Indholdsfortegnelse for October 2018 i SARIE

R-E-S-P-E-C-T Respek. Vir haar as vrou. Dís wat die koningin van soul, Aretha Franklin, in haar ikoniese trefferlied “Respect” vra. Nee, nie vra nie, eis. “Respect” is ’n lied soos byna geen ander nie. Met die sielvolle, kragtige stem van Aretha, wat onlangs in die ouderdom van 76 oorlede is, oorrompel dit die wêreld sedert die 60’s. Die lied was nie haar eie nie, maar sy het dit haar eie gemáák. Die oorspronklike woorde aangepas, op vroue van toepassing gemaak en in 1967 op Valentynsdag opgeneem. ’n Jaar later is dit met twee Grammy-pryse bekroon. Mense oral het met die boodskap geïdentifiseer. Ook burgerregtegroepe en vrouebewegings. Wêreldwyd het dit ’n soort mantra geword, ’n lofsang, ’n strydkreet vir veral vroue. Oor die jare is “Respect” in meer as 60 rolprente…

Die ‘mooiste, mooiste maand’ sê digter C. Louis Leipoldt oor Oktober. By SARIE sê ons dis Voorbladgesig-maand! Dié keer sprankel ons 10de wenner, Emari Gieselbach van Centurion, op die voorblad.Net een kyk en jy weet waarom dié 35-jarige SARIE-leser duisende ander uitgestof het: sy’s so ’n bietjie Marilyn Monroe, ’n tikkie Audrey Hepburn en het die vonk en guitigheid van Hollywood-ster Michelle Williams. Iets klassiek en iets modern. Alles wat ’n wenvoorblad vra. Saam met haar deel kategoriewenner Charicke Carolus (24) van Kraaifontein die kollig – sy wou wys sy kan, en sy hét in samewerking met…

My rol as vrou? Om te bou, te motiveer en te inspireer. Om te gee . . . Emari Gieselbach Ek glo in sisterhood . Om mekaar se drome te ondersteun Charicke Carolus Vir episode 6 van SARIE Voorbladgesig het die finaliste die Brasiliaanse haarsorgreeks INOAR se salon in Pretoria besoek vir ’n behandeling nommerpas vir hul haartipe. Vir dié episode was hulle ook by die Isa Carstens Akademie se Pretoria-kampus, waar hulle ’n bevogtigende gesigbehandeling ontvang het. Ná reiniging en afskilfering met ligte vrugtesure is die gesig, oë en lippe behandel met aktiewe bestanddele vir ’n gesonde gelaat. Elke finalis het hierdie Voorbladgesigreis met ’n Fujifilm Instax Mini 9, ’n kitskamera wat foto’s dadelik uitdruk, en ’n SARIE-dagboek begin om al hul…

Die meeste suksesvolle mense was in ’n stadium van hul lewe werkloos – dikwels juis omdat hulle afgelê of afgedank is. Wyle Steve Jobs, eens Apple se grootbaas, is een van die beste voorbeelde. “Ek het dit nie toe ingesien nie, maar toe Apple van my ontslae raak, was dit die beste ding wat ooit met my kon gebeur het. Die meulsteun van sukses is vervang deur die ‘ligtheid’ daarvan om weer as groentjie my lewe te betree,” het Jobs in 2005 gesê nadat hy nog groot sukses behaal en later deur Apple heraangestel is. In Suid-Afrika is afleggings aan die orde van die dag. Volgens die vakbond Solidariteit was die meeste hiervan in 2016 in die mynwese, die inligtings- en kommunikasiebedryf en die metaal- en ingenieursbedryf. Sedertdien is baie…

As die taal met die meeste moedertaalsprekers in die land, is dit nie verbasend dat die meeste mense wat by Wits en Taalkor aanklop, Zoeloe wil leer nie. Naas Zoeloe, sê Trish, is Frans en Portugees baie gewild omdat dit in ander Afrika-lande gepraat word. Mense wat na ander wêrelddele reis, wil gewoonlik Spaans en Mandaryns leer, volgens haar. Lucia sê Mandaryns se gewildheid in die sakewêreld het die laaste paar jaar ook skerp gestyg. Dis egter een van die moeilikste tale om aan te leer vir diegene wie se moedertaal ’n Europese oorsprong het, soos Afrikaans, sê Trish. Volgens haar is Xhosa waarskynlik die moeilikste Afrika-taal om aan te leer omdat dit die meeste klikgeluide bevat en die grammatika ook moeiliker as dié van byvoorbeeld Sotho of Tswana is.…

Sewe dae by die Silbersteins deur Etienne Leroux Met my eerste lees van dié boek op universiteit het Leroux vir my ’n magiese status verwerf. Dit was ’n boek wat ons volkie van destyds eiehandig op sy kop gekeer het, bekrompenes in hul brekfispap laat stik en sensors vervaard na hulle skêre laat gryp het. Leroux se satire en skerp humorsin het my absoluut betower. Picasso: Creator and Destroyer deur Arianna Huffington Dié kontroversiële boek staan vir my uit as die beste biografie wat ek nog gelees het. Dit handel oor die tragedie van ’n man wat nie in staat was om lief te hê nie en die slagoffer van sy eie unieke gees geword het. ’n Aanhaling op die flapteks som die trefkrag van die…

TREND #1 ASPOESTERTJIESKOENE Glans en blink! Dit is wat jy aanglip as jy die wêreld met die geklik van trofeehakskoene wil verower. En glinsterstof is nie net vir die aand nie, jy kan ook sprankel aan jou alledaagse uitrustings daarmee gee. Hakskoene van blinkerstof (R600), Sissy Boy by Edgars. Swart hoënek-blinkertop (R899), Witchery. Jeans met klinknaels (R399), Free2BU by Edgars. GROOTTES Top: XXS – XL Jeans: 6 – 18 TREND #2 PASTELLE Roomyskleure te kus en te keur. Van die sagte streling van ’n ligpienk satynromp teen jou bene tot pastelkleure soos pistasiegroen, laventelpers, ligpienk en suurlemoensorbet. Maak ’n sterk stelling met een kleur van kop tot toon, of speel rond met meer as een pastel vir iets interessants. Naaswit T-hemp (R1 099), Scotch & Soda. Ligpienk satyn-midiromp (R1 499),…

Voorbladmooi STER-VEL Gee jou vel ’n kitshupstoot met ’n radiofrekwensiebehandeling soos Accent of Exilis Elite, beveel die Isa Carstens Akademie* aan. Met dié behandeling word elektromagnetiese impulse oor jou vel uitgestuur om hitte-energie te genereer. Soos wat jou vel verhit, stimuleer dit kollageen om saam te trek. Die resultaat is ’n plomper, fermer en stralender vel. Dié behandeling is ideaal vir voor ’n groot geleentheid omdat dit vinnig is en byna geen newe-effekte het nie. Besoek www.isacarstens.co.za * Die Isa Carstens Akademie lei terapeute en somatoloë op wat saam met dermatoloë en plastiese chirurge werk. * Sien ook wedstryd op bl. 43. Gebruik in die aanloop tot ’n belangrike geleentheid ’n velsorgproduk wat vitamien C bevat. Dit werk goed om jou gelaat helderder te laat lyk. Die nagroom…

ONTBEENDE VARKLENDE GEVUL MET KOESKOES Met min kan jy baie mense kos gee. genoeg vir 6-8 VULSEL 250 ml kookwarm hoenderaftreksel 250 ml koeskoes sout en varsgemaalde swartpeper 45 ml olyfolie 1 ui, fyngekap 200 g (sowat 20) gedroogde pruime, fyngekap 6 salieblare, fyngekap 100 g amandels, fyngekap VARK 2 kg ontbeende varklende ( loin ), kepe in vel gesny sout en varsgemaalde swartpeper 4 uie, in skywe gesny 250 ml witwyn 20 ml vinkelsaad 20 ml growwe sout, fyngemaal Verhit oond tot 180 °C terwyl jy die vulsel maak: Gooi aftreksel oor koeskoes en laat staan vir…

Haar beste geskenk is ’n handgeplukte blom. “Dit wýs mos iemand het aan my gedink.” Só sê Jenna Pietersen, deeltydse model, landskapsargitek en ma van Ruby (6). Sy omring haar met plante en diere. “Dit is soos meditasie.” Kleintyd het sy al saam met haar ouers kwekery toe gegaan en in die tuin gewerk. Sy en haar broer het in die laerskool selfs hul eie groentetuin gehad. Vandag is tuinmaak haar “terapie” by haar huis in Tamboerskloof. “Ek raak opgewonde as ek ’n erdwurm sien. As ek in die grond woel, leef ek in die oomblik. “Ek wil Ruby ook leer om die natuur te respekteer, om daar stil te word.” FOTO WILLEM LOURENS STILERING MAGDEL MULLER FOTO GENEEM BY BABYLONSTOREN 021 863 3852, www.babylonstoren.com Grimering & hare Lyndal Fitzgerald…

Sy was eintlik ’n goody two-shoes. Sy het nie rondgeslaap nie, ’n paar betekenisvolle langtermyn-verhoudings gehad, haarself “gespaar” vir daardie iemand spesiaal . . . ’n Affair was die laaste ding wat sy ooit kon dink oor haar pad sou kom. En toe gebeur dit. Haar baas, ’n getroude man met dieselfde humorsin as sy, “a kind soul” soos sy hom steeds beskryf, word méér as die kollega met wie sy so lekker kliek: hy word haar bondgenoot, haar familie, haar minnaar, haar álles. Dertien jaar lank. “Ek hét baie dinge daaruit geleer. Een daarvan is nederigheid. Want vandag weet ek ’n affair kan met enigiemand gebeur,” vertel Linda*, die sogenaamde “ander vrou”. Ons gesels in ’n koffiewinkel in Randburg. Linda is ’n aantreklike donkerkop in haar laat veertigs. By…

BA en die SAL het elk daagliks een retoervlug tussen Johannesburg en Livingstone. Kenia Airways het retoervlugte tussen Kaapstad en Livingstone op Dinsdae, Woensdae, Vrydae en Sondae. Jy het nie ’n visum nodig nie, net ’n geldige paspoort. Die Zambiese geldeenheid is kwacha en is gelyk aan R1,50. Dis handig om byderhand te hê vir fooitjies, maar oral waar ek was, was die mense bereid om rand as betaling te aanvaar. Die witwatervaarte op die Zambezi is van September tot April wanneer die rivier laer is. Die kos was lekker, maar het nie altyd die prys regverdig nie. Meer: www.anantara.com/en/royal-livingstone…

Dis ontstellend om ’n knop in jou bors te voel. Maar vrees behoort jou nie daarvan te weerhou om ’n dokter te raadpleeg nie. Hy/sy sal waarskynlik ’n mammogram en/of ’n bors-sonar laat doen. En dalk is ’n biopsie nodig. Die doel daarvan is om ’n duidelike antwoord te kry wanneer ’n fisieke ondersoek, mammogram of sonar aandui jy het verkalkings of ’n knop in jou bors wat verder ondersoek moet word. Dit beteken egter nie outomaties die knop is kankeragtig nie. “Dikwels, by 9 uit 10 gevalle plaaslik, is daar geen teken van kanker nie,” volgens dr. Rika Pienaar, kliniese en bestralingonkoloog van Kaapstad. Nietemin is dit nie ’n lekker gedagte dat jy vir een moet gaan nie. Lees hier presies wat jy kan verwag. 1’n Biopsie behels die…

Op 5 April vanjaar, in ’n agt uur lange operasie, het Ané Pienaar van Pretoria ’n dubbele mastektomie gehad. Sy was 33 en sonder borskanker. Nie almal verstaan haar besluit nie. “Jy’s te jonk!” “Jy het nie kanker nie!” In hoofletters. Geskok. “Dis my lewe, my lyf,” sê Ané. “Jy dink anders daaroor as jy iemand aan borskanker verloor het.” Haar ma was 42 toe sy daarmee gediagnoseer is. Op 50 is sy daaraan oorlede. Genetiese toetse in September verlede jaar het gewys Ané het die sogenaamde “fout-geen”: ’n mutasie of “afwyking” van die BRCA2-geen. Nie net was die kans sowat 80% dat sy in haar lewe borskanker sou kry nie, navorsing wys dit sou waarskynlik tien jaar vroeër gebeur as die ouderdom waarop haar ma gediagnoseer is. In haar…

Woord van die Maand #blommooi ’n Blom is iets wat deur fynheid en skoonheid onderskei word, sê die Verklarende Afrikaanse Woordeboek. Voorts kan jy die uitdrukking gebruik: Sy is ’n blom van ’n vrou, wat beteken sy is baie mooi, of soos ons sê: #blommooi. Dit kan ook figuurlik gebruik word wanneer ons sê, iemand blom – en kyk net hoe blom ons SARIE Voorbladgesigwenner op die voorblad. Geniet ook die res van die boek, propvol tendense vir Somer 2018 met blomme die heel mooiste van almal. Gaan ook na afrikaans.com…

SOMS IS VERLOOR OOK GOED Op ’n dag het die laerskoolhoof aangekondig dat ’n groot looppop uitgeloot gaan word as deel van ’n geldinsameling. Die pop was so mooi! Lang goue lokke en slaperige blou oë. Die een wat haar naam reg raai, sou haar wen. Ek het, as graadeentjie, kinderlik gebid en geglo haar naam gaan Sarie of Rosa wees, want so ’n pragtige pop móét mos Sarie of Rosa heet. Ek het al my sakgeld gewaag op die twee raaiskote. Haar naam was nie Sarie of Rosa nie, dit was Alet – die skoolhoof se naam. My niggie het die naaste aan die naam geraai: Aletta. Wanneer ons daar gaan kuier het, het ek nooit na haar Alet-pop gekyk nie. Ek was baie lank dikmond daaroor. Ouma het…

My ma is mal oor cappuccino, sy drink dit elke dag van haar lewe. Die skuim word gemaak in ’n glasbekertjie met ’n sifdeksel, sy pomp daai affêretjie vinniger as wat ’n houtkappervoël ’n gat in ’n boom kan maak. Dalk is dit die opgewondenheid, dalk hou dit haar fiks, dalk is dit net die histerie in ons stamboom, maar dit is iets om te aanskou. Dit staan al lank in my kas, die elektriese skuimmasjien wat ek vir haar gekoop het, ek wou dit al voorheen gee, maar ek het nog nie die krag vir die argument nie. Nou wat is dit dié? Ma, dit maak skuim vir jou cappuccino, jy gooi die melk hier bo in. Nou vir wat? Ek het mos ’n ding! Hiermee is dit makliker.…

‘Om op SARIE se voorblad te wees is om die lewe te vier’ Emari Gieselbach (35) van Centurion SARIE Voorbladgesig 2018 & kategoriewenner 31+ Kunsonderwyseres by Sutherland High School, Centurion Getroud met 2 dogters Matrikuleer aan die Afrikaanse Hoër Meisieskool, Pretoria Naskools: BEd (spesialiseer in visuele kunste), Universiteit van Pretoria Jy’s ons 10de SARIE Voorbladgesig! Wenner van die gesogte Oktober-voorblad. Deel jou emosies. Om op SARIE se voorblad te wees is om die lewe te vier! Ek het vanjaar 35 geword en ek celebrate die lewe. Byna 60 000 SA vroue het al oor die jare ingeskryf vir dié wedstryd. Hoekom het jý? Dit het altyd so aanloklik gelyk, maar ek was onseker. Toe lees ek verlede jaar se wenner Yolani Abrahams* van Ceres sê: “Wie nie waag nie, wen…

Arnold Vosloo het huis toe gekom. Hy het kom kuier by sy mense in Johannesburg. Ons blaai deur plakboeke wat sy ma, Joyce, oor die jare bymekaar gemaak het. Uitknipsels van stories en onderhoude met Arnold uit koerante en tydskrifte; selfs ’n SARIE-voorblad en ’n modesessie. Daar’s ’n foto van hom en aktrise en TV-aanbieder Janie du Plessis. “Ek het vir Janie in die Kaap gesien toe haar seuns nog klein was. Hulle was tien of twaalf jaar oud. Hoe gaan dit met haar? Weet jy?” vra Arnold. As jong akteurs het hulle saam gespeel in die fliek Boetie gaan Border toe!, wat hom oornag in Suid-Afrika bekend gemaak het. Was hy ooit verlief op haar, sou mens wonder? “Nee, nie regtig nie, al het ek baie van Janie gehou.…

BOURBON-VANIELJE groei op die eiland Réunion (voorheen Île de Bourbon) en is die eerste variëteit waarop handbestuiwing suskesvol toegepas is. Dit groei ook op Madagaskar en het ’n soet, rumagtige geur. TAHITIAANSE VANIELJE het blomgeure. INDONESIESE VANIELJE se spesifieke droogtegniek verleen rokerige eienskappe. MEXIKAANSE VANIELJE, wat vir minder as 5% van die wêreldproduksie sorg en steeds uiters gesog is, het speseryagtige houtgeure.…

Sondag , Irma Venter (Human & Rousseau, R275) Venter is vinnig besig om ’n gunsteling te word. Twee spannende storielyne word afwisselend vertel. Kaptein AJ Williams ondersoek ’n aanval op die Van Zylgesin. Pa Lafras lê in die hospitaal en die res van die gesin het spoorloos verdwyn. Alex Derksen, ’n joernalis, is besig om ’n storie oop te krap oor die verdwyning van ’n jong meisie van Stilfontein in ’n ontkleeklub. Wanneer Alex opdrag kry om oor AJ se ondersoek verslag te doen, kom hy agter daar is ’n verbintenis tussen Martina se verdwyning en die Van Zyl-aanval. Venter hou jou die hele tyd aan die raai oor waarom ’n voorstedelike gesin oënskynlik sonder enige motief aangeval is en wie daaragter sit. Hou die twee sake regtig met…

TREND #8 BLOMME Blompatrone, kantblomme, geblomde borduurwerk en 3D-blomdetail is gróót in Somer 2018. Dis romanties en vroulik en verskaf fleur aan jou klerekas ná die winter > Blompatrone in Peter Pilotto se Lente/ Somer 2018-reeks by die Londense Modeweek JUWELIERSWARE PÊRELS BONKIGE ARMBANDE HALSSNOERE – LAAG OP LAAG AMARIA HOU VAN Ek erken ek is in ’n groef as dit by handsakke kom, en dra meestal ’n klassieke een van swart leer. Daarom gaan ek dié somer waag met ’n nuwe vorm of tekstuur…

Die eerste Lady Emblem-geur is ’n sensuele, vrugtige blomgeur met ’n hart van roos-saki. Dié noot is uniek omdat dit die een oomblik na roos ruik en die volgende oomblik na vrugte soos lietsjie en varsgesnyde gras. Jy’s romanties en klassiek: Montblanc Lady Emblem (R1 210 vir 75 ml EDP) Die opvolggeur, Lady Emblem Elixir, is ’n swaarder, treffender weergawe van die oorsponklike en spog met soeter damasroos, met ’n ligter iris-akkoord. Jy’s elegant en ’n tikkie waaghalsig: Montblanc Lady Emblem Elixir (R1 310 vir 75 ml EDP) Vir die nuutste toevoeging, Lady Emblem L’Eau, is die varser, groen aspekte van die rooshart uitgelig met magnolia, geelnartjie en waternote. Jy’s ’n vrye gees en ontspanne: Montblanc Lady Emblem L’Eau (R1 210 vir 75 ml EDT)…

TREND #1 DIE GEVOEL VAN GOEIE LINNE IN JOU HANDE As jy formeel onthaal, is servette een van die maniere om vir gaste te sê jy is spesiaal. Laat maak of koop servette van goeie linne van minstens 45 x 45 cm groot. Die bederf skuil in die klein detail: Bind growwe swart tou en fyn goue tou aan die hoek van elke servet vas, sommer vir die mooi. TREND #2 DIE REUK VAN BEKOSTIGBARE BLOMME Die dae van duur blomme koop om gaste te beïndruk is verby. Hierdie eenvoudige krisante kom met hul koppe in plastiekomhulsels van die blomhandelaar af. Waarom nie die blomme net so met hul kantrokkies aan in mooi vase plaas nie? Dit sorg vir ekstra detail en gaste gaan beslis wonder wat dit is. TREND…

‘Ons het die natuur nodig om weer mens te word’ Constance Stuurman, blomkunstenaar en tuinier by Babylonstoren Sy dink sy het die grootste kantoor in die wêreld – en “dit is ’n plantbiblioteek”. Só sê Constance Stuurman, blomkunstenaar en tuinier by die landgoed Babylonstoren tussen die Paarl en Franschhoek waar die geskiedkundige Kaaps-Hollandse opstal uit 1692 dateer. Dié lewenslustige vrou met die groot, bruin oë en stewige hande is kort en gespierd en werk daagliks saam met die hooftuinier, Liesl van der Walt, meestertuinier Gundula Deutschlander, die botanis Ernst van Jaarsveld en 25 tuinwerkers. “My kollegas is my tweede familie. Die tuin ís my huis,” sê sy. Hier is sy op haar gelukkigste. Hande in die grond, graaf in die hand, gesig gekeer na die son. Dié blomkunstenaar sê: “Ek…

5 gelukkige SARIElesers kan elk die boek Die vertes in deur Zirk van den Berg (Kwela, R295) wen. Duits-Suidwes-Afrika, 1905. Siegfried Bock kom na die kolonie om te bewys dat hy ook ’n man van durf is. Maar dit duur nie lank nie voordat hy deur die effek van die Duitse uitwissingsbevel ontnugter word. Lisbeth Löwenstein, ’n arm Jodin, moet met ’n Duitse setlaar trou wat sy skaars ken. Mordegai Guruseb, ’n Damaraman, ontsnap uit ’n konsentrasiekamp waar Herero’s besig is om van ontbering te sterf. Dan is daar ook dokter Albert Pitzer wie se pseudowetenskap ontmasker word deur Alvaus Luipert, ’n skoolmeester en Namaleier wat teen die koloniale bestel in opstand kom. Dié vyf se lot vervleg op spannende wyse in hierdie ongerepte landskap en…

4 KEER MOOI! Ons 10de SARIE Voorbladgesig. Vir die eerste keer in SARIE se bestaan is daar dié maand 4 verskillende voorblaaie op die rak. Almal met ons wenner, Emari Gieselbach van Centurion. Waarom? Wel, soveel mooi uitdrukkings, soveel mooi voorblaaie! Kies jou gunsteling op SARIE.com, of op SARIE Facebook en SARIE Instagram. Foto Leana Clunies-Ross Stilering Fanie Cronjé Grimering Lesley Whitby & Tyron Sweeney Hare Karen van Wyngaard Top Wizards Vintage, romp JJ Schoeman, oorbelle H&M, handskoene stilis se eie HERMAN KOOK Kom kyk in November hoe berei SARIE-kosredakteur, Herman Lensing, ’n vroeë Kersmaal. Met sy hulp kan jy ook! Hy kook op stel van die Kokkedoortjie-kombuis in Kaapstad en jy gaan aansit en eet. Slegs 4 eksklusiewe etes en plek vir net 70 gaste per sessie. Vir meer:…

Natasha-Lee October Elkeen eet die vleis wat hy bring en bykosse word gedeel. Danelle du Plessis Ek vat altyd ekstra vleis en bykosse saam vir as daar iemand is wat nie genoeg het nie. Ek deel graag en ons vriende gooi gereeld alles saam en eet van almal s’n. Maroné Matthee Lotz Ek knyp sowaar ’n vabond met my braaitang wat my stukkie sirloin gaps en sy hoendervlerkie vir my los!…

‘Ek glo elke vrou is ’n voorblad werd’ Charicke Carolus (24) van Kraaifontein Kategoriewenner 18-30 Sekretaresse by Kaapse regsfirma Enkellopend en gelukkig Matrikuleer aan die Hoërskool Monument Park, Kraaifontein Naskools: Kantoorbestuur en tegnologie by CPUT (2 jaar) Jy het saam met duisende ander vroue van oor die land ingeskryf vir SARIE Voorbladgesig. En die kategorie 18-30 gewen! Ek het nooit eens gedink ek sal die Top-10 haal nie. Ek het ’n kans gevat. Jy weet net nooit wat in die lewe kan gebeur nie. Eintlik glo ek elke vrou is ’n voorblad werd. Wat het jou laat inskryf? Ek wou iets aan myself bewys. Op skool was ek geboelie. Ek was nie goed genoeg, gewild of mooi nie – en gewoond aan teleurstelling. Hierdeur wou ek vir myself en ander…

Moenie bekommerd wees as die soufflé platval nie, dis steeds lekker! genoeg vir 6 200 g baba-spinasie 135 ml botter 2 knoffelhuisies, fyngekap 125 g (220 ml) koekmeel 1 liter melk 50 g parmesaankaas, fyngerasper sout en varsgemaalde swartpeper 5 eiers, geskei Bring ’n pot met water tot kookpunt. Gooi spinasie in kookwater. Dreineer ná 1 minuut. Kap sagte spinasie fyn in voedselverwerker en hou eenkant. Plaas botter in groot pot en verhit oor matige hitte. Voeg knoffel by en braai 1 minuut. Roer meel by. Voeg melk op een slag by en klits met ballonklitser tot al die klonte opgelos is. Laat prut oor lae hitte en klits stadig terwyl sous verdik, sowat 3-5 minute. Verwyder van hitte en roer kaas by tot gesmelt. Voeg spinasie by en…

Oktober . . . November . . . Dis Cintaine Schutte se gunsteling-tyd van die jaar. Dié aktrise, nou in die kykNET-drama Fynskrif , het in Pretoria grootgeword. En dis nou wat die jakarandas vir ’n pers ontploffing sorg. “Op skool, as ek wiskunde of skeinat geswot het, het ek onder die groot jakaranda voor ons huis gaan sit. En gehoop een van die pers blommetjies val op my kop. Want dan, so word gesê, gaan jy jou toets deurkom. “Kaapstad, waar ek deesdae woon, ontwaak dié tyd uit sy winterslaap, hier is ’n nuwe energie, toeriste kom besoek aflê, en mense gaan weer strand toe.” Cintaine speel by Aardklop (2-7 Oktober) saam met Nadia Valvekens in Huishou , en is ook die vervaardiger…

“geen geslag leef lank genoeg om kontinente te sien skuif nie” Uit die gedig “Gondwana” deur Kobus Lombard uit sy bundel Skadu oor die sonwyser (Protea Boekhuis, R150) Johannesburg, Then and Now MARC LATILLA (STRUIK TRAVEL & HERITAGE, R350) Waar eens ’n stowwerige mynkamp van tente en sinkhutte gestaan het, het ’n moderne metropool met toringgeboue en wydverspreide woonbuurte onder die Afrika-son verrys. In hierdie fassinerende boek vertel Latilla Johannesburg se verhaal in woord en beeld. Hoe die goudstormloop dié wêreldstad gevorm het. Foto’s van die 1880’s tot die 1940’s word gepubliseer langs hedendaagse foto’s van dieselfde tonele. Wat ’n stad! Wat ’n ryk geskiedenis! Phyllis Green pgreen@media24.com of @PhyllisGreen op Twitter…

Steve Hofmeyr oor sy spanningsverhaal Die Lucky Strike (Zebra Press, R200) Waarvan hou jy in jou hoofkarakter, die Sluiper? Persoonlik hou ek van sy anonimiteit. Ek identifiseer met sy binnekonflikte, sy frustrasies, sy strewe na vrede. Ek geniet sy brutale eerlikheid. Dis dalk ondiplomaties, maar diplomasie kan soms tyd en bladsye mors. Ek is darem nie so genadeloos nie, maar die schadenfreude is soms bevrydend. Was daar iets waarmee jy in die verhaal gesukkel het? Skrywersblok. Omdat dit fiksie is, kan jy jouself darem uit enige knoop losmaak. Die moeilikste is om jouself in te dink as leser wat NIE die einde ken nie. Voor op die boek staan: “Die liefde is blind. Soos ’n koeël.” Glo jy dat liefde blind is? Alleen omdat liefde soms so buite ons beheer…

DIAMANTÉ-VERSIERING Geel insteeksandale met diamanté-versiering (R769), Charles & Keith GEKLEURDE SKERPPUNTHAKSKOENE Pistasiegroen hakskoene (R599), Madison BONKIGE 1990’S-TEKKIES Kunsleertekkies (R759), Zara VERE Liggrys satynhakskoene met vere (R569), Footwork, aanlyn te koop by die SARIE-winkel by spree.co.za LAE HAKKE ( KITTEN HEEL ) Veelkleurige metaalglanslaehakskoene (R229), Makro KLEUR Pienk sandale met Matlite bo en sool van Croslite (R500), Crocs…

Wat, glo jy, is belangrik in ’n parfuumbottel? ’n Goeie parfuumbottel moet emosie ontlok en die hart van ’n handelsmerk vasvang. Hoe het die Montblanc-diamant die Lady Emblem-bottelontwerp geïnspireer? Die Montblanc-diamant se helderheid is ’n voorbeeld van uitsonderlike vakmanskap en dit het byna ’n dekade geneem om die ontwerp te voltooi. Die erfenis, hoop, passie en tydloosheid wat dié diamant verteenwoordig, was die beginpunt vir die bottel se ontwerp. Wat wou jy bereik met die finale Lady Emblem-bottelontwerp? Ek wou ’n item skep wat begeerlik is; wat mooi is om vas te hou, mooi op ’n spieëltafel lyk en wat onmiddellik herkenbaar is. ’n Diamant skitter met lewe en danksy die kombinasie van glas, vloeistof en lig straal dié parfuumbottel ’n soortgelyke lewendige helderheid uit.…

Jy het nog altyd geweet tuinmaak is terapeuties, iets wat inderdaad deur kenners en wetenskaplikes ondersteun word. “Tuiniers en bloemiste is die gelukkigste van alle beroepe, en byna twee keer so gelukkig as mense in meer gesogte en beter betaalde werke,” skryf Paul Dolan, Britse ekonoom en gedragswetenskaplike, in sy boek Happiness by Design. Volgens verskeie studies verlaag dit ook jou bloeddruk, dit het ’n kalmerende invloed op jou gemoedstoestand, werk spanning en angs teen, verminder die risiko op beroertes en hartaanvalle met tot 30% by mense ouer as 60 jaar, keer “aandag-uitputting” en skep ’n gevoel van doelgerigtheid, bevrediging en prestasie. Nooi dus jou buurvrou, of ’n hartsvriendin van ver met die gratis poskaart hierby, maak blomkranse vir al jou gaste en dek die mooiste tafel in die middel…

Kloek . . . kloek . . . As jy ’n verpleeginrigting in Brittanje besoek, is die geselskapsdier wat vir terapie ingespan word, waarskynlik nie ’n hond of ’n kat nie, maar hoenders, ’n hok vol. ’n Organisasie, HenPower, het die verspreiding van hoenderhokke na verpleeginrigtings en tehuise vir bejaardes reg oor die land gefasiliteer. Die doel: Om die kognitiewe en geestesgesondheid van bejaardes te verbeter. Hulle versorg die hoenders, gee hulle kos en versamel eiers. Die hoenders word ook daagliks binnenshuis gebring vir troetelsessies. En dit werk: Inwoners toon ’n verbetering in algemene gesondheid en welsyn, asook ’n afname in eensaamheid, depressie, angs en ontsteltenis. Bron: www.theguardian.com…

Ons breek weg vir ’n paar dae en gaan bly in die familie se houthuis by die see. Skoonpa het die stranderf jare gelede vir ’n paar pond gekoop. Al het hy self beleef hoeveel plesier dié beskeie huis vir hom en sy familie gegee het, het hy sekerlik nooit besef hoeveel vreugde sy nalatenskap, soveel jaar ná sy dood, steeds vir sy familie sou verskaf nie. Oor vier geslagte heen is die houthuis ’n salige tuiskoms, ’n romantiese idille en ’n opwindende avontuur. Terwyl die meeste familielede graag in die somermaande daar wil wees, met son en see en sand, is dit die winter, die kouer maande tot Oktober, wat my die meeste bekoor. Want dit is asof die huis tussen geelhoutbome dan met meer aandag na die murmelinge…