepunt op R51,65/kg. Dit sal na verwagting oor die volgende twee jaar hoog bly. Deurlopende bedryfsbetrokkenheid en inisiatiewe vir bewusmaking deur Katoen SA het die vraag na plaaslike katoen deur die plaaslike kleinhandel verbeter. Daar word gestreef na doelwitte van 65% plaaslike katoen teen 2030 op winkelrakke. Toegang tot voorraad is egter ’n probleem. Volgens mnr. Wilber Rudman, ’n katoenlintbemarker, is daar wêreldwyd ’n tekort aan katoen. Ongeveer 50% van die plaaslike katoen word reeds bemark nog voor die boere begin oes. Volgens die derde oesskatting sal die oes vanjaar 13% laer wees as in die vorige seisoen. Die oes word op 68 000 bale katoenlint beraam. Die geskatte aanplantings is 14 000 ha. Ongeag die hoër prys is die oesskatting…

Naspeurbaarheid en biosekerheid in die veebedryf is onder die loep geneem op ’n paneelbespreking van AgriVoice en die Noordwes-Universiteit op die Nampo-oesdag. Me. Elandri de Bruyn, bedryfshoof van Wagyu Suid-Afrika, het gesê dié bedryf pas naspeurbaarheid op twee vlakke toe en gebruik kameras om die marmering van karkasse te gradeer. Sodoende kon dit internasionale deure wat tydens die uitbreking van bek-en-klouseer in Suid-Afrika toeswaai, weer “oopskop”. Die bedryf besef hoe belangrik die insameling van diere se data is. Dit moet reg gebêre en aan die regte mense beskikbaar gestel kan word. Mnr. Dawie Roodt, senior ekonoom van die Efficientgroep, glo blokkettingtegnologie gaan toenemend in ál meer bedrywe gebruik word. “Die veilige bêre van inligting skep meer internasionale handelsgeleenthede, want die uitruil van inligting ken geen grense nie. Veilige inligting oor…

Die balans tussen die omgewing en die kudde se potensiaal speel ’n belangrike rol in suksesvolle skaapboerdery, want vleis- en wolboerdery is ’n verweefde ketting. Die kleinveegenetikakenner dr. Buks Olivier het op ’n onlangse boeredag van Oranjeriviervoere buite Prieska benadruk boere moet weet waartoe die omgewing (drakrag) op hul plaas in staat is en hoe die diere by die omgewing aanpas. “As gevolg van die wisseling in insetkoste en produkpryse is dit nie volhoubaar om die omgewing op lang termyn by die dier te probeer aanpas nie. “Uiteindelik is dit die toepassing van basiese beginsels wat ’n suksesvolle boerdery met vrugbare kuddes voortbring. Die suksesvolle veeboer stel doelwitte en hou daarby. Waak daarteen om agter die nuutste neigings aan te hardloop.” Olivier was onder meer betrokke by die ontwikkeling van…

■ Onlangse navorsing aan die Universiteit Stellenbosch wat kalkprodukte wat plaaslik beskikbaar is, getoets het, het bevind daar is op die duur min verskille tussen kalsitiese en dolomitiese kalk se uitwerking. ■ Chemiese suiwerheid het die doeltreffendheid van kalkprodukte oor 365 dae die meeste beïnvloed. Dit meet die persentasie kalsiumkarbonaatekwivalent wat ’n produk bevat. ■ Die beste reaksie met ’n kalkproduk in die grond word verkry as dit vóór toediening vir die kalsiumkarbonaatekwivalent aangepas is.…

Die wêreld se beste brandewyn kom amptelik van Stellenbosch af. Van Ryn se twintig jaar oue potketelbrandewyn is op die internasionale brandewynprysoorhandigingseremonie (aangebied deur The Drinks Report) as die wêreld se beste brandewyn (gemaak van wyn) aangewys. Om dié gesogte eerbewys in te palm, is die brandewyn blind geproe en volgens ’n streng telkaartstelsel beoordeel. Die beoordelaars het gekyk na balans, karakter, kompleksiteit en gehalte. Volgens Marlene Bester, Van Ryn se meesterversnyer, is dié prys die hoogste eerbewys wat ’n stokery te beurt kan val. “Hierdie twintig jaar oue brandewyn is tydloos en groots. Die brandewyn vang die tradisie van handgemaakte, outentieke potketelbrandewyn vas. “Dit is ’n tradisie wat ons vandag nog voortsit.” Die bekroonde brandewyn is ryk en dekadent, met geure soos vanielje, speserye en rooswater. Dit is gemaak…

Daar is ’n Engelse gesegde wat lui: “Charity begins at home.” My vriend Hannes Oberholser (salige nagedagtenis) het daarvan gehou om hiermee saam ’n Bybelteks aan te haal wat ewe bekend is: “. . . iemand wat vir sy eie mense, en veral sy huisgenote, nie sorg nie, het die geloof verloën en is slegter as ’n ongelowige” (1 Tim. 5:8). Oor die wysheid van hierdie uitsprake hoef ’n mens seker nie te twyfel nie, mits jy dit net nie só toepas dat jy die behoeftige medemens buite jou eie klein huiskring in vergetelheid laat nie. Dit is nie ’n geval van “die een of die ander” nie, maar albei moet met ’n omgee-gesindheid aandag kry. Waar die lyn presies getrek moet word, is nie altyd so maklik nie. As…

Die statistieke in die TABEL toon ’n ontleding van grondtransaksies groter as 10 ha in Mpumalanga, die Noord-Kaap en Noordwes vanaf Mei 2021 tot April 2022. In Mpumalanga was daar 332 transaksies in 6 distrikte. Dit het 65 615 ha teen R2,329 miljard behels. In 16% van die distrikte is gunstige prysneigings opgemerk. By Amsterdam het pryse skerp gedaal, naamlik met 20,8%, terwyl dit by Acornhoek met 15,2% gestyg het. Altesame 204 transaksies is in 19 distrikte in die Noord-Kaap gesluit. Dit het 383 263 ha teen R1,819 miljard behels. In 57% van die distrikte is gunstige prysneigings waargeneem. Dit lyk asof pryse herstel ná die droogte en moeilike ekonomiese toe-stand in Suid-Afrika. By Hopetown (18,3%) en Barkly-Wes (16,8%) het pryse veral goed gestyg. In Noordwes was daar 706 transaksies…

Mnre. Harm en Alwyn Marx het oudergewoonte puik teelmateriaal op hul jaarlikse produksieveiling op die plaas Essex by Burgersdorp aangebied. Hulle het nou mnr. Gert Schmidt as ’n nuwe vennoot in die Tuli-stoetery Alpha & Omega. Die verse en bulle het uitstekende teelvermoë en dit het kopers van ver gelok. Die duurste bul (foto) is teen R100 000 verkoop. Van links is mnre. Jan van der Walt van BKB, Gert Jordaan, afslaer, Schmidt, Ben van Vuuren (koper van die duurste bul) van Kestell en Alwyn Marx. Bulle het gemiddeld R53 774 behaal, koeie (3-in-1) gemiddeld R22 250 en nie-dragtige verse gemiddeld R11 238. BKB het die veiling aangebied.…

“There are several heavy hitting black commercial farmers in this country.“ It was great to be at Nampo again after a few years of closure during the Covid-19 pandemic. It was refreshing to see all the familiar faces and meet new people, some of whom I only know from social media. It was also great to catch up with old and new acquaintances from different parts of the country and the continent. I had not been to Nampo for a few years before Covid-19 hit but being there this year, I noticed a definite increase in the number of black farmers in attendance. This affirms what I’ve been thinking lately – black farmers are not in this industry to play small forever. Nampo is not just an agricultural expo that…

EMMANUEL MUDAU WHAT IS THE BEST ADVICE YOU HAVE EVER BEEN GIVEN? I was advised not to look for instant success in farming. It is a long journey full of hard lessons but rewarding if you do it right. IF THERE WAS ONE THING YOU COULD HAVE DONE DIFFERENTLY, WHAT WOULD IT HAVE BEEN? I should have started buying the right quality animals from the onset. Just buying animals from everywhere, especially at auctions where people brought things they didn’t even want, wasted a lot of my time. WHAT HAS BEEN YOUR SINGLE BIGGEST SUCCESS TO DATE? Being able to breed good quality animals that sell for over R25 000 each. These are my proudest moments. WHO HAS MADE THE BIGGEST CONTRIBUTION TO YOUR SUCCESS? I’m a man of faith…

BOERE se elektrisiteitstariewe styg reeds vir amper ’n dekade teen vlakke hoër as inflasie. Die gemiddelde jaarlikse styging in elektrisiteitspryse was 9% en die minimum loon vir plaaswerkers 11,6%. Daarteenoor was algehele inflasie 4,9% en voedselinflasie ietwat hoër teen 6,1%. Sommiges redeneer die styging in landboukommoditeitspryse sou hiervoor vergoed. Talle intensiewe vrugtekommoditeite, soos sitrus, tafeldruiwe en bloubessies, sukkel egter om die volgehoue kosteverhogings teen huidige vlakke te absorbeer, terwyl markpryse afwaarts neig – om nie eens te praat van die kwessies weens vertragings by plaaslike hawens nie. Die impak van die kombinasie van hierdie vlakke sal na verwagting die groei van indiensneming in die landbouwaardeketting belemmer. Die meesterplan vir landbou en landbouverwerking wys spesifieke ingrypings per kommoditeitswaardeketting uit om die groei- en indiensnemingstrajek van die sektor te verhoog. Die onlangse…

75 miljoen Die Oekraïnse regering raam dat 75 miljoen ton grane wat in dié land geproduseer word, teen die Noordelike Halfrond se herfs weens haweblokkades in dié land gestrand kan wees. ’n Geraamde 25 miljoen ton grane kon teen druktyd weens haweblokkades deur Rusland nie uitgevoer word nie. Oekraïne het ’n aanbod deur die Russiese bondgenoot Belarus om dié land se spoorweë te gebruik om graan by Turkse hawens te kry, verwerp. — Bloomberg 0,8% Groei van slegs 0,8% is in die landbou, bosbou en visserye aangeteken in die eerste kwartaal, en die bruto binnelandse produk as geheel het met 1,9% gestyg. Volgens mnr. Paul Makube is die trae groei van die landbousektor verrassend gegewe groei van 16,4% in die vorige kwartaal, veral gegewe vroeë aanduidings van gunstige uitkomste met…

VEEDIEFSTAL word as ’n eiendomsverwante misdaad beskou, maar raak ál hoe meer ’n geweldsmisdaad. Só sê dr. Jane Buys, veiligheidsrisiko-ontleder by Vrystaat Landbou. “Dit bly vir ons ’n groot bron van kommer dat veediefstal ’n al hoe groter en al hoe meer georganiseerde misdaad word. Ons versoek aan die polisie is dat dit as georganiseerde misdaad ondersoek moet word en ook in die hof as georganiseerde misdaad voorgehou moet word. Boere is gereeld alleen op hul plaas en uitgelewer aan groepe misdadigers wat daar opdaag.” Dit is kommerwekkend dat ál meer voornemende veediewe snags op plase toeslaan en dat hulle gewoonlik gewapen is. Landbouweekblad het Buys om kommentaar genader ná die inhegtenisneming op 3 Junie van mnre. Marinus (46) en Etienne (38) Kohler, wat teregstaan op klagte van moord en…

K ANTOORWERKERS moes help vrugte pak in die Patensie-omgewing ná dae lange geweld wat gevolg het toe plaaslike werkers na verneem word “oorlog verklaar” het teen buitelandse werkers, waarvan die meeste van Lesotho en Zimbabwe afkomstig is. Dele van die teerpad deur Patensie en Hankey is gebrand en met klippe, stene en stokke toegepak in die spitstyd van die sitrus-oesseisoen ná inwoners trekarbeiders van twee moorde verdink het en ’n Lesotho-burger ook dood aangetref is. Mnr. Skip van Jaarsveld, sitrusboer in Kwaggaskloof buite Patensie, moes noodgedwonge een van sy twee paklyne vir ’n paar dae sluit en kantoorpersoneel pakhuise toe stuur omdat meer as 80 van sy werkers wat in Hankey woon, weens die onluste nie by die werk kon uitkom nie. KOMMERWEKKEND Volgens mnr. Phillip Dempsey, direkteur van die…

“Ouers dink dit is edel om die kinders gelykop te laat erf, maar hierdie bepaling se gevolge is gewoonlik verwoestend vir die familiebande as die legate nie volgens die sibbe reg uitgedeel is nie.” Testamente moet uitvoerbaar wees en uiteengesit word soos die testateur dit verkies. Dit bestaan gewoonlik uit legate en die restant. Legate is daardie spesifieke bates wat aan spesifieke persone, instellings of trusts vererf word, en die restant vererf gewoonlik na sekere persone, instellings of trusts in spesifieke persentasie gedeeltes. Sommige testamentopstellers versoek bloot van die testateur: “Wat het jy en vir wie wil jy dit gee?” Daar word geen risiko’s in berekening gebring nie, want alle fasette word nie holisties in ag geneem nie. Die emosionele aspekte word boonop totaal buite rekening gelaat. Die erfenisse word…

Te veel mense soek na ’n towerresep om hul boerdery te vereenvoudig. Jy is immers nie besig om ’n koek te bak waarvoor jy ’n resep benodig nie. Baie dikwels is sulke resepte in boerdery eerder ’n resep vir rampspoed. Boerdery is ’n biologiese proses met baie ekonomiese en biologiese veranderlikes. Elke plaas is anders en elke boer se vermoëns en finansiële behoeftes verskil. Dit is onmoontlik om een resep te hê wat almal pas. Koekbak vereis ’n resep omdat almal dieselfde eindproduk wil hê; boerdery nie. Rekenaarmodelle het deesdae baie gewild geword. Dit kan nuttig wees en daar is ’n plek daarvoor in die landbou. Een nadeel van ’n rekenaar is egter dat dit nie kan dink nie. Dit is belangrik om te onderskei tussen ’n stelsel en ’n…

Opvolgbeplanning is ’n belangrike aspek van ’n familieboerdery, sê mnr. Nicol Mostert. Hul boerdery se werksaamhede is reeds só gestruktureer dat wanneer sy pa besluit om af te tree, dit nie die boerdery sal ontwrig nie. Die boerdery se grond is in twee trusts verdeel wat saam een maatskappy vorm. “Een van ons (hy en sy broer, Johan) sal dit nie op ons eie kan doen nie. Die besigheid is dus só gestruktureer dat indien een van ons dit verlaat, iemand anders weer daarby betrek kan word.” Om saam met sy pa en broer te kan boer, is vir Nicol ’n voorreg. “’n Mens sien van kleins af uit om in jou pa se voetspore te volg. As jou pa ’n sukses van ’n boerdery maak, wil jy nie swakker…

KAN EK OP DIÉ EIENDOM DOEN WAT EK WIL? My ma het vir my lewensreg gegee op ’n woonhuis op ’n kleinhoewe, asook die erf van die huis, tot die dag van my afsterwe. My suster het die res van die kleinhoewe geërf. Mag my gesin saam met my aanbly, soos dit was voor ma gesterf het? Mag ek besighede vanuit my huis bedryf, soos voor my ma gesterf het? Die testament bepaal ook dat ek water en elektrisiteit gratis moet kry. Kan my suster my man en sy seun laat betaal vir water en elekrisiteit? Kan ek op my deel doen wat ek wil totdat ek sterf? Jou lewensreg op die woonhuis gee aan jou die reg om in die huis te bly tot die dag van jou dood.…

Kalkprodukte mag in Suid-Afrika verkoop word net as dit as ’n misstof geregistreer is en die spesifikasies van Wet 36 van 1947 nakom, onder meer dat alle kalkprodukte ’n kalsiumkarbonaatekwivalent (CaCO -ekwivalent) van minstens 3 70% moet hê. Die gehalte van kalk word gedefinieer deur ’n kombinasie van chemiese en fisieke eienskappe, soos chemiese suiwerheid, fynheid en rotssoort. Om as ’n klas A-landboukalk verkoop te word, moet minstens 50% van die materiaal deur ’n sif van 250 mikrometer ( m) kan gaan en minstens 100% deur ’n 1 700 m-sif. ’n Kalkproduk kan as mikrofyn in Suid-Afrika geregistreer word as minstens 95% van die korrels deur ’n 250 m-sif kan gaan en minstens 80% deur ’n 106 m-sif.…

HOENDERKERRIE MET BOTTERBONE ■ 1 ui, gekap ■ 60 ml olie ■ 30 ml fyngerasperde vars gemmer ■ 1 groen brandrissie, gekap ■ 2 knoffelhuisies, fyngedruk ■ 5 ml gemaalde koljander ■ 15 ml komyn ■ 2 ml borrie ■ 15 ml matige kerriepoeier ■ 1 blik (410 g) gekapte tamaties ■ Tamatieblik vol water ■ Sout en varsgemaalde swartpeper na smaak ■ 8-10 hoenderstukke, sonder vel ■ 2 blikke (420 g elk) botterbone, goed gedreineer ■ 60 ml dik, natuurlike jogurt ■ Sap van 1 suurlemoen ■ Vars koljander, gekap Braai die ui in die olie in ’n swaarboomkastrol tot sag. Voeg die gemmer, rissie, knoffel en speserye by en braai tot geurig. Voeg die tamaties en water by en verhit tot kook-punt. Geur met sout en peper en…

Ek weet nie watter onthaalmodes daar in die vroeë 1970’s in Suid-Afrika was nie, maar in Lon-den was fondue uiters gewild en modieus. Ons drie kinders is gewoonlik saamgesleep wanneer ons ouers by hul nuwe Engelse vriende gaan kuier het, of etes bygewoon het by die woonstel van George Boshoff en Johann Holzapfel, twee Kapenaars wat deur dieselfde koerantgroep as Pa na Londen gestuur is om nuus te skryf. Amper elke twee-de samekoms van die grootmense het ’n fonduepot behels. Ek het twee soorte fonduepotte beleef – olie en kaas – maar die beginsel is dieselfde. Daar is ’n pot – Ma s’n is koper, sy’t hom nou nog – en in die pot, wat van onder deur ’n spiritusvlammetjie verhit word, is die vloeibare bousteen vir jou maaltyd. Elkeen…

Goeie pryse is op die Compass Genetics Boerbok-veiling in die Fire & Wine-arena by Pretoria betaal. Die duurste ram (BC 3) van die Koati-stoetery is vir R40 000 aan mnr. S.C.R. Barnard van Delareyville verkoop. Van links is mnre. Riaan Herbst van BKB, Divan Maritz (verkoper), Barnard en Danie Straus (afslaer). Ram-me het gemiddeld R16 000 behaal. Die duurste ooi (ook van die Koati-stoetery) is aanlyn vir R39 000 aan mnr. Hennie van Niekerk van Polokwane verkoop. Ooie het gemiddeld R14 720 behaal. Die veiling is aangebied deur BKB Vereeniging.…

‘Die staat het altyd die goed voorsien, maar dis nou al vir maande ’n probleem.’ DR. NEIL FOURIE, veearts van Middelburg, oor die tekort aan entstowwe wat deur OBP vervaardig word. Bl. 14 ‘Ons winter moet net laat aanhou. As ons nog tot einde September reën kry, is ons reg.’ MNR. ORG KELLERMAN, boer van Porterville, oor wintergraanproduksietoestande. Bl. 16 ‘Produsente moet hul huiswerk vooraf baie goed doen.’ MNR. FRANCOIS STRYDOM, uitvoerende hoof van Senwes, oor sake doen met klein kommoditeitshandelaars wat groter winsmarges belowe. Bl. 22 ‘Daar is geen bewyse wat die teorie ondersteun dat grondproduktiwiteit besig is om te daal nie.’ DR. DOUGLAS EDMEADES, Nieu-Seelandse grondwetenskaplike, oor dié bewering waarvoor twyfelagtige oplossings voorgehou word. Bl. 18 ‘Ons kan verwag om in die nabye toekoms ’n toename in immigrasie…

Suid-Afrika kan diep dankbaar wees vir die skamele 30 000 of so boere wat die vermoë en kundigheid het om genoeg kos vir die land se meer as 60 miljoen mense te produseer. Maar dit is nie al nie. Daar is ook nog boere wat landbouprodukte van wêreldgehalte uitvoer en broodnodige valuta en ekstra inkomste vir Suid-Afrika verdien. Vir ’n land om in sy eie kosbehoeftes te kan voorsien, is seldsamer as wat ’n mens dink. Volgens beramings sal gemiddeld net 36% van lande teen 2100 genoeg kos vir hul bevolking kan verbou. Daar is juis tans ernstige vrae oor die beskikbaarheid en toenemend die bekostigbaarheid van kos, ’n werklikheid wat Suid-Afrika se landbouvermoëns net verder onderstreep. Die feit dat 30% van die wêreld se koringoes in gedrang kan wees…

’N ONHERSTELBARE maatskaplik-ekonomiese ramp sal die Wes Kaapse sagtevrugte- en landbouverwerkingsbedryf tref as Tiger Brands voortgaan met sy besluit om Suid-Afrika se grootste vrugte-inmaakfabriek te sluit. Langeberg & Ashton Foods (L&AF) op Ashton, wat in 1940 as Langeberg Koöp sy deure geopen het, verwerk 55% tot 60% van Suid-Afrika se inmaakvrugte. Die lewensbestaan van sowat 6 000 fabrieks- en plaaswerkers is in die gedrang as dié fabriek sluit. L&AF lewer onder meer inmaakvrugte vir die Koo-handelsmerk, en voer inmaakvrugte en vrugtepuree na onder meer Europa, China, Australië en Japan uit. Tiger Brands het op 2 Junie aangedui hy onderhandel met permanente en seisoenale werknemers van L&AF oor dié fabriek se toekoms, want hy sien nie ’n lewensvatbare manier om van die fabriek ontslae te raak nie. “Sowat 300 produsente in…

DATA van die afgelope dekade dui aan dat daar in April en Mei ál minder reën in die winterreëngebiede val, terwyl veral Junie heelwat meer kry. Mnr. Johan van den Berg, ’n onafhanklike landbouweerkundige, sê Malmesbury in die Swartland het sedert 2010 meer as 22% van sy reën in Junie gekry, en heelwat minder as voorheen in April en Mei. Dieselfde geld Bredasdorp in die Suid-Kaap, wat meer reën later in die winter gekry het. “Langtermynneigings toon dus ’n effense verhoging in reënval van Junie tot Augustus.” Volgens die langtermyngemiddelde vir Malmesbury kom sowat 7% van dié distrik se jaarlikse reënval in April voor, 12% in Mei, 18% in Junie, 16% in Julie, 15% in Augustus en 10% in September. In die Bredasdorp-omgewing val 10% in April, 9% in Mei,…

DIE plaaslike wynbedryf hoop om binne twee jaar die oorskot wyn in kelders weg te werk. Voorraadvlakke in wynkelders was verlede jaar op ’n rekordhoogtepunt, met ’n oorskot van 200 miljoen liter wyn in Desember 2021. Die voorraadvlak was laas aan die einde van 2019 in balans ná die invloed van die droogte op produksie. Die hoë voorraadvlak is weens sowat 160 miljoen liter méér wyn wat geproduseer is as in die droogtejare. Tydens die covid-19-inperking is die bedryf ook vir sowat 23 weke nie toegelaat om wyn plaaslik te verkoop nie en hy kon vir vyf weke nie uitvoer nie. Me. Yvette van der Merwe, uitvoerende hoof van Sawis, het op ’n media-inligtingsdag op Stellenbosch gesê die wynbedryf probeer die voorraad op ’n verantwoordelike manier verminder deur meer wyndruiwe…

DIE onluste van verlede Julie kan weer voorkom weens die reusestyging in kospryse. Volgens mnr. Wandile Sihlobo, hoofekonoom van die landbousakekamer Agbiz, is ’n styging van gemiddeld 6,2% in voedselpryse vanjaar moontlik. Dit volg op ’n styging van 6,5% verlede jaar. Prof. William Gumede, politieke ontleder aan die Universiteit van Witwatersrand se skool vir regeerkunde, meen kostestygings soos dié het ’n buitensporige invloed op die armes, asook op die politiek in Suid-Afrika. “Die tipe impak wat ons in Julie verlede jaar weens die covid-19- finansiële krisis gesien het, is wat ons vorentoe kan sien gebeur namate die ekonomie wurg en dinge moeilik raak,” het hy op Hortgro se tegniese simposium op Somerset-Wes gesê. Gumede het gesê in Afrika is staatsgrepe, burgeroorloë en die opkoms van godsdienstige fundamentalisme dikwels die gevolg…

1 ALGERIË | Beken-klouseer tref wyd Die Algeriese owerhede is gekritiseer oor sy hantering van drie bek-en-klouseeruitbrekings in die noordooste van die land wat einde Maart by die internasionale organisasie vir dieregesondheid (OIE) aangemeld is. Die derde voorval was 200 km van die eerste twee, wat volgens veeartse dui op lakse rampbestuur. Daar was drie maande vantevore ’n uitbreking in die naburige Tunisië. Kommer heers oor hoe maklik die siekte grense oorsteek. ’n Uitbreking in Libië in 2020 is verbind met ’n stam wat sy oorsprong suid van die Sahara het. — Oicanadian 2 ZIMBABWE Mielieboere soek meer geld Boere dring aan dat die prys aan produsente vir hul mielies verhoog word tot $390/t (sowat R6 000/t), wat die verkrygingsprys was in 2018 voor die plaaslike geldeenheid ingestel…

Planne om ’n aanleg in die noorde van Pretoria te bou waar gesoute varswatervis, soos kurpers, gedroog kan word, is in ’n gevorderde stadium. Dit sal talle boere van ’n mark vir hul vis verseker. Mnr. Charles Marais, hoof van die projek, sê die raklewe van die gedroogde vis (soortgelyk aan bokkoms) is baie langer as vir vars vis. Daarom sal dit die be-marking daarvan vergemaklik. Marais het oor baie jare damstelsels vir visboerderye gebou. “Die gedagte is om ’n boer van ’n volledige broei- en groeistelsel te voorsien volgens spesifikasies wat reeds suksesvol werk. Die produsent kan dan sy vis op ’n gewig van 200 g tot 250 g aan die fabriek verskaf. Ons het reeds handelaars in Pretoria wat belang stel om gedroogde vis te koop. Daar is…

Soos Facebook vir mense, gaan daar ’n “neusboek” vir beeste wees. Só het mnr. Kobus van der Merwe, direkteur van ID Scan, ’n identifikasiestelsel vir beeste beskryf wat teen einde 2022 beskikbaar behoort te wees. Op ’n paneelbespreking van AgriVoice en die Noordwes-Universiteit op vanjaar se Nampo het hy gesê Egiptenare het reeds in 1922 bevind dat elke bees ’n unieke neusafdruk het, nes ’n mens se vingerafdruk. Die nuwe stelsel word tans saam met 30 boere van Agri Gauteng getoets. Eienaars sal ’n dier se volledige geskiedenis, foto’s en video’s vir identifikasie op die stelsel kan laai. As inligting in die veld opgelaai word, sal die stelsel dit bêre en oplaai sodra die boer weer by ’n internetverbinding is. Geografiese inligting oor waar foto’s geneem is, kan ook opgelaai…

GEORUIMTELIKE stelseltegnologie word deur Agri Oos-Kaap ingespan teen die sprinkaanswerms wat steeds in die provinsie woed. Volgens mnr. Günther Pretorius, bestuurder van ekonomie en natuurlike hulpbronne van Agri Oos-Kaap, gebruik die organisasie nou die verslag-en-moniteringsplatform EarthRanger. Dit verskaf insigte oor die beweging van bruinsprinkane sodat swerms beter bekamp kan word. “Ons het EarthRanger by ons 24-uur-beheerkamer ingesluit. Dit help met die rekordhouding van sprinkaanswerms en om toekomstige uitbrekings te monitor en te voorspel.” Die monitorinstrument word onder meer vir bewaringsdoeleindes gebruik. Die Voedsel-en-landbou-organisasie (VLO) van die Verenigde Nasies het dit in 2020 gebruik as rapporteringsplatform om verwoestende woestynsprinkaanswerms in Ethiopië en Somalië te bekamp. Luidens EarthRanger (www.earthranger.com) se webblad was dit die eerste keer dat die VLO en lande georuimtelike stelsels gebruik het vir die lugbekamping van die sprinkane. Lugtuie…

Wanneer jy konsekwent vir ’n funksie selekteer, volg die vorm van diere wat mettertyd binne daardie funksie voldoende presteer, outomaties. Hierdie is ’n outomatiese proses waaraan ek en jy nie baie aandag hoef te gee nie. Ek het die konsep geleer toe ek die boek The Lasater Philosophy of Cattle Raising van Tom Lasater gelees het. In dié voorloperboek oor ekologiese bestuursmetodes voor ekologie gewild geraak het, het hy baie daarop klem gelê. Funksie is sekerlik die uitkoms waarna jy streef. Ek is oortuig ’n gesonde, lewenskragtige kalf elke jaar behoort elke beesboer se uitkoms te wees. Wanneer jy dan die diere hou wat dit elke jaar volhoubaar bereik, sal hulle mettertyd (as jy nie die omgewing kunsmatig verbeter nie) die vorm hê van diere wat daardie uitkoms binne jou…

I nskrywings van hoë gehalte is ontvang vir vanjaar se Boereplankompetisie tydens die Nampo-oesdag by Bothaville. Dit is met die samewerking van Omnia Nutrilogie® en Landbouweekblad aangebied nadat die oesdag die vorige twee jaar weens die covid-19-pandemie in die slag gebly het. Hoewel minder boereplanne vanjaar ingeskryf is, grootliks weens onsekerheid tot redelik kort voor Nampo of dit mag plaasvind, was die beoordelaars beïndruk met die standaard. Die sameroeper was mnr. Chris Schoonwinkel, en hy is bygestaan deur mnre. WH van Zyl, Hannes Haasbroek, Andries Theron, Willie Marais en Tom van Rooyen. In verlede week se uitgawe van Landbouweekblad is die afdelingswenners en ontvangers van spesiale pryse se boereplanne gewys. Sien bit.ly/3GZQEhK op Landbou. com. 1 NAASWENNER: ALLE GEREEDSKAP (ELEKTRIES EN NIE-ELEKTRIES) Dié mobiele sonpaneel-boorgatpomp van mnr. Stan Jerling…

Die varkboerdery op Baynesfield-landgoed bestaan al sedert die vroeë 1900’s en is deur Joseph Baynes, stigter van die landgoed en baanbreker in die spekbedryf, begin. Tans verskaf dit varke aan sy spekfabriek. Myles van Deventer, besturende direkteur van die landgoed en ondervoorsitter van die SA Varkvleisprodusente-organisasie, vertel meer. Hoe groot is die varkboerdery en watter ras verkies julle? Ons boer tans met 2 200 sôe. Ons gebruik Topigteelmateriaal, want ons is baie tevrede met hoe die sôe voortplant en die spekvarke se groeivermoë. Wat is die dratydperk van die sôe en hoeveel varkies is gewoonlik in ’n werpsel? Dit is 115 dae, oftewel drie maande, drie weke en drie dae. Die sôe speen gemiddeld 12,4 varkies vir elke werpsel. Elke sog het 2,4 werpsels per jaar, wat beteken elkeen speen…

WARM weer en baie reën in groot dele van Suid-Afrika het gelei tot aansienlike uitbrekings van siektes weens parasiete, asook siektes wat deur bosluise en insekte oorgedra word, sê dr. Faffa Malan, bestuurder van die Herkouerveterinêre Vereniging van Suid-Afrika (Ruvasa), in sy verslag oor veesiektes wat in April aangemeld is. “Nou is die tyd om saam met jou veearts te gaan sit en jou bestuursprogram vir die volgende reënseisoen te beplan en te verbeter. Plaas ook betyds bestellings vir entstowwe teen die siektes wat in jou gebied voorkom.” Hy sê die kernboodskap uit die siekteverslag is dat indien die diereproduksie-sektor siektes wil bekamp, dit noodsaaklik is dat die hele sektor moet saamwerk. “Begin by jou eie plaas, jou bure, jou gebied en jou provinsie en doen alles korrek om die…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in die Landboukalender. Stuur die besonderhede aan lbw@landbou.com KONFERENSIES 25-29 JULIE: 57ste kongres van die Weidingsvereniging van Suider-Afrika, Aldam-vakansieoord, Ventersburg. E-pos: info@grassland.org.za BOEREDAE 19 AUGUSTUS: 40ste jongooikuddedag, aangebied deur Agri Malmesbury se skaapstudiegroep. John Dürr, 082 652 1715. VERGADERINGS 16 NOVEMBER: Sauvignon Blanc SA, tegniese seminaar, www.sauvignonblanc.com FEESTE, EKSPO’S 24-26 JUNIE: 20ste Kirkwoodwildfees. E-pos: wildsfees@ kirkwood.co.za, web: www. wildsfees.co.za 25 JULIE: Inskrywings open vir Sauvignon Blanc SA Top-10-kompetisie, www.sauvignonblanc.com 12-13 AUGUSTUS: Wes-Kaapse Landbouveterane-ekspo, Villiersdorp. Hennie Richter, 073 391 8495 of 022 451 2692; e-pos: sekr.wk@ telkomsa.net 12 OKTOBER: Prysoorhandiging, Sauvignon Blanc SA Top-10. 21 OKTOBER: Prysoorhandiging, Landbouskrywers SA Xhariepstreek. Web: www.agricultural writerssa.co.za 27-30 OKTOBER: Langkloofbloeiselfees, Joubertina. E-pos: riaan@bokmakierietrust.co.za 11 NOVEMBER: Landbouskrywers SA nasionale…

RAYMOND KOOPSTAD WHAT IS THE BEST ADVICE YOU’VE EVER BEEN GIVEN? Make the best use of every opportunity you get. IS THERE ANYTHING YOU WOULD HAVE DONE DIFFERENTLY IF YOU COULD? To be honest I cannot really say. I’ve been blessed, so I guess not. WHAT HAS BEEN YOUR BIGGEST ACHIEVEMENT TO DATE? To realise that I have the ability to produce a quality product in a very competitive marketplace. WHO HAS MADE THE BIGGEST CONTRIBUTION TO YOUR SUCCESS SO FAR? My partners, the Wolfaardts and their sharp team, the industry body Hortgro and FNB. I couldn’t have asked for better. It’s an absolute pleasure to do business with them. WHAT IS YOUR RELATIONSHIP LIKE WITH YOUR NEIGHBOURS? WHAT ROLE HAVE THEY PLAYED IN YOUR BUSINESS? My closest neighbours are…

WHAT IS THE BEST ADVICE YOU HAVE EVER BEEN GIVEN? If you want to do something, do it now. For example, if you see that a cow is not good, attend to it immediately rather than waiting. IF THERE IS ONE THING YOU COULD HAVE DONE DIFFERENTLY, WHAT WOULD IT HAVE BEEN? I’m still in love with poultry farming, I wish I could have found a bigger poultry farm. WHAT HAS YOUR SINGLE BIGGEST SUCCESS BEEN TO DATE? Being disciplined has helped me transition successfully from farming poultry to farming grain. WHO HAS MADE THE BIGGEST CONTRIBUTION TO YOUR SUCCESS? My wife, Mandy Sadiki. She is an accountant and her input and advice have been invaluable. My parents have also given me a lot of support and allowed me space…

WHAT IS THE BEST ADVICE YOU’VE EVER BEEN GIVEN? Don’t give up! IS THERE ANYTHING YOU WOULD HAVE DONE DIFFERENTLY IF YOU COULD? Definitely not – I have a passion for agriculture. WHAT HAS BEEN YOUR BIGGEST ACHIEVEMENT TO DATE? During the past 2022 season we harvested our biggest fruit crop in the history of Eyethu Intaba and Disselfontein since 2012. WHO HAS MADE THE BIGGEST CONTRIBUTION TO YOUR SUCCESS SO FAR? Definitely Donkerbos Estate. WHAT IS YOUR RELATIONSHIP LIKE WITH YOUR NEIGHBOURS? WHAT ROLE HAVE THEY PLAYED IN YOUR BUSINESS? We have built bridges and we really do trust each other. WAS IT A STRUGGLE TO SECURE FINANCING? It’s been the biggest obstacle, but then again, never give up! HOW IMPORTANT IS THE ROLE OF INPUT SUPPLIERS IN YOUR…

WHAT IS RESPIRATORY DISEASE? Respiratory disease generally refers to a disease whose symptoms include mainly the respiratory tract, which starts with the nose and ends with the lungs. It remains the costliest disease in the form of both mortalities and/or poor health. WHAT CAUSES THE DISEASE? Respiratory disease is complex and will often have more than one cause. Some of the causes may not necessarily be due to an infection. Also note, animals may experience breathing difficulties not necessarily as a result of respiratory disease but because of other conditions that negatively impact the lungs. Examples include pressure on the lungs when an animal suffers from bloat or fluid accumulation in the chest cavity due to heartwater. INFECTIOUS DISEASES The cause of infection may include certain bacteria, fungi and viruses,…