Dit was 2003 en vyf Amerikaanse jagters het in Johannesburg geland vir ’n jagtog van 14 dae. Hulle D wenslyste was indrukwekkend, maar om soveel spesies saam met vyf jagters te skiet, het beteken daar sou genoeg jaggidse moes wees. Die jagplaas, Kwalata, was ’n vyfsteropset met baie beskikbare wildspesies, waaronder olifante, renosters, kameelperde, koedoes, elande en volop kleinwild. Die buffels was egter deel van ’n teelpro-gram en kon nie gejag word nie.
Wyle Botes van der Merwe, die bestuurder van Kwalata en self ’n professionele jagter, het egter gereël dat ons teen die Kruger Nasionale Park se grens buffels kon jag. Hy het vir Albert Alberts van Alberts Lowveld Safaris in Tzaneen gekontak, wat ingestem het om ons te akkommodeer. Die geluk was aan ons kant danksy ’n baie…
