Indholdsfortegnelse for 26 January 2023 i Landbouweekblad

Anderkant die reënboog Toe die Russe op die slagveld teen die Oekraïnse magte begin vasval, was pres. Wladimir Poetin vinnig om die oorlog te eskaleer. Die moderne wapentuig waarmee die Weste die Oekraïnse magte uitgerus het en die patriotiese ywer van die verdedigers, was in die meeste gevalle net te veel vir die swak opgeleide en toegeruste, en ongemotiveerde, Russiese magte. Dit is toe dat die dikator Poetin besluit om Oekraïne se burgerlike infrastruktuur te teiken. Veral die land se elektrisiteitsinfrastruktuur kom onder hewige skoot, en vir ’n hele tyd was die krag af in Kiev. Dit het my laat dink aan Suid-Afrika en hoe ons elektrisiteitsvoorsiening ook onder vyandige beleg is. Maar in dié geval is dit nie ’n aggressiewe moondheid se grofgeskut wat dit uitmekaar ruk nie, dit…

Mnr. Japie Grobler, boer en landbouleier van Viljoenskroon, is onlangs deur Landbouskrywers SA met ’n spesiale eerbewys vir sy sleutelbydrae tot die landbou oor die afgelope 45 jaar vereer. Lees op bl. 46 oor sy werk en sy lewe. VERTEL VAN JOU GESIN. Ek en my vrou, Malie, het vyf kinders. Ons dogters is Leanie (wat met Chris du Plessis getroud is), Carlien (getroud met Francois van Huyssteen), Jana (getroud met Charl van den Berg) en Caryke (getroud met Corné Botes). Ons enigste seun is Philip, wat met Monique getroud is. Ons het sewentien kleinkinders. HET JY NÁ SKOOL GESTUDEER? Ja, ek het die grade BJuris en LLB aan die Noordwes-Universiteit verwerf. WAAR HOU JULLE VAKANSIE? Hartenbos. WATTER SPORT KYK JY GRAAG? Rugby. Ek het al vyf wêreldbekertoernooie bygewoon.…

GAAN dit nog reën, en wanneer kom die eerste ryp? Dié twee faktore sal deurslaggewend wees vir boere in veral die westelike somergraanstreek wat moet besluit of hulle laat aanplantings gaan doen, of gewasse wat weens swaar reën plek-plek in Desember skade gekry het, gaan oorplant. Buiten infrastruktuurskade het die neerslae ook versuipen ander skade aan somergraangewasse veroorsaak. Graanaanplantings het in die algemeen later as normaalweg begin, veral in die oostelike produksiegebiede. Talle boere moes fyn beplan of hulle gewasse weer kon plant, veral omdat hulle dan baie laat in die seisoen sou wees. “Daar is nog probleme in dele van die Wes-Vrystaat, onder meer die distrikte Wesselsbron en Hertzogville, waar meer as 200 mm reën sedert Kersfees geval het. Aanvanklike aanplantings van veral mielies het baie skade gekry,” sê…

IN arbeidsintensiewe sektore, soos die wyn- en vrugtebedryf, sal die voorgestelde verhoging in die nasionale minimum loon boere verby die punt dryf waar hulle winsgewend kan bly. Die kommissie vir die nasionale minimum loon het in Desember ’n jaarlikse verhoging van die verbruikersprysinflasie (VPI) plus 0,5% tot 1% vir die komende boekjaar voorgestel het. Die jaarlikse VPI was einde November op 7,4%. Dit is teenoor Agri SA se versoek van VPI minus 2%, ná die loon in 2022 reeds met amper 7% gestyg het tot die huidige R23,19 per uur. Die wynbedryf het gevra dat die loon gelykstaande aan inflasie is. Mnr. Anton Rabe, uitvoerende direkteur van Hortgro, sê enige verhoging in insetkoste het ’n impak. Arbeidskoste is na gelang van die vrugsoort van 35% tot 45% van die direkte…

1 ZAMBIË | Mieliebedryf kry hupstoot Bechtel, ’n ingenieurswesemaatskappy, het saam met USAid en ’n netwerk ander hulporganisasies saamgespan om handelsentrums vir mielies te bou en logistieke steun aan boere te lewer om hulle met kopers te verbind en te help dat meer van die mielies verkoop word en minder vermors word weens ’n gebrek aan opbergingskapasiteit en logistieke vermoë. USAid raam dat 1,5 miljoen meer Zambiërs voedselseker gemaak word deur náoesvermorsing uit te skakel. – Global Construction Review 2 KENIA | President skerm oor GM kosse Mnr. William Ruto, president van Kenia, het homself verdedig teen hewige kritiek omdat hy toegelaat het dat GM voedsel na die land ingevoer mag word. Hy het in ’n onderhoud gesê die land voer reeds GM kosse in, maar die GM inhoud van…

DIE skietvoorval wat ’n boer van Ficksburg, mnr. Evan Sorour (28), se lewe geëis het, het in ’n atmosfeer van frustrasie en volgehoue wetteloosheid in die Lesotho-grensgebied gebeur. Sorour en sy pa, Reuter, is op Sondag 8 Januarie na ’n buurplaas om beeste wat na bewering deurgebreek het, terug te bring. Volgens adjt.off. Mmako Mophiring het ’n man wat ’n woning op die buurplaas huur, op die toneel verskyn en Reuter aangerand. Toe Evan sy pa te hulp snel, het ’n skietery ontstaan. Hy is vyf keer geskiet en is op pad na die hospitaal dood. Die verdagte wat hom geskiet het, is in die heup gewond en was teen druktyd nog onder polisiebewaking in die Hoogland Mediclinic in Bethlehem. Hy mag nie geïdentifiseer word voor hy in die hof…

Die meeste van Suid-Afrika se suikerrietkwekers wag op hul inkomste vir die sowat 2,9 miljoen ton suikerriet wat verlede jaar oesgereed was, maar wat oorgedra moes word vir verwerking in 2023. Suikerrietkwekers, veral dié op kleiner skaal, is afhanklik daarvan om volle betalings so gou moontlik te ontvang. Die stryd deur Tongaat Hulett Sugar om sy duisende suikerrietverskaffers in die laaste helfte van verlede jaar vir hul oeste te betaal, het groot kommer veroorsaak. ’n Onafhanklike KwaZulu-Natalse suikermeul het ’n kort ruk ná die verwoestende April 2022-vloede in dié provinsie gesukkel om sy suikerrietverskaffers te betaal. Produsente lewer hul suikerriet by ’n meul af en ontvang eers gemiddeld 45 dae later betaling. “Dit kan vinnig ’n uitkring-impak van finansiële nood regdeur die waardeketting veroorsaak,” sê dr. Thomas Funke, uitvoerende hoof…

BEELDE van dorre landskappe en die karkasse van uitgehongerde diere word al hoe meer gesien namate droogtes gereelder en op groter skaal voorkom. Beesboerdery is wêreldwyd ’n oorsaak van klimaatsverandering. Die wêreld se 3 miljard (of meer) beeste, skape en bokke produseer metaan, een van die kragtigste kweekhuisgasse as ’n neweproduk van vertering. Besprekings oor klimaatsverandering lê te dikwels klem op die ongunstige aspekte van veeproduksie. ’n Ander kant van die saak is egter op die COP27-klimaatsonderhandelinge in Egipte uitgelig. Dit was vanjaar die eerste keer dat voedsel en die landbou soveel aandag gekry het. En die boodskap is duidelik: Volhoubare veeboerdery kan ’n sleutelrol speel om vrystellings te verminder, veral van metaan, en om verskeie omgewings- en maatskaplike voordele teweeg te bring. Die herkouerspysverteringstelsel is verantwoordelik vir 27% van…

Waar is die vernaamste knoffelproduksiestreke? Knoffel is ’n aanpasbare gewas. In Suid-Afrika word dit veral verbou in Limpopo en die Karoo, waar dit koud word. In watter klimaatstoestande gedy dit? Knoffel is ’n wintergewas en het koue-eenhede nodig om mooi bolle te maak. Dit floreer op plekke soos die Karoo en wil nie te veel water hê nie. Die plantjies vaar goed in sand- en leemgrond wat nie te erg verdig is nie. Watter voordele bied knoffel vir boere? Knoffel gebruik relatief min water — net sowat 25 mm per week. Dit het ’n baie lang raklewe en jy hoef dit nie in ’n klimaatbeheerde omgewing op te berg nie. Jy het dus nie energie, soos brandstof en kragopwekkers of Eskom-elektrisiteit, nodig om dit in ’n koelkamer op te berg…

Een leser kan 'n Boereplaas Bordspeletjie wen. NEEM SÓ DEEL: Vul die blokraai korrek in en gebruik die letters in die kleurblokke om die antwoord op die vraag op bl. 75 te ontrafel. SMS die woord LBW, gevolg deur jou antwoord, naam, van en dorp/stad na 33677. Deelnemers kan soveel keer SMS as wat hulle wil. Elke SMS kos R1,50. Net mense binne SA grense kan deelnee Die wenners sal die oorspronklike, voltooide blokraai en hul besonderhede moet verskaf. Geen werknemers of h gesinne van Media24 en sy reklamemaatskappye mag deelneem nie. Die sluitingsdatum is 9 Februarie 2023. Geen posstukke word meer as inskrywing aanvaar nie. Geen erkenning van ontvangs word gestuur nie. Sudoku Nr. 103 Deur Gerda Engelbrecht Voltooi die rooster sodat elke ry dwars, elke kolom af en…

SAALPERDE KAAPSE BOERPERDE OPE KLAS…

IS TE VEEL PERSONEEL SA SE ONDERGANG? Dankie vir dr. Philip Theunissen se ontleding van die Land Bank se wel en wee (“Land Bank: Die forensiese feite”, LBW, 13 Oktober 2022). Ly die Land Bank nie ook onder vetsug, soos staatsdepartemente en ander instellings, nie? Luidens die World Freedom Report is Suid-Afrika staatsdiens 117ste uit 165 lande op die ranglys wat personeelsterkte betref. Van elke R1 belasting gaan 48c aan staatsdienssalarisse. Ons staatsdiens het 200 000 miljoenêrs plus byvoordele. Eskom is ’n ander gevallestudie. In 2001 het die onderneming erkenning ontvang as kragonderneming van die jaar. Tans meng die ministers van energie en van openbare ondernemings, lede van die Suid-Afrikaanse Kommuniste Party, in Eskom se bestuur in. Die Wêreldbank het bevind dat Eskom se personeelkomponent 66% oorbelaai is. Die gemiddelde…

Boere moet oorweeg om ’n tweerigtingradio en moontlike herleiernetwerk aan te skaf. In die geval van brandbestryding word radio’s meer geredelik gebruik as selfone, en dis ook doeltreffender, sê dr. Jane Buys, veiligheidsrisiko-ontleder van Vrystaat Landbou (VL). Boere moet ’n basisstel asook ’n radio in hul voertuie hê, want wanneer hulle baie in die veld of oopte werksaam is, kan só ’n radio ook van hulp wees indien ’n noodsituasie ontstaan. “Die aankoop en installering van radio’s en netwerke bring addisionele kostes teweeg, maar daar kan nie ’n premie aan veiligheid gekoppel word nie. “Dit is wel so dat radio’s op verskillende frekwensies en kanale funksioneer, en daar moet ook addisionele koste aangegaan word om herleiers op strategiese plekke aan te bring.” Dit sal verseker dat radiofrekwensies deurlopend funksioneer. “…

MNR. RICK CLARK, een van Amerika se voorste herlewingsboere, is bevestig as hoofspreker vir Landbouweekblad se herlewingslandboukonferensies by Reitz en Ottosdal in Maart vanjaar. Die konferensies word in vennootskap met die Riemland-studiegroep by Reitz en die No-tillklub by Ottosdal aangebied. Clark is een van die internasionale boere wat lede van die studiegroepe die graagste daar wou hê. “Rick is ’n boer soos ons en hy doen dit ook self, soos ons,” sê mnr. Danie Slabbert, voorsitter van die Riemland-studiegroep. “Dit is regtig iemand by wie ons iets kan leer.” Clark, ’n vyfdegeslag-boer van die Warren-distrik in Indiana, boer met mielies, sojabone, koring en lusern op 2 833 ha, en lewer voerbestanddele aan die suiwelreus Danone Noord-Amerika. Clark is veral bekend in Amerika om sy sukses met die besnoeiing van insetkoste;…

1. Maak die landbou ’n voorrangsaak. Geen ander sektor in die land kan produseer met honger mense nie. Voedseltekorte bring ’n onstabiele arbeidsmark en destabiliseer die land. 2. Alle sektore van die ekonomie moet ’n holistiese benadering volg ten opsigte van kragbehoeftes. Identifiseer rooi, geel en groen maande per sektor en kyk hoe sektore mekaar kan akkommodeer. Die landbou kan in hierdie opsig ook ’n bydrae lewer: Die bedryf het byvoorbeeld ’n lae-energiebehoefte in April, Mei en Junie wat besproeiingsgebiede betref. Die mynbousektor kan dan in hierdie tye meer krag kry. Die landbou het egter dringend energie nodig om hierdie oes te red. Boere kan nie hoër fases as fase 2 in hierdie stadium hanteer nie. 3. Die kwessie is ook om die ekonomiese sektore te koppel aan Eskom-feeders. Hiervoor…

Waar het die idee aan ’n sabbatsjaar (nege maande) ontstaan? Ons het een jaar, ná ’n familietroue op Tulbagh, vir vier dae op een van Albé Louw se weidingsplase gaan oorstaan. Dit was naby Granaatboskolk, wat net ’n naam op die landkaart is. Dit was vier dae sonder selfoonsein, elektriese krag of lopende water – behalwe dit wat in 5 liter-waterbottels opgegaar is en in die son warm geword het, en wat ons oor mekaar uitgegiet het in die bad om mee af te spoel. Die stilte was die bekoorlikste van alles. Dáár het die gedagte ontkiem om dit eendag vir ’n langer tydperk te onderneem; om net weer gestroop van alle luuksheid by ons wortels en die basiese dinge van die lewe, en by onsself, uit te kom. Dit…

1000 Rompslomp kan die bou van hernubare kragsentrales met tot 1 000 dae vertraag, luidens ontledings wat die regering se krisiskomitee vir elektrisiteit gedoen het. Me. Phindile Baleni, voorsitter van die komitee, het gesê een onafhanklike produsent wat die proses binne ses maande kon voltooi, was moontlik ’n uitskieter, maar die komitee gaan dié proses probeer herhaal voor hy hom verbind tot ’n tydlyn van ses maande. — Business Day $8,5 miljard Die internasionale gemeenskap het onderneem om $8,57 miljard (R146 miljard) aan Pakistan te skenk om vloedskade te herstel ná verlede jaar se verwoestende vloede wat 1 739 lewens geëis het en 33 miljoen mense geraak het. Pakistan raam dat sowat $30 miljard (R500 miljard) nodig is om die land se herstelplan uit te voer. Die eerste fase van…

Vanjaar se tafeldruifoes is heelwat vroeër, maar goed op koers en amper afgehandel in twee streke. Volgens die Suid-Afrikaanse tafeldruifbedryf (Sati) se jongste oesverslag van die gesamentlike druiwebemarkingsforum het die vroeër oes daartoe gelei dat 7% meer druiwe as in die ooreenstemmende tyd verlede jaar reeds geoes is. Die verslag meld dat die gehalte, grootte en gesondheid van die druiwe goed en die markte tevrede is, maar dat beurtkrag groot probleme vir die pakproses skep. Teen week 51 is 15,9 miljoen 4,5 kg-kartonhouers druiwe gepak. Daarvan is 11,9 miljoen uitgevoer. Dit is 85% hoër as in die ooreenstemmende tyd verlede jaar. Volgens die hersiende oesskatting van 20 Desember word altesaam 66 miljoen 4,5 kgkartonhouers druiwe vir die oes van 2022-’23 verwag. Dit is sowat 15% laer as in die vorige…

’N AANTAL faktore dra daartoe by dat ryp vanjaar reeds vroeg in somergraangebiede kan voorkom. Tydens die vorige reeks aaneenlopende La Niña-verskynsels, in 2010-’11 tot 2011-’12, het temperature van digby 5 °C reeds teen einde Maart 2012 in van die graangebiede voorgekom. Op plekke het dit reeds teen 10 April tot sowat 1 °C gedaal, onder meer by Hertzogville in die Wes-Vrystaat en Reitz in die Oos-Vrystaat. Gedurende die swak La Niña-stelsel van die seisoen van 2017-’18 het lae temperature onder 5 °C later teen 20 tot 30 April voorgekom. Waar minimum temperature laer as 5 °C en veral onder 2,2 °C by weerstasies gemeet word, kan ligte tot matige ryp reeds voorkom. “Wat vanjaar ’n bydrae tot vroeë ryp kan lewer, is eerstens die relatief koel seisoen tot nou…

Boere in Amerika sal voortaan die reg hê om self hul John Deere-toerusting te herstel of om dit deur onafhanklike tegnici te laat herstel. Dié reg is verkry danksy ’n memorandum van verstandhouding wat op 8 Januarie in San Juan, Puerto Rico, deur die American Farm Bureau Federation (AFBF) en John Deere onderteken is. Die memorandum het die potensiaal om as model te dien vir ooreenkomste met ander vervaardigers van landboutoerusting. Die AFBF het reeds sulke gesprekke begin voer, sê dié landbouorganisasie in ’n verklaring op sy webwerf. “Ek is verheug om die ooreenkoms met John Deere te onderteken, wat sal verseker dat ons as boere ons eie toerusting kan herstel en toegang sal hê tot die diagnostiese gereedskap en inligting wat ons nodig het. “Terselfdertyd beskerm dit John Deere…

WÊRELDWYE voedselpryse het gedurende Desember verlede jaar vir die negende agtereenvolgende maand gedaal. Volgens die Verenigde Nasies se Voedsel-en-landbou-organisasie (VLO) se jongste indeks van voedselpryse het wêreldwye voedselpryse in Desember met 1,9% vergeleke met November verlede jaar gedaal. Die indeks het in Desember ’n gemiddelde van 132,4 punte bereik, 1% laer as ’n jaar tevore. In 2022 as geheel het die indeks ’n gemiddelde van 143,7 punte bereik, 14,3% hoër as die gemiddelde in 2021. Volgens die VLO het dit, tesame met groot prysstygings in 2021, gelei tot aansienlike druk op voedselsekerheid vir laerinkomstelande waar voedsel ingevoer moet word. Die indeks dui ook aan dat veral die pryse van koring en mielies verlede jaar rekordhoogtes bereik het. Die gemiddelde waarde van die VLO se indeks vir groente-oliepryse het ’n rekordvlak…

DAAR is weer rede tot optimisme op Jagersfontein in die Vrystaat nadat tonne slik verlede September oor die dorp en omliggende plase gespoel het nadat ’n slikdam by Jagersfontein Developments se diamantverwerkingsaanleg gebreek het. Mnr. Albertus van Schalkwyk, voorsitter van die Jagersfontein-boerevereniging, sê opruimingswerk gaan onverpoos voort. “Terwyl ’n ondersoek voortduur om te bepaal wie vir die ramp verantwoordelik was, is die myn steeds besig met opruimingswerk. Die dorp is meestal skoongemaak, en die myn het verseker dat ongesuiwerde riool nie in die plaaslike spruit beland nie. Weens die ondersoek is nog nie begin met herstelwerk op die mynterrein self nie.” Van Schalkwyk sê dat dit beter gaan op die omliggende plase wat deur die ramp beïnvloed is. “Ons het goeie reën die afgelope seisoen gehad, wat die keerwalle op…

Die taakspan kyk na maniere wat op kort, medium- en lang termyn in werking gestel kan word om die kragkrisis te versag, aan te pak en die landbou uit die moeilikheid te kry. “Dit op sigself is ’n redelike gewigtige saak,” sê Jansen. Nog ’n oogmerk is om die landbou as ’n noodsaaklike diensverskaffer verklaar te kry. “Geen sektor kan funksioneer as mense honger is en daar voedselnood ontstaan nie. Al is dit ekstreem, is dit nie so vergesog nie. Groente en vrugte in Suid-Afrika word besproei, en dit is daardie oeste wat tans benadeel word met fase 4- en fase 6-beurtkrag wat reusedruk op die voedselketting kan plaas.” Hy sê dit is verblydend dat die bekwaamste mense aangewend is vir die taakspan wat van binne die landbousektor kom, en…

Rubriek Dit wil voorkom of die vooruitsigte vir die rooivleisbedryf stadig, maar seker besig is om verby die onderste draaipunt van die negatiewe voerprysmarge te beweeg. Voerpryse (geelmielies en sojabone) daal sedert November 2022, wat grootliks bydra om voermarges te verbeter. Marges bly nog baie knap. Boonop is die verwagting dat die ekonomie min gaan groei en verbruiksbesteding het reeds in die laaste deel van 2022 negatief gedraai. Die neiging sal na verwagting in 2023 voortduur. Dit beteken dit gaan moeilik wees vir vleispryse, veral beesvleis, om te styg weens ’n swak binnelandse vraag. Verder neem die aanbod van veral speenkalwers stadig, maar seker toe. Die aanbod van lamsvleis groei vanjaar stadig in die ekstensiewe veegebiede met goeie weiding. Ongelukkig het die baie nat seisoene tot gevolg dat talle boere…

Die wolseisoen het op ’n optimistiese noot begin ná die Kersvakansie. Luidens Cape Wools het pryse in al die kategorieë gestyg. Die prys van nie-gesertifiseerde wol het met 8,6% tot R165,67/kg gestyg en gesertifiseerde wol met 11% tot R175,15/kg sedert die vorige veiling op 30 November. Die aanbod het bestaan uit ’n beperkte volume volhoubare wol. Altesaam 21,4% van die Merinowol wat aangebied is, is as volhoubare wol gesertifiseer. Dit het pryse verder laat styg. Net meer as 50% van die aanbod het bestaan uit lang, fyn mikronwol. Die derde hoogste prys vir die seisoen van R257,10/kg is betaal vir ’n baal 16,2 mikronwol, met ’n skoonopbrengs van 73,9% van die Tweeddale-boerdery van mnr. Richard Armstrong van Cathcart. Armstrong het nege van die tien toppryse vir sy wol gekry. Sy…

MENSE wat van ongereelde betaling vir hul dienste afhanklik is, is meer geneig om met hul gesondheid daarvoor te betaal. Hulle ly meer aan slaap- en maagprobleme, rugpyn en kopseer as werknemers wat volgens vasgestelde lone betaal word. Dit sluit stukwerkers, kelners en verkoopspersoneel in wat van fooitjies en kommissie vir hul inkomste afhanklik is, of betaal word volgens die hoeveelheid werk wat hulle doen, sê navorsers in die Journal of applied psychology. “Ons het dié impak op mense se gesondheid nie net aangetref in laerbetaalde beroepe wat van fooitjies afhanklik is nie, maar ook onder professionele lui in die finansiële sektor, verkope en bemarking waar salarisse volgens die betaling van kommissie of prestasiebonusse bepaal word,” sê dr. Gordon Sayre van die Emlyon-besigheidskool in Frankryk in ’n verklaring op Sciencedaily.com.…

Daar is ’n paar maniere waarop ’n trust tot stand kan kom. Die twee wat die meeste voorkom, is by wyse van ’n kontrak (tussen lewende persone) of by wyse van ’n testament. In die geval van ’n trust wat opgerig word terwyl jy nog leef, is die grondslag daarvan ’n kontrak tussen die oprigter en trustees ingevolge waarvan bates tot voordeel van gespesifiseerde begunstigdes geadministreer moet word. Waar ’n trust by wyse van ’n testament geskep word, is die testament die grondslag van die trust en is die bepalings soos in die testament vervat, die trustakte waarin die reëls van die trust uiteengesit word. Dit kan later groot praktiese probleme skep indien ’n testament bepaal dat bates aan ’n trust wat in die testament geskep word, vererf, maar daar…

HOENDERSTUKKE OP OONDGEBAKTE RISOTTO Hierdie resep is my variasie op pastoriehoender. Een van daardie lekker min-moeite, goedkoop eenbaketes – gewild by oud en jonk. ■ 250 ml rou rys ■ 500 ml kokende hoenderaftreksel ■ 1 blik (410 g) tamatiepuree ■ 125 ml tamatiesous ■ 125 ml mayonnaise (of suurroom) ■ 125 ml blatjang ■ 8 hoenderstukke ■ Sout, peper of hoenderspeserye van jou keuse ■ Olie, vir braai Voorverhit die oond tot 190 °C en skep die rys in ’n gesmeerde oondbak. Meng die aftreksel, tamatiepuree, tamatiesous, mayonnaise en blatjang en geur na smaak met sout en peper. Geur die hoenderstukke met sout en peper (of met hoenderspeserye). Braai die hoenderstukke in ’n pan tot goudbruin. Skep die bruingebraaide hoender op die rys en giet die sous egalig bo-oor.…

Ek kon my oë nie glo nie. Ek het gekyk en gekyk en weer gekyk om te glo wat ek voor my aanskou. Oor die werf het hulle aangekom. ’n Ongewone lewe het sigbaar geword. Dit was asof ’n bruin stroom troebel water besig was om die stukkie aarde voor my te bedek. My oë is nie meer so skerp nie en ek moes eers my bril skoonmaak om te sien wat hier aan die gebeur was. Dit was my eerste ervaring van só iets. ’n Swerm sprinkane was aan die opmars met getalle wat eenvoudig nie moontlik was om te skat nie. Onkeerbaar het die massas voortbeweeg, vretende aan alles, op koers na wie weet waarheen. Ons besoek hierdie plaas nou al langer as dertig jaar, gewoonlik so twee…

Pryse van R160 000 is op die spel vir vanjaar se enjinrestoureerkompetisie. Dat presteerders pryse vir hul deelname aan die Engen-enjinrestoureerkompetisie vir 2023 (EERC) kan wen, en dat mentors vir hul betrokkenheid en ondersteuning vergoed sal word, is duidelik, maar daar is ook ander waardevolle aspekte. Omdat die enjin wat gerestoureer word, ouer as dertig jaar moet wees, is alle onderdele soms nie beskikbaar nie. Boonop is die enjins wat gekies word, veel ouer. As dit nie gevind word nie, moet daardie onderdeel uit ander onderdele saamgestel of nuut vervaardig word. Dit is dan wanneer die kreatiewe deelnemer en sy mentor floreer. ’n Paar jaar gelede is in ’n artikel in ’n tydskrif vir ingenieurs juis genoem dat die hedendaagse herstelwerk aan masjinerie eerder vervanging behels as probleemoplossing – kopkrap…

In die Oos-Kaap was daar in 11% van die distrikte geen grondtransaksies vanaf Desember 2021 tot verlede November nie. In die ooreenstemmende tyd die vorige jaar was daar in 3% van die distrikte geen verhandelings nie. In die TABEL is ’n opsomming van transaksies vir grond groter as 10 ha in dié provinsie. Pryse stabiliseer in groot dele van die provinsie. Pryse het heelwat gedaal by Alexandria (-24,4%) en Fort Beaufort (-17,7%). Dit het goed gestyg by Kariega (22,8%) en Barkly-Oos (13,7%). In die 12 maande tot verlede November is 321 ooreenkomste in 34 distrikte gesluit. Dit het 195 722 ha teen R1,716 miljard behels. In 18 (52%) van die distrikte is gunstige prysneigings waargeneem. Ten opsigte van die registrasie van transaksies vir plase van verskillende groottes, lyk dit soos…

GAUTENG CARLETONVILLE KLIPDRIFT (422), 59 ha, aan Muiskraal Lewende-trust, van M.C.E. Brits, R4 233 000. PRETORIA JAKKALSDANS (243), 21 ha, aan K. Rametse, van J.S. Edwards, R1 650 000. SPITSKOP (502), 88 ha, aan Leaden Misty Holdings (Edms.) Bpk., van Paballo Engineering Services BK, R1 900 000. TIEGERPOORT (371), 25 ha, aan Makaravans (Edms.) Bpk., van M. Cambanis, R42 500 000. WELGEVONDEN (93), 21 ha, aan Bertie Strydom-trust, van P.J. Welman, R4 100 000. WITPOORT (551), 151 ha, aan Nick-Vlug Construction & Projects BK, van T. Becker, R5250000. KWAZULU-NATAL HARDING BRECHAN (30), 496 ha, aan Balmoral-trust, van Medkut Trading (Edms.) Bpk., R8771766. HELPMEKAAR ACHLEEAN (2137), 1 216 ha, BAVIAANS KRANTZ (1290), 628 ha, en WINTER LODGE (7954), 872 ha, aan Webster Foundation-familietrust, van Cathrich No 70 BK, R20 000 000.…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in die Landboukalender. Stuur die besonderhede aan lbw@landbou.com BOEREDAE 11 FEBRUARIE: Drakensbergerbeestelersgenootskap: Vrystaatstudiegroep. Vrede. 051 410 0974. 22 FEBRUARIE: Charolaisboeredag, Vryburg-skouterrein. June Wiid, 051 410 0953. SKOUE 8-11 FEBRUARIE: Heidelberg (Wes-Kaap). Sarah Koch, 082 725 4091; sarahs.val@gmail.com 10-11 FEBRUARIE: Victoria-Wes. Adri Gerber, 082 940 8231; vicweslandbou@gmail.com 15-19 FEBRUARIE: Riversdal. Cornel Pfaff, 082 412 7033; skou@riversdaler.co.za 23-25 FEBRUARIE: Williston. Klara Steenkamp, 060 580 7480; blomklara@yahoo.com 23-26 FEBRUARIE: Bieliemieliefees, Reitz. Navrae: 083 303 6117 (voorsitter, borge en kunstenaars) of 083 395 2640 (uitstallers, algemene navrae en kampering). 2-4 MAART: Swellendam. Danitsa Badenhorst, 082 093 1780; skou.reception@gmail.com of skouborge@gmail.com 2-4 MAART: Kÿto Karoofees, De Aar. Navrae: 053 631 3691; info@karoofees.org 8-11 MAART: Beaufort-Wes. Samantha Smit, 079…