Indholdsfortegnelse for 19 January 2023 i Landbouweekblad

Anderkant die reënboog Ek kyk onlangs heel per toeval ’n TV-program saam met my drie seuns. So ’n standaard-, vervelige Hollywood-affêre waar die lewe en almal se tande altyd perfek is. Ek’s verbaas hoe baie van die aksie ek nie so lekker verstaan nie — van die uitdrukkings, kulturele verwysings en sommer baie van die humor ook. Dit is absoluut fassinerend dat my seuns nie my verwarring deel nie, en dit beaam my lankstaande vermoede dat ek al geruime tyd ouballie-status bereik het, al voel ek nog 35. Maar dit is ook verskriklik bemoedigend. Want tussen al die nuwe idees wat jeugdige energie ontsluit, is daar straks ook ’n paar puik oplossings. My oudste, wat tans met universiteit klaarmaak, wys my onlangs die ChatGPT-toepassing wat die web met kunsmatige intelligensie…

Dié duiweboer voer daggapitte aan sy vlieërs! Saam met ’n gebalanseerde rantsoen help hierdie pitte baie om sy duiwe se spierweefsel op te bou en hulle vlugte te laat wen. Wanneer ’n mens van dagga praat, dink jy aan die polisie, en wanneer jy aan die polisie dink, dink jy aan die tronk. Vir dagga bêre hulle ’n man sommer maklik agter die tralies. Die polisie hoef egter nie te dink dat mnr. Louw Roos, sakeman en duiweboer, op sy hoewe buite Pietersburg (nou Polokwane) dagga vir sy posduiwe kweek nie. Daarvoor is hy te wetsgehoorsaam. Die daggapitte wat hy aan sy duiwe voer, kom van oorsee en is ingesluit in ’n gebalanseerde voermengsel vir posduiwe. Hy gebruik die mengsel al geruime tyd en sê dat dit uitstekend is om…

Al lyk dit of sindikate wat insette teiken, ál groter hoeveelhede steel, kan boere dié probleem suksesvol aanpak. Dr. Jane Buys, veiligheidsrisiko-ontleder by Vrystaat Landbou, sê verdagte beweging van voertuie, veral ná sononder, is ’n duidelike waarskuwingsteken, omdat die gesteelde produkte met voertuie van plase verwyder moet word. Boere moet dus veral bedag wees op vragmotors, bakkies met sleepwaens of taxi’s, soos wat in die voorval by Vierfontein gebruik is, wat in hul gemeenskappe rondbeweeg. “Boere moet seker maak hul skure waarin die saad, gif of ander duur kommoditeite gehou word, is behoorlik gesluit, en waar moontlik met ekstra tegnologiese hulpmiddels gemonitor word. Maak seker doeltreffende sleutelbeheer word toegepas.” Sy sê waar boere patrollies gery het en betrokke was by pogings tot groter sigbaarheid saam met die polisie, kon hulpbronne…

DIE risiko vir verdere vloede word minder as gevolg van reënvaltoestande wat verswak. Dit kan egter weer probleme met damvlakke veroorsaak. Hoewel vloede in die Vaalen Oranjerivierstelsel tradisioneel van Januarie tot Maart voorkom, is dit weens die verwagte verswakking van die La Niña-verskynsel vanjaar onwaarskynlik, sê mnr. Johan van den Berg, onafhanklike landbouweerkundige. “Dit kan veroorsaak dat damvlakke te laag gehou gaan word om verdere vloede te beperk, maar dit kan watervoorsiening in die toekoms benadeel.” Ook in die winterreëngebied is daar ’n baie groot risiko dat damvlakke binne die volgende seisoen of twee weer tot baie lae vlakke sal daal. “Tans is die gemiddelde damvlakke byna 20% laer as die ooreenstemmende tydperk verlede jaar. Toe was dit 81,6% teenoor die huidige 62%.” Die grootste dam in die Wes-Kaap, die…

DIE Duitse landboumasjinerievervaardiger Lemken het Equalizer, plaaslike vervaardiger van landboutoerusting, oorgekoop. Equalizer het oor die jare in Suid-Afrika naam gemaak as ’n vervaardiger van werktuie vir bewarings- en herlewingslandboupraktyke, terwyl Lemken se produkaanbod grootliks konvensionele landboupraktyke ondersteun. “Equalizer sal voortgaan om onder sy handelsmerk besigheid te doen, maar die oorname beteken dat verskeie internasionale markte nou aan ons toerusting bekend gestel sal word,” sê mnr. Gideon Schreuder, besturende direkteur van Equalizer. Volgens hom beteken die ooreenkoms ook dat vervaardiging plaaslik ’n groot hupstoot sal kry. Dit bied die geleentheid om van die groter landbouwerktuie wat moeilik verskeep, in lande soos Brasilië te vervaardig. “Een van Suid-Afrika se grootste voordele is beter bekostigbare vervaardiging, wat een van die beweegredes vir die oorname was.” LANG AANLOOP Mnr. Karel Munnik, besturende direkteur van…

1 KENIA | Invoer knou uieboere Talle boere in die Nyeri-distrik wat reeds vir jare uie verbou, stoei met dalende pryse omdat die aanbod in Kenia die vraag oorskry en daar boonop uie uit die naburige Tanzanië ingevoer word. Plaashekpryse het gedaal van Sh50/kg (R6,98/kg) tot sowat Sh20/kg (R2,79/kg) verlede jaar, volgens een boer uit Kieni-wes. Hy sê die produksiekoste in Tanzanië is laer as in Kenia. Boonop verkoop die mediumgrootte-uie wat vandaar ingevoer word, makliker as die groteres wat meestal plaaslik verbou word. – The Standard 2 TANZANIË | Hoenderpryse duik Dalings in die pryse van hoendervleis oor Kersfees was nie weens invoer, soos wat vroeër vermoed is nie, maar omdat soveel plaaslike hoenderboere produksie verhoog het om vleis oor dié tyd te verkoop, volgens die Tanzaniese vleisraad. Dr.…

Rubriek KORTOM ■ Die stygende pryse van voedsel kan nie net aan die Russiese inval in Oekraïne toegeskryf word nie. ■ Tekorte aan energie gaan die toutrekkery tussen landbouproduksie vir voedsel en biobrandstof laat toeneem. ■ Landbouproduktiwiteit is volgens ontledings van die Amerikaanse departement van landbou besig om wêreldwyd te daal, terwyl die bevolking groei en toenemend verstedelik. Hoewel die pryse van graan- en oliesaadkommoditeite laer begin neig in dollarwaarde, is daar steeds heelwat risiko’s, toon die jongste ontledings van die Voedsel-en-landbou-organisasie van die Verenigde Nasies. Die wêreld se voorraad-tot-verbruikverhouding van basiese graan is stadig maar seker besig om te verswak. Intussen het die wêreld se landbouproduktiwiteit stadiger begin groei, veral in ontwikkelende lande, wat ook netto invoerders van basiese voedsel is. Daar is 45 lande wêreldwyd wat voedselhulp nodig…

Die Suid-Afrikaanse Sitruskwekersvereniging sê in sy nabetragting van die 2022-uitvoerseisoen dat sowat 164,8 miljoen kartonhouers sitrus van 15 kg vir die wêreldmark verpak is. Dit is ’n toename van 3,2 miljoen kartonhouers teenoor 2021, maar wel 5,7 miljoen kartonhouers minder as die aanvanklike oesverwagting. Die uitvoerresutate is volgens die vereniging ’n aanduiding van die uiters moeilike seisoen vir die sitruskwekers wat die uitvoervolume beperk het. “Dit beperk die toekomstige winsgewendheid van die bedryf wat werkgeleenthede vir 140 000 mense bied en jaarliks R30 miljard aan buitelandse valuta verdien.” Mnr. Justin Chadwick, uitvoerende hoof van die Sitruskwekersvereniging, sê die suurlemoenfokusgroep het sy verpakkingsyfer van die suurlemoene vir die buiteland met 7% onderskat. “Die verpakkingsyfer vir 2022 is aansienlik hoër as die afgelope vyfjaar-gemiddelde en 12% hoër as in 2021.” Hy sê…

Reg oor die wêreld was 2022 ’n moeilike landboujaar oor ’n wye spektrum sektore. Stygende insetkoste, veral wat kunsmis betref, asook grondstowwe vir veevoer het produsente gedwing om slimmer en doeltreffender te werk te gaan. Gelukkig word nuwe tegnologie deurentyd ontwikkel om produsente hiermee te help, en min lande kan by plaaslike produsente kers vashou wat betref die toepassing en gebruik van nuwe tegnologie. Mnr. Krishna Kumer, hoofbestuurder van die Indiese maatskappy Cropin, sê versnelde digitalisering van die landbou ten einde voedselproduksiestelsels se sigbaarheid en deursigtigheid te verbeter, is een van die neigings wat vanjaar groot opgang sal maak. Cropin is die eerste maatskappy wat ’n tegnologiese wolk vir die landbou, Cropin Cloud, geskep het. “Die digitalisering van die landbou is een van die maniere waarop die klimaat se impak…

Graanopbrengskompetisie INLIGTING Ligging: Val, Mpumalanga Naam: Wilzak-boerdery, Paardefontein Vertakkings: Mielies, sojabone en Droughtmaster-beeste (On Top Droughtmasters-stoetery en ’n kommersiële kudde) Gemiddelde reënval: 600-650 mm per jaar Die gesegde om te meet, is om te weet, is iets wat mnr. Johann Pistorius baie doeltreffend in sy boerdery toepas, met die gesaaides én die beeste. Dit is ’n groot bydraende faktor tot sy sukses as boer. Pistorius boer op die plaas Paardefontein by Val naby Standerton, Mpumalanga. Hy het van 2001 af saam met sy pa, Willem, geboer, en boer van 2012 alleen as ’n tweedegenerasieboer. Sy pa, wat al in 1966 begin boer het, is deesdae afgetree in Heidelberg, Gauteng. “Vandat ek plaas toe gekom het, was daar eksponensiële vordering in tegnologie. Dit is ’n lekker tyd om te boer, met…

Vra vir Faffa landbou.com GEVAARLIKSTE STADIUM VAN DIE LEWERSLAKWURM SE ONTWIKKELING Watter stadium van lewerslakwurms rig die grootste skade aan? Om die vraag te beantwoord, is dit belangrik om die lewensiklus van die parasiet te verstaan. By herkouers kom twee soorte lewerslakwurms voor, naamlik die gewone lewerslak (Fasciola hepatica) en die reuselewerslakwurm (F. gigantica). Die volwasse lewerslakwurms, wat tweeslagtig is, leef in die galbuise van die finale gasheer waar hulle eiers lê. Saam met die gal vloei die eiers deur die galbuis tot in die derm en word in die mis van die gasheer uitgeskei. In eiers wat in vars water val, ontwikkel daar ’n vrylewende larf (mirasidium) wat ná ongeveer 9 tot 21 dae uitbroei as die temperatuur warm genoeg is. ONTWIKKELINGSTADIUMS Die mirasidium dring ’n hardedopwaterslak binne waar…

SÓ SÊ ’N WAATLEMOENBOER Waatlemoen en spanspek was van die eerste gewasse waarmee Piet Karsten destyds die bekende Karsten-groep begin het. Simon van Blerk, produksiebestuurder op Newgro, een van die plase in dié boerdery, vertel meer oor dié somergewasse. Vertel meer oor jul waatlemoenboerdery. Ons plant elke jaar sowat 12 ha waatlemoen, hoofsaaklik die Carmen-kultivar wat groot, soet vrugte met ’n donker skil oplewer, en Sensei, ’n kultivar wat vroeg ryp word. Ons roteer ons lande en plant net elke vierde jaar op dieselfde grond. Waarom is die Noord-Kaap se waatlemoene so lekker? Die provinsie se warm, droë klimaat is ideaal vir waatlemoene. Hoeveel waatlemoene pluk ’n mens per hektaar? Sowat 8 500 waatlemoene. Wat is die geheim vir suksesvolle waatlemoenproduksie? Jy moet na die ranke omsien en die vrugte…

Ek wil graag iets herhaal wat gereeld gesê word deur mense wat uit eie ondervinding praat: “Boerdery is nie vir sissies bedoel nie.” Het ek genoeg inligting om te kan saampraat? Ja, beslis! Ek is self in ’n plaashuis gebore en het op die plaaswerf grootgeword tussen beeste, skape, bokke en alles wat ’n gemengde boerdery bied. En “alles” was nie lekker nie. Daar was ’n goeie mengsel van lekker én sleg, van glimlagte én trane. Toe ek sowat ses, sewe jaar oud was, het Pa ons met die perdekar skool toe geneem. Ek onthou nog die perde se name asof dit gister was. Boy was ’n appelblou skimmel wat gereeld ’n paar nukke uitgehaal het. De Wet was ’n bruin hings en die betroubaarder een. Pa het ons eers…

GAUTENG CARLETONVILLE KAALPLAATS (577), 243 ha, aan F. Kloppers, van E.R. Coetzee, R.A. Coetzer en M.M. van Huyssteen, R4 830 000. RIETVALLIE (670), 43 ha, aan J. Mheyamwa, van C.H.B. Lemmer, R2 125 000. KWAZULU-NATAL PIETERMARITZBURG MIDDLEBURG (1989), 135 ha, aan Funkwenza-gemeenskapseiendomsvereniging, van M.E. Mathebula, R2 600 000. PORT SHEPSTONE BUSHYVALE (15277), 44 ha, aan KMW Marketing (Edms.) Bpk., van K.M. Willett, R2900000. UTRECHT MAKATEESKOP (59), 272 ha, en ROOIPOORT (62), 92 ha, aan Treehunters (Edms.) Bpk., van Eloyi Properties (Edms.) Bpk., R6 000 000. PIVAANSPOORT (80), 160 ha, aan M.J. Dedekind, van Barnard-familieondernemings BK, R1 820 000. LIMPOPO ALLDAYS SETHORA (846), 767 ha, aan Sethora Asset Inv (Edms.) Bpk., van Midnight Spark Trading 255 BK, R1 150 000. VERA (815), 174 ha, aan J.J. en S.D.V. van Staden, van…

BEURTKRAG het te veel verskillende oorsake dat daar tegelykertyd aan almal aandag gegee kan word, en daarom moet boere saamstaan om die las daarvan te verlig. Só sê mnr. Alwie Lester, voormalige Eskom-bestuurder van die Wes- en Oos-Kaap wat sedert 1 Januarie die energieraadgewer in die kantoor van mnr. Alan Winde, Wes-Kaapse premier, is. Lester, wat 25 jaar vir Eskom gewerk het en ervaring het van Wes-Kaapse boere se behoeftes, stel voor dat boere klein groepe vorm om saam na hul eie kragopwekking te kyk. “Dit is baie makliker as ’n groep van vyf of ses boere in ’n spesifieke omgewing bymekaarkom en saamwerk. Dit maak die nodige gesprekke, belegging, tegniese oplossings en integrering met die netwerk baie makliker. Hulle kan byvoorbeeld oorweeg om saam ’n sonkragaanleg op een van…

Dit is ’n baie vreemde jaar vir tamaties, sê mnr. Jan Potgieter van Grow Markagente by die Johannesburgse varsproduktemark. Die aanbod was soms baie goed in tye wat dit in ander jare swak was, en dit het pryse ook anders as in die normale siklus laat wissel. Pryse was byvoorbeeld van Julie tot September baie beter as in 2021 vanweë minder tamaties op die mark, maar in Oktober het boere minder vir hul tamaties gekry as in 2021. In November het pryse weer verbeter, maar nie noemenswaardig nie. Potgieter sê ’n mens kan sien verskeie boere se tamaties het onder die plaag Tuta absoluta deurgeloop. Hy sê die nat weer het ook die oeste einde verlede jaar benadeel. Hy voorsien dat opbrengste en die gehalte eers weer gaan beter wees…

Die staat se versuim om die einste wetgewing wat hy toenemend opstel, doeltreffend af te dwing, laat die tabakverbruik grootliks onder die wettige radar inskuif. Pleks daarvan dat dié wetgewing potensiële en bestaande tabakverbruikers afskrik, het dit hulle in die gretig wagtende arms van die onwettige tabakhandel gedryf. Mnr. Tobela Tapula, uitvoerende hoof van die Suid-Afrikaanse tabaktransformasiealliansie (Satta), wys daarop dat onwettige tabakprodukte nou 54-70% van alle tabak wat landwyd verbruik word, uitmaak. Dit is ondanks “sommige pogings” deur wetstoepassingsagentskappe om teen misdadige tabakvervaardigers en -handelaars op te tree. “Ongelukkig sal dié situasie waarskynlik vererger as die regering voortgaan met nuwe drakoniese tabakwetgewing wat sommige vorme van (tans wettige) tabakgebruik onwettig sal maak en uiterste maatreëls vir (wettige) tabakprodukte sal instel. Dit sal net die onwettige sektor help.” Tapula voeg…

Die stygende wêreldwye vraag na olyfolie, tesame met ’n afname in die aanbod weens die droogte in Spanje, was volgens me. Vittoria Jooste, bestuurder van SA Olive, verlede jaar van die grootste neigings in die bedryf. Daarmee saam groei die wêreldwye verbruik van olyfolie die afgelope drie jaar vinniger as olyfproduksie. Die prys van olyfolie het ook minimaal gestyg vergeleke met die prys van kookolie. Daar was egter probleme weens beurtkrag in die oes- en verwerkingseisoen, bykomende koste wat as gevolg daarvan aangegaan moes word, en ’n gevolglike vermindering in die besteebare inkomste. Die bedryf moes ook verwronge indrukke weens verkeerde inligting oor olyfolie regstel, soos dat die meeste olyfolies in supermarkte nagemaak is. Jooste sê die gefragmenteerde aard van die bedryf en die feit dat klein produsente nie genoeg…

Skaapboerdery KORTOM ■ ’n Onbestendige wolmark wat weer ’n oplewing in die vraag na SA Vleismerino’s vir kruisteeldoeleindes bewerkstellig het, asook ’n tekort aan ramme, stu pryse. ■ Die regte en betroubare mediumraam-tipe ramme en hoogs produktiewe ooie met ’n hoë reproduksiestatus en goeie wol is noodsaaklik vir doelgerigte stoetteling. ■ Laparoskopie word as bestuursmiddel aangewend om lamtyd meer suksesvol te bestuur. LIGGING NOORDWES INLIGTING Plaas ligging: Ventersdorp Naam: Kaalfontein Eienaarskap: Privaat Vertakkings: SA Vleismerino’s, saaiboerdery, kommersiële vleisbeeste, eierproduksie, skaar-en-lemvervaardigingsaanleg Grondtipe: Hutton Veldtipe: Soet- en suurveld Gemiddelde reënval: 650 mm per jaar Resultate soos rekordpryse op veilings word nie oornag bereik nie. Dit is die beloning vir harde werk oor ’n lang tyd, ’n taak wat toewyding en deursettingsvermoë met die benutting van die beste genetiese materiaal verg, en die…

Boereplan LIGGING WES-KAAP Naam: 1. Grashoek (Bredasdorp), 2. Hermanusheuwel (Klipdale) Grootte: 4 000 ha Eienaarskap: Trust en beslote korporasie (Hermanusheuwel) Vertakkings: Graan (koring, hawer, kanola en gars), vleisbeeste (Angus, Bonsmaras), skape (Merino’s, SA Vleismerino’s) en melkery met Holsteins en Ayrshires Grond- en veldtipe: Meestal Glenrosa en wasbank, asook Oakleaf en sandgrond Reënval: 800 mm per jaar KORTOM ■ ’n Sakbek met ’n verskuifbare sluisplaat vergemaklik die aftap van saad of graan uit ’n grootmaatsak en skakel vermorsing uit. ■ Sonpanele op dié vindingryke boer se plaas word deur bye “bewaak”, en sedertdien is nog nie een sonpaneel beskadig of gesteel nie. Graanboere weet dit is feitlik onmoontlik om saad uit ’n grootmaatsak te tap sonder dat ’n klomp graan of saad op die vloer beland. Mnr. Pieter du Toit van…

R300 miljoen PepsiCo se afdeling vir Afrika suid van die Sahara het ’n nuwe produksielyn ter waarde van R300 miljoen by sy Weet-Bixaanleg in Atlantis geopen om produksiekapasiteit te vergroot. Dié kapitaalbelegging is deel van ondernemings wat PepsiCo gemaak het as deel van sy verkryging van Pioneer Foods. Die nuwe produksielyn sal 14 bykomende werkgeleenthede skep oor vier skofte en sluit ook uitgebreide silokapasiteit vir 500 ton koring in. – PepsiCo 4% Warm, droë, winderige toestande oor die Noord-Amerikaanse Laagvlakte het koringproduksie oor die afgelope 40 jaar beduidend laat afneem, luidens navorsing deur die Kansas-staatsuniversiteit. Dié toestande het van 1982 tot 2022 skerp toegeneem, en gelei tot ’n 4%-afname in opbrengs per 10 uur van warm, droë, winderige toestande tydens koring se groeistadium. Dit raak plase in Suid-Dakota, Nebraska, Colorado,…

Mnr. Willie Geldenhuys van Ventersdorp het onlangs twee Suid-Afrikaanse rekordpryse vir ’n ram en ’n ooi op die 66ste nasionale SA Vleismerino-veiling in Bloemfontein behaal. Lees die artikel op bl. 56. VERTEL VAN JOU GESIN. Ek en my vrou, Nadia, het drie dogters: Delia (8), Ané (5) en Lindie (2). HET JY NÁ SKOOL GESTUDEER? Ek was vir ’n jaar ’n student aan die Landboukollege Potchefstroom, maar het toe besluit om eerder te begin boer. WAT IS JOU STOKPERDJIES? Wapens en jag. Ek het vanjaar my eerste buffel geskiet en dit was ’n lekker ondervinding. WAAR HOU JY VAKANSIE? Umhlanga. WATTER SPORTSPANNE ONDERSTEUN JY? Die Blou Bulle en die Springbokke.…

DIE diefstal van saad en landbouchemikalieë met minibus-taxi’s kom al hoe meer voor en die eenheid vir georganiseerde misdaad van die SA Polisiediens het nou die ondersoek oorgeneem om te kyk of daar nie ’n groter sindikaat agter die diefstalle sit nie. Diewe is einde Desember op heter daad betrap toe hulle na bewering bykans R1 miljoen se saad en chemikalieë op ’n plaas by Vierfontein in die Vrystaat probeer steel het. Mnr. David Britz, voorsitter van Vierfontein se boerevereniging, sê hulle het inligting ontvang dat die diefstal beplan word en hul eie plaaslike reaksiemag het toegeslaan om dit te verhinder. “Ons het nou oor ’n tydperk veiligheidskameras op verskeie paaie geplaas wat deurentyd gemonitor word. Dit maak dit makliker om verdagte voertuie op te merk.” Die reaksiemag is deur…

MNR. WILLEM GROBBELAAR (46) van die plaas Touwfontein by Trompsburg is op 5 Januarie in ’n Bloemfonteinse hospitaal oorlede. Hy het sedert Maart 2020, toe kanker by hom gediagnoseer is, moedig teen dié siekte geveg en die dag voor sy dood met ’n “Pa, moenie bekommerd wees nie, ek sal die stryd wen,” mnr. PD Jacobs, sy skoonpa, vertroos. Grobbelaar was sedert Oktober 2007 Jacobs se regterhand by die Merino-stoetery Pdrino op die buurplaas Vlakfontein. Die tweemanskap het verskeie prestasies met hul fynwolstoetery behaal, onder meer die kroon as Voermol se Skaapboer van die Jaar in 2014 en die Vrystaatse kandidaat vir Landbouskrywers SA se Boer van die Jaar. Die stoetery het tien keer die Vrystaatse ram van die jaar op Bloemskou opgelewer met Cheetah II as die jongste wenner…

Die algemene beginsel is dat die oorledene se belastingsake in orde moet wees voor die boedel afgehandel kan word. Uitstaande belastings, soos inkomstebelasting en belasting op toegevoegde waarde (BTW), moet uit die kontant in die boedel betaal word. Vandaar die nodigheid om te sorg vir genoeg kontant in die boedel. Andersins moet boedelbates dalk verkoop word – bates wat jy wou gehad het iemand moet erf – om belasting te kan dek. Dieselfde beginsel geld uitstaande skuld. KWB Die oorledene is verantwoordelik vir die betaling van kapitaalwinsbelasting (KWB) op sy bates. Die wet sê by dood het die oorledene afstand gedoen van sy bates (soos vaste eiendom) en daarom skep dit ’n KWB-gebeurtenis. Die “wins” is die verskil tussen die basiskoste (aankoopprys en toegelate verbeteringe) wat afgetrek word van die…

Kortliks DIE idee dat die mens waardevolle lesse by miere kan leer, kom al uit die dae van koning Salomo in die Bybel. Ook boere kan nuwighede by hulle leer, meen die ekoloog prof. Scott Solomon van die Rice-universiteit in Amerika. Hy het in ’n onlangse artikel op die webwerf The Conversation geskryf oor sy navorsing met die 248 spesies miere (waaronder 79 spesies blaarsnyermiere) wat met swamme “boer”. “Net soos boere is elk van dié spesies baie spesifiek oor dit waarmee hulle boer.” Die meeste van hierdie swamme stam van ’n soort af wat miere reeds 55-65 miljoen jaar gelede begin inspan het. Sommige spesies is nou reeds só ingestel dat hulle nie sonder die sorg van hul mierversorgers kan oorleef nie. Dié verhouding is ook te sien tussen…

Met die 2024-verkiesing om die draai, kan Suid-Afrikaners veral verwag dat die ANC hard gaan veg vir ’n 50%-meerderheid. Dus wag ’n wipwarit op die land, volgens ontleders. Kenners met wie Landbouweekblad gesels het, meen dit gaan dus ’n moeilike jaar vir Suid-Afrika wees, aangesien die regering nie gaan “regeer” nie, maar eerder gaan konsentreer op planne om te oorleef, veral ná die Phala Phala-skandaal. Tydens die ANC se afgelope konferensie by Nasrec moes partylede boonop swaar sluk aan ’n verslag wat die harde werklikhede van tanende kiesersteun uitstippel. Mnr. Theo Vorster, uitvoerende hoof van Galileo Capital, verwag egter Suid-Afrika gaan nie noemenswaardige beleidsveranderinge of wetlike veranderinge van die ANC se kant af in die aanloop tot die verkiesing sien nie. “Ek hoop nie so nie, maar ’n mens moet…

Verlede jaar kon die bedryf voortbou op die eer dat dié tee die eerste kossoort uit Afrika is wat die Europese kommissie se register vir beskermde aanduiding van oorsprong en beskermde geografiese aanduiders gehaal het. Dit kan toegeskryf word aan die herlewing in teeverbruik en die verkenning van die streke waar tee geproduseer word. Die bedryf se beste geleentheid is volgens mnr. Will Battersby, uitvoerende hoof van BOS Brands, steeds die feit dat dit ’n superkos met wonderlike gesondheidsvoordele is met groot internasionale potensiaal. “Die bedryf moet meer doen om die voordele aan klante wêreldwyd oor te dra. ’n Toename in die vraag na rooibos, wat net in Suid-Afrika gekweek word, sal die land en sy mense direk baat. Die rooibosmark is steeds oorversadig en ons verwag dat pryse laag…

KORRELS BEVORDER WORTELGROEI, BESPAAR WATER Die toediening van Leka®-korrels by landbougrond help onder meer om water te bespaar, grond koel te hou danksy vogretensie en wortelgroei te stimuleer. Leka® is liggewig-klei wat “gevul” word met lug en gevorm word deur die verhitting en droging van klei in ’n draaioond, teen temperature van tot 1 150 °C. Die proses verander die klei in verskeie liggewig-keramiekkorrels wat ’n harde keramiekdop en poreuse kern het. Leka® word volgens die betrokke ISO-standaarde vervaardig en is pH-neutraal, stabiel, duursaam, swamdodend, insekweerstandig en liggewig. Dit word gebruik vir bolae, as ’n dreineringsmedium, grondkondisioneerder wat plantgesondheid deur vogbehoud bevorder, hidroponiese, akwaponiese en orgideemedium, asook vir steggies en teling. Dit is selfs geskik vir areas waar diere beweeg, soos in ’n stal, en verskaf ’n droë oppervlak. Heel…

gesinKos WAATLEMOENSLAAI MET FETA, KOMKOMMER EN KRUISEMENT Een van die maklikste en verfrissendste somerslaaie wat ek ken. Sorg dat die waatlemoen (ek gebruik graag die kroon van die waatlemoen hiervoor) kraakvars en yskoud is en drup die slaaisous net voor ete oor. ■ Halwe middelslag-waatlemoen, in blokkies gesny ■ 2 groot hande vol gemengde slaaiblare ■ 1 groot hand vol wilde roketblare ■ 1 komkommer, in die lengte gehalveer en pitte uitgeskraap ■ 2-3 wiele fetakaas, grofgebreek ■ 1 rooi-ui, in dun ringe gesny ■ 80 ml kruisementblare Slaaisous ■ 30 ml fyngekapte basiliekruidblare ■ 60 ml olyfolie ■ 45 ml appelasyn ■ 5 ml heuning Ontpit die blokkies waatlemoen, verpak lugdig en verkoel tot net voor ete. Stel die slaai saam: Meng die slaaiblare en roket en sit die…

Valkoog Die woudpapegaai (Poicephalus robustus) is die groen-en-goudbruin juweel van die Suid-Afrikaanse woude en internasionale voëlkykers van reg oor die wêreld kom gereeld hierheen om dié spesiale voëls te besigtig. Die volwassenes het oranje merke op die skouers en kant van die vlerke en bene. Die wyfies het gewoonlik ’n rooi merk op die voorkop net bo die bek wat hulle van die mannetjies onderskei. Die jongetjies het nie die oranje merk op die skouers nie. Volwasse én jong voëls word egter gekenmerk deur hul baie groot snawels. Ongelukkig is dié mediumgroot, treffende voël in die moeilikheid. Woudpapegaaie het vroeër wydverspreid in KwaZulu-Natal, die voormalige Transkei en die Oos-Kaap voorgekom. Vandag word hulle slegs in gebiede met inheemse woude, van Hogsback in die Oos-Kaap tot Balgowan en Karkloof in KwaZulu-Natal,…

Een leser kan 'n Boereplaas Bordspeletjie wen. NEEM SÓ DEEL: Vul die blokraai korrek in en gebruik die letters in die kleurblokke om die antwoord op die vraag op bl. 75 te ontrafel. SMS die woord LBW, gevolg deur jou antwoord, naam, van en dorp/stad na 33677. Deelnemers kan soveel keer SMS as wat hulle wil. Elke SMS kos R1,50. Net mense binne SA grense kan deelnee Die wenners sal die oorspronklike, voltooide blokraai en hul besonderhede moet verskaf. Geen werknemers of h gesinne van Media24 en sy reklamemaatskappye mag deelneem nie. Die sluitingsdatum is 2 Februarie 2023. Geen posstukke word meer as inskrywing aanvaar nie. Geen erkenning van ontvangs word gestuur nie. Sudoku Nr. 102 Deur Gerda Engelbrecht Voltooi die rooster sodat elke ry dwars, elke kolom af en…

Dit lyk asof daar ’n aansienlike verbetering in grondpryse in die Wes-Kaap is. Altesaam 61% van die distrikte in dié provinsie het in die 12 maande tot verlede November gestyg. In die TABEL is ’n opsomming van grondtransaksies groter as 10 ha. Altesaam 590 ooreenkomste is gesluit en 215 633 ha het vir R5,052 miljard verhandel. Pryse het met meer as 14% gestyg by Calitzdorp (17,4%), George (16,6%), Robertson (16,4%) en Swellendam (14,5%). Dit het met meer as 10% gedaal by Malmesbury (-13,5%), Clanwilliam (-12,9%), Ceres (-11,1%) en Laingsburg (-10,7%). Ten opsigte van die registrasie van transaksies vir plase van verskillende groottes, lyk dit soos volg (verlede jaar se syfer is tussen hakies): kleiner as 50 ha, is 37% (37%); 50- 150 ha, 22% (25%); 150-300 ha, 15% (10%); 300-450…

BOEREDAE 11 FEBRUARIE: Drakensbergerbeestelersgenootskap: Vrystaatstudiegroep. Vrede. 051 410 0974. 22 FEBRUARIE: Charolaisboeredag, Vryburg-skouterrein. June Wiid, 051 410 0953. SKOUE 8-11 FEBRUARIE: Heidelberg (Wes-Kaap). Sarah Koch, 082 725 4091; sarahs.val@gmail.com 10-11 FEBRUARIE: Victoria-Wes. Adri Gerber, 082 940 8231; vicweslandbou@gmail.com 15-19 FEBRUARIE: Riversdal. Cornel Pfaff, 082 412 7033; skou@riversdaler.co.za 23-25 FEBRUARIE: Williston. Klara Steenkamp, 060 580 7480; blomklara@yahoo.com 23-26 FEBRUARIE: Bieliemieliefees, Reitz. Navrae: 083 303 6117 (voorsitter, borge en kunstenaars) of 083 395 2640 (uitstallers, algemene navrae en kampering). 2-4 MAART: Swellendam. Danitsa Badenhorst, 082 093 1780; skou.reception@gmail.com of skouborge@gmail.com 2-4 MAART: Kÿto Karoofees, De Aar. Navrae: 053 631 3691; info@karoofees.org 8-11 MAART: Beaufort-Wes. Samantha Smit, 079 396 3531; samanthamegansmit04@gmail.com 13-15 APRIL: Clanwilliam. Wilna Nieuwoudt, 083 685 4356; info@clanwilliamexpo.co.za 27 APRIL-6 MEI: Bloemskou. Elmarie Prinsloo, 051 448 9894; info@bloemskou.co.za 4 MEI: Nasionale…