Indholdsfortegnelse for December 2016 - January 2017 i SARIE KOS

Goud vir jou deksel Kry Franse inspirasie vir die feesseisoen met Le Creuset se nuwe goue knop-handvatsels (R280 elk), wat tot jou potte feestelik sal laat lyk. PRET IN JOU KOMBUIS Wie wil nou nie spog met so ’n kleurryke broodrooster (R1 299,95) en buitengewone paar slaailepels (R599,95) nie! Dit en nog ander prettige geskenke is te koop by Pylones se nuwe tak in die Menlyn Parkwinkel-sentrum in Pretoria. Mooi vir jou boom Kyk net hierdie pragtige fyn versierings van Woolworths. Jy kan maar weet jou anderste Kersboom sal ’n wenner wees. Lekker eet op ’n drafstap Hier’s ’n nuwe restaurant, ook vir vakansiegangers met baie om te doen. By Chefs in Kaapstad kan jy heerlik bereide kos van top-sjef Jenny Ward geniet sonder om te wag. Al wat jy…

Fyngedrukte bone met hoender en spinasie Al ooit daaraan gedink om “kapokaartappel” van bone te maak? Genoeg vir 4 Verhit oond tot 200 °C. Plaas 4 x 400 g-blikke cannellini-bone, gedreineer, en 90 ml groente-aftreksel in ’n kastrol. Verhit en laat kook 5 minute. Druk bone in die kastrol fyn en voeg 5 ml paprika en 2 fyngedrukte knoffelhuisies by. Geur met sout en varsgemaalde swartpeper. Hou warm terwyl die hoender berei word. Pak 4 rooi-uie, in kwarte gesny, op ’n bakplaat. Sprinkel 30 ml olyfolie oor en plaas in oond. Bak 15 – 20 minute. Marineer 4 ontbeende hoenderborsies 10 minute in sap van 2 suurlemoene. Geur met sout en peper. Verhit ’n riffelpan en braai borsies weerskante tot gaar. Spoel 300 g babaspinasieblare goed af en soteer in…

Hoe skryf jy ’n kookboek oor plaaskos? Waar begin jy, wat sluit jy in en wat laat jy uit? Byna alles wat ons eet, het sy oorsprong op ’n plaas, word deur ’n boer en sy mense geplant en geoes, gevoer en versorg. Jy sal regtig honderde boeke vol kan skryf! Tog sal dit vir elkeen iets anders beteken, ongeag of jou lewenspad jou plaaslangs gelei het of nie. Want niemand se herinneringe of stories is identies nie. Vir my, wat op ’n plaas grootgeword het waar daar met vrugte, vee en groente geboer is, beteken plaaskos natuurlik al die kos wat ek op daardie plaas leer ken het – dit waarmee my pa geboer het, my grootwordkos en my ma se huiskos. Maar dit is ook die kos en…

Voorbladresep Maklike sjokoladekoek Dié koek het ek as kind gemaak – dit was eintlik die eerste koek wat ek gebak het. 155 g (275 ml) koekmeel 200 g (240 ml) strooisuiker 40 g kakao 20 ml bakpoeier 190 ml kanola-olie 190 ml kookwater 5 eiers 10 ml vanieljegeursel 5 ml bakpoeier VERSIERSEL 90 ml (6 eetlepels) sjokoladesmeer (Nutella) 100 g 70%-donkersjokolade Verhit oond tot 180 °C. Sif meel, strooisuiker, kakao en die 20 ml bakpoeier saam in mengbak. Voeg olie en kookwater by en meng liggies met ballonklitser. Skei eiers en klits die eiergele en vanieljegeursel saam. Voeg dit by die meelmengsel en meng liggies. Klits eierwitte tot styf, voeg die 5 ml bakpoeier by en klits weer tot gemeng. Roer een derde van die geklitste eierwitte by die meelmengsel…

Maandag Spaghetti met gebarste tamaties v Kooktyd – 20 minute Genoeg vir 6 1 x 500 g-pak spaghetti 200 ml olyfolie 6 heel knoffelhuisies 800 g klein rosa-tamaties sout en varsgemaalde swartpeper hand vol vars basiliekruidblare, gebreek 200 g pecorino-kaas, gerasper Kook spaghetti volgens aanwysings op pak. Verhit olyfolie in ’n kastrol (dit klink baie, maar dit vorm die sous). Voeg knoffel by en braai sowat 3 minute – dit sal die olie lekker geur. Voeg tamaties by en kook sowat 10 minute – die tamaties sal begin oopbars en met die olie meng. Geur met sout en swartpeper. Wanneer pasta klaar gekook het, dreineer dit in ’n vergiettes. Voeg basiliekruidblare en helfte van kaas by tamaties. Voeg pasta by en meng deur. Sit voor met res van kaas. Dinsdag…

Ek het al verskeie sertifikate in spyseniering en bak verower en geniet dit om kos te maak. SARIE KOS is ongelooflik, stylvol, smaaklik en elke resep is ’n wenner, geen flops. Julle kan nie glo hoe ek SARIE KOS geniet nie, en wat dit so besonders maak, is die feit dat alledaagse bestanddele in ’n nuwe styl gebruik word. Ek het boonop wonderlike nuwe dinge van koskombinasies geleer, veral groente (en onthou, ek is al 16 omgekeerd). Ek lees alles deur en maak aantekeninge op die voorblad sodat ek dit maklik kan vind wanneer ek iets wil maak. Dankie vir die prag-boek – ek kan nie wag vir jul volgende uitgawe nie. – Anne Futcher Dis die eerste tydskrif wat ek al 100 keer deurgelees het. Ek het die resepte…

Die Volvo V40, wat met die Audi A3, BMW 1-reeks en Mercedes A-klas meeding, bied sterk kompetisie in sy segment. Dit het boonop in 2016 ’n verjongingskuur ondergaan, veral voor. Daar is nou ’n meer prominente sierrooster en die topmodelle kry ook Volvo se kenmerkende “Thor se hamer”-LED-hoofligte, wat ’n uitstaankenmerk van die bekroonde XC90-sportnutsvoertuig is. Die aantreklike V40, wat in sy standaardvorm ’n vyfdeurluikrug is, is ook in CrossCountry-gedaante beskikbaar. Al die modelle is baie luuks met talle tegnotruuks. Pryse is mededingend en begin by R345 500.…

WENKE • Laat die vrugtekoek minstens 3 weke staan voor dit geëet word. • Draai die koek goed toe met foelie en daarna in kleefplastiek. • Bêre in ’n lugdigte houer. Net so lekker Besoek SARIE.com  vir nog ’n vrugtekoek-resep, asook ’n video wat wys hoe om dit te maak. 1 250 g gemengde droëvrugte 250 g dadels, fyngekap 75 g rooi glanskersies 150 g heel, gepelde amandels 500 ml brandewyn 250 g (445 ml) koekmeel 2 ,5 ml sout 2,5 ml koeksoda 12,5 ml kakao 2,5 ml gemengde speserye 2,5 ml fyn kaneel 2,5 ml fyn gemmer 1 ml fyn neutmuskaat 250 g (270 ml) botter 250 g (315 ml) suiker 4 eiers Meng vrugte, dadels, kersies en amandels in groot mengbak en gooi 250 ml brandewyn oor. Bedek met…

Jy sou dit die Tafel van Babel kon noem. Of eerder: die Langtafel van Babel. Maar ondanks toeval – laat staan nog taalverskille – praat die wildvreemdes wat saam hier kom aansit, gou-gou ’n hond uit ’n bos. En hulle verstáán mekaar, want of jy nou Mandaryns of Grieks of Swahili praat, as jy by ’n gastehuis met ’n behaaglike naam soos ah! plek bespreek (en boonop kan kies uit vyf gastekamers wat onderskeidelik Ooh la la!, Aaah!, Oooh!, Mmmh! en Ahaa! heet), smag jy waarskynlik nie na stringe skulpies, perlemoenskulp-asbakke of diepvetgebraaide bevrore stokvis en slaptjips nie. Diegene wat steeds hul bedenkinge het, hoef maar net op Tripadvisor die jubelgesange uit al die windrigtings van die wêreld te lees. Die driegangontbyte en viergang-aandetes waarmee die eienaars die tonge op…

Caprese met borlotti-bone Rooster die tamaties vir hierdie verfrissende slaai. Genoeg vir 2 Verhit oond tot 200 °C. Halveer 4 groot rosa-tamaties en plaas op ’n bakplaat. Sprinkel bietjie olyfolie oor en geur met sout en varsgemaalde swartpeper. Plaas in oond en bak sowat 15 minute. Haal uit en laat afkoel tot kamertemperatuur. Rangskik tamaties, 300 g sagte mozzarella-kaas, 1 x 400 g-blik borlotti-bone, gedreineer, en ’n hand vol vars basiliekruidblare, in growwe stukke geskeur, op ’n opdienbord. Geur met sout en peper. IN MY MANDJIE UIT ’N BLIK Voeg Mayfair se borlotti-bone by jou slaai – die kombinasie van die bone en geroosterde tamatie is ’n wenner. Sowat R14 vir 400 g by supermarkte. SAGTE KAAS Maak die maal nog lekkerder met sagte mozzarella-kaas van Woolworths. Die klein balletjies…

Geroosterde vark met gebakte appels ( bl. 68 ) Varkvleis en appels is soos vinkel en koljander – die twee geure vul mekaar aan. Hierdie resep is eintlik ideaal vir die lui kok, vir daardie dae dat jy iets moet voorsit om mense te beïndruk, maar nie die krag het om te kook nie. Genoeg vir 6 – 8 sowat 1,3 kg gerolde varklies 20 ml droë vinkelsade 4 knoffelhuisies, fyngekap sowat 50 ml olyfolie sap van 2 suurlemoene sout en varsgemaalde swartpeper 6–8 Granny Smith-appels, ontklok (die pitte verwyder) Verhit oond tot 180 °C. Plaas gerolde varklies in ’n oondbraaipan, velkant buite. Sny kepies in die velgedeelte. Stamp die droë vinkelsade effens fyn met ’n stamper en vysel. Vryf vinkel en knoffel veral in die kepies in die vel.…

Basiese resep! Karringmelkbeskuit My ouma, ook Barbara, het my hierdie beskuit leer bak. Gebruik ’n broodpan van sowat 18 x 8 cm. Ek sny gewoonlik die beskuit in stukke – dis net makliker. EEN BROODPAN (18 stukke) 500 g (890 ml) bruismeel 2,5 ml sout 250 g (270 ml) botter 200 g (250 ml) suiker 250 ml karringmelk 1 eier TWEE BROODPANNE (36 stukke) 1 kg (1 780 ml) bruismeel 5 ml sout 500 g (540 ml) botter 400 g (500 ml) suiker 500 ml karringmelk 2 eiers Verhit oond tot 180 °C. Gooi bruismeel en sout in ’n groot mengbak. Sny botter in blokkies en vryf dit in meelmengsel in tot dit soos broodkrummels lyk. Gooi suiker by en meng goed. Klits karringmelk en eier(s) saam. Voeg…

UITHAAL-ENWYS-KERSFEES Maak groot indruk op jou gaste met hierdie spogkos Garnaal-mousse + Geroosterde vark met gebakte appels + Kers-vrugtekoek SEWES-RUGBY ’n Vinnige maal vir ’n gesellige kuier voor die TV Ploughman's lunch + Vis en tjips + Appeltert PLAASKOS Tradisionele geregte om saam met die familie te geniet Vinnige bierbrood + Annatjie se skaapafval + Hertzoggiekoek SONDAGMIDDAGETE Maklike geregte vir ’n luilekker Sondagmaal Caprese met borlotti-bone + Oondgeroosterde hoender met suurlemoen-enknoffelbotter + Warm sjokoladetert NUWEJAARSONTBYT Stil die hongerpyne ná die vorige aand se groot partytjie Karringmelkbeskuit + Vinnige broodjies + Sjokolade-muffins ITALIAANS VIR DIE VAKANSIE Kikker ou gunstelinge op vir die middagtafel Olyf-ciabatta + Spaghetti met gebarste tamaties + Maklike appeltertjies…

1 Waar kom jy vandaan? Ek is op Springs gebore en daarna het my gesin na ’n lieflike plaas in Hazyview getrek, waar ek tussen woude en watervalle grootgeword het. 2 En jou liefde vir kosmaak? Dit kom al van kleins af. Ek het altyd gekyk hoe my pa kook, en vandat ek 4 was, het ek saam met hom mossels gaan oes by die see. Daarna is ons dadelik huis toe om dit gaar te stoom. Dis in sulke oomblikke dat ek geweet het ek hou van kosmaak. 3 Waar is jy opgelei? Ek was besig met ’n LLB-graad by Tukkies toe ek op ’n dag besef het ek wil niks anders as ’n sjef wees nie. Ek is Londen toe, waar ek ’n jaar by die eerste Jamie’s…

Ons SARIE KOS-span sê opreg dankie aan elkeen van die 10 kosvriende wat namens ons duisende lesers in 2016 help dink, proe en besluite neem het. Altyd lekker as iemand wat sy storie in die kombuis ken, help met wenke, nuwighede en familieresepte. PS: Van Kersfees gepraat, julle moet gerus julle posbusse dophou ...…

Cape Brewing Co se Amber Weiss – hoogste telling vir koringbier (R32 vir 440 ml) Daar is sweempies van naeltjies en piesang, gevolg deur ’n delikate bitterheid op die tong wat die illusie skep dat die bier swaarder is as wat dit eintlik is – volgens die Duitsers ’n bier wat jy saam met ontbyt kan geniet! Cape Brewing Co se Imperial IPA – hoogste telling vir hopbier (R30 vir 30 ml) ’n Meer komplekse bier met ’n wonderlike tropiese karakter. In die mond verleen die hop daardie tipiese sterk bitteragtigheid wat jy van ’n IPA verwag. (IPA: India pale ale) Darling Brew se Long Claw Saison – hoogste telling vir spesialiteitsbier (R32 vir 500 ml) ’n Bruisende soort blonde bier met tipiese speserygeure.…

1 Voer die onderkant van die koekpan met 6 lae koerantpapier uit. 2 Sit ’n dubbele laag bruinpapier regop om die binnerand van die pan. Die papier moet so 6 cm bokant die pan se rand uitsteek. 3 Sit nou ’n dubbele laag bruinpapier bo-op die koerantpapier onderin die pan. Smeer of spuit die bruinpapier goed. 4 Sit sowat 4 velle koerantpapier buiteom die koekpan en maak met tou vas. 5 Maak nou ’n deksel van nog lae koerantpapier. Die koek is lank in die oond en die deksel keer dat dit baie bruin word bo-op.…

Reën of hael, bakkende son of tierende wind. Op Muratie is dit altyd ’n perfekte dag. Dalk is dit die wynplaas se verruklike skoonheid of die statige ou werfgeboue onder die wingerde wat teen Simonsberg se hange klou vir al wat hulle werd is. Ek dink dis die gasvryheid. Muratie is ’n plaas met ’n hart; plek met ’n siel. Die siel wat dit vandag het, het egter met hartseer begin. In 1685 het Simon van der Stel, Kaapse goewerneur, die grond aan die Duitse soldaat Lourens Campher gegee. Campher het die plaas met ’n gebroke hart aanvaar: Sy geliefde, die swart slavin Ansela, moes in die Kaap opgesluit bly waar sy in die Kompanjiestuin gewerk het. Hier het Lourens haar besoek, en saam het hulle gedroom. Die droom is…

Vis en tjips Seker een van die bekendste Engelse kroegetes. Die vis word in baie olie gebraai – tipies soos dit in pubs gedoen word. Spaar tyd met bevrore aartappelskyfies wat oral te kry is. Genoeg vir 6 BESLAG 120 g (215 ml) koekmeel 1 eiergeel 90 ml bier 1 ml sout 45 ml melk, gemeng met 30 ml koue water 2 eierwitte sowat 600 ml sonneblomolie om vis in te braai 6 porsies bevrore of vars stokvisfilette Gooi koekmeel in ’n mengbak. Maak ’n holte in middel van meel. Gooi eiergeel, bier en sout in holte. Meng baie goed, verkieslik met ’n ballonklitser. Maak seker dat daar geen klonte is nie. Voeg melkwater geleidelik by en meng tot glad. Maak bak met ’n vadoek toe en laat beslag minstens…

Vis en bone ’n Lekker ligte slaai-maaltyd, veral in die somer. Genoeg vir 4 – 6 Verhit oond tot 200 °C. Plaas 16 klein rosa-tamaties op ’n bakplaat en sprinkel klein bietjie olyfolie oor. Oondbraai tot dit net begin oopbars. Dreineer 2 x 400 g-blikke botterbone en gooi in groot slaaibak. Voeg oondgebraaide tamaties, 1 rooi soetrissie, in blokkies gesny, 1 geel soetrissie, in blokkies gesny, 1 rooi-ui, in dun skyfies gesny, hand vol vars basiliekruidblare, grofgekap, 1 komkommer, in blokkies gesny, 100 g ontpitte swart olywe, 30 ml kappertjiesaad en 2 blikke tuna, gedreineer en gevlok, by en meng saam. Meng sap van 1 suurlemoen, 75 ml olyfolie, 1 fyngekapte knoffelhuisie en 30 ml gekapte pietersielie in ’n mengbakkie en gooi oor slaai. Garneer met parmesaankaas-skaafsels. IN MY MANDJIE…

Twee aanmaakmetodes vir brood Direkte deegmetode Aktiewe gis (kitssuurdeeg) word by die bestanddele gevoeg om ’n maklik hanteerbare deeg te vorm. Dit word geknie en daarna warm toegemaak en op ’n warmerige plek gehou om te rys. As die deeg te warm kry, kan die gis beskadig word, of wanneer dit te koud is, kan die rysproses vertraag word. Die ideale temperatuur is om en by 28 °C. Beslagmetode Die mengsel word nie geknie nie, maar met ’n lepel geroer. Ek noem dit roerbrood. Vinnige bierbrood Dis die maklikste brood nóg! Moet net nie ’n sluk of twee van die bier drink nie -jy het elke druppel nodig. As die deeg te styf lyk, maak ’n tweede bier oop en gooi ’n bietjie by. Drink dan maar die res. 500…