Indholdsfortegnelse for September 2018 i SARIE

Vra my waar’s my happy plek en ek sal sê daar waar ek oor blou waters uitkyk. Waar ek verwonderd staan oor die geheime van die oseaan en die branders se gesus. Maar ek is goed versigtig vir water. Al het ek so te sê by die see grootgeword met ’n ouma en oupa wat op Hermanus gebly het, waar ons ons dae op die strand en in ’n getypoel deurgebring het. Respek vir die see is ons geleer, maar hoe magtig sy regtig is, sou die tsoenami’s van die laaste dekade of wat ons wys. I simply lost my nerve . . . Die een in die Indiese Oseaan net ná Kersdag in 2004 wat uiteindelik by die 280 000 lewens in veertien lande geëis…

HARTSVRIENDE OP VREEMDE PLEKKE Die afgelope agt maande swoeg ek om ’n sukses te maak van ’n plaas wat die eienaar bekom het deur ’n swartbemagtigingsprojek. Op Swart Maandag in November verlede jaar trek ek in ’n spookhuis met ’n sinkdak in, tussen wat voel soos Putsonderwater en Pofadder. My naaste bure is 15 minute weg. Hier leer ek van saam werk en saam sukkel. As die enigste wit vrou op die plaas behandel die werkers my met respek, veral toe hulle sien ek werk saam met hulle – saam vang ons kalfies, saam slaan ons vuur en saam hou ons die ou bul se kop regop toe hy sy laaste asem uitblaas. My kontrak kom tot ’n einde en ek is opgewonde om terug huis toe te gaan, maar…

Prettige, lewensgroot bont koei van veselglas begroet jou by die ingang van Marianne Fassler se Leopard Frockateljee in Saxonwold, nog voor jy by die groot hout-dubbeldeure inkom. Hoë suile met keramiekskerwe versier staan brandwag in die binnehof neffens die ateljeevensters, waar mense sigbaar agter naaimasjiene en snytafels bedrywig is. Binne is dit ’n ontploffing van kleur en kreatiwiteit. Jy weet nie waar om eerste te kyk om alles in te neem nie. Rolle kleurryke materiaal in een hoek, krale en rooi, geruite lappe op ’n tafel, skilderye en beeldhouwerke teen mure, traplangs en in hoekies, blomme en takke in Afrika-potte, klere aan hangers op relings, en aan ’n paspop ’n halfvoltooide tuniek in dié ontwerper se kenmerkende luiperdvelmotiewe. Marianne self is geklee in lae van swart, grys en wit, met…

“My wonderlike man [akteur Grant Swanby] verstaan my paranoia oor die watersituasie – en laat my toe om soveel moontlik tenks om ons huis op te sit. Ek slaap lekkerder met ’n paar duisend liter water wat my omring. Ek het vir Bethesda ’n foto van hom geneem in ons kurkdroë plaasdam op ons plasie in die Klein-Karoo. [’n Toneelstuk met dié Bybelstorie as vertrekpunt en opgevoer rondom ’n munisipale swembad.] Op ons plaas besef ons goed wat dit beteken om sonder water te wees. Water hou direk verband met hoe jy voel en jou lewensuitkyk. Water is oorvloed, water is magies, water is potensiaal en lewe.” So sê die bekroonde aktrise en dramaturg Nicola Hanekom, wat vermoedelik in die regte lewe en haar werk met…

Die digter Sheila Cussons het ’n Engelse fantasieverhaal vir haar tweejarige boetie geskryf en geïllustreer toe sy self maar 14 was. In ’n onderhoud het sy gesê sy het die verhaal, Trevor in the Land of Fantasy , geskryf terwyl sy in ’n hangmat tussen twee bome in hul tuin gelê het. Die verhaal het sy dikwels aan haar broer, maar later ook aan haar eie seuns voorgelees. Sy het die manuskrip in ’n kas weggebêre en die dag voor haar dood in 2004 aan haar seun Jaume Saladrigas Cussons gegee. Hy het haar wens vervul en die boek is ná haar dood deur Imbali Academic Publishers gepubliseer. Kinders sowel as volwassenes sal aanklank vind by die fantasieverhaal. Die meeste van Cussons se werk is tussen 1970…

Kate Mosse oor haar Hugenote-verhaal The Burning Chambers (Mantle, R330)  Hoe begin ’n verhaal in jou kop vorm? Eerste kom die plek waar my verhale afspeel. Dis in daardie landskap waar ek die fluisteringe van ’n storie hoor. Ek hou van baie plekke, maar hulle praat nie met my nie. Toe ek die eerste keer op Franschhoek aankom, was dit soos die skok van herkenning. Ek skryf dikwels oor Languedoc, waar ons ’n huis op Carcassonne [voorheen ’n Franse heuwelvesting] het. Dit was die eerste plek weg van my huis in Sussex, Engeland, waar ek hierdie roering langs my rug af gevoel en besef het ek verstaan die plek en hoort hier. Ek het nie gedink ek sal ooit weer so oor ’n plek voel nie, totdat ek in 2013…

KANTOORSJIEK Dink jy aan pêrels, sien jy klassieke stringe soos Coco Chanel dit gedra het. Nou versier dit klere, skoene en handsakke. Vir die kantoor is swart hakskoene met kunspêrels perfek. SKEMERKELKIE SAAM MET VRIENDE Selfs jeans word versier met pêrels. Dra dit saam met ’n kantbloes vir ’n sensuele voorkoms. PÊRELS ORAL HET JY GEWEET? Egte pêrels is die enigste halfedelsteen wat deur ’n dier (oester) gemaak word. In minder as een uit elke 10 000 wilde oesters word daar ’n pêrel gevind. AMARIA HOU VAN “Somer is om die draai en as daar een item is waarin ek wil belê, is dit ’n nuwe paar leersandale. Ek is mal oor skoene van regte leer en sal spaar totdat ek my droompaar kan bekostig.”…

Kyk Tussen ons op kykNET & Kie Donderdagaande om 20:00 WAT IS DIE VERHAAL AGTER piesangbrood? Piesangbrood is ’n taamlike jongeling in die koekfamilie. Dit het eers ontwikkel nadat koeksoda in die middel-1800’s as rysmiddel vir gebak ontdek is. Hoewel piesangbome vroeg reeds in die Kaapse Kompanjietuin aangeplant is, bevat die oudste Suid-Afrikaanse kookboeke nie baie resepte met piesangs nie. Hildagonda Duckitt noem in haar kookboek Hilda’s Diary of a Cape Housekeeper (1902) dat piesangs, in Augustus en September in seisoen, skaars was. Sy gee ’n resep vir piesangpoffertjies en ’n piesangpoeding – laasgenoemde ’n koloniale resep uit Indië. Piesangbrood het waarskynlik ontstaan in die 1900’s, toe huisvroue na vinnige resepte op soek was en voedselskaarste ná die Groot Depressie en Wêreldoorloë…

ANITA HOU VAN ’n Muurplakker is ’n goedkoop manier om ’n nuwe seisoen in te lui. Dis boonop maklik genoeg om self aan te bring Verby is die dae van slegs tradisionele skilderye teen die mure. ’n Nuwe en vinnige manier om ’n vars voorkoms in ’n vertrek te skep is met vinielplakkers. Dit kan op enige gladde oppervlak geplak word, ook op glas. Dié ronde plakkers is in drie groottes beskikbaar: deursnee 50 cm, 75 cm en 100 cm, en kos vanaf R260. Besoek www.mywalltattoos.com vir nog voorbeelde en om dit te bestel. WENK Gebruik jou kredietkaart om lugblasies uit te vryf terwyl jy die plakker op die muur aanbring…

Op ’n snikhete dag in November 2014 het hulle hand geskud. Die surrogaatma en haar kliënt. “Dit het so ’n bietjie soos ’n eerste date gevoel,” vertel Jacqui Davies, ’n petite blonde lugverkeerbeheerder van Durbanville. Dít was toe sy die eerste keer vir Jonathan Kaplan, voormalige internasionale rugbyskeidsregter, in Seepunt, Kaapstad, ontmoet het. Mense in die koffieplek het geskarrel en jy kon die gekrys van seevoëls hoor. “Jonathan, sy prokureur en ’n verteenwoordiger van die surrogaatagentskap was daar. Later het net ek en Jonathan alleen gesels,” vertel sy. “Ek het mooi aangetrek, ’n swart romp en top, mooi plat skoene. Ek wou goed lyk. Dit was heeltemal te warm vir swart, het ek agterna gedink. Hy was teruggetrokke, stil, en ek het gewonder of hy my as surrogaat vir sy…

WATERMOOI ’n Lipstiffie wat ure lank sy kleur hou. Clarins se nuwe Water Lip Stain doen presies dit. Die tekstuur is eers waterig op jou lippe, maar dan word dit vinnig droog en gee intense kleur. Dit smeer ook nie af nie. Te kry in rooi, oranje, pienk en pers. Prys: R300 SOOS DIE OSEAAN Klein bakkies in Le Creuset se nuutste skakering. Hulle noem dit Kale; ons sê seegroen! Misterieus mooi en buierig soos ons oseane. Te kry: Vanaf 1 September; www.lecreuset.co.za TYD VIR aksie! Sunflower Day (21 September) is ’n instelling op ons gesondheidskalender. The Sunflower Fund, ’n organisasie sonder winsoogmerk, moedig almal aan om uit te reik na mense wat lewensbedreigende bloedsiektes soos leukemie het. Aksie, vra hulle! So, koop ’n tope (“tube…

Nee, maar dit lyk nie lekker van buite af nie, daai sementpoppe is aaklig. Is dit die plek wat behoort aan daai vrou met die regaf rokke? Ek dink so, sal gaan inloer wanneer ek tyd kry. Is dit my verbeelding of het hierdie omelet ’n vreemde smaak? Daai kelner het seker sy vinger daarin gehad, mensig, maar hy’s dik! Maar kan iets erger wees as daai plek waar ons verlede week was? Ons het baie lekker geëet by dinges-hulle verlede week, maar toe nooi sy daai paartjie met die siersteenhuis, hulle praat net oor hulle kinders, ek was byna dood. Ek kan dink, dis verskriklik om te maak of jy belangstel! Hierdie gesprek is nie uit ’n riller nie, dis ook nie drie moderne hekse wat hulle volgende aanslag…

Ek het ’n volle sirkel voltooi, tot weer in die sportwêreld Penny PENNY HEYNS Dit was net ná die 1994-verkiesing. Met hoop vir ’n nuwe Suid-Afrika, ’n reënboognasie. Die era van Nelson Mandela, François Pienaar en sy Bok-spanmaats . . . en Penny Heyns. Koningin van die water, komkommerkoel met haar reguit, bruin blik en Springbok-tatoeëermerk op ’n gespierde skouer. Penny wen tydens die Olimpiese Spele in 1996 in Atlanta goue medaljes in die 100 m- en 200 m-borsslag, steeds die enigste vrou in die geskiedenis van dié internasionale sportgeleentheid wat dit kon regkry. Sy het nie voor die tyd geweet dis nog nie vantevore vermag nie. Anders het sy dalk die idee gekry sy kan nié. Sy het haarself boonop nie as ’n 200 m-swemmer beskou nie. “Ek…

Verbeel jou . . . Nataniël en ’n handvol guitige kunstenaars in ’n retro-Kombi vaar ’n plattelandse dorpie klingelend binne. Almal hou asem op en kyk. Dis ’n hele Optog – hulle kom konsert hou op jou dorp. Hier kom vir jou ’n ding, want Optog, die naam vir hierdie uit-die-boks-uit-konsep in die Afrikaanse vermaaklikheidswêreld, gaan kuns na die mense toe bring. Dis bedink deur die musiekregisseur Matthys Maree, bekend vir innoverende suksesse soos die musiekproduksies Afri-Frans en Afri-Spaans. Nataniël het die naam “Optog” uitgedink en is die “gesig” van die veldtog. En SARIE marsjeer trots saam, as een van die mediavennote. Optog is ’n gedekonstrueerde kunstefees – jy sien dus nie ’n klomp vertonings in vyf dae nie, maar versprei oor ’n paar maande. En die hele konsert kom…

Wat het jou laat besluit om België toe te trek? Ek is in Nederland gebore, maar het in die laat 1950’s as dogtertjie saam met my ouers en broer na Suid-Afrika verhuis. Ons het in die Paarl gewoon, waar ek my skoolloopbaan voltooi het en ook later getroud is. Ná ’n paar keer se trek het ek in Randburg by my dogter gaan woon. Die tydskrif waarvoor ek gewerk het, moes sluit, en weens my ouderdom was dit moeilik om weer werk te kry. My vader wou graag teruggaan Nederland toe en ek het my moed bymekaar geskraap om terug te keer na Europa. Ná 50 jaar in Suid-Afrika was dit hartverskeurend om my familie agter te laat. In Nederland gekom, kon ek ook nie werk kry nie, ondanks talle…

Dors , Marinda van Zyl (Tafelberg, R280) Die roman vertel die verhaal van twee gesinne, die Greylings en die Ackermans. Die Ackermans het agter die jagter-kommandant Jan Greyling aangetrek om hulle ook in Damaraland te gaan vestig. Maar so eenvoudig is dit nie. Om daar te kom moet hulle die Dors oorsteek, ’n stuk waterlose Kalahari. En dan word hulle ook nog platgetrek deur koors en ander siektes. Dit vat harde mense wat dié uitdagings kan oorleef. Greyling is in ’n magstryd gewikkel met twee ander trekkers wat die leier wil wees, maar wat nie die gebied ken of voorheen daar gereis het nie. ’n Groot deel van die verhaal word uit die oogpunt van Adriana Ackerman vertel. Ontstellende gebeure skep ’n duidelike prentjie van hoe dit was om…

Vroulik, elegant, delikaat, aanloklik, stylvol en eg. Dis maar net ’n paar van die eienskappe wat die Franse model Lesly Masson met haar gemaklike blik uitstraal. Dis dié veelseggende kyk wat haar die perfekte gesig van die luukseontwerphuis Montblanc se ikoniese Lady Emblem-parfuumreeks maak. Met die verskyning van die oorspronklike geur in 2015, die roosgevulde Lady Emblem, was Lesly die toonbeeld van elegansie en vroulikheid in die swart-en-wit advertensieveldtog. Vir die swaarder Lady Emblem Elixir se veldtog, ook in swart-en-wit, was sy verleidelik en misterieus. En vir die nuutste toevoeging, die sprankelende Montblanc Lady Emblem L’Eau, straal sy grasie en kalmte uit, dié keer in volkleur. Veelsydigheid is duidelik haar sterk punt! Het jy geweet? Die Montblancdiamant met sy 43 skitterblink fasette was die inspirasie agter die Lady Emblem-geure. Dié…

Die luuksemodehuis Chanel is reeds 109 jaar oud en steeds inspireer die stigter, Coco Chanel (foto bo), ons. Het jy geweet Coco was die eerste modeontwerper wat kunspêrels en egte pêrels gekombineer het? Sy was ook ’n groot voorstander van kostuumjuweliersware. Hieroor het sy gesê: “Kostuumjuweliersware word nie gemaak om vroue ’n aura van rykdom te gee nie, maar om hulle mooi te maak.”…

Top- VELSORGBEHANDELING Soos dit warmer word, raak die son se skadelike UV-strale meer intens. Die Isa Carstens Akademie beveel daarom ’n chemiese afskilferingsbehandeling ( peel ) aan wat net die boonste paar lae van jou vel verwyder. Dit verminder die kans vir pigmentasie. Probeer ’n behandeling wat melkof feruliensuur bevat. Melksuur help om jou vel se vogbalans ná die droë winter te herstel, terwyl feruliensuur ’n antioksidant is en jou vel teen omgewingsfaktore, soos sonblootstelling en besoedeling, beskerm. Besoek www.isacarstens.co.za JOU lentegeur!  Die kwik styg en dis tyd om jou swaar winterparfuum vir ’n sprankelende lentegeur te verruil. Die nuwe Montblanc Lady Emblem L’Eau (R1 210 vir 75 ml EDT) voer jou weg na ’n tuin met sitrusbloeisels en vars rose. Die oorspronklike rooshart word varser…

Grondboontjiebotter SJOKOLADEKOEK  genoeg vir een 22 cm-koek 400 g (500 ml) suiker 250 g (450 ml) koekmeel 75 g (200 ml) kakaopoeier 7,5 ml bakpoeier 7,5 ml koeksoda 5 ml sout 2 eiers 250 ml karringmelk 15 ml vanieljegeursel 250 ml warm koffie 60 ml gladde grondboontjiebotter 115g (125 ml) ongesoute botter, gesmelt VERSIERSEL 125 ml gladde grondboontjiebotter 115 g (125 ml) ongesoute botter, by kamertemperatuur 325 g (625 ml) versiersuiker, gesif 75 g (200 ml) kakao, gesif 5 ml vanieljegeursel 135 ml room Verhit oond tot 180 °C. Spuit 3 ronde koekpanne van 22 cm in deursnee met kleefwerende kossproei en voer uit met bakpapier. ( Jy kan dit ook in 2 panne bak en elke koek in 2 lae verdeel.) Plaas droë bestanddele vir beslag in groot bak.…

Hoe meer ons van mekaar se gelowe, tradisies en kulture verstaan, hoe meer respek kry ons vir mekaar. Sherlin Barends, ’n omroeper op die Kaapse radiostasie KFM en aanbieder van VIA se program Wat maak jy?, waarin Suid-Afrikaners hul talente, perspektiewe en stokperdjies deel, glo September – Erfenismaand – is ’n wonderlike geleentheid om meer van mekaar te leer. Wanneer sy staar na haar oorlede ouma Ann se trouring aan haar middelvinger, onthou sy opnuut dié eerste bruin maatskaplike werker op Stellenbosch. “Ouma se kombuis het geruik na varsgebakte brood en sop lank ná ete. Ek wens ek het haar resepte neergepen en mooier geluister toe sy my van haar wit ouma en Khoi-oupa vertel het. Ons moet meer vra waar ons vandaan kom en waarheen…

Doen jy ’n internetsoektog, is daar duisende blaaie oor hoe die “perfekte” CV moet lyk. Die raad verskil egter en dis boonop meestal op Amerikaners gemik, genoeg om jou deurmekaar te maak. Deesdae geld baie van die ou reëls nie meer nie, sê Gail de Waal Basson, ’n professionele CV-skrywer van die Paarl. “Werksoek het ’n wetenskap geword en jou CV moet deel vorm van jou algehele beeld en strategie. Die jammerte is, die meeste CV’s lyk nie anders as tien jaar gelede nie – hoewel die mark anders is.” Raad, soos goeie spelling, geld steeds, maar CV’s se struktuur en lengte verskil vandag. Aan die ander kant gaan “moderne foefies” soos video-CV’s jou nie help nie, sê sy. Hier’s wat jy moet weet: 1 Gaan jou spelling na Maak…

5 SARIE-lesers kan elk die boek Wat het geword van Dinsdag? deur Tinus Horn (Human & Rousseau, R285) wen. Joe arriveer kort voor die draaipunt van die millennium in New York. Tot sy verbasing wag Nina, wat nooit eintlik iets van hom was nie, hom by die backpackers in. Hy ontmoet ook vir Michael, ’n verloopte Suid-Afrikaanse Jood met absurde drome vir homself en sy lendelam fiets. En dan is daar Elrike, wat Joe se gedagtes lees nog voor hy hulle kan dink. Dié drietal word die spil waarom alles draai in hierdie roman wat verdigsel en waarheid vervleg, nes die kunswerke van twyfelagtige waarde wat Joe skep. Enersyds is die roman ’n terugblik op drie onstuimige dekades in Johannesburg, en andersyds ’n verhaal van een…

Ons eet by ’n plein-restaurantjie van ’n Franse dorpie in die berge. Hier kom min toeriste, want die gehuggie het nie dít wat die grootste gedeelte van die mensdom soek nie. Dit is nie bekend óf sjiek óf naby ’n strand nie. Juis daarom is ek hiér, want min mense en min toeriste is perfek vir my. Ek is doodgelukkig. Ek sit saam met die man wat ek liefhet in ’n pragtige Middeleeuse dorpie onder ou bome. Ons drink ’n bottel Franse huiswyn saam met ’n uitbundige slaai wat voor ons op die tafel neergesit word. Slaaiblare en groente en blomme – en ’n onheilige porsie foie gras. Ons kelnerin vra of ons ook water wil hê. Ja, graag. Sy neem ’n leë waterkraffie en stap weg. Ons kyk haar…

‘As Mej. Hartenbos 2017 was ek outomaties deel van SARIE se Top-40. Oor die Top-10 was ek in ekstase!’ Anya-Larissa Botha Malmesbury 20 Dramastudent, US Verhouding met skoolliefde Beste eienskappe “My bene; dis 12 jaar se ballet” Bewonder “My ma en aspekte van verskillende vroue” Gunstelingkledingstuk Winterjas Top-fliek Jackie Bungee/kos “Ek bederf my gesin met kaaskoek!” Beste gereg Huiskos Parfuum Montblanc Lady Emblem L’Eau INSKRYFFOTO Wat maak jou bang van die toekoms? Die onsekerheid, maar dít kan ook jou drome vlerke gee. Grootste struikelblokke? Ek was teruggetrokke en bang vir mislukking en dit het my weerhou van baie. My ma het my help oorwin. Hoe voel jy oor jou hare? Dis my kroon! Ek het nog nooit my hare gekleur of kort gesny nie. Wil jy reis? Ja, want dit…

A @home 0860 576 576 www.home.co.za American Swiss 021 938 1966 www.americanswiss.co.za B Bacher & Co. 011 372 6000 www.bacherco.co.za Block & Chisel 010 593 9308, 021 712 5193 www.blockandchisel.co.za By Cara www.bycara.co.za C colette by colette hayman 021 937 5143 Créma 021 448 7775 www.cremadesign.co.za Crocs 087 237 6845 www.crocssa.co.za D Dulux 0860 330 111 www.dulux.co.za F Foschini 0860 576 576 www.foschini.co.za H H&M 0860 690 707 www.hm.com/za Hertex 0860 437 839 www.hertex.co.za K Karen Millen 021 418 0162 KLûK CGDT 083 377 7780 www.klukcgdt.com M Mango www.shop.mango.com/za Mr Price 0800 212 535 www.mrp.com Mrphome 0800 212 535 www.mrphome.com N Nomination 011 089 6007 www.nomination.com P Pesso 011 465 1468 www.pesso.co.za Pichulik 011 482 1389, 021 461 2474 www.pichulik.com Poetry 0860 555 529 www.poetrystores.co.za S Schonken Interiors www.schonkeninterior.com Spitz…

Tamaryn Green, ons nuwe Mej. SA . . . Sy het van die begin af uitgestaan. Sy het ’n grace wat nie aangeleer kan word nie. In daardie opsig laat sy my aan Rolene [Strauss] dink. Daar’s ’n kalmte aan haar. Ek sien daarna uit om die pad saam met haar te stap. ’n Mej. Wêreld en ’n Mej. Heelal is al deur jou hande. Wat laat SA vroue uitstaan? Hul nederigheid, hulle is glad nie selfbehep nie. Al die meisies wat ek nou al gehelp het – Melinda Bam, Rolene, Liesl Laurie, Ntando Kunene, Demi en nou ook die nuwe meisies, Thulisa Keyi en Tamaryn – is meer as net skoonhede, hul harte is ook mooi. Hulle wil ’n deel van hulself gee. Dis wat Rolene en Demi so…

“want kinders glo en leer met hulle hande”Uit die gedig “towenaar (Primêre Tarotkaart)” in die bundel weer-lig deur Fransi Niewoudt (Naledi, R175) Murals of Tibet THOMAS LAIRD (TASCHEN, R175 000, EKSKLUSIEF BESKIKBAAR BY EXCLUSIVE BOOKS) Net 998 eksemplare is van dié unieke kunsboek gemaak, en vyf daarvan is in Suid-Afrika! Dit het Laird 10 jaar geneem om die projek, met foto’s van die kosbaarste oorblywende muurskilderye van die Tibettaanse Boeddhistiese kultuur, te voltooi. Elke boek is persoonlik deur die Dalai Lama onderteken. Die bekroonde argitek Shigeru Ban het die staander vir die sumo-grootte boek en bygaande geïllustreerde handleiding ontwerp. Die handleiding vertel oor die geskiedenis van die skatte. Wat ’n erflating aan die mensdom! ’n Pragstuk wat ek bitter graag sou wou hê . . . Phyllis Green pgreen@media24.com of…

The Music Shop, Rachel Joyce (Penguin Books, R295) 1988: Frank se musiekwinkel is volgepak met musiek van elke soort. Klassiek, jazz, punk – solank dit viniel is, verkoop hy dit. Dag ná dag vind Frank vir sy klante die musiek wat hy voel hulle nodig het. Hy is baie gelukkig om alleen te wees. Dan loop Ilse Brauchmann in sy lewe in. Sy vra hom om haar oor musiek te leer. Sy intuïsie sê vir hom om te hardloop. Tog is hy aangetrokke tot die stil, geheimsinnige vrou. Ilse is nie wie hy dink sy is nie. Frank het ou wonde wat dreig om oop te skeur en ’n verlede wat hy nooit kan agterlaat nie. ’n Verhaal oor vriendskap en liefde; om te leer hoe om te…

TEVREDE Die klein sonbril van die 1990’s is terug, van die katoog- tot die vierkantige vorm. Kies die styl wat by jou gesigvorm pas. GROOTTES Top: 34 – 44 GOLWEND ’n Geplooide skouermantel van chiffon verskaf ’n tikkie fantasie aan rokke tot jeans. GROOTTES Mantel: Een grootte pas almal STILTE Waag met noupassende items en wys jou kurwes. Dra ’n klassieke wit hemp oor ’n stywe broek as ’n skouerlose top te gewaagd is. GROOTTES Top: XS – XL Jeans: 34 – 44 UITBUNDIG Moue is steeds groot en hou bloese, hemde en rokke interessant. ’n Deursigtige pofmou laat jou dink aan skuimende branders en gee sensualiteit aan jou uitrusting. Dit werk saam met enige langbroek of ’n potloodromp. GROOTTES Bloes: Op aanvraag SALIGHEID Almal kan ’n goedpassende snyersbaadjie dra…

GENOEG PAKPLEK Klein werk met orde. Die laaikassie (tweedehands gekoop) sorg dat los goed nie rondlê nie. Oral word ook mandjies vir ekstra bêreplek ingespan. Baie van die ou kaste, vir pakplek en atmosfeer, is by Wispen Interiors gekoop. WENK Hoekige teëls soos dié agter die stoof is hoogmode en verskaf tekstuur en ’n fokuspunt in die kombuis IN SAGTE KLEURE Elsje wou ’n rustige en kalm dog romantiese voorkoms vir hul slaapkamer skep. Sy maak haar bed interessant op met verskillende lae beddegoed en hou dit sover moontlik sonder los goed. Die roosgoue lampies aksentueer die mooi ligpienk lang kussing. Elsje en Jacques Schonken was nog studente toe hulle geraap en skraap het om hul dorpshuis van 80 m² in ’n sekerheidskompleks in Durbanville te koop. ’n Paar jaar…

By geboorte bestaan ons liggaam uit sowat 78% water. Soos ons ouer word, verminder dit na sowat 60% – maar die brein bestaan steeds uit 80% water. Die menslike liggaam as ’n geheel is byna dieselfde digtheid as water, daarom kan ons dryf. Die water in ons selle se mineraal-samestelling is vergelykbaar met die see s’n. Sowat 70% van die aarde se oppervlak is bedek met water – 95% daarvan moet nog ten volle verken word. Na raming lewe sowat 80% van die wêreld se bevolking binne 100 km van water af. Of dit nou van die kuslyn of oewer van ’n meer of rivier af is. Sowat ’n halfmiljard mense is direk afhanklik van water vir hul brood en botter. Twee derdes van die wêreldekonomie spruit uit aktiwiteite wat…