Indholdsfortegnelse for April 2019 i SARIE

Pienk was die eerste kleur op aarde. Pienk soos spookasem. Ek dog ek hoor verkeerd. Want die wêreldbekende futuris Li Edelkoort sê dit so in die verbygaan tydens haar trend-praatjie by die Design Indaba in Kaapstad. Kan jy nou glo! Van al die skakerings wat ek vereenselwig het met die ontstaan van ons planeet – lawa-swart, modderbruin, vurigrooi, varinggroen, waterblou – het pienk nooit as te nimmer by my opgekom nie. Pienk, ja, wat in die 19de eeu ’n manskleur was, pienk wat eerste die naam van ’n blom was, wat Jackie Kennedy gewild gemaak het en die Italiaanse ontwerper Elsa Schiaparelli omtower het in shocking pink, wat ons pas weer by die Oscars beleef het, en pienk soos die 4-karaat-diamant in sanger Katy Perry se verloofring. Maar dat pienk…

4 redes waarom jy hierdie kans moet aangryp. Jou SARIE-intekening beteken Jy weet jy sal nie ’n uitgawe misloop nie Jy kan kies: jy betaal maandeliks of eenmalig Dis gerieflik, want jy kry dit by jou huis, werk of in jou posbus Jou tydskrif word teen geen ekstra koste by die plek van jou keuse afgelewer KONTAK ons TOLVRY by 087 353 1300 (08:00 tot 16:30) subs@media24.com EN ONS KONTAK JOU SUBS SARIE na 32361 (geen leestekens) EN ONS KONTAK JOU (’n Tarief van R1,50 per SMS geld) Besoek SARIE.com vir jou digitale intekening met sy eie spesiale aanbod Vir enige verdere navrae of probleme, stuur e-pos na carmen.botma@sarie.com  of anene.deklerk@sarie.com * Bepalings en voorwaardes is van toepassing: Jou intekening word voorsien op ’n vooruitbetaalde basis en is…

As jy een woord moet kies om Hykie Berg te beskryf , som “kleurryk” dit raak op. Ook veelsydig. Aanpasbaar. Van sy loopbaan as akteur tot sy sakebedrywighede en selfs sy persoonlike lewe, herskep hy homself gedurig. Hy het al alles van stofsuiers tot begrafnispolisse verkoop, SMSkodes en faks-na-e-pos-lyne versprei, ondernemings bedryf wat betrokke was by enigiets van sonkrag tot slimfoontoepassings, en hy was selfs ’n ruk lank ’n verbandmakelaar. Dis nou buiten die TV-, teater- en filmwerk wat hy steeds as akteur gedoen het. Hiervoor is hy al met ’n ATKV Mediaveertjie as beste akteur bekroon, en verlede jaar het hy met die Tempotoekenning vir beste sepie-akteur vir sy rol in kykNET se gewilde Binnelanders weggestap. Dalk is dit omdat hy ’n middelkind is, wonder hy hardop tydens die…

Dis die maklikste manier om jou kind se doen en late oorsee te volg, om kontak met jou ou skoolvriende te behou, en om nuus met die mense in jou lewe te deel. Sosiale media het die lewe ingrypend verander – soveel dat jy jou deesdae nie daarsonder kan indink nie. Maar kenners waarsku gereeld teen die negatiewe effek daarvan. Een studie wat verlede jaar deur die Templeuniversiteit in die VSA gedoen is, sê mense in hul middeljare is veral kwesbaar vir dié slegte invloed. Mense bo 30 wat op sosiale media aktief is, is inderdaad 22% meer geneig om ’n middeljarekrisis te hê as dié wat nie sosiale media gebruik nie. Dis omdat jy ná 30 en in jou middeljare begin wonder oor jou lewensdoelwitte en of jou portuurgroep…

VEGANIS Streng vegetariër wat geen diereprodukte eet nie, insluitend suiwel, eiers, melk, pluimvee, vis en ander seekosse PESKETARIËR Eet wel vis en ander seekos LAKTO-OVO-VEGETARIËR Eet eiers en suiwel MAKROBIOTIESE DIEET Vermy meeste diereprodukte en eet onverwerkte, organiese kosse (sommige variasies sluit wildsvleis en vis in) FLEKSIETARIËR Eet nou en dan vleis, vis, eiers en suiwel VRUGTE-ETER ’n Dieet wat 75% uit vrugte, sade en neute bestaan. Steve Jobs, stigter van Apple, het op ’n stadium daarmee flankeer…

Charl-Pierre Naudé oor sy debuutroman, Die ongelooflike onskuld van Dirkie Verwey (Tafelberg, R330) Jy is ’n bekroonde digter. Waarom wegbeweeg van die poësie en ’n roman skryf? Ek het nog altyd beplan om meer doelgerig prosa te skryf; notaboeke gehou met storie-idees in. Ek het dit as ’n dubbelbaanpaadjie vir my voorgestel. Daar was nog altyd verdwaalde stories in my laai. Dis net dat die digkuns eerste oorheersend geword het. Daar is groot verskille tussen die twee genres, die basiese ingesteldheid verskil hemelsbreed. Maar my gedigte het ’n vertelagtige komponent en my prosa ’n beeldende komponent – so die oorbruggingsmoontlikhede is daar. Dis soos ’n brug in Brugge. Vir ’n ander “dubbelloop”- skrywer gaan die oorstap op ’n ander plek wees. Is dit jou titel of Hermanus Verdomp s’n? En…

UITRUSTING 1 UITRUSTING 2 UITRUSTING 3 UITRUSTING 4 UITRUSTING 5 UITRUSTING 6 UITRUSTING 7 UITRUSTING 8 UITRUSTING 9…

Dié ikoniese room se buisie is vir ’n beperkte tyd getooi in kleurryke graffiti-harte – Elizabeth Arden Love Heals x Eight Hour Skin Protectant (R299) DIE KRAG VAN ‘JA’! Die nuwe geur Oui Juicy Couture (R1 199 vir 50 ml EDP) vier die vroulikheid van die moderne vrou en moedig haar aan om “ja” te sê vir liefde, avontuur en geluk. Met sappige soet note van waatlemoen, peer, soetemaling en muskus is dit ’n heerlike geur vir elke dag se dra. VIR JOU naweektas 1. Gee kleur aan lippe én wange – Yves Saint Laurent Babydoll Kiss & Blush (R600). By YSL Beauté Boutique in Sandton City, Johannesburg 2. Gee jou gekleurde hare ekstra voeding en nuwe glans – Hask Kalahari Melon Oil Color Protection Deep Conditioner (R63). By Clicks…

Die sjarme en energie van Rome word in elke juwelierstuk en parfuum van die luukse Italiaanse handelsmerk Bulgari weerspieël. Soos nou weer met hul vrouegeur Bulgari Goldea The Roman Night Absolute (R1 735 vir 75 ml EDP), wat jou meevoer na ’n aand van misterie en avontuur in dié antieke stad. Die parfuum se elegante gitswart bottel met goue detail is gevul met sensuele swart muskus, soet pruim, vanielje en jasmyn vir ’n warm, aanloklike geur. Met dié sonbril van Bulgari, geïnspireer deur die slang as hul ikoniese simbool, gaan jy beslis nie ongesiens deur die lewe nie. Nuut in hul Serpenti-reeks is hierdie fyn metaalraam-bril (prys op aanvraag) met sy tydlose voorkoms. Dit het groen en perskekleurige hoekige lense met slangmotief-emaljedetail in die boonste hoeke en word versprei deur…

Paasfees en piekelvis is sinoniem, veral in die Kaap. Probeer vanjaar dié weergawe van my. Dis anders en nuut: Verhit oond tot 200 °C. Verwyder vel van 400 g forelfilet. Sny in fyn blokkies en plaas in middelslag-mengbak. Voeg by 1 gerasperde ui, 2 fyngekapte knoffelhuisies, gerasperde skil van 2 suurlemoene, 3 fyngekapte tiemietakkies, 60 g (100 ml) koekmeel, 100 g (80 ml) broodkrummels en 1 eier. Geur met sout en peper en meng goed. Verdeel mengsel in 18 porsies en rol in stewige koekies. Plaas op bakplaat en sprinkel bietjie olyfolie oor. Bak 8-10 minute of tot vis goudbruin en gaar is. Plaas 100 g (125 ml) suiker, 50 ml kerriepoeier, 15 ml vinkelsaad, 600 ml wit asyn, 250 ml water, 4 uie wat in ringe gesny is en…

’n Ingeboude kroegtoonbank bied lekker kuierplek en sluit gerieflik aan by die De Jonghs se leefarea (sien hul huis op bl. 104) asook buitestoep wat links uitloop. ’n Growwe houtbalk is ingespan as ’n voetstut onder en bo is een wat as hangplek vir ’n lig dien.…

“Berg en dal, see en strand, wandelpad, waterval, woestyn of rivier . . . Die natuur maak my rustig. Asof ek opnuut ontdek wie ek nou eintlik is,” sê aktrise Erica Wessels. “Die heilige stilte, gemeng met die eenvoudige ervaring om aangeraak te word deur Moeder Natuur se perfekte, kleurryke orde: haar bome, plante en struike, diere, voëls en insekte. Haar misterieuse maniere. Die duidelikheid wat sy bied. Haar prag. Haar vrede wat jy ervaar as jy tyd in haar teenwoordigheid deurbring. Haar aansteeklike kreatiwiteit, wat ook joune inspireer en beïnvloed. “Ek en Willem [Boshoff, haar man] geniet saam wandeltogte, of om soms net stad-uit-vir-’nnaweek-te-neuk. Ek het die see lief en geniet dit om ver en alleen te gaan stap. My kop skoon te kry. Swem het ek ook lief,…

Jy en jou man verkies om eerder in ’n groep saam uit te gaan as alleen. Julle’t op jul eie maar min vir mekaar te sê. Elkeen koop sommer sy eie geskenke vir Kersfees of verjaardae. Dis minder moeite. Julle het lankal ophou stry oor groot verhoudingskwessies. Julle kan dit in elk geval nie verander nie. Jy is op jou gelukkigste tussen jou vriendinne, en moedig hom gedurig aan om met sy pêlle uit te gaan. Vroeër wou jy heeltyd by hom wees. Jy vertel nie meer vir jou maat wat al jou behoeftes en drome is nie – jou vriendinne is beter luisteraars. Julle het elkeen jul prioriteite: huis, kinders, ouers, werk . . . Jy kan hom nie ook nog jou nommer een op dié lys maak nie.…

Jan* (32) het op 16 sigarette begin rook en dit op 30 met ’n e-sigaret vervang. Hy sê dit was weens die gesondheidsgevare van sigaretrook. Hy het veral soggens erg gehoes, maar dit pla hom feitlik nie meer nie. “Ek het altyd mokka- en neutgeure in my vapes gemeng, maar onlangs tabakgeur begin rook – die mokka het te soet geraak. Ek gebruik nie meer nikotien nie en is dus nie meer verslaaf daaraan nie. Nou moet ek net die gewoonte afskud, maar ek vape deesdae bitter min.” Tina* (29) begin die dag met ’n paar trekke aan haar toestel. “Nikotienverslawing is die slegste in die oggend. Jy skrik byna angstig wakker. Ek het my eerste sigaret gerook toe ek 15 was,…

’n Donker stegie doem voor my op. Dis vyfuur in die oggend, ek is in ’n voormalige Oosblokland, en ’n wildvreemde man het my tas. Hy wink na my om hom die verdoemenis in te volg. Hier blaas ek my laaste asem uit, dink ek. Teen al my instinkte in, volg ek hom wel. Hy is my bestuurder en die arme drommel het my ’n halfuur vroeër op die lughawe in Tbilisi opgepik. Die stegie loop uit op ’n bekoorlik vervalle binnehof met ’n gehawende rooi trokkie, ’n enorme eikeboom en ’n halfdosyn halfmas-besems langs agterdeure. Die son begin flou deur die blare spikkel terwyl ons die lendelam trappe na my Airbnb-woonstel klim. David sluit oop en verduidelik in gebroke Engels hoe alles werk. Toe trek hy die deur toe, en…

5 gelukkige SARIE-lesers kan elk Die verevrou deur Jan van Tonder (Human & Rousseau, R295) wen. Liora word groot op ’n volstruisplaas in Algerië. Van kleins af bring sy tyd deur in haar tante se pluimery, ’n magiese omgewing waar volstruisvere omskep word in kostuums vir die filmbedryf en die verhoë van Parys. Maar Liora loop haar telkens in grense vas wat sy moet oor. En in Algerië broei onrus. Eers verhuis sy na die oorloggeteisterde Algiers waar sy leer om dokter te word, maar dan word sy gedwing om inderhaas landuit te vlug, Parys toe. Jare later kom Liora, steeds verwonderd oor die skoonheid van volstruisvere, in die Klein-Karoo aan. Haar lewe word opnuut omgedop, en weer eens lê daar ’n grens voor haar –…

Ek laat my sowaar ompraat. My skoonheidsterapeut is beeldskoon met ’n vel so delikaat en vlekloos soos die binnekant van ’n skulp. Boonop is sy oulik, en slim. Dit is sy wat vir my sê dat ek sal baat vind by die gesigbehandeling; trouens, sy self kry dit gereeld. “Maar jy is nog so jonk,” sê ek, “het jy dit nodig?” Ja, sê sy, juis daarom. Omdat sy nie ouer wil word en dan ’n verlore stryd wil voer teen plooie en pigment nie. Ek het nog nooit teen plooie en pigment gestry nie. Die plooitjies om my oë is humor. En karakter. En die pigmentvlekkies? Dis die sproetjies wat ek nog altyd gehad het. Maar goed . . . ek gee my oor in die jonkvrou se bekwame hande.…

Van verlede maand kos SARIE R60. Ongelukkig het ons geen keuse nie, want papier is vandag ’n duur luukse. Maar dít beloof ons: elke uitgawe word spesiaal met ons lesers, met jóú, in gedagte bymekaargesit. Ons verseker ook topgehalte. Elke tydskrif neem minstens 3 maande om te beplan, skryf, fotografeer, ontwerp en vir taalversorging voordat dit trots op die rak kan staan. Dit vra die beste skrywers en spesialisredakteurs, ook tyd en kreatiwiteit. Al wat ons vra, is dat jy dit geniet! Want dis deel van jóú storie, van ons land se storie – en dis als in Afrikaans. Dink dalk só daaraan: R60 is net meer as 2 cappuccino’s; vir SARIE se 148 bladsye kos elke blad 40 sent. Sien ook ons aanbod op bl. 14. As jy nóú…

MY KERSBOOM FLIKKER NOU NOG Hierdie Kersfees wat verby is, was my eerste sonder ’n ma of ’n pa. Ons (ek, my man en twee seuns) het saam besluit om geen presente vir mekaar te gee nie. Geen boom en versierings nie. My ma en pa was nie meer hier om dit met ons te deel nie, so die “Xmas spirit” het so ’n bietjie ontbreek. Dis toe dat ek op ’n Kersfees met ’n verskil besluit het. Ek het op ons Table View-blad op Facebook gesien hoeveel mense daar in ons area is wat sukkel en eintlik niks het om na uit te sien nie of om hul Kersfees mooi te maak nie. Party het nie eens ’n boom gehad nie. Toe besluit ek Kersfees 2018 sal my “gee”-fees…

Twee skokke in een week. Ek moet ’n vergadering op ’n universiteitskampus bywoon. Ek ry deur ’n groot hek en volg die aanwysings soos ek dit ontvang het, ’n nou paadjie kronkel deur ’n doolhof van groot geboue, oud en nuut. Dis etenstyd en honderde studente maal rond, in bondels, in kleiner groepies of alleen. As jy wil sien hoe lyk vandag se jeug – dié wat bevoorreg genoeg is om aan ’n duidelike toekoms te werk – dan is dit hier. Eers dog ek dis oëverblindery, ek is op ’n strand, ’n vreemde planeet, nee, elke gebou dra tog die naam van ’n vakrigting, dis beslis die kampus. Hoekom lyk almal dan so sleg? Ek het nog nooit soveel onversorgde mense in my lewe gesien nie, drillende boude, bobene…

Jy het in 2014 aan Idols deelgeneem. Wat het jou laat besluit om weer te waag en aan VIA se musiekprogram Die Kontrak deel te neem? Ek was aanvanklik bang om dit te doen. Maar ek het net in die laaste tien jaar geweet daar is iets meer . . . iets groters. Ek het dit in my hart geglo en myself voor ’n skare gesien. Ek het besef ek het letterlik niks om te verloor nie. Al wat ek kan doen, is om my bes te doen, die res is nie in my hande nie. Jy het oornag bekend geword en jou debuutalbum, Mis Eet Slaap Herhaal , was dadelik suksesvol met goue status (15 000+ verkope). Hoe…

Ons probeer positief wees, almal vertel ons immers die regte gesindheid red ’n mens as dinge druk. Tog bou die een ná die ander probleem om ons op. Dit voel soos ’n reuseberg, en ons soos die mitologiese Sisufos van ouds wat magteloos die swaar rots teen die berg probeer uitrol, maar telkens terugsteier sodra ons dink ons vorder. Dis beurtkrag, die swak ekonomie wat tot steeds meer afleggings lei en kos-, klere- en brandstofpryse laat styg, die waterkrisis in die Noord-, Wes- en Oos-Kaap, die alewige bohaai oor sosiale media wat die moderne mens isoleer en kan afstomp . . . en les bes, die verkiesing in Suid-Afrika – alles stresfaktore. Daar is min mense wat nie saans met ’n stywe nek, stresknobbels in die rug en kwaai hoofpyn…

Hoekom is julle in Bahrein? Ons is oorspronklik van Welgedacht, Bellville. In Junie 2016 het my man, André, ’n finansiële bestuurder, ’n aanbod gekry om vir een van die grootste familie-ondernemings in Bahrein te kom werk. Ek het ’n jaar later met ons honde en meubels gevolg. Ek het glad nie geweet waar dié land is nie en moes google om uit te vind! Dit was maklik om aan te pas en hier is ’n groot Suid-Afrikaanse gemeenskap. Bahrein is laas jaar vir die tweede jaar agtereenvolgens in die Expat Insider Survey as die beste expat-land ter wêreld aangewys. Hoe groot is Bahrein? 765,3 km², maar dit verander heeltyd soos die see drooggelê word vir nuwe land. Bahrein word met ’n brug van 25 km lank oor die see met…

Sy is die ewebeeld van haar supermodel-ma, Cindy Crawford, en modelwees is in haar bloed. Tog is dié 17-jarige befaamd uit eie reg en het sy by verlede jaar se Britse Modetoekennings met die gesogte titel Model van die Jaar weggestap. Sy was ook een die ikoniese ontwerper Karl Lagerfeld, wat onlangs oorlede is, se muses. Saam het hulle in 2018 KARL LAGERFELD X KAIA bekend gestel, ’n klerereeks waarin Karl se tydlose baadjies en bekende swart nommertjies met Kaia se jeugdigheid en selfvertroue as inspirasie gekombineer is. Pas is sy as die nuutste gesig van die Franse skoonheidshuis YSL Beauté aangewys. Dit was haar “egtheid en ’n tikkie waaghalsigheid” wat dié handelsmerk se aandag getrek het. En Kaia laat nie op haar wag om dié eienskappe uit te leef…

Imche Spies PRETORIA Voorkomskonsultant Slangvelmotief-bloes, Witchery. Luiperdpatroon-plooiromp, H&M. Blinkerbaadjie, SARIEstoor. Groen slangvelmotiefblokhakke met deurskynende plastiek, Rubi by Cotton On. Groen handsak, SARIE-stoor. Swart-en-goue oorbelle, H&M. Suanne Engelbrecht BLOEMFONTEIN Ontwerpkoördineerder Wit eenstuk en brokaatbroek, SARIE-stoor. Swart middellyfhandsak, Rubi by Cotton On. Wit-en-beige tekkies, Foschini. Pienk katoogsonbril, SARIE-stoor. Helena Stoltz DURBANVILLE Grimeerkunstenaar Goue blinkertop en baadjie met fyn geruite patroon, SARIE-stoor. Broek met groot geruite patroon, NJE. Groen kunsleerhakskoene met slangvelpatroon, Rubi by Cotton On. Springbokvelhandsak, SARIE-stoor. Serp om handsak, H&M. Riana Horne STELLENBOSCH Persoonlike assistent Vlootblou baadjie met valdetail, Ted Baker. Geel kamisool en kantbloes, SARIE-stoor. Groen strepebroek, H&M. Groen slangvelmotiefhakskoene, Europa Art. Sonbril met skilpaddopeffek-raam, Brentoni Eyewear. Ring met verskillende stene, SARIE-stoor. Ons eerste SARIE Modeskool van 2019 en ’n vol klas! Sestien ‘studente’ van oral in die land en…

Hey Gorgeous Kombucha & Matcha Moisturiser (R425) en Skin Firming Serum (R525) Twee bestanddele wat tans groot nuus is in die gesondheidswêreld, kombucha (gefermenteerde tee) en matcha-groentee, word nou ook in velsorgprodukte ingespan. In ’n nuwe vogroom en serum van die plaaslike skoonheidshuis Hey Gorgeous, wat spesialiseer in natuurlike produkte, wakker kombucha kollageenvervaardiging aan en help plooie versag, terwyl die groot hoeveelheid antioksidante in matcha-groentee vrye radikale neutraliseer. By Foschini en www.hey-gorgeous.co.za Kalahari Omega+ Complex (R600) Wanneer jy produkte met natuurlike bestanddele kies, is dit belangrik om seker te maak die bestanddele word op ’n volhoubare wyse verkry en lei nie tot bv. ontbossing of die bedreiging van sekere plantspesies nie. Daarom word die Afrika-plantekstrakte en -olies wat in Kalahariprodukte gebruik word, aangekoop van gesertifiseerde maatskappye wat al die plante…

HERMAN HOU VAN BEDERF MOLLY Elke kombuis verdien ’n Le Creuset-pot, na my mening. Nou kan jy ook jou viervoetige beste vriend bederf met iets moois van dié luukse handelsmerk: ’n bak vir sy kos. Vir hul reeks kosbakke vir troeteldiere, kyk by www.lecreuset.co.za. Prys: vanaf R370 GOUE NEKTAR As jy wil weet hoe proe goeie heuning, kan jy maar The Farmers Table se produk probeer. Dis boonop oulik verpak. Vanaf R46 vir 145 g by www.thefarmerstable.co.za MOOI DOEK Skep kalmte in jou kombuis met ’n katoen-afdroogdoek in oseaankleure van Mungo. Dit word net buite Plettenbergbaai met die hand geweef en kos R250. Besoek www.mungo.co.za vir meer…

Versier met elemente uit die natuur, soos houtstompe, gras, leer en sement. Dit vorm ’n deurlopende tema in die De Jonghs se huis (sien bl. 104). In hul sitkamer is netjies gesaagde dik houtstompe indrukwekkend in ’n diep, hoë nis langs die kaggel gepak. Die metaalring vir ekstra hout is deur eienaar Cornel self gemaak. Aardse kleure en verskillende teksture maak die samestelling interessant. LOUNETTE HOU VAN Die herhaling van sirkelvorms soos die houtstompe, sytafels en metaalring streel die oog.…

‘My serpe is ’n brug tussen mode en kuns’ Juandi Andrag, eienaar van Mantua Silkwear op Stellenbosch Kleintyd het Juandi Andrag al in haar ma se klere voor die spieël rondgedraai en vir haar poppe klere ontwerp. “Klere is ’n manier om jouself uit te druk,” sê die petite blondine in jeans, ’n swart bloes en brogues wat ek op ’n snikhete dag by ’n koffieplek in Kaapstad ontmoet. Om haar lyf dra sy ’n fleurige syserp, een van haar eie skeppings, as gordel. “Ek was nog altyd gek na serpe,” vertel sy. “Dis my drabare kuns.” Haar eenvrou-tekstielontwerpsaak, Mantua Silkwear, het sy in 2017 begin. Sy droom oor ’n mini-klerereeks later vanjaar, maar het begin met haar syserpe – tans vuurwarm nuus met groot modehuise soos Chanel, Ferragamo en…

Moenie jou persoonlike doelwitte en dinge waarvoor jy lief is opgee ter wille van die verhouding nie. Dit sal net bitterheid kweek. As jul kinders of ander dinge jul vernaamste prioriteit geword het, maak ’n spesiale afspraak elke week/tweede week. Maak beurte om iets voor te stel. Dis albei se verantwoordelikheid. Moenie jou maat se keuse kritiseer nie (al is dit ’n rugbywedstryd waarin jy dalk nie belangstel nie). Probeer dit deur sy oë beleef. Dit laat jou ook as mens groei en leer. (Ronel) Verhoudings gaan deur fases. Gesels tydens elke fase met mekaar oor hoe julle jul verhouding definieer. Wanneer die kinders byvoorbeeld uit die huis gaan, praat oor doelwitte vir jul nuwe fase, soos om geld te spaar vir reis. (Leandie) As ’n besige gesinslewe veroorsaak dat…

Airbnb-plekke is volop (ons woonstel was R6 000 vir agt aande en ’n mandjie vars kruideniersware by die supermark was so R300), of kyk na Rooms Hotels ( Roomshotels.com ) in Tbilisi en Kazbegi, moderne weergawes van ou geboue. Deel van die Rooms-groep is ook die Stamba Hotel, in sy vorige lewe ’n drukkery. Fabrika was ’n Sowjetnaaldwerkfabriek en herinner aan 44 Stanley in Johannesburg en The Old Biscuit Mill in Kaapstad, met talle winkels, eetplekke en ’n hostel ( Fabrikatbilisi.com ). Geniet Georgiese fusion by The Kitchen (so 33 lari of R170 vir ’n lekker steak), sit onder ’n eikeblaardak by Café Littera (so R90 vir artisjokslaai), en teug aan jenewer met skop saam met die stad se hipsters…

Sune du Preez My ouma se kombuiskaste was ’n plek vol geheime. Ouma het altyd bederfies gehad en wanneer sy niks gehad het nie, sou sy jou rug krap of koffie maak . . . My Ouma Duifie en haar kombuis was ’n plek van liefde en veiligheid, waar almal tuis was. Elmarie van der Vyver Sagte groen mure, Oupa in sy halfronde stoel besig om koue skaapnek met sy knipmes te eet. Die fyn, wit gehekelde doilie met bloedrooi kraletjies wat soos granaatpitjies geskitter het. Die tjietjie-klank van Ouma wat brood knie in die groot enemmelbak op die sitplek van die ou bentwood-stoel, en die houtstoof. Brenda Terblanche Tafel vol boererate . . . bitter stropies en ’n pil vir elke kwaal. Die enemmelbak met brooddeeg in ’n kombers,…

Die vrou met die fluweelstem en een van Suid-Afrika se beste liedjieskrywers, Anna Davel, is mal oor stilte. “As ek moeg of oorweldig voel, moet ek stilte om my hê.” Soms het sy nodig om niks of niemand te hoor of sien nie, sodat haar siel net weer kan “asemhaal”. As kind het sy ure in haar kamer geskilder, gelees of kitaar gespeel. Doodgelukkig op haar eie. Dit is nie asof sy nie van mense hou nie, sy vind hulle fassinerend. “Maar om in die natuur te stap, in die see, ’n rotspoel of bergstroom te swem – dít maak my kop weer oop.” Wanneer sy van ’n besige kunstefees of toer by die huis kom, kruip sy dikwels ’n dag of twee weg, net om meer soos ’n mens…

‘Ek kon my seer op papier uitdruk’ Emari Gieselbach, SARIE Voorbladgesig 2018 Emari sien haar pa altyd in haar geestesoog in die branders staan – toe hy haar ure lank as klein dogtertjie leer lyfbranderry (bodysurf ) het. Later jare het hulle saam geskubaduik. Hy was ’n bok vir sports, nes sy “Bol” (kort vir Skattebol) – soos hy sy enigste dogter genoem het. Dit vang haar nou nog, selfs nege jaar ná haar pa se selfdood: Die wete dat haar twee dogtertjies versot op hul energieke oupa sou wees, en “ek weet hy sou oor hulle mal gewees het”. Sy selfdood (’n maand ná haar eersteling, Andria, se geboorte) was die moeilikste ding wat sy nog moes verwerk, veral omdat hulle die dag voor sy dood ’n misverstand gehad…

Die gewildheid van ’n veganistiese leefstyl spoel oor na die skoonheidswêreld soos verbruikers meer bewus raak van die impak wat die vervaardiging van hul velsorg- en grimeerprodukte op diere en die omgewing het, sê Monica Pienaar, SARIE se skoonheidsredakteur. Veganis-skoonheidsprodukte (dus met geen bestanddele/neweprodukte van diere afkomstig nie) was een van die skoonheidsoektogte wat in 2016 die meeste toegeneem het, volgens ’n tendensverslag van Google. Sedertdien is daar ’n ontploffing van internasionale en plaaslike handelsmerke op SA winkelrakke wat spog met veganis-produkte, met frases soos “skoonheid met ’n gewete” en “sonder wreedheid” ( cruelty-free ). “Dit dryf selfs die groot skoonheidshuise, soos Urban Decay en INGLOT, om veganisweergawes van top-produkte bekend te stel,” sê sy. GOSH Copenhagen se skoonheidsprodukte het nog altyd veganis-keuses ingesluit. Maar in 2017 het…

‘Ek gee julle my storiesak as doepa teen die kou’Uit Corlia Fourie se gedig “Kinders op pad” in haar debuutbundel, Die goeie vrou en ander mites (Protea Boekhuis, R175) Untold: The Stories Behind the Photographs Steve McCurry (Phaidon, R550) Steve McCurry is een van my grootste helde. Van die oomblik dat ek ’n kamera opgetel het, het ek sy loopbaan gevolg. Ek het sy foto’s bestudeer om daaruit te leer, maar ook vir inspirasie. My vreugde oor hierdie boek ken geen perke nie. Dit gee ’n insiggewende kykie in my held se lewe en vertel die hoe en waar van die foto’s. Sy waagmoed en deursettingsvermoë om in gevaarlike omstandighede te werk, getuig van ’n fotograaf wat bereid is om die ekstra myl te stap om vergete gemeenskappe se stories…

WEN Swarovski-juwele: Besoek SARIE.com en soek “Swarovski” om in te skryf. SPESIALE DANK AAN BUFFELSFONTEIN VIR DIE GEBRUIK VAN DIE WILDRESERVAAT EN HUL GASVRYHEID. VIR MEER SKAKEL 022 451 2824 OF BESOEK WWW.BUFFELSFONTEIN.CO.ZA…

Christi Panagio AKTRISE EN TV-AANBIEDER MY FILOSOFIE ‘Ek glo 100% in balans, maar dis nie altyd so maklik om dit te handhaaf nie. Dit vat konstante bewustheid en aanpassing. Gelukkig hou ek regtig van slaai en maak graag my eie smoothies. En oor naweke eet ek vrek lekker aan pizza en pasta, maar selfs dan probeer ek by die ‘skoner’ weergawes hou’ KRAG IN AKTIEF-WEES Vir my lê die geheim daarin om oefening en aktiefwees anders te benader. Ek beskou dit nie as ‘oefening’ nie, maar eerder as ’n kans om jou algehele welstand te verbeter. Dis nie net die fisieke aktiwiteit wat ’n verskil maak nie, maar ook die vars buitelug wat jy inasem; die suurstof wat letterlik jou kop skoonmaak. HARERAAD Ek wend minstens een keer…

Cornel en Marlize de Jongh is al karperde van universiteitsdae. Hy is ’n biomediese ingenieur en sy ’n spraakterapeut. Albei is gek na die buitelewe en voor klein Uys (byna 2) sy opwagting gemaak het, het hulle die wêreld in hul geliefde Land Rover platgereis. Cornel is van jongs af mal oor houtwerk en dié stokperdjie het nou ’n winsgewende tweede beroep geword wat hy in sy vrye tyd beoefen. Hy en Marlize is mede-eienaars van die aanlyn dekorwinkel Huijs (www.huijs.co.za). Binnekort maak hulle ’n vertoonlokaal en ontwerpateljee by hul huis oop. Die huis aan die buitewyke van Durbanville het hulle in 2009 gekoop. Hulle het gou-gou aan die werk gespring en ’n sitkamer, kombuis en eetkamer aangebou. Gelukkig was die huis so op die erf geplaas dat hulle na…

B Block & Chisel 010 442 0809, 010 593 9308, 021 712 5193, 021 762 313 www.blockandchisel.co.za Brentoni Eyewear 021 706 6064 www.brentoni.co.za byCara www.bycara.co.za C Cotton On www.cottonon.com/za E Europa Art 011 455 0917 www.europaart.co.za F Forever 21 021 555 3324 Foschini 0860 576 576 www.foschini.co.za H Habits 021 671 7330 www.habits.co.za Hertex 0860 437 839 www.hertex.co.za H&M 0860 690 707 www.hm.com/za K K. Light Import 011 312 1247, 021 552 4370 www.klight.co.za L Levi’s 021 403 9400 www.levis.co.za M Makro 0860 600 999 www.makro.co.za Mat & May 021 938 1250 www.matandmay.co.za Moscon Optics 011 483 8001 www.moscon.co.za MRP Home 0800 212 535 www.mrphome.com Mungo www.mungo.co.za N NJE 021 827 1462 www.nje.co.za P Poetry 0860 555 529 www.poetrystores.co.za S Sissy Boy 021 506 4600 www.sissyboyjeans.com Swarovski 021 408 7600,…

As sy nou terugkyk op haar kankerreis, besef sy dit was nodig dat sy dié siekte vanuit die perspektief van die pasiënt, pleks van die dokter, moes ervaar. “Vóór ek kanker gekry het, was my identiteit hoofsaaklik aan my beroep gekoppel. Nou besef ek dat ek eerstens ’n kind van die Here is. Daarna kom al my ander rolle – ma, eggenoot, dokter, vriendin.” Dr. Trusia Burgers, ’n algemene praktisyn, gesels rustig oor ’n rooibos-cappuccino in ’n hotel op Somerset-Wes, ’n paar blokke van haar praktyk af. Sjiek, in ’n bont mini en met ’n moderne, kort rooibruin kapsel, gloeiende vel en koraalkleurige naels wat sy net voor die onderhoud laat verf het, is dit moeilik om te glo sy was bitterlik siek. Anderhalf jaar gelede is sy met borskanker,…