Landbouweekblad 29-Jan-16

BOERE MÁG RENOSTERHORING VERKOOP Me. Edna Molewa, Minister van Omgewingsake, se aansoek om appèl teen die tersydestelling van die moratorium op handel in renosterhoring in November verlede jaar is Woensdag in die Hooggeregshof in Pretoria van die hand gewys. Molewa se aansoek is teengestaan deur mnre. Johan Kruger van Alldays en John Hume (op die foto) van Malelane, wat aanvanklik aansoek gedoen het dat die moratorium opgehef word. Dit beteken die handel in renosterhoring is nou wettig in Suid-Afrika mits verkopers en kopers se permitte in orde is. VROEË OESSKATTING Die Departement van Landbou, Bosbou en Visserye gaan in ’n ongekende stap sy eerste oesskatting vir somergraan ’n maand vroeër as verwag uitreik. Mnr. Rodney Dredge, voorsitter van die Oesskattingskomitee, sê in ’n verklaring die komitee is weens die “kritieke…

10,9 miljoen ton Die Regering raam Suid-Afrika en sy buurlande sal weens die droogte 10,9 ton voedsel moet invoer. Benewens 5 miljoen tot 6 miljoen ton mielies vir Suid-Afrika, sluit dié raming die behoeftes van Zimbabwe, Lesotho, Namibië, Swaziland en Botswana in, en ook produkte, soos soja en koring. Die Departement van Landbou het R305,3 miljoen toegewys vir droogtehulp en die Departement van Grondhervorming R66,4 miljoen. 100 000 jaar Aardverwarming kan die aarde se volgende ystydperk met tot 100 000 jaar vertraag, luidens ’n verslag van die Potsdam-instituut vir klimaatsimpak-navorsing in Duitsland. Selfs sonder enige verdere toename in kweekhuisgasse is ’n volgende ystydperk onwaarskynlik vir die volgende 50 000 jaar. Selfs die huidige koolstofdioksiedvlakke kan gletserontwikkeling in die Noordelike Halfrond met tienduisende jare vertraag. 26% Varkvleis-produksie in Rusland het in…

Mnr. Hannes Nel van die Maroi-boerdery buite Musina het dié foto’s geneem van die Plaasrivier, ’n sytak van die Limpopo, sowat 15 km wes van Beitbrug. Hannes vertel hy het by vriende in Botswana gehoor die rivier kom af vanweë goeie reën in die opvangsgebied. Hy het die eerste foto op Saterdag 16 Januarie om 08:20 geneem terwyl werkers besig was om tydelike pompe en pype uit die rivierloop te haal. Die boere het tydens die droogte diep slote in die rivierbedding gegrawe om meer water vir besproeiing te versamel. Die tweede foto van die vol rivier is op dieselfde dag om ongeveer 16:00 geneem. Die Limpopo is die hoofbron van water vir Musina, sowel as die plase by Pontdrif, Weipe en Malaladrif.…

Die landbou raak amper elke aspek van ons lewe en word beïnvloed deur besluite in amper elke sektor – energie, water, gesondheid, tegnologie en vervoer, om maar ’n paar te noem. Elke vraagstuk wat boere raak – van die gebruik van GM gewasse tot die uitvoer van lewende hawe en klimaatsverandering, is nou onderhewig aan verdelende debatte van talle “belanghebbendes”. Die landbou gaan in komende dekades afhanklik wees van boere se vermoë om nuwe tegnologieë te gebruik, maar al hoe meer verbruikers in Eerstewêreldmarkte vra vir “boerdery volgens die ou styl” en “kos met ’n storie”, wat lei tot uiteenlopende politieke menings oor die landbou. Maatskappye, soos Apple en Google, is suksesvol omdat hulle nuwe idees en tegnologie aangryp. Hierdie benadering is nou meer as ooit nodig in die landbou.…

‘Die meeste veeboere het baie groter moeilikheid as die graanboere, want hulle het niks om op terug te val nie.’ Prof. Dirk Strydom van die Universiteit van die Vrystaat. Bl. 22 ‘Moenie vra hoeveel dit gaan kos om te spuit nie. Vra eerder hoeveel dit gaan kos as jy nié spuit nie.’ Dr. Rikus Kloppers van Pannar onthou wat mnr. Tony Matchett altyd gesê het. Bl. 17 ‘As die meulenaars sien daar kom moeilikheid, koop hulle gewoonlik langer as vier maande vooruit.’ Mnr. Christo Joubert van die Nasionale Landboubemarkingsraad verklaar hoekom die rakprys van mieliemeel nog nie die mielieprys ingehaal het nie. Bl. 19 ‘As die melkprys nie binnekort styg nie, sal daar nie melk in die binneland wees nie.’ Mnr. Johan Strydom, Noordwes MPO-voorsitter. Bl. 20 ‘Die boere moet…

Die goeie reën wat sommige boere in die afgelope week of wat ontvang het, was rede tot dankbaarheid. Niks lig die gemoedere soos ’n goeie reënbui nie. Die weidings kry ’n hupstoot, en daar is hopelik ’n bietjie vog vir die mielies en al daardie pasgeplante sonneblomme, asook vir die ouens wat nog hoop om ’n bietjie voer te maak voor die winter. Intussen, dink maar aan die plekke waar daar nog niks geval het nie, soos die Noord-Kaap. Baie skade is reeds aangerig. Amptelik is net 55% van Suid-Afrika se mielie-hektare beplant en net meer as 40% van die witmielie-hektare. Baie vermoed dit kan selfs minder wees. Intussen speel die droogte homself uit. Plattelandse gemeenskappe begin die pyn voel. Water raak op. En verbruikers begin al verstik aan groentepryse.…