Indholdsfortegnelse for January 2020 i SARIE

32-12. Hoef ons meer te sê? Nodig om so ’n bietjie uit te wei? Nie as jy ’n groen-en-goud, rooiwarm, bloubloed Suid-Afrikaner is nie! Behalwe dalk dit: In daardie groot Wêreldbeker-rugbytelling lê opgesluit vir ons land ’n klein juweel van ’n woord: Hoop. Wat ’n geskenk het Siya en die Springbokke nie kort voor Kersfees vir ons gegee nie. Net toe ons aan die einde van 2019 moedeloos-moeg was vir korrupsie, werkloosheid, misdaad (veral teen vroue en kinders), onenigheid, rassisme. Toe hopeloosheid ons begin verswelg en ons nie meer durf droom het nie. En daar kom die Bokke en wys ons is ongeag alles kampioene. Bokafrigter Rassie, Siya en die boys het die Webb Ellis-trofee huis toe gebring en oor vyf dae saam met die nasie feesgevier – Pretoria, Johannesburg,…

HIER WAAR ONS KAN BOU, BEHOORT ONS Op ’n gewone weeksoggend op pad werk toe luister ek Stef Bos en Koos Kombuis se “Avondland” en die trane loop vrylik oor my wange. Vir die 200 kollegas wat pas gehoor het dat hulle nie meer langer nodig is by die werk nie. Vir die ses vriende-van-vriende wat onlangs hul werk verloor het. Die vriendin wat drie maande gelede sak en pak Nieu-Seeland toe is en haastig moes terugvlieg vir haar Ma se begrafnis. Vir die vriend met sy meestersgraad in ingenieurswese wat steeds wag vir ’n foonoproep nadat hy 42 CV’s uitgestuur het. Vir die sekretaresse by die werk wat vroegoggend ’n verhouding oor Skype probeer bou met ’n kleinkind aan die ander kant van die wêreld wat nie haar grappies…

Jy staan bankvas agter #GenoegIsGenoeg om geweld teen vroue en kinders te beveg. Ons kan nie tou opgooi nie. As ’n gemeenskap moet ons hande vat. Die narratief moet verander en mans moet verantwoordelikheid aanvaar. Seuns moet van kleintyd af opgevoed word: Hoe hy ’n vrou moet behandel, haar as ’n gelyke hanteer, dat enige vorm van geweld onaanvaarbaar is. Daar moet voorbeelde wees, mentors. Ek sal nooit ophou veg nie. Op watter kwessies fokus jy as Mej. SA? Opvoeding en geweld teen vroue – dis die twee waar my hart lê. Ek wil my stem gebruik en ’n verskil maak waar ék kan. As jy vir ’n jong Zozibini kon raad gee, wat sou dit wees? Ek was ’n skaam dogtertjie. Ek het sterk opinies gehad, maar was bang…

Vir haar beteken die nuwe jaar nuwe geleenthede wat blink op die horison. Internasionale model Katryn Kruger, ook vandeesmaand op SARIE se modeblaaie, wil haar jongste projek, Koffie Met Katryn, uitbrei. “Ek wil ’n platform vir vroue bied om bymekaar te kom, hul stories te deel en mekaar te inspireer, bemoedig en bemagtig.” Tydens dié “intieme kuiertjies” wil sy vroue aanmoedig om hul drome te volg, nes sy toe sy op 16 die modewêreld oorsee aangedurf het. “Dis so verrykend om te sien hoe vroue wat pas ontmoet het, dadelik vir mekaar plek maak.” Katryn wil vanjaar minder met haar selfoon doenig wees. “Ons word maklik ingesluk deur dié toestelletjie, want dis sosiale media, e-posse lees en foto’s neem sonder ophou. Dit maak ons reeds gejaagde leefstyl net meer dol.…

LIEFDE VIR olies Isa Carstens, stigter van die bekende Isa Carstens Akademie, het ’n groot liefde vir essensiële olies en hul terapeutiese eienskappe gehad. Ter viering hiervan het die opleidingsinstansie pas hul eie spesiale essensiële olies bekend gestel. Die Isa Rejuvenate Essential Oil for Face bevat heerlike sandelen rooshout, malva en sitrus, en die Isa Relax Essential Oil for Body kaneel, lemoengras en tiemie. Wend die gesigolie saans voor jy gaan slaap op jou gesig aan en die lyfolie oor jou nek en skouers. Prys: R250 elk. Beskikbaar by die Isa Carstens Wellness Sanctuaries in Pretoria en op Stellenbosch of bestel by 021 883 9777. Ons almal weet mooi van binne beteken mooi van buite. Ek is mal oor dié maklike ysstokkie-resep wat Anneen Middel, geregistreerde dieetkundige van Pretoria, spesiaal…

Met hul minimalistiese verpakking en innoverende velsorgformules het die Suid-Koreaanse skoonheidshuis Huxley wêreldwyd ’n kultus-aanhang verkry. Veral bekend is die kosbare turksvysaadolie wat in elke produk gebruik word. Danksy dié vrug se vermoë om in ’n strawwe klimaat te oorleef bevat dit ’n unieke samestelling van aktiewe bestanddele wat die vel intens bevog en die velwand versterk en beskerm. Probeer die Huxley Secret of Sahara Oil Essence (R700). By dermastore.co.za HET JY GEWEET? 1 miljoen sade en 36 uur se handearbeid is nodig om net 1 liter van dié waardevolle olie te verkry Die Kolosseum in Rome, een van die nuwe sewe wonders van die wêreld, dien reeds 20 jaar as inspirasie vir die Italiaanse luukse handelsmerk Bulgari se B.zero1-juwelereeks. Hul nuwe B.zero1-sonbrilreeks volg dieselfde ontwerpbeginsels. Die moderne streepmotief aan…

Ons kan almal ’n bydrae lewer tot die bekamping van aardverwarming deur die inheemse spekboom (Portulacaria afra) te plant. Dié plant werk besoedeling teen deur koolstof in die lug te absorbeer (1 hektaar absorbeer tot 4 ton koolstof per jaar). Dis baie maklik om te kweek, aard in enige klimaat, lyk mooi as ’n potplant en vorm ook ’n digte, immergroen heining. Breek ’n steggie af van ’n bestaande plant, stroop die onderste blare, laat lê vir 2 tot 3 dae en druk in grond. Gee dit ’n bietjie water en die wortels sal geleidelik groei. Dié waterslim plant oorleef in die natuur op slegs 20-30 mm water per jaar.…

Ek voel steeds geëerd – hier dra die hertogin my oorbelle, uit my klein studio’tjie op Wildernis! Nina Bosch, juwelier Nooit het Nina Bosch gedink sy sal wees waar sy vandag is nie, al was die pad geneties vir haar gebaan. Haar oupa, Esias Bosch, is beskou as die vader van Suid-Afrikaanse keramiek. Haar ouma, Valerie, het porseleinwerk gedoen. Haar ouers, Hanlie en Anton, is gevierde pottebakkers. En as kind het Nina dae om in hul ateljee op Witrivier, Mpumalanga, deurgebring. Sy het nie veel erg daaraan gehad nie, eerder eintlik soms skaam gekry vir haar “ongewone” familie. “Op hoërskool, wanneer jy mos maar wil inpas, het ek baie gedink: Wat is tog fout met my kunstige familie, kan hulle nie net normaal wees nie!” lag sy nou. Vandag het…

A @home 0860 834 834 home.co.za Aldo 010 900 1386 aldoshoes.co.za Amanda Laird Cherry 031 312 2575 amandalairdcherry.com Arthur Kaplan arthurkaplan.co.za August 076 143 5635 august1983.com B Black Betty 071 672 6856 blackbettydesign.com Block & Chisel 010 593 9308, 021 726 3131, 021 712 5193 blockandchisel.co.za C Clive Rundle 011 880 3839 cliverundle.com Cotton On 011 268 3700 cottonon.com/ZA Country Road 0860 022 002 woolworths.co.za E Eurolux 011 608 2970, 021 528 8400 eurolux.co.za F Famke 021 461 4911 famke.co.za G Gert-Johan Coetzee 011 782 4856 gertjohancoetzee.com Gert van der Merwe 082 450 0873 H Hertex Fabrics 0860 437 839 hertex.co.za J Judith Atelier 082 450 4217 judithatelier.co.za K Klippie du Toit earthswitch.co.za KLûK CGDT 083 377 7780 klukcgdt.com M Mango.com shop.mango.com/za Michel Herbelin 011 448 2210 michel-herbelin.co.za Missibaba 021…

Linda Pienaar* het nog altyd anders gevoel. As kind was sy vreesloos. Sy’t die heel hoogste bome uitgeklim. Hoe hoër, hoe beter. Wat sy ook al gedoen het, sy het dit verder gewaag as enigiemand anders. Op 12 het sy al snags by die huis uitgeglip, nagklubs toe. Sy het risiko opgesoek . . . Maar sy het ook selfdoodgedagtes gehad – reeds toe sy 10 jaar oud was. Dit was eers baie jare later dat haar gedrag vir haar begin “sin” maak het – toe sy uiteindelik in 2010, op 37-jarige ouderdom, met bipolêre gemoedsteuring 1 (sien kassie hier onder) gediagnoseer is. Vandag beskryf Linda dit as “daardie slapende draak in my kop wat ek net nie moet wakker maak nie”. Dit was ’n bitter moeilike pad om by…

Daar is altyd enkele pasiënte wat “stakingsindroom” baie erger ervaar. Dan moet jy dikwels onkonvensionele metodes gebruik, volgens dr. Colin. Soos die volgende: Los die kapsule in ’n spuit saam met 5 ml lemoensap op. Gooi weekliks stadigaan ’n groterwordende deel van die oplossing weg en drink die oorblywende verminderende hoeveelheid. Jy kan dit op dié manier oor 3-6 maande rek. LET WEL: Dis nie ’n geregistreerde metode binne die farmakologie nie, maar nuttig, ook om kalmeer- of slaapmiddels stadig te onttrek.…

PERFEK SÁÁM Kombineer die kreatiwiteit van ontwerpers van juweliersware, vroueklere en tekstiele en jy het Plenty. ’n Modereeks wat sê vreugde en oorvloed, maar op ’n volhoubare manier. Skinny laMinx se daktuin was deels die inspirasie. Pescaroorbelle van glas, brons en varswaterpêrels (R1 900), Pichulik. Somerbaadjie (prys op aanvraag), Skinny laMinx. Vir meer: skinnylaminx.com en pichulik.com HY EN KLEI Ronnie van der Walt en klei is pasmaats. Vir die eerste keer in jare kan ons weer kuns geskep deur sy hande geniet – die potte wat hy maak vir vetplante in ’n nuwe rotstuin by Babylonstoren tussen die Paarl en Franschhoek. Vir meer: enquiries@babylonstoren.com KOSBAAR Elke resep is ’n herinnering aan sy ma, Susan Lensing. Haar geskenk aan haar seun – ’n liefde en begrip vir kos en die vriendskappe wat…

Chantal Leighton Ons het mekaar in Londen op ’n rooi bus ontmoet. Het 6 dae na mekaar daar geland. Marna Goosen Ek en my man was penmaats van laerskool en het dit nooit besef tot ons in matriek begin uitgaan het en ek die briefie oopmaak en besef dit was eintlik hy nie! Anica Opperman My ouers het in ’n CNA ontmoet en is hierdie Oktober 36 jaar getroud. Dankie tog vir skryfbehoeftes! Liezl MacLennan Ek is op 46 en my man op 57 albei vir die eerste maal getroud, ons het in 2015 by ’n besigheidsete by die Saxon Hotel ontmoet en het in 2017 “elope” . . . Ek was nog nooit in my lewe gelukkiger nie. Suzanne Potgieter Ek en my man het via Twitter ontmoet waar…

7de Laan was ’n groot geloofsprong. Só het vervaardiger Danie Odendaal destyds die sepie met hul 10de verjaardag in 2010 in ’n SARIE-onderhoud beskryf. En nou vier 7de Laan hul 20ste jaar. Oor twee dekades het akteurs en aktrises gekom en gegaan, maar vir baie Suid-Afrikaners is die sepie en sy mense steeds soos familie. ’n Sepie wat daagliks deur meer as 3 miljoen kykers gevolg word. Vir SARIE het die Laan meer stories, meer voorblaaie en meer sterre opgelewer as enige ander, en met baie van hulle – waar hulle ook al is – stap ons steeds ’n pad. Van die talle projekte wat ons saam met 7de Laan aangepak het, onthou ons veral die voorblad en fotosessie vir ons Mei 2010-uitgawe met 19 van die akteurs…

Die een herinner aan ’n elf met groot oë, silwergrys hare en ’n blas vel – uitgedos in ’n retro-styl sweetpaktop, jeans en plakkies. In Milaan, vertel fotograaf Fanie Nel, dink hulle hy is Italiaans. Die ander is van kroon tot toon uitgevat in swart. “Ek is ’n soutie van Durban,” kom dit pront van James Emanuel. Sáám is hulle ’n gedugte span. FANJAM. Hul kliënte van die wêreld se grootste modehandelsmerke en glanstydskrifte: Jil Sander, Versace, Calvin Klein, Elle, Cosmopolitan en Vogue. “Ons is soos ’n familie, met slegs 75 modelle – 50 vroue en 25 mans – en dan ontwikkel ons ook 25 jong modelle vir die toekoms,” vertel James. Van die land se groter agentskappe het tot duisend modelle wat vir hulle werk. FANJAM gebruik boonop slegs…

“Ons geliefde Suid-Afrika het nou elkeen se hulp nodig.” Dinge wat sy in die verlede effe afgeskeep het, gaan in die nuwe dekade haar aandag kry, is die bekroonde omgewingsaktivis en direkteur van Mej. Aarde SA Catherine Constantinides se belofte aan haarself. “Ek praat ’n bietjie Zoeloe, asook Spaans, maar wil ook Tswana en Frans aanleer. En ek wil meer uitvind oor my seun, Matthew (10), se sportbelangstellings. Hy swem, speel rugby en krieket en is ’n kleine karate-ninja.” Catherine en haar seun werk die afgelope vyf jaar aan ’n kinderboek met ’n omgewingstema. “2020 is ’n goeie tyd om dié projek klaar te maak.” ’n Druk werksprogram en haar begeerte om ’n goeie ma te wees verg ’n gesonde leefstyl. “Maar om reg te eet en te oefen moet…

SARIE was in Zimbabwe ’n gas van Africa Albida Tourism (ATT), www.africaalbidatourism.com;e-pos: saflodge@saflodge.co.zw of aatreservations@ saflodge.co.zw Benewens ATT se vlagskipeiendom Victoria Falls Safari Lodge met sy 72 kamers, is daar ook hul eksklusiewe Victoria Falls Safari Club, Victoria Falls Safari Suites en hul Lokuthula Lodges (selfsorg-eenhede) in die kompleks. ATT is al bekroon vir die Victoria Fallsherwinningsprojek wat hulle in 2018 begin het. Die Ngoma Safari Lodge in Chobe, Botswana, word bestuur deur Machaba Safaris. Besoek www.machabasafaris.comof bespreek by enquiries@ machabasafaris.com. Die Ngoma Safari Lodge is ’n gesamentlike onderneming met die Chobe Enclave Conservation Trust, en het agt luukse suites – deel van elke bespreking se opbrengs is ten bate van die plaaslike gemeenskap.…

’n Gesonde leefstyl is belangrik vir ’n gesonde vel heeljaar. Oefen gereeld, slaap genoeg en eet antioksidantryke voedselsoorte soos groente, vis en neute. Knyp ook gereeld tyd af vir jouself; hoe meer ontspanne jy is, hoe mooier jou vel. ’n Spabehandeling is ’n heerlike bederf en die ideale manier om stres te verlig. Probeer een van dié behandelings: 1 Mindfulness Moment by die One&Only Spa in Kaapstad Dié holistiese behandeling begin met ’n begeleide asemhalings- en visualiseringsoefening vir beter bewustheid (mindfulness). Dit word gevolg deur ’n strelende lyfmassering met rooskwartskristalle, wat begin by jou voete en eindig op jou kopvel. Perfek vir nuwe energie in die begin van die jaar. 2 Kalahari Rolling Sand Dune Full Body Massage ’n Botaniese masseringsolie van jou keuse word gebruik om jou hele lyf…

Vir luilekker vakansiedae is ’n droë sjampoe ’n moet. Hier’s die nuwe gunstelinge: 1. Skep in ’n kits volume by jou haarwortels met Batiste Dry Shampoo Plus in Heavenly Volume (R89). By Dis-Chem en Clicks 2. Colab Dry Shampoo (R80) het twee speelse nuwe geure: Mermaid en Unicorn. Probeer Unicorn, wat ruik na pruim en vanielje. By Clicks 3. Dié gekleurde droë sjampoes skep ingeleefde tekstuur en is beskikbaar in blond, brunet en donker – Schwarzkopf Professional Osis+ Boho Rebel Pigmented Dry Shampoo (R289). By uitsoeksalonne…

‘Sondag-braaiaartappels. Kan daar ’n mooier gesig op aarde wees as ’n skottel gelaai met bros aartappels, die kors uitlokkend met soutige krakerigheid. Die binnekant soos om in ’n wolk te byt’Errieda du Toit, Huiskok ‘Op die meeste plattelandse dorpe is gewoonlik ’n lekker tuisnywerheid. My ma s’n op Upington was veral bekend vir haar sjokoladekoek, maar die ware lekkerte waaroor mense nie praat nie, was dié koek! Die lemoenstroop en kraak van die papawersaadjies onder jou tande is hemels!’Herman ASPERSIES MET SUURLEMOENMAYONNAISE Hierdie is ’n baie eenvoudige bykos, maar ek verseker jou, dis net wat jou gesin nodig het om groente te eet! genoeg vir 6 4 eiergele 45 ml dijonmosterd 1 knoffelhuisie, baie fyn gekap 350 ml kanola-olie sap en gerasperde skil van 3 suurlemoene sout en varsgemaalde swartpeper…

As daar een ding is wat 2019 haar geleer het, is dit dat die lewe geweldig vinnig verbygaan, sê Berdene Burger van Meerfout Films en regisseur van Ons Boere, Ons Inspirasie op kykNET. “In Januarie maak jy nog gereed om uit die blokke te spring – en net ná jy jou oë geknip het, sit jy reeds aan die verkeerde kant van Oktober. Doodmoeg en onbewus van die mooiste oomblikke wat die lewe jou wou bied. Dis maklik om matigheid voor oë te hou, veral as jy besig is, want dan is die lewe veilig en voorspelbaar. Maar die lewe bestaan uit fragmente van uitbundige gebeurtenisse en matigheid weerhou ons van daardie oomblikke. Ek gaan vanjaar meer werk, meer slaap, meer wyn drink, meer groente eet, meer oefen, meer sonblok…

1 KRY ’N BABA – dit sal julle nader aan mekaar bring. Anri van den Berg, verhoudingsberader by die Vita Nova-beradingsentrum in Pretoria, vra dikwels vir egpare tydens huweliksberading: “Waar het dinge vir julle begin verander?” En “maklik 95%” van dié pare wat ook ouers is, sal sê: “Toe ons kinders gebore is.” Hulle volg dit wel gewoonlik vinnig op met hoe lief hulle hul kinders het en dat hulle die kinders vir niks in die wêreld sal verruil nie! Natuurlik is ’n baba ’n heerlike seëning om in dankbaarheid na uit te sien, maar dit bly ’n feit dat die nuwe gesinslid dinge drasties verander, sê Anri. “Ma se prioriteit is die hulpelose nuweling en Pa voel dikwels uitgesluit. Tydens berading vertel pa’s dikwels hoe hulle niks kan reg…

Wen ’n luukse Bosveld-wegbreek (bl. 58) 1. Die beoordelaars se beslissing is finaal en geen gesprek of korrespondensie sal daaroor gevoer word nie. 2. Wenners sal telefonies verwittig word en sy/haar naam sal in ’n latere stadium op die webtuiste SARIE.com verskyn. 3. ’n Prys is nie vir kontant omruilbaar nie en kan nie oorgedra word nie. 4. SARIE bied hierdie wedstryd namens die Kapama Private Wildreservaat as ’n diens vir haar lesers aan. Die Kapama Private Wildreservaat voorsien en is verantwoordelik vir die prys. SARIE aanvaar geen verpligting hoegenaamd t.o.v. die ontvangs van die prys of gestanddoening van die voordele daaraan verbonde nie. 5. Werknemers en hul gesinne van Media24 (SARIE se moedermaatskappy), die Kapama Private Wildreservaat en hul reklamemaatskappye mag nie aan wedstryde deelneem nie. 6. Media24 en…

“’n ‘Gesonde gewig’ beteken iets anders vir elke mens. Vir my is dit ’n nommer 12/14; vir ’n kleiner geboude vrou is dit waarskynlik oorgewig. Dis nooit aanvaarbaar om iemand te boelie of beledig oor hul gewig nie. En nie ons plek of verantwoordelikheid om iets aan iemand te wil voorskryf nie. Tensy dit jou werk is, ’n dokter, sielkundige, dieetkundige. Die verantwoordelikheid lê by jouself, jou kinders en naby familie, selfs ’n goeie vriendin. Dán kan jy iets sê, mits jy dit uit liefde en omgee doen. Stel voor julle begin saam oefen, deel gesonde resepte, begin as gesin gesonder eet, wees ’n oor vir iemand se emosionele stres en hartseer. Negatiewe kommentaar van die kantlyn af help niemand nie.” Marciel Hopkins, model met kurwes, motiveringspreker en Mej. Suid-Afrika-finalis,…

Bipolêre gemoedsteuring gaan gepaard met ekstreme gemoedskommelinge. Die hoogtepunte (highs) word maniese episodes genoem, en die laagtepunte (lows) word depressiewe episodes genoem. Gemengde episodes is wanneer iemand terselfdertyd simptome van depressie en manie beleef. BIPOLÊR 1: Jy het een of meer depressiewe episodes met minstens een maniese of een gemengde episode. BIPOLÊR 2: Jy het een of meer depressiewe episodes met minstens een hipomaniese episode. (Die simptome is soortgelyk aan ’n maniese episode, maar dis meer subtiel en minder erg. Psigotiese simptome is afwesig en hospitalisering is gewoonlik nie nodig nie.) As vier of meer episodes binne een jaar gebeur, ly die persoon aan bipolêre gemoedsteurnis met ’n vinnige siklus (rapid cycling). Bron: Health24…

Veral SSRI’s met ’n kort teenwoordigheid in die bloed (dokters verwys na die halfleeftyd), soos paroksetien (handelsname Paxil en Aropax), veroorsaak onttrekkingsimptome, volgens dr. Colin. En dr. Mathey voeg venlafaksien (handelsname Effexor en Venlor) daarby. Dr. Colin sê fluoksetien (handelsnaam Prozac) is minder geneig om onttrekkingsimptome te veroorsaak. “Psigiaters kan selfs die kortwerkende SSRI vervang met langwerkende fluoksetien en dít (fluoksetien) dan stadig onttrek, dikwels baie suksesvol.” Nie-SSRI’s, soos bupropion (Wellbutrin), mirtasapien (Remeron) en trasodoon (Molipaxin), veroorsaak nie onttrekkingsimptome nie. Ouer (sogenaamde eerste generasie) middels (trisikliese antidepressante, byvoorbeeld Trepiline) kan egter ook ’n tipe “stakingsindroom” veroorsaak, sê dr. Colin.…

ek wou nog altyd poedelkaal vir ’n gedig of drie poseer – ons modelhuisvroue weier om teen die woordkuns te diskrimineer Uit Christo van der Westhuizen se gedig “Poseer” in sy bundel Chrisalis (Naledi, R230) Hidden Pretoria Johan Swart en Alain Proust (Struik Lifestyle, R430) Vir my as trotse Pretorianer is dié boek ’n juweel! Die foto’s het my teruggevoer na my kinderjare. Ek onthou besoeke aan baie van die geboue wat Proust uitmuntend met sy kameralens vasgevang het. Swart vertel die geskiedenis boeiend en gee ’n puik oorsig van waarom juis dié geboue ingesluit is in die publikasie. My gunstelinggebou is die Capitol-teater op Kerkplein, wat ook op die voorblad pryk. Om destyds ’n geleentheid daar by te woon was ’n okkasie! Die Capitol was deftig, tyd vir my…

In die eerste hoofstuk vertel jy van mense wat byna groupies word van gevangenes, veral in Amerika. In Amerika word dié fenomeen serial killer groupies genoem. Ek het baie nagelees, YouTube-video’s gekyk en op webtuistes navorsing gedoen. Daar is een, meet-an-inmate.com , waarop jy gevangenes sien en party is geweldig aantreklik met hul spiere. Toe ek ’n paar jaar gelede gekyk het, het hulle hul mates, gewig ens. gegee en hulself besing. Onder was sulke lettertjies wat jy met ’n vergrootglas moes lees om te sien wat hul misdaad was. Deesdae word net die lengte van die vonnis aangedui en daaruit kan jy aflei hoe ernstig dit was. Hoe besluit ’n vrou een oggend sy gaan nou ’n ou in die tronk jag? Daar is baie redes. Jy kry vroue…

In my vel , Azille Coetzee (Tafelberg, R275) ’n Jong Suid-Afrikaner is op soek na haar identiteit. Sy gaan doen ’n PhD aan die Vrije Universiteit in Amsterdam, want Nederland is waar sy wil wees. Sy wil vir ewig daar bly, al het sy net ’n visum en ’n beurs vir 22 maande. Sy kom agter sy is vir die selfversekerde en doelgerigte Nederlanders nie Europees genoeg nie. Ironies genoeg, in Suid-Afrika is sy juis té Europees. Sy dra swaar aan die erfenis van kolonialisme. “Afrikaner pas nie in die koloniale onderskeidings in nie. Dis nie óf Europees óf van Afrika nie. Dis nie wit óf swart nie. Dis nie setlaar óf slaaf nie. Nie uitheems óf inheems nie.” Sy loop haar voorsate se wortels na, ondersoek kolonialisme en…

Dis haar en Hennerik se laatlamme, en laaste twee kinders. Hulle het voorsorg getref, want die uitdaging om ’n bestaan te maak op die plaas in die Bo-Karoo is groot genoeg. En hulle het mos reeds hul seunskind, Milano. In Die kinders van Spookwerwe (Human & Rousseau, R310) vertel Lize Albertyndu Toit roerend van die Kaliempies. Hoe arm hulle is, hoe elke dag ’n stryd om oorlewing is, hoe ordentlik hulle is en met hoeveel sorg hulle na mekaar omsien. Die liefde vir mekaar is sterk en trek die gesin deur swaar tye. Hulle kan ook staatmaak op oom Geelsuiker, hul naaste buurman, om te help in krisistye. Armoede beteken nie dat die Kaliempies nie droom oor ’n beter toekoms nie, veral vir hul klong Milano. Dis ’n verhaal oor…

Dis nou diep winter en laatmiddae voor die son sak, gaan tap Milano vir hulle ’n emmer water by die windpomp, want soggens is die krippe en buitekraan gevries. Dikwels gebeur dit dat die pype eers teen tienuur drup-drup begin loop. Daar is selfs dae wat die son eers teen hoogmiddag die pype wen. Dié aand is dit besonder koud. Die koue het laatmiddag al om hulle enkels kom sleep en Hennerik het vir Mieta aangesê om haar lieflingplantjies met sakke te gaan toemaak. Hier’s swartryp aan die kom. Hennerik vat die melkemmer om vir Streepmuis te gaan melk. “Gee tog asseblief vir Kleinkind bietjie van die warm koeimelk,” roep Mieta hom agterna. Net so ’n ou trosie vir die lang nag, sê sy saggies vir haarself. Die hanslamkind van…

Indien Andries Petrus Prinsloo geweet het wat hy drie sekondes later uitgevind het, sou hy die klop aan sy meenthuisvoordeur nie beantwoord het nie. Of sou hy? As hy geweet het dis weer eens Villie Snijder wat daar staan, tussen ongeordende stukke bagasie, en met haar bolling hare in dieselfde of ’n nuwe fatsoen op die kop saamgevat? Die hoeveelste keer? Van die dag toe sy hom in die matriekklas met haar tennisraket oor die kop geslaan en hy haar pols vasgegryp het, was hy nog nooit weer van haar los nie. Nou is hulle vyftien jaar ouer, en tussen haar verhoudings en affairs deur het hy haar nooit probeer inpalm nie. Hy staan net na haar en kyk. Villie . . . so genoem omdat geen onnie kon onthou…

Ek sit vier groot sakke op Ma se kombuistoonbank neer. Wil Ma self uitpak of moet ek? Jy onthou mos vir Tannie Getrude, nou hierdie is haar man, Oom Johan, sê my ma. Ek kyk op. ’n Baie groot man staan in die kombuis. Moenie, dink ek by myself. Moenie. Hy steek sy hand uit, daar is woestyne in Australië kleiner as sy palm, ek begin sweet, ek is naar en my slape begin klop. Hardloop ek? Vertel ek hom van my dilemma? Hoeveel drama volg dan? Ek steek my hand uit. Hy vat dit. Ek sterf. Alles raak donker om my. Daar is ’n stilte. My binneste is yskoud. Hoor jy my? Wil jy tee hê? vra my ma. Ek storm badkamer toe, ek het vrede met alle droogtes…

Dit was ’n gewone weeksdag. Michelle het saam met duisende ander op ’n platform in Hongkong vir ’n trein gewag. Skielik het alles om haar wasig geword, haar lyf yskoud. Ure later in ’n hospitaalkamer het ’n verpleegster in gebroke Engels probeer verduidelik hoe sy vorentoe geval en op die treinspoor beland het. ’n Dokter het haar voor die aankomende trein gered. Dit was nog vroegoggend in Kraaifontein buite Kaapstad, maar Michelle het dadelik haar ma, Olivia, gebel. “Jammer, Mammie . . . ek het ’n relapse gehad.” Michelle, toe 21, het ’n maand lank net een appel ’n dag geëet en haar hongerpyne met water probeer stil. ’n Modelagentskap in Hongkong het haar voorkoms gekritiseer . . . haar kop is te groot, haar liggaam buite verhouding . .…

Hoekom Saoedi-Arabië? Ons was pas getroud en het nie beplan om oorsee te verhuis nie. ’n Familievriend wat vir ’n IT-pos daar sou aansoek doen, het daarteen besluit en so het daar onverwags ’n deur vir my en my man, Lomeus, oopgegaan. Hy het die werk aanvaar en ons het Pretoria aanvanklik verruil vir ’n proeftyd van 18 maande daar. Ek kan nog goed onthou hoe ek op my eerste dag in die nuwe land op pad van die lughawe af die kappie van my bruin koordferweelbaadjie oor my kop bly trek het, bang dat ek nie voldoende bedek is nie. Vandag is dit byna twintig jaar en twee tienerseuns later en ek sou nie kon droom watter pad God met ons hier in die woestyn sou stap nie. In…

TYDLOOS Sitrus lyk en ‘ruik’ vars soos somer. En modeontwerpers gebruik graag dié kleure in hul klerereekse. Kyk nie verder as die loopplanke vir stylvolle inspirasie nie 40's Ultrachic se Lente/ Somer 2020-reeks by die Milaanse Modeweek wys geruite stof is net so gepas vir somer as winter. 50's ’n Oranje maksirok met tekstuur in Georges Chakra se Lente/Somer 2019-reeks laat jou twee keer kyk by die Paryse Modeweek. 60's ’n Oranje broekpak was deel van PatBo se Lente/ Somer 2020-reeks by die São Paulo-Modeweek. 70's Oranje diervelpatrone het uitgestaan by Miu Miu se Lente/ Somer 2019-reeks by die Paryse Modeweek. AMARIA HOU VAN Strooibykomstighede soos handsakke en skoene is informeel maar lyk steeds stylvol.…

TEM ERGE KROESERIGHEID As jy van nature ’n krullerige haartekstuur het, weet jy hoe moeilik dit is om kroeserigheid in toom te hou wanneer jy vogtiger dele van ons land, soos die kusgebiede, besoek. “Hare wat droog en beskadig is, absorbeer makliker vog vanuit die lug, wat veroorsaak dat jou hare van binne ‘swel’ en pofferig en kroeserig lyk,” sê Karen Botha, bemarkingsbestuurder van INOAR in SA. As jy kroeserigheid wil beheer, is die geheim om genoeg vog in jou hare in te seël sodat dit nie so erg beïnvloed word deur die vogtigheid in die lug nie. Gebruik haarprodukte wat olies bevat en spesifiek ontwikkel is om kroeserigheid teen te werk. RAAD VIR OLIERIGHEID Fyn, reguit hare kan in die somer vinnig plat en leweloos lyk omdat hoër temperature…

Reeds op 6-9 maande word ’n beloningstelsel in die agterbrein (serebellum) vasgelê na aanleiding van ouers se terugvoering oor kos, sê prof. Tess van der Merwe. Dié fisiologiese “paaie” is moeilik omkeerbaar. Daar is egter kort tydperke (neuroplastisiteit) waarin die brein vatbaar is vir ’n ingreep oor hoe jy kos hanteer. Eers op 6-9 maande, dan 5-7 jaar en weer 10-14 jaar. Daarna is sekere gedrag in die agterbrein vasgelê en moeilik om te herroep, jy val altyd daarop terug. As kos byvoorbeeld as vergoeding of afpersing gebruik word, kan dit geassosieer word met geluk, hartseer, stres of trauma. Ouer: “As jy nie jou kos opeet nie, kry jy nie nagereg nie.” Jannie eet tot hy verby versadig is. Ma en Pa baklei, voel dan sleg daaroor en gee Jannie…

‘Daar was ’n brandende sensasie diep in my brein. Ek het om die beurt warm en koud gekry en my ore het getuit’’n Vrou wat ná sowat 20 jaar haar antidepressante probeer los het Duisende, dalk miljoene mense wat probeer om op te hou met hul antidepressant, ervaar onttrekkingsimptome wat van maande tot jare kan duur: slapeloosheid, opwelling van angs, selfs sogenaamde “brein-zaps”, ’n sensasie soos ’n elektriese skok in die brein. Dokters het in die verlede sulke simptome dikwels as onbelangrik afgemaak en selfs toegeskryf aan die terugkeer van die onderliggende gemoedsteuring, het The New York Times verlede jaar berig. “Die opvallende kontras tussen die ervaring van pasiënte en die oordeel van hul dokters het ’n hewige debat ontlok in Brittanje, waar die president van die Royal College of…

As jy onder die teken van die Sagittarius gebore is, soos ek, dan het jy immer die behoefte om te reis. Weet maar, ek is ’n spoorwegwerker se kind, die tok-tok van treinwiele is in my bloed. ’n Vliegtuig en ’n bus en ’n veerboot se polsing onder my hart is ewe goed, want elke keer as ek in ’n trein of ’n vliegtuig klim, gebeur iets met my wat ek nie rasioneel kan verklaar nie, dit is iets wat ek nodig het soos suurstof en verlange. Augustinus het gesê: Die wêreld is ’n boek, en diegene wat nie reis nie, lees net een bladsy. Ek het nog nie genoeg boeke gelees nie. Ek het nog nie genoeg gereis nie. Jare gelede was ek vas van plan om ’n reisgids…