Indholdsfortegnelse for 08 September 2022 i Landbouweekblad

OM UIT ARMOEDE TE ONTSNAP WENBRIEF Charlie Robertson is ’n ekonoom wat spesialiseer in opkomende markte. In sy nuwe boek, The Time Travelling Economist, met die subtitel Why education, electricity and fertility are key to escaping poverty maak hy ’n baie sterk saak uit dat lande dié drie aspekte in volgorde moet takel om uit armoede te ontsnap. Hy het die voorbeeld van die “Asiatiese tiere”, naamlik Hongkong, Singapoer, Suid-Korea en Taiwan, gebruik om op te steun. Hy bewys dat dié drie aspekte in volgorde reggestel moet word en dat daar ’n tydsverloop tussen elkeen is om die klimaat vir industrialisasie te skep. Industrialisasie is die oplossing vir die werkloosheidsprobleem en die begin van ’n beter lewe vir almal. OPLEIDING Die volwasse geletterdheidskoers moet bo 80% wees voordat daar oorgegaan…

IN dieselfde week waarin die Grondwethof ’n saak van boere aangehoor het oor die verhandeling van waterregte, het mnre. Senzo Mchunu en David Mahlobo, onderskeidelik die minister en adjunkminister van water en sanitasie, die landbou gekritiseer oor dié praktyk, asook die steel van water deur onwettige damme. Mchunu het gesê dit is ’n onbillike praktyk om wanneer grond verkoop word, geld te wil maak uit die verkoop van waterregte. “Dit is soos ’n piramideskema, ons sal dit nie toelaat nie.” Hy het gesê iemand aan wie ’n waterlisensie toegeken is, maar dit nie meer kan gebruik nie weens sy ouderdom of omdat hy (die grond) verkoop, kan nie deur die verkoop van die waterreg “aanhou geld maak” uit die lisensie terwyl die grond nou deur iemand anders gebruik word nie.…

DIE Suid-Afrikaanse landbou kan ekonomies vinniger groei as wat die algemene verwagting is, mits almal in die waardeketting saamwerk om die meesterplan vir die landbou en landbouverwerking doeltreffend en daadwerklik toe te pas. Dit is ondanks risiko’s en probleme, sê prof. Ferdi Meyer, besturende direkteur van die buro vir voedsel- en landboubeleid (BFAP), wat met die bekendstelling van die BFAP-vooruitskouing vir 2022 tot 2031 gepraat het. In ’n aanbieding oor die implikasies wat die vooruitskouing op beleidsen beleggingsbesluite gaan hê, het hy gewaarsku dat net beperkte groei in die volgende nege jaar verwag word tensy daar ’n doelbewuste poging is om die kurwe opwaarts te buig. Suid-Afrika se landbou kan in hierdie tyd met tot 15% meer as die verwagting groei as die meesterplan daadwerklik uitgevoer word. Dit kan die…

1 ZIMBABWE Hommeltuie gaan help teen plae Dr. Anxious Masuka, Zimbabwiese minister van landbou, het aangekondig dat die departement tien hommeltuie gekoop het wat toegerus is met kameras om te help om voëls en ander plae op te spoor wat gesaaides vreet. Hy sê die hommeltuie kan tot 100 km ver vlieg om die “opwelling voëls, plae en siektes te bestry”, veral kweleas. Die regering is volgens hom ook besig om provinsiale rampsentrums tot stand te bring om van sulke plae ontslae te raak. — Farmers Review Africa 2 NIGERIË Myners vergiftig rivier Die water in die Osunrivier, wat deur die “heilige” woud Osun-Osogbo, ’n Unescowêrelderfenisgebied, vloei, is só erg besoedel deur chemikalieë van onwettige goudmyners, riool en ander onwettige rommelstorting dat die owerheid in beheer van die Osun-paleis inwoners…

Rubriek Die buro vir voedselen landboubeleid (BFAP) het sy landbouvooruitskouing tot 2031 in Augustus gedeel. ’n Hoë staatsamptenaar van die departement van landbou, grondhervorming en landelike ontwikkeling het in sy toespraak na die “fabelagtige BFAP” verwys. Fabelagtig verwys na een van twee dinge: dat BFAP se uitsette buitengewoon is of dat BFAP se uitsette geen basis in die werklikheid het nie. Daar is geen twyfel wat die amptenaar bedoel het toe hy na BFAP as fabelagtig verwys het nie. In die Suid-Afrikaanse ekonomie presteer die landbousektor fabelagtig. Hier is ’n paar hoogtepunte. Die landbousektor het in 2020 met 13,4% gegroei en in 2021 met 8,3%. In die Suid-Afrikaanse ekonomie stof die sektor al die ander sektore uit. Uitstekende produksie, hoë internasionale pryse en uitvoerpariteitspryse het ’n groot bydrae gelewer. Produsente…

FieldView is maklik om te gebruik. Dit is versoenbaar met die meeste toerusting en handelsname en bied dadelik datagedrewe ontledings in die kajuit wat vinniger, akkurater beplanning en ontledings moontlik maak. VEILIG OP EEN PLEK Die boer kan nou sy data maklik en op een plek versamel om vinnig toegang daartoe te kry. Hy kan vandag se inligting direk vanaf sy toerusting met FieldView Drive stroom en historiese data moeiteloos via die FieldView-webblad (climatefieldview.co.za) na sy data-inboks laai. Daarna kan hy maklik verslae skep. FieldView se data-privaatheidsbeleid is duidelik uitgestippel. Gebruikers se data behoort aan hulle en hulle het volle beheer daaroor. Gebruikers kan ook enige tyd data op- of aflaai. Data-sekuriteit en gebruikers se privaatheid is belangrik en FieldView het sertifisering deur Ag Data Transparent. Dié sertifisering is ’n…

Geldbeplanning Ek kan nie onthou wanneer laas ek ’n “normale” kredietkaartmaand gehad het nie. Ek is doodseker daar was nog nie een vanjaar nie. Elke maand is daar die een of ander onvoorsiene gebeurtenis wat die begroting heeltemal op sy kop draai. As dit nie onvoorsiene mediese uitgawes is nie, is dit ’n band wat ons in ’n slaggat verloor, of ’n geiser wat bars. Só, sonder dat jy dit besef, kan jy vinnig in groot finansiële moeilikheid wees. Hierdie uitgawes kon baie meer gewees het as ons nie ’n mediese skema gehad het wat darem ’n deel van die uitgawes gedek het nie. Gelukkig was dit een ding waarvoor ons voorsiening gemaak het. NOODFONDS IS NODIG Die belangrikste voorsiening wat jy moet maak, is ’n algemene noodfonds. Een wat…

Boere lê deesdae meer klem op onder meer volhoubaarheid en veiligheid van werkers en die omgewing. Daarmee saam het plaagweerstand die meeste ouer chemiese produkte ondoeltreffend gemaak, en vele ander het reeds hul registrasie verloor of is verbied. Vir die oorblywende konvensionele chemiese produkte is daar druk op die aantal bespuitings, asook verlaagde residu- (MRL) vlakke. Uit hierdie perspektief bied Philagro tans residulose, biogeoriënteerde produkte soos DiPel® en FlorBac®. Dit is tans meer relevant as toe Bacillus thuringiensis oftewel Bt in 1971 tot die mark toegetree het. Dit was destyds baanbrekertegnologie en sy tyd ver vooruit. Bacillus thuringiensis is so lank terug as 1902 in Japan ontdek. HOE WORD DIT GEDOEN? Die raamwerk van Philagro se biologiese produkte berus op vier boustene. 1. Doeltreffendheid. DiPel® en FlorBac® beskik oor proteïengebaseerde…

TANDOORIPLATHOENDER As jy iets anders wil probeer as jy volgende keer braai, kan jy die hoender oor die kole goudbruin braai nadat dit in die lugbraaier gerooster is. ■ 1 groot hoender, vars of ontdooi ■ 1 ui, grofgerasper ■ 2 knoffelhuisies, fyngekap ■ Sap en gerasperde skil van 2 suurlemoene ■ 60 ml tandoori-speserymengsel of 45 ml geroosterde masala ■ 500 g volroomjogurt ■ Sout en varsgemaalde swartpeper Romerige kruiesous ■ 250 g aangesuurde room (crème fraîche) ■ 4 takkies pietersielie, baie fyn gekap ■ 2 takkies koljanderblare, baie fyn gekap Plaas die hoender met die borskant na onder op ’n snyplank en verwyder die rugbeen deur dit weerskante met ’n kombuisskêr los te knip. Maak die hoender oop, draai dit om en druk dit plat met jou handpalms…

Hoe het jou modereeks ontstaan? My ma, wat ek in matriek verloor het, was baie stylvol en sy het by my ’n liefde vir mode gekweek. Ek het ook nog altyd belang gestel in die skep van patrone, maar nie die selfvertroue gehad om ’n loopbaan daarvan te maak nie. Toe ek elf jaar gelede met ’n Namibiese boer trou en as Bolandse meisie in die suide van Namibië (Karasburg) kom woon, het ek iets gesoek om my dae mee in te kleur. Ek het by die plaaslike kwiltwerkgroep aangesluit en geleer om naaldwerk te doen. Aanlyn kursusse het daardie tyd baie gewild begin word. ’n Nuwe wêreld het vir my oopgegaan toe ek besef ek kan al hierdie wonderlike goed by die huis leer. Ek het onder meer ’n…

KONFERENSIES 28-29 SEPTEMBER: Koolstofboerdery, grondbewaring en nuwe tegnologie. Zimbali-kusoordkonferensiesentrum, Umhlanga. E-pos: ryan@empiretraining.co.za FEESTE, EKSPO’S 27-30 OKTOBER: Langkloofbloeiselfees, Joubertina. E-pos: riaan@bokmakierietrust.co.za 11 NOVEMBER: Landbouskrywers SA nasionale prysoorhandigingseremonie, www.agricultural writerssa.co.za VERGADERINGS 16 NOVEMBER: Sauvignon Blanc SA, tegniese seminaar, www.sauvignonblanc.com SKOUE 5-10 SEPTEMBER: Die BKB-ALE-skou op Parys is afgelas vanweë die verbod op die vervoer van beeste weens die vlaag uitbrekings van bek-en-klouseer. Die Brahman- en Simbra-beestelersgenootskappe sou hul nasionale kampioenskappe daar hou. E-pos: info@bkbale.co.za 7-10 SEPTEMBER: Swartlandskou, Moorreesburg. Dorothy Visser, 082 784 5089 of 022 433 1607; info@swartlandskou.co.za 14-17 SEPTEMBER: Nampo Kaap, Bredasdorp. Charmaine Plaatjies, 028 050 1385; admin@expo.org.za 28 SEPTEMBER-1 OKTOBER: Nampo Alfa, Parys. Albert Loubser, 082 562 2188 of 012 664 4793, albert@plaasmedia.co.za 29 SEPTEMBER-1 OKTOBER: Tulbagh. Dina Wiese, 076 702 0212 of 023 230 0189; tulbaghskou@telkomsa.net 30 SEPTEMBER TOT…

’N ARTIKEL van die skrywer en aktivis George Monbiot oor hoe skadelik organiese veldvleis vir die omgewing is (sien bit.ly/3AZ52pr), het heelwat kritiek by lesers ontlok. ’n Professor van ’n natuurlike hulpbroninstituut wys daarop dat Monbiot navorsing ignoreer wat bevind het mense in die globale suide sal baat vind by ’n hoër inname van diereproteïen, sowel as die bemestingswaarde van die mis. Verder is groot dele van die globale suide te droog vir gewasboerdery en mense daar het weinig ekonomiese geleenthede bo en behalwe veeboerdery. ’n Jersey-boer skryf indien hy beweiding deur sy kudde sou stopsit, sou die wei- en grasvelde deur adelaarsvarings en braambosse oorgeneem word, wat sal lei tot laer biodiversiteit, omdat grasvelde en woude verskillende soorte ekostelsels het. Hy wys daarop dat dieselfde studie wat Monbiot aanhaal…

36,2% Die verbruikersprysinflasie (VPI) van olies en vette was in Julie 36,2% vergeleke met ’n jaar tevore. Die VPI vir voedsel alleen was 10,1%, en dié van voedsel en nie-alkoholiese drankies 9,7%. Ander prysstygings wat hoër was as die VPI (7,8%), was brood en grane (13,7%), verwerkte voedsel (12,9%), vleis (9,4%) en vis (9,7%). Die VPI vir vrugte was -1,4%, vir melk, eiers en kaas 5,5% en vir onverwerkte voedsel 7,5%. — Statistieke SA 124 Daar was van Mei tot einde Julie 124 slagoffers in 81 plaas-aanvalle, sê mnr. Raymond Hohls, waarnemende hoof van gemeenskapsveiligheid by Afri-Forum. Van dié 124 is 15 vermoor, en daar was 48 pogings tot moord. Daar was minstens 218 aanvallers betrokke, waarvan slegs 18 aangekeer is. Van die aanvallers was 142 (65%) te voet toe…

Jare lank was die Boerbok een van die stiefkinders op Suid-Afrikaanse plase, totdat ’n paar boere van Somerset-Oos besluit het om hom te verbeter tot ’n vleisbok wat ’n waardige slagdier kan wees. Die nuus oor dié pogings het waarskynlik nie net tot Suid-Afrika beperk gebly nie, want onlangs het mnr. Theunis Botha ’n bestelling van die Griekse regering vir 5 000 verbeterde Boerbokke ontvang. Dit was bestem vir sy teruggekeerde soldate sodat hulle daarmee kon gaan boer. Botha kon ongelukkig nie die bestelling uitvoer nie, want 5 000 Boerbokke is darem te veel gevra. As ’n besonder geesdriftige teler van die verbeterde Boerbok is hy egter hoogs in sy skik oor die buitelandse belangstelling. Tot betreklik onlangs was die Boerbok nog ’n ware verstoteling. Niemand het hulle juis aan…

DIE staat hét hulpbronne om landbouplae soos sprinkane en rooibekvinke te bestry, maar is van die publiek afhanklik om betyds daaroor gewaarsku te word, maan dr. Gerhard Verdoorn, bedryfsbestuurder by CropLife SA. Hy sê swerms bruinsprinkane is in die drie weke tot 23 Augustus in die Hexriviervallei in die Wes-Kaap, naby Cradock in die Oos-Kaap en by Hanover in die Noord-Kaap aangemeld. ’n Swerm vlieërs by Hanover, wat vroeg in Augustus deur ’n veeboer aangemeld is, is veral verbasend omdat temperature op die plaas soms baie laag was. “Bruinsprinkane is normaalweg dormant in die winter en slegs ’n paar kan besonder koue weer oorleef.” Dit is volgens Verdoorn ook onverwags dat bruinsprinkane middel Augustus naby Cradock uitgebroei het omdat hulle reeds gedurende die laatsomer en vroegwinter in dele van dié…

DUURDER water is “die nuwe werklikheid, en almal móét minder water vir dieselfde bedrywighede gebruik. Almal, buiten behoeftiges, moet vir dienste betaal.” Só het dr. Chris Moseki, spesialiswetenskaplike in klimaatsveranderingnavorsing by die departement van water en sanitasie, gesê op ’n werksessie vir openbare deelname oor die departement se voorgestelde derde waterhulpbronstrategie. Dr. Sean Phillips, direkteur-generaal van die departement, het gesê die toenemende voorkoms en intensiteit van ekstreme weerstoestande word toegeskryf aan mensgemaakte klimaatsverandering. In Suid-Afrika styg die vraag na water weens ekonomiese ontwikkeling, uitbreiding van die landbou en bevolkingsgroei. “Ons het bykomende waterhulpbronne nodig om die groeiende ekonomie te ondersteun, maar 98% van beskikbare oppervlakwaterhulpbronne is reeds toegewys. Ons moet ’n situasie voorkom waar water ’n stremmende beperking vir ekonomiese groei word, soos elektrisiteit tans.” VOORSTELLE Van die voorgestelde maatreëls…

BOERE wat in die informele ekonomie bedrywig is, is kernbelangrik vir die ekonomiese vooruitgang van Suid-Afrika, asook vir die toekoms van die landbou op lang termyn. Die Land Bank wil onder meer na hierdie deel van die landboubedryf uitreik en die boere help om ’n toenemend groter rol in die bedryf se groei en volhoubaarheid te begin speel. Me. Thabi Nkosi, nie-uitvoerende voorsitter van die Land Bank, het gesê die Land Bank gaan nou sterk daarop konsentreer om finansiering beskikbaar te stel vir die groot groep opkomende boere in Suid-Afrika. “Dit is geen geheim nie dat die bank eerder in die kommersiële omgewing bedrywig is, ten spyte daarvan dat die Land Bank ’n ontwikkelingsfinansier is. “Ons het nie ons deel gedoen wat ontwikkeling betref nie, en wil dit verander.” Nkosi,…

Rubriek Regerings meng die afgelope jaar of drie toenemend in by die landbouhandel wêreldwyd. In die covid-19-grendeltyd het lande erge beperkings op uitvoer gestel om voedsel binnelands te hou. Dit het die handel ontwrig en bygedra tot die skerp styging in wêreldvoedselpryse. Suid-Afrika is ook geraak. Daar is selfs voorgestel dat die uitvoer van mielies beperk moet word om binnelandse pryse laer te dwing. Suid-Afrika se buurlande het ook in die jongste tyd begin om teen die gees en reëls van die Suider-Afrikaanse Doeane-unie (SADU) eensydig op te tree om hul binnelande bedrywe teen mededinging van Suid-Afrika te beskerm. Sedert die Russiese inval in Oekraïne het verdere handelsontwrigtings ontstaan met gas, olie en graan, en weens Westerse handelsboikotte teen Rusland. Ontleders meen dat wêreldhandel toenemend op ’n glybaan is. Vrye…

Vis en ander kos wat in water geproduseer word, verskaf 3,3 miljard mense van 20% van hul proteïenbehoeftes, luidens World-Fish, ’n internasionale organisasie sonder winsoogmerk wat daarna streef om hongersnood, wanvoeding en armoede in Afrika, Asië en die Stille Oseaan te verminder. Veral klein vissoorte, skulpvis en seewier het ’n groot voedingswaarde met ’n laer koolstofspoor as landdiere. Die volhoubare bestuur van waterdiere en -plante berg dus koolsuurgas op wat andersins in die atmosfeer vrygestel sou word. Meer as 800 miljoen mense op aarde verdien ’n inkomste uit vis en ander produkte wat in water geteel word; van die see en mere tot riviere en damme. Die helfte daarvan is vroue. WorldFish se werk het momentum gekry danksy die ondertekening van memorandums van verstandhouding met die universiteite van Putra Malysia…

Rubriek LANDBOUSAKE In my dae by Graan SA het die leierskap gereeld na die strategiese posisie van die organisasie en die graanboere van Suid-Afrika gekyk. Een oefening wat ek in die voorafvoorbereiding gedoen het, was om die Clem Sunter-model van scenario’s te hersien. Mnr. Hamish McBain, strateeg en afgetrede uitvoerende bestuurder van Tiger Brands, het my altyd daarmee gehelp. Vir die landbou was daar vier kwadrante. Op die vertikale as was mededingendheid en op die horisontale as was dit beheer teenoor die vrye mark. In die eerste kwadrant was die landbou ideaal, ’n baie mededingende omgewing en ’n totale vrye mark met ’n aanmoedigende beleid. Die tweede kwadrant, genoem “ploeter aan”, verteenwoordig ’n sektor wat nie baie mededingend is nie, maar tog ’n mate van vryheid in die ekonomie het.…

Die San- en Khoi-gemeenskap het die eerste uitbetaling van R12,2 miljoen ontvang ná jare waarin dié gemeenskappe veg om erkenning vir hul rol in die bewaring van tradisionele kennis oor die inheemse produk rooibos. Die Nagoya-protokol vereis dat almal wat met inheemse biologiese hulpbronne, soos rooibos, handel dryf, die voordele op billike en regverdige wyse moet deel met die tradisionele bewaarders van kennis daaroor. Die Suid-Afrikaanse regering erken die Khoi en San as die regmatige kennisdraers van rooibos. Cecil le Fleur van die nasionale Khoi- en San-raad sê die voordele word gereken as vergoeding vir die kennis oor rooibostee wat wit boere destyds by plaaslike mense ingewin het. Onderhandelinge tussen die rooibosbedryf en die Khoi- en San-gemeenskappe het reeds in 2014 begin. Uiteindelik het hulle ooreengekom dat die rooibosbedryf, wat…

HART TOT HART Iemand sê onlangs: “Suid-Afrika se reddingsboei lê by die woord ‘hoop’.” En ons word aangemoedig om met groter erns ons toekoms in hoop tegemoet te gaan. Maar wat behels dié hoop? Koning Dawid vra in een van sy psalms: “As die fondamente val, wat kan die regverdige daaraan doen?” Die Lewende Bybel sê in sy vertaling: “As wet en orde in duie stort, wat kan eerlike mense daaraan doen?” (Ps. 11:3). En ons vra weer: Wat is dié hoop? Is dit om te vertrou in jou hardwerkendheid en volharding? Is dit genoeg? Wat van geloof? En wat is die anker vir jou geloof? Wat van die liefde? Paulus skryf: “Dit bedek alles, glo alles, hoop alles, verdra alles.” (1 Kor. 13:7). Ja, dit kan wondere verrig, maar…

SUID-AFRIKA het ’n punt bereik waar elke boer ’n besluit sal moet neem: Wil jy ’n rol speel om siektes by beeste, skape, bokke, varke en pluimvee te bekamp, of nie? Dié ernstige vermaning kom van dr. Faffa Malan, bestuurder van die Herkouerveterinêre Vereniging van Suid-Afrika (Ruvasa), wat maandeliks ’n verslag saamstel oor veesiektes wat by veeartse reg oor Suid-Afrika aangemeld word. Die kernboodskap in sy verslag vir Julie is dat die uitbrekings van bek-en-klouseer en beesbrucellose gestuit moet word en dat die onwettige vervoer van beeste stopgesit moet word. Sy verslag val saam met ’n landwye verbod van 21 dae wat die departement van landbou, grondhervorming en landelike ontwikkeling op die verskuiwing van beeste ingestel het om veral bek-en-klouseer te stuit. Toe die verbod op 16 Augustus ingestel is,…

‘Ons het ’n keuse: Ons hanteer die terugslag van ’n verbod van 21 dae en ons gaan voort met ons boerderye, of ons doen niks nie en die bedryf is in sy kanon in.’ MNR. WILLIE CLACK, produsenteverteenwoordiger op die landbouprodukte-agenteraad, oor stappe om bek-en-klouseer te beperk. Bl. 15 ‘Ons is bykans op die punt waar ons 24 uur per dag elke dag vir die hele jaar aan die Ceres-, Hex- en Breëriviervallei kan krag voorsien.’ MNR. RIAAN SWIEGERS, ingenieur betrokke by die Gydo Solar & Pump Storage, oor dié streeksgebaseerde elektrisiteitsprojek. Bl. 16 ‘Die kans dat reën gaan voorkom wat damvlakke gaan aanvul, word egter ál hoe kleiner.’ MNR. JOHAN VAN DEN BERG, landbouweerkundige, oor damme in die winterreëngebiede. Bl. 18 ‘Dit is geen geheim nie dat die bank…

Anderkant die reënboog Dit is maar ’n aardige storie. Die geheim agter die wêreld se duurste koffie – bone wat jou hier in die omgewing van R22 000/kg uit die sak kan jaag. Die rede vir dié duur drankie? Die onlasting van die klein Asiatiese palmsivetkat! Op die string Indonesiese eilande waar die koffie verbou word, is die sivetkat aanvanklik as ’n plaag beskou, juis vanweë sy voorliefde vir die sagste, beste koffiebessies. Tot iemand per toeval die verteerde bessies in die sivet se mis bymekaar gemaak en dit as koffiebone verwerk het. Tot almal se verbasing was dit toe ’n heel skaflike brousel. Die sivetkatte se betrokkenheid verbeter die koffie op twee merkwaardige maniere. Hulle selekteer eerstens net die heel beste koffiebessies, en dan, wanneer die bessies deur hul…

Die erns wat bek-en-klouseer inhou, het weer op die voorgrond getree. In Engeland het die siekte ernstiger afmetings as ooit tevore aangeneem en die ganse veestapel word deur uitwissing bedreig, skryf DOKTER BOER. In Suid-Afrika het dit ’n voldonge feit geword dat die Krugerwildtuin ensoöties besmet is en dus altyd ’n bedreiging sal inhou vir aangrensende boerderygebiede en die land as geheel. Daar het trouens reeds op verskeie plekke buite die park uitbrekings voorgekom en daar moet wal gegooi word. Verder moet ons gedurig op ons hoede wees omdat ons uitgestrekte grense te eniger tyd bedreig kan word. Bek-en-klouseer in ons land met sy warm, droë klimaat is ’n betreklik ligte siekte. Indien dit toegelaat sou word om sy gang te gaan, sal dit betreklik vinnig sonder noemenswaardige lewensverlies versprei.…

TENSY Suid-Afrika en die res van Afrika suid van die Sahara bereid is om elke Afrika-buffel (Syncerus caffer) uit te roei, moet aanvaar word dat die drie SAT-tipes beken-klouseer vir altyd oor die grootste deel van die vasteland gaan voorkom. Só het dr. Adrian Gordon, ’n veearts van Howick in KwaZulu-Natal, op ’n onlangse vergadering by Nottingham Road gesê. Afrika-buffels is natuurlike draers van bek-en-klouseer en toon dus nie simptome van die siekte nie. In Suid-Afrika, waar dié wilde diere tipies binne omheinde beskermde gebiede rondloop, versprei bek-en-klouseer gewoonlik na vee met gesplete hoewe as Afrika-buffels na aangrensende boerderygebiede ontsnap. “Die bek-en-klouseervirus is teenwoordig in alle afskeidings en uitskeidings van besmette diere. Hierdie afskeidings en uitskeidings kan tot vier dae aansteeklik wees voordat die besmette dier kliniese tekens van bek-en-klouseer…

AS die huidige styging in insetkoste voortduur, sal daar nie meer winsgewend met gesaaides in Suid-Afrika geboer kan word nie, waarsku mnr. Corné Louw, hoof van toegepaste ekonomie en lededienste by Graan SA. Louw het op ’n simposium van die kunsmisvereniging van Suider-Afrika (Fertasa) gesê die klem sal moet verskuif na optimale winsgewendheid pleks van hoër opbrengste. “Boere en landboukundiges moet almal dieselfde taal praat. Daar is ’n groot verskil tussen die grootste opbrengs en die winsgewendste oes. Dit is belangrik vir volhoubaarheid.” Van Julie verlede jaar tot Julie vanjaar het internasionale kunsmispryse in randwaarde as volg gestyg: ammoniak met 78%, ureum met 25%, di-ammoniumfosfaat (DAP) met 60% en kaliumchloried met 127%. Plaaslik het die prys van kalksteenammoniumnitraat (KAN) met 52% gestyg, ureum met 40%, mono-ammoniumfosfaat (MAP) met 48% en…

DIE reuseverligting binne die wolbedryf toe China se doeane-owerheid op 23 Augustus aangekondig het Suid-Afrikaanse vetwol word weer in daardie mark toegelaat, is weerspieël in die tweede veiling van die seisoen. Nie-RWS-pryse het met 6,9% toegeneem tot R165,74/kg, terwyl die RWS-pryse met 7,7% toegeneem het tot R184,33/kg. Altesaam 53% van die aanbod het uit Merino-wol bestaan, met ’n algehele verkoopsyfer van 94,9% wat behaal is. Die styging was te danke aan beter markondersteuning en ’n swakker rand. Pryse in Australië was onveranderd sedert die vorige veiling. Volgens Cape Wools is die verbod opgehef sonder dat die bedryf aan bykomende vereistes moes voldoen. “Die opheffing van die verbod het groot verligting meegebring en daar was sterk mededinging op die veiling,” sê Cape Wools in die tweede markverslag van die seisoen .…

Prof. Ferdi Meyer, besturende direkteur van BFAP, het uitgebrei oor varkboere wat in die informele ekonomie bedrywig is. Nie net het hierdie boere ’n impak op werkskepping en voedselvoorsiening in hul onmiddellike omgewing nie, maar hulle verskaf ook werk. In die formele bedryf is daar byvoorbeeld 170 produsente en 1 450 713 varke wat as deel van die formele ekonomie gemeet word, luidens 2019 se statistieke. Hierdie produsente is veral gekonsentreer in Gauteng en die Wes-Kaap. Hul bydrae tot die ekonomie en die bedryf kan gemeet word. Die prentjie verander egter sodra produsente wat nie deel is van die formele ekonomie nie, bestudeer word. Hy het gesê daar is ongeveer 200 000 huishoudings in die informele ekonomiese sfeer wat met ongeveer 893 000 varke boer. Al word dié informele deel…

AGRI SA het ná groot kritiek oor skuldinvorderingspraktyke wat met Land Bank-lenings verband hou, met die bank vergader oor dié en ander kwessies oor finansiering. Mnr. Christo van der Rheede, uitvoerende hoof van Agri SA, sê volgens die bank is een van sy doelwitte om ontslae te raak van sy status as wanbetaler, die instelling te stabiliseer en met sy omkeerstrategie te begin. Die Land Bank het sedert 2020 die status as wanbetaler van sy skuldverpligtinge, en kon ondanks verskeie reddingsboeie van die staat nog nie ’n oplossing vir sy skuldprobleme bekend maak nie. Van die neigings wat die bank sedert sy wanbetalingstatus opmerk, sluit in die afname van sy leningsboek en ’n toename van onderpresterende lenings. Die bank se totale leningsboek het vanaf R45 miljard in die boekjaar 2020…

Die moontlikheid van laer voerkoste en ’n stewige vraag na varkvleis behoort die tweede helfte van vanjaar meer optimisties vir die wêreld se varkbedryf te maak. Rabobank se kwartaallikse verslag oor dié sektor skets ’n beter prentjie ná ’n aanvanklike moeiliker vooruitsig in April toe stygende produksiekoste as die grootste struikelblok vir varkboere wêreldwyd uitgewys is. Die handel in varkvleis sal na verwagting wêreldwyd toeneem namate daar ’n effense daling in voerkoste is en ’n groter vraag ontstaan. Die verslag wys egter daarop dat Afrika-varkpes steeds in van die groot produksielande versprei, terwyl inflasie ’n impak op handelsbeleid uitoefen. Die koste van voer het in sommige markte effens gedaal. Die wisselvallige graan- en oliesaadprys sal egter bykomende risiko en bestuursprobleme bied. Daar is ’n sterk vraag na varkvleis in Noord-Amerika…

HULP VIR JOU HOND SE PYNLIKE GEWRIGTE ’n Mens wil nie hê jou hond moet aan gewrigspyn ly wat deur ’n besering of veroudering veroorsaak word nie. Virbac, ’n vervaardiger van produkte vir dieregesondheid, het die Nutra-Care-voedingsaanvullingsreeks ontwikkel wat ondersteuning aan ’n hond bied. Twee produkte in die reeks is Gluco CARE Premium (poeier, reg.nr. V31850, Wet 36 van 1947) en GlucoPOUR Premium (vloeistof, reg.nr. V32104). Dié twee produkte bevat hoë konsentrasies natuurlike anti-inflammatoriese bestanddele en avokado-soja-onverseepbare aanvullings (ASU) wat die afbreek van gewrigskraakbeen vertraag. Dit is ideaal vir honderasse wat vatbaar is vir die ontwikkeling van gewrigsprobleme, asook honde wat van trauma aan die kruisvormige gewrigsband of van ortopediese chirurgie herstel. Die produkte GlucoCARE Advance (poeier, reg.nr. V31851) en GlucoPOUR Advance (vloeistof, reg.nr. V32102) is bedoel vir honde met…

Die produk K-leaf® is deel van Tessenderlo Kerley se reeks kaliumsulfaat- (SOP) gebaseerde produkte. Dit is ideaal vir die blaarbespuiting van talle gewasse, waaronder vrugte en groente. Ander produkte in die reeks sluit in SoluPotasse®, ’n wateroplosbare SOP-produk van topgehalte vir bemesting, en GranuPotasse®, ’n korrel-SOP, vir grondtoediening of grootmaatvermenging. K-leaf® is ’n vinnige en hoogs oplosbare kaliumversterkerproduk wat spesifiek vir blaartoediening ontwikkel is. Die unieke eienskappe stel produsente in staat om blaarbespuitings met maksimum doeltreffendheid toe te dien om sodoende die gewas van vinnige kaliumvoeding te voorsien en vinnige regstellings te maak in die geval van ’n tekort. As ’n aanvulling tot grondtoedienings van kalium bied blaartoediening van K-leaf® ’n kostedoeltreffende manier om oesopbrengste te optimaliseer en gewasgehalte te verbeter. Kalium word in die meeste gewasse as ’n gehalte-element…

VOERMENGSEL VIR KALWERS SE VOORBEREIDING landbou.com Ons het onlangs begin om kalwers aan te koop, te voer en weer te verkoop. Ons probeer om hulle op sowat 150 kg te koop en die diere op kraal te voer tot hulle sowat 250 kg weeg. Daarna verkoop ons hulle op drie maande oud aan voerkrale. Tans word die voer deur ’n ander boer voorsien en ek kan nie seker wees wat die presiese inhoud daarvan is nie. Ek wil graag ons eie voer gebruik, maar ek het geen idee wat nodig is nie. Watter voermengsel stel jy voor? Hoeveel voer moet elke kalf per dag kry? Wat is die verwagte groei per dag per dier? Gemiddeld hoeveel maande oud is ’n kalf op 150 kg? Wat is die beste rasse vir…

Hoe beter ’n koei se liggaamskondisie is, hoe hoër is die herbesetting en hoe beter is die reproduksieprestasie. Só het mnr. Christo van Zyl, tegniese raadgewer van Feedmaster se afdeling vir kommersiële boere in die noorde van Namibië, op ’n boeredag van die Schneider-familie op hul plaas Okamutombe buite Grootfontein gesê. Lesings het hoofsaaklik oor wetenskaplike metodes gehandel, maar daar was ook aanbiedinge met praktiese wenke vir die groot getal boere wat die geleentheid bygewoon het. Van Zyl het die noodsaaklikheid van behoorlike rumenfunksie só opgesom: ■ Mikrobes (bakterieë) om voedseldeeltjies af te breek. ■ Water in die rumen. ■ Die uitvloei van materiaal deur rumenspierfunksie (vermengingsaksie). ■ Die opname van voedingstowwe deur die rumenwand. ■ Die vorming van ’n behoorlike substraat (rumenmat). ■ Die ideale pH. ■ Behoorlike herkou-aksie.…

Twee lesers kan elk ’n eksemplaar van Omgewingspraatjies wen. NEEM SÓ DEEL: Vul die blokraai korrek in en gebruik die letters in die kleurblokke om die antwoord op die vraag op bl. 91 te ontrafel. SMS die woord LBW, gevolg deur jou antwoord, naam, van en dorp/stad na 33677. Deelnemers kan soveel keer SMS as wat hulle wil. Elke SMS kos R1,50. Net mense binne SA grense kan deelneem. Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24 en sy reklamemaatskappye mag deelneem nie. Die sluitingsdatum is 29 September 2022. Geen posstukke word meer as inskrywing aanvaar nie. Geen erkenning van ontvangs word gestuur nie. BLOKKIESRAAISEL DWARS 1 Giggelend (7)4 Bloeddeel (3)6 Die Trots van Tafelberg (4)7 Ywerig (6)9 Iemand…

Die TABEL toon ’n ontleding van grondtransaksies groter as 10 ha in Mpumalanga, Noordwes en die Noord-Kaap vanaf verlede Augustus tot Julie vanjaar. In Mpumalanga was daar 362 transaksies in ses distrikte. Dit het 68 728 ha teen R2,277 miljard behels. In 33% van die distrikte is gunstige prysneigings opgemerk. Pryse het egter skerp gedaal by Amsterdam (-18,6%) en Nelspruit (-13,9%). Daar was 770 transaksies in Noordwes wat altesaam 246 653 ha teen R2,877 miljard behels het. By Moloporivier het pryse met 18% gedaal en by Wolmaransstad met 17,3%. In die Noord-Kaap was daar ’n verbetering in grondpryse by sewe distrikte. Daar is 199 transaksies in 19 distrikte gesluit wat 364 861 ha teen R1,868 miljard behels het. In 26% van die distrikte is gunstige prysneigings waargeneem. By Douglas het…

Die neiging van veeveilings wat uitsluitlik aanlyn aangebied word, begin veld wen. Die veemakelaar Vleissentraal Port Elizabeth het saam met die SwiftVee-platform sy eerste aanlyn veiling op Aliwal-Noord op dié manier aangebied. Al 127 Dormers en 60 strooitjies is op die vierde veiling van die Mertoun-stoetery van mnr. Gerrit Henning en sy vrou, Mariaan, van Rhodes teen altesaam R523 800 verkoop. Die Hennings moes noodgedwonge met hul eerste produksieveiling voor die opheffing van die verbod op veilings in 2020 ’n WhatsApp-veiling aanbied, wat suksesvol verloop het. Sedertdien het Vleissentraal Port Elizabeth namens hulle twee produksieveilings by die Be Human-sentrum by Bloemfontein aangebied. Henning se besluit om sy Augustus-veiling uitsluitlik aanlyn aan te bied, was met die oog op die heersende dieregesondheidrisiko en kostebesparing. Kopers van oor die hele land het…