Indholdsfortegnelse for June 2017 i SARIE

Dinge wat in is; dinge wat uit is. Of ons dit nou wil weet of nie, ons word elke dag beïnvloed deur die geur van die dag, die gier van die seisoen en die tendense van die jaar, of era. Kyk maar na jou ou foto’s vir bewyse. Daar staan jy met uitklokjeans, platformskoene en hare gesny in ’n Purdey (aktrise Joanna Lumley se haarstyl in die TV-reeks The New Avengers in die 1970’s). En ja, die sitkamerbank is oranje en in die hoek hang ’n potplant toegeweef in macramé. Maar wag, uitklokjeans is weer met ons, ook platformskoene, en die Purdey-styl het net nou die dag opnuut sy opwagting op die rooi tapyt in Hollywood gemaak. Oranje is ook een van die gewilde skakerings vir 2017. En macramé? Ja,…

Hoekom skaam wees? Liewe mevrou die uitstaller, ek sal nooit daardie agterna-kyk vergeet toe ek onverwags omdraai en ons oë ontmoet nie. Jy het dit nie verwag nie, maar soos jy, is ek nie skaam nie. Ek stap trots saam met dié twee jong mans. God het my 24 jaar gelede die rentmeester van die wonderlikste seun gemaak en hom geseën met ’n talent waarop ons trots is. Mense wêreldwyd put genot daaruit. 27 jaar gelede is nog ’n wonderlike seun elders gebore. Hy is my seun se lewensmaat en vandag beplan ons hul huwelik. Ons stap deur die bruidsuitstallings en verwonder ons ook aan die mooi. Ons loop trots en skaamteloos langs mekaar, want hulle het nie die wêreld se toestemming nodig om te wees wat God hulle gemaak…

Jy het Kaapstad vroeër vanjaar gegroet. Hoekom het jy na Johannesburg verhuis? Ek het gevoel my tyd in die Kaap is verstreke, ek gaan stagneer as ek langer bly en vasklou aan die bekende goed. Ek is banger vir ’n lewe wat nie ten volle geleef is nie as vir een waar jy moet waag. Dis vir my belangrik om myself gedurig uit te daag, nuwe skills te leer en te ontwikkel. Ek sal nooit my musiek opgee nie, teater wil ek steeds doen, TV en flieks wil ek ook aanpak. Jou ma is in 2015 vier weke voor jou kleedrepetisies vir West Side Story se eerste speelvak in Kaapstad oorlede. Hoe verander so ’n verlies jou lewensuitkyk? Dit verander als. Jy aanvaar niks meer as…

Ek wil nie meer my gedagtes in uitgerekte truie indruk nie – Die vet weet, ek is moeg vir uitgewaste uitdrukkings En gaterige idees wat met dun gare aanmekaar geflans is. Uit “Die innerlike mevrou” deur Emma Bekker, uit haar digbundel, Skryn (Protea Boekhuis, R150) Traces and Tracks, A Thirty Year Journey with the San PAUL WEINBERG (JACANA, R380) Dié boek laat my met ’n diep gevoel van heimwee vir die mense van die San wat Weinberg afgeneem het. Die versameling foto’s strek oor 30 jaar en dokumenteer die kontras tussen die verlede en die hede. Almal van ons word geraak deur die wêreld wat verander, maar vir die San wat eens in nabye harmonie met die grond geleef het, is hul tradisionele leefwyse heeltemal omver…

Een van die interessantste maskaras wat SARIE se skoonheidspan nog gesien het! Jy kan die maskarabuisie se boonste deel draai tot by een van 3 verstellings – na gelang van hoeveel volume jy vir jou wimpers wil skep. Draai jy die buisie tot by die eerste verstelling, word die borsel met minder maskara bedek, en tot by die derde verstelling met meer maskara vir meer volume. ’n Dag-, nag- en lyfroom van Clarins help om donker vlekke te beveg en gee jou vel se helderheid ’n hupstoot. Die nuwe formules bevat ’n tipe kersie (acerola) wat die vermoë het om die vervaardiging van melanien (die kleurstof in jou vel wat donker vlekke kan veroorsaak) te verminder. Klei as bestanddeel in skoonheidsprodukte is bekend daarvoor dat dit jou vel goed reinig.…

Gebreide kombers  Grootte: 175 x 180 cm Benodigdhede 4 x 100 g-bolle Elle Pure Gold Chunky elk in 3 kleure van jou keuse; 2 x 100 g-bolle wit Elle Pure Gold Chunky; 5 mm-sirkelpen Spanning 15 ste en 30 rye in reksteek met 5 mm breipenne = 10 cm Afkortings: Sien bl. 89. Brei só H/aan 230 ste met 5 mmsirkelpen en een kleur. Brei sowat 74 rye (= 2 bolle) per kleur in reksteek, met 4 rye in wit tussen elke kleur. H/af alle ste.…

Brei blokke só Besluit self hoeveel blokke jy in koussteek of reksteek wil brei, maar sorg dat jy 14 wit, 14 grys en 17 beige blokke brei. Koussteek (brei 1 ry regs, 1 ry aweregs): Heg aan 28 ste en brei 40 rye, h/af. Reksteek (brei elke ry regs): Heg aan 26 ste en brei 48 rye, h/af. Hekel 18 blokke só Neem kleur beige en beg met 6 ks en las met gs om ’n ring te vorm. 1e rdte: 3 ks (= 1e lb), 23 lb in ring, las aan beg-ks (= 24 lb), h/af. 2e rdte: Neem wit, 3 ks (= 1e lb), 2 lb in vlg lb, 1 ks, * slaan 2 lb oor (3 lb in vlg lb, 2 ks, 3 lb in dies lb…

BANTING-VRIENDELIK Bant jy, maar sukkel om goeie produkte en bestanddele vir die dieet te kry? Goeie nuus is dat Checkers nou ’n hele reeks produkte spesiaal vir banters het. Van versoeters soos xylitol tot amandelmeel en selfs gegeurde water. GEGEURDE SOUT Sout gee geur aan kos. Nou het Cerebos 8 nuwe geure sout vir dubbel die lekker smaak. Soos Sriracha, ’n mengsel van brandrissie, knoffel en asyn, wat ’n geurige byt gee aan garnale en roerbraai-geregte. R35,99 vir 200 g landwyd TV-INSPIRASIE SARIE is terug op die kassie met ons nuwe leefstylprogram, Okkasie-inspirasie . Hierin nooi kosredakteur Herman Lensing weekliks ’n kyker na sy huis waar hy hulle ’n droom-okkasie help beplan. Van die spyskaart tot die tafeldekor. Moenie dit Maandae om 18:30 op Via (DStv-kanaal 147)…

VIR INTEKENING OP DIE GEDRUKTE UITGAWE SKAKEL 087 740 1020 E-POS sarie_inteken@media24.com EN ONS KONTAK JOU SMS SUBS SARIE NA 32361 (geen leestekens) EN ONS KONTAK JOU (’n Tarief van R1 per SMS geld) DIGITAAL BESOEK mysubs.co.za of kontak 087 741 3177 *12 uitgawes per jaar. Jy kan kies of jy maandeliks of eenmalig betaal. DIe aanbiedings is geldig tot 23 Julie 2017. Daar is geen afslag op posgeld en BTW nie. Bepalings en voorwaardes geld.…

Gefermenteerde kos is gróót: Stap verby supermarkte se spesialiteitsafdeling en jy sien al hoe meer produkte soos kombucha en miso. Op voorste plaaslike restaurante se spyskaarte loop jy geregte soos kimchi – gepekelde groente – raak. In die kuberruim kan jy leer hóé op webtuistes soos “Fermenting for Foodies” (fermentingforfoodies.com). Alles ’n teken van ’n hoofstroombelangstelling in ’n onderwerp wat eers as vervelig beskou is: Jou liggaam se mikrobioom, oftewel die hele bevolking binne jou dermkanaal. Dié hoofsaaklik bakteriële ekosisteem is weliswaar mikroskopies klein, maar groot nuus in die mediese wetenskap. Nou het dit ook na my en jou deurgesypel. Daar verskyn gereeld boeke met leefstylplanne om jou “goeie” mikrobes gesond en gelukkig te hou. Ook vir gewigsverlies, wat die “blits” in enige verkoopsartikel sit. Soos Raphael Kellman se The…

Liewe Dagboek, ek is terug by die huis. Die toer was suksesvol en uitputtend en nou gaan ek vir drie dae rondslof in my slaapklere. Terwyl ek weg was, het die tuinmense hard gewerk. My oerwoud het nou broodbome en palms en plante met lang name bygekry, wilder as ooit en met meer tekstuur. Ek het ook die eerste kaggelvuur van die jaar aan die brand gekry. Liewe Dagboek, ek moet noem dat ek dankbaar is vir my mooi huis. Wanneer ek sien hoe onbeskof en ongenaakbaar die samelewing daar buite word, is ek dankbaar vir ’n veilige tuiste, al die kunswerke wat die verhaal van my reise vertel en die berg boeke waarsonder ek verlore sou wees. Liewe Dagboek, ek dink dis tyd om te trek, 15 jaar in…

Nóú leef hy die naaste aan sy droom – waar hy klassieke en jazzmusiek, volgens sy persoonlike behoeftes, met sy gehoor kan deel. Só kon dr. Charl du Plessis onlangs vir sy sielkundige vertel. Pas ná sy optrede by die Woordfees op Stellenbosch saam met die ander lede van hul trio, Werner Spies (baskitaar en kontrabas) en Hugo Radyn (tromme), sit Charl voor my. Hy teug sjarmant aan ’n glasie yskoue sauvignon blanc. Buite is dit 35 °C. Maar sy swart hemp en broek is netjies. Sy vel rosig (“Environ-velprodukte, trots Suid-Afrikaans”). Soos altyd lyk sy perfekte blonde haarstyl of dit pas drooggeblaas is, met ’n paar goudblonde ligstrepies vir ekstra wip. En hy ruik hemels (“Montblanc Signature”). “Ons het al vanoggend net voor ses uit Johannesburg gevlieg, vanaand vlieg…

Haar ma het altyd gesê moenie ’n man in ’n wit broek vertrou of een wat nie van diere hou nie . . . Só vertel Ettie Bierman, befaamde liefdesverhaalskrywer, by ’n werkwinkel in 2008 oor die ideale romantiese held. (Hoewel sy later erken het sy hou nogal van ’n wit broek!) Ettie had nog ’n rits vereistes: Hy moenie bloot macho wees nie, gee hom ’n tikkie sagtheid, bietjie sentiment en maak hom grootmoedig genoeg om die minste te wees. Dinge het inderdaad baie verander sedert die dae toe die held eenvoudig die hulpelose, inkennige heldin in sy arms weggeswiep het . . . (Vandag se heldinne is sterk, onafhanklik en vurig, vertel die meeste skrywers jou.) Maar baie is ook dieselfde: Die held en heldin is steeds onmoontlik…

’n Kampioen van kampioene! In Januarie vanjaar het dié voormalige nr. 1-speler, en reeds vier keer (2005-2008) wêreldsportman van die jaar by die Laureus-toekennings, vriend en vyand verras toe hy die Australiese Ope in Melbourne gewen het. Wat die prestasie merkwaardig maak, is dat hy in 2012 laas ’n Grand Slam-titel kon verower en op 35 die oudste man sedert 1972 is wat dit kon regkry. Boonop was hy ses maande langs die kantlyn met ’n kniebesering. Met die Franse Ope aan die gang en Wimbledon om die draai is ons opgewonde om te sien of hy nog ’n Grand Slamtitel by sy rekord-18, die meeste titels deur ’n manspeler, kan voeg. Buiten dat jy nie anders kan as om van die innemende pa van vier – tweelingdogters en tweelingseuns…

Lyk jy ’n bietjie moeg? Tik net verbloemer onder jou oë om die donker kringe te verdoesel. Is daar ’n onwelkome knoppie of twee op jou ken of voorkop? Geen probleem, onderlaag steek alles weg. En vir ’n jonger, vars voorkoms is ’n ryk vogroom en ’n veeg rooi lipstiffie net die ding. Grimering en velsorg – ons staatmaker-oplossing vir mooilyk, al vir jare. Maar mooi kom ook van binne. Dis ’n cliché, ja, maar dís wat al hoe meer skoonheidshuise en bekendes nou verkondig. En ons praat nie hier van jou sprankelende persoonlikheid nie, maar eerder van wat jy eet, hoeveel jy slaap, hoe gereeld jy oefen en hoeveel water jy drink. Verby is die dae dat skoonheid en gesondheid (wellness) van mekaar geskei kan word. Hul paaie het…

Parfuum se nuwe gesigte Kit Harington en Emilia Clarke is twee van Game of Thrones se mees geliefde karakters, en met die sewende seisoen van dié gewilde TV-reeks wat 16 Julie afskop, is hulle die ideale keuses as die nuwe gesigte van Dolce & Gabbana se parfuumreekse The One for Men en The One. Vir Domenico Dolce en Stefano Gabbana, stigters van die mode- en skoonheidshuis, is Kit “sjarmant en charismaties” en Emilia “stralend en lewenslustig”. Die twee akteurs sal vanaf September in advertensies vir die parfuums te sien wees. Trots SA! SA VROU SKITTER IN INTERNASIONALE VELDTOG Die skoonheidshuis Dove is bekend daarvoor dat hulle vroue soos ek en jy eerder as modelle in hul advertensies gebruik. Vanjaar doen hulle dit weer met die bekendstelling van hul Real Beauty…

HET JY GEWEET? Die oumablok ( granny square in Engels) is die ikoniese simbool van hekelwerk. Volgens oorlewering het die woord in die vroeë 1800’s sy ontstaan onder Ierse pioniers in Amerika gehad. Gare en wol was skaars en die pioniers, eens kantmakers vir die rykes, het begin om ou sokkies en truie uit te rafel om as hekelgoed te gebruik. Omdat die ouer vroue nie meer harde arbeid kon verrig nie, was dit hulle wat die rafels in klein kleurryke blokkies gehekel en aan mekaar gewerk het om komberse te maak. Die blokkiepatrone word vandag steeds wêreldwyd gehekel. WENK aS As jy ’n pit plant … Janine Greyling, ’n Kaapse bemarker, het juis dít gedoen en toe kom daar komberse op. Sy het in 2013 die…

GROOTTE Elke blokkie sonder randafwerking 21 x 21 cm HEKELDRAAD Ons het Elle Family Knit-dubbeldraad (50 g-bolle) gebruik in wit 001, Gravel 075, Antique 049, Duck Egg 223, Mistletoe 274, Fig 207, Cranberry 283, Watermelon 205 en Coral Rose 054, maar jy kan enige kleure van jou keuse gebruik. WENK Afkortings & steke Blok maklik a BENODIGDHEDE Elle Family Knit-dubbeldraad (50 g-bolle) in die volgende kleure: 1 bol van elk in wit 001, Gravel 075, Antique 049, Duck Egg 223 en Mistletoe 274; 3,5 mm-hekelpen Hekel só  Neem kleur Antique en hekel 4 ks, las met gs in 1e ks om ring te vorm. 1e rdte: 5 ks (= 1e lb, 2 ks), (3 lb in ring, 2 ks) 3 keer, 2 lb in ring, gs in 3e…

Van bloot broodwinner en by tye afwesig, emosioneel en fisiek, tot vandag se moderne pa’s wat besef hoe belangrik dit is om ’n betrokke rol in die vormingsjare en vreugde van hul kinders se lewe te speel. Vroue se groter toetrede tot die ekonomie in die laaste jare het ’n beduidende impak op die rol van pa’s gehad. Tradisioneel het ongedefinieerd en veelsydig geword. Ook navorsing moes verander. Waar ’n kind se ontwikkeling meestal op die rol van die ma gefokus het, het die kollig die laaste 20 tot 30 jaar geskuif na dié van die pa. Hy wat toenemend medeversorger is. Want, sê navorsers, die invloed van ’n pa se liefde is net so groot soos dié van die ma. Dis ’n pa se liefde wat ’n kind veral…

’n Besliste moenie: Jou lys van “kosse om te vermy” is baie lank, of jy volg ’n dieet wat swaar leun op een of twee voedselgroepe. Die kans is dan groter dat jou dermflora honger ly. Mariza verduidelik: Miskien eet jy oor en oor dieselfde kosse – rys, vleis en aartappels, of net slaai en vetterige vleis. Jy gebruik dikwels medisyne wat die ingewande beskadig of normale vertering in die wiele ry: soos anti-inflammatoriese middels, teensuurmiddels en antibiotika. Elke keer dat jy antibiotika gebruik, veral dié met ’n breë spektrum, ontwrig dit die “goeie goggas” se werking. Dit kan tot 24 maande duur voordat die dermflora van ’n enkele voorskrif antibiotika herstel. Onthou, antibiotika help nie vir virusse (insluitend dié vir verkoue en griep) nie. Vermy ook diereprodukte wat antibiotika…

Wen ’n eilandvakansie (bl. 54) 1. Die eerste korrekte inskrywing wat getrek word, wen die prys. Die beoordelaars se beslissing is finaal en geen gesprek of korrespondensie sal daaroor gevoer word nie. 2. Die wenner sal telefonies verwittig word en sy/haar naam sal in ’n latere stadium op die webtuiste SARIE.com verskyn. 3. SARIE bied hierdie wedstryd namens Constance Belle Mare Plage en Air Mauritius as ’n diens vir haar lesers aan. Constance Belle Mare Plage en Air Mauritius voorsien en is verantwoordelik vir die prys. SARIE aanvaar geen verpligting hoegenaamd t.o.v. die ontvangs van die prys of gestanddoening van die voordele daaraan verbonde nie. 4. Werknemers en hul gesinne van Media24 (SARIE se moedermaatskappy), Constance Belle Mare Plage, Air Mauritius en hul reklamemaatskappye mag nie aan die wedstryd deelneem…

5 gelukkige SARIElesers kan elk die boek Die naamlose deur Mariël le Roux (Tafelberg, R280) wen. Dis ’n meesleurende verhaal uit die vyftigeren sestigerjare, toe die Suid-Afrikaanse platteland nog sy geheime kon bewaar. Carli Botha is amper sewe jaar oud toe haar Italiaans gebore ma sterf tydens die geboorte van haar wanskape, anensefaliese (breinlose) boetie. Sy word agtergelaat in die sorg van haar dranksugtige pa, Wilhelm Botha, wat haar treiter. Dora, wat ook soms in die plaashuis help, kom bedags tot Carli se redding. Sy is ’n sterk vrou en het ’n swaard wat sy oor die baas van Grootvlei se kop hou. Sy ken die plaas se geheime, reg van oupa Maans se tyd af, en sy sou praat, dit het Wilhelm Botha geweet. Nog…

Kry jou eie Irma Stern Nou kan jy ook jou lyf Irma Stern hou met die Colour Your Own Irma Stern-inkleurboek. Haar kunswerke, onder meer Twee Arabiere wat die rekord hou vir die duurste skildery op ’n veiling in SA (R21 miljoen in 2011), behaal steeds toppryse. Die kopiereg op haar werk het verlede jaar verval, 50 jaar ná haar dood. Die boek is by die Irma Stern-museum in Kaapstad te koop of by www.fearikadesign.co.za MARMITE... BREINKOS?  Indien iemand hou van ’n souterige broodsmeer, is hy waarskynlik óf ’n Marmite- óf ’n Bovril-aanhanger. Nou is daar nog ’n rede om Marmite te kies . . . ’n Nuwe Britse studie toon dis dalk goed vir jou brein. Danksy al die…

My wens is dat Wolfe altyd sy ongetemdheid sal behou Paul Hy is al vir 18 jaar ’n bekende gesig op TV as aanbieder van die SABC2- leefstylprogram Pasella en sy is ’n gesogte internasionale model. ’n Mens sou dink hul lewe bestaan uit rooitapyt-geleenthede, swierige partytjies en skouers skuur met rykes en bekendes. Maar Paul Rothmann en Candice Boucher verklap hulle is eintlik “regte introverte”. Tuis op hul plot buite Pretoria, omring deur landerye, is ’n vuur aangesteek in die woonkamer se kaggel, daar’s rooiwyn en biltong uitgesit, en hul vier honde (van ’n poolhond tot ’n Switserse herdershond) smeek met groot oë vir ’n kopkrappie. Hul eersteling, Wolfe, wat op 15 Maart gebore is, lê tjoepstil in sy beeldskone ma se arms en slaap. Paul span uit…

Stephanie sê  Die inspirasie vir die ontwerp was ’n foto van ’n Valentino-rok. Ek was mal oor die idee van fluweel en wou nog altyd ’n fluweelrok met swart-en-wit strepe hê. Omdat die rok die fokus moes wees, het ek my hare, grimering en bykomstighede eenvoudig gehou. Dié skepping van Anel Botha gaan ek beslis weer dra! Anel Botha ontwerper Die trefkrag van hierdie moderne rok met sy vintage twist is sy eenvoud. Maar juis oor hierdie eenvoud moes elke deel perfek wees. Die grootste fout wat meisies maak, is om te veel idees in een rok saam te gooi. In hierdie geval was minder beslis meer. Hanri Human fotograaf Stephanie het soveel dinge reg gedoen! Sy het ’n klassieke en eenvoudige snit gekies, maar dit…

Waar woon julle? In een van die meer gevestigde woonbuurte in Doebai, Jumeirah Lakes Towers. Hier is oral net hoë geboue, 80 om presies te wees. Die argitektuur slaan steeds soms my asem weg met dak-swembaddens en gimnasiums op die 40ste verdieping. Van die beste gholfbane in die Midde-Ooste, die Emirates-gholfklub en Jumeirah-landgoed, is hier geleë. Die meerderheid van die mense in die omgewing is buitelanders, en die naglewe is fantasties, met talle goeie restaurante om uit te kies. Ek en Francois kom albei van Pretoria af en het dié avontuur in 2015 aangedurf as nuutgetroudes lus vir ’n avontuur. Ons wil nog in ’n paar lande bly. In ons vriendekring was ons die eerstes om hierheen te verhuis, waarna nog ’n paar gevolg het, onlangs ook my broer. Doebai…

Pichulik In 2012 het Katherine-Mary Pichulik op treinreise oorsee tussen bestemmings juweliersware uit tou begin skep om die tyd om te kry. In 2013 het Pichulik tot stand gekom en net twee jaar later, in 2015, was sy met haar unieke juweliersware van tou op Vogue Italia se lys van 10 voorste Afrika-ontwerpers. Sedertdien het sy talle modepryse ontvang en ’n reeks spesiaal vir Woolworths ontwerp. Boonste halssnoer van tou en halfedelstene (R3 400). Onderste halssnoer van tou en halfedelstene (R1 280). Oorbelle van tou en koper (R680). Swart top met geborduurde blompatroon op die moue (R799), H&M. GROOTTE Top: 32 – 44 Sindiso khumalo As argitektuur-student had Sindiso Khumalo beslis ’n oog vir ontwerp, en ná haar studies aan die Universiteit van Kaapstad het sy in Londen mode-ontwerp studeer…

As jou kopvel gesond is, groei jou hare optimaal, sê Trevenen Bam, plaaslike konsulterende trigoloog (haarkundige) van die haarsorgreeks Philip Kingsley. Ons besef dit nie altyd nie, maar jou kopvel word daagliks aan dieselfde hoeveelheid buitefaktore en vuilheid as jou gesig blootgestel. Onsuiwerhede soos sweet, stof en haarprodukte bou in jou hare en op jou kopvel op. Daarby raak jou kopvel daagliks as deel van die natuurlike selvernuwingsproses van miljoene dooie selle ontslae, wat ook op die oppervlak van jou kopvel gaan lê. Gelukkig vorm die natuurlike olie wat deur jou haarwortels vervaardig word ’n beskermende lagie oor die veloppervlak, sê Trevenen. Dit verseker dat die hoeveelheid selle, onsuiwerhede en olie op jou kopvel ’n gesonde balans handhaaf. Jou hare groei dan beter en sterker omdat die nodige suurstof en…

Daar’s ’n kleur vir elke smaak: Chanel se nuwe lipglans-reeks, Rouge Coco Gloss (R540 elk), bevat 24 skakerings, van neutraal tot pienk, helderrooi en purper. Drie van die lipglanse (foto) is ontwikkel om bo-oor die ander skakerings te gebruik: neon-oranje sorg vir helderder kleur, ’n glinsterende goud gee ekstra glans en kaviaarswart dieper kleur. Mirre, met sy houtagtige, warm reuk, word al vir baie jare in parfuum gebruik. Vir die nuwe geur van die Britse parfuumhuis Jo Malone , Myrrh & Tonka (R2 040 vir 100 ml EDC), het die parfumeur mirre uit Namibië gekies. Dié hars, wat van die Namibiese mirreboom verkry word, word met die hand geoes en in Myrrh & Tonka saam met amandel en vanielje gemeng. By Jo Malonewinkels of besoek www.jomalone.co.za As een van Suid-Afrika…

Grootte: Volwasse hande Benodigdhede 2 x 50 g-bolle Elle Classic Wool Aran (kleur jeans 050); 5 mmbreipenne; resbietjie wit breidraad; grootoognaald Spanning 17 ste en 24 rye in koussteek met 5 mm-penne = 10 cm Brei só Handskoene (brei 2) H/aan 24 ste met 5 mm-penne. 1e – 12e ry: Brei in dubbelrif (r 2, aw 2). 13e – 30e ry: Brei reguit in koussteek. 31 – 40e ry: Brei in dubbelrif en h/af. Borduurwerk Vou die breiwerk in die helfte en merk die middel. (Die rif met 12 rye is die boordjie van die handskoen.) Volg die diagram hieronder en borduur ’n anker op die bokant van elk. Afwerking: Werk synaat toe, maar laat ’n opening vir duim: Tel 10 rye vanaf boordjie en werk toe, laat opening, tel…

Huiskok Errieda du Toit weet hoe naby braaibroodjies ons aan die hart le. Oningewydes verstaan nie hoe ’n geroosterde kaastoebroodjie van gewone winkelwitbrood ’n nasie kan saambind of as erfskat vir die nageslag gereken word nie, tot hulle dit proe. Een hap is genoeg om hulle deel van die braaibroodjie-binnekring te maak. Braaibroodjies is maklik én moeilik. Die maker het ’n groot verantwoordelikheid, want opgesluit in die ritueel is die vermoë om kop te hou hoe elkeen van hul braaibroodjie hou. Net met kaas, tamatie en uie, of die hele toetie met blatjang by. Of net kaas en konfyt of met mayonnaise; sonder om te kibbel of dit steeds braaibroodjie genoem kan word. Sal ook ekstra maak vir eters wat dit die volgende dag koud saam met oorskiet-wors wil geniet.…

Snaaks hoe ’n vrou se ingesteldheid werk. Sy wat Linda is, was nog nooit in haar huwelik van tien jaar ’n ongelukkig getroude vrou nie. Sakke sout in haar geval was eerder klein kardoesies vol en ’n kwessie van peusel eerder as opeet. Die groen monster se gif was soms wel deeglik in party vriendinne se verhoudings te bespeur. Met nagevolge wat niks en niemand sou spaar of oorsien nie. Dis net . . . In die laaste tyd stamp sy en Charl kop oor alles. Goed, seker ook nou nie soos in ernstig nie. Eerder ’n ongekende krapperigheid, ’n onderstroming met ’n element van irritasie daarin. En wat haar in dié stadium die meeste pla, is dat dit beslis nie van haar kant af kom nie! Soos nou weer…

Ek staar na my rekenaar. Junie 2002. Vyftien jaar gelede. Hoe geëerd het ek nie gevoel toe die ikoniese, gerespekteerde tydskrif SARIE my vra om vir hulle ’n maandelikse rubriek te skryf nie. Daardie eerste rubriek het gegaan oor die kort woordjie met die groot betekenis: Tyd. Hoe min het ek besef dat die waarheid van my eie woorde hier in 2017 weer voor my sal kom staan. Ek skryf daarom vandag, ’n dekade en ’n half later, met gemengde gevoelens weer oor daardie selfde kort woordjie, tyd. Ek lees hoe ek geskryf het oor die uitdrukkings wat ons het oor tyd. Uitdrukkings só waar dat dit net so wel in die Bybel opgeteken kon wees. Elke dag sê iemand dat “die tyd vlieg”. Tog neem ’n uur reeds vir…