Indholdsfortegnelse for August 2018 i SARIE

Daar’s báie vroue wat ek #bewonder. Báie wat my inspireer. Ek sien hulle elke dag in aksie, hoor hulle praat, ervaar wat hulle bereik. Soms against all odds, dikwels in ’n manswêreld waar hulle voortbeur en stroomop swem, én anderkant uitkom. Ek het nog altyd gedink as ek in die geskiedenis kon teruggaan, sou ek graag vir Cleopatra wou ontmoet. Ons prentjie van haar is dié van ’n beeldskone, betowerende vrou – soos gespeel deur die mooie Elizabeth Taylor in die 1963-rolprent Cleopatra. Tog wys ou muntstukke die regte Cleopatra was baie ver van tradisioneel mooi. Maar dat sy magtig was, in ’n manswêreld, dié is seker. Dat sy as die laaste farao van Egipte en ’n spreker van vele tale ander met haar intellek en sjarme kon inspireer, daaroor…

Kyk watter name duik op onder die 20 kort- en kort-kortfilms wat by die kykNET Silwerskermfees (van 22 tot 25 Augustus) in Kampsbaai draai. Danielle Retief, dogter van aktrise Karen Retief en kleindogter van filmmaker Daan Retief, is die vervaardiger van Baai-baai Josef K. Marcel Spaumer, tweelingbroer van Marco (Tim in Suidooster ), het Die Uitstappie geskryf. En Frank Opperman se seun Frankie is die vervaardiger van die kortfilm Die Ongenooides . Ou bekendes in ander “rolle” is Milan Murray (foto), wat medevervaardiger en regisseur is van Kromkieriefontein , geskoei op haar nuwe kinderboek. Akteur Erik Holm doen die regie van die kortfilm Buiteperd . En Luan Jacobs, bekend as…

Wanda se kinders is op hoërskool, haar man is iewers, sy is nie doelbewus ’n slegte ma of eggenoot nie, sy het ’n liefde: skoene. Nie die nuutste of mooiste skoene nie, eniges wat haar aanspreek, tweedehands, goedkoop, ongewoon, helder, met hakkies of plat. Sy het ’n kamer vol linte, krale, blinkers, kunsblomme, wol, pompoms en vlooimarkjuwele, hiermee versier sy dié pare wat hulp verdien. ’n Paar jaar gelede het sy ook begin om aanlyn te koop en onlangs het sy begin skoene aanskaf wat nie haar grootte is nie. Hierdie skoene is selde vir dra, soos haarkappers met boskasies en sjefs met hangpense, is haar liefde nie vir haar eie voete nie, dis vir rakke, kiste, tafeltjies, skinkborde, binne en bo-op blikke, die afgelope paar jaar ook uitgestal op…

Antoinette Louw kan op haar kop staan. Sy speel al “Chopsticks dat dit klap” op haar nuwe klawerbord. (Haar mikpunt is Beethoven.) En sy declutter haar huis – tot haar poppe van kleintyd het ’n nuwe tuiste gekry. Want Antoinette het al geleer hoe om te maak as die stil tye kom. Dis déél van die hoogtes en laagtes van aktrise-wees. Vroeër vanjaar het sy ’n ATKV-Veertjie gekry vir haar rol as die tikverslaafde Karen le Roux in die gewilde Afrikaanse dramareeks Swartwater wat tot in Junie op SABC2 te sien was. Maar terselfdertyd is daar nou ’n skaarste aan rolle wat nommerpas vir haar is. Antoinette sit kruisbeen op ’n leerrusbank in ’n koffiewinkel op Somerset-Wes, haar rustige self, ten spyte van haar frustrasies oor die wisselvalligheid van die…

Rooitapyt-protes. 82 vroue op die trappe by vanjaar se Cannes-filmfees . . . aktrises, regisseurs, vervaardigers. Almal daar om een rede: om hul stem te laat hoor teen geslagsongelykheid. By dié fees, en in die filmbedryf oor die algemeen. ’n Simbool van vasberadenheid onder vroue dat dinge móét verander. Soos aktrise Donnalee Roberts, dié maand op ons voorblad, sê: “Vroue die wêreld oor swem stroomop om hul stem te laat hoor. Hulle staan op teen alle vorms van ongeregtigheid met veldtogte soos #MeToo; skop teen die verwagtinge van waartoe ’n vrou in staat is, hoeveel sy kan verdien, wie sy is.” Die Britse koningshuis se webtuiste bevat deesdae ’n biografie van die nuwe hertogin van Sussex met dié veelseggende aanhaling van Meghan: “Ek is trots daarop om ’n feminis te…

‘’n Koningshuis is nes enige ander uitgebreide familie, net meer geoefen om die blink kant bo te hou. Tog weerspieël hulle iets oor standvastigheid, die wil om eeue-oue tradisies en geskiedenis te bewaar, iets wat in ons moderne lewe van koop-vandag-en-gooimôre-weg nie meer bestaan nie. Al die koningshuise, nie net die Britse Windsors nie, is vir my fassinerend. Dit kom van kleintyd, toe my ma my na ’n rolprent van Mary, Queen of Scots geneem het. Dié geboeidheid met haar onthoofding het my al geneem tot in die Linlithgow-paleis waar sy gebore is (en die ruïne laat uitklouter om ’n beter ‘gevoel’ van die paleis te kry!). Dan volg Marie Antoinette, en ’n besoek aan Versailles was een van die mees onvergeetlike ervarings van my lewe.…

Farmaseutiese maatskappye verhinder die openbaarmaking van ’n natuurlike geneesmiddel vir kanker. Koningin Elizabeth is deel van ’n geheime komplot teen die wêreld. Dwalings van ’n groep paranoïese randeiers? In ’n studie oor agt jaar het navorsers Amerikaners na hul siening oor samesweringsteorieë uitgevra. DIE RESULTATE Dit word wyd ondersteun. Op ’n gegewe tyd sal minstens die helfte van die bevolking saamstem met een of meer van die meer algemeen bekende teorieë. Aanhang kom onder die hele bevolking voor. Mense met ’n laer onderrigvlak en/of inkomste omhels dit meer geredelik, maar opgevoede rykes ook. Dit kom oor die hele ideologiese spektrum voor. Meer konserwatiewe as liberale mense glo Barack Obama het sy geboortesertifikaat vervals. Maar baie liberales glo 9/11 was ’n regeringskomplot. Bron: www.newscientist.com…

Toe Ilze Kruger, ’n kommunikasiekonsultant van Johannesburg, drie jaar terug getrou het, was haar man se fietsry-en-buitelugonderneming reeds ses jaar aan die gang en dit het goed gegroei. Maar hy moes deurentyd skuld maak om nuwe produkte in te voer, en dis vandag steeds die geval. Sy vertel: “Ons het vooraf deeglik oor finansies gepraat toe ons ons huwelikskontrak (buite gemeenskap van goedere) laat opstel het. Ons werk albei vir onsself, so ons het na ons gesamentlike finansies en besigheidstrukture gekyk en besluit wie vir watter huishoudelike uitgawes verantwoordelik is. “Jy kan natuurlik nie 100% by die plan hou nie, want soms maak een van ons minder geld as verwag in ’n maand, maar ons gesels heeltyd daaroor. Dan sal hy ’n bietjie meer op ons private lewe uitgee, en…

Die kimlyn van Doha, wat in 2015 as een van die sewe Nuwe Stedelike Wonders van die Wêreld aangewys is Hoe het jy in Doha beland? Jy kan maar sê ek het Doha nie gekies nie, Doha het mý gekies. Ná my honneurs in sakebestuur aan die Vrystaatse Universiteit het ek werk in Port Elizabeth gekry. Om te reis en die wêreld te sien was nog altyd ’n droom, maar ek het dit nooit eens oorweeg om ’n lugwaardin te word nie omdat ek baie kort en klein van postuur is. In 2015 het die lugdiens Qatar ’n ope dag in Port Elizabeth gehou en ’n vriendin het gevra of ek saam met haar sal gaan vir morele ondersteuning. Ses maande later was ek in Doha, ’n vereiste om vir…

Boereverneukers: Afrikaanse swendelaars, swierbolle en swerkaters , Izak du Plessis (Penguin Books, R240) In dié boek herinner Du Plessis ons aan 14 van die grootste slenters in SA se geskiedenis en die mense wat dit beplan en uitgevoer het. Die karakters wissel van kubuskoning, Adriaan Nieuwoudt, en Gervan Lubbe met sy pynmasjien, tot minder bekendes soos Scotty Smith, die Robin Hood van die Kalahari. Selfs Paul Kruger slaag daarin om ’n plek in die boek te kry. Sy nepotisme en knoeiery met staatskonsessies, en die tydsduur van presidensiële ondersoeke, herinner sterk aan die hedendaagse Guptasaga. Die verneukery van die bedrieërs sal jou laat kopskud, maar ook met bewondering laat vir hul vindingrykheid. Wie hou dan nie van Jakkalsen-Wolf-stories nie? Lees die boek, jy sal dit geniet. Dit help dalk…

Dié Australiese aktrise is een van die mees bekroondes van haar tyd, met onder meer twee Oscar-beeldjies op haar kerfstok. Maar haar passies strek verder as die silwerskerm. Sy is ’n kampvegter vir vroueregte en omgewingskwessies, en as ’n ambassadeur van die Verenigde Nasies is sy betrokke by programme wat bewustheid oor die wêreldwye vlugtelingekrisis skep. Die laaste vyf jaar is sy ook die gesig van Giorgio Armani se ikoniese parfuum Sì. Dié skoonheidshuis skryf Cate se sukses toe aan haar vele fasette: sterk, selfversekerd, diepdenkend, kompleks, natuurlik, elegant en altyd grasieus. In die advertensieveldtog vir die geur se nuutste weergawe, Sì Passione, is Cate treffend en inspirerend in ons kleur van die oomblik – rooi!…

Brogues Swart brogues van blink kunsleer met sool in verskeie kleure (R250), Mr Price/ mrp.com Tossels en pompoms Halssnoer van nikkelvrye metaal met tossels en pompoms (R150), Woolworths Belde Leermiddellyfbelt (R250), Poetry Rooi horlosies Roosgoue horlosie met rooi keramiekbandjie (vanaf R1 299), Anne Klein by American Swiss Hoepels Hoepeloorbelle van 18 kar.-pienkgoud met swart diamante (R18 999), American Swiss Skouersak Leerhandsak met oorkruisskouerband (R1 490), Willow Tree AMARIA HOU VAN Ek is versot op diervelmotiewe – enigiets van ’n luiperdvel- tot slangvelmotief. Dit is my go-to-patrone om ’n saai uitrusting nuwe lewe te gee…

3 BESTE OOGROME 1. Hialuronsuur in Neutrogena Hydro Boost Eye Awakening Gel-Cream (R140) bevog en verfris onmiddellik moeë oë 2. Hawermout-ekstrak in Kalahari Anti-Puffiness Eye Serum (R193) verbeter fyn lyntjies en pofferigheid om jou oë. By uitsoeksalonne en -spa’s 3. ’n Spesiale jel- en roomformule word gekombineer om donker kringe en verkleuring onder jou oë te behandel en die vel te verhelder - Olay Eyes Illuminating Eye Cream (R295) IETS VIR elke bui Die eerste produkte van die Britse skoonheidshuis Cowshed is 20 jaar gelede in ’n ou koeistal op die Engelse platteland ontwikkel. Vandag spog dié handelsmerk met ’n wye verskeidenheid lyf-, haar- en leefstylprodukte wat wêreldwyd versprei word. Nou is dit ook in SA beskikbaar! Elke produk in die reeks is ingedeel in een van ses gemoedstoestande (…

Die idee agter Chanel se Les Beiges-grimeerreeks is om ’n gelaat met ’n songoue glans te skep sodat dit lyk asof jy ’n ontspanne dag in die buitelug deurgebring het. ’n Verligterpoeier in drie kleurvariasies – lig (foto), medium en donker – is nou vir ’n beperkte tyd in die reeks beskikbaar. Die formule van die Healthy Glow Luminous Multi-Colour Powder (R1 000) is verryk met onder meer galambotter om veerlig en gemaklik op jou vel te voel. Gee ’n vaal wintervel kitsglans deur dit aan die dele van jou gesig te tik waar lig natuurlik tref of wend dit liggies oor jou hele gesig aan vir ’n subtiele gloed. Grafiese oogomlyner in helder skakerings is ’n groot skoonheidstendens op die modeloopplanke. Met Dior se nuwe reeks vloeibare oogomlyners, Diorshow…

KARAMEL-ENVANIELJE-VLAKOEK Tannie Magda Coetzee is een van my grootword-ma’s. Sy kan bak! Hierdie is haar basiese vlakoek-resep met ’n tikkie karamel by. genoeg vir 1 groot koek 120 g (210 ml) koekmeel 40 g (80 ml) mielieblom 5 ml bakpoeier 1 ml sout 5 eiers, geskei 210 g (250 ml) strooisuiker 100 ml yswater VULSEL 500 ml melk 40 g (80 ml) vlapoeier 1 ml sout 125 g (135 ml) sagte botter 210 g (250 ml) strooisuiker 5 ml karamelgeursel 1 x 360 g-blik karamelkondensmelk 100 g koekiekrummels van jou keuse Verhit oond tot 180 °C. Spuit 2 ronde koekpanne van 20 cm in deursnee goed met kleefwerende kossproei. Sif koekmeel, mielieblom, bakpoeier en sout saam. Plaas eiergele en strooisuiker in ’n skoon bak en klits tot lig en romerig.…

“Daar is iets aan ’n vrou wat my bly verstom. Dis in die balans wat ons so moeiteloos handhaaf. Die sterk-wees, vrou-wees, ma-wees, mentor-wees, lief-wees – eienskappe wat inmekaar gevleg is en van geboorte af net daar is . . . ’n Ingebore kombinasie van elemente wat in presies die regte seisoen begin lewe. Instink en ’n sesde sintuig om te weet wanneer om te bid vir ’n situasie. Dis hoe ons aanmekaar gesit is en hoe ons dit regkry om te oorleef deur die mees traumatiese gebeure, soos om ’n kind aan die dood af te staan of deur ’n egskeiding te gaan. Dis asof ’n oorlewingsinstink inskop en om te gaan lê nie ’n opsie is nie. ’n Vrou is gemaak om die lewe te dra, te oorleef…

5 gelukkige SARIElesers kan elk die boek Dubbelspiraal deur André Jansen (Queillerie, R285) wen. Geheime agent Koos Jooste en Xolisa Ndlela se paaie kruis sedert die Soweto-oproer in 1976 telkens tydens sleuteloomblikke in die land se geskiedenis. Jooste verdedig die bestaande bestel, Ndlela beywer hom vir die nuwe, en Dubbelspiraal plaas die fokus op hoe die magsewewig tussen hulle gedurig verander. Die leser word gevoer van Grahamstad na Soweto, Amsterdam na Parys, Mtubatuba na Bettysbaai. Jooste, agent in die vreemde, moet persoonlike tragedie verwerk, in ’n wankelende wêreld vastigheid soek, en sukkel met die begrippe patriotisme en lojaliteit. En wat kan één mens doen om die euwels van die nuwe heersers se korrupsie te bestry? Nog 5 gelukkige SARIE-lesers kan elk Laat die potte…

‘Ek wil my mooiste rooi rok en stiletto’s aantrek, by jou inhaak en die strate . . . aan die brand dans’Aanhaling uit leser Antoinette Schoeman, Riebeeckstad, se brief aan SARIE, Mei 2017 Haar titel: Mej. SA 2018 Haar naam: Tamaryn Green Haar kleur: Rooi Haar parfuum: Montblanc Lady Emblem Elixir * Tamaryn het haar eerste groot mode-fotosessie as Mej. SA vir SARIE gedoen en wys op bl. 88 hoe ons rooi met selfvertroue en styl dra. LIPSTIFFIE MET style Jou lipstiffie is ’n spogbykomstigheid. Met Guerlain se luukse lipstiffies Rouge G de Guerlain kan jy nou ’n lipstiffie-kassie kry wat jou styl weerspieël. Kies uit 15 ontwerpe: van elegante goud, silwer en roosgoud tot vroulike blompatrone en sjiek leer-afwerkings. Elke kassie het ’n spieëltjie. Prys: R600 vir lipstiffie, R325…

WEES ’N PLEISTER, NIE ’N WAPEN ’n Bietjie ongemaklik sit en wag ek vir Donnalee Roberts, Simoné Nortmann en Caroline-Grace om die Bloemhofverhoog op Stellenbosch te betree. Hande in my skoot, sit ek heel voor teen die verhoog terwyl die drie beroemde dames die verhoog opstap. Eerste is dit Caroline-Grace se stem wat skielik die saal vul, en my hart wen. Volgende is Simoné aan die beurt, sy deel met die gehoor haar lewenstorie. Hoe haar lewe by seer begin en by krag geëindig het. Vandag bou sy vroue op en gee hulle hoop. Donnalee se toespraak is laaste, en ek sluk-sluk klaar trane weg. Nog nooit het ek as vrou soveel hoop vir die toekoms gehad nie! Ek hoop om eendag ook ’n 21-jarige meisie se hart te raak…

Om die voet van die Malutiberge het ek óf kwaito-jazz óf die plukklanke van die mbira gehoor Laurinda Die eerste keer toe sy die titel hoor van die musiekproduksie Afrika my verlange /Afrique mon désir, het dit haar dádelik aan die hart gegryp. “Die titel het ’n amperse intense nostalgie oor ’n mitiese plek wat dalk nooit bestaan het nie, maar wat tog aanwesig is – met ’n soort kollektiewe siel van Afrika-musiek en -poësie,” verduidelik Laurinda Hofmeyr, bekroonde liedjieskrywer, toonsetter van gedigte en musiekmaker. Dié sensitiewe kunstenaar sit voor my in ’n koffieplek op Stellenbosch, knus gewikkel in ’n groenerige trui, die kleur van haar oë. Sy is die toonbeeld van rustigheid. “Dit lyk maar net of ek so kalm is,” lag sy. “Hoewel ek geweet het dit…

Die Kardashian-clan het nie net eendag uit die niet verskyn en jou webnuustoevoer oorgeneem nie. Die patriarg, Robert, was ’n sleutelfiguur in O.J. Simpson se verhoor en stinkryk. Ma Kris is op die oog af ’n bemarkingsgenie. In haar 2011-memoires, Kris Jenner . . . And All Things Kardashian , skryf sy: “Ek het na ons loopbane begin kyk soos stukke op ’n skaakbord. Elke dag word ek wakker, stap na my kantoor toe en vra myself: ‘Watter skuif moet jy vandag maak?’ Haar sakebesluite en strategieë was baie berekend en goed beplan, skryf sy. En wat ook al jou persoonlike mening oor die susters, hulle is aantreklike vroue. Wanneer, sedert die koms van die moderne media, het voorkoms nie geld laat inrol nie? Bron:…

Sy loop die onderwêreld skynbaar vreesloos tegemoet – Anneliese Burgess het al telkens haar vrou gestaan teen bullebakke en hul skelmstreke ontbloot. Byna tien jaar lank was sy “die gesig” van die hardenuus-TV-program Special Assignment . Meer onlangs was sy in die nuus as kommunikasiewoordvoerder vir die Pistorius-gesin tydens die hofsaak van Suid-Afrika se lemnaeler, Oscar Pistorius. Dié bekroonde ondersoekende joernalis word in dieselfde asem genoem as ander gerespekteerde name in die bedryf, Jacques Pauw, Mandy Wiener, Max du Preez en Pearlie Joubert. Die tawwe brigade. En hulle is almal haar vriende. In haar eerste boek, Heist! South Africa’s Cash-in-Transit Epidemic Uncovered (Penguin SA, R212), oor transitorooftogte het sy weer eens haar slag gewys – met diep krapwerk, fyn waarneming en harde,…

Sal pro-immunisering-veldtogte ouers se houding teenoor die MMR-entstof (teen masels, pampoentjies en Duitse masels) verander? Om dit te toets is sowat 2 000 Amerikaanse ouers by ’n studie betrek. Wêreldwyd is daar ’n verdagmakery teen dié entstof weens ’n beweerde verband met outisme. Dit ten spyte daarvan dat geen wetenskaplike bewyse bestaan dat dit jou kind kan benadeel nie. Nie een van die studie se ingrepe het gewerk nie. ’n Inligtingstuk wat fokus op die gebrekkige bewyse vir ’n verband tussen outisme en die MMR-entstof het wanopvattings daaroor skynbaar verminder. Tog het dit nie ouers laat afsien van hul voorneme om nié hul kinders te laat inent nie. Foto’s van kinders met masels, pampoentjies en Duitse masels het net die geloof versterk dat die entstof outisme veroorsaak. Terwyl ’n dramatiese…

Toe ek ’n paar jaar gelede in Spanje gewoon het, was supermarkte vir my net so interessant soos museums. Op ’n dag, omring deur rakke vol eksotiese bestanddele en vreemde produkte, tref iets bekends my oog. La Buena María (die goeie Maria). Maar dis mos Marie daai, dog ek. En wat maak ons Marie hiér? Met dieselfde sirkelvorm en kenmerkende patroonrandjie, is Marie tot María herdoop. Ek het dit as vanselfsprekend aanvaar dat Marie so eg Suid-Afrikaans is soos Mrs Ball’s-blatjang en Oumabeskuit, en was salig onbewus dat sy deur adellikes geïnspireer is, dat sy al byna 150 jaar oud is, en dat sy in omtrent elke uithoek van die aarde geniet word. Marie-beskuitjies is in 1874 deur die Londense bakkery Peek Freans geskep om die huwelik van koningin Victoria…

“en voorwaarts, hou die kop omhoog, wees staal van inbors en graniet en fier” uit die gedig “Vyfde Evangelie” in Adam Small se digbundelKitaar my kruis (Protea Boekhuis, R170) Vandag is ek ’n windlawaai PHILIP DE VOS EN PIET GROBLER (PROTEA BOEKHUIS, R150) De Vos en Grobler vorm saam ’n gedugte span wat woorde en prente op ’n voortreflike en onvergeetlike manier gebruik. Die woorde inspireer, terwyl die illustrasies jou wegvoer op ’n verbeeldingsvlug na ’n wêreld waar drome jou lewe oorheers. Hierdie “sak vol stories” laat jou weer die belangrikheid van woorde besef; woorde het die mag om jou kop oop te maak, om jou te laat reis na verre lande, om die koue en skrik te verdryf en om jou veilig te laat voel in ’n donker wêreld.…

Vroue van Atlantis , Anastasia de Vries en Eldridge Jason (Lapa Uitgewers, R195) Atlantis is ’n woongebied aan die Weskus wat gereserveer was vir bruin inwoners onder die Groepsgebiedewet. Dit was veronderstel om ’n paradys te wees met florerende fabrieke – ’n suksesverhaal. Maar alles werk nie altyd soos daar beplan is nie. Ekonomiese ontwikkeling het mettertyd gekwyn en daarmee saam het maatskaplike verval gekom. Dis as gevolg van dié omstandighede dat die 12 vroue se verhale uitstaan. Ten spyte van alles het hulle nie geloof in Atlantis en sy mense verloor nie en geweier om op te gee. Oor die jare het hulle ingegryp en betrokke geraak; geglo dat jy met liefde en geloof ’n verskil kan maak. Hul verhale is dié van gemeenskapsdiens aan gestremdes, bejaardes en…

Spieëlbeeld Wys jou styl en selfvertroue, en dra dieselfde kleur rooi van kop tot toon. Hoë stewels tot by jou bobeen is die sukses van ’n wen-uitrusting dié winter. GROOTTES Rok: 2 – 12Jas: 4 – 18 Franse sjiek Frans en sjiek is sinoniem. Kry jou inspirasie deur ’n langmou-T-hemp met strepe en ’n baret by jou gunsteling- rooi romp te dra. GROOTTES Top: XXS – XXXLRomp: 32 – 40 Romanties Wees op die uitkyk vir daardie oogvang-trui in rooi met interessante detail soos valle, klokmoue of selfs spleetdetail. GROOTTES Trui: 8 – 16 Manjifiek Verras ’n ieder en elk op jou volgende partytjie of ’n aand uit met ’n skouerlose rok onder ’n moet-hê-manteljas. GROOTTES Rok: Op aanvraagJas: 30 – 38 Voorbereid Handsakke met slegs handvatsels, geen band nie,…

‘Rooi lipstiffie eien ’n plek in die gesprek sonder om hard te praat’ Elma Smit ‘My hare is my manier om persepsies oor ouderdom uit te daag’ Jackie Burger ‘Deur jou oë te beklemtoon wys jy jy is dapper genoeg om meer van jouself te verklap’ Marike Nel ‘Parfuum maak my meer selfversekerd . . . dit weerspieël my, verduidelik wie ek is’ Tana Ferreira, SARIE Voorbladgesig 2012 en model vir dié fotosessie 1 Elma Smit, radio- en TV-aanbieder, oor Rooi, sexy lippe Min dinge het so ’n kragtige impak soos rooi lipstiffie. Net een veeg laat jou bemagtig, avontuurlustig en begeerlik voel. Vir baie vroue is dit ’n manier om hulself op te kikker in veral moeilike tye, wys navorsing. Radio- en TV-aanbieder Elma Smit stem saam. “Ek lewe…

Omdat my hare geneig is om maklik droog en kroeserig te word, verkies ek om dit elke tweede dag te was, veral in die koue wintermaande. So drie maande terug het ek besluit om ’n kuif te laat sny. Ek was mal oor die verandering, maar skielik moes ek baie meer my kuif was omdat dit vinniger olierig geword het as die res van my hare. Gelukkig kan ek staatmaak op ’n droë sjampoe! Die nuwe Sorbet Drybar High And Dry Dry Shampoo Volume & Texture (R80 vir 200 ml) absorbeer blitsvinnig oortollige olie by jou haarwortels. Dit gee ekstra tekstuur en volume aan jou hare en help selfs om die styl van my kuif te behou. Jy spuit dit in kort spuitjies aan jou haarlyn, wag so 20 sekondes…

CANDICE VERLANG “Jy kan die wêreld platreis, maar maak nie saak waar ek gaan nie: as ek huis toe verlang, proe ek dadelik biltong en regte beskuit. Dis waarna huis vir my proe!” SARIE SÊ SO PROE HUIS Biltongbrood Daar is min dinge so lekker soos suurdeegbrood, maar dit verg tyd om te maak. Gelukkig is daar ’n kortpadmanier. Met ’n hand vol biltong daarby, gaan dié brood enige hart laat vermurwe. BEHATI VERLANG “Noudat ek in Amerika bly, mis ek die meeste my pa se gebraaide skaaptjops en my ma se braaibroodjies met blatjang. En niemand maak aartappelslaai soos sy nie.” SARIE SÊ SO PROE HUIS Baguette-braaibrode Ek maak deesdae hierdie lang braaibrode en sit dit voor as voorgereg. Dit lyk dalk anders as braaibroodjies, maar proe nes die…

EEU-OUE PLAASHUIS Die boustyl van die huis met sy vyf slaapkamers is ’n mengsel van Victoriaans en Edwardiaans en gebou in 1912. GASTEKAMER Die bekoring van hierdie vertrek is die stille eenvoud. Die keramiekligte asook die swart tafeltjies is van NM Design. Op die vloer lê die Naudes se Australiese veehond (cattle dog), Joe. DIE LANG GANG Tipies van die era en boustyl is dié lang gang. Dis breed genoeg sodat die klavier en Nelia se weergawe van ’n moderne riempiesbank teenoor mekaar kan staan. Aan die onderpunt staan ’n tradisionele riempiesbank. NELIA SE WENK Ou houtvloere moet nie onnodig geskuur word nie. Behandel dit slegs nou en dan met ’n geskikte vloer-olie WIT SITKAMER Nelia het wit vir haar sitkamer gekies. Buiten die eenvoud en stilte wat hierdie kleur…

Ek maak geen politieke stellings met my werk nie Danielle ‘My intuïsie is my muse’ Danielle Clough, internasionale borduur-entrepreneur Die Kaapse borduurkunstenaar Danielle Clough dink buite die raam. As jy “borduurwerk” hoor, is jy geneig om aan ou tannies met brilletjies te dink. “Dit is ’n opwindende vaardigheid en hoogs kreatief,” sê Danielle egter. En die wêreld is gek na haar werk. Vanjaar is sy gevra om portrette van die Amerikaanse komediante Tina Fey en David Letterman te maak vir sy geselsprogram My Next Guest Needs No Introduction. In Januarie verlede jaar het sy en die Mexikaanse beeldhoukunstenaar David Madero saamgewerk om vir Adobe Photoshop ’n kunswerk te skep as deel van hul Collaboragram-projek. Die idee is dat twee kunstenaars uit verskillende dissiplines saam ’n opdrag uitvoer, met die…

A @home 0860 576 576 www.home.co.za American Swiss 021 938 1966 www.americanswiss.co.za B Block & Chisel 010 593 9308, 011 442 0809, 021 712 5193 www.blockandchisel.co.za C Charles & Keith 011 729 5023, 021 552 4912 colette by colette hayman 021 937 5143 Cotton On 011 268 3700 www.cottonon.co.za Country Road Home 0860 022 002 www.woolworths.co.za F Forever New 011 883 4585, 021 419 4552 www.forevernew.co.za H H&M 0860 690 707 www.hm.com/za Hertex 0860 437 839 www.hertex.co.za K Karen Millen 011 784 2937, 021 418 0162 King Cake 021 461 9448 Klûk CGDT 083 377 7780 www.klukcgdt.com L Luxottica 021 486 6100 www.luxottica.co.za M Mango www.shop.mango.com/za Mr Price 0800 212 535 www.mrp.com Mrphome 0800 212 535 www.mrphome.com N NM Design www.nmdesign.co.za P Poetry 0860 555 529 www.poetrystores.co.za S Spitz 0860…

As jy moeg is vir konstant rondjaag, of dalk net-net kop bo water hou terwyl jy stroomop swem, is prentjiemooi sonsondergange, stiltes wat jou siel vul, heerlike kos en geselskap met hartsvriende om die vuur dalk net wat jy nodig het. Met dié wedstryd het jy die kans om jouself saam met vier vriendinne op die Oranjerivier te gaan vind soos die karakters in die fliek Stroomop! Jul avontuur begin by die Raap & Skraap Gastehuis naby Onseepkans, ’n klein Noord-Kaapse dorpie op die grens van Namibië. Dis van hier dat julle saam met SA Forest Adventures sal vertrek vir vier dae op die Oranjerivier, voordat julle weer die laaste aand by Raap & Skraap sal oornag. SMS en sê in 140 karakters hoekom jy en jou vriendinne hierdie avontuur…

Dit is een van die skaars vreugdes van ons bestaan, iets wat die lewe verniet vir jou gee. Hulle word moeiteloos deel van jou, vrolik en vol lewe, sonder dat jy hulle werklik verdien: Vriendinne. Ek het net ’n paar vriendinne. Elkeen van hulle is diep en innig en onmisbaar deel van my. My vriendinne is die vroue wat my lewe anker. Hulle bring my aarde toe as alles om my waansinnig raak. Hulle doen dit op ’n manier wat my ma nie sal doen nie, daarom luister ek na hulle. Dit is hierdie vroue wat nuwe dimensies van my bestaan oopmaak met hul persoonlikhede, hul deugsaamhede – en hul geite. Omdat ek hul lewens deel, soos hulle ook myne, leef ek saam met hulle ’n ryker lewe, ’n sinvoller…

Italië Frankryk Griekeland HOE LANK MOET JY WAG OM VERLOOF TE RAAK? Ericka du Plessis Cory My man het binne 12 uur gesê dat hy met my gaan trou en 8 maande later is ons. Vandag is ons al 12 jaar baie gelukkig getroud. My eerste man het ek 4 jaar geken voor ons verloof geraak het, en ons was slegs 5 jaar getroud toe ons skei. Tyd bepaal nie of jy gaan gelukkig wees en of dit gaan werk nie. Toewyding tot die verhouding bepaal als! Leze Hurter Neale-May 4 jaar . . . ’n Mens moet ook die “dating”-fase geniet. Al weet jy dis die regte persoon, hoekom als so afjaag? Geniet die oomblik! Alles het sy tyd. Wilma Schutte Hy het my 10 dae ná ons eerste…

In die film ontmoet kykers vyf vroue wat hulle om verskillende redes by ’n selfhelpgroep bevind, almal besig om te “verdrink” in hul realiteite. Die groep bied hulle ’n geleentheid om op ’n avontuurterapie-reis te gaan en dié vreemdelinge pak dit saam aan. Die vyf vroue lyk dalk heel van buite, maar is gebroke aan die binnekant. Sodra hul reis begin, word hul boot omgegooi, die gids kry seer en spoel weg. Hulle moet dan self oorleef. En hoe meer hulle van buite afgebreek word, hoe meer heel word hulle binne. Gaan ook na www.stroomopfilm.co.za . Lees meer oor die rolprent – onderhoude en agtergrond-inligting – by www.sarie.com/bekendes/stroomop . SARIE is net soos met Vir Altyd en Pad…

Gekies uit duisende! ONS TOP-10-FINALISTE SARIE Voorbladgesig nommer 10! Hier is sy reeds, want een van dié 10 finaliste sal op ’n gala-aand in September hoor sy het dit gemaak tot op SARIE se Oktober-voorblad. Maar eers lê die reis na die gesogte wen-Voorblad voor. Dit behels professionele fotosessies saam met topfotograaf Leana Clunies-Ross, asook TV-opnames vir ons program oor 7 episodes, SARIE Voorbladgesig 2018, saam met kykNET. Opwindend gaan dit wees, ook pret, en ja, soms ’n bietjie senutergend. Teen September sal almal se SARIE-foto’s in die tydskrif wees. Dié kan jy maar weet, Voorbladmooi sal ons 10 finaliste wees ONS OP TV SARIE Voorbladgesig is vanaf 14 Augustus om 17:30 op kykNET, DStv-kanaal 144, te sien. Om te sien hoe lyk die Top-10-finaliste afgeneem in ware SARIE-voorbladstyl, kry…

Sekere eienskappe kan jou dalk meer vatbaar vir celeb- aanbidding maak, volgens navorsing in die British Journal of Psychology. Dit sluit in angs en probleme om hegte verhoudings te vorm. Dit wil ook lyk asof dobbelslawe meer geneig is daartoe! Die goeie nuus? Navorsing wys minder as 1% van ons is ongesond obsessief met celebs. En die meeste van dié groepie gaan nie iets aanvang wat ’n negatiewe effek op hul lewe het nie. Niks verkeerd daarmee om vasgevang te raak in die detail van Harry-hulle se troue, of te óé en áá oor foto’s van Louis, Kate en Wills se jongste, nie. Solank jy perspektief behou. As jy die Windsors se stamboom beter as jou eie ken, moet jy dalk weer oor jou prioriteite dink.…

1874 Die Londense bakkery Peek Freans skep die eerste Marie-beskuitjie om die huwelik van die groothertogin Maria Alexandrovna van Rusland met die hertog van Edinburg te vier. 1883 Die eerste masjien-vervaardigde skeepskoekies word deur Baumann & Co geproduseer. 1915 Tydens die Eerste Wêreldoorlog lei anti-Duitse gevoelens in Natal daartoe dat die naam Baumann & Co na Bakers Biscuits verander word. Bakers Biscuits gaan sedertdien van krag tot krag. 1851 John Frederick Baumann land in Durban en stig Baumann & Co met die plan om Suid-Afrikaanse skeepskoekies ( hardtack ) op groot skaal te vervaardig. 1885 Baumann & Co voer die eerste fyngebakkoekiemasjien uit Engeland in. Die eerste weergawes van die ikoniese Blue Label Marie-beskuitjie verskyn.…

Wat het die gedagte vir die verhaal by jou laat posvat? Dis om te begin, daardie onverklaarbare aantrekking wat reeksmoorde vir so baie mense het, miskien oor die misterie agter die stories en die motiewe van die moordenaars wat tot nog toe nie volkome deur sielkundiges of ander kenners verklaar kon word nie. Ook die vraag: Wat hou my teë om nie self ’n reeksmoordenaar te word of te wees nie. Ek het baie gelees oor die psige van die reeksmoordenaar, maar ook oor die filosofie agter reeksmoord. Hopelik sal die boek ’n paar lesers by selfondersoek bring, want so maak die skrywer mos sy leser betrokke by die storie. Hoe ek aan die idee van die Aspoesters gekom het, wonder ek self. Dalk ’n flits in die brein? Ek…

Spruitkool met parmesaanroom ’n Nuwe manier om blomkool met witsous te maak. genoeg vir 6 Plaas 75 g (80 ml) botter en 4 fyngekapte knoffelhuisies in ’n groot pot en bring tot kookpunt. Verlaag hitte tot botter stadig prut. Voeg 500 ml room by en meng deur. Verhoog hitte en kook tot room met helfte verminder het. Verwyder van hitte en voeg 100 g gerasperde parmesaankaas by. Meng goed. Geur met sout en swartpeper. Bring aparte pot met water tot kookpunt en voeg 600 g Brusselse spruitjies by. Kook 5-8 minute of tot kool sag maar steeds ferm is. Dreineer en plaas op dienbord. Gooi warm sous oor en sit voor. Slaai met gemarineerde groenbone en feta Dis heerlik en boonop een van die maklikste bykosse wat jy kan maak.…

1 Rooi, sexy lippe ELMA SÊ ‘Ek hou van Smashbox se Always On Liquid Lipstick in Disorderly, want dit lyk altyd mooi op foto’s. Vir alledaagse dra hou ek van L’Oréal Paris se Infallible Lip Color in Red Infallible.’ Wenk ISA CARSTENS AKADEMIE Verbeter fyn lyntjies om jou mond deur vir ’n radiofrekwensiebehandeling te gaan. Soos wat jou vel verhit, stimuleer dit kollageen om saam te trek. Dit sorg vir ’n plomper, fermer vel. www.isacarstens.co.za 2 Hare met ’n kinkel JACKIE SÊ ‘Ek glo in ’n organiese en volhoubare leefstyl, daarom verkies ek om haarsorgprodukte te gebruik wat soveel moontlik natuurlike bestanddele bevat om my hare gesond en glansend te hou.’ Wenk INOAR Probeer INOAR se Vegan-reeks met ’n sjampoe en opknapper (R350 elk), ’n masker (R575) en haarolie (R600).…

Sagte blomnote soos freesia, jasmyn en dallelie word met swaarder steranys, amber en sandelhout gemeng vir ’n geur wat glansryk en vroulik is. ’n Geur geïnspireer deur die passie en intensiteit van die kleur rooi. Die kroonbestanddele is sappige rooi appel en rooiaalbessie. ’n Houtagtige blomgeur wat ook vrugtenote soos kiwi en lemoen en swaarder note soos muskus en amber bevat. Perfek vir ’n aand uit. ’n Oosterse geur met openingsnote van roosmaryn, swartbessie en bitter, ’n hart van blomme en ’n basis van soet vanielje wat lank op jou vel draal. Die Italiaanse ontwerper Roberto Cavalli vier sy tuisdorp, Florence, met dié nuwe blomgeur. Met lemoenbloeisel, swartbessie en patsjoelie ruik dit soet en aanloklik. Dié mooi roosgoue parfuumbottel in die vorm van ’n druppel bevat ’n heuningsoet geur geïnspireer…

ClemenGolds in speserystroop met sabayon Sabayon is ’n Franse lekkerte, en word gemaak deur eier, suiker en soetwyn saam oor kookwater te klits. genoeg vir 8 200 g (250 ml) suiker 500 ml water 2 kaneelstokke 4 steranys-peule 3 swartpeperkorrels 5 ml vanieljegeursel 8 ClemenGolds, geskil Sabayon 4 eiergele 125 ml muskadel 50 g strooisuiker 100 g koekiekrummels van jou keuse Plaas suiker, water en speserye in ’n middelslag-pot en bring tot kookpunt. Voeg vanielje by. Plaas ClemenGolds versigtig in warm suikerstroop. Verlaag hitte en laat prut tot ClemenGolds sag is, maar nie pap nie. Laat afkoel tot koud in stroop. Kook water in ’n pot waarop ’n glasbak stewig pas, maar moenie dat die bodem aan die water raak nie. Sit eiergele, muskadel en strooisuiker in die glasbak. Plaas…

ANITA HOU VAN Ons het ’n emosionele verbintenis met rooi. Dit laat jou warm en geborge voel (dink maar aan vuur) en is boonop die kleur van die liefde. Voeg klein rooi aksente by as jy skrik vir ’n rooi muur Dis winter en meer tyd word binne spandeer. ’n Taamlik goedkoop manier om warmte in jou woonplek in te bring is deur ’n aksentmuur in twee kleure te verf. En nie net met primêre rooi nie, maar skakerings van ryk tinte soos terracotta en beetrooi tot pienkrooi. Meet die muur se hoogte en merk die onderste derde (ook die hoogte van ’n dadoreling) met ’n ligte potloodstreep. Verf die boonste deel met Plascon Rooibos (R6-C1-2). Laat die verf droog word en plak maskeerband in ’n reguit lyn op die…

APPELASYN MAAK (DALK) MAERDER “Apple cider vinegar weight loss diet” – een van die gewildste gesondheidsonderwerpe waarvoor mense verlede jaar gegoogle het, volgens Harvard Health. Appelasyn (gefermenteerde appels) word al eeue lank medisinaal gebruik – vir seerkeel, verkoue, sooibrand, detoksifikasie en in ’n stadium selfs as antibiotika. Die gesondheidsvoordele is dalk danksy die hoë vlakke asynsuur en miskien ander bestanddele. Gewigsverlies? In ’n Japanse studie met 175 mense moes een groep daagliks 1-2 eetlepels appelasyn (verdun met ’n bietjie water) drink. Ná drie maande het hulle sowat 1-2 kg verloor en laer trigliseriede-vlakke gehad as die groep wat nie asyn gedrink het nie. Vier weke ná voltooiing van die studie het hulle egter feitlik al die gewig weer aangesit. “Suur – soos appelasyn maar ook suurlemoen – kan die verteringsproses…

Wen ’n ‘Stroomop’-avontuur (bl. 150) 1. Die beoordelaars se beslissing is finaal en geen gesprek of korrespondensie sal daaroor gevoer word nie. 2. Die wenner sal telefonies verwittig word en sy/haar naam sal in ’n latere stadium op die webtuiste SARIE.com verskyn. 3. Die prys is nie oordraagbaar nie en is nie vir kontant omruilbaar nie. 4. SARIE bied hierdie wedstryd namens SA Forest Adventures en Areyeng Vehicle Rentals as ’n diens vir haar lesers aan. SA Forest Adventures en Areyeng Vehicle Rentals voorsien en is verantwoordelik vir die prys. SARIE aanvaar geen verpligting hoegenaamd t.o.v. die ontvangs van die prys of gestanddoening van die voordele daaraan verbonde nie. 5. Werknemers en hul gesinne van Media24 (SARIE se moedermaatskappy), SA Forest Adventures, Areyeng Vehicle Rentals en hul reklamemaatskappye mag nie…