Indholdsfortegnelse for January 2017 i SARIE

Wanneer ’n Olimpiese sportster ’n groot aankondiging doen, sou jy dink dat dit voor ’n reuse-gehoor gebeur. Maar op ’n Maandagaand in November, onder die hange van Tafelberg met ’n suidooster wat buite waai, beweeg Chad le Clos deur ’n handjievol uitverkorenes op ’n intieme geselligheid by die Hoërskool Jan van Riebeeck in Kaapstad. Weg is die skares, die kameras, die magdom joernaliste. Nou’s hy net Chad, die seun van Durban, wat elkeen se hand skud, groot en klein. Gereserveerd, ja. Maar toeganklik. En met ’n stille selfvertroue. ’n Doelgerigtheid. Almal wil ’n oomblik met Chad hê. Hy verdwyn kort-kort vir nóg ’n gesprek, nog ’n onderhoud. “Ongelooflik, hy is net ongelooflik,” kom dit in die krakerige stem van sy pa, Bert. Ten spyte van terugslae staan hy regop. Hy…

Die meer-as-een-hoed-sindroom Die vermaaklikheidsbedryf was lank wispelturig, en glansmense sukkel soms om kop bo water te hou. Dit maak dat hulle buite hul kundigheidsveld beweeg en werksgeleenthede skep om hulself te onderhou, sê Jennis Williamson, bestuurder van ’n Johannesburgse bemarkingsagentskap. Sangers Jak de Priester en Amor Vittone skryf en sing byvoorbeeld al jare lank hul eie liedjies, tree as seremoniemeesters op en bied ook TV-programme aan. Dit is nie uniek nie – ál meer glansmense doen dit. Dink aan dié maand se voorblad-celeb Leandie du Randt wat toneelspeel in die kykNET-sepie Binnelanders, tweede was in SABC3 se dansprogram Strictly Come Dancing (2014), en haar eerste selfhelpboek, Gemaklik in jou eie lyf, in 2014 gepubliseer het. Willem Botha weer sing, speel toneel, is ’n knap fotograaf en het al twee keer…

Die kleur wat jy op ’n spesifieke tyd in jou lewe aantrek, is ’n goeie aanduiding van die groeifase wat jy betree. Gee uiting daaraan deur die aktiwiteite wat jy nou kies, ’n metode van heling, sê Lien. Sit stil en dink aan die kleur wat jou onlangs opgeval het. Dié een wat tussen al die ander uitstaan, selfs al het jy dit nie juis vantevore raakgesien nie. Dit hoef nie jou gunsteling-kleur te wees nie. Ontdek dan na watter nuwe en positiewe ervarings jou siel hunker. ROOI = PASSIE EN AKSIE Raak op ’n konstruktiewe manier ontslae van ’n oormaat energie. Neem deel aan avontuursportsoorte soos rotsklim en skubaduik. Of gaan rollemskaats saam met die kinders. Bal- en buikdanse sal jou met jou innerlike gevoelens in aanraking bring en…

Waar woon jy? In ’n geskiedkundige woonbuurt genaamd Carthay Square in Los Angeles, Kalifornië. Dis ’n lieflike klein omgewing tussen Beverly Hills en Wes-Hollywood. Die meeste van die huise is tussen 1920 en 1940 gebou en is in die Spaanse Koloniale Art Deco-styl. Ek is mal oor die buurt se ou-Hollywood-gevoel. LA is ’n massiewe stad met verkeer heeldag en aldag, so dit help om sentraal te woon. Ek werk hoofsaaklik by die film- en televisieateljees (veral Paramount Pictures) en die meeste is lekker naby aan waar ek bly. Wat doen jy? Ek is ’n aktrise en woon sedert 2013 hier waar ek meestal in televisierolle en advertensies speel, en ook ’n bietjie modelwerk doen. Ek is veral mal daaroor om televisiewerk te doen en moet myself elke keer knyp…

Modelbloed loop dik in dié 20-jarige se are. Nie net was haar ma, Yolanda, ’n model nie, maar haar ouer suster Gigi Hadid – in wie se skadu sy vir ’n kort rukkie was – is ook een. Sy het al in talle advertensie-veldtogte verskyn, onder meer dié van Marc Jacobs en Calvin Klein, en ook haar slag op die loopplank gewys vir ontwerpers soos Givenchy, Chanel en Miu Miu. 2016 het aan Isabella Khair “Bella” Hadid behoort. Sy is deur Dior as die gesig van sy grimeerreeks aangewys en in September as Model van die Jaar deur die tydskrif GQ . Sy ly aan Lyme-siekte en stry dikwels teen moegheid, maar die hardwerkende Bella was in 2016 op meer as 30 voorblaaie van tydskrifte wêreldwyd. In…

Botox stryk fyn lyntjies op jou voorkop en om jou oë uit, vullers plomp dieper plooie uit, diep chemiese afskilfering (peels) en laser maak hiperpigmentasie (donker vlekke) ligter. Dit is maar ’n paar van die behandelings om te beproef in die nuwe jaar. Selfs die sogenaamde vampier-gesigsbehandeling wat danksy werklikheidster Kim Kardashian in die kollig is, is in SA beskikbaar. Met dié behandeling, ook bekend as plaatjieryke plasmabehandeling (PRP), word jou bloed getrek en dan vinnig in ’n toestel gespin om die geel bloedplaatjieryke plasma van die res van die bloed te skei. Die plasma, wat groeihormone bevat, word dan óf in jou gesig gespuit óf oor jou gesig gesmeer, waarna ’n estetiese dokter ’n spesiale pen met fyn naalde oor jou gesig trek om die plasma in jou vel…

Nuwe trend DIE 90’S SE KARTELS IS TERUG Haarmodes uit vorige dekades geniet elke nou en dan weer ’n oomblik in die kollig. Eers was dit die herlewing van die perm , toe die mikrokuif, en nou lyk dit asof die 90’s se gekartelde ( crimped ) hare óók ’n terugkeer maak. Die kartels gee tekstuur en volume aan jou hare – byna soos wanneer jy jou hare sou pluiskam ( tease ), maar sonder dat dit grof en vol koeke is. Dit kan selfs fyn hare voller laat lyk, berig die Amerikaanse skoonheidstydskrif New Beauty aanlyn. Boonop is hare met ’n gekartelde tekstuur ’n goeie basis vir ’n meer formele opstyl. Die beste manier om die voorkoms te…

Gesonde vel Vra maar vir enige veteraanskoonheidsredakteur en hulle sal sê jy gaan ver soek om ’n beter velsorgterapeut as Colleen Serebro, eienaar van die skoonheidsalon Beauty Professionals in Victory Park, Johannesburg, te kry. As jy in Gauteng woon, is dit die moeite werd om ’n afspraak by haar te maak. Met elke gesigbehandeling ontleed sy jou vel volledig en pas die behandeling aan om die beste resultate vir jóú velkwessie te kry, of dit nou volwasse aknee, veroudering of pigmentasie is. Sy werk al byna 40 jaar in die skoonheidsbedryf en is ’n meester as dit kom by porieë skoonmaak sonder om jou vel te kneus of rooi te laat. En as jy sukkel om ’n afspraak by haar te kry, het sy ’n span velsorgterapeute wat sy self…

Ons het haar in kykNET se kookreeks Kokkedoor leer ken, waar sy ons harte gesteel het omdat sy ons aan ons eie ouma herinner het met haar eerlike manier van kook. Haar droom was om ’n resepteboek te publiseer en in 2014 het Tannie Poppie kook (Human & Rousseau) die lig gesien. Nou is sy terug met Tannie Poppie kook weer (Human & Rousseau, R350). Hoekom het Tannie weer ’n boek geskryf? Want ek het nog ’n kontrak van Human & Rousseau gekry! Nee, my storie oor kos is lank nie klaar nie en ek het nog baie resepte om te deel. Hoe verskil dié boek van die vorige een? Daar is ’n bietjie vernuwing om seker te maak die jongmense kan saamkook. Daar is ook ’n paar resepte wat…

AR vs. VR AR (soos Pokémon GO) meng virtuele beelde met die regte lewe – soos ’n Pokémon-mannetjie wat voor ’n regte gebou gesien kan word. VR, daarenteen, plaas jou totaal binne ’n virtuele 3D-wêreld, ’n ervaring vergelykbaar met die werklikheid. Virtuele werklikheid 2016 was die jaar van Pokémon GO, maar dit was net die begin van Aangevulde Realiteit (Augmented Reality) en sy familielid, Virtuele Realiteit. Met die toenemende gewildheid van draagbare tegnologie gaan die vraag na virtuele elemente in ons daaglikse lewe vermeerder. In China “loop” mense al reeds deur die huise wat hulle wil koop in die eiendomsagent se kantoor – selfs al is die eiendom oorsee. En dis glad nie vergesog nie om daarna uit te sien om ’n motor te toetsbestuur (in jou bed voordat jy…

Disleksie is ’n spesifieke leergestremdheid en dikwels oorerflik. Jy is nie dom nie, maar sukkel om te lees, skryf en spel. Hoewel jy die werk verstaan, kan jy dit nie in simbole weergee nie. Jy spel steeds verkeerd, al leer jy ook hoe hard aan die woorde. Onderwysers ervaar jou as hiperaktief en jy kan verkeerdelik met ADHD gediagnoseer word. Want jy leer vinnig om enigiets te vermy wat met lees- of skryfwerk te doen het. Jy raak nooit van disleksie ontslae nie en daar is nie kitsoplossings nie. Maar met terapie kan jy leer om daarmee saam te leef en jou volle potensiaal te ontwikkel. Daar is drie hoofsoorte en elkeen het ’n spesifieke “resep” van behandeling. Die Rooi Appel Disleksie-vereniging (RADA) beywer hom onder meer vir wetlike toegewings…

Groen lyk asof dit vol water isAndrew Oranje, altyd ’n gunsteling, het sy asem weggeslaan. Dis ’n meer neonweergawe as waaraan hy gewoond was. Meer intens, mooier! Groen lyk ook anders. “Asof dit vol water is.” En bloed#rooi malvas, daarvoor was hy eers blind, dit het eenvoudig met die plant se groen blare saamgesmelt. Hoe verduidelik jy aan mense vir wie kleur vanselfsprekend deel van hul leefwêreld is, hoe dinge deur ’n kleurblinde se oë lyk? En waar gaan haal jy woorde as jy dan, danksy ’n moderne uitvindsel, die wonderwêreld daarvan self kan beleef ? “Wat sien jy?” “Hoe lyk dit?” “Wat van daai?” Sy gesinslede wat por. “Wow!” sê die 14-jarige Andrew Beavers van Durbanville naby Kaapstad. Dit was oornag ’n sensasie op YouTube: video’s van kleurblindes wat…

5 gelukkige SARIElesers kan elk die kortverhaalbundel Die helder oomblik deur Johan & Ria Smuts (Tafelberg, R220) wen. Verhale in hierdie boek handel oor dié oomblikke waarin ’n karakter skielik insig kry, en oor die komplekse aard van storievertel. Die fokus is dikwels op verraad en die vele vorme wat dit aanneem, in herkenbare dog soms vreemde situasies. Literêr verfynde stories wat baie stof tot nadenke bied – dit boei die leser nie net met wát vertel word nie, maar ook met hóé dit vertel word, dikwels aangevul met sardoniese humor. Nog 5 gelukkige SARIE-lesers kan elk Toor met hoender deur Karen Hart (Human & Rousseau, R250) wen. In dié praktiese boek neem Karen jou op ’n toer deur haar Toorkombuis. En…

Astrant#rooi. Dís ons Afrikaanse woord van die maand op SARIE se eerste 2017-voorblad. Só wil ons die nuwe jaar afskop – bietjie astrant, bietjie aspris. En sommer ordentlik-rooi! Bloedrooi, tamatierooi, appelwangrooi, kersierooi, bessierooi, knalrooi. Lanklaas het ons ’n woord gehad waarmee ons só lekker kon speel. Rooi deel mos sy energie mildelik uit, en praat van passie in oorvloed. Met rooi weet almal waar hulle staan, dis nie comme ci, comme ça nie. Jy weet maar te goed wanneer rooi in die huis is. My pad met rooi kom ver, hoewel dit nie ’n kleur is wat jy sommer in my klerekas sal kry nie. Tog was my matriekafskeidrok rooi-rooi, so ook die uitskop-een vir my eerste ernstige dans op Stellenbosch. Rooi sal jy ook nie op my lippe kry…

’n Toekomsverwagting Ek staan met my eerste agterkleinkind in my arms. Ek kyk na die perfekte, piepklein mensie en ek dink: Vir jou, my kind, wens ek wonderlike dinge toe . . . Dat jy sal grootword in hierdie land. Nie in ’n ander land nie, maar hier onder die Afrika-son in hierdie pragtige omgewoelde land. Ek wens dat jy in ’n liefdevolle huis en in ’n voorspoedige, regverdige land sal grootword en sal leer van eerlikheid, hardwerkendheid en verantwoordelikheid. Dat jy sal besef dat alle mense gelykgeskapenes is en met deernis en respek bejeën moet word. Ek droom dat jy bo alles in hierdie land nooit bang sal wees nie. Dat jy voluit en met vreugde sal lewe, en elke dag jou geliefdes sal koester en waardeer. Dán, my…

‘Jy’t ’n magic wat jy net moet ontdek’ Sy sit daar by ’n Johannesburgse restaurant, só oor haar foon gebuk dat jy nie kan sien of dit sy is nie, maar die ligblonde hare en slanke bou gee haar weg. Sy’s verwoed besig om te tik – waarskynlik op een van haar sosialemedia-rekeninge. ’n Vintage-rok met ’n hoë kraag en ’n blompatroon, bruin toeryg-leerskoene en ’n voet wat tik-tik-tik teen die tafelpoot terwyl sy konsentreer. Want Leandie du Randt is een van die koninginne van Afrikaanse sosiale media … haar aantal volgelinge net op Instagram trek nou al by die 100 000. Hoekom? “Ek dink mense waardeer my eerlikheid. No-one can beat you at being you.” Dís ook die boodskap in die motiveringspraatjies wat sy deesdae doen op grond van…

Jy kan jou maklik verbeel Valensia Waibale, slank en gesofistikeerd, is ’n model in New York wanneer sy aangestap kom by ’n koffiewinkel in Johannesburg. Sy sweef byna wanneer sy loop – kop omhoog, skouers terug en geklee in ’n noupassende rok en hoëhakskoene. Dan glimlag sy warm en stel haarself voor: “Hallo, my skat, dis lekker om te ontmoet!” Beslis Suid-Afrikaans en boonop Afrikaans. “Kyk, as jy op Upington in die Noord-Kaap grootgeword het soos ek, praat jy beslís Afrikaans,” lag sy. Sy lees sedert kleintyd SARIE. “My ma was ’n model. Sy was ’n SARIEvrou en lief vir mode. En ek het daardie liefde beslis by haar geërf.” Valensia (31), wat verlede jaar een van ons 10 Voorbladgesigfinaliste was, neem van jongs af aan skoonheidskompetisies deel en het…

Ek sou graag wou sê toe ek jonk was, wou ek ’n verskil maak, maar eintlik het alles gegaan oor die buzz en myselfMandy Wiener Jy besef Mandy Wiener is ook maar mens toe sy nie skroom om foto’s op haar selfoon van haar kinders – Sam (2½) en Ruby (6 maande) – vir jou te wys nie. Trots sê-vra sy: “Ag, is hulle nie dierbaar nie?” Sý, met meer as een opspraakwekkende boek agter haar naam (meer as 100 000 eksemplare is al van Killing Kebble: An Underworld Exposed en sy hersiene uitgawe verkoop) en ’n nuusdinamo wat al verantwoordelik was vir groot nuusstories, plaaslik en internasionaal. Maar sy sê óók sy het altyd geweet sy is nie ’n tipiese “aartsmoeder” wat nét tuis kan…

Moenie dié wat anders as jy is net verdra nie; omhels hulleprof. Jonathan Jansen, oud-rektor van die UV World of Tea KRISI SMITH (OCTOPUS, R335) Tee is so oud soos die berge, maar die gewildheid daarvan bly toeneem. In hierdie uitstekende boek bekyk Smith tee letterlik van die grond af op. Sy verduidelik selfs waarom die grond in China veroorsaak dat die tee daar anders is as dié in Indië. Hier leer jy alle aspekte van hierdie drankie – van die plantasie af, die oes en selfs hoe om die perfekte koppie tee te maak. Sy bespreek elke streek waar daar tee verbou word, die geskiedenis van die streek, asook verskillende soorte tee en wat die smaakprofiel is. Lieflik geïllustreer met volkleurfoto’s en kaarte. Phyllis Green SO SÊ Milan…

Sensueel Vergeet van ’n hak saam met ’n aandrok, dra elegante plat sandale vir ’n sensuele godin-voorkoms. Wynrooi oopskouer-aandrok van mengelstof (R699), Eligere, aanlyn te koop by die SARIE-winkel by spree.co.za  (SOEK Elegant Cold Shoulder Dress Red). Verskeidenheid van ringe (R129 vir ’n stel van 5), Cotton On. GROOTTES Rok: 32 – 38 Astrant Wees kreatief en dra ’n kort top bo-oor jou slooprok vir ’n vuurwarm aanslag met twee staatmakers. Geplooide midislooprok (R499), H&M. Rooi-oranje ooprug-top van mengelstof (prys op aanvraag), Forever 21. GROOTTES Midi-rok: 34 – 42 Top: XS – XL x-faktor ’n Bypassende top en broek is natuurlik perfekte pasmaats. Rond die voorkoms af met ’n lint om jou nek as halssnoer. Rooi afskouer-top (R239), Style Republic, aanlyn te koop by die SARIE-winkel by…

MET HOUT, JA! Hout is een van die gewildste vloerbedekkings. Dit skep ’n knus voorkoms, is maklik om skoon te maak en daar is ’n groot verskeidenheid opsies beskikbaar, van soliede houtvloere tot inklikvinielplanke soos dié van Van Dyck uit hul Verso-reeks. Sorg dat jy ’n klein ontploffing van kleur het in ’n wit vertrek sodat dit nie steriel en koud lyk nie. Hier is rooi blomme, ’n skildery en ’n oopvou-lêer op die wit klavier gebruik. PLAK ’N FOKUSMUUR Rooi-en-pienk is ’n treffende duo. Dis sexy en gesofistikeerd. Gebruik die kleure saam in ’n woonkamer deur ’n stoel of bank met pienk stoffeermateriaal, verkieslik fluweel, te laat oortrek. Vir so ’n stoel sal jy ongeveer 2 m materiaal benodig, maar die held in hierdie vertrek is die fokusmuur met…

Jy weet dis somer as jou Saterdag-braai met yskoue waatlemoen en stroopsoet bessies begin en eindig. Somer kan nie beter nie!Herman Lensing YSKASTERT MET WAATLEMOEN-SLAAI (bl. 97) In my grootwordjare was dié tert my gunsteling op warm Upingtonse somersdae. genoeg vir 8 Meng koekies en botter. Voer 30 cmlosboomtertpan wat 5 cm hoog is met koekiemengsel uit. Week gelatien in water tot sponsagtige voorkoms. Skep gelatienspons in kookwater en roer tot opgelos. Voeg kondensmelk by en meng goed. Voeg jogurt by en meng tot glad. Laat afkoel tot koud maar nog nie gestol nie. Klits room tot sagte punte vorm en vou by jogurtmengsel in. Gooi in bereide kors en laat stol vir 3 – 4…

Meringue-enroomys-roulade Die bros meringue met roomsagte roomys binne sal enige hart laat smelt. genoeg vir 6 – 8 Verhit oond tot 180 °C. Voer bakplaat van 15 x 24 cm met Glad-bakpapier uit en spuit deeglik met kleefwerende kossproei. Klits eierwitte in elektriese menger se bak tot sagte punte vorm. Gooi suiker geleidelik by terwyl menger loop. Hou aan klits tot blink en styf – sowat 5 minute. Vou mielieblom en asyn met metaallepel in. Skep mengsel op bakplaat en smeer gelyk met slaplemmes. Sprinkel amandels oor. Bak vir 25 minute. Haal uit oond en laat afkoel voor jy dit op ’n groot stuk Glad-kleefplastiek uitkeer. Laat roomys effens sag word en smeer oor meringue. Pak ¾ van bessies bo-op en rol meringue…

Baie vroue (en mans) reis op hul eie deur die lewe, ’n verskynsel wat wêreldwyd aan die toeneem is. Om enkellopend te wees hou baie vervulling en vryheid in . . .DEUR MARGUERITE VAN WYK Ek hoef net aan myself verantwoording te doenHanri Wondergem Dit is die einde van die jaar – somer, vakansie, ’n tyd van samesyn. Gesinne kom onder die Kersboom bymekaar, kinders baljaar in bondels deurmekaar, paartjies maak tyd vir mekaar en stap saam langs die strand. Geliefdes bond. Maar hoe gemaak as jy ’n alleenloper is? In die feestyd, met reënweer op ’n Sondag, of as sy siek is – ja, dan is sy eensaam, erken Hanri Wondergem (29), radiojoernalis van RSG se aktualiteitsprogramme Monitor en Spektrum. Of wanneer sy ’n pap wiel alleen moet omruil…

A @home 0860 576 576 www.home.co.za B Block & Chisel 010 593 9308, 011 442 0809, 021 712 5193 www.blockandchisel.co.za C Cotton On 011 268 3700 www.cottonon.co.za Country Road Home 0860 022 002 www.woolworths.co.za Crystal Birch 079 405 0150 D Dear Rae 021 447 1390 www.dearrae.co.za Donna 0860 104 764 www.donna.co.za Dreamweaver Studios 011 262 4946 www.dreamweaverstudios.co.za Dulux 0860 330 111 www.dulux.co.za E Eurolux 011 608 2970, 021 528 8400 www.eurolux.co.za F Footwork 011 345 8000 Forever21 021 555 3324 Forever New 011 465 1829, 012 997 0575, 021 914 2376 Fossil 021 418 0045 www.watchrepublic.co.za G Green Cross 021 507 9700 www.green-cross.com H H&M 0860 690 707 www.hm.com/za Habits 021 671 7330 www.habits.co.za Havaianas 011 783 0733, 021 425 2521 House of Grace 072 672 8792 www.facebook.com/ houseofgracecapetown, houseofgracedesign@gmail.com…

Veertig jaar is verby sedert daardie jaar in die vreemde. Standerd nege. ’n Vreemde skool. Op ’n vreemde plek. Dit is soos gister. Jy onthou hoe die oumense altyd gepraat het van die tyd wat so gou verbyvlieg, terwyl jy gewens het dat die tyd nie so moet draal nie. Die oneindige skool toe gaan. Jaar in en jaar uit. Die woeste gestoei om bo uit te kom. Die geveg teen wiskunde en biologie. Die wonder oor die groot wye wêreld. Byna soos pioniers het ons op Secunda aangekom. Vanuit die Hoëveldse vlaktes het die nuwe reus verrys. Die rustigheid van mielielande en weivelde was vir altyd verby. Uit elke uithoek is mense in hul hordes gelok om die nuwe industriële koei te kom melk. Ek onthou my nuwe Amerikaanse…

Ek staan gebukkend oor ’n trollie, ek pak berge eetgoed op die toonbank, ek is op pad na ’n repetisie en die musikante moet gevoed word. Iemand raak liggies aan my arm. Ek kyk verbaas om. Dis ’n vrou met ’n groot glimlag. Ek wil nie pla nie, sê sy. Maar jy lyk fantasties. Jy het baie gewig verloor. Oefen jy? Jy lyk ongelooflik. Dankie, fluister ek pateties en gryp na ’n sak appels. Die vrou stap na die volgende toonbank, sy moet dink ek is heeltemal wanaangepas, kon ek nie net vriendeliker gewees het nie? Of ferm en duidelik geantwoord het nie? Moet sy in dieselfde oomblik wat sy my ontmoet en komplimenteer, leer dat ek geen selfbeeld het nie, niks positiefs oor myself glo nie en gereeld wens…

. . . ek is net ’n gewone mens en as iemand met my wil kom praat, dan kan hulle kom praat!Dann-Jaques As jy nie geweet het Dann-Jaques Mouton, of DJ soos hy soms bekend staan, is ’n akteur nie, sou jy dit binne minute in sy geselskap raai. Sy hande is byna nooit stil nie. Dis ’n energieke beduiery, hier en daar, hoog en laag. Sy gesigsuitdrukkings is groot, intens. Al sit hy by ’n Johannesburgse koffiewinkel, kan jy jou maklik verbeel hy is op die verhoog en besig om sy lewensverhaal te vertel. Maar die kans is ook goed dat jy hom deesdae sal herken – van 7de Laan tot die trefferfliek Noem my Skollie, sy gesig is skielik oral te sien. Dan was daar ook 2015 se…

’n Vrou het meer as een lewe. Drié om presies te wees. Haar eerste lewe dra sy mos in haar handsak rond, almal weet dit. Haar tweede lewe is in haar beursie met allerhande strokies, kwitansies en lysies. Haar derde lewe is op haar selfoon. En met beursie en selfoon in haar handsak, raak dit ’n lewe binne ’n lewe binne ’n lewe. Sonder haar selfoon is sy niks, al haar lewens is leeg. Daardie foon is ’n horlosie, almanak, weervoorspeller, nuusbron, musiekmaker, stemopnemer, radio, sakrekenaar, adres-opspoorder, bankier, speletjie-speler, boodskapper, organiseerder, wekker, kamera, videograaf en ’n flitslig vir as sy nie in die donker oor iets wil val nie. Ensovoorts. Dis vol toepaslike toepassings en hou haar in verbinding met vriende en vriendinne en die res van die wêreld. Sy’t…

Kleur wys hoe jy voel, wat jy dink en gloLien Potgieter Dis vir haar moeilik om haar gevoelens in woorde uit te druk. Sy kan nie sing, skilder, dans of poësie skryf nie – die alternatiewe taal waarmee ons dikwels ons emosies wys. Lien Potgieter van Johannesburg was egter altyd versot op kleur. As kind was haar kamer babapienk. In haar tienerjare het primêre kleure luid geskree. Die mure van haar eerste woonstel was helderoranje en diep in haar twintigs het groene oorgeneem. Soos baie van ons het sy nooit die moed gehad om in die “dieptes van haar innerlike wêreld” te krap nie. “Ek het nie eintlik geweet jy het ’n onderbewuste, ’n ‘ware self ’ nie. En dat ons kindertydse wonde iewers in die doolhof van gevoelens, gedagtes,…

Bleeksiel (geek) en sjiek is gewoonlik nie woorde wat jy in dieselfde sin gebruik nie, maar sedert Alessandro Michele in 2015 as kreatiewe direkteur by die modehuis Gucci oorgeneem het, is geek chic die trend wat die vinnigste veld wen. Die fokus is op individualisme – jy druk jouself uit deur die klere wat jy dra. Jy word nie beïnvloed deur ’n bepaalde groep of norme nie, en gee nie om wat ander mense van jou dink nie. Om die waarheid te sê, jy is waaghalsig en eksperimenteer met ongewone kleure, speel met patrone en geniet dit om verskillende teksture saam te dra. Dink ook ’n oorgroot leesbril as jy ’n bril dra en gemaklike plat skoene soos tekkies en vroeër jare se oumaskoene – die soort met die mini-blokhak.…

AMARIA HOU VAN Ek’s gaande oor patrone. Dié rooi peplumtop met sy etniese patroon is perfek om energie aan ’n uitrusting te gee – Amaria Carstens NOG BYKOMSTIGHEDE Van dieprooi tot helderrooi en selfs patrone, bykomstighede is jou finale afronding Wynrooi en ligpienk ’n Romantiese kleurkombinasie – dit bring kalmte omdat nie een van die twee kleure helder is nie Tamatierooi en oranje ’n Vurige kleurkombinasie as jy lief is vir aandag trek BLAAS SÓ NUWE LEWE IN JOU KLEREKAS Al ooit voor jou klerekas gestaan en gedink, ek het niks om te dra nie? Dis dalk tyd dat jy jou kas deurgaan en van die klere ontslae raak wat jy nie dra nie. “Uitgooi!” roep jy. “Hoekom nie?” sê ek. Vat dan jou ou klere (stukkend of heel) en…

Dit is ’n kleur gelaai met betekenis: die lewe en dood; liefde en begeerte; passie en energie. ’n Kleur wat inspireer soos geen ander nie. Daarom het Lucia Pica, Chanel se internasionale grimeerkunstenaar, rooi gekies as die anker vir haar eerste grimeerreeks vir dié huis. “Die kleur beeld die krag van vroulikheid uit, maar ook die weerloosheid. Rooi is intens, seksueel en ewigdurend.” Rooi op jou lippe en naels ken ons goed. Maar nou kry ook jou oë ’n tikkie van dié vurige kleur. ’n Koperrooi skakering gee lewe aan blou en groen oë. ’n Intenser oogomlyner in rooi is nie meer taboe nie en wys jy’s waaghalsig. By die onlangse Paryse Modeweek vir Lente/Somer 2017 het die modehuis Kenzo die kollig gesteel met rooi oogskadu wat tot by modelle…

’N BOTTELTJIE SERUM NÉT VIR JOU Nie een van ons het presies dieselfde velkwessies nie. Daarom het die velsorghuis Kiehl’s ’n serum bekend gestel wat fokus op jóú unieke probleme. Voordat jy met ’n botteltjie wegstap, ontleed ’n konsultant jou vel en stel die serum saam. Dit bestaan uit ’n basis waarin 2 konsentrate, wat jou twee grootste velprobleme behandel, gemeng word. Altesame 5 konsentrate is beskikbaar en behandel veroudering, rooiheid, vaalheid, vergrote porieë en ’n growwe veltekstuur. Gebruik dit daagliks vóór jou vogroom. HOU, GRIMERING, HOU Met ons warm somermaande kan jy maar ’n ekstra produk by jou grimeerroetine voeg: ’n gesigsproei. ’n Paar spuite in die oggend ná jy gegrimeer het, hou jou grimering in plek, en in die middag verfris dit jou vel. Probeer een van dié…

SIEN KOOPGIDS OP BL. 128…

ONTHOU OUMA S’N Elkeen van die 12 vorms in Weck se reeks inmaakflesse het ’n glasdeksel en metaalknippies om dit te seël. Dis ook oondvas en mikrogolfbestand sodat jy selfs iets daarin kan bak. Vanaf R30 by Consolwinkels landwyd VOORSLAGVOORSKOOT Elke kombuis kort ’n mooi voorskoot en dié een van Arrow Leather Goods is net die een wat jy nodig het. Dit word gemaak van seildoek (canvas) en leer. Besoek www.arrowleathergoods.co.za en bestel joune teen R799. Mooi rond Gebruik ’n balskep (baller) om netjiese waatlemoenballe vir die tert op bl. 97 te maak. R129 (posgeld uitgesluit) by www.yuppiechef.com ’N POT VIR ELKE DAG Jy kan nooit genoeg Le Creuset-potte hê nie. Die nuutste kleur waarin dié gietyster-reeks beskikbaar is, is Riviera. Koop landwyd of aanlyn by www.lecreusetshop.co.za LEKKER IN SLAAISOUS…

Die kinders het gou besef ek is ‘anders’Esme Die letters op die swartbord kon net so wel Egiptiese hiërogliewe gewees het, so min het dit vir haar sin gemaak. Terwyl haar klasmaatjies se hande flink opgeskiet het as juffrou na spesifieke woorde wys. Esme Booyens Burn het dan na haar eie wêreld ontsnap. Aan die prinsesrok gedink wat sy in die animasiefliek Beauty and the Beast gesien het. Of met die klein poppie gespeel wat sy skelm in haar penneblik saamgedra het. “Dit het my gehelp om nie so alleen te voel nie. Want die ander kinders het gou besef ek is ‘anders’. In graad drie het die juffrou my gedwing om voor die klas te staan en hardop te lees. Ek het pieringoog verstar terwyl die ander kinders skaterlag.…

Intekenaanbod (bl. 129) 1. Die eerste korrekte inskrywings wat getrek word, wen die pryse. Die beoordelaars se beslissing is finaal en geen gesprek of korrespondensie sal daaroor gevoer word nie. 2. Die wenners sal telefonies verwittig word en hul name sal in ’n latere stadium op die webtuiste SARIE.com verskyn. 3. Die pryse is nie oordraagbaar nie en is nie vir kontant omruilbaar nie. 4. SARIE bied hierdie wedstryd namens Beiersdorf as ’n diens vir haar lesers aan. Beiersdorf voorsien en is verantwoordelik vir die pryse. SARIE aanvaar geen verpligting hoegenaamd t.o.v. die ontvangs van die pryse of gestanddoening van die voordele daaraan verbonde nie. 5. Werknemers en hul gesinne van Media24 (SARIE se moedermaatskappy) en Beiersdorf en hul reklamemaatskappye mag nie aan die wedstryde deelneem nie. 6. Media24 en…