Indholdsfortegnelse for October 2019 i SARIE

Modern en mooi – Voorbladmooi – ís sy. Maar jy sien ook stilte en empatie. En ’n lus vir die lewe, om die wêreld te oorwin. Dis Schané se eintlike mooi . . . Michélle van Breda…

‘Ek kan net 100% ek wees. Dis my sterk punt’ Gebore en bly Alberton Matriek Hoërskool Marais Viljoen, Alberton Beste fliek Stick It oor gimnastiek “Dit praat met my hart” Beste webtuiste Takealot vir “enigiets onder die son en binne twee dae is dit op jou voorstoep” Inkopies “Ek’s ’n sucker vir ’n winskopie” Afspraakwebtuistes “Só dapper is ek nie” Kinders “Eendag, ja! Ek’s peetma van twee seuns en oneindig lief vir hulle” Lees of bungee “Die buitelewe maak my gelukkig”; “Ek lees graag, maar ek moet inligting vinnig kan kry en verwerk” Wen-gedagtes “Doen opreg moeite met familie en vriende. En ja, wees dankbaar” Schané Venter, ons 11de Voorbladgesigwenner in SARIE se 70ste jaar! Sy is ’n go-getter, mode-fanatikus en oud-gimnas. En waar chaos heers, daar wil sy orde…

“Met geen man in sig nie, het ek besluit om my enkels van ’n vervelige lewe te red . . . deur te veel pare Jimmy Choos te koop,” verklaar modeslaaf Sarah Jessica Parker as Carrie Bradshaw in Sex and the City. ’n Sentiment wat deur baie skoenslawe (vroue én mans) gedeel word. Die sexy snit, modieuse ontwerpe en Italiaanse vakmanskap raak ’n snaar by gesofistikeerde modebewustes aan. Jimmy Choo is waarskynlik bekender as enige ander skoen-modenaam. Dermate dat dit ’n kultusstatus verwerf het en gereeld in sepies, flieks en talle popliedjies genoem word. Soos einste Carrie se Aspoester-oomblik in die derde reeks van die gewilde TV-drama. Sy hardloop vir die veerboot, haar pers-en-blou geveerde skoen trek doer en sy roep uit: “I lost my Choo!” Terwyl die Suid-Afrikaanse sosiale…

Netbal SA het besluit om hand in eie boesem te steek en self iets te doen om die spelers geleenthede te gee, sê Blanche de la Guerre, uitvoerende hoof. Hulle het dus doelwitte gestel en stelselmatig daarnatoe gewerk. Sowat 90% van die Proteas het studeer, maar beoefen nie ’n beroep nie, want die sport op daardie vlak se vereistes is net te veel. “Ons hét die spelers, maar hulle moet hul vaardighede kan slyp, kans kry om hulself te verbeter.” Dus het die eerste semi-professionele netbaltoernooi in SA (ook in Afrika) in 2014 tot stand gekom, met Brutal Fruit (’n filiaal van SA Brouerye) as borg. Telkom het vanjaar die borgskap oorgeneem. Al die wedstryde word regstreeks op SuperSport uitgesaai en vanweë die blootstelling kry ons spelers uitnodigings na lande…

Hoe het jy in Switserland beland? Ek en my man, Wilhelm, was altyd oop om oorsee te gaan werk, maar hierdie het toevallig op ons pad gekom. Wat aanvanklik ’n tweejaarplan was, het verander in ’n tienjaar-plus-plan. Ons woon op die dorpie Walchwil en werk albei as geoktrooieerde rekenmeesters in Zug. Ek werk net vier dae ’n week en Vrydae spandeer ek tyd saam met my kinders. Dit is baie algemeen hier en veral vroue met kinders het ’n 80%-werksweek. Wat doen julle vir pret? In die somer raak dit soms so warm soos in Durban en gaan die son eers rondom tienuur onder, dan is almal langs die Zug-meer. Ons braai graag langs die water of geniet ’n Aperol Spritz in een van die vele restaurante aan die waterkant.…

TREND #3 VALLE Wees sorgeloos soos ’n jong meisie met valle. Vir ’n vroulike en romantiese voorkoms in die nuwe seisoen, wees op die uitkyk vir rompe, rokke en bloese met dié detail. TREND #4 BOERINBLOES Die “farmer’s blouse” – die naam klink dalk nie glansryk nie, maar die sensuele, sagte bloes spreek van onberispelike luuksheid. Detail op die moue en ’n hoë neklyn is waarvoor jy veral moet uitkyk. TREND #5 VOLHOUBAARHEID Die reuse-wêreldbevolking en die mededinging om hulpbronne put die aarde uit. Daarom is daar in die modewêreld ’n oproep om meer volbaarheid. Navorsing word veral gedoen om meer volhoubare tekstiele te ontwerp, terwyl ou mode-items herwin en in nuwe tekstiele gebruik word. Voorbeelde is die gebruik van pynappelleer (piñatex), wat gemaak word van die blare van pynappels,…

2009 Ná jare in die skoonheidsbedryf besluit SA entrepreneur Carina Franck om haar eie produkreeks geïnspireer deur Afrika en die Kalahari te skep. 2010 Die maatskappy begin die Kalahari-opheffingsprogram, wat onder meer behels dat kinders in klein gemeenskappe in die Kalahari daagliks kos en ’n opvoeding kry. Vir elke produk wat verkoop word, word ’n deel van die opbrengs teruggeploeg in dié gemeenskappe. 2018 Die Ferulic CEB+ Serum word bekend gestel en is tans een van Kalahari se topverkopers. Die gekonsentreerde formule bevat hope antioksidante om jou vel teen daaglikse aanslae te beskerm en verbeter die tekstuur dramaties. 2019 Weg met plastiek! Kalahari begin hul #BeExSTRAWdinaryveldtog met ’n roosgoue strooitjie (R92) van vlekvrye staal ter ondersteuning van ’n gesonder aarde. ’n Deel van die opbrengs gaan vir liefdadigheid. 2019 Vandag…

Jy wéét jy kan die werk doen, maar vir die soveelste keer doen jy nie aansoek om die pos nie. En ’n liggewig word bo jou aangestel. Die tyd is nooit “reg” vir daardie belangrike sprong nie, daardie droom wat vir jou vreugde kan gee . . . en jy bly onvervuld. Ná ’n lang stryd om te verslank begin jy komplimente kry soos jy jou doelgewig nader, maar nou eet jy weer sonder brieke . . . en die skaal se naald klim. Só saboteer jy jouself keer op keer. Kliniese sielkundige Leandri Beyers van Irene, Centurion, sê haar kliënte beskryf hul selfsabotasie dikwels só: “Ek voel asof ek my eie grootste vyand is. Ek staan in der waarheid in my eie pad.” En die ergste van alles is…

Gestel jy gee pal al jou geld uit, al is jy in die skuld. Jy glo dus: “Ek kan nie met geld werk nie, ek sal nooit finansieel goed vaar nie.” Skep nou ’n nuwe denkpatroon: Kry bewyse (dink!) van kere dat jy wel goed met geld gewerk het. Sê dit hardop. Hoe meer, hoe beter. Gaan oor tot aksie. Hoe tree iemand op wat goed met geld werk? Begin só optree. Vra jouself voor elke aankoop af: Sal iemand wat goed is met geld dié item koop of eerder die geld spaar? Sal hy sy hele salaris op luukshede uitgee, of eers ’n begroting opstel? Hou pal daardie persoon in gedagte. Hou dit eenvoudig. As jy wil verslank, is ’n uithonger-dieet nie volhoubaar nie. Vra eerder: Sal ’n maer…

Ringe met gesertifiseerde kristalle Ringe van K. Crystals Online word van topgehalte-925-sterlingsilwer en Swarovski Elements-kristalle gemaak. Die reeks word in ’n Swarovski-goedgekeurde fabriek in Praag in die Tsjeggiese Republiek vervaardig, en elke stuk het ’n sertifikaat met ’n Swarovskikodebewysnommer. Buiten treffend, is die ringe uiters bekostigbaar. Prys: R495 elk. www.kcrystals.net Mooi soos marmer Voeg tydlose weelde by jou ruimtes met Caesarstone se nuwe reeks marmergeïnspireerde oppervlakke. Die oppervlakke het die voorkoms en prag van marmer, maar is van duursame, nieporeuse kwarts gemaak. Geniet ’n leeftyd van styl en die gerief van maklike skoonmaak met ’n produk met ’n lewenslange waarborg.Caesarstone.co.za Slaap gerus Protect-A-Bed se Luxurymatrasbeskermer bied luuksheid en gemoedsrus terwyl jy slaap. Die sygladde Tencel-oppervlak is ideaal vir mense met ’n sensitiewe vel. Dit absorbeer vog vinniger as katoen sodat…

Hekel en word heel , Nadia de Kock en Hilda Steyn (Lapa Uitgewers, R295) Die inspirerende boek het my dadelik teruggevoer na kindertydkuiers op die plaas. Ouma het geglo dat ledige hande net wag om duiwelswerk te doen. Daarom moes ek leer hekel wanneer ons na radiostories geluister het. In hierdie boek vertel 21 vroue hoe hekel ’n reddingsboei in die storms van die lewe geword het. Mishandeling, dwelmverslaafde kinders, alkoholis-eggenote en -pa’s, siekte, depressie, om troeteldiere of kinders aan die dood te moet afstaan . . . My hart is geroer deur Carike wat vertel van haar dogter Maike se leukemiebehandeling in die hospitaal. Sy sit by Maike “van halfnege soggens tot saans laat. [My] kop raas en ek is bang. Die hekelpen hou my besig en ek…

’n Jaar of wat gelede besoek ’n man en vrou my. Hulle stel hulself bekend, hulle gaan in die nabye toekoms my naasbure wees. O, sê ek, ek is nie bewus van ’n huis wat te koop was nie? Nee, hulle het nie ’n huis gekoop nie, hulle gaan bou. Binnekort. Op die leë erf nie te ver van ons nie. Hulle is hier om by voorbaat verskoning te vra vir die ongerief wat die bouery gaan meebring. Oulike mense. En baie bedagsaam, dié toekomstige bure, ek waardeer hul besoek, al dink ek met ’n bietjie van ’n sinkende hart aan dit wat alles met ’n bouery gepaard gaan. Ons ruil telefoonnommers uit, en daar gaan my toekomstige bure, sterre in die oë oor die huis van hul drome wat…

Verjaardag, Vrouemaand, heerlike lente, Voorbladgesig. Só verloop elke Julie, Augustus, September en Oktober vir ons. Besige maande waarin ons SARIE vier, SA se merkwaardige vroue eer en die koms van ’n nuwe seisoen geniet. Én stap vir stap meemaak hoe ’n leser die Oktober-voorblad vir haarself toeeien. Dis dan dat ons as redaksie terugsit en dink: Ons het julle (die wêreld) mos gesê! Ons blydskap oor ’n leser op die voorblad ken geen perke nie. Dit vul ons met trots, want daardie enkele foto verklap met die eerste ontmoeting op die rak (of die digitale skerm) wie SARIE werklik is. Wat ons hart is. Wie se stories ons vertel en waar ons inspirasie vandaan kom. Dat hierdie leser die selfvertroue en flair het om ’n wenner óók op ’n voorblad…

Die Top-10 is tydens hul voorbladreis bekend gestel aan bederfprodukte van ons borge, Jimmy Choo Parfums, die Isa Carstens Akademie, INOAR en Kalahari. Voor hul groot fotosessie het al tien by die Isa Carstens Akademie op Stellenbosch ’n velanalise en behandeling spesifiek vir hul vel ontvang. Elkeen se hare is deur INOAR fotogereed versorg vir blink kleur en tekstuur. Ná die opwinding van die foto’s is elk deur Kalahari by die Cape Grace Hotel met spa-behandelings bederf. Alles aan die voet van Tafelberg in Kaapstad, ’n eerste vir SARIE Voorbladgesig!…

Wat sover maak jou opgewonde oor jou jaar as Mnr. SA? Ek het nou ’n platform waardeur ek mense kan bereik, ek kan voltyds aandag gee aan my organisasie UpcycleSA en ek kan kinders met ’n storie soos myne inspireer. Hoekom het jy vir Mnr. SA ingeskryf? My mentor, Dieter Voigt [Mnr. SA 2007], het my in my matriekjaar by ’n geleentheid genader en gesê met my storie gaan ek ander se lewe inspireer en aanraak. I have what it takes. ’n Saadjie is toe net daar geplant. Ek het besef ek kan met my storie vir mense sê: Maak nie saak waar jy vandaan kom nie, jy kan ’n verskil maak en jy mag droom. En toe word jy op 8 Junie 2019 gekroon. Ek het nou nog nie…

“Ons is lief vir julle. Wen!” sê WILLEM MINNAAR (6) van Pretoria vir sy geliefde Bokspan. In sy Boktrui en met sy rugbybal onder die arm sal hy uit volle bors Nkosi Sikelel’ iAfrika sing en is hy gereed wanneer die Bokke in Japan op die veld uitdraf. Hy sal skree vir Handré, Siya, Faf, Jesse en Beast. En hy’t raad: “As julle naby die pale is en dis gelykop en julle speel nog 10 minute aan elke kant . . . drop-kick, Bokke!” * Sien Willem se Bokboodskappe op SARIE.com…

TREND #21 LUUKS Parfuum In ons gejaagde, tegnologiese wêreld van fast fashion en massaproduksie is daar onder verbruikers ’n ál groter behoefte aan luuksheid, sê Nicola Cooper, senior tendensanalis van Kaapstad. “Mense wil spesiaal en goed oor hulself voel. Daarom word klem geplaas op kwaliteit bo kwantiteit en produkte wat bv. vir ’n beperkte tyd beskikbaar is, ’n storie vertel en ’n gevoel van bederf ontlok.” Een van die beste maniere om ’n tikkie luuksheid in jou lewe te blaas is met ’n nuwe parfuum. Volgens Technavio, ’n internasionale marknavorsingsmaatskappy, groei die gewildheid van luukse parfuums wêreldwyd onder vroue én mans, selfs in ontwikkelende lande. Dit is omdat die dra van parfuum ’n ervaring is wat selde vergeet word en ’n blywende indruk laat. Omdat geur en emosie so nou…

Moeder Natuur vul haar met nuwe energie. Want as jy heeldag in ’n radio-ateljee is, smag jou siel na “asemhaal”, sê Zoë Brown, gewese aanbieder op die SABC3-ontbytprogram Expresso en deesdae omroeper by die Kaapse radiostasie KFM. Zoë, ’n spesiale ambassadeur van Tuindag vanjaar, verken graag die voetslaanpaaie teen Tafelberg. Op skool was sy juis haar pa se regterhand in hul tuin in Kuilsrivier. Sy het help onkruid uittrek en leer gras sny. Om te woel in die grond, met die reuk van gras en blomme, was vir haar pret. By haar woonplek in Kaapstad het sy nie ’n tuin nie, maar dit keer haar nie om bosse gekleurde madeliefies – “oranje, pienk, groen en geel” – te koop nie. En ’n potplant in die huis, maak nie saak watter…

Soms is jy onbewus daarvan dat jy jouself saboteer omdat dit al so deel van jou optrede geword het. Dís die tekens: Selfkritiek. Dis dikwels ’n manier om jouself te “beskerm”. As jy jouself afkraak, versag dit die kritiek wat moontlik van ander mense kan kom, sê Leandri. Dit beperk jou en wat jy kan bereik. Jy gee altyd ander mense die erkenning of maak jou prestasies af as niks. En verwar dit met nederigheid. Jy aanvaar nie hulp nie, al het jy dit nodig, sê Leandri. Jou man bied byvoorbeeld aan om te help om na jul kinders om te sien. Maar jy voel jou beeld (identiteit) as ’n “goeie ma” is in gedrang, daarom doen jy alles self. Maar jy kan nie by alles uitkom nie, jy is…

A  100% Design South Africa www.100percentdesign.co.za Aldo 012 369 8500, 021 914 2824 www.aldoshoes.com/za B  Black Betty 071 672 6856 www.blackbettydesign.com Block & Chisel 010 593 9308, 021 726 3131, 021 712 5193 www.blockandchisel.co.za byCara www.bycara.co.za C  Caesarstone www.caesarstone.co.za Cotton On 011 268 3700 www.cottonon.com/za Country Road 0860 022 002 www.woolworths.co.za D  Desray 021 448 2887 www.desray.co.za Dreamweaver Studios www.dreamweaverstudios.co.za Due South Escapes 021 938 7666, 0860 576 576 www.duesouthescapes.co.za E  Europa Art 011 455 0917 www.europaart.co.za F  famke 021 461 4911, 076 143 5635 www.famke.co.za Forever New 012 643 0288, 021 914 2376 www.forevernew.co.za G  Guess 0871 502 220 www.guess.co.za H  Habits 021 671 7330 www.habits.co.za H&M 0860 690 707 www.hm.com/za I  Ida-Elsjé 021 424 1101 www.idaelsjejewellery.com J Jenna Clifford 011 523 6600 www.jennaclifford.com K  Kare www.kare-johannesburg.co.za Kubili House…

Kaal gestroop voor die spieël sê ek jou reeds jare lank dag Uit die gedig “Vriend Weliswaar” deur Pirow Bekker in Atlas teen die vergeet (Protea Boekhuis, R150) Sterboek My African Conquest, Cape to Cairo at 80 Julia Albu (Jonathan Ball, R260) Dit wil gedoen wees. Julia Albu was 80 jaar oud toe sy met haar 20 jaar oue Toyota Conquest van Kaapstad na Kaïro, en daarvandaan na Londen gery het. Ja, jy lees reg. Dit was ’n impulsiewe besluit. Sy het geen ervaring of geld gehad nie, en kon ook nie daarin slaag om borgskappe te kry nie. “In the end, I decided to bumble along and do it on a shoestring and a prayer. It was just as well I had no idea of the enormity of the…

Het jy gehoor Lyn is ná werk beroof by die verkeerslig? Het jy gehoor Derrick is deur ’n verkeersbeampte afgepers vir kontant? Het jy gehoor Susan is deur twee polisiemanne – wie sal weet of hulle is of nie? – voorgekeer en gedwing om by ’n kitsbank alles te trek wat haar limiet toelaat? Het jy gehoor daar was weer ’n skietery in Amerika? Het jy gehoor hoeveel diere-spesies is aan die uitsterf ? Het jy gehoor hoeveel ongelukke is daar elke dag as gevolg van sinkgate? Het jy gehoor hoeveel dwelms is daar in die skole? Het jy gehoor van die mesaanvalle in Engeland? Het jy gehoor watse gemors Brexit is? Het jy gehoor hoe smelt die ys in Groenland? Het jy gehoor die reënwoude brand soos Rome? Het…

Om nie te ontspan nie, is háár ontspanning, sê Melissa Willering, wat die rol van Nina in die nuwe fliekweergawe van Fiela se kind vertolk. “Dit maak my rustig om heeldag hard te werk en besig te bly. Daarom sit ek op ’n Sondagmiddag en skryf dié stukkie vir SARIE, op die stowwerige stoep van my Lindenwoonstel met ’n cappuccino (uit ’n sakkie) en selfgebakte glutenvrye amandelkoek (uit ’n vooraf gemengde pakkie). Om toneel te speel is die een ding wat my help om al my stres te ontlaai. Dit maak my gelukkig om op stel in ’n karakter se skoene te klim.” En sodra sy sonder werk sit, wat maande lank kan wees omdat die bedryf só onseker is, dán stres sy. Die see, Bosveld, dit laat haar ontspan.…

Almal praat nou rugby en kyk Ooste toe, waar die rugbylande dinge in Japan om die Wêreldbeker uitspook. Maar ons het nie vergeet van Fifa se WB-toernooi vir vroue ’n paar maande gelede in Frankryk nie – met die Amerikaanse span wat die trofee die vierde keer omhoog gehou het. Die toernooi het alle verwagtinge oortref en die belangstelling was reusagtig. Sokkerliefhebbers het nie veel aanmoediging nodig gehad om te kyk nie. Met meer as 200 uitsaaiers teenwoordig en wedstryde wat in spitstyd-tydgleuwe uitgesaai is, het TV-rekords wêreldwyd gespat, onder meer in Frankryk, Amerika, Duitsland en China. Die lewendige belangstelling het meegebring dat adverteerders bereid was om hand in die sak te steek. Baie van die wedstryde het boonop vermaaklikheidswaarde gehad en wye debat op sosiale media ontlok. Van die…

SKOONHEID Die klem is op natuurlike skoonheid, maar ook om mekaar op te bou eerder as af te breek – ongeag jou voorkoms of voorkeure. Mense wys hul rekmerke op sosiale media, maar dis ook nie meer taboe om botox te kry of om in jou voorkoms te belê nie. Koreaanse skoonheidsprodukte is groot, maar al hoe meer plaaslike handelsname begin reekse ontwerp wat spesifiek vir Suid-Afrika se unieke klimaat gemaak is. DEKOR Mense koop minder eiendom, of eers baie later in hul lewe, en soek meubels en dekor wat saam met hulle kan groei. Modulêre, veeldoelige meubels is gewild, en dekor is veral in die New Yorkse loft-styl. Ons bring baie meer tyd in ons huise deur en wil ’n luukse omgewing skep: elegante meubels, ’n mengsel van verskillende…

MITE: OM HARE TE KLEUR VEROORSAAK ONHERSTELBARE SKADE  Baie vroue is huiwerig om hul hare permanent te kleur omdat hulle bang is dat die chemiese kleurproses onherstelbare skade sal aanrig. Maar kies jy ’n salon wat professionele produkte van gehalte gebruik, hoef jy nie bekommerd te wees nie. Om hare tegelyk te kleur én behandel is INOAR se unieke haarkleurformule verryk met arganolie in mikrokapsules. Soos wat die kleur aangewend word, bars die kapsules oop en penetreer hare om dit te herstel, intens te bevog en glans te gee, verduidelik Suzanne. Hierna kan jy jou nuutgekleurde hare versorg met tuisprodukte wat vog en voedingstowwe terugsit. INOAR is ’n borg van SARIE Voorbladgesig 2019 Essensiële vetsure in INOAR Argan Oil Treatment Oil (R560 vir 60 ml) werk uitstekend om hare te…

TREND #40 NOSTALGIES NÓÚ Nostalgie kom in verskeie vorms en elkeen se ervaring daarvan is anders. Een van die groot nuwe tendense is nou-stalgie (nowstalgia). Dit word beskryf as ’n gevoel wat jy nou ervaar en vasvang, omdat jy weet jy gaan jare van nou met nostalgie daaraan kan terugdink. As dit by kos kom, probeer al hoe meer restaurante ervarings skep wat jou laat hunker na gister, maar jou ook toelaat om die herinnering te koester vir die toekoms. Dis dus nie net ’n vlietende oomblik nie. Dink aan ou klassieke geregte uit jou ouma se kombuis, voorgesit op ’n manier wat emosie ontlok. Somer-spyskaart Drankie Komkommer-en-kruisement-bruisdrankie Voorgereg Moderne gevulde eiers Hoofgereg Bone-en-graanslaai met lemoensous Truffel-en-bokmelkkaas-brood Nagereg Peppermint Crisp-tert-roomys TREND #41 KLINK ’N GLAS Die dae van perfek gedekte…

Ek praat met my plantkinders! aktrise Mila Guy Daar’s Jakobus, Petrus, Thomas, Ferdie en ook Raphael, Amigo, Poncho, T-Rex, Sloopy . . . Aktrise Mila Guy se “kinders” lê haar na aan die hart – al 35 van hulle. Hulle vra nie veel nie – net die regte hoeveelheid son en water. By Mila kry hulle soveel meer: Sy stof af, vryf blink en gesels. Sy sê gereeld vir Lucille, haar eersteling (’n strelitzia) hoe oulik sy lyk! Haar “bamboes-plantkamer” in haar woonstel in Linden, Johannesburg, met van varings tot vetplante, is soos ’n klein oase waar jy net kan ontspan, vertel Mila, wat bekend is vir flieks soos Wonderlus en Liewe Kersfeesvader, asook die kykNET-komediereeks Hotel. “Ons bedryf is baie wisselvallig, soms het jy werk, soms nie. Dit kan…

1 Wees bewus van jou gedrag. 2 Probeer verstaan waarom dit gebeur. Reageer jy op aannames dat jy iets nie kán doen nie? Is daar iets wat in die pad staan van jou persoonlike waardes, of voel die taak of voorneme dalk net te groot en moeilik om baas te raak? 3 Identifiseer jou gedragspatrone. Gee aandag daaraan as jy skielik ontsteld raak of in ’n slegte bui verval. Probeer om vas te stel wat jou sneller is. Die ideale tyd om dit te doen is wanneer jy besig is met daardie gedrag. Let op jou innerlike redenasies. Skryf al die negatiewe selfpraatjies neer. 4 Sodra jy die gedagteproses geïdentifiseer het en weet wat die negatiewe gedrag is wat daarmee saamgaan, neem beheer deur bewustelik te kies om anders op…

Help jou kind om die vriendelike en toeganklike kinders uit te ken, en nooi hulle om te kom speel. Gesels met die onderwyser. As jy vermoed jou kind sukkel om maats te maak, deel jou bekommernisse met sy onderwyser en hoor hoe die personeel dit by die skool ervaar. Jou kind se sosiale kring hoef nie net uit skoolmaats te bestaan nie. Nooi die neefs en niggies gereeld oor, of sluit aan by ’n sport- of kultuurklub waar jou kind aan aktiwiteite kan deelneem waarin hy belangstel. Met ’n jonger kind kan julle saam aan sy sosiale vaardighede werk. Julle kan byvoorbeeld ’n toneelstuk skryf en opvoer, of dit met speelgoed uitbeeld. Probeer verskillende tonele, soos waar die karakters vriende maak, waar daar vir een gesê word hy mag nie…

Sommige dierekenners glo troeteldiere eet intuïtief plante volgens hul spesifieke medisinale waarde – dit wil sê, solank hulle verskeie plante het om van te kies. Groei ’n heilsame tuintjie vir Woef en Kiets, al is dit ook net ’n paar potte op ’n sonnige stoep. Melkdissel, goed vir lewerkwale Peperment vir naarheid en slegte spysvertering Die astragalus-kruid vir die verlaging van bloeddruk en bloedsuiker en verbetering van spysvertering Knoffelgras versterk die immuniteit. Versigtig, die knoffelhuisie self kan jou hond siek maak en is giftig vir katte, maar hulle kan knibbel aan die gras wat daaruit spruit as hulle so voel. Ook roosmaryn is goed vir immuniteit En wat is ’n troeteldier-vriendelike tuin sonder gras? Koop ’n hand vol grassaad by ’n gesondheidswinkel, saai in ’n pot en as dit begin…

Hoe kies jy waaroor jy gaan skryf? Gewoonlik trek iets my aandag. Dit kan koerantberigte wees, of ’n verhaal wat iemand my vertel, iets wat my verbeelding prikkel. Ek kan self nie vooraf voorspel wat my aandag gevange sal hou vir die tydsduur om ’n 80 000-woord-manuskrip te skryf nie. Hoe het jy Nicci se karakter geskep? Sy is heeltemal ’n produk van my verbeelding. Natuurlik leen jy mos maar sekere karaktertrekke by regte mense, maar die kombinasie van eienskappe wat Nicci uitmaak, is verbeeld. Ek geniet haar integriteit, en haar lojaliteit aan vriende. Sy probeer die regte ding doen, selfs al misluk dit by tye klaaglik. Wat was die vonk vir Jagter? Die situasie waaronder die Koerde in Iran en inderdaad in ander dele van die Midde-Ooste gebuk gaan.…

Om dit reg te kry moes Zephany Nurse hof toe gaan en vra dat die beskermingsbevel wat haar ware identiteit geheim hou, opgehef word – sodat sy die wêreld as Miché Solomon in die oë kan kyk. Sy is die baba wat op 28 April 1997 uit die Groote Schuur-hospitaal verdwyn het; nou, 22 jaar later, vertel sy haar verhaal aan skrywer Joanne Jowell in die boek Zephany. Twee ma’s. Een dogter. ’n Ongelooflike ware verhaal (Tafelberg, R260). Een oor hoe die wêreld vyf jaar gelede binne 24 uur vir ’n 17-jarige matriekmeisie donker geword het toe die uitslag van ’n DNS-toets bewys het dat sy wel die Zephany Nurse-baba is. “Die enigste mammie wat jy ooit geken het, word gearresteer . . .” Weg van haar grootmaak-familie, van Lavona…

Ek het dié oggend laat by die skool aangekom. Ek het ’n doktersafspraak gehad en moes daardie dag ook nog vir verbruikerstudie kook. Ek het al my goed skool toe gebring, reguit wiskundeklas toe gegaan en gaan sit. Ek het nog nie eens al my boeke uitgehaal nie toe die hoof, doktor De Bruyn, die klaskamer binnekom. Hy kyk na my en sê: “Juffrou Solomon, bring asseblief jou sakke en kom saam met my.” Ek het gedink, gits, wat het ek gedoen? Die jaar is nog jonk! Het hy my gesien stokkiesdraai by die tennisbane of iets? As jy in matriek is, moet jy ’n goeie voorbeeld vir die jonger grade stel, so dis nie ’n goeie ding om deur hom geroep te word nie. “Waaroor gaan dit? Wat het…