Indholdsfortegnelse for February 2020 i SARIE

Daar het ons toe nóg ’n wenner! So in die gloed van die Bokke se oorwinning in Japan ’n paar weke vroeër. Zozibini Tunzi, Mej. SA 2019, wat vroeg Desember in Atlanta, Amerika, as ons derde Mej. Heelal (Margaret Gardiner in 1978 en Demi-Leigh Nel-Peters in 2017) gekroon is. Met haar statement-kort hare, haar Teeny Weeny Afro, en grasie het dié Oos-Kapenaar nie net met die bestes in die wêreld afgereken nie, maar mense ook laat luister. Selfs Oprah het op Twitter entoesiasties gereageer nadat Zozi gesê het vroue moet grootgemaak word met die wete dat hulle leiers is en kán wees. Dat hulle hul regmatige ruimte moet inneem, hul plek van hoek tot kant vul en hul onuitwisbare stempel op die samelewing moet afdruk. Eenvoudig gestel, dat ons, ek…

Hulle stap die ekstra myl, raak mense se lewens aan, probeer ’n verskil maak. Dit is asof familie en vriende soos een praat: Hennie en Pedro gee óm. Dit is so, weet ek ná twee uur se kuier by die bekroonde toneelskrywer Hennie van Greunen en akteur en musikus Pedro Kruger, sy man en sakevennoot. By hul grys dubbelverdiepinghuis op ’n grys dag op Melkbosstrand kry ek ’n warm welkomdruk en ’n breë glimlag van Hennie. Hy lyk ontspanne in jeans en ’n blou hemp en bied dadelik koffie aan. Pedro, ook in jeans, met ’n olyfkleurige T-hemp, groet vrolik op die trap. Die honde, Timmy en die baba Thandi, is agter ’n lae wit reling in die sitkamer op die eerste vloer toegemaak. Thandi, wat nog lomperig oor haar…

“Ek het altyd voor die televisie gesit en die akteurs nageboots en elke beweging van hulle bestudeer . . . Vandat ek kan onthou, wou ek toneelspeel.” Vroeër is sy in ’n “boksie” gesit en was angstig om uitdrukking aan haar kreatiwiteit te gee, vertel Wanda Jacobs, ’n gr. 10-leerder aan Curro Sitari in Kaapstad. Totdat sy die toneelskrywer Hennie van Greunen en akteur Pedro Kruger ontmoet en haar lewe handomkeer verander het. Sy sê sy wéét nou toneelspeel is haar ding en sy wil dit vir ewig doen. Wanda vertolk een van die hoofrolle in From Broadway to Bird Street, ’n inisiatief deur Hennie en Pedro vir Curro Create, die kreatiewe arm van die Curro-skole. Dié musiekblyspel maak sy debuut in Maart by die US Woordfees op Stellenbosch en…

’n Byekorf kan in die somer soveel soos 50 000-80 000 bye hê. ’n By moet nektar van sowat 2 miljoen blomme versamel vir sowat ’n halwe kilogram heuning. Sowat 556 werkers is nodig om dié hoeveelheid te maak. Bye vlieg die ekwivalent van meer as een keer om die wêreld hiervoor. “Volgens bekende lugvaartwette is bye nie veronderstel om te vlieg nie. Hul lyfies is te swaar en hul vlerke te klein. Ons almal kan die noodlot klop en die onmoontlike regkry,” het Joan Rivers, Amerikaanse komediant, op ’n keer gesê. Steeds eetbare heuning is in die Egiptiese grafkelders gevind. Dis saam met die Farao’s begrawe vir soetigheid in die hiernamaals.…

Onthou toe julle kleintyd ver per motor gery het, al die blertse op die voorruit van insekte wat daarteen vasvlieg? Deesdae is dit omtrent skoon. Nie net heuningbye nie, maar al ons byspesies en ook ander insekte word bedreig. Volgens Sharon is ’n hoofrede moderne landboupraktyke. “Grond word in landerye omskep en boere plant boonop een gewas op ’n slag. Daar is nie meer ’n verskeidenheid natuurlike bronne van kos [nektarryke blomplante] nie. “Dan is daar plaagdoders. ’n Nuwe generasie, neonikotinoïede [ook bekend as neoniks], het ’n vernietigende effek op bye en ander insekte.” Sy verduidelik saad word daarmee behandel. Die chemiese residu wat dit agterlaat, bly nie net in die grond agter nie, maar versprei deur die hele plant, stam, blare, blomme, nektar. Dit word in heuning oor die…

Beatrice Tollman, stigter en president van die Red Carnationhotelgroep, reis graag saam met haar honde. Troeteldiere is ook by twee van die groep se hotelle welkom: The Oyster Box in Umhlanga Rocks, KwaZulu-Natal, en The Twelve Apostles Hotel and Spa in Kaapstad. Jou stert-kinders kan gratis saam met jou inboek en by The Twelve Apostles kan Woef onder meer ’n sappige filet op die Bark-A-Licious- en Kiets salm-forel op die Purrfect Choice-spyskaart bestel. ’n Veearts was betrokke by die saamstel daarvan. Uit die annale van The Twelve Apostels (12apostleshotel.com): Gaste wat ’n “babawagter” vir hul troetel-papegaai versoek het; En dié wat plek vir hulself en hul mediumgroot hond bespreek het. Dis toe ’n Deense hond, nou nie die kleinste honderas nie; Die gas wou ’n spesiale hoendergereg hê wat nie…

Hoekom Senegal? Dis nie ’n land wat op die meeste Suid-Afrikaners se toer-lysie is nie, met soveel ander lande op die kontinent wat iets besonders bied. Dit is nogal ’n verleentheid om te erken, maar al wat ek van Senegal geweet het, is dat dit ’n stilhouplek in Wes-Afrika op pad na die VSA is. Gelukkig het my man, Juan, die tipe werk [hy konsulteer in openbare finansies vir die Verenigde Nasies se Kinderfonds, UNICEF] wat jou vinnig uit jou gemaksone ruk. Watter werk doen jy? Ek het meer as tien jaar as ’n grafiese ontwerper en later kunshoof by verskeie publikasies in die Kaap gewerk. Tans is ek ’n bietjie van alles: ’n toermaat, ondersteuningsnetwerk, skoonmaker en tuisteskepper. Ek probeer ook om ’n vryskut- grafiese kunstenaar te wees, maar…

In Februarie 2020 bied ons die 11de SARIE Modeskool aan. Dit is vir almal met bloot ’n belangstelling in mode, dié wat mode hul loopbaan wil maak en ander wat net ’n lank gekoesterde droom wil uitleef om ’n voorkoms of twee bymekaar te sit. Jy sal kans kry om saam met ’n professionele fotograaf, topmodel, grimeerkunstenaar en haarstileerder te werk. Jy gaan leer mode is meer as klere. Aneke Coetzer OOS-LONDEN Studeer BSc Verbruikerswetenskap Wit hemp met luiperdkopmotief, stilis se eie. Brons blinkertop (R499), Woolworths. Beige hoëmiddellyfjeans (R629), H&M. Ronde groen oorbelle (R40), Kelso by Edgars. Swart espadrille-hakskoene (R1 249), Country Road. Groen skouersak en serp in hare, stilis se eie. Sulet Fourie SOMERSET-WES Fotograaf Piouterkleurige oorvourok (prys op aanvraag), Country Road. Roomkleurige hakskoene (R200), Mr Price. Bernice Burger…

Katryn Kruger MY MOOIMAAKFILOSOFIE Dis belangrik vir ons as vroue om te weet dat ons tyd aan onsself mág spandeer. Jy moet in jouself en in jou selfbeeld belê. Só kan jou mooimaak-roetine ’n omgeeroetine word. As jou eie tenk vol is, kan jy makliker vir ander gee. SÓ SPAAR EK TYD My daaglikse grimeervoorkoms neem my minder as 10 minute. Ek begin deur gesigolie, vogroom en sonskerm in ’n opwaartse rigting aan my gesig en nek te smeer. Ek dra nie onderlaag nie en wend net verbloemer onder my oë aan (ek het vreeslike donker kringe) en rondom my neus waar my vel soms effens rooi is. Ek het reeds wilde wenkbroue, maar hou daarvan om dit nóg voller en dikker te maak. Ek kam dit netjies en gebruik…

* Pryse korrek met druktyd…

Ná drie maande van getroud wees het Charmaine Watermeyer geweet: Dit werk nie. Dit gaan nooit werk nie. Sy is uiteindelik geskei. Hendrik Groenewald het weer ’n lang en ernstige verhouding agter hom gehad waarin hy baie seer gekry het. Nie een was op soek na liefde nie – maar toe dans hulle mekaar letterlik een Januarie-aand in 2016 op die dansbaan raak. Sy het hom van skooldae onthou, vertel Charmaine – “so ’n maer outjie met puisies wat in standerd agt altyd by my boetie kom PlayStation speel het”, en skielik stamp hierdie man met die “pragtige skouers, mooi lyf en mooi lag” teen haar. “Ek was dadelik verlief !” Ons het mekaar letterlik op die dansbaan raakgedans!Hendrik en Charmaine Groenewald ’n Week later het hy in Kusweg in…

Al dié een gehoor: Pienk tablette het ’n groter stimulerende uitwerking as bloues. Behalwe by Italiaanse mans, bloues laat weer hul adrenalien pomp. Dis waarskynlik omdat die Italiaanse sokkerspan blou dra. Nee, groenes is nog nie op Suid-Afrikaners getoets nie. Maar dit kan dalk ons harte op loop laat gaan. Gestres? Probeer ’n blou kalmeerpil. As jy pyn het, is ’n wit pynpil weer beter. Duur tablette met handelsname is beter pynstillers as goedkoop, generiese soorte. Groter tablette is meer doeltreffend as kleintjies. En kapsules meer as tablette. Sommige studies suggereer selfs inspuitings is doeltreffender as pille. Dis nie die nuutste meme nie. Fopmedisyne, of plasebo’s, is erns in die wetenskapwêreld. Dis nou die verskynsel waar jy ’n pil sonder enige aktiewe bestanddele (soos ’n suikerpil) neem en dit het…

hoe lank moet jy ly om ’n lewe te lei Uit Willem S van der Merwe se gedig “refrein” in sy bundel Nuwe vrese (Naledi, R220) 22 Years Matthew Willman (self uitgegee, R350), bestel by matthewwillman.co.za/books Die eklektiese versameling van meer as 280 foto’s verteenwoordig Matthew Willman se loopbaan die afgelope 22 jaar as fotograaf reg oor die wêreld. Vir hom gebeur die towerkrag wanneer die gewone deur sy lens buitengewoon word en net so ’n klein grepie van die lewe vir ewig in beeld vasgelê word. Hy plaas uiteenlopende foto’s neffens mekaar en daardeur lei hy die kyker tot ’n groter bewustheid van die vervlietendheid van die lewe. In meer as 42 lande het politici, kunstenaars, filantrope en sportsterre voor die Durbaniet se kamera gepronk. Een van sy grootste…

’n Opdrag uit die graf en erflating wat haar hele lewe sou verander: Hier is vir jou ’n vliegtuigkaartjie, gaan woon vir drie maande in die Glencoe-vallei in Skotland Nadia de Kock vertel in Die Wolkversamelaars (Kwela, R270) ’n meesleurende liefdesverhaal waarin die karakters se verlede telkens bepaal wat in hul toekoms gaan gebeur. Talla klim op die vliegtuig op soek na stories oor tartan en weefpatrone, as inspirasie vir die klerereeks wat sy wil ontwerp. In haar bagasie ’n roomysbak met haar oorlede vriendin Theresa se as, ’n digbundel van Breyten Breytenbach en ’n wolkversamelaarboekie. Haar stokperdjie is om wolke te identifiseer en dan in die boekie af te merk. By die herberg Munro’s ontmoet sy ’n klomp karakters wat vinnig deel van haar bestaan word. Mikey wat oor…

Die digter I.D. du Plessis het in sy gedig “Vreemde liefde” ’n frase gemunt wat nou al spreekwoordelike status gekry het: Die liefde neem ’n duisend vorme aan. ’n Metaforiese duisend vorme, want elke paartjie op die aardbol wat verlief is, glo mos dat húl ervaring die enigste, die mees sublieme vorm van liefde is. So móét dit wees, want geseënd is die mens wat steeds verbly en verwonderd is deur sy persoonlike ervaring van Die Liefde. Navorsing oor gelukkige huwelike het ’n paar interessante bevindinge gemaak. Een daarvan is dat huwelike wat op ongewone plekke voltrek word, nie bra ’n kans staan nie. Paartjies wat met groot moeite en koste onder die water trou, of afhaak (of vashaak) tydens ’n valskermsprong, se ewige trou duur blykbaar nie baie lank…

Dit het so lanklaas gebeur, maar ek het die monster dadelik herken, vyfuur vanoggend ruk ek wakker, dolk in die rug, doringdraad in die bors, staalpen deur die slape, oorlogsweet op die voorkop, spooktande wat woestyntong in my mond. Hoekom sou ek ’n paniekaanval in my slaap kry? Ek vergeet alles wat ek geleer het, die egalige asemhaling, die oorgee aan die donkerte en die wete dat my liggaam besig is om te reageer. Ek is woedend. Hierdie tyd van die jaar? Ek moet mos ontspanne wees, ver van vrees en bekommernis? Het ek te laat geëet? Verkeerd geëet? Wat het ek gelees? Het iemand nog ’n neurotiese boodskap aangestuur? Ek onthou meteens: Daar was ’n spesiale program op televisie, Nobelpryswenners het iewers in Swede om ’n groot ronde tafel…

Kleintyd, as die grootmense Sondagmiddag gaan dut het, het ek tot by my elmboë in seepskuim gestaan. Die skottelgoed was baie, my ma het vir ’n leërskare gekook. Maar so was die oorskietkos, alles myne as ek opwas. En ’n weeklikse bederfie vir die meer as twintig plaaskatte wat ek onder my vlerk geneem het. Hul name was tekenend van die huidige fase waarin ek was: Jacques, Jean-Pierre en Petite, my Franse gier; Yoda en Jabba: Star Wars mos . . . Katte, ’n passie wat die toets van die tyd deurstaan het. Die punte van my hart se kos word deesdae by veeartsenywinkels gekoop, wetenskaplik ontwikkel vir elkeen se unieke behoeftes: Nina is besig en maer, Santjie lekker dik en die bejaarde Matjie vol artritis. Watter kos uiteindelik in…

A  @home 0860 834 834 home.co.za Ashley Furniture HomeStore 012 749 3100 ashleyfurniturehomestore.co.za B  Block & Chisel 010 593 9308, 021 726 3131, 021 712 5193 blockandchisel.co.za C  Cotton On 011 268 3700 cottonon.com/ZA Country Road 0860 022 002 woolworths.co.za E  Edgars 0800 203 925 edgars.co.za Eurolux 021 528 8400, 011 608 2970 eurolux.co.za F  Forever 21 021 555 3324, 076 153 1005 Forever New 011 883 4585, 021 419 4552 forevernew.co.za Fujifilm 011 430 5400 fujifilm.eu/za H  H&M 0860 690 707 hm.com/za HempLove 083 611 3070, 079 466 8444 hemplove.co.za Hertex Fabrics 0860 437 839 hertex.co.za Home Fabrics www.homefabrics.co.za J  Jacques LaGrange 082 268 1102 K  KARE kare-design.com/za/en K. Light Import 011 312 1247, 012 552 4370 klight.co.za L  Lovisa 011 268 0257, 021 551 1051 M  Mr Price…

Jonger VAN BINNE Skoonheidsaanvullings wat jou vel van binne ’n hupstoot gee, is groot nuus. Die handelsmerk FutureLife se nuwe Beauti Food-reeks bestaan uit skommels en stafies met bioaktiewe kollageenpoeier. Dit beteken die kollageenpeptiede word vinnig geabsorbeer deur jou liggaam en na die dieper vellae gevoer waar dit help om jou vel ferm en plomp te hou. Boonop is die aanvullings in die heerlikste geure te kry – Franse vanielje, sjokolade-brownie en karamel-latte. MONICA HOU VAN Met ghd se unieke Oracle-krultoestel kan jy in ’n kits van strandkrulle tot Hollywood-golwe in jou hare skep. Jy knyp ’n string hare in die “krulkompartement” vas, draai die toestel een keer sywaarts en beweeg dan die toestel skuins met die string hare af. Dis vinniger en eenvoudiger as om dit bv. met ’n…

Dit was ’n klein rolletjie in die kykNET-reeks Dwaalster, haar eerste keer op ’n stel. Die energieinspuiting wat dit Greteli Fincham gegee het, het haar laat dink: Sal ek dit vir die res van my lewe wil doen? Die antwoord was, ja! Maar die finale besluit het sy eers geneem toe sy na die eerste episode van Alles Malan op TV gekyk het. Sy was in matriek toe dié gewilde familiedramareeks verlede jaar op kykNET uitgesaai is. “Ek het gesien hoe die legkaartstukkies van drie maande se harde werk, sweet en bloed bymekaarkom om ’n mooi geheel te vorm. As jy ’n karakter vertolk, vertel jy ’n storie – en vul self oop spasies in. Die skrywer gee jou gewoonlik die voorreg om van die karakter se herinneringe self te…

‘Ek was net klaar met skool en het saam met my vriend gebly omdat ek nêrens gehad het om heen te gaan nie. Ek was lank sonder werk, ons verhouding het deur ’n moeilike tyd gegaan en daar raak ek swanger. Ek was so geskok, want ek het toe pas ’n werk gekry, was ongetroud . . . En sê nou maar hy los my, waarnatoe gaan ek? Ek was ook bang ek is nie ’n goeie ma nie. Netnou is ek soos my ma, wat nie veel moeite met ons gedoen het nie. Die kinderhuis moes haar altyd kontak om te hoor of ons vakansies by háár kon gaan bly. Nooit het sy of my pa oor ons navraag gedoen nie en dit het gevoel of hulle ons sommer…

Baie mense wil graag glo hulle is onvervangbaar Louisa Niehaus Drs. Andri Burger en Annemarike de Beer van Synergy Psychological Services gee hul wenke: Begin ’n joernaal waarin jy jou gevoelens neerskryf. Dit kan jou help om jou gedagtes te orden en sin te maak van wat gebeur het. Stel klein doelwitte en maak tyd vir dinge waarvan jy hou, soos om dalk drie keer per week te gaan stap, een keer per maand vriende vir ete te nooi, of te leer hoe om daardie kraan te vervang wat jou eks altyd reggemaak het. Werk doelbewus daaraan om jouself en jou eks te vergewe sodat jy die woede wat jy ervaar, kan laat gaan. Om te vergewe is ’n daaglikse keuse. Oppas vir “wat as”-gedagtes. As dit jou nie help…

Navorsers het vir die Circulation-studie na die rekords van meer as 28 000 mense gekyk wat weens hartaanvalle gehospitaliseer is. Die hospitalisering van jonger mense, 35-54 jaar, het van 27% (1995-1999) tot 32% (2010-2014) gespring. Die toename was nog meer merkbaar onder jonger vroue: Tussen 1995-1999 was sowat 21% van aangemelde hartaanvalle by jonger vroue. Dit het tussen 2010-2014 gestyg tot 31% (dus met 10%). Daarteenoor het hartaanvalle by jonger mans in dieselfde tyd met 3% toegeneem (van 30% tot 33%).…

“Die raad dat jy ’n oorpluisie in jou oorkanaal moet druk om die pyn van middeloorontsteking te verlig klink argaïes en lagwekkend. Hoe kan ’n stukkie watte in die buiteoor help vir pyn in die middel van die orgaan? Dit kan. Die rede is nie die watte nie, maar die positiewe druk wat dit op die oortrom uitoefen. Dit verminder die spanning in die sensitiewe oortrom en siedaar, minder pyn. Jy kon netsowel ’n stuk kougom of kerswas ingedruk het. ’n Plasebo is anders. Dis ’n stof wat nie oor enige farmakologiese werking beskik nie. Tog bring dit simptomatiese verligting by sowat die helfte van pasiënte wat dié nuttelose stof neem. Twee dinge is opvallend. Eerstens is dit die doeltreffendste by pasiënte wat aan spesifieke toestande ly, soos pyn en…

Hoe begin ’n verhaal vir jou, met ’n karakter of ’n gebeurtenis? Met dié boek het ek vir lank met die idee in my kop rondgeloop, ’n storie met ’n klomp mense. Ek wou dit op so ’n manier doen dat dit voel asof jy inval in elkeen se lewe en dit moet op ’n plek wees waar dit vir jou lekker is om te lees. Jy moet wonder wat hier aangaan. Ek wou nie elkeen se storie van begin tot einde skryf nie. Voor dié boek was ek besig met my tweede boek ná Split, maar ek het daarmee gesukkel. Toe skryf ek Die boek van gelukkige eindes, en omdat dit so lank gebroei het, kon ek aangaan. Vir die een waarmee ek vanjaar wil aangaan, is daar reeds…

Michelle Botes gloei – haar vel lyk soos porselein en haar donkerbruin hare, nog in dieselfde kort styl waarmee kykers haar destyds op kykNET se Binneland Sub Judice leer ken het, blink in die middagson by die Binnelanders-stel in Johannesburg. “Dis die seelug!” sê sy. “Ek het ook ophou rook vir omtrent ses jaar, wat wondere vir die vel doen. Eintlik begin ek weer vir myself vaal lyk noudat ek terug is in Johannesburg . . . want natuurlik rook ek weer,” lag sy. Michelle het die afgelope sewe jaar naby Wildernis in die Suid-Kaap gewoon. Daar, vertel sy, het sy nooit grimering gedra nie. “Ek het byna nooit vir myself in die spieël gekyk nie. Dit het my so goed gedoen, my vel het vernuwe, want ek het van…

Hoekom het jy besluit om ’n dokumentêre program soos Skeef te maak? Dit was ’n passie-projek. Skeef * plaas die kollig op verskeie kwessies waarmee ek lank moes worstel. Ek het aan die einde van 2018 besef dat dit kwessies is waarmee baie ander ook sukkel. Daarom wou ek my platforms gebruik om oor geloof, liefde en die Afrikaner-identiteit in die LGBT-gemeenskap te gesels. Ek wou gay-wees in Afrikaans normaliseer. Was jy aanvanklik huiwerig? Ja, want dit gaan oor my eie struikelblokke. Daar’s ’n unspoken rule: Mense wat in die kollig is, moenie oor hul seksualiteit praat nie, veral as jy in Afrikaans werk – dit kan mense afskrik en jy kan daarna selfs moeilik werk kry. Ek was onseker oor hoe dit ontvang sou word. Maar ek is tevrede,…

Heuning het antibakteriese, teen-inflammatoriese en antiseptiese eienskappe en word in baie skoonheidsprodukte gebruik. Só het die skoonheidshuis APIVITA ’n reeks van sowat 300 produkte met byebestanddele vir jou hare, gesig en lyf (sien bl. 88). Hulle gebruik heuning vanweë die verdunnings- en bevogtigingseienskappe, volgens dr. Konstantinos Gardikis, hoof van navorsing en ontwikkeling. Die skoonheidshuis Burt’s Bees het sy ontstaan aan kerse te danke – gemaak van die Amerikaanse byeboer Burt Shavitz se oorskiet-was. Volhoubare byewas, heuning en koninginjellie (of byemelk) is vandag ’n kernbestanddeel in hul lip- en velsorgprodukte, volgens Monica van der Walt, SARIE se skoonheidsredakteur. Bye is ’n gewilde tema in die modewêreld. Gucci het tans ’n reeks bye-modeartikels (dasse, hemde, sakke). Maar dié tendens is nie nuut nie. ’n Goue Minoïese hangertjie in die vorm van ’n…

Die aanhou van troeteldiere is nie ’n nuwe tendens nie. Argeoloë het tienduisend jaar oue grafte gevind waar mense en honde saam begrawe is. In sommige kulture soos dié van die Skandinawiërs is honde millenniums lank reeds werkers én kamerade. Maar die neiging het nou selfs versprei na dele van die wêreld waar dit nie tradisie is om in ’n gemakstoel met ’n wollerige vriend te ontspan nie. Soos Asië, waar ’n hond se plek eens in ’n pot met kruie was. En katte gebruik is om tonikums te maak. Die groeikoers van die troeteldierbedryf in Asië van 2017-2022 gaan na verwagting 8% wees. Die Suid-Koreaanse president, Moon Jae-in, het ’n weggooi-hond aangeneem. Die Chinese, waar ’n troeteldier in die huis nie so lank gelede nie nog as bourgeois beskou…

MOOISTE PLOOIE ’n Maksiromp met plooie is elegant en vroulik. Voeg daarby ’n kantbloes vir sensualiteit. Geplooide maksiromp van satyn (prys op aanvraag), Stefania Morland. Deursigtige korset met knopedetail op rug (prys op aanvraag), Stefania Morland. Roomkleurige kantbloes (R429), Forever 21. Wit leertekkies (R1 499), Pesso. GROOTTES Romp: Grootte op aanvraag Korset: Grootte op aanvraag Bloes: XS – XL KOEL IN ’N PAK Semiformeel, sensueel en prakties – in dié wit kortbroekpak gaan jy die koppe laat draai. Dra dit saam met bonkige juwele of selfs ’n kopband. Wit baadjie van linnemengelstof (R1 299) met bypassende kortbroek (R799), Forever New. Kant-kopband (R150), Poetry. Skulpoorbelle (R220), Lovisa. GROOTTES Baadjie: 6 – 14 Broek: 6 – 14 FOKUS OP DETAIL Oorvourokke is een van die vleiendste items om te dra, met ekstra…

Teken in en wen (bl. 7) 1. Die beoordelaars se beslissing is finaal en geen gesprek of korrespondensie sal daaroor gevoer word nie. 2. Wenners sal telefonies verwittig word en sy/haar naam sal in ’n latere stadium op die webtuiste SARIE.com verskyn. 3. ’n Prys is nie vir kontant omruilbaar nie en kan nie oorgedra word nie. 4. SARIE bied hierdie wedstryd namens TheraVine™ as ’n diens vir haar lesers aan. TheraVine™ voorsien en is verantwoordelik vir die pryse. SARIE aanvaar geen verpligting hoegenaamd t.o.v. die ontvangs van pryse of gestanddoening van die voordele daaraan verbonde nie. 5. Werknemers en hul gesinne van Media24 (SARIE se moedermaatskappy), TheraVine™ en hul reklamemaatskappye mag nie aan die wedstryd deelneem nie. 6. Media24 en TheraVine™ word gevrywaar teen alle eise en/of laste wat…

Eau Thermale Avène Fluid SPF 50+ (R240) Het jy geweet? Studies wys sekere chemiese bestanddele in sonskerm wat van swemmers afwas, veroorsaak dat korale mettertyd wit verkleur en doodgaan. Die skoonheidshuis Eau Thermale Avène het daarom al hul sonprodukte herformuleer met bio-afbreekbare bestanddele wat moeiliker deur die seelewe opgeneem word. By Dis-Chem en Clicks. Dermaceutic Sun Ceutic SPF 50+ Universal Shade (R670) Dié sonskerm van Dermaceutic spog met ’n nuwe, getinte formule wat jou vel liggies bedek. Dit bevat ook ’n spesiale kompleks wat jou vel se herstelvermoë ’n hupstoot gee sodat lyntjies sagter lyk. By uitsoekestetiese klinieke en dermastore.co.za Island Tribe Kids Light Lotion SPF 50 (R190) Hierdie sonskerm is superwaterbestand en beloof om tot vier uur beskerming teen UV-strale in die water te bied. Dit maak dit ideaal…

VOEG IETS SAGS BY Gordyne bied nie net privaatheid nie, maar dra ook by tot die atmosfeer van jou slaapkamer. Kies duursame gordyne in ’n neutrale kleur sodat jy baie jare se gebruik daarvan sal hê. Hierdie gordynstof met ’n subtiele grafiese patroon is ’n mengsel van poliësterkatoen (R516 p.m.) en deel van Home Fabrics se Terranova-reeks. BELÊ IN ’N RUSBANK ’n Rusbank is gewoonlik die fokuspunt van ’n leefruimte en jy kan vir baie lank met net die bank oor die weg kom. Koop die beste een wat jy kan bekostig (loer in by Block & Chisel) en maak seker dat dit by jou smaak en leefstyl pas. Skaf goedkoop vloerkussings aan sodat jy en jou gaste sommer op die vloer kan kuier. Die mure is liggrys geverf (’n…

Rina Steyn*, ’n regsgeleerde en ma van vier van Pretoria, was geskok toe haar graad 11-dogter haar vier jaar gelede vertel sy is swanger. “Jy dink nooit dit gaan met jou kind gebeur nie. Sy was ’n toppresteerder en baie verantwoordelik. Dit was asof iemand ’n lem deur my hart gedruk het.” Toe dit ’n jaar tevore geblyk het dat haar dogter in ’n ernstige verhouding is, het Rina haar gevra of sy op die Pil wou gaan. “Maar sy het my verseker dit is nie nodig nie. “Ná die skoknuus het ek my dogter kliniek toe geneem vir berading en voorgestel dat sy ’n aborsie of selfs aanneming oorweeg. Ek was ten gunste van ’n aborsie omdat sy volgens my te jonk was vir die eise van moederskap en…

SIMPTOME MANS Meestal “tipiese” simptome Borspyn, kortasem, pyn kan na rug, kakebeen of linkerarm versprei VROUE Dikwels “nie-tipiese” simptome Ervaar nie “styfheid” in bors nie, eerder ’n “ongemaklike” gevoel Maagpyn wat met slegte spysvertering verwar kan word SIMPTOME BY ALBEI GESLAGTE Swakheid/moegheid Swaar klop van hart of fladdering Rusteloos, sweet Angs, ’n gevoel van onheil Naarheid/vomering…

Brand , Fanie Viljoen (Tafelberg, R190) Arian voel soos ’n buitestander in sy gesin. Sy broer en suster is presteerders; hy nie. In sy oë is hy ’n loser wat net graad 11 wil oorleef. Hy probeer heeltyd sy pa en sy kritiek van sy rug af kry. Estie, ’n meisie sonder vriende in sy skool, bevriend hom op sosiale media. Maar sy raak obsessief en begin hom agtervolg, aanlyn en in die werklike lewe. Soos sy hom dophou, openbaar Arian sonder dat hy weet sy geheime aan haar. Wanneer hy deur sy pa gedwing word om ’n skoolberader te sien, moet Arian sy emosies konfronteer. Sal sy en Estie se vriendskap al die geheime tussen hulle kan oorleef? Die verhaal oor obsessies is roerend. Viljoen skryf oortuigend oor…

Die ou Kelte – die Skotte en Iere – het geglo die hemel en aarde is slegs ’n meter uitmekaar. Hulle het ook geglo daar is plekke waar dié afstand nóg kleiner is en het dit “dun plekke” genoem. Talla draai die boek ’n aks na haar toe sodat sy makliker kan lees. Hongkong se lughawe is beslis ’n dun plek, sê die boek. Die Blou Moskee in Istanboel ook. Nader aan die natuur is Mulleiland aan die Skotse kus en Slea Head in Ierland bekende dun plekke. Die boek behoort aan die vrou in die vliegtuigsitplek langs Talla, maar sy is badkamer toe en Talla tel dit van die sitplek op. Die foto op die voorblad is dié van ’n vervalle kasteel. “Stel jy in dun plekke belang?” Dit…