Indholdsfortegnelse for November 2019 i SARIE

Sowaar, al ’n elfde leser op SARIE se voorblad! Verlede maand het Schané Venter, ’n 27-jarige bedryfs- en logistieke bestuurder van Alberton, die Oktober-voorblad haar eie gemaak toe sy 2019 se SARIE Voorbladgesig-wedstryd gewen het. Dit was ’n “Oscar”-aand in die Kaap met Tafelberg en die stad se ligte op die agtergrond, en gaste van oral in die land. Onder andere vanjaar se tien Voorbladgesig-finaliste. Én die tien vroue wat sedert die begin van die wedstryd in 2011 dáárdie gesogte voorblad gewen het en die tydskrif se beste ambassadeurs is: Alrie Velleman (2011), Tana van Rooyen (2012), Marike Nel (2013), Monique Brits (2014), Carlize Earle (2015), Elmaré Schutte en Nicola Smit (hulle deel die titel in 2016), Nadia de Wet en Yolani Abrahams (hulle deel die titel in 2017) en…

Hanlie Welgemoed My absolute gunsteling met die allermooiste gelaatstrekke. Baie geluk, Schané Venter! Liezle Wiese Ek het sommer geweet jy gaan wen. Schané Venter, baie geluk. Ons Albertonners is so vrek trots op jou. Natasja van Heerden Baie geluk. Jy’t my geïnspireer met jou video. Dit het bo almal s’n uitgestaan en jy het innerlike beauty . . . Baie geluk! Katryn Kruger Pragtige voorblad en ’n selfs pragtiger inisiatief! #trots Marina Visser Toe ek na haar video kyk, het sy my bietjie aan Margaret Gardiner laat dink. Lizaan Groenewald Sy was al my keuse toe daar nog honderde gesigte was . . . well done, Schané!…

Soms word Christiaan Olwagen in die middel van die nag wakker en dink: Jis, ek is so mál oor wat ek doen. Hoe’t ek hier beland? Hy was drie jaar oud toe het hy al vir sy ma gesê hy wil eendag flieks maak. “The Little Mermaid is die heel eerste fliek wat ek gesien het. Ek onthou dit glashelder . . . hoe ek daar in die Sterland-teater in Pretoria gesit het. Ek was net gek oor movies,” vertel hy. Ons gesels in ’n koffiewinkel in Kaapstad, ’n week nadat sy jongste rolprent, Poppie Nongena, by die Silwerskermfees in Kampsbaai die gehoor op hul voete gehad het. Die fliek het 12 pryse gewen, die meeste nog vir flieks by dié fees. (Christiaan het die prys vir beste regisseur gewen,…

“Soveel paaie, soveel ompaaie; soveel keuses, soveel foute,” het Sarah Jessica Parker van Sex and the City-faam eenmaal opgemerk oor ’n ooraanbod van dinge om te koop. Is daar té veel om uit te kies, koop jy dikwels niks of skram van die ervaring weg. Jy voel oorweldig. Dit is waar die nuwerwetse kurators hul buiging kom maak – hulle help ons kies. Moet hulle egter nie verwar met die tradisionele kurators wat museumstukke versorg of kunsitems uitsoek vir uitstallings nie. “Kurator” kom van die Latynse woord “cura”, wat beteken “omsien na”. Dit was kort ná die aanbreek van die nuwe millennium wat die tendens van die kuratorskap van produkte (“curated consumption”) begin het – toe die wêreld interaktief geraak het. Die internet het ’n nuwe wêreld vir ons almal…

Sy wip-wip in haar pienk tutu en pirouette soos ’n petite Margot Fonteyn op die verhoog. In die kollig flits die blinkers op haar tiara. Sy lag asof die wêreld aan haar behoort. Twintig jaar later dans die einste “Margot” rond in die hof. Haar hare is nie meer in ’n bolla nie, wel in ’n sjiek Franse rol, en sy dra ’n stemmige swart snyerspakkie en hofskoene. Sy lyk heel gelukkig, haar lewe is ver verwyderd van pienk tutu’s en tiaras. Baie mense se stories verloop so. In sy boek U-Turn: What If You Woke Up One Morning and Realized You Were Living the Wrong Life? wys die Kanadees Bruce Grierson met nuwe navorsing die meeste mense weet op tien reeds wat hul talente is en dít beïnvloed hul…

Sy’s nog net 23 jaar oud, maar reeds is die talentvolle Zendaya Coleman ’n rolmodel op vele gebiede. Op 14 het die aktrise en sangeres naam gemaak as ’n Disney-ster, maar vinnig bewys dat sy haar skoene in Hollywood kan volstaan met rolle in trefferflieks soos Spider-Man: Homecoming en The Greatest Showman waarin sy sterk, bemagtigende karakters speel. Sy word ook beskou as ’n mode-voorloper en is verlede jaar deur die modeverkoper Net-a-Porter as een van die jaar se bes geklede vroue aangewys. Weg van die kollig is sy ’n kampvegter vir organisasies wat armoede en hongersnood beveg en op Instagram deel sy graag boodskappe van positiwiteit en aanvaarding met haar 60 miljoen volgelinge. Om alles te kroon is sy vanjaar as Lancôme se nuwe gesig gekies danksy die “jeugdige…

Partytjieparfuum Vier vandeesmaand jou glansryke, speelse sy met Jimmy Choo Illicit Flower (R1 395 vir 100 ml EDT). Die vroulike roos- en jasmynhart van die oorspronklike kry ’n nuwe kinkel danksy topnote van sappige appelkoos, vars geelnartjie en freesia. Intense sandelhout en muskus in die basis rond die geur af. 3 BESTE LYFWASSE 1. Die Shower to Shower Stay Fresh Body Wash Fresh Happiness (R40) is pH-gebalanseerd en stroop dus nie jou vel van water nie 2. Nivea Care Shower Lemongrass & Oil (R37) het ’n heerlike vars sitroengeur en bevat mikrokapsules gevul met strelende olies 3. As jy sukkel met ’n sensitiewe vel, probeer die seepvrye Eau Thermale Avène Trixera Nutrition Nutri-Fluid Cleanser (R180). By Dis-Chem en Clicks * Produkpryse is voorgestelde pryse en kan verskil van winkel tot…

Jou liggaam en vel vernuwe hulself snags wanneer jy slaap. Maar net soos ons natuurlike bioritmes ontwrig word deur die blou lig van ons digitale skerms, so raak jou velselle ook uit sinchronisasie met mekaar. Dit vertraag die natuurlike herstelproses en jou vel begin voortydig verouder. Die blou lig kan ook donker vlekke veroorsaak. Payot se Blue Techni Liss-reeks span kuisboomekstrak in om jou velselle se herstel op die regte tyd aan te wakker. Die dagroom Blue Techni Liss Jour (R765) vorm boonop ’n beskermende lagie op jou gesig wat blou strale blokkeer. By Dis-Chem en uitsoeksalonne Vir Winter 2019 was dit die slangvelpatroon; dié somer seëvier slang-juweliersware. Op internasionale rooi tapyte het sterre soos Charlize Theron (foto) en Miley Cyrus almal al geskitter met halssnoere en armbande wat soos…

Elmine en DW Nell se stoep, wat ’n verlenging van hul woonvertrek is, is ook hul geliefkoosde kuierplek (sien die res van hul huis op bl. 102-107). ’n Gesellige sitarea asook ’n etenstafel en stoele is permanent deel van die stoep. Teen die een muur is ’n ingeboude braai en na die regterkant ’n swembad. Die plasing van die stoep is so ontwerp dat dit beskut is teen die elemente. ’n Buiteblinding kan afgerol word om die stoep nog meer privaat te maak. ANITA HOU VAN ’n Gepoleerde vloer van beton is ’n goeie keuse vir ’n stoep. Dit skep ’n industriële voorkoms en is baie duursaam…

Gehalte, gemak en styl Sofaworx verstaan hoe belangrik dit is dat ’n bank mooi en luuks is. Hul personeel sal jou help om een te vind wat by jou styl pas en persoonlike gemak bied. Jy kan ook ’n bank in die lengte van jou keuse laat doelmaak, in verskeie soorte materiaal of leer. Besoek hul vertoonkamers vir ’n reeks komplementêre meubels en bybehore soos stoele, ottomans, koffietafels en spieëls. Vir meer: www.sofaworx.co.za Maklike reiniging Gebruik ’n gesiglappie wat spesifiek vir jou vel geformuleer is. Met die krag van die beskermende antioksidante in bio-aktiewe rooibos en natuurlike plantekstrakte reinig en bevog African Extracts Rooibos Facial Wipes jou vel en verwyder grimering in een stap. Dis parabeenvry, alkoholvry en veganistiesvriendelik. Beskikbaar in Spot Control (Deep Cleansing), Hydrating (Gentle), Sensitive (Mild), en…

woorde migreer en is veranderlik woorde verkleur Uit Marlise Joubert se gedig “woorde” in haar bundel Grondwater (Protea Boekhuis, R160) Sterboek The 12-Step-Mind-Body-Food Reset Jessica Sepel (Macmillan, R399) Toe die Suid-Afrikaans gebore Jessica Sepel sewe jaar oud was en op vakansie op Plettenbergbaai, het ’n onsensitiewe aanmerking oor haar lyf die koers van haar lewe verander. Haar lyf het ’n obsessie geword en sy het gefokus op maerwees. So erg dat sy aan ’n eetsteurnis gely het in haar tienerjare. Om gesond te word moes sy ’n kopskuif maak. Sy moes haar verhouding met kos verander en leer om lief te wees vir haar lyf. Vandag woon en werk sy in Australië as ’n voedingkundige met haar eie gesondheidsblog waarop sy mense motiveer om hul lewe te transformeer. In dié…

In Soekmekaar (Tafelberg, R270) skryf Dana nie net oor sy grootwordjare nie, maar hy vertel ook van ervarings saam met sy ma en pa, veral sy pa. Die transkripsie van ’n gesprek wat hy met sy pa gehad het op die aand van 5 Desember 2011, gee hy woord vir woord weer. In ander verhale vra hy op sy tipiese manier vrae oor Suid-Afrika en almal wat hier woon. Hy wonder oor onvervulde begeertes en verlore drome, oor die betekenis van die lewe. Dana skryf oor die kunstenaars Willem Pretorius en Walter Meyer, en die skrywer Karel Schoeman se oppassers, maar daar is ook gewone mense wat sy pad kruis. Die skrywer laat jou saam met hom op sy spore reis. Al is heelparty van sy herinneringe hartseer, stem dit…

Woord van die Maand #genade Genade is onverdiende guns, maar kan ook goedheid beteken. In ons gesprekke met boere in Ons Boere, Ons Inspirasie praat baie van #genade, al gaan dit swaar. ’n Bewys dat hulle altyd probeer vorentoe kyk, ’n silwer randjie sien. Dalk ook heel gepas die spreekwoord: Genade maak ’n plan, wat beteken as jy hard probeer, kry jy uiteindelik ’n plan. So aan die einde van ’n jaar kan ons almal doen met #genade; sagter wees met ander, maar ook onsself.…

WAT SOU SY VANDAG SÊ? So 50 jaar gelede het ek soos ’n indringerplant myself in uitgelese geselskap bevind. My ma het elke nou en dan ’n stapel Sarie Marais-tydskrifte van die wit vrou by wie sy gewerk het vir my huis toe gebring. Dis hoe my liefde vir veral lees en mooi dinge gevorm is. Dis ook hoe ek leer brei het. Toe ek ontdek ek kan ’n patroon lees, het ek dadelik ’n mus gebrei. Op ’n dag het my ma ’n klomp bêreboekies huis toe gebring. Ek was nog op laerskool, maar ek het die mooiste kanttruitjie uit een van daardie boekies gebrei. Almal was verstom en ek moes vir almal brei. So het ek gebrei, gehekel, leer kook, koek bak en droom van plekke en mense.…

Twee keer per jaar word ek en my huishouding regeer deur paniek. Dis die week voor ’n groot openingsaand, die week wanneer opgewondenheid en ervaring vervang word deur vrees en twyfel. Op ’n tipiese dag hardloop ek en my bestuurder deur ’n groot winkel, ons is op soek na gom, linte, swart lap, iets wat ’n kraag kan regop hou, iets waarmee ’n lampskerm geverf kan word en pleisters vir my tone wat sterf teen die vierde vertoning. Ek hardloop om ’n rak en versteen. Verder af in die gangetjie is ’n vrou met ’n groot pers handsak en skoene met gestreepte blokhakke. Om haar kop is die klou van ’n reusagtige roofvoël. My bestuurder verskyn agter my. Hardloop, as daai ding my sien, gaan hy haar los, ek het…

Vreugdes: Katte, reis, my vriende. Beste en slegste eienskap: My ooraktiewe verbeelding. Ek is ook ’n emosionele mens, tot my voor- en nadeel. Wat laat jou lag? Mense laat my lag en huil. Ek het ’n redelike donker humorsin. Maak jy kos? Ja, ek het begin kook omdat ek bant. Banting gee my meer energie en ek is meer doeltreffend. Internasionale akteur? Annette Bening, Meryl Streep – en ek is obsessief oor Olivia Colman van The Favourite. Ook Phoebe Waller-Bridge van die TV-reeks Fleabag. Fliek? Ek het ’n hele lys, maar dit gaan net pretensieus klink. Tans Bicycle Thieves van Vittorio de Sica (1948). Weer daai fyn lyn tussen snaaks en hartseer.…

“Ek moes vanjaar afskeid neem van iemand oor wie ek baie mal was: Sy was soms naïef, soms stroopsoetspelerig en het baie keer toe-oë in ’n ding gestap. Want die liefde se musiek kan tog so verleidelik wees. Maar ek het besef sy loop met oogklappe deur die lewensavontuur, dat die onskuldige benadering haar al net te veel verdriet besorg het. “Daardie mens was ek – en vanjaar moes ek haar groet, want sy moes plek maak vir ’n meer realistiese weergawe. Die liefdespad loop nie altyd seepglad nie en ek moes leer daardie maanligaande en rooskleurige sonsondergange verdoesel ook doringdraadwerklikhede en seer. Wanneer jy verlief is, vergeet jy hoe broos jou hart eintlik is. En hoe ontsaglik seer dit maak wanneer die sprokie nie eindig met ‘vir altyd gelukkig’…

GIMNASIUM NA DANSVLOER Die sportiewe voorkoms is tans ’n groot tendens en jy kan dit vir ’n aandgeleentheid kombineer met ’n blinker-item. Reënbaadjie met kontraspanele (R579), Zara. Blinker-midirok (R2 299), Zara. Oorbelle met blommotief (R180), Lovisa. GROOTTES Baadjie: S – L Rok: S – L VORIGE BLAD PAK VIR DIE AAND Kikker jou werkspak op met ’n blinker-top en hakskoene en geniet ’n aand uit saam met jou kollegas. Ruitpatroon-snyersbaadjie (R4 599) met bypassende broek (R2 749), Tommy Hilfiger. Blinker-top (R579), Zara. Deursigtige plastiekskouersak (R2 749), Tommy Hilfiger. Hakskoene met luiperd-en-sebravelmotief (prys op aanvraag), Steve Madden. Hangoorbelle (R275), Lovisa. GROOTTES Baadjie: S – L Broek: S – L Top: S – L BLINKER-T-HEMP Wie’t gesê ’n T-hemp dra jy net in die dag? Saam met ’n formele romp is dit…

Die estetiese salongroep The Laser Beautique het onlangs ’n reeks interessante behandelings genaamd FaceFit bekend gestel. Die behandelings, wat wissel van 15 minute tot ’n uur, is ontwikkel om jou gesigspiere te definieer en verferm deur ’n kombinasie van masseringstegnieke, vingerdrukterapie en tegnologieë soos LED, infrarooi en radiofrekwensie te gebruik. Ek het die FaceFit Lunch Time Glow-behandeling ontvang. ’n Suig-toestel is liggies oor my hele gesig beweeg om bloedsirkulasie aan te wakker, gevolg deur ’n gesigmassering. Die terapeut het veral gefokus op my voorkop, bo my wenkbroue en rondom my kakebeen en ken omdat die spiere hier geneig is om styf te wees. Sy het ook die binnekant van my mond masseer om my wang- en lipspiere te versterk vir ’n plomper en fermer voorkoms. Laastens is ook ’n LED-masseringstoestel…

Elkeen se daaglikse haarroetine verskil. Só ook die skade wat jy jou hare aandoen. Die BC Fibre Clinix-behandeling van Schwarzkopf Professional bestaan uit twee basismengsels – een vir fyn en een vir growwer hare – wat die haarstruktuur van binne aanvul en versterk. By die basismengsel word ’n kombinasie van twee aktiewe konsentrate gevoeg om jóú unieke haarbehoeftes te behandel. Omdat my hare gekleur is en ek dit daagliks met hitte stileer, is die basismengsel vir fyn hare met die pH 4.5 Color- en Hyaluronic Moisture Booster-konsentrate gemeng om my hare weer glans te gee en intens te bevog. My hare is gewas en daarna is die mengsel in my hare ingemasseer en ná 10 minute uitgespoel. My hare was beslis sagter en meer glansend ná die tyd – my…

Ek eet wanneer die son skyn, maar so nou en dan sal ek myself met sjokolade bederfMichelle Visser ’n Stukkie droëwors, biltong of bevrore druiwe vir iets soetsYvonne Oosthuizen ’n Midnight snack is nie regtig in my woordeskat nie, maar as ek iets moet eet, is dit sjokoladeXandrie Oosthuizen WARM OKKERNEUTBROOD MET GRENADELLABOTTER Die geur van okkerneute lê my nog altyd na aan die hart. Voeg dit by meel en jy proe plaasbrood soos ouma s’n, maar met ’n kinkel uit die 20ste eeu. Wat is brood sonder botter? Ek gebruik grenadellapulp saam met die botter, dis byna asof die botter dan reeds konfyt bevat. Die soet en ’n bietjie suur is heerlik saam met die bitter van die neute. genoeg vir een 20 x 10 cm-brood GRENADELLABOTTER pulp van…

Dit was ’n jaar vol uitdagings en groei vir Lara Lourens, wat eersdaags in haar eerste TV-rol as die karakter Koekie de Kok in die Willie Esterhuizen-sitkom Huis Lelieveld te sien is. “Ek het ook my eerste politieke satire, Saving Azania, geskryf en die regie behartig.” Op die loopplank het sy gepronk vir die Performing Arts Lifestyle Institute (PALI) se jaarlikse modeparade in uitrustings van Jacques Bam en StoomPomp. En sy en haar kêrel, Kaz McFadden, het saamgewerk aan die kortfilm Hoe om ’n perd te teken, wat twee bekronings by die onlangse kykNET Silwerskermfees gekry het. Dit was Lara se eerste keer as produksiebestuurder en Kaz se debuut as regisseur. “Dit was ’n groot leerproses om te sien hoe ander die kreatiewe proses aanpak,” vertel sy. Sy reken een…

Jy het al op 15 by Kovsies se kampusradio uitgesaai. ’n Jaar later val jy toe in by OFM, die jongste aanbieder nog by ’n plaaslike kommersiële stasie. Is jy glad met die mond? In my laaste twee skooljare aan die Hoër Meisieskool Oranje in Bloemfontein het ek ’n vroegaandprogram by OFM aangebied. Ná veertien onbeskryflike jare by die radiostasie, waar ek alles – aktualiteit, sport, musiek – uitgesaai het, was ek ses jaar by Smile 90.4FM in die Moederstad. Ek’s skaam en versigtig en hou graag vergadering in my kop. Maar glo in die krag van die gesproke en geskrewe woord en dat radio mense se gedagtes positief kan beïnvloed. Ek glo ook ek het iets om te sê. Tans is jy by die Wes-Kaapse landboudepartement as die stem…

Geheimsinnigheid, verneukery, mishandeling . . . almal weet mos wat die simptome van ’n toksiese verhouding is. Maar dan is daar ook daardie baie subtiele gewoontes en gedrag wat dalk vir jou en jou maat normaal lyk, wat ook kan dui op die begin van ’n toksiese verhouding. Een teken, of selfs soms ’n paar tekens, beteken nie noodwendig jou verhouding is giftig nie (sien kassie op bl. 134), maar as dit gereeld in jou verhouding voorkom, en dit ’n patroon raak, moet julle dit aanroer voordat dit te laat is. Wees op die uitkyk vir dié sewe kwessies. 1 JULLE IS PASSIEFAGGRESSIEF Op die oppervlak lyk dit nie asof daar probleme is nie, want julle baklei skaars. Maar dit is eintlik omdat julle konflik vermy en daardie negatiewe emosies…

Het jy reeds die eerste keer wat jy by die tronk aangekom het, geweet jy gaan ’n storie skryf? My aanvanklike idee was net om my familielid te besoek. Ek het glad nie gedink ek gaan oor hulle skryf nie. Met “hulle” bedoel ek die bewaarders en ander mense wat ek daar raakgesien het tot so ná die derde of vierde besoek. Dis toe dat ek besef het ek het die ongelooflike behoefte om elke ding wat ek raaksien, neer te skryf. Jy kan nie ’n diktafoon of ’n potlood inneem nie, maar dit het my geweldig baie gehelp. Jou hare staan in elk geval regop as jy daar instap. Jy is so ingestel, jou sintuie so verskerp, dis nie moeilik om goed te onthou nie. Later het dit ’n…

En daar is sy toe weg, liggies, soos disseldons wat in die asem van ’n lugstroom wegdans. Hierdie merkwaardige mens, hierdie voortreflike vrou wat ’n leeftyd lank die anker van soveel mense was. My skoonma. En ek verloor een van my beste vriendinne. Ek luister dikwels na vroue as hulle oor hul skoonma praat. Daar is soveel afgryslike voorbeelde oor die gespanne verhouding tussen hierdie vroue wat dieselfde man as seun en as man liefhet, jy kan ’n dik boek volmaak wat die een ramp ná die ander vertel. Die bitterheid, die argwaan, die woede en ongeduld met mekaar, vermoed ek, is erger as in enige ander verhouding. Jou eie ma sal jy nog haar foute vergewe, maar jou skoonma? Nie sommer nie. En as die verhouding eers eenmaal skeefgetrek…

Charlotte Timms Die beste deel van SARIE Voorbladgesig is die nuwe vriendskappe wat gevorm is, elkeen van julle girls is uniek, pragtig binne en buite! Dankie, SARIE, vir hierdie onvergeetlike ervaring, ek sal dit altyd onthou! Leze Neale-May Wat ’n reis! Nou is dit back to reality . . . maar hoe gelukkig is ek om ’n realiteit te hê waar ek elke dag my droom kan leef met die liefde van my lewe aan my sy en my droomwerk kan geniet. Dankie aan al die borge wat ons van kop tot tone bederf het! Xandrie Oosthuizen SARIE, ek wil ook ’n verskil maak in ander se lewens, soos jy in myne het! Danielle Talmaggies Ek het baie van myself geleer en die beste memories gemaak wat ek altyd sal…

NOOIT DIE FEETJIEMaar jinne, sy vlieg! Kameraskoot: Die Wiegel Waggel-kleuterskool in Pretoria, so drie dekades gelede. ’n Snikkende donkerkoppie: Sy wil ’n feetjie in die konsert wees, nes haar maatjie. Maar sy is die nar! Sy hóú van feetjies en is báng vir narre. Klik: Einste donkerkoppie, sug, wéér nie ’n feetjie nie. Maar dié keer ’n mier in ’n rooi pakkie wat die hele vertoning lank net voetjies in die lug moet skop. Klik: Al die maatjies staan in ’n kring, sing en glimlag mooi vir die kamera. Net die donkerkoppie, wag hiervoor, huil, te skaam om haar kop te lig. Klik: Die Silwerskermfees verlede jaar en einste donkerkop se naam word aangekondig as beste vroulike byspeler in die hoog aangeskrewe fliek Die seemeeu. Cintaine Schutte verstik byna aan…

Hoekom Suid-Korea? Ek het ’n meestersgraad in kunsgeskiedenis en het onder meer as galery-assistent en projekbestuurder in Johannesburg gewerk. Destyds het dit vir my gevoel my lewe is rigtingloos, ek was verveeld en gefrustreerd met my werk. Ek het na ’n uitdaging en ’n bietjie avontuur gehunker. Ek het van baie mense geweet wat in Korea gaan werk en bly het. Die meeste kon nie uitgepraat raak oor watter wonderlike ervaring dit is nie. Ek het nie regtig geweet waarvoor ek myself inlaat nie, maar in Februarie 2017 het ek Korea toe gekom. Wat doen jy daar? Ek bied ná skoolure Engels by ’n private skool aan. Private skole of “hagwons” is ’n baie groot besigheid en meestal tot laat in die aand oop. By my eerste hagwon het my…

Ons 2de SARIE Modeskool 2019 en ’n vol klas. Sestien ‘studente’ van oral in die land en van elke ouderdom is oor drie dae deur SARIE-moderedakteur Amaria Carstens se leiding geïnspireer. Dís wat hulle reggekry het – voorkomste in die kol! Elisabet Nel KAAPSTAD Rekenmeester Oranje moulose top, Oakridge by Mr Price. Ruitstof-mantelbaadjie, Forever 21. Slangvelpatroonplooiromp, H&M. Wynrooi gestreepte sokkies, Falke. Swart enkelbandjiehakskoene, Zoom. Leeumotief-tosseloorbelle, colette by colette hayman. Rentia Weber PAARL Grimeerkunstenaar en haarstileerder Noupassende kort swart rok, Forever 21. Swart maasstofrok, Mr Price. Swart hoëbeenstewels, Footwork. Maré de Witt KAAPSTAD Bedryfsingenieur Hemprok met grafiese patroon en bypassende wyepypbroek, H&M. Ruitpatroonbaadjie, Old Khaki. Slangvelpatroonhakskoene, Mr Price. Bruin wyerandhoed, Woolworths. Anke Nothnagel CENTURION BA-student Karamelkleurige rolnektop en ruitstofbaadjie, Old Khaki. Naaswit koordfluweelbroek, H&M. Slangvelpatroonenkelstewels, Mr Price. In November 2019 bied…

African Extracts Rooibos Radiance-reeks (pryse vanaf R140) Met die koms van somer bring ons meer tyd in die buitelug deur. Ongelukkig beteken dit ook dat ons meer blootgestel word aan sonlig en besoedeling. Voeg daarby stres oor alles wat jy nog vanjaar gedoen moet kry en die tekens wys vinnig op jou gesig. African Extracts se Radiance-reeks span die krag van die antioksidante in bio-aktiewe rooibostee, vitamiene C en E asook agt natuurlike plantekstrakte in om jou vel te detoks en verhelder. Dit werk ook vergrote porieë, donker vlekke en oortollige olie teen. L’Oréal Paris Elvive Rapid Reviver Power Conditioner (R100) In ons gejaagde lewe soek ons produkte wat top-resultate in ’n kits kan lewer. Dié produk is ontwikkel om die voordele van ’n opknapper en haarmasker in een te…

My styl is funksioneel estetiesElmine Nell, argitek Toe Elmine die eerste keer in die Laeveld met sy malse plantegroei en warm weer kom, het dit vir haar soos die paradys gevoel. Vir haar is dit ná 10 jaar huis en waar sy dalk altyd wil bly. Elmine en haar man het in Nelspruit beland nadat DW, ’n kliniese tegnoloog, ’n werk by ’n groot hospitaal gekry het. Sy is ’n argitek en het eers ’n paar jaar vir ’n plaaslike argiteksfirma gewerk, voordat sy in 2012 haar eie praktyk, EN Design (architectdesigns.co.za), begin het. Sy lag as sy sê sy was sommer ook haar eerste kliënt. Sy en DW het baie ure met die planne gesit en aandag aan fyn detail gegee. Albei hou van skoon lyne en ’n aardse…

Ons boere . . . altesame 36 000 saam met hul plaaswerkers, wat vir 56 miljoen Suid-Afrikaners sorg. Kos op ons tafel sit, die oes van land en see op ons bord. En in ons glas, die sonskyn van ons vrugteboorde. Vir hulle is hul plase – soms vir geslagte lank – ’n stukkie hemel. ’n Eden in die kleine om seisoen ná seisoen aan Suid-Afrika en sy mense te voorsien. Om voorspoed te bring en ’n toekoms te help skep. Soms word daardie grond ’n stukkie hel, wanneer die aarde smeek om reën en diere swaarkry – diere wat dikwels name het en nie net nommers nie. Wanneer die belofte om te voorsien in die stof verdwyn, en slegs #genade oorbly. Maar álles verdien ’n tweede kans, glo ons…

Jy het aanvanklik drama aan die Tshwane Universiteit van Tegnologie studeer. Hoe het jy in die medialandskap beland? Ek het nie gedink ek gaan enigsins in die mediawêreld werk nie. Dit het net gebeur, want terwyl ek nog my voete as akteur probeer vind het, het ek ’n internskap by ’n tydskrif gekry, wat toe ’n aanstelling geword het. Die res is geskiedenis. Wonder jy soms hoe jou pad in die kunste sou gelyk het? Nie regtig nie. Ek is baie tevrede met my lewe. Waar kom jou liefde vir stilering vandaan? Ek het nie noodwendig ’n liefde vir stilering nie, maar eerder ’n liefde vir enigiets wat visueel mooi is. Dit verskaf my ongelooflike plesier. Bygesê, ek is ook sensitief en kompleks. As dit nie vir my mooi is…

Selfs in gesonde verhoudings tree een of albei mense soms toksies op. Maar wanneer dit ’n patroon raak en julle dit nie bespreek en iets daaraan doen nie, word dit ’n toksiese verhouding. As jy aanhoudend uitgeput voel of katvoet loop in die verhouding, moet julle dringend daaraan werk – of wegstap. Janine sê daar is nog hoop om probleme uit te sorteer as jou maat, en jy, “teenwoordig” (m.a.w. betrokke) is in die verhouding. “As julle nog nie opgegee het nie en bereid is om aan julself en die verhouding te werk, is alles nie verlore nie. Wanneer twee mense bereid is om te erken dat geen mens en geen verhouding volmaak is nie en julle saam na oplossings soek, kan julle die toksiese patrone breek.” Maar as een…

Die mediese groep onder leiding van dr. Simon Fishel is gerespekteerd. Nietemin het hy sekere voorbehoude as die prosedure gebruik word bloot om die menopouse te vertraag, sê dr. Paul le Roux. ’n Laparoskopiese prosedure is nodig om die eierstokweefsel te oes, wat chirurgiese risiko’s kan inhou. Die prosedure om eierstokweefsel te oes, kan jou bestaande vrugbaarheid en/of eierstokfunksie verminder. Daar is risiko’s, soos die vorming van littekenweefsel rondom die eierstokke en Fallopiusbuise, wat vrugbaarheid en ook die aantal eiers in die eierstok kan verminder. Dis te bevraagteken of jong vroue sal instem om die weefsel te laat oes as hul gesin nog nie voltooi is nie. Daar is geen gepubliseerde bewyse dat die tegniek sal help met die risiko’s en newe-effekte van die menopouse nie. Die herinplanting van eierstokweefsel…

B Block & Chisel 010 593 9308, 021 712 5193 www.blockandchisel.co.za C Coricraft www.coricraft.co.za Corinne de Haas Ceramics 028 271 4213 www.corinnedehaas.com Cotton On 011 268 3700 www.cottonon.co.za D Desray 021 448 2887 www.desray.co.za E Edgars 0800 203 925 www.edgars.co.za F Forever 21 021 555 3324 H H&M 0860 690 707 www.hm.com/za K KLÛK CGDT 083 377 7780 www.klukcgdt.com L Le Creuset 086 177 3321 www.lecreuset.com Lovisa 011 268 0257, 021 551 1051 M Mungo 044 533 1395 www.mungo.co.za O Opari 066 272 6424 www.opari.co.za P Patio Warehouse www.patiowarehouse.co.za Poetry 0860 555 529 www.poetrystores.co.za R Ruff Tung 082 872 0263, 071 871 4846 www.rufftung.co.za S Steve Madden 010 900 1388 www.stevemadden.co.za Swarovski 011 288 5000, 021 914 1822, 087 150 6815 www.swarovski.com T That Shoe Lady 087 149 4069 www.thatshoelady.com…

The Stellenbosch Mafia: Inside the Billionaires’ Club, Pieter du Toit (Jonathan Ball, R260) Wanneer mens luister hoe Julius Malema oor ekonomiese omstandighede praat, hoor jy heeltyd “Stellenbosch Mafia” en daarmee saam die naam Johann Rupert. In die boek gaan soek Pieter du Toit die oorsprong van hierdie term wat so vrylik gebruik word. Is daar werklik ’n mafia op Stellenbosch en beheer hulle die ekonomie? Het hulle ’n beduidende invloed op parlementsbesluite? Hy beskryf wie Rupert is, hoe hy die sakeryk van sy pa, Anton, verder opgebou het en sy bydrae tot die SA ekonomie. En hoe Rupert sy internasionale sakekonneksies dikwels beïnvloed om die Rand te beskerm. Du Toit haal ook Markus Jooste en sy doen en late op. En nee, daar’s geen verbintenis van enige aard…