Indholdsfortegnelse for 2018 i SARIE

En hier is dit, ons 10de SARIE Woon! Dat dié SARIE-tydskrif diep in die harte van baie lesers (en adverteerders) gekruip het, is altemit. Vandat ons die aparte tydskrif begin het einde 2009, juis omdat ons besef het ons lesers soek méér dekorinspirasie as wat ons hulle in die maandelikse SARIE kan bied, word elke jaar se SARIE Woon landwyd met afwagting ontvang. Van die begin af het ons geweet, dié tydskrif sal anders wees. ’n Kombinasie van internasionale trends en Suid-Afrikaners se eie huisstyle. Die beste winkelgoed gemeng met die mooiste woninggoed. So het ons getoer, van Paternoster aan die Weskus tot doer in Pretoria. Al met die stofpaaie van Roete 62 wat raak-raak aan die Klein-Karoo, en toe weer kuslangs met die Tuinroete. Elke keer die eiesoortige styl…

Janet Malan, ma van Dawid Malan wat vanjaar vir Engeland krieket gespeel het, het in Londen grootgeword, met ’n Suid-Afrikaner getrou en, ná ’n tyd in Verwoerdburg, Paarl toe getrek. “Die mense is vriendelik en ek voel veilig. Jy kan met jou hond gaan stap en die berg op ons drumpel is net wonderlik. Ons gaan dikwels daar rondloop”. Die Humans, sien hul huis op bl. 62, het “agter die goeie skole aan” Paarl toe getrek, vertel Ronel. Hulle het al in Pretoria, Simonstad, Durbanville en Milnerton gewoon. Sy hou van die karakter van die dorp, die mense en die feit dat als wat hulle benodig hier is. “Dis ook naby genoeg aan Kaapstad” as sy vir werk soontoe moet gaan. Mari Hudson, ’n joernalis wat onder meer ’n mediese…

’N FOKUSMUUR Die unieke plakpapier van Heike se blomme vorm die fokusmuur van die formele sitkamer. Die vertrek is simplisties gemeubileer, maar sterk kleure, soos die tweeling geel banke (by Hertex laat maak) wat teenoor mekaar gerangskik is, maak die vertrek rustig. Die geblomde blou bankie is ook uit Heike se nuwe reeks en die ander stoel is van Incanda in die Paarl. KLEUR EN TEKSTUUR Langs die sitkamer is ’n diep eethoek met ’n moderne tafel en kleurryke stoele. Die sweefstoel bring speelsheid aan die vertrek en die blomkussings is uit Heike se nuwe materiaalreekse. Die gordyne is deur Straight Circle interieurkonsultante op die dorp geïnstalleer en hang aan ’n reling wat teen die plafon gemonteer is. Dit laat die vertrek ruim en afgerond lyk. Die blokkiesmat anker die…

SIT-SIT SO Hierdie rustige hoekie voor Hannes en Tina se slaapkamer, wat deel is van die lang stoep voor die huis, is die ideale plek om vroegoggend of laatmiddag iets te drink. Die twee leunstoele, wat Hannes tweedehands gekoop het, pas by die welige plante op die stoep. PLANTKABINET Die ou bewaarkas vlak langs die voordeur het hulle vol plante en takke gemaak. Toe Hannes vyf jaar gelede troukoors kry en lus raak vir huiskoop, wou hy – getrou aan sy aard – iets spesiaals hê. Al soekend kom hy toe af op ’n verwaarloosde koeistal in ’n buurt net buite Wellington. Net daar het hy ’n visie gekry van hoe hierdie ou plek in ’n pragtige woonhuis kan oopblom. Tina, in daardie stadium sy aanstaande, was taamlik skepties, maar…

A @home 0860 834 834 www.home.co.za André Knoessen 083 792 4203 Ashanti Design www.ashantidesign.com Ashley Furniture HomeStore 012 749 3100 www.ashleyfurniturehomestores.co.za B Bargain Hunter Trading 082 290 6909 www.bargainhuntershop.co.za Block & Chisel 011 442 0809, 010 593 9308, 021 712 5193, 021 762 3131 www.blockandchisel.co.za C Caesarstone 083 608 5810 www.caesarstone.co.za Cécile and Boyd www.cecileandboyd.com Coprox 011 579 4300, 021 556 0460, 031 700 1339, 041 581 4376 www.coprox.com Coricraft www.coricraft.co.za Country Road Home 0860 022 002 www.woolworths.co.za Créma 021 448 7775 www.cremadesign.co.za D Dulux 0860 330 111 www.dulux.co.za Duram 021 555 3090 www.duram.co.za E Eclipse 0861 325 4773 www.eclipsegroup.co.za Eurolux 021 528 8400, 011 608 2970 www.eurolux.co.za F Finfloor SA 0860 346 356 www.finfloor.co.za H H&M 0860 690 707 www.hm.com/za Hertex/HAUS 0860 437 839 www.hertex.co.za I Incanda www.incanda.co.za Indigi…

PIENK STEEL ONS HART Dink aan die kleurbenamings: babapienk, roospienk, skulppienk. Dit alles roep gedagtes op van skoonheid en geborgenheid. Dit is ook die kleur wat grense laat vervaag tussen geslagte. Wat is nou mooier as ’n man in ’n sagpienk hemp? 1 PLAK 'N FOKUSMUUR Rooi-en-pienk is ’n treffende duo. Vir so ’n stoel sal jy ongeveer 2 m materiaal benodig, maar die held in hierdie vertrek is die fokusmuur met Eijffinger se Pip paneelplakpapier (186 cm breed x 280 cm hoog) wat lyk asof dit geborduur is. Dit word in Suid-Afrika eksklusief deur Dreamweaver Studios versprei (dreamweaverstudio.co.za). 2 ’N TIKKIE PIENK Antieke geborduurde tapisseriepanele is gebruik om ’n los oortreksel vir ’n vierkantige ottoman te maak. Omdat die panele te klein was, is dit op linne vasgestik om…

AFRIKAANS Die Taalmuseum op die dorp, met onder meer ook ’n multimedia-uitstalling en die Taalmonument op die berg, is bekende bakens. Somertyd kan jy van Oktober tot Maart met volmaan by die Taalmonument piekniek hou. Bestel eetgoed by die Volksmond-koffiewinkel (021 863 2800) of pak jou eie in. Die uitsig hiervandaan laat almal fone of kameras uitpluk. ARBORETUM ▪ Die boomtuin langs die Bergrivier, wat deur die dorp vloei, bevat bome van Europa, Afrika, Suid-Amerika, Asië, Noord-Amerika en Australië. Saterdae draf en stap ’n horde mense en vierpotiges deur die arboretum – almal Parkrunentoesiaste. www.parkrun.co.za/paarl SPICE ROUTE ▪ Aan die voet van die Paarlberg, Suid-Agter-Paarl se kant, kan jy nie net wyn proe (en koop) nie, maar ook jenewer, sjokolade, bier en selfs roomys, met ’n keuse van eetplekke. En…

NATUUR EN SWIER Dit is vir Emma heerlik om iets uit niks te skep, soos hierdie voorportaaltafellandskap. Hemelhoë droë takke is met ’n tas vol groenigheid gekombineer. Die vloerteëls is van klei, wat pas by die era waaruit die huis dateer. KUIER-KUIER Teenoor die kombuis is die sit/TV-hoek met ’n oorgroot riempie-koffietafel, oorspronklik ’n antieke bed. Hier kuier hulle graag informeel terwyl Emma kook, sodat sy nog steeds deel kan wees van die geselskap. Dieselfde toonbank as in die kombuis staan teen die muur en hierop het Emma baie treffend trousseaukiste (aan die ander kant is nog een) met ’n mandjie vol pluime geplaas. Sy is mal oor antieke linne en maak ten volle gebruik daarvan, soos dié wat oor die bank en armleunings van die stoele gedrapeer is. Sien…

1 Waaruit put jy inspirasie vir die ontwerpe van jou meubels? Hoofsaaklik uit vervaardigingsprosesse en -materiale. Ek is van kleins af geïnteresseerd in hoe goed aanmekaargesit is. Tot die frustrasie van my ouers, het ek gedurig als van deurslotte tot telefone uitmekaargehaal om te kyk hoe dit werk. Ek pas vandag nog daardie nuuskierigheid toe in die ontwerp van meubels. 2 Jy het eers professioneel fietsgery met baie dinktyd op die saal. Is dit waar Popstrukt gebore is? Ja en nee. Terwyl ek industriële ontwerp studeer het, het ek altyd goed gevaar in die ontwerp van fietstoerusting en in meubelontwerp. Dit was voor die hand liggend dat ek die ontwerp van fietse sou verstaan, maar my kop was ook vol idees vir meubelontwerpe en só is die saadjie geplant. Met…

SWART EN TRENDY Dié kleur is tans ’n gewilde modetendens en het selfs inslag gevind in ons kombuise en badkamers. • Die handstort van ISCA is gerieflik as jy jou hare oor die bad se rand wil afspoel. • Mengerkrane soos dié van ISCA neem min plek op. Bestel albei aanlyn by www.plumbitonline.co.za SLIM EN FUNKSIONEEL Vir ’n kombuiskraan wat baie gebruik word, is net die beste goed genoeg. Dié nuwe mengerkraan uit die Hansgrohe-reeks beheer watervloei met die ligte aanraking van ’n knoppie aan die kant. Jy kan dus met vuil hande water uit die kraan kry deur slegs die kant van jou hand te gebruik. ’n Soliede glaspaneel sonder groefies waarin vuilheid kan skuil, is ’n higiëniese opsie agter die wasbak. INTERESSANTE VORMS Dié teëls (vanaf R180 per…

Die pêrel van die Kaapse wynlande, sê brosjures. ’n Raak beskrywing! Paarlberg loer oor die mooi strate, historiese en moderne geboue, reusagtige akkerbome en vele wynplase. Met inwoners wat nuwe dinge dink en doen, maar trots is op hulerfenis Anders as met baie ander dorpe wat om ’n dorpsplein ontstaan het, het die Paarl – 331 jaar jonk – so stuksgewys langs sy hoofstraat ontwikkel. Waar nie gebou is nie, het lappies wingerd agtergebly, wat vandag deel van die dorp se bekoring is. Stadstatus (sekondêr) is in 2017 toegestaan, maar almal praat van dorp. Hoe kan jy nou anders met so ’n landelike gevoel en as jy kort-kort ’n eekhoring teen die stam van ’n akkerboom sien opskarrel. Die historiese geboue in Hoofstraat en elders vertel nie net van die…

▪ Interskole tussen die Hoër Jongenskool Paarl (Boishaai) en Paarl Gimnasium, en tussen Klein Nederburg Sekondêr en New Orleans Sekondêr, is groot gebeurtenisse. Oudleerlinge van oral in die wêreld ruk op Paarl toe vir dié kragmetings op die rugbyveld, wat albei op TV uitgesaai word. ▪ Vanjaar se Mej. Suid-Afrika, Tamaryn Green, is ’n Paarliet. So ook Carli Coetzee, wat vanjaar gekroon is as Miss Magnificent Woman Icon International, ’n prys wat nie net op skoonheid fokus nie, maar ook op gemeenskapsdiens. Carli is betrokke by etlike liefdadigheidsprojekte en het haar prys in Moembai ontvang. ▪ Verblyf is volop, van gastehuise en bed-en-ontbytplekke tot die Grande Roche-hotel met sy spogrestaurant. Jy kan die inligtingsentrum (sien onder) kontak of ook airbnb google. ▪ Die ATKV-Rieldans-kompetisie word in Desember by die amfiteater…

’N KUNSTENAAR SE TOORGOED ’n Paar van Ronel se gunstelingkwaste, sommige nog uit haar studentedae, staan altyd byderhand. Sy probeer om ’n redelike dissipline en roetine te handhaaf wanneer sy aan ’n projek werk. Die seuns is net so kunstig en is gedurig besig om te teken of handwerk te doen. IN DIE GANG Die voordeur swaai oop in ’n lang, breë gang met ’n blink gepoleerde plankvloer. Heel prakties is die antieke laaikas naby die voordeur geplaas vir sleutels en los goed. Een van Ronel se skilderye reflekteer tog te mooi in die antieke spieël en die kapstok hang vol hoede, net reg as hulle op ’n vinnige staptog wil gaan. ’N SITKAMER VOL KARAKTER Die sitkamer is in kleure van die natuur geverf en ’n kombinasie van oud…

WARM EN VOL KLEUR Die twee turkoois stoele is tweedehands gekoop en eggo die kleure van die bont bank en die skildery bo die kaggel deur Jonty se Pa, Will Heathcote. Rakke vol boeke gee ’n warm, huislike gevoel aan die vertrek. Hul nuwe tuiste is in ’n mooi veiligheidskompleks op die spogwynlandgoed Diemersfontein tussen Wellington en die Paarl wat ’n paar jaar gelede ontwikkel is. Elke huis is op een hektaar gebou met sy eie blok wingerd. Eienaars het volle gebruik van die druiwe, maar die wingerd word deur die plaas bewerk. Rondom die huis kan inwoners na hartelus tuinmaak. Die Heathcotes was baie dapper en het feitlik die totale inhoud van hul vorige huis verkoop en die dekor van hul nuwe huis met ’n kleurryke palet aangepak. Tanya,…

SLUITINGSDATUM 28 Februarie 2019 Die pryse is nie oordraagbaar nie en is nie vir kontant omruilbaar nie. ’n Tarief van R1,50 per SMS geld GESKENKBEWYS VIR JOU HUIS Een gelukkige leser se dekordrome kan vlerke kry met ‘n R1 000-geskenkbewys van Mr Price Home. Kies uit ’n wye verskeidenheid sakpas en modieuse dekoropsies. SMS die sleutelwoord WOON, gevolg deur MRPHOME, jou naam en van, na 35409 LUIDSPREKER & LANTERN Staan ’n kans om dié dubbeldoelige OVO lig-en-luidsprekerkombinasie ter waarde van R2 255 te wen. Die OVO luidsprekerlantern van Mooni met sy moderne voorkoms bied die beste kombinasie van ontwerp en funksionaliteit. Geïntegreerde rgb LED ingesluit, geborg deur EUROLUX SMS die sleutelwoord WOON, gevolg deur EUROLUX, jou naam en van, na 35409 3D-BLOM-LIG Verhelder jou gemoed met die Flower Rain Light…