Indholdsfortegnelse for July 2017 i SARIE

Uit die bloute beland ’n handgeskrewe brief op my lessenaar. Daar staan my naam geskryf, sterk met ’n vulpen, op spesiale papier. Soos ’n kleinood lees ek dit ’n paar keer. Gedagtes mooi uiteengesit, sinne wat inmekaarvloei, ’n mooi begin, ’n mooi einde. ’n Brief wat my raak. Hoe hartseer is dit nie dat baie van ons die kuns verleer om ’n gevoelvolle brief te skryf, of dit vandag nooit sal leer nie. Ek is gelukkig, ek het nog elke maand die geleentheid om ’n redakteursbrief te skryf wanneer ek met SARIE-lesers gesels. Tik jy “spesiale briewe” in op die internet, spring hande vol op die skerm. Baie jare gelede geskryf, maar die woorde tref nog, die snaaks is nog snaaks en die emosie tasbaar. In SARIE, April 2003 om…

Ons is almal tog baie meer eenders as wat ons soms dink Ilse Klink het ’n huishoudelike naam geword toe sy in 1999 op TV-skerms verskyn het as die SABC3-sepie Isidingo se Vanessa Booysens. Maar sy’t intussen bekend geword as ’n swaargewig-aktrise op die Suid-Afrikaanse verhoog én silwerdoek – en boonop vanjaar met die Fiësta-toekenning vir beste aktrise weggestap vir die rol van Priscilla in die verhoogstuk Kristalvlakte. Sy is ook vir ’n Naledi benoem vir die rol van Narwal in die verhoogstuk Scorched. In ’n koffiewinkel naby haar huis in Auckland Park, Johannesburg, bestel sy ’n cappuccino en eier op rogbrood. “Ek moet soggens eet, anders is ek ’n zombie!” bieg sy. Ilse is ’n régte vrou – met haar bekende bos wilde krulle, kurwes en altyd ’n breë…

Soos Midas laat hy byna alles waaraan hy raak in goud verander. Maar dan wéét Sean Else hoe om emosies bloots te ry, met liedjies soos Bok van Blerk se omstrede “De la Rey”. In die internasionaal bekroonde fliek Modder en Bloed tokkel hy harte met twee snare: die Boereoorlog én rugby. Die verlede, nostalgie, ou waardes, daarmee #woeker hy. Hy is dus die laaste mens wat jy sou dink die landsgrense sou verlaat, nie eens ’n rukkie nie. Tog, in Mei verlede jaar, is hy, sy gesin, hul kat en sy skoonfamilie sak en pak Mauritius toe. Moenie te veel daarvan maak nie, sê hy. Dié tropiese eiland is immers op ons voorstoep, byna ’n tiende provinsie. Talle Suid-Afrikaners woon daar. En vliegkaartjies Johannesburg toe soms goedkoper as dié…

Liewe pav, Ek is amper halfpad in my dertigs, jy dink reeds aan aftree. Nou die dag was ek nog heup-hoog . . . deesdae kleur ek my grys hare. En Pa s’n is nou spierwit! Dit voel soos gister wat ek op jou skoot g esit en TV kyk het. Jy my leer bestuur het. My tand met jou sakdoek g etrek het. Iewers het dinge verander, het ek my pa v erloor. En ek is kwaad, bitter en so teleurgesteld. Ná 34 jaar het jy besluit om van Ma te skei. Ons gesin is nou deel van die statistieke . Wie nooi ek nou vir Kersfees? Vir Pa, met die nuwe koekie aan jou sy? ’n Pa is jou held. Jou lewe lank probeer jy hom beïndruk. Maar…

Geliefde Mandela, bring seën op ons, jou kinders. Laat jou lewe sy vingerafdruk op ons almal laat Uit die gedig “by die dood van Nelson Rolihlahla Mandela” deur Antjie Krog, uit die bundel Mede-wete (Human & Rousseau, R206) Die Burger 100 BUN BOOYENS EN ALDI SCHOEMAN (JONATHAN BALL, R340) Van die merkwaardigste gebeure in die geskiedenis die afgelope eeu waaroor in Die Burger berig is, herleef in die blaaie van hierdie fassinerende boek. Baie daarvan word vertel uit die persoonlike oogpunt van die joernaliste wat die gebeurtenis gedek het. Dit laat jou vanuit ’n ander perspektief kyk na groot nuusgebeure, soos byvoorbeeld die dood van oudpres. Nelson Mandela. Soos Die Burger se adjunkredakteur Johann Maarman sê, al is die span hoe goed voorberei, “tref dit jou…

Sjiek by die werk Dra jou vlieëniersbaadjie stylvol na ’n vergadering deur dit met ’n klassieke hemp te kombineer Prettige inkopietog  Die kombinasie van satyn en denim gee ’n informele uitrusting ’n ongewone aanslag Wees ook op die witkyk vir… Tweede lewe vir ou klere Elkeen van ons het items in ons klerekas waaroor ons eens gaande was, maar wat ons nie meer dra nie – al makeer dit niks. Nou kan jy iemand anders kans gee om daardie item te geniet. By die Skip Fashion Exchange in Sandton City, Johannesburg, kan jy klere en skoene vir plaasvervangers ruil in drie kategorieë: High Street, Premium en Luxury. Jy kan die items vooraf aanlyn registreer, of neem dit op die dag na die pop-up-winkel in die sentrum. Die personeel besigtig…

’nOnlangse verslag oor skoonheidstendense deur die soekenjin Google, Beauty Trends 2017, wys dat verbruikers toenemend op soek is na produkte wat van badtyd ’n bederf-ervaring maak, soos om Engelse sout, appelasyn of gegeurde bruisballe (bath bombs) by jou badwater te gooi. “Mense vereenselwig dikwels ’n warm bad met emosionele warmte,” sê Samantha Lockhart, nasionale opleier vir die plaaslike spa- en lyfsorgproduktereeks MatsiMela. Dis hoekom ’n lekker warm bad so ’n kragtige uitwerking op jou gemoed kan hê. Dit laat jou ontspan en kan selfs gevoelens van eensaamheid laat wyk, sê sy. Die Beauty and the Beast-aktrise Emma Watson het onlangs aan die skoonheidsblog Into The Gloss vertel dat sy elke dag van haar lewe bad. En as sy twee of drie keer per dag kan bad – nóg beter! “Niks…

Afskilfering vir mooi hande ’n Diep-afskilferingsbehandeling (peel) hou baie voordele vir jou vel in: Dit kan ’n growwe tekstuur, verstopte porieë en aknee verbeter. Tydens so ’n afskilfering word ’n produk met ’n hoë konsentrasie sure gebruik om ’n aantal lae van jou vel te verwyder. Jou vel lyk dus onmiddellik gladder en helderder. Hoe hoër die konsentrasie sure in die produk, hoe dieper werk dit in jou vel, en kan selfs lyntjies, sonskade en pigmentasie verminder. So ’n diep-afskilferingsbehandeling kan ook jou hande jonger laat vertoon. As jy, soos ek, bloot net jou hande glad en sag wil hou en veroudering wil vertraag, kan jy ’n behandeling kies wat net die boonste lae van jou vel verwyder. Dermaceutic se Milk Peel, wat ek onlangs by velsorgkenner Sonette Donker se…

INTERESSANT GERAAM Prente hoef nie altyd opgehang te word nie. Hier word ’n kunswerk in die kothuis (bl. 86) op ’n klein esel op die tafel uitgestal. ’n Ander een is vasgeknyp aan ’n stuk afvalplank wat teen die muur staangemaak is.…

ARGENTYNSE KARAMELPANNEKOEK Gedagtes aan Argentinië laat my altyd dadelik karamel proe. Tradisioneel sal jy dulce de leche hier kry, wat gemaak word van melk wat tot ’n goue karamel afgekook word. genoeg vir 12 SOUS Plaas melk, eiers, koekmeel, strooisuiker en kaneel in groot bak en meng met draadklitser tot gladde beslag. Laat rus in yskas vir 1 uur. Terwyl beslag rus, maak solank die sous. Bring kondensmelk en melk tot kookpunt en roer oor lae hitte tot gladde sous. Verhit kleefvrye pan van 25 cm in deursnee tot warm. Doop kombuispapier in olie en vee vinnig oor bodem van warm pan. Gooi ’n bietjie beslag in pan en beweeg stadig in die rondte tot hele bodem…

Bets kyk in die spieël. Sy’s vyftig en woon vir die eerste keer in haar hele lewe alleen. Haar kinders is vort, haar jeugliefde het ná een-en-dertig jaar geluk in iemand anders se arms gevind. ’n Man se arms. Hierdie deel van die verwerping pla haar nie juis nie. Dit laat haar nie minder vrou of oud voel nie – as sy terugkyk op hul jare saam, Herman se sensitiwiteit, sy begrip, hul liefde wat hegte vriendskap was, maak dit alles sin. Toe hulle jonk was, is daar nog geglo ’n mens se seksualiteit is ’n keuse. Herman het hard probeer kies en uitstekend geslaag. Maar wie kan dit volhou? Sy verlang na hom, gaan eet Vrydagaande saam met hom en Righardt uit, soos ’n suster of ’n moeder, soos…

SERP SE STORIE Stylvol om jou nek of warm om die skouers. Die grootste serpvervaardiger ter wêreld sit deesdae mooitjies op ons voorstoep. Hier’s die feite ’n 137 jaar oue maatskappy, in 1880 in Wüstenselbitz, Duitsland, begin vyf geslagte al betrokke 1,5 miljoen pond (680 388 kg) garing per jaar wat net in die fabriek in Wüstenselbitz verwerk word (dis drie keer so swaar soos die Vryheidsbeeld in New York) die maatskappysimbool die distel. Fraas-produkte sluit nie net serpe in nie, maar ook hoede, handskoene, groot toedraai-serpe, komberse en selfs sakke – in van wol tot sybokhaar, kasjmier, katoen, sy en viskose. Waar? Mall of Africa Pryse van R395 vir ’n serp tot R11 500 vir ’n kombers van die fynste kasjmier Vir meer: www.fraas.com Daar's pig! Winter…

Dit het meer as 30 jaar gelede gebeur. Ek was ’n student in my vierde jaar (ek was baaaie lank in my vierde jaar) en het saam met twee ander musiekstudente in ’n meenthuis gewoon. Ons het ’n voortuin gehad en ’n posbus. Buiten ons beddens was daar geen meubels. Tot en met my pa se ineenstorting. My pa het in daardie stadium by ’n geestelike radiostasie gewerk en vind toe op ’n dag uit sy gunsteling-predikant en persoonlike held het met seuns gelol. My pa word toe heeltemal mal van ontsteltenis en saag al sy kantoormeubels se pote af, bedank uit sy pos en lê lank in ’n donker kamer. Een van die meubelstukke was ’n ronde tafel. Ek laat toe iemand met ’n bakkie die tafel met die…

Sy het die vermoë om in die aangesig van gevaar te algTrevor, oor sy ma Dit is nie aldag dat ’n ma só ’n twiet kry nie: “Kyk, Ma, ek is op die voorblad van TIME.” Maar Patricia Noah, ma van Trevor Noah, raak miskien nou al gewoond daaraan – want net ses maande voor dié twiet in Maart was Trevor ook ’n TIME-voorbladgesig. Dit was dus dalk ook nie vir haar so ’n groot verrassing toe hy in Mei by die MTV Movie and TV Awards in Los Angeles die toekenning as beste aanbieder vir sy The Daily Show ontvang het nie. Hy het spesifiek sy ma, sy grootste inspirasie, bedank toe hy sy prys ontvang het. As een van Suid-Afrika se suksesvolste komediante is sy jongste insluiting in…

Die modewêreld is behep met moue! Dis meer as net ekstra materiaal om jou arms warm te hou. Dis die sleutel tot vernuwing in jou klerekas. Bekendes en styl-ikone dra dit, ons sien dit in straatstyl en op die loopplank. Wat ook al jou styl, jou inspirasie, jou ouderdom: daar is ’n mou vir jou. Van die moderne A-simmetriese mou tot valle, romantiese kant en klokmoue soos dié van Jeanne Flynn* wat onlangs met akteur Neels van Jaarsveld getroud is. Die lys is eindeloos. Vir ’n asemrowende uitrusting dié seisoen kyk niks verder nie as die mooiste, interessantste mou. Dié moue het Jeanne se trourok uniek gemaak. www.gill.org.za…

Almal, kenners ingesluit, kan om die bos gelei word Sielkundige Dis wat psigopate so gevaarlik maak . . . Hulle maak ’n baie goeie eerste indruk. Jy sal dink: Wat ’n aangename, vriendelike en sjarmante mens wat so lekker en interessant kan gesels. Intelligent ook. En hy laat jou lag. Die trane sal wel later kom, maar dan is dit gewoonlik te laat. Terwyl jy swig voor die psigopaat se sjarme, is daar tog ’n manier om hom uit te ken: Kyk hoe hy ander mense hanteer – van die winkelassistent tot die kelnerin, mense wat hy nie wil manipuleer om iets uit hulle te kry nie. Terwyl hy jou op die hande dra. Hy is besig om jou in te katrol. Maar hy is nie wie hy voorgee om…

Sy het reeds op 15 aandag getrek in haar eerste fliek, The Man in the Moon , en nou, op 41, lok sy steeds gehore met haar uitsonderlike talent. Buiten dat sy ’n Oscarbekroonde aktrise is, is Reese ook ’n kranige entrepreneur. Sy is die stigter van die mediahuis Hello Sunshine, wat daarop fokus om stories met sterk vrouekarakters in rolprente en op TV te vertel, en sy het haar eie leefstyl-enmodehandelsmerk Draper James. Onlangs het sy kragte saamgesnoer met die skoonheidshuis Elizabeth Arden, waar sy ’n unieke nuwe rol beklee: dié van inhoudshoof vir die handelsmerk se platforms vir digitale en sosiale media. As “storyteller-in-chief ” gaan Reese met advertensieveldtogte en interessante inhoud aanlyn die skoonheidshuis help om hul eie verhaal asook inspirerende stories van vroue…

Dié nuwe bekostigbare grimeerreeks van die skoonheidshuis Avon bevat produkte in helder, avontuurlustige skakerings. Kies uit oogskadu’s, lipstiffies, lipglanse en oogpotlode. Avon Mark Collection (pryse vanaf R75). Skakel 0860 102 345 Die Amerikaanse grimeerhuis Urban Decay het ’n hele reeks basislae (primers) en gesigsproeie bekend gestel vir verskillende velkwessies. Jy kan uit basislae kies wat oortollige olie absorbeer, fyn lyntjies invul vir ’n gladder tekstuur, of jou vel teen die son beskerm danksy ’n SBF van 30. Kies ook uit een van die 3 gesigsproeie wat onderskeidelik olierigheid takel, glans aan ’n vaal vel gee of ’n droë vel bevog. Urban Decay Complexion Primers (pryse vanaf R450) of Makeup Setting Sprays (R450 elk). By Urban Decaywinkels of www. foschiniforbeauty. co.za ’n Nuwe reeks lyfprodukte…

’n Lipstiffie met die formule van ’n lipglans! Dié nuwe reeks lipstiffies van Dior , Addict Lacquer Stick (R595 elk), kombineer twee lipprodukte: Dit het dieselfde blink jeltekstuur van ’n lipglans, maar omdat dit in ’n lipstiffievorm is, is die pigment meer gekonsentreer en die kleur op jou lippe sterker. Rolex se nuwe Oyster Perpetual Cosmograph Daytona is by vanjaar se Baselworld-skou in Basel, Switserland (die grootste uitstalling van horlosies ter wêreld), bekend gestel. Die Daytona, soos dit kortweg genoem word, is gewild in die motorsportwêreld omdat dit so betroubaar is. Dit meet spoed van tot 400 km/h en is waterdig tot op 100 meter. Die gesigdeel word van soliede 18-karaat-goud gemaak en die swart bandjie is van gepatenteerde Oysterflexrubber (prys op aanvraag). Besoek www.rolex.com ’n Toonbeeld van tydlose sjiek.…

JY BENODIG: Houtbak, dik tou (sowat 7 m lank), maskeerband, kramgeweer, metaalring, terracotta-plantpotte met pierings, kruieplante MAAK SÓ: Knip die tou in 3 ewe lang stukke. Knoop die punte van die tou stewig aan mekaar vas aan die onderkant. Keer die houtbak om, spasieer tou en hou in posisie met maskeerband. Skiet tou vas met kramgeweer en verwyder maskeerband. Knoop tou aan bokant en knoop metaalring op regte hoogte vas voor jy die bak ophang.…

PAN SONDER KLEEF Met Le Creuset se kleefvrye panne kan jy sonder moeite lekker pannekoek bak. Vanaf R1 149 landwyd. Resepte op bl. 94 NÓÚ TE KRY SARIE KOS Ons kostydskrif is propvol herfs-lekkertes soos hierdie gerooktepampoen-sop genoeg vir 8 Voer die binnekant van ’n groot pot uit met foelie en sprinkel 4 sakkies rooibosteeblare en 100 g (125 ml) suiker op bodem. Plaas afkoelrak in pot en pak 250 g pampoenstukke bo-op. Maak pot dig toe en plaas op hoë hitte. Sodra rook uit pot kom, skakel plaat af en laat staan 20 minute. Verhit olyfolie in middelslagpot. Voeg 1 gekapte knoffelhuisie en pampoen by. Braai 5-8 minute. Voeg 30 ml gerookte paprika en 300 ml hoenderaftreksel by. Verlaag hitte en prut 10-15 minute of tot pampoen sag…

A American Swiss 021 938 1966 www.americanswiss.co.za C Cole Jewellery 083 336 3238 colejewellery@gmail.com Coricraft www.coricraft.co.za Cotton On 011 268 3700 www.cottonon.co.za Country Road 0860 022 002 www.woolworths.co.za F Falke 021 951 2137 www.falke.co.za Forever 21, 011 805 0809, 021 555 3324 Forever New 011 883 4585, 012 365 3457, 021 419 4552 www.forevernew.co.za Foschini 021 938 1911 www.foschini.co.za G Gavin Rajah 021 424 9842 www.gavinrajah.com Green Cross 0860 009 855 www.green-cross.com H H&M 0860 690 707 www.hm.com/za Hertex Fabrics 0860 437 839 www.hertex.co.za I Incanda 021 863 1965 www.incanda.co.za Isobel Sippel www.isobelsippel.com J Joanna Hedley 078 430 7929 M Madison 087 550 7075 www.madisonheartofnewyork.com Mr Price Home 0800 212 1535 www.mrphome.com O Old Khaki 0860 444 429 www.oldkhaki.co.za P Poetry 0860 555 529 www.poetrystores.co.za T Trenery 0860 022 002…

‘Krotoa’ katrol pryse in Van Los Angeles tot Londen . . . en nou ook New York. Die plaaslike fliek Krotoa het sy agtste internasionale toekenning ontvang: as beste film by die Harlem Internasionale Rolprentfees. Op 4 Augustus kan Suid-Afrikaners sien hoekom, wanneer dit landwyd in rolprentteaters begin draai. Die veelbekroonde Roberta Durrant is regisseur en vervaardiger van dié historiese drama oor Krotoa (vertolk deur Crystal-Donna Roberts ) wat as elfjarige van haar Khoi-stam weggeskeur en later ’n invloedryke tolk vir Jan van Riebeeck (Armand Aucamp) word. Vasgevang tussen twee kulture, probeer sy dié wêrelde versoen. Angelina skitter in parfuum-veldtog Dit is ’n geur wat die emosies, drome en vrye keuses van die moderne vrou verpersoonlik. Wie kan die parfuum van die Franse skoonheidshuis Guerlain ,…

JULLE HET GEKIES Hier is die 4 inskrywings wat die meeste stemme op SARIE.com gekry het. Hulle is outomaties deel van die top-40 Nou’n TV REEKS! Raak in 7 episodes deel van die 10 finaliste se reis na ’n glansvoorblad SARIE Voorbladgesig vanaf Augustus 2017 op kykNET DStv-kanaal 144 te sien Die 10 finaliste verskyn in die Augustus-uitgawe van SARIE wat vanaf 24 Julie op die rak is Karen Meiring, direkteur: kykNET-kanale “Dit is geen geheim nie dat Suid-Afrikaanse vroue wêreldwyd hul merk maak en SARIE se Oktober-uitgawe is jaarliks ’n bewys hiervan. Dit is vir kykNET ’n voorreg om ons platform vir die wedstryd beskikbaar te stel”…

Dis mos seuns wat ’n pa-figuur nodig het: ’n Positiewe rolmodel wat konsekwent dissipline toepas en energiek saam kan stoei en woel. Maar soos die lesersbrief getuig, beïnvloed Pa ook sy dogter se lewe op verrassende maniere. Onder meer haar verhoudings met mans: die gehalte daarvan, met wie sy uitgaan en wanneer sy die eerste keer seks het. Waarskynlik is jou pa, of ander manlike versorger in jou vroeë lewe, jou eerste model van ’n verhouding met ’n man. Kinders is onvoorwaardelik lief vir hul ouers, die omstandighede ten spyt. Hulle aanvaar hul ouers se liefde en sorg (of gebrek daaraan) as normaal. Ons ouers leer ons om die lewe en verhoudings te benader – hoe om liefde te wys en ontvang, verskille te hanteer, gevoelens te verwerk, ens. En…

Jy is in Kanada gebore . . . My Afrikaanse pa, Louis, is Kanada toe om sy PhD in geologie te doen. Hy ontmoet toe my Kanadese ma, Lucretia. Hulle raak verlief, trou en ek is gebore. Toe ek drie was, het ons teruggekom Suid-Afrika toe. Dís die land wat ek ken. Ek’s in murg en been ’n Suid-Afrikaner. Kan jou ma Afrikaans verstaan? My ma kon net Engels en Frans praat toe sy hier gekom het, maar in minder as vier jaar was haar Afrikaans vlot. Sy praat steeds Engels met ’n Kanadese aksent, maar in Afrikaans kan sy enigiemand onder die tafel in gesels. Ons het in Kanada op ’n klein Franse dorpie gebly. As klein kind het ek so ’n mengsel van drie tale gepraat, maar ek…

KAFTAN Vir ’n droomverlore, gemaklike gevoel, belê in ’n kaftan van fluweel. Fluweel-kaftan met kralewerk en sychiffon-versiering (prys op aanvraag), Gavin Rajah. Swart rolnektrui (R299), Woolworths. GROOTTES Kaftan: Op bestelling Trui: XS – XXL BLOES Polkakolle van fluweel sorg vir interessante tekstuur waarna mense twee keer sal kyk. Deursigtige swart bloes met fluweel-polkakolle (R999), Witchery. GROOTTES Top: 4 – 16 VLIEËNIERSTYL BAADJIE Winter se moet-hê-baadjie is ook beskikbaar in fluweel. Dit lyk net so goed saam met ’n romp as saam met jou gunsteling-jeans. Vlieënierstyl baadjie ( bomber jacket ) van fluweel (R1 029), Zara. Wit bloes (R890), Joanna Hedley. Goue midiromp met plooie (R329), H&M. GROOTTES Baadjie: S – L Bloes: S – L Romp: 32 – 46 INSTEEKSKOENE Fluweel is nie net gewild vir winter 2017…

1. Verruil jou mat- of poeieronderlaag vir ’n serum-onderlaag Serum-onderlae bied nie net sysagte bedekking nie, maar bevat ook ’n mengsel van aktiewe bestanddele wat jou vel bevog en dit plomp en stralend laat lyk, sonder dat dit “aangeplak” op jou vel voel. As jy ’n olierige vel het, kies een met ’n olievrye formule wat steeds bevogtigend is. 2. Dra ’n bevogtigende gesigsproei in jou handsak saam Gedurende die koue maande is ’n bevogtigende gesigsproei ’n móét-hê-produk, veral as jy baie tyd in ’n omgewing met ’n verwarmer of lugversorging deurbring, sê dr. Juanita Kilian, produkontwikkeling-spesialis van Nimue. Spuit dit aan net voordat jy jou onderlaag aanwend om as ’n bevogtigende basislaag te dien. Gooi dit dan in jou handsak om jou vel deur die dag te verfris en…

KOOK, LEEF EN WERK Die skuur is in twee verdeel om ’n leefarea aan die een kant en ’n slaap- en badkamer aan die ander kant in te rig. Die verrassing is dat die rustieke kleisteenmure, oorspronklike ronde venster en ruwe dakkappe behou is, maar dat die res van die afwerking luuks en kontemporêr is. Die swart kaste teen een muur huisves die kombuis en die afgevlakte sementvloer is prakties en skep ’n warm gevoel. Sharon woon dolgelukkig hier op haar vriende se plaas. Sy is ’n juwelier (Cole Jewellery) en het ’n klein werkstasie langs die kaggel ingerig waar sy #woeker as sy nie na haar werkswinkel in Woodstock gaan nie. Die stoele is in die winter digby die vuur en in die somer vlak by die oop stoepdeur.…

KIES DIE REGTE VERF PVA beteken die verf is geskik vir mure en plafonne. Dit word binne ’n paar uur droog en twee lae is raadsaam. Eggshell en High Gloss word gebruik vir hout én metaal. Laat dit oornag droog word voor jy ’n tweede laag verf.…

Wêreldreisigers is ons almal vandag. Ons beweeg oor grense heen, na veraf plekke, nuwe dinge en anderste kulture. Ons bly leer, inligting is op ons voorstoep en ons pas ons sienings en menings aan. Soms reis ons fisiek, met ’n tas gepak, ander kere in ons gedagtes en drome; in hart en siel. Want dís wat die digitale era moontlik maak – ons kan vlieg vanaf ons lessenaar; ons kan die vreemde invaar deur ons selfoon. Wonder jy nog waar kom die groot serp as mode-trend die laaste seisoene vandaan? Die een waarin jy jou toewikkel nadat jy jou “reistas” vasgeknip het – reg om die wêreld te verken. Die Trebene-serp vertel die storie van avontuur en antieke handelsroetes en vakmanskap. Van Kasjmir en die changthangi-bok, wat net 0,1 persent…

My liefste dogter Ek is bang dat wat ek nou vir jou wil sê, hoegenaamd nie sin sal maak in jou lewe doer ver in die toekoms nie, Romy-lee. Dalk lees jy dié eendag in ’n kolonie op Mars. Met uncapped Wi-Fi. Soos ek hier sit en skryf, beplan jou ma my 53ste verjaardagpartytjie. Dis hoe lank ek vir jou gewag het. Ons is van ’n nuwerige spesie. Ons lewe almal ’n bietjie langer en jou generasie sal sekerlik ook. Daarom skrik ek nie vir ’n laatlammetjie nie. Ons noem dit ’n oorstootdrie-in-beseringstyd. Daar is egter een nadeel van ’n grysbaard-pappa. Tyd. As ek in my vaderlike onbehendigheid ’n oorlas van myself gaan maak, weet dan dit is omdat ons tydjie saam dalk ’n bietjie kort gaan wees. Ek gaan…