Indholdsfortegnelse for November 2017 i SARIE

Geel bars behoorlik dié maand uit SARIE. Soos somer. Van sangeres en aktrise Leah met haar breë Julia Roberts-glimlag op die voorblad, tot liedjieskrywer Johan Vorster se agterblad-rubriek oor sy soeke na ’n stukkie sonskyn in die Karoo terwyl hy in die winterkoue sy fliek Susters* geskiet het. En dis Amadeus in die kollig, sê Plascon se span. In 2018 is dié aardse geel die spil waarom die kleurwiel draai. Vir die heel eerste keer is ’n neutrale kleur van die jaar, en nie ’n kleur van die jaar nie, gekies. Hoekom? Want die wêreld is heeltyd aan’t verander, verduidelik hulle, ook wat skakerings en ontwerp betref, en Amadeus-geel sal die konstante wees, die balans bring . . . Vreemd om oor balans te praat in ’n tyd dat die…

My liggaam is ’n kryger Die syfers op my badkamerskaal staar na my met teleurgestelde oë. Iewers het my liggaam die verkeerde afdraaipad geneem en my boude het ekstra padkos vir die langpad gepak. Ontspanningstyd met ’n glanstydskrif in die hand ontrafel wanneer die modelle afkeurend na my terugkyk. Vinnig klap ek dit toe, maar my selfbewustheid is reeds wakker gemaak. My binnebene vryf liefdevol teen mekaar wanneer ek stap, my boarms waai saam met my hande wanneer ek groet en my boepie loer oor my broek se rand. Die wêreld het ’n prentjie geskep van dinge waaraan my lyf moet voldoen, en wanneer jy nie alles op die lys kan afmerk nie, is jou hart vol selftwyfel . . . Ek bevind my waar ek onbewustelik met afkeer na…

Leah se jongste musiektoekennings • Ghoema vir beste nuweling 2016 • Bok Radio se Bokkie-toekenning as sangeres van die jaar 2016 • Huisgenoot Tempotoekenning as nuweling van die jaar 2016 Mooiding. Dís wat hy haar noem. Leah se man, Hennie van Niekerk, dink sy is dié mooiste mens. Gebore Leani Ekermans, met die verhoognaam Leah, sê sy: “Is dit nie net die liefste ding om vir my te sê nie? Hy laat my so veilig voel.” Ons sit in ’n raserige koffieplek in Kaapstad. Die platop-die-aarde Leah wikkel haar hande deur klam, krullerige hare, min gepla dat dit nie perfek lyk nie. “Die reën is nodig en dis so knus hier binne,” lag sy. Haar hande “praat” saam soos sy vertel, donkerrooi naels gly deur die lug. Haar vel gloei.…

BELÊ IN ’N KLASSIEKE KLEDINGSTUK FORMEEL OF INFORMEEL, MET ’N SWART ROK KAN JY MOEITELOOS ’N STYLVOLLE UITRUSTING SKEP Ek’s gaande oor my deursigtige swart nommertjie. Swart is die kleur wat ek dra wanneer ek die dag haastig moet aantrek. Ek hoef nie te dink oor die uitrusting nie, want ek weet dit sal stylvol wees. Deursigtige stowwe is tans groot in mode-items en ek het dié seisoen besluit om te waag met ’n swart rokkie wat deurskyn. Ek voeg so ’n bietjie rock-sjiek by deur ’n leerbaadjie saam met dit te dra. Dit werk vir my gemaklik van dag tot aand. Moderedakteur: Amaria Carstens een rok, vele maniere  Die beste eienskap van ʼn swart rokkie is dat dit die veelsydigste mode-item is wat jy in die dag of aand…

ek sal my sondes soos juwele dra want hulle is mýne Uit die gedig ‘Wederkoms’ deur Loftus Marais in die bundel Die mooiste Afrikaanse Christelike gedigte , saamgestel deur Cas Vos (Lux Verbi, R280) SO SÊ Gerda Taljaard OP SARIE.COM oor haar jongste boek, Die laksman se dogter (Penguin, R230) Waar kom jy aan jou karakters? ’n Mens kom eintlik nie weg van jouself nie, so daar is baie van my in die karakters – in Rosaria, Annalisa en selfs Marcella. As jy ’n skrywer is, moet jy ’n goeie waarnemer wees. Jy moet mense fyn kan dophou en weergee. Daar is beslis van my familie en vriende hier en daar in die karakters, maar die res is net my ryk verbeelding. Waarom…

Die Victoria’s Secretmodeskou vind op 28 November in Sjanghai, China, plaas. Terug op die loopplank vir dié jaarlikse vertoning van luukse onderklere is model Behati Prinsloo wat in 2016 haar engelvlerke opgehang het vir die koms van haar en haar man, Adam Levine van Maroon 5, se eersteling, Dusty Rose. Nou betree sy die loopplank swanger met hul tweede kind wat in 2018 gebore word. Al is Behati vandag ’n Namibiër, is sy in Vanderbijlpark gebore. Haar opgang het in 2005 begin toe ’n talentsoeker haar in ’n Kaapse winkelsentrum raakgesien het. In November sal dit die tiende keer wees dat Behati vir Victoria’s Secret haar passies maak. Sy was ook al in advertensieveldtogte vir Tommy Hilfiger, Marc Jacobs, Nina Ricci en DKNY, asook op die voorblad van 20 tydskrifte…

Het jy geweet? Borrie word al vir duisende jare in Ayurvediese medisyne (’n vorm van holistiese geneeskunde) gebruik. In tradisionele Indiese en Chinese medisyne word dit voorgeskryf vir spysverteringsprobleme. Borrie het ’n peperige, warm smaak en word ook as ’n kleurmiddel ingespan. Bron: Clarins Noem dit sommer geelgoud. Want die voordele wat borrie vir jou gesondheid inhou, is nét so waardevol. As jy gewonder het hoekom jy dié spesery deesdae op al hoe meer restaurantspyskaarte sien – as bestanddeel in vars sappe tot ’n turmeric latte – is dit omdat borrie, of meer spesifiek die aktiewe bestanddeel kurkumien, breingesondheid kan aanhelp, insulienweerstandigheid kan verminder en matige depressiesimptome kan verlig. Dit was dus net ’n kwessie van tyd voordat die borrie op jou bord sy weg sou vind na die bottels…

Gesplete punte vorm wanneer jou hare droog is as gevolg van chemiese, fisieke of omgewingskade. Die beste manier om daarvan ontslae te raak is om die beskadigde haarpunte gereeld te laat sny, wat beteken jy moet ’n bietjie van jou hare se lengte prysgee. Gelukkig is daar nou ’n oplossing! Met die plaaslike salongroep Sorbet se nuwe Split Enderhaarbehandeling word ’n unieke haarsny-toestel gebruik om fyn, droë en gesplete hare al langs jou haarlengte liggies af te sny, sonder dat jy lengte verloor. Eers was die haarstilis jou hare, waarna sy dit glad uitblaas. Hierna knyp sy smal stroke hare in die toestel vas en beweeg dit stadig van bo na onder (nes ’n haaryster). Fyn lemmetjies aan die binnekant van die toestel sny dan slegs die beskadigde haartjies af…

Knap idee Die mobiele uitstalruimte is ook ’n drankkabinet. Chrisli het dit mooi gestileer met ’n gunsteling-foto, plante en ander memento’s…

Polenta-koekies Dié maand bak ons soetkoekies vir die vakansiekoekblik. Maar probeer ook hierdie sout weergawe van ’n klassieke Franse lekkerte, madeleines. Verhit oond tot 180 °C. Plaas 110 g fyn polenta, 20 g (60 ml) koekmeel, 5 ml koeksoda, 100 g gerasperde parmesaankaas, ’n knippie sout en peper na smaak in ’n mengbak. Voeg by 40 g (45 ml) gesmelte botter, 2 eiers en 160 ml karringmelk. Roer tot gladde mengsel. Spuit bakplaat goed met kleefwerende kossproei en skep mengsel in ’n spuitsak met 1 cm-tuit. Plaas 12 blaartjies Italiaanse pietersielie so 2 cm uitmekaar op die bakplaat. Spuit dan 3 cm lange worsies bo-oor elke blaartjie. Bak vir 5-8 minute of tot goudbruin. Sit warm voor. HERMAN HOU VAN Kleurryke kruiepot Vir die meeste mense is Le Creuset sinoniem…

Ek wou graag ’n tuin met bome hê. Dit gee kalmte Tinarie ‘Om aan my huis en tuin te werk aard my’ Tinarie van Wyk-Loots Aktrise, Riebeek-Kasteel Sy wens haar ma, Ansie Loots, wat aan kanker oorlede is, kon die huis op Riebeek-Kasteel sien waar sy sedert 2014 woon. “Sy sou so trots gewees het. Ag, ek huil sommer nou. Ek mis haar so bitterlik baie,” sê die veelbekroonde aktrise Tinarie van Wyk-Loots. Haar verloofde, die akteur Erik Holm, ’n kwadrupleeg, het die begin van die jaar met sy assistent, Louis Mabunda, by haar ingetrek. Hulle sit graag by die tafel onder die boom in die tuin, drink ’n koppie koffie en dink: Die lewe is goed. Om haar speel die katte Ethel, Evette, Mia en Snoop. ’n Paar hoenders…

Aanvaar dat julle verskillende perspektiewe het wat mekaar noodwendig gaan beïnvloed. Onthou, jy gaan nie van almal hou of hulle van jou nie. Daar gaan altyd mense wees wat jou nekhare laat rys. Identifiseer jou eie snellers wat met persoonlike vrese te doen het. Kweek empatie vir ander se gedrag, want jy ken nie hul storie nie. Ondersoek die impak van jou gedrag op ander. Probeer aanbeweeg sonder om die gedrag persoonlik op te neem, of gesels op ’n volwasse manier daaroor. Probeer ’n oplossing onderhandel. Bron: Wirika Field…

Die nuwe Afrikaanse fliek Susters sal van 1 Desember in rolprentteaters te sien wees. Maar met SARIE kry jy die geleentheid om dit reeds vooraf by ’n eksklusiewe vertoning te kyk, en ook skouer te skuur met die sterre van die fliek! Dit handel oor drie aangenome susters wat kontak verloor as volwassenes. Wanneer hul aanneemma sterf, onderneem hulle ’n reis saam met haar verpleër (Sean-Marco Vorster) en ontdek dat dit nie altyd net bloed is wat mense aan mekaar bind nie. Koop nou jou kaartjie en wees deel van dié ontdekkingsreis deur onder meer die pragtige Karoo saam met Diaan Lawrenson, Leah en Quanita Adams! En nooi sommer jou vriendinne ook saam. PRETORIA Datum: Donderdag 16 November om 18:00 Drag: Girls night out Prys: R150 (sluit bederf…

Waar sy gemaklik tussen die tafeltjies deur by die Tuinekafee in Kaapstad aangestap kom, ’n pruimkleurige beanie op die kop, jeans en ’n groot swart sonbril, lyk sy eintlik glad nie na Suzelle nie. Haar neus is toe en sy hoes ’n bietjie. “My hare is nog nat,” wys sy na die mussie. Sy klink rustig. Maar eintlik gons Julia Anastasopoulos se kop. Net soos die antieke Griekse filosoof Heraklitus geglo het – en Julia is van Griekse herkoms – getuig haar lewe dat die enigste konstante op aarde verandering is. Sy is onlangs getroud met Ari Krüger, ’n regisseur van advertensies en flieks en medeskepper van die komiese DIY-karakter Suzelle. Om die draai wag die bekendstelling van Tali’s Wedding Day, ’n mockumentary (’n satiriese “dokumentêr”) op die videoop-aanvraag-intekendiens Showmax.…

Hy het 55 miljoen albums in tien jaar verkoop, en reeds vier Grammy’s gewen. Hy’s Michael Bublé, die Kanadese jazz-en soulsanger wat harte wêreldwyd vinniger laat klop. Hy’s ook ’n ambassadeur vir Rolex. Maar die laaste jaar of so was ’n tyd van kommer en hartseer. Eers moes hy in Mei verlede jaar ’n operasie aan sy stembande ondergaan en hy mag vir weke nie ’n woord geuiter het nie. Toe in November word die mat onder die sanger en sy Argentynse rolprentstervrou, Luisana Lopilato, se voete uitgeruk: Hul oudste seun, Noah (4), is met lewerkanker gediagnoseer. “Ons is verpletter deur die kankerdiagnose van ons seuntjie . . .” het ’n emosionele Michael op sosiale media geskryf. Albei ouers het dadelik hul loopbane opsy geskuif en Noah se gesondheid eerste…

1 Was swart klere saam met ander swart of donker klere en kies altyd die koue wassiklus. 2 Jou swart rokkie helder. Skip Semi-Concentrated Liquid kan help om die kleure van jou klere te verbeter sodat die kleure vir langer helder bly. 3 Draai jou swart rokkie van binne na buite om voor jy dit was om die delikate materiaal teen slytasie te beskerm gedurende die wassiklus. Vermy verdere slytasie deur enige knope of ritssluiters toe te maak. 4 Hou jou swart rokkie vir langer nuut deur dit op ’n hanger te hang terwyl dit droog word, of laat dit plat droog word. Moenie in ’n tuimeldroër droogmaak nie. NUUT Nuwe Skip Semi-Concentrated Liquid met veselsorgtegnologie is ontwerp om materiaalvesels diep binne te dring sodat klere vir langer nuut kan…

Hierdie pragboek is die laaste een waaraan Margaret Roberts gewerk het tot net voor haar dood vroeër vanjaar. Haar dogter, Sandy, het die boek voltooi. Sy het ook gesorg vir van die foto’s. Elke plant se geskiedenis en storie word vertel, en die medisinale en kulinêre gebruike word ook aangedui. Duidelike lyntekeninge en foto’s maak dit maklik om plante uit te ken. In ’n roerende huldeblyk aan Margaret vertel Sandy hoe hulle vir 32 jaar saam gewerk het om kruie en die gebruik daarvan in Suid-Afrika te vestig. Margaret laat ’n ryk erfenis van plantkennis na en dis goed om te weet dat Sandy die werk gaan voortsit. Dié boek kry ’n ereplek op my boekrak.…

SONGODIN Beskerm jou vel teen die son met ’n geel hoed om ’n titsel kleur by die speelse kombinasie van strepe en blomme te voeg. Geel-en-wit strooihoed (R150), Foschini. Vlootblouen-roomkleur afskouer-top (R479), Topshop. Klein serpie van moerbei-sy (R799), ERDEM x H&M. GROOTTES Top: XS – L SJIEK GEMAK Geniet die gerief van ’n eenstuk en gee dit ekstra woema met geel hakskoene. Midi-eenstuk met blompatroon (R899), Zara. Kunssuède-opryghakskoene (R450), Foschini. Geel katoenserp as haarband (R199), Poetry. Oorbelle van swart tou, rooi hout en ’n varswaterpêrel (R1 600), Pichulik. GROOTTES Eenstuk: XS – L SPEELSE PRET ’n Interessante T-hemp gee ’n klassieke materiaal soos tweed ’n moderne aanslag. T-hemp met bewoording (R399), Tilonè. Potloodromp van geel-en-swart tweed (R1 199), ERDEM x H&M. GROOTTES T-hemp: S – L Romp: 32 – 44…

GESIG Probleem Sproete, oppervlakkige sonvlekke, gebarste aartjies, moesies Beste behandelings Laserbehandeling soos Pulsed Dye Laser en ligbehandeling soos IPL Om te weet Die ligstrale word deur oppervlakkige rooi en bruin pigmente in jou vel aangetrek, waar dit die pigmente verhit, saamtrek en “oplos”. Die terapeut fokus die laser op ’n aartjie of vlek en “skiet” dit met die laser voordat sy na die volgende een beweeg. Die behandeling neem net ’n paar minute. Probleem Lyntjies, plooie, pigmentasie, vergrote porieë Beste behandelings Fraksionele laserbehandelings soos Fraxel en iPixel Om te weet ’n Fraksionele laser wat die boonste lae van jou vel afskilfer (resurface), verbeter lyntjies en plooie op jou gesig en rondom jou oë en help om pigmentasievlekke weg te skaaf sodat dit ligter lyk. Dis ook uitstekend om vergrote porieë…

Ons raak sowat 250 keer ’n dag aan ons gesig, dikwels met hande wat nie skoon is nie, volgens die skoonheidshuis Nivea. Boonop dra besoedeling, vuilheid en grimering by tot verstopte porieë, velirritasies en knoppies. Dis dus belangrik dat jy jou vel soggens en saans goed skoonmaak. Dié nuwe miselwater (’n reiniger met olie-molekules wat aan onsuiwerhede op jou vel klou) is sommer ook ’n grimeerverwyderaar en verfrisser (toner) in een. Dis maklik en vinnig om te gebruik: Deurdrenk ’n stukkie watte met die miselwater en vee dit oor jou gesig. Met die nuwe Sunflowersparfuum van Elizabeth Arden wou die parfumeur die gevoel vasvang van die somerson wat op jou lyf bak. Dis ’n ligte, vars geur wat sprankel met note van sitroen, nartjie, appelblare en roos. Dié produk is…

Op reis deur die Amerikaanse staat Kalifornië het Lucia Pica, Chanel se grimeerhoof, inspirasie vir dié skoonheidshuis se nuwe grimeerreeks gevind. Langs die pad het sy skakerings van blou, groen en rooi aan die kuslyn en in die plantlewe raakgesien, asook die bruin van Los Angeles se geboue. Dié kleure het sy vasgevang in oogskadu’s, lipstiffies en naellakke. Die sterproduk is die Palette Essentielle (R1 080), met ’n verbloemer, verligterpoeier en blosser in een palet. Jy kan die blosser boonop op jou oë en lippe gebruik. Beskikbaar vir ’n beperkte tyd As jy ’n olierige vel het, moet jy dit steeds goed bevog. Die sleutel is ’n vogroom wat ’n matafwerking gee. La Mer se nuwe The Moisturizing Matte Lotion (R3 580) is vol mikrokapsules met bevogtigende bestanddele wat oopbreek…

JY BENODIG Sagte bedrukte materiaal, materiaalverf, groot aartappel, skerp mes met ’n lang lem, klein bakkie vir verf MAAK SÓ Sny aartappel in een egalige haal deur. Knip motief wat jy wil uitsny eers uit papier en speld dit vas op die aartappel. Kerf aartappel netjies weg rondom die motief Doop gesnyde kant in verf en sorg dat daar ’n dun egalige laag verf op die motief is. Oefen op ’n afvallappie tot jy die slag het…

FLORENTINES (neut-en-glanskersie-koekies met ’n donkersjokolade-bolaag) Daar word gestry oor of die koekie van Frankryk of Italië kom. Ek weet nie, maar ek is gek daarna. genoeg vir 10 • 100 g (110 ml) botter • 100 g (125 ml) suiker • 100 g heuning • 100 g (180 ml) meel • 60 g amandelvlokkies • 60 g amandelsplinters • 110 g versuikerde suurlemoenskil, fyngekap • 100 g donkersjokolade, gesmelt • 80 g rooi glanskersies, in stukkies gesny Verhit oond tot 180 °C. Plaas botter, suiker en heuning in pot en verhit oor lae hitte tot suiker gesmelt het. Verhoog hitte en bring tot kookpunt. Kook vir 5 minute terwyl jy elke nou en dan roer. Verwyder van hitte en voeg res van bestanddele, behalwe die sjokolade en kersies, by. Roer tot goed gemeng. Laat afkoel. Voer bakplate met…

Hoekom hou jy van bak? Dis die gevoel van my hande in die deeg. Hoe lewe begin vorm. Iets unieks. Iets wat ’n storie van liefde en omgee vertel. Bak is terapie vir my siel. Wat maak jul croissants so besonders? Dis al die liefde en geduld toegevou in lagie op lagie regte egte gesoute botter. Ons gebruik klipgemaalde meel uit Caledon en laat die deeg oornag rys – net vir so ’n bietjie ekstra geur. Wat is die grootste bakgier van ons tyd? Glutenvry is groot, maar ek steur my nie aan sulke giere nie. Ek hou van regte brood, met geure wat stadig ontwikkel. Loaves on Long s’n bak ek met ’n natuurlik gefermenteerde suurdeeg, wat ek al sewe jaar soos my kind troetel. Hoekom is brood tuis…

Wirika: “Verduidelik aan jou kind sy juffrou se gedrag is eerder ’n refleksie van haar verhouding met haarself as wat dit iets van sy waarde as mens sê. Hy kan net sy bes doen. So leer jou kind om eerder empatie te hê met ander as om dit as ’n aanval te ervaar. Jy kan ook op ’n volwasse manier met die juffrou gesels, dalk is daar iets omtrent jou kind wat haar pla. Hou jou eie snellers in gedagte. (Byvoorbeeld: Jy is oorsensitief vir terugvoering wat jy as kritiek ervaar.)”…

A Aldo 011 884 4141, 021 421 5674 www.aldoshoes.com B Billabong 021 421 9923, 011 784 2239 Block & Chisel 010 593 9308, 021 712 5193 www.blockandchisel.co.za C Country Road Home 0860 022 002 www.woolworths.co.za F Foschini 0860 576 576 www.foschini.co.za G Green Cross 0860 009 855 www.green-cross.com H H&M 0860 690 707 www.hm.com/za L Lalesso 021 422 2828 www.lalesso.com Loft Living 021 422 0088 www.loftliving.co.za Mr Price Home 0800 212 535 www.mrphome.com P Pichulik www.pichulik.com Poetry 0860 555 529 www.poetrystores.co.za S Salt Air info@saltair.co.za, www.saltairswimwear.com Seafolly 021 674 6091 www.seafolly.co.za Skinny laMinx 021 424 6290 www.skinnylaminx.com Slimsuit Distributors 021 702 3970 www.slimsuit.co.za T Tilonè tilonev@gmail.com Topshop 021 419 5900, 011 685 7070 Trenery 0860 022 002 www.woolworths.co.za V Vogel 021 447 6128 www.vogeldesign.co.za W Weylandts 0860 103 400 www.weylandts.co.za…

Kyk in Nataniël se klerekas Nataniël vier steeds sonder ophou sy 30 jaar op die verhoog. En nou is daar sy boek Closet, ’n visuele fees waarin hy sy beste kostuums wys. Hy stel ook die drie ontwerpers voor wat deur die jare verantwoordelik was vir sy fabelagtige uitrustings. Daar is ook fotosessies, CD-omslae en katalogusse. (Human & Rousseau, R390) AS MODE & SKOONHEID ONTMOET Elke aspek van Kenzo se nuwe parfuum, Kenzo World , is tot in die fynste detail beplan. Met dié vars somergeur kom twee wêrelde, dié van mode en skoonheid, bymekaar. Die bottel is in die vorm van ’n oog – ’n kenteken wat dikwels op dié modehuis se klereontwerpe gesien word. Die swart doppie verteenwoordig hul bekende Kalifornië-handsak en die oseaanblou verpakking staan uit tussen…

Ons is besig om my dagboek vir volgende jaar te finaliseer, konserte, reise, verfilming, skryftye en rustye. En weer eens maak dieselfde patroon sy verskyning. Dis ’n duidelike patroon wat bestaan uit diagonale strepies in potlood. (Ek is steeds getrou aan potlood en papier, ’n elektroniese dagboek is bog, ek hoor te veel: My foon is gesteel, my rekenaar is in vir ’n diens, ag, stuur asseblief weer die datums!) Die potloodstrepies dui rustye aan, weke wat noodgedwonge “geblok” word sodat ek geen afsprake maak of vertonings bevestig nie. Hierdie patroon het nie in die eerste 25 jaar van my loopbaan bestaan nie, ek het heeltyd tekere gegaan met my goeters. (My ouma se sin: Daai goeters wat jy so doen, is vir ouma baie mooi.) Uiteindelik was ek so…

Steve Hofmeyr gesels nie net nie. Hy práát. Terwyl hy jou stip in die oë kyk met sy potbloues. Asof daar te veel woorde en te min tyd is. Dalk is dít hoekom sy nuutste boek, Die Onaantasbares*, wat vanaf Oktober op die rakke is, binne minder as vier weke uit sy pen gevloei het. “Kyk, geen verwarde popster moet soveel CD’s en boeke uitgee én dan ’n kind op 53 kry nie,” lag hy. “Maar ek het aandagafleibaarheid en FOMO [fear of missing out] en hopeloos te veel lewenslus. Ek is ’n lewensvraat.” Hy verwys natuurlik na sy jongste kind, Romy-lee, wat vanjaar haar opwagting gemaak het, kort nadat hy sy boek klaar geskryf het. En dan sy eerste album met oorspronklike musiek in vyf jaar, Skree, wat óók…

In jou matriekjaar het die Sharks-akademie jou ’n rugbykontrak aangebied. Wonder jy soms hoe jou lewe sou wees as jy dit geteken het? Nee, ek’s nie een oomblik spyt nie. Drama maak my wêreld groter. Dit daag my uit. Ek moet dinge in die oë kyk, wat ander mense dalk nooit hoef te doen nie. Dit maak jou nogal street-smart. Maar ek mis rugby, ek sal baiekeer kyk en dink dit sou lekker gewees het om weer te speel. Jy het drama aan AFDA en die Universiteit Stellenbosch studeer. Wou jy nog altyd ’n akteur word? Toe ek klein was, was ek ’n entertainer en dikwels in my eie wêreld. Ek het graag Mr Bean nagemaak. Toe kom rugby. As kind het ek ’n klein rugbybal gehad; ek was sommer…

Jy is ’n oud-Namibiër en het ook op Upington gebly. Wat het jou laat besluit op Stockholm? Ná my studies aan Northlink College in die Kaap in 2003 het ek soos die meeste mense daardie tyd op die vliegtuig geklim om te gaan kyk wat aan die ander kant van die wêreld aangaan. Ek is Brittanje toe waar ek die grootste deel van my twee jaar daar vir Apple in Londen gewerk het, voordat ek en ’n vennoot ons eerste besigheid gestig het. Ons konsep was eenvoudig: Kyk na die tradisionele advertensiemark vir vliegtuie en doen ’n aanlyn weergawe daarvan. Ek het ’n klomp pret gehad en my droom van eendag ’n vlieënier wees, het soort van waar geword sonder om al die onkoste te dra. Ek was minstens twee…

DIERMOTIEF Omkeerbare luiperdmotieftweestuk, top (R249) en broekie (R229), H&M HOË MIDDELLYF Swart tweestuk met broekie met ’n hoë middellyf en draadondersteunde top (R1 099), Salt Air UITSNYDETAIL Roeskleurige eenstuk  met uitsnydetail (R450), Foschini EENSKOUER Swart eenskouer-eenstuk  met uitsnydetail (R479), Zara VALLE Swart swembroek met valdetail (prys op aanvraag), Witchery VETERDETAIL Olyfgroen tweestuk met veterdetail, top (R149) en bypassende broekie (R249), H&M HALTERNEK Swart halternek-tweestuk met polkakolle (R799), Jeep by Zando LAE V-NEK Groen halternek-eenstuk met diep V-nek (R479), Zara AMADEUS-GEEL* Blompatroon-tweestuk met oorkruistop (R649,95) en bypassende broekie (R449,95), Billabong DEURSIGTIGE DETAIL Swart eenskouer-eenstuk met verslankende panele (R2 995), Slimsuit versprei deur Slimsuit Distributors GERUIT Halternek-bikinitop met verwyderbare kussinkies (R279) en bypassende broekie (R180), Edition by Woolworths VAN DIE SKOUER AF Blompatroon-bikinitop met valdetail (R1 899) en bypassende broekie (R1 199),…

1. Is dié behandelings seer? Oor die algemeen voel die deel van jou vel waarop die strale of golwe tydens die behandeling fokus warm en ongemaklik – byna asof iemand ’n warm teelepel teen jou vel hou – maar dis beslis nie ondraaglik nie. Met enkelstraal-laserbehandeling voel dit byna asof iemand ’n rekkie op jou vel skiet en dit kan rooiheid en kneusing ná die tyd veroorsaak. Fraksionele laserbehandeling is meer pynlik en jou vel kan vir ’n kort tyd ná die behandeling rooi, sensitief en grof voel. 2. Hoeveel sessies is nodig? Met enkelstraal-lasers en IPLbehandelings is enigiets van 3 tot 8 sessies, ’n paar weke uitmekaar, nodig. Met fraksionele laserbehandeling benodig jy gewoonlik 3 tot 5 sessies oor ’n tydperk van 3 tot 6 maande, terwyl behandelings wat…

Kate Moss weer ‘18’! Met Calvin Klein se twee splinternuwe geure vir mans en vroue, genaamd Obsessed, bring dié modehuis hulde aan hul ikoniese Obsession-geur wat in 1985 die lig gesien het. En eerder as ’n splinternuwe veldtog het die modehuis foto’s en video’s uit die argief opgediep wat Vogue-fotograaf Mario Sorrenti in 1993 van Kate Moss as 18-jarige vir die Obsession-veldtog geneem het. Die Amerikaanse Vogue berig aanlyn die ontwerper Calvin Klein het destyds self die twee verliefdes vir 10 dae op hul eie na ’n afgeleë strand op die Britse Maagde-eilande gestuur om die foto’s en video’s vir dié veldtog te skiet. Die resultaat was intieme en sensuele swart-wit foto’s van Kate en Mario wat die veldtog onvergeetlik gemaak het. Prys: Calvin Klein CK Obsessed For Women (R1…

LIG EN RUIM Die leefarea is eenvoudig maar elegant gemeubileer met ’n L-vormige bank en ’n groot koffietafel. Dit was wik en weeg of hulle die balkon moet behou, maar meer leefruimte het gewen. Hulle het toe ’n lang toonbank oor die breedte van die vertrek voor die venster opgesit. Hier kan jy sit en kuier en die mooi see-uitsig geniet. Die spesiale dubbele vensters (sigbaar aan die onderkant) kan skerp lig demp en werk met afstandbeheer. SLIM BEPLAN Die muur tussen die kombuis en sitkamer is uitgebreek sodat dit nou een groot langwerpige vertrek is. Aan die een kant van die kombuisdeel is kaste van vloer tot dak ingesit. Dit is onder meer ’n groot kruidenierskas, met plek vir die yskas en selfs die kat se sandbak met ’n…

ONTHOU DIE DRIEPUNTPLAN AS JY ’N KOMBUIS ONTWERP Wasbak, stoof en yskas min of meer in ’n driehoek Goeie pasmaats vir geel is hierdie grys-en-wit porseleinmuurteëls (vanaf R39 elk) en die seshoekige kleiteëls (vanaf R175 m²) van Shawtec, www.shawtec.co.za…

Só sê Minki van der Westhuizen wat weer aanbieder is van die gewilde Boer ’n soek ’n vrou wat so pas begin het. Hiermee vier dié werklikheidsreeks, oor die liefdes en leed van plaaslike enkellopende boere wat vrou soek, 10 suksesvolle jare op televisie. Die wenresep? “Enigiemand hou daarvan om te sien hoe iemand anders liefde vind en dit gee baie mense hoop. “Volg jou hart, nie jou kop nie,” is haar liefdesraad. Minki het onlangs haar eie goeie lentenuus op Instagram gedeel – sy’s swanger met baba nommer drie. Sy en haar rugbyman, Ernst Joubert, het reeds twee dogtertjies, Katerien en Elise. ’n Nuwe boetie, of sussie, word in Maart verwag. Hoe voel sy hieroor? Haar inskrywing sê dit alles: #superopgewonde #dankieJesus #dankbaar #bevoorreg #kanniemeerdiemagiewegsteeknie * Lees ook die…

MARLIZE: “Berus by die wete dat jou werketiek van hare verskil. En dat dit vir jou belangrik is om nie lyf weg te steek nie. Vra jouself af of jy nie dalk te sensitief is nie. Laat sy jou nie miskien onseker voel met haar tipe persoonlikheid en selfvertroue nie? Maak vrede met wie jy is. Indien jy in ’n meer senior posisie is, kan jy met haar bespreek dat jy reken sy steek lyf weg. Indien julle egter op dieselfde posvlak is, moet jy jouself meer laat geld en nie toelaat dat sy jou laat sleg voel oor jouself nie.” WIRIKA: “Onthou, julle is totaal verskillende mense met jul eie standaarde en manier van dinge doen. Dat elkeen net verantwoordelikheid vir haar eie werk aanvaar. Om nie te verwag…

Marlize: “Dis dalk moeilik vir haar om by die veranderende omstandighede aan te pas. En miskien sukkel jy net met jou selfbeeld – jy voel nie goed nie en projekteer dit op haar. Ondersoek jou eie onsekerhede objektief. Indien moontlik, vra iemand binne jul persoonlike kring se mening.” Inderdaad, sê Wirika. Tensy jou skoonma dit direk vir jou gesê het, maak jy ’n aanname. Dalk moet julle ’n empatiese gesprek hê om onnodige toekomstige krapperigheid te vermy. As jy steeds dink sy aanvaar jou nie, maak vrede daarmee, gaan Marlize voort. “Reik uit na haar, doen moeite sodat sy jou kan leer vertrou en liefkry, ’n wen-wen-situasie. Of ignoreer haar afsydigheid en gaan aan met jou lewe. Maar dit gaan vir almal ’n moeilike situasie wees.”…

ONVERWERKTE KOS Vrugte, groente (verkieslik organies) Droë peulgroente (lensies, bone en kekerertjies) Neute Eiers van vryloophoenders MINIMAAL VERWERKTE KOS Onverfynde grane (bruin- en wilderys, heelkorrelhawermout, steengemaalde of growwe volgraanmele) Organiese melk Groente-olies met “goeie” vet (olyf- en avokado-olie) Ongeprosesseerde vleis, verkieslik van vryloopdiere Bevrore vrugte/groente…

“Ja, baas!” gil sy oor die vallei. Baas! Baas! gooi die kranse haar stem terug na haar toe. “Nee, baas!” Baas! Baas! Baas . . . weerkaats haar stem al sagter van rant tot rant. Dis al wat sy is: ’n naprater. Doen-soos-ek-sê. En nou kom haar kind huis toe – ’n lektor met ’n meestersgraad in die kunste, ’n wonderwerk op sigself. Ver onder kronkel die rivier. In die skadu van die berg lyk die water pikswart. “’n Seun van my wat gaan leer om prentjies te teken?” Dit was Deo de Waal se oor-my-dooie-liggaam-reaksie. “Sulke bloed vloei nie deur my familie se are nie, dit laat my wonder of jy my kind is.” Die pyn in haar kind se oë het seerder gemaak as die implikasie dat sy…