Indholdsfortegnelse for October 2015 i SARIE

MODE-WOORDE Coco Chanel is vanjaar 132 jaar gelede gebore en ontwerper Karl Lagerfeld het in sy 2015/16 Herfs/Winter-versameling opnuut aan dié formidabele vrou hulde gebring. Sy is bekend as baanbreker-ontwerper, maar ook vir haar wyse sêgoed. In dié uitgawe wys ons als wat vir somer in die mode is, of dit nou skoonheid, dekor, kos of mode self is. Des te meer het dié woorde van Chanel trefkrag: “Mode is nie net rokke nie. Mode is in die lug, in die straat – dit het als te doen met idees, met ons leefstyl, met gebeurtenisse . . .” Pure goud Modeontwerper Michael Kors se wêreld is goud – van die luukse materiaal van sy ontwerpe tot die glans van sy juwele. In SA geniet ons nou sy 3 nuwe goue…

’nHalfleë fontein, tuinslang eenkant. Pienk-en-geel plastiek-skopfietsie op sy sy. Van agter ’n toe voordeur die gejil van ’n kleuter, tjilpende parkiet, honde wat blaf, ’n wasmasjien wat al hoe harder begin zoei . . . Durbanville op ’n weeksoggend. Dit “ding-dong” diep binne die huis. Die voordeur swaai oop. ’n Reus van ’n man staan die deurkosyn vol, in sportbroekie en plakkies en met ’n breë glimlag, wilde boskaas en nóg wilder baard. “Duane,” sê hy, en steek ’n hand uit so groot soos ’n ham. “Stap in. Die outjie is ’n bietjie besig vandag . . .” Duane Vermeulen, legendariese Bok-agsteman wie se naam vóór Schalk Burger se aanstelling as Bok-kaptein in rugbykringe genoem is as ’n moontlike opvolger vir die beseerde Jean de Villiers. “Thormeulen”, wat byna op…

Sy sien dit nog voor haar, asof dit gister was: Haar oudste suster, uitgestrek op die agterstoep van haar huis in Johannesburg, die paramedici wat spook om haar by te bring, gehurk langs haar liggaam. Die aktrise Melanie du Bois se stem klim ’n oktaaf, haar mondhoeke trek ondertoe. “Ek het alles verloor. Ek weet nie. Dit was die einde van iets in my. Ek weet nog nie wat nie. Elke keer wanneer ek my oë toemaak . . .” Sy skud haar kop, sy kan nie haar sin klaarmaak nie. Dan haal sy ’n snesie uit die pakkie wat sy deesdae oral saamdra, vee onder elke oog. Want vroeër vanjaar het die ondenkbare gebeur. Haar sus, Lucia Wilson, het haarself in April in haar jongste seun, Michael, se motor…

Jy het in Texas grootgeword. Wat het jy gedink toe jy in SA aanland as balletdanser in Swan Lake ? Ek het geen vooropgestelde idees gehad toe ek in 1983 in Suid-Afrika gekom het nie, maar ek was beslis nie daarop voorbereid dat die winkels hier destyds op ’n Saterdagmiddag toegemaak en eers weer Maandag oopgemaak het nie. Ek het dadelik 20 rolle toiletpapier gaan koop! Ná Swan Lake, waarin ek die rol van die prins gedans het, is ek ’n kontrak hier aangebied en het besluit om te bly vir die interessante nuwe produksies wat ons sou aanpak. Jy is deesdae meer bekend vir jou rol as Freddie Mercury in produksies soos The Queen Experience . Hoe hou jy dit steeds opwindend? My…

GROOTSTE UITDAGING Om die onderneming oorsee uit te bou tydens Suid-Afrika se wintermaande, omdat daar dan min bruide plaaslik is. Ek het al na Engeland, die VSA en Ierland begin uitvoer, en wil nou ’n webwerf in Frans bou sodat ek na daardie lande ook kan uitvoer. SWAARSTE LES GELEER Om my eie beperkings te leer ken. Ek moes aanvaar ek kan nie op een slag alles vir almal wees nie, want dan skeep ek alles af. Nou fokus ek op een projek op ’n slag en doen dit eerder deeglik. EIENSKAPPE NODIG OM JOU ONDERNEMING TE LAAT SLAAG Kreatiwiteit en sakevernuf is ewe belangrik. Ek moes leer om meer pligsgetrou met my administrasie te wees, wat ek verpes, en om ook goeie bemarking te doen. HOOGTEPUNT Om vanjaar ’n…

We Are the Champions: The Champion Trees of South Africa ENRICO & ERNA LIEBENBERG (HPH PUBLISHING, R690) Die Liebenbergs het per toeval uitgevind dat Suid-Afrika die enigste projek in Afrika het waardeur uitsonderlike groot en ou bome deur wetgewing beskerm word. Op hul reise het hulle verskeie bome raakgeloop en toe besluit om al 75 kampioenbome van Suid-Afrika, sowel as die sewe nuut benoemde bome soos op 31 Desember 2014, af te neem. In twee jaar het hulle byna 40 000 km gery om by bome in die verste uithoeke van die land uit te kom. Omdat daar nie geredelik inligting oor die bome beskikbaar is nie, is elke boom gedokumenteer met ’n kort beskrywing, asook met akkurate GPS-koördinate van die ligging. Dié pragboek is ’n waardevolle erfstuk vir ons…

6 Kort top Van Kendall Jenner tot Kim Kardashian is gaande hieroor, meer bekend as die crop top. 7 Oor-bling Oorversier jou oor vir somer – met ’n juweel wat om die oorskulp se rand sluit. En dit hoef nie simmetries te wees nie. 8 Wyepypbroek Die snit lyk besonder vleiend as jy dit by hoëhakskoene dra. 9 Kaal skouers Nie net is dié halslyn gróót nie, dit pas boonop alle figure. 10 Midi-ringe Laat jou hande die praatwerk doen met ringe wat op die tweede lit van jou vinger sit. 11 Pienk Jy is óf mal daaroor óf glad nie, maar dit is beslis ’n kleur wat jy in jou kas móét hê. Dit het reeds die loopplankmodes vir winter 2016 ook oorheers. Jy sal dus meer…

Retinol teen veroudering 1. Dié superserum stimuleer die vervaardiging van kollageen en moedig selvernuwing aan – Optiphi Intense Retinol Infinity Serum (R1 095). By uitsoeksalonne en -spa’s 2. Retinol word met bevogtigende bestanddele gekombineer in pHformula Vita A 24 Hour Cream (R989) en verminder die voorkoms van plooie en fyn lyntjies. Beskikbaar by mediese spa’s en dokterspreekkamers. E-pos: news@phformula.co.za 3. Die kragtige formule van Dermaceutic Activ Retinol 1.0 Intense Anti-Age Serum (R770) bevat ook vitamien C en E om jou vel helder en bevog te hou. By estetiese klinieke. Besoek www.conquest.co.za Ligte grimering en mat vir jou lippe 1. Die langdurige formule van Justine Luxe Seduction Mascara (R179) sorg dat jou maskara heeldag hou. Skakel 0860 102 345 2. Dié vogtige verligter bevat ligweerkaatsende deeltjies wat glans aan jou vel…

35 Tropies Skep die gevoel met ’n hangplant toegewikkel in mos (vanaf R295), Opus Studio. 36 Groepering Kies ’n groep klein tafeltjies pleks van ’n bonkige koffietafel. As jy gaste kry, kan almal maklik een bereik. Tafeltjies (vanaf R1 799 elk), sofacompany.com 37 Skandinawies Jou rusbank is gewoonlik ’n fokuspunt in ’n vertrek – die nuutste trend is ’n bank in die Skandinawiese styl. Vida-3-sitplek-sofa (R11 999), sofacompany.com. 38 Digitaal Lewensgetroue ontwerpe, soos die foto-afdruk op dié blomkussing (vanaf R119) van Mr Price Home, pas by die minimalistiese voorkoms van die Skandinawiese styl. 39 Geometries Matte met ’n geometriese patroon, soos dié van Mr Price Home (R1 500), verander ’n vertrek in ’n oogwink. Wenk Pleks dat jy jou kunswerke ophang, installeer ’n smal sweefrak (by die meeste ysterwarewinkels) en…

64 Groen tjips Krulkool (kale) is niks nuuts op die spyskaart nie – maar het jy dit al gedroog in die oond saam met neute en voorgesit met Mrs H.S. Ball’s-blatjang? Maak só Verhit oond tot 180 °C. Pak 200 g krulkoolblare en 100 g gekapte pekanneute op ’n bakplaat. Sprinkel 60 ml olyfolie oor en geur goed met sout en peper. Bak vir 15 – 20 minute of tot bros. Sit voor met blatjang. Kraak jou neute Koop heel neute in die dop om seker te maak dis nog vars. Kraak die doppe moeiteloos met dié neutekraker van Kitchen Craft. Aanlyn te koop by www.yuppiechef.com teen R169 KOOK SOOS RICK Die Franse TV-sjef Rick Stein is terug met ’n nuwe boek, Rick Stein from Venice to Istanbul (Penguin, R525),…

UIT PROVENCE Goeters wat uit die grond groei, verskaf my al hoe groter vreugde. Veral goeters wat ek self geplant het. Vreemd, want ek het nooit gedog ek is iemand met groen vingers nie. Kleintyd, toe Juffrou vir elke kind in die klas ’n boontjie gegee het wat ons in klam watte moes laat ontkiem, was ek die kind wie se boontjie gevrot het. Keer op keer. Ek het ook nie daarvan gehou om met my ongroen vingers in die grond te vroetel nie. Vuil naels het my laat gril. Van jongs af verkies ek my hande swart van drukkersink of blou van ’n pen se ink eerder as bruin van modder. Boonop was ek ’n stadskind wat nooit moes saai of maai of plant of oes nie. Al tuinwerk…

Jou voordeel as pa is dat jy waarskynlik feite van emosie kan skei. Fokus hierop, en moenie dat jou emosies teenoor jou eks jou kind seermaak nie. Vra hulp as jy dit nodig het. Mans sukkel soms hiermee. Skep ’n goeie ondersteuningsnetwerk om te help met tuiswerk en buitemuurse aktiwiteite. Onthou om ook soms alleentyd in te ruim. Jou kind moet weet jy het ook emosionele behoeftes. Kinders het struktuur, grense, leiding en liefde nodig. Moenie jou kind skielik ná ’n egskeiding begin bederf nie, want kinders kan dit begin uitbuit. Hulle het eerder liefde en lojaliteit nodig. Betrek oumas, oupas, die skool se nasorgsentrum en kinderoppassers sodat jou kind goeie rolmodelle van albei geslagte het. Kieno sê ook enkelouers moet aan die toekoms dink. “Kry polisse vir jou kinders…

Jy moet murg in jou pype hê om kinders van suiker te probeer speen, het Kath geleer. Sy sit dus twee keer per week ’n hand vol gesonde en ongesonde bederfkos in ’n boks: soos biltong, springmielies, minisjokoladestafies, droëvrugte en biltong. Hulle kan besluit wanneer hulle dit wil eet. “Ek wou dit nie beheer nie. Ek is nie altyd daar nie en hulle moes leer om self na hul lyf te luister. Dit het my stoutste verwagting oortref. Die neul en onderhandelinge tuis het gestop, ook die oorloë by die winkel se lekkergoed-rak. Soet bederfies het die glans van iets verbode verloor. Die bederfboks is nou soms selfs heeltemal vergete. Ek het onlangs gehoor hoe Jaytn aan sy oppasser sê hy het reeds sy weeklikse bederfie gehad en sal dus…

A @home 0860 576 576 www.home.co.za Aldo 011 884 4141, 021 421 5674 www.aldoshoes.com/za American Swiss 021 938 1918 www.americanswiss.co.za B Belgotex 033 897 7500 www.belgotexfloorcoverings.co.za Black Fabrics 011 262 3130 www.blackfabrics.co.za Boardmans www.boardmans.co.za C Chandler House 083 423 2001 www.chandlerhouse.co.za CJR Gift Sales 011 257 6000 www.cjr.co.za Collect Mea Story 076 639 0652 Coricraft 011 6118 700 www.coricraft.co.za Cotton On www.cottonon.co.za Country Road Home 0860 022 002 www.woolworths.co.za F Forever 21 021 555 3324 www.forever21.com Foschini 021 938 1911 www.foschini.co.za Fossil @ S.Keren Watch Group 021 418 0045 www.watchgroup.co.za G G.Couture 011 444 2682, 021 447 3280 www.gcoutureshop.co.za Green Cross 0860 473 369 www.green-cross.co.za Gucci 021 421 8800, 011 326 7928 www.gucci.com H Havaianas 021 511 1182 en-za.havaianas.com Hertex Fabrics 0860 437 839 www.hertex.co.za H&M 021 826 7300 www.hm.com/za…

LAASTE SÊ My vriend Leon is ’n edel mens. As jy sy vyand is, het jy rede om bekommerd te wees oor hoe dit met jou binneste gaan. ’n Vrygesel in sy vroeë sestigs, is hy ’n afgetrede bankier wat mense nou help om fiks en gesond te lewe. As Leon een van ons, sy vriende, ooit sou nodig kry, sou ons enigiets doen om hom te help. Jy sou nie anders kon nie . . . Maar dié week, toe blaas Fessie sy laaste asem uit. Vir tien jaar het hierdie dierbare basset so naby aan Leon gekom as wat net hulle sal verstaan wat weet wat ’n dier se liefde aan jou hart kan doen. Wat sê ek, as vriend en predikant, vir Leon? Het ek dieselfde trooswoorde…

Woelig, vinnig, opwindend. Dis hoe dit is dié tyd van die jaar by SARIE. Somer is in die lug met vars stories om te vertel en nuwe dinge om te deel. Maar beste van als ... dis Voorbladgesigmaand! Vir ons is dit ’n hoogtepunt, want daar’s niks lekkerder en meer bevredigend as om te sien dat ’n leser dit tot op SARIE se voorblad maak nie. Dat vorige wenners soos Alrie Velleman van Port Elizabeth, Tana Ferreira van Pretoria, Marike Nel van Centurion en Monique Sutherland van Westonaria ons tydskrif laat skitter – dis immers vir vroue soos hulle dat SARIE elke maand op die rak is. Nooit het ek gedink toe ons die wedstryd in 2011 begin het dat duisende, nee derduisende, vroue van oor die hele land jaarliks…

KAALKOP Hierdie is nie ’n hartseer storie nie, dit begin wel op die dag van my ouma se begrafnis. My ouma is meer as dertig jaar gelede oorlede, haar begrafnis was ’n groot gebeurtenis in die Andrew Murray-kerk op Wellington, daar was honderde mense. Ek was ’n musiekstudent in my tweede jaar en my ouma was my heldin en grootste ondersteuner, ek het dus die orrel gespeel tydens die diens, dit sou haar vreeslik gelukkig gemaak het. Ek onthou ek het alleen Wellington toe gery met my afgryslike bleek studentemotor, dit was ’n afskuwelike roomkleurige voertuig en het my altyd laat dink aan die toonnael van ’n reus. Ná die diens is almal begraafplaas toe. Ek het heel laaste opgedaag en wou nie naby die ander wees nie. Daar was…

Februarie-maand gaan Kos + Dekor op almal se lippe wees. Jy kan kies en keur uit ’n verskeidenheid gebeurtenisse en byeenkomste wat jou gunsteling-tydskrifte in Gauteng en Kaapstad hou. Jy het reg gehoor 30 dae van kos & drank 30 dae van idees & inspirasie 30 dae van makieties & celebs 30 dae van geskenke & promosies 30 dae van koop & afslag Die Februarie-fees bou op tot ’n HOOGTEPUNT, die ongelooflike 30 Dae van Kos + Dekor-naweek, waarheen ons jou nooi. Kom ontmoet jou gunsteling-tydskrifspan en sien hoe die blaaie van jou tydskrifte voor jou oë lewe kry! Koop nóú jou kaartjies! R150 per persoon – jy kies of jy die oggendof namiddagsessie wil bywoon www.30days.co.za die mense Bobby & Karlien van Jaarsveld Suzelle DIY Marc Lottering Pete Goffe-Wood…

CHRISTELLE Geluk met die nuweling! Stel ons voor asseblief? Sy naam is Christean en hy is sy boetie, Jóvan (3), uitgeknip. Hulle huil dieselfde, drink dieselfde en is baie rustig. Hy het 3,5 kg geweeg by geboorte op 10 Augustus – ’n regte rugbyspelertjie! Ek wou nog altyd my seuntjie eendag Christean noem; dis vir my so mooi en klink baie soos my en my ma, Christine, se name. Ek moet sê, ek dink hy is so rustig omdat ek self dié keer rustiger is – nie dat sy boetie stout was nie! Hierdie keer wonder ek nie wat elke “wê” beteken, en of ek alles reg doen nie! Julle is kort ná die geboorte in Suid-Afrika terug Frankryk toe. Geniet julle dit daar? Ons mis natuurlik ons mense, maar…

OP DIE VROU AF Dis wat sy doen: Sy groet wildvreemde mense in restaurante, al is dit ook net met ’n knik of ’n glimlag. “Ken jy die mense?” vra jy. “Nee,” sê sy, “ek’s net vriendelik!” En vriendelikheid kos immers niks, het haar ma haar geleer. “Jou ma jou nie geleer om nie met vreemde mense te praat nie?” “Ek vat darem nie lekkers by vreemde ooms nie, nè?” troef sy. En nadat sy almal in die nabye omgewing gegroet het, sê sy: “Ek wonder wat eet daardie vrou, dit lyk so lekker?” “Asseblief,” sê jy. “Moenie. Moenie eens daaraan dink nie ... Hierdie spyskaart is nie groot genoeg dat ek daaragter kan wegkruip nie.” Jy wink die kelnerin vinnig nader en fluister vir haar: Wat eet daardie vrou…

Daar is ’n handjievol mense in die wêreld wat gelukkig genoeg is om van kleins af te weet wat hulle met hul lewe wil doen. Dawn Bolton is een van hulle. Toe sy vyf jaar oud was, het sy begin om ringe van pypskoonmakers te maak, en teen die tyd dat sy op hoërskool was, het sy draadbykomstighede gemaak en dit langs die strand in haar tuisstad, Port Elizabeth, verkoop. Vandag is sy die kreatiewe brein agter Mythology, ’n reeks juweliersware en bykomstighede, en het al haar produkte na lande soos die VSA, Spanje, Australië en Frankryk uitgevoer. Haar produkte van herwinde materiale is veral gewild. “Ek gaar vreeslik op en sukkel om enigiets weg te gooi wat net effens mooi is. So ’n paar jaar gelede het ek begin…

GROOTSTE UITDAGING Om aan te hou werk nadat my man, Neels, nege jaar gelede oorlede is. Met ’n kind tuis kon ek nie juis tyd afvat nie en was kort ná sy dood weer hard aan die werk. Die groot projekte het tog gehelp om my aandag af te trek. SWAARSTE LES GELEER Om nie toe te laat dat die besigheid te vinnig groei as jy nie gereed is daarvoor nie. Soms is dit beter om kleiner te bly en kop bo water to hou as om nie genoeg tyd te hê om by alles uit te kom nie. EIENSKAPPE NODIG OM SO ’N ONDERNEMING TE LAAT SLAAG Deursettingsvermoë wanneer jy moeg is of dinge moeilik gaan. ’n Goeie span wat die onderneming verstaan, is ook noodsaaklik! Bemarking is ook…

VOORBLADGESIG 2014 Monique Sutherland Met haar donkerbruin oë en warm glimlag het dié 22-jarige salarisbeampte van Westonaria, Gauteng, verlede jaar met die titel SARIE Voorbladgesig weggestap. Toe sy vooraf in ’n onderhoud gevra is wat sy sou doen as sy wen, het sy gesê: “Vir myself ’n karretjie koop en jongmense met my storie inspireer.” Dit is presies wat sy vandag doen. Hoewel Monique swaar grootgeword het, glo sy dat jy met ambisie en harde werk suksesvol kan wees. Dié boodskap het sy al by verskeie skole in Gauteng as motiveringspreker gedeel. En sy hét toe daardie karretjie met haar wengeld gekoop – ’n splinternuwe silwer Kia Picanto. Monique het ook vanjaar met ’n deeltydse graad in kommunikasiekunde deur UNISA begin. “Dis my droom om eendag ’n TV-aanbieder of te…

19 Horlosies Vroulik en tydloos – veral roosgoud-horlosies gee ’n gesofistikeerde gevoel aan enige voorkoms 20 Blompatrone Jy kan heeldag lank ’n blomtuin aan jou voete hê met blompatroonskoene – net reg vir die kantoor of naweekgemak OM TE WEET Vir nog mode-inspirasie, besoek Saartjie se blog op SARIE.com vir die nuutste modenuus, straatstyl en beste kopies Amaria Carstens Vir mooi voete Die battery-aangedrewe roller van die Scholl Velvet Smooth Electronic Foot File (R400) beweeg sag oor jou voete om enige growwe dele te verwyder en jou voete perfek te hou vir oop skoene 21 Moderne pêrels Of dit nou nagemaak of eg is, pêrels moet jy dié seisoen dra. Wees op die uitkyk vir interessante kombinasies met ander stene 22 Boheemse styl ( boho ) As jy…

Daar is meer aan Mauritius as wit strande, kleurryke skemerdrankies en ’n warm see Soos die res van Afrika gereeld vir die wêreld wys, is hierdie tropiese eiland ook ’n skatkis van bestanddele. Op ’n onlangse reis na dié juweel in die Indiese Oseaan het ek gaan soek na bestanddele wat ek glo in 2016 in almal se koskas gaan wees. My soektog het begin by ’n vanielje -plantasie (sien bl. 120) wat jou sommer nederig laat voel, want hier werk die mense hard om die wêreld van een van sy gunsteling-bestanddele te voorsien. Ons het die hele proses van blom tot peul gevolg en opnuut respek gekry vir vanielje, wat reeds sedert die 15de eeu gebruik word. Dis die enigste orgidee waarvan die vrug geëet kan word. Buite sy…

ALMOND BREEZE IS ’N HEERLIKE ALTERNATIEF VIR MELK en het boonop die talle gesondheidsvoordele van amandel, ’n natuurlike superkos. Jy kan dit gebruik in smoothies, ontbytgraan, koffie en gebak. Of net so drink in ’n glas. Die twee soorte, Original en Unsweetened, is geskik vir mense wat allergies vir suiwel of gluten is of ’n veganistiese dieet volg. Dis laag in vet, laktose-vry en het die helfte minder kJ as vetvrye melk. Amandelmelk is ook propvol kalsium, vitamien D en E vir sterk bene en ’n gesonde vel. Vat dit saam werk toe, pak dit in die kinders se kosblik of neem dit selfs saam wanneer jy gaan kampeer. Almond Breeze sal soos ’n vars bries jou lewe makliker maak. ONTBYT-SMOOTHIE MET BESSIES genoeg vir 2 250 ml…

‘Jou grootste talente is dikwels begrawe, daar waar niemand dit kan sien nie,” het Titus Maccius Plautus, antieke Romeinse dramaturg, rondom die 3de eeu v.C. gesê. Grafiese kunstenaar Julia Anastasopoulos, beter bekend as die komiese karakter Suzelle, het nooit gedink sy sou mense kon vermaak nie. Nou, ’n jaar nadat sy en haar regisseursvriend, Ari Kruger, ’n bietjie rondgespeel het met hul gesamentlike talente, lag sy breed. Want danksy YouTube, ’n webtuiste waar mense video’s deel, het Julia met haar Suzelle DIY-handelsmerk die land aan die praat met haar kort, skreeusnaakse doen-dit-self-video’s. Sy kry tot 150 000 klikke per episode. Op 15 Oktober reik sy, as dié gewilde karakter, ook die boek Suzelle DIY: Die boek* (Human & Rousseau) uit. Suzelle is ook tans saam met Nataniël in die nuwe…

Toe aktrise Gwyneth Paltrow twee jaar gelede aankondig haar kinders eet nie koolhidrate (brood, pasta, rys) nie, het dieetkundiges gewaarsku hulle kan aan voedingstekorte ly. Hul brein gaan glo ook nie behoorlik kan werk nie. So pas het twee boeke plaaslik verskyn wat presies dit vir kinders voorstel. En boonop aanbeveel hulle moet nie afgeskeep word as dit by vet kom nie. Kompleet met resepte vir elke fase waardeur ’n groeiende kind gaan. Dit teen die agtergrond van ’n kosomwenteling wêreldwyd. Die vinger word toenemend na verfynde stysel en suiker gewys as ’n bydraende faktor tot die vetsug-epidemie in veral Westerse lande. Dat die laevet-manie die laaste paar dekades toe nie so ’n goeie ding was nie. Prof. Tim Noakes dryf die laekoolhidraat-hoë-vet-beweging (LKHV, oftewel banting) ter plaatse. Dis nou…

Wen ’n eilandvakansie vir 2 (bl. 128) Intekenaanbod (bl. 161) 1. Die eerste korrekte inskrywings wat getrek word, wen die pryse. Die beoordelaars se beslissing is finaal en geen gesprek of korrespondensie sal daaroor gevoer word nie. 2. Die wenners sal telefonies verwittig word en hul name sal in ’n latere stadium op die webtuiste SARIE.com verskyn. 3. Die pryse is nie oordraagbaar nie en is nie vir kontant omruilbaar nie. 4. SARIE bied hierdie wedstryde namens LUX* Resorts & Hotels en Sh’Zen as ’n diens vir haar lesers aan. LUX* Resorts & Hotels en Sh’Zen voorsien en is verantwoordelik vir die pryse. 5. Werknemers en hul gesinne van Media24 (SARIE se moedermaatskappy), LUX* Resorts & Hotels en Sh’Zen en hul reklamemaatskappye mag nie aan die wedstryde deelneem nie. 6.…

Doen dit vir Kansa “Grys nog nooit so sterk, so sexy!” ( bl. 94, SARIE, Augustus 2015) tref my in my hart. Ek kleur my grys hare vir langer as wat ek kan onthou! Ek oorweeg dit al lank om aan die Kansa Shavathon deel te neem, maar die kaalkop-idee het my skrikkerig gemaak. Tot 28 Februarie 2015, drie dae voor my 43ste verjaardag! Ek is by Canal Walk in Kaapstad. My lang hare word drooggeblaas en die haarkapper vra: “Watter kleur gaan jy laat spray?” “Nee,” sê ek. “Ek gaan skeer.” My hare word in ’n stywe poniestert vasgemaak. Toe kom die maatband en die oomblik van waarheid: My poniestert is langer as 25 cm en ek kan dit skenk vir ’n pruik vir ’n kankerpasiënt! Ek hoor hoe…

Albei sê reguit: “Ek is op ’n goeie plek in my lewe.” Carlize Earle van George, pas aangewys as SARIE Voorbladgesig 2015 (en ook die wenner in die kategorie 18 – 30), en Chandré Janse van Rensburg van Pretoria, wenner in die kategorie 31+, is albei voorbladmooi, maar dié twee SARIE-lesers het veel meer gemeen. Hulle is albei in hul 30’s, het albei kinders, is suksesvolle beroepsvroue en skroom nie om ’n uitdaging aan te gryp nie. Boonop is dit nie die eerste keer dat dié twee inskryf vir SARIE Voorbladgesig nie! Vir hulle was dit ’n geval van aanhouer wen. So asof uit een mond, herinner Carlize en Chandré: “Vroue is sterker as wat ons dink!” Vir SARIE se redakteur, Michélle van Breda, was dit “soos ’n stuk van…

IN ONS WÊRELD IS DINGE KREATIEF, KLEURRYK, BESIG EN GEMOEDELIK – INSPIRASIE VAN A TOT Z. Dís wat jy kan verwag wanneer jy in Maart saam met SARIE by die Gallaghar-konferensiesentrum in Midrand kom fees hou! Al ooit gewonder wat inspireer die tydskrif om te doen wat ons doen, of hoe ons kosredakteurs, Barbara en Herman, gedurig met nuwe smake vorendag kom, en hoe ons dekorredakteurs, Anita en Lounette, elke keer verstom met mooi en slim idees? Jy hoef nie meer te wonder nie, want ons gaan jou vertel en sommer wys ook. Jy gaan letterlik voel jy stap deur die bladsye van SARIE, SARIE KOS en SARIE WOON. Ons kan nie wag om jou te ontvang nie; dit is immers ook jóú wêreld. Tot ons mekaar in die nuwe…

Sy steek anderdag die straat oor, haar hare stemmig van haar gesig af weggebind. Waai vir iemand wat sy al jare ken. Hy groet op sy beurt so half afgetrokke. “Weet jy ooit wie ek is?” gil sy. Sy antwoord? “Maar waar is jou hare?” Aktrise Quanita Adams se ontembare, parmantige haredos is só vervleg met wie sy is, dit was deel van die storielyn toe sy in Binnelanders was. Jou hare is maar net ... hare? Nooit gesien nie. Jy doen ’n verklaring daarmee. Dit reflekteer die beeld wat jy die wêreld wil instuur, sê Dorianne Weil, of “Dr. D”, kliniese sielkundige en bekende radio- en TV-persoonlikheid van Sandton. Soos Quanita dit kleurryk stel: “Soms moet ek vir ’n rol my hare reguit blaas. Ek noem dit my till-haarstyl.…

GROOTSTE UITDAGING Om positief te bly oor my kreatiwiteit. As ’n produk nie verkoop nie, kan jy maklik voel jy, en jou kreatiwiteit, is nie goed genoeg nie. Daarom probeer ek produkte maak waarvan ek hou, eerder as om dit vir die geld te doen. SWAARSTE LES GELEER Om meer besigheidsgedrewe te wees. Kreatiewe mense is geneig om hul tyd te neem, maar jy sal kliënte verloor as jy nie werk betyds voltooi nie. Ek moes leer om meer selfdissipline toe te pas, maar ook om my eie beperkings te aanvaar en eerlik te wees daaroor. As ek nie tyd het om ’n bestelling uit te voer nie, sal ek nou nee sê, eerder as om te jaag en dan laat te wees. EIENSKAPPE NODIG OM JOU ONDERNEMING TE LAAT…

Wanneer is julle Indië toe en waarom? In Februarie 2010. Ek is in diens van ’n finansiëledienstemaatskappy in Kaapstad en werk saam met ’n soortgelyke groep hier. Dit sou aanvanklik vir drie jaar wees, maar dis verleng. Ek, my vrou, Luchelle, seun, Ewan (15), en dogter, Micaela (13), woon in Hyderabad in die nuutgevormde staat Telangana (voorheen Andhra Pradesh) in die suide van die land. Dis nie so groot en besig soos Moembai of Delhi nie. Die somers is net erg met die temperature wat tot bo 40 grade Celsius styg. Waar gaan julle kinders skool en hoe ervaar hulle die avontuur? By die International School of Hyderabad saam met ongeveer 400 kinders van 30 nasionaliteite. Hulle het vriende wat van die VSA tot Australië en van Zimbabwe tot Noorweë…

1 Olie Seisoen ná seisoen bly olie een van die skoonheidswêreld se gewildste en mees geliefde produkte – vir jou hare, lyf, lippe én gesig. In Lancôme Absolue Precious Oil Nourishing Luminous Oil (R ) roosolie saam met sewe ander voedende olies gebruik. is ryk aan noodsaaklike vetsure en help om die lipiede in die epidermis (wat die selle in dié buitenste deel van jou vel bymekaar hou) aan te vul sodat jou vel beter beskerm word teen omgewingsfaktore. 2 Water Water bevog én hou jou velwand gesond. Deesdae is daar ’n magdom produkte spesiaal ontwikkel om jou vel te hidreer op die rak. Die selle in die boonste laag van jou vel bevat proteïene wat as waterkanale (akwaporiene) tussen selle funksioneer. Hoe aktiewer die kanale, hoe meer bevog is…

24 Retinol By meer as een skoonheidsbekendstelling is die volgende grappie gemaak: Wat is die eerste ding wat jy gryp wanneer jou huis besig is om af te brand . . .? Jou retinol! As veroudering jou probleem is, is retinol die antwoord. Dié kragtige bestanddeel is ’n vorm van vitamien A en het die vermoë om kollageen te stimuleer sodat jou vel plomper en jeugdiger lyk. Dit skilfer ook onsigbaar die boonste deel van jou vel af vir ’n gladder, stralende gelaat, behandel aknee en donker vlekke (pigmentasie) en normaliseer jou vel se natuurlike bevogtigingstelsel. Retinol is al vir dekades in die skoonheidswêreld beskikbaar, maar dit is oor die jare baie ontwikkel en verbeter. Jy kan dit bloot by jou bestaande velsorgroetine voeg en in die aand aanwend. Dis…

MRS H.S. BALL’S SE BLATJANG, wat reeds sedert 1871 dieselfde resep gebruik, is ’n smaak vir elke geleentheid. Dit het die toets van die tyd deurstaan, en daarom is dit geen wonder dat ons oumagrootjies, oumas en nou ook ons die byna ikoniese produk – steeds in die oorspronklike agthoekige bottel – gebruik nie. Heerlik op braaibroodjies, saam met sterk kaas op kraakbeskuitjies, noem maar op, jy kan dit as pasmaat by enige ete gebruik. Aartappels met speserye Die suiker in die blatjang karamelliseer soos die aartappels gaar bak. genoeg vir 6 Verhit oond tot 180 °C. Meng blatjang, knoffel, komyn, mosterd, brandrissie en olyfolie saam. Pak aartappels in oondroosterpan en gooi speserymengsel oor. Meng deur om seker te maak die…

Die een het in Kaapstad gesit met ’n nege maande oue babaseuntjie wat van toe af sy volle verantwoordelikheid sou wees. Die ander, van Port Elizabeth, was ná ’n hofbevel enkelpa vir sy negejarige dogtertjie. Maar vir radio-omroeper Kieno Kammies en prokureur Alan Els was dit destyds die begin van ’n wonderlike nuwe reis: om alleenpa te wees vir hul eie kind. Vandag is daardie baba (klein Tyler) ’n 13-jarige tiener wat dol is op skaatsplankry, en elke oomblik is vir pa Kieno “kosbaar”. En Alan se Stephanie is al ’n jong vrou van 24 op wie hy baie trots is. Albei pa’s is dit eens dat dit ’n wonderlike geleentheid was om hul kinders alleen groot te maak – iets wat daardie jare nie algemeen was nie. Pa’s se…

’n Porsie proteïen met elke maal en deur die dag (eier, neute, bone, vleis) ’n Verskeidenheid vette in hul natuurlike vorm (avokado, olywe, kaas) Volroomsuiwel (melk en jogurt), Rou neute en sade (sonneblom, vlas) Vermy geprosesseerde olies (gebruik dus net koud gepars) Vermy alle suiker, ook kunsmatige versoeters Ook as dit op die verpakking is: bruinsuiker, mieliesuikerstroop ( corn syrup ), dekstrose, fruktose, vrugtesap-konsentraat, glukose, laktose, maltose, melasse, rou suiker, sukrose, stroop, invertsuiker, esdoring stroop ( maple syrup ) Eet alle groente, en ook alle vrugte in die oorspronklike vorm, nie sap of gedroog…

Daar is soveel mites en verouderde idees in ons kop en op die Internet, dis dikwels moeilik om feit en verdigsel oor borskanker te onderskei. Prof. Justus Apffelstaedt, medeprofessor by die Universiteit Stellenbosch en hoof van die Tygerberg-hospitaal se borskliniek, gee antwoorde. MITE 1 Borskanker onder jonger vroue neem toe WAARHEID Nee, dit lyk maar net so weens die media-kollig op jong vroulike glanspersoonlikhede met borskanker. Vroue tussen 50 en 70 kry meermale kanker. MITE 2 Chemoterapie se bydrae verminder die syfer vir sterftes aan borskanker aansienlik WAARHEID ’n Multidissiplinêre benadering wat verskillende behandelings kombineer, is die doeltreffendste. Dit sluit chirurgie, bestraling, chemoterapie, hormone en immuno-terapie (die stimulasie van die liggaam se immuunstelsel om teen die kanker te veg) in. Spesialis-sentrums wat meer as 150 borskanker-gevalle per jaar behandel, het…

5 gelukkige SARIElesers kan elk 50 upcyclingprojekte: Ougoed word hougoed deur Misi Overturf (Human & Rousseau, R325) wen. Die term upcycling verwys na die proses waar ou of weggegooide materiale in iets pragtigs en bruikbaar omskep word. Hierdie handwerkboek doen presies dit – dit wys hoe om weggooigoed in pronkstukke te omskep. Onder die leiding van Misi Overturf, bekende skeppende konsultant, word nie minder nie as 50 projekte onderneem wat in vaardigheidsvlak wissel van maklik tot gevorderd. Duidelike stap-vir-stapaanwysings en mooi foto’s verseker dat die leser verskillende basiese tegnieke maklik kan bemeester. Die projekte maak voorsiening vir jou hele huis, selfs jou tuin. Dié boek sal jou met nuwe oë na ongewensde huisgoed laat kyk, jou inspireer en die skepper in jou wakker maak. Nog 5…