Indholdsfortegnelse for March 2020 i SARIE

Om vas te sit is nooit ’n goeie idee nie. Nie met mense nie, nie in ’n hysbak of in die verkeer nie, ook nie in ’n kleedkamer nie. Ek het al my kwota vassit gehad. Soos ’n paar jaar gelede op ’n luukse trein, toe die deur van die stort so tussen stoom en ’n geskommel vasgesuig en my senuwees genadeloos beproef het. Of een wintersaand verlede jaar toe die hysbak in ons gebou op die sestiende vloer tot stilstand geruk en die interkom-man my inlig: “Die beheerkamer is in Doebai . . .” Dít wil ek ver, ver uit my gedagtes verban. Wat ek wel onthou, en steeds verskaf dit plesier in my familie, is die Kersdag toe my suster en niggie in twee groot, leë blompotte op…

Troubeplanner en blomontwerp Zavion Kotze: @zavionk, @zavionkotzeeventscompany Fotografie Hanri Human Photography: @hanrihumanweddings Video Hauke Wedding Films: @haukeweddingfilms Glasstruktuur Downings Marquee Rentals: @downings_marquee Papierontwerpe Chrystalace Wedding Stationery: @chrystalace Onthaalplek La Parislandgoed: @laparisestate Trourok en strooimeisierokke David’s Bridal: @davidsbridal Bruidegom se pak Gert-Johan Coetzee: @gertjohancoetzee Meubels Reserved Exclusive Furniture: @reservedexclusive Butlers SA Butler Academy: @saba_butler_academy Klank en beligting @kilowattavsa Kroeg @shakeandservesa Orgideë @marvellousorchid Wyn en MCC @deetlefswineestate Grimering @reneedewitmakeupartist Hare @irina_grant_makeupartist Blompotte @allthingsweddingsa Blomverskaffer AMP Flowers Blomverskaffer @ilubasouthafrica Koek @kellyjaynecakes Verrassingsanger @matthewjmole Bome, vloer, liggies, kandelare, seremoniestrukture @inandoutevents Geskenkies @1701brand Dansvloer-viniel Wolfcor Neon-bord DBD Signs…

Nicole Fortuin moes vir rolle al haar hare laat bleik, knip en kleur. Meeste van haar waagtoertjies doen sy self: Sy het al geveg en geskiet, is deur ’n hyskraan opgelig en moes op tafels val. “As ek ’n transformasie vir myself kan regverdig en ’n plan het om dit veilig te doen, is ek oopkop oor hoe ver ek vir ’n rol sal gaan.” Fame gaan saam met haar soort werk, maar kan jou verander, sê sy. “Jy moet soms ekstra moeite doen om ’n skyn van privaatheid te behou. En soms blaas dit iemand met soveel selfbelang op dat hulle vergeet waaroor dit gaan – stories vertel en spanwerk. Ek wil net stories vertel. Steeds in ’n karakter kan verdwyn. Een van die grootste pluimpies wat iemand my…

Twee weke voor Kersfees hang ’n reusewolk oor Sydney. Baie glo die lugbesoedeling was nog nooit só erg in dié kosmopolitiese wêreldstad nie. Die bosbrandseisoen in Australië het verlede jaar vroeër begin ná ’n buitengewoon warm en droë winter, met navorsing wat wys dit is tans die droogste kontinent naas Antarktika. Wêreldwyd het mense vasgenael voor TV-nuuskanale of YouTube gesit en kyk na emosionele tonele soos dié van Lewis, die klein koala, wat in bosbrande in die staat Nieu-Suid-Wallis deur ’n vrou gered is toe sy haar hemp om hom gedraai het. Hy is ’n week later weens sy wonde uit sy lyding verlos. Sedert September het 25 mense en meer as ’n miljard wilde diere al in die brande reg oor Australië omgekom, sowat 2 000 geboue en miljoene…

BORSEL ’n Groot, ronde onderlaagborsel is die maklikste om te gebruik en verseker elke keer ’n gladde, afgeronde voorkoms. Spuit ’n bietjie onderlaag op die bokant van jou hand, tik die borsel daarin en gebruik dan klein sirkelbewegings om jou vel met die onderlaag te “poleer” (buff). VINGERS Gebruik jou vingers vir ’n dikker, romeriger formule. Die hitte van jou vingers sal help dat die formule makliker oor jou vel gly en lewer ’n meer natuurlike, deursigtige afwerking. SPONSIE DIt werk goed om onderlaag mooi egalig oor jou vel te versprei, en om enige oortollige produk te verwyder nadat jy dit met ’n borsel of jou vingers aangewend het. Onthou om jou onderlaagsponsies elke twee maande te vervang omdat bakterieë maklik daarop opbou.…

7. Vir foutlose onderlaag is ’n ronde onderlaagborsel soos Real Techniques Expert Face Brush (R210) ’n moet-hê 8. ’n Gesiglappie-masker wat jou vel in ’n kits bevog en porieë verbloem vir ’n gladde onderlaagbasis – Skin Republic Prime + Refine 3 Minute Primer Face Mask Sheet (R52). By Dis-Chem en superbalist.com 9. Spuit Sorbet Make Up Fix Matte Setting Spray (R170) aan ná jy grimeer het en deur die dag om grimering te verfris. By Clicks 10. Dié gesigpoeier is waterbestand, wat dit ideaal maak vir warm, vogtige dae – GOSH Waterproof Setting Powder (R240). By Foschini, Edgars en Truworths…

BioNike Defence My Age Intensive Renewing Serum (R415) ’n Serum, dag- en nagroom in BioNike se Defence My Age-reeks is spesifiek ontwikkel om in vroue bo 50 se velsorgbehoeftes te voorsien. In jou middeljare begin jou vel sukkel om homself te beskerm en herstel, wat beteken die effek van sonblootstelling, besoedeling, ’n ongesonde dieet en min slaap wys vinniger. ’n Spesiale kompleks wat onder meer damasroos-ekstrak bevat, maak jou vel meer veerkragtig en verbeter hidrasie, soepelheid, fermheid én helderheid. By Dis-Chem Dermalogica Phyto Replenish Body Oil (R959) Aanhangers van Dermalogica sal opgewonde wees om te hoor dat dié velsorghuis nou ook lyfprodukte het. Ons hou veral van die lyfolie propvol vitamien E en omega-vetsure om die lipiede in jou velwand aan te vul en vog in te seël. Essensiële olies…

Herman se HEUNING-ENKARRINGMELKBROOD genoeg vir 1 brood 85 ml heuning plus ekstra vir voorsit 100 ml louwarm water 250 ml volroom-jogurt 45 ml olyfolie 1 x 10 g-sakkie kitsgis 500 g (890 ml) koekmeel plus ekstra vir uitrol en oorsif 10 g sout Plaas heuning, water, jogurt en olie in bak van elektriese menger. Voeg res van bestanddele by en meng tot sagte, kniebare deeg vorm. Knie 5-8 minute of tot deeg glad is. Plaas in skoon bak wat met olie gesmeer is. Bedek bak met kleefplastiek en laat deeg 30-40 minute rys op warm plek tot dubbel die volume. Sprinkel meel op werkvlak en keer deeg uit. Knie af en vorm in bal. Plaas deegbal in ronde koekpan van 22 cm wat goed gespuit is met kleefwerende kossproei. Sif…

A @home 0860 834 834 home.co.za Amanda Laird Cherry 031 312 2575 amandalairdcherry.com August 076 143 5635 august1983.com B Block & Chisel 010 593 9308, 021 712 5193 blockandchisel.co.za C Cotton On 011 268 3700 cottonon.com/za D Dulux 0860 330 111 dulux.co.za Duram 021 555 3090 duram.co.za E Eurolux 011 608 2970, 021 528 8400 eurolux.co.za G Glitterati 082 819 5247 H Habits 021 671 7330 habits.co.za HempLove 083 611 3070, 079 466 8444 hemplove.co.za Hertex 0860 437 839 hertex.co.za H&M 0860 690 707 hm.com/za L Levi’s 0861 444 353 levi.co.za Linen Drawer 021 872 0108 linendrawer.co.za M Maven Collection 072 587 6640, 072 453 2889 mavencollection.co.za Mr Price Home 0800 212 535 mrphome.com P Philippa Green 021 424 1102 philippagreen.com Pichulik 082 222 3635, 082 079 1670 www.pichulik.com Poetry…

Toe duisende Britte en Europeërs deur die Tweede Wêreldoorlog ontwortel is en deur honger in die gesig gestaar is, het 22 Amerikaanse hulporganisasies saamgespan – en CARE (voorheen Cooperative for American Remittances to Europe) gestig. Die eerste 15 000 CARE-bokse met kosvoorraad het op 11 Mei 1946 die hawe van Le Havre in Frankryk bereik. Bokse was bloot gerig aan: “’n Honger man in Londen” of “’n Weduwee en ma in Italië”. Duisende Amerikaners en Hollywoodsterre, aangegryp deur hul lot, het by die projek betrokke geraak. (The Guardian) In die jare sewentig en tagtig het Suid-Afrikaanse dienspligtiges wat vir grensdiens opgeroep is of oor die Kerstyd op die grens was, ’n toeritsleersakkie by die Suiderkruisfonds, onder leiding van Elizabeth Albrecht, gekry. In die “Dankietannie-pakkie”, soos troepe dit genoem het, was…

Jy dra die boek op aan jou eksman, David Bishop. Wil jy iets daaroor sê? Theresa Marais se eksman sterf in ’n inrigting. Dit het met my gebeur. Daar is ’n klomp dinge wat in die boek gebeur wat nie my storie is nie, maar ek was wel getroud met ’n man wat skade opgedoen het en bipolêr was en wie oor baie jare geleidelik die kluts kwytgeraak het en in ’n inrigting oorlede is. Ons was baie lank uitmekaar en die idee van die boek was al lank by my. Ek het nooit sy psigologiese skade so direk teruggelei na die Grens toe nie. Daar het baie ander dinge in ons lewe gebeur wat ek gedog het deel van die skade is. Terwyl ek al besig was om die…

Dis een van daardie tonele. Te belaglik vir ’n rolprent of ’n storieboek. Ek staan iewers in ’n Europese stad, voor my is ’n majestueuse katedraal. Ek wil ’n foto neem en wag vir die perfekte oomblik, ’n deur moet asseblief oopgaan en ’n priester of ’n non moet verskyn en ’n ligte wind moet asseblief dramatiese voue in die vloerlengte gewaad veroorsaak. ’n Deur gaan oop, ek lig my selfoon. ’n Beeld van ’n man verskyn, lank, jonk, gespierd, aantreklik, ’n donker lok hang oor sy voorkop, ’n wit T-hemp span oor sy vierkantige bors. Op die T-hemp is groot swart letters. IN THE MOMENT, sê dit. Drie woorde onder mekaar. Ek laat sak my selfoon en raak benoud oor my hartklop. Hier staan ek. Te kort, te dik,…

“Ek het gevind dat die hantering van boeliegedrag op individuele vlak (soos om die boelie se ouers te gaan sien) dinge dikwels net vir die slagoffer erger maak,” sê dr. Morkel. “Skole doen deesdae baie om ’n bewusmaking van boeliegedrag te skep, moedig leerders aan om dit in die ope te bring en vir mekaar in die bresse te tree. Ek vind dit altyd ironies dat ek oor die jare soveel slagoffers van boeliegedrag gesien het – en so min jongmense verwys word omdat hulle die boelie is. Tog gebeur dit beslis baie meer as in die verlede omdat daar ’n groter bewustheid is.” En as jou meisiekind die boelie is? “Maak nie saak wat gebeur nie, dit gee jou nie die reg om ander af te knou nie. Ouers…

Wat doen julle in Georgië? Ek en my man, Lambert, het in 2012 op uitnodiging van ’n mede-Suid-Afrikaner vir die eerste keer kom loer hoe dit hier lyk en watter moontlikhede hier is. Ons het so baie gehou van wat ons gesien het, dat ons in 2013 twee plase, 130 km van mekaar, gekoop het. Plase in Europa is heelwat kleiner as in SA en dit was belangrik om ’n kopskuif te maak oor intensiewe boerdery op kleiner grond. In Junie 2014 het ons die een naby die hoofstad, Tbilisi, begin ontwikkel. Ons het gras, lusern en mielies geplant en spilpunte opgesit. In September 2016 het ons ons eerste sewe beeste net voor die winter gekoop om onsself met kennis te verryk oor hoe om in die geharde winterstoestande met…

Soek jy Afrika se stilte en die towerkrag van die natuur, klop min plekke Kapama. Daar waar die Kapama- en Klaserie-rivier loop. Dis outentiek, luuks, ’n stukkie kosbaarheid van 13 000 ha naby die Blyderivier-canyon en knus teen die Krugerwildtuin. Tuiste van 350 voëlsoorte en meer as 40 dierespesies, waaronder die Groot Vyf. Die grond is oorspronklik gekoop vir beeste, maar wyle eienaar Johann Roode het gou besef só ’n boerdery sal die plaaslike ekostelsel ontwrig. Dat die asemrowende stuk laeveld eerder bewaar en omskep moes word in ’n ekobestemming. Vandag is Kapama met sy vier luukse kampe en twee spa’s ’n gesogte wegbreek vir toeriste. En elke kamp het ’n eie sjef en spesialiteitspyskaart. Ná meer as 30 jaar verskaf Kapama, wat steeds deur die Roode-familie bestuur word, werk…

Wanneer jy ’n nuwe onderlaag wil probeer, besoek die grimeertoonbank vir hulp. Vra die assistent om minstens vier skakerings op jou vel te toets. Laat hulle ook die onderlaag oor jou hele gesig aanwend sodat jy ’n behoorlike idee kan kry, sê Marco. Vra vir ’n paar toetsbuisies wat jy huis toe kan neem om te sien hoe die onderlaag in natuurlike daglig op jou vel lyk. As jy minder tyd het om te toets, tik die onderlaag liggies van die bokant van jou wangbeen afwaarts tot net onder jou kakebeen aan, sê Emmanuelle. Kies die skakering wat lyk asof dit in jou vel “verdwyn”. Tik ook ’n bietjie op jou voorkop waar jou velkleur soms donkerder is. Moenie onderlaag op jou hande toets nie. Jou hande is gewoonlik meer…

Elke masker in Nuxe se Insta-Masque-reeks (R330 elk) bevat strelende rooswater gekombineer met drie verskillende aktiewe bestanddele om enige velprobleem in ’n kits te behandel. Die Exfoliating + Unifying Mask met makadamia-olie skilfer jou vel liggies af om dit te versag en te verhelder. Geaktiveerde houtskool in die Detoxifying + Glow Mask (foto) verwyder onsuiwerhede, en die Purifying + Smoothing Mask met kaolien (’n tipe klei) help met verstopte porieë vir ’n egalige en mat veltekstuur. Wend dit so twee keer ’n week aan en spoel ná twee minute af. By uitsoektakke van Edgars, Woolworths en Truworths Dis reeds ’n jaar sedert die modewêreld afskeid geneem het van die ikoniese Karl Lagerfeld, kreatiewe direkteur van Chanel. Maar steeds beïnvloed dié ontwerper, bekend vir sy poniestert en sonbril, style. Een van…

As toneelspel, haar passie, haar oorsee neem en sy kan terselfdertyd die wêreld sien, sal sy die geleentheid aangryp. Mia Dippenaar, een van Curro Create se sterre in die musiekblyspel Broadway to Bird Street* by die Woordfees op Stellenbosch, sal baie waag om haar drome te bewaarheid. “In ons huis praat ons van die swembadeffek. Die laerskool was ’n klein swembad waar mense jou talent begin raaksien. Toe vertolk ek die karakter Duffy in die musiekblyspel Annie in die Kunstekaap, die Olimpiese swembad.” En eendag sal sy die groot oseaan invaar. “Ek glo jy kan jou drome bereik sonder om te veel van jou persoonlike lewe op te offer. Die passie is in my hart geplaas met ’n doel. Maar ek weet ook ek sal hard en gefokus moet werk.…

Die Griekse wysgeer Sokrates het gesê dit is wys dat ’n man trou. “As jy ’n goeie vrou trou, sal jy gelukkig wees. Trou jy ’n slegte een, sal jy ’n filosoof word . . .” “ ’n Goeie wegspringplek is om régtig van mekaar te hou,” meen die akteur Tom Hanks, wat al 31 jaar met Rita Wilson getroud is. Hulle is glo nog net so verlief soos toe hulle op die ABC-sitkom Bosom Buddies ontmoet het. Maar al hoe minder mense is gretig om ewige trou aan mekaar te sweer en al hoe meer mense skei. Inderdaad ’n donker prentjie wat voorgehou word deur Statistieke SA. Tog is daar huweliksmaats wat glo hul lewe sou aansienlik valer sonder die huwelik gewees het . . . Dr. Marjo Terreblanche…

1 Verander jou kommunikasiedoelwit Jou uitgangspunt behoort een van nuuskierigheid oor jou maat te wees wanneer julle oor geld gesels, sê Mary. “Moenie jou maat se benadering oordeel nie. Probeer eerder verstaan hoekom iemand voel soos hulle voel en doen wat hulle doen as dit by geld kom .” Om jul verskillende benadering tot geld as reg of verkeerd te beskou, is ’n resep vir oorlog, sê Chevon. “Moenie mekaar probeer verander of oortuig dat die ander een se manier beter is nie, maar dink eerder hoe julle vorentoe gaan maak met geld. 2 Maak ’n plan Noudat julle weet wat elkeen se uitkyk is, kan julle saam uitwerk hoe om jul aparte en gesamentlike doelwitte te bereik. Dit verg dalk kompromieë, soos dat een ’n bietjie minder moet uitgee,…

“Ek is taai, passievol, kreatief, empaties, eerlik en reguit, dink buite die boks, het ’n groot hart en bons terug ná terugslae. Mense sê ek is snaaks – die manier waarop ek dinge beskryf. My intuïsie het al handig te pas gekom, ek is nuuskierig, hou van vrae vra en dinge leer. Uitdagings skrik my nie af nie. Ek is nie bang om standpunt in te neem nie. “Ek het ook ADHD.” Dit was ’n lang pad tot waar Mari Immelman die toestand nou kan omhels. Kan sê: “Ek sien dit nie meer as ’n skande nie. Dis iets wat ek het, nie wie ek is nie. My probleem is neurologies: My brein permanent in overdrive.” (Lees haar storie op bl. 131.) Mari en ander soos sy leef in ’n…

Die biblioteek aan die einde van die wêreld, Etienne van Heerden (Tafelberg, R360) Dié aktuele roman is ’n onverskrokke poging om die psige van die deursnee-Suid-Afrikaner in ’n onstuimige politieke en sosiale klimaat tot op die been oop te vlek. Dit mag sommige lesers ongemaklik laat kriewel en selfs die bloeddruk ietwat opjaag. Teen die agtergrond van die valliste-kampusbeweging word knelpunte soos identiteit, dekolonisering, wit bevoorregting, kunsmatige intelligensie, sosialemedia-vryheid en die mag van data deeglik uitgepluis. Vir niemand is daar wegkruipkans nie – nie vir Thuli Khumalo, dogter van “struggle-royalty” en valliste-leier, of vir Ian Brand, die wroegende, uitgesproke Afrikaner, nie. Plek-plek smelt realiteit en die absurde saam in ’n opus van oordrewenheid, wat by nadere ondersoek beide ’n skermgreep van die huidige SA realiteit en die moontlike…

Ek sal nooit die trane op Tim se wange vergeet nie. Dit was so opreg en gevul met emosieDemi-Leigh Die herinneringe, die oomblikke, maar bowenal die wete dat jy die res van jou lewe met jou beste vriendin en lewensmaat gaan deurbring . . .Tim Demi-Leigh Nel-Peters, Mej. Heelal 2017, was in New York. Tim Tebow, Amerikaanse bofbalster en stigter van die Tim Tebow Foundation, drie uur se ry van daar in Binghamton, Upstate New York. Dit sou ’n 10-minute-oproep wees om die logistiek van ’n liefdadigheidsgeleentheid te bespreek. Toe word dit 2 uur, 24 minute en 6 sekondes. “En toe vra Tim of hy my weer die volgende dag kan bel. Ons het net dadelik gekliek. “Twee weke later, ná ons eerste afspraak, het ons gewéét. Tim se woorde…

KAREN ZOID “Daar is ’n paar dinge waaroor ’n mens dróóm. Om die volkslied te sing by ’n nasionale byeenkoms, ’n nommereentreffer op die radio, om ’n rockfees te open . . .” Karen Zoid tiek al dié bokse. En daar’s geen einde in sig nie – iets waaroor Zoid-aanhangers allermins kla. SA se voorste vrouerocker wat deur die tydskrif Time en die mediamaatskappy U.S. News & World Report uitgesonder is as een van die land se musiekikone en al die verhoog gedeel het met grotes soos Annie Lennox, Metallica, Seal, UB40 en Hothouse Flowers, vier vanjaar nóg ’n mylpaal. Haar twee dekades in die bedryf. Sy en haar band gaan dit met mening vier met talle spesiale optredes in Suid-Afrika en ook in Ierland, Australië en Nieu-Seeland. Sy gaan…

Wat is die grootste wanopvatting wat mense oor jou beroep het? Dat ons gewoonweg weeraanbieders is. Dat ons net vinnig ingaan ateljee toe en die weer aanbied. Maar 90% van my dag bestaan uit die voorspelling van Suid-Afrika se weer. Die ander 10% is die aanbied daarvan. Hoe verloop jou dag as meteoroloog? Dit begin met die notering van waarnemings – insluitend temperatuur, lugdruk, vogtigheid en wind. Ons gebruik wiskundige en fisiese formules, weermodelle, satellietbeelde, radars en natuurwette om die voorspellings uit te werk. Ons is ’n paar meteoroloë in die span en elke dag het almal ’n ander verantwoordelikheid. Die laaste deel van my dag is om vinnig te gaan vir grimering en hare, die ateljee in te gaan en die weer aan te bied. Ek vertel my weerstorie,…

Die kind kan swak rolmodelle tuis hê oor hoe om op ’n toepaslike manier uiting aan frustrasie en woede te gee, volgens dr. Morkel. “Dit maak hom/haar onverdraagsaam en maklik geneig tot woede-uitbarstings.” Maar boelies kom nie noodwendig uit slegte huise nie. Ons is dikwels (in die huis en/of kultureel) onverdraagsaam teenoor dié wat “anders” is (op ’n manier nie inpas en konformeer met sosiale norme nie). Marlize sê “anders” kan onder meer verwys na fisieke eienskappe, ras- en kultuurverskille, of ’n kind wat lyk asof hy/sy oor ’n ander seksuele identiteit beskik. Dr. Morkel beaam: “Ek het onlangs ’n seun gesien wat fisiek deur ouer meisies geteister is nadat hy uitgekom het as gay.” Kinders wat presteer, kan weens jaloesie ook geteiken word. “Dikwels is die presteerders egter meer…

Stella McCartney is passievol oor ons planeet. En dit is nie net lippetaal nie. Dié vegetariër was een van die eerste ontwerpers wat leer en pels uit haar reeks verwyder het, terwyl die materiale wat sy gebruik, kom van volhoubare bronne wat die omgewing in ag neem. Windtegnologie voorsien krag aan haar ateljees, winkels en kantore. Stella is die Beatlessanger sir Paul McCartney en wyle Linda McCartney, ’n bekende diereregteaktivis, se naasoudste. Van jongs af het sy in mode en ontwerp belang gestel en op 16 ’n intern by die Franse ontwerper Christian Lacroix geword. Ná skool het sy aan die Central Saint Martins-kunsskool in Londen studeer. Vanaf 1997 tot 2001 was sy die kreatiewe direkteur van die Franse modehuis Chloé, waarna sy haar eie ontwerpersreeks bekend gestel het. Sy…

1 PROBLEEM JY WEND TE VEEL ONDERLAAG AAN Baie vroue glo jy moet onderlaag oor jou hele gesig aanwend, maar grimeerkunstenaars is dit eens dat minder beslis meer is. Selfs al verkies jy volledige bedekking, wil jy steeds hê jou onderlaag moet so na as moontlik aan jou natuurlike vel lyk, pleks van aangeplak. OPLOSSING Begin onderlaag altyd in die middel van jou gesig aanwend omdat jou velkleur hier gewoonlik meer onegalig is en werk buitentoe, sê Emmanuelle Geoffrey, internasionale Pro Teamgrimeerkunstenaar van Dior. Staan dan ’n tree terug en besluit of nog ’n bietjie onderlaag nodig is, net op dele met bv. pigmentasie of op merkies. So bou onderlaag nie onnodig teen jou haarlyn en rondom jou kakebeen op nie. “Wend ook altyd jou onderlaag in natuurlike lig…

As gevolg van hormoonskommelinge en stres sukkel ek soms met ’n veluitslag op my ken. Ek het die Environ Focus Care Clarity+ Hydroxy Acid Sebu-Clear Masque (R500, by uitsoeksalonne) beproef en was onmiddellik beïndruk. Die masker span onder meer vitamien A en salisielsuur in om puisies in bedwang te hou. Jy wend dit saans aan ’n skoon vel en spoel dit ná 10 minute af. Ná net drie dae se gebruik was die uitslag weg en my veltekstuur weer egalig. Dit was nie eens nodig vir onderlaag nie. Ek sal dié produk beslis weer koop. Dié vloeibare mat liptint sorg vir intense kleur, is waterbestand en voel veerlig op jou lippe. Dra dié purper vir ’n partytjie-aand uit – Chanel Rouge Allure Ink Fusion in Pourpre (R685)…

BASIESE PIESANGBROOD  (bl. 96) Ek het grootgeword met die resep en hy stel nooit teleur nie. Dit kom uit een van my ma se baie ou kookboeke wat in 1984 verskyn het, Kos en Kookkuns, saamgestel deur die Volksraad, departement onderwys en kultuur. Die boek het net R18,35 gekos! genoeg vir 1 broodjie 120 g (130 ml) sagte botter 150 g (160 ml) suiker 2 eiers 4 ryp piesangs 15 ml suurlemoensap 240 g (430 ml) koekmeel 2 ml sout 5 ml koeksoda 30 ml melk Verhit jou oond tot 180 °C. Klits botter en suiker saam tot lig en romerig in ’n elektriese menger. Voeg eiers een vir een by en klits elke keer goed. Verpulp piesangs in ’n voedselverwerker en voeg suurlemoensap by. Sif droë bestanddele saam en…

SIEN KOOPGIDS * Pryse korrek met druktyd…

1 BLY KALM Hoe meer emosioneel jy raak, hoe meer word dinge gesê waaroor jy later spyt sal wees. 2 MOENIE OP DIE AANVAL WEES NIE Luister, hê ’n oop gemoed, prys iemand. As jy van die begin af besluit iemand is verkeerd, kom jy nêrens met ’n stryery nie. 3 LAAT JOU MAAT SPESIAAL VOEL Hoor en respekteer haar opinie, al verskil julle. 4 OEFEN DIE REGTE GEDRAG Kommunikasievaardighede is nie Harry Potter-boeke wat jy herhaaldelik vir die pret lees nie. Jy moet dit oefen tot dit tweede natuur word. Bogenoemde “reëls” sorg vir 75 persent geluk in jou huwelik. Die orige 25 persent is om op die positiewe in jou huwelik te fokus. Bron: Why Marriages Succeed or Fail: And How You Can Make Yours Last deur John…

Soms het sy net na hom gestaar. Só mooi met sy ronde wangetjies, omkrulwimpers. Lank, soos haar familie, met sy ouma se blou oë. Haar seuntjie met sy blonde krullebol was haar grootste geskenk nog. Hoe gaan ek jou grootkry? het sy momenteel gewonder toe sy sy warm lyfie die eerste keer vashou. Hy was kléin, die enigste seuntjie maar ook die kleinste baba daardie week in die kraamsaal. Oorheersend egter was die emosie van onvoorwaardelike liefde. Die besef: Jou sal ek soos ’n tierwyfie beskerm. Mart* was 35. Sy het ’n uitdagende werk gehad, gereis, haar eie huis besit. En ja, so half jaloers op haar vriendinne met babas. Sy wou ook babadoeke koop! Maar haar ridder op die wit perd het weggebly. Toe raak sy swanger. “Ek het…

“Op my eerste skoolrapport staan: ‘Dis nie vir Mari belangrik om take af te handel nie.’ Kyk ek terug op my jonger self, sien ek ’n verwarde meisietjie. Een wat gesukkel het om haarself te vind, verwerping en kritiek ervaar het en tog geluister het na die stem binne haar wat haar aangepor het om deur te druk – en almal verkeerd te bewys. “Ek is op sestien met ADHD gediagnoseer, maar dinge het nie veel verander nie. Dit wat my anders gemaak het, het nou net ’n naam gekry. Die onderwysers was maar soos hulle altyd was. Ek is vroeg in my twintigs getroud, maar binne drie jaar was dit verby. Dit was ’n toksiese verhouding wat van die begin gedoem was. “Ferdinand, met wie ek vyf jaar gelede…

Wat is dit aan skryf wat my so mateloos boei Uit die gedig “MB3” in Johan Myburg se digbundel Uittogboek (Protea Boekhuis, R195) The World According to Roger Ballen Roger Ballen & Colin Rhodes (Thames & Hudson UK, R940) Die Amerikaans gebore Suid-Afrikaanse fotograaf se werk is nie altyd maklik om te verteer nie. Maar Ballen is een van ons mees erkende kunstenaars en sy werk word die afgelope 30 jaar in galerye oor die wêreld heen uitgestal. In sy werk skep hy sy eie “Ballenesque”-fantasie, ’n plek waar die foto’s losskeur van die werklikheid. Soos hyself sê: “My images have evolved into what I believe is a unique aesthetic, revealing a world that is neither real nor unreal, sane or mad.” Dis juis hierdie ongemak wat jy ervaar wanneer…

In Die seders van Libanon (Lux Verbi, R240) vertel vier vroue die verhaal afwisselend: Ilizabith, ’n jong ma van twee wat ontvoer is deur ’n Moslem-man wat veg om ’n kalifaat in Sirië tot stand te laat kom; Pascale, wat uitreikwerk in ’n vlugtelingekamp vol ontheemde Moslems in Beiroet, Libanon, doen. Dan is daar Talitha, ’n skoolmeisie van Pretoria, wat in haar pa se voetspore wil volg om ook uitreikwerk te gaan doen, en haar skoolmaat, Yasmine, wat ontvoer word, nadat sy op sosiale media met iemand oor haar Moslemskap begin gesels het. Die vier gee jou vanuit verskillende invalshoeke perspektiewe oor hoe vlugtelingskap lyk. Ilizabith se storielyn is aangrypend. Weens die geweldige trauma wat sy ervaar het, het sy ophou praat, sonder dat dit haar stom gelaat het. In…

Dit is twee ure ná middernag. Dis stil en sy behoort goed te kan vorder voor dagbreek. Mits alles goed gaan, natuurlik. As die kinders net nie so swaar was nie! Sy het Leila voor haar bors vasgeknoop en Mohammed agter op haar rug, albei weggesteek onder die swart abaya. Haar buitelyne is seker ’n vreemde prentjie. Iemand moet haar asseblief tog nie sien nie! Mohammed is eintlik te groot om te dra, maar daar is nie ’n ander manier nie. ’n Seuntjie van amper drie is nie ’n maklike reisgesel nie. As die kinders kan aanhou slaap terwyl sy beweeg, is haar kanse beter om weg te kom. Die sak met basiese benodigdhede vir die pad het sy skuins oor haar skouer gehang, bo-oor die hele pakkaas. Sy wens…

Wie het my die storie vertel? Van die klein seuntjie wat baie lief was vir die bejaarde oom en tannie wat hul bure was. En hulle ook vir hom, die klein karnallie. Taks en tyd het die knaap by oom Koos en tannie Pop gaan aanklop, om sy bederfie van koeldrank en koekies by hulle te gaan haal. En vir die groot gesels, soos wat net liefdevolle, ouer mense met ’n kind kan gesels. Nooit was hy onwelkom nie, hulle het sy gebabbel geniet asof hy hul eie kleinkind is. En toe gaan tannie Pop dood. Die knapie se ma sê hy moenie nou daar gaan pla nie, oom Koos is baie hartseer. Maar die seuntjie glip wel weg na die buurhuis en bly die hele middag daar. Toe hy…