Indholdsfortegnelse for March 2016 i SARIE

Ons hou fees, kom saam! WAT Kos- en dekorfees WANNEER 4, 5 en 6 Maart WAAR Gallaghar-landgoed, Midrand TYD ELKE DAG Oggendsessie 08:30 tot 13:00 Middagsessie 14:00 tot 18:30 KOSTE R150 per sessie vir volwassenes en R80 per sessie vir kinders. Dit sluit ál die aksie op ál die verhoë en ál die kuiers by die verskillende stalletjies in. Dit sluit NIE eet- en drinkgoed in nie KAARTJIES Nóú by Computicket of aanlyn by 30days.co.za WAT MOET JY DOEN? Kies jou dag en sessie, koop jou kaartjie en kom kuier. Bring jou vriende saam, en jou gunsteling-inkopiesak! Ek lees Kaalkop in dié uitgawe, soos ek elke maand doen. Want wanneer Nataniël praat, luister en lag ons mos almal graag saam. Maar dié keer lag ek nie. Ek sit…

Goud GLANSER AS OOIT TEVORE Ons almal droom in goud – dis die amptelike tema van vanjaar se Oscar-stryd, wat op 28 Februarie in Los Angeles ’n hoogtepunt bereik. Goud is vanjaar groter as ooit. Dis nie net die kleur waarna akteurs en Olimpiese atlete in 2016 mik nie, maar ook Dulux se trend-kleur. Monarch Gold word beskryf as “blink genoeg om die aandag te trek, maar met ’n subtiele verwysing na geskiedenis en erfenis”. SA fotograaf Micky Hoyle verf elke jaar sy ateljee ’n ander kleur. Met inspirasie uit ou Italiaanse paleise het hy vanjaar die mure en details ’n ryk goud geverf. “Die kleur het ’n visuele warmte en bring ’n gevoel van elegansie na my ruimte, ” sê hy. HIEP-HIEP . . . Groot geeste se verjaardae…

DIE WENSTEM MOET DIE WAARHEID PRAATKaren Vier veelbekroonde sterre, ewe gewild in hul onderskeie markte. Almal talentvol, interessant en hulle doen dinge op hul eie, unieke manier. Saamgesnoer deur hul passie vir musiek. Karen Zoid, Lira, Bobby van Jaarsveld en KAHN neem elkeen veertien sangers onder die vlerk. Hulle sit rug na die verhoog toe en maak hul keuses suiwer op wat hulle hoor, dus stemgehalte en tegniek. Die 102 hoopvolle kandidate is dikwels deur ’n vooraf-paneel met die hand uitgesoek, ander het by die oop oudisies die paneel oorrompel. Almal kan goed sing. Verteenwoordigend van elke denkbare musiekgenre. Dis net die begin. Uiteindelik bereik net een uit elke groep die finale rondes. Met die kans om SA se nuwe Stem te wees. The Voice SA – die sestigste land…

ONS PLIG IS OM ’N VERSKIL TE MAAK WANNEER DIE LIGTE AANGAANJolynn Minnaar Hou die toekoms vir ons ernstiger rolprente in? Kyk maar na die swaargewig-oes van die afgelope jaar, soos Mad Max: Fury Road met onder meer klimaatsverandering as tema, The Martian wat weer die kollig plaas op waterskaarste en die buitenste ruim, Carol, ’n gay liefdesverhaal, en The Danish Girl, met transgender-kwessies wat aandag kry. Die impak van tegnologie op ons lewe word vergestalt in Steve Jobs, die verhaal van daardie digitale reus. En die fliek Suffragette, oor stemreg vir vroue in Engeland, plaas weer die fokus op vroueregte … Al dié flieks, behalwe Suffragette, het ’n goedkeurende kopknik gekry van die Oscar-paneel, met ’n ryk nominasie-oes tussen hulle (die wenners word op 28 Februarie in Hollywood aangewys).…

Waar woon julle? In Horseshoe Bay, Vancouver, in die Brits-Columbië-provinsie van Kanada. Ons bly in ’n woud en is omring deur die see. Riaan, my man, het in Mei 2013 ’n werkaanbod hier gekry. Hy is ’n oplossingsargitek en werk met finansiële sagteware vir groot maatskappye. Ons het gebid daaroor en is vas oortuig die Here het ons hierheen gestuur vir ’n spesifieke rede. Ons kinders, Anne-Mieke (16) en Alwyn (14), is in graad 11 en graad 9. Ek is die kantoorbestuurder in ons kerkkantoor, West Vancouver Baptist Church. Was dit maklik om aan te pas? Nie vir my nie! Ons het einde November 2013 hier geland en die Maandagoggend is Riaan werk toe, nogal met openbare vervoer. Anne-Mieke en Alwyn is onmiddellik by die skool ingeskryf. Hulle al drie…

GOUE TEKSTUUR Brokaat gee glans aan alledaagse items soos ’n potloodromp of jou gunsteling-jeans. Goue peplumtop (R2 800), KLûK CGDT. Noupassende romp van rekstof (R499), H&M. Stel van 3 armbande (R199,95), colette by colette hayman. Goue palmhandsak met blinkers (R1 299), Mimco. GROOTTES Peplum: 30 – 36 & 40 Romp: 32 – 44 GLINSTER-HAKKE Hoë hakke bly maar treffend en in blinkerstof is dit perfek saam met ’n eenstuk vir die dag-tot-aandvoorkoms. Vlootblou skoene van blinkerstof (R569), Madison. Vlootblou-en-wit eenstuk met belt (R999), Country Road. Midi-ringe (R199,50 vir ’n stel van 7), colette by colette hayman. GROOTTES Eenstuk: 4 – 16 TREFFENDE BLINKERS Vir ’n luukse, informele voorkoms, kombineer ’n blinkerromp met ’n T-hemp en tekkies – die seisoen se grootste mode-item. Kersiepienk midipotloodromp met groot blinkers (R3 800), KLûK…

Noem dit sommer wonderwater – want ’n gesigsproei behandel alles van droogheid tot rooiheid én voorkom inflammasie. Deur dit net ’n paar keer deur die dag op jou gesig te spuit, sal jy gou die vrugte van ’n gesonde vel pluk. KIES DIE SPROEI VIR JOU Jy het ’n keuse tussen twee gesigsproei-middels: Suiwer mineraalwater (thermal water), afkomstig van natuurlike waterbronne, en ’n sproei met ’n mengsel van water en bestanddele soos gliserien, essensiële olies en plantekstrakte. Volgens Nicole Schmitt, plaaslike opleier van die Franse velsorgreeks Uriage, is suiwer mineraalwater al sedert die Antieke Romeinse tyd bekend vir die strelende uitwerking op jou vel. Dit ontstaan wanneer reënwater oor ’n tydperk van tot 75 jaar deur verskeie lae grond en klippe beweeg en na bo sypel in ’n natuurlike waterbron.…

Luuks vir jou hande Ek het al so baie van die ongelooflike Bastien Gonzalez-pedikuur en -manikuur gehoor. Bastien is ’n Fransman wat as voetheelkundige opgelei is en sy eie unieke mani- en pedikuur ontwikkel het wat daarop fokus om die gesondheid van jou hande, voete en naels te herstel. In Suid-Afrika is sy behandelings net by die One&Only-hotel in Kaapstad beskikbaar. Met ’n onlangse besoek aan die Moederstad het ek besluit om myself een aand met die manikuur te bederf. En dit was elke sent werd. Die behandeling bestaan uit 3 stappe wat jou naels transformeer: Die terapeut het eers my naels met ’n glasvyl gevyl (dié vyl is sag op jou naels en voorkom dat die punte splinter). Die interessantste deel was toe sy van die dooie velletjies rondom…

Snuffel in die winkels rond en kies items van helder glas, party geslyp, ander nagebootste kristal, en groepeer dit saam. Die glase (R39,99 elk) is van Mr Price Home en die fles met koperkleurige deksel (vanaf R39) van Home etc. Die gordynpaalglasknop (R70,14) is van Decorland by Game SIEN KOOPGIDS OP BL. 136…

PENNE ALLA VODKA As jy dié pastagereg eers geproe het, gaan dit ook een van jou gunstelinge word, soos wat dit Audrey s’n was. genoeg vir 6 45 ml olyfolie, plus ekstra vir braai 3 rooi soetrissies 1 ui, gekap 2 knoffelhuisies 12 tamaties, in kwarte gesny 30 ml gerookte paprika 125 ml vodka 3 rooi brandrissies ( bird’s eye ), gekap 1 hand vol vars koljander, gekap sout en varsgemaalde swartpeper 500 g penne-pasta Smeer soetrissies met olyfolie en plaas op bakplaat onder baie warm oondrooster, of gebruik ’n lang vurk en hou dit oor ’n oop gasvlam. Braai so vir 5 – 10 minute terwyl jy die soetrissies heeltyd draai. Braai tot pikswart geskroei. Plaas in bak, bedek met kleefplastiek en laat rissies vir 5 minute…

Perske-en-koejawelpons Die Italianers maak ’n soortgelyke drankie wat hulle Bellini noem – dit is basies perske-puree gemeng met vonkelwyn. Gee dit nuwe smaak met koejawels daarby. Jy kan vonkelwyn of sodawater in die resep gebruik. genoeg vir 8 – 10 • 1 x 410 g-blik KOO-perske-helftes • 1 x 410 g-blik KOO-koejawels • 1 suurlemoen, skywe gesny • 1 kg gebreekte ys • 1 liter yskoue vonkelwyn of sodawater Plaas vrugte saam met stroop in voedselverwerker en maak fyn tot gladde puree. Plaas in groot ponsbak en gooi suurlemoen by. Voeg gebreekte ys by en dan vonkelwyn of sodawater. Meng deur en sit yskoud voor.…

Die giggelende bottelbrunet sit op háár plek aan die lang tafel. Háár naam staan duidelik op die kaartjie: Leandri. “Is dit jou naam?” vra sy versigtig vir die vrou. Dié kyk op en giggel: “Nee, dis nie my naam nie.” “Dis mý naam,” sê Leandri beleefd maar ferm. “Dit beteken ek sit hier.” “O, jammer,” giggel die brunet en bly sit. Nou neem die hoofmeisie in Leandri oor: “Jammer is nie genoeg nie. Jammer help niks as jy eenvoudig bly sit nie.” Die vrou se metgesel, ’n blok van ’n man, ’n eiervormige man wat twee sitplekke volsit, kyk nou geïrriteerd op. Sy herken hom met ’n siddering. Dis die blind date wat sy maande gelede op die internet ontmoet het. Met wie sy tog op ’n paar afsprake was,…

NÓG 3 GEURE Verlede jaar het Aerin Lauder, kleindogter van die bekende Estée Lauder, ’n rits stylvolle parfuums onder haar eie naam bekend gestel. Nou voeg sy nóg 3 geure by haar versameling: Waterlily Sun, Iris Meadow en Mediterranean Honeysuckle. Die inspirasie was blou water, arms vol blomme, vars suurlemoen en groennote – drome en geure vir die perfekte somer. Gaan ruik hulle vanaf 1 Maart by die Estée Lauder-toonbank by Stuttafords in Sandton, Gateway en Rosebank, of by Edgars in Canal Walk en die V&A Waterfront. Dis ook aanlyn te koop by www.esteelauder.co.za  Prys: R1 495 elk vir 50 ml EDP Pretty die ster! Haar storie ís inspirasie! Pretty Yende, wat op Piet Retief in Mpumalanga grootgeword het, het vir die eerste keer in 2001 operamusiek gehoor…

Die respekvolste manier om jou vel te reinig. Ontdek Garnier Micellar Reinigingswater - dis die perfekte samestelling van wetenskap en velsorg en alle veltipes is mal daaroor. Dit verwyder onsuiwerhede en grimering sagkens en laat jou vel lieflik vars, glad en bevogtig voel. KYK NET HOE MAKLIK IS DIT OM MICELLAR WATER TE GEBRUIK: 1. Wend aan Gebruik ‘n tikkie revolusionêre reinigingstegnologie op ’n watte 2. Vee af Moenie afspoel nie Moenie vryf nie 3. Voilà Doeltreffendheid en sagtheid met ’n enkele aanwending GarnierSA #GarnierComeClean…

Twee koppe saam oor die werkbank gebuig. Die een blond, die ander donker. Op die werkswinkel se dak raas die reën. Dan staan die werk op die Bosveldplaas in Limpopo mos stil. Pa en seun se tyd, wanneer die ouer een die kind leer om houtwerk te doen. Soos ook hy by sy pa geleer het. Vandag nog, wanneer die reën val, jeuk Heino Schmitt se hande. Al skets hy dan ook net. Hy vou sy hande om die koppie cappuccino in die Johannesburgse koffiekroeg. Mooi hande, wat lyk of dit bedoel is vir musiekmaak. Maar ook vasvat-hande, wat hout en metale kan vorm om te pas by ’n prentjie wat net hy in sy geestesoog kan sien. Tydsaam, geduldig, presies. “Ons het altyd met hout gewerk; goeie gehalte, mooi…

Dis iets wat ’n vrou nodig het soos pakplek. Van spieëltafel tot kas. Van kombuis tot slaapkamer tot in die badkamer waar sy mooimaakgoeters bêre. Laaie. Wat is ’n huis tog sonder (genoeg) laaie? ’n Laai vir dit, ’n laai vir dat en nog ’n laai vir die res. Nes pakplek, kan daar nooit genoeg laaie in ’n huis wees nie. “Skottelgoed!” sê sy. “Ek wens ’n mens kan dit net als in ’n laai druk en daarvan vergeet.” Dis min of meer wat sy met haar laaie doen. Sy druk goed daar in en dan vergeet sy wat sy in watter laai waar gedruk het. “Ek kon sweer daardie resep was in hierdie laai, nou is dit nie.” Ou tydskrifartikels of resepte. Dié wat sy nog nooit gebruik of…

VOOR DIE TROUE/AS VERLOOFDES “Wees ’n eenheid, selfs as dinge tussen julle nie op sy beste is nie – die verhouding moet die prioriteit bly. En speel saam! Doen nuwe dinge, gaan met vakansie, lag saam,” sê Kim. PAAR JAAR GETROUD “Onthou jul beloftes aan mekaar. Elke dag kan so spesiaal soos jul troudag wees as jy dit in gedagte hou,” sê Elana. MEER AS 10 JAAR GETROUD “Kommunikasie. Van finansies tot werk of familie, ons maak seker dat ons elke dag oor als praat – selfs al is dit oor Skype,” sê Anel. MEER AS 20 JAAR GETROUD “Aanvaar jul verskille, want dan twyfel julle nie in mekaar nie,” het die aktrise Tracy Pollan, al 27 jaar getroud met akteur Michael J. Fox, aan die Amerikaanse tydskrif…

JOU KAARTJIE GEE JOU VOLLE TOEGANG TOT: Kies die oggend of die namiddag Oggend: 08:30 - 13:00 Namiddag: 14:00 - 18:30 9 kos-, dekoren selfdoendemonstrasies per oggend- of namiddagsessie Kaartjies is beskikbaar by www.30days.co.za of by Computicket • Ontmoet jou 9 gunsteling-redakteurs en 11 celebs • Koop na hartelus by verskeie opwip-winkels • Eet en drink by die tydskrif-kostrokke en Graham Beck se wynkroeg 30 DAE VAN KOS & DEKOR WORD TROTS AANGEBIED IN SAMEWERKING MET…

“Ek was so besig om kanse te soek dat ek my geleenthede een vir een laat verbyglip het”C.J. Langenhoven The Well of Being: a children’s book for adults JEAN-PIERRE WEILL (MACMILLAN, R479) Die kunstenaar en skrywer laat die kollig in dié boek val op geluk en tevredenheid. Hy doen dit deur ’n eenvoudige verhaal waarin hy uiteindelik tot die slotsom kom dat geluk en tevredenheid van binne kom. Jy is die somtotaal van jou eie stories en jou geluk is wat jy self daarvan maak. In helder, eenvoudige waterverfskilderye beeld Weill hierdie konsep uit. By elke skildery is net een kort sin, iets wat jou aan die dink sit . . . Wanneer jy deur dié pragboek blaai, is dit asof jy op ’n reis deur jou eie lewe gaan…

TUNIEK ’n Blink tuniek is ’n uitstekende kopie, want as dit lank genoeg is, kan jy dit ook as ’n rok dra. Kombineer dit met ’n palazzo-broek vir ’n sjiek voorkoms. Wenk Dra verskillende kleure ringe saam en moenie bang wees om ’n hele paar aan een vinger te dra nie Oor-baadjie Oorspronklik, nuut en beslis sjiek! Dié oorbel (ear jacket) lyk aan die voorkant soos ’n knoppie-oorbel, maar daar is ’n ekstra en baie sierlike deel wat jy agter inhaak voordat jy dit met die vlinder vasmaak. Lang, fyn halssnoere Dié fyn stringe kikker enige uitrusting op en verander dit maklik van informeel na formeel. Midi-ringe Hoe meer, hoe beter ... Midi-ringe, gedra aan die middelste lit van jou vinger, is ’n mode-obsessie. Pêrel-liefde Tydlose pêrels is dié seisoen…

Cate Blanchett is die gesig van Giorgio Armani Sì. Sy is vanjaar vir ’n Oscar benoem as beste vroulike hoofspeler vir haar rol in die fliek Carol. Sy het dié gesogte beeldjie al twee keer gewen. Jy kan verwag om vanjaar ’n paar nuwe parfuums met roos as hoofbestanddeel te sien. Dis tans ’n groot gunsteling in die parfuumwêreld en word met interessante note soos agarhout gemeng. In dié nuwe parfuum vorm twee roostipes, meiroos en Turkse roos, deel van die hartnote. As jy lief is vir klassieke roosgeure, is dié een vir jou. Beskikbaar vir ’n beperkte tyd. In ’n wêreld vol keuses is ’n allesin-een-produk soms welkom. Dié maskara bied 4 voordele vir jou wimpers: dit gee volume, lengte, definisie én dit bevat die proteïen keratien wat die…

is sagte, gesonde hare jou #haarobsessie? Sorg dat elke stap van jou haarsorgroetine die beste vir jou hare bied. Ses strelende blomolies in dié voedende sjampoe en opknapper herstel en bevog jou hare vanaf die eerste was sodat dit sag en soepel is. L’Oréal Paris Elvive Extraordinary Oil Nourishing Shampoo (R70 vir 400 ml) en L’Oréal Paris Elvive Extraordinary Oil Nourishing Conditioner (R70 vir 400 ml) ’n Helder lipstiffie is goud se perfekte pasmaat. L’Oréal Paris Color Riche Collection Exclusive Reds in Blake’s Red (R160) Verf die stad rooi met ’n glansende, gesonde kroon en rokerige oë. Skakeer oogskadu in warm metaalskakerings oor jou ooglid en rond dit af met swart oogomlyner. L’Oréal Paris Super Liner Blackbuster (R160) Niks klop die weelde van ’n goue potjie room op jou spieëltafel…

ERTJIE-ENGARNAAL-SLAAI Die suurlemoenskil gebraai saam met die garnale en ertjies gee ’n lekker vars somersmaak. Verhit 45 ml botter tot warm in ’n mediumgroot pan. Voeg 1 gekapte knoffelhuisie by en braai liggies vir 2 minute. Voeg 12 skoongemaakte garnale by en braai vir 5 minute. Voeg 200 g groenbone, 120 g bevrore ertjies, skil van 2 suurlemoene en 1 hand vol gekapte pietersielie by. Braai vir nog 3 – 5 minute of tot garnale gaar is. Hou eenkant. Meng 60 ml olyfolie en sap van 2 suurlemoene vir slaaisous. Meng 100 g slaaiblare met garnaalmengsel. Plaas in slaaibak en gooi slaaisous oor. Geur goed met sout en swartpeper. DREINEER DIT Elke kombuis kort ’n skerp mes, kapplank, pot en ’n goeie vergiettes. ’n Vlekvryestaal-vergiettes sal ’n leeftyd hou. Dié…

My liefste dogter Môre word jy sestien – en sestien, soos jy weet, is ’n baie spesiale ouderdom vir ’n meisie wat met sprokies grootgeword het. Onthou jy vir Doringrosie wat op haar sestiende verjaardag haar vinger geprik het? En ná sy honderd jaar lank geslaap het, was sy stééds sestien (want dis hoe sprokies werk, moenie vra nie) toe die prins haar kom wakker soen het? Sestien is ’n magiese ouderdom vir sprokiesheldinne. Sneeuwitjie, Aspoestertjie, noem maar op, hulle was almal min of meer sestien toe hulle prinse opgedaag het. Dit word nie uitgespel in elke sprokie nie, maar glo my, dis hoe sprokies werk. Jy weet mos jou ma het al boeke geskryf oor sprokies – maar nou is jy oud genoeg dat ek jou die soort lewensbelangrike…

Verstandelike agteruitgang. LBD-pasiënte kan kwaai skommelings tussen helderheid en verwarring of lomerigheid ervaar, asook ’n verswakte aandagspan. Herhalende visuele hallusinasies of depressie. Die meeste LBDpasiënte kry hallusinasies, en dit hou gewoonlik verband met mense of diere. Depressie is ook algemeen. Toenemende probleme met die uitvoer van daaglikse take. Take wat altyd eenvoudig was, kan moeilik raak vir iemand met LBD. Herhaalde valle en flouvallery. Motoriese probleme soos stadige beweging, skuifelstap, stram ledemate of bewing (tremor). Slaapsteurnisse, waaronder slaaploosheid en aktiewe drome – soos om die ledemate te beweeg, in die slaap te praat of te gil, om te slaan of selfs op te staan en dagtake uit te voer. Wisseling in outonome prosesse, soos bloeddruk, liggaamstemperatuur, urinêre probleme, hardlywigheid en ’n gesukkel om te sluk.…

A a.y.k 083 256 7890 www.ayk.co.za@home 0860 576 576 www.home.co.za Accessorize 021 447 7718 www.accessorize.co.za American Swiss 021 938 1966 www.americanswiss.co.za Architects of Time 011 669 0790 www.picotandmoss.co.za Arthur Kaplan 011 669 5620 www.arthurkaplan.co.za B Belgotex Floors 033 897 7500, 011 380 9300, 021 763 6900www.belgotexfloors.co.za Boardmans 0800 203 925 www.boardmans.co.za Builders Warehouse 0860 284 533 www.builders.co.za C Chair Crazy 011 483 2225, 021 465 9991 www.chaircrazy.co.zaClaire’s 021 671 4257, 031 265 7564 www.clairessa.co.zaClicks 0860 254 257 www.clicks.co.zacolette by colette hayman 021 937 5465Cotton On 011 268 3700 www.cottonon.co.zaCountry Road 0860 022 002 www.woolworths.co.za D Decorland 0800 002 635 www.decorland.co.za Dulux 0860 330 111 www.dulux.co.za E Edgars 011 495 6000, 0860 692 274 www.edgars.co.za F Fossil Accessories South Africa 021 418 0045www.watchrepublic.co.za G Game 0861 4263 2273 www.game.co.za H H&M…

Daar is min trane soos die trane van ’n jong vrou wat smag om ’n ma te wees. So was dit daardie aand toe Cherize ná ete begin praat het oor die pyn in haar hart en die vrae oor haar geloof. Sy bid dan. Sy glo dan. Hoe lank nog? Hoekom die teleurstellings van miskrame? Wat het sy verkeerd gedoen? En hoekom werk die ander dinge in hul lewe nie uit soos wat hulle al jare vertrou nie? Droom hulle verniet? Is die lewe nie maar so dat sommige mense maar net altyd sal sukkel nie? Is geluk en sukses maar nie net ’n gelukspel nie? Of is ’n mens se lot nie maar bepaal nie? Sommige lééf en ander oorleef skaars. Die damwal het gebreek. Sy het elke…

De Rust bring stilte . . . Hoe verwoord jy wat jy in jou binneste ervaar en beleef? As jy die vrede en gevoel van dankbaarheid wil uitgil? Ek is ’n see-kind van Mosselbaai wat Karoo-kind geword het, hier op De Rust. Ek stap vroegoggend in hierdie pragtige dorpie. Suiwer klavierspel uit een huisie vul die stilte. Dis leibeurt. Vars bergwater vloei en tooi ons tuin in lowergroen. Ander gebiede sou wat wou gee vir hierdie water. Die mense gesels soos ek straatop en straataf stap. Sien, op De Rust moet jy vroegoggend en laatmiddag jou lekker dinge doen, anders slaan die son jou met sy gloeiende strale. Die tuinwerker leef vandag weer sy passie uit in die tuin. In die huis maak Minnie vroeg-vroeg al die houtvloere blink. Sy…

Dit is hoe dit is: 1. Ek woon in ’n land wat my ongelooflik gespanne maak. Hier is dit onveilig en onseker. 2. Met die uitsondering van die Nelson Mandela-jare het ek nog nooit in my lewe respek gehad vir die regering nie, ek wantrou hulle volkome. 3. Dit voel asof my harde werk geen doel het nie, hoe meer ek streef na sukses, hoe meer betaal ek belasting, hoe minder is my geldeenheid werd. 4. My werk as verhoogkunstenaar en skrywer vereis dat ek alles waarneem, ek kyk niks mis nie. Deesdae is dit al wat ek wil doen, miskyk. 5. Om oorsee te reis het ’n vreemde effek, dit dien nie meer as inspirasie nie, dit maak my hartseer en jaloers, ek wil nie terugkeer huis toe nie.…

Jy’s binnekort te sien saam met groot name soos Helen Mirren in die Britse riller Eye in the Sky . Hoe was die ervaring? Great. Ek vertolk die rol van ’n hommeltuig [drone]-loods. Dis ’n oorlogsfliek en die Suid-Afrikaner Gavin Hood het die regie gedoen. Om saam met ’n internasionale superster soos die Britse aktrise Helen Mirren te werk, maak jou nederig en dankbaar. Sy was gaaf en uiteraard professioneel. Vir baie Suid-Afrikaners sal jy altyd die joernalis Lolly van die sepie Isidingo wees. Wat het dit in jou loopbaan beteken? Ek het wonderlike vriendskappe by dié sepie gesmee en die voorreg gehad om met gesoute akteurs die stel te deel. Ek het van 2002 tot 2014 daar gewerk. Lolly moes liefdesteleurstellings verwerk,…

IN ONS WÊRELD IS DINGE KREATIEF, KLEURRYK, BESIG EN GEMOEDELIK – INSPIRASIE VAN A TOT Z. Dís wat jy kan verwag wanneer jy in Maart saam met SARIE by die Gallaghar-konferensiesentrum in Midrand kom fees hou! Al ooit gewonder wat inspireer die tydskrif om te doen wat ons doen, of hoe ons kosredakteurs, Barbara en Herman, gedurig met nuwe smake vorendag kom, en hoe ons dekorredakteurs, Anita en Lounette, elke keer verstom met mooi en slim idees? Jy hoef nie meer te wonder nie, want ons gaan jou vertel en sommer wys ook. Jy gaan letterlik voel jy stap deur die bladsye van SARIE, SARIE KOS en SARIE WOON. Ons kan nie wag om jou te ontvang nie; dit is immers ook jóú wêreld. Tot ons mekaar in die nuwe…

Sy sokkerstewels het hy al in 2013 opgehang, maar sy naam is steeds goud werd. Becks is nie net ’n mooi gesig (en lyf !) nie; hy doen ook liefdadigheidswerk. Hy is reeds sedert 2005 by die VN-kinderfonds betrokke en verlede jaar het hy 7: The David Beckham UNICEF Fund begin wat kinders in gevaar help. Vir dié werk is hy in Januarie bekroon met die fonds se Danny Kaye Humanitêre Leierskapsprys. Sy meer as 53 miljoen volgelinge op Facebook wys mense is mal oor hom, en wêreldwyd volg mans sy nuutste styl na. Hy bly die “ultimate metrosexual”. David Beckham het nie ongesiens by die internasionale klerewinkelgroep H&M verbygegaan nie en hulle het in 2012 saam met hom ’n mansreeks begin. As jy nog altyd heimlik gedroom het dat…

Met dié juweliersware van sterlingsilwer is jy nie net in die mode nie, maar help jy ook kinders in nood. Louis Vuitton en UNICEF (die Verenigde Nasies se Kinderfonds) het onlangs ’n vennootskap gesluit waardeur Louis Vuitton in 2016 vir UNICEF sal help geld insamel om die wêreld oor kinders by te staan. R2 800 van die verkope van elke item (’n item kos R7 000) gaan aan UNICEF. Die slotjie aan die halssnoer (daar is ook ’n armband) is ’n simbool van beskerming. Vir meer inligting, besoek www.louisvuitton.com Ná drie jaar se navorsing het die skoonheidshuis La Mer dit reggekry om hul bekende Miracle Broth – ’n kragtige eliksir met onder meer seewier wat jou vel versterk, bevog en verhelder – te laat kristalliseer vir die suiwerste konsentrasie van…

SPEEL MET GOUE PLAKKERS Maak jou werkhoek op ’n speelse manier glansryk met viniel-plakkers (R139 vir 30) van @home (jy kan dit maklik weer van die muur aftrek). Jy kan ook goue plakkers by skryfbehoeftewinkels hiervoor gebruik. Die driepootlamp (R999,99) is van Mr Price Home, die muurhorlosie (R149) en koffiebeker (R35) is van @home. Muurkleur is Dulux se Chalk Blush 2. Ander items is stilis s’n. ’N MUUR WORD ’N WENNER Paneelwerk skep atmosfeer. Ons het ’n polistireen-kroonlys as dado-reling gebruik (sowat R25 vir ’n strook van 2 m) en polistireen-plafonplate (sowat R99 vir 10), alles van Builders Warehouse, om die blok-panele te vorm. Plak vas met spesiale polistireen-gom en verf dit en die muur terselfdertyd. Verbloem laswerk (en duike) met Painters Mate. Plak die dado-reling sowat 1 m van…

GROENBONE Die bekendste boontjie in die yskas. Perfek vir stowegeregte soos bredies of vinnig gebraai in botter en knoffel. Sny punte af voor jy dié boontjie gebruik. Dit kan ook gesnipper word en gevries word vir bredies. SNEEU-ERTJIES Ook bekend as mange tout. Die papierdun ertjies is lekker rou in slaaie of net so as peuselhappie. Dit kan ook gebraai word in roerbraai-geregte. Pasop vir oorgaar maak, want dit word vinnig pap en onsmaaklik. SUIKER-ERTJIES Dié ertjie is ’n bietjie dikker as die sneeu-ertjie en sy buitenste dop is meer leeragtig. Dit kan ook rou geëet word, maar smaak beter as jy dit in kookwater dompel vir ’n paar sekondes. Ook lekker in roerbraai-geregte. BOERBONE In Engels bekend as broad beans. Dié boon vra baie werk: Jy moet hom eers…

‘Ek streef na perfeksie ’ Kitty Phetla, ’n senior solodanser by Joburg Ballet Rooibruin stof plof om sy voete. Hy gryp haar om die middel en hulle “praat” trap-trap die taal van die liefde ... Dié betowerende toneel in die Suid-Afrikaanse rolprent Abraham, waar Katie (Chantell Phillipus) en Abraham (Dann-Jacques Mouton) sensueel met mekaar riel, laat jou opnuut besef hóé kragtig beweging kommunikeer. “Jy kán nie jok as jy dans nie. Of dit nou ballet, die riel, pantsula [Sowetostraatdanse] of hip hop is – dit is net jy, jou lyf en jou hart. Soveel dopamiene [goedvoel-hormone] word vrygestel. Dit laat jou beter voel oor die lewe,” beaam Dirk Badenhorst, wat in 2006 sy balletskoene opgehang het ná ’n lang loopbaan hier en oorsee. Deesdae is hy dans-entrepreneur en hoof van…

Jou skildklier kry baie keer die skuld as jy gewig aansit. (Dikwels onverdiend!) Dis een van die liggaam se grootste endokriene-kliere en het ’n reuseinvloed op byna elke liggaamlike funksie. So is dit byvoorbeeld betrokke by die regulering van jou gewig, liggaamstemperatuur, bloedvatstelsel, groei en ontwikkeling, beenvorming, jou spiere, brein en senuweestelsel, asook jou geestestoestand, vrugbaarheid en swangerskap. Dis hoekom jy sleg voel wanneer jou skildklier (of tiroïed) nie behoorlik werk nie. As dit te veel of te min hormone afskei, skep dit probleme vir jou algehele welstand. En kan dit gekoppel word aan ’n paar ernstige siektetoestande. Tussen 10 tot 40% van alle Amerikaners en 20% van vroue ouer as 60 se skildklier is onderaktief, volgens navorsing wat in die joernaal American Family Physician gepubliseer is. Hoewel daar geen…

5 gelukkige SARIE-lesers kan elk die omnibus Keur 8 deur Ena Murray (Tafelberg, R220) wen. In Gasheer van Drakeneiland nooi ’n miljoenêr vyf vreemdelinge na sy eiland. Wat eers ’n avontuur blyk te wees, word weldra ’n nagmerrie vir Irma Bruwer. Kan sy Anton de Woud vertrou? Of is hy kop in een mus met hul gasheer? In Die droster van Doringbaai verskyn ene Koos van der Merwe en ’n skilder, Zuna Steyl, op die dorp. Spanning ontwikkel by Sebastiaan Stadler se visfabriek en Petra Pelser, sy verpleegster, volg hom een nag toe hy verdwyn . . . In Net ná middernag word ’n prokureur op Driedoring vermoor. Saam met die speurder leer ons die dorpenaars ken, insluitende Marie Grebe, jeugliefde van die oorledene wat versot…

Intekenaanbod (bl. 61) 1. Die eerste korrekte inskrywings wat getrek word, wen die pryse. Die beoordelaars se beslissing is finaal en geen gesprek of korrespondensie sal daaroor gevoer word nie. 2. Die wenners sal telefonies verwittig word en hul name sal in ’n latere stadium op die webtuiste SARIE.com verskyn. 3. Die pryse is nie oordraagbaar nie en is nie vir kontant omruilbaar nie. 4. SARIE bied hierdie wedstryd namens Eucerin as ’n diens vir haar lesers aan. Eucerin voorsien en is verantwoordelik vir die pryse. SARIE aanvaar geen verpligting hoegenaamd t.o.v. die ontvangs van die pryse of gestanddoening van die voordele daaraan verbonde nie. 5. Werknemers en hul gesinne van Media24 (SARIE se moedermaatskappy), Eucerin en hul reklamemaatskappye mag nie aan die wedstryde deelneem nie. 6. Media24 en Eucerin…