Indholdsfortegnelse for March 2017 i SARIE

Hoop, jou wonderlike ding! Wie het dít nie gedink toe Roger Federer en Rafael Nadal onlangs in Melbourne, Australië, ná ses jaar weer in ’n Grand Slam-eindstryd teen mekaar te staan gekom het nie? Hier was die beste van die beste opnuut in aksie. Soos van ouds, met Federer se grasie en Nadal se vasbyt. Die tenniswêreld het nooit ophou hoop nie, en die hoop het nie beskaam nie. Hoop. Skielik is dié woord oral, of dalk hoor ek dit net duideliker. Hoop is ’n móét, ’n noodsaaklikheid. Wat hét ons daarsonder? Wat gee jy jou kinders as jy nie hoop het nie? Dít was Michelle Obama se woorde tydens ’n laaste onderhoud met Oprah Winfrey dae voordat sy die Withuis ná agt jaar as first lady verlaat het. Twee…

SARIE oor 3 geslagte . . . Die onoopgemaakte Januarie 2017-uitgawe van SARIE maak seer . . . hierdie is die laaste SARIE van my skoonpa aan my. As jong man het hy in 1949 op jou begin inteken . . . die maandelikse geskenk van ’n seun aan sy ma. Toe sy sterf, het hy weer ingeteken, dié keer vir sy vrou. Soveel jare lank kon sy jou geniet. Jy was die maandelikse herinnering aan “ek het jou lief ” van ’n man aan sy vrou. Maar die spore van tyd het haar oë kom steel. Jou letters het soos opgewonde dolfyne oor die bladsye begin spring en sy moes jou groet. Daarna het hy vir ’n derde keer ingeteken en jou op ons dorpie, Marquard, laat aflewer. Dit…

Zelda la Grange ‘Verandering begin by jouself’ Negentien jaar lank was sy oudpres. Nelson Mandela se regterhand. Sy het hom op reise vergesel, was sy woordvoerder en vertroueling. Haar titel was eenvoudig: persoonlike assistent. Hy was een van die grootste politieke figure in die nuwe millennium. Maar vir haar net Khulu (oupa). Vir hom was sy Zeldina. Met haar boek, Goeiemôre, Mnr. Mandela, het sy afskeid geneem. Sy kom gesels met ons oor hoe verandering plaasvind en dat jý dinge kan laat gebeur. Kom word geïnspireer deur haar stories en haar eie verandering – “van kokon tot mot”, het sy al self vir SARIE vertel. Johrné van Huyssteen Om die rok in die huis te dra – van Spreuke tot sosiale media Johrné van Huyssteen was al by soveel openbare…

Ons moet almal leer om meer vergewensgesind te wees Frans Nou, meer as 15 jaar ná die Hansie-skandaal . . . wat gaan deur jou kop? Tyd bring genesing. Maar ons mis hom, veral Kerstyd. Baie mense het Hansie vergewe . . . Ons kry so baie boodskappe van sy aanhangers op Facebook met sy verjaardag op 25 September [1969] en die dag dat hy verongeluk het, 1 Junie 2002. [Die King-kommissie het Hansie in 2002 lewenslank uit professionele krieket geskors weens sy kontak met beroepswedders in Indië.] Die hele tragedie het my ouers, Ewie en San-Marie, wat in Bloemfontein woon, hard getref, maar hulle is nou in ’n goeie ruimte. So ook my suster, Hester, wat getroud is en in Potchefstroom woon. Hansie se weduwee, Bertha, is intussen baie…

Grootste struikelblokke ’n Hele paar bloutjies met werknemers. Dit was baie stresvol. Ek het nou ’n kernspan wat ek ten volle vertrou. Gesondheidsregulasies is ononderhandelbaar, maar party ander regulasies is belaglik vir ’n onderneming op so ’n klein perseel met 4 tot 6 werknemers. Lesse geleer Ek is binne die eerste jaar met R28 000 (toe my totale bedryfskapitaal) ingeloop. Ek was verpletter toe ek dit moes afskryf. Die wêreld is ongelukkig vol skelms en elke transaksie moet met oordeel hanteer word. Die eerste drie jaar het ek alles gedoen, 24/7 – bestanddele gaan haal, roomys gemaak, afgelewer, stalletjies beman en bemark. Ek het geen sosiale lewe gehad nie. Dit het sy tol geëis. Ek moes mense aanstel en leer delegeer. Die laaste jaar het ek hard aan opleiding gewerk.…

Waar woon jy en waarom juis daar? Ek het in 2008 na Engeland verhuis. Nadat ek my Britse paspoort in 2015 gekry het, het ek ’n werkaanbod in Malta gekry. Ek moes in die atlas gaan kyk waar presies dit is. Ná my eerste kort besoek vir die onderhoud het ek nie eens twee keer gedink nie, ek het net geweet ek sal hier aard. Ek is alleen hier, maar my kinders kom gereeld kuier. Twee is in Engeland, een in Noorweë, een in Suid-Afrika en een in Taiwan. Sedert my aankoms het ek al baie nuwe vriende gemaak en kan met reg sê ek het ’n uitgebreide Maltese “familie” hier. Wat is uitsonderlik en interessant van Malta? Die antieke Grieke het Malta “Melita” genoem, wat “heuning” beteken en Maltese…

Hy het in 2006 die harte van tienermeisies wêreldwyd as die singende Troy Bolton in die fliek High School Musical verower. Sedertdien het hy sy veelsydigheid bewys met rolle in komedies soos That Awkward Moment , Neighbors en Neighbors 2 en meer ernstige rolle in The Lucky One en Parkland . Later vanjaar is hy ook te sien in die komediese filmverwerking van die TV-reeks Baywatch . Maar daar steek meer in dié 29-jarige akteur as net ’n mooi gesig (en ’n gespierde bolyf ). Hy is betrokke by verskeie liefdadigheidsprojekte vir kinders en deel graag foto’s van dié projekte met sy meer as 37…

Modern vir die dag Basislaag vir oë ( lid primer / shadow primer ) + ’n bruin oogpotlood Soms is minder inderdaad meer. Eenvoudige ooggrimering kan die ster van jou grimeervoorkoms wees en al die aandag trek. Begin deur ’n basislaag vir jou oë oor jou boonste ooglid te skakeer. Kies ’n skakering wat na aan jou velkleur is. Die basislaag laat jou oë onmiddellik helderder lyk, sê Will. Trek dan ’n lyntjie teenaan jou onderste wimperlyn met ’n sagte bruin oogpotlood en skakeer (smudge) dit met ’n kwassie totdat dit rokerig lyk. Moenie enige oogpotlood teenaan jou boonste wimperlyn trek nie. Wend net ’n laag of twee maskara op jou wimpers aan. Omdat daar geen ander grimering op jou boonste ooglid is nie, kan jy…

Dié unieke oogomlyner se kop kan teen ’n hoek van 35 grade draai om dit makliker te maak om die produk, veral in die hoeke van jou oë, aan te wend. Boonop het die formule ’n mat-afwerking wat sorg dat dit lank op jou oë hou. Beskikbaar in 3 kleure: swart, diepbruin en saffierblou. Die daaglikse aanslae op jou vel kom van alle kante af: Besoedeling en temperatuurskommelinge droog jou vel uit, vry radikale beskadig die velwand . . . Die gevolg is vaalheid, dehidrasie en fyn lyntjies. Dié nuwe vogroom bevat luukse kaviaar, ryk aan voedingstowwe wat jou vel vernuwe. Ander bestanddele soos plankton-ekstrak beskerm dit teen omgewingsfaktore en antioksidante sorg vir ’n helderder gelaat. Jy hoef nie gehalte in te boet wanneer die ekonomie knyp nie. ’n Nuwe…

Dit is die moeite werd om in ’n EDP-parfuum (Eau de Parfum) te belê. Dié geure is effens swaarder en hou langer op jou vel omdat dit ’n hoër konsentrasie parfuumolie as ’n EDT (Eau de Toilette) en EDC (Eau de Cologne) bevat. Om dié rede is dit dikwels ook duurder. Probeer Chloé Fleur de Parfum (R1 725 vir 75 ml EDP) met blomnote soos roos, kersiebloeisel en ysterkruid (verbena) Pêrels is nie net meer om jou nek te versier nie. Dis tans óral – as versiering op skoene, klere en handsakke. Bederf jou voete met dié goue leerhakskoene versier met pêrels (prys op aanvraag) van Gucci . Kontak 011 326 7928 of 021 421 8800, of besoek www.gucci.com Uitstaande Switserse gehalte is reeds meer as 100 jaar die kenmerk…

SOETE LEKKERTE Springmielies is ’n heerlike bederf vir groot en klein. Maak hierdie maklike springmielie-lekkers vir ’n anderste bederf saam met koffie. SPRINGMIELIES MET SJOKOLADE EN NEUTE genoeg vir 8 Smelt 200 g donker baksjokolade in glasbak oor pot met kookwater. Moenie dat bak aan water raak nie. Voer ’n bakplaat uit met bakpapier en spuit goed met kleefwerende kossproei. Skep sjokolade op bakplaat en smeer met agterkant van ’n lepel tot so 3 mm dik. Sprinkel 100 g springmielies wat geskiet is, 100 g neute van jou keuse en 1 hand vol kleurstrooisel oor. Sprinkel knippie sout oor en laat stol tot hard in yskas. Breek in groot stukke en sit voor. ’N MOOI VOORSKOOT Lyk stylvol in die kombuis met H&M se voorskoot bedruk met goue pynappels. R199…

‘Pasiëntjies met brandwonde se dryfkrag en moed gee mý krag’Cami Palomo van die Avelastigting Die geselsies, musiek en geskenkies laat hulle van hul pyn vergeetCami Dis ’n besige koffiewinkel in Kloofstraat waar ek en Cami Palomo, boorling van El Salvador wat Kaapstad deesdae huis noem, sit. Sy raak skaars aan haar beet-en-wortelsap terwyl haar hande entoesiasties saampraat soos sy vertel van die nuutgestigte Avela-stigting, ’n nie-winsgewende organisasie wat kinders met brandwonde op hul pad na liggaamlike en sielkundige herstel help. Dit was ’n emosionele maar verrykende reis tot hier. Sy was diep ongelukkig nadat haar huwelik van 20 jaar verbrokkel het en sy in 2005 geskei is. “Ek moes myself weer vind en opnuut sin maak van my lewe. Hoewel ek êrens iemand wou gaan help, was ék eintlik die…

Daar is verskeie chirurgiese prosedures beskikbaar vir die rekonstruksie van die areola/tepel. Dermapigmentasie skep nie net ’n baie realistiese areola nie, maar versag ook letsels. Mineraalpigment (ink) word met ’n baie dun naald in die veldermis neergelê. Dis ook bekend as paramediese tatoeëring, rekonstruktiewe pigmentasie of mikropigmentasie, en verskil van kosmetiese tatoes vir jou gesig en voorkoms. Die mees gevorderde pigment word gebruik om die velkleur na te boots. Dis getoets en veilig vir menslike gebruik. ’n Hoëdefinisie- digitale tatoeëerpen, nie die gewone tatoeëermasjien nie, word ingespan. Jy kry plaaslike verdowing en dit voel ’n bietjie soos sonbrand. Koste AREOLA: 2 sessies (sowat 4-6 weke uitmekaar). Albei areolas: eerste sessie R3 900, R2 300 per opvolgsessie. 3D-AREOLA/TEPEL (sowat 2-4 sessies). Albei areolas/tepels: eerste sessie R4 600, R2 300 per opvolgsessie.…

5 gelukkige SARIElesers kan elk die boek Klim op die bant wagon (Human & Rousseau, R265) wen. Gewilde blogger Nick Charlie Key wys jou hierin hoe maklik dit is om gesond, heerlik en begrotingsvriendelik te eet. Toe Nick in 2014 met metaboliese sindroom gediagnoseer is, moes hy dringend iets doen. Vandag is hy 22 kg ligter, slaap heerlik en gesonder as ooit. Jy kan dit ook doen. Hierdie boek bevat meer as 90 lekkerbekresepte. Almal is laag in koolhidrate, glutenvry en gebruik alternatiewe vir suiker. Dink aan trooskos soos sop, lasagne, kerrie en varkpasteitjies vir die koue wintermaande; slaaie, quiche en roomys vir ons-moet-buitewees-somersdae; pizza en hamburgers met uieringe vir ek-is-doodmoeg-Vrydagaande, en kaaskoek, sjokoladebruintjies, fudge, malvapoeding, pannekoek en sjokolademousse vir die kom-ons-vier-dit-dae. Nog 5 gelukkige SARIElesers…

LA-LA-LA OSCAR-TYD! Jip, dis die 89ste Oscar-plegtigheid op 26 Februarie in Hollywood. Aktrise van die oomblik? Dalk Emma Stone wat Mia speel in die moderne musiekrolprent La La Land wat vir 14 Oscars benoem is; dalk Meryl Streep wat haar 20ste Oscar-nominasie losgeslaan het vir Florence Foster Jenkins . Oor haar benoeming sê Emma: “Dis wonderlik, dis gek!” Die ikoniese Meryl het haar vreugde gewys in ’n dansende GIF wat op Twitter aangestuur is. Wie ook al wen, óns dans ’n vreugdedans op vrouetalent. Vir jou eie 007 Wat is meer verleidelik: die bottel of die geur self? Onmoontlik om te sê met internasionale modehuis Azzaro se nuwe mansgeur, Wanted. Die bottel, in die vorm van ’n rewolwer se silinder, is ’n simbool…

Wanneer jy gereeld met iemand gesels en sy manier van praat, sy woordgebruik en eie klank begin ken, kan jy later sy arsenaal of woordeskat op die agtergrond sien vorm aanneem. Eers lyk dit net soos ’n grafiek op ’n rekenaar, jy neem aan dis jou verbeelding, maar dit verskyn weer en weer, elke keer ’n bietjie meer duidelik. Dan sien jy daar is rakke, met houers, hierin word die persoon se sinne of uitdrukkings of frases gehou, dié wat die meeste gebruik word, wat byderhand moet wees. Gewoonlik is die houers flessies, dit hou die inhoud sigbaar en sorg dat niks verouder nie. Sommige stoor hulle sinne in karton of selfs papier, dit veroorsaak egter dat dinge uitlek of rondvlieg of nie beheer kan word nie. Die afgelope Kerstyd…

ZELDA AAN DIE WOORD Kom luister na Zelda la Grange by SARIE se fees vanaf 16-18 Maart in die Atterbury-teater in Pretoria. Kyk op bl. 40 vir meer inligting. Ek funksioneer op my beste as iemand iets van my verwagZelda Ons onthou haar as oudpres. Nelson Mandela se persoonlike assistent met die reguit hare. Deesdae lyk Zelda la Grange baie meer toeganklik met haar bos blonde krulhare. Tóé, sê sy nou, het sy as Madiba se waghond bekend gestaan – veral onder die media. “Ek dink baie mense het gedink ek is vreeslik gemeen,” lag sy en trek haar mond skeef, oë groot. “Oeps. Maar ek het nie omgegee nie, ek het dit vir hom gedoen.” Om sy besige lewe te orden moes bomenslike energie geverg het, maar Zelda is…

Ek wil meer as net ’n goeie rugbyspeler wees. Ek wil onthou word as ’n goeie en goedhartige mens Seabelo Hy hou nie van die kollig nie, erken Seabelo Senatla. Juis die Blitsbok wat verlede jaar as Suid-Afrika en die wêreld se beste sewesrugbyspeler bekroon is. Met sy 180ste drie in Januarie in Nieu-Seeland het hy die rekordhouer geword van die meeste drieë wat deur ’n Blitsbok in die Wêreldreeks gedruk is! Wens jy hom geluk met sy prestasies op en af van die veld, kyk hy net skamerig af. Dis nie in sy DNS om te spog nie. “Ek is net nie só grootgemaak nie,” vertel hy laggend. Want Sea, soos sy vriende hom noem, bly maar net die laaitie wat van Welkom af kom. Gemaklik, plat op die…

Jack Reacher, voormalige Amerikaanse militêre polisieman, praat min. Maar moeilikheid soek dié wortellose swerwer soos vlooie ’n brak. Sy skepper, die Britse blitsverkoperskrywer Lee Child, ryg jaarliks nog ’n Reacher-spanningsverhaal uit. En hoor hier: Hy het geen idee waarheen hy op pad is wanneer hy met ’n boek begin nie. Bepeins niks nie. Beplan nie. Het geen intrige in sy kop nie. Geen titel nie. Niks, skryf ’n verbaasde Andy Martin in ’n artikel op die Universiteit van Cambridge se webtuiste (www.cam.ac.uk). Dié akademikus en skrywer het Lee in 2015 dopgehou terwyl hy besig was met sy twintigste Reacher-avontuur, Make Me. Die einste Lee Child het al gesê: Om te skryf is soos vragmotor bestuur: Jy dink nie, jy doen net. SARIE het drie gewilde plaaslike misdaadskrywers gevra hoe hulle…

So tradisioneel soos biltong, boerebeskuit en witblits skrywer Hazel Crampton Marijuana, kannabis, hasjisj, hemp, pot, grass, ganja, bhang, ganga, zol, weed. Dagga. Rook, drink of eet dit. Dit smaak so lekker want dit laat jou so lekker vóél: eufories, ontspanne, plesierig, alle inhibisies vergete. Dis ook van die eerste plante wat as medisyne gebruik is, sowat 5 000 jaar gelede. Deesdae is dit egter in baie lande onwettig omdat dit verslawend is. Lank gelede was dit plaaslik so tradisioneel soos biltong, boerebeskuit en witblits, volgens Hazel Crampton in Dagga: A Short History ( Jacana, 2015). Dit het Jan van Riebeeck gefassineer, sendelinge het dit lof toegeswaai en dit was ’n gunsteling-sundowner die eerste kwart van die vorige eeu. Jan van Riebeeck skryf in 1658 in sy joernaal van ’n suidelike…

Praat is saampraat en nie teenpraat nie Marthinus Versfeld, filosoof The Keiskamma Art Project, Restoring Hope and Livelihoods BRENDA SCHMAHMANN (PRINT MATTERS HERITAGE, R499) Die geskiedenis van die Keiskamma-kunsprojek word geboekstaaf in hierdie pragboek. Dit vertel hoe die ontstaan van dié projek in 2000 broodnodige werkgeleenthede en die bemagtiging van ongeveer 100 gesinne in die arm gebied van Hamburg in die Oos-Kaap teweeg gebring het. Dis fassinerend om te sien hoe die ontwerpe oor die jare ontwikkel het en hoe die lede saamwerk om die reuse-werke te skep. Die kunswerke is ryk aan simboliek en die agtergrondinligting daaroor is boeiende leesstof. Die naslaangids is uitstekend nagevors en die foto’s van die kunswerke inspireer. Phyllis Green SO SÊ Marita van der Vyver OP SARIE.COM oor haar jongste roman,…

’N PAJAMA-TOP + BLINK JEANS Pajamas is nie meer net vir die slaapkamer nie – dra dit saam met iets blinks vir informele elegansie. Pajamastyl top (R1 099), H&M Studio Collection. Noupassende blinker-jeans (R1 499), Sissy Boy, aanlyn te koop by die SARIE-winkel by spree.co.za  (SOEK Duchess Ripped Sequinned Skinny Jeans Mid Blue). Oorbelle van swart tou en goue krale (R680), Pichulik. GROOTTES Top: XS – XL Jeans: 6 – 16 ’N ROMP + ’N ROK Lyk treffend in ’n deursigtige rok en ’n romp met ’n spleet bo-oor. Deursigtige maksirok met fyn blinkerstof-detail (R11 500), KLûK CGDT. Swart blinker-potloodromp (R849), Forever 21. Silwer insteekhakskoene (R429), H&M. GROOTTES Rok: 32 Romp: XS – XL SOKKIES + HAKSKOENE Ja, jy mag dit nou saam dra sonder dat iemand jou…

Kan dit wees dat golwende krulle vir eers iets van die verlede is? Dit lyk asof reguit, gladgestrykte hare nou weer gewild word. Die laaste tyd het talle bekendes soos Kim Kardashian, Chrissy Teigen, Penélope Cruz, Jessica Alba en Michelle Obama met blink, gladgestrykte hare gespog. Ons vermoed dat dit in die komende maande nóg gewilder gaan word. Dis veral goeie nuus vir dié van ons met ’n natuurlike reguit en/of fyn haartekstuur wat alewig sukkel om volume en tekstuur te skep. Hare wat glad gestryk is, blink en lyk stylvol. Dié styl is allesbehalwe vervelig! Doen dit só SARIE se skoonheidspan gee dié wenke 1. Gebruik haarprodukte wat geformuleer is om enige kroeserigheid teen te werk. Lees meer op bl. 84 . 2. Nadat jy jou hare gewas…

1 Velgesondheid is vir my baie belangrik. Ek reinig, verfris en bevog my gesig elke oggend en aand. Ek glo jou gesig is soos ’n skilderdoek en as die basis nie reg is nie, gaan jou grimering ook nie mooi lyk nie. 2 Ek’s nooit sonder my staatmakergrimeerprodukte nie. Ek hou van ’n stralende en douerige vel. Om dié voorkoms te kry wend ek eers ’n basislaag met fyn weerkaatsende deeltjies oor my hele gesig aan en dan net ’n getinte vogroom. Ek’s ook verslaaf aan maskara en gaan nêrens daarsonder nie! 3 Ek laat sny so elke agt weke my haarpunte sodat my hare gesond en glansend bly. As ek dit nie doen nie, begin my hare strooierig lyk. 4 Ek het fyn hare, maar báie daarvan en sukkel…

JA VIR MINDER ‘LIKES’ Hoe meer “likes”, hoe meer selfvertroue het ons. Dít is die werklikheid vir baie van ons wat gereeld foto’s op sosiale media deel. Ons behoefte aan goedkeuring laat ons voel ons moet perfek op ’n Facebook- of Instagram-foto lyk. ’n Wêreldwye peiling deur die skoonheidshuis Dove het gewys meer as twee derdes van vroue voel erge druk om so goed as moontlik op sosiale media voor te kom en 61% van vroue hou daarvan dat jy kan beheer hoe jy op sosiale media lyk. Met dié resultate in gedagte het Dove onlangs ’n veldtog, #NoLikesNeeded, begin. Hierin vra hulle vroue om ’n foto op ’n sosialemedia-platform te deel, foute en al, met die hutsmerk #NoLikesNeeded. Dit is om bewustheid te skep oor die rol wat sosiale…

KAKTUS-KUNS Die organiese vorms van kaktusse maak die treffendste kunsprente. Die prente is van Homie (R229-R649, ongeraam), die rame (R199,99 elk) van Mr Price Home, gekerfde kaktus van indringerhout (R490) van Heartworks, geometriese jakkalsie (R199) van Eleven Past en die kaktuskershouer (R229) van H&M. Die muur is geverf met Annie Sloan-verf, kleur Antoinette. MOOI BY GOUD EN FLUWEEL Die strak lyne van die kaktusse vorm ’n mooi kontras met die luuksheid van die fluweelmateriaal van die stoel (uit Kiso-reeks, kleur Palm, R763,80 p.m.), die geometriese patroon van die mat (Recreation, kleur Chess, grootte 120 x 170 cm, R1 500), albei van Hertex Fabrics, en die elegante sytafel (R5 995) van Block & Chisel. Op die sytafel: Die kaktus-glas (R49,99) is van Mr Price Home, die klein glasklok (R229) van H&M…

Die soet geur van ryp #turksvye is heerlik, maar hoe gemaak om dié stekelrige vrug te skil? www.cactuspear.co.za wys ons presies hoe! STAP 1 Druk die vrug stewig vas met ’n vurk en sny die twee punte met ’n skerp mes af. STAP 2 Sny nou oorlangs deur die skil terwyl jy die turksvy met die vurk vashou. STAP 3 Rol die vrug versigtig uit die skil met die vurk en mes. STAP 4 Verkoel en geniet, gebruik in een van die resepte op bl. 100-106 of besoek Cactuspear se webwerf vir nog idees.…

Daagliks doen ek selfondersoek en stel myself oop om nog te leer en te groeiLize In April 2012 het haar lewensmaat, Annake de Villiers, ’n talentvolle violis, selfdood gepleeg. Hierna was sangeres Lize Beekman emosioneel en fisiek moeg. Haar wêreld het ineengetuimel in ’n warboel van emosies. Die teken van mandalas – kunssirkels – was die terapie wat haar stadig op die pad van genesing gelei het. Haar deuntjies wat opgedroog het, het weer lewend geword toe sy onlangs, die eerste keer in vier jaar, by Margit Meyer-Rödenbeck se teater-restaurant Die Boer in Durbanville opgetree het . . . Hoekom is jy nou weer gereed om te sing? Ek sal dit nie “gereed” noem nie, want dit sal impliseer dat ek vir vier jaar “nie gereed” was nie, en dit…

Nadia krap in die Zen-tuintjie langs haar rekenaar terwyl sy onderlangs na die voltooide inskrywingsvorm op haar lessenaar loer. Dis malligheid! Sy het aanbeweeg, wég van Marius Eksteen, ver verby hom. Of het sy? Gaan sy nie net wys hoe desperaat sy is deur in te skryf nie? Daai klomp vroue op Boer soek ’n vrou het nog altyd vir haar baie desperaat gelyk. Nou dink sy sélf daaraan om in te skryf ! Sy kom nie agter sy karring die Zen-tuintjie heeltemal deurmekaar nie. Dan weer: Wat kan sy verloor? Dit kan net pret wees, en pret is wat sy nou nodig het. Maar nee, definitief nie op nasionale televisie nie! Toe sy opkyk, staan die duiwel in die deur. Met sy aantreklike gevreet. “Nadia, het jy die verslag…

A @home 0860 576 576 www.home.co.zaAngles and Earth 073 155 7333 www.anglesandearth.co.zaAnnie Sloan www.anniesloan.co.za B Black Betty 021 418 3054 www.blackbettydesign.comBlock & Chisel 010 593 9308, 011 442 0809, 021 712 5193 www.blockandchisel.co.za C colette by colette hayman 011 880 2134, 021 551 7552Converse 087 940 4600, 087 940 4664 www.converse-sa.co.zaCotton On 011 268 3700 www.cottonon.co.zaCountry Road 0860 022 002 www.woolworths.co.zaCountry Road Home 0860 022 002 www.woolworths.co.za D Dulux 0860 330 111 www.dulux.co.za E Eleven Past 021 201 1211 www.elevenpast.co.zaElsje Designs 021 882 8010, 083 253 5556 www.elsje.co.za F Forever 21 021 555 3324, 011 805 0809Forever New 011 883 4585, 012 365 3457, 021 419 4552Foschini 021 938 1911 www.foschini.co.za G Green Cross 021 507 9700 www.green-cross.com H H&M 0860 690 707 www.hm.com/zaHandmade By Me www.handmadebyme.co.zaHavaianas 021 425 2521,…

Intekenaanbod (bl. 68) 1. Die eerste korrekte inskrywings wat getrek word, wen die pryse. Die beoordelaars se beslissing is finaal en geen gesprek of korrespondensie sal daaroor gevoer word nie. 2. Die wenners sal telefonies verwittig word en hul name sal in ’n latere stadium op die webtuiste SARIE.com verskyn. 3. Die pryse is nie oordraagbaar nie en is nie vir kontant omruilbaar nie. 4. SARIE bied hierdie wedstryd namens Beaucience as ’n diens vir haar lesers aan. Beaucience voorsien en is verantwoordelik vir die pryse. SARIE aanvaar geen verpligting hoegenaamd t.o.v. die ontvangs van die pryse of gestanddoening van die voordele daaraan verbonde nie. 5. Werknemers en hul gesinne van Media24 (SARIE se moedermaatskappy), Beaucience en hul reklamemaatskappye mag nie aan die wedstryd deelneem nie. 6. Media24 en Beaucience…

Skielik was dit daar. Soos ’n vuur wat vanuit ’n heilige plek in die diep binnekant van die hart aangesteek word. Telkens as ek dit sien, staan ek in verwondering. Hoe is dit moontlik? Iemand wat netnou nog geen hoop, geen vrede, geen blydskap gehad het nie. Verswelg deur hartseer en neerdrukkende omstandighede. Moeg vir die geveg van die lewe. Oorweldig deur ervarings aan die donker en bitter kant. Ek het ’n kantoor met ’n uitsig op die Outeniqua-berge. As ek op een balkon staan, is dit berg en tuin. Op die ander is dit berg en see daar in die verte. Ek ry daarheen met die kronkelpad vanaf Wildernis. Sien die berg aan Hoekwil se kant. Dan die see hier links wat speel soos ’n sorgelose kind. Dan verby…

Wanneer ek my kinders saans bad, is die water bruin. Waar sou dit in Engeland gebeur het?Minki Wie sou kon dink dat Minki van der Westhuizen, destyds die pin-up-liefling van die troepe in Irak, en op haar dag ’n sexy onderkleremodel en voorbladmeisie van Sports Illustrated SA se swembroek-uitgawes, uiteindelik op haar gemaklikste sou wees tussen die beeste, wingerd en stof. Aan’t gesels met ’n handvol van ons land se boere. In net ’n kort tyd het Minki se natuurlike aanslag en spontaneïteit voor die kamera haar een van SA se mees geliefde TV-aanbieders gemaak. Vra ’n bietjie rond en mense sal sê sy’s die beste en gewildste aanbieder van kykNET se maatsoek-werklikheidsprogram Boer soek ’n vrou (seisoen 9) nog! Sedert begin vanjaar is sy ook ’n veldaanbieder van kykNET…

Dis vir my lekker dat mense my as ’n kennis sien, eerder as ’n bekendeJohrné KOM LUISTER NA JOHRNÉ Sy gewilde praatjie vir vroue, Om die rok in die huis te dra , is deel van SARIE se eerste fees vanaf 16-18 Maart. Dit vind by die Atterburyteater in Pretoria plaas. Kyk op bl. 40 vir meer inligting. Johrné van Huyssteen was al by soveel openbare platforms betrokke dat hy vir baie Afrikaanse mense soos ’n ou vriend voel. Van sy verhoogdae saam met die musiekgroep ddisselblom destyds tot aanbieder van DeKat TV. Dan was hy ook al ’n radio-omroeper, skrywer en solosanger. Maar ’n ego het hy beslis nie en as jy met hom gesels, raak die praat só lekker dat die tyd vinniger aanstap as…

’n Vrou het ’n man nodig om haar rug te was, maar nie om haar handsak te dra of selfs net vas te hou terwyl sy na klere kyk nie. Dit laat jou aardig voel, om nie te praat van hoe simpel dit op enige afstand lyk nie. Sy’t jou vanselfsprekend nodig vir baie ander dinge. Daar’s die voor die hand liggende (“Dink jy nie die gras moet ’n slag gesny word nie?”) tot om agter haar te kyk wanneer julle by die huis uitgaan. (“Jou label steek uit.”) Wanneer julle vir ’n naweek weggaan, reël jy als. (Sy’s eintlik beter daarmee, want sy vra meer vrae en of daar nie afslag is nie.) Om haar vas te hou wanneer dit sleg gaan of sommer net. (“Toemaar, dis nie so…

 Janine van Zyl het al van skooldae ’n “vreemde belangstelling” gehad in die fynskrif op etikette van vervaardigde produkte, ook massavervaardigde roomys. Gou-gou het sy besef mense word die voorreg van regte roomys ontneem. Op 16 het sy al ’n Krupps-masjientjie gekry om vir haarself die ware Jakob te maak. ‘GESONDE ROOMYS – IN 800 GEURE!’ Janine van Zyl, eienaar van Cold Gold Artisan Ice Cream & Sorbet, Stellenbosch Vandag is Janine (25) die eienaar van Cold Gold in Bosman’s Crossing op Stellenbosch, waar sy en haar span roomys maak sonder chemikalieë, preserveermiddels, kunsmatige geure, kleure of stabiliseerders. Die bestanddele is organies en van plaaslike verskaffers. Op hierdie 50 m²-perseel skep sy vir jou enige geur. Janine was net 20 toe sy die onderneming begin het, nadat sy eers as…

Die magsgevoel wat hy kry as hy jou ’n rat voor die oë kan draai, is ’n beloning Lu-Anne, verhoudingsafrigter Toe Anita Venter laat in 2015 vir Pieter* by Sun City ontmoet, was sy byna dadelik “malverlief ”. So halsoorkop verlief dat sy kort daarna vir haar man van 38 jaar gesê het hul huwelik is verby. “Pieter het nie sy onderste tande gehad nie, maar ek het gedink hy het die mooiste glimlag. Hy was so positief en het altyd net die mooiste goed vir my gesê – dat ek die enigste vrou vir hom is, hoe mooi ek is. Sy positiwiteit was aansteeklik,” onthou Anita daardie eerste dae. Vir byna vier maande het Anita, ’n suksesvolle sakevrou, en haar “dokter”, soos hy hom voorgedoen het, soos konings geleef…

DRA GROEN Die Pantone-kleur van die jaar is Greenery. ’n Vars en verfrissende kleur in onstuimige maatskaplike en politieke tye wêreldwyd, sê Leatrice Eiseman, uitvoerende direkteur van die Pantonekleurinstituut. Volgens haar is dit simbolies van ons verbintenis met die natuur, mekaar en ’n groter doel. AMARIA HOU VAN “As iemand wat baie op my voete is en heeldag rondhardloop, is ek lief vir ’n plat skoen. Hierdie aanglip-brogues van suède trek veral my aandag. Met die effense manlike aanslag gee dit aan ’n vroulike uitrusting daardie onverwagte element wat dit interessant maak.” Amaria Carstens ’N EERSTE VIR MODEHUIS Die grootste invloed op mode in die 1950’s was die “New Look”, wat die ontwerper Christian Dior wêreldwyd op almal se lippe geplaas het. Sedert dié luuksemodehuis se begin in 1946 was…

Lipkuns is besig om die skoonheidswêreld (en ons Instagram-blad) te oorheers! Grimeerkunstenaars, skoonheidsbloggers en grimeerliefhebbers wêreldwyd spog deesdae met unieke en interessante lip-ontwerpe op hul Instagram-blaaie. Dié trend gaan glo al hoe meer te sien wees soos wat meer en meer vroue waaghalsig raak met lipstiffie, volgens Will Malherbe, internasionale opleidingshoof van Smashbox. En as jy gedink het lipkuns is net vir diegene wat hul Instagram-blaaie wil opkikker, is jy verkeerd. Volgens Will kan lipkuns subtiel wees sodat jy dit van dag tot dag kan dra. Probeer een van dié voorkomste Ombré-effek: Wend ’n helderkleurige lipglans of lipstiffie in ’n romerige tekstuur oor jou lippe aan en skakeer verligterpoeier ( highlighter ) in die middel van jou lippe met ’n klein, plat kwassie. Twee kleure: Vee ’n rooi…

Al ooit gehoor van mesoterapie? Dit behels dat spesifieke aktiewe bestanddele met fyn naalde in die middelste deel van jou vel gespuit word om bv. tekens van veroudering, pigmentasie of selluliet te behandel. ’n Nuwer weergawe hiervan, sonder die gebruik van naalde, is nou by uitsoektakke van Placecol beskikbaar. Die terapeut gebruik ’n toestel wat die aktiewe bestanddele deur middel van drukking in jou vel “skiet”, daar waar dit nodig is. Met elke skiet-aksie versprei die produk deur jou vel sodat ’n groter deel behandel word. Die terapeut kan óf ’n verlies aan fermheid óf pigmentasie óf vaalheid behandel. Ek het laasgenoemde, die Meso Glow, beproef. Die behandeling is vir seker nie pynloos nie (dalk is my pyntoleransie net laag) en my vel was vir ’n paar dae lank gekneus…

TURKSVY-SHERBET Dis ’n soet konsentraat wat gewild is in Marokko en Midde-Oosterse lande. Dit word yskoud voorgesit met soda of limonade. genoeg vir 1 liter • 12 rooi turksvye, geskil en gesnipper • 250 ml suiker • saadjies van 1 vanieljepeul • 100 ml water • sap en gerasperde skil van 4 lemmetjies • 100 ml tequila (opsioneel) • 1 liter yskoue limonade Plaas turksvye, suiker, vanieljesaadjies, water, sap en skil van lemmetjies in middelslagpot en bring tot kookpunt oor lae hitte. Laat kook 10-12 minute tot vrug sag en pap is. Puree met staafmenger tot gladde mengsel. Plaas in yskas tot yskoud. Gooi stroop in opdienbeker en voeg tequila en hande vol ys by. Vul met limonade en meng deur. Sit voor. HET JY GEWEET ? In Mexiko word 100% suiwer agawe-tequila skoon gedrink – stadig…

Omdat meer mense tyd by die huis deurbring as gevolg van die moeilike ekonomiese tye waarin ons leef, is die fokus meer om jou plek in ’n knus ruimte te omskep. Dit is in die mens se natuur om iets te wil versorg en een van die redes hoekom huisplante so ’n groot terugkeer maak. Dit werk stedelike verveling teen en veral kaktusse simboliseer moed en oorlewing. Nie net is dié geharde plante maklik om te versorg nie, maar moderniste beweeg na meer gekurfde en ronde vorms. Geometriese patrone, veral uit die natuur, is gewild. ’n Kaktus ontlok baie emosies. Die voorkoms is sterk visueel met stekelrige dorings, besonderse skakerings van groen, maar speels met fyn delikate blomme in sagte kleure. Geen wonder Pantone (internasionale kleur-analiste) se kleur van die…