Indholdsfortegnelse for April 2017 i SARIE

Dertig jaar en hy gaan gróót! Hoe dan anders, want as daar één ding is wat Nataniël verstaan, is dit ’n sense of occasion. Goed in die lewe, groot en klein, wat gevier moet word. Moeite-werd-dinge wat met oorgawe omhels moet word. Jy weet al, as jy iets van Nataniël gaan kyk, luister of lees, sal jy meegevoer word na ’n wêreld van die vreemde, die wilde en die volslae wonderlike. Sy drie dekades in die bedryf, sê Nataniël in ons onderhoud met die kunsjoernalis Diane de Beer op bladsy 20, sal dié jaar ’n heeljaar-feesviering wees met ’n nuwe CD, ’n nuwe boek en ’n nuwe show. Dit sal oordadig wees. En ja, ons gló hom! Nooit sal ek die keer vergeet toe ek Nataniël gebel het om te…

‘ Dit was'n # jol op stel’ 10 VINNIGE FEITE OOR MARKO Francois Lensley sluit vandeesmaand aan by ’n eksklusiewe groep – die handjievol mans wat al op ’n SARIEvoorblad was. Francois, bekend vir sy rol as Marko in 7de Laan, het die fotosessie en reünie met sy twee oudkollegas, Nina Swart en Elma Postma, gate uit geniet. “Dit was soos om saam met familie te wees toe ons weer almal voor die kameras was.” Het jy geweet? * Op die kleinhoewe in Midrand waar Francois woon, het hy al 24 soorte inheemse bome, 10 proteas en 8 spesies broodbome geplant. Hy’t ’n magdom inheemse aalwyne en Suid-Afrikaanse medisinale plante. In sy groentetuin is van radyse en murgpampoentjies tot agurkies en artisjokke. * Hy’s nie regtig ’n man vir…

Die weer kan sonnig, stormagtig, onvoorspelbaar of onplesierig wees. En so ook jou bui. Maar is daar ’n verband tussen die twee? Maak die reën jou hartseer? Kan jy op ysige winterdae maar net beaam wat Laurika so raak in haar liedjie Winter* vasvat? “. . . Die weerhaan op die kerktoring Skrop nes, die sterre word geblus . . .” Die weer se impak op jou liggaam en die natuur is so wyd, ’n hele wetenskaplike studieveld fokus daarop: Bioweerkunde. In dié klein maar diverse veld ondersoek atmosferiese wetenskaplikes die uitwerking van die weer op diere, plante en mense. Dis nie so maklik om te bepaal wat presies die invloed van sekere weerpatrone op jou liggaam is nie. Om ’n weerkundige by een van ons universiteite aan te haal:…

Dis ’n verhaal waaraan jy en jou pa vir oulaas kon saamwerk – hy is oorlede voor hy die eindproduk kon sien. Was dit moeilik om die fliek te voltooi? Dit was moeiliker as wat ek kan beskryf. Om konstant met sy werk gekonfronteer te word direk ná sy dood was pynlik. Julle het saam aan dié draaiboek geskryf. Watter herinnering (hieraan) sal jy veral koester? Die tyd wat ons saam spandeer het tydens die verwerking, was kosbaarder as enige ander aspek. Heel moontlik die gelukkigste jaar van my volwasse lewe. Ek kan nie een oomblik uitsonder nie. Miskien die oomblik toe ek besef het hy hou van my verwerking van sy radiodrama van 1971. Veral oor hy aanvanklik skepties was oor my idee om sy oorspronklike storie te moderniseer.…

89 bottels vir dié rok Sou jy kon raai dié wasige aandrok is van plastiek gemaak? Die rok is deel van die internasionale klerewinkelgroep H&M se volhoubare Conscious Exclusive-reeks. “Bioniese” materiaal word vir die eerste keer in die reeks gebruik. Bionic Yarn is H&M se gepatenteerde weefstof wat van herwinde PET-plastiekbottels gemaak word. Die bottels word deur ’n hitteproses in vesels afgebreek en tot ’n sysagte materiaal geweef. Altesame 89 standaardgrootte bottels – 30% daarvan uit die see – is gebruik om dié rok te maak. Prys: R2 999. Met ons Conscious Exclusive-reeks wil ons mode volhoubaar maak en volhoubaarheid mode! Al die klere is vervaardig van volhoubare materiale en gee ons ontwerpspan die kans om met nuwe en interessante materiale te eksperimenteer Anna Gedda, H&M se hoof van volhoubaarheid…

Haarstyl van die oomblik Maak nie saak wat die geleentheid is nie, jy kan nie verkeerd gaan met ’n sagte opstyl nie. By die Golden Globe-toekennings het die beeldskone aktrise Lily Collins ’n hoë bolla met ’n visstert-vlegsel gekombineer. Volgens Pinterest se trends-lys vir 2017 is dié styl vanjaar in die kol. Dit lyk die mooiste by voller hare met hope tekstuur. Probeer dié produkte: MOOI MET MASKERS Gesigmaskers takel etlike velprobleme. Deur dit net een of twee keer ’n week te gebruik, kan jy van droogheid en vaalheid tot oortollige olierigheid en ’n akneevel behandel. Probeer IN JOU 40’S begin tekens van veroudering soos droogheid, plooie, donker vlekke en ’n minder ferm vel meer prominent raak. ’n Nuwe produkreeks van die plaaslike velsorghuis Nimue, Age Intelligent, is spesiaal ontwikkel…

SIEN KOOPGIDS OP BL. 128…

KORTPAD MOSBOLLETJIES VIR ONTBYT Ja, ek weet, die fynproewers gaan my dalk wil stenig omdat ek winkeldeeg met anys in mosbolletjies noem. Maar mos is mos nie altyd beskikbaar nie. Knie 40 ml anyssaad in 500 g uitgerysde winkeldeeg in en plaas in skoon mengbak wat met olie gesmeer is. Laat rys weer op warm plek tot dubbel die volume. Verdeel deeg in 8 ewe groot stukke en rol in netjiese ronde balle. Spuit ’n broodpan van 20 x 25 cm met kleefwerende kossproei en pak deegballe in pan. Laat rys nog 25 minute of tot dubbel die volume. Terwyl deeg rys, verhit oond tot 180 °C. Bak uitgerysde deeg 25-30 minute of tot goudbruin. Kook 200 g (250 ml) suiker en 125 ml water vir 10 minute en verf…

Dr. Fourie se wenke OORWEEG LABORATORIUMTOETSE Soos ’n 24-uur-bynier-stres-indeks, ’n speekseltoets wat onder meer jou kortisol- en ander hormoonvlakke deur die dag/nag meet. (Jy self neem die monster en ’n laboratorium toets dit.) Volgens dr. Van der Walt is bloedtoetse ook doeltreffend. Die tyd wanneer die bloed getrek word, is egter belangrik. Kortisolvlakke moet soggens teen agtuur gemeet word en weer twaalfuur snags. (Laasgenoemde is ’n speekselmonster.) IDENTIFISEER CHRONIESE STRESSORS Dit kan insluit van kos-intoleransie en emosionele stres tot oormatige oefening en outo-immuunsiektes. Die snellers kan dus wyd wees. HAAL ASEM! Maak deur die dag tyd daarvoor: Raak bewus van jou asemhaling, ’n goeie manier om jou brein-bynierkommunikasie te kalmeer. Beoefen mindfulness- (wees-in-die-oomblik-) tegnieke. DOEN JOGA OF TAI CHI ’n Uitstekende manier om meer balans in jou lewe te bring.…

Jolig, sokkiejol, bokjol, of sommer net #jol. Die woord kom waarskynlik van die Nederlandse “jolen” wat beteken om “uitgelate te wees” of “om op luidrugtige wyse pret te maak”, sê dr. W.F. Botha van die WAT. In Afrikaans het die betekenisse van “partytjie hou” en “flirtasies aanknoop” egter bygekom. So ook, veral seunstaal, “om te speel”, bv. “Hy jol graag rugby”. Wanneer #jol beteken “om partytjie te hou” of “om te flirteer” word dit met die klank van ’n Engelse j uitgespreek. Die uitspraak is óf ’n verengelsing van die Afrikaanse woord óf dit is oorgeneem uit die taal van die Kaapse bruin mense. Nog woorde waarvan ons in dié uitgawe hou, is liewenheersbesie en toktokkie.…

Uit seer kom ook groei en herstel Ná 13 jaar van getroude lewe, op 13 September, het iemand, 13 jaar jonger as ek, my fondament – sterk en onbreekbaar – onder my uitgeruk. Intuïsie is seker ’n vrou se sterkste wapen. Ek het besef my man is ’n vreemdeling. Ek het nooit besef hoe gevaarlik ’n emosionele affair kan wees nie. Hulle is dan net goeie vriende en kollegas. Maar skielik het hy ’n vertroueling gehad. Sy was die sagte oor, die sagte plek waar hy homself kon wees, kon sê wat hy wou, sonder om te dink. Ek het myself skielik deur sy oë gesien – 42, onfiks, sonder waagmoed, met te veel roetine. Ons laaste maande saam moes hel gewees het. Ons het albei erken ons is ongelukkig.…

4 000 episodes word beskou as ’n mylpaal vir sepies in Suid-Afrika. Nog net een ander sepie, Egoli, kon dit tot dusver regkry. Twee dae lank was drie van die ou bekendes wat in 2000 in daardie eerste episodes van 7de Laan gespeel het, saam met die huidige span op stel. Die twee kelnerinne van destyds, Wilmien de Lange (Nina Swart) en Dezi Terblanche (Elma Postma) , en kunstenaar Karien Momberg (Christi Panagio) het weer skouers geskuur met al die ou bekende asook nuwe karakters wat oor die jare bygekom het. En dit klink of hulle heel #jol-ig op stel was. Francois Lensley, bekend vir sy rol as Marko Greyling in 7de Laan, vertel hy het die reünie met sy oudkollegas gate uit geniet. “Op stel, destyds, het ons baie…

Op die dorpie Hectorspruit, tussen Malelane en Komatipoort in Mpumalanga, skyn daar altyd in die middernagtelike ure ’n strepie lig net bokant die garagedeure van een huis in Sekelbosstraat. Hier, in sy ateljee, skep ontwerper Floris Louw die fabelagtige kostuums wat al Nataniël se handelsmerk geword het. En op die oomblik is hy letterlik omring met “tonne” materiale, teksture, kleure, vere, kostuumjuwele, brokaat, kristalle, blomme . . . die eerste fase van sy werk vir Nataniël se jongste produksie, 30 Years, 90 Minutes, wat sy drie dekades op die verhoog vier. Geen ruimte sal óóit groot genoeg wees vir Nataniël se kostuums nie, sê Floris, net half-skertsend. “Een van my grootste uitdagings was toe ek nog in Pretoria in ’n tuinwoonstel gebly het. Dit was ’n uitrusting met ’n 15…

BLOEDDRUK: Wanneer atmosferiese druk verminder, val jou bloeddruk. Laer temperature veroorsaak ook dat jou bloedvate vernou. Dus is bloeddruk oor die algemeen in die somer laer, volgens Weather.com . HARTAANVAL: Vir elke 1 °C wat die temperatuur in ’n enkele dag daal, is daar sowat 200 bykomende hartaanvalle in Brittanje, volgens ’n studie in die British Medical Journal . Bloed word dan taaier, bloeddruk hoër, die hart werk harder en die risiko vir bloedklonte is waarskynlik groter, volgens scientificamerican.com . ASMA/ALLERGIEË: Die wisseling van seisoene en warmer weer vererger asma en allergiese simptome. Lugbesoedeling speel ook toenemend ’n rol. HOOFPYN: As die temperatuur verander, hetsy as gevolg van ’n hittegolf of kouefront, maak dit ’n hoofpyn/migraine meer moontlik. Sonnige, warm dae…

Waar woon julle? Ek en my man, Ralph, met wie ek al 33 jaar getroud is, woon in Byron Bay. Dis ’n klein kusdorpie en ’n baie gewilde toeristebestemming. Dis reg aan die mees oostelike punt van Australië. Van waar in SA is jy oorspronklik? Ek is gebore op my pa se katoenplaas in Botswana. Daarna het ons Suid-Afrika toe getrek en ek het grootgeword in Boston, Bellville in Kaapstad. Ek het in 1983 na Australië geëmigreer omdat ek met Ralph, ’n Aussie, getrou het. Sy lewe was hier, so ek het my hart gevolg. Wat doen julle daar? Ons voer meubels, huisware en ligte van oor die wêreld in. Ons het ’n huiswareemporium, Bisque, op ’n klein dorpie, Bangalow, met net 2 000 inwoners. Dis naby aan waar ons…

In die 90’s was sy een van die sogenaamde Magnificent Seven – sewe modelle só bekend dat hul aanhangers hulle net op hul voorname geken het. Die Deen Helena Christensen met haar ysblou oë en vurige houding het die wêreldloopplanke saam met Cindy Crawford, Claudia Schiffer, Naomi Campbell en Kie. oorheers. Vandag smeul Helena steeds voor die kamera, maar sy is ook ’n gerekende internasionale fotograaf en ’n sakevrou wat al haar eie klerereeks ontwerp het. Nou het sy ook tot die velsorgbedryf toegetree. Sy is verlede jaar as ambassadeur van die plaaslike velsorghuis Nimue Skin Technology aangewys en het gehelp om die huis se splinternuwe reeks, Age Intelligent, te ontwikkel. Dis persoonlikheid en intellek wat ’n vrou mooi maak, glo Helena. En daarmee saam selfvertroue, selfrespek en grasie. *…

Die nuwe grimeerreeks van die skoonheidshuis Dior , Colour Gradation, bevat blosser, oogskadu, naellak en lipstiffie in skakerings soos rooi, pienk, pruim, blou en koraal. Die kleurpalette, met skakerings van lig na donker, is geskep om ’n subtiele óf meer dramatiese grimeervoorkoms te skep. Pryse vanaf R425. Beskikbaar vir ’n beperkte tyd by uitsoektakke van Edgars en Red Square Hoekom is dié room sy prys werd? La Prairie Line Interception Power Duo (R5 900) is ’n dag- en nagroom slim verpak in een bottel, maar dit is in die dagroom waar die krag lê. Soos wat ons emosie op ons gesig uitdruk, vorm lagplooitjies en fyn lyntjies oor tyd. Spesiale peptiede in dié produk se dagroom belemmer jou gesigspiere se vermoë om saam te trek en help sodoende om die…

Oeps, dié een het ons nie sien kom nie. Oranje in 2017. So saam met Greenery, die amptelike kleur van die jaar, laat oranje van haar hoor in dekor, mode en skoonheid. As ’n fokus-skakering hier en sommer ’n hele fiësta van kleur daar. Pinterest wys daar’s ’n toename van 59% in oranje borde, en dat “blorange”, ’n kombinasie van bloedrooi en oranje, ’n warm haar-trend is. Glo ’n skakering wat elke velkleur en haartipe pas. Kenners is dit eens oranje staan vir energie, opwinding en aksie. Maar meer nog, dit sê soms hokaai!, stadig-stadig, want dis ook die kleur van vriendskap, vennootskap en liefde. En as jy nog wonder, ja, dit is ’n pasmaat vir byna elke ander skakering in die reënboog - groen, blou, rooi, lila, noem maar…

“Ek kan nie ’n tyd onthou toe ek nie angstig was nie. Ek het ook gedurig ’n knieserigheid onder lede gehad. Eers aanmekaar mangelontsteking. En nadat my mangels op twaalf verwyder is, sinus-infeksie klokslag met die draai van die seisoen. My werk by ’n advertensiemaatskappy was stresvol en my sinusprobleem nou chronies. Ek was altyd aan die gang en het elke dag fietsgery, geswem en die gimnasium besoek. Ek het geëet wanneer ek onthou en dan wat byderhand was. Gewoonlik ou brood. Vakansie was vir ander mense. Op 32 is ek getroud en ek het na ’n ander stad verhuis. Skielik was ek te moeg om te leef. Ek kon nie my strawwe oefenpatroon volhou nie. Snags het ek twaalf uur lank geslaap en doodmoeg opgestaan. My man het self…

A @home 0860 057 6576 www.home.co.za B Block & Chisel 010 593 9308, 011 442 0809, 021 712 5193 www.blockandchisel.co.za C Clarks 011 616 0328, 011 675 7377, 012 361 1027 www.clarkssa.co.za F Footwork 011 345 8000 www.intershu.co.za/footwork H H&M 0860 690 707 www.hm.com/za K K. Light Import 021 552 4370, 011 312 1247 www.klight.co.za L Levi’s 011 630 4000 www.levis.co.za M Makro www.makro.co.za Monocoat www.monocoat.co.za Mr Price 0800 212 535 www.mrp.com Mr Price Home 0800 212 535 www.mrphome.com P Poetry 0860 555 529 www.poetrystores.co.za S Steve Madden 011 784 0406, 012 348 4646, 021 552 3722 www.stevemadden.co.za W Weylandts 0860 103 400 www.weylandts.co.za Z Zando www.zando.co.za Zara 011 302 1500, 021 446 8700, 031 536 6440…

Ons is in die buiteland, ek en my broer en ’n vriend. Dis onbeskof koud en ons loop met swart jasse en breë serpe in klipstrate. By elke winkel, groot en beroemd of klein en eksklusief, gaan ons staan. Ons blaas wasem teen die ruite, wys met ons vingers en stoot uiteindelik die deur oop. Tien minute later is ons terug in die straat, ek met ’n nuwe sak in my hand. Gee vir my, ek sal dit dra, sê die vriend. Nee, ek is oukei, sê ek. Nee, gee vir my, dan kan jy beter shop, sê my broer. Twee strate verder verloor ek die oorlog en iemand neem die sak by my. Ek kyk jaloers daarna. Dis kleinerig, gemaak van luukse papier, die handvatsels is van materiaal, geweef…

Desember in die restaurant-saal van die Kaapstadse Internasionale Lughawe. Ek wag op die akteur Tobie Cronjé, wat vir ’n heen-en-weertjie van Johannesburg af Kaap toe kom. Hier, tussen die bont klank en kleur van ’n uitbundige klomp mense op pad na ’n vakansiebestemming, gaan ons gesels. Op plastiekstoeltjies met ’n uitsig oor die rustelose gang van vliegtuie. Dis net hier waar ek aan my koffie verstik. Ek hang snakkend na asem oor die tafeltjie, rooi in die gesig. Niemand knip ’n oog nie. Ek kan aan die man naaste aan my vat – hy kyk nie eens op nie. Afsydigheid maak in ’n oogwink plek vir warmte toe Tobie oorkant my neersak. Vriendelike gesigte draai na ons toe, skielik is ek almal se pêl. Die Tobie-effek. Sy slungel-lyf en kenmerkende…

Die gesig van mode is stylvol, maar daaragter skuil ’n somber werklikheid. Die aarde wankel onder die impak van die bedryf. Dit is net té afhanklik van ons kosbare natuurlike hulpbronne. Hoe klere en tekstiele vervaardig word en hoe ons oor mode dink en dit verbruik (koop en weggooi), móét verander. Só sê Karl-Johan Persson, uitvoerende hoof van H&M. Met ander woorde, elke skakel in die voorsieningsketting moet volhoubaar wees. “Closing the loop”, waar uitgediende modeprodukte opnuut die bron en inspirasie vir bekostigbare nuwe mode-items van gehalte word. Mode wat die kringloop voltooi tot voordeel van al die rolspelers, ook van Moeder Aarde. * Sien ons modestorie (bl. 70) met die nuutste volhoubare mode-items van H&M.…

“Komedie is soos ’n borrel in jou maag, ’n seepbel so lig . . .”Esther Ontmoet Muisie, of Moemie, soos sy na haarself verwys. Sy met die Daisy de Melker-haarstyl, tiervel-broek om volronde kurwes, helikopter-ma-uit-die-hel. Mos ma en bestuurder van ons plaaslike holriet-sensasie, Marinda, met haar eie mini-werklikheidsprogram op Republiek van Zoid Afrika (kykNET). Daar is ook die derde wiel aan die wa, Mielie, die bietjie “af ” sussie. “Ek ken glad nie iemand soos daai vrou nie,” sê Esther von Waltsleben, Muisie (dapper muis, sy!) se alter ego. Jy eien haar dadelik as Moemie, selfs in haar private domein: Die kleurryke huis wat sy en haar gesin op ’n skilderagtig-mooi wynplaas naby Stellenbosch huur. Haar hare val in sagte krulle en sy is in jeans en kaalvoet. Maar daai…

Vir drome is geen paspoort nodig, Vir drome is bagasie ook oorbodig Uit die gedig “Drome” deur Johann de Lange (’n Hunkering se grein, Human & Rousseau, R175) Hello, is this planet Earth? TIM PEAKE (CENTURY, R455) Ek kyk dikwels in die lug op en wonder oor die misterie van die buitenste ruim, maar in hierdie uitsonderlike boek gee die Britse ruimtevaarder Tim Peake ons ’n kykie na die aarde van die Internasionale Ruimtestasie af. En die foto’s van daar bo uit die hemelruim is asemrowend! Hy vertel watter groot uitdaging dit was om die foto’s te neem, want dit het deeglike beplanning, en dikwels ’n skeut geluk, geverg om dit tussen sy eksperimente en instandhoudingswerk deur reg te kry. Wanneer jy deur sy oë kyk na planeet Aarde,…

BEELDHOUWERK Struktuur en vloeibaarheid word verkry met dié top uit twee gebonde volhoubare materiale, herwinde poliëster en organiese sy. Asimmetriese kuns! Swart van-die-skouer-af-top van herwinde poliëster en organiese sy (R799), H&M. Wit oorgroot asimmetriese hemp met fyn blou streep van organiese katoen en sy (R799), H&M. Franse vlootblou hoëmiddellyfbroek van organiese gekeperde sy (R1 499), H&M. Swart ingliphak van herwinde poliamiedmengsel (R1 499), H&M. GROOTTES Top: 34 – 42 Hemp: 34 – 42 Broek: 34 – 42 GEMENGDE MEDIUM Meer as net ’n baadjie. Dié borduur- en appliekwerk op ’n mengsel van organiese katoen en herwinde poliëster is prentjiemooi. Ligblou baadjie van organiese katoen en herwinde poliëster (R4 499), H&M. GROOTTES Baadjie: 34 – 42 SKEPPENDE KUNS Jacquard-materiaal word uit herwinde poliëster vervaardig. Vir dié rok is gespeel met die…

Houtskool is tans baie gewild aangesien dit ’n kragtige reiniger en detoksmiddel vir jou vel is, sê Diana van Sittert, nasionale opleidingsbestuurder van Dermalogica. “In ons moderne wêreld waar osoonbesoedeling een van die grootste oorsake van velveroudering is, is ’n produk wat dieper reinig al hoe belangriker.” Osoongas, die hoofbestanddeel in stedelike rookmis, beskadig jou velwand, laat jou porieë makliker verstop en belemmer jou vel se vermoë om homself te herstel. Op die lange duur kan dit veroorsaak dat plooie en fyn lyntjies vinniger vorm, jou vel fermheid verloor en jou veltekstuur growwer is. Om dié rede word al hoe meer velsorgprodukte soos maskers, gesigreinigers en lyfseep met houtskool as sterbestanddeel bekend gestel. Hoe werk dit? In skoonheidsprodukte word ’n suiwer vorm van houtskool, geaktiveerde houtskool, gebruik, sê Diana. Een…

Rek die tyd tussen jou haarsalonbesoeke met dié slim produkte wat grys by jou haarwortels verdoesel. Jy kan kies tussen ’n sproei en poeier. Die kleur lyk natuurlik en was maklik uit. Te kry in 3 verskillende bruin skakerings. ’n Weergawe wat ontwikkel is om blondines se donker haarwortels weg te steek, is ook beskikbaar. By Clicks. Die oorspronklike Gucci Bambooparfuum met note van lelie, vanielje, sandelhout en amber word vir ’n beperkte tyd in dié mooi pers bottel verpak. Dit herinner aan ’n ametissteen. Die aktiewe bestanddeel Q10 kom natuurlik in jou vel voor. Q10 verskaf energie aan jou selle sodat dit optimaal funksioneer én help om dit teen skade te beskerm sodat jou vel langer jonger lyk. In dié serum is Q10 in ’n hoër konsentrasie in pêrelagtige…

DIE GASTEKAMER Die twee gewelbeddens pas knus in die lang, smal kamer. Sigbaar is die dik mure, wat die huis heerlik koel hou teen die Karoo-son. DIE KOMBUIS Dis Helene se koninkryk. Uit dié kombuis word die heerlikste geregte berei, wat lyk asof dit sommer net so moeiteloos verskyn. Die kombuis is ingerig met los kaste en ’n groot laaikas wat hulle op ’n vendusie gekoop en in ’n eiland in die middel van die kombuisvloer omskep het. Met die SARIE-span se besoek het haar buurvrou Selma Nel ons vroeg een oggend verras met ’n tipiese Karoo-ontbyt: veerligte vetkoek, groenvye, tuisgemaakte appelkooskonfyt en heerlike brosgebraaide skaapribbetjie. DIE FORMELE EETKAMER Vir spesiale geleenthede word die tafel koninklik gedek deur Jana en Karla. Die ongewone kleurkombinasie van geel en osbloed-rooi dra by…

Etenstyd in die Karoo Die OppieStoep'-storie van dr. Steyn Smit - van die Karoo-boer wat glo by Bet vars groente as hy'n blikkie "baked beans" oopsny en die vervaldatum is nog erens vorentoe - is so half waar. So ook die res van die Worcesterdokter se storie - oor die paar koolp lantjies wat net in die klam kolletjie teen die opgaardam by die windpomp kan groei, en vir groeni g heid met die steenbokke gedeel moet word. Want buiten ingelegde beet en boontjies is groente en slaai nie hoog op'n Karoo-boer se prioriteitslys nie. Dis eintlik die vet skaapribbetjie wat vir meer as twee uur skuins tussen braaikole gestut word en net so 20 minute voor afhaaltyd'n laaste sprinkel sout, peper en suurlemoensap oor kry. En dan…

5 gelukkige SARIElesers kan elk Die Suid-Afrikaanse Melktertversameling (Human & Rousseau, R280) wen. In dié boek neem Callie Maritz en Mari-Louis Guy jou op ’n reis van die ontstaan tot die toekoms van melktert – die geur van nostalgie vir elke Suid-Afrikaner en ’n blywende simbool van ons baktradisies. Daar is regtig ’n melktert vir elke okkasie en na elkeen se smaak. Korsloos of een met ’n handgemaakte skilferkors-kraag met etlike lagies, of ’n krummelrige broskors of koekiekrummelkors. Vir geursel kan jy kaneel, nartjieskil, perskeblare, neutmuskaat of ’n vanieljepeul, en selfs amandelgeursel, karamel, sitrusskil of kardemom gebruik. Resepte in die boek gee dit selfs ’n bietjie skop met ’n skeut rum of brandewyn. Callie en Mari-Louis wys jou ook melktert is veelsydig en hoef nie net…

Intekenaanbod (bl. 68) 1. Die eerste korrekte inskrywings wat getrek word, wen die pryse. Die beoordelaars se beslissing is finaal en geen gesprek of korrespondensie sal daaroor gevoer word nie. 2. Die wenners sal telefonies verwittig word en hul name sal in ’n latere stadium op die webtuiste SARIE.com verskyn. 3. Die pryse is nie oordraagbaar nie en is nie vir kontant omruilbaar nie. 4. SARIE bied hierdie wedstryd namens TRESemmé as ’n diens vir haar lesers aan. TRESemmé voorsien en is verantwoordelik vir die pryse. SARIE aanvaar geen verpligting hoegenaamd t.o.v. die ontvangs van die pryse of gestanddoening van die voordele daaraan verbonde nie. 5. Werknemers en hul gesinne van Media24 (SARIE se moedermaatskappy), TRESemmé en hul reklamemaatskappye mag nie aan die wedstryd deelneem nie. 6. Media24 en TRESemmé…

As dit ná middernag is, dan kan jy nie anders nie. Jy móét net sien. Jy móét hoor. Ná middernag kan jy nie haastig lyk nie. Die vulstasie is te stil. Jy kan nie anoniem bly nie. Jy kan wegkyk, ja, maar dan sal jy weet en sy weet jy het besluit om niks te sien nie. Jy sal weet en sy sal weet dat jy nie eens probéér het om haar beter te laat voel nie. Jy kon iets gedoen het. Jy kon ’n koffie gekoop het. Jy kon gevra het wat is fout. En wat sal jy van jouself dink as jy môre onthou jy het weggekyk? Dis hoe my seun dit vertel. Dit was eenuur in die oggend ná sy skof as sjef by ’n vyfster-restaurant. Partytjiemusiek…