Indholdsfortegnelse for 5 October 2023 i Landbouweekblad

DIE plaaslike avokadobedryf het vanjaar goeie opbrengste gehad en 19,5 miljoen kartonhouers van 4 kg elk uitgevoer teenoor verlede jaar se 16,38 miljoen kartonhouers. Pryse was egter ’n wipplankrit. Plaaslike kwekers moes teen Junie tevrede wees met pryse van so laag as €6 (R122) per kartonhouer nadat hulle van April tot middel Mei €13-14 (R264-284) per kartonhouer verdien het. Groot volumes uit Peru het elke keer gesorg dat pryse op dié mark onder druk kom. Om soveel moontlik vrugte so vroeg moontlik te verskeep, was vir vanjaar die regte oplossing. Donovan Lewis, bemarkingshoof van die Allesbesteboerdery, sê die afgelope paar seisoene was baie onvoorspelbaar uit ’n bemarkingsoogpunt. Met die beter resultate vanjaar ontstaan die vraag of die bedryf besig is om terug te keer na meer voorspelbare markte toe. Lewis…

Jy is baie optimisties oor die Suid-Afrikaanse wynbedryf, maar waar skiet ons nog te kort? Die grootste probleem is die prys van wyn en veral die prys wat mense vir druiwe betaal, want produsente sukkel om geld te maak. Dit is ’n bekommernis op lang duur. Daar is wingerde wat moet waai sodat ons ’n balans tussen die vraag en die aanbod kan kry, al is dit pynlik vir sommige mense. Die ander ding is om die plaaslike mark sover te kry om ’n bietjie meer vir wyn te betaal. Die prysprobleem is deels omdat mense dit nie kan bekostig om duurder wyn te drink nie, maar ek dink die gemiddelde prys van ’n bottel wyn in Suid-Afrika is rondom R30, wat te goedkoop is. Die plaaslike mark lê nie…

Plant reg, plant in smaller rye en dien minder, maar die regte elemente korrek toe – en ’n droëlandopbrengs wat raak aan 19 ton per hektaar is nie bloot ’n teoretiese syfer nie. Dr. Eric Winans, ’n spesialis in graanproduksie en hoofnavorser by Brandt se navorsingsplaas by Springfield in Illinois, Amerika, het die geheime van rekordopbrengste kom oordra aan Suid-Afrikaanse mielie- en sojaboonprodusente op Elim Kunsmis, Brandt en Landbouweekblad se onlangse mielie-en-sojakongres by Sun City. Winans, plaasvervanger in die plek van Randy Dowdy wat voor die kongres dringend ’n hartoperasie moes ondergaan, het gesê in sy navorsing kyk hy en sy span hoe aspekte soos die jongste kiemplasma, bewerkingspraktyke en vrugbaarheid in ’n hoë-opbrengsstelsel inpas. Hulle vul dit aan met ’n netwerk van proewe reg oor Amerika saam met universiteite,…

Verwerk bale in ’n japtrap vir voer Die Bale Buster-baalverwerker van Drawid Agri speel in ’n japtrap klaar met ’n ronde baal. Die baal word opgekerf en in ’n egalige windry uitgestrooi vir maksimum toegang vir vee. Die Bale Buster is spesifiek ontwikkel vir veeboere wie se voerrantsoene hooibale insluit, voerkrale en melkerye, asook enige ander landboubedryf wat hooi as grondbedekking (mulch) of beddegoed vir diere gebruik. Die toerusting van Drawid Agri is ontwerp met plaaslike landbouomstandighede in gedagte, en is ekonomies, gebruikersvriendelik, verg lae instandhouding en is betroubaar. Die Bale Buster is toegerus met ’n eie baal-laaimeganisme, en die kerfproses vermeng die hele baal vir optimale benutting en minimale vermorsing. Twee of drie bale kan maklik en doeltreffend gelaai word, na gelang van die model. Die baaltou word nie…

FOKUS DIS MY PRODUK Dit is amper weer tyd vir die langverwagte Nampo Alfa 2023 wat van 12 tot 14 Oktober by Nampopark, net buite Bothaville, plaasvind. Verlede jaar se samekoms van kampioendiere, revolusionêre voertuie, buitelugtoerusting en vuurwapens het skares gelok. In 2022 het Nampo Alfa ’n merkwaardige prestasie behaal deur entoesiaste uit die vee-, jagen buitelewebedryf op ’n enkele, baanbrekende platform te verenig. Hierdie besonderse byeenkoms het aan ekspo-gangers die kans gebied om die toonbeeld van aanbiedinge wat oor hierdie diverse bedrywe strek, te ervaar. Die Suid-Afrikaanse vee- en wildbedryf is ’n onmisbare bousteen van die plaaslike ekonomie wat sy vermoë deur uitsonderlike groei ten toon stel. Nampo Alfa het in net vier jaar een van die beste vee-ekspo’s in Suid-Afrika geword. Aangevuur deur hierdie prestasie was die logiese…

Pak enige avontuur slimmer aan deur die HF8R Signaturekoplamp saam te neem, want jou hande sal los wees om ten volle op jou buitelugpret te konsentreer. Met ’n aanpasbare ligstraal* doen die HFR8R Signature al die werk vir jou deur outomaties te verdof en te fokus, en jou sodoende van die perfekte lig te voorsien. Of jy nou in die berge stap of om die kampvuur kook nadat die son gesak het, hoef jy nooit weer te sukkel omdat jy eers verstellings aan jou koplamp moet maak nie. Die HF8R Signature is Awesome Tools se innoverendste Ledlenser-koplamp nóg. Dit pas outomaties by jou behoeftes aan en vereis glad nie handbeheer nie. Dit het ’n doeltreffende verkoelingstelsel om die koplamp nóg kragtiger te maak en die werktyd te verleng. Dit is…

Ons is hier in Namibië se Tsumkwe-distrik (voorheen bekend as Boesmanland) en het die vorige nag in Klein-Dobe geslaap. Die boskamp is sowat 20 km van Tsumkwe en is ’n klompie jare gelede deur beamptes van natuurbewaring, nou die ministerie van omgewingsake en toerisme genoem, opgerig vir wanneer iemand in dié geweste gewerk het en moes oorslaap. Dit is ’n paar hutte, bestaande uit houtpale en ’n grasdak. Daar is ook ’n kombuis, slaapsaal, toilette, ’n stort en selfs ’n bad in die badkamer. Ou Afoor, so genoem omdat hy met net so ’n halwe oor aan die een kant van sy kop gebore is, het vroeg al die donkie gestook, dus behoort daar warm water te wees. Hy en sy vrou hou toesig oor die boskamp. Hy bedel ook…

SKOUE 28 SEPTEMBER-1 OKTOBER: Tulbagh-skou. Dina Wiese, 076 702 0212; tulbaghskou@telkomsa.net 29 SEPTEMBER-1 OKTOBER: Nasionale skaaphondkampioenskapskou, Riversdal. Martie Ferreira, 078 439 0329; Pippa Philip, 083 392 1956; e-pos: sasda@jenny.co.za of ajfp@isales.co.za 3-7 OKTOBER: Robertson-skou. Schalk Burger, 082 380 2525, Annette Eksteen, 023 626 2512; e-pos: robertsonskou@barvallei.co.za 5-7 OKTOBER: Komga-skou. PJ Budler, ’n internasionale beesbeoordelaar van Texas, Amerika, is die spreker op ’n boere-ontbyt. Charli Fourie, 082 733 2106, charli.fourie@gmail.com 12-14 OKTOBER: Nampo Alfa. Bothaville. Albert Loubser, 082 562 2188, e-pos: albert@nampoalfa.co.za 12-14 OKTOBER: Villiersdorp. Edu Roux, 082 922 1123, Johannie Barnard, 083 312 1476; e-pos: skoongesig@breede.co.za 19-21 OKTOBER: Prins Albert. Martin Koorts, 078 570 9113; Karla Koorts, 076 470 9772; palandbougenootskap@gmail.com 20-21 OKTOBER: Loeriesfontein. Henk Kearney, 078 804 9770, Jannie Loots, 082 859 1432; e-pos: irmarik@telkomsa.net 20-21 OKTOBER: Cradocklandbouskou. SA…

DAAR is ’n noue verband tussen energie- en voedselsekerheid, en Afrika ly tans aan ’n aftakeling van albei, waarsku Francois Baird van die verbruikersdrukgroep FairPlay. Voedselonsekerheid styg weens stygende voedselpryse wat deur Rusland se inval van Oekraïne teweeggebring is. Suid-Afrika is wel op ’n nasionale vlak voedselseker, maar nie op huishoudelike vlak nie omdat armes nie die beskikbare kos kan bekostig nie. Die internasionale energieagentskap (IEA) het verlede jaar bevind dat 4% meer Afrikane in 2021 sonder elektrisiteit geleef het as in 2018. “Daar is ook groeiende finansiële probleme en risiko’s by diensmaatskappye in staatsbesit, wat die risiko van kragonderbrekings en -rantsoenering verhoog. Dit dra by tot ’n skerp toename in uiterste armoede in Afrika suid van die Sahara. In plekke het die aantal mense wat deur voedselkrisisse geraak word,…

DIE saadjie vir Nampo Kaap is op 7 Februarie 1994 gesaai toe die destydse Bredasdorp-skougenootskap ’n meganisasiedag op ’n plaas in die distrik aangebied het. Die geleentheid is vir ’n paar jaar op verskillende plekke aangebied, en toe het die organiseerders van die meganisasiedag weggebreek van die skougenootskap en hulle gevestig op grond wat Overberg Agri vir dié doel gekoop het. Die geleentheid was vir ’n aantal jare onder ander bestuur, totdat die huidige bestuur dit weer in 2018 oorgeneem het. Die eerste Nampo Kaap is in daardie jaar saam met Graan SA en Overberg Agri aangebied, en het 16 000 besoekers gelok. Ná ’n onderbreking vanweë covid-19 was daar in 2022 rondom 470 uitstallers en 32 000 besoekers. Vanjaar rondom 34 800 besoekers en 530 uitstallers in 625 uitstalruimtes.…

RubriekWEER Die voorkoms van baie wisselvalligheid in die klimaat moet eintlik aan klimaatsveranderlikheid toegeskryf word. Wat egter soos ’n paal bo water staan, is dat neigings op lang termyn landboubestuur aansienlik gaan verander. Om die kaf van die koring te skei, moet boere sekere faktore dophou. Die “gesig” van klimaatsverandering is baie ingewikkelder as om net die gemiddeldes van klimaatselemente te ontleed. Die kwesbaarheid van mense vanweë die verontagsaming van die werklike klimaatspatrone en die invloed wat klimaatsverandering daarop kan hê, is baie ingewikkelder. Hoewel die onlangse hoë seedeinings aan die suidwes- en ooskus nie gereeld voorkom nie, het dit al in die verlede gebeur. Met verhoogde seevlakke kan dit egter meer gereeld voorkom. Dit is hoog tyd om meer aandag te gee aan hoe die aarde se oppervlak verkeerd…

Beesboerdery Kenners waarsku dat die Ankole binne twee dekades in Uganda kan uitsterf, onder meer weens waninligting oor die horings se medisinale waarde wat veroorsaak dat honderde ton horings weekliks na Asiatiese lande uitgevoer word. Só het Martin Joubert, Ankole-teler van Rooiberg, op die jaarlikse konferensie en nasionale Ankole-veiling op die Bona Bona-wildplaas naby Wolmaransstad in Noordwes gesê, waar telers waardevolle raad uitgeruil het. In Uganda word “vragmotors vol Ankoles” geslag omdat telers nie die waarde van dié geharde beesras vir huishoudings besef nie. Hoewel die werklike getal Ankoles in Uganda nie bekend is nie, is daar ’n duidelike daling in getalle, ook weens kruisteling. Daar word voorspel dit kan veroorsaak dat die ras binne twintig jaar kan uitsterf. Daarom is bewaringsgebiede geskep in die Lake Maburu- nasionale park en…

Jong boere 3 Van sy ma se plan dat Kleinjan Teubes ’n loopbaan buite die landbou volg, het niks gekom nie. Hy en sy broer, JA, boer die afgelope tien jaar op die familieplaas Idma by Vredendal en brei eenstryk deur uit. Tog het dit die 34-jarige boer gepla toe hy in 2020 met ’n kode 14-rybewys as sy hoogste kwalifikasie by die Syngentaleierskapakademie opdaag. Die program is daarop gemik om leierskap by jong boere te ontwikkel. Sy deelname daaraan het sy wêreld vergroot en sy visie verbreed. “Wat húlle my gebied het, sal my my lewe lank bybly. Die netwerk van vriende wat ek daar gebou het, is die belangrikste van alles.” Kleinjan hoop die program kan die begin wees van jong mense in die landbou wat vernuwend dink…

Om ver van jou goed te wees, beteken nie jy hoef naby aan jou skade te wees nie. Om boere gemoedsrus te gee wanneer hulle nie op hul plaas is nie, is waarin FarmRanger spesialiseer. Dié maatskappy ontwikkel sekuriteitshalsbande vir vee, spesifiek vir die bekamping van veediefstal en roofdiere. Die ekonomiese verliese weens veediefstal in 2021-’22 alleen beloop van R1,2 miljard tot R3 miljard. Dit verteenwoordig ’n aansienlike verlies vir boere wat op hul vee staatmaak vir hul bestaan. Slim halsband FarmRanger bied ’n GPS-geïntegreerde halsband wat spesifiek ontwerp is om veediefstal en roofdieraanvalle te bekamp. Tydens ’n voorval sal die halsband ’n oproep as alarm stuur na voorafgekose selfoonnommers. Met ’n regstreekse GPS-opsporingsfunksie op die FarmRanger-toepassing wat met Google Maps integreer, kan die boer presies sien waar op sy…

Bessiemuffins Hierdie muffins is vinnig om te maak en bevat heelwat minder suiker as die meeste ander muffinresepte. Dit is perfek vir teetyd of ontbyt. Die resep lewer 18 muffins (jy het dus twee muffinpanne nodig). ■ 625 ml koekmeel ■ 15 ml bakpoeier ■ 3 ml koeksoda ■ 125 ml suiker ■ 3 ml sout ■ 180 ml olie ■ 2 ekstragroot eiers ■ 250 ml natuurlike jogurt ■ 60 ml melk ■ 375 ml bloubessies (of mengsel van bessies van jou keuse) ■ Versiersuiker, om oor te sif Voorverhit die oond tot 190 °C en voer ’n muffinpan en die helfte van ’n tweede muffinpan met papiervormpies uit. Bespuit die binnekant van elke vormpie liggies met kleefwerende kossproei. Meng die meel, bakpoeier, koeksoda, suiker en sout saam in…

Hoeveel is niks? Nee, ek probeer nie om snaaks te wees nie. Ek is heel ernstig wanneer ek dié vraag vra. Miskien kan jy my help om ’n sinvolle antwoord te kry. Ek het aan myself die vraag gevra en my telkens in ’n onbevredigende antwoord vasgeloop waar my poging om ’n definisie te gee, beslis nie die woord “niks” kon vasvat nie. Dit is ’n glibberige woord wat soos ’n kurkprop wat jy onder die water probeer druk, telkens op ’n ander plek uitspring. Luister net na die volgende gesprek. ’n Pa vra vir sy tienerseun: “Boeta, kyk my in die oë en sê vir my eerlik: Was jy betrokke by die vrugtestelery?” Die seun antwoord: “Nee, Pa, ek het niks gedoen nie.” Die pa vra weer: “Het jy…

Van links is Bernadine en Johannes Maritz van Upington wat die reserwekampioen-enkelkarkas (Bonsmara) opgelewer het, Dirk Human van die Desert Beef-karkaskompetisie op Upington waar die reserwekampioen bekroon is, en sy metgesel, Diana Liebenberg. Rianes de Klerk van die Goodhope-slagoskompetisie, wenner van die nasionale kampioen-enkelkarkas, en sy vrou, Wiida. Boere het aan karkaskompetisies in verskillende streke deelgeneem waar kundiges die karkasse beoordeel en persentasies vir onder meer gradering, vetverspreiding en bouvorm toegeken het. Die wenners van die afdeling vir opkomende beesboere. Links is Joseph Maluleka van Brits wat die nasionale kampioen-enkelkarkas en reserwekampioen met ’n kruisrasos, ’n Limbra, gewen het. Regs is Marothi Mabelane, ook van Brits, wat die afdeling vir super-osse gewen het, ook met ’n Limbra. In die middel is Johan Fourie van die Limousin-genootskap wat die afdeling vir…

GAUTENG CARLETONVILLE DEELKRAAL (142), 686 ha, aan Morgan Creek Sewerage Plants (Edms.) Bpk., van Morgan Creek Prop (Edms.) Bpk., R2056399. DOORNFONTEIN (522), 23 ha, aan A. Foord, van J.P. van der Merwe, R1 150 000. EIGENAARSFONTEIN (442), 99 ha, aan I. Barnard, van M.G. Strydom, R4 150 000. HARTEBEESTFONTEIN (366), 320 ha, aan J. Engelbrecht en S.A. Engelbrecht, van Vertex Farming Inv (Edms.) Bpk., R2139610. KLIPRIVIERSOOG (299), 61 ha, aan Khulemani Masingita Holdings (Edms.) Bpk., van Eric Ellerine-trust (Edms.) Bpk., Redefine Prop Bpk., R35 440 444. KLIPRIVIERSOOG (299), 61 ha, aan Orvisource (Edms.) Bpk., van Khulemani Masingita Holdings (Edms.) Bpk., R15 500 000. RANDFONTEIN (247), 24 ha, aan RCL Group Services (Edms.) Bpk., van RCL Foods Consumer (Edms.) Bpk., R59 441 225. RIETSPRUIT (535), 103 ha, aan Entrolux (Edms.) Bpk.,…

Besoek landbou.com/veilings vir die jongste veilingsnuus Die gehalte van die Dormers op aanbod by die Hatari Dormer-veiling het gesorg vir ’n uitstekende gemiddelde prys van R18 100 vir ramme. Met 100% verkope, gehalte-teelmateriaal, en goeie bywoning het dié veiling aan elke vereiste voldoen vir ’n suksesvolle veiling wat onder meer deur Landbouweekblad bemark is. Altesaam 30 stoetramme, 40 stoetooie en 200 kommersiële ooie van die Dormer-stoeterye Hatari, Gras Karoo, en 2Broers is by die BeHuman-sentrum buite Bloemfontein verkoop. “Ons is baie tevrede met hoe die veiling verloop het en ook die pryse. Daar was baie bekende gesigte, maar ook heelwat nuwe kopers wat ’n teken is van hoe gesond die belangstelling in die ras is,” sê Marius Eksteen wat saam met sy broer, Jan, die Hatari-stoetery buite Bloemfontein bedryf. “Kyk…

Dis ’n groot seën as ’n mens eers begin besef hoeveel jy werklik nie weet nie. Dit kom seker maar met die ouderdom, soos die lewe se houe oor die jare die voortvarendheid van die jeug bietjie vir bietjie afskuur, en jou uiteindelik met ’n meer verstandige perspektief laat oor wat moontlik is en wat nie. Vra maar die ou manne wat so sukkel met al die jong latte wat met al hul wilde idees plaas toe kom. Vreemd genoeg was dit juis ‘n 99-jarige wat dit miskien die mooiste gestel het. Charlie Munger, die geniale belegger en die vinkel vir die meer bekende Warren Buffett se koljander, het duidelik al diep oor die onderwerp gepeins. “Om te weet wat jy nie weet nie, is baie meer bruikbaar as om…

DIT wil voorkom of die landbounetwerkorganisasie Saai en die Land Bank tot ’n vergelyk gekom het oor verskeie twispunte wat betref die bank se sakeplan en die aggressiewe sekwestrasie van meer as 120 boere wat nie hul verpligtinge by die bank betyds kon nakom nie. ’n Groot klomp boere is byna oornag in die moeilikheid gedompel toe hul skuld van middelman-landboubesighede na die Land Bank self terug verskuif is. “Die meeste boere het daardie lenings as wentelkrediet soos ’n oortrokke gerief gebruik. Toe die bank sy boek by die middelman-landboubesighede terugneem, is dit summier en sonder waarskuwing as produksielenings gehanteer wat in geheel op ’n sekere datum afbetaal moes word,” sê dr. Theo de Jager, voorsitter van Saai. Themba Rikhotso, uitvoerende hoof van die Land Bank, sê die bank het…

Rubriek Die mededingingskommissie het ’n verslag bekend gestel waarin die verwantskap tussen die pryse van grondstowwe (plaasprodukte) teenoor die winkelrakpryse vergelyk word, dus by implikasie die marges van groot voedselverwerkers en die groot voedselkleinhandelaars. Die verslag, “Essential Food Price Monitoring”, is die negende hieroor. Die vorige verslag het baie kritiek uitgelok oor feitefoute en verkeerde afleidings. Wat ’n mens bang maak, is dat die vorige verslag onlangs aan die kabinet voorgelê is. Daar is besluit dat die regering maniere moet ondersoek om voedselinflasie te verlaag. (Ek lees staatsinmenging.) Die mededingingskommissie val onder die departement van handel, nywerheid en mededinging. Die minister, Ebrahim Patel, en sy departement is nie bekend daarvoor dat hulle markkragte wil laat werk nie. Hulle hou van inmenging in die ekonomie op vele vlakke, soos waar maatskappye…

AMPER 60% van alle lewe op aarde bly in die grond of leef in assosiasie met die grond. ’n Onlangse beraming vir die vaktydskrif PNAS deur drr. Mark Anthony, Franz Bender en Marcel van der Heijden, mikrobioloë van navorsingsinstellings in Switserland, toon sowat 2 miljoen insek- en spinnekopspesies bly in die grond. Dit verteenwoordig ’n derde van hierdie groep. Daar is heelwat minder mini-erdwurm- (770) en wurmspesies (6 000), maar dis steeds onderskeidelik 98% en 63% van die groepe. Daarteenoor bly net 3,8% van alle soogdiere in die grond, terwyl 85% van alle plante wortels in die grond het. Die grootste getalle is egter op die mikroskopiese vlak, skryf prof. John Quinton van die Lancaster-universiteit op The Conversation oor Anthony, Bender en Van der Heijden se navorsing. “Die navorsers raam…

Rubriek Boerderybestuur Ek en my vrou het onlangs die voorreg gehad om te gaan blomme kyk. ’n Goddelike skouspel van die natuur. Op pad daarheen ry ons ’n Sondagoggend by Vosburg in. Vrolike Namakwalandse daisies verwelkom ons by hul naambord, maar daar is nog ’n bordjie: “Stilte sonder grense.” So met die inry kry ek die idee hier is iets fout. Ons sien geen motor nie, geen mens nie, nie eens vuilgoed in die strate wat van Saterdagaand se stories vertel nie. Dit is byna ’n bonatuurlike stilte. Ons ry deur die slaggatvrye strate en kom agter ons is besig om vir mekaar te fluister om die stilte te eerbiedig. Dan sien ons die eerste lewe: ses bakkies en ’n motor wat by die kerk staan. Binne dreun die dominee…

Geldbeplanning Ek het in Junie die geleentheid gehad om vir twee weke saam met my gesin in Ierland en Skotland te gaan vakansie hou. Sulke vakansies bly altyd ’n voorreg en die impak wat dit op my 14-jarige dogter gehad het, is onbeskryflik. Ek kan dit vir enigeen met jong tieners aanbeveel. Dis ’n goeie belegging in ’n kind se ontwikkeling en verander hul perspektief oor die wêreld. Die vakansie het egter vir my ook weer twee dinge in duidelike perspektief geplaas. Die eerste is dat Suid-Afrika se geldeenheid tans nie veel werd is nie, en die tweede is dat dinge oorsee glad nie so rooskleurig lyk nie. Dit gebeur elke keer as ek oorsee gaan en hierdie vakansie was geen uitsondering nie. Net voor ons vertrek het die rand…

Suid-Afrikaners het uiteindelik iets om oor te glimlag by brandstofvulstasies. Ná meer as vyf jaar se laboratorium-, enjin- en padtoetse waarby meer as 150 wetenskaplikes in gespesialiseerde navorsings- en ontwikkelingsgeriewe van reg oor die wêreld betrokke was, sit Shell sy verbintenis voort tot die verbetering van voertuigbestuurders se lewe. Dit bespaar nie net koste nie, maar help ook om elke voertuig se koolstofspoor te verminder... Shell FuelSave se formule lê klem op verlaagde brandstofverbruik en kostebesparing. Deur jou voertuig gereeld met Shell FuelSave vol te maak, kan jou voertuig se brandstofverbruik met tot 2% verlaag word. Dit beteken jy kan tot 15 km per tenk méér kry, wat uiteindelik ’n groot besparing meebring. Oplossings wat die verbruiker help “In Suid-Afrika en ander wêrelddele waar die gebruik van voertuie noodsaaklik is,…

Só sê ’n bloubessieboer Jonathan en Jean Trusler van Blueberry Heights verbou organiese bloubessies op 1,5 ha aan die voet van Magoebaskloof in Limpopo. Hoekom het julle die organiese roete ingeslaan? Die plaas was reeds organies gesertifiseer toe ons familie dit gekoop het. Vanuit ’n etiese en volhoubaarheidsoogpunt glo ons in organiese produksie. Daarom het dit vir ons sin gemaak om daarmee voort te gaan. Ons wil die grond, asook ’n gesonde ekostelsel en voedselweb bou en kos produseer wat so gesond moontlik is. Met watter bloubessiekultivars boer julle? Ons het die Rabbiteye-kultivars, wat al in 1996 geplant is. Hulle vaar goed, maar dit is ou kultivars en die supermarkte is nie gaande daaroor nie, want die saadjies is effens groter. Hoe benut julle dan die bloubessies? Ons stuur bessies…

Sluitingsdatum: 26 Oktober 2023 Wen - Wen - Wen! Vandeesweek kan 1 leser ‘n Boereplaas Bordspeletjie wen. Leidraad: Dorp in die Wes-Kaap. Lees op bl. 110 hoe dit werk. WEN BOEREPLAAS BORDSPELETJIE! Een leser kan 'n Boereplaas Bordspeletjie wen. NEEM SÓ DEEL: Vul die blokraai korrek in en gebruik die letters in die kleurblokke om die antwoord op die vraag op bl. 93 te ontrafel. SMS die woord LBW, gevolg deur jou antwoord, naam, van en dorp/stad na 33677. Deelnemers kan soveel keer SMS as wat hulle wil. Elke SMS kos R1,50. Net mense binne SA grense kan deelnee Die wenners sal die oorspronklike, voltooide blokraai en hul besonderhede moet verskaf. Geen werknemers of h gesinne van Media24 en sy reklamemaatskappye mag deelneem nie. Die sluitingsdatum is 26 Oktober 2023.…

Die volgende ontleding van grondverkope in Suid-Afrika is van transaksies vir grond groter as 10 ha in Mpumalanga, die Noord-Kaap en Noordwes van September verlede jaar tot Augustus vanjaar. Daar was 361 transaksies in ses distrikte in Mpumalanga. Dit het 80 964 ha teen ’n totale waarde van R2,439 miljard behels. In 16% van die distrikte is gunstige prysneigings opgemerk. Pryse het goed gestyg by Amsterdam (19,6%), maar skerp gedaal by Komatipoort (-12,6%). In die Noord-Kaap is 259 transaksies in 20 distrikte gesluit. Dit het 575 982 ha teen R1,586 miljard behels. In 30% van die distrikte word gunstige prysneigings waargeneem. By Colesberg en Gordonia het pryse met meer as 14% gestyg, terwyl dit gedaal het by Sutherland (-18,1%) en Kenhardt (-11,7%). Altesame 788 transaksies is in 12 distrikte in…

Watter drie eienskappe moet ’n afslaer hê? Eerlikheid, goeie menseverhoudings en ’n dik vel. Hoe het jy in die afslaersbedryf beland en hoe lank is jy al ’n afslaer? As klein seuntjie was dit ’n hoogtepunt om die maandelikse beesveiling op Baltimore (Limpopo) saam met my oupa by te woon. Almal was daar. Die vroue het pannekoek gebak, terwyl die manne tot laat om die vuur politiek gepraat het. My pa was die bemarkingsbeampte van die veiling, dus ken ek vandat ek my verstand het van beeste werf, vragmotors reël, kopers bel en die beesprys wat weer in sy kanon is. In Desember 1994 het ek as bemarkingsbeampte vir Vleissentraal in die Warmbad-Nylstroom-omgewing begin werk. In 2010 was ek bemarkingsbestuurder, en daarna afslaer. Twee mense, naamlik Koot van Staden en…