Indholdsfortegnelse for June 2018 i SARIE

Gedra jou, die mense kyk vir jou . . . Wie ken nie dié kostelike sêding nie? ’n Ma wat so nie-subtiel waarsku dat jy nie rammetjie-uitnek moet raak nie! Dis maar een van die juweeltjies in dié maand se SARIE waarin heelparty manne saamgesels. Die gedra-jou-stukkie-wysheid is deel van die antwoord van akteur Hans Strydom, Binnelanders se At Koster, op die vraag hoe hy ná soveel jare en soveel bekendheid nog plat op die aarde bly. ’n Goeie vraag. Want vandat ons Hans met die potblou oë in die 70’s-rolprent Môre, môre gesien en hy ons voete onder ons uitgeslaan het, het ons hom nooit vergeet nie. Nou’s hy ouer, wyser en g’n lus om doekies om te draai nie. Maar luister na hom, dié kan jy . .…

MY SPESIALE ‘ASPIE’-KIND My seuntjie is met ’n noodkeiser gebore. Tuisgekom, het hy baie gehuil. Koliek, het mense gesê. Dalk pyn sy ore. Ek, nuwe ma, het nie van beter geweet nie. Hy wou van kleintyd buite wees, het nie daarvan gehou as ek hom styf vashou nie. Maar hy wou tog by my wees. Dis al hoe ek hom aan die slaap kon kry. Langs my in die bed, terwyl ek sy rug krap en “watermusiek” speel. Hy is steeds so. Op vyf moes ek by ’n oueraand hoor sy stokmannetjie is nie “op standaard” nie. Was ek ontsteld! Want dis tog net ’n stokmannetjie? Sy juffrou het arbeidsterapie voorgestel. Hier het ons drie jaar lange pad begin om uit te vind hoekom hy anders is. Derduisende rande vir…

BEPALINGS EN VOORWAARDES KODE: SARIE552 Die 20% afslag geld vir die kaartjieprys voor belasting, dienstegeld en bybetalings Die afslagkode SARIE552 is slegs geldig vir aanlyn besprekings op www.airfrance.co.za Slegs geldig op vlugte wat deur Air France en JOON bemark en bedien word Die afslag is geldig vir alle reisklasse op Air France-vlugte vanaf Johannesburg en JOON-vlugte vanaf Kaapstad Die afslag is net vir nuwe besprekings vanaf 1 Junie 2018 tot 31 Julie 2018 En vir reis vanaf Suid-Afrika van 1 Junie 2018 tot 31 Mei 2019 Verskillende voorwaardes kan van toepassing wees na gelang van die gekose tarief Jy moet met jou kredietkaart betaal indien jy van dié afslag wil gebruik maak Die aanbod is onderworpe aan ’n minimum tarief van R3 200 voor belasting Die aanbod…

Hoekom is dit vir jou belangrik om in Afrikaans te werk? Dis die taal waarin ek gebore is, waarmee ek opgegroei het, dis die taal waarin ek verstand gekry het, waarin ek leer somme maak het. Glo jy daar is ’n toekoms vir Afrikaans? Ek dink dit hang af van die platform. Jy kan nie ontken dat Afrikaans op tersiêre onderwysvlak ’n moeilike tyd beleef nie. Maar ek bly oortuig daarvan as daar genoeg Afrikaanssprekende studente en ouers is wat dit [Afrikaanse onderrig] versoek, sal dit gegee kan word. As jy kyk na boeke wat steeds in Afrikaans gepubliseer word, die uitstekende Afrikaanse reekse op ’n kanaal soos kykNET, en selfs soms die SAUK, is daar ’n toekoms in Afrikaans. Daar is steeds genoeg kunstenaars wat Afrikaanse liedjies opneem en…

“wat laat my dink ek kan woorde uitpluis om hulle soos gevolstruisveerde pluiskeile op te sit” Uit “Suite” deur Breyten Breytenbach in die digbundel Die singende hand (Human & Rousseau, R400) South Africa’s Favourite Passes and Poorts MARION WHITEHEAD (MAPSTUDIO, R319) Vandag hoef jy nie soos die Voortrekkers van ouds die berge met ’n wa en osse aan te durf nie! Daar’s ’n uitgebreide padnetwerk oor die land se berge. Sommige is net met ’n viertrekvoertuig begaanbaar, maar heelparty passe kan met ’n gewone motor bereik word. Die nuttige boek gee ’n uiteensetting van al die passe en poorte met roetes, GPS-koördinate, besienswaardighede en ander inligting. Lieflik geïllustreer met kleurfoto’s. Waarvoor wag jy, die berge wag! Phyllis Green Riana Scheepers SE TOP-3 Haar jongste boek,…

BARET Dit is dié winter se moethê-hoed. Die baret het sy oorsprong in Europa. Uit hul selfportrette weet ons sewentiende-eeuse meesters Rembrandt van Rijn en Johannes Vermeer het dit graag gedra, en meer onlangs ook Picasso. Grys baret (R140), Joy Collectables, aanlyn te koop by die SARIE-winkel by spree.co.za/sarie (SOEK Beret Grey Melange). Gestreepte hemprok (R799), H&M. GROOTTES Rok: 34 – 46 SNYERSPAK Ontwerpers soos Calvin Klein en Fendi bring die power suit terug na die loopplanke, maar dié seisoen s’n is grys of geruit. Waag soos aktrises Anna Kendrick en Claire Foy op die rooi tapyt sonder ’n hemp onder jou baadjie. Geruite snyersbaadjie (R899) met bypassende geruite langbroek (R899), Poetry. Hakskoene met swart-en-wit strepe (R499), Woolworths. GROOTTES Baadjie: 6 – 18 Broek: 6 – 18 OORGROOT JAS By…

BOBBY VAN JAARSVELD, SANGER SARIE-lesers het verlede jaar dié 31-jarige sanger as SA se mooiste man aangewys. Met sy skaam glimlag en blou oë verstaan ons hoekom! In Maart is Bobby ook as die eerste ambassadeur vir die plaaslike velsorgreeks Kalahari gekies. Hoekom is dit vir jou belangrik om jouself te versorg? ’n Gesonde liggaam huisves ’n gesonde gees. Jy moet na jouself in die geheel kyk – jou liggaam, verstand en gees. Ek voel net beter oor myself wanneer ek fiks en gesond is. Hoe lyk jou daaglikse velsorgroetine? Ek was my gesig elke dag met Kalahari se Facial Cleanser en gebruik dan ’n ligte vogroom. Saans skilfer ek my vel af met hul Enzyme Face Buff (’n korrelskrop met ensieme). My vel voel baie sag daarna. Gaan jy…

Die nuwe reeks haarprodukte van Garnier, Ultimate Blends Delicate Oat Collection, bevat hawer- en rysmelk wat help om ’n droë, sensitiewe kopvel te streel en volume aan jou hare te gee. Die proteïen kollageen sorg vir ’n ferm, plomp vel. Mettertyd vervaardig jou vel ál minder hiervan. Dis dan dat jou vel begin hang. Dié nuwe serum van die plaaslike velsorghuis Lamelle bevat groeifaktore wat kollageen aanwakker om jou vel langer jeugdig te hou. Hoe lyk ’n gesonde vel? Dis plomp, glad en bevog. Dié nuwe serum bevat proteïene wat jou vel se ondersteuningsnetwerk versterk vir ’n fermer voorkoms, sure wat dooie selle op die oppervlak afskilfer én hialuronsuur wat intens bevog. Die boonste laag van jou vel bestaan uit selle wat met lipiede bymekaar gehou word. Die lipiede (olies)…

MIELIEPAP gee jou hope energie, nes polenta (’n geelkleurige, growwe mieliemeel). Mieliemeel bevat vitamien A en word met B-vitamiene asook foliensuur, yster en sink verryk. Jy kan mieliepap eet selfs al is jy gluten-intolerant. Omdat glukose (energie) egter vinnig uit mieliemeel vrygestel word, is dit raadsaam om dit saam met kosse met ’n lae GI, soos eiers, peulgroente, jogurt en kaas, te eet. Proteïenryke kos soos laevet-maalvleis voorkom ook dat die energie in mieliemeel te vinnig vrygestel word. Maak mieliepoffertjies daarvan of ’n paptert met kaas en spek. HAWERMOUTPAP (oats) verskaf volgehoue energie en het ’n laer GI - veral as dit met melk en nie water nie gaargemaak word. ’n Bord hawermoutpap voorsien in 10% van jou daaglikse proteïen-behoefte, en ’n eetlepel neut- of grondboontjiebotter daarby sal dit ’n…

Semolina Die growwe pap is heerlik soet of sout. Kyk vir Snowflake se produk landwyd teen sowat R8,95 vir 500 g Hawermout Die ikoon van ontbytpap. Ek verkies deesdae om die groter vlokkies van Jungle Oats te gebruik. Dis growwer en hou jou langer versadig. Sowat R39,33 vir 1 kg Mieliepap Dié tradisionele stapelvoedsel verskaf energie heeldag lank. Koop Iwisa se mieliemeel landwyd teen sowat R8,99 vir 1 kg Polenta Italiaans, luuks en altyd lekker as bykos. Kyk by Woolworths vir hul eie handelsmerk met ’n lekker fyn tekstuur. Sowat R25 vir 500 g…

JY BENODIG  Kragkoord, gloeilamphouer, gloeilamp, kragprop, potskuurder (koper- en silwerkleuriges is beskikbaar), dun draad STAP 1  Konnekteer die gloeilamphouer en kragprop aan die kragkoord. Draai die gloeilamp in. STAP 2  Rol die potskuurder af. Dit het ’n draadjie in die middel wat jy nie moet breek nie. Wikkel die afgerolde potskuurder oor die gloeilamp en gloeilamphouer en draai stewig vas met die dun draad.…

Dit voel asof jy ’n hofsaak teen jouself voer – jy is sowel die regter as die beskuldigde én jy bevind jouself keer op keer skuldig. Dít is hoe die man met die intense swart oë en diep stem voor my sy geestestoestand – obsessiefkompulsiewe steuring (OKS) – beskryf. Hy praat vinnig, baie en geanimeerd. Pietie Beyers se “reis” het einde 2016 by hepatitis A begin. ’n Paar maande later is hy met OKS gediagnoseer. “Dit was ’n lang pad en ek leer steeds. Maar ek het reeds heelwat wyser geword en besef hoe sterk jy is as jy jou weerloosheid bely,” vertel hy. Pietie, tot onlangs nog dr. Deon Visser in Binnelanders (hy keer teen Julie terug), plaas dinge in konteks. “Ek is met hepatitis A gediagnoseer omdat ek…

B Block & Chisel 010 593 9308, 021 712 5193 www.blockandchisel.co.za C Charles & Keith 021 552 4912, 011 729 5023 Country Road Home 0860 022 002 www.woolworths.co.za Crocs 021 856 8460, 021 856 8486 www.crocssa.co.za D Dulux 0860 330 111 www.dulux.co.za F Falke www.falke.co.za Frankees www.frankees.com G Green Cross 0860 009 855 www.green-cross.com H H&M 0860 690 707 www.hm.com/za HAUS by Hertex 0860 437 839 www.hertex.co.za M Mevrou & Co. www.mevrouandco.com Mango www.shop.mango.com/za P Pichulik www.pichulik.com Poetry 0860 555 529 www.poetrystores.co.za S Scape Events 021 510 0282 www.scapeevents.co.za T Topshop 011 685 7070, 011 435 8225, 021 419 5900 W Weylandts 0860 103 400 www.weylandts.co.za Woolworths 0860 022 002 www.woolworths.co.za Z Zara 011 302 1500, 021 446 8700, 031 536 6440…

“Jy het? Al weer? Verdomp.” Ans moet haar daarvan weerhou om haar sussie Linnie te skud. “Wanneer sal jy ophou kuberklets met iemand wat jy nog nooit ontmoet het nie?” “Kom by, ousus.” Linnie se neus is toegetrek en haar maskara het van haar oogholtes twee vuilblou poeletjies gemaak. “Almal date op die internet. G’n wonder jy sit op die rak nie.” “Liewer op die rak, met my eie gesig, as soos jy met jou selfgemaakte gesiggie.” Toe Ans eers begin, gaan sy haarself te buite: “Jy dokter jou foto’s en skep ’n beeld van onaantasbare misterie en skoonheid. En nou’s jy op jouself verlief, en jy projekteer dit op die eerste die beste man wat ‘like’. Laaik! Laaik! Ek walg daarvan!” “En ek walg van jou,” huil Linnie. “Met…

BRAVO! DIS PARTYTJIE-TYD Die betowering, die vlinders op jou maag. Prinsesse, swane, treine, hansworse . . . Elke kinderpartytjie is iets vir altyd onthou. Saam met kosredakteur Herman Lensing vier ons dit met ’n spesiale tydskrif, SARIE Partytjie. Bravo! se Tracey Lange is saam sirkus toe en het als vir TV verfilm. Te koop: vanaf 11 Junie Prys: R60,60 Bravo! -insetsel: Sondag 10 Junie om 19:30 op kykNET * Sien ook bl. 125 Si! VIR GELUK Mooi soos jou gunstelingrooi lipstiffie. En met note van roos, jasmyn en vanielje is dit ’n geur om te onthou. Sì Passione is die nuutste parfuum in dié Giorgio Armanireeks en vroue wat dit al geruik het, bestempel dit as ’n “geur van geluk”. Die rooi vier vroue se…

Sy’s nie my beste vriendin nie, wel ’n kennis, en ’n aangename, verrassende vrou. Wanneer ons mekaar die dag raakloop, gesels ons heerlik. Ek is genooi na ’n ete en besluit om ’n bottel van die beste sjampanje saam te neem. Daar is een drankwinkel in ons stad wat bekend is vir die invoer van uitsonderlike sjampanje, ek parkeer en hardloop die plek binne. Hoe gaan dit? sê ’n bekende stem. Maar ek sien net vreemdes. Jy is altyd aan die hardloop, sê die stem. Voor my staan ’n vrou met twee bottels wyn onder die arm. Sy het die gesig van my goeie kennis, maar op haar kop is ’n grys boskasie wat lyk asof sy nou gaan vuur maak en ’n brousel kook wat prinse in paddas kan…

As Binnelanders se At Koster is die akteur Hans Strydom ’n hardkoppige man. Die baas. Die patriarg. Maar stap jy in by sy kleedkamer by Stark Ateljees waar dié sepie geskiet word, groet ’n heel ander mens jou. Die man in sy verouderde kakie-langbroek, leerskoene en kortmoukraaghemp groet vriendelik, bied koffie aan en leun dan terug in sy stoel, hande gevou. Dis die eerste keer in tien jaar dat hy met ’n tydskrif praat. “Ek weet dis deel van my werk, maar ek geniet dit net glad nie. Ek’s ’n private mens en nie een vir die glitter en glamour van die bedryf nie. Ek is al daaroor aangevat, want dis deel van ons kontrak om publisiteit te doen, maar ek probeer my altyd daaruit wriemel.” Hy is eerder een…

EEN WEEK OOR SKRYF NOU IN! Jy skryf in een van 2 kategorieë in: 18-30 (jy moet minstens 18 jaar wees en matriek voltooi het) en 31 jaar en ouer. Jy moet ’n SA of Namibiese burger wees. Gaan na voorbladgesig.SARIE.com  om te sien hoe jou inskrywingsfoto’s moet lyk en om in te skryf. Inskrywings sluit 28 Mei 2018 om 08:00. Die beoordelaars kies 35 semi-finaliste wat in SARIE se JULIE-uitgawe sal verskyn. PLUS 4 wat die meeste stemme op voorbladgesig.sarie.com gekry het. Mej. Hartenbos 2017, Anya-Larissa Botha van Malmesbury, is outomaties deel van die 40. Uit dié 40 semi-finaliste kies die beoordelaars 10 finaliste wat in ware SARIE-voorbladstyl afgeneem sal word en in ons SEPTEMBER-uitgawe verskyn. Die Top-10 sal ook in die TV-program SARIE Voorbladgesig gesien word. Daarna…

Tot onlangs was sy nog onbewus van die tydbom in haar huis. ’n Moderne Molotov cocktail, ’n onstabiele mengsel bestaande uit haar “grumpy, grunty adolessent-seun en sy geïrriteerde, kortgebakerde menopousale ma”. ’n Ma blog op The New York Times se webblad (nytimes.com). Sy stres maar lekker oor dinge, skryf sy. Maar wat sy nooit kon voorsien nie, was dat sy haar seun se lastige tienerjare sou moes navigeer terwyl sy terselfdertyd haar menopouse se wipwaentjie-buie probeer beheer. En waar pas Pa in dié prentjie? Waarskynlik besig om iewers weg te kruip vir die tsoenami van hormone wat skielik sy huishouding tref. Vergete is hy, in artikels op die web oor die verskynsel: Die botsing van hormone as Ma se menopouse-simptome kop uitsteek. Dieselfde tyd dat haar tienerseun of -dogter puberteit…

Ná sy sukses as modeontwerper het John Varvatos in 2004 sy eerste parfuum, Artisan, bekend gestel. Dié geur sou die begin wees van ’n reeks geure wat ouwêreldse vakmanskap en oorspronklikheid kombineer. Parfuums wat geen grense ken nie en deur vryheid en kreatiwiteit gedryf word. Die inspirasie vir die geure word verkry uit die natuur – van die Mediterreense berghange en die blou water van die oseaan, tot die groen heuwels van Mexiko en sy uitgestrekte koffie- en sitrusplantasies. Al die parfuums kom boonop in besonderse bottels met aandag aan die fynste detail. Die doelwit is dat die man wat die geure dra stylvol en selfversekerd sal voel, maar steeds ontspanne. ELK WEN DIE HELE JOHN VARVATOS ARTISAN-REEKS TER WAARDE VAN R5 996 TEKEN IN of HERNU * BEPALINGS EN…

MOET-HÊ ’n Snyersbaadjie en ’n netjiese broek is klassiek en tydloos en ’n aanwins in enige vrou se kas VIR ’N TROUE Dra jou snyersbaadjie by jou staatmaker- swart rok KOFFIE-AFSPRAAK Jou snyersbroek is nie net vir formele geleenthede nie. Gee dit ’n meer informele aanslag met ’n T-hemp Het jy geweet? Die kruissteke agter by jou baadjie se slip moet jy knip? Soms is jou baadjie se sakke net toegewerk vir “beskerming” en jy kan jou sakke gebruik (kyk net in die binnevoering of daar wél ’n vorm van ’n sak is) VEELSYDIGE BROGUES Dié stylvolle effens manlike skoene is gemaklik en modieus BROEKPAK-GEHEIME Victoria Beckham is dalk met die bekende sokkerspeler David Beckham getroud, maar sy is ’n sakevrou uit eie reg asook ’n mode-ikoon. Jy kan haar…

MIELIE-PLAATKOEKIES Dié plaatkoekies is heerlik saam met gebraaide spek of net so op hul eie. genoeg vir 6-8 100 g (200 ml) koekmeel 5 ml bakpoeier 3 ml sout 75 ml wit mieliemeel 1 eier 350 ml karringmelk 100 ml water 1 x 400 g-blik pitmielies, gedreineer olyfolie vir braai Meng koekmeel, bakpoeier, sout en mieliemeel saam in mengbak. Klits eier, karringmelk en water saam. Voeg droë bestanddele by en klits tot glad. Voeg mieliepitte by en meng. Smeer pan met olyfolie. Skep eetlepels vol van beslag in pan en wag paar sekondes tot lugborrels bo-op verskyn. Draai om en braai 1-2 minute tot gaar. Sit voor met heuning of stroop. POLENTAKOEK Die Italianers bak ’n koek met polenta en almal dink dis baie grênd, maar hier in Suid-Afrika het…

Romerige polenta met spek en avokado genoeg vir 4 Verhit olie tot warm in groot pot en braai spek tot goudbruin. Voeg melk en botter by en bring tot kookpunt oor matige hitte. Voeg polenta geleidelik by en hou aan klits tot dik. Roer oor hitte vir nog sowat 5 minute of tot gaar. Meng parmesaan by tot gesmelt. Geur goed met sout en peper. Verwyder van hitte en hou eenkant. Bring skoon pot met so 5 cm water tot kookpunt en voeg asyn by. Breek eiers in water en posjeer 3-5 minute vir sagte eiers of langer, soos jy verkies. Skep pap in opdienbord. Halveer avokado’s en verwyder pit. Skil avokado-halwes en plaas bo-op pap (1 avokado…

WENK Skep ’n fokuspunt wat dadelik aandag trek deur ’n geel kol (Dulux 40YY 49/408) te verf in lyn met waar die lig hang.…

OKS is ’n geestestoestand wat gekenmerk word deur obsessies en kompulsies (’n ander naam daarvoor is dwangneurose) en kan verskillende vorme aanneem. Dit is die mees algemene psigiatriese toestand. Tussen 1% en 3% mense ly hieraan. Dis onbekend wat dit veroorsaak en kan soms geneties wees. Die vorme van OKS sluit in: ’n Obsessie met visuele simmetrie (die twee helftes van enige voorwerp moet spieëlbeelde van mekaar wees), ’n beheptheid met higiëne (jy wil byvoorbeeld aanmekaar jou hande was), ’n vrees vir fisieke nabyheid (jy hou nie daarvan dat mense aan jou raak nie), patologiese skuldgevoelens, ’n behoefte om alles te bely, oordrewe religieuse of morele skuld. Kompulsies sluit in: rituele soos die herhaling van ’n naam of frase om angstigheid te troef, of om by herhaling seker te maak…

VOORBEELD ’n Ma word kleintyd gemolesteer en is oorbeskermend teenoor haar kind. Die trauma word dus onderdruk en die angs gekanaliseer na haar kind se beskerming. Wat dan haar ma se angstigheid oorneem. VOORBEELD ’n Man mishandel sy vrou fisiek en emosioneel terwyl hul seun toekyk. Eendag slaan hý sy pa en waarsku hom om nooit weer sy hand teenoor haar te lig nie. Die probleem is nie net die geweld nie. Dis ook die feit dat hul emosies nie verwoord word nie, maar as aggressiewe dade uiting vind. As volwassene probeer die seun sy vrou beskerm. Op ’n dag voel hy egter deur haar verneder en verwerp, hy oorreageer en slaan haar. VOORBEELD ’n Kind met ’n alkoholis-pa word arm groot. Hy raak later ’n werkolis en blink uit…

Intekenaanbod (bl. 60) 1. Die eerste korrekte inskrywings wat getrek word, wen die pryse. Die beoordelaars se beslissing is finaal en geen gesprek of korrespondensie sal daaroor gevoer word nie. 2. Die wenners sal telefonies verwittig word en hul name sal in ’n latere stadium op die webtuiste SARIE.com verskyn. 3. Die pryse is nie oordraagbaar nie en is nie vir kontant omruilbaar nie. 4. SARIE bied hierdie wedstryd namens John Varvatos as ’n diens vir haar lesers aan. John Varvatos voorsien en is verantwoordelik vir die pryse. SARIE aanvaar geen verpligting hoegenaamd t.o.v. die ontvangs van die pryse of gestanddoening van die voordele daaraan verbonde nie. 5. Werknemers en hul gesinne van Media24 (SARIE se moedermaatskappy), John Varvatos en hul reklamemaatskappye mag nie aan wedstryde deelneem nie. 6. Media24…

Wanneer iemand jou vertel jy is voortreflik wanneer dit kom by ’n sekere taak, niemand kan dit of dat so goed soos jy doen nie, hou jy aan daarmee, dit word jou rede tot roem, jou handelsmerk. Soos in die grootste deel van die wêreld is die Britse politiek ’n groot gemors, hulle mediese diens is ’n weergalose ramp, hulle film- en televisiebedryf is goed op dreef, maar die grootste talent bly vlug na Hollywood. Dus moet die Britte hulleself onderskei met dit wat uniek is, wat hulle die beste doen. Hulle koningshuis is die beroemdste in die wêreld, dis ’n toeriste-attraksie en ’n handelsmerk wat sorg vir biljoene ponde. En niemand kan ’n troue reël soos die Windsors nie. Waar anders in die wêreld is daar ’n plek waar…

By die fotosessie van ’n manssanggroep en die vroue in hul lewe verwag jy ’n toneel soos die tipiese braai – die manne buite in ’n groep, besig om te skerts, en die vroue binne, aan’t gesels. Maar die gewilde groep Adam kom paartjie vir paartjie, hand aan hand met die Evas in hul lewe, aangestap. Terwyl Reynardt Hugo en An-Maré Roothman se foto’s geneem word in The Storer, ’n leefstylwinkel in Johannesburg, gaan eet Kyle Grant en sy vrou, Elizca Coetzer, by ’n restaurant langsaan. Hugo Ludik en Danieka du Plessis is langs mekaar opgekrul op ’n snoesige bank in die hoek van die winkel. Dis een van die redes hoekom Adam al agt jaar aan die gang is, sê Hugo. “Daar is wedersydse respek vir mekaar se tyd…

Die een gehoor van die blonde ? Susan Vosloo het op 33 haar eerste hartoorplanting gedoen, twintig jaar ná Chris Barnard se sukses. Sy was ons eerste vrouehartchirurg, in ’n veld wat steeds deur mans oorheers word. Pligsgetrouheid, toewyding, dit het vir haar deure oopgemaak. Haar vroulikheid ’n voetnota, reken sy. Haar fokus, aangebore hartafwykings, beteken sy werk baie met kinders. Die jongste op wie sy ’n opehartoperasie moes doen, net ’n paar uur oud. Dikwels moet sy dus bekommerde ouers en grootouers gerusstel, wat ’n goeie skoot empatie verg. Dis harde werk, tot veertien uur by ’n operasietafel. Ervaring help waar haar energie dalk minder raak. Asook ’n span wat sy ten volle vertrou en die verantwoordelikheid deel. Haar prentjie is volrond met ’n gesin: Haar…

Menopouse vs. puberteit. Albei fases word gekenmerk deur groot wisselinge in hormoonvlakke. En gepaardgaande angs, geïrriteerdheid, buierigheid, senuweeagtigheid – en irrasionaliteit. Tussenin staan Pa en hy kan nie wen nie. Ondersteun hy sy vrou, voel sy tiener hy kies haar ma se kant. Nóg iemand wat haar nie verstaan nie. Vat hy die kant van sy dogter, appel van sy oog, laat sy vrou hom goed verstaan hy versaak sy ouerlike pligte. Hy’s mos nie hul kind se pel nie, mintag! Onttrek hy hom, lyk hy onbetrokke en asof dit hom nie skeel nie. Sy vrou kan hom selfs kwalik neem as hy háár kant kies, sê Dorianne Weil (“Dr D”), kliniese sielkundige van Johannesburg. Wim*, pa van Elize en man van Riëtte, kan dit maar net beaam. Hy het…

Palmerston is ver en afgeleë. Hoe het julle daar beland? Ek en my man, Josh, geniet dit om op afgeleë plekke te woon en werk. In 2013 het ons op ’n eiland in Suid-Korea skoolgehou toe ons ’n BBC-artikel, “The Island at the End of the Earth”, lees. Ons het begin droom daaroor om op dié koraaleiland in die Stille Oseaan (dit is deel van die Cook-eilande) te gaan werk. Twee jaar later het ons in die Maleisiese reënwoud gewerk. Toe ons kontrakte tot ’n einde kom, besluit ons ons gaan met die eilandbewoners probeer kontak maak en hoor of hulle nie onderwysers nodig het nie. Ons het ná ’n soektog ’n e-posadres vir Palmerston gekry, maar aanvanklik niks teruggehoor nie. In Augustus 2015 kry ons toe ná drie maande…

Die 26-jarige Britse model Adwoa Aboah het einde laas jaar weggestap met die gesogte titel Model van die Jaar by die Britse Modetoekennings. Dit volg op die GQ Woman of the Year-toekenning vroeër in 2017. Dinge was egter nie altyd so rooskleurig nie. Drie jaar gelede was sy in ’n donker put weens bipolêre depressie en om haar emosies af te stomp het sy begin dwelms gebruik. In Oktober 2015 het sy in ’n koma verval ná ’n oordosis. Sy het besluit om haar lewe om te keer en die webtuiste Gurls Talk begin waardeur sy kennis en ondersteuning bied aan jong meisies wat voel hulle is alleen in die wêreld. Advertensieveldtogte vir Calvin Klein, DKNY, Alexander Wang, Erdem, Dior, Kenzo en…

’n Nuwe velsorgreeks van Dior, Capture Youth, beloof om vyf van vroue se grootste velprobleme te takel. Die vogroom, Capture Youth Age-Delay Advanced Creme (R1 570), is propvol antioksidante wat jou vel streel. Kombineer dié room met een van die vyf serums (R1 570 elk) wat onder meer rooiheid, verlies aan fermheid, vaalheid, droogheid of ’n olierige vel behandel. Jy kan die serum van jou keuse vóór die vogroom aanwend of ’n paar druppels met die vogroom meng. By uitsoektakke van Edgars en Red Square Met sy elegante en tydlose ontwerp, is die trefkrag van dié handsak van Okapi sy eenvoud. Al die leer wat deur dié SA vervaardiger van handsakke en bykomstighede gebruik word, word plaaslik vervaardig. Okapi het ook baanbrekerswerk gedoen vir die gebruik van blesbokleer en maak…

CHARIS HOU VAN ’n Maskara moet aan twee basiese vereistes voldoen: Jou wimpers moet met net een of twee hale van die borseltjie gitswart en vol lyk, en daar moenie teen etenstyd donker merke onder jou oë gaan lê nie. Gosh se Blown Away Mascara (R155) tik al twee dié boksies. Boonop is dit bekostigbaar. Die borseltjie is ook dun genoeg om maklik teen jou wimperlyn te pas sodat jy die haartjies van onder tot bo goed met die formule kan bedek. By Edgars, Foschini en Truworths VIR DIE MAN IN JOU LEWE Dior se gewilde mansgeur Sauvage is nou te kry in ’n sterker Eau de Parfumweergawe (die oorspronklike parfuum was ’n Eau de Toilette). Die nuwe geur is steeds gevul met vars sitrus en laventel, maar het ’n…

SJOKOLADEPLAAT KOEKIES  Sif 120 g (215 ml) koekmeel , 10 ml bakpoeier , knippie sout , 10 ml strooisuiker , 60 ml kakao en 10 ml anyssaad saam in ’n mengbak. Klits 1 eier , 175 ml melk en 15 ml olie saam. Voeg by droë bestanddele en klits goed sodat die beslag geen klonte het nie. Maak bak toe met ’n skoon kombuislap en laat staan vir sowat 30 minute. Smelt sowat 5 ml botter in ’n pan. Skep opskeplepels vol van beslag in pan. Braai tot lugborrels bo-op plaatkoekies verskyn. Draai om en braai 1-2 minute tot gaar. Hou eenkant warm. Herhaal tot die beslag op is. Sit voor met sous van jou keuse. HERMAN HOU VAN Ultra violet Ultra violet, Pantone se kleur van die jaar, simboliseer…

Johan is nie ’n man wat skrik vir ’n uitdaging nie. As jy daaroor droom, kan hy dit waar maak. Asof hy ’n towerstaf het, omskep dié mede-eienaar van Scape Events ( www.scapeevents.co.za ) ’n plek in iets asemrowends. Sy mees onlangse versoek die oprig van ’n reusefontein in ’n skuur vir ’n sprokiestroue! Al was dit vir Johan ’n groot omwenteling om van ’n ruim woonstel wat hy met ’n vriendin gedeel het, alleen na hierdie -blyplek (wat die tussenvloer insluit) te verhuis, wou hy graag naby die hartklop van die stad wees, en die interessante eenvertrek-woonstel het aan alles voldoen wat hy soek. ’n Lieflike restaurant net oorkant die pad sorg baie keer vir aandete en omdat die res van die gebou nou meestal kantore huisves,…

Een blond, een donker, hul persoonlikhede net so uiteenlopend. Margit Meyer-Rödenbeck en haar suster, Heike ter Borg, verskil vier jaar. Margit was die irriterende kleinsus, wat belanggestel het in teater, en die een met die groter mond. Vandag is hulle bondgenote, saamgesnoer deur die dood van hul ma, Retha, 15 jaar gelede aan kanker. En hul pa, Albrecht, wie se gesondheid op en af is. Al leef hulle nie in mekaar se sakke nie, is die ander altyd net ’n oproep ver. “Susters, so ook vriendinne wat soos susters is, saam met hulle kan jy oorlog toe gaan. Hulle skep die ondersteuning wat jy nodig het om met veiligheid te kan spring,” sê sy.…

“Zombieing” (ook bekend as “submarining”): Hy het jou ge-ghost, maande lank geïgnoreer en skielik ontvang jy uit die bloute ’n teksboodskap van ’n eks. Of daar is een of ander vorm van sosialemedia-interaksie. Gewoonlik ook net wanneer jy weer jou voete begin vind. Maryna vertel dit gebeur nogal baie op afspraakwebtuistes. “Die verskoning is gewoonlik dat hulle baie besig was, of gereis het. Die ergste is mans wat vertel hulle het kanker gehad en is nou in remissie. En dis nie een man nie, maar verskillende mans se verskoning gewees!” “Ghostbusting”: Jy dwing hom om te antwoord. “Caspering”: Die vriendelike alternatief vir “ghosting”. Pleks dat jy iemand ignoreer, is jy eerlik oor jou gevoelens en breek bande so sagkens moontlik. Bron: www.theguardian.com…

5 gelukkige SARIE-lesers kan elk die boek Sielskos: Stories oor verlange en hoop deur Koos van der Merwe (Lux Verbi, R195) wen. Hierdie bundel is saamgestel uit hoogtepunte van die laaste 15 jaar se Laaste sê-rubrieke deur Koos van der Merwe in SARIE. Koos weef meesterlik met woorde en het die vermoë om diep betekenis uit alledaagse situasies te haal. Hy vertel van mense, en hul soeke na hoop, maar ook ons almal se verlange na die Een wat ons nooit sal laat gaan nie. Nog 5 gelukkige SARIE-lesers kan elk Charné Kemp se boek Bloed, dunner as water: Familiemoord in Suid-Afrika (Tafelberg, R255) wen. Die motiewe agter gesinsmoorde is dikwels vreemder as fiksie. Tergende vrae kan deur psigiaters beantwoord word .…