Indholdsfortegnelse for July 2019 i SARIE

REDAKTEURSBRIEF 6 Julie 1949. By SARIE ’n onthou-datum, elke jaar. Die dag toe Sarie Marais vir die eerste keer die strate en rakke getref en binne ure uitverkoop het. Regdeur Suid-Afrika tot bo in die destydse Rhodesië en Suidwes. Toe die langverwagte tydskrif uiteindelik in die hande van haar lesers was en haar reis oor sewe dekades begin het. Sewe dekades, dis ’n lang tyd. En nou is ’n ander tyd, ’n ander millennium, ’n ander wêreld. Ek wonder . . . wat sou die eerste klein groepie redaksielede gesê het as hulle SARIE vandag kon sien. Dalk verbaas gewees het dat ons nog sterk staan? Want in sewentig jaar het baie tydskrifte gekom en gegaan, die mededinging was fel en raak by die dag feller. Dit was juis die…

SUPERSLIM VOGROOM Die velsorghuis Dermalogica put nou voordeel uit ons daaglikse blootstelling aan UV-strale. Hul nuwe alles-in-een-vogroom Dermalogica Prisma Protect Light-Activated Skin Defense SPF 30 (R1 099) bevat spesiale tegnologie wat ’n tipe groen alg in jou vel se fibroblaste (die selle wat kollageen en elastien vervaardig) vrystel. Sodra die alge aan UV-lig blootgestel word, stimuleer dit die fibroblaste, wat jou vel dan plomper en stralend laat lyk. Die formule beskerm jou vel teen tot 85% van besoedeling, aldus die velsorghuis. – Monica Pienaar ’N TV VIR MILLENNIËRS ’n Nuwe TV wat vertikaal kan draai, is deur Samsung bekendgestel. Die Sero is op millenniërs gemik vanweë hul voorliefde vir slimfone. Horisontaal funksioneer die Sero soos ’n standaard-slim-TV. Dié een kan jy egter 90 grade draai om Instagram en ander slimfoon-media…

Kraai Adèle van Niekerk Doen eers wat jy moet doen, dan doen jy wat jy wil doen. Anel van Schalkwyk Dis belangriker om gerespekteerd te wees as om populêr te wees. Julene Swart Laat jou spaargeld elke maand afgaan met ’n debietorder. Rolene Oosthuizen Moenie iets net neersit nie, bêre dit op die regte plek. Dit spaar tyd, want jy sal nooit na iets hoef te soek nie! Allenore de Vos Pos vandag se brief môre . . . dis beter om af te koel vóór daar goed gesê word wat kon gebly het. Skryf aan SARIE, My sê tel, Posbus 1802, Kaapstad 8000, of stuur e-pos na: mysetel@sarie.com. Nie meer as 300 woorde nie, maar ons behou die reg voor om briewe te verkort. Menings uitgespreek in lesersbriewe is…

Die laaste strale van die son wat sak oor Prisengracht, Amsterdam, tuimel by die groot woonstelvenster in en omhels Donnalee Roberts en Ivan Botha in ’n goue gloed. Juis die oomblik wat hy op sy knie sak en haar vra of hy asseblief haar hart die res van sy lewe kan oppas. Jy kan byna glo dit was perfek gechoreografeer. Basson in Pad na jou hart wat Amory vra om te trou, of Hugo in Vir Altyd wat Nina innig vertel hy het haar lief . . . Die romantiese flieks wat Donnalee en Ivan geskryf en vervaardig het, en waarin hulle die hoofrolle vertolk het. Dié keer is daar geen kameras om die emosioneel belaaide oomblik vas te vang nie. Ivan bewe soos ’n riet, Donnalee huil oorstelp. Op…

Die Nasionale Party, pas in 1948 aan bewind, tamboeryn sy bors Tarzan-styl met nie minder nie as drie Afrikaanse rolprente – een daarvan ons eerste musiekrolprent, Kom saam vanaand. Van ’n storie is daar min sprake – dit is eerder soos vele Pierre de Wet-flieks ’n konsert-makietie waar mense vrolik dog preuts jol. De Wet wou wys die Afrikaner kan die lewe geniet en nie net oor die politiek praat soos in 1947 met Simon Beyers nie. Dié fliek oor Simon van der Stel is beskryf as een “wat die sosiale gewete van die volk beliggaam”. Die kaskenades van dr. Kwak het gou lagmedisyne aan dié einste maatskaplike gewete verskaf, terwyl Suid-Afrika se eerste swart rolprent, Jim comes to Jo’burg, kyk na die immigrasieen werkloosheidsprobleem. SARIE vier haar 70ste verjaardag…

Die jong Engelse nooi Mabel Catherine Rex (1879-1964) se liefde vir skryf het haar gereeld laat skerts: “I have ink in my veins.” Haar pa, Frank, was gaande oor die joernalistiek, en aan moederskant was die skrywer/digter Eugène Marais haar oom. Omdat haar pa ’n alkoholis was, moes haar verbitterde ma, Jess, alleen kinders grootmaak. Mabel en Jess het nooit ’n hegte verhouding gehad nie. Jess wou byvoorbeeld niks weet van haar dogter se joernalistieke drome nie. Gesondheid, welsyn en liefdadigheid het Mabel na aan die hart gelê en sy het tydens die Anglo-Boereoorlog pasiënte help verpleeg op die trein tussen Modderspruit en Pretoria. In 1904 is Mabel met die saggeaarde Afrikaanse prokureur Kenne Malherbe getroud. Hul twee kinders, Martli en Boet, is Engels grootgemaak, maar haar liefde vir Afrikaans…

1941 Dr. Charles Niehaus, vader van Roodeberg 1949 Roodeberg word bekend gestel en tref die internasionale mark 1950’S Kanada is die eerste land wat die wyn met ope arms ontvang 1958 La Concorde, tuiste van Roodeberg, word in die Paarl gebou 1989 Roodeberg haal SAL se oorsese wynlys 1995 op 16 November gebottel 1997 Die Roodeberg ’95 Vintage wen ’n dubbelgoue Veritas 2004 Ná 55 jaar vir die eerste keer vrylik in SA te koop 2014 Roodeberg ’95 Vintage wen die Museumklas by die Old Mutual Trophywynskou 2011 ’n “Super-Roodeberg”, Dr. Charles Niehaus 2010, word as gedenkwyn uitgereik 2018 ’n Rosé sien die lig 2019 SPESIALE ROOI VERSNIT VIR DIE 70STE…

Ons almal het ons redes. Of dit nou ter wille van jou gesondheid is, ’n groot verjaardag wat voorlê, ’n skoolreünie wat om die draai is of die wens om weer in jou gunsteling-jeans te pas – saam met SARIE kan jy hierdie doelwit aanpak en bereik. Op ons webtuiste Slanker met SARIE kry jy gesonde eeten oefenplanne, ontwerp deur kenners om jou lyf in die beste toestand nog te kry. Dit sluit in vetverbrandende, funksionele tuisoefeninge, bekostigbare wetenskaplike eetplanne en ondersteuning van ander vroue in die Slanker met SARIEgemeenskap op die pad na die wenstreep. Die oomblik dat jy inteken, kry jy toegang tot die hele Slanker met SARIE-plan, wat jy van jou rekenaar of enige mobiele toestel met internettoegang af kan oopmaak, sonder dat dit nodig is om…

Daar is geen resep waarvolgens jy kan leef nie. Dit is een van die grootste dinge wat die lewe Rolene Strauss geleer het. “Ek het al baie gedink oor my doel op aarde. Jou doelwitte verander voortdurend. Jy moet nuwe dinge ontgin, anders kan jy nie groei nie. Baie mense vra my raad, maar ek het besef al die antwoorde lê in jouself. Ek het bloot die vaardighede om mense te help om toegang te kry tot dié antwoorde. “Die besluit om jou denke te verander gebeur binne twintig sekondes. Die oomblik dat jy weet hóékom jy sekere dinge in jou lewe wil verander, sal jy die regte keuses maak.” Rolene maak ’n Sarie Marais-voorblad na vir SARIE se 70ste verjaardag.…

Ons het haar leer ken as Suid-Afrika se eie Guess- en swemkleremodel, later as aanbieder van Pasella en meer onlangs Boer soek ’n vrou. Deesdae spog sy met haar eie geselsprogram op Via, Minki, waar sy met plaaslike bekendes soos die Afrikaanse sangsensasie Refentse praat. Wanneer dit kom by die luukses in die lewe is ’n dag by die haarsalon vir dié blondekop ’n groot bederf. “Dis tyd vir myself en dis vir my baie luuks om my hare te laat doen. As ’n mamma van drie is dit vir my lekker om ’n tydskrif deur te blaai en om uit te stap by die haarsalon met ’n vars, nuwe haarsnit of kleur.” Pas is Minki ook aangewys as een van die ambassadeurs van Garnier se tuishaarkleur-reeks, Nutrisse. Wees op…

“Ek het – soos seker baie tydgenote – nie met drukkies grootgeword nie. Maar wel met die soen-op-die-mond-gewoonte. Vandag werk dit meestal net mooi andersom. Mondsoene word in my kringe deesdae vir jou geliefde gereserveer, of dalk vir ouer familie wat dalk kan aanstoot neem as dinge nou skielik verander. Eintlik is dit so ’n intieme handeling dat ek my byna nie ’n tyd kan voorstel toe dit algemeen vir al wat leef en beef was nie. Dink net aan die kieme, om nie van die snorre en baarde te praat nie. Vra ’n bietjie rond en jy hoor vele stories van kinders wat (vir hulle) grillerige ooms of tantes moes soen. Ek het ook ’n paar storietjies . . . meestal oor ’n skaam dogtertjie en volwasse manlike familielede,…

* BEPALINGS EN VOORWAARDES IS VAN TOEPASSING. DIE AANBOD GELD NET VIR INTEKENING OP DIE GEDRUKTE SARIE EN IS GELDIG TOT 21 JULIE 2019 (NET IN RSA). WEDSTRYDREËLS OP BL. 161 Vir enige verdere navrae of probleme, stuur e-pos na carmen.botma@sarie.com of anene.deklerk@sarie.com SKAKEL ons by 087 353 1300 (tolvry), of 021 065 0033 vir internasionale intekenpryse (08:00 tot 16:30) subs@ media24.com EN ONS KONTAK JOU SUBS SARIE met jou besonderhede na 32361 (geen leestekens) EN ONS KONTAK JOU (’n Tarief van R1,50 per SMS geld. Gratis minute is n.v.t.) Besoek SARIE.com, Netwerk24.com, Zinio.com of Magzter.com vir jou digitale intekening…

1. Die beoordelaars se beslissing is finaal en geen gesprek of korrespondensie sal daaroor gevoer word nie. 2. Wenners sal telefonies verwittig word en sy/haar naam sal in ’n latere stadium op die webtuiste SARIE.com verskyn. 3. ’n Prys is nie vir kontant omruilbaar nie en kan nie oorgedra word sonder vooraf kennisgewing nie. 4. SARIE bied hierdie wedstryde namens Casper Bosman en Promote Communication as ’n diens vir haar lesers aan. Casper Bosman en Promote Communication voorsien en is verantwoordelik vir die pryse. SARIE aanvaar geen verpligting hoegenaamd t.o.v. die ontvangs van die pryse of gestanddoening van die voordele daaraan verbonde nie. 5. Werknemers en hul gesinne van Media24 (SARIE se moedermaatskappy), Casper Bosman, Promote Communication en hul reklamemaatskappye mag nie aan wedstryde deelneem nie. 6. Media24, Casper Bosman…

Carike Keuzenkamp op die 1990-Kersuitgawe het verkope van 258 263 behaal, die meeste nog in ons bestaan. SARIE was die inspirasie vir die tydskrifte Visi, Weg, Lééf en die eerste aanlyn tydskrifwinkel, Spree. Dalene Matthee het haar skrywersloopbaan in 1974 in SARIE afgeskop met die verhaal “Mercurius se seun”. Lees ’n stukkie van haar 1986-onderhoud met SARIE se Izak de Villiers (bl. 62). Op bl. 166 is ’n uittreksel uit haar boek Fiela se kind. Vertaalde werke was ook in SARIE te lees, onder meer dié van Nadine Gordimer. Lees op bl. 63 hoe Suzette Truter haar 1998-onderhoud met die Nobelpryswenner onthou. Toe redakteur Fred le Roux in 1968 bedank het, was SARIE die grootste vrouetydskrif in die land met verkope van 100 000+. Vandag is SARIE SA se top-glanstydskrif…

ONS BEHOORT HIER Tydens die afgelope verkiesing het ons as gesin baiekeer weer gewonder: Hoekom bly ons? Suid-Afrika is vol uitdagings en probleme. Ek het nie nodig om dit uit te lig nie. As mense my vra hoekom emigreer ons nie (want ons sou redelik maklik kon), is my antwoord altyd iets vaags oor ons familie wat hier is. Ek het onlangs besef dis nie die volle waarheid nie. Ons is hier gebore en miskien belangriker, so ook ons kinders. Hulle weet van en is ewe lief vir naweekbraai, biltong en droëwors, melktert, koeksisters, piesangbrood en Ina Paarman se sjokoladekoek; ek werk nog aan bobotie! Ons oudste dogter van nege weet wie is Siya Kolisi en skree net so hard saam vir die Bokke en die Stormers. Ons jongste het…

REDAKTEUR Michélle van Breda KUNSDIREKTEUR Maresa Pretorius SENIOR ONTWERPER Keverne Morland PROJEKBESTUURDER Pieter Hugo BEMARKINGSBESTUURDER Carmen Botma 021 406 3832 Anéne de Klerk (assistent) 021 406 4546 STYL- EN SOSIALE REDAKTEUR Fanie Cronjé 011 713 9931 MODEREDAKTEUR Amaria Carstens 021 406 3875 Magdel Muller (stilis en modeskrywer) KOSREDAKTEUR Herman Lensing 021 406 4540 SKOONHEIDSREDAKTEUR Monica Pienaar 011 713 9908 Suanné Mulder (skoonheidskrywer) DEKORREDAKTEURS Lounette Fourie & Anita Rossouw GESONDHEIDSREDAKTEUR Lydia van der Merwe (Kst) SENIOR JOERNALIS Suzette Truter SENIOR JOERNALIS Marguerite van Wyk (Kst) TEKSREDAKTEURS Liesl Roodt (hoofsub) & Natasja Lochner BOEKEREDAKTEUR Phyllis Green REPRODUKSIE Noorieyah Fakier REDAKTEUR: REDAKSIONELE ASSISTENT Liesel Pienaar (Jhb) 011 713 9263 KANTOOR-ASSISTENT Donald Toockley WEBTUISTE DIGITALE REDAKTEUR Annemie Lombard Annemie.Lombard@sarie.com 021 406 4149 INHOUDSBESTUURDER Liani Jansen van Rensburg Liani.jvRensburg@sarie.com 021 406 4146…

Jy’t die ikoniese bloes van SARIE se eerste voorblad herskep, jou eie stempel daarop geplaas. Ons noem dit nou ons “1949”. Ek het van die oomblik dat Fanie [Cronjé, SARIE se stylredakteur] met die idee vorendag gekom het, geëerd gevoel. Ek was opgewonde om iets te herskep wat so ikonies in die Afrikaanse vrou se geskiedenis is. Jy stap al ’n pad met Rolene. Van haar Mej. Wêrelduitrustings tot haar trourok gemaak. Wat maak haar uniek? Met haar gaan dit oor baie meer as net die uiterlike, om die waarheid te sê, eerder oor haar innerlike. Ja, sy is beeldskoon, maar Rolene gee nie om oor die nuutste modes nie. My pad saam met haar het my geleer wát belangrik is as jy iets vir iemand ontwerp. Dit gaan oor…

Kom sit aan ons verjaardagtafel Vir SARIE se 70ste verjaardagparty nooi ons jou, ons gunsteling-inspireerder, om saam met ons aan te sit vir ’n ete vol herinneringe. Dié spesiale viergang-ete word deur SARIE-kosredakteur, Herman Lensing, met die hulp van 20 ICA-studente voor jou oë berei. Jy kan ook saam met SARIE-redakteur, Michélle van Breda, terugkyk op die tydskrif se geskiedenis. BONUS Wyn van Roodeberg, wat ook vanjaar hul 70ste verjaardag vier, op jou tafel. INGESLUIT Die prys sluit in van jou drankies tot jou ete plus ’n spesiale geskenkpak met die Augustus-uitgawe van SARIE, SARIE KOS Winter asook ander bederwe van uitgesoekte borge. Jy kan ook die resepte vir die heerlike ete, berei met bestanddele van Spar, Spekko en geure van Royal Kalahari Desert Salt, huis toe neem. En jy…

Stories het soms mooi eindes MARINA MÖLLER-EILERS Die kop van die SARIE-artikel was: “Iemand om voor nag te sê”. Akteur Paul Eilers se versugting destyds ná ’n paar verhoudings wat padlangs gesneuwel het. Min het albei van ons toe vermoed dat dié woorde profeties sou wees. Wat ek wel goed onthou, is fotograaf Nardus Nel (intussen al oorlede) se skalkse laggie en opmerking agterna: “Hier kom ’n ding . . .!” Ek het net oë gerol en by myself gedink, sommer net ’n storie. Ek is terug kantoor toe om die storie te tik. Dit was Sonkring-dae op TV en die hardekoejawel nuusredakteur Adam Gerber (Paul) en Maryna MacDonald (Anna-Mart) het almal vasgenael gehou. Ek is saam met hom na die eerste voorskou van Sonkring II. Hy het my…

Toe Die Boerevrou in 1931 weens die Depressie (en al hoe minder adverteerders) gestaak moes word, het die redaktrise verduidelik dat “niemand eintlik skuld daaraan het dat ‘Ons Vroutjie’ nou haar winterslaap moet aanvaar nie”. Met Sarie Marais, wat agtien jaar later op 6 Julie 1949 verskyn het, het Die Boerevrou weer “ontwaak”. In die eerste uitgawe skryf die redakteur dat Sarie Marais haar voorganger (Die Boerevrou) se oogmerk haar eie maak en “opnuut sal probeer voorsien in die behoeftes van die vrou van Suid-Afrika”. Mabel het ook in die eerste Sarie ’n artikel geskryf en erkenning gegee aan die medewerkers van Die Boerevrou.…

Biltong en toetskaartjies tóé in ruil vir Roodeberg. Nou is die 2017-oesjaar landwyd te kry by voorste winkels @ R85-R95 per bottel Die wyn ontvou met die geur van rooi vrugte, swartbessie en pruim Die voorkant van La Concorde, tuiste van Roodeberg, geskoei op ’n 1791-gebou van Anton Anreith, is op die wynetiket te sien Die wyn word sedert 1991 in klein Franse eikehoutvate verouder Daar is ook ryk nuanses van tabak en donkersjokolade DIE GEHEIM IS UIT! Die versnit bestaan hoofsaaklik uit cabernet sauvignon, shiraz, pinotage en tinta barocca. Onder dr. Abraham Perold van die KWV is reeds in die 1930’s ’n groot skuif wegbeweeg van SA se vroeë ligter rooiwyne. Gesels saam of volg die Roodeberg-gemeenskap op Facebook, of @Roodeberg_Wine op Instagram en Twitter…

D it was soos ’n klein begrafnisstoet. Met Lanie van Reenen, voormalige château-eienaar, agter die stuur. Op die agtersitplek ’n kartonboks waarin sy voor die voet dertien jaar se effens muwwerige Franse dokumente, kontrakte, lêers en korrespondensie geprop het. By die herwinningspunt in Groenpunt het sy net vir die opsigter gesê: “Gooi!” “Ek het só gewens daar kom ’n wind en waai die spul papiere dramaties die lug in en iewers doer land die attestation . . . en mense wonder watse ding is dit! Dis tegelykertyd die einde en ’n nuwe begin,” vertel Lanie. Die attestation ter sprake is die koopkontrak van die verwaarloosde pienk Franse herehuis wat Lanie in 2005 gekoop en toe met hart en siel en ál haar spaargeld omskep het in die Hôtel Château Sallandrouze,…

ERRE Die SARIE-vrou: Stylvol, dapper, aan die beweeg. Ons ontwerp vir haar: Die pienk sykatoentop met oordrewe volume kan sy met selfvertroue dra, met die gedrapeerde moue onbeskaamd vroulik en die helderpienk kleur wat dit vars hou. Die swart fraiingrok is vol beweging en skep ’n gevoel van animasie, die nuwe vorm van power dressing. Seisoen ná seisoen ’n treffer, nes SARIE. Verjaardagboodskap: 70 is ’n prestasie, ons wens julle nog baie jare toe! Gelukkige verjaardag, SARIE . . . en bly sexy. Swaaistyl pienk top (R5 800), Erre. Swart midirok met fraiings (R4 800), Erre. Goue oorbelle met groen kunsstene (R300), Lovisa. ANÉL BOTHA Die SARIE-vrou: Vreesloos, haar styl tydloos met ’n tikkie drama daarby. My ontwerp vir haar: ’n Stukkie “goeie ou dae” in ’n skemerkelkierok. Die ryk…

Vir hom! Egtheid en moeiteloos stylvol met ’n titsel ironie. Dís die eienskappe wat Italiaanse ontwerper Giorgio Armani wou vasvang toe hy die Oosterse geur Armani Code 15 jaar gelede met note van tonkaboontjie, steranys, tabak en leer geskep het. Pas is ’n nuwe weergawe, Giorgio Armani Armani Code Absolu (R2 800 vir 200 ml EDP), bekend gestel waarin die tonkaboontjie-noot verryk is met vanielje en suède vir ’n soeter, aanlokliker geur. En in die advertensieveldtog is daar geen beter verpersoonliking van dié parfuum as die sjarmante akteur Ryan Reynolds nie. Navigeer jou lewe in die vinnige baan met TAG Heuer se nuwe Carrera Lady-reeks. Dié Switserse horlosiemaker se nuwe reeks simboliseer fokus, dryfkrag en ’n skeut waaghalsigheid vir die vrou wat weet wat sy wil hê en haar bes…

Om van elke maaltyd ’n besonderse ervaring te maak het Jacques en Hein in hul huis op Montagu ’n muur met geurige bossies kruie en blomme uit hul tuin geskep. Die bossies is aan metaalkershouers gehang, wat eweredig teen die muur gemonteer is. Elkeen se holte is net groot genoeg vir ’n dryfkersie. Die kersies se hitte help dat nog meer geur vrygestel word en dra by tot die atmosfeer. Selfs al raak die bossies droog, is dit steeds ’n mooi versiering.…

Mense in hul vyftigs en sestigs word deesdae die “toebroodjiegeslag” genoem omdat hulle twee geslagte – hul (dikwels volwasse) kinders én hulle bejaarde ouers – moet ondersteun en gevolglik soms maar “dun gesmeer” is. Barbara van Zyl (59), ’n makelaar van Kaapstad, lag oor dié etiket. “Soms voel dit of jy dit eerder die Salticraxgenerasie moet noem, soos in daai ou advertensie waar die einde-van-diemaand Salticrax net ’n droë beskuitjie sonder kaas is. Dis nie altyd ’n maklike posisie nie . . .” Nie net woon Barbara se dogter by haar nie, sy ondersteun ook haar eie ma finansieel én sy moet soms haar volwasse seun help om die pot aan die kook te hou. “In die maande wanneer al drie geld nodig het, spaar ek self niks nie. Ek…

1 DIE VERSUGTING NA MOEDERSKAP Op 45 word jou kans om met behulp van IVB ’n baba te hê op minder as 3-5% geskat Prof. Thinus Kruger, vrugbaarheidspesialis Suid-Afrika se eerste proefbuisbaba, Falcon de Vos, word op 29 April 1984 deur middel van ’n keisersnee in die Tygerberghospitaal in Kaapstad in die wêreld gebring. Dit was danksy die baanbrekerswerk van prof. Thinus Kruger, nou by die Aevitas-infertiliteitskliniek by die Life Vincent Pallottihospitaal en sy span. Ses jaar ná die geboorte van Louise Brown van Brittanje, die wêreld se eerste baba wat verwek is deur eier- en spermselle buite die liggaam te bevrug. In dié tyd het die werkplek se deure vir vroue oopgegaan, allerlei nuwe geleenthede het gewink en daarmee saam is moederskap uitgestel. Hoewel daar nie betroubare plaaslike data…

ek dink myself ’n ander wêreld in waar werklikheid en name meer in pas is met mekaar Uit Loftus Marais se gedig “Piet-my-vrou” in sy bundel Jan, Piet, Koos en Jakob (Human & Rousseau, R250) Epic Land, Amy Schoeman (Protea Boekhuis, R495) Vyf-en-dertig jaar, dis hoe lank dit Amy Schoeman geneem het om die foto’s vir dié pragboek bymekaar te maak. Saamgestel uit sewe portefeuljes van haar fotografiese werk, reflekteer dit die skoonheid, misterie en diversiteit wat te vinde is in die Namibiese landskap. Dié dikwels onherbergsame geweste hou ’n raaiselagtige bekoring in en laat jou wonder oor die oergeskiedenis van veral die woestyn. Die meesterlike gebruik van kleur, treffende komposisies en verrassende invalshoeke laat jou keer op keer deur die boek blaai om net weer ’n keer na die…

Tafelberg gee vandeesmaand weer Fiela se kind (R250) uit om saam te val met die nuwe rolprentweergawe wat later vanjaar uitgereik word. Die wit seun met sy blou oë het een nag net voor Fiela Komoetie se deur in die Lange Kloof verskyn. Niemand het geweet wie se kind hy is of waar hy vandaan kom nie. Sy het hom as haar eie kind grootgemaak. Die uitdagings van die lewe kon die Komoeties hanteer. Tot die dag nege jaar later toe die manne van die sensus opdaag om die mense te tel. Toe moet Benjamin opsluit Knysna toe om voor die magistraat te verskyn, want net dalk is hy Lukas van Rooyen, die kind wat jare gelede in die Bos aan die ander kant van die berg verdwyn het. Die…

5 SARIE-lesers kan elk die boek Die dekonstruksie van Retta Blom deur Zelda Bezuidenhout (Kwela, R270) wen. Jare lank al is Lauretta ’n gedienstige huisvrou in haar beige paleis, die eggenoot van Tobias Blom, ’n suksesvolle sakeman. Maar met hul seuns wat nou groot en uit die huis is, begin die stilte en pynlike netheid haar vasdruk. Wanneer sy boonop begin vermoed dat Tobias vir haar iets wegsteek, besluit sy dat dit tyd is om dié dinge te doen wat sy nooit tevore aangedurf het nie. Eerste op die lys is ’n road trip Kaap toe saam met haar hond, Charlie, en haar kunstenaarsvriendin, Leigh. Die reis lei na die ontwaking van ’n nuwe Retta op ’n kleinhoewe buite Bethulie, maar ook na onthullings in die Kaap wat haar hele…

’N IKOON Coco Chanel was verlief op die kamelia en het dié blom dikwels in haar ontwerpe uitgebeeld. Die kamelia het ook ’n velsorgvoordeel: Dis superbevogtigend en versterk die velwand. Die vogroom* Chanel Hydra Beauty Camellia Water Cream bevat kamelia-ekstrak in ’n ligte, vloeibare formule. Dit absorbeer vinnig om jou vel in ’n kits vars, bevog en plomp te laat lyk. Gebruik dit soggens of wend dit net voor jou onderlaag aan vir ’n vel wat lyk asof dit van binne af straal. Prys: R1 000 * Vogroom is ’n SARIE-woord. Sien bl. 12. PLAT SKOENE IN DIE LUG Norwegian Air se jongste voorkomshandleiding het so ’n oproer veroorsaak dat die lugdiens aangekondig het hul vroulike kajuitpersoneel is nié meer verplig om grimering of hoëhakskoene te dra nie. (Aanvanklik moes…

Griet Meyer Daardie eerste SARIE wat ek oopgemaak het toe ek so 15/16 was. Ek het by my niggies gekuier. Dit was hemels om dit deur te lees. Ná die vakansie het my ma ook die tydskrif gekoop. Ek glo nie ek het al een tydskrif gemis nie. SARIE, jy is tops. Jou verjaardag lê voor. Daardie uitgawe word veilig bewaar. Bibi Samuels Carolus Het jare die Voorbladgesigkompetisie gevolg . . . toe skryf my dogter in en sy wen. Die gevoel sal ek nooit in woorde kan beskryf nie . . . SARIE sal maar altyd my gunsteling-tydskrif bly. Met julle het haar drome waar geword . . . Hou so aan. * Charicke Carolus was kategoriewenner van SARIE Voorbladgesig 2018 Janine van Jaarsveldt Enige voorblad met Anna-Mart. Sy…

Hou op tande tel. Kinders word gesien, nie gehoor nie. Hierdie sinne het ek meer kere gehoor as wat ek as ’n seuntjie kon tel. Buite speel met maatjies en speelgoedmotortjies het my verveel, ek wou wees waar die grootmense was. En nie gewone grootmense nie, dié wat stories en kommentaar en omstrede uitsprake as hulle rykdom gehad het. Ek kon my verluister na dit wat oorvertel is, hiér was die ware aksie, nie iewers onder ’n boom met speelgoed nie. My ouers en ooms en tannies het nie geglo dat dit die regte gedrag vir ’n vatbare kind was nie. Maar Ouma het anders gedink, wanneer ek daar gekuier het, het sy my orals saamgeneem. Op ’n dag het ons mooi aangetrek en Oupa het ons gaan aflaai voor…

Baie geluk, SARIE, dat jy steeds relevant is. Daar is niks so goed soos jou huis- en hartstaal nie. Vroue wat 50 raak, voel dikwels onsigbaar. Om op 70 met soveel swier te verskyn gee ons hoopDoreen Die spreekwoord lui: “At sixty your broad mind and narrow waist have traded places.” Wanneer Doreen Morris met haar skooldogter-middel in ’n swart-engroen gedrukte kente-rok en Miss Moneypenny-halssnoer haar verskyning by die Kompanjiestuin in Kaapstad se koffieplek maak, bewys sy die stelling verkeerd. Dit is veral duidelik wanneer sy oor ’n glas water, in perfekte Afrikaans, oor haar televisieloopbaan van die afgelope 35 jaar gesels. Sy is pure Afrika-sjiek met haar hoë bolla, sterk wangbene, bokkie-oë en romerige, koffiekleurige vel wat sy saans ná badtyd met Vaseline bevog. Haar vingers is lank, soos…

Parys, Londen en Milaan was haar speelplek. Tanya Fourie was een van ’n handvol plaaslike modelle wat “supermodel” agter haar naam kon skryf. Sedertdien het sy glansvoorblaaie en ontwerpersklere vir “gryswater, modder en Wellingtons” verruil op haar gemeenskapsplaas Anna Beulah in Durbanville. “Ek het verskeie sakeondernemings gehad, maar nooit gedink ek sal op ’n plaas land nie. My talle reise het my egter geleer hoe lekker dié soort plek is: Hier kan jy die betonoerwoud agterlaat, ekogroente in seisoen pluk, jou hand aan pottebakkery waag en by die deli eet. Toe ek dit koop, het hulle gesê daar is nie water nie. Goed, ek wil tog nie boer nie. Toe volg tweehonderd olyfbome, nóg ’n paar honderd en daarna kom die water . . . Soos ’n skoon doek waarop…

SARIE is vanjaar 70 jaar oud, maar min mense weet dat sy eintlik ’n voorloper gehad het, wat reeds 100 jaar gelede Afrikanervroue ingelig het oor modes, gesondheid, boeke en skoonheid . . . selfs sywurms, bye en hoenderboerdery. Die Boerevrou (of “Die Vroutjie”, soos sy gou onder lesers bekend geraak het) is in Maart 1919 deur Mabel Malherbe gestig – sy wou vroue inlig, lei en blootstel aan invloede wat hul lewens kon verryk. Die Boerevrou was die eerste Afrikaanse vrouetydskrif, en tot dit in Desember 1931 gestaak is, die énigste. Dr. Jeanette van Rensburg, kultuurhistorikus van Pretoria, was dadelik gefassineer toe sy in 2007 (danksy ’n vriendin) op ’n versameling van dié byna vergete tydskrif in die Nasionaal Kultuurhistoriese en Opelugmuseum in Pretoria afgekom het. Sy het in…

Dit was iets waaroor drome gedroom is. Gekoester soos ’n stukkie goud – rooigoud kan jy maar sê Jy sou jou kosbaarste ruil – rugbytoetskaartjies om die Bokke in aksie te sien of ’n sakkie met jou beste eiegemaakte biltong. Dalk sommer nog albei, net vir ’n bottel of twee van dáárdie wyn. Die een waarvan die samestelling glo ’n geheim was en mense sonder ophou laat wonder en gons het. Die een wat elke Suid-Afrikaanse wynliefhebber van gewéét het, maar waarop hulle nie sonder ’n blink plan hul hande kon lê nie. Al raad vir dié tameletjie, het my oom altyd gesê (of was dit eerder ’n opdrag?), was om agter ’n KWV-kwota aan te trou. Dán kon jy, en beter nog, die hele familie, die genot van “…

Sy was nog altyd ’n planmaker. Selfs wanneer sy geen uitweg kon sien nie, het sy uiteindelik dinge vermag wat sy nooit gedink het moontlik is nie. As klein dogtertjie op die vissersdorpie Paternoster aan die Weskus het Vivian Kleynhans op wasdag uit haar eie vroeg opgestaan en die sinkbaddens gaan volmaak sodat haar ma nie water hoef aan te dra nie. Later, skaars 18, was sy aanvanklik “verlam” van skok toe die eerste hou van haar man haar tref. Vir jare daarna het sy vasgevang gevoel, maar sy het mettertyd haar uitkoms beplan, in die geheim vir matriek begin leer, ’n kantoorwerkie bewimpel – ’n treetjie nader aan onafhanklikheid. En toe sy ’n paar dekades later die wynbedryf betree en haar vasloop teen een ná die ander struikelblok –…

Waar woon jy? Ek en my man, Dolf, woon tans in die Kaaimanseilande, wat bestaan uit Groot-Kaaiman, Kaaiman-Brac en Klein-Kaaiman. Brac en Klein-Kaaiman het merendeels net verblyf vir toeriste en basiese infrastruktuur. Groot-Kaaiman, waar ons woon, is die grootste en ons het meer infrastruktuur met besighede, winkels en selfs ’n bioskoop. Hoe lank is julle al daar? Ons het in Desember 2016 hierheen verhuis. Watter werk doen jy? Ek is ’n arbeidsterapeut by ’n private praktyk op die eiland wat spesialiseer in pediatrie. My man is ’n geoktrooieerde rekenmeester vir PwC. Hier is geweldig baie finansiële poste omdat geen belasting op die eiland gehef word nie en dus is dit voordelig vir besighede om hier te registreer. Die eiland is besig om te ontwikkel en hier is dus iets vir…

#1 ROOI LIPPE TOE Die geskiedenis het keer op keer gewys hoeveel krag en emosie in rooi lipstiffie opgesluit is. Tydens die oorlog in die jare veertig is Britse en Amerikaanse vroue aangemoedig om rooi lipstiffie te dra as ’n manier om hulself en die samelewing te bemagtig en aan te spoor. Dié vurige kleur was so gewild teen die tyd dat die eerste Sarie Marais op 6 Julie 1949 verskyn het dat tot negentig persent van vroue in Amerika en Brittanje daagliks rooi lipstiffie gedra het. Suid-Afrika se modebewuste vroue van die tyd was geen uitsondering nie. ’n Volronde, gedefinieerde mond is deur plaaslike vroue nagestreef en Sarie Marais se eerste skoonheidsblaaie was gevul met raad en slim truuks oor hoe om lippe mooi te omlyn en ’n perfekte…

FATIMA DE ABREU SARIE-leser, Vanderbijlpark Liewe SARIE, jy het deur die jare saam met ons vroue gestap. Jy was altyd relevant met inspirasie en raad vir elke aspek van ons lewe. Ek, my ma en my dogter wens jou alles wat mooi is toe vir die toekoms. LETITIA PRINSLOO Hoof van The Institute of Culinary Arts (ICA) Hoe lekker is dit dat ons hier by die ICA kan sê Herman van SARIE het eens op ’n tyd deur ons kombuis gestap met ’n hart vol drome. Ons is trots om ons oudstudent met SARIE te deel! YOLANI ABRAHAMS SARIE Voorbladgesig 2017 Ek het altyd twee of drie keer gedink voor ek ’n uitdaging aanvaar het, maar ná SARIE Voorbladgesig het ek meer guts om dinge aan te pak. Nou wil…

Veertig was die begin van die beste hoofstuk van haar lewe. Dít weet die bekroonde aktrise Rolanda Marais (41). Sy voel beter oor haarself as ooit tevore. In haar wildste drome het sy nie kon droom sy sou eendag met akteurs soos Sandra Prinsloo, Anna-Mart van der Merwe en Marius Weyers saamwerk nie, sê sy. Haar man, die regisseur Jozua Malherbe, is een van haar “grootste cheerleaders”, terwyl sy as jongeling gedink het sy gaan moontlik “’n enkellopende cat lady bly”. “Ek voel soos ’n goeie ma vir ons tweejarige dogtertjie, Charlotte, dalk omdat ek ouer en wyser is.” En sy is dankbaar oor hul verhuising van Johannesburg na Kaapstad, sodat Charlotte gereeld by haar oupa en ouma kan kuier. Gaan ook na…

Die afstand wat jy tussen jouself en ander plaas, is ’n fyn uitgewerkte dansMichael Graziano Die grensmure van persoonlike ruimte verskuifJoe Biden Megaster Beyoncé en voormalige Amerikaanse visepresident Joe Biden het hulself onlangs aan teenoorgestelde pole van ’n vurige debat oor persoonlike ruimte bevind – en dít terwyl die sosiale media die stuipe wou kry oor die vraag “hoe naby is te naby”. Dit het alles gegaan oor die konsep van ’n “persoonlike bobbel” – oftewel jou beskermende ruimte, byna soos ’n tweede vel – teen die agtergrond van die #MeToo-beweging. Twee onverwante voorvalle het dié onwaarskynlike duo die onderwerp van praatjies by die teetrollie gemaak. Beyoncé is by die NAACP Image-toekennings as “kunstenaar van die jaar” bekroon, maar ’n skynbaar misplaaste soen het haar bewonderaars behoorlik die josie in…

As jy jouself afskeep, gaan jy beslis nie die energie hê om na ander mense om te sien nie. Jy moet jouself ook ’n prioriteit maak, sê Cornelia. Doen dit só: Eet gesond, kry genoeg oefening en slaap genoeg sodat jy spanning beter kan hanteer. Asemhalingsoefeninge, joga of terapie kan ’n goeie uitlaatklep wees. Leer om nee te sê en hulp te vra wanneer nodig. Dit is noodsaaklik om jouself te laat geld wanneer jy onder soveel druk verkeer. Leef in die oomblik. Dit is baie meer werd om 15 minute van jou volle aandag aan ’n geliefde af te staan as om met verdeelde aandag ure saam deur te bring. Ruim tyd in vir jouself. Gesels met ’n vriendin oor al die balle wat jy in die lug moet…

A @home 0860 834 834 www.home.co.za American Swiss 021 938 1943 www.americanswiss.co.za Anél Botha 072 435 5351 www.anelbotha.com Arthur Kaplan 011 622 9013 www.arthurkaplan.co.za B Black Betty 071 672 6856 www.blackbettydesign.com ByCARA www.bycara.co.za C Cotton On 011 268 3700 www.cottonon.com/za D De Nagmaal 082 650 7390 www.jonkmanshof.cominfo@jonkmanshof.co.za E ERRE 084 588 1501 www.erre-fashion.com G Gert-Johan Coetzee 011 782 4856 www.gertjohancoetzee.com H HAUS by Hertex 0860 437 839 www.hertex.co.za H&M 0860 690 707 www.hm.com/za K K Crystals www.kcrystals.net K.Light Import 011 312 1247, 021 552 4370 www.klight.co.za KLûK CGDT 083 377 7780 www.klukcgdt.com L Lovisa 021 551 1051, 011 463 1733 M Marianne Fassler 011 646 8387 www.leopardfrock.co.za MRP Home 0800 212 535 www.mrphome.com P Poetry 0860 555 529 www.poetrystores.co.za S Shimansky 011 784 6388, 021 421 2788 www.shimansky.co.za Stefania Morland…

Bridge of Clay , Markus Zusak (Doubleday, R365) Van die vyf Dunbarbroers is Matthew die verteller van hul verhaal. Hoe hulle nadat hul ma, Penny, oorlede is en hul pa weggeloop het, alleen in ’n huis sonder reëls of toesig grootgeword het. Die vyf van hulle aangewese op mekaar om huis en haard bymekaar te hou. Dan is daar hul diere wat die leemte in hul harte moet vul: ’n muil, ’n hond, ’n kat en ’n duif. Al die broers woeker tussen die blaaie van die boek, maar dis om Clay wat die kern gebou is. Hy is die brug wat al die gebeure met mekaar verbind, maar die sement is die verhale wat Penny altyd vir hulle vertel het. ’n Sterk tema van die afwesige pa word ook…

Kringe in ’n bos (1984) was Dalene Matthee se eerste roman oor die Knysna-bos, die uitwissing van sy olifante en die uitbuiting van die houtkappers. Die ander “bosboeke” is Fiela se kind, Moerbeibos en Toorbos. Haar boeke is in 14 tale vertaal, waaronder ook Hebreeus en Yslands! Dit was meer as ’n dekade vir skole voorgeskryf, en sommige gebruik dit nog in graad elf. In die eerste vyf maande is 55 000 eksemplare van Fiela se kind verkoop. Daar was al 26 herdrukke met verkope op 127 000. In ’n landwye peiling in 1999 waarby 350 biblioteke betrek is, is dit as Afrikaanse boek van die eeu aangewys. En in 2007 was dit een van drie Afrikaanse boeke wat Exclusive Books se lys 101 Books To Read Before You Die…

Daar is ’n ding waarvan ek glad nie hou nie. ’n Sinnelose geskenk. ’n Sinnelose geskenk is ’n ding wat gekoop word sonder ’n enkele gedagte aan die ontvanger daarvan se geaardheid, haar wense, haar behoeftes. Daar ís mense wat op hierdie manier geskenke koop. Solank iets, enigiets, gekoop is en in blink papier toegedraai is, dan is alles finish en klaar en het jy jou plig netjies nagekom. En, dink die gewers van sinnelose geskenke, hoe duurder die geskenk is, hoe beter. Nogal nié. Die regte, presies die regte geskenk, is meermale nié die duurste ding in die winkel nie. Wonderbaarlik genoeg kos die heel beste geskenke dikwels nie eens een sent nie. Soos die keer toe ’n vriendin vir my gesê het haar geskenk aan my gaan nie…